← All works

Bacchides

Perseus Latin · Perseus Latin · 1,556 sections

1. 3.3.498

   qui dedecorat te, me amicosque alios flagitiis suis.

2. 3.3.499

   In te ego hoc onus omne impono. Lyde, sequere hac me.

3. 3.3.499b

   Sequor.—

4. 3.4.500

   Inimiciorem nunc utrum credam magis

5. 3.4.501

   sodalemne esse an Bacchidem, incertum admodumst.

6. 3.4.502

   illum exoptavit potius? habeat. optumest.

7. 3.4.503

   ne illa illud hercle cum malo fecit suo;

8. 3.4.504

   nam mihi divini numquam quisquam creduat,

9. 3.4.505

   ni ego illam exemplis plurumis planeque—amo.

10. 3.4.506

    ego faxo hau dicet nactam quem derideat.

11. 3.4.507

    nam iam domum ibo atque—aliquid surrupiam patri.

12. 3.4.507a

    id istí dabo. ego istanc multis ulciscar modis.

13. 3.4.508

    adeo égo illam cogam usque ut mendicet—meus pater.

14. 3.4.509

    sed satine ego animum mente sincera gero,

15. 3.4.510

    qui ad hunc modum haec hic quae futura fabulor?

16. 3.4.511

    amo hercle opino, ut pote quod pro certo sciam.

17. 3.4.512

    verum quam illa umquam de mea pecunia

18. 3.4.513

    ramenta fiat plumea propensior,

19. 3.4.514

    mendicum malim mendicando vincere.

20. 3.4.515

    numquam edepol viva me inridebit. nam mihi

21. 3.4.516

    decretumst renumerare iam omne aurum patri.

22. 3.4.517

    igitur mi inani atque inopi subblandibitur

23. 3.4.518

    tum quom blandiri nihilo pluris referet,

24. 3.4.519

    quam si ad sepulcrum mortuo narres logos.

25. 3.4.519a

    sed autem quam illa umquam meis opulentiis

26. 3.4.519b

    ramenta fiat gravior aut propensior,

27. 3.4.519c

    mori me malim éxcruciatum ínopia.

28. 3.4.520

    profecto stabilest me patri aurum reddere.

29. 3.4.521

    eadem éxorabo, Chrysalo causa mea

30. 3.4.522

    pater ne noceat, neu quid ei suscenseat

31. 3.4.523

    mea causa de auro quod eum ludificatus est;

32. 3.4.524

    nam illi aequomst me consulere, qui causa mea

33. 3.4.525

    mendacium éi dixit. vos me sequimini.—

34. 3.5.526

    Rébus aliis antevortar, Bacchis, quae mandas mihi:

35. 3.5.527

    Mnesilochum ut requiram atque ut eum mecum ad te adducam simul.

36. 3.5.528

    nam illud animus meus miratur, si a me tetigit nuntius,

37. 3.5.529

    quid remoretur. ibo ut visam huc ad eum, si forte est domi.

38. 3.6.530

    Reddidi patrí omne aurum. nunc ego illam me velim

39. 3.6.531

    convenire, postquam inanis sum, contemptricem meam.

40. 3.6.532

    sed veniam mihi quam gravate páter dedit de Chrysalo;

41. 3.6.533

    verum postremo impetravi, ut ne quid ei suscenseat.

42. 3.6.534

    Estne hic meus sodalis?

43. 3.6.534b

    Estne hic hostis, quem aspicio, meus?

44. 3.6.535

    Certe is est.

45. 3.6.535b

    Is est.

46. 3.6.535c

    Adibo contra et contollam gradum.

47. 3.6.536

    salvos sis, Mnesiloche.

48. 3.6.536b

    Salve.

49. 3.6.536c

    Salvos quom peregre advenis,

50. 3.6.537

    cena detur.

51. 3.6.537b

    Non placet mi cena quae bilem movet.

52. 3.6.538

    Numquae advenienti aegritudo obiecta est?

53. 3.6.538b

    Atque acerruma.

54. 3.6.539

    Vnde?

55. 3.6.539b

    Ab homine quem mi amicum esse arbitratus sum antidhac.

56. 3.6.540

    Multi more isto atque exemplo vivont, quos cum censeas

57. 3.6.541

    esse amicos, reperiuntur falsi falsimoniis,

58. 3.6.542

    lingua factiosi, inertes opera, sublesta fide.

59. 3.6.543

    nullus est quoi non invideant rem secundam optingere;

60. 3.6.544

    sibi ne ínvideatur, ipsi ignavia recte cavent.

61. 3.6.545

    Edepol ne tu illorum mores perquam meditate tenes.

62. 3.6.546

    sed etiam unum hoc: ex ingenio malo malum inveniunt suo:

63. 3.6.547

    nulli amici sunt, inimicos ipsi in sese omnis habent.

64. 3.6.548

    ei se cum frustrantur, frustrari alios stolidi existumant.

65. 3.6.549

    sicut est hic, quem esse amicum ratus sum atque ipsus sum mihi:

66. 3.6.550

    ille, quod in se fuit, accuratum habuit quod posset mali

67. 3.6.551

    faceret in me, inconciliaret copias omnis meas.

68. 3.6.552

    Improbum istunc esse oportet hominem.

69. 3.6.552b

    Ego ita esse arbitror.

70. 3.6.553

    Obsecro hercle loquere, quis is est.

71. 3.6.553b

    Benevolens vivit tibi.

72. 3.6.554

    nam ni ita esset, tecum orarem ut éi quod posses mali

73. 3.6.555

    facere faceres.

74. 3.6.555b

    Dic modo hominem qui sit: si non fecero

75. 3.6.556

    ei male aliquo pacto, me esse dicito ignavissimum.

76. 3.6.557

    Nequam homost, verum hercle amicus est tibi.

77. 3.6.557b

    Tanto magis

78. 3.6.558

    dic quis est; nequam hominis ego parvi pendo gratiam.

79. 3.6.559

    Video non potesse quin tibi eius nomen eloquar.

80. 3.6.560

    Pistoclere, perdidisti me sodalem funditus.

81. 3.6.561

    Quid istuc est?

82. 3.6.561b

    Quid est? misine ego ad te ex Epheso epistulam

83. 3.6.562

    super amica, ut mi invenires?

84. 3.6.562b

    Fateor factum, et repperi.

85. 3.6.563

    Quid? tibi non erat meretricum aliarum Athenis copia

86. 3.6.564

    quibuscum haberes rem, nisi cum illa quám ego mandassem tibi

87. 3.6.565

    occiperes tute † amare et mi ires consultum male?

88. 3.6.566

    Sanun es?

89. 3.6.566b

    Rem repperi omnem ex tuo magistro. ne nega.

90. 3.6.567

    perdidisti me.

91. 3.6.567b

    Etiamne ultro tuis me prolectas probris?

92. 3.6.568

    Quid? amas Bacchidem?

93. 3.6.568b

    Duas ergo hic intus eccas Bacchides.

94. 3.6.569

    Quid? duas?

95. 3.6.569b

    Átque ambas sorores.

96. 3.6.569c

    Loqueris nunc nugas sciens.

97. 3.6.570

    Postremo, si pergis parvam mihi fidem arbitrarier,

98. 3.6.571

    tollam ego ted in collum atque intro hinc auferam.

99. 3.6.571b

    Immo ibo, mane.

100. 3.6.572

     Non maneo, neque tu me habebis falso suspectum.

← Previous · Next → — showing 601–700 of 1,556

Perseus Latin. CTS URN phi0119.phi004.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.