← Library

Curculio

Perseus Latin · Perseus Latin · 995 sections

1. 1.1.1

   Quo ted hoc noctis dicam proficisci foras

2. 1.1.2

   Cum istoc ornatu cumque hac pompa, Phaedrome?

3. 1.1.3

   Quo Venus Cupidoque imperat, suadet Amor:

4. 1.1.4

   si media nox est sive est prima vespera,

5. 1.1.5

   si status condictus cum hoste intercedit dies,

6. 1.1.6

   tamen est eundum quo imperant ingratiis.

7. 1.1.7

   At tandem, tandem—

8. 1.1.7b

   Tandem es odiosus mihi.

9. 1.1.8

   Istuc quidem nec bellum est nec memorabile:

10. 1.1.9

    tute tibi puer es, lautus luces cereum.

11. 1.1.10

    Egon apicularum congestum opera non feram,

12. 1.1.11

    ex dulci oriundum melculo dulci meo?

13. 1.1.12

    Nam quo te dicam ego ire?

14. 1.1.12b

    Si tu me roges,

15. 1.1.13

    dicam ut scias.

16. 1.1.13b

    Si rogitem, quid respondeas?

17. 1.1.14

    Hoc Aesculapi fanum est.

18. 1.1.14b

    Plus iam anno scio.

19. 1.1.15

    Huic proxumum illud ostiumst oculissimum.

20. 1.1.16

    salve, valuistin?

21. 1.1.16b

    Ostium occlusissimum,

22. 1.1.17

    caruitne febris te herí vel nudiustertius

23. 1.1.18

    et heri cenavistine?

24. 1.1.18b

    Deridesne me?

25. 1.1.19

    Quid tu ergo, insane, rogitas valeatne ostium?

26. 1.1.20

    Bellissimum hercle vidi et taciturnissimum,

27. 1.1.21

    numquam ullum verbum muttit: cum aperitur tacet,

28. 1.1.22

    cum ílla noctu clanculum ad me exit, tacet.

29. 1.1.23

    Numquid tu quod te aut genere indignum sit tuo

30. 1.1.24

    facis aut inceptas facinus facere, Phaedrome?

31. 1.1.25

    num tu pudicae cuipiam insidias locas

32. 1.1.26

    aut quam pudicam ésse oportet?

33. 1.1.26b

    Nemini,

34. 1.1.27

    nec me ille sirit Iuppiter.

35. 1.1.27b

    Ego item volo.

36. 1.1.28

    ita tuom conferto amare semper, si sapis,

37. 1.1.29

    ne id quod ames populus si sciat, tibi sit probro.

38. 1.1.30

    semper curato ne sis intestabilis.

39. 1.1.32

    Quid istúc est verbi?

40. 1.1.32b

    Caute ut incedas via:

41. 1.1.31

    quod amas amato testibus praesentibus.

42. 1.1.33

    Quin leno hic habitat.

43. 1.1.33b

    Nemo hinc prohibet nec vetat,

44. 1.1.34

    quin quod palam est venale, si argentum est, emas.

45. 1.1.35

    nemo ire quemquam publica prohibet via;

46. 1.1.36

    dum ne per fundum saeptum facias semitam,

47. 1.1.37

    dum ted abstineas nupta, vidua, virgine,

48. 1.1.38

    iuventúte et pueris liberis, ama quid lubet.

49. 1.1.39

    Lenonis hae sunt aedes.

50. 1.1.39b

    Male istis evenat.

51. 1.1.40

    Qui?

52. 1.1.40b

    Quia scelestam servitutem serviunt.

53. 1.1.41

    Obloquere.

54. 1.1.41b

    Fiat maxume.

55. 1.1.41c

    Etiam taces?

56. 1.1.42

    Nempe obloqui me iusseras.

57. 1.1.42b

    At nunc veto.

58. 1.1.43

    sed ita uti occepi dicere: ei ancillula est.

59. 1.1.44

    Nempe huic lenoni qui hic habitat?

60. 1.1.44b

    Recte tenes.

61. 1.1.45

    Minus fórmidabo, ne excidat.

62. 1.1.45b

    Odiosus es.

63. 1.1.46

    eam vólt meretricem facere. éa me deperit,

64. 1.1.47

    ego autem cum illa facere nolo mutuom.

65. 1.1.48

    Quid ita?

66. 1.1.48b

    Quia proprium facio: amo pariter simul.

67. 1.1.49

    Malus clándestinus est amor, damnumst merum.

68. 1.1.50

    Est hercle ita ut tu dicis.

69. 1.1.50b

    Iamne ea fert iugum?

70. 1.1.51

    Tam a me pudica est quasi soror mea sit, nisi

71. 1.1.52

    si est osculando quippiam impudicior.

72. 1.1.53

    Semper tu scito, flamma fumo est proxima;

73. 1.1.54

    fumo comburi nil potest, flamma potest.

74. 1.1.55

    qui é nuce nuculeum esse volt, frangit nucem:

75. 1.1.56

    qui volt cubare, pandit saltum saviis.

76. 1.1.57

    At illa ést pudica neque dum cubitat cum viris.

77. 1.1.58

    Credam, pudor si cuiquam lenoni siet.

78. 1.1.59

    Immo ut illam censes? ut quaeque illi occasiost,

79. 1.1.60

    subripere se ad me; ubi savium oppegit, fugit.

80. 1.1.61

    id eo fit, quia hic leno, hic qui aegrotus incubat

81. 1.1.62

    in Aesculapi fano, is me excruciat.

82. 1.1.62b

    Quid est?

83. 1.1.63

    Alias me poscit pro illa triginta minas,

84. 1.1.64

    alias talentum magnum; neque quicquam queo

85. 1.1.65

    aequi bonique ab eo impetrare.

86. 1.1.65b

    Iniuriu's iniurius es ,

87. 1.1.66

    qui quod lenoni nulli est id ab eo petas.

88. 1.1.67

    Nunc hinc parasitum in Cariam misi meum

89. 1.1.68

    petitum argentum a meo sodali mutuom.

90. 1.1.69

    quod si non affert, quo me vortam nescio.

91. 1.1.70

    Si deos salutas, dextrovorsum censeo.

92. 1.1.71

    Nunc ara Veneris haec est ante horunc fores;

93. 1.1.72

    me inferre Veneri vovi ieientaculum.

94. 1.1.73

    Quid? tu te pones Veneri ieientaculo?

95. 1.1.74

    Me, te atque hosce omnis.

96. 1.1.74b

    Tum tu Venerem vomere vis.

97. 1.1.75

    Cedo, puere, sinum.

98. 1.1.75b

    Quid facturu's facturus es ?

99. 1.1.75c

    Iam scies.

100. 1.1.76

     anus hic solet cubitare custos ianitrix,

Next → — showing 1–100 of 995

Perseus Latin. CTS URN phi0119.phi008.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.