Casina

Perseus Latin · Perseus Latin · 1,277 sections

2.5.351
Chalinus intus cum sitella et sortibus.
2.5.352
nunc nos conlatis signis depugnabimus.
2.6.353
Fáce, Chaline, certiorem me, quid meus vir me velit.
2.6.354
Ille edepol videre ardentem te extra portam mortuam.
2.6.355
Credo ecastor velle.
2.6.355b
At pol ego hau credo, sed certo scio.
2.6.356
Plus artificum est mihi quam rebar: hariolum hunc habeo domi.
2.6.357
quid si propius attollamus signa eamusque obviam?
2.6.358
sequere. quid vos agitis?
2.6.358b
Adsunt quae imperavisti omnia:
2.6.359
uxor, sortes, situla atque egomet.
2.6.359b
Te uno adest plus quam ego volo.
2.6.360
Tibi quidem edepol ita videtur; stimulus ego nunc sum tibi,
2.6.361
fodico corculum; adsudascis iam ex metu, mastigia.
2.6.362
Tace, Chaline.
2.6.362b
Comprime istum.
2.6.362c
Immo istunc, qui didicit dare.
2.6.363
Adpone hic sitellam, sortis cedo mihi. animum advortite.
2.6.364
atque ego censui aps te posse hoc me impetrare, uxor mea,
2.6.365
Casina ut uxor mihi daretur; et nunc etiam censeo.
2.6.366
Tibi daretur illa?
2.6.366b
Mihi enim—ah, non id volui dicere:
2.6.367
dum mihi volui, huic dixi, atque adeo mihi dum cupio—perperam
2.6.368
iam dudum hercle fabulor.
2.6.368b
Pol tu quidem, atque etiam facis.
2.6.369
Huic—immo hercle mihi—vah, tandem redii vix veram in viam.
2.6.370
Per pol saepe peccas.
2.6.370b
Ita fit, ubi quid tanto opere expetas.
2.6.371
sed te uterque tuo pro iure, ego atque hic, oramus.
2.6.371b
Quid est?
2.6.372
Dicam enim, mea mulsa: de istac Casina huic nostro vilico
2.6.373
gratiam facias.
2.6.373b
At pol ego néque facio neque censeo.
2.6.374
Tum igitur ego sortis utrimque iam.
2.6.374b
Quis votat?
2.6.375
Optimum atque aequissimum istud esse iure iudico.
2.6.376
postremo, si illuc quod volumus eveniet, gaudebimus;
2.6.377
sin secus, patiemur animis aequis. tene sortem tibi.
2.6.378
vide quid scriptum est.
2.6.378b
Vnum.
2.6.378c
Iniquom est, quia isti prius quam mihi dedit.
2.6.379
Accipe hanc sis.
2.6.379b
Cedo. mane, unum venit in mentem modo:
2.6.380
vide ne quae illic insit alia sortis sub aqua.
2.6.380b
Verbero,
2.6.381
men te censes esse?
2.6.381b
Nulla est. habe quietum animum modo.
2.6.382
Quod bonum atque fortunatum sit mihi—
2.6.382b
Magnum malum
2.6.383
tibi quidem edepol credo eveniet; novi pietatem tuam.
2.6.384
sed mane dum: num ista aut populna sors aut abiegnast tua?
2.6.385
Quid tu id curas?
2.6.385b
Quia enim metuo, né in aqua summa natet.
2.6.386
†Auge cave. conicite sortes nunciam ambo huc. eccere.
2.6.387
uxor, aequa.
2.6.387b
Noli uxori credere.
2.6.387c
Habe animum bonum.
2.6.388
Credo hercle, hodie devotabit sortis si attigerit.
2.6.388b
Tace.
2.6.389
Taceo. deos quaeso—
2.6.389b
Vt quidem tu hodie canem et furcam feras.
2.6.390
Mihi ut sortito eveniat—
2.6.390b
Vt quidem hercle pedibus pendeas.
2.6.391
At tu ut oculos emungare ex capite per nasum tuos.
2.6.392
Quid times? paratum oportet esse iam laqueum tibi.
2.6.393
Periisti.
2.6.393b
Animum advortite ambo.
2.6.393c
Taceo.
2.6.393d
Nunc tu, Cleostrata,
2.6.394
ne a me memores malitiose de hac re factum aut suspices,
2.6.395
tibi permitto: tute sorti.
2.6.395b
Perdis me.
2.6.395c
Lucrum facit.
2.6.396
Bene facis.
2.6.396b
Deos quaeso—ut tua sors ex sitella effugerit.
2.6.397
Ain tu? quia tute es fugitivos, omnes te imitari cupis?
2.6.398
utinam tua quidem, sicut factum esse Herculeis praedicant
2.6.399
quondam prognatis, in sortiendo sors deliquerit.
2.6.400
Tu ut liquescas ipse, actutum virgis calefactabere.
2.6.401
Hoc age sis, Olympio.
2.6.401b
Si hic litteratus me sinat.
2.6.402
Quod bonum atque fortunatum mihi sit.
2.6.402b
Ita vero, et mihi.
2.6.403
Non.
2.6.403b
Immo hercle.
2.6.403c
Immo mihi hercle.
2.6.403d
Hic vincet, tu vives miser.
2.6.404
Percide os tu illi † hodie. age, ecquid fit? ne obiexis manum.
2.6.405
Compressan palma an porrecta ferio?
2.6.405b
Age ut vis.
2.6.405c
Em tibi.
2.6.406
Quid tibi istunc tactio est.
2.6.406b
Quia Iuppiter iussit meus.
2.6.407
Feri malam, ut ille, rursum.
2.6.407b
Perii, pugnis caedor, Iuppiter.
2.6.408
Quid tibi tactio hunc fuit?
2.6.408b
Quia iussit haec Iuno mea.
2.6.409
Patiundum est, siquidem me vivo mea uxor imperium exhibet.
2.6.410
Tam huic loqui licere oportet quam isti.
2.6.410b
Cur omen mihi

Perseus Latin. CTS URN phi0119.phi006.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.