Casina

Perseus Latin · Perseus Latin · 1,277 sections

2.2.200
clám virum, ét quae habet, pártum ei haud cómmode est,
2.2.201
quín viro aut súbtrahat aut stupro invénerit.
2.2.202
hóc viri cénseo esse ómne, quidquíd tuom est.
2.2.203
Tu quidem advorsum tuam amicam omnia loqueris.
2.2.204_205
Tace sís, stulta, et mi auscúlta. nolí sis tu illi advórsari,
2.2.206
sine amét, sine quod libet íd faciat, quandó tibi nil domi délicuom est.
2.2.207_210
Satin sána es? nam tu quidem ádvorsus tuam istaéc rem loquere.
2.2.207_210b
Insípiens,
2.2.211
sempér tu huic verbo vítato abs tuo víro.
2.2.211b
Cui verbo?
2.2.211c
Ei fóras, mulier.
2.2.212
St, táce,
2.2.212b
Quid est?
2.2.212c
Ém.
2.2.212d
Quis est, quém vides?
2.2.212e
Vir
2.2.213
eccum ít; intro ábi, adpropera, áge amabó.
2.2.213b
Impetrás, abeo.
2.2.214_215
Mox mágis cum otium mi et tibi érit, igitur
2.2.216
tecúm loquar. nunc vale.
2.2.216b
Váleas.—
2.3.217
Omnibus rebus ego amorem credo et nitoribus nitidis antevenire,
2.3.218
nec potis quicquam commemorari quod plus salis plusque leporis hodie
2.3.219
habeat; cocos equidem nimis demiror, tot qui utuntur condimentis,
2.3.220
eos eo condimento uno non utier, omnibus quod praestat.
2.3.221
nam úbi amor condiméntum inerit, cuivís placituram escam crédo;
2.3.222
neque sálsum neque suave ésse potest quicquam, úbi amor non admíscetur:
2.3.223
fel quód amarumst, id mél faciet, hominem éx tristi lepidum ét lenem.
2.3.224
hanc égo de me coniécturam domi fácio magis quam ex aúditis;
2.3.225
qui quóm amo Casinam, mágis niteo, mundítiis munditiam ántideo:
2.3.226
myropólas omnes sollicito, ubicúmque est lepidum unguéntum, unguor,
2.3.227
ut illí placeam; et placeo, út videor. sed uxór me excruciat, quía vivit.
2.3.228
tristem ástare aspició. blande haec mihi mála res appellánda est.
2.3.229
uxór mea meaque amoénitas, quid tu agis?
2.3.229b
Abi atque abstine manum.
2.3.230
Heiá, mea Iuno, nón decet esse té tam tristem tuó Iovi.
2.3.231
quo núnc abis?
2.3.231b
Mítte me.
2.3.231c
Mane.
2.3.231d
Non máneo.
2.3.231e
At pol ego té sequar.
2.3.232
Óbsecro, sanun est?
2.3.232b
Sánus quom téd amo.
2.3.233
Nólo ames.
2.3.233b
Nón potes ímpetrare.
2.3.233c
Énecas.
2.3.234
Véra dicás velim.
2.3.234b
Crédo ego istúc tibi.
2.3.235
Réspice, o mi lepos.
2.3.235b
Nempe ita ut tú mihi es.
2.3.236
unde híc, amabo, unguénta olent?
2.3.236b
Oh périi, manufestó miser
2.3.237
téneor. cessó caput pállio detérgere?
2.3.238
út te bonus Mercúrius perdat, mýropola, quia haec míhi dedisti.
2.3.239
Ého tu nihili, cána culex, vix téneor quin quae décent te dicam,
2.3.240
sénecta aetate únguentatus pér vias, ignáve, incedis?
2.3.241
Pól ego amico dédi cuidam operam, dum émit unguenta.
2.3.241b
Vt cito comméntust.
2.3.242
écquid te pudet?
2.3.242b
Ómnia quae tu vís.
2.3.242c
Vbi in lustrá iacuisti?
2.3.243
Égone in lustra?
2.3.243b
Scío plus quam tu me árbitrare.
2.3.243c
Quíd id est? quid scis?
2.3.244
Té sene omniúm † senem néminem esse ignáviorem.
2.3.245
únde is, nihili? ubí fuisti? ubí lustratu'slustratus es? úbi bibisti?
2.3.246
mádes mecastor: víde, palliolum ut rúgat.
2.3.246b
Di me et te ínfelicent,
2.3.247
si égo in os méum hodie viní guttam índidi.
2.3.247b
Immo age, út lubet,
2.3.248_250
bíbe, es, disperde rem.
2.3.248_250b
Óhe, iam satis, uxór, comprime te, nímium tinnis,
2.3.251
relínque aliquantum orátionis, crás quod mecum lítiges.
2.3.252
séd quid ais? iam domuisti animum, potius ut quod vir velit
2.3.253
fieri, id facias, quam adversere contra?
2.3.253b
Qua de re?
2.3.253c
Rogas?
2.3.254
super ancilla Casina, ut detur nuptum nostro vilico,
2.3.255
servo frugi atque ubi illi bene sit ligno, aqua calida, cibo,
2.3.256
vestimentis, ubique educat pueros quos pariat † potius
2.3.257
quam illi servo nequam des, armigero nili atque improbo,
2.3.258
cui hominí hodie peculi nummus non est plumbeus.
2.3.259
Mirum ecastor, te senecta aétate officium tuom
2.3.260
non meminisse.
2.3.260b
Quid iam?
2.3.260c
Quia, si facias recte aut commode,
2.3.261
me sinas curare ancillas, quae mea est curatio.
2.3.262
Qui, malum, homini scutigerulo dáre lubet?
2.3.262b
Quía enim filio
2.3.263
nos oportet opitulari único.
2.3.263b
At quamquam unicust,
2.3.264
nihilo magis ille unicust mihi filius quam ego illi pater:
2.3.265
illum mi aequiust quam me illi quae volo concedere.
2.3.266
Tu ecastor tibi, homo, malam rem quaeris.
2.3.266b
Subolet, sentio.
2.3.267
egone?
2.3.267b
Tu. nam quid friguttis? quid istuc tam cupide cupis?
2.3.268
Vt enim frugi servo detur potius quam servo improbo.
2.3.269
Quid si ego impetro atque exoro a vilico, causa mea
2.3.270
ut eam illi permittat?

Perseus Latin. CTS URN phi0119.phi006.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.