Curculio

Perseus Latin · Perseus Latin · 995 sections

1.2.144
cum argénto ad me.
1.2.144b
Magnum ínceptas, si id éxpectas quod núsquamst.
1.2.145
Quid si ádeam ad fores atque óccentem?
1.2.145b
Si lúbet, neque veto neque iúbeo,
1.2.146
quando égo te video immútatis moribus esse, ere, atque ingénio.
1.2.147
Péssuli, heus péssuli, vós salutó lubens,
1.2.148
vos amo, vos volo, vos peto atque obsecro,
1.2.149
gérite amantí mihi mórem, amoeníssumi,
1.2.150
fite causa mea ludii barbari,
1.2.151
sussilite, obsecro, et mittite istanc foras,
1.2.152
quae mihi misero amanti ebibit sanguinem.
1.2.153
hoc vide ut dormiunt pessuli pessumi
1.2.154
nec mea gratia commovent se ocius.
1.2.155
re spicio, nihili meam vos gratiam facere.
1.2.156
st tace, tace.
1.2.156b
Taceo hercle equidem.
1.2.156c
Sentio sonitum.
1.2.157
tandem edepol mihi morigeri pessuli fiunt.
1.3.158
Plácide egredere et sónitum prohibe fórium et crepitum cárdinum,
1.3.159
ne quod hic agimus erus percipiat fieri, mea Planesium.
1.3.160
mane, suffundam aquolam.
1.3.160b
Viden ut anus tremula medicinam facit?
1.3.161
eapse merum condidicit bibere, foribus dat aquam quam bibant.
1.3.162
Vbi tu es, qui me convadatu's convadatus es Veneriis vadimoniis?
1.3.163
sisto ego tibi me et mihi contra itidem tu te ut sistas suadeo.
1.3.164
Assum; nam si absim, haud recusem quin mihi male sit, mel meum.
1.3.165
Anime mi, me procul amantem abesse haud consentaneumst.
1.3.166
Palinure, Palinure.
1.3.166b
Eloquere, quid est quod Palinurum voces?
1.3.167
Est lepida.
1.3.167b
Nimis lepida.
1.3.167c
Sum deus.
1.3.167d
Immo homo haud magni preti.
1.3.168
Quid vidisti aut quid videbis magis dis aequiparabile?
1.3.169
Male valere te, quod mi aegrest.
1.3.169b
Male mi morigeru's morigerus es , tace.
1.3.170
Ipsus se excruciat qui homo quod amat videt nec potitur dum licet.
1.3.171
Recte obiurgat. sane haud quicquamst, magis quod cupiam iam diu.
1.3.172
Tene me, amplectere ergo.
1.3.172b
Hoc etiam est quam ob rem cupiam vivere.
1.3.173
quia te prohibet erus, clam ero potior.
1.3.173b
Prohibet? nec prohibere quit,
1.3.174
nec prohibebit nisi mors méum animum aps te abalienaverit.
1.3.175
Enim vero nequeo durare quin ego erum accusem meum:
1.3.176
nam bonum est pauxillum amare sane, insane non bonum est;
1.3.177
verum totum insanum amare, hóc est quod meus erus facit.
1.3.178
Sibi sua habeant regna reges, sibi divitias divites,
1.3.179
sibi honores, sibí virtutes, sibi pugnas, sibi proelia:
1.3.180
dum mi abstineant invidere, sibi quisque habeant quod suom est.
1.3.181
Quid tu? Venerin pervigilare te vovisti, Phaedrome?
1.3.182
nam hoc quidem edepol haud multo post luce lucebit.
1.3.182b
Tace.
1.3.183
Quid, taceam? quin tu is dormitum?
1.3.183b
Dormio, ne occlamites.
1.3.184
Tu quidem vígilas.
1.3.184b
At meo more dormio: hic somnust mihi.
1.3.185
Heus tu, mulier, male mereri de inmerente inscitia est.
1.3.186
Irascere, si te edentem hic a cibo abigat.
1.3.186b
Ilicet,
1.3.187
pariter hos perire amando video, uterque insaniunt.
1.3.188
viden ut misere moliuntur? nequeunt complecti satis.
1.3.189
etiam dispertimini?
1.3.189b
Nullum homini est perpetuom bonum:
1.3.190
iam huic voluptati hoc adiunctum est odium.
1.3.190b
Quid ais, propudium?
1.3.191
tun etiam cum noctuinis oculis odium me vocas?
1.3.192
ebrióla, persollae nugae.
1.3.192b
Tun meam Venerem vituperas?
1.3.193
† quod quidem mihi polluctus virgis servos sermonem serat?
1.3.194
at ne tu hercle cum cruciatu magno dixisti id tuo.
1.3.195
em tibi male dictis pro istis, dictis moderari ut queas.
1.3.196
Tuam fidem, Venus noctuvigila.
1.3.196b
Pergin etiam, verbero?
1.3.197
Noli, amabo, verberare lapidem, ne perdas manum.
1.3.198
Flagitium probrumque magnum, Phaedrome, expergefacis:
1.3.199
bene monstrantem pugnis caedis, hanc amas, nugas meras.
1.3.200
hocine fieri, ut inmodestis hic te moderes moribus?
1.3.201
Auro contra cedo modestum amatorem: a me aurum accipe.
1.3.202
Cedo mihi contra aurichalco cui ego sano serviam.
1.3.203
Bene vale, ocule mi, nam sonitum et crepitum claustrorum audio,
1.3.204
aeditumum aperire fanum quo usque, quaeso, ad hunc modum
1.3.205
inter nos amore utemur semper surrepticio?
1.3.206
Minime, nam parasitum misi nudiusquartus Cariam
1.3.207
petere argentum, is hodie hic aderit.
1.3.207b
Nimium consultas diu.
1.3.208
Ita me Venus amet, ut ego te hoc triduom numquam sinam
1.3.209
in domo esse istac, quin ego te liberalem liberem.
1.3.210
Facito ut memineris. tene etiam, prius quam hinc abeo, savium.
1.3.211
Siquidem herclé mihi regnum detur, numquam id potius persequar.
1.3.212
quando ego te videbo?
1.3.212b
Em istoc verbo vindictam para:
1.3.213
sí amas, eme, ne rogites, facito ut pretio pervincas tuo.
1.3.214
bene vale.
1.3.214b
Iamne ego relinquor? pulcre, Palinure, occidi.
1.3.215
Ego quidem, qui et vapulando et somno pereo.
1.3.215b
Sequere me.—
2.1.216
Migrare certumst iam nunc e fano foras,
2.1.217
quando Aesculapi ita sentio sententiam,
2.1.218
ut qui me nihili faciat nec salvom velit.
2.1.219
valetudo decrescit, adcrescit labor;

Perseus Latin. CTS URN phi0119.phi008.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.