Curculio
- 1.1.77
nomen Leaenae est, multibiba atque merobiba.
- 1.1.78
Quasi tu lagoenam dicas, ubi vinum Chium
- 1.1.79
solet ésse.
- 1.1.79b
Quid opust verbis? vinosissima est;
- 1.1.80
eaque extemplo ubi ego vino has conspersi fores,
- 1.1.81
de odore adesse me scit, aperit ilico.
- 1.1.82
Eine hic cum vino sinus fertur?
- 1.1.82b
Nisi nevis.
- 1.1.83
Nolo hercle, nam istunc qui fert afflictum velim;
- 1.1.84
ego nobis afferri cénsui.
- 1.1.84b
Quin tu taces?
- 1.1.85
si quid super illi fuerit, id nobis sat est.
- 1.1.86
Quisnam istic fluviust, quem non recipiat mare?
- 1.1.87
Sequere hac, Palinure, me ad fores, fi mi obsequens.
- 1.1.88
Ita faciam.
- 1.1.88b
Agite bibite, festivae fores;
- 1.1.89
potate, fite mihi volentes propitiae.
- 1.1.90
Voltisne olivas aut pulpamentum aut capparim?
- 1.1.91
Exsuscitate vostram huc custodem mihi.
- 1.1.92
Profundis vinum: quae te res agitant?
- 1.1.92b
Sine.
- 1.1.93
viden út aperiuntur aedes festivissumae?
- 1.1.94
num muttit cardo? est lepidus.
- 1.1.94b
Quin das savium?
- 1.1.95
Tace, occultemus lumen et vocem.
- 1.1.95b
Licet.
- 1.2.96
Flós veteris vini meis náribus obiectust,
- 1.2.97
éius amor cupidam me huc prólicit per tenebras.
- 1.2.98
ubi ubi ést, prope me est. euáx, habeo.
- 1.2.99
salve, ánime mi, Líberi lepos.
- 1.2.100
ut véteris vetus tui cúpida sum.
- 1.2.101
nam ómnium unguéntum odor praé tuo naútea est,
- 1.2.102
tú mihi stácta, tu cínnamum, tú rosa,
- 1.2.103
tú crocinum et casia es, tu télinum,
- 1.2.104
nam ubi tú profusu's profusus es , íbi ego me pérvelim sepultam.
- 1.2.105
séd quom adhuc náso odos óbsecutúst meo,
- 1.2.106
da vicissim meo gutturi gaudium.
- 1.2.107
nil ago tecum: ubi est ipsus? ipsum expeto
- 1.2.108
tangere, invergere in me liquores tuos,
- 1.2.109
sine, ductim. sed hac abiit, hac persequar.
- 1.2.110
Sitit haéc anus.
- 1.2.110b
Quantillúm sitit?
- 1.2.110c
Modica ést, capit quadrántal.
- 1.2.111
Pol ut praédicas, vindémia haec huic ánui non sat est sóli.
- 1.2.112
canem esse hánc quidem magis pár fuit: sagax násum habet.
- 1.2.112b
Amábo,
- 1.2.112a
cúia vox sonát procul?
- 1.2.113
Cénseo hanc áppellandam anum.
- 1.2.114
adíbo. redi ét respice ád me, Leaéna.
- 1.2.115
Imperatór quis est?
- 1.2.116
Vínipollens lépidus Liber,
- 1.2.117
tibí qui screánti, siccaé, semisómnae
- 1.2.118
adfért potiónem et sitím iam sedátum it.
- 1.2.119
Quám longe a me abest?
- 1.2.119b
Lúmen hoc vide.
- 1.2.120
Grándiorém gradum ergó fac ad me, óbsecro.
- 1.2.121
Sálve.
- 1.2.121b
Egon sálva sim, quaé siti sícca sum?
- 1.2.121c
At iám bibes.
- 1.2.121d
Diu fit.
- 1.2.122
Ém tibi anus lepida.
- 1.2.122b
Sálve, oculissime homo.
- 1.2.123
Age, effúnde hoc cito in barathrúm, propere
- 1.2.124
prolúe cloacam.
- 1.2.124b
Tace. Nólo huic male dicí.
- 1.2.124c
Faciam igitur mále potius.
- 1.2.125
Venús, de paulo paúlulum hoc tíbi dabo haud lubénter.
- 1.2.126
nam tíbi amantes própitiantes vínum potantés danunt
- 1.2.127
omnés, mihi haud saepe évenunt talés hereditátes.
- 1.2.128
Hoc víde ut ingurgitat ímpura in se mérum avariter, faucíbus plenis.
- 1.2.129
Perii hércle, huic quid primúm dicam nesció.
- 1.2.129b
Em istuc, quod míhi dixti.
- 1.2.130
Quid id ést?
- 1.2.130b
Periisse ut té dicas.
- 1.2.130c
Male tibi di faciant.
- 1.2.130d
Díc isti.
- 1.2.131
Ah.
- 1.2.131b
Quíd est? ecquid lubet?
- 1.2.131c
Lúbet.
- 1.2.131d
Etiam mihi quóque stimulo foderé lubet te.
- 1.2.132
Tace, né—
- 1.2.132b
Noli, taceo. écce autem bibit árcus, pluet credo hércle hodie.
- 1.2.133
Iamne égo huic dico?
- 1.2.133b
Quid díces?
- 1.2.133c
Me periísse.
- 1.2.133d
Age dice.
- 1.2.133e
Anus, aúdi.
- 1.2.134
hóc volo scíre te: pérditus súm miser.
- 1.2.135
At pól ego oppidó servata.
- 1.2.136
séd quid est? quid lubet pérditum dícere
- 1.2.137
te essé?
- 1.2.137b
Quia id quod amo cáreo.
- 1.2.138
Phaedrome mi, ne plora amabo.
- 1.2.139
tu mé curato né sitiam, ego tibi quód amas iam huc addúcam.—
- 1.2.140
Tibine égo, si fidem servás mecum, vineám pro aurea statuá statuam,
- 1.2.140a
quae tuó gutturí sit monumentum.
- 1.2.141
qui me ín terra aeque fórtunatus erít, si illa ad me bítet,
- 1.2.142
Palinúre?
- 1.2.142b
Edepol qui amát, si eget, misera ádficitur, ere, aerúmna.
- 1.2.143
Non íta res est, nam cónfido parasítum hodie adventúrum
← Previous · Next → — showing 101–200 of 995
Perseus Latin. CTS URN phi0119.phi008.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.