Cistellaria

Perseus Latin · Perseus Latin · 831 sections

2.3.545
recte audivisti.
2.3.545b
Quid agis hic?
2.3.545c
Quod gaudeas.
2.3.546
Quid id est?
2.3.546b
Hinc ex hisce aedibus paulo prius
2.3.547
vidi exeuntem mulierem.
2.3.547b
Illam quae meam
2.3.548
gnatam sustulerat?
2.3.548b
Rem tenes.
2.3.548c
Quid postea?
2.3.549
Dico éi, quo pacto eam ab hippodromo viderim
2.3.550
erilem nostram filiam sustollere.
2.3.551
extimuit tum illa.
2.3.551b
Iam horret corpus, cor salit.
2.3.552
nam mihi ab hippodromo memini adferri parvolam
2.3.553
puellam eamque me mihi supponere.
2.3.554
Age perge, quaeso. ánimus audire expetit
2.3.555
ut gesta res sit.
2.3.555b
Vtinam audire non queas.
2.3.556
Pergo illam onerare dictis: “illaec ted anus
2.3.557
fortunis ex secundis ad miseras vocat.
2.3.558
nam illaec tibi nutrix est, ne matrem censeas.
2.3.559
ego te reduco et revoco ad summas ditias,
2.3.560
ubi tu locere in luculentam familiam,
2.3.561
unde tíbi talenta magna viginti pater
2.3.562
det dotis; non enim hic, ubi ex Tusco modo
2.3.563
tute tibi indigne dotem quaeras corpore.”
2.3.564
An, amabo, meretrix illa est quae illam sustulit?
2.3.565
Immo meretrix fuit; sed ut sit dé ea re, eloquar.
2.3.566
iam perducebam illam ad me suadela mea:
2.3.567
anus éi amplexa est genua, plorans, obsecrans,
2.3.568
ne deserat se: eam suam esse filiam,
2.3.569
seque eam peperisse sancte adiurabat mihi.
2.3.570
istanc quam quaeris inquit “ego amicae meae
2.3.571
dedi, quae éducaret eam pro filiola sua;
2.3.572
et vivit” inquit. ubi ea est? inquam extempulo.
2.3.573
Servate di med obsecro.
2.3.573b
At me perditis.
2.3.574
Quoi illam dedisset exquisisse oportuit.
2.3.575
Quaesivi, et dixit meretrici Melaenidi.
2.3.576
Meum elocutust nomen, interii oppido.
2.3.577
Vbi elocuta est, ego continuo anum interrogo;
2.3.578
ubi habitat? inquam duc ac demonstra mihi.
2.3.579
avecta est inquit peregre hinc habitatum.
2.3.579b
Obsipat
2.3.580
aculam.
2.3.580b
Quo avecta est, eo sequemur. sicine
2.3.581
agis núgas? periisti hercle, ni
2.3.582
non hoc longe destiti
2.3.583
instare, usque adeo donec se adiurat anus
2.3.584
iam mihi monstrare.
2.3.584b
Át non missam oportuit.
2.3.585
Servatur. sed illaec se quandam aibat mulierem
2.3.586
suam bene volentem convenire etiam prius,
2.3.587
commune quacum id esset sibi negotium.
2.3.588
et scio venturam.
2.3.588b
Me indicabit, et suas
2.3.589_590
ad meas miserias † alias faciem consciam.
2.3.591
Quid nunc vis facere me?
2.3.591b
Intro abi atque animo bono es.
2.3.592
vir tuos si veniet, iube domi opperirier,
2.3.593
ne in quaestione mihi sit, si quid eum velim.
2.3.594
ego ad ánum recurro rursum.
2.3.594b
Lampadio, obsecro,
2.3.595
cura.
2.3.595b
Perfectum ego hoc dabo negotium.
2.3.596
Deos téque spero.—
2.3.596b
Eosdem ego, uti abeas domum.
2.3.597
Adulescens, asta atque audi.
2.3.597b
Men, mulier, vocas?
2.3.598
Te.
2.3.598b
Quid negoti est? nam occupatus sum ampliter.
2.3.599
Quis istic habitat?
2.3.599b
Demipho dominus meus.
2.3.600
Nempe istic est, qui Alcesimarcho filiam
2.3.601
suam despondit in divitias maxumas?
2.3.602
Is ipsust.
2.3.602b
Eho tu, quam vos igitur filiam
2.3.603
nunc quaeritatis alteram?
2.3.603b
Ego dicam tibi:
2.3.604
non ex uxore natam uxoris filiam.
2.3.605
Quid istuc est verbi?
2.3.605b
Ex priore muliere
2.3.606
nata, inquam, meo ero est filia.
2.3.606b
Certe modo
2.3.607
huius, quaé locuta est, quaerere aibas filiam.
2.3.608
Huius ergo quaero.
2.3.608b
Quo modo igitur, obsecro,
2.3.609
haec est prior, quae nupta nunc est?
2.3.609b
Conteris
2.3.610
tu tua me oratione, mulier, quisquis es.
2.3.611
medioxumam quam duxit uxorem, ex ea
2.3.612
nata est haec virgo, Alcesimarcho quae datur.
2.3.613
ea uxór diem obiit. iam scis?
2.3.613b
Teneo istuc satis.
2.3.614
sed ego illud quaero confragosum, quo modo
2.3.615
prior pósterior sit et posterior sit prior?
2.3.616
Prius hanc compressit quam uxorem duxit domum,
2.3.617
prius grávida facta est priusque peperit filiam;
2.3.618
eam póstquam peperit, iussit parvam proici:

Perseus Latin. CTS URN phi0119.phi007.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.