Pseudo Athanasius Discourses

Coptic literature (Coptic SCRIPTORIUM) · 520 sections

soul_body:34
ⲉⲃⲟⲗ ϫⲉⲁϥⲥⲩⲗⲁ ⲙⲙⲟⲥ ⲛⲧϩⲉ ⲛⲟⲩⲥⲟⲟⲛⲉ ·
for he carrieth it off like a thief.
matthew20:34
ⲉⲧⲃⲉⲡⲁⲓ ⲡⲉϫⲉⲡⲥⲱⲧⲏⲣ ⲛⲁⲡⲟⲥⲧⲟⲗⲟⲥ ⲧⲏⲣⲟⲩ ϫⲉⲡⲁⲉⲓⲱⲧ ⲛⲣⲱⲙⲉ ⲛⲧⲁⲕⲧⲁⲁⲩ ⲛⲁⲓ ⲉⲃⲟⲗ ϩⲙⲡⲕⲟⲥⲙⲟⲥ · ⲁⲓϩⲉ ⲉⲣⲟⲟⲩ ⲉϩⲉⲛⲥⲕⲉⲩⲟⲥ ⲛⲥⲱⲧⲡ ⲛⲉ ·
Therefore doth the Saviour say concerning all the Apostles, 'O My Father, the men whom Thou hast given unto Me from the world have I found to be chosen vessels'
soul_body:35
ⲡⲗⲏⲛ ⲁϥⲕⲁⲁⲥ ⲉⲣⲟⲥ ⲉⲧⲙⲧⲣⲉⲥϭⲙϭⲟⲙ ⲉⲃⲟⲏⲑⲉⲓ ⲉⲡⲉⲥⲥⲱⲙⲁ ⲙⲙⲓⲛ ⲙⲙⲟⲥ ⲉⲁϥⲧⲁⲕⲟ ·
Moreover, he maketh it to be without the power to assist its own body which perisheth.
mercy_judgment:35
ϩⲉⲛⲕⲉⲛⲟⲇⲟⲝⲓⲁ ⲛⲉ ·
matthew20:35
ⲡⲁⲗⲓⲛ ⲟⲛ ⲛⲉⲛⲧⲁⲕⲧⲁⲁⲩ ⲛⲁⲓ ⲧⲏⲣⲟⲩ ⲙⲡⲉⲓⲧⲁⲕⲉⲗⲁⲁⲩ ⲉⲃⲟⲗ ⲛϩⲏⲧⲟⲩ · ⲁⲩⲱ ⲙⲛϣϭⲟⲙ ⲙⲛⲗⲁⲁⲩ ⲉⲉⲓ ϣⲁⲣⲟⲓ ⲉⲓⲙⲏⲧⲓ ⲛⲧⲉⲡⲁⲉⲓⲱⲧ · ⲉⲛⲧⲁϥⲧⲟⲩⲟⲓ ⲥⲱⲕ ⲙⲙⲟϥ ·
And again, 'Of those whom Thou hast given unto Me have I lost none'; and, 'No man is able to come unto Me except through My Father, Who hath sent Me to draw him.'
soul_body:36
ⲁⲧⲥⲁⲣⲝ ⲃⲱⲗ ⲉⲃⲟⲗ ϩⲙⲡⲕⲁϩ · ϩⲛⲛⲉⲥϩⲟⲣⲙⲁⲕⲏ · ⲉⲁⲛⲙⲉⲗⲟⲥ ⲟⲩⲉ ⲉⲃⲟⲗ ⲛⲛⲉⲩⲉⲣⲏⲩ ⲉⲃⲟⲗ ϫⲉⲧⲉⲯⲩⲭⲏ ϣⲟⲟⲡ ⲁⲛ ⲛϩⲏⲧⲟⲩ ⲉⲥⲙⲟⲩⲣ ⲙⲙⲟⲟⲩ ·
The flesh dissolveth | in the earth, the substance (?) thereof decayeth, and one member droppeth away from the other because the soul is not in the body to bind them together.
mercy_judgment:36
ⲁⲩⲱ ⲉⲩϣⲟⲟⲡ ⲉⲧⲃⲉⲡⲧⲁⲉⲓⲟ ⲛⲛⲣⲱⲙⲉ ·
matthew20:36
ⲉⲓⲥⲛⲉⲓϣⲁϫⲉ ⲧⲁⲙⲟ ⲙⲙⲟⲛ ϫⲉⲡⲉⲓⲱⲧ ⲉⲧⲑⲛⲉⲉⲣⲅⲁⲧⲏⲥ ⲉⲡⲉϥⲙⲁ ⲛⲉⲗⲟⲟⲗⲉ ·
Behold, these words make us to know that it is the Father Who hireth the labourers for His vineyard.
soul_body:37
ⲧⲉⲯⲩⲭⲏ ϩⲱⲱⲥ ⲥⲙⲏⲣ ϩⲛⲁⲙⲛⲧⲉ ϩⲛϩⲉⲛⲡⲉⲇⲏⲥ ⲁⲛ · ⲁⲗⲗⲁ ϩⲛϩⲉⲛⲙⲣⲣⲉ ·
And the soul itself is bound in Amente, having fetters not on the feet only, but on its whole person.
matthew20:37
ⲛⲓⲙ ϩⲱⲱϥ ⲡⲉ ⲡⲉⲓⲉⲡⲓⲧⲣⲟⲡⲟⲥ ·
Who is this Governor?
mercy_judgment:37
ⲉⲩϣⲟⲟⲡ ⲁⲛ ⲉⲧⲃⲉⲡⲧⲁⲉⲓⲟ ⲡⲉ ⲉⲃⲟⲗ ϩⲓⲧⲙⲡⲛⲟⲩⲧⲉ ·
mercy_judgment:38
ⲉⲧⲃⲉⲡⲁⲓ ⲕⲁⲗⲱⲥ ⲁϥϫⲟⲟⲥ ⲛϭⲉⲡϫⲟⲉⲓⲥ ϫⲉⲙⲡⲣⲉⲓⲣⲉ ϫⲉⲕⲁⲥ ⲉⲣⲉⲛⲣⲱⲙⲉ ⲛⲁⲩ ⲉⲣⲱⲧⲛ ·
soul_body:38
ⲉⲧⲃⲉⲡⲁⲓ · ⲙⲡⲥⲉϣϭⲙϭⲟⲙ ⲉⲃⲟⲏⲑⲉⲓ ⲉⲡⲉⲥⲥⲱⲙⲁ ⲙⲙⲓⲛ ⲙⲙⲟⲥ ⲉⲧⲙⲧⲣⲉϥⲧⲁⲕⲟ ϩⲙⲡⲕⲁϩ ·
For this reason it hath not the power to give help to its own body, and to prevent it from decaying in the earth.
matthew20:38
ϯϫⲱ ⲙⲙⲟⲥ ϫⲉⲡϫⲟⲉⲓⲥ ⲡⲉ · ⲓⲏⲥⲟⲩⲥ ⲡⲉⲭⲣⲓⲥⲧⲟⲥ ⲡϣⲏⲣⲉ ⲙⲡⲛⲟⲩⲧⲉ ⲉⲣⲉⲛⲉⲭⲣⲏⲙⲁ ⲧⲏⲣⲟⲩ ⲙⲡⲉⲓⲱⲧ ⲛⲧⲟⲟⲧϥ ⲉⲧⲉⲙⲙⲩⲥⲧⲏⲣⲓⲟⲛ ·
I say, It is the Lord Jesus, the Christ, the Son of God, in Whose hand are all the possessions of God, which is a mystery.
mercy_judgment:39
ⲉϣⲱⲡⲉ ⲇⲉ ⲉⲕⲛⲁⲉⲓⲣⲉ ⲛⲧⲉⲕⲙⲛⲧⲛⲁ ϩⲱⲥ ⲉⲡⲛⲟⲩⲧⲉ ⲡⲉⲧⲉⲓⲙⲉ ⲉⲣⲟⲥ ⲕⲛⲁϩⲁⲣⲉϩ ⲉⲣⲟⲕ ⲉⲧⲙⲁⲁⲥ ⲉⲃⲟⲗ ϩⲛⲟⲩⲙⲛⲧⲙⲁⲓⲧⲟ ⲛϩⲟⲩⲟ · ⲉⲕⲥⲟⲟⲩⲛ ϫⲉⲕⲉⲩⲫⲣⲁⲛⲉ ⲁⲛ ⲙⲡⲛⲟⲩⲧⲉ · ⲛⲧⲉⲓϩⲉ · ⲡⲁⲓ ⲉⲧϭⲱϣⲧ ⲉϫⲱⲛ
soul_body:39
ⲛⲧϩⲉ ⲅⲁⲣ ⲛⲟⲩⲣⲉϥⲣϩⲙⲙⲉ ⲉϥⲛⲁⲙⲟⲩ ⲛⲧⲉⲡⲉϥϫⲟⲉⲓ ⲃⲱⲕ ⲛⲧⲙⲧⲱ ·
Now it is like a captain who dieth when his ship foundereth,
matthew20:39
ⲛⲧϩⲉ ⲉⲣⲉⲛⲉϥϭⲟⲙ ϣⲟⲟⲡ ϩⲙⲡⲓⲥⲣⲁⲏⲗ ⲁⲩⲱ ⲛⲕⲉϩⲉⲑⲛⲟⲥ · ⲛⲧⲟϥ ⲅⲁⲣ ⲁϥϫⲟⲟⲥ ϫⲉⲡⲉⲓⲱⲧ ⲙⲉ ⲙⲡϣⲏⲣⲉ ⲁϥϯ ⲛⲛⲕⲁ ⲛⲓⲙ ⲉϩⲣⲁⲓ ⲉⲛⲉϥϭⲓϫ ·
His power is in Israel and in the other nations, for He Himself said, 'The Father loveth the Son, and hath given everything into His hand.'
mercy_judgment:40
ⲙⲁⲣⲛⲉⲓⲣⲉ ⲛⲟⲩⲙⲛⲧⲛⲁ ⲛⲧⲉⲓϩⲉ ϫⲉⲕⲁⲥ ⲉⲛⲛⲁϫⲓ ⲉⲃⲟⲗ ϩⲓⲧⲙⲡⲛⲟⲩⲧⲉ ⲙⲡⲉⲥⲧⲟⲩⲉⲓⲟ ·
soul_body:40
ⲧⲁⲓ ϩⲱⲱϥ ⲧⲉ ⲧϩⲉ ⲉⲛⲉⲣⲉⲧⲉⲯⲩⲭⲏ ⲙⲏⲣ ⲁⲛ ϩⲛⲁⲙⲛⲧⲉ ⲡⲉ ⲛⲉⲥⲛⲁⲣ ϩⲙⲙⲉ ⲙⲡⲉⲥⲥⲱⲙⲁ ⲡⲉ ⲉⲧⲙⲧⲣⲉϥⲧⲁⲕⲟ ·
that is to say, if the soul were not bound in Amente, it would be able to steer its own body, and would not allow it to perish.
matthew20:40
ⲟⲩϣⲏⲣⲉ ⲡⲉ ϫⲉⲧⲱϥ ⲧⲉ ⲧⲉⲕⲗⲏⲣⲟⲛⲟⲙⲓⲁ ·
The Son saith, 'To Him belongeth the inheritance.'
soul_body:41
ⲧⲉⲯⲩⲭⲏ ϭⲉ ⲁⲩⲙⲟⲣⲥ ⲟⲩⲙⲟⲛⲟⲛ ϩⲛϩⲉⲛⲙⲣⲣⲉ ⲁⲗⲗⲁ ⲁⲩⲙⲟⲣⲥ ϩⲛⲛⲉⲥⲛⲟⲃⲉ ⲙⲙⲓⲛ ⲙⲙⲟⲥ ⲛⲧϩⲉ ⲛϩⲉⲛⲛⲟⲩϩ · ⲉⲧⲃⲉⲡⲁⲓ ϭⲉ ⲁⲥⲣⲁⲧϭⲟⲙ · ⲁⲥⲕⲁⲡⲉⲥⲥⲱⲙⲁ ⲛⲥⲱⲥ ⲉⲁϥⲧⲁⲕⲟ ϩⲙⲡⲕⲁϩ ·
Moreover, the soul is bound (in Amente) not only with fetters, but it is bound with its own sins as with cords, and for this reason it hath become powerless, and it forsaketh its body, leaving it to perish in the earth.
mercy_judgment:41
ⲉϣⲁⲣⲉ ⲡⲛⲟⲩⲧⲉ ⲇⲉ ϯ ⲛⲛⲁⲓ ⲉⲧⲙⲙⲁⲩ ⲉⲧϥⲧⲁⲓⲟ ⲙⲙⲟⲟⲩ ⲛⲛⲉϥⲁⲅⲁⲑⲟⲛ ·
matthew20:41
ⲟⲩⲉⲡⲓⲧⲣⲟⲡⲟⲥ ⲡⲉ ϫⲉⲛⲧⲟϥ ⲡⲉ ⲡⲣⲉϥϯⲃⲉⲕⲉ ⲛⲛⲉⲧⲣϩⲱⲃ · ⲁⲩⲱ ⲉⲣⲉⲡⲕⲟⲥⲙⲟⲥ ⲧⲏⲣϥ ϣⲟⲟⲡ ϩⲁⲧⲉϥⲉⲝⲟⲩⲥⲓⲁ ·
The Governor saith, 'It is He Who giveth wages unto those who labour, and the whole world is under His rule.'
mercy_judgment:42
ⲙⲉϥⲧⲁⲓⲉⲗⲁⲁⲩ ⲇⲉ ⲙⲡⲗⲉⲟⲛⲉⲕⲧⲏⲥ ·
matthew20:42
ⲉⲃⲟⲗ ϫⲉⲉⲣⲉⲛϣⲟϣⲧ ⲛⲇⲁⲩⲉⲓⲇ ⲛⲧⲟⲟⲧϥ · ⲟⲩⲃⲱ ⲛⲉⲗⲟⲟⲗⲉ ⲡⲉ ·
Therefore is the key of David in His hand, and He is the vine.
soul_body:42
ⲧⲉⲯⲩⲭⲏ ⲇⲉ ⲟⲛ ⲥⲉϩⲟϫϫⲉϫ ⲙⲙⲟⲥ ϩⲛⲁⲙⲛⲧⲉ · ⲉⲁⲥϣⲱⲡⲉ ⲛϩⲩⲡⲟⲡⲟⲇⲓⲟⲛ ⲙⲡⲙⲟⲩ ·
And besides, the soul is made to suffer tortures in Amente. It becometh the footstool of death,
soul_body:43
ϣϣⲟⲟⲡ ϩⲛⲁⲙⲛⲧⲉ ⲉⲥⲣⲓⲙⲉ ⲁⲩⲱ ⲥⲁϣⲁϩⲟⲙ ⲉϫⲙⲡⲉⲥⲥⲱⲙⲁ ⲉⲧⲛⲁⲛⲟⲩϥ · ⲉⲥϫⲱ ⲙⲙⲟⲥ
and when it is in Amente it is wont to weep and sigh after its good body, saying,
mercy_judgment:43
ⲥⲧⲟ ⲛⲁⲕ ⲁⲛ ⲉⲧⲁⲗⲉⲇⲱⲣⲟⲛ ⲉϩⲣⲁⲓ ⲙⲡⲛⲟⲩⲧⲉ · ⲉⲕϣⲁⲛⲗⲩⲡⲉⲓ ⲙⲡⲉⲕⲥⲟⲛ ·
matthew20:43
ⲉⲃⲟⲗ ϫⲉⲛⲧⲟϥ ⲡⲉⲧⲉⲩⲫⲣⲁⲛⲉ ⲙⲡⲥⲱⲛⲧ ⲧⲏⲣϥ ·
Therefore it is He Who rejoiceth in all His creatures.
matthew20:44
ⲟⲩⲟⲉⲓⲕ ⲟⲛ ⲡⲉ ·
He is the Bread.
soul_body:44
ϫⲉⲉϥⲧⲱⲛ ⲡⲁⲥⲱⲙⲁ · ⲡⲁⲓ ⲉϣⲁⲓϫⲱ ⲛϩⲏⲧϥ ⲛϩⲏⲧϥ ⲛϩⲉⲛⲟⲩⲗⲗⲉ ·
Where is my body, that body wherein I used to sing hymns?
mercy_judgment:44
ⲡⲉϫⲁϥ ϫⲉⲉⲕϣⲁⲛⲉⲓ ⲉⲧⲁⲗⲉⲇⲱⲣⲟⲛ ⲉϫⲙⲡⲉⲑⲩⲥⲓⲁⲥⲧⲏⲣⲓⲟⲛ ⲛⲅⲣⲡⲙⲉⲉⲩⲉ ⲙⲡⲙⲁ ⲉⲧⲙⲙⲁⲩ ϫⲉⲟⲩⲛⲧⲉⲡⲉⲕⲥⲟⲛ ⲟⲩϩⲱⲃ ⲉⲣⲟⲕ ·
soul_body:45
ⲉϥⲧⲱⲛ ⲡⲁⲥⲱⲙⲁ ⲡⲁⲓ ⲉϣⲁⲓϣⲗⲏⲗ ⲉⲡⲛⲟⲩⲧⲉ ⲛϩⲏⲧϥ ·
Where is my body, that body wherein I used to pray to God?
matthew20:45
ⲉⲃⲟⲗ ϫⲉⲛⲧⲟϥ ⲡⲉⲧⲧⲥⲓⲟ ⲙⲡⲥⲱⲛⲧ ⲧⲏⲣϥ ·
Therefore it is He Who giveth meat and drink to all His creation.
mercy_judgment:45
ⲃⲱⲕ ⲛϣⲟⲣⲡ ⲛⲅϩⲱⲧⲡ ⲙⲛⲡⲉⲕⲥⲟⲛ ⲧⲟⲧⲉ ⲛⲕⲉⲓ ⲛⲅⲧⲁⲗⲟ ⲉϩⲣⲁⲓ ⲙⲡⲉⲕⲇⲱⲣⲟⲛ ·
mercy_judgment:46
ⲁⲣⲓⲡⲙⲉⲉⲩⲉ ⲟⲩⲛ ⲛⲍⲁⲭⲁⲓⲟⲥ ⲡⲧⲉⲗⲱⲛⲏⲥ ⲡⲁⲓ ⲉⲛⲧⲁϥⲧⲟϣϥ ⲉϯ ⲙⲡⲉⲛⲧⲁϥϩⲟⲩⲗⲁ ⲉⲣⲟϥ ⲛϥⲧⲟⲩ ⲕⲱⲃ ·
matthew20:46
ⲣⲟⲩϩⲉ ⲇⲉ ⲛⲧⲉⲣⲉϥϣⲱⲡⲉ ⲡⲉϫⲁϥ ⲛϭⲓⲡϫⲟⲉⲓⲥ ⲙⲡⲙⲁ ⲛⲉⲗⲟⲟⲗⲉ ⲙⲡⲉϥⲉⲡⲓⲧⲣⲟⲡⲟⲥ ϫⲉⲙⲟⲩⲧⲉ ⲉⲛⲉⲣⲅⲁⲧⲏⲥ ⲛⲅϯ ⲛⲁⲩ ⲙⲡⲉⲩⲃⲉⲕⲉ · ⲛⲅⲁⲣⲭⲉⲓ ϫⲓⲛⲛⲛϩⲁⲉⲉⲩ ϣⲁⲛⲧⲕⲡⲱϩ ⲉⲛϣⲟⲣⲡ · ⲛⲅϯ ⲛⲁⲩ ⲛⲟⲩⲥⲁⲧⲉⲉⲣⲉ ⲉⲡⲟⲩⲁ ·
Now when the evening had come the lord of the vineyard said unto his steward, 'Call the labourers, give them their wages; begin with the last and continue until thou comest to the first; give unto each a stater'
soul_body:46
ⲉϥⲧⲱⲛ ⲡⲁⲥⲱⲙⲁ ⲉⲧⲛⲁⲛⲟⲩϥ ⲡⲁⲓ ⲉⲛⲉⲓⲟ ⲛⲣⲱⲙⲉ ⲛϩⲏⲧϥ ⲙⲛⲛⲁϣⲃⲉⲉⲣ ⲙⲛⲛⲁⲥⲩⲛⲅⲉⲛⲏⲥ ⲉⲓⲙⲟⲟϣⲉ ⲛⲙⲙⲁⲩ ⲛϩⲏⲧϥ ·
Where is my good body, that body wherein, when I was a man, I used to walk about with my friends and my kinsfolk?
mercy_judgment:47
ⲛⲧⲉⲓϩⲉ ⲁϥⲡⲱϣ ⲉϫⲛⲛϩⲏⲕⲉ ⲛⲛⲉϥϩⲩⲡⲁⲣⲭⲟⲛⲧⲁ ·
soul_body:47
ⲉⲓⲭⲟⲣⲉⲩⲉ ϩⲙⲡⲁⲥⲱⲙⲁ · ⲉⲩⲙⲟⲩⲧⲉ ⲅⲁⲣ ⲉⲣⲟⲓ ⲉⲓϣⲟⲟⲡ ϩⲙⲡⲁⲥⲱⲙⲁ ϫⲉⲣⲱⲙⲉ · ⲧⲉⲛⲟⲩ ⲇⲉ ⲁⲛⲅⲟⲩⲣⲱⲙⲉ ⲁⲛ ⲁⲗⲗⲁ ⲁⲛⲅⲟⲩⲯⲩⲭⲏ ·
And I made merry in my body, I was called (by my name) whilst I was in my human body, and now I am no longer a man, but a soul.
matthew20:47
ⲡⲉϫⲉⲡⲉⲓⲱⲧ ⲙⲡϣⲏⲣⲉ · ⲉⲓⲧⲉ ϩⲛⲧϩⲁⲏ ⲉⲓⲧⲉ ϩⲙⲡⲉϩⲟⲟⲩ ⲛⲧⲟⲕ ⲉⲧⲕⲥⲟⲟⲩⲛ ϫⲉⲙⲟⲩⲧⲉ ⲉⲛⲉⲣⲅⲁⲧⲏⲥ · ⲛⲅϯ ⲛⲁⲩ ⲙⲡⲉⲩⲃⲉⲕⲉ · ⲛⲉⲣⲅⲁⲧⲏⲥ ⲧⲏⲣⲟⲩ ⲉⲛⲧⲁⲩⲣϩⲱⲃ ϩⲁⲣⲁⲧϥ ⲙⲡⲅⲉⲛⲟⲥ ⲛⲛⲣⲱⲙⲉ · ⲛⲅϯ ⲛⲁⲩ ⲙⲡⲃⲉⲕⲉ ⲙⲡⲉⲩϩⲱⲃ ·
The Father saith unto the Son, 'Either at the last day or to-day, Thou knowest (best), call the labourers and give them their wages, all the labourers who have laboured for the race of men, give them the wages of their work.'
mercy_judgment:48
ⲛⲉϥⲥⲟⲟⲩⲛ ⲅⲁⲣ ϫⲉϥⲟⲩⲱϣ ⲉϣⲱⲡ ⲉⲣⲟϥ ⲙⲡⲉⲭⲣⲓⲥⲧⲟⲥ · ⲁⲩⲱ ⲙⲁⲣⲉⲡⲉⲭⲣⲓⲥⲧⲟⲥ ϣⲱⲡ ⲉⲣⲟϥ ⲛⲕⲉϩⲉ ⲛⲛⲉⲧϯ ⲁⲛ ⲉⲧⲣⲟⲟⲩⲧ ⲉϩⲟⲩⲛ ⲉⲛϩⲏⲕⲉ · ⲉⲓⲙⲏⲧⲓ ⲛⲥⲉⲃⲱⲗ ⲉⲃⲟⲗ ⲛⲧⲙⲛⲧⲙⲁⲓⲧⲟ ⲛϩⲟⲩⲟ · ⲛⲉⲛⲧⲁⲩϫⲓⲧⲟⲩ ⲛϭⲟⲛⲥ ·
matthew20:48
ⲡⲉϫⲉⲡⲁⲩⲗⲟⲥ ϫⲉϩⲟⲓⲛⲉ ⲙⲉⲛ ⲁⲡⲛⲟⲩⲧⲉ ⲕⲁⲁⲩ ϩⲛⲧⲉⲕⲕⲗⲏⲥⲓⲁ ⲛϣⲟⲣⲡ ⲛⲉ ⲛⲁⲡⲟⲥⲧⲟⲗⲟⲥ ⲉⲛⲧⲁϥⲁⲣⲭⲉⲓ ⲛϯⲃⲉⲕⲉ ⲛⲁⲩ ⲛϣⲟⲣⲡ · ⲙⲙⲉϩⲥⲛⲁⲩ ⲛⲉ ⲛⲉⲡⲣⲟⲫⲏⲧⲏⲥ ⲙⲛⲡⲕⲉⲥⲉⲉⲡⲉ ·
Paul saith, 'Now certain men God placed in the Church, the first being the Apostles,' unto whom He began to give (their) wages; and the second were the Prophets, et cetera.
soul_body:48
ⲉⲣϣⲁⲛⲡⲙⲟⲩ ⲅⲁⲣ ⲡⲱⲣϫ ⲛⲧⲉⲯⲩⲭⲏ ⲉⲃⲟⲗ ⲙⲡⲥⲱⲙⲁ ⲉⲩⲙⲟⲩⲧⲉ ⲉⲣⲟϥ ϫⲉⲕⲱⲱⲛⲥ · ⲉϥⲟ ⲛⲥϯⲃⲱⲱⲛ ·
Now when death hath separated the soul from the body they call the body a 'corpse', and it giveth forth foetidness.
soul_body:49
ⲛⲉⲓϣⲓⲛⲉ ⲛⲥⲁⲡⲁⲥⲱⲙⲁ ⲛⲉⲓϣⲓⲛⲉ ⲁⲛ ⲛⲥⲁⲡⲁⲣⲁⲛ · ⲡⲁⲓ ⲉⲛⲉⲓⲟ ⲛⲣⲱⲙⲉ ⲛⲙⲙⲁϥ · ⲁⲩⲱ ⲉⲓϣⲁϫⲉ ⲛϩⲏⲧϥ ·
I enquire after my body, (but) I do not enquire after my name, that body together with which I was a man and in which I spake.
matthew20:49
ⲁⲛϣⲟⲣⲡ ⲉⲓⲉⲩⲙⲉⲉⲩⲉ ϫⲉⲉⲩⲛⲁϫⲓ ⲛⲟⲩϩⲟⲩⲟ ·
The first (labourers) came, thinking that they would receive more (than the others).
mercy_judgment:49
ⲁⲩⲱ ⲛⲧⲉⲓϩⲉ ⲁⲡϫⲟⲉⲓⲥ ϣⲱⲡ ⲉⲣⲟϥ · ⲙⲡⲥⲟⲟⲩⲧⲛ ⲛⲍⲁⲭⲁⲓⲟⲥ ·
mercy_judgment:50
ⲁⲩⲱ ⲁϥϫⲟⲟⲥ ϫⲉⲁⲩⲟⲩϫⲁⲓ ϣⲱⲡⲉ ϩⲙⲡⲉⲓⲏⲓ ⲙⲡϩⲟⲟⲩ ·
matthew20:50
ⲥⲱⲧⲙ ⲉⲣⲟϥ ⲡⲉϫⲁϥ ϫⲉϯϫⲱ ⲙⲙⲟⲥ ⲛⲏⲧⲛ ϫⲉⲁϩⲁϩ ⲙⲡⲣⲟⲫⲏⲧⲏⲥ ϩⲓⲣⲣⲟ ⲉⲡⲏⲑⲩⲙⲉⲓ ⲉⲛⲁⲩ ⲉⲛⲉⲧⲉⲧⲛⲛⲁⲩ ⲉⲣⲟⲟⲩ ⲁⲩⲱ ⲙⲡⲟⲩⲛⲁⲩ ·
Hearken unto Him, for He said, say unto you, very many of the Prophets and Kings have desired eagerly to see the things which ye see, and have not seen them
soul_body:50
ⲉⲣϣⲁⲛⲧⲉⲯⲩⲭⲏ ⲅⲁⲣ ⲗⲟ ϩⲙⲡⲉⲥⲥⲱⲙⲁ ⲙⲉϥⲕⲟⲧϥ ⲉϣⲁϫⲉ ϩⲛⲟⲩⲥⲙⲏ ⲉⲛⲉⲥⲱⲥ · ⲁⲗⲗⲁ ϩⲛⲟⲩⲥⲙⲏ ⲉⲥϭⲟϫϥ · ⲁⲩⲱ ⲉⲥⲟⲕⲙ ⲉⲙⲁⲧⲉ ·
And when the soul ceaseth to be in its body, the body can never again speak with a pleasing voice, but with a choked and exceedingly sad voice ;
soul_body:51
ⲛⲧϩⲉ ⲛⲟⲩⲙⲟⲩⲥⲓⲕⲟⲛ ⲉⲙⲛⲥⲙⲏ ⲙⲙⲟϥ · ⲉϥⲟ ⲛⲁⲧϣⲁϫⲉ ·
and it is like unto a musical instrument which hath no sound in it and is speechless.
mercy_judgment:51
ⲁⲩⲱ ⲛⲁⲓ ⲁⲛϫⲟⲟⲩ ⲛⲁϩⲣⲛⲛⲉⲧⲣⲙⲛⲧⲛⲁ · ⲉⲩϥⲓ ⲇⲉ ⲁⲛ ⲙⲡⲣⲟⲟⲩϣ ⲛⲟⲩϣⲱϣ ⲙⲛⲟⲩⲇⲓⲕⲁⲓⲟⲛ :
matthew20:51
ⲧⲥⲁⲧⲉⲉⲣⲉ ⲉⲛⲧⲁϥⲧⲁⲁⲥ ⲛⲁⲩ ⲧⲉ ⲧⲙⲛⲧⲁⲡⲟⲥⲧⲟⲗⲟⲥ · ⲁⲩⲱ ⲧⲉⲡⲣⲟⲥⲫⲟⲣⲁ ⲉⲧⲟⲩⲁⲁⲃ :
The stater which He gave unto them was the honour of Apostleship, and the Holy Offering.
matthew20:52
ⲡⲉϫⲁϥ ϫⲉⲛⲧⲉⲣⲟⲩϫⲓⲧⲥ ⲁⲩⲕⲣⲙⲣⲙ ⲉϩⲟⲩⲛ ⲉⲡϫⲟⲉⲓⲥ ⲙⲡⲙⲁ ⲛⲉⲗⲟⲟⲗⲉ ϫⲉⲉⲧⲃⲉⲟⲩ
And, the Scripture saith, when they had taken the stater, they murmured against the lord of the vineyard and said, Why is it?
mercy_judgment:52
ⲧⲛⲛⲁ ⲧⲛⲛⲁϣⲁϫⲉ ⲇⲉ ⲟⲛ ⲛⲛⲁϩⲣⲙⲡⲉⲧⲣⲟⲉⲓⲥ ⲙⲉⲛ ⲉⲣⲟϥ ⲉⲣϫⲓⲛϭⲟⲛⲥ · ⲉϥⲁⲙⲉⲗⲉⲓ ⲇⲉ ⲉⲛⲁ · ϫⲉⲟⲩϣⲏⲛ ⲛⲁⲧⲕⲁⲣⲡⲟⲥ ϣⲁⲩϣⲁⲁⲧϥ ⲛⲥⲉⲛⲟϫϥ ⲉⲡⲕⲱϩⲧ ·
soul_body:52
ⲧⲁⲓ ⲧⲉ ⲧϩⲉ ⲛⲧⲉⲯⲩⲭⲏ ⲉⲙⲛⲧⲁⲥ ⲙⲙⲁⲩ ⲙⲡⲥⲱⲙⲁ ⲉⲧⲣⲉⲥϫⲓϣⲕⲁⲕ ⲉⲃⲟⲗ ⲛϩⲏⲧϥ ·
That is to say, the soul is not in the body to give utterance therefrom.
soul_body:53
ⲁϥⲧⲁⲕⲟ ⲅⲁⲣ ϩⲙⲡⲕⲁϩ ⲛⲧϩⲉ ⲛⲟⲩⲥⲕⲉⲩⲟⲥ ⲉⲁϥⲟⲩⲱϭⲡ ⲉⲁϥⲣⲁⲧϣⲁⲩⲉ ⲙⲛⲥⲙⲏ ⲙⲙⲟϥ · ⲟⲩⲇⲉ ϩⲣⲟⲟⲩ · ⲉϥⲟ ⲛⲁⲧⲕⲓⲙ ⲟⲩⲕⲱⲱⲛⲥ ⲅⲁⲣ ⲡⲉ ·
And the body perisheth in the earth like a broken pot, and it becometh speechless, and it hath neither sound nor voice; and it is motionless, for it is a corpse,
matthew20:53
ⲛⲉⲓ ϩⲁⲉⲉⲩ ⲟⲩⲟⲩⲛⲟⲩ ⲛⲟⲩⲱⲧ ⲧⲉⲛⲧⲁⲩⲁⲁⲥ ⲁⲩⲱ ⲁⲕϣⲟϣⲟⲩ ⲛⲙⲙⲁⲛ ·
These last have only laboured for one hour, and yet thou hast paid them the same amount as thou hast paid to us.'
mercy_judgment:53
ⲁⲩⲱ ⲙⲁⲣⲉⲡⲉⲓϣⲏⲛ ⲛⲧⲉⲓⲙⲓⲛⲉ ⲣⲁⲛⲁϥ ⲉⲛⲉϩ ⲙⲡⲟⲩⲟⲉⲓⲉ ⲉⲧⲏⲡ ⲉⲧⲡⲉ · ⲡⲁⲓ ⲉⲧϫⲱ ⲙⲙⲟⲥ ϫⲉⲁⲓⲉⲓ ⲉⲓϣⲓⲛⲉ ⲛⲥⲁⲕⲁⲣⲡⲟⲥ ⲛⲧⲉⲓⲃⲱ ⲛⲕⲛⲧⲉ · ⲁⲩⲱ ⲙⲡⲉⲓϩⲉ ⲉⲟⲩⲟⲛ ·
matthew20:54
ⲛⲓⲙ ⲛⲉ ⲛⲁⲓ ⲉⲛⲧⲁⲩⲕⲣⲙⲣⲙ ⲉⲁⲩⲫⲑⲟⲛⲉⲓ ⲉⲛⲉⲓϩⲁⲉⲉⲩ ⲛⲉⲣⲅⲁⲧⲏⲥ ⲛⲥⲁⲛⲉⲕⲣⲁⲙⲁⲧⲉⲩⲥ ⲙⲛⲛⲉⲫⲁⲣⲓⲥⲥⲁⲓⲟⲥ ϫⲉⲛⲧⲟⲟⲩ ϩⲱⲟⲩ ⲟⲛ ⲁⲩϫⲟⲟⲩⲥⲟⲩ ⲉⲣϩⲱⲃ ⲉⲡⲙⲁ ⲛⲉⲗⲟⲟⲗⲉ ·
Now, who are these who murmured and were envious of the labourers who came in last except the scribes and the Pharisees, who had themselves been sent to labour in the vineyard?
mercy_judgment:54
ⲁϥⲟⲩⲉϩⲥⲁϩⲛⲉ ⲉϣⲁⲁⲧⲥ ϫⲉⲕⲁⲥ ⲛⲛⲉⲥⲟⲩⲱⲥϥ ⲙⲡⲕⲉⲕⲁϩ ·
soul_body:54
ⲧⲉⲯⲩⲭⲏ ⲅⲁⲣ ⲉϣⲁⲥⲕⲟⲥⲙⲉⲓ ⲉⲣⲟϥ ⲁⲥⲃⲱⲕ · ⲁⲩϥⲓ ⲛⲧⲟⲟⲧϥ ⲙⲡⲣⲉϥϣⲁϫⲉ ·
for the soul which adorned it hath departed, taking with it the power of speech.
soul_body:55
ⲟⲩⲇⲉ ⲅⲁⲣ ⲙⲛϣϭⲟⲙ ⲉⲥⲟⲩⲛⲧϩⲓⲕⲱⲛ ⲛⲗⲁⲁⲩ ⲛⲣⲱⲙⲉ ⲉⲁϥⲙⲟⲩ · ϫⲉⲁϥⲥⲣⲟϥⲣⲉϥ ϩⲙⲡϣⲱ ·
And it is impossible, moreover, to know what any man who is dead was like, for his form is destroyed by the sand.
mercy_judgment:55
ϣⲁⲩϭⲛⲁⲣⲓⲕⲉ ⲇⲉ ⲟⲛ ⲉⲡⲉⲧⲉⲙⲡϥϯⲧⲉⲟⲩⲱ ⲛⲛϩⲏⲕⲉ ⲛⲁⲩ · ⲁⲩⲱ ϣⲁⲣⲉⲟⲩⲁⲡⲉⲓⲗⲏ ϣⲱⲡⲉ ⲉⲧⲃⲉⲡⲁⲓ ⲛϯⲙⲓⲛⲉ ·
matthew20:55
ⲛⲁⲓ ⲛⲉⲧϥⲱϣ ⲉⲃⲟⲗ ⲉⲣⲟⲟⲩ ϫⲉⲉⲧⲃⲉⲟⲩ ⲁⲧⲉⲧⲛⲣⲱⲕϩ ⲙⲡⲁⲙⲁ ⲛⲉⲗⲟⲟⲗⲉ · ⲁⲩⲱ ⲡⲧⲱⲣⲡ ⲛⲛϩⲏⲕⲉ ϩⲙⲡⲉⲧⲛⲏⲓ ·
It is against these that the Scripture crieth out saying, Why have ye burned up My vineyard? And why are the possessions plundered from the poor in your houses?
mercy_judgment:56
ⲡⲉϫⲁϥ ϫⲉⲡⲉⲧⲱⲃϣ ⲙⲙⲟϥ ⲉⲧⲙϯ ϯⲧⲉⲟⲩⲱ ⲙⲡϩⲏⲕⲉ ⲛⲛⲁⲏⲧ ⲡⲁⲓ ϥⲛⲁⲱϣ ⲉϩⲣⲁⲓ ⲉⲡⲛⲟⲩⲧⲉ ⲛϥⲧⲙⲥⲱⲧⲙ ⲉⲣⲟϥ ·
matthew20:56
ⲕⲁⲓ ⲅⲁⲣ ⲁⲩϫⲓ ϩⲱⲟⲩ ⲙⲡⲛⲟⲙⲟⲥ ⲉϩⲉⲛⲇⲓⲁⲧⲁⲅⲏ ⲛⲁⲅⲅⲉⲗⲟⲥ ⲁⲗⲗⲁ ⲙⲡⲟⲩϩⲁⲣⲉϩ ⲉⲣⲟϥ · ⲁⲩⲱ ⲉⲛⲉⲩⲕⲣⲙⲣⲙ ⲉϩⲟⲩⲛ ⲉⲡϫⲟⲉⲓⲥ · ⲉⲧⲃⲉ ⲙⲙⲁⲑⲏⲧⲏⲥ ⲛⲓⲱϩⲁⲛⲛⲏⲥ ⲙⲛⲛⲁⲛⲉⲫⲁⲣⲓⲥⲥⲁⲓⲟⲥ ϫⲉⲥⲉⲛⲏⲥⲧⲉⲩⲉ · ⲛⲟⲩⲕ ⲇⲉ ⲥⲉⲛⲏⲥⲧⲉⲩⲉ ⲁⲛ ·
For they themselves received the Law as the commands of angels, but they did not keep it, and they murmured against the Lord saying, 'The disciples of John and the disciples of the Pharisees fast, but Thy disciples do not fast.
soul_body:56
ⲟⲩⲇⲉ ⲟⲛ ⲛⲉⲕⲥⲟⲩⲛⲡⲉϥϩⲟ ⲟⲩⲇⲉ ⲡⲓⲛⲉ ⲙⲡⲉϥⲥⲱⲙⲁ · ⲟⲩⲇⲉ ⲧⲉϥⲙⲛⲧⲛⲟϭ · ⲟⲩⲇⲉ ⲙⲉⲕⲥⲱⲧⲙ ⲉⲧⲉⲥⲙⲏ ⲛⲗⲁⲁⲩ ·
And thou canst know neither (what) his face (was like), nor the form of his person, nor the height of his stature, nor canst thou tell what the sound of his voice was like.
soul_body:57
ⲡϣⲏⲣⲉ ⲅⲁⲣ ⲛⲁⲥⲟⲩⲛⲡⲉϥⲉⲓⲱⲧ ⲁⲛ ⲙⲙⲓⲛⲙⲙⲟϥ · ⲟⲩⲇⲉ ⲧⲉϥⲙⲁⲁⲩ · ⲟⲩⲇⲉ ⲡⲉϥⲥⲟⲛ ⲟⲩⲇⲉ ⲡⲉϥϣⲃⲏⲣ · ⲙⲛϣϭⲟⲙ ⲅⲁⲣ ⲉⲥⲟⲩⲛⲡⲉϥϩⲟ ϩⲛⲛⲧⲁⲫⲟⲥ ·
For the son cannot know his own father, or his mother, or his brother, or his friend; it is wholly impossible (for him) to recognize the face of any one (of them) in the tomb.
matthew20:57
ⲁϩⲣⲟⲟⲩ ⲛⲉⲕⲙⲁⲑⲏⲧⲏⲥ ⲥⲉⲡⲁⲣⲁⲃⲁ ⲛⲧⲡⲁⲣⲁⲇⲟⲥⲓⲥ ⲛⲛⲉⲡⲣⲉⲥⲃⲩⲧⲉⲣⲟⲥ ·
Why do Thy disciples transgress the tradition of the elders?
mercy_judgment:57
ⲡⲉϫⲁϥ ⲛϭⲓⲡⲛⲟⲩⲧⲉ ϫⲉⲁⲛⲅ ⲟⲩⲛⲁϩⲏⲧ ⲅⲁⲣ ·
matthew20:58
ⲥⲉⲉⲓ ⲁⲛ ⲛⲛⲉⲩϭⲓϫ ⲉⲩⲛⲁⲟⲩⲱⲙ ⲙⲡⲉⲩⲟⲉⲓⲕ · ⲥⲉⲟⲩⲱⲙ ⲥⲉⲥⲱ ⲥⲉⲥⲡⲁⲧⲁⲗⲁ ·
They wash not their hands when they eat their bread, they eat, they drink, they make merry.
mercy_judgment:58
ⲟⲩϩⲟⲧⲉ ⲅⲁⲣ ⲁⲩⲱ ⲟⲩϩⲱⲃ ⲡⲉ ⲡⲁⲣⲁⲡⲛⲟⲙⲟⲥ ⲡⲉ ⲉⲧⲣⲉⲕⲕⲟⲧⲕ ⲉⲥⲣⲓⲧ ⲙⲡⲉⲕⲱϩⲥ · ⲁⲩⲱ ⲡⲉⲕⲙⲁ ⲛⲉⲗⲟⲟⲗⲉ ⲉⲧⲣⲉⲕⲕⲟⲧⲕ ⲉϫⲟⲟⲗⲉϥ ⲛⲕⲉⲥⲟⲡ · ⲁⲩⲱ ⲡⲉⲕⲙⲁ ⲛϫⲟⲉⲓⲧ ⲉⲥⲣⲁⲧϥ ⲛⲕⲉⲥⲟⲡ · ⲉⲃⲟⲗ ϫⲉϣϣⲉ ⲉⲕⲁⲛⲁⲓ ⲛⲛϩⲏⲕⲉ ·
soul_body:58
ⲁⲩⲱ ⲛⲉϥⲥⲡⲟⲧⲟⲩ · ⲁⲩⲥⲣⲟϥⲣⲉϥ ⲡϣⲁⲁϥ ⲗⲟϥⲗⲉϥ · ⲛⲃⲁⲗ ⲁⲩϣⲧⲁⲙ · ⲡⲁⲩⲁⲛ ⲙⲡⲉϥϩⲟ ⲁϥⲡⲱⲱⲛⲉ · ⲙⲛϣϭⲟⲙ ⲇⲉ ⲉⲥⲟⲩⲛⲗⲁⲁⲩ ⲛϩⲏⲧⲟⲩ · ⲉⲃⲟⲗ ϫⲉⲁⲩⲣϣⲟⲉⲓϣ ⲧⲏⲣⲟⲩ ⲛϭⲓⲛⲥⲱⲙⲁ ϩⲛⲛⲧⲁⲫⲟⲥ ⲁⲩⲧⲁⲕⲟ ⲅⲁⲣ ⲁⲩⲱ ⲙⲛϣⲱϫⲡ ⲛϩⲏⲧⲟⲩ ⲛⲁϩⲣⲁⲛ ·
The lips have rotted away, the nose hath decayed, the eyes are blocked up, the colour of the face hath changed, and it is impossible to recognize any one of them ; because all bodies turn into dust in the tomb, and they perish, and nothing of them remaineth to us.
soul_body:59
ⲙⲛϣϭⲟⲙ ⲅⲁⲣ ⲙⲙⲟⲛ ⲉⲥⲟⲩⲛⲟⲩⲕⲉⲉⲥ ⲉⲧⲣⲉⲩⲧⲟϭϥ ⲉⲡⲉϥⲥⲱⲙⲁ ⲙⲙⲓⲛⲙⲙⲟϥ · ⲉⲃⲟⲗ ϫⲉⲡⲕⲁⲥ ϭⲟⲗⲡ ⲉⲃⲟⲗ ⲉⲙⲛⲥⲁⲣⲝ ϩⲱⲃⲥ ⲙⲙⲟϥ ·
Now it is impossible to identify a bone, and to make it to rejoin the body to which it belonged, because the bone hath become bare, and there is no flesh on it.
matthew20:59
ⲛⲁⲡⲟⲥⲧⲟⲗⲟⲥ ϩⲱⲟⲩ ⲥⲉϩⲥϩⲙⲥ ⲥⲉⲟⲩⲱⲙ ϩⲁⲡⲉϩⲕⲟ · ⲥⲉⲥⲟⲣⲙ ϩⲙⲡⲕⲟⲥⲙⲟⲥ ·
Even the Apostles cut down the ears of corn and eat before Thy very face, and they wander about at large in the world.'
mercy_judgment:59
ⲉϣϫⲉ ⲁⲩⲟⲩⲉϩⲥⲁϩⲛⲉ ⲇⲉ ⲛⲛⲁⲓ · ⲛⲛⲉⲧϩⲙⲡⲛⲟⲙⲟⲥ · ⲟⲩ ⲡⲉⲧⲛⲛⲁϫⲟⲟϥ ⲉⲧⲃⲉⲛⲉⲧϩⲙⲡⲉⲭⲣⲓⲥⲧⲟⲥ ·
matthew20:60
ⲛⲁⲓ ϩⲱⲟⲩ ⲕⲣⲙⲣⲙ ϫⲉⲉⲧⲃⲉⲟⲩ ⲛⲉⲕⲙⲁⲑⲏⲧⲏⲥ ⲃⲱⲗ ⲉⲃⲟⲗ ⲛⲛⲥⲁⲃⲃⲁⲧⲟⲛ · ⲁⲩⲡⲑⲟⲛⲉⲓ ⲉⲡⲉⲓϩⲁⲉⲉⲩ ⲛⲉⲣⲅⲁⲧⲏⲥ ⲙⲙⲉ ·
It was these very men that murmured saying, 'Why have Thy disciples made the Sabbath to be of none effect?' who were envious of these last who were the labourers in truth.
mercy_judgment:60
ⲛⲁⲓ ⲉⲧⲉⲣⲉⲡϫⲟⲉⲓⲥ ϫⲱ ⲙⲙⲟⲥ ⲛⲁⲩ ϫⲉⲉⲥⲧⲙⲣϩⲟⲩⲟ ⲛϭⲓⲧⲉⲧⲛⲇⲓⲕⲁⲓⲟⲥⲩⲛⲏ ⲛϩⲟⲩⲉ ⲉⲧⲁⲛⲉⲅⲣⲁⲙⲙⲁⲧⲉⲩⲥ ⲙⲛⲛⲉⲫⲁⲣⲓⲥⲥⲁⲓⲟⲥ · ⲛⲧⲉⲧⲛⲃⲱⲕ ⲉϩⲟⲩⲛ ⲉⲧⲙⲛⲧⲣⲣⲟ ⲛⲙⲡⲏⲩⲉ ·
soul_body:60
ⲟⲩⲇⲉ ⲟⲛ ⲉⲙⲡⲁⲧⲉ ⲧⲥⲁⲣⲝ ⲗⲟϥⲗⲉϥ ⲉⲧϭⲟⲟⲗⲉ ⲉⲡⲕⲁⲥ · ⲙⲛϣϭⲟⲙ ⲙⲙⲟⲕ ⲉⲥⲉⲟⲩⲱⲛϥ ϫⲉⲡⲁⲛⲓⲙ ⲡⲉ ·
And besides this, even before the flesh which clothed the bone crumbled away it would have been impossible for thee to shew clearly to whom it belonged.
soul_body:61
ⲛⲧⲁⲛⲓⲙ ⲅⲁⲣ ⲉⲛⲉϩ ⲥⲟⲩⲛⲟⲩⲕⲁⲥ ⲉⲃⲟⲗ ϩⲛⲙⲙⲉⲗⲟⲥ ·
For who can identify a bone when it hath been taken out of the member (to which it belonged)?
matthew20:61
ⲁϥⲟⲩⲱϣⲃ ⲡⲉϫⲁϥ ⲛⲟⲩⲁ ⲙⲙⲟⲟⲩ ϫⲉⲡⲉϣⲃⲏⲣ ϯϫⲓ ⲙⲙⲟⲕ ⲁⲛ ⲛϭⲟⲛⲥ ·
And the lord (of the vineyard) made answer, and said unto one of them, 'Friend, I have done thee no injustice.
mercy_judgment:61
ⲉⲧⲃⲉⲡⲁⲓ ⲟⲩ ⲙⲟⲛⲟⲛ ⲉⲃⲟⲗ ϩⲛⲛⲥⲱϣⲉ ⲙⲛⲛⲉⲧⲛⲏⲩ ⲛⲁⲛ ⲉϩⲟⲩⲛ ⲉⲃⲟⲗ · ⲁⲗⲗⲁ ⲉⲃⲟⲗ ϩⲙⲡⲕⲉϩⲱⲃ ⲛⲛⲉⲛϭⲓϫ ·
matthew20:62
ⲙⲏ ⲛⲧⲁⲓⲥⲙⲛⲧⲥ ⲛⲙⲙⲁⲕ ⲁⲛ ⲉⲩⲥⲁⲧⲉⲉⲣⲉ · ϫⲓ ⲙⲡⲉⲧⲉⲡⲱⲕ ⲡⲉ ⲛⲅⲃⲱⲕ ·
Did I not agree with thee for one stater? Take what is thine and depart.'
mercy_judgment:62
ϥϯⲥⲃⲱ ⲛⲁⲛ ⲛϭⲓⲡⲁⲡⲟⲥⲧⲟⲗⲟⲥ ⲉⲧⲣⲉⲛϯ ⲛⲛⲉⲧⲉⲙⲛⲧⲁⲩ ·
soul_body:62
ⲏ ⲛⲓⲙ ⲡⲉⲧⲛⲁϣⲧⲁⲙⲟⲛ ⲉⲡⲁⲩⲁⲛ ⲛⲟⲩⲁ ⲉⲁϥⲙⲟⲩ ·
Or who is there that can make known to us the colour (of the hair) of one who is dead?
soul_body:63
ⲙⲛϣϭⲟⲙ ⲅⲁⲣ ⲉⲧⲣⲉⲕⲉⲓⲙⲉ ⲉⲛⲕⲉⲉⲥ ⲛⲁⲇⲁⲙ · ⲏ ⲁϣ ⲛⲉ ⲛⲁⲡⲣⲟⲫⲏⲧⲏⲥ · ⲏ ⲁϣ ⲛⲉ ⲛⲥⲱⲙⲁ ⲛⲙⲡⲁⲧⲣⲓⲁⲣⲭⲏⲥ · ⲏ ⲛⲁⲛⲁⲡⲟⲥⲧⲟⲗⲟⲥ ·
And it is wholly impossible for thee to recognize the bones of Adam, or (to say) what manner of men the Prophets were, and what kind of bodies had the Patriarchs and the Apostles.
matthew20:63
ⲛⲓⲙ ⲡⲉ ⲡⲁⲓ ⲉⲛⲧⲁϥϫⲓ ⲛⲉⲓϫⲡⲓⲟ ⲧⲏⲣⲟⲩ ·
And who was it who made all these complaints?
mercy_judgment:63
ⲡⲉϫⲁϥ ϫⲉⲉⲧⲉⲧⲛϭⲓϫ ⲉⲛⲁⲅⲁⲑⲟⲛ ϫⲉⲕⲁⲥ ⲉⲧⲉⲧⲛⲁϩⲉ ⲉⲧϩⲉ ⲉϯⲙⲡⲉⲧϣⲁⲁⲧ ·
matthew20:64
ϯϫⲱ ⲙⲙⲟⲥ ϫⲉⲛϭⲉⲗⲁⲁⲩ ⲁⲛ ⲡⲉ ⲛⲥⲁⲡⲉⲛⲧⲁⲩϫⲟⲟⲥ ⲛⲁϥ ϫⲉⲡⲉϣⲃⲏⲣ ⲡⲉ ⲛⲧⲁⲕⲉⲓ ⲉⲧⲃⲏⲏⲧϥ ⲁⲣⲓϥ · ⲉⲧⲉⲓⲟⲩⲇⲁⲥ ⲡⲉ ⲡⲉⲛⲧⲁϥϯ ⲉϩⲟⲩⲛ ϩⲙⲡⲥⲱⲧⲏⲣ ϩⲛϩⲉⲛⲛⲟϭ ⲛⲕⲟⲛⲕⲩⲥⲙⲟⲥ
I say that it was none other than he unto whom it was said, 'Friend, that wherefor thou hast come, do,' that is to say, it was Judas, who betrayed the Saviour, and who spake with great murmurings saying,
mercy_judgment:64
ⲡⲉⲧⲟⲩⲱϣ ⲇⲉ ⲉⲟⲩⲁϩϥ ⲛⲥⲁⲡⲥⲱⲧⲏⲣ · ⲁⲡϫⲟⲉⲓⲥ ⲧⲟⲩⲛⲉⲓⲁⲧϥ ⲉⲃⲟⲗ · ⲉⲧⲣⲉϥϯ ⲉⲃⲟⲗ ϩⲛⲧⲉϥⲕⲉⲟⲩⲥⲓⲁ ⲧⲏⲣⲥ ⲉⲩⲡⲉⲧⲛⲁⲛⲟⲩϥ ⲛⲛϩⲏⲕⲉ · ⲁⲩⲱ ⲛⲧⲉⲓϩⲉ ⲛϥⲟⲩⲁϩϥ ⲛⲥⲱϥ ·
soul_body:64
ⲥⲉⲡⲁϩⲧ ⲉⲃⲟⲗ ⲧⲏⲣⲟⲩ ϩⲙⲡⲕⲁϩ · ⲛⲉⲩⲁⲡⲏⲩⲉ ⲙⲛⲛⲉⲩⲥⲱⲙⲁ ⲡⲁϩⲧ ⲉⲃⲟⲗ ·
They have all been cast in the earth, and their heads and their bodies have become separated.
matthew20:65
ϫⲉⲉⲧⲃⲉⲟⲩ ⲙⲡⲟⲩϯ ⲙⲡⲓⲥⲟϭⲛ ⲉⲃⲟⲗ ϩⲁϣⲙⲛⲧϣⲉ ⲛⲥⲁⲧⲉⲉⲣⲉ ⲛⲥⲉⲧⲁⲁⲩ ⲛⲛϩⲏⲕⲉ ·
Why did they not sell the unguent for three hundred staters and give them to the poor?'
soul_body:65
ⲉⲣϣⲁⲛⲡϣⲏⲣⲉ ϣⲓⲛⲉ ⲛⲥⲁⲡⲉϥⲉⲓⲱⲧ ϥⲛⲁⲥⲉⲟⲩⲱⲛϥ ⲁⲛ ϩⲙⲡⲉⲙϩⲁⲁⲩ · ⲟⲩⲇⲉ ⲟⲩϣⲃⲏⲣ ⲙⲡⲉϥϣⲃⲏⲣ ⲟⲩⲇⲉ ⲟⲩⲥⲟⲛ ⲙⲡⲉϥⲥⲟⲛ ·
If the son were to seek after his father in the tomb, he would not recognize him, neither would a friend recognize his friend, nor a brother recognize his brother;
mercy_judgment:65
ⲛⲉⲛⲧⲁⲩⲟⲩⲁϩⲟⲩ ⲇⲉ ⲛⲥⲱϥ ⲙⲛⲛⲧⲉⲗⲓⲟⲥ ⲉⲁⲩϫⲱⲕ ⲉⲃⲟⲗ ⲙⲡⲟⲩⲣⲟⲧ ⲉⲧⲛⲁϣⲱϥ · ⲁⲩⲱ ⲛⲧⲉⲗⲓⲟⲥ ⲛⲙⲙⲛⲧⲛⲁ ·
matthew20:66
ⲉϣϫⲉ ⲕϥⲓⲣⲟⲟⲩϣ ϩⲁⲡϩⲏⲕⲉ ⲱ ⲡⲉⲡⲣⲟⲇⲟⲧⲏⲥ ⲁϩⲣⲟⲕ ⲕϩⲱϥⲧ ⲛⲛⲉⲩⲛⲕⲁ ϩⲙⲡⲉⲕⲗⲟⲥⲟⲅⲟⲙⲱⲛ ·
If thou didst care for the poor, O betrayer, why didst thou steal their property from the coffer of the treasury?
mercy_judgment:66
ϥⲟⲩⲉϩⲥⲁϩⲛⲉ ⲛⲁⲩ ϫⲉⲕⲁⲥ ⲉⲩⲉϫⲱⲕ ⲉⲃⲟⲗ ⲛⲧⲗⲓⲧⲟⲩⲣⲅⲓⲁ ⲧⲉⲉⲃⲟⲗ ϩⲓⲧⲛⲛⲉⲭⲣⲏⲙⲁ ⲉⲩⲉⲡⲱⲱⲛⲉ ⲉϩⲟⲩⲛ ⲉⲧⲗⲓⲧⲟⲩⲣⲅⲓⲁ ⲧⲉⲉⲃⲟⲗ ϩⲙⲡⲗⲟⲅⲟⲥ ⲙⲛⲡⲉⲡⲛⲉⲩⲙⲁ
soul_body:66
ⲁⲩⲱ ϥⲛⲁϭⲙⲡⲣⲁⲛ ⲛⲗⲁⲁⲩ ⲁⲛ ⲉⲥⲉⲟⲩⲱⲛϥ ϫⲉⲛⲧⲟϥ ⲡⲉ ϩⲛⲟⲩⲙⲉ · ⲁⲩⲱ ⲛⲉϥⲥⲟⲩⲛⲡⲉϥⲉⲓⲛⲉ ⲉⲃⲟⲗ ϫⲉⲁⲩⲣϣⲟⲉⲓϣ · ϩⲙⲡⲉⲙϩⲁⲁⲩ · ⲉⲙⲛⲥⲙⲟⲧ ⲛⲗⲁⲁⲩ ⲛⲣⲱⲙⲉ ⲛϩⲏⲧⲟⲩ ·
nor could a man address any one of them by name, being sure that he really was the person who bore that name, or identify his form, because they have all turned to dust in the tomb, and there is no longer any human resemblance in them.
matthew20:67
ⲏ ϫⲉⲡⲉⲕⲃⲁⲗ ⲟⲩⲡⲟⲛⲏⲣⲟⲥ ⲡⲉ · ϫⲉⲁⲛⲅⲟⲩⲁⲅⲁⲑⲟⲥ ⲁⲛⲟⲕ ·
Or was thine eye evil because I am good?
mercy_judgment:67
ⲡⲕⲉⲥⲉⲉⲡⲉ ϥⲟⲩⲉϩⲥⲁϩⲛⲉ ⲛⲁⲩ ⲉⲧⲣⲉⲩⲉⲓⲣⲉ ⲛϩⲉⲛⲙⲛⲧⲣⲉϥϯ ⲙⲛϩⲉⲛⲕⲟⲓⲛⲱⲛⲓⲁ ⲉⲩⲙⲏⲛ ⲉⲃⲟⲗ ϩⲛⲛⲉⲧⲉⲩⲛⲧⲁⲩⲥⲟⲩ · ϫⲉⲕⲁⲥ ϩⲓⲧⲛⲛⲁⲓ ⲉⲩⲉϩⲉ ⲉⲣⲟⲟⲩ ⲉⲩⲧⲟⲛⲧⲛ ⲙⲙⲟⲟⲩ ⲉⲧⲙⲛⲧⲙⲁⲓⲣⲱⲙⲉ ⲙⲡⲛⲟⲩⲧⲉ ⲉⲩⲛⲁ · ⲁⲩⲱ ⲉⲩϯ · ⲁⲩⲱ ⲉⲩⲭⲁⲣⲓⲍⲉ ·

Coptic SCRIPTORIUM, corpus pseudo.athanasius.discourses (github.com/CopticScriptorium/corpora). Licence as stated per document in the project's own meta.json and checked there at parse time. English, where present, is Coptic SCRIPTORIUM's aligned translation. Licence: CC-BY 4.0. Source.