Casina

Perseus Latin · Perseus Latin · 1,277 sections

2.6.411
vituperat?
2.6.411b
Malo, Chaline, tibi cavendum censeo.
2.6.412
Temperi, postquam oppugnatum est os.
2.6.412b
Age, uxor, nunciam
2.6.413
sorti. vos advortite animum. prae metu ubi sim nescio.
2.6.414
perii, cor lienósum, opinor, habeo, iam dudum salit,
2.6.415
de labore pectus tundit.
2.6.415b
Teneo sortem.
2.6.415c
Ecfer foras.
2.6.416
Iamne mortuo'smortuus es?
2.6.416b
Ostende. mea haec est.
2.6.416c
Mala crux éast quidem.
2.6.417
Victus es, Chaline.
2.6.417b
Cum nos di iuvere, Olympio,
2.6.418
gaudeo.
2.6.418b
Pietate factum est mea atque maiorum meum.
2.6.419
Intro abi, uxor, atque adorna nuptias.
2.6.419b
Faciam ut iubes.
2.6.420
Scin tu rus hinc esse ad villam longe quo ducat?
2.6.420b
Scio.
2.6.421
Intro abi et, quamquam hoc tibi aegre est, tamen fac accures.
2.6.421b
Licet.—
2.6.422
Eamus nos quoque intro, hortemur ut properent.
2.6.422b
Numquid moror?—
2.6.423
Nam praesente hoc plura verba fieri non desidero.—
2.7.424
Si nunc me suspendam, meam operam luserim
2.7.425
et praeter operam restim sumpti fecerim
2.7.426
et meis inimicis voluptatem creaverim.
2.7.427
quid opus est, qui sic mortuos? equidem tamen
2.7.428
sorti sum victus, Casina nubet vilico.
2.7.429
atque id non tam aegrest iam, vicisse vilicum,
2.7.430
quam id expetivisse opere tam magno senem,
2.7.431
ne ea mihi daretur atque ut illi nuberet.
2.7.432
ut illé trepidabat, ut festinabat miser;
2.7.433
ut sussultabat, postquam vicit vilicus.
2.7.434
attat, concedam huc, audio aperiri foris,
2.7.435
mei benevolentes atque amici prodeunt.
2.7.436
hinc ex insidiis hisce ego insidias dabo.
2.8.437
Sine modo rus veniat: ego remittam ad te virum
2.8.438
cum furca in urbem tamquam carbonarium.
2.8.439
Ita fieri oportet.
2.8.439b
Factum et curatum dabo.
2.8.440
Volui Chalinum, si domi esset, mittere
2.8.441
tecum obsonatum, ut etiam in maerore insuper
2.8.442
inimico nostro miseriam hanc adiungerem.
2.8.443
Recessim cedam ad parietem, imitabor nepam;
2.8.444
captandust horum clanculum sermo mihi.
2.8.445
nam illorum me alter cruciat, alter macerat.
2.8.446
at candidatus cedit hic mastigia,
2.8.447
stimulorum loculi. protollo mortem mihi;
2.8.448
certum est, hunc Acheruntem praemittam prius.
2.8.449
Vt tibi ego inventus sum obsequens. quod maxime
2.8.450
cupiebas, eius copiam feci tibi.
2.8.451
erit hodie tecum quod amas clam uxorem.
2.8.451b
Tace.
2.8.452
ita me di bene ament, ut ego vix reprimo labra
2.8.453
ob istánc rem quin te deosculer, voluptas mea.
2.8.454
Quid, deosculere? quae res? quae voluptas tua?
2.8.455
ecfodere hercle hic volt, credo, vesicam vilico.†
2.8.456
Ecquid amas nunc me?
2.8.456b
Immo edepol me quam te minus.
2.8.457
licetne amplecti te?
2.8.457b
Quid, amplecti?
2.8.457c
Licet.
2.8.458
Vt, quia te tango, mel mihi videor lingere.
2.8.459
Vltro te, amator, apage te a dorso meo.
2.8.460
Illuc est, illuc, quod hic hunc fecit vilicum:
2.8.461
eidem me pridem, cum ei advorsum veneram,
2.8.462
facere atriensem voluerat sub ianua.
2.8.463
Vt tibi morigerus hodie, ut voluptati fui.
2.8.464
Vt tibi, dum vivam, bene velim plus quam mihi.
2.8.465
Hodie hercle, opinor, hi conturbabunt pedes:
2.8.466
solet hic barbatos sane sectari senex.
2.8.467
Vt ego hodie Casinam deosculabor, ut mihi
2.8.468
bona multa faciam clam meam uxorem.
2.8.468b
Attatae,
2.8.469
nunc pol ego demum in rectam redii semitam.
2.8.470
hic ipsus Casinam deperit. habeo viros.
2.8.471
Iam hercle amplexari, iam osculari gestio.
2.8.472
Sine prius deduci. quid, malum, properas?
2.8.472b
Amo.
2.8.473
At non opinor fieri hoc posse hodie.
2.8.473b
Potest,
2.8.474
siquidém cras censes te posse emitti manu.
2.8.475
Enim véro huc aures magis sunt adhibendae mihi:
2.8.476
iam ego uno in saltu lepide apros capiam duos.
2.8.477
Apud hunc sodalem meum atque vicinum mihi
2.8.478
locus est paratus: ei ego amorem omnem meum
2.8.479
concredui; is mihi se locum dixit dare.
2.8.480
Quid eius uxor? ubi erit?
2.8.480b
Lepide repperi.
2.8.481
mea uxór vocabit huc eam ad se in nuptias,
2.8.482
ut hic sit secum, se adiuvet, secum cubet;
2.8.483
ego iussi, et dixit se facturam uxor mea.
2.8.484
illa hic cubabit, vir aberit faxo domo;
2.8.485
tu rus uxorem duces: id rus hic erit
2.8.486
tantisper dum égo cum Casina faciam nuptias.
2.8.487
hinc tu ante lucem rus cras duces postea.
2.8.488
satin docte?
2.8.488b
Astute.

Perseus Latin. CTS URN phi0119.phi006.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.