Cistellaria

Perseus Latin · Perseus Latin · 831 sections

2.1.460
non illa qui frangant foedera
2.1.461
eos
2.1.462
dabis.—
2.1.463
At egó nec do néque te amíttam hodie, nisi quaé volo tecúm loqui
2.1.464
das mihi operam.
2.1.465
Pótin ut mihi molestus ne sis?
2.1.465b
Quin id est nomen mihi,
2.1.466
omnes mortales vocant molestum.
2.1.467
obsecro.
2.1.467b
At frustra obsecras.
2.1.469
quia sine omni
2.1.469b
Dabo
2.1.470
ius iurandum.
2.1.471
At ego nunc ab illo mihi caveo iure iurando tuo;
2.1.472
similest ius iurandum amantum quasi ius confusicium.
2.1.473
Nescia
2.1.474b
nugas agis.
2.1.477
Supplicium dabo
2.1.478
quo modo ego
2.1.479b
quia es nactus novam,
2.1.480
quae quaedam quasi tu nescias.
2.1.481b
Di deaeque illam perdant † pariter.
2.1.482
umquam, si hoc fallo.
2.1.482b
Nil moror
2.1.483
falsum fallis, eo te ignorat fides.
2.1.484
postremo, si mihi dedisses verba, deis numquam dares.
2.1.485
Quin equidem illam ducam uxorem.
2.1.485b
Ducas, si
2.1.486
nunc hoc si tibi commodumst, quae
2.1.487
Instruxi illi aurum atque vestem.
2.1.488
siquidem amabas, illi instrui.
2.1.489
sed sino. iam hoc mihi responde quod ego te rogavero:
2.1.490
instruxisti
2.1.491
tibi ita ut voluisti
2.1.491b
quod volo.
2.1.492
Eo facetu's facetus es quia tibi aliast sponsa locuples Lemnia.
2.1.493
habeas. neque nos factione tanta quanta tu sumus
2.1.494
neque opes nostrae tam sunt validae quam tuae; verum tamen
2.1.495
hau metuo ne ius iurandum nostrum quisquam culpitet:
2.1.496
tu iam, si quid tibi dolebit, scies qua doleat gratia.
2.1.497
Di me perdant—
2.1.497b
Quodcumque optes, tibi velim contingere.
2.1.498
Si illam uxorem duxero umquam, mihi quam despondit pater.
2.1.499
Et me, si umquam tibi uxorem filiam dedero meam.
2.1.500
Patierin me periurare?
2.1.500b
Pol te aliquanto facilius,
2.1.501
quam me meamque rem perire et ludificari filiam.
2.1.502
alibi quaere ubi iuri iurando tuo satis sit subsidi:
2.1.503
hic apud nós iam, Alcesimarche, confregisti tesseram.
2.1.504
Face semel periclum.
2.1.504b
Feci saepe, quod factum queror.
2.1.505
Redde mi illam.
2.1.505b
Inter novam rem verbum usurpabo vetus:
2.1.506
quod dedi datum non vellem, quod relicuomst non dabo.
2.1.507
Non remissura es mihi illam?
2.1.507b
Pro me responsas tibi.
2.1.508
Non remittes?
2.1.508b
Scis iam dudum omnem meam sententiam.
2.1.509
Satin istuc tibi in corde certumst?
2.1.509b
Quin ego commentor quidem.
2.1.510
Non edepol ego istaec tua dicta nunc in auris recipio.
2.1.511
Non? hem, quid agis igitur? animum advorte iam, ut quid agas scias.
2.1.512
At ita me di deaeque, superi atque inferi et medioxumi,
2.1.513
itaque me Iuno regina et Iovis supremi filia
2.1.514
itaque me Saturnus eius patruos—
2.1.514b
Ecastor pater.
2.1.515
Itaque me Ops opulenta illius avia—
2.1.515b
Immo mater quidem.
2.1.516
Iuno filia et Saturnus patruos et summus Iuppiter—
2.1.517
tu me delenis, propter te haec pecco.
2.1.517b
Perge dicere.
2.1.518
Anne etiam, ut quid consultura sis sciam, pérgis eloqui?
2.1.519
Non remittam. definitumst.
2.1.519b
Enim vero ita me Iuppiter
2.1.520
itaque me Iuno itaque Ianus ita—quid dicam nescio.
2.1.521
iam scio. immo, mulier, audi, meam ut scias sententiam.
2.1.522
di me omnes, magni minuti, ét etiam patellarii
2.1.523
faxint, ne ego dem vivae vivos savium Selenio,
2.1.524
nisi ego teque tuamque † filiam meque hodie obtruncavero,
2.1.525
poste autem cum primo luci cras nisi ambo occidero,
2.1.526
et equidem hercle nisi pedatu tertio † omnis efflixero,
2.1.527
nisi tu illam remittis ad me. dixi quae volui. vale.—
2.1.528
Abiit intro iratus. quid ego nunc agam? si redierit
2.1.529
illa ad hunc, ibidem loci res erit: ubi odium occeperit,
2.1.530
illam extrudet, tum hanc uxorem Lemniam ducet domum.
2.1.531
sed tamen ibo et persequar: amens ne quid faciat, cauto opust.
2.1.532
postremo, quando aequa lege pauperi cum divite
2.1.533
non licet, perdam operam potius quam carebo filia.
2.1.534
sed quis hic est qui recta platea cursum huc contendit suom?
2.1.535
et illud paveo et hoc formido, ita tota sum misera in metu.
2.2.536
Anum sectatus sum clamore per vias,
2.2.537
miserrumam habui. ut illaec hodie quot modis
2.2.538
moderatrix linguae fuit atque immemorabilis.
2.2.539
quot illí blanditias, quid illi promisi boni,
2.2.540
quot admoenivi fabricas, quot fallacias
2.2.541
in quaestione. vix exculpsi ut diceret,
2.2.542
quia ei promisi dolium vini dare.
2.3.543
Audire vocem visa sum ante aedis modo
2.3.544
mei Lampadisci servi.
2.3.544b
Non surda es, era:

Perseus Latin. CTS URN phi0119.phi007.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.