← All works

Bacchides

Perseus Latin · Perseus Latin · 1,556 sections

1. 4.4.645

   núnc amanti ero fílio senis,

2. 4.4.646

   quícum égo bibo, quícum édo et amo,

3. 4.4.647

   régias cópias aúreasque óptuli,

4. 4.4.648

   út domo súmeret neú foris quaéreret.

5. 4.4.649

   nón mihi istí placent Pármenonés, Syri,

6. 4.4.650

   quí duas aut trís minas aúferunt eris.

7. 4.4.651

   néquius nil ést quam egens cónsili servós, nisi

8. 4.4.652

   hábet multipotens péctus:

9. 4.4.653

   úbicumque usús siet, péctore expromát suo.

10. 4.4.654

    nullús frugi esse pótest homo,

11. 4.4.655

    nisi qui ét bene et mále facere tenet.

12. 4.4.656

    ímprobis cum ímprobus sit, hárpaget fúribus,

13. 4.4.657

    fúretur quód queat,

14. 4.4.658

    vórsipellem frúgi cónvenit esse hominem,

15. 4.4.659_660

    péctus quoi sapít: bonus sít bonis, malus sít malis;

16. 4.4.661

    utcúmque res sit, ita ánimum hábeat.

17. 4.4.662

    séd lubet scíre quantum aúrum erus sibi

18. 4.4.663

    démpsit et quíd suo réddidit patri.

19. 4.4.665

    sí frugi est, Hérculem fécit ex patre:

20. 4.4.666

    décimam partem eí dedit, síbi novem abstulit.

21. 4.4.667

    séd quem quaero óptume eccum óbviam mihi est.

22. 4.4.668

    núm qui nummi éxciderúnt, ere, tibi,

23. 4.4.668a

    quod síc terram optuére?

24. 4.4.669

    quid vós maestos tam trístesque esse cónspicor?

25. 4.4.670

    non plácet nec temere est étiam. quin mihi réspondetis?

26. 4.4.671

    Chrýsale, occidi.

27. 4.4.671b

    Fortassis tu auri dempsisti parum?

28. 4.4.672

    Quam, malum, parum? immo vero nimio minus multo parum.

29. 4.4.673

    Quid igitur, stulte? an tu, quoniam occasio ad eam rem fuit

30. 4.4.674

    mea virtute parta, ut quantum velles tantum sumeres,

31. 4.4.675

    sic hoc digitulis duobus sumebas primoribus?

32. 4.4.676

    an nescibas quam eius modi hómini raro tempus se daret?

33. 4.4.677

    Erras.

34. 4.4.677b

    At quidem túte errasti, cum parum immersti ampliter.

35. 4.4.678

    Pol tu quam nunc med accuses magis, si magis rem noveris.

36. 4.4.679

    occidi.

37. 4.4.679b

    Animus iam istoc dicto plus praesagitur mali.

38. 4.4.680

    Perii.

39. 4.4.680b

    Quid ita?

40. 4.4.680c

    Quia patri omne cum ramento reddidi.

41. 4.4.681

    Reddidisti?

42. 4.4.681b

    Reddidi.

43. 4.4.681c

    Omnene?

44. 4.4.681d

    Oppido.

45. 4.4.681e

    Occisi sumus.

46. 4.4.682

    qui in mentem venit tibi istuc facinus facere tam malum?

47. 4.4.683

    Bacchidem atque hunc suspicabar propter crimen, Chrysale,

48. 4.4.684

    mi male consuluisse: ob eam rem omne aurum iratus reddidi

49. 4.4.685

    meo patri.

50. 4.4.685b

    Quid, ubi reddebas aurum, dixisti patri?

51. 4.4.686

    Mé id aurum accepisse extemplo ab hospite Archidemide.

52. 4.4.686b

    Em,

53. 4.4.687

    istoc dicto dédisti hodie ín cruciatum Chrysalum;

54. 4.4.688

    nam úbi me aspiciet, ad carnuficem rapiet continuo senex.

55. 4.4.689

    Ego patrem exoravi.

56. 4.4.689b

    Nempe ergo hoc ut faceret quod loquor?

57. 4.4.690

    Immo tibi ne noceat neu quid ob eam rem suscenseat;

58. 4.4.691

    atque aegre impetravi. nunc hoc tibi curandumst, Chrysale.

59. 4.4.692

    Quid vis curem?

60. 4.4.692b

    Vt ad senem etiam álteram facias viam.

61. 4.4.693

    compara, fabricare finge quod lubet, conglutina,

62. 4.4.694

    ut senem hodie doctum docte fallas aurumque auferas.

63. 4.4.695

    Vix videtur fieri posse.

64. 4.4.695b

    Perge, ac facile ecfeceris.

65. 4.4.696

    Quam, malum, fácile, quem mendaci prendit manufesto modo?

66. 4.4.697

    quem si orem ut mihi nil credat, id non ausit credere.

67. 4.4.698

    Immo si audias quae dicta dixit me adversum tibi.

68. 4.4.699

    Quid dixit?

69. 4.4.699b

    Si tu illum solem sibi solem esse diceres,

70. 4.4.700

    se illum lunam credere esse et noctem qui nunc est dies.

71. 4.4.701

    Emungam hercle hominem probe hodie, ne id nequiquam dixerit.

72. 4.4.702

    Nunc quid nos vis facere?

73. 4.4.702b

    Énim nil nisi ut ametis impero.

74. 4.4.703

    ceterum quantum lubet me poscitote aurum: ego dabo.

75. 4.4.704

    quid mihi refert Chrysalo esse nomen, nisi factis probo?

76. 4.4.705

    sed nunc quantillum usust auri tibi, Mnesiloche? dic mihi.

77. 4.4.706

    Militi nummis ducentis iam usus est pro Bacchide.

78. 4.4.707

    Ego dabo.

79. 4.4.707b

    Tum nobis opus est sumptu.

80. 4.4.707c

    Ah, placide volo

81. 4.4.708

    unum quidque agamus: hoc ubi egero, tum istuc agam.

82. 4.4.709

    de ducentis nummis primum intendam ballistam in senem;

83. 4.4.710

    ea ballista si pervortam turrim et propugnacula,

84. 4.4.711

    recta porta invadam extemplo in oppidum anticum et vetus:

85. 4.4.712

    si id capso, geritote amicis vostris aurum corbibus,

86. 4.4.713

    sicut animus sperat.

87. 4.4.713b

    Apud test animus noster, Chrysale.

88. 4.4.714

    Nunc tu abi intro, Pistoclere, ad Bacchidem, atque ecfer cito

89. 4.4.715

    Quid?

90. 4.4.715b

    Stilum, ceram et tabellas, linum.

91. 4.4.715c

    Iam faxo hic erunt.—

92. 4.4.716

    Quid nunc es facturus? id mihi dice.

93. 4.4.716b

    Coctumst prandium?

94. 4.4.717

    vos duo eritis atque amica tua erit tecum tertia?

95. 4.4.718

    Sicut dicis.

96. 4.4.718b

    Pistoclero nulla amica est?

97. 4.4.718c

    Immo adest.

98. 4.4.719

    alteram ille amat sororem, ego alteram, ambas Bacchides.

99. 4.4.720

    Quid tu loquere?

100. 4.4.720b

     Hoc, ut futuri sumus.

← Previous · Next → — showing 801–900 of 1,556

Perseus Latin. CTS URN phi0119.phi004.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.