Asinaria

Perseus Latin · Perseus Latin · 1,185 sections

2.4.431b
Hospes, te obsecro, defende.
2.4.431c
Saurea, oro,
2.4.432
mea causa ut mittás.
2.4.432b
Eho, ecquis pro vectura olivi
2.4.433
rem solvit?
2.4.433b
Solvit.
2.4.433c
Cui datumst?
2.4.433d
Sticho vicario ipsi
2.4.434
tuo.
2.4.434b
Váh, delenire apparas, scio mihi vicarium esse,
2.4.435
neque eo esse servom in aedibus eri quí sit pluris quam illest.
2.4.436
sed vina quaé heri vendidi vinario Exaerambo,
2.4.437
iam pró eis satis fecit Sticho?
2.4.437b
Fecisse satis opinor,
2.4.438
nam vidi huc ipsum adducere trapezitam Exaerambum.
2.4.439
Sic dedero. prius quae credidi vix anno post exegi;
2.4.440
nunc satagit: adducit domum etiam ultro et scribit nummos.
2.4.441
Dromo mercedem rettulit?
2.4.441b
Dimidio minus opinor.
2.4.442
Quid relicuom?
2.4.442b
Aibat reddere quom extemplo redditum esset;
2.4.443
nam retineri, ut quod sit sibi operis locatum efficeret.
2.4.444
Scyphos quos utendos dedi Philodamo, rettulitne?
2.4.445
Non etiam.
2.4.445b
Hem non? si velis da , commoda homini amico.
2.4.446
Perii hercle, iam hic me abegerit suo odio.
2.4.446b
Heús iam satis tu.
2.4.447
audin quae loquitur?
2.4.447b
Audio et quiesco.
2.4.447c
Tandem, opinor,
2.4.448
conticuit. nunc adeam optimum est, prius quam incipit tinnire.
2.4.449
quam mox mi operam das?
2.4.449b
Ehem, óptume. quam dudum tu advenisti?
2.4.450
non hercle te provideram (quaeso, ne vitio vortas),
2.4.451
ita iracundia obstitit oculis.
2.4.451b
Non mirum factum est.
2.4.452
sed si domi est, Demaenetum volebam.
2.4.452b
Negat esse intus.
2.4.453
verum istuc argentum tamen mihi si vis denumerare,
2.4.454
repromittam istoc nomine solutam rem futuram.
2.4.455
Sic potius, ut Demaeneto tibi ero praesente reddam.
2.4.456
Erus istunc novit atque erum hic.
2.4.456b
Ero huic praesente reddam.
2.4.457
Da modo meo periculo, rem salvam ego exhibebo;
2.4.458
nam si sciat noster senex fidem non esse huic habitam,
2.4.459
suscenseat, quoi ómnium rerum ipsus semper credit.
2.4.460
Non magni pendo. ne duit, si non volt. sic sine astet.
2.4.461
Da, inquam. vah, formido miser, ne hic me tibi arbitretur
2.4.462
suasisse, sibi ne crederes. da, quaeso, ac ne formida:
2.4.463
salvom hercle erit.
2.4.463b
Credam fore, dum quidem ipse in mánu habebo.
2.4.464
peregrinus ego sum, Sauream non novi.
2.4.464b
At nosce sane.
2.4.465
Sit, non sit, non edepol scio. si is est, eum esse oportet.
2.4.466
ego certe me incerto scio hoc daturum nemini homini.
2.4.467
Hercle istum di omnes perduint. verbo cave supplicassis.
2.4.468
ferox est viginti minas meas tractare sese.
2.4.469
nemo accipit, aufer te domum, abscede hinc, molestus ne sis.
2.4.470
Nimis iracunde. non decet superbum esse hominem servom.
2.4.471
Malo hercle iam magno tuo, ni isti nec recte dicis.
2.4.472
Impure, nihili. non vides irasci?
2.4.472b
Perge porro.
2.4.473
Flagitium hominis. da, óbsecro, argentum huic, ne male loquatur.
2.4.474
Malum hercle vobis quaeritis.
2.4.474b
Crura hercle diffringentur,
2.4.475
ni istum impudicum percies.
2.4.475b
Perii hercle. age impudice,
2.4.476
sceleste, non audes mihi scelesto subvenire?
2.4.477
Pergin precari pessimo?
2.4.477b
Quae res? tun libero homini
2.4.478
male servos loquere?
2.4.478b
Vapula.
2.4.478c
Id quidém tibi hercle fiet,
2.4.479
ut vapules, Demaenetum simul ac conspexero hodie.
2.4.480
in ius voco te.
2.4.480b
Non eo.
2.4.480c
Non is? memento.
2.4.480d
Memini.
2.4.481
Dabitur pol supplicium mihi de tergo vostro.
2.4.481b
Vae te.
2.4.482
tibi quidem supplicium, carnufex, de nobis detur?†
2.4.482b
Atque etiam
2.4.483
pro dictis vostris maledicis poenae pendentur mi hodie.
2.4.484_485
Quid, verbero? ain tu, furcifer? erum nos fugitare censes?
2.4.486
ei nunciam ad erum, quo vocas, iam dudum quo volebas.
2.4.487
Nunc demum? tamen numquam hinc feres argenti nummum, nisi me
2.4.488
dare iusserit Demaenetus.
2.4.488b
Ita facito, age ambula ergo.
2.4.489
tu contumeliam alteri facias, tibi non dicatur?
2.4.490
tam ego homo sum quam tu.
2.4.490b
Scilicet. ita res est.
2.4.490c
Sequere hac ergo.
2.4.491
praefiscini hoc nunc dixerim: nemo etiam me accusavit
2.4.492
merito meo, neque me alter est Athenis hodie quisquam,
2.4.493
cui credi recte aeque putent.
2.4.493b
Fortassis. sed tamen me
2.4.494
numquam hodie induces, ut tibi credam hoc argentum ignoto.
2.4.495
lupus est homo homini, non homo, quom qualis sit non novit.
2.4.496
Iam nunc secunda mihi facis. scibam huic te capitulo hodie
2.4.497
facturum satis pro iniuria; quamquam ego sum sordidatus,

Perseus Latin. CTS URN phi0119.phi002.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.