Pseudo Theophilus

Coptic literature (Coptic SCRIPTORIUM) · 444 sections

cross.michbr295-297:21
ⲛⲁⲓ ⲇⲉ ⲉⲧⲟ ⲛⲇⲁⲓⲙⲱⲛ ⲡⲉϣⲗⲏⲗ ⲡⲉ ϣⲁϥⲑⲉⲣⲁⲡⲉⲩⲉ ⲙⲙⲟⲩ ⲉⲧⲃⲉⲡⲁⲓ ⲉⲓⲥ ⲙⲛⲧⲏ ⲛϩⲟⲟⲩ ⲧⲛⲛⲏⲥⲧⲉⲩⲉ ⲁⲩⲱ ⲧⲛϣⲗⲏⲗ ϩⲙⲡⲙⲁ ⲉⲧⲟⲩⲁⲁⲃ .
repentence.continence:21
ⲥⲛⲁϥⲓ ⲉⲃⲟⲗ ⲙⲙⲟⲛ ⲛⲧⲁⲙⲉⲗⲓⲁ ⲙⲛⲧⲙⲛⲧⲣⲉϥϫⲛⲁⲁⲩ · ⲛⲥⲛⲉϩⲥⲉ ⲙⲙⲟⲛ ⲉⲡⲉϣⲗⲏⲗ ⲙⲛϩⲉⲛⲟⲩϣⲏ ⲛⲣⲟⲉⲓⲥ · ⲙⲛϩⲉⲛⲙⲉⲗⲉⲧⲁ ⲙⲛϩⲉⲛⲯⲁⲗⲙⲟⲥ · ⲙⲛϩⲉⲛϩⲱⲇⲏ ⲙⲡⲛⲉⲩⲙⲁⲧⲓⲕⲟⲛ ·
cross.michbr283-286:21
ⲛⲁⲓ ⲛⲉ ⲛϭⲟⲣϭⲥ ⲛⲧⲁⲡⲇⲓⲁⲃⲟⲗⲟⲥ ϭⲱⲣϭ ⲛⲛⲣⲱⲙⲉ ⲛϩⲏⲧⲟⲩ ϣⲁⲛⲧⲉϥⲥⲟⲣⲙⲟⲩ ⲛϥϫⲟⲟⲣⲟⲩ ⲉⲃⲟⲗ .
cross.michbr287-290:21
ⲁⲓⲟⲩⲱ ⲅⲁⲣ ⲉⲓϫⲱ ⲙⲙⲟⲥ ⲛⲁⲩ ϩⲛⲧⲙⲏⲧⲉ ⲛⲟⲩⲟⲛ ⲛⲓⲙ ϫⲉⲡⲉⲧⲛⲁϩⲟⲙⲟⲗⲟⲅⲉⲓ ⲙⲙⲟⲓ ⲙⲡⲙⲧⲟ ⲉⲃⲟⲗ ⲛⲛⲣⲱⲙⲉ ϯⲛⲁϩⲟⲙⲟⲗⲟⲅⲉⲓ ⲙⲙⲟϥ ⲙⲡⲙⲧⲟ ⲉⲃⲟⲗ ⲙⲡⲁⲉⲓⲱⲧ ⲉⲧϩⲛⲙⲡⲏⲩⲉ .
cross.michbr291-294:21
ⲁⲩⲱ ⲁϥⲧⲛⲛⲟⲟⲩ ⲛⲟⲩⲁⲅⲅⲉⲗⲟⲥ ⲛϫⲱⲱⲣⲉ . ⲁϥⲡⲱϩ ⲙⲡⲕⲁⲧⲁⲡⲉⲧⲁⲥⲙⲁ ⲙⲡⲣⲡⲉ ⲁϥⲣⲥⲛⲁⲩ .
repentence.continence:22
ⲁⲛⲁⲩ ϭⲉ ⲱ ⲛⲉⲥⲛⲏⲩ ⲉⲧⲙⲉⲧⲁⲛⲟⲓⲁ ϫⲉϣⲁⲥⲧⲣⲉⲟⲩⲏⲣ ⲕⲁⲣⲡⲟⲥ ⲟⲩⲱϩ ϩⲙⲡⲣⲱⲙⲉ ⲉⲧⲛⲁⲙⲉⲧⲁⲛⲟⲉⲓ ·
cross.michbr295-297:22
ⲛⲧⲟⲕ ⲉⲕϩⲙⲙⲙⲁ ⲛⲓⲙ ⲙⲁⲣⲉⲡⲉϣⲗⲏⲗ ϣⲱⲡⲉ ⲛⲁⲕ ⲛϣⲃⲏⲣ . ϣⲗⲏⲗ ⲉⲕⲛⲁⲛⲕⲟⲧⲕ ⲧⲁⲣⲉⲕϣⲱⲡⲉ ⲉⲕⲟⲩⲟϫ ⲉⲡⲉⲓⲣⲁⲥⲙⲟⲥ .
cross.michbr287-290:22
ⲧⲉⲧⲛⲛⲁⲩ ϭⲉ ⲱ ⲛⲉⲥⲛⲏⲩ ϫⲉⲟⲩϩⲓⲥⲉ ⲛⲁϣ ⲛϩⲉ ⲡⲉⲧⲛⲁⲧⲁϩⲉ ⲡⲣⲱⲙⲉ ⲉⲧⲛⲁⲁⲣⲛⲁ ⲙⲡⲉϥϫⲟⲉⲓⲥ .
cross.michbr291-294:22
ⲁⲡⲕⲁϩ ⲕⲓⲙ . ⲁⲙⲡⲉⲧⲣⲁ ⲡⲱϩ . ⲁⲡⲣⲏ ⲣⲕⲁⲕⲉ ⲡⲉⲓⲛⲟϭ ⲛⲣⲉϥⲣⲟⲩⲟⲉⲓⲛ .
cross.michbr283-286:22
ⲁⲩⲉⲓⲥ ϩⲱⲱϥ ⲧⲉⲛⲟⲩ ⲛⲧⲛⲛⲁⲩ ϫⲉⲉⲣⲉⲡⲉⲭⲣⲓⲥⲧⲟⲥ ⲡⲉⲛⲣⲣⲟ ⲡⲟⲗⲉⲙⲉⲓ ⲛⲙⲙⲁϥ ⲛⲁϣ ⲛϩⲉ .
cross.michbr295-297:23
ⲉⲕϩⲙⲡⲇⲓⲕⲁⲥⲧⲏⲣⲓⲟⲛ ϣⲗⲏⲗ . ⲁⲩⲱ ⲡⲛⲟⲩⲧⲉ ⲛⲁⲙⲓϣⲉ ⲉϩⲣⲁⲓ ⲉϫⲱⲕ . ⲉⲕⲧⲁⲗⲏⲩ ⲉⲛⲉⲙⲟⲩ ⲛⲓⲟⲟⲩⲉ ϣⲗⲏⲗ ⲁⲩⲱ ⲕⲛⲁⲛⲟⲩϩⲙ ⲉⲱⲙⲥ .
cross.michbr283-286:23
ϣⲁⲛⲧⲉϥϥⲓ ⲛⲧⲟⲟⲧϥ ⲛⲛⲉⲛⲯⲩⲭⲏ ⲛϥⲁⲁⲩ ⲛⲣⲙϩⲉ .
cross.michbr287-290:23
ⲉⲧⲃⲉⲡⲁⲓ ⲙⲁⲣⲉⲛⲣⲟⲉⲓⲥ ⲉⲣⲟⲛ ϫⲉⲛⲛⲉⲩⲣϩⲁⲗ ⲙⲙⲟⲛ ⲛⲥⲉⲁⲁⲛ ⲛϣⲙⲙⲟ ⲉⲡⲉⲛⲧⲁϥⲧⲁⲙⲓⲟⲛ . ⲉⲧⲃⲉⲛⲉⲛⲕⲁ ⲙⲡⲉⲓⲁⲓⲱⲛ .
repentence.continence:23
ϣⲁⲥⲧⲣⲉⲙⲙⲉⲗⲟⲥ ⲧⲏⲣⲟⲩ ⲛⲉϫ ϯⲟⲩⲱ ⲉⲃⲟⲗ · ⲛⲧϩⲉ ⲛⲟⲩϣⲏⲛ ⲉϥⲣⲟⲟⲩⲧ ϩⲓϫⲛⲟⲩⲙⲟⲟⲩ · ⲱ ⲧⲙⲉⲧⲁⲛⲟⲓⲁ ϩⲉⲛⲛⲟϭ ⲛⲉ ⲛⲟⲩⲥⲟⲗⲥⲗ · ⲟⲩⲣⲁϣⲉ ⲡⲉⲧϣⲟⲟⲡ ϩⲛⲧⲟⲩⲗⲩⲡⲏ ·
cross.michbr291-294:23
ⲁⲡⲕⲁϩ ⲧⲏⲣϥ ⲣⲕⲁⲕⲉ ϫⲉⲕⲁⲁⲥ ⲉϥⲉⲥⲕⲩⲡⲁⲍⲉ ⲙⲡⲉϥⲥⲱⲙⲁ ⲉⲧⲟⲩⲁⲁⲃ ϩⲓϫⲙⲡⲉⲥⲧⲁⲩⲣⲟⲥ . ⲉⲃⲟⲗ ϫⲉⲁⲩⲕⲁⲁϥ ⲕⲁϩⲏⲩ ⲛⲛⲉϥϩⲟⲓⲧⲉ ⲁⲩⲡⲟϣⲟⲩ ⲉϫⲱⲟⲩ .
repentence.continence:24
ⲁⲩⲱ ⲟⲩⲉⲩⲫⲣⲟⲥⲩⲛⲏ ⲡⲉⲧϣⲟⲟⲡ ϩⲛⲛⲟⲩⲣⲙⲉⲓⲟⲟⲩⲉ ·
cross.michbr283-286:24
ⲛⲧⲉⲣⲉϥⲣϩⲛⲁϥ ⲛϭⲓⲡⲛⲟⲩⲧⲉ ⲡⲡⲁⲛⲧⲱⲕⲣⲁⲧⲱⲣ ⲡⲁⲓ ϩⲓⲧⲛⲧⲉϥⲛⲟϭ ⲛⲁⲅⲁⲡⲏ ⲛⲧⲁϥⲙⲉⲣⲓⲧⲛ ⲛϩⲏⲧⲥ .
cross.michbr295-297:24
ⲉⲩϣⲁⲛⲧⲁϩⲙⲉⲕ ⲉⲩⲇⲓⲡⲛⲟⲛ ϣⲗⲏⲗ ⲙⲡⲁⲧⲉⲕⲟⲩⲱⲙ ⲧⲁⲣⲉⲡⲛⲟⲩⲧⲉ ⲥⲙⲟⲩ ⲉⲡⲉⲕⲟⲉⲓⲕ ⲙⲛⲛⲉⲧⲉⲕⲛⲁⲥⲟⲟⲩⲧⲛ ⲉⲣⲟⲟⲩ ⲧⲏⲣⲟⲩ .
cross.michbr287-290:24
ⲟⲩⲛϩⲟⲓⲛⲉ ϣⲟⲟⲡ ⲧⲉⲛⲟⲩ ⲉⲩⲁⲣⲛⲁ ⲙⲡⲛⲟⲩⲧⲉ ⲉⲧⲃⲉ ϩⲉⲛⲭⲣⲏⲙⲁ .
cross.michbr291-294:24
ϭⲱϣⲧ ⲱ ⲛⲁⲙⲉⲣⲁⲧⲉ ⲛⲧⲉⲧⲛⲛⲁⲩ ⲉⲧⲙⲛⲧϣⲁⲛϩⲧⲏϥ ⲙⲡⲛⲟⲩⲧⲉ . ⲡⲉⲧϯϩⲃⲥⲱ ϩⲓⲱⲱϥ ⲙⲡⲥⲱⲛⲧ ⲧⲏⲣϥ .
cross.michbr295-297:25
ⲉⲓⲧⲉ ⲧⲉⲧⲛⲟⲩⲱⲙ ⲉⲓⲧⲉ ⲉⲧⲉⲧⲛⲥⲱ . ⲉⲓⲧⲉ ⲉⲧⲉⲧⲛⲉⲓⲣⲉ ⲛⲕⲉϩⲱⲃ . ⲁⲣⲓϩⲱⲃ ⲛⲓⲙ ⲉⲧⲉⲧⲛϯⲉⲟⲟⲩ ⲙⲡⲛⲟⲩⲧⲉ .
repentence.continence:25
ⲛⲕⲁⲣⲡⲟⲥ ⲛⲧⲙⲉⲧⲁⲛⲟⲓⲁ ⲉⲩⲙⲏϩ ⲉⲃⲟⲗ ϩⲛⲧϭⲟⲙ ⲙⲡⲉⲡⲛⲉⲩⲙⲁ ·
cross.michbr283-286:25
ⲁϥⲧⲛⲛⲟⲟⲩ ⲙⲡⲉϥⲙⲉⲣⲓⲧ ⲛϣⲏⲣⲉ ⲉⲡⲕⲟⲥⲙⲟⲥ . ⲁϥⲃⲱⲕ ϣⲁⲡⲗⲁⲟⲥ ⲉⲧⲥⲟⲟϥ .
cross.michbr287-290:25
ϣⲁⲣⲉⲧⲙⲛⲧⲙⲁⲓⲭⲣⲏⲙⲁ ⲅⲁⲣ . ⲧⲱⲙ ⲛⲛⲃⲁⲗ ⲙⲡⲉⲛⲧⲁϥⲙⲉⲣⲓⲧⲥ .
cross.michbr291-294:25
ⲁⲩⲕⲁⲁϥ ⲕⲁϩⲏⲩ ⲛⲛⲉϥϩⲟⲓⲧⲉ ϩⲓϫⲙⲡⲉⲥⲧⲁⲩⲣⲟⲥ ⲁⲗⲗⲁ ⲡⲣⲏ ϩⲱⲃⲥ ⲙⲡⲉϥϫⲟⲉⲓⲥ ϩⲓⲧⲙⲡⲕⲁⲕⲉ ⲛⲧⲁϥϣⲱⲡⲉ . ϫⲉⲛⲛⲉⲩⲛⲟϭ ⲙⲙⲩⲥⲧⲏⲣⲓⲟⲛ ⲛⲧⲁϥϣⲱⲡⲉ ϩⲓϫⲙⲡⲉⲥⲧⲁⲩⲣⲟⲥ ⲉⲃⲟⲗ ϫⲉⲛⲥⲉⲙⲡϣⲁ ⲙⲙⲟϥ ⲁⲛ
cross.michbr283-286:26
ⲁϥⲧⲁϣⲉⲟⲉⲓϣ ⲛⲁⲩ ϫⲉⲙⲉⲧⲁⲛⲟⲉⲓ ⲁⲥϩⲱⲛ ⲅⲁⲣ ⲉϩⲟⲩⲛ ⲛϭⲓⲧⲙⲛⲧⲣⲣⲟ ⲛⲛⲉⲙⲡⲏⲩⲉ .
cross.michbr295-297:26
ⲉϫⲛⲛⲁⲓ ⲇⲉ ⲧⲏⲣⲟⲩ . ⲙⲁⲣⲉⲛϯⲉⲟⲟⲩ ⲙⲡⲉϥⲣⲁⲛ ⲉⲧⲟⲩⲁⲁⲃ . ϩⲙⲡⲉⲧⲛⲁⲛⲟⲩϥ ⲛⲓⲙ ⲡⲉⲛϫⲟⲉⲓⲥ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ .
cross.michbr287-290:26
ⲛⲧⲟϥ ϩⲱⲱϥ ⲟⲛ ϣⲁϥϫⲓ ⲛⲧⲙⲉⲣⲓⲥ ⲛⲓⲟⲩⲇⲁⲥ . ⲕⲁⲓ ⲅⲁⲣ ⲛⲧⲟϥ ϩⲱⲱϥ ⲁϥϯ ⲙⲡⲉϥϫⲟⲉⲓⲥ ⲉⲃⲟⲗ . ϩⲁⲙⲁⲁⲃⲉ ⲛⲥⲁⲧⲉⲉⲣⲉ ⲛϩⲁⲧ .
repentence.continence:26
ⲡⲣⲱⲙⲉ ⲅⲁⲣ ⲉⲧⲛⲁⲙⲉⲧⲁⲛⲟⲉⲓ ·
cross.michbr291-294:26
ⲡⲉⲛⲧⲁϥⲙⲡϣⲁ ⲅⲁⲣ ⲁϥⲑⲉⲱⲣⲉⲓ ⲙⲡϫⲱⲕ ⲧⲏⲣϥ ⲛⲧⲉϥⲙⲛⲧⲛⲟⲩⲧⲉ . ⲙⲡⲛⲁⲩ ⲉⲧⲙⲙⲁⲩ .
cross.michbr283-286:27
ⲛⲧⲟⲟⲩ ⲇⲉ ⲙⲡⲟⲩϯϩⲧⲏⲩ ⲉⲛⲉϥⲥⲩⲛⲃⲓⲁ ⲉⲧⲟⲩⲁⲁⲃ .
cross.michbr295-297:27
ⲡⲁⲓ ⲉⲧⲉⲣⲉⲡⲉⲟⲟⲩ ⲡⲣⲉⲡⲉⲓ ⲛⲁϥ . ⲙⲛⲡⲧⲁⲓⲟ ⲙⲛⲡⲉⲥⲙⲟⲩ ϣⲁⲛⲅⲉⲛⲉⲁ ⲧⲏⲣⲟⲩ ⲁⲩⲱ ϣⲁⲛⲁⲓⲱⲛ ⲧⲏⲣⲟⲩ ⲛⲁⲓⲱⲛ ϩⲁⲙⲏⲛ
repentence.continence:27
ⲕⲁⲛ ⲉϥⲕⲁⲣⲁⲉⲓⲧ · ⲛⲕⲁⲣⲡⲟⲥ ⲛⲧⲙⲉⲧⲁⲛⲟⲓⲁ ⲟⲩⲟⲛϩ ⲉⲃⲟⲗ ϩⲓⲡⲉϥϩⲟ :
cross.michbr287-290:27
ⲟⲩⲁⲅⲁⲑⲟⲛ ϭⲉ ⲛⲁⲛ ⲡⲉ . ⲉⲛϣⲁⲛⲛⲉϫⲡⲉⲛⲣⲟⲟⲩϣ ⲙⲡϫⲟⲉⲓⲥ . ⲛⲧⲟϥ ⲅⲁⲣ ⲡⲉⲧⲛⲁϥⲓⲣⲟⲟⲩϣ ϩⲁⲣⲟⲛ . ⲕⲁⲧⲁⲡϣⲁϫⲉ ⲙⲡⲉⲛⲉⲓⲱⲧ ⲡⲉⲧⲣⲟⲥ .
cross.michbr291-294:27
ⲛⲓⲙ ϭⲉ ⲡⲉⲛⲧⲁϥⲙⲡϣⲁ ⲙⲡⲉⲓⲛⲟϭ ⲛⲧⲁⲓⲟ . ⲙⲁⲣⲉⲛⲉⲓⲙⲉ ⲉⲣⲟϥ .
cross.michbr283-286:28
ⲙⲛⲛⲥⲁ ⲛⲁⲓ ⲁϥⲣⲛⲉⲓϭⲟⲙ ⲧⲏⲣⲟⲩ ϩⲛⲧⲉⲩⲙⲏⲧⲉ . ⲉϩⲉⲛⲁϫⲓⲏⲡⲉ ⲙⲙⲟⲟⲩ ⲛⲉⲛⲃⲗⲗⲉ ⲁϥⲧⲣⲉⲩⲛⲁⲩ ⲉⲃⲟⲗ .
repentence.continence:28
ⲛⲉⲥⲱ · ⲱ ⲧⲙⲉⲧⲁⲛⲟⲓⲁ ϩⲛⲧⲟⲩⲙⲛⲧⲣⲙⲣⲁϣ ⲉⲧϭⲏⲛ ⲙⲛⲟⲩϣⲁϫⲉ ⲉⲧϩⲟⲣⲕ ·
cross.michbr287-290:28
ⲙⲁⲣⲉⲛⲕⲧⲟⲛ ϭⲉ ⲉϫⲙⲡⲉⲡⲣⲟⲕⲉⲓⲙⲉⲛⲟⲛ ⲉⲧⲃⲉⲡⲉⲥⲧⲁⲩⲣⲟⲥ ⲙⲡⲉⲛϫⲟⲉⲓⲥ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ . ⲙⲛⲡⲗⲏⲥⲧⲏⲥ . ⲟⲩϣⲉ ⲅⲁⲣ ⲛⲣⲉϥϯⲱⲛϩ ⲡⲉ ⲡϣⲉ ⲙⲡⲉⲥⲧⲁⲩⲣⲟⲥ .
cross.michbr291-294:28
ⲡⲗⲏⲥⲧⲏⲥ ⲡⲉ ⲉϥⲧⲁⲗⲏⲩ ⲉⲡϫⲓⲥⲉ ⲙⲡⲉⲥⲧⲁⲩⲣⲟⲥ ⲁϥⲛⲁⲩ ⲉϩⲱⲃ ⲛⲓⲙ ⲛⲧⲁⲩϣⲱⲡⲉ . ⲁⲩⲱ ⲁϥⲧⲉⲗⲏⲗ ϫⲉⲁϥⲛⲁⲩ ⲉⲣⲟⲟⲩ .
cross.michbr283-286:29
ⲛⲁⲗ ⲁϥⲧⲣⲉⲩⲥⲱⲧⲙ . ⲛϭⲁⲗⲉ ⲁϥⲧⲣⲉⲩⲙⲟⲟϣⲉ . ⲛⲉⲧⲥⲁⲃϩ ⲁϥⲧⲃⲃⲟⲟⲩ .
cross.michbr287-290:29
ⲉⲣⲉⲛⲁⲅⲅⲉⲗⲟⲥ ⲃⲏⲕ ⲉϩⲣⲁⲓ ϣⲁⲡⲉⲓⲱⲧ ⲁⲩⲱ ⲉⲩⲛⲏⲩ ⲉⲡⲉⲥⲏⲧ ϣⲁⲡϣⲏⲣⲉ ϩⲓϫⲙⲡⲉⲥⲧⲁⲩⲣⲟⲥ . ⲉⲩϭⲱϣⲧ ⲉⲃⲟⲗ ϩⲓⲧϩⲏ ⲙⲡⲉϥⲟⲩⲱϣ .
repentence.continence:29
ϩⲙⲡⲟⲩⲥⲙⲟⲧ ⲉⲣⲉⲟⲛϫⲡⲓⲏⲧ ϩⲁⲧⲛ ⲟⲩⲟⲛ ⲛⲓⲙ ·
cross.michbr291-294:29
ⲟⲩ ⲡⲉ ⲛⲧⲁϥⲛⲁⲩ ⲉⲣⲟϥ . ⲉⲓⲙⲏⲧⲓ ⲧⲉⲥⲧⲣⲁⲧⲓⲁ ⲛⲛⲁⲅⲅⲉⲗⲟⲥ ⲉⲩⲕⲱⲧⲉ ⲉⲡⲉⲥⲧⲁⲩⲣⲟⲥ ⲉⲩϩⲩⲙⲛⲉⲩⲉ ⲉⲣⲟϥ .
cross.michbr283-286:30
ⲛⲉⲧⲙⲟⲟⲩⲧ ⲁϥⲧⲟⲩⲛⲟⲩⲥⲟⲩ . ⲛⲇⲁⲓⲙⲟⲛⲓⲟⲛ ⲁϥⲛⲁϫⲟⲩ ⲉⲃⲟⲗ .
repentence.continence:30
ⲛⲧⲥⲛⲧⲟ ⲅⲁⲣ ⲡⲉⲛⲧⲁⲣϫⲓⲙⲟⲉⲓⲧ ϩⲏⲧⲟⲩ ⲛⲛⲉⲧⲟⲩⲁⲁⲃ ⲧⲏⲣⲟⲩ ⲉϩⲟⲩⲛ ⲉⲡⲁⲅⲱⲛ ⲛⲛϩⲓⲥⲉ ·
cross.michbr287-290:30
ⲁⲛⲁⲩ ⲉⲧⲙⲛⲧϣⲁⲛϩⲧⲏϥ ⲙⲡⲛⲟⲩⲧⲉ ⲙⲛⲧⲉϥⲁⲛⲟⲭⲏ ⲉϥϭⲱϣⲧ ⲉⲃⲟⲗ ϩⲙⲡϫⲓⲥⲉ . ⲉϥⲛⲁⲩ ⲉⲡⲉϥⲙⲟⲛⲟⲅⲉⲛⲏⲥ ⲛϣⲏⲣⲉ ⲉϥⲟⲃⲧ ⲉϩⲟⲩⲛ ⲉⲡⲉⲥⲧⲁⲩⲣⲟⲥ . ⲉϥϩⲟⲣϣ ⲛϩⲏⲧ ϩⲛⲧⲉϥⲙⲛⲧⲭⲣⲏⲥⲧⲟⲥ .
cross.michbr291-294:30
ⲡⲉⲓⲱⲧ ϭⲱϣⲧ ⲉⲃⲟⲗ ϩⲛⲧⲡⲉ . ⲉϥⲑⲉⲱⲣⲉⲓ ⲙⲡⲉϥϣⲏⲣⲉ ⲡⲉϥⲙⲟⲛⲟⲅⲉⲛⲏⲥ . ⲁⲩⲱ ⲉϥϯⲉⲟⲟⲩ ⲛⲁϥ
repentence.continence:31
ⲧⲟⲩⲛⲧⲏⲩⲧⲛ ϭⲉ ⲉϩⲣⲁⲓ ⲱ ⲛⲁⲙⲉⲣⲁⲧⲉ ⲛⲧⲉⲧⲛⲕⲟⲥⲙⲉⲓ ⲛⲧⲙⲉⲧⲁⲛⲟⲓⲁ ϩⲛⲛⲕⲟⲥⲙⲏⲥⲓⲥ ⲛⲛⲉⲧⲛⲛⲏⲥⲧⲉⲓⲁ · ⲛⲧⲉⲧⲛⲧⲱϩⲥ ⲙⲙⲟⲥ ϩⲙⲡⲉⲥϯⲛⲟⲩϥⲉ ⲛⲛⲉⲧⲛϣⲗⲏⲗ ·
cross.michbr287-290:31
ⲛⲧⲟϥ ⲇⲉ ϩⲱⲱϥ ⲡⲉⲛϫⲟⲉⲓⲥ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ . ⲉⲩϯⲉⲓⲃⲧ ⲉⲛⲉϥϭⲓϫ . ⲁⲩⲱ ⲉⲩϯⲁⲁⲥ ⲉϩⲟⲩⲛ ϩⲙⲡⲉϥϩⲟ . ⲉⲩϯⲕⲗⲯ ϩⲓϫⲛⲧⲉϥⲁⲡⲉ . ⲉⲩⲧⲥⲟ ⲙⲙⲟϥ ⲛⲟⲩϩⲙϫ . ⲙⲛⲟⲩⲥⲓϣⲉ . ⲉⲩⲡⲱϣ ⲛⲛⲉϥϩⲟⲓⲧⲉ ⲉϫⲱⲟⲩ . ⲉⲩⲛⲏϫ ⲕⲗⲏⲣⲟⲥ ⲉⲣⲟⲟⲩ ⲁⲩⲱ ⲉⲩϩⲓⲟⲩⲉ ϩⲓϫⲛⲧⲉϥⲁⲡⲉ ⲛⲟⲩⲕⲁϣ
cross.michbr291-294:31
ⲡⲁⲏⲣ ⲧⲏⲣϥ ⲭⲟⲣⲉⲩⲉ ⲡⲕⲁϩ ⲧⲏⲣϥ ⲉϣⲗⲟⲩⲗⲁⲓ ⲉⲃⲟⲗ ϫⲉⲁⲡⲉϥⲣⲣⲟ ⲡⲱϩⲧ ⲙⲡⲉϥⲥⲛⲟϥ ⲉⲃⲟⲗ ϩⲓϫⲱϥ .
cross.michbr283-286:31
ⲛⲉϭⲓϫ ⲉⲧϣⲟⲩⲱⲟⲩ ⲁϥⲥⲟⲩⲧⲱⲛⲟⲩ ⲉⲃⲟⲗ . ⲛϩⲏⲕⲉ ⲁϥⲧⲥⲓⲟⲟⲩ ⲛⲟⲉⲓⲕ . ⲙⲡⲟⲣⲛⲟⲥ ⲁϥⲧⲃⲃⲟⲟⲩ .
cross.michbr287-290:32
ϩⲛⲛⲁⲓ ⲧⲏⲣⲟⲩ ⲙⲡⲉϥϭⲱⲛⲧ . ⲟⲩⲇⲉ ⲙⲡⲉϥⲕⲱ ⲛⲟⲩⲕⲣⲟϥ ϩⲙⲡⲉϥϩⲏⲧ ⲉϩⲟⲩⲛ ⲉⲣⲟⲟⲩ .
repentence.continence:32
ⲁⲩⲱ ⲛⲧⲉⲧⲛⲥⲧⲉⲫⲁⲛⲟⲩ ⲙⲙⲟⲥ ϩⲙⲡⲉⲑⲃⲃⲓⲟ ⲛⲛⲉⲧⲛⲣⲙⲉⲓⲟⲟⲩⲉ ·
cross.michbr291-294:32
ⲛϣⲏⲛ ⲧⲏⲣⲟⲩ ⲧⲁⲩⲉϩⲣⲏⲣⲉ ⲉⲃⲟⲗ . ϫⲉⲡϫⲟⲉⲓⲥ ⲁϣⲉ ⲉϫⲙⲡϣⲉ ⲙⲡⲉⲥⲧⲁⲩⲣⲟⲥ .
cross.michbr283-286:32
ⲁϥⲕⲁ ⲛⲉⲩⲛⲟⲃⲉ ⲛⲁⲩ ⲉⲃⲟⲗ ϩⲛⲧⲉϥⲙⲛⲧⲛⲟⲩⲧⲉ ⲁϥⲁⲁⲩ ⲛⲧϩⲉ ⲛⲛⲓⲡⲁⲣⲑⲉⲛⲟⲥ .
repentence.continence:33
ϫⲉⲕⲁⲥ ⲉⲣϣⲁⲛⲛⲕⲉⲁⲣⲉⲧⲏ ⲧⲏⲣⲟⲩ ⲛⲁⲩ ⲉⲡⲥⲁ ⲛⲧⲕⲟⲥⲙⲏⲥⲓⲥ ⲉⲛⲧⲁⲧⲉⲧⲛⲕⲟⲥⲙⲉⲓ ⲙⲙⲟⲥ ⲛϩⲏⲧϥ ·
cross.michbr287-290:33
ⲕⲟⲩⲱϣ ⲉⲉⲓⲙⲉ ⲥⲱⲧⲙ ⲧⲁⲧⲁⲙⲟⲕ .
cross.michbr291-294:33
ⲡϣⲉ ⲛⲧⲁⲫⲑⲁⲣⲥⲓⲁ .
cross.michbr283-286:33
ⲁⲧⲉⲥϩⲓⲙⲉ ⲅⲁⲣ ⲉⲧⲙⲙⲁⲩ ⲙⲡϣⲁ ⲛⲟⲩⲛⲟϭ ⲛⲧⲁⲓⲟ . ⲛⲧⲁⲛⲉⲥϭⲓϫ ⲧⲱϩⲥ ⲛⲛⲉⲟⲩⲉⲣⲏⲧⲉ ⲙⲡⲉⲛⲧⲁϥⲡⲗⲁⲥⲥⲉ ⲙⲙⲟⲥ .
repentence.continence:34
ⲧⲟⲧⲉ ⲥⲉⲛⲁⲥⲱⲟⲩϩ ϩⲓⲟⲩⲥⲟⲡ ⲛⲥⲉⲉⲓ ⲛⲥⲉⲭⲟⲣⲉⲩⲉ ϩⲛⲛⲉⲧⲛⲯⲩⲭⲏ · ϩⲙⲡⲧⲣⲉⲛⲁⲓ ϭⲉ ⲟⲩⲱϩ ⲛϩⲏⲧⲧⲏⲩⲧⲛ ·
cross.michbr287-290:34
ⲥⲱⲧⲙ ⲉⲣⲟϥ ⲉϥⲱϣ ⲉⲃⲟⲗ ϫⲉⲡⲁⲉⲓⲱⲧ ⲕⲱ ⲛⲁⲩ ⲉⲃⲟⲗ ϫⲉⲛⲥⲉⲥⲟⲟⲩⲛ ⲁⲛ ⲙⲡⲉⲧⲟⲩⲉⲓⲣⲉ ⲙⲙⲟϥ
cross.michbr283-286:34
ϩⲛⲧⲉⲩⲛⲟⲩ ⲉⲧⲙⲙⲁⲩ ⲁⲥⲙⲉⲧⲉⲭⲉ ⲙⲡⲧⲃⲃⲟ ⲛⲧⲉϥⲙⲛⲧⲛⲟⲩⲧⲉ .
cross.michbr291-294:34
ⲡϣⲉ ⲛⲕⲁⲛⲟⲃⲉ ⲉⲃⲟⲗ .
cross.michbr287-290:35
ⲁⲕⲛⲁⲩ ϭⲉ ⲉⲧⲛⲟϭ ⲛⲙⲛⲧϣⲁⲛϩⲧⲏϥ ⲙⲡⲉⲓⲱⲧ . ⲙⲛⲡⲉϥϣⲏⲣⲉ ⲉϩⲟⲩⲛ ⲉⲣⲟⲛ
repentence.continence:35
ⲥⲉⲛⲁⲣⲧⲏⲩⲧⲛ ⲛⲁⲧⲛⲟⲃⲉ · ⲉⲥⲧⲱⲛ ϭⲉ ⲧⲉⲛⲟⲩ ⲧⲁⲙⲉⲗⲉⲓⲁ ⲙⲛⲡⲉϩⲣⲟϣ ⲙⲡⲥⲱⲙⲁ · ⲉⲩⲧⲱⲛ ⲛⲉϣⲧⲟⲣⲧⲣ ⲛⲙⲡⲁⲑⲟⲥ ·
cross.michbr283-286:35
ⲛⲧⲉⲩⲛⲟⲩ ⲁⲧⲉⲫⲱⲛⲏ ⲙⲡⲛⲟⲩⲧⲉ ⲧⲁϩⲟⲥ ϫⲉⲧⲟⲩⲡⲓⲥⲧⲓⲥ ⲧⲉ ⲛⲧⲁⲥⲛⲁϩⲙⲉⲃⲱⲕ ϩⲛⲟⲩⲉⲓⲣⲏⲛⲏ
cross.michbr291-294:35
ⲡϣⲉ ⲛⲣⲉϥⲧⲁⲗϭⲟ .
cross.michbr287-290:36
ⲁϥⲁⲗⲉ ⲉϫⲙⲡⲉⲥⲧⲁⲩⲣⲟⲥ ϣⲁⲛⲧⲉϥⲥⲱⲧⲉ ⲙⲡⲥⲱⲛⲧ ⲧⲏⲣϥ ⲙⲡⲛⲁⲩ ⲉϥⲁϣⲉ ⲉⲡⲉⲥⲧⲁⲩⲣⲟⲥ .
repentence.continence:36
ⲙⲛⲙⲙⲉⲉⲩⲉ ⲉⲧϫⲁϩⲙ ⲙⲛϩⲱⲃ ⲛⲓⲙ ⲉⲧϩⲟⲟⲩ ·
cross.michbr291-294:36
ⲡϣⲉ ⲛⲣⲉϥϯⲱⲛϩ .
cross.michbr283-286:36
ⲙⲛⲛⲥⲁⲛⲁⲓ ⲧⲏⲣⲟⲩ ⲛⲧⲁϥⲁⲁⲩ ⲙⲡⲟⲩⲡⲓⲥⲧⲉⲩⲉ ⲉⲣⲟϥ .
repentence.continence:37
ⲉⲩⲧⲱⲛ ⲛⲕⲱϩ ⲙⲛⲙⲙⲟⲥⲧⲉ ⲙⲛⲛϯⲧⲱⲛ · ⲉⲩⲧⲱⲛ ⲛϭⲱⲛⲧ ⲙⲛⲙⲡⲟⲛⲏⲣⲓⲁ · ⲉⲩⲧⲱⲛ ⲙⲙⲛⲧϫⲁⲥⲓϩⲏⲧ · ⲙⲛⲛϭⲓⲛϣⲁϫⲉ ⲉⲧⲛⲁϣⲧ · ⲉⲩⲧⲱⲛ ⲙⲡⲟⲣⲛⲉⲓⲁ ⲙⲛⲛϫⲱϩⲙ ⲙⲛⲙⲙⲛⲧⲛⲟⲉⲓⲕ ·
cross.michbr287-290:37
ⲁϥⲧⲃⲃⲟ ⲙⲡⲥⲱⲛⲧ ⲧⲏⲣϥ ⲛⲁⲧⲡⲉ ⲙⲛⲛⲁⲡⲕⲁϩ .
cross.michbr291-294:37
ⲡϣⲉ ⲛⲣⲉϥϯⲕⲁⲣⲡⲟⲥ .
cross.michbr283-286:37
ⲁⲗⲗⲁ ⲁⲩϭⲟⲡϥ ⲁⲩⲡⲁⲣⲁⲇⲓⲇⲟⲩ ⲙⲙⲟϥ ⲁⲩⲥⲧⲁⲩⲣⲟⲩ ⲙⲙⲟϥ ⲛⲧⲉⲣⲉϥⲃⲱⲕ ⲉϩⲟⲩⲛ ⲉⲧⲁⲩⲗⲏ ⲙⲡⲁⲣⲭⲓⲉⲣⲉⲩⲥ .
cross.michbr287-290:38
ⲁϥⲧⲃⲃⲟ ⲙⲡⲁⲏⲣ ⲧⲏⲣϥ ϩⲙⲡⲉϥⲥⲱⲙⲁ ⲛⲛⲟⲩⲧⲉ . ⲁϥⲕⲁⲑⲁⲣⲓⲍⲉ ⲙⲙⲟϥ .
cross.michbr283-286:38
ⲁⲩϯ ⲛⲁϥ ⲛϩⲉⲛⲥⲱϣ ⲉⲡⲙⲁ ⲛϩⲉⲛⲧⲁⲓⲟ .
repentence.continence:38
ⲉⲩⲧⲱⲛ ⲛⲉⲟⲟⲩ ⲉⲧϣⲟⲩⲉⲓⲧ ⲙⲛⲛϩⲃⲥⲟⲟⲩⲉ ⲉⲧⲡⲣⲉⲓⲱⲟⲩ · ⲉⲩⲧⲱⲛ ⲙⲙⲛⲧϣⲛⲁ ⲙⲛⲛⲟⲩⲱⲙ ⲙⲛⲛⲥⲱ ⲙⲛⲛϯϩⲉ · ⲉⲩⲧⲱⲛ ⲙⲙⲛⲧⲁⲣⲅⲟⲥ ⲙⲛⲛϫⲓϩⲣⲁϥ ϩⲛⲟⲩⲡⲁⲧⲁⲗⲓⲁ ·
cross.michbr291-294:38
ⲡϣⲉ ⲙⲡⲉⲙⲧⲟⲛ .
cross.michbr287-290:39
ϩⲟⲙⲟⲓⲱⲥ . ⲁⲡⲉϥⲥⲛⲟϥ ⲉⲧⲟⲩⲁⲁⲃ ⲛⲧⲁⲩⲡⲁϩⲧϥ ⲉⲃⲟⲗ .
repentence.continence:39
ⲛⲓⲙ ⲡⲉⲧⲉⲛϥⲛⲁⲟⲩⲱϣ ⲁⲛ ⲉⲣϣⲃⲏⲣ ⲉⲧⲙⲉⲧⲁⲛⲟⲓⲁ ⲛϥⲣϣⲙⲙⲟ ⲉⲛⲉⲓⲡⲉⲧϩⲟⲟⲩ ⲧⲏⲣⲟⲩ ·
cross.michbr283-286:39
ⲧⲟⲧⲉ ⲁⲡϣⲁϫⲉ ⲉⲧⲥⲏϩ ϫⲱⲕ ⲉⲃⲟⲗ ϫⲉⲁⲩⲉⲓⲣⲉ ⲛⲁⲓ ⲛϩⲉ ⲙⲡⲉⲧϩⲟⲟⲩ ⲉⲡⲙⲁ ⲛϩⲉ ⲙⲡⲉⲧⲛⲁⲛⲟⲩϥ .
cross.michbr291-294:39
ⲡϣⲉ ⲙⲡⲟⲩⲛⲟϥ .
repentence.continence:40
ⲛⲁⲓ ⲉⲧⲧⲱⲙ ⲛⲛⲃⲁⲗ ⲙⲡⲉⲛϩⲏⲧ ϫⲉⲉⲛⲉⲩⲛⲁⲩ ⲉⲡⲟⲩⲟⲉⲓⲛ ⲉⲧϩⲁϣⲡⲏⲣⲉ ·
cross.michbr287-290:40
ⲁϥⲧⲣⲉⲡⲕⲁϩ ⲧⲃⲃⲟ ⲉⲃⲟⲗ ϩⲙⲡϫⲱϩⲙ ⲉⲧϩⲓϫⲱϥ .
cross.michbr291-294:40
ⲡϣⲉ ⲙⲡⲣⲁϣⲉ .
cross.michbr283-286:40
ⲁⲩⲱ ⲟⲩⲙⲟⲥⲧⲉ ⲉⲡⲙⲁ ⲙⲡⲁⲙⲉ .
cross.michbr287-290:41
ⲁⲓⲧⲓ ⲟⲛ ⲁϥⲃⲱⲕ ⲉⲡⲉⲥⲏⲧ ⲉⲁⲙⲛⲧⲉ ⲁϥϣⲱⲗ ⲙⲙⲟϥ .
cross.michbr283-286:41
ⲁϣ ϭⲉ ⲛⲉ ⲛⲉⲡⲉⲑⲟⲟⲩ ⲛⲧⲁⲩⲁⲁⲩ ⲙⲡⲉⲩϫⲟⲉⲓⲥ .
cross.michbr291-294:41
ⲡϣⲉ ⲙⲡⲟⲩϫⲁⲓ .
repentence.continence:41
ⲧⲙⲉⲧⲁⲛⲟⲓⲁ ⲅⲁⲣ ϣⲁⲥⲧⲣⲉⲡⲣⲱⲙⲉ ⲣⲉⲧⲧⲛϩ ⲛⲧϩⲉ ⲛⲟⲩⲁⲓⲧⲟⲥ ·
cross.michbr287-290:42
ⲁϥⲃⲱⲗ ⲉⲃⲟⲗ ⲛⲛⲉⲯⲩⲭⲏ ⲉⲧⲟⲧⲡ ⲉϩⲟⲩⲛ ⲉⲛⲧⲁⲙⲓⲉⲓⲟⲛ ⲛⲕⲁⲕⲉ ⲁϥⲁⲁⲩ ⲛⲣⲙϩⲉ .
cross.michbr283-286:42
ⲛⲧⲉⲣⲉⲛⲓⲫⲱⲛⲉⲩⲥ ϭⲟⲡϥ ⲁⲩⲉⲓⲥ ⲛⲧⲉⲛⲉⲓⲙⲉ ⲉⲣⲟⲟⲩ .
repentence.continence:42
ⲁⲩⲱ ϣⲁⲥⲧⲣⲉϥϩⲱⲗ ⲉⲡϫⲓⲥⲉ ϩⲓⲧⲛⲛⲉⲥⲁⲣⲉⲧⲏ ·
cross.michbr291-294:42
ⲡϣⲉ ⲙⲡⲉⲥⲙⲟⲩ .
cross.michbr287-290:43
ⲛⲧⲟϥ ⲅⲁⲣ ⲁϥⲉⲣⲏⲧ ⲛⲁⲛ ϩⲛⲧⲉϥⲧⲁⲡⲣⲟ ⲙⲙⲉ . ⲧⲁⲓ ⲉⲧⲙⲡⲉϭⲟⲗ ⲉⲓ ⲉⲃⲟⲗ ⲛϩⲏⲧⲥ ⲉⲛⲉϩ
repentence.continence:43
ⲡⲉⲧⲙⲉⲧⲁⲛⲟⲉⲓ ⲅⲁⲣ ⲉⲧⲁⲥⲕⲉⲓ ϩⲛⲟⲩⲙⲛⲧϫⲱⲱⲣⲉ ϩⲛⲟⲩϩⲕⲟ ⲙⲛⲟⲩⲉⲓⲃⲉ ⲉϥϭⲱⲛⲧ ⲙⲙⲁⲧⲉ ⲉⲛⲁⲅⲁⲑⲟⲛ ⲛⲧⲡⲉ ⲛⲁⲓ ⲉⲧⲛⲁⲙⲟⲩⲛ ⲉⲃⲟⲗ ⲛϣⲁⲉⲛⲉϩ ·
cross.michbr283-286:43
ϩⲉⲛϩⲟⲧⲉ ⲅⲁⲣ ⲛⲉ ⲉϫⲟⲟⲩ . ⲡⲁⲗⲁⲥ ⲙⲁⲕϩ . ⲛⲁⲃⲁⲗ ϯⲣⲙⲉⲓⲏ .
cross.michbr291-294:43
ⲡϣⲉ ⲙⲡⲱⲛϩ .
cross.michbr287-290:44
ϫⲉϩⲟⲧⲁⲛ ⲉⲩϣⲁⲛϫⲁⲥⲧ ⲉⲃⲟⲗ ϩⲓϫⲙⲡⲕⲁϩ ϯⲛⲁⲥⲉⲕⲟⲩⲟⲛ ⲛⲓⲙ ϣⲁⲣⲟⲓ ϩⲛⲧⲙⲣⲣⲉ ⲛⲧⲁⲁⲅⲁⲡⲏ . ⲁϣ ϭⲉ ⲧⲉ ⲧⲛⲟϭ ⲛⲁⲅⲁⲡⲏ .

Coptic SCRIPTORIUM, corpus pseudo.theophilus (github.com/CopticScriptorium/corpora). Licence as stated per document in the project's own meta.json and checked there at parse time. English, where present, is Coptic SCRIPTORIUM's aligned translation. Licence: CC-BY 4.0. Source.