Pseudo Athanasius Discourses

Coptic literature (Coptic SCRIPTORIUM) · 520 sections

matthew20:1
ⲟⲩⲗⲟⲅⲟⲥ ⲉⲁϥⲧⲁⲩⲟϥ ⲛϭⲓⲡⲁⲅⲓⲟⲥ ⲁⲑⲁⲛⲁⲥⲓⲟⲥ ⲡⲁⲣⲭⲏⲉⲡⲓⲥⲕⲟⲡⲟⲥ ⲛⲣⲁⲕⲟⲧⲉ ⲉⲧⲃⲉⲡⲉϩⲣⲏⲧⲟⲛ ⲉⲧⲥⲏϩ ϩⲙⲡⲉⲩⲁⲅⲅⲉⲗⲓⲟⲛ ⲛⲕⲁⲧⲁⲙⲁⲑⲁⲓⲟⲥ ϫⲉⲉⲥⲧⲛⲧⲱⲛ ⲛϭⲓⲧⲙⲛⲧⲣⲣⲟ ⲛⲙⲡⲏⲩⲉ ⲉⲩⲣⲱⲙⲉ ⲛⲣⲙⲙⲁⲟ · ⲡⲁⲓ ⲉⲛⲧⲁϥⲉⲓ ⲉⲃⲟⲗ ⲉϩⲧⲟⲟⲩⲉ ⲉⲑⲛⲉⲉⲣⲅⲁⲧⲏⲥ ⲉⲡⲉϥⲙⲁ ⲛⲉⲗⲟⲟⲗⲉ · — ◈◈ — ◈◈ — ◈◈ — ◈◈ —
THE DISCOURSE WHICH SAINT ATHANASIUS, ARCHBISHOP OF RAKOTE, PRONOUNCED CONCERNING THE PASSAGE IN THE GOSPEL OF SAINT MATTHEW, 'THE KINGDOM WHICH IS IN THE HEAVENS IS LIKE UNTO A RICH MAN, WHO CAME OUT IN THE MORNING TO HIRE LABOURERS FOR HIS VINEYARD'
soul_body:1
ⲟⲩⲗⲟⲅⲟⲥ ⲉⲁϥⲧⲁⲩⲟϥ ⲛϭⲓⲡⲡⲁⲧⲣⲓⲁⲣⲭⲏⲥ ⲉⲧⲟⲩⲁⲁⲃ ⲁⲡⲁ ⲁⲑⲁⲛⲁⲥⲓⲟⲥ ⲡⲁⲣⲭⲏⲉⲡⲓⲥⲕⲟⲡⲟⲥ ⲛⲣⲁⲕⲟⲧⲉ · ⲉⲧⲃⲉⲧⲉⲯⲩⲭⲏ ⲙⲛⲡⲥⲱⲙⲁ · ◈◈ — ◈◈ — ◈◈ — ◈◈ — ◈◈
THE DISCOURSE WHICH THE HOLY PATRIARCH, APA ATHANASIUS, ARCHBISHOP OF RAKOTE, PRONOUNCED CONCERNING THE SOUL AND THE BODY.
mercy_judgment:1
ⲁⲑⲁⲛⲁⲥⲓⲟⲥ ⲡⲁⲣⲭⲏⲉⲡⲓⲥⲕⲟⲡⲟⲥ ⲛⲣⲁⲕⲟⲧⲉ ⲉϥϣⲁϫⲉ ⲉⲧⲃⲉⲡⲛⲁ ⲙⲛⲡϩⲁⲡ · — ◈ — ◈ — ◈ — ◈ — ◈
soul_body:2
ⲡϣⲁϫⲉ ⲙⲉⲛ ⲉⲧⲟⲩⲧⲛⲛⲟⲟⲩ ⲙⲙⲟϥ ϩⲛⲙⲡⲏⲩⲉ ⲙⲛⲡⲑⲟⲛⲟⲥ ⲛϩⲏⲧϥ · ⲡⲁⲓ ⲉⲧⲥⲃⲧⲱⲧ ⲉϫⲱⲕⲣ ⲛⲛⲉⲧⲙⲯⲩⲭⲏ · ⲛⲧⲱⲧⲛ ϩⲱⲧⲧⲏⲩⲧⲛ ϣⲱⲡⲉ ⲉⲧⲉⲧⲛⲥⲃⲧⲱⲧ ⲡⲣⲟⲥⲧϭⲟⲙ ⲙⲡϣⲁϫⲉ · ⲁⲗⲗⲁ ⲥⲉⲣⲭⲣⲉⲓⲁ ⲟⲛ ⲙⲡⲉⲧⲥⲱⲧⲙ ·
Now the word which hath been sent from heaven hath no ill-will (or, grudging) therein, and it is ready to cleanse that which is in the soul, provided that ye yourselves be prepared for the strength of the word, which, however, hath also need of him that listeneth.
mercy_judgment:2
ⲡⲕⲟⲥⲙⲟⲥ ⲉⲧⲣⲡⲱⲃϣ ⲙⲡⲛⲟⲩⲧⲉ ⲛⲉⲥⲛⲏⲩ · ⲥⲉⲁⲙⲁϩⲧⲉ ⲙⲙⲟϥ ϩⲙⲡϫⲓⲛϭⲟⲛⲥ ⲉⲧϫⲓ ⲉϩⲟⲩⲛ ⲉⲛⲉⲧϩⲓⲧⲟⲩⲱⲟⲩ · ⲙⲛⲧⲙⲛⲧⲁⲡⲁⲛⲑⲣⲟⲡⲟⲥ ⲉⲧϫⲓ ⲉϩⲟⲩⲛ ⲉⲛⲁⲧϭⲟⲙ ·
matthew20:2
ⲡⲉϫⲉⲡϫⲟⲉⲓⲥ ϩⲙⲡⲉⲩⲁⲅⲅⲉⲗⲓⲟⲛ ⲙⲙⲁⲑⲁⲓⲟⲥ ϫⲉⲥⲧⲛⲧⲱⲛ ⲛϭⲓⲧⲙⲛⲧⲣⲣⲟ ⲛⲙⲡⲏⲩⲉ ⲉⲩⲣⲱⲙⲉ ⲛⲣⲙⲙⲁⲟ · ⲡⲁⲓ ⲉⲛⲧⲁϥⲉⲓ ⲉⲃⲟⲗ ⲉϩⲧⲟⲟⲩⲉ ⲉⲑⲛⲉⲉⲣⲅⲁⲧⲏⲥ ⲉⲡⲉϥⲙⲁ ⲛⲉⲗⲟⲟⲗⲉ ·
The Lord saith in the Gospel of Matthew: The kingdom which is in the heaves is like unto a certain rich man, who came out in the morning to hire labourers for his vineyard.
matthew20:3
ⲁϥⲥⲙⲛⲧⲥ ⲙⲛⲛⲉⲣⲅⲁⲧⲏⲥ ⲉⲩⲥⲁⲧⲉⲉⲣⲉ ⲙⲡⲉϩⲟⲟⲩ ⲁϥϫⲟⲟⲩⲥⲟⲩ ⲉⲛⲉϥⲙⲁ ⲛⲉⲗⲟⲟⲗⲉ ·
He made an agreement with the labourers (to pay them) a stater a day, (and) he sent them into his vineyard.
mercy_judgment:3
ⲛⲧϩⲉ ⲉⲧϥϫⲱ ⲙⲙⲟⲥ ⲛϭⲓⲡⲁⲡⲟⲥⲧⲟⲗⲟⲥ ⲉⲧⲟⲩⲁⲁⲃ · ϫⲉⲕⲁⲧⲁⲧϩⲉ ⲉⲧⲉⲙⲡⲟⲩⲇⲟⲕⲓⲙⲁⲍⲉ ⲙⲡⲛⲟⲩⲧⲉ ⲉⲕⲁⲁϥ ⲛⲁⲩ ϩⲛⲟⲩⲥⲟⲟⲩⲧⲛ · ⲁⲡⲛⲟⲩⲧⲉ ⲧⲁⲁⲩ ⲉϩⲣⲁⲓ ⲉⲩϩⲏⲧ ⲛϫⲟⲟⲩⲧ ⲉⲩⲉⲓⲣⲉ ⲛⲛⲉⲧⲉⲙⲉϣϣⲉ ·
soul_body:3
ⲛⲧϩⲉ ⲅⲁⲣ ⲙⲡϩⲱⲟⲩ ⲙⲡⲉ ⲉⲧⲉⲙⲉϥϯⲕⲁⲣⲡⲟⲥ ⲉϫⲙⲡⲕⲁϩ · ⲟⲩⲇⲉ ⲙⲁⲣⲉⲡⲕⲁϩ ϯⲟⲩⲱ ⲉϫⲙⲡϩⲟⲩⲟ ⲙⲡⲉ ·
For it is like the rain from heaven, which doth not produce fruit without the earth, neither doth the earth make things to grow without the rain from heaven.
mercy_judgment:4
ⲉⲩϫⲏⲕ ⲉⲃⲟⲗ ⲛϫⲓⲛϭⲟⲛⲥ ⲛⲓⲙ · ϩⲓⲕⲁⲕⲓⲁ · ϩⲓⲡⲟⲛⲏⲣⲓⲁ ϩⲓⲙⲁⲓⲧⲟ ⲛϩⲟⲩⲟ · ⲉⲩⲙⲉϩ ⲛⲗⲁ ϩⲓϩⲱⲧⲃ · ϩⲓϯⲧⲱⲛ ϩⲓⲕⲣⲟϥ ⲛϩⲏⲧ ⲉϥϩⲟⲟⲩ ⲛⲣⲉϥⲕⲁⲥⲕⲥ ⲛⲣⲉϥⲕⲁⲧⲁⲗⲁⲗⲉⲓ · ⲙⲙⲁⲥⲧⲛⲟⲩⲧⲉ ⲛⲣⲉϥϣⲱⲥ · ⲛϫⲁⲥⲓϩⲏⲧ ⲛⲃⲁⲃⲉⲣⲱⲙⲉ ⲛⲣⲉϥⲕⲱⲧⲉ ⲛⲥⲁⲡⲡⲉⲧϩⲟⲟⲩ ·
matthew20:4
ⲁϥⲉⲓ ⲇⲉ ⲉⲃⲟⲗ ⲙⲡⲛⲁⲩ ⲛϫⲡϣⲟⲙⲧⲉ · ⲁϥⲛⲁⲩ ⲉϩⲉⲛⲕⲟⲟⲩⲉ ⲉⲩⲁϩⲉⲣⲁⲧⲟⲩ ϩⲛⲧⲁⲅⲟⲣⲁ ⲉⲩⲟⲩⲟⲥϥ ·
He came out (again) at the third hour, and he saw others standing in the market, and they were idle.
soul_body:4
ⲧⲁⲓ ⲧⲉ ⲧϩⲉ ⲉⲧⲉⲙⲁⲣⲉⲡⲁⲕⲣⲟⲁⲧⲏⲥ ϯϩⲏⲩ ⲉϫⲙⲡⲉⲧϯⲥⲃⲱ ⲛⲁϥ · ⲟⲩⲇⲉ ⲡⲉⲧϯⲥⲃⲱ ⲉϫⲙⲡⲉⲧⲥⲱⲧⲙ ⲛⲥⲱϥ ·
The meaning of which is, that the disciple gaineth no advantage without a master to teach him, neither doth the master without a pupil to listen to him.
matthew20:5
ⲡⲉϫⲁϥ ⲛⲛⲕⲟⲟⲩⲉ ϫⲉⲃⲱⲕ ϩⲱⲧⲧⲏⲩⲧⲛ ⲉⲡⲁⲙⲁ ⲛⲉⲗⲟⲟⲗⲉ · ⲁⲩⲱ ⲡⲉⲧⲉⲧⲛⲙⲡϣⲁ ⲙⲙⲟϥ ϯⲛⲁⲧⲁⲁϥ ⲛⲏⲧⲛ ·
He said unto these others, 'Go ye into my vineyard, and that whereof ye are worthy I will give unto you';
soul_body:5
ⲡⲗⲟⲅⲟⲥ ⲇⲉ ⲛⲁϯ ⲙⲡϣⲁϫⲉ · ⲁⲩⲱ ⲧⲙⲛⲧⲥⲧⲙⲏⲧ ⲙⲁⲣⲟⲩϫⲱⲕⲥ ⲉⲃⲟⲗ ⲛϭⲓⲛⲉⲧⲥⲱⲧⲙ ·
The Logos giveth the speech ; let obedience (or, listening) of those who hearken to it make it perfect.
mercy_judgment:5
ⲛⲥⲉⲥⲱⲧⲙ ⲁⲛ ⲛⲥⲁⲛⲉⲩⲉⲓⲟⲧⲉ · ⲛⲁⲧϩⲏⲧ ⲛⲁⲧⲛⲁϩⲧⲉ ⲛⲟⲩⲁϩⲓⲏⲧ ⲛⲁⲧⲛⲁϩⲧⲉ · ⲛⲟⲩⲁϩⲓⲏⲧ ⲛⲁⲧⲛⲁ ·
soul_body:6
ⲉⲓⲥ ⲡⲗⲟⲅⲟⲥ ⲅⲁⲣ ϯ ⲛⲧⲉϥϭⲟⲙ · ⲛⲧⲉⲧⲛ ϩⲱⲧⲧⲏⲩⲧⲛ ⲁϫⲙⲡⲑⲟⲛⲟⲥ ⲉⲁⲧⲉⲧⲛⲣϣⲟⲣⲡ ⲉⲧⲃⲃⲉⲧⲏⲩⲧⲛ ⲉⲃⲟⲗ ϩⲛϩⲱⲕ ⲛⲓⲙ · ϩⲓⲡⲑⲟⲛⲟⲥ ⲙⲛⲧⲙⲛⲧⲁⲡⲓⲥⲧⲟⲥ ϫⲉⲥⲉⲟ ⲛϫⲁϫⲉ ⲉⲧⲇⲓⲕⲁⲓⲟⲥⲩⲛⲏ ·
For behold the Logos giveth its strength, (provided that) ye yourselves are without ill-will (or, grudging), and that ye first of all purify yourselves from every restraining influence and (from) ill-will (or, envy), and from unbelief, which are the enemies of righteousness.
mercy_judgment:6
ⲛⲉⲧⲉⲣⲉⲡⲛⲟⲩⲧⲉ ⲕⲧⲟ ⲙⲙⲟⲟⲩ ⲉϩⲟⲩⲛ ⲉⲩⲙⲛⲧⲣⲉϥϣⲙϣⲉⲛⲟⲩⲧⲉ · ϣⲁϥⲧⲥⲁⲃⲟⲟⲩ ⲟⲛ ⲉⲧⲣⲉⲩⲥⲁϩⲱⲟⲩ ⲉⲃⲟⲗ ⲛⲙⲡⲉⲧϩⲟⲟⲩ · ⲁⲩⲱ ⲉⲧⲣⲉⲩϥⲓ ⲡⲣⲟⲟⲩϣ ⲙⲡⲛⲁ ⲉϩⲟⲩⲛ ⲉⲡⲉⲧϩⲓⲧ ϩⲓⲧⲟⲩⲱⲟⲩ ·
matthew20:6
ⲛⲧⲟⲟⲩ ⲇⲉ ⲁⲩⲃⲱⲕ ·
and they went in.
soul_body:7
ⲡⲕⲱϩ ⲅⲁⲣ ϯⲟⲩⲃⲉⲧⲁⲅⲁⲡⲏ · ⲁⲩⲱ ⲧⲙⲛⲧⲁⲡⲓⲥⲧⲟⲥ ⲟⲩⲃⲉⲧⲡⲓⲥⲧⲓⲥ · ⲛⲧϩⲉ ⲟⲛ ⲉⲧⲉⲣⲉⲡⲉⲧⲥⲁϣⲉ ϯⲟⲩⲃⲉⲡⲉⲧϩⲟⲗϭ · ⲁⲩⲱ ⲡⲕⲁⲕⲉ ϯⲟⲩⲃⲉⲡⲟⲩⲟⲉⲓⲛ · ⲁⲩⲱ ⲡⲡⲉⲧϩⲟⲟⲩ ⲟⲩⲃⲉⲡⲡⲉⲧⲛⲁⲛⲟⲩϥ · ⲡⲙⲟⲩ ϯⲟⲩⲃⲉⲡⲱⲛϩ · ⲁⲩⲱ ⲡϭⲟⲗ ϯⲟⲩⲃⲉⲧⲙⲉ ·
Now envy warreth against love, and unbelief against belief, even as bitterness warreth against sweetness, and darkness against light, and that which is evil against that which is good; and death warreth against life, and falsehood against truth.
mercy_judgment:7
ⲕⲁⲧⲁⲧϩⲉ ⲉⲛⲧⲁⲏⲥⲁⲓⲁⲥ ϯⲥⲃⲱ ⲛⲁⲛ ⲉϥϫⲱ ⲙⲙⲟⲥ ϩⲙⲡⲉⲡⲣⲟⲥⲟⲡⲟⲛ ⲙⲡⲛⲟⲩⲧⲉ ϫⲉⲁⲗⲱⲧⲛ ϩⲛⲛⲉⲧⲛⲡⲟⲛⲏⲣⲓⲁ ϫⲓⲥⲃⲱ ⲉⲣⲡⲉⲧⲛⲁⲛⲟⲩϥ ·
matthew20:7
ⲁϥⲉⲓ ⲇⲉ ⲟⲛ ⲉⲃⲟⲗ ⲙⲡⲛⲁⲩ ⲛϫⲡⲥⲟ ⲙⲛϫⲡⲯⲓⲧⲉ ⲁϥⲉⲓⲣⲉ ⲟⲛ ϩⲓⲛⲁⲓ ·
He came out again at the sixth hour, and again at the ninth hour (and saw other labourers), and he did the same with these.
mercy_judgment:8
ⲡⲛⲟⲙⲟⲥ ⲅⲁⲣ ⲟⲩⲛⲧⲁϥ ϩⲉⲛⲟⲩⲉϩⲥⲁϩⲛⲉ ⲙⲙⲁⲩ ⲉⲛⲁϣⲱⲟⲩ · ⲉⲧⲙⲡⲗⲁⲡⲧⲉⲓ ⲙⲡⲉⲧϩⲓⲧⲟⲩⲱⲛ ·
soul_body:8
ⲛⲉⲧϫⲏⲕ ⲇⲉ ⲉⲃⲟⲗ ϩⲛⲧϭⲟⲙ ⲙⲡⲁⲛⲧⲓⲕⲉⲓⲙⲉⲛⲟⲥ ⲛⲉⲧⲉⲩⲛⲧⲁⲩ ⲙⲙⲁⲩ · ⲛⲟⲩⲕⲱϩ ⲙⲛⲟⲩⲡⲑⲟⲛⲟⲥ · ⲙⲛⲧⲙⲛⲧⲁⲡⲓⲥⲧⲟⲥ ⲉⲩⲙⲟⲥⲧⲉ ⲛⲧⲁⲅⲁⲡⲏ · ⲙⲛⲙⲛⲧⲡⲓⲥⲧⲓⲥ ⲛⲉⲧⲙⲟⲥⲧⲉ ⲇⲉ ⲛⲛⲁⲓ · ⲥⲉⲟ ⲛϫⲁϫⲉ ⲉⲡⲛⲟⲩⲧⲉ ·
Now those who are full of the strength of that which is adverse to good, and have in them envy, and ill-will, and unbelief, hate love and faith (or, belief), and those who hate these things are the enemies of God.
matthew20:8
ⲛⲧⲉⲣⲉϥⲉⲓ ⲇⲉ ⲟⲛ ⲉⲃⲟⲗ ⲙⲡⲛⲁⲩ ⲛϫⲡⲙⲛⲧⲟⲩⲏⲉ ⲁϥⲛⲁⲩ ⲉϩⲉⲛⲕⲟⲟⲩ ⲉⲩⲁϩⲉⲣⲁⲧⲟⲩ
When, however, he came out again at the eleventh hour, he saw others standing (in the market).
soul_body:9
ⲧⲛⲥⲟⲟⲩⲛ ⲅⲁⲣ ⲛⲁⲙⲉⲣⲁⲧⲉ ϫⲉⲟⲩⲟⲛ ⲛⲓⲙ ⲉⲧⲙⲏϩ ⲛⲕⲱϩ ϩⲓⲡⲑⲟⲛⲟⲥ ϩⲓⲁⲡⲓⲥⲧⲓⲁ · ⲥⲉⲟ ⲛϫⲁϫⲉ ⲉⲧⲇⲓⲕⲁⲓⲟⲥⲩⲛⲏ · ⲣⲟⲉⲓⲥ ϭⲉ ⲉⲣⲱⲧⲛ ⲉⲛⲉⲧⲟ ⲛϫⲁϫⲉ ⲉⲧⲇⲓⲕⲁⲓⲟⲥⲩⲛⲏ ·
For we know, O my beloved, that all those who are filled with envy, and ill-will, and unbelief, are the enemies of righteousness; take good heed to yourselves, therefore, that ye may not become the enemies of righteousness.
mercy_judgment:9
ⲟⲩⲛⲧⲁϥ ⲇⲉ ⲟⲛ ⲙⲙⲁⲩ ⲛϩⲉⲛⲉⲛⲧⲟⲗⲏ ⲉⲧⲃⲉⲧⲙⲛⲧⲙⲁⲓⲣⲱⲙⲉ · ⲁⲩⲱ ⲉⲛⲁ ⲛⲛⲉⲛⲉⲣⲏⲩ ·
matthew20:9
ⲡⲉϫⲁϥ ⲛⲁⲩ ϫⲉⲉⲧⲃⲉⲟⲩ ⲧⲉⲧⲛⲁϩⲉⲣⲁⲧⲧⲏⲩⲧⲛ ⲙⲡⲉⲓⲙⲁ ⲙⲡⲉϩⲟⲟⲩ ⲧⲏⲣϥ ⲉⲧⲉⲧⲛⲟⲩⲟⲥϥ ·
He said unto them, 'Wherefore do ye stand in this place the whole day doing nothing?'
matthew20:10
ⲡⲉϫⲁⲩ ⲛⲁϥ ϫⲉⲉⲃⲟⲗ ϫⲉⲙⲡⲉⲗⲁⲁⲩ ⲑⲛⲟⲛ ·
They said unto him, 'Because no man hath hired us.'
soul_body:10
ⲛⲧⲉⲧⲛϣⲱⲡ ⲉⲣⲱⲧⲛ ⲛⲧⲡⲓⲥⲧⲓⲥ ⲙⲛⲧⲁⲅⲁⲡⲏ · ϫⲉⲉⲧⲃⲉⲛⲁⲓ ⲛⲧⲁⲛⲉⲧⲟⲩⲁⲁⲃ ⲧⲏⲣⲟⲩ ⲟⲩϫⲁⲓ · ϫⲓⲛⲛⲧⲉϩⲟⲩⲉⲓⲧⲉ ϣⲁ ⲁϩⲣⲁⲓ ⲉⲧⲉⲛⲟⲩ ·
Take unto yourselves belief and love, for through these salvation hath come unto all the saints, from the beginning even until this present.
mercy_judgment:10
ⲉϣⲱⲡⲉ ⲅⲁⲣ ⲉⲣϣⲁⲛⲟⲩⲣⲱⲙⲉ ⲕⲱ ⲛⲥⲱϥ ⲛⲟⲩⲁ ϩⲛⲛⲁⲓ · ϥⲣⲱϣⲉ ⲁⲛ ⲛϭⲓⲡⲕⲉⲟⲩⲁ ⲉⲧⲁϩⲉ ⲡⲣⲱⲙⲉ ⲉⲣⲁⲧϥ ·
soul_body:11
ⲟⲩⲱⲛϩ ϭⲉ ⲉⲃⲟⲗ ⲛⲧϭⲟⲙ ⲛⲧⲁⲅⲁⲡⲏ ⲙⲡϣⲁϫⲉ ⲙⲙⲁⲧⲉ ⲁⲛ ⲁⲗⲗⲁ ϩⲙⲡϩⲱⲃ · ⲁϥⲧⲁⲁϥ ⲅⲁⲣ ⲛⲥⲱⲧⲉ ϩⲁⲣⲟⲛ ⲧⲏⲣⲛ ⲛϭⲓⲡϫⲟⲉⲓⲥ ·
Moreover, make ye manifest the power of love, not only in word, but also in deed; now God hath given salvation for all of us.
matthew20:11
ⲡⲉϫⲁϥ ⲛⲁⲩ ϫⲉⲃⲱⲕ ϩⲱⲧⲧⲏⲩⲧⲛ ⲉⲡⲁⲙⲁ ⲛⲉⲗⲟⲟⲗⲉ ·
He said unto them, 'Go ye into my vineyard'
mercy_judgment:11
ⲟⲩⲇⲉ ⲅⲁⲣ ϥϣⲏⲡ ⲁⲛ ⲙⲡⲉⲙⲧⲟ ⲉⲃⲟⲗ ⲙⲡⲛⲟⲩⲧⲉ ⲛϭⲓⲡⲉⲧⲣⲡⲉⲧⲛⲁⲛⲟⲩϥ ⲛⲛⲉⲧϣⲁⲁⲧ ⲉⲃⲟⲗ ϩⲛϩⲉⲛϩⲏⲩ ⲛϭⲓϫⲓⲛϭⲟⲛⲥ · ⲉϣⲱⲡⲉ ⲇⲉ ϥⲛⲁϯ ⲗⲁⲁⲩ ⲁⲛ ⲉⲃⲟⲗ ϩⲛⲛⲉⲧϣⲟⲟⲡ ⲛⲁϥ · ⲉⲧⲃⲉⲛⲉⲧⲣϫⲓⲛϭⲟⲛⲥ ⲙⲉⲛ ⲅⲁⲣ ⲁⲩⲱ ⲉⲩⲉⲡⲓⲭⲓⲣⲉ ⲉⲧⲁⲗⲉⲇⲱⲣⲟⲛ ⲉϩⲣⲁⲓ ⲙⲡⲛⲟⲩⲧⲉ ·
mercy_judgment:12
ϥⲥⲏϩ ⲅⲁⲣ ϫⲉⲟⲩϥⲟⲧⲉ ⲙⲡϫⲟⲉⲓⲥ ⲧⲉ ⲧⲉⲑⲩⲥⲓⲁ ⲛⲛⲁⲥⲉⲃⲏⲥ · ⲉⲧⲃⲉⲡⲉⲧⲟ ϩⲱⲱϥ ⲛϣⲛⲁ ϣⲁϥϫⲟⲟⲥ ⲉⲧⲃⲏⲏⲧϥ ϫⲉⲡⲉⲧϣⲧⲁⲙ ⲛⲛⲉϥⲙⲁⲁϫⲉ ⲉⲧⲙⲥⲱⲧⲙ ⲉⲩϩⲏⲕⲉ ⲛⲧⲟϥ ϩⲱⲱϥ ϥⲛⲁⲉⲡⲓⲕⲁⲗⲉⲓ ⲙⲡⲛⲟⲩⲧⲉ ⲛϥⲧⲙⲥⲱⲧⲙ ⲉⲣⲟϥ ·
matthew20:12
ⲙⲁⲣⲛϩⲟⲧϩⲧ ϭⲉ ⲧⲉⲛⲟⲩ ⲛⲧⲛⲉⲓⲙⲉ ϫⲉⲁϣ ⲛⲉ ⲛⲉⲓⲉⲣⲅⲁⲧⲏⲥ · ⲏ ⲁϣ ⲡⲉ ⲡⲉⲓⲙⲁ ⲛⲉⲗⲟⲟⲗⲉ · ⲏ ⲛⲓⲙ ⲡⲉ ⲡⲉⲓⲟⲧⲏⲥⲡⲟⲇⲏⲥ ·
Now let us enquire carefully, and let us learn what are these kinds of labourers, and what this vineyard is, and who is this master.
soul_body:12
ⲛⲧϩⲉ ⲅⲁⲣ ⲛⲧⲁⲡⲕⲟⲥⲙⲟⲥ ⲧⲏⲣϥ ϣⲱⲡⲉ ϩⲙⲡϣⲁϫⲉ ⲛⲣⲱϥ ⲛⲧⲁⲛϣⲱⲡⲉ ϩⲱⲱⲛ ⲁⲛ · ⲁⲗⲗⲁ ⲁϥⲧⲁⲙⲓⲟⲛ ϩⲙⲡϣⲁϫⲉ ⲙⲛⲡϩⲱⲃ ·
For we ourselves did not come into being as the I whole world came into being, by the word of His mouth only, but He made us both by word and by deed.
mercy_judgment:13
ⲉⲧⲃⲉⲡⲁⲓ ⲙⲡⲁⲣϩⲟⲓⲙⲓⲁ ⲥⲩⲛⲃⲟⲩⲗⲉⲩⲉ ⲛⲁⲛ ϫⲉⲙⲁⲧⲁⲓⲉ ⲡ ⲛⲟⲩⲧⲉ ⲉⲃⲟⲗ ϩⲛⲛⲉⲕϩⲓⲥⲉ ⲙⲙⲉ · ⲁⲩⲱ ⲛⲅϯ ⲛⲁϥ ⲛⲛⲁⲡⲁⲣⲭⲏ ⲉⲃⲟⲗ ϩⲛⲛⲕⲁⲣⲡⲟⲥ ⲛⲧⲉⲕⲇⲓⲕⲁⲓⲟⲥⲩⲛⲏ ·
soul_body:13
ⲙⲡⲉⲡⲛⲟⲩⲧⲉ ϩⲱ ⲉⲣⲟϥ ⲉⲧⲣⲉϥϫⲟⲟⲥ ϫⲉⲙⲁⲣⲛⲧⲁⲙⲓⲟ ⲛⲟⲩⲣⲱⲙⲉ · ⲕⲁⲧⲁⲡⲉⲛⲉⲓⲛⲉ ⲙⲛⲧⲉⲛϩⲓⲕⲱⲛ · ⲁⲗⲗⲁ ϥⲧⲣⲉⲡϩⲱⲃ ⲟⲩⲁϩϥ ⲛⲥⲁⲡϣⲁϫⲉ ·
God was not content with making Himself to say, 'Let us make man according to Our likeness and image,' but He made the action follow the word.
matthew20:13
ϩⲛⲧⲉϩⲟⲩⲉⲓⲧⲉ ⲡϫⲟⲉⲓⲥ ⲙⲡⲙⲁ ⲛⲉⲗⲟⲟⲗⲉ ⲡⲉ ⲡⲛⲟⲩⲧⲉ ⲡⲉⲓⲱⲧ · ⲡⲁⲓ ⲉⲧⲇⲓⲟⲓⲕⲉⲓ ⲛⲛⲉϥⲥⲱⲛⲧ ϫⲓⲛⲛϣⲟⲣⲡ ·
In the first place, the Master in this vineyard is God the Father, Who hath governed His creatures
mercy_judgment:14
ⲉϣϫⲉ ⲕⲛⲁⲛⲇⲱⲣⲟⲛ ⲅⲁⲣ ⲉϩⲟⲩⲛ ⲙⲡⲛⲟⲩⲧⲉ ⲉⲃⲟⲗ ϩⲛⲟⲩϫⲓⲛⲛϭⲟⲛⲥ ⲙⲛⲟⲩⲧⲱⲣⲡ · ϥⲥⲟⲧⲡ ⲛϩⲟⲩⲟ ⲟⲩⲇⲉ ⲉⲧⲙⲧⲣⲉⲕϫⲡⲟ ⲛⲁⲕ ⲛⲧⲉⲓⲕⲧⲏⲥⲓⲥ ⲛⲧⲉⲓⲙⲓⲛⲉ · ⲟⲩⲇⲉ ⲉⲧⲙⲧⲁⲗⲉⲇⲱⲣⲟⲛ ⲉϩⲣⲁⲓ ⲉⲃⲟⲗ ⲛϩⲏⲧⲥ ·
soul_body:14
ⲁⲡⲛⲟⲩⲧⲉ ⲅⲁⲣ ϫⲓ ⲛⲟⲩⲕⲁϩ ⲉⲃⲟⲗ ϩⲙⲡⲕⲁϩ · ⲁϥⲡⲗⲁⲥⲥⲉ ⲙⲙⲟϥ ⲛⲟⲩⲣⲱⲙⲉ · ⲕⲁⲧⲁⲧⲉϥϩⲓⲕⲱⲛ ⲙⲛⲡⲉϥⲉⲓⲛⲉ · ⲁϥⲛⲓϥⲉ ⲉϩⲟⲩⲛ ϩⲙⲡⲉϥϩⲟ ⲛⲟⲩⲡⲛⲟⲏ ⲛⲱⲛϩ ·
For God took a piece of earth from the earth, and fashioned man, according to His own image and likeness, and He breathed into his face the breath of life.
matthew20:14
ⲉϥϣⲁϫⲉ ⲛⲙⲙⲁⲩ ⲟⲛ ϩⲙⲡⲉⲡⲣⲟⲫⲏⲧⲏⲥ ϥⲧⲁⲙⲟ ⲙⲙⲟⲛ ϫⲉⲡⲙⲁ ⲛⲉⲗⲟⲟⲗⲉ ⲙⲡϫⲟⲉⲓⲥ ⲥⲁⲃⲁⲱⲑ ⲡⲉ ⲡⲏⲓ ⲙⲡⲓⲥⲣⲁⲏⲗ · ⲁⲩⲱ ⲡⲣⲱⲙⲉ ⲛⲓⲟⲩⲇⲁ ⲡⲉ ⲡⲧⲱϭⲉ ⲛⲃⲣⲣⲉ ⲙⲡⲙⲉⲣⲓⲧ ·
And moreover, He speaketh with them through the prophet who hath made known to us that the vineyard of the Lord of Hosts is the House of Israel, and the men of Judah are the new and beloved plant.
matthew20:15
ⲛⲉⲓⲉⲣⲅⲁⲧⲏⲥ ⲉⲛⲧⲁϥⲑⲛⲟⲟⲩ ⲛϣⲟⲣⲡ ⲡⲉ ⲙⲱⲩⲥⲏⲥ ⲙⲛⲁⲁⲣⲱⲛ ⲙⲛⲓⲏⲥⲟⲩⲥ ⲡϣⲏⲣⲉ ⲛⲁⲩⲏ ·
The labourers whom He hired in the beginning are Moses, and Aaron, and Jesus the son of Nun.
mercy_judgment:15
ⲕⲛⲁⲉⲓⲛⲉ ⲅⲁⲣ ⲉϩⲟⲩⲛ ⲙⲡⲉⲕⲉⲣⲏⲧ ⲛⲟⲩⲇⲱⲣⲟⲛ ⲉϥⲟⲩⲁⲁⲃ · ⲛⲧϩⲉ ⲉⲧⲥⲏϩ ϫⲉⲛⲉⲣⲏⲧ ⲛⲛⲉⲧⲥⲟⲩⲧⲱⲛ ϣⲏⲡ ⲛⲁϩⲣⲁϥ ·
soul_body:15
ⲁⲇⲁⲙ ⲇⲉ ⲁϥϣⲱⲡⲉ ϩⲁⲧⲟⲟⲧϥ ⲙⲡⲙⲟⲩ · ⲉⲧⲃⲉⲧⲉϥⲡⲁⲣⲁⲃⲁⲥⲓⲥ · ⲁⲩⲱ ⲁⲡⲉⲡⲗⲁⲥⲙⲁ ⲛⲁⲇⲁⲙ ⲣⲭⲣⲉⲓⲁ ⲉⲧⲣⲉⲩⲡⲗⲁⲥⲥⲉ ⲙⲙⲟϥ ⲛⲕⲉⲥⲟⲡ ⲉⲃⲟⲗ ϩⲓⲧⲟⲟⲧϥ ⲙⲡⲛⲟⲩⲧⲉ ⲡⲇⲏⲙⲓⲟⲩⲣⲅⲟⲥ · ϫⲉⲕⲁⲥ ⲉϥⲉⲟⲩϫⲁⲓ ·
Now when Adam was nigh unto death because of his transgression, the material body of Adam needed to be fashioned a second time by the hand of God, the Fabricator, in order that he might receive salvation.
matthew20:16
ⲛⲧⲁϥⲙⲟⲩⲧⲉ ⲉⲙⲱⲩⲥⲏⲥ ϩⲣⲁⲓ ϩⲙⲡⲕⲁϩ ⲙⲙⲁⲇⲓϩⲁⲙ ϫⲉⲁⲙⲟⲩ ⲛⲅⲃⲱⲕ ⲉⲡⲉⲥⲏⲧ ⲉⲕⲏⲙⲉ ⲛⲅⲉⲓⲛⲉ ⲉⲃⲟⲗ ⲙⲡⲁⲗⲁⲟⲥ ϩⲙⲡⲙⲁ ⲉⲧⲙⲙⲁⲩ ·
He called unto Moses in the land of Midian, saying, 'Come thou, get thee down into Egypt, and thou shalt bring out My people from that land.
soul_body:16
ⲁⲡⲣⲱⲙⲉ ⲅⲁⲣ ⲥⲣⲟϥⲣⲉϥ ⲧⲟⲙⲥ ⲉⲡⲕⲁϩ · ⲉⲁⲡⲉⲡⲛⲉⲩⲙⲁ ⲡⲱⲣϫ ⲉⲃⲟⲗ ⲙⲙⲟϥ · ⲡⲁⲓ ⲉⲛⲧⲁϥⲛⲓϥⲉ ⲉϩⲟⲩⲛ ⲉϩⲣⲁϥ ⲛϩⲏⲧϥ · ⲉⲁϥϣⲱⲡⲉ ⲛⲟⲩⲡⲛⲟⲏ ⲛⲱⲛϩ ·
Now (the body of) man rotteth away, and is buried in the earth, but the soul, which God breathed into him when he became a living soul, separateth itself from him.
mercy_judgment:16
ⲡⲁⲗⲓⲛ ⲟⲛ ⲉϣϫⲉ ⲉⲕϫⲡⲟ ⲉⲃⲟⲗ ϩⲛϩⲉⲛϩⲓⲥⲉ ⲛⲇⲓⲕⲁⲓⲟⲛ ⲛⲅⲧⲙⲉⲓⲛⲉ ⲉϩⲟⲩⲛ ⲙⲡⲛⲟⲩⲧⲉ ⲛϩⲉⲛⲡⲣⲟⲥⲫⲟⲣⲁ · ⲛⲁⲓ ⲉϣⲁⲣⲉⲛϩⲏⲕⲉ ⲥⲁⲛϣ ⲉⲃⲟⲗ ⲛϩⲏⲧⲟⲩ · ⲥⲉⲛⲁⲟⲡⲟⲩ ⲉⲣⲟⲕ ⲉⲩⲧⲱⲣⲡ · ⲕⲁⲧⲁⲧϩⲉ ⲉⲧϥϫⲱ ⲙⲙⲟⲥ ϩⲓⲧⲙⲡⲉⲡⲣⲟⲫⲏⲧⲏⲥ ⲙⲁⲗⲁⲭⲓⲁⲥ · ϫⲉⲛⲁⲡⲁⲣⲭⲏ ⲁⲩⲱ ⲛⲣⲉⲙⲏⲧ ⲥⲉ ⲁⲣⲱⲧⲛ · ⲁⲩⲱ ⲡⲧⲱⲣⲡ ⲛⲁϣⲱⲡⲉ ϩⲛⲛⲉⲧⲛⲏⲓ :
matthew20:17
ⲛⲅⲣϩⲱⲃ ⲉⲡⲁⲙⲁ ⲛⲉⲗⲟⲟⲗⲉ ϩⲛⲛⲉⲛⲧⲟⲗⲏ ⲙⲛⲛⲇⲓⲕⲁⲓⲟⲙⲁ · ⲙⲛⲛⲉⲡⲣⲟⲥⲧⲁⲕⲙⲁ ·
And thou shalt labour in My vineyard in commandments, and decrees, and ordinances.
soul_body:17
ⲡⲁⲓ ϭⲉ ⲁⲩⲁⲙⲁϩⲧⲉ ⲙⲙⲟϥ · ϩⲛⲟⲩⲧⲟⲡⲟⲥ ⲛⲕⲁⲕⲉ ⲛⲧⲉⲣⲉϥⲙⲟⲩ · ϩⲙⲡⲙⲁ ⲉⲧⲟⲩⲙⲟⲩⲧⲉ ⲉⲣⲟϥ ϫⲉⲁⲙⲛⲧⲉ ·
And further, when (the body) is dead they carry off the soul into a place of darkness, into the region which is called 'Amente '.
mercy_judgment:17
ϣϣⲉ ⲅⲁⲣ ⲉⲣⲟⲛ ⲧⲉⲛⲟⲩ ⲉⲧⲣⲉⲛⲕⲉⲣⲁ ⲙⲡⲛⲁ ⲙⲛⲡϩⲁⲡ : ⲉⲧⲣⲉⲛϫⲡⲟ ⲙⲉⲛ ⲙⲡϩⲁⲡ ⲉⲧⲣⲉⲛϫⲟ ⲇⲉ ⲉⲃⲟⲗ ϩⲙⲡⲛⲁ ⲕⲁⲧⲁⲡⲉⲧⲥⲏϩ · ϫⲉϩⲁⲣⲉϩ ⲉⲡⲛⲁ ⲙⲛⲡϩⲁⲡ · ⲁⲩⲱ ⲛⲅϩⲛⲧⲕ ⲉϩⲟⲩⲛ ⲉⲡⲉⲕⲛⲟⲩⲧⲉ ⲛⲟⲩⲟⲉⲓϣ ⲛⲓⲙ ·
matthew20:18
ⲁϥⲥⲙⲛⲧⲥ ⲛⲙⲙⲁⲩ ⲉⲩⲥⲁⲧⲉⲉⲣⲉ · ⲡⲧⲁⲉⲓⲟ ⲛⲧⲙⲛⲧⲡⲣⲟⲫⲏⲧⲏⲥ · ⲁⲁⲣⲱⲛ ϩⲱⲱϥ ⲛⲟⲩⲙⲛⲧⲁⲣⲭⲓⲉⲣⲉⲩⲥ ⲉϫⲙⲡⲉϥⲗⲁⲟⲥ ⲛⲧⲟⲟⲩ ⲇⲉ ⲁⲩⲃⲱⲕ ·
And He covenanted with them for a stater, that is, Moses was to have the honourable rank of prophet, and Aaron was to hold the office of high priest over His people, and they were to serve (him).
soul_body:18
ⲧⲉⲯⲩⲭⲏ ⲅⲁⲣ ⲙⲛⲡⲥⲱⲙⲁ ⲁⲩⲡⲱϣ · ⲁⲩⲱ ⲁⲡⲙⲟⲩ ⲡⲟⲣϫⲟⲩ ⲉⲛⲉⲩⲉⲣⲏⲩ ·
For the soul and the body become separated, and death divideth them each from the other.
mercy_judgment:18
ⲉⲣⲉⲡⲛⲟⲩⲧⲉ ⲅⲁⲣ ⲙⲉ ⲙⲡⲛⲁ ⲙⲛⲡϩⲁⲡ · ⲉⲧⲣⲉϥⲑⲛⲟϥ ⲉϩⲟⲩⲛ ⲉⲡϫⲟⲉⲓⲥ ⲛϭⲓⲡⲉⲧϥⲓ ⲙⲡⲣⲟⲟⲩϣ ⲙⲡⲛⲁ ·
matthew20:19
ⲛⲁϫⲡϣⲟⲙⲧⲉ ⲛⲉ ⲛⲉⲕⲣⲓⲧⲏⲥ ⲁϥⲧⲛⲛⲟⲟⲩⲥⲟⲩ ⲟⲛ ⲉϫⲙⲡⲉϥⲗⲁⲟⲥ · ⲡⲉⲧⲉⲧⲛⲙⲡϣⲁ ⲙⲙⲟϥ ϯⲛⲁⲧⲁⲁϥ ⲛⲏⲧⲛ ·
Those who were hired at the third hour were the Judges, whom He appointed to be over His people; 'him of whom ye are worthy will I give unto you.'
soul_body:19
ⲧⲉⲯⲩⲭⲏ ⲙⲉⲛ ⲁⲩⲙⲟⲣⲥ ϩⲛⲁⲙⲛⲧⲉ · ⲧⲥⲁⲣⲝ ⲇⲉ ϩⲱⲱⲥ ⲁⲥⲃⲱⲗ ⲉⲃⲟⲗ ϩⲙⲡⲕⲁϩ ·
Now the soul is fettered in Amente, but the body (or, flesh) dissolveth in the earth.
mercy_judgment:19
ⲗⲟⲓⲡⲟⲛ ϩⲙⲡⲉⲓⲙⲁ · ⲧⲉⲛⲟⲩ ⲙⲁⲣⲉⲡⲟⲩⲁ ⲡⲟⲩⲁ ⲉⲝⲉⲧⲁⲍⲉ ⲙⲙⲟϥ ·
matthew20:20
ϩⲉⲛⲡⲣⲟⲫⲏⲧⲏⲥ ⲁⲛ ⲛⲉ · ϩⲉⲛⲁⲡⲟⲥⲧⲟⲗⲟⲥ ⲁⲛ ⲛⲉ · ⲁⲗⲗⲁ ⲡⲉⲛⲧⲁⲩⲙⲡϣⲁ ⲙⲙⲟϥ ⲡⲉ ⲡⲉⲓⲣⲁⲛ ϫⲉⲕⲣⲓⲧⲏⲥ ·
They were not prophets, and they were not apostles, but they were those who were worthy of the title of 'judge '
mercy_judgment:20
ⲙⲁⲣⲉϥϯϩⲧⲏϥ ⲉⲛⲉⲧϥϫⲡⲟ ⲙⲙⲟⲟⲩ ⲛϭⲓⲡⲣⲙⲙⲁⲟ : ⲛⲁⲓ ⲉⲧϥⲙⲉⲉⲩⲉ ⲉⲛⲇⲱⲣⲟⲛ ⲙⲡⲛⲟⲩⲧⲉ ⲉⲃⲟⲗ ⲛϩⲏⲧⲟⲩ · ϫⲉⲙⲏⲧⲓ ⲁϥϫⲓ ⲡϩⲏⲕⲉ ⲛϭⲟⲛⲥ · ⲙⲏⲧⲓ ⲁϥⲥⲓⲁⲍⲉ ⲙⲡϭⲱⲃ ⲉⲣⲟϥ · ⲙⲏⲧⲓ ⲁϥⲡⲗⲉⲟⲛⲉⲕⲧⲉ ⲙⲡⲉⲧϩⲁⲣⲁⲧϥ · ⲉϥⲭⲣⲱ ⲛⲟⲩⲉⲝⲟⲩⲥⲓⲁ · ⲉⲡⲙⲁ ⲛⲟⲩⲇⲓⲕⲁⲓⲟⲥⲩⲛⲏ ·
soul_body:20
ⲁⲩⲱ ⲛⲉⲩ ⲛⲟⲩⲛⲟϭ ⲛⲟⲩⲉ ⲟⲩⲧⲱⲟⲩ ⲙⲛⲛⲉⲩⲉⲣⲏⲩ · ⲧⲥⲁⲣⲝ ⲙⲛⲧⲉⲯⲩⲭⲏ ·
And there is a very great gulf (fixed) between them—the flesh and the soul.
matthew20:21
ⲛⲁϫⲡⲥⲟ ⲇⲉ ⲙⲛⲛⲁϫⲡⲯⲓⲧⲉ ⲛⲉ ⲥⲁⲙⲟⲩⲏⲗ ⲙⲛⲇⲁⲩⲉⲓⲇ · ⲙⲛⲛⲉⲡⲣⲟⲫⲏⲧⲏⲥ ⲧⲏⲣⲟⲩ ·
Those who were hired at the sixth hour, and at the ninth hour, were Samuel, and David, and all the (other) Prophets.
mercy_judgment:21
ⲥⲉⲟⲩⲉϩⲥⲁϩⲛⲉ ⲅⲁⲣ ⲛⲁⲛ ⲉⲧⲣⲉⲛϩⲁⲣⲉϩ ⲉⲡⲇⲓⲕⲁⲓⲟⲛ · ⲁⲩⲱ ⲡϣⲱϣ ⲉϩⲟⲩⲛ ⲉⲛⲉⲛⲕⲉϩⲙϩⲁⲗ ·
soul_body:21
ⲧⲥⲁⲣⲝ ⲙⲉⲛ ⲁⲥⲱϫⲛ ⲁⲩⲱ ⲁⲥϫⲱⲣ ⲉⲃⲟⲗ ϩⲙⲡⲕⲁϩ · ⲉⲛⲧⲁⲩⲧⲟⲙⲥ ⲛϩⲏⲧϥ · ⲧⲉⲯⲩⲭⲏ ⲇⲉ ϩⲱⲱⲥ ⲁⲥⲣⲁⲧϭⲟⲙ ϩⲛⲙⲙⲣⲣⲉ ⲛⲁⲙⲛⲧⲉ ·
Now the flesh disappeareth, and is diffused abroad in the earth wherein it hath been buried, but the soul is powerless in the bonds of Amente.
matthew20:22
ⲁⲥⲁⲙⲟⲩⲏⲗ ⲣϩⲱⲃ ⲉⲡⲙⲁ ⲛⲉⲗⲟⲟⲗⲉ ϩⲛⲟⲩⲧⲁⲡ ·
Samuel worked in the vineyard with a horn.
soul_body:22
ⲧⲉⲯⲩⲭⲏ ⲉⲧϭⲙϭⲟⲙ ⲁⲩⲙⲟⲣⲥ ϩⲙⲡⲕⲁⲕⲉ ·
The soul, which is a strong thing, is fettered in the darkness,
mercy_judgment:22
ⲉⲃⲟⲗ ⲅⲁⲣ ϫⲉⲕⲁⲙⲁϩⲧⲉ ⲙⲡⲣⲣϫⲓⲛϭⲟⲛⲥ · ⲟⲩⲇⲉ ⲉⲃⲟⲗ ϫⲉⲟⲩⲛϭⲟⲙ ⲙⲙⲟⲕ ⲙⲡⲣⲡⲗⲉⲟⲛⲉⲕⲧⲉ · ⲁⲗⲗⲁ ⲉⲃⲟⲗ ϫⲉⲥⲉϣⲟⲟⲡ ⲛⲁⲕ ⲛϭⲓⲛⲉϩⲃⲏⲩⲉ ⲛⲧⲉⲝⲟⲩⲥⲓⲁ ⲟⲩⲱⲛϩ ⲉⲃⲟⲗ ⲛⲛⲉϩⲃⲏⲩⲉ ⲛⲧⲇⲓⲕⲁⲓⲟⲥⲩⲛⲏ ·
matthew20:23
ⲁⲇⲁⲩⲉⲓⲇ ⲡⲉⲛⲉⲟⲩⲃⲱ ⲛⲉⲗⲟⲟⲗⲉ ⲉⲃⲟⲗ ϩⲙⲡⲕⲁϩ ⲛⲕⲏⲙⲉ · ⲁϥⲣϩⲱⲃ ⲉⲣⲟⲥ ϩⲛⲟⲩⲯⲁⲗⲧⲏⲣⲓⲟⲛ ·
David transplanted a slip of the vine from the land of Egypt, and he cultivated it with the psaltery.
mercy_judgment:23
ⲟⲩ ⲅⲁⲣ ⲡⲉⲧⲉⲙⲛϣϭⲟⲙ ⲙⲙⲟⲕ ⲉⲁⲁϥ ·
soul_body:23
ⲡϭⲱⲃ ϩⲱⲱϥ ⲡⲥⲱⲙⲁ ⲁϥⲃⲱⲗ ⲉⲃⲟⲗ ϩⲙⲡⲕⲁϩ ·
but the body, which is a weak thing, dissolveth in the earth.
matthew20:24
ⲁⲱⲥⲏⲉ ϩⲉ ⲉⲡⲓⲥⲣⲁⲏⲗ ⲛⲧϩⲉ ⲛⲟⲩⲉⲗⲟⲟⲗⲉ ϩⲛⲧⲏⲣⲏⲙⲟⲥ ϩⲁⲙⲱⲥ ·
Hosea found Israel to be like a vine in the desert in some respects,
mercy_judgment:24
ⲉⲕⲛⲁϯ ⲛⲧⲁⲡⲟⲇⲓⲝⲓⲥ ⲛⲧⲙⲛⲧⲥⲧⲙⲏⲧ ⲙⲛⲧϩⲟⲧⲉ ⲉⲧϣⲟⲟⲡ ⲛⲁⲕ ⲉϩⲟⲩⲛ ⲉⲡⲛⲟⲩⲧⲉ · ⲁⲗⲗⲁ ϩⲙⲡⲉⲧⲉⲩⲛϣϭⲟⲙ ⲙⲙⲟⲕ ⲉⲡⲁⲣⲁⲃⲁ ⲛϩⲏⲧϥ ⲛⲅⲧⲙⲡⲁⲣⲁⲃⲁ ·
soul_body:24
ⲡⲥⲱⲙⲁ ⲅⲁⲣ ⲛⲁϣϭⲙϭⲟⲙ ⲁⲛ ⲉⲕⲓⲙⲉ ϥⲃⲏⲗ ⲉⲃⲟⲗ ϩⲙⲡⲧⲟⲟⲩ · ⲟⲩⲇⲉ ⲧⲉⲯⲩⲭⲏ ⲛⲁϣϭⲙϭⲟⲙ ⲁⲛ ⲉⲣⲟⲩϩⲱⲃ ⲉⲥⲙⲏⲣ ϩⲛⲁⲙⲛⲧⲉ ·
Now the body is not strong (enough) to move, (and) it dissolveth in the (funerary) mountain; neither is the soul able to do anything, (for) it is fettered in Amente.
matthew20:25
ⲡⲉϫⲁϥ ϫⲉⲟⲩⲃⲱ ⲛⲉⲗⲟⲟⲗⲉ ⲉⲛⲁⲛⲟⲩⲥ ⲡⲉ ⲥϣⲗϩ ⲡⲉ ⲡⲓⲥⲣⲁⲏⲗ · ⲁⲩⲱ ⲡⲉⲥⲕⲁⲣⲡⲟⲥ ⲟϣ ·
for he said, 'Israel is a branch of a vine which is good, and his fruit is abundant'
mercy_judgment:25
ⲉϣϫⲉ ⲕⲛⲁϥⲓ ⲇⲉ ⲛⲛⲉϩⲛⲁⲁⲩ ⲛⲛϩⲏⲕⲉ ⲛⲅⲧⲁⲁⲩ ⲛϩⲉⲛⲕⲉϩⲏⲕⲉ · ⲕⲥⲟⲧⲡ ⲛϩⲟⲩⲟ ⲙⲡⲉⲕϩⲁⲣⲡⲁⲍⲉ ⲟⲩⲇⲉ ⲙⲡⲉⲕϯ ·
soul_body:25
ⲛⲧⲉⲣⲉⲡⲙⲟⲩ ⲅⲁⲣ ϥⲓ ⲙⲡⲣⲱⲙⲉ ⲡϫⲱⲱⲣⲉ ⲙⲉⲛ ⲁϥⲙⲟⲣϥ ϩⲛⲁⲙⲛⲧⲉ ⲉⲧⲉⲧⲉⲯⲩⲭⲏ ⲧⲉ · ⲡϭⲱⲃ ϩⲱⲱϥ ⲁϥⲃⲟⲗϥ ⲉⲃⲟⲗ ϩⲙⲡⲕⲁϩ · ⲉⲧⲉⲧⲥⲁⲣⲝ ⲧⲉ ·
For when death beareth away a man, the strong portion (of him), which is the soul, it fettereth in Amente, and the weak portion (of him), which is the flesh, it carrieth off (into the earth.)
matthew20:26
ⲛⲁϫⲡⲙⲛⲧⲟⲩⲏ ⲇⲉ ⲛⲉ ⲛⲁⲡⲟⲥⲧⲟⲗⲟⲥ ⲛⲁⲓ ⲉⲛⲧⲁϥϩⲉ ⲉⲣⲟⲟⲩ ⲉⲩⲟⲩⲟⲥϥ ⲙⲡⲉϩⲟⲟⲩ ⲧⲏⲣϥ ·
Those who were hired at the eleventh hour were the Apostles, whom He found to be idle the whole day.
mercy_judgment:26
ⲉⲧⲃⲉⲟⲩ ⲉⲕⲧⲱⲗⲙ ⲛⲧⲉⲕⲙⲛⲧⲣⲙⲙⲁⲟ ⲉⲕⲉⲓⲛⲉ ⲉϫⲱⲥ ⲛⲛⲉϩⲃⲏⲩⲉ ⲉⲧⲉϩⲉⲛⲇⲓⲕⲁⲓⲟⲛ ⲁⲛ ⲛⲉ :
soul_body:26
ⲛⲧϩⲉ ⲅⲁⲣ ⲛⲟⲩⲧⲩⲣⲁⲛⲛⲟⲥ ⲁϥⲛⲁϫⲓ ⲛⲟⲩⲡⲟⲗⲓⲥ ⲛⲣⲣⲟ · ⲛϥⲣϣⲟⲣⲡ ⲛϥⲁⲙⲁϩⲧⲉ ⲉϫⲱⲡⲣⲣⲟ ⲛϥⲟⲣϫϥ ϩⲁⲧⲟⲟⲧϥ ·
Now it is like a general who captureth the city of a king; when he hath taken possession thereof he first of all seizeth the king and shutteth him up under restraint.
mercy_judgment:27
ⲉⲧⲃⲉⲟⲩ ⲉⲕⲉⲓⲣⲉ ⲛⲧⲉⲕⲡⲣⲟⲥⲫⲟⲣⲁ ⲛⲃⲟⲧⲉ · ⲉⲕⲉⲡⲓⲭⲓⲣⲉ ⲉⲧⲁⲗⲟ ⲉϩⲣⲁⲓ ϩⲛⲟⲩϫⲓⲛϭⲟⲛⲥ · ϩⲙⲡⲉⲧⲕⲙⲉⲉⲩⲉ ⲉⲛⲁ ⲛⲕⲉϩⲏⲕⲉ ⲛϩⲏⲧϥ ·
matthew20:27
ⲛⲁⲓ ⲉⲧⲟⲩⲟⲥϥ ⲉⲃⲟⲗ ϩⲛⲛⲉϩⲃⲏⲩⲉ ⲧⲏⲣⲟⲩ ⲛⲧⲁⲛⲟⲙⲓⲁ ⲉⲙⲡⲉⲗⲁⲁⲩ ⲑⲛⲟⲟⲩ · ⲉⲙⲡⲉⲡⲇⲓⲁⲃⲟⲗⲟⲥ ⲉϣⲑⲛⲟⲟⲩ ⲉⲧⲙⲛⲧⲣⲉϥϣⲙϣⲉⲉⲓⲇⲟⲗⲟⲛ ·
And they were idle in respect of the works of iniquity of all kinds, because no one had hired them, and the Devil could not hire them for the service of idols.
soul_body:27
ⲧⲁⲓ ⲧⲉ ⲧϩⲉ ⲉⲧⲉⲣⲉⲡⲙⲟⲩ ⲣϣⲟⲣⲡ ⲉⲧⲉⲯⲩⲭⲏ · ⲉⲁⲡⲥⲱⲙⲁ ϣⲱⲡⲉ ⲛⲧϩⲉ ⲛⲟⲩϫⲁⲓ ⲉⲙⲛⲣⲉϥⲣϩⲙⲙⲉ ϩⲓⲱⲱϥ · ⲧⲁⲓ ⲧⲉ ⲧϩⲉ ⲛⲧⲁⲡⲥⲱⲙⲁ ⲧⲁⲕⲟ · ⲁϥⲣⲙⲉⲗⲟⲥ ⲙⲉⲗⲟⲥ ⲉⲃⲟⲗ ϫⲉⲁⲧⲉⲯⲩⲭⲏ ⲗⲟ ⲉⲥⲣϩⲙⲙⲉ ⲙⲙⲟϥ ·
And this is what death doeth first of all to the soul. Now the body is like unto a ship which hath no steersman upon it, that is to say, the body perisheth, and it falleth to pieces, limb from limb, because the soul hath ceased to steer it.
matthew20:28
ⲙⲡϥⲉϣⲑⲛⲉⲓⲱϩⲁⲛⲛⲏⲥ ⲡⲃⲁⲡⲧⲓⲥⲧⲏⲥ ⲉϩⲉⲛ ⲕⲁⲡⲏⲗⲟⲥ ⲙⲙⲁ ⲛⲟⲩⲱⲙ ϩⲓⲥⲱ ·
He could not hire John the Baptist for the peddlers in the place of eating and drinking.
mercy_judgment:28
ⲛⲁ ⲙⲡⲏ ⲉⲧⲙⲙⲁⲩ ⲉⲧⲕϫⲓ ⲙⲙⲟϥ ⲛϭⲟⲛⲥ ·
soul_body:28
ⲁⲩⲱ ⲁⲙⲙⲉⲗⲟⲥ ϫⲱⲱⲣ ⲉⲃⲟⲗ ϩⲙⲡⲧⲟⲟⲩ · ⲁⲩⲧⲁⲕⲟ ⲛⲧϩⲉ ⲛⲟⲩⲡⲟⲗⲓⲥ ⲉⲥϣⲏϥ · ⲛⲧϩⲉ ⲛⲟⲩϫⲟⲉⲓ ⲉⲙⲛⲣⲉϥⲣϩⲙⲙⲉ ⲛϩⲏⲧϥ ⲉⲁϥⲱⲙⲥ ϩⲣⲁⲓ ϩⲙⲡⲙⲟⲟⲩ ·
And the members thereof are dissipated in the (funerary) mountain, and they perish like the city which hath been laid waste, and like the ship which hath no steersman in it, and hath become submerged in the waters.
matthew20:29
ⲡⲉⲧⲣⲟⲥ ⲙⲡϥⲉϣⲑⲛⲟϥ ⲉⲩⲙⲛⲧⲁⲧⲛⲁϩⲧⲉ ·
Peter he could not hire for the service of unbelief.
mercy_judgment:29
ⲭⲣⲱ ⲛⲧⲙⲛⲧⲙⲁⲓⲣⲱⲙⲉ ⲉϩⲟⲩⲛ ⲉⲡⲏ ⲁⲩⲱ ⲛⲅⲭⲁⲣⲓⲍⲉ ⲙⲡⲁⲓ ·
soul_body:29
ⲉⲣⲉⲧⲉⲯⲩⲭⲏ ⲅⲁⲣ ⲣϩⲙⲙⲉ ⲙⲡⲉⲥⲥⲱⲙⲁ ⲙⲙⲓⲛ ⲙⲙⲟⲥ ⲛⲧϩⲉ ⲛⲟⲩⲣⲣⲟ ⲉϥⲟⲓⲕⲟⲛⲟⲙⲉⲓ ⲛⲧⲉϥⲡⲟⲗⲓⲥ ·
For it is the soul itself which steereth its body, even as the king administereth his city.
mercy_judgment:30
ⲕⲛⲁϫⲱⲕ ⲉⲃⲟⲗ ⲡⲉ ⲛⲟⲩⲛⲁ ⲙⲛⲟⲩϩⲁⲡ ·
matthew20:30
ⲁⲛⲇⲣⲉⲁⲥ ⲙⲡϥⲉϣⲑⲛⲟϥ ϩⲛⲟⲩⲅⲁⲙⲙⲟⲥ ⲛϫⲱϩⲙ ⲉⲧⲣⲉϥⲣϩⲁⲗ ⲛⲟⲩⲥϩⲓⲙⲉ ·
Andrew he could not hire in polluted marriage, and he could not make him to become the servant of a woman.
soul_body:30
ⲛⲧⲉⲣⲉⲡⲣⲱⲙⲉ ⲅⲁⲣ ⲙⲟⲩ ⲙⲡⲉⲧⲉϥⲯⲩⲭⲏ ϭⲙϭⲟⲙ ⲉⲕⲩⲃⲉⲣⲛⲏⲧⲉⲩⲉ ⲛⲧⲉϥⲥⲁⲣⲝ ⲉⲃⲟⲗ ϫⲉⲥⲙⲏⲣ ϩⲛⲁⲙⲛⲧⲉ · ⲁⲩⲱ ⲁⲥⲥⲱⲣⲙ ϩⲛⲛⲉϩⲓⲟⲟⲩⲉ ⲛⲧⲇⲓⲕⲁⲓⲟⲥⲩⲛⲏ · ⲛⲧϩⲉ ⲛⲟⲩⲕⲉⲃⲉⲣⲛⲏⲧⲏⲥ ⲉⲁⲡⲉϥϫⲟⲉⲓ ⲥⲱⲣⲙ ϩⲛⲧϩⲁⲗⲁⲥⲥⲁ ·
Now when the man is dead, his soul is not able to steer his flesh, because it is fettered in Amente, and it drifteth about among the waves of (un)righteousness, even as a steersman whose ship drifteth about on the sea.
soul_body:31
ⲁⲥⲣⲓⲕⲉ ⲉⲃⲟⲗ ϩⲛⲛⲉϩⲓⲟⲟⲩⲉ ⲉⲧⲥⲟⲩⲧⲱⲛ ⲛϭⲓⲧⲉⲯⲩⲭⲏ · ⲉⲩⲃⲱⲱⲣⲉ ⲙⲙⲟⲥ ⲉⲛⲉϩⲓⲟⲟⲩⲉ ⲛⲛⲥⲟⲟⲛⲉ ⲉⲧⲣⲉⲩⲧⲟⲣⲡⲥ ⲛϩⲏⲧⲟⲩ · ⲉⲧⲉⲛⲁⲓ ⲛⲉ ⲙⲙⲛⲧⲛⲟⲉⲓⲕ · ⲙⲛⲙⲡⲟⲣⲛⲉⲓⲁ · ⲙⲛⲙⲛⲧⲙⲁⲓⲕⲟⲥⲙⲉⲓ · ⲙⲛⲙⲙⲛⲧⲣⲉϥϣⲙϣⲉⲉⲓⲇⲱⲗⲟⲛ · ⲙⲛⲙⲙⲛⲧⲣⲉϥϩⲉⲧⲃⲣⲱⲙⲉ · ⲙⲛⲙⲙⲟⲥⲧⲉ ·
And the soul heeleth over into the waves which are ready for it, and it is driven on into the breakers of the thieves that engulf it, that is to say, adultery, and fornication, and the love of ornament, and the worship of idols, and the slaying of men, and hatred;
mercy_judgment:31
ⲙⲁⲣⲉⲡⲛⲟⲩⲧⲉ ⲅⲁⲣ ⲕⲟⲓⲛⲱⲛⲉⲓ ⲙⲛⲡⲗⲉⲟⲛⲉⲝⲓⲁ · ⲟⲩⲇⲉ ⲡⲛⲟⲩⲧⲉ ⲡⲕⲟⲓⲛⲱⲛⲟⲥ ⲁⲛ ⲡⲉ ⲛⲛⲥⲟⲟⲛⲉ ⲛⲛⲣⲉϥⲧⲱⲣⲡ · ⲟⲩⲇⲉ ϩⲱⲥ ⲉⲙⲛϣϭⲟⲙ ⲙⲙⲟϥ ⲁⲛ ⲉⲥⲁⲛϣ ⲛⲛϩⲏⲕⲉ ⲉⲁϥⲕⲁⲁⲩ ⲛⲁⲛ · ⲁⲗⲗⲁ ⲉϥϣⲓⲛⲉ ⲛⲥⲁⲟⲩⲙⲛⲧⲣⲉϥϯⲕⲁⲣⲡⲟⲥ ⲛⲇⲓⲕⲁⲓⲟⲛ · ⲁⲩⲱ ⲙⲙⲁⲓⲣⲱⲙⲉ ⲉⲃⲟⲗ ϩⲓⲧⲟⲟⲧⲛ ⲉⲧⲉⲛⲛⲟⲃⲣⲉ · ⲁⲩⲱ ⲉⲩⲡⲉⲧⲛⲁⲛⲟⲩϥ ⲛⲁⲛ ·
matthew20:31
ⲉⲧⲃⲉⲡⲁⲓ ⲁⲩⲙⲟⲩⲧⲉ ⲉⲣⲟϥ ϫⲉⲃⲟⲁⲛⲏⲣⲅⲉⲥ ⲉⲧⲉⲡⲁⲓ ⲡⲉ ⲡϣⲏⲣⲉ ⲙⲡⲉϩⲣⲟⲩⲃⲃⲁⲓ ⲛⲧⲡⲉ ·
For this reason he was called 'Boanerges', that is to say, 'Son of the thunder of heaven.'
mercy_judgment:32
ⲙⲁⲣⲉⲡⲛⲁ ϣⲱⲡⲉ ⲉⲃⲟⲗ ϩⲛϫⲓⲛϭⲟⲛⲥ · ⲟⲩⲇⲉ ⲙⲁⲣⲉⲥⲙⲟⲩ ϣⲱⲡⲉ ⲉⲃⲟⲗ ϩⲛⲥⲁϩⲟⲩ · ⲟⲩⲇⲉ ⲙⲁⲣⲉⲙⲛⲧⲣⲉϥⲣⲡⲉⲧⲛⲁⲛⲟⲩϥ ϣⲱⲡⲉ ⲉⲃⲟⲗ ϩⲛϩⲉⲛⲣⲙⲉⲓⲟⲟⲩⲉ ·
matthew20:32
ⲉⲃⲟⲗ ϫⲉⲙⲡⲉⲗⲁⲁⲩ ⲉϣⲑⲛⲟⲩ ϩⲓϫⲙⲡⲕⲁϩ ⲉⲧⲣⲉⲩⲣϩⲱⲃ ⲛⲁϥ · ⲛϥϯⲃⲉⲕⲉ ⲛⲁⲩ ⲕⲁⲧⲁⲡⲉⲩⲙⲡϣⲁ ·
Therefore could no one hire them on earth to make them to work for him, and to give them wages according to what they were worth.
soul_body:32
ⲛⲁⲓ ⲅⲁⲣ ⲛⲉ ⲛⲧⲁⲥⲧⲁⲕⲉⲡⲣⲱⲙⲉ ⲛϩⲏⲧⲟⲩ ⲛϭⲓⲧⲉⲯⲩⲭⲏ ·
now these are the things whereby man slayeth the soul.
soul_body:33
ⲁⲩⲱ ⲉⲧⲃⲉⲛⲁⲓ ⲛⲧⲁϥⲣϫⲟⲗⲉⲥ ϩⲛⲛⲧⲟⲟⲩ · ⲁⲩⲧⲁⲁⲥ ⲇⲉ ϩⲓⲧⲙⲡⲡⲟⲛⲏⲣⲟⲥ ⲉⲛⲧⲁⲥⲟⲩⲁϩⲥ ⲛⲥⲱϥ · ⲉⲧⲣⲉⲩⲁⲙⲁϩⲧⲉ ⲙⲙⲟⲥ ϩⲛⲁⲙⲛⲧⲉ ·
And because of these things, whereby (the Evil One) hath seduced the soul, it is given over to the Evil One to whom it hath clung closely, and it is carried away into Amente;
mercy_judgment:33
ⲡⲛⲟⲩⲧⲉ ⲅⲁⲣ ϫⲱ ⲙⲙⲟⲥ ⲉⲣⲉⲛⲣⲙⲉⲓⲟⲟⲩⲉ ⲕⲓⲙ ⲉⲣⲟϥ ⲛⲉⲧⲟⲩϫⲓ ⲙⲙⲟⲟⲩ ⲛϭⲟⲛⲥ ϫⲉⲛⲁⲓ ⲛⲉ ϯⲙⲟⲥⲧⲉ ⲙⲙⲟⲟⲩ ⲉⲧⲉⲧⲛⲉⲓⲣⲉ ⲙⲙⲟⲟⲩ ⲡⲉ ⲛⲉ · ⲧⲉⲧⲛϩⲱⲃⲥ ⲙⲡⲁⲑⲩⲥⲓⲁⲥⲧⲏⲣⲓⲟⲛ · ⲛϩⲉⲛⲣⲙⲉⲓⲟⲟⲩⲉ ⲙⲛⲟⲩⲣⲓⲙⲉ · ⲙⲛⲟⲩⲁϣⲁϩⲟⲙ ⲉⲃⲟⲗ ϩⲛϩⲉⲛϩⲓⲥⲉ ·
matthew20:33
ⲉⲃⲟⲗ ϫⲉⲡⲉⲩⲃⲉⲕⲉ ⲛⲁϣⲱϥ ϩⲛⲙⲡⲏⲩⲉ ·
Therefore were their wages abundant in the heavens.
mercy_judgment:34
ϩⲉⲛⲙⲛⲧϣⲟⲩϣⲉ ⲛⲉ ⲛⲉⲓϩⲃⲏⲩⲉ ⲛⲧⲉⲓⲙⲓⲛⲉ ·

Coptic SCRIPTORIUM, corpus pseudo.athanasius.discourses (github.com/CopticScriptorium/corpora). Licence as stated per document in the project's own meta.json and checked there at parse time. English, where present, is Coptic SCRIPTORIUM's aligned translation. Licence: CC-BY 4.0. Source.