Bacchides

Perseus Latin · Perseus Latin · 1,556 sections

2.3.243
servos salutat Nicobulum Chrysalus.
2.3.244
Pro di immortales, Chrysale, ubi mist filius?
2.3.245
Quin tu salutem primum reddis quam dedi?
2.3.246
Salve. sed ubinamst Mnesilochus?
2.3.246b
Vivit, valet.
2.3.247
Venitne?
2.3.247b
Venit.
2.3.247c
Euax, aspersisti aquam.
2.3.248
benene usque valuit?
2.3.248b
Pancratice atque athletice.
2.3.249
Quid hoc? qua causa éum in Ephesum miseram,
2.3.250
accepitne aurum ab hospite Archidemide?
2.3.251
Heu, cor meum et cerebrum, Nicobule, finditur,
2.3.252
istius hominis ubi fit quomque mentio.
2.3.253
tun hospitem illum nominas hostem tuom?
2.3.254
Quid ita, obsecro hercle?
2.3.254b
Quia edepol certo scio,
2.3.255
Volcanus, Luna, Sol, Dies, dei quattuor,
2.3.256
scelestiorem nullum inluxere alterum.
2.3.257
Quamne Archidemidem?
2.3.257b
Quam, inquam, Archidemidem.
2.3.258
Quid fecit?
2.3.258b
Quid non fecit? quin tu id me rogas?
2.3.259
primumdum infitias ire coepit filio,
2.3.260
negare se debere tibi triobulum.
2.3.261
continuo ántiquom hospitem nostrum sibi
2.3.262
Mnesilochus advocavit, Pelagonem senem;
2.3.263
eo praésente homini extemplo ostendit symbolum,
2.3.264
quem tute dederas, ad eum ut ferret, filio.
2.3.265
Quid ubi ei ostendit symbolum?
2.3.265b
Infit dicere
2.3.266
adulterinum et non eum esse symbolum.
2.3.267
quotque innocenti ei dixit contumelias!
2.3.268
adulterare eum aibat rebus ceteris.
2.3.269
Habetin aurum? íd mihi dici volo.
2.3.270
Postquam quidem praétor recuperatores dedit,
2.3.271
damnatus demum, vi coactus reddidit
2.3.272
ducentós et mille Phílippum.
2.3.272b
Tantum debuit.
2.3.273
Porro etiam ausculta pugnam quam voluit dare.
2.3.274
Etiamnest quid porro?
2.3.274b
Em, áccipitrina haec nunc erit.
2.3.275
Deceptus sum, Autolyco hospiti aurum credidi.
2.3.276
Quin tu audi.
2.3.276b
Immo ingenium avidi haud pernoram hospitis.
2.3.277
Postquam aurum abstulimus, in navem conscendimus,
2.3.278
domi cupientes. forte ut adsedi in stega,
2.3.279
dum circumspecto, átque ego lembum conspicor
2.3.280
longum, strigorem maleficum exornarier.
2.3.281
Perii hercle, lembus ille mihi laedit latus.
2.3.282
Is erat communis cum hospite et praedonibus.
2.3.283
Adeon me fuisse fungum, ut qui illi crederem,
2.3.284
cum mi ipsum nomen eius Archidemides
2.3.285
clamaret dempturum esse, si quid crederem?
2.3.286
Is lembus nostrae navi insidias dabat.
2.3.287
occepi ego observare eos quam rem gerant.
2.3.288
interea e portu nostra navis solvitur.
2.3.289
ubi portu eximus, homines remigio sequi,
2.3.290
neque aves neque venti citius. quoniam sentio
2.3.291
quae res gereretur, navem extemplo statuimus.
2.3.292
quoniam vident nos stare, occeperunt ratem
2.3.293
turbare in portu.
2.3.293b
Edepol mortalis malos.
2.3.294
quid denique agitis?
2.3.294b
Rursum in portum recipimus.
2.3.295
Sapienter factum a vobis. quid illi postea?
2.3.296
Revorsionem ad terram faciunt vesperi.
2.3.297
Aurum hercle auferre voluere: ei rei operam dabant.
2.3.298
Non me fefellit, sensi, eo exanimatus fui.
2.3.299
quoniam videmus auro insidias fieri,
2.3.300
capimus consilium continuo; postridie
2.3.301
auferimus aurum ómne illis praesentibus,
2.3.302
palam atque aperte, ut illi id factum sciscerent.
2.3.303
Scite hercle. cedo quid illi?
2.3.303b
Tristes ilico,
2.3.304
quom extemplo a portu íre nos cum auro vident,
2.3.305
subducunt lembum capitibus quassantibus.
2.3.306
nos apud Theotímum omne aurum deposivimus,
2.3.307
qui illic sacerdos est Dianae Ephesiae.
2.3.308
Quis istíc Theotimust?
2.3.308b
Megalobuli filius,
2.3.309
qui nunc in Ephesost Ephesiis carissimus.
2.3.310
Ne ille hercle mihi sit multo tanto carior,
2.3.311
si me illo auro tanto circumduxerit.
2.3.312
Quin in eapse aede Dianai conditumst;
2.3.313
ibidem publicitus servant.
2.3.313b
Occidistis me;
2.3.314
nimio hic privatim servaretur rectius.
2.3.315
sed nilne áttulistis inde auri domum?
2.3.316
Immo etiam. verum quantum attulerit nescio.
2.3.317
Quid? nescis?
2.3.317b
Quia Mnesilochus noctu clanculum
2.3.318
devenit ad Theotimum, nec mihi credere
2.3.319
nec cuiquam in navi voluit: eo ego nescio
2.3.320
quantillum attulerit; verum haud permultum attulit.
2.3.321
Etiam dimidium censes?
2.3.321b
Non edepol scio;
2.3.322
verum haud opinor.
2.3.322b
Fertne partem tertiam?
2.3.323
Non hercle opinor; verum verum nescio.

Perseus Latin. CTS URN phi0119.phi004.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.