Casina

Perseus Latin · Perseus Latin · 1,277 sections

2.3.270b
Quid si ego autem ab armigero impetro,
2.3.271
ut eam illi permittat? atque hóc credo impetrassere.
2.3.272
Convenit. vin tuis Chalinum huc evocem verbis foras?
2.3.273
tú eum orato, ego autem orabo vilicum.
2.3.273b
Sane volo.
2.3.274
Iam hic erit. nunc experiemur, nostrum uter sit blandior.—
2.3.275
Hercules dique istam perdant, quod nunc liceat dicere.
2.3.276
ego discrucior miser amore, illa autem quasi ob industriam
2.3.277
mi advorsatur. subolet hoc iam uxori quod ego machinor:
2.3.278
propter eam rem magis armigero dat operam de industria.
2.4.279
qui illum di omnes deaeque perdant.
2.4.279b
Te uxor aiebat tua
2.4.280
me vocare.
2.4.280b
Ego énim vocari iussi.
2.4.280c
Eloquere quid velis.
2.4.281
Primum ego te porrectiore fronte volo mecum loqui;
2.4.282
stultitia est ei te esse tristem, cuius potestas plus potest.
2.4.283
probum te et frugi hominem iam pridem esse arbitror.
2.4.283b
Intellego.
2.4.284_285
quin, si ita arbitrare, emittis me manu?
2.4.284_285b
Quin id volo.
2.4.286
sed nihil est, me cupere factum, nisi tu factis adiuvas.
2.4.287
Quid velis modo id velim me scire.
2.4.287b
Ausculta, ego eloquar.
2.4.288
Casinam ego uxorem promisi vilico nostro dare.
2.4.289
At tua uxor filiusque promiserunt mihi.
2.4.289b
Scio.
2.4.290
sed utrum nunc tu caelibem te ésse mavis liberum
2.4.291
an maritum servom aetatem degere et gnatos tuos?
2.4.292
optio haec tua est: utram harum vis condicionem accipe.
2.4.293
Liber si sim, meo periclo vivam; nunc vivo tuo.
2.4.294
de Casina certum est concedere homini nato nemini.
2.4.295
Intro abi atque actutum uxorem huc evoca ante aedis cito,
2.4.296
et sitellam huc tecum efferto cúm aqua, et sortis.
2.4.296b
Satis placet.
2.4.297
Ego pol istam iam aliquovorsum tragulam decidero.
2.4.298
nam si sic nihil impetrare potero, saltem sortiar.
2.4.299
ibi ego te et suffragatores tuos ulciscar.
2.4.299b
Attamen
2.4.300
mi obtinget sors.
2.4.300b
Vt quidem pol pereas cruciatu malo.
2.4.301
Mi illa nubet, machinare quid lubet quo vis modo.
2.4.302
Abin hinc ab oculis?
2.4.302b
Invitus me vides, vivam tamen.—
2.4.303
Sumne ego miser homo? satin omnes res sunt advorsae mihi?
2.4.304
iam metuo, ne Olympionem mea uxor exoraverit
2.4.305
ne Casinam ducat: si id factum est, ecce me nullum senem;
2.4.306
si non impetravit, etiam specula in sortist mihi.
2.4.307
si sors autem decolassit, gladium faciam culcitam
2.4.308
eumque incumbam. sed progreditur optume eccum Olympio.
2.5.309
Vna edepol opera in furnum calidum condito
2.5.310
atque ibi torreto me pro pane rubido,
2.5.311
era, qua istuc opera a me impetres quod postulas.
2.5.312
Salvos sum, salva spes est, ut verba audio.
2.5.313
Quid tu me tua, era, libertate territas?
2.5.314
qui si tu nolis filiusque etiam tuos,
2.5.315
vobis invitis atque amborum ingratiis
2.5.316
una libella liber possum fieri.
2.5.317
Quid istúc est? quicum litigas, Olympio?
2.5.318
Cum eadem qua tu semper.
2.5.318b
Cum uxoré mea?
2.5.319
Quam tu mi uxorem? quasi venator tu quidem es:
2.5.320
dies átque noctes cum cane aetatem exigis.
2.5.321
Quid agit, quid loquitur tecum?
2.5.321b
Orat, obsecrat,
2.5.322
ne Casinam uxorem ducam.
2.5.322b
Quid tu postea?
2.5.323
Negavi enim ipsi me concessurum Iovi,
2.5.324
si is mecum oraret.
2.5.324b
Di te servassint mihi.
2.5.325
Nunc in fermento totast, ita turget mihi.
2.5.326
Ego edepol illam mediam diruptam velim.
2.5.327
Credo edepol esse, siquidem tu frugi bonae es.
2.5.328
verum edepol tua mihi odiosa est amatio:
2.5.329
inimica est tua uxor mihi, inimicus filius,
2.5.330
inimici familiares.
2.5.330b
Quid id refert tua?
2.5.331
unus tibi hic dum propitius sit Iuppiter,
2.5.332
tu istos minutos cave deos flocci feceris.
2.5.333
Nugae sunt istae magnae. quasi tu nescias,
2.5.334
repente ut emoriantur humani Ioves.
2.5.335
responde: si tu Iuppiter sis mortuos,
2.5.336
cum ad deos minoris redierit regnum tuom,
2.5.337
quis mihi subveniet tergo aut capiti aut cruribus?
2.5.338
Opinione melius res tibi habeát tua,
2.5.339
si hoc impetramus, ut ego cum Casina cubem.
2.5.340
Non hercle opinor posse, ita uxor acriter
2.5.341
tua instat, ne mihi detur.
2.5.341b
At ego sic agam:
2.5.342
coniciam sortis in sitellam et sortiar
2.5.343
tibi et Chalino. íta rem natam intellego:
2.5.344
necessum est vorsis gladiis depugnarier.
2.5.345
Quid si sors aliter quam voles evenerit?
2.5.346
Bene dice. dis sum fretus, deos sperabimus.
2.5.347
Non ego istud verbum émpsim tittibilicio;
2.5.348
nam omnes mortales dis sunt freti, sed tamen
2.5.349
vidi ego dis fretos saepe multos decipi.
2.5.350
St, táce parumper.
2.5.350b
Quid vis?
2.5.350c
Eccum exit foras

Perseus Latin. CTS URN phi0119.phi006.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.