Bacchides

Perseus Latin · Perseus Latin · 1,556 sections

1.2.160
fecisti, cum istanc nactu'snactus es inpudentiam.
1.2.161
occisus hic homo est. ecquid in mentem est tibi
1.2.162
patrem tibi esse?
1.2.162b
Tibi ego an tu mihi servos es?
1.2.163
Peior magister te istaec docuit, non ego.
1.2.164
nimio es tu ad istas res discipulus docilior,
1.2.165
quam ad illa quae te docui, ubi operam perdidi.
1.2.166
edepol fecisti furtum in aetatem malum
1.2.167
cum istaec flagitia me celavisti et patrem.
1.2.168
Istactenus tibi, Lyde, libertas datast
1.2.169
orationis. satis est. sequere hac me ac tace.—
2.1.170
Erilis patria, salve, quam ego biennio,
2.1.171
postquam hinc in Ephesum abii, conspicio lubens.
2.1.172
saluto te, vicine Apollo, qui aedibus
2.1.173
propinquos nostris accolis, veneroque te,
2.1.174
ne Nicobulum me sinas nostrum senem
2.1.175
prius cónvenire quam sodalem viderim
2.1.176
Mnesilochi Pistoclerum, quem ad epistulam
2.1.177
Mnesilochus misit super amica Bacchide.
2.2.178
Mirumst me ut redeam te opere tanto quaesere,
2.2.179
qui abire hinc nullo pacto possim, si velim:
2.2.180
ita me vadatum amore vinctumque adtines.
2.2.181
Pro di immortales, Pistoclerum conspicor.
2.2.182
o Pistoclere, salve.
2.2.182b
Salve, Chrysale.
2.2.183
Compendi verba multa iam faciam tibi.
2.2.184
venire tu me gaudes: ego credo tibi;
2.2.185
hospitium et cenam pollicere, ut convenit
2.2.186
peregre advenienti: ego autem venturum adnuo.
2.2.187
salutem tibi ab sodáli solidam nuntio:
2.2.188
rogabis me úbi sit: vivit.
2.2.188b
Nempe recté valet?
2.2.189
Istuc volebam ego ex te percontarier.
2.2.190
Qui scire possum?
2.2.190b
Nullus plus.
2.2.190c
Quemnam ad modum?
2.2.191
Quia si illa inventa est, quam ille amat, recte valet;
2.2.192
si non inventa est, minus valet moribundusque est.
2.2.193
animast amica amanti: sí abest, nullus est;
2.2.194
si adest, res nullast: ipsus est—nequam et miser.
2.2.195
sed tu quid factitasti mandatis super?
2.2.196
Egon ut, quod ab illoc attigisset nuntius,
2.2.197
non impetratum id advenienti ei redderem?
2.2.198
regiones colere mavellem Acherunticas.
2.2.199_200
Eho, an ínvenisti Bacchidem?
2.2.199_200b
Samiam quidem.
2.2.201
Vide quaeso, ne quis tractet illam indiligens;
2.2.202
scis tu ut confringi vas cito Samium solet.
2.2.203
Iamne ut soles?
2.2.203b
Dic ubi ea nunc est, obsecro.
2.2.204
Hic, exeuntem me unde aspexisti modo.
2.2.205
Vt istúc est lepidum: proximae viciniae
2.2.206
habitat. ecquidnam meminit Mnesilochi?
2.2.206b
Rogas?
2.2.207
immo unice unum plurimi pendit.
2.2.207b
Papae.
2.2.208
Immo ut eam credis? misera amans desiderat.
2.2.209
Scitum istuc.
2.2.209b
Immo, Chrysale, em non tantulum
2.2.210
umquam intermittit tempus quin eum nominet.
2.2.211
Tanto hercle melior.
2.2.211b
Immo—
2.2.211c
Immo hercle abiero
2.2.212
potius.
2.2.212b
Num invitus rem bene gestam audis eri?
2.2.213
Non res, sed actor mihi cor odio sauciat.
2.2.214
etiam Epidicum, quam ego fabulam aeque ac me ipsum amo,
2.2.215
nullam aeque invitus specto, sí agit Pellio.
2.2.216
sed Bacchis etiam fortis tibi visast?
2.2.216b
Rogas?
2.2.217
ni nanctus Venerem essem, hanc Iunonem dicerem.
2.2.218
Edepol, Mnesiloche, ut hanc rem natam intellego,
2.2.219
quod ames paratumst: quod des inventost opus.
2.2.220
nam istic fortasse auro est opust.
2.2.220b
Phílippeo quidem.
2.2.221
Atque eo fortasse iám opust.
2.2.221b
Immo etiam prius:
2.2.222
nam iam huc adveniet miles.
2.2.222b
Et miles quidem?
2.2.223
Qui de amittenda Bacchide aurum hic exiget.
2.2.224
Veniat quando volt, atque ita ne mihi sit morae.
2.2.225
domist: non metuo nec ego quoiquam supplico,
2.2.226
dum quidem hoc valebit pectus perfidia meum.
2.2.227
abi intro, ego hic curabo. tu intus dicito
2.2.228
Mnesilochum adesse Bacchidi.
2.2.228b
Faciam ut iubes.—
2.2.229
Negotium hoc ad me adtinet aurarium.
2.2.230
mille et ducentos Philippos áttulimus aureos
2.2.231
Epheso, quos hospes debuit nostro seni.
2.2.232
inde ego hodie aliquam machinabor machinam,
2.2.233
unde aurum efficiam amanti erili filio.
2.2.234
sed foris concrepuit nostra: quinam exit foras?
2.3.235
Ibo in Piraeum, visam écquae advenerit
2.3.236
in portum ex Epheso navis mercatoria.
2.3.237
nam meus formidat animus, nostrum tam diu
2.3.238
ibi desidere neque redire filium.
2.3.239
Extexam ego illum pulchre iam, si di volunt.
2.3.240
haud dormitandumst: opus est chryso Chrysalo.
2.3.241
adibo hunc, quem quidem ego hódie faciam hic arietem
2.3.242
Phrixi, itaque tondebo auro usque ad vivam cutem.

Perseus Latin. CTS URN phi0119.phi004.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.