Asinaria

Perseus Latin · Perseus Latin · 1,185 sections

2.2.354
te non aequomst suscensere. sí erum vis Demaenetum,
2.2.355
quém ego novi, adduce: argentum non morabor quin feras.”
2.2.356
ego me dixi erum adducturum et me domi praesto fore;
2.2.357
ille in balineas iturust, inde huc veniet postea.
2.2.358
quid nunc consili captandum censes? dic.
2.2.358b
Em istuc ago,
2.2.359
quo modo argento intervortam et adventorem et Sauream.
2.2.360
iam hoc opus est † exasceatum; nam si ille argentum prius
2.2.361
hospes huc affert, continuo nos ambo exclusi sumus.
2.2.362
nam me hodie senex seduxit solum sorsum ab aedibus,
2.2.363
mihi tibique interminatust nos futuros ulmeos,
2.2.364
ní hodie Argyrippo éssent viginti argenti minae;
2.2.365
iussit vel nos atriensem vel nos uxorem suam
2.2.366
defraudare, dixit sese óperam promiscam dare.
2.2.367
nunc tu abi ad forum ad erum et narra haec ut nos acturi sumus:
2.2.368
te ex Leonida futurum esse atriensem Sauream,
2.2.369
dum argentum afferat mercator pró asinis.
2.2.369b
Faciam ut iubes.
2.2.370
Ego illum interea hic oblectabo, prius si forte advenerit.
2.2.371
Quid ais?
2.2.371b
Quid vis?
2.2.371c
Pugno malam si tibi percussero,
2.2.372
mox cum Sauream imitabor, caveto ne suscenseas.
2.2.373
Hercle vero tu cavebis ne me attingas, si sapis,
2.2.374
né hodie malo cum auspicio nomen commutaveris.
2.2.375
Quaeso, aequo animo patitor.
2.2.375b
Patitor tú item, cum ego te referiam.
2.2.376
Dico ut usust fieri.
2.2.376b
Dico hercle ego quoque ut facturus sum.
2.2.377
Ne nega.
2.2.377b
Quin promitto, inquam, hostire contra ut merueris.
2.2.378
Ego abeo, tu iam, scio, patiere. sed quis hic est? is est,
2.2.379
ille est ipsus. iam ego recurro húc. tu hunc interea hic tene.
2.2.380
volo seni narrare.
2.2.380b
Quin tuom officium facis ergo ac fugis?
2.3.381
Vt démonstratae súnt mihi, hasce aédis esse opórtet,
2.3.382
Demaenetus ubi dicitur habitare. i, puere, pulta
2.3.383
atque atriensem Sauream, si est intus, evocato huc.
2.3.384
Quis nostras sic frangit fores? ohe, inquam, si quid audis.
2.3.385
Nemo etiam tetigit. sanun es?
2.3.385b
At censebam attigisse
2.3.386
propterea, huc quia habebas iter. nolo ego fores conservas
2.3.387
meas á te verberarier. sane ego sum amicus nostris.
2.3.388
Pol haud periclum est, cardines ne foribus effringantur,
2.3.389
si istoc exemplo omnibus qui quaerunt respondebis.
2.3.390
Ita haec morata est ianua: extemplo ianitorem
2.3.391
clamat, procul si quem videt ire ad se calcitronem.
2.3.392
sed quid venis? quid quaeritas?
2.3.392b
Demaenetum volebam.
2.3.393
Si sit domi, dicam tibi.
2.3.393b
Quid eius atriensis?
2.3.394
Nihilo mage intus est.
2.3.394b
Vbi est?
2.3.394c
Ad tonsorem ire dixit.
2.3.395
Conveni. sed post non redit?
2.3.395b
Non edepol. quid volebas?
2.3.396
Argenti viginti minas, si adesset, accepisset.
2.3.397
Qui pro istuc?
2.3.397b
Asinos vendidit Pellaeo mercatori
2.3.398
mercatu.
2.3.398b
Scio. tu id nunc refers? iam hic credo eum adfuturum.
2.3.399
Qua facie voster Saurea est? si is est, iam scire potero.
2.3.400
Macilentis malis, rufulus aliquantum, ventriosus,
2.3.401
truculentis oculis, commoda statura, tristi fronte.
2.3.402
Non potuit pictor rectius describere eius formam.
2.3.403
Atque hercle ipsum adeo contuor, quassanti capite incedit.
2.3.404
quisque obviam huic occesserit irato, vapulabit.
2.3.405
Siquidem hércle Aeacidinis minis animisque expletus incedit,
2.3.406
si med iratus tetigerit, iratus vapulabit.
2.4.407
Quid hoc sít negoti, neminem meum dictum magni facere?
2.4.408
Libanum in tonstrinam ut iusseram venire, is nullus venit.
2.4.409
ne ille edepol tergo et cruribus consuluit haud decore.
2.4.410
Nimis imperiosust.
2.4.410b
Vae mihi.
2.4.410c
Hodie salvere iussi
2.4.411
Libanum libertum? iam manu emíssu'semissus es?
2.4.411b
Obsecro te.
2.4.412
Ne tu hercle cum magno malo mihi obviam occessisti.
2.4.413
cur non venisti, ut iusseram, in tonstrinam?
2.4.413b
Hic me moratust.
2.4.414
Siquidem hércle nunc summum Iovem te dicas detinuisse
2.4.415
atque is precator adsiet, malam rem effugies numquam.
2.4.416
tu, verbero, imperium meum contempsisti?
2.4.416b
Perii, hospes.
2.4.417
Quaeso hercle noli, Saurea, mea causa hunc verberare.
2.4.418
Vtinam nunc stimulus in manu mihi sit.
2.4.418b
Quiesce quaeso.
2.4.419
Qui latera conteram tua, quae occalluere plagis.
2.4.420
abscede ac sine me hunc perdere, qui semper me ira incendit,
2.4.421
cui numquam unam rem me licet semel praecipere furi,
2.4.422
quin centiens eadem imperem atque ogganniam, itaque iam hercle
2.4.423
clamore ac stomacho non queo labori suppeditare.
2.4.424
iussin, sceleste, ab ianua hoc stercus hinc auferri?
2.4.425
iussin columnis deici operas araneorum?
2.4.426
iussin in splendorem dari bullas has foribus nostris?
2.4.427
nihil est: tamquam si claudus sim, cum fustist ambulandum.
2.4.428
quia triduom hoc unum modo foro operam adsiduam dedo,
2.4.429
dum reperiam qui quaeritet argentum in faenus, hic vos
2.4.430
dormitis interea domi, atque erus in hara, haud aedibus, habitat.
2.4.431
em ergo hóc tibi.

Perseus Latin. CTS URN phi0119.phi002.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.