Bacchides
- 1.1.80
forte aut cena, ut solet in istis fieri conciliabulis,
- 1.1.81
ubi ego tum accumbam?
- 1.1.81b
Ápud me, mi anime, ut lepidus cum lepida accubet.
- 1.1.82
locus hic apud nos, quamvis subito venias, semper liber est.
- 1.1.83
ubi tu lepide vóles esse tibi, méa rosa, mihi dicito
- 1.1.84
dato qui bene sit: ego ubi bene sit tibi locum lepidum dabo.
- 1.1.85
Rapidus fluvius est hic, non hac temere transiri potest.
- 1.1.86
Atque ecastor apud hunc fluvium áliquid perdundumst tibi.
- 1.1.87
manum da et sequere.
- 1.1.87b
Aha, minime.
- 1.1.87c
Quid ita?
- 1.1.87d
Quia istoc in lecebrosius
- 1.1.88
fieri nil potest: nox mulier vinum homini adulescentulo.
- 1.1.89
Age igitur, equidem pol nihili facio nisi causa tua.
- 1.1.90
ille quidem hanc abducet; tú nullus ádfueris, si non lubet.
- 1.1.91
Sumne autem nihili, qui nequeam ingenio moderari meo?
- 1.1.92
Quid est quod metuas?
- 1.1.92b
Nihil est, nugae. mulier, tibi me emancupo:
- 1.1.93
tuos sum, tibi dedo operam.
- 1.1.93b
Lepidu'slepidus es. nunc ego te facere hoc volo.
- 1.1.94
ego sorori meae cenam hodie dare volo viaticam:
- 1.1.95
eo tibi argentum iubebo iam intus ecferri foras;
- 1.1.96
tu facito opsonatum nobis sit opulentum opsonium.
- 1.1.97
Ego opsonabo, nam id flagitium meum sit, mea te gratia
- 1.1.98
et operam dare mi ét ad eam operam facere sumptum de tuo.
- 1.1.99
At ego nolo dare te quicquam.
- 1.1.99b
Sine.
- 1.1.99c
Sino equidem, si lubet.
- 1.1.100
propera, amabo.
- 1.1.100b
Prius hic adero quam te amare desinam.—
- 1.1.101
Bene me accipies advenientem, mea soror.
- 1.1.101b
Quid ita, obsecro?
- 1.1.102
Quia piscatus meo quidem animo hic tibi hodie evenit bonus.
- 1.1.103
Meus ille quidemst. tibi nunc operam dabo de Mnesilocho, soror,
- 1.1.104
ut hic accipias potius aurum, quam hinc eas cum milite.
- 1.1.105
Cupio.
- 1.1.105b
Dabitur opera. aqua calet: eamus hinc intro, ut laves.
- 1.1.106
nám uti navi vecta es, credo timida es.
- 1.1.106b
Aliquantum, soror.
- 1.1.107
simul huic nescio cui, turbare qui huc it, decedamus
- 1.1.108
Sequere hac igitur me intro in lectum, ut sedes lassitudinem.
- 1.2.109
Iam dudum, Pistoclere, tacitus te sequor,
- 1.2.110
expectans quas tu res hoc ornatu geras.
- 1.2.111
namque ita me di ament, ut Lycurgus mihi quidem
- 1.2.112
videtur posse hic ad nequitiam adducier.
- 1.2.113
quo nunc capessis ted hinc adversa via
- 1.2.114
cum tanta pompa?
- 1.2.114b
Húc.
- 1.2.114c
Quid huc? quis istíc habet?
- 1.2.115
Amor, Voluptas, Venus, Venustas, Gaudium,
- 1.2.116
Iocus, Lúdus, Sermo, Suavisaviatio.
- 1.2.117
Quid tibi commercist cum dis damnosissimis?
- 1.2.118
Mali sunt homines, qui bonis dicunt male;
- 1.2.119
tu dis nec recte dicis: non aequom facis.
- 1.2.120
An deus est ullus Suavisaviatio?
- 1.2.121
An non putasti esse umquam? o Lyde, es barbarus;
- 1.2.122
quem ego sapere nimio censui plus quam Thalem,
- 1.2.123
is stultior es barbaro poticio,
- 1.2.124
qui tantus natu deorum nescis nomina.
- 1.2.125
Non hic placet mi ornatus.
- 1.2.125b
Nemo ergo tibi
- 1.2.126
haec apparavit: mihi paratum est quoi placet.
- 1.2.127
Etiam me advorsus exordire argutias?
- 1.2.128
qui si decem habeas linguas, mutum esse addecet.
- 1.2.129
Non omnis aetas, Lyde, ludo convenit.
- 1.2.130
magis unum in mentemst mihi nunc, satis ut commode
- 1.2.131
pro dignitate opsoni haec concuret cocus.
- 1.2.132
Iam perdidisti te atque me atque operam meam,
- 1.2.133
qui tibi nequiquam saepe monstravi bene.
- 1.2.134
Ibidem égo meam operam perdidi, ubi tu tuam:
- 1.2.135
tua disciplina nec mihi prodest nec tibi.
- 1.2.136
O praeligatum pectus.
- 1.2.136b
Odiosus mihi es.
- 1.2.137
tace atque sequere, Lyde, me.
- 1.2.137b
Illuc sis vide,
- 1.2.138
non paedagogum iam me, sed Lydum vocat.
- 1.2.139
Non par videtur neque sit consentaneum,
- 1.2.140
cum haec qui emit intus sit et cúm amica accubet
- 1.2.141
cumque osculetur et convivae alii accubent,
- 1.2.142
praesentibus illis paedagogus una ut siet.
- 1.2.143
An hoc ad eas res opsonatumst, obsecro?
- 1.2.144
Sperat quidem animus: quo evenat dis in manust.
- 1.2.145
Tu amicam habebis?
- 1.2.145b
Cum videbis, tum scies.
- 1.2.146
Immo neque habebis neque sinam. i prorsum domum.
- 1.2.147
Omitte, Lyde, ac cave malo.
- 1.2.147b
Quid? cave malo?
- 1.2.148
Iam excessit mi aetas ex magisterio tuo.
- 1.2.149
O barathrum, ubi nunc es? ut ego te usurpem lubens.
- 1.2.150
video nimio iam multo plus quam volueram.
- 1.2.151
vixisse nimio satiust iam quam vivere.
- 1.2.152
magistron quemquam discipulum minitarier?
- 1.2.153
nil moror discipulos mihi iam plenos sanguinis:
- 1.2.154
valens afflictat me vacivom virium.
- 1.2.155
Fiam, ut ego opinor, Hercules, tu autem Linus.
- 1.2.156
Pol metuo magis, ne Phoenix tuis factis fuam
- 1.2.157
teque ad patrem esse mortuom renuntiem.
- 1.2.158
Satis historiarumst.
- 1.2.158b
Hic vereri perdidit.
- 1.2.159
compendium edepol haud aetati optabile
← Previous · Next → — showing 101–200 of 1,556
Perseus Latin. CTS URN phi0119.phi004.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.