← All works

Captivi

Perseus Latin · Perseus Latin · 1,247 sections

1. 3.4.609

   istic, qui volt, vinciatur.

2. 3.4.609b

   Tace modo. ego te, Philocrates

3. 3.4.610

   false, faciam ut verus hodie reperiare Tyndarus.

4. 3.4.611

   quid mi abnutas?

5. 3.4.611b

   Tibi ego abnuto?

6. 3.4.611c

   Quid agat, si absis longius?

7. 3.4.612

   Quid ais? quid si adeam hunc insanum?

8. 3.4.612b

   Nugas. ludificabitur,

9. 3.4.613

   garriet quoi neque pes umquam neque caput compareat.

10. 3.4.615

    ornamenta absunt: Aiacem, hunc cum vides, ipsum vides.

11. 3.4.616

    Nihili facio. tamen adibo.

12. 3.4.616b

    Nunc ego omnino occidi,

13. 3.4.617

    nunc ego intér sacrum saxumque sto, nec quid faciam scio.

14. 3.4.618

    Do tibi operam, Aristophontes, si quid est quod me velis.

15. 3.4.619

    Ex me audibis vera quae nunc falsa opinare, Hegio.

16. 3.4.620

    sed hoc primúm, me expurigare tibi volo, me insaniam

17. 3.4.621

    neque tenere neque mi esse ullum morbum, nisi quod servio.

18. 3.4.622

    at ita me rex deorum atque hominum faxit patriae compotem,

19. 3.4.623

    ut istic Philocrates non magis est quam aut ego aut tu.

20. 3.4.623b

    Eho dic mihi,

21. 3.4.624

    quis illic igitur est?

22. 3.4.624b

    Quem dudum dixi a principio tibi.

23. 3.4.625

    hoc si secus reperies, nullam causam dico quin mihi

24. 3.4.626

    et parentum et libertatis apud te deliquio siet.

25. 3.4.627

    Quid tu ais?

26. 3.4.627b

    Me tuom esse servom et te meum erum.

27. 3.4.627c

    Haud istuc rogo.

28. 3.4.628

    fuistin liber?

29. 3.4.628b

    Fui.

30. 3.4.628c

    Enim vero non fuit, nugas agit.

31. 3.4.629

    Qui tu scis? an tu fortasse fuisti meae matri obstetrix,

32. 3.4.630

    qui id tam audacter dicere audes?

33. 3.4.630b

    Puerum te vidi puer.

34. 3.4.631

    At ego te video maior maiorem: ém rursum tibi.

35. 3.4.632

    meam rem non cures, si recte facias. num ego curo tuam?

36. 3.4.633

    Fuitne huic patér Thensaurochrysonicochrysides?

37. 3.4.634

    Non fuit, neque ego istuc nomen umquam audivi ante hunc diem.

38. 3.4.635

    Philocrati Theodoromedes fuit pater.

39. 3.4.635b

    Pereo probe.

40. 3.4.636

    quin quiescis? i dierectum cor meum, ac suspende te.

41. 3.4.637

    tu sussultas, ego miser vix asto prae formidine.

42. 3.4.638

    Satin istuc mihi exquisitum est, fuisse hunc servom in Alide

43. 3.4.639

    neque esse hunc Philocratem?

44. 3.4.639b

    Tam satis quam numquam hoc invenies secus.

45. 3.4.640

    sed ubi is nunc est?

46. 3.4.640b

    Vbi ego minime atque ipsus se volt maxume.

47. 3.4.643

    sed vide sis.

48. 3.4.643b

    Quin exploratum dico et provisum hoc tibi.

49. 3.4.644

    Certon?

50. 3.4.644b

    Quin nihil, inquam, invenies magis hoc certo certius.

51. 3.4.645

    Philocrates iam inde usque amicus fuit mihi a puero puer.

52. 3.4.641

    Tum igitur ego deruncinatus, deartuatus sum miser

53. 3.4.642

    huius scelesti techinis, qui me ut lubitum est ductavit dolis.

54. 3.4.646

    sed qua faciest tuos sodalis Philocrates?

55. 3.4.646b

    Dicam tibi:

56. 3.4.647

    macilento ore, naso acuto, corpore albo, oculis nigris,

57. 3.4.648

    subrufus aliquantum, crispus, cincinnatus.

58. 3.4.648b

    Convenit.

59. 3.4.649

    Vt quidem hercle in medium ego hodie pessume processerim.

60. 3.4.650

    vae illis virgis miseris, quae hodie in tergo morientur meo.

61. 3.4.651

    Verba mihi data esse video.

62. 3.4.651b

    Quid cessatis, compedes,

63. 3.4.652

    currere ad me meaque amplecti crura, ut vos custodiam?

64. 3.4.653

    Satin med illi hodie scelesti capti ceperunt dolo?

65. 3.4.654

    illic servom se assimulabat, hic sese autem liberum.

66. 3.4.655

    nuculeum amisi, retinui pignori putamina.

67. 3.4.656

    ita mihi stólido sursum versum os sublevere offuciis.

68. 3.4.657

    hic quidem mé numquam irridebit. Colaphe, Cordalio, Corax,

69. 3.4.658

    ite istinc, ecferte lora.

70. 3.4.658b

    Num lignatum mittimur?

71. 3.5.659

    Inícite huic manicas mastigiae.

72. 3.5.660

    Quid hoc ést negoti? quid ego deliqui?

73. 3.5.660b

    Rogas,

74. 3.5.661

    sator sartorque scelerum, et messor maxume?

75. 3.5.662

    Non occatorem dicere audebas prius?

76. 3.5.663

    nam semper occant prius quam sariunt rustici.

77. 3.5.664

    At ut cónfidenter mihi contra astitit.

78. 3.5.665

    Decet innocentem servom átque innoxium

79. 3.5.666

    confidentem esse, suom apud erum potissimum.

80. 3.5.667

    Adstringite isti sultis vehementer manus.

81. 3.5.668

    Tuós sum, tu has quidem vel praecidi iube.

82. 3.5.669

    sed quid negoti est, quam ob rem suscenses mihi?

83. 3.5.670

    Quia me meamque rem, quod in te uno fuit,

84. 3.5.671

    tuis scelestis falsidicis fallaciis

85. 3.5.672

    deartuasti dilaceravisti atque opes

86. 3.5.673

    confecisti omnes, res ac rationes meas:

87. 3.5.674

    ita mi exemisti Philocratem fallaciis.

88. 3.5.675

    illum esse servom credidi, te liberum;

89. 3.5.676

    ita vosmet aiebatis itaque nomina

90. 3.5.677

    inter vos permutastis.

91. 3.5.677b

    Fateor, omnia

92. 3.5.678

    facta esse ita ut tu dicis, et fallaciis

93. 3.5.679

    abiisse eum abs te mea opera atque astutia;

94. 3.5.680

    an, obsecro hercle te, id nunc suscenses mihi?

95. 3.5.681

    At cum cruciatu maxumo id factumst tuo.

96. 3.5.682

    Dum ne ob male facta, peream, parvi aestumo.

97. 3.5.683

    si ego hic peribo, ast ille ut dixit non redit,

98. 3.5.684

    at erit mi hoc factum mortuo memorabile,

99. 3.5.685

    me meum erum captum ex servitute atque hostibus

100. 3.5.686

     reducem fecisse liberum in patriam ad patrem,

← Previous · Next → — showing 701–800 of 1,247

Perseus Latin. CTS URN phi0119.phi005.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.