Pseudo Theophilus

Coptic literature (Coptic SCRIPTORIUM) · 444 sections

cross.michbr295-297:1
ⲡⲉⲥⲧⲁⲩⲣⲟⲥ ⲡⲉ ⲧⲗⲩⲭⲛⲉⲓⲁ ⲛⲛⲟⲩⲃ . ⲉⲣⲉⲡϩⲏⲃⲥ ⲉⲧⲟⲩⲁⲁⲃ ϩⲓϫⲱⲥ ⲉⲥⲗⲁⲙⲡⲉⲩⲉ .
cross.michbr291-294:1
ⲕⲉⲥⲛⲏⲩ .
cross.michbr287-290:1
ⲡⲉⲕⲟⲩⲱϣ ⲛϩⲏⲧ
cross.michbr283-286:1
ⲟⲩⲉⲝⲏⲅⲉⲥⲓⲥ ⲛⲧⲉⲁⲡⲁ ⲑⲉⲟⲫⲓⲗⲟⲥ ⲡⲁⲣⲭⲏⲉⲡⲓⲥⲕⲟⲡⲟⲥ ⲛⲣⲁⲕⲟⲧⲉ . ⲉⲁϥⲧⲁⲩⲟⲥ ⲉⲧⲃⲉⲡⲉⲥⲧⲁⲩⲣⲟⲥ ⲙⲛⲡⲗⲏⲥⲧⲏⲥ . ϩⲛⲟⲩⲉⲓⲣⲏⲛⲏ ⲛⲧⲉⲡⲛⲟⲩⲧⲉ ϩⲁⲙⲏⲛ : ⳾⳾⳾
repentence.continence:1
ⲟⲩⲗⲟⲅⲟⲥ ⲛⲧⲉⲡⲉⲛⲡⲉⲧⲟⲩⲁⲁⲃ ⲛⲉⲓⲱⲧ ⲁⲡⲁ ⲑⲉⲟⲫⲓⲗⲟⲥ ⲡⲁⲣⲭⲏⲉⲡⲓⲥⲕⲟⲡⲟⲥ ⲉⲁϥⲧⲁⲩⲟϥ ⲉⲧⲃⲉⲧⲙⲉⲧⲁⲛⲁⲓⲁ ⲙⲛⲧⲉⲕⲣⲁⲧⲓⲁ ·
cross.michbr291-294:2
ⲛⲁⲓ ⲛⲧⲁⲡⲕⲁϩ ⲟⲩⲱⲛ ⲉⲣⲱϥ ⲁϥⲟⲙⲕⲟⲩ ⲉⲧⲉⲇⲁⲑⲁⲛ ⲡⲉ . ⲙⲛⲁⲃⲓⲣⲱⲛ . ⲙⲛⲛϣⲏⲣⲉ ⲛⲕⲟⲣⲉ . ⲛⲁⲓ ⲛⲧⲁⲩⲧⲱⲟⲩⲛ ⲉϫⲙⲙⲱⲩⲥⲏⲥ ϩⲛⲧⲉⲣⲏⲙⲟⲥ .
cross.michbr283-286:2
ⲁⲡⲣⲏ ⲛⲧⲇⲓⲕⲁⲓⲟⲥⲩⲛⲏ ⲟⲩⲱⲛϩ ⲉⲃⲟⲗ ϩⲛⲙⲙⲁ ⲛϣⲁ . ⲉϥⲣⲟⲩⲟⲉⲓⲛ ⲉⲛⲉⲧϩⲙⲡⲕⲁⲕⲉ ⲙⲛⲧϩⲁⲓⲃⲉⲥ ⲉⲡⲙⲟⲩ
repentence.continence:2
ⲁⲩⲱ ⲟⲛ ⲉⲧⲙⲧⲣⲉⲡⲣⲱⲙⲉ ⲁⲙⲉⲗⲉⲓ ⲉⲣⲟϥ · ⲉⲙⲉⲧⲁⲛⲟⲉⲓ ⲉⲙⲡⲁⲧⲟⲩⲧⲁϩⲟϥ ⲛϭⲓⲛⲉⲭⲣⲟⲛⲟⲥ ⲛϩⲁⲉ · ◈◈ — ◈◈◈ — ◈◈
cross.michbr295-297:2
ⲡⲉⲥⲧⲁⲩⲣⲟⲥ ⲡⲉ ⲡⲉⲓⲱⲧ ⲛⲛⲟⲣⲫⲁⲛⲟⲥ ⲉϥⲣⲟⲉⲓⲥ ⲉⲣⲟⲟⲩ .
cross.michbr287-290:2
ⲁⲛⲟⲕ ϩⲱ ϯⲛⲁⲙⲉⲣⲓⲧⲕ . ⲁⲩⲱ ⲛⲁⲁⲅⲅⲉⲗⲟⲥ ⲛⲁⲇⲓⲁⲕⲱⲛⲉⲓ ⲛⲁⲕ ϩⲙⲡⲇⲓⲡⲛⲟⲛ ⲛⲛⲉⲧⲟⲩⲁⲁⲃ .
repentence.continence:3
ⲡⲉϫⲁϥ ⲛϭⲓⲡⲉⲡⲣⲟⲫⲏⲧⲏⲥ ϫⲉⲁⲛⲁⲣⲙⲉⲓⲟⲟⲩⲉ ϣⲱⲡⲉ ⲛⲁⲓ ⲛⲟⲉⲓⲕ ⲙⲛⲉϩⲟⲟⲩ ⲙⲛⲧⲉⲩϣⲏ ·
cross.michbr283-286:3
ⲁⲡⲣⲣⲟ ⲛⲧⲇⲓⲕⲁⲓⲟⲥⲩⲛⲏ ⲫⲱⲣⲉⲓ ⲛⲧⲉϭⲣⲏⲡⲉ ⲛⲧⲙⲛⲧⲣⲣⲟ . ⲁⲛⲉϥϫⲁϫⲉ ⲧⲏⲣⲟⲩ ⲑⲃⲃⲓⲟ ϩⲁⲡⲉⲥⲏⲧ ⲛⲛⲉϥⲟⲩⲉⲣⲏⲧⲉ .
cross.michbr295-297:3
ⲡⲉⲥⲧⲁⲩⲣⲟⲥ ⲡⲉ ⲡⲉⲕⲣⲓⲧⲏⲥ ⲛⲛⲉⲭⲏⲣⲁ ⲉϥⲃⲱⲧⲉ ⲉⲃⲟⲗ ⲛⲛⲉⲣⲙⲉⲓⲟⲟⲩⲉ ⲉⲧϩⲛⲛⲉⲩⲃⲁⲗ .
cross.michbr287-290:3
ⲛⲉⲕⲱ ⲛϣⲃⲏⲣ ⲛⲣⲉϥϩⲱⲧⲃ ⲛϣⲟⲣⲡ ⲉⲓⲥϩⲏⲏⲧⲉ ⲁⲓⲁⲁⲕ ⲛϣⲃⲏⲣ ⲉⲣⲟⲓ .
cross.michbr291-294:3
ⲙⲁⲣⲉⲛⲕⲧⲟⲛ ϭⲉ ⲟⲛ ⲉϩⲣⲁⲓ ⲉϫⲙⲡⲙⲉⲅⲉⲑⲟⲥ . ⲙⲡⲉⲓⲁϩⲟⲣⲁⲧⲟⲛ ⲥⲧⲁⲩⲣⲟⲥ ⲛⲧⲛϣⲁϫⲉ ⲉⲣⲟϥ .
cross.michbr295-297:4
ⲡⲉⲥⲧⲁⲩⲣⲟⲥ ⲡⲉ ⲡⲥⲟⲗⲥⲗ ⲛⲛⲣⲙⲛϭⲟⲓⲗⲉ .
cross.michbr283-286:4
ⲁⲡⲉⲥϯⲛⲟⲩϥⲉ ϣⲱϣ ⲉⲃⲟⲗ ϩⲓϫⲛϫⲟⲩⲣⲏ ⲙⲡⲟⲩϫⲁⲓ ⲁϥⲱϫⲛ ⲙⲡⲉⲥϯⲃⲱⲱⲛ ϩⲙⲡⲉⲥⲧⲟⲓ ⲙⲡⲉϥⲥⲟϭⲛ .
repentence.continence:4
ⲁⲩⲱ ⲟⲛ ϫⲉⲟⲩϩⲏⲧ ⲉϥⲟⲩⲟϣϥ ⲉϥⲑⲃⲃⲓⲏⲩ ⲡⲛⲟⲩⲧⲉ ⲛⲁⲧⲥⲧⲟϥ ⲉⲃⲟⲗ ⲁⲛ :
cross.michbr291-294:4
ⲧⲏⲛⲟⲗⲟⲧⲓⲛ ⲛⲧⲛⲉⲓⲙⲉ ⲉⲛⲉⲡⲣⲟⲫⲏⲧⲉⲓⲁ ⲛⲛⲉⲡⲣⲟⲫⲏⲧⲏⲥ . ⲛⲧⲁⲩϫⲟⲟⲩ ⲉⲣⲟϥ ϫⲓⲛⲧⲁⲣⲭⲏ ϣⲁⲧϩⲁⲏ .
cross.michbr287-290:4
ⲁⲛⲟⲕ ⲡⲉ ⲡⲱⲛϩ ⲛⲟⲩⲟⲛ ⲛⲓⲙ .
repentence.continence:5
ⲧⲉⲛⲟⲩ ϭⲉ ⲛⲉⲥⲛⲏⲩ ⲙⲁⲣⲛⲑⲙⲕⲟ ⲛⲛⲉⲛⲯⲩⲭⲏ ϩⲛϩⲉⲛⲛⲏⲥⲧⲉⲓⲁ ⲉⲛϯ ⲛⲛⲉⲛⲥⲱⲙⲁ ⲉⲡⲙⲟⲩ ϩⲛϩⲉⲛϩⲓⲥⲉ ⲉⲛⲁϣⲱⲟⲩ · ϣⲁⲛⲧⲛⲣϣⲃⲏⲣ ⲉⲡⲁⲅⲅⲉⲗⲟⲥ ⲛⲧⲙⲉⲧⲁⲛⲟⲓⲁ ϫⲉⲕⲁⲥ ⲉϥⲉⲕⲁⲧⲉϥϩⲓⲏ ϣⲁⲁⲣⲟⲛ ·
cross.michbr287-290:5
ⲛⲉⲕⲙⲟⲟϣⲉ ⲅⲁⲣ ϩⲛⲛⲉⲩϣⲟⲟⲩⲉ ⲙⲛⲛϣⲏⲣⲉ ⲙⲡⲕⲁⲕⲉ ⲉⲓⲥϩⲏⲏⲧⲉ ⲁⲓⲧⲣⲉⲕⲙⲟⲟϣⲉ ⲛⲙⲙⲁⲓ .
cross.michbr291-294:5
ⲛⲧⲱⲧⲛ ϩⲱⲧⲧⲏⲩⲧⲛ ⲱ ⲛⲁⲕⲣⲱⲁⲧⲏⲥ . ⲟⲩⲱϣⲥ ⲉⲃⲟⲗ ⲛⲛⲉⲧⲛⲁⲓⲥⲑⲏⲧⲏⲣⲓⲟⲛ ⲛⲧⲉⲧⲛϫⲓⲥⲙⲏ ϩⲛⲟⲩⲉⲍⲉⲭⲓⲁ .
cross.michbr283-286:5
ⲁⲡⲙⲟⲩⲓ ⲛϫⲱⲱⲣⲉ ⲧⲱⲟⲩⲛ ⲉⲃⲟⲗ ϩⲛⲙⲙⲁ ⲛϣⲏⲛ ⲁⲛⲉⲑⲏⲣⲓⲟⲛ ϩⲟⲡⲟⲩ ϩⲛⲛⲉⲩⲃⲏⲃ ⲛⲕⲁⲕⲉ .
cross.michbr295-297:5
ⲡⲉⲥⲧⲁⲩⲣⲟⲥ ⲡⲉ ⲡⲉϣⲃⲏⲣ ⲛⲛⲉⲧϣⲟⲟⲡ ϩⲙⲡϫⲁⲓⲉ .
cross.michbr283-286:6
ⲁⲡⲥⲁⲉⲓⲛ ⲉⲧⲟⲩⲁⲁⲃ ⲉⲓ ϣⲁⲣⲟⲛ ⲙⲛⲛⲉϥⲡⲁϩⲣⲉ ⲛⲱⲛϩ ⲟⲩⲟⲛ ⲛⲓⲙ ⲉⲧⲙⲁⲕϩ : ⲁⲩϫⲓ ⲡⲁϩⲣⲉ ⲛϫⲓⲛϫⲏ :
cross.michbr291-294:6
ⲁⲩⲉⲓⲥ ⲛⲧⲛⲟⲩⲱⲛ ⲙⲡⲛⲟϭ ⲛⲑⲏⲥⲁⲩⲣⲟⲥ ⲉⲧⲟⲩⲁⲁⲃ . ⲛⲧⲛⲉⲓⲛⲉ ⲉⲃⲟⲗ ⲛⲛⲕⲟⲥⲙⲏⲥⲓⲥ ⲙⲡⲛⲉⲩⲙⲁⲧⲓⲕⲟⲛ ⲛⲧⲛⲕⲟⲥⲙⲉⲓ ⲛⲛⲯⲩⲭⲟⲟⲩⲉ ⲛⲛⲙⲁⲓⲗⲟⲅⲟⲥ .
repentence.continence:6
ⲛⲧⲁⲛⲉⲧⲟⲩⲁⲁⲃ ϯ ⲛⲛⲉⲩⲥⲱⲙⲁ ⲉⲡⲙⲟⲩ ϣⲁⲛⲧⲟⲩϫⲣⲟ ⲉⲡⲁⲛⲧⲓⲕⲉⲓⲙⲉⲛⲟⲥ ⲕⲁⲧⲁⲡⲉⲧⲥⲏϩ ϫⲉⲉⲧⲃⲏⲏⲧⲕ ⲥⲉⲙⲟⲩⲟⲩⲧ ⲙⲙⲟⲛ ⲙⲡⲉϩⲟⲟⲩ ⲧⲏⲣϥ ·
cross.michbr295-297:6
ⲡⲉⲥⲧⲁⲩⲣⲟⲥ ⲡⲉ ⲧⲕⲟⲥⲙⲏⲥⲓⲥ ⲛⲛⲉⲑⲩⲥⲓⲁⲥⲧⲏⲣⲓⲟⲛ ⲉⲧⲟⲩⲁⲁⲃ . ⲡⲉⲥⲧⲁⲩⲣⲟⲥ ⲡⲉ ⲡⲉϩⲗⲟϭ ⲛⲛⲉⲛⲧⲁⲩⲥⲓϣⲉ .
cross.michbr287-290:6
ⲁⲛⲟⲕ ⲡⲉ ⲡⲟⲩⲟⲉⲓⲛ ⲙⲡⲕⲟⲥⲙⲟⲥ .
cross.michbr291-294:7
ⲙⲟⲩⲧⲉ ⲛⲁⲓ ⲉⲡⲙⲁⲓⲛⲟⲩⲧⲉ . ⲁⲩⲱ ⲡⲙⲁⲓⲗⲟⲅⲟⲥ . ⲁⲩⲱ ⲡⲣⲉϥϣⲱⲡ ⲉⲣⲟϥ ⲛⲛⲁⲅⲅⲉⲗⲟⲥ . ⲉⲧⲉⲡⲁⲓ ⲡⲉ ⲁⲃⲣⲁϩⲁⲙ ⲡⲉϣⲃⲏⲣ ⲙⲡⲛⲟⲩⲧⲉ .
repentence.continence:7
ⲁⲩⲟⲡⲛ ⲛⲧϩⲉ ⲛⲉⲓⲉⲥⲟⲟⲩ ⲉⲕⲟⲟⲛⲥⲟⲩ ·
cross.michbr295-297:7
ⲡⲉⲥⲧⲁⲩⲣⲟⲥ ⲡⲉ ⲧⲃⲟⲏⲑⲉⲓ ⲉⲡⲣⲱⲙⲉ ⲙⲡⲛⲁⲩ ⲛⲧⲉϥⲁⲛⲁⲅⲕⲏ ⲉϥⲛⲏⲩ ⲉⲃⲟⲗ ϩⲛⲥⲱⲙⲁ .
cross.michbr287-290:7
ⲛⲉⲕϫⲓϣⲟϫⲛⲉ ⲛϣⲟⲣⲡ ⲙⲛⲛⲣⲉϥϩⲱⲧⲃ . ⲁⲓⲁⲁⲕ ⲛϣⲃⲏⲣ ⲉⲣⲟⲓ ⲁⲛⲟⲕ ⲡⲉ ⲡⲣⲉϥⲧⲁⲛϩⲟ ⲛⲁⲓ ⲧⲏⲣⲟⲩ
cross.michbr283-286:7
ⲁⲧⲉⲩⲫⲣⲟⲥⲩⲛⲏ ⲙⲡⲥⲱⲛⲧ ⲧⲏⲣϥ ⲟⲩⲱⲛϩ ⲉⲃⲟⲗ ϫⲉⲥⲉⲣⲁϣⲉ ⲛⲙⲙⲁϥ :
cross.michbr295-297:8
ⲡⲉⲥⲧⲁⲩⲣⲟⲥ ⲡⲉ ⲡⲇⲓⲟⲓⲕⲏⲧⲏⲥ ⲛⲛⲛⲁϩⲏⲧ . ⲡⲉⲥⲧⲁⲩⲣⲟⲥ ⲡⲉ ⲡⲟⲓⲕⲟⲛⲟⲙⲟⲥ ⲛⲛⲉⲛⲧⲁⲩⲛⲉϫⲡⲉⲩⲣⲟⲟⲩϣ ⲉⲣⲟϥ .
cross.michbr283-286:8
ⲛⲧϩⲉ ⲅⲁⲣ ⲛⲟⲩⲡⲟⲗⲓⲥ ⲉⲣⲉⲟⲩⲣⲣⲟ ⲛϫⲁϫⲉ ⲕⲱⲧⲉ ⲉⲣⲟⲥ ⲛϥⲟⲣⲃⲥ ⲉϩⲟⲩⲛ :
repentence.continence:8
ⲁⲩⲱ ⲟⲛ ⲡⲁⲡⲟⲥⲧⲟⲗⲟⲥ ϯⲥⲃⲱ ⲛⲁⲛ ϫⲉⲙⲟⲩⲟⲩⲧⲛ ⲛⲛⲉⲧⲙⲙⲉⲗⲟⲥ ⲉⲧϩⲓϫⲙⲡⲕⲁϩ · ⲧⲡⲟⲣⲛⲉⲓⲁ ⲧⲁⲕⲁⲑⲁⲣⲥⲓⲁ · ⲡⲡⲁⲑⲟⲥ ⲧⲉⲡⲏⲑⲩⲙⲓⲁ ⲉⲧϩⲟⲟⲩ ·
cross.michbr291-294:8
ⲙⲁⲣⲉϥⲉⲓ ⲛϥⲧⲁⲙⲟⲛ ⲉⲡⲧⲩⲡⲟⲥ ⲙⲡⲉⲓϣⲏⲛ ϫⲉⲥⲁⲃⲉⲕ ⲉⲣⲉⲡⲉⲓⲟⲉⲓⲗⲉ ⲙⲏⲣ ⲉⲣⲟϥ . ⲧϩⲉⲣⲙⲏⲛⲉⲓⲁ ⲅⲁⲣ ⲛⲥⲁⲃⲉⲕ ⲡⲉ ⲡⲙⲁ ⲛⲙⲧⲟⲛ ⲙⲡⲣⲉϥⲥⲱⲧⲉ . ⲉⲧⲉⲡⲁⲓ ⲡⲉ ⲡϣⲉ ⲙⲡⲉⲥⲧⲁⲩⲣⲟⲥ . ⲛⲧⲁⲡⲉϩⲓⲉⲓⲃ ⲙⲡⲛⲟⲩⲧⲉ ⲁⲗⲉ ⲉϩⲣⲁⲓ ⲉϫⲱϥ ϩⲛⲟⲩⲛⲟϭ ⲙⲙⲛⲧⲗⲁⲙⲡⲣⲟⲥ . ⲉⲧⲣⲉϥϫⲱⲕ ⲉⲃⲟⲗ ⲛⲧⲟⲓⲕⲟⲛⲟⲙⲓⲁ ⲉⲧⲙⲉϩ ⲛⲟⲩϫⲁⲓ .
cross.michbr287-290:8
ϯⲛⲁⲭⲁⲣⲓⲍⲉ ⲙⲙⲟⲟⲩ ⲛⲁⲕ ϫⲉⲁⲕϩⲟⲙⲟⲗⲟⲅⲉⲓ ⲛⲧⲁⲙⲛⲧⲛⲟⲩⲧⲉ ⲙⲡⲙⲧⲟ ⲉⲃⲟⲗ ⲛⲛⲉⲧⲁⲣⲛⲁ ⲙⲙⲟⲓ
cross.michbr287-290:9
ⲛⲧⲟⲟⲩ ⲇⲉ ⲁⲩⲛⲁⲩ ⲉⲛⲁϭⲟⲙ ⲧⲏⲣⲟⲩ ⲛⲧⲁⲓⲁⲁⲩ ⲙⲡⲟⲩⲡⲓⲥⲧⲉⲩⲉ ⲉⲣⲟⲓ
cross.michbr291-294:9
ⲉⲁϥⲙⲧⲟⲛ ⲙⲙⲟϥ ⲉϩⲣⲁⲓ ⲉϫⲱϥ ⲛⲧϩⲉ ⲛⲟⲩⲣⲱⲙⲉ . ⲉⲁϥⲉⲓ ⲉϩⲣⲁⲓ ϩⲛⲧⲉϥⲥⲱϣⲉ . ⲉϥⲣϩⲱⲃ ⲛϥⲛⲁϫϥ ϩⲓϫⲙⲡⲉϥⲙⲁ ⲛⲛⲕⲟⲧⲕ ⲛϥⲙⲧⲟⲛ ⲙⲙⲟϥ ϩⲙⲡⲉϥϩⲓⲥⲉ .
cross.michbr295-297:9
ⲡⲉⲥⲧⲁⲩⲣⲟⲥ ⲡⲉ ⲧⲉϩⲁⲅⲛⲉⲓⲁ ⲛⲛⲉⲛⲡⲁⲣⲑⲉⲛⲟⲥ . ⲡⲉⲥⲧⲁⲩⲣⲟⲥ ⲡⲉ ⲡⲥⲟⲃⲧ ⲉⲧⲧⲁϫⲣⲏⲩ .
cross.michbr283-286:9
ⲧⲟⲧⲉ ϣⲁⲣⲉⲛⲉⲧⲛϩⲏⲧⲥ ⲧⲏⲣⲟⲩ ϣⲱⲡⲉ ϩⲛⲟⲩⲑⲃⲃⲓⲟ : ⲉⲩϩⲉϫϩⲱϫ ⲉⲩⲗⲩⲡⲉⲓ ⲉⲩⲁϣⲁϩⲟⲙ :
repentence.continence:9
ϩⲟⲧⲁⲛ ⲇⲉ ⲉⲛϣⲁⲛⲧⲁⲁⲛ ⲉⲧⲙⲟⲕϩⲥ ϩⲛϩⲉⲛⲛⲏⲥⲧⲉⲓⲁ ⲙⲛϩⲉⲛϣⲗⲏⲗ ⲙⲛϩⲉⲛⲟⲩϣⲏ ⲛⲣⲟⲉⲓⲥ · ⲛⲧⲛⲥⲧⲁⲩⲣⲟⲩ ⲙⲡⲉⲛⲥⲱⲙⲁ ⲙⲛⲧⲉⲛⲯⲩⲭⲏ ·
repentence.continence:10
ⲧⲛⲛⲁⲣ ϣⲁϩⲱⲱⲛ ⲛⲉϣⲉⲃⲟⲗ ⲙⲛⲡⲣⲉϥⲯⲁⲗⲗⲉⲓ ⲇⲁⲩⲉⲓⲇ ϫⲉⲁⲕⲡⲁⲥⲧ ϩⲙⲡⲉⲕϩⲉ ⲉϫⲓⲛϭⲟⲛⲥ ⲛϩⲏⲧ :
cross.michbr291-294:10
ⲧⲁⲓ ⲧⲉ ⲧϩⲉ ⲛⲧⲁⲡⲥⲱⲧⲏⲣ ⲁⲁⲥ . ⲛⲧⲁϥⲙⲧⲟⲛ . ⲙⲙⲟϥ ϩⲓϫⲙⲡⲉϥⲙⲁⲛⲕⲟⲧⲕ ⲉⲧⲉⲡⲉⲥⲧⲁⲩⲣⲟⲥ ⲙⲙⲉ ⲡⲉ .
cross.michbr295-297:10
ⲡⲉⲥⲧⲁⲩⲣⲟⲥ ⲡⲉ ⲡⲥⲁⲉⲓⲛ ⲉⲧⲑⲉⲣⲁⲡⲉⲩⲉ ⲛϣⲓⲛⲉ ⲛⲓⲙ . ⲁⲙⲏⲓⲧⲛ ⲛⲉⲫⲩⲗⲏ ⲧⲏⲣⲟⲩ ⲙⲡⲕⲁϩ ⲣⲁϣⲉ ⲛⲧⲉⲧⲛⲧⲉⲗⲏⲗ ϫⲉⲁⲡϫⲟⲉⲓⲥ ⲣⲣⲣⲟ ⲉⲃⲟⲗ ϩⲙⲡϣⲉ ⲙⲡⲉⲥⲧⲁⲩⲣⲟⲥ .
cross.michbr287-290:10
ⲛⲧⲟⲕ ⲇⲉ ⲛⲧⲕⲟⲩⲗⲏⲥⲧⲏⲥ ⲛⲣⲉϥϩⲱⲧⲃ ⲛⲣⲉϥϫⲓⲟⲩⲉ . ⲛⲣⲉϥⲃⲱϭⲉ ⲛⲣⲉϥⲧⲁⲕⲟ . ⲁⲩⲱ ⲁⲕϩⲟⲙⲟⲗⲟⲅⲉⲓ ⲙⲙⲟⲓ ϫⲉⲁⲛⲟⲕ ⲡⲉ ⲡⲛⲟⲩⲧⲉ .
cross.michbr283-286:10
ϩⲟⲧⲁⲛ ⲇⲉ ⲉϥϣⲁⲛⲥⲱⲧⲙ ⲛϭⲓⲡⲣⲣⲟ ⲉⲧⲟ ⲛⲉⲝⲟⲩⲥⲓⲁ ⲉⲣⲟⲥ ⲉⲧⲛⲟϭ ⲛⲧⲟⲗⲙⲏⲣⲓⲁ ⲛⲧϩⲉ ⲛⲧⲁϥⲧⲟⲗⲙⲁ ⲙⲙⲟⲥ ⲉϩⲱⲧⲃ ⲛⲛⲉϥⲙⲏⲏϣⲉ :
repentence.continence:11
ⲧⲟⲧⲉ ⲡⲁⲅⲅⲉⲗⲟⲥ ⲛⲧⲙⲉⲧⲁⲛⲟⲓⲁ ⲛⲏⲩ ⲛϥⲡⲱⲣϫ ⲛⲛⲉⲛⲧⲏϭ ⲉⲧϩⲟⲟⲩ · ⲉⲛⲧⲁϥϫⲟⲟⲩ ϩⲣⲁⲓ ⲛϩⲏⲧⲛ ⲛϭⲓⲡⲇⲓⲁⲃⲟⲗⲟⲥ ⲛϥⲧⲱϭⲉ ⲉⲡⲉⲩⲙⲁ ⲛⲛⲕⲁⲣⲡⲟⲥ ⲙⲡⲉⲡⲛⲉⲩⲙⲁ ·
cross.michbr291-294:11
ⲁϥϣⲡϩⲓⲥⲉ ⲛϩⲏⲧϥ ϣⲁⲛⲧⲉϥⲧⲟⲩϫⲟ ⲛⲧⲙⲛⲧⲣⲱⲙⲉ ⲧⲏⲣⲥ .
cross.michbr283-286:11
ⲧⲟⲧⲉ ϣⲁϥⲥⲱⲟⲩϩ ⲉϩⲟⲩⲛ ⲙⲡⲉϥⲙⲏⲏϣⲉ ⲧⲏⲣϥ : ⲙⲛⲛⲉⲩⲥⲕⲉⲩⲏ ⲙⲡⲟⲗⲉⲙⲓⲕⲟⲛ :
cross.michbr295-297:11
ⲛⲉⲧⲕⲓⲙ ⲧⲏⲣⲟⲩ ϩⲛⲛⲉⲙⲟⲟⲩ ⲛⲉⲓⲟⲟⲩⲉ . ⲟⲩⲛⲟϥ ⲙⲙⲱⲧⲛ ϫⲉⲁⲩⲥⲛⲟϥ ⲙⲛⲟⲩⲙⲟⲟⲩ ϣⲟⲩⲟ ⲉⲃⲟⲗ ⲙⲙⲟϥ .
cross.michbr287-290:11
ⲉⲧⲃⲉⲡⲁⲓ ⲛⲉⲕⲛⲟⲃⲉ ⲉⲧⲛⲁϣⲱⲟⲩ ⲕⲏ ⲛⲁⲕ ⲉⲃⲟⲗ ϫⲉⲁⲕϩⲟⲙⲟⲗⲟⲅⲉⲓ ⲙⲙⲟⲓ .
cross.michbr283-286:12
ⲡⲉϥⲙⲏⲏϣⲉ ⲛⲧⲉⲣⲉϥⲧⲥⲁⲃⲟⲟⲩ ⲉⲧϭⲓⲛⲡⲟⲗⲩⲙⲉⲓ ⲙⲛⲛⲉϥϫⲁϫⲉ :
cross.michbr295-297:12
ⲛϩⲁⲗⲁⲧⲉ ⲧⲏⲣⲟⲩ ⲛⲧⲡⲉ . ⲡⲱⲣϣⲛⲉⲧⲛⲧⲛϩ ⲉⲃⲟⲗ ϩⲛⲟⲩⲟⲩⲣⲟⲧ ϫⲉⲁϥⲡⲱⲣϣ ⲛⲛⲉⲧⲛϭⲓϫ ⲉⲃⲟⲗ ϩⲓϫⲙⲡⲉⲥⲧⲁⲩⲣⲟⲥ .
repentence.continence:12
ⲕⲁⲧⲁⲧϩⲉ ⲉⲛⲧⲁϥϫⲟⲟⲥ ⲛϭⲓⲡⲁⲡⲟⲥⲧⲟⲗⲟⲥ ϫⲉⲡⲕⲁⲣⲡⲟⲥ ⲙⲡⲉⲡⲛⲉⲩⲙⲁ ⲡⲉ ⲧⲁⲅⲁⲡⲏ · ⲡⲣⲁϣⲉ ·
cross.michbr291-294:12
ⲛϥⲥⲁϣⲙ ⲁⲛ ⲟⲩⲇⲉ ⲛϥϣⲧⲣⲧⲱⲣ ⲁⲛ . ⲟⲩⲇⲉ ⲛϥϭⲟⲛⲧ ⲁⲛ ⲉⲩϯⲉⲓⲃⲧ ⲛⲁϥ . ⲟⲩⲇⲉ ⲛϥⲁⲕⲁⲛⲁⲕⲧⲉⲓ ⲁⲛ . ⲉⲩϯⲕⲗⲟⲙ ⲛϣⲟⲛⲧⲉ ⲉϫⲱϥ .
cross.michbr287-290:12
ϯⲛⲁⲧⲣⲉⲕϣⲱⲡⲉ ⲙⲡⲟⲗⲓⲧⲏⲥ ⲙⲡⲡⲁⲣⲁⲇⲓⲥⲟⲥ .
cross.michbr283-286:13
ϣⲁϥⲙⲟⲟϣⲉ ϩⲁⲧⲉⲩϩⲉ . ϩⲛⲟⲩⲣⲁϣⲉ ⲉϥⲥⲟⲟⲩⲛ ϫⲉϥⲛⲁϭⲱⲧⲡ ⲛⲛⲉϥϫⲁϫⲉ ϩⲛⲟⲩⲛⲟϭ ⲛϭⲟⲙ
cross.michbr291-294:13
ⲟⲩⲇⲉ ⲛϥⲥⲁϩⲟⲩ ⲁⲛ ⲉⲩϩⲓⲟⲩⲉ ⲉϩⲟⲩⲛ ϩⲙⲡⲉϥϩⲟ . ⲟⲩⲇⲉ ⲛϥⲛⲕⲁⲕⲉⲓ ⲁⲛ ⲉⲩⲧⲥⲁ ⲙⲙⲟϥ ⲛⲟⲩϩⲙϫ ⲉϥⲧⲉϩ ϩⲓⲥⲓϣⲉ .
repentence.continence:13
ϯⲉⲓⲣⲏⲛⲏ · ⲧⲙⲛⲧϩⲁⲣϣϩⲏⲧ ·
cross.michbr295-297:13
ⲛⲉⲑⲏⲣⲓⲟⲛ ⲉⲧϩⲛⲧⲉⲣⲏⲙⲟⲥ ⲣⲁϣⲉ ⲛⲧⲉⲧⲛⲟⲩⲛⲟϥ ϫⲉⲁⲡⲣⲉϥⲧⲁϣⲉⲟⲉⲓϣ ϣⲱⲡⲉ ⲛⲏⲧⲛ ⲛϣⲙⲛⲟⲩⲃⲉ .
cross.michbr287-290:13
ϯⲛⲁⲧⲣⲉⲡⲉⲕⲥⲱⲙⲁ ϣⲱⲡⲉ ⲉϥϫⲏⲕ ϣⲁⲛϯⲧⲟⲩⲛⲟⲥⲕ .
cross.michbr295-297:14
ⲁⲧⲉⲧⲛⲛⲁⲩ ϫⲉⲟⲩ ⲁϣ ⲛϭⲟⲧ ⲡⲉ ⲡⲙⲉⲅⲉⲑⲟⲥ ⲙⲡⲉⲥⲧⲁⲩⲣⲟⲥ ⲙⲛⲧⲉϥⲛⲟϭ ⲛⲃⲟⲏⲑⲉⲓⲁ ⲉϫⲙⲡⲥⲱⲛⲧ ⲧⲏⲣϥ .
cross.michbr283-286:14
ⲧⲁⲓ ϩⲱⲱϥ ⲧⲉ ⲧϩⲉ ⲙⲡⲉⲛϫⲟⲉⲓⲥ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ ⲛⲧⲉⲣⲉϥⲛⲁⲩ ⲉⲡϫⲁϫⲉ ⲛⲧⲙⲛⲧⲣⲱⲙⲉ ⲧⲏⲣⲥ .
cross.michbr291-294:14
ⲛϥⲙⲓϣⲉ ⲅⲁⲣ ⲁⲛ ⲙⲛⲛⲉⲧⲛⲟϭⲛⲉϭ ⲙⲙⲟϥ . ⲟⲩⲇⲉ ⲛϥϭⲟⲛⲧ ⲁⲛ ⲉⲩⲡⲱϣ ⲛⲛⲉϥϩⲟⲓⲧⲉ ⲉϫⲱⲟⲩ ⲉⲩⲛⲉϫⲕⲗⲏⲣⲟⲥ ⲉⲣⲟⲟⲩ .
repentence.continence:14
ⲡⲧⲃⲃⲟ ⲙⲛⲛⲉⲧⲛⲏⲩ ⲙⲛⲛⲥⲁⲛⲁⲓ :
cross.michbr287-290:14
ⲡⲁⲓ ⲇⲉ ⲛⲧⲁϥⲁⲣⲛⲁ ⲙⲙⲟⲓ ⲛⲁⲛⲁⲩ ⲉⲣⲟⲕ ⲉⲕϭⲟⲟⲗⲉ ⲛⲟⲩⲉⲟⲟⲩ .
cross.michbr291-294:15
ⲕⲟⲩⲱϣ ⲉⲉⲓⲙⲉ ϫⲉⲧⲙⲉ ⲧⲉ ϯϫⲱ ⲙⲙⲟⲥ ⲥⲱⲧⲙ ⲛⲧⲁⲧⲁⲙⲟⲕ .
cross.michbr295-297:15
ⲙⲡⲛⲁⲩ ⲅⲁⲣ ⲉⲧⲉⲣⲉⲡⲣⲱⲙⲉ ⲛⲁⲡⲱⲣϣⲛⲉϥϭⲓϫ ⲉⲃⲟⲗ ⲙⲡⲧⲩⲡⲟⲥ ⲙⲡⲉⲥⲧⲁⲩⲣⲟⲥ ⲛϥϣⲗⲏⲗ ϩⲛⲟⲩⲡⲓⲥⲧⲓⲥ . ϣⲁⲣⲉⲡⲉϥⲁⲅⲅⲉⲗⲟⲥ ⲥⲟⲡⲥ ⲙⲡⲛⲟⲩⲧⲉ ϣⲁⲛⲧⲉϥϯ ⲛⲁϥ ⲙⲡⲉϥⲁⲓⲧⲏⲙⲁ .
repentence.continence:15
ⲧⲟⲧⲉ ⲥⲛⲏⲩ ⲛⲧⲉⲩⲛⲟⲩ ⲛϭⲓⲧⲙⲉⲧⲁⲛⲟⲓⲁ ⲛⲥⲟⲩⲱϩ ϩⲣⲁⲓ ⲛϩⲏⲧⲛ · ⲛⲥⲙⲟⲩϩ ⲛⲛⲉⲛⲙⲉⲗⲟⲥ ⲧⲏⲣⲟⲩ · ⲛⲥⲕⲁⲑⲁⲣⲓⲍⲉ ⲛⲛⲉⲛⲛⲟⲃⲉ ⲧⲏⲣⲟⲩ ·
cross.michbr287-290:15
ⲛⲧⲟϥ ⲇⲉ ⲉϥϭⲟⲟⲗⲉ ⲛⲟⲩϣⲱϣ . ⲙⲛⲟⲩϩⲓⲥⲉ . ϥⲛⲁⲛⲁⲩ ⲉⲣⲟⲕ ⲉⲕϭⲟⲟⲗⲉ ⲙⲡⲟⲩⲟⲉⲓⲛ .
cross.michbr283-286:15
ⲉⲧⲉⲡⲁⲓ ⲡⲉ ⲡⲇⲓⲁⲃⲟⲗⲟⲥ ⲁϥⲱⲣϥ ⲉϩⲟⲩⲛ ⲛⲧⲟⲓⲕⲟⲩⲙⲉⲛⲏ ⲧⲏⲣⲥ
cross.michbr295-297:16
ⲍⲁⲭⲁⲣⲓⲁⲥ ⲁϥϣⲗⲏⲗ ⲁⲅⲁⲃⲣⲓⲏⲗ ⲉⲓ ϣⲁⲣⲟϥ ⲁϥϯ ⲛⲁϥ ⲙⲡⲉϥⲁⲓⲧⲏⲙⲁ ⲉⲧⲉⲓⲱϩⲁⲛⲛⲏⲥ ⲡⲉ .
cross.michbr291-294:16
ⲙⲡⲛⲁⲩ ⲅⲁⲣ ⲉⲧⲟⲩⲉⲓⲣⲉ ⲛⲛⲁⲓ ⲧⲏⲣⲟⲩ ⲛⲁϥ . ⲁϥϥⲓ ⲛⲛⲉϥⲃⲁⲗ ⲉϩⲣⲁⲓ ϣⲁⲡⲉϥⲉⲓⲱⲧ ⲁϥⲡⲁⲣⲁⲕⲁⲗⲉⲓ ⲙⲙⲟϥ .
repentence.continence:16
ⲛⲥⲣⲱⲕϩ ϩⲣⲁⲓ ⲛϩⲏⲧⲛ ⲙⲙⲛⲧϫⲁⲥⲓϩⲏⲧ ⲛⲓⲙ · ⲙⲛϭⲱⲛⲧ ⲛⲓⲙ · ⲙⲛⲕⲁⲕⲓⲁ ⲛⲓⲙ · ⲙⲛϩⲱⲃ ⲛⲓⲙ ⲉⲧϩⲟⲟⲩ · ⲙⲛⲙⲉⲉⲩⲉ ⲛⲓⲙ ⲙⲡⲟⲛⲏⲣⲟⲛ · ⲛⲥⲁⲛⲁⲅⲕⲁⲍⲉ ⲛⲛⲁⲣⲉⲧⲏ ⲉⲧⲣⲉⲩⲉⲓ ⲛⲥⲉⲟⲩⲱϩ ϩⲛⲧⲉⲛⲯⲩⲭⲏ ·
cross.michbr287-290:16
ⲛⲧⲟϥ ⲇⲉ ⲉϥⲁⲡⲟⲗⲁⲩⲉ ⲙⲙⲟϥ ϩⲙⲡⲕⲁⲕⲉ ϥⲛⲁⲛⲁⲩ ⲉⲣⲟⲕ ⲉⲕϭⲟⲟⲗⲉ ⲙⲡⲣⲁϣⲉ ⲙⲛⲡⲟⲩⲛⲟϥ ⲛⲧⲟϥ ⲇⲉ ⲉϥⲁⲡⲟⲗⲁⲩⲉ ⲙⲙⲟϥ ϩⲛⲧⲗⲩⲡⲏ ⲙⲛⲡⲁϣⲁϩⲟⲙ .
cross.michbr283-286:16
ⲁϥⲑⲙⲕⲟ ⲛⲟⲩⲟⲛ ⲛⲓⲙ ϩⲛⲛⲉϥⲥⲛⲁⲩϩ ⲉⲧⲙⲉϩ ⲛⲛⲟⲃⲉ ⲁϥϫⲟⲟⲣⲟⲩ ⲉⲃⲟⲗ ϩⲛⲛⲉϥⲡⲗⲩⲅⲏ ⲉⲧⲟϣ ⲉⲧⲉⲛⲁⲓ ⲛⲉ .
cross.michbr291-294:17
ϫⲉⲡⲁⲉⲓⲱⲧ ⲕⲱ ⲛⲁⲩ ⲉⲃⲟⲗ ϫⲉⲛⲥⲉⲥⲟⲟⲩⲛ ⲁⲛ ⲙⲡⲉⲧⲟⲩⲉⲓⲣⲉ ⲙⲙⲟϥ .
cross.michbr295-297:17
ⲡⲉⲧⲣⲟⲥ ⲁϥϣⲗⲏⲗ ⲁⲡⲁⲅⲅⲉⲗⲟⲥ ⲉⲓ ϣⲁⲣⲟϥ ⲁϥⲧⲣⲉⲛϩⲁⲗⲏⲥⲓⲥ ⲛⲃⲉⲛⲓⲡⲉ ⲃⲱⲗ ⲉⲃⲟⲗ ⲙⲛⲧⲡⲩⲗⲏ ⲛⲃⲉⲛⲓⲡⲉ . ϩⲟⲙⲟⲓⲱⲥ ⲟⲛ ⲁϥϣⲗⲏⲗ ⲁϥⲧⲟⲩⲛⲉⲥⲧⲁⲃⲓⲑⲁ .
cross.michbr287-290:17
ϥⲛⲁⲛⲁⲩ ⲉⲣⲟⲕ ϩⲙⲡⲟⲩⲱϣⲥ ⲉⲃⲟⲗ ⲙⲛⲧⲉⲩⲫⲣⲟⲥⲩⲛⲏ . ⲛⲧⲟϥ ϩⲱⲱϥ ⲉϥϩⲙⲡϩⲁϫϩⲉϫ ⲙⲛⲡⲥⲁϩⲟⲩ .
repentence.continence:17
ⲛⲥⲧⲱϭⲉ ⲛⲧⲟⲩⲉⲓ ⲧⲟⲩⲉⲓ ⲉⲡⲉⲥⲙⲁ ·
cross.michbr283-286:17
ⲧⲙⲛⲧⲣⲉϥϣⲙϣⲉⲉⲓⲇⲱⲗⲟⲛ . ⲧⲙⲛⲧⲣⲉϥⲧⲱⲣⲡ . ⲧⲙⲛⲧⲁⲧϣⲁⲩ . ⲧⲙⲛⲧⲣⲉϥϫⲓⲟⲩⲉ . ⲧⲙⲛⲧⲣⲉϥϩⲱⲧⲃ .
repentence.continence:18
ⲛⲧⲉⲩⲛⲟⲩ ⲥⲛⲁⲡⲱⲣⲕ ⲙⲡϭⲱⲛⲧ ⲛⲥⲧⲱϭⲉ ⲉⲡⲉϥⲙⲁ ⲛⲧⲙⲛⲧϩⲁⲣϣϩⲏⲧ ·
cross.michbr295-297:18
ⲕⲟⲣⲛⲏⲗⲓⲟⲥ ⲁϥϣⲗⲏⲗ ⲁⲡⲁⲅⲅⲉⲗⲟⲥ ⲉⲓ ϣⲁⲣⲟϥ . ⲡⲁⲩⲗⲟⲥ ⲙⲛⲥⲓⲗⲁⲥ ⲁⲩϣⲗⲏⲗ ⲁⲡⲁⲅⲅⲉⲗⲟⲥ ⲉⲓ ϣⲁⲣⲟⲟⲩ ⲁⲩⲕⲓⲙ ⲛϭⲓⲥⲛⲧⲉ ⲙⲡⲉϣⲧⲉⲕⲟ
cross.michbr291-294:18
ϫⲉⲕⲁⲁⲥ ⲉⲕⲉⲉⲓⲙⲉ ϫⲉⲟⲩ ⲡⲉⲧⲉⲣⲉⲡⲉⲓⲱⲧ ⲉⲓⲣⲉ ⲙⲙⲟϥ . ⲉⲁϥⲁⲁϥ ⲙⲡⲛⲁⲩ ⲉⲧⲙⲙⲁⲩ .
cross.michbr283-286:18
ⲧⲕⲁⲧⲁⲗⲁⲗⲓⲁ . ⲡⲕⲱϩ . ⲡⲙⲟⲥⲧⲉ ⲡϭⲱⲛⲧ . ⲧⲟⲣⲅⲏ . ⲡϯϩⲉ . ⲧⲙⲛⲧⲣⲉϥⲣϩⲓⲕ . ⲡϫⲱϩⲙ . ⲧⲡⲁⲛⲟⲩⲣⲅⲓⲁ .
cross.michbr287-290:18
ϥⲛⲁⲛⲁⲩ ⲉⲣⲟⲕ ⲉⲣⲉⲛⲁⲅⲅⲉⲗⲟⲥ ⲥⲟⲗⲥⲗ ⲙⲙⲟⲕ ⲛⲧⲟϥ ϩⲱⲱϥ ⲉϥϣⲟⲟⲡ ϩⲙⲡⲧⲁⲣⲧⲁⲣⲟⲥ .
cross.michbr291-294:19
ⲛⲁϣⲉⲛⲉϥⲙⲛⲧϣⲁⲛϩⲧⲏϥ ⲅⲁⲣ ⲙⲙⲟⲛ ϥⲛⲁⲧⲛⲛⲟⲟⲩ ⲉϩⲣⲁⲓ ⲉϫⲱⲟⲩ ⲛⲧⲟⲣⲅⲏ ⲛⲁⲧⲧⲁⲗϭⲟ .
repentence.continence:19
ⲥⲛⲁⲡⲱⲣⲕ ⲛⲧⲙⲛⲧϫⲁⲥⲓϩⲏⲧ ⲛⲥⲧⲱϭⲉ ⲙⲡⲉⲑⲃⲃⲓⲟ ⲉⲡⲉϥⲙⲁ ·
cross.michbr283-286:19
ⲡⲉⲕⲣⲟϥ . ⲡϫⲱϩⲙ . ⲧⲡⲁⲛⲟⲩⲣⲅⲓⲁ . ⲡⲉⲕⲣⲟϥ ⲧⲙⲛⲧϫⲁⲥⲓϩⲏⲧ . ⲛⲁⲛⲁϣ ⲛⲛⲟⲩϫ . ⲛⲥⲱⲱϥ . ⲙⲡⲟⲣⲛⲉⲓⲁ .
cross.michbr287-290:19
ⲟⲩ ⲙⲟⲛⲟⲛ ϫⲉⲙⲡⲉϥϩⲟⲙⲟⲗⲟⲅⲉⲓ ⲙⲙⲟⲓ . ⲁⲗⲗⲁ ⲁϥⲁⲣⲛⲁ ⲙⲙⲟⲓ ⲙⲛⲧⲁⲙⲛⲧⲛⲟⲩⲧⲉ .
cross.michbr295-297:19
ⲙⲱⲩⲥⲏⲥ ⲁϥϣⲗⲏⲗ ⲁϥϭⲱⲧⲡ ⲙⲡⲁⲙⲁⲗⲉⲕ ⲧⲱⲃⲓⲁⲥ ⲁϥϣⲗⲏⲗ ⲁϩⲣⲁⲫⲁⲏⲗ ⲉⲓ ϣⲁⲣⲟϥ ⲁϥⲧⲁⲗϭⲟϥ .
cross.michbr295-297:20
ⲉⲧⲃⲉⲡⲁⲓ ⲙⲁⲣⲉⲛϣⲗⲏⲗ ⲛⲟⲩⲟⲉⲓϣ ⲛⲓⲙ ⲁϫⲛⲱϫⲛ . ⲡⲉϫⲁϥ ⲛϭⲓⲡⲁⲡⲟⲥⲧⲟⲗⲟⲥ ϫⲉϣⲗⲏⲗ ⲁϫⲛⲱϫⲛ .
cross.michbr283-286:20
ⲙⲙⲛⲧⲥⲁⲛⲕⲟⲧⲥ . ⲙⲛⲛⲉⲧⲉⲓⲛⲉ ⲛⲛⲁⲓ ⲛϯⲙⲓⲛⲉ .
cross.michbr291-294:20
ϣⲁⲛⲧⲉⲧⲉⲥⲙⲏ ⲙⲡⲉϥⲙⲟⲛⲟⲅⲉⲛⲏⲥ ⲧⲁϩⲟϥ . ⲛϥⲧⲱϩⲙ ⲛⲧⲉϥⲙⲛⲧϣⲁⲛϩⲧⲏϥ . ⲛϥⲕⲧⲉⲧⲉϥⲟⲣⲅⲏ ⲙⲛⲡⲉϥϭⲱⲛⲧ ⲉⲡⲁϩⲟⲩ .
cross.michbr287-290:20
ⲁϥϭⲱ ⲉϥⲛⲟϭⲛⲉϭ ⲁⲩⲱ ⲉϥⲥⲱϣ ⲙⲙⲟⲓ . ⲉⲧⲃⲉⲡⲁⲓ ⲉⲣⲉⲡⲟⲩⲁ ⲡⲟⲩⲁ ϫⲓ ⲕⲁⲧⲁⲛⲉϥϩⲃⲏⲩⲉ .
repentence.continence:20
ⲥⲛⲁⲡⲱⲣⲕ ⲛⲧⲙⲛⲧϫⲁϫⲉ ⲛⲥⲧⲱϭⲉ ⲛⲧⲉⲓⲣⲏⲛⲏ ⲉⲡⲉⲥⲙⲁ · ⲥⲛⲁⲡⲱⲧⲛ ⲥⲁⲡⲕⲱϩ ⲙⲛⲡⲙⲟⲥⲧⲉ ⲛⲥⲛⲟϫⲟⲩ ⲉⲃⲟⲗ ⲛϩⲏⲧⲛ · ⲛⲥⲧⲣⲉϯⲣⲏⲛⲏ ⲙⲛⲧⲁⲅⲁⲡⲏ ⲣⲟⲩⲕⲗⲟⲙ ⲉϫⲛⲧⲉⲛⲁⲡⲉ ·

Coptic SCRIPTORIUM, corpus pseudo.theophilus (github.com/CopticScriptorium/corpora). Licence as stated per document in the project's own meta.json and checked there at parse time. English, where present, is Coptic SCRIPTORIUM's aligned translation. Licence: CC-BY 4.0. Source.