Bacchides

Perseus Latin · Perseus Latin · 1,556 sections

3.6.572b
Sequor.—
4.1.573
Parasitus ego sum hominis nequam atque improbi,
4.1.574
militis, qui amicam secum avexit ex Samo.
4.1.575
nunc me ire iussit ad eam et percontarier,
4.1.576
utrum aurum reddat anne eat secum semul.
4.1.577
tu dudum, puere, cum illac usque isti semul:
4.1.578
quae harum sunt aedes, pulta. adi actutum ad fores.
4.1.579
recede hinc dierecte. ut pulsat propudium!
4.1.580
comesse panem tris pedes latum potes,
4.1.581
fores pultare nescis. ecquis in aedibust?
4.1.582
heus, ecquis hic est? ecquis hoc aperit ostium?
4.1.583
ecquis éxit?
4.2.583a
Quid istuc? quae istaec est pulsatio?
4.2.584
quae te mala crux agitat, quí ad istunc modum
4.2.585
alieno viris tuas extentes ostio?
4.2.586
fores paene exfregisti. quid nunc vis tibi?
4.2.587
Adulescens, salve.
4.2.587b
Salve. sed quem quaeritas?
4.2.588
Bacchidem.
4.2.588b
Vtram ergo?
4.2.588c
Nil scio nisi Bacchidem.
4.2.589
paucis: me misit miles ad eam Cleomachus,
4.2.590
vel ut ducentos Phílippos reddat aureos
4.2.591
vel ut hinc in Elatiam hodie eat secum semul.
4.2.592
Non it. negat se ituram. abi et renuntia.
4.2.593
alium illa amat, non illum. duc te ab aedibus.
4.2.594
Nimis iracunde.
4.2.594b
At scin quam iracundus siem?
4.2.595
ne tíbi hercle haud longe est os ab infortunio,
4.2.596
ita dentifrangibula haec meis manibus gestiunt.
4.2.597
Cum ego huius verba interpretor, mihi cautiost,
4.2.598
ne nucifrangibula excussit ex malis meis.
4.2.599
tuo ego istaec igitur dicam illi periculo.
4.2.600
Quid ais tu?
4.2.600b
Ego istuc illi dicam.
4.2.600c
Dic mihi,
4.2.601
quis tu es?
4.2.601b
Illius sum integumentum corporis.
4.2.602
Nequam esse oportet cui tu integumentum improbu'simprobus es.
4.2.603
Sufflatus ille huc veniet.
4.2.603b
Dirrumptum velim.
4.2.604
Numquid vis?
4.2.604b
Abeas. celeriter factost opus.
4.2.605
Vale, dentifrangibule.—
4.2.605b
Et tu, integumentum, vale.
4.2.606
in eum nunc haec res vénit locum, ut quid consili
4.2.607
dem meo sodali super amica nesciam,
4.2.608
qui iratus renumeravit omne aurum patri,
4.2.609
neque nummus ullust qui reddatur militi.
4.2.610
sed huc concedam, nam concrepuerunt fores.
4.2.611
Mnesilochus eccum maestus progreditur foras.
4.3.612
Pétulans, protervo íracundo ánimo, indomito incógitato,
4.3.613
sine modo et modestia sum, sine bono iure atque honore,
4.3.614
incredibilis imposque animi, ínamabilis inlepidus vivo,
4.3.615
malevolente ingenio natus. postremo id mi est quod volo
4.3.615a
ego esse áliis. credibile hóc est?
4.3.616
nequiór nemost neque indígnior quoi
4.3.616a
di béne faciant neque quém quisquam
4.3.617
homo aút amet aut ádeat.
4.3.618
inimícos quam amícos aequómst med habére,
4.3.619
malós quam bonós par magís me iuváre.
4.3.620
ómnibus probris, quae ímprobis viris
4.3.621
dígna sunt, dígnior núllus est homo;
4.3.622
quí patri réddidi omne aúrum amans, mihi
4.3.623
quód fuit praé manu. súmne ego homo miser?
4.3.624
pérdidi mé simulque óperam Chrysali.
4.3.625
Consólandus hic mist, íbo ad eum.
4.3.626
Mnesíloche, quid fit?
4.3.626b
Périi.
4.3.626a
Di mélius faciant.
4.3.626ab
Périi.
4.3.627
Non táces, insipiens?
4.3.627b
Táceam?
4.3.627a
Sanús satis non es.
4.3.627ab
Périi.
4.3.628
múlta mala mi in péctore nunc ácria atque acérba eveniunt.
4.3.629
criminin me habuisse fídem? immérito tibi íratus fui.
4.3.630
Heia, bonum habe ánimum.
4.3.630b
Vnde habeam? mortuos pluris pretist
4.3.631
quam égo sum.
4.3.631b
Militis parasitus venerat modo aurum petere hinc,
4.3.632
eum ego meis dictis malis his foribus atque hac platea abegi;
4.3.633
reppuli, reieci hominem.
4.3.633b
Quid mi id prodest? quom ipse veniet,
4.3.634
quid faciam? nil habeo miser. ille quidem hanc abducet, scio.
4.3.635
Si mihi sit, nón pollicear.
4.3.635b
Scio, dares, novi tuom.
4.3.636
sed nisi ames, non habeam tibi fidem tantam; eó quod amas tamen
4.3.637
nunc agitas sat tute tuarum rérum; sin libér sies
4.3.638
egone ut opem mi ferre posse pútem inopem te? non potest.
4.3.638a
Tace modo: deus respiciet nos aliquis.
4.3.638ab
Nugae. vale.
4.3.639
Mane.
4.3.639b
Quid est?
4.3.639c
Tuam cópiam eccam Chrysalum video. tace.
4.4.640
Hunc hóminem decet auro éxpendi, huic décet statuam statui éx auro;
4.4.641
nam dúplex hodie facinús feci, duplicíbus spoliis sum adféctus.
4.4.642
érum maiorem méum ut ego hodie lúsi lepide, ut lúdificatust.
4.4.643
cállidum senem cállidis dolis
4.4.644
cómpuli et pérpuli, mi ómnia ut créderet.

Perseus Latin. CTS URN phi0119.phi004.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.