Captivi

Perseus Latin · Perseus Latin · 1,247 sections

3.4.536
mihi rés omnis ín incerto sita est. quid rebus confidam meis?
3.4.537
utinám te di prius perderent, quam periisti e patria tua,
3.4.538
Aristophontes, qui ex parata re imparatam omnem facis.
3.4.539
occísa est haec res, nisi reperio atrocem mi aliquam astutiam.
3.4.540
Sequere. ém tibi hominem. adi, atque adloquere.
3.4.540b
Quis homo est me hominum miserior?
3.4.541
Quíd istuc est quod meos te dicam fugitare oculos, Tyndare,
3.4.542
proque ignoto me aspernari, quasi me numquam noveris?
3.4.543
equidem tam sum servos quam tu, etsi ego domi liber fui,
3.4.544
tu usque a puero servitutem servivisti in Alide.
3.4.545
Edepol minime miror, si te fugitat aut oculos tuos,
3.4.546
aut si te odit, qui istum appelles Tyndarum pro Philocrate.
3.4.547
Hegió, hic homó rabiosus habitus est in Alide,
3.4.548
ne tu quód istic fabuletur auris immittas tuas.
3.4.549
nam istic hastis insectatus est domi matrem et patrem,
3.4.550
et illic isti qui insputatur morbus interdum venit.
3.4.551
proin tu ab istoc procul recedas.
3.4.551b
Vltro istum a me.
3.4.551c
Ain, verbero?
3.4.552
me rabiosum atque insectatum esse hastis meum memoras patrem,
3.4.553
et eum morbum mi esse, ut qui me ópus sit insputarier?
3.4.554
Ne verere, multos iste morbus homines macerat,
3.4.555
quibus insputari saluti fuit atque is profuit.
3.4.556
Quid tu autem? etiam huic credis?
3.4.556b
Quid ego credam huic?
3.4.556c
Insanum esse me?
3.4.557
Viden tu hunc, quam ínimico voltu intuetur? concedi optumumst,
3.4.558
Hegio: fit quód tibi ego dixi, glíscit rabies, cave tibi.
3.4.559
Credidi esse insanum extemplo, ubi te appellavit Tyndarum.
3.4.560
Quin suom ipse interdum ignorat nomen neque scit qui siet.
3.4.561
At etiam te suom sodalem esse aibat.
3.4.561b
Haud vidi magís.
3.4.562
et quidem Alcumeus atque Orestes et Lycurgus postea
3.4.563
una opera mihi sunt sodales qua iste.
3.4.563b
At etiam, furcifer,
3.4.564
male loqui mi audés? non ego te novi?
3.4.564b
Pol planum id quidem est,
3.4.565
non novisse, qui istum appelles Tyndarum pro Philocrate.
3.4.566
quem vides, eum ignoras: illum nominas quem non vides.
3.4.567
Immo iste eum sese ait, qui non est, esse, et qui vero est, negat.
3.4.568
Tu énim repertu's repertus es , Philocratem qui superes veriverbio.
3.4.569
Pol ego ut rem video, tu inventu's inventus es , vera vanitudine
3.4.570
qui convincas. sed quaeso hercle, agedum aspice ad me.
3.4.570b
Em.
3.4.570c
Dic modo:
3.4.571
tun negas te Tyndarum esse?
3.4.571b
Négo, inquam.
3.4.571c
Tun te Philocratem
3.4.572
esse ais?
3.4.572b
Égo, inquam.
3.4.572c
Tune huic credis?
3.4.572d
Plus quidem quam tibi aut mihi.
3.4.573
nam ílle quidem, quem tu hunc memoras esse, hodie hinc abiit Alidem
3.4.574
ad patrem huius.
3.4.574b
Quem patrem, qui servos est?
3.4.574c
Et tu quidem
3.4.575
servos es, liber fuisti, et ego me confido fore,
3.4.576
si huius huc reconciliasso in libertatem filium.
3.4.577
Quid ais, furcifer? tun te gnatum esse memoras liberum?
3.4.578
Non equidem me Liberum, sed Philocratem esse aio.
3.4.578b
Quid est?
3.4.579
ut scelestus, Hegio, nunc iste te ludos facit.
3.4.580
nám is est servos ipse, neque praeter se umquam ei servos fuit.
3.4.581
Quia tute ipse eges in patria nec tibi qui vivas domist,
3.4.582
omnis inveniri similis tui vis; non mirum facis:
3.4.583
est miserorum, ut malevolentes sint atque invideant bonis.
3.4.584
Hegio, vide sis, ne quid tu huic temere insistas credere.
3.4.585
atque, ut perspicio, profecto iam áliquid pugnae edidit.
3.4.586
filium tuom quód redimere se ait, id ne utiquam mihi placet.
3.4.587
Scio te id nolle fieri; efficiam tamen ego id, si di adiuvant.
3.4.588
illum restituam huic, hic autem in Alidem me meo patri.
3.4.589
propterea ad patrem hinc amisi Tyndarum.
3.4.589b
Quin tute is es:
3.4.590
neque praeter te in Alide ullus servos istoc nominest.
3.4.591
Pergin servom me exprobrare esse, id quod vi hostili optigit?
3.4.592
Enim iam nequeo contineri.
3.4.592b
Heus, audin quid ait? quin fugis?
3.4.593
iam illic hic nos insectabit lapidibus, nisi illunc iubes
3.4.594
comprehendi.
3.4.594b
Crucior.
3.4.594c
Ardent oculi: fit opus, Hegio;
3.4.595
viden tu illi maculari corpus totum maculis luridis?
3.4.596
atra bilis agitat hominem.
3.4.596b
At pol te, si hic sapiat senex,
3.4.597
pix atra agitet apud carnificem tuoque capiti inluceat.
3.4.598
Iam deliramenta loquitur, laruae stimulant virum.
3.4.599
hercle qui, si hunc comprehendi iusseris, sapias magis.
3.4.600
Crucior, lapidem non habere mé, ut illi mastigiae
3.4.601
cerebrum excutiam, qui me insanum verbis concinnat suis.
3.4.602
Audin lapidem quaeritare?
3.4.602b
Solus te solum volo,
3.4.603
Hegio.
3.4.603b
Istinc loquere, si quid vis, procul. tamen audiam.
3.4.604
Namque edepol si adbites propius, os denasabit tibi
3.4.605
mordicus.
3.4.605b
Neque pol me insanum, Hégio, esse creduis
3.4.606
neque fuisse umquam, neque esse morbum quem istic autumat.
3.4.607
verum si quid metuis a me, iube me vinciri: volo,
3.4.608
dum istic itidem vinciatur.
3.4.608b
Immo enim vero, Hegio,

Perseus Latin. CTS URN phi0119.phi005.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.