Amphitruo

Perseus Latin · Perseus Latin · 1,409 sections

1.1.373
Tuam fidem obsecro.
1.1.373b
Tun te audes Sosiam esse dicere,
1.1.374
quí ego sum?
1.1.374b
Perii.
1.1.374c
Parum etiam, praeut futurum est, praedicas.
1.1.375
quoius nunc es?
1.1.375b
Tuos, nam pugnis usu fecisti tuom.
1.1.376
pro fidem, Thebani cives.
1.1.376b
Etiam clamas, carnifex?
1.1.377
loquere, quid venisti?
1.1.377b
Vt esset quem tu pugnis caederes.
1.1.378
Cuius es?
1.1.378b
Amphitruonis, inquam, Sosia.
1.1.378c
Ergo istoc magis,
1.1.379
quia vaniloquo's vaniloquus es , vapulabis: ego sum, non tu, Sosia.
1.1.380
Ita di faciant, ut tu potius sis atque ego te ut verberem.
1.1.381
Etiam muttis?
1.1.381b
Iam tacebo.
1.1.381c
Quis tibi erust?
1.1.381d
Quem tu voles.
1.1.382
Quid igitur? qui nunc vocare?
1.1.382b
Nemo nisi quem iusseris.
1.1.383
Amphitruonis te esse aiebas Sosiam.
1.1.383b
Peccaveram,
1.1.384
nam Amphitruonis †socium ne me esse volui dicere.
1.1.385
Scibam equidem nullum esse nobis nisi me servom Sosiam.
1.1.386
fugit te ratió.
1.1.386b
Vtinam istuc pugni fecissent tui.
1.1.387
Ego sum Sosia ille quem tu dudum esse aiebas mihi.
1.1.388
Obsecro ut per pacem liceat te alloqui, ut ne vapulem.
1.1.389
Immo indutiae parumper fiant, si quid vis loqui.
1.1.390
Non loquar nisi pace facta, quando pugnis plus vales.
1.1.391
Dic si quid vis, non nocebo.
1.1.391b
Tuae fide credo?
1.1.391c
Meae.
1.1.392
Quid si falles?
1.1.392b
Tum Mercurius Sosiae iratus siet.
1.1.393
Animum advorte. nunc licet mihi libere quidvis loqui.
1.1.394
Amphitruonis ego sum servos Sosia.
1.1.394b
Etiam denuo?
1.1.395
Pacem feci, foedus feci. vera dico.
1.1.395b
Vapula.
1.1.396
Vt libet quid tibi libet fac, quoniam pugnis plus vales;
1.1.397
verum, utut es facturus, hoc quidem hercle haud reticebo tamen.
1.1.398
Tu me vivos hodie numquam facies quin sim Sosia.
1.1.399
Certe edepol tu me alienabis numquam quin noster siem;
1.1.400
nec nobis praeter med alius quisquam est servos Sosia.
1.1.401
qui cum Amphitruone hinc una ieram in exercitum.
1.1.402
Hic homo sanus non est.
1.1.402b
Quod mihi praedicas vitium, id tibi est.
1.1.403
quid, malum, non súm ego servos Amphitruonis Sosia?
1.1.404
nonne hac noctu nostra navis huc ex portu Persico
1.1.405
venit, quae me advexit? nonne me huc erus misit meus?
1.1.406
nonne ego nunc sto ante aedes nostras? non mi est lanterna in manu?
1.1.407
non loquor, nón vigilo? nonne hic homo módo me pugnis contudit?
1.1.408
fecit hercle, nam etiam misero nunc mihi malae dolent.
1.1.409
quid igitur ego dubito, aut cur non intro eo in nostram domum?
1.1.410
Quid, domum vostram?
1.1.410b
Ita enim vero.
1.1.410c
Quin quae dixisti modo
1.1.411
omnia ementitu's ementitus es : equidem Sosia Amphitruonis sum.
1.1.412
nam noctu hac soluta est navis nostra e portu Persico,
1.1.413
et ubi Pterela rex regnavit oppidum expugnavimus,
1.1.414
et legiones Teloboarum vi pugnando cepimus,
1.1.415
et ipsus Amphitruo optruncavit regem Pterelam in proelio.
1.1.416
Egomet mihi non credo, cum illaec autumare illum audio;
1.1.417
hic quidem cérte quae illic sunt res gestae memorat memoriter.
1.1.418
sed quid ais? quid Amphitruoni doni a Telobois datum est?
1.1.419
Pterela rex qui potitare solitus est patera aurea.
1.1.420
Elocutus est. ubi patera nunc est?
1.1.420b
Est in cistula;
1.1.421
Amphitruonis obsignata signo est.
1.1.421b
Signi dic quid est?
1.1.422
Cum quadrigis Sol exoriens. quid me captas, carnufex?
1.1.423
Argumentis vicit, aliud nomen quaerundum est mihi.
1.1.424
nescio unde haec hic spectavit. iám ego hunc decipiam probe;
1.1.425
nam quod egomet solus feci, nec quisquam alius affuit,
1.1.426
in tabernaclo, id quidem hodie numquam poterit dicere.
1.1.427
si tu Sosia es, legiones cum pugnabant maxume,
1.1.428
quid in tabernaclo fecisti? victus sum, si dixeris.
1.1.429
Cadus erat vini, inde implevi hírneam.
1.1.429b
Ingressust viam.
1.1.430
Eam ego, ut matre fuerat natum, vini éduxi meri.
1.1.431
Factum est illud, ut ego illíc vini hirneam ebiberim meri.
1.1.432
mira sunt nisi latuit intus illic in illac hirnea.
1.1.433
Quid nunc? vincon argumentis, te non esse Sosiam?
1.1.434
Tu negas med esse?
1.1.434b
Quid ego ni negem, qui egomet siem?
1.1.435
Per Iovem iuro med esse neque me falsum dicere.
1.1.436
At ego per Mercurium iuro, tibi Iovem non credere;
1.1.437
nam iniurato scio plus credet mihi quam iurato tibi.
1.1.438
Quis ego sum saltem, si non sum Sosia? te interrogo.
1.1.439
Vbi ego Sosia nolim esse, tu esto sane Sosia;
1.1.440
nunc, quando ego sum, vapulabis, ni hinc abis, ignobilis.
1.1.441
Certe edepol, quom illum contemplo et formam cognosco meam,
1.1.442
quem ad modum ego sum (saepe in speculum inspexi), nimis similest mei;
1.1.443
itidem habet petasum ac vestitum: tam consimilest atque ego;
1.1.444
sura, pes, statura, tonsus, oculi, nasum vel labra,
1.1.445
malae, mentum, barba, collus: totus. quid verbis opust?
1.1.446
si tergum cicatricosum, nihil hoc similist similius.

Perseus Latin. CTS URN phi0119.phi001.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.