Amphitruo

Perseus Latin · Perseus Latin · 1,409 sections

1.1.301
igitur magis demum maiorem in sese concipiet metum.
1.1.302
agite, pugni, iam diu est quom ventri victum non datis:
1.1.303
iam pridem videtur factum, heri quod homines quattuor
1.1.304
in soporem collocastis nudos.
1.1.304b
Formido male,
1.1.305
né ego hic nomen meum commutem et Quintus fiam e Sosia;
1.1.306
quattuor nudos sopori se dedisse hic autumat:
1.1.307
metuo ne numerum augeam illum.
1.1.307b
em, nunciam ergo: sic volo.
1.1.308
Cingitur: certe expedit se.
1.1.308b
Non feret quin vapulet.
1.1.309
Quis homo?
1.1.309b
Quisquis homo huc profecto venerit, pugnos edet.
1.1.310
Apage, non placet me hoc noctis esse: cenavi modo;
1.1.311
proin tu istam cenam largire, si sapis, esurientibus.
1.1.312
Haud malum huic est pondus pugno.
1.1.312b
Perii, pugnos ponderat.
1.1.313
Quid si ego illum tractim tangam, ut dormiat?
1.1.313b
Servaveris,
1.1.314
nam continuas has tris noctes pervigilavi.
1.1.314b
Pessumest,
1.1.315
facimus nequiter, ferire malam male discit manus;
1.1.316
alia forma ésse oportet quem tu pugno legeris.
1.1.317
Illic homo me interpolabit meumque os finget denuo.
1.1.318
Exossatum os esse oportet quem probe percusseris.
1.1.319
Mirum ni hic me quasi murenam éxossare cogitat.
1.1.320
ultro istunc qui exossat homines. perii, si me aspexerit.
1.1.321
Olet homo quidam malo suo.
1.1.321b
ei, numnam ego óbolui?
1.1.322
Atque haud longe abesse oportet, verum longe hinc afuit.
1.1.323
Illic homo superstitiosust.
1.1.323b
Gestiunt pugni mihi.
1.1.324
Si in me exercituru's exerciturus es , quaeso in parietem ut primum domes.
1.1.325
Vox mi ad aures advolavit.
1.1.325b
Né ego homo infelix fui,
1.1.326
qui non alas intervelli: volucrem vocem gestito.
1.1.327
Illic homo a me sibi malam rem arcessit iumento suo.
1.1.328
Non equidem ullum habeo iumentum.
1.1.328b
Onerandus est pugnis probe.
1.1.329
Lassus sum hercle, navi ut vectus huc sum: etiam nunc nauseo;
1.1.330
vix incedo inanis, ne ire posse cum onere existimes.
1.1.331
Certe enim hic nescio quis loquitur.
1.1.331b
Salvos sum, non me videt:
1.1.332
nescioquem loqui autumat; mihi certo nomen Sosiaest.
1.1.333
Hinc enim míhi dextra vox auris, ut videtur, verberat.
1.1.334
Metuo, vocis ne vicem hodie hic vapulem, quae hunc verberat.
1.1.335
Optume eccum incedit ad me.
1.1.335b
Timeo, totus torpeo.
1.1.336
non edepol nunc ubi terrarum sim scio, si quis roget,
1.1.337
neque miser me commovere possum prae formidine.
1.1.338
ilicet, mandata eri perierunt una et Sosia.
1.1.339
verum certum est confidenter hominem contra conloqui,
1.1.340
qui possim videri huic fortis, a me ut abstineat manum.
1.1.341
Quo ambulas tu, qui Volcanum in cornu conclusum geris?
1.1.342
Quid id exquiris tu, qui pugnis os exossas hominibus?
1.1.343
Servosne es an liber?
1.1.343b
Vtcumque animo conlibitum est meo.
1.1.344
Ain vero?
1.1.344b
Aio enim vero.
1.1.344c
Verbero.
1.1.344d
Mentiris nunc.
1.1.345
At iam faciam ut verum dicas dicere.
1.1.345b
Quid eo est opus?
1.1.346
Possum scire, quo profectus, cuius sis aut quid veneris?
1.1.347
Húc eo, eri iussu, eius sum servos. numquid nunc es certior?
1.1.348
Ego tibi istam hodie, sceleste, comprimam linguam.
1.1.348b
Haud potes:
1.1.349
bene pudiceque adservatur.
1.1.349b
Pergin argutarier?
1.1.350
quid apud hasce aedis negoti ést tibi?
1.1.350b
Immo quid tibi est?
1.1.351
Rex Creo vigiles nocturnos singulos semper locat.
1.1.352
Bene facit: quia nos eramus peregre, tutatust domi;
1.1.353
at nunc abi sane, advenisse familiares dicito.
1.1.354
Nescio quam tu familiaris sis: nisi actutum hinc abis,
1.1.355
familiaris accipiere faxo haud familiariter.
1.1.356
Hic inquam habito ego atque horunc servos sum.
1.1.356b
At scin quo modo?
1.1.357
faciam ego hodie te superbum, nisi hinc abis.
1.1.357b
Quonam modo?
1.1.358
Auferere, non abibis, sí ego fustem sumpsero.
1.1.359
Quin me esse huius familiai familiarem praedico.
1.1.360
Vide sis quam mox vapulare vis, nisi actutum hinc abis.
1.1.361
Tun domo prohibere peregre me advenientem postulas?
1.1.362
Haecine tua domust?
1.1.362b
Ita inquam.
1.1.362c
Quis erus est igitur tibi?
1.1.363
Amphitruo, qui nunc praefectust Thebanis legionibus,
1.1.364
quicum nupta est Alcumena.
1.1.364b
Quid ais? quid nomen tibi est?
1.1.365
Sosiam vocant Thebani, Davo prognatum patre.
1.1.366
Ne tu istic hodie malo tuo compositis mendaciis
1.1.367
advenisti, audaciai columen, consutis dolis.
1.1.368
Immo equidem tunicis consutis huc advenio, non dolis.
1.1.369
At mentiris etiam: certo pedibus, non tunicis venis.
1.1.370
Ita profecto.
1.1.370b
Nunc profecto vapula ob mendacium.
1.1.371
Non edepol volo profecto.
1.1.371b
At pol profecto ingratiis.
1.1.372
hoc quidem profecto certum est, non est arbitrarium.

Perseus Latin. CTS URN phi0119.phi001.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.