Pistis Sophia

Coptic literature (Coptic SCRIPTORIUM) · 2,323 sections

pistis.sophia_book_2_part2:15
ⲙⲡⲥⲣϩⲟⲧⲉ ϩⲏⲧⲥ ⲛϯϭⲟⲙ ⲧⲁⲓ ⲉⲛⲧⲁⲡⲁⲩⲑⲁⲇⲏⲥ ⲧⲛⲛⲟⲟⲩⲥ ⲉⲃⲟⲗ ϩⲙⲡϫⲓⲥⲉ ⲙⲫⲁⲉ · ⲧⲁⲓ ⲉⲛⲧⲁⲥⲉⲓ ⲉⲡⲉⲭⲁⲟⲥ ⲉⲥⲟ ⲛⲧϩⲉ ⲛⲟⲩⲥⲟⲧⲉ ⲉϥϩⲏⲗ · ⲛⲧⲁⲧⲉⲕϭⲟⲙ ϭⲉ ⲛⲟⲩⲟⲉⲓⲛ ϫⲟⲟⲥ ϫⲉⲛⲅⲛⲁⲣϩⲟⲧⲉ ⲁⲛ ϩⲏⲧϥ ⲛⲟⲩⲥⲟⲧⲉ ⲉϥϩⲏⲗ ϩⲙⲡⲉϩⲟⲟⲩ · ⲉⲃⲟⲗ ϫⲉⲛⲧⲁⲧϭⲟⲙ ⲉⲧⲙⲙⲁⲩ ⲉⲓ ⲉⲃⲟⲗ ϩⲙⲡⲙⲉϩⲙⲛⲧϣⲟⲙⲧⲉ ⲛⲁⲓⲱⲛ · ⲉⲛⲧⲟϥ ⲡⲉ ⲉⲧⲟ ⲛϫⲟⲉⲓⲥ ⲉϫⲛⲡⲙⲉϩⲙⲛⲧⲥⲛⲟⲟⲩⲥ ⲛⲁⲓⲱⲛ ⲁⲩⲱ ⲛⲧⲟϥ ⲡⲉ ⲉⲧⲟ ⲛⲟⲩⲟⲉⲓⲛ ⲉⲛⲁⲓⲱⲛ ⲧⲏⲣⲟⲩ ·
been afraid of the power which Self-willed hath sent last of all out of the height, and which hath come into the chaos as it were a flying arrow. Thy light-power therefore hath said: 'Thou wilt not be afraid of an arrow which flieth by day,' for that power hath come out of the thirteenth æon, it being that which is lord over the twelve æons, and which giveth light unto all the æons;
pistis.sophia_book_3_part6:15
ⲛⲓⲙ ⲟⲩⲛ ϭⲉ ⲡⲉ ⲡⲁⲙⲱⲛⲁⲥ ⲛⲧⲉⲧⲁⲇⲓⲕⲓⲁ · ⲉⲓⲙⲏⲧⲓ ⲡⲉⲇⲣⲁⲕⲱⲛ ⲙⲡⲕⲁⲕⲉ ⲉⲧϩⲓⲃⲟⲗ · ⲉⲧⲉⲡⲁⲓ ⲡⲉ ⲡϣⲁϫⲉ ϫⲉⲡⲉⲧⲛⲁⲛⲟⲉⲓ ⲙⲡⲙⲩⲥⲧⲏⲣⲓⲟⲛ ⲙⲡⲟⲩⲁ ⲛⲛⲣⲁⲛ ⲙⲡⲉⲇⲣⲁⲕⲱⲛ ⲙⲡⲕⲁⲕⲉ ⲉⲧϩⲓⲃⲟⲗ ⲁϥϣⲁⲛⲧϣⲱϫⲡ ϩⲙⲡⲕⲁⲕⲉ ⲉⲧϩⲓⲃⲟⲗ ·
Who then is the Mamōn of unrighteousness, if not the dragon of the outer darkness? This is the word: He who shall understand the mystery of one of the names of the dragon of the outer darkness, if he remaineth behind in the outer darkness
pistis.sophia_book_3_part7:15
ⲁⲩⲱ ⲉϣⲱⲡⲉ ⲧⲉⲧⲛⲟⲩⲉϣ ⲛⲟⲉⲓ ⲁⲛⲟⲕ ⲡⲉ ⲙⲙⲩⲥⲧⲏⲣⲓⲟⲛ ⲉⲧⲙⲙⲁⲩ
And, if ye could understand it, I am that mystery.
pistis.sophia_book_2_part4:15
ⲥⲉⲛⲁⲡⲱϥ ⲛϩⲏⲧϥ · ⲁⲩⲱ ⲡϫⲓ ⲛϭⲟⲛⲥ ⲉⲛⲧⲁϥϫⲟⲟϥ ⲉⲧⲣⲉϥϥⲓ ⲛⲁⲟⲩⲟⲉⲓⲛ ⲛϩⲏⲧ : ϥⲓ ⲛⲟⲩϥ ⲧⲏⲣⲟⲩ ·
--they are to take his own from him; and the injustice which he hath spoken, to take my lights from me,--take then all of his.'
pistis.sophia_book_3_part5:15
ⲁⲩⲱ ϩⲛⲧⲉⲩⲛⲟⲩ ⲉⲧⲙⲙⲁⲩ ⲥⲉⲛⲁⲃⲱⲕ ⲉⲡⲕⲁⲕⲉ ⲉⲧϩⲓⲃⲟⲗ ·
And | from that hour they will go into the outer darkness,
pistis.sophia_book_2_part5:16
ϥⲛⲁϣⲱⲡⲉ ϩⲙⲡⲧⲟⲡⲟⲥ ⲛⲛⲉⲯⲩⲭⲟⲟⲩⲉ ⲛⲉⲣϫⲓ ⲙⲡⲙⲉϩϣⲙⲟⲩⲛ ⲙⲙⲩⲥⲧⲏⲣⲓⲟⲛ ⲛⲧⲉⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ ϩⲣⲁⲓ ϩⲛⲛⲉⲕⲗⲏⲣⲟⲛⲟⲙⲓⲁ ⲙⲡⲟⲩⲟⲉⲓⲛ ·
will be in the region of the souls of those who have received the I eighth mystery of the First Mystery in the inheritances of the Light.
pistis.sophia_book_3_part4:16
ⲧⲉⲛⲟⲩ ϭⲉ ⲟⲩⲛⲡⲁϫⲟⲉⲓⲥ ⲉⲧⲃⲉⲡϣⲁϫⲉ ⲉⲧⲕϫⲱ ⲙⲙⲟϥ ϫⲉϣⲁⲣⲉⲙⲙⲩⲥⲧⲏⲣⲓⲟⲛ ⲧⲏⲣⲟⲩ ⲙⲡϣⲟⲙⲛⲧ ⲛⲭⲱⲣⲏⲙⲁ ϣⲁⲩⲕⲁⲛⲟⲃⲉ ⲉⲃⲟⲗ · ⲁⲩⲱ ⲛⲥⲉϩⲱⲃⲥ ⲉⲃⲟⲗ' ⲉϫⲛⲛⲉⲩⲁⲛⲟⲙⲓⲁ ·
Now, therefore, my Lord, concerning the word which thou sayest: | 'All the mysteries of the three spaces forgive sins and cover their [sc. the souls'] iniquities,'
pistis.sophia_book_4_part2:16
ⲛⲁⲓ ⲇⲉ ⲛⲉ ⲙⲙⲩⲥⲧⲏⲣⲓⲟⲛ ⲙⲡⲟⲩⲟⲉⲓⲛ ⲉϣⲁⲩⲕⲁⲛⲟⲃⲉ ⲉⲃⲟⲗ ⲉⲧⲉⲛⲧⲟⲟⲩ ⲛⲉ ⲛⲟⲛⲟⲙⲁⲥⲓⲁ ⲙⲛⲛⲣⲁⲛ ⲙⲡⲟⲩⲟⲉⲓⲛ ·
“And these are the mysteries of the Light which forgive sins; that is to say, these are the namings and the names of the Light.”
pistis.sophia_book_4_part1:16
ⲁⲩⲱ ⲓⲏⲥⲟⲩⲥ ⲙⲛⲛⲉϥⲙⲁⲑⲏⲧⲏⲥ ⲁⲩϭⲱ ⲛⲧⲙⲏⲧⲉ ⲛⲟⲩⲧⲟⲡⲟⲥ ⲛⲁⲉⲣⲓⲛⲟⲛ ϩⲛⲛⲉϩⲓⲟⲟⲩⲉ ⲛⲧⲉϩⲓⲏ ⲛⲧⲙⲏⲧⲉ ⲧⲁⲓ ⲉⲧϩⲁⲡⲉⲥⲏⲧ ⲛⲧⲉⲥⲫⲉⲣⲁ · ⲁⲩⲱ ⲁⲩⲉⲓ ⲉⲧⲉϩⲟⲩⲉⲓⲧⲉ ⲛⲧⲁⲝⲓⲥ ÷ ⲉⲧϩⲛⲧⲙⲏⲧⲉ ·
And Jesus and his disciples remained in the midst in an aëry region on the ways of the way of the midst, which lieth below the sphere. And they came to the first order of the way of the midst.
pistis.sophia_book_2_part9:16
ⲧⲉⲧⲛⲁϫⲓⲉⲟⲟⲩ ⲛⲛⲁϩⲣⲁⲩ ⲧⲏⲣⲟⲩ ϫⲉⲛⲧⲱⲧⲛ ⲡⲉ ⲡⲥⲟⲣⲙ ⲛⲧⲉⲩϩⲩⲗⲏ · ⲁⲩⲱ ⲉⲧⲉⲧⲛⲣⲟⲩⲟⲩⲟⲉⲓⲛ ⲉϥⲥⲟⲧϥ ⲛϩⲟⲩⲟ ⲉⲣⲟⲟⲩ ⲧⲏⲣⲟⲩ · ⲁⲩⲱ ⲛⲧⲟⲡⲟⲥ ⲧⲏⲣⲟⲩ ⲛⲁϩⲩⲙⲛⲉⲩⲉ ϩⲁⲧⲉⲧⲉⲧⲛϩⲏ ϩⲉⲱⲥ ϣⲁⲛⲧⲉⲧⲛⲃⲱⲕ ⲉⲡⲧⲟⲡⲟⲥ ⲛⲧⲙⲛⲧⲣⲣⲟ .
then will ye be revered among them all, because ye are the refuse of their matter and are became light more purified than them all. And all the regions will sing praises before you, until ye come to the region of the kingdom.
pistis.sophia_book_2_part8:16
ⲉϥϣⲁⲛⲉⲓ ⲉⲃⲟⲗ ϩⲙⲡⲕⲟⲥⲙⲟⲥ ϥⲛⲁϫⲱⲧⲉ ⲛⲛⲧⲟⲡⲟⲥ ⲧⲏⲣⲟⲩ ⲛⲧⲉⲛⲁⲣⲭⲱⲛ ⲙⲛⲛⲧⲟⲡⲟⲥ ⲧⲏⲣⲟⲩ ⲛⲧⲉⲡⲟⲩⲟⲉⲓⲛ ⲉϥⲟ ⲛⲟⲩⲛⲟϭ ⲛⲁⲡⲟⲣⲣⲟⲓⲁ ⲛⲧⲉⲡⲟⲩⲟⲉⲓⲛ ·
if he goeth forth out of the world, will pass through all the regions of the rulers and all the regions of the Light, being a great light-stream,
pistis.sophia_book_2_part3:16
ⲛⲧⲟϥ ⲡⲉ ⲡϣⲁϫⲉ ⲉⲛⲧⲁⲥϫⲟⲟϥ ⲛϭⲓⲧⲡⲓⲥⲧⲓⲥ ⲥⲟⲫⲓⲁ · ϫⲉⲁⲕⲛⲧⲁⲛⲟⲕ ⲧⲉⲕϭⲟⲙ ⲉϩⲣⲁⲓ ⲉϫⲙⲡⲉⲭⲁⲟⲥ · ⲁⲩⲱ ⲉϫⲙⲡⲧⲁⲕⲟ · ϫⲉⲕⲁⲥ ⲉⲩⲉⲃⲱⲗ ⲉⲃⲟⲗ ⲛϭⲓⲛϩⲩⲗⲏ ⲧⲏⲣⲟⲩ ⲉⲧϣⲟⲟⲡ ϩⲙⲡⲧⲟⲡⲟⲥ ⲉⲧⲙⲙⲁⲩ · ⲁⲩⲱ ⲛⲥⲉⲣⲃⲣⲣⲉ ⲛϭⲓⲛⲁϭⲟⲙ ⲧⲏⲣⲟⲩ ϩⲙⲡⲟⲩⲟⲉⲓⲛ ⲁⲩⲱ ⲡϣⲁϫⲉ ⲉⲛⲧⲁⲧⲉⲕϭⲟⲙ ϫⲟⲟϥ ϫⲉⲁⲩⲱ ⲡⲉⲕⲟⲩⲟⲉⲓⲛ ⲣⲥⲛⲧⲉ ⲛⲁⲩ ⲧⲏⲣⲟⲩ ·
“--it is the word which Pistis Sophia hath spoken: 'Thou hast led me, thy power, up above the chaos and above decay, that all the matters in that region may be loosed and all my powers renewed in the Light.' And the word which thy power hath spoken: 'And thy light hath [become] foundation for them all,”
pistis.sophia_book_2_part6:16
ⲁⲩⲱ ⲉⲧⲃⲉⲟⲩ ⲁⲥϣⲱⲡⲉ ⲛϭⲓⲧⲁⲛⲁⲡⲁⲩⲥⲓⲥ ⲛⲧⲙⲛⲧⲣⲣⲟ ⲙⲡⲟⲩⲟⲉⲓⲛ · ⲁⲩⲱ ⲡⲙⲩⲥⲧⲏⲣⲓⲟⲛ ⲉⲧⲙⲙⲁⲩ ⲛⲧⲟϥ ⲡⲉⲧⲥⲟⲟⲩⲛ ϫⲉⲉⲧⲃⲉⲟⲩ ⲁⲛⲣⲉϥⲣⲛⲟⲃⲉ ϣⲱⲡⲉ ⲁⲩⲱ ⲉⲧⲃⲉⲟⲩ ⲁⲩϣⲱⲡⲉ ⲛϭⲓⲛⲉⲕⲗⲏⲣⲟⲛⲟⲙⲓⲁ ⲙⲡⲟⲩⲟⲉⲓⲛ · ⲁⲩⲱ ⲡⲙⲩⲥⲧⲏⲣⲓⲟⲛ ⲉⲧⲙⲙⲁⲩ ⲛⲧⲟϥ ⲡⲉⲧⲥⲟⲟⲩⲛ ϫⲉⲉⲧⲃⲉⲟⲩ ⲁⲩϣⲱⲡⲉ ⲛϭⲓⲛⲁⲥⲉⲃⲏⲥ ⲁⲩⲱ ⲉⲧⲃⲉⲟⲩ ⲁⲩϣⲱⲡⲉ ⲛϭⲓⲛⲁⲅⲁⲑⲟⲥ ⲁⲩⲱ ⲡⲙⲩⲥⲧⲏⲣⲓⲟⲛ ⲉⲧⲙⲙⲁⲩ ⲛⲧⲟϥ ⲡⲉⲧⲥⲟⲟⲩⲛ ϫⲉⲉⲧⲃⲉⲟⲩ ⲁⲛⲉⲕⲣⲓⲥⲓⲥ ⲛⲕⲟⲗⲁⲥⲓⲥ ϣⲱⲡⲉ ·
“and why the rest of the kingdom of the light hath arisen. “And that mystery knoweth | why the sinners have arisen and why the inheritances of the light have arisen. And that mystery knoweth why the impious have arisen and why the good have arisen. And that mystery knoweth why the chastisements and judgments have arisen”
pistis.sophia_book_2_part7:16
ⲁⲩⲱ ⲡⲙⲩⲥⲧⲏⲣⲓⲟⲛ ⲉⲧⲙⲙⲁⲩ ⲛⲧⲟϥ ⲡⲉⲧⲥⲟⲟⲩⲛ ϫⲉⲉⲧⲃⲉⲟⲩ ⲁⲩⲥⲕⲩⲗⲗⲉⲓ ⲙⲙⲟⲟⲩ ⲛϭⲓⲛⲓⲁⲫⲑⲁⲣⲧⲟⲥ ⲧⲏⲣⲟⲩ ⲉⲩⲟ ⲙⲙⲛⲧⲥⲛⲟⲟⲩⲥ ⲛⲧⲟⲡⲟⲥ ·
“And that mystery knoweth wherefor all the Imperishables, being their twelve orders, have rent themselves asunder”
pistis.sophia_book_1_part4:16
ⲁⲓⲧⲱⲗⲥ ⲏ ⲁⲓⲱⲙⲥ ⲉⲧⲗⲟⲓϩⲉ ⲙⲡⲛⲟⲩⲛ ⲁⲩⲱ ⲛⲉ ⲙⲛϣϭⲟⲙ ⲡⲉ ·
“2. I sank, or am submerged, in the slime of the abyss, and power was not.”
pistis.sophia_book_3_part1:16
ⲁϫⲓⲥ ⲉⲣⲟⲟⲩ ϫⲉⲁⲡⲟⲧⲁⲥⲥⲉ ⲛⲛⲓⲙⲛⲧⲡⲟⲛⲏⲣⲟⲥ ⲛⲧⲉⲧⲛⲙⲡϣⲁ ⲛⲙⲙⲩⲥⲧⲏⲣⲓⲟⲛ ⲙⲡⲟⲩⲟⲉⲓⲛ ⲛⲧⲉⲧⲛⲛⲟⲩϩⲙ ⲉⲛⲉⲑⲁⲗⲁⲥⲥⲁ ⲛⲕⲱϩⲧ ⲛⲁⲣⲓⲏⲗ ·
“Say unto them: Renounce wickedness, that ye may be worthy of the mysteries of the Light and be saved from the fire-seas of Ariēl.”
pistis.sophia_book_3_part3:16
ⲁⲩⲱ ⲉⲣϣⲁⲛⲧⲉⲯⲩⲭⲏ ⲉⲥϣⲁⲛϫⲱ ⲙⲡⲙⲩⲥⲧⲏⲣⲓⲟⲛ ⲙⲡⲃⲱⲗ ⲉⲃⲟⲗ ⲛⲛⲉⲥⲫⲣⲁⲅⲓⲥ · ⲁⲩⲱ ⲛⲧⲉⲩⲛⲟⲩ ϣⲁϥⲃⲱⲗ ⲉⲃⲟⲗ ⲛϭⲓⲡⲁⲛⲧⲓⲙⲓⲙⲟⲛ ⲙⲡⲛⲉⲩⲙⲁ · ⲁⲩⲱ ϣⲁϥⲗⲟⲉϥⲧⲟ ⲉⲧⲉⲯⲩⲭⲏ ·
And when the soul uttereth the mystery of the undoing of the seals, straightway the counterfeiting spirit undoeth itself and ceaseth to be assigned to the soul.
pistis.sophia_book_1_part7:16
ⲛⲉⲓⲟ ⲅⲁⲣ ⲁⲛ ⲡⲉ ⲛⲁⲩⲑⲁⲇⲏⲥ ⲛⲧϩⲉ ⲛϯϭⲟⲙ ⲛϩⲟ ⲙⲙⲟⲩⲓ ⲧⲁⲓ ⲉⲛⲧⲁⲥϥⲓⲧϭⲟⲙ ⲛⲟⲩⲟⲉⲓⲛ ϩⲛⲧⲥⲟⲫⲓⲁ · ⲁⲩⲱ ⲟⲛ ⲧⲁⲓ ⲉⲧϩⲱϫ ⲙⲙⲟⲥ ⲉϥⲓ ⲡⲟⲩⲟⲉⲓⲛ ⲧⲏⲣϥ ⲉⲧⲛϩⲏⲧⲥ · ⲁⲥⲛⲁⲩ ϭⲉ ⲉⲣⲟⲓ ⲉⲓⲟ ⲛⲟⲩⲟⲉⲓⲛ ⲛϭⲓⲧⲥⲟⲫⲓⲁ ⲛϩⲟⲩⲟ ⲉϯ ⲇⲩⲛⲁⲙⲓⲥ ⲛϩⲟ ⲙⲙⲟⲩⲓ ⲛⲟⲩ ⲏⲡⲉ ⲛⲧⲃⲁ ⲛⲕⲱⲃ ⲛⲥⲟⲡ · ⲁⲩⲱ ⲉⲓϣⲟⲟⲡ ϩⲛⲟⲩⲙⲛⲧⲛⲁⲏⲧ ⲉϩⲟⲩⲛ ⲉⲣⲟⲥ · ⲁⲩⲱ ⲁⲥⲉⲓⲙⲉ ϫⲉⲁⲛⲅⲟⲩ ⲉⲃⲟⲗ ϩⲙⲡϫⲓⲥⲉ ⲛⲛϫⲓⲥⲉ · ⲡⲁⲓ ⲉⲛⲧⲁⲥⲡⲓⲥⲧⲉⲩⲉ ⲉⲡⲉϥⲟⲩⲟⲉⲓⲛ ϫⲓⲛⲛϣⲟⲣⲡ · ⲁⲥⲧⲱⲕ ϭⲉ ⲛϩⲏⲧ ⲛϭⲓⲧⲡⲓⲥⲧⲓⲥ ⲥⲟⲫⲓⲁ · ⲁⲩⲱ ⲁⲥϫⲱ ⲛⲧⲙⲉϩⲙⲏⲧⲉ ⲙⲙⲉⲧⲁⲛⲟⲓⲁ ⲉⲥϫⲱ ⲙⲙⲟⲥ ϫⲉⲁⲓⲱϣ ⲉϩⲣⲁⲓ ⲉⲣⲟⲕ ⲡⲟⲩⲟⲉⲓⲛ ⲛⲧⲉⲛⲓⲟⲩⲟⲉⲓⲛ ϩⲙⲡⲧⲣⲓ ϩⲱϣ ⲁⲕⲥⲱⲧⲙ ⲉⲣⲟⲓ ⲡⲟⲩⲟⲉⲓⲛ ⲛⲟⲩϩⲙ ⲛⲧⲁϭⲟⲙ ⲉⲃⲟⲗ ϩⲛϩⲉⲛⲥⲡⲟⲧⲟⲩ ⲛϫⲓ ⲛϭⲟⲛⲥ · ⲁⲩⲱ ⲛⲁⲛⲁⲙⲟⲥ · ⲁⲩⲱ ⲉⲃⲟⲗ ϩⲛϩⲉⲛϭⲟⲣϭⲥ ⲛⲕⲣⲟϥ · ⲡⲟⲩⲟⲉⲓⲛ ⲉⲧⲟⲩⲛⲁϥⲓⲧϥ ⲛϩⲏⲧ . ϩⲛⲟⲩϭⲟⲣϭⲥ ⲛⲕⲣⲟϥ ·
“For I was not self-willed as the lion-faced power, which had taken away the light-power from Sophia, and had also oppressed her in order to take away from her the whole light in her. Sophia then saw me, that I shone ten-thousand times more than the lion-faced power, | and that I was full of compassion for her. And she knew that I came out of the Height of heights, in whose light she had had faith from the beginning. Pistis Sophia then took courage and uttered the tenth repentance, saying: “1. I have cried unto thee, O Light of lights, in my oppression and thou hast hearkened unto me. 2. O Light, save my power from unjust and lawless lips and from crafty traps. 3. The light which was being taken from me in crafty snaring,”
pistis.sophia_book_1_part2:16
ⲉⲓⲥϩⲏⲏⲧⲉ ϭⲉ ⲁⲛⲧⲛⲛⲟⲟⲩ ⲛⲁⲕ ⲙⲡⲉⲓⲉⲛⲇⲩⲙⲁ ⲉⲧⲙⲙⲁⲩ ⲉⲙⲡⲉⲗⲁⲁⲩ ⲉⲓⲙⲉ ϫⲓⲛⲙⲡϣⲟⲣⲡ ⲛⲧⲱϣ ⲉⲡⲉⲥⲏⲧ · ⲉⲃⲟⲗ ϫⲉⲛⲉⲣⲉⲡⲉⲟⲟⲩ ⲙⲡⲉϥⲟⲩⲟⲉⲓⲛ ϩⲏⲡ ⲛϩⲏⲧϥ · ⲁⲩⲱ ⲛⲉⲥⲫⲁⲓⲣⲁ ⲙⲛⲛⲧⲟⲡⲟⲥ ⲧⲏⲣⲟⲩ ϫⲓⲛⲙⲡϣⲣⲡ ⲛⲧⲱϣ ⲉⲡⲉⲥⲏⲧ ·
“Lo, therefore, we have sent thee this vesture, which no one knew from the First Commandment downwards, for the glory of its light was hidden in it, and the spheres and all regions up from the First Commandment downwards [have not known it].”
pistis.sophia_book_2_part4:16
ⲛⲁⲓ ⲛⲉ ⲛϣⲁϫⲉ ⲉⲛⲧⲁⲥϫⲟⲟⲩ ⲛϭⲓⲧⲡⲓⲥⲧⲓⲥ ⲥⲟⲫⲓⲁ · ϩⲣⲁⲓ ϩⲙⲡⲉⲥϩⲩⲙⲛⲟⲥ · ⲧⲉⲛⲟⲩ ϭⲉ ⲡⲉⲧⲛⲏⲫⲉ ϩⲙⲡⲉϥⲡⲛⲉⲩⲙⲁ ·
“These are the words which Pistis Sophia hath uttered in her song. Now, therefore, who is sober in spirit,”
pistis.sophia_book_1_part3:16
ⲧⲉϣⲓⲛⲉ ⲕⲁⲗⲱⲥ ϩⲛⲧϭⲓⲛϣⲓⲛⲉ ⲉⲧⲛⲁⲛⲟⲩⲥ · ⲁⲩⲱ ⲧⲉϯⲟⲩⲟⲉⲓⲛ ⲥⲁϩⲱⲃ ⲛⲓⲙ ϩⲛⲟⲩⲱⲣϫ · ⲁⲩⲱ ϩⲛⲟⲩⲙⲛⲧⲁⲕⲣⲓⲃⲏⲥ ·
thou questionest finely with thy excellent question, and thou throwest light on all things with surety and precision.
pistis.sophia_book_3_part2:16
ⲁⲩⲱ ⲉϣⲱⲡⲉ ⲉⲛⲥⲉⲙⲡϣⲁ ⲁⲛ ⲙⲁⲣⲉⲥⲕⲟⲧⲥ ⲉⲣⲱⲧⲛ ⲛϭⲓⲧⲉⲧⲛⲉⲓⲣⲏⲛⲏ · ⲉⲧⲉⲡⲁⲓ ⲡⲉ ⲉϣⲱⲡⲉ ⲛⲣⲱⲙⲉ ⲉⲧⲙⲙⲁⲩ ⲥⲉⲉⲓⲣⲉ ⲙⲡⲉⲙⲡϣⲁ ⲛⲙⲙⲩⲥⲧⲏⲣⲓⲟⲛ · ⲁⲩⲱ ⲉⲩⲟⲩⲉϣ ⲡⲛⲟⲩⲧⲉ ⲛⲧⲙⲉ ⲉⲓⲉϯ ⲛⲁⲩ ⲛⲙⲙⲩⲥⲧⲏⲣⲓⲟⲛ ⲛⲧⲙⲛⲧⲣⲣⲟ ⲙⲡⲟⲩⲟⲉⲓⲛ ·
and if they are not worthy, let your peace return unto you,'--that is: If those men do what is worthy of the mysteries and in truth long after God, give them the mysteries of the Light-kingdom;
pistis.sophia_book_1_part1:16
ⲉⲃⲟⲗ ϫⲉⲛⲉⲣⲉⲓⲏⲥⲟⲩⲥ ϫⲱ ⲙⲙⲟⲥ ⲛⲁⲩ ⲡⲉ ⲉⲧⲃⲉⲧⲙⲩⲥⲧⲏⲣⲓⲟⲛ ⲉⲧⲙⲙⲁⲩ ϫⲉⲛⲧⲟϥ ⲡⲉⲧⲕⲱⲧⲉ ⲉⲡϣⲟⲣⲡ ⲛⲧⲱϣ ⲙⲛⲛϯⲟⲩ ⲛⲭⲁⲣⲁⲅⲙⲏ ⲁⲩⲱ ⲙⲛⲡⲛⲟϭ ⲛⲟⲩⲟⲉⲓⲛ
because Jesus had said to them concerning that mystery, that it surroundeth the First Commandment and the five Impressions and the great Light |
pistis.sophia_book_2_part2:16
ⲉⲧⲃⲉⲡⲁⲓ ϭⲉ ⲁϥϫⲟⲟⲥ ϫⲉⲡⲉϩⲟⲟⲩ · ⲁⲩⲱ ⲡϣⲁϫⲉ ⲟⲛ ⲉⲛⲧⲁⲧⲉⲕϭⲟⲙ ϫⲟⲟϥ ϫⲉⲛϥⲛⲁⲣϩⲟⲧⲉ ⲁⲛ ϩⲏⲧϥ ⲛⲟⲩϩⲱⲃ ⲉϥⲙⲟⲟϣⲉ ϩⲙⲡⲕⲁⲕⲉ · ⲉⲧⲉⲡⲁⲓ ⲡⲉ ϫⲉⲛⲡⲉⲧⲥⲟⲫⲓⲁ ⲣϩⲟⲧⲉ ϩⲏⲧⲥ ⲛϯⲡⲣⲟⲃⲟⲗⲏ ⲛϩⲉⲛϩⲟϥ . ⲧⲁⲓ ⲉⲛⲉⲥϯϩⲟⲧⲉ ⲛⲧⲡⲓⲥⲧⲓⲥ ⲥⲟⲫⲓⲁ ϩⲙⲡⲉⲭⲁⲟⲥ ⲉⲧⲉⲛⲧⲟϥ ⲡⲉ ⲡⲕⲁⲕⲉ · ⲁⲩⲱ ⲡϣⲁϫⲉ ⲉⲛⲧⲁⲧⲉⲕϭⲟⲙ ϫⲟⲟϥ ϫⲉⲛϥⲛⲁⲣϩⲟⲧⲉ ⲁⲛ ϩⲏⲧϥ ⲛⲟⲩϩⲧⲟⲡ ⲙⲛⲟⲩⲇⲁⲓⲙⲟⲛⲓⲟⲛ ⲙⲡⲛⲁⲩ ⲙⲙⲉⲉⲣⲉ ⲉⲧⲉⲡⲁⲓ ⲡⲉ ϫⲉⲙⲡⲉⲧⲡⲓⲥⲧⲓⲥ ⲥⲟⲫⲓⲁ ⲣϩⲟⲧⲉ ϩⲏⲧⲥ ⲛϯⲡⲣⲟⲃⲟⲗⲏ ⲛⲇⲁⲓⲙⲟⲛⲓⲟⲛ ⲛⲧⲉⲡⲁⲇⲁⲙⲁⲥ ⲡⲡⲧⲩⲣⲁⲛⲛⲟⲥ · ⲧⲁⲓ ⲉⲛⲧⲁⲥⲧⲁⲩⲉⲧⲡⲓⲥⲧⲓⲥ ⲥⲟⲫⲓⲁ ⲉⲡⲉⲥⲏⲧ · ϩⲛⲟⲩⲛⲟϭ ⲛϩⲧⲟⲡ · ⲧⲁⲓ ⲉⲛⲧⲁⲥⲉⲓ ⲉⲃⲟⲗ ϩⲙⲡⲁⲇⲁⲙⲁⲥ ⲉⲃⲟⲗ ϩⲙⲡⲙⲉϩⲙⲛⲧⲥⲛⲟⲟⲩⲥ ⲛⲛⲁⲓⲱⲛ · ⲉⲧⲃⲉⲡⲁⲓ ϭⲉ ⲁⲥϫⲟⲟϥ ⲛϭⲓⲧⲉⲕϭⲟⲙ · ϫⲉϥⲛⲁⲣϩⲟⲧⲉ ⲁⲛ ϩⲏⲧϥ ⲛⲟⲩϩⲧⲟⲡ ⲛⲇⲁⲓⲙⲟⲛⲓⲟⲛ ⲙⲡⲛⲁⲩ ⲙⲙⲉⲉⲣⲉ ·
“wherefor hath he [David] said 'day.' And again the word which thy power hath spoken: 'He will not be afraid of a thing which slinketh in the darkness,'--that is: Sophia hath not been afraid of the lion-faced emanation, which caused fear for Pistis Sophia in the chaos, which is the 'darkness.' And the word which thy power hath spoken: 'He will not be afraid of a mischance and of a demon at mid-day,'--that is: Pistis Sophia hath not been afraid of the demon emanation of Tyrant Adamas, which hath cast Pistis Sophia to the ground in a great mischance, and which hath come forth out of Adamas out of the twelfth æon; wherefor then hath thy power said: 'He will not be afraid of | the demon mischance at mid-day,”
pistis.sophia_book_3_part5:16
ⲡⲙⲁ ⲉⲧϥⲙⲙⲁⲩ ⲛϭⲓⲡⲣⲓⲙⲉ ⲙⲛⲡϫⲁϩϫϩ ⲛⲛⲟⲃϩⲉ · ⲉⲧⲃⲉⲡⲁⲓ ϭⲉ ⲟⲩⲛⲕⲏⲣⲩⲥⲥⲉ ⲙⲡⲕⲟⲥⲙⲟⲥ ⲧⲏⲣϥ ·
“there where is howling and grinding of teeth. For this cause then, herald unto the whole world”
pistis.sophia_book_1_part8:16
ⲁⲛⲟⲕ ⲇⲉ ⲛϯⲛⲁⲕⲓⲙ ⲁⲛ · ⲁⲩⲱ ⲉⲩϣⲁⲛⲧⲁⲕⲟ ⲛϭⲓⲛⲁϩⲩⲗⲏ ⲧⲏⲣⲟⲩ ⲛⲥⲉϭⲱ ϩⲙⲡⲉⲭⲁⲟⲥ · ⲛⲁⲓ ⲉⲧⲟⲩⲛⲁⲩ ⲉⲣⲟⲟⲩ ⲛϭⲓⲛⲉⲡⲣⲟⲃⲟⲗⲟⲟⲩⲉ ⲙⲡⲁⲩⲑⲁⲇⲏⲥ ⲁⲛⲟⲕ ⲇⲉ ⲛϯⲛⲁⲧⲁⲕⲟ ⲁⲛ · ϫⲉ ⲡⲟⲩⲟⲉⲓⲛ ϣⲟⲟⲡ ⲛⲙⲙⲁⲓ · ⲁⲩⲱ ⲁⲛⲟⲕ ϩⲱ ϯϣⲟⲟⲡ ⲙⲛⲡⲟⲩⲟⲉⲓⲛ ·
“yet shall I not be shaken. 3. And though all my matters perish and remain in the chaos,--those which the emanations of Self-willed see,--yet shall I not perish. 4. For the Light is with me, and I myself am with the Light.”
pistis.sophia_book_1_part6:16
ⲁⲛⲓⲧ ⲉⲃⲟⲗ ϩⲛⲛⲁⲁⲛⲁⲅⲕⲏ ⲁⲛⲁⲩ ⲉⲡⲁⲑⲃⲃⲓⲟ ⲙⲛⲡⲁϩⲓⲥⲉ ·
“bring me out of my necessities. 18. Look upon my abasement and my woe,”
pistis.sophia_book_3_part7:16
ⲧⲉⲛⲟⲩ ϭⲉ ⲟⲩⲛϣⲁⲣⲉⲛⲗⲉⲓⲧⲟⲩⲣⲅⲟⲥ ϣⲁⲩϫⲱⲕ ⲉⲃⲟⲗ ⲙⲡⲣⲱⲙⲉ ⲧⲏⲣϥ ⲁⲩⲱ ⲛⲉⲓⲥⲫⲣⲁⲅⲓⲥ ⲧⲏⲣⲟⲩ ⲛⲧⲁⲩⲥⲫⲣⲁⲅⲓⲍⲉ ⲙⲡⲥⲱⲙⲁ ⲛϩⲏⲧⲟⲩ ϣⲁⲣⲉⲛⲗⲉⲓⲧⲟⲩⲣⲅⲟⲥ ϣⲁⲩⲙⲫⲓⲇⲓⲟⲛ ⲧⲏⲣϥ ⲛⲥⲉϫⲓⲧⲟⲩ ⲛⲛⲁⲣⲭⲱⲛ ⲧⲏⲣⲟⲩ ⲛⲉⲣⲓⲛⲁⲓⲟⲥ ⲛⲁⲓ ⲉⲧϩⲓϫⲛⲛⲕⲟⲗⲁⲥⲓⲥ ⲧⲏⲣⲟⲩ ⲛⲧⲉⲛⲉⲕⲣⲓⲥⲓⲥ ⲁⲩⲱ ⲛⲁⲓ ⲉϣⲁⲩⲧⲁⲁⲩ ⲛⲛⲉⲩⲡⲁⲣⲁⲗⲏⲙⲡⲧⲏⲥ ⲛⲥⲉⲉⲓⲛⲉ ⲛⲛⲉⲩⲯⲩⲭⲟⲟⲩⲉ ⲉⲃⲟⲗ ϩⲛⲥⲱⲙⲁ
“Now, therefore, the servitors complete the whole man. And of all these seals with which they have sealed the body, | the servitors carry the whole peculiarity and bring it to all the retributive rulers who [are] over all the chastisements of the judgments; and these hand it over to their receivers, in order that they may lead their souls out of the bodies,”
pistis.sophia_book_1_part5:16
ⲛⲧⲟⲕ ⲇⲉ ⲡϫⲟⲉⲓⲥ ⲕϣⲟⲟⲡ ϣⲁⲉⲛⲉϩ · ⲁⲩⲱ ⲡⲉⲕⲣⲡⲙⲉⲉⲩⲉ ϣⲁⲟⲩϫⲱⲙ · ⲛⲧⲉⲟⲩϫⲱⲙ ·
“12. But thou, O Lord, thou endurest for ever, and thy remembrance unto the generation of generation[s].”
pistis.sophia_book_2_part1:16
ⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ ⲉⲧϭⲱϣⲧ ⲉϩⲟⲩⲛ ⲁⲓϯ ⲛⲁⲩ ⲛⲧⲁⲡⲟϩⲣⲟⲓⲁ ⲛⲟⲩⲟⲉⲓⲛ ⲁⲓⲧⲣⲉⲩⲃⲱⲕ ⲉⲡⲉⲥⲏⲧ ⲉⲡⲉⲭⲁⲟⲥ ⲉⲧⲣⲉⲩⲃⲟⲏⲑⲉⲓ ⲉⲧⲡⲓⲥⲧⲓⲥ ⲥⲟⲫⲓⲁ · ⲁⲩⲱ ⲛⲥⲉϥⲓ ⲛⲛϭⲟⲙ ⲛⲟⲩⲟⲉⲓⲛ ⲛⲁⲓ ⲛⲧⲁⲩϥⲓⲧⲟⲩ ⲛⲧⲟⲟⲧⲥ ⲛϭⲓⲛⲉⲡⲣⲟⲃⲟⲗⲟⲟⲩⲉ ⲙⲡⲁⲩⲑⲁⲇⲏⲥ ⲛⲥⲉϥⲓⲧⲟⲩ ⲛⲧⲟⲟⲧⲟⲩ · ⲁⲩⲱ ⲛⲥⲉⲧⲁⲁⲩ ⲛⲧⲡⲓⲥⲧⲓⲥ ⲥⲟⲫⲓⲁ · ⲁⲩⲱ ⲛⲧⲉⲩⲛⲟⲩ ⲛⲧⲁⲩϫⲓⲧⲁⲡⲟϩⲣⲟⲓⲁ ⲛⲟⲩⲟⲉⲓⲛ ⲉⲡⲉⲥⲏⲧ ⲉⲡⲉⲭⲁⲟⲥ .
“the First Mystery which looketh within, and I gave unto them the light-stream and let them go down into the chaos | to help Pistis Sophia and to take the light-powers, which the emanations of Self-willed had taken from her, from them and give them to Pistis Sophia. And straightway, when they had brought down the light-stream into the chaos,”
pistis.sophia_book_3_part6:16
ⲏ ⲉϥϣⲁⲛϫⲱⲕ ⲉⲃⲟⲗ ϩⲛⲛⲕⲩⲕⲗⲟⲥ ⲛⲙⲙⲉⲧⲁⲃⲟⲗⲏ ⲁⲩⲱ ⲛϥϫⲱ ⲙⲡⲣⲁⲛ ⲙⲡⲉⲇⲣⲁⲕⲱⲛ · ϥⲛⲁⲛⲟⲩϩⲙ ⲛϥⲉⲓ ⲉϩⲣⲁⲓ ϩⲙⲡⲕⲁⲕⲉ · ⲁⲩⲱ ⲛⲥⲉϫⲓⲧϥ ⲉⲡⲟⲩⲟⲉⲓⲛ ⲙⲡⲉⲑⲏⲥⲁⲩⲣⲟⲥ · ⲡⲁⲓ ⲡⲉ ⲡϣⲁϫⲉ ⲡⲁϫⲟⲉⲓⲥ ·
“or if he hath completed the circuits of the changes, and speaketh the name of the dragon, he will be saved and go up out of the darkness and be received into the Treasury of the Light. This is the word, my Lord.”
pistis.sophia_book_2_part7:17
ⲁⲩⲱ ⲉⲧⲃⲉⲟⲩ ⲁⲩⲕⲁⲁⲩ ⲉⲩⲥⲱⲧⲏⲣ ⲉⲃⲟⲗ ⲛⲥⲁ ⲛⲉⲩⲉⲣⲏⲩ ϩⲣⲁⲓ ϩⲛⲟⲩⲧⲁⲝⲓⲥ ⲛⲟⲩⲱⲧ ·
and wherefor they have settled themselves, being expanded in a single order,
pistis.sophia_book_1_part5:17
ⲧⲱⲟⲩⲛ ⲛⲧⲟⲕ ⲛⲅϣⲛ ϩⲁⲥⲓⲱⲛ · ϫⲉⲁⲡⲉ ⲟⲩⲟⲉⲓϣ ϣⲱⲡⲉ ⲛϣⲛϩⲧⲏⲕ ϩⲁⲣⲟⲥ ϫⲉⲁⲡⲕⲁⲓⲣⲟⲥ ⲉⲓ · ⲁⲛⲉⲕϩⲙϩⲁⲗ · ⲟⲩⲉϣⲛⲉⲥⲱⲛⲉ · ⲁⲩⲱ ⲥⲉⲛⲁϣⲛϩⲧⲏⲩ ϩⲁⲡⲉⲥⲕⲁϩ · ⲛⲧⲉⲛϩⲉⲑⲛⲟⲥ ⲣϩⲟⲧⲉ ϩⲏⲧϥ ⲙⲡⲣⲁⲛ ⲙⲡϫⲟⲉⲓⲥ · ⲁⲩⲱ ⲛⲣⲣⲱⲟⲩ ⲙⲡⲕⲁϩ ⲥⲉⲛⲁⲣϩⲟⲧⲉ ϩⲏⲧϥ ⲙⲡⲉⲕⲉⲟⲟⲩ . ϫⲉⲡϫⲟⲉⲓⲥ ⲛⲁⲕⲉⲧⲥⲓⲱⲛ ⲛϥⲟⲩⲱⲛϩ ⲉⲃⲟⲗ ϩⲙⲡⲉϥⲉⲟⲟⲩ · ⲁϥϭⲱϣⲧ ⲉϫⲙ ⲡⲉϣⲗⲏⲗ ⲛⲛⲉⲧⲑⲃⲃⲓⲏⲩ · ⲁⲩⲱ ⲙⲡϥⲥⲉϣϥ ⲡⲉⲩⲥⲟⲡⲥ ⲙⲁⲣⲟⲩⲥⲉϩⲡⲁⲓ ⲉⲕⲉϫⲱⲙ · ⲁⲩⲱ ⲡⲗⲁⲟⲥ ⲉⲧⲟⲩⲛⲁⲥⲟⲛⲧϥ ϥⲛⲁⲥⲙⲟⲩ ⲉⲡϫⲟⲉⲓⲥ . ϫⲉⲁϥϭⲱϣⲧ ⲉⲃⲟⲗ ⲉϫⲙⲡⲉϥϫⲓⲥⲉ ⲉⲧⲟⲩⲁⲁⲃ .
“13. Arise and have mercy upon Zion, for the time is come to have mercy upon her; the proper time is come. “14. Thy servants have longed for her stones, and will take pity on her land. “15. And the nations will have fear of the name of the Lord, and the kings of the earth have fear of thy sovereignty. “16. For the Lord will build up Zion and reveal himself in his sovereignty. “17. He hath regarded the prayer of the humble and hath not despised their supplication. 18. This shall be recorded for another generation, and the people who shall be created will praise the Lord. 19. Because he hath looked down on his holy height;”
pistis.sophia_book_1_part6:17
ⲛⲅⲕⲱ ⲉⲃⲟⲗ ⲛⲛⲁⲛⲟⲃⲉ ⲧⲏⲣⲟⲩ ⲁⲛⲁⲩ ⲉⲛⲁϫⲁϫⲉ ϫⲉⲁⲩⲟⲩⲱϣⲥ ⲉⲃⲟⲗ . ⲁⲩⲱ ⲁⲩⲙⲉⲥⲧⲱⲓ ϩⲛⲟⲩⲙⲟⲥⲧⲉ ⲛϫⲓ ⲛϭⲟⲛⲥ · ϩⲁⲣⲉϩ ⲉⲧⲁⲯⲩⲭⲏ ⲛⲅⲧⲟⲩϫⲟⲓ · ⲙⲡⲣⲧⲣⲁϫⲓϣⲓⲡⲉ ϫⲉⲁⲓϩⲉⲗⲡⲓⲍⲉ ⲉⲣⲟⲕ · ⲛⲃⲁⲗ ϩⲏⲧ ⲙⲛⲛⲉⲧⲥⲟⲩⲧⲱⲛ ⲛⲁⲩⲧⲟϭⲟⲩ ⲉⲣⲟⲓ · ϫⲉⲁⲓϩⲩⲡⲟⲙⲓⲛⲉ ⲉⲣⲟⲕ ⲡϫⲟⲉⲓⲥ · ⲡⲛⲟⲩⲧⲉ ⲥⲱⲧⲙⲡⲓⲥⲗ ⲉⲃⲟⲗ ϩⲛⲛⲉϥⲑⲗⲓⲯⲓⲥ ⲧⲏⲣⲟⲩ ·
“and forgive me all my sins. “19. Look upon mine enemies, how they have increased themselves and hated me with unjust hatred. “20. Preserve my soul and save me; let me not | be put to shame, for I have hoped on thee. 21. The simple and sincere have joined themselves to me, for I have waited on thee, O Lord. 22. O God, deliver Israel from all his afflictions.”
pistis.sophia_book_3_part1:17
ⲁϫⲓⲥ ⲉⲣⲟⲟⲩ ϫⲉⲁⲡⲟⲧⲁⲥⲥⲉ ⲛⲛⲓⲙⲛⲧⲁⲧⲛⲁ ⲛⲧⲉⲧⲛⲙⲡϣⲁ ⲛⲙⲙⲩⲥⲧⲏⲣⲓⲟⲛ ⲙⲡⲟⲩⲟⲉⲓⲛ ⲛⲧⲉⲧⲛⲛⲟⲩϩⲙ ⲉⲛⲉⲕⲣⲓⲥⲓⲥ ⲛⲛⲓϩⲁⲛⲉⲇⲣⲁⲕⲱⲛ ·
“Say unto them: Renounce pitilessness, that ye may be worthy of the mysteries of the Light and be saved from the judgments of the dragon-faced [ones].”
pistis.sophia_book_4_part2:17
ⲁⲥϣⲱⲡⲉ ϭⲉ ⲙⲛⲛⲥⲁⲛⲁⲓ ⲁϥⲕⲉⲗⲉⲩⲉ ⲛϭⲓⲓⲏⲥⲟⲩⲥ ϫⲉⲙⲁⲣⲉⲛⲇⲩⲛⲁⲙⲓⲥ ⲧⲏⲣⲟⲩ ⲛⲧⲉϩⲃⲟⲩⲣ ⲉⲓ ⲉⲛⲉⲩⲧⲟⲡⲟⲥ · ⲁⲩⲱ ⲁⲓⲥ ⲙⲛⲛⲉϥⲙⲁⲑⲏⲧⲏⲥ ϭⲱ ϩⲓϫⲙⲡⲧⲟⲟⲩ ⲛⲧⲅⲁⲗⲓⲗⲁⲓⲁ · ⲁⲩⲟⲩⲱϩ ⲟⲛ ⲉⲧⲟⲟⲧⲟⲩ ⲛϭⲓⲙⲙⲁⲑⲏⲧⲏⲥ ⲁⲩⲧⲱⲃϩ ⲙⲙⲟϥ ϫⲉϣⲁⲧⲛⲁⲩ ϭⲉ ⲙⲡⲕⲧⲣⲉⲩ ⲕⲱ ⲉⲃⲟⲗ ⲛⲛⲉⲛⲛⲟⲃⲉ ⲉⲛⲧⲁⲛⲁⲁⲩ ⲙⲛⲛⲉⲛⲁⲛⲟⲙⲓⲁ · ⲁⲩⲱ ⲛⲅⲧⲣⲉⲛⲙⲡϣⲁ ⲛⲧⲙⲛⲧⲣⲣⲟ ⲙⲡⲉⲕⲉⲓⲱⲧ
“It came to pass then thereafter that Jesus gave command: Let all the powers of the Left go to their regions.” And Jesus with his disciples remained on the Mount of Galilee. The disciples continued and besought him: “For how long then hast thou not let our sins which we have committed, and our iniquities be forgiven and made us worthy of the kingdom of thy father?”
pistis.sophia_book_2_part2:17
ⲡⲛⲁⲩ ⲙⲙⲉⲉⲣⲉ ⲡⲉ ϫⲉⲛⲧⲁⲥⲉⲓ ⲉⲃⲟⲗ ϩⲙⲡⲙⲛⲧⲥⲛⲟⲟⲩⲥ ⲛⲁⲓⲱⲛ · ⲉⲧⲉⲛⲧⲟϥ ⲡⲉ ⲡⲛⲁⲩ ⲙⲙⲉⲉⲣⲉ · ⲁⲩⲱ ⲟⲛ ⲛⲧⲁⲥⲉⲓ ⲉⲃⲟⲗ ϩⲙⲡⲉⲭⲁⲟⲥ · ⲉⲧⲉⲛⲧⲟϥ ⲡⲉ ⲧⲉⲩϣⲏ · ⲁⲩⲱ ϭⲱⲣϩ ⲛⲧⲁⲥⲉⲓ ⲉⲃⲟⲗ ϩⲙⲡⲙⲉϩⲙⲛⲧⲥⲛⲟⲟⲩⲥ ⲛⲁⲓⲱⲛ · ⲡⲁⲓ ⲉⲧϩⲛⲧⲉⲩⲙⲏⲧⲉ ⲙⲡⲉⲥⲛⲁⲩ ·
--'mid-day,' because it hath come out of the twelve æons, which is 'mid-day'; and again ['night,' because] it hath come out of the chaos, which is the 'night,' and because it hath come out of the twelfth æon which is in the midst between both;
pistis.sophia_book_3_part3:17
ⲁⲩⲱ ⲛⲧⲉⲩⲛⲟⲩ ⲉⲧⲙⲙⲁⲩ ϣⲁⲥϫⲱ ⲛⲟⲩⲙⲩⲥⲧⲏⲣⲓⲟⲛ ⲛϭⲓⲧⲉⲯⲩⲭⲏ ⲛⲥⲕⲁⲧⲉⲭⲉ ⲙⲡⲁⲛⲧⲓⲙⲓⲙⲟⲛ ⲙⲡⲛⲉⲩⲙⲁ ⲙⲛⲧⲙⲟⲓⲣⲁ · ⲛⲥⲕⲁⲁⲩ ⲉⲩⲟⲩⲏϩ ⲛⲥⲱⲥ · ⲁⲗⲗⲁ ⲉⲙⲛⲟⲩⲟⲛ ⲙⲙⲟⲟⲩ ⲟ ⲛⲧⲉⲩⲉⲝⲟⲩⲥⲓⲁ · ⲁⲗⲗⲁ ⲛⲧⲟⲥ ⲉⲥⲟ ⲛⲧⲉⲩⲉⲝⲟⲩⲥⲓⲁ ·
And in that moment the soul uttereth a mystery and restraineth the counterfeiting spirit and the destiny and dischargeth them which follow it. But no one of them is in its power; | but it is in their power.
pistis.sophia_book_2_part8:17
ⲁⲩⲱ ⲟⲛ ϥⲛⲁⲣⲣⲣⲟ ⲉϩⲣⲁⲓ ⲉϫⲛⲛⲧⲟⲡⲟⲥ ⲧⲏⲣⲟⲩ ⲙⲡⲙⲛⲧⲥⲛⲟⲟⲩⲥ ⲛⲥⲱⲧⲏⲣ · ⲁⲗⲗⲁ ⲛⲥⲉⲛⲁϣϣⲱϣ ⲁⲛ ⲙⲛⲛⲉⲧϫⲓ ⲙⲡⲙⲩⲥⲧⲏⲣⲓⲟⲛ ⲛⲟⲩⲱⲧ ⲙⲡⲓⲁⲧϣⲁϫⲉ ⲉⲣⲟϥ · ⲁⲗⲗⲁ ⲡⲉⲧⲛⲁϫⲓ ⲛⲙⲙⲩⲥⲧⲏⲣⲓⲟⲛ ⲉⲧⲙⲙⲁⲩ ϥⲛⲁϭⲱ ϩⲛⲛⲧⲁⲝⲓⲥ ⲉⲧⲙⲙⲁⲩ ⲉⲃⲟⲗ ϫⲉⲥⲉⲟⲩⲟⲧⲃ · ⲁⲩⲱ ϥⲛⲁϭⲱ ϩⲛⲛⲧⲁⲝⲓⲥ ⲙⲡⲙⲛⲧⲥⲛⲟⲟⲩⲥ ⲛⲥⲱⲧⲏⲣ :
“and he will moreover rule over all the regions of the twelve saviours; but they will not be able to be like unto those who receive the one and only mystery of the Ineffable. But he who shall receive those mysteries will abide in those orders, because they are exalted, and he will abide in the orders of the twelve saviours.”
pistis.sophia_book_2_part5:17
ⲁⲩⲱ ⲡⲙⲁϩⲯⲓⲥ ⲛⲥⲱⲧⲏⲣ ⲉⲧⲉⲛⲧⲟϥ ⲡⲉ ⲡⲥⲱⲧⲏⲣ ⲛⲛⲉⲡⲣⲟⲃⲟⲗⲟⲟⲩⲉ ⲙⲡⲙⲉϩⲥⲛⲁⲩ ⲛϣⲏⲛ ⲙⲡⲉⲑⲏⲥⲁⲩⲣⲟⲥ ⲙⲡⲟⲩⲟⲉⲓⲛ · ϥⲛⲁϣⲱⲡⲉ ϩⲙⲡⲧⲟⲡⲟⲥ ⲛⲛⲉⲯⲩⲭⲟⲟⲩⲉ ⲛⲛⲉⲣϫⲓ ⲙⲡⲙⲉϩⲯⲓⲥ ⲙⲙⲩⲥⲧⲏⲣⲓⲟⲛ ⲛⲧⲉⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ · ϩⲣⲁⲓ ϩⲛⲛⲉⲕⲗⲏⲣⲟⲛⲟⲙⲓⲁ ⲙⲡⲟⲩⲟⲉⲓⲛ ·
“And the ninth saviour, that is the saviour of the emanations of the second Tree of the Treasury of the Light, will be in the region of the souls of those who have received the ninth mystery of the First Mystery in the inheritances of the Light.”
pistis.sophia_book_1_part4:17
ⲁⲓⲉⲓ ⲉⲛⲉϫⲏⲕ ⲛⲧⲑⲁⲗⲁⲥⲥⲁ · ⲟⲩϩⲁⲧⲏⲩ ⲧⲉ ⲛⲧⲁⲥⲟⲙⲉⲥⲧ · ⲁⲓϩⲓⲥⲉ ⲉⲓϫⲓ ϣⲕⲁⲕ ⲉⲃⲟⲗ · ⲧⲁϣⲟⲩⲱⲃⲉ ⲧⲉ ⲉⲛⲧⲁⲥϩⲱⲗ · ⲁⲛⲁⲃⲁⲗ ⲱϫⲛ ⲉⲓⲕⲱ ⲛϩⲧⲏⲓ ⲉⲡⲛⲟⲩⲧⲉ ·
“I have gone-down into the depths of the sea; a tempest hath submerged me. 3. I have kept on crying; my throat is gone, my eyes faded, waiting patiently for God.”
pistis.sophia_book_2_part3:17
ⲛⲧⲟϥ ⲡⲉ ⲡϣⲁϫⲉ ⲉⲛⲧⲁⲥϫⲟⲟϥ ⲛϭⲓⲧⲡⲓⲥⲧⲓⲥ ⲥⲟⲫⲓⲁ ϫⲉⲁⲩⲱ ⲁⲡⲉⲕⲟⲩⲟⲉⲓⲛ ϣⲱⲡⲉ ⲛϩⲏⲧⲟⲩ ⲧⲏⲣⲟⲩ · ⲁⲩⲱ ⲡϣⲁϫⲉ ⲉⲛⲧⲁⲧⲉⲕϭⲟⲙ ⲛⲟⲩⲟⲉⲓⲛ ϫⲟⲟϥ ϩⲓⲧⲛⲥⲟⲗⲟⲙⲱⲛ ϫⲉⲁⲕⲕⲁⲧⲉⲕⲙⲛⲧⲣⲙⲙⲁⲟ ϩⲓϫⲱϥ · ⲁⲩⲱ ⲁϥⲣⲟⲩⲙⲁ ⲛϣⲱⲡⲉ ⲉϥⲟⲩⲁⲁⲃ ·
“--it is the word which Pistis Sophia hath spoken: 'And thy light hath been in them all.' | And the word which thy light-power hath spoken through Solomon: 'Thou hast put thy riches over him, and he hath become a holy dwelling-place,”
pistis.sophia_book_4_part1:17
ⲓⲏⲥⲟⲩⲥ ⲇⲉ ⲁϥⲁϩⲉⲣⲁⲧϥ ϩⲛⲡⲁⲏⲣ ⲙⲡⲉⲥⲧⲟⲡⲟⲥ ⲙⲛⲛⲉϥⲙⲁⲑⲏⲧⲏⲥ ·
And Jesus stood in the air of its region with his disciples.
pistis.sophia_book_3_part4:17
ⲛⲧⲁϥⲡⲣⲟⲫⲏⲧⲉⲩⲉ ⲟⲩⲛ ⲙⲡⲓⲟⲩⲟⲉⲓϣ ϩⲁⲡⲉⲓϣⲁϫⲉ ⲛϭⲓⲇⲁⲩⲉⲓⲇ' ⲡⲉⲡⲣⲟⲫⲏⲧⲏⲥ · ⲉϥϫⲱ ⲙⲙⲟⲥ · ϫⲉⲛⲁⲓⲁⲧⲟⲩ ⲛⲛⲉⲛⲧⲁⲩⲕⲱ ⲉⲃⲟⲗ ⲛⲛⲉⲩⲛⲟⲃⲉ · ⲙⲛⲛⲉⲛⲧⲁⲩϩⲱⲃⲥ ⲉⲃⲟⲗ' ⲉϫⲛⲛⲉⲩⲁⲛⲟⲙⲓⲁ ·
--David, the prophet, then hath prophesied aforetime concerning this word, saying: 'Blessed are they whose sins are forgiven and whose iniquities are covered.'
pistis.sophia_book_1_part8:17
ⲛⲉⲓϣⲁϫⲉ ⲇⲉ ⲁⲥϫⲟⲟⲩ ⲛϭⲓⲧⲡⲓⲥⲧⲓⲥ ⲥⲟⲫⲓⲁ ·
“These words then Pistis Sophia uttered.”
pistis.sophia_book_1_part2:17
ϭⲉⲡⲏ ϭⲉ ϯⲡⲉⲓⲉⲛⲇⲩⲙⲁ ϩⲓⲱⲱⲕ ⲁⲙⲟⲩ ϣⲁⲣⲟⲛ ϫⲉⲧⲛⲁϩⲉ ⲉⲣⲟⲕ ⲉⲧⲣⲉⲛϯϩⲓⲱⲱⲕ ⲙⲡⲉⲕⲉⲛⲇⲩⲙⲁ ⲥⲛⲁⲩ ϩⲓⲧⲛⲧⲕⲉⲗⲉⲩⲥⲓⲥ ⲙⲡϣⲟⲣⲡ ⲙⲙⲩⲥⲧⲏⲣⲓⲟⲛ ⲛⲁⲓ ⲉⲩϣⲟⲟⲡ ⲛⲁⲕ ϫⲓⲛⲛϣⲟⲣⲡ ϩⲁϩⲧⲉⲡϣⲟⲣⲡ ⲙⲙⲩⲥⲧⲏⲣⲓⲟⲛ ϣⲁⲛⲧⲉⲡⲉⲟⲩⲟⲉⲓϣ ϫⲱⲕ ⲉⲃⲟⲗ ⲡⲁⲓ ⲉⲧⲧⲏϣ ϩⲓⲧⲛⲡⲓⲁⲧϣⲁϫⲉ ⲉⲣⲟϥ ·
Haste thee, therefore, clothe thyself with this vesture and come unto us. For we draw nigh unto thee, to clothe thee by command of the First Mystery with thy two vestures [other] which existed for thee from the beginning with the First Mystery until the time appointed by the Ineffable is completed. |
pistis.sophia_book_2_part9:17
ⲛⲁⲓ ϭⲉ ⲉϥϫⲱ ⲙⲙⲟⲟⲩ ⲛϭⲓⲡⲥⲱⲧⲏⲣ ⲁϥⲉⲓⲙⲉ ⲛϭⲓⲁⲛⲇⲣⲉⲁⲥ ⲫⲁⲛⲉⲣⲱⲥ ·
When then the Saviour said this, Andrew knew clearly,
pistis.sophia_book_3_part2:17
ⲁⲗⲗⲁ ⲉϣⲱⲡⲉ ⲛⲧⲟϥ ⲉⲩϩⲩⲡⲟⲕⲣⲓⲛⲉ ⲛⲙⲙⲏⲧⲛ ⲁⲩⲱ ⲉⲩⲟ ⲛⲕⲣⲟϥ ⲉⲣⲱⲧⲛⲉⲙⲡⲉⲧⲛⲉⲓⲙⲉ ⲛⲧⲉⲧⲛϯ ⲛⲁⲩ ⲛⲙⲙⲩⲥⲧⲏⲣⲓⲟⲛ ⲛⲧⲙⲛⲧⲣⲣⲟ ⲙⲡⲟⲩⲟⲉⲓⲛ ·
but if they play-act with you and are deceitful against you, without your having known it, | and if ye give them the mysteries of the Light-kingdom,
pistis.sophia_book_2_part1:17
ⲁⲥⲣⲟⲩⲟⲓⲛ ⲉⲙⲁϣⲟ ⲉⲙⲁϣⲟ ϩⲙⲡⲉⲭⲁⲟⲥ ⲧⲏⲣϥ ·
it shone most exceedingly in the whole of the chaos,
pistis.sophia_book_2_part4:17
ⲙⲁⲣⲉϥⲉⲓ ⲉⲧϩⲏ ⲛϥⲧⲁⲩⲉⲡⲃⲱⲗ ⲛⲛϣⲁϫⲉ ⲛϭⲓⲧⲡⲓⲥⲧⲓⲥ ⲥⲟⲫⲓⲁ ϩⲣⲁⲓ ϩⲙⲡⲉⲥϩⲩⲙⲛⲟⲥ
“let him come forward and set forth the solution of the words which Pistis Sophia [hath uttered] in her song.”
pistis.sophia_book_3_part6:17
ⲁϥⲟⲩⲱϩⲙ ⲟⲛ ⲛϭⲓⲡⲥⲱⲧⲏⲣ ⲡⲉϫⲁϥ ⲙⲙⲁⲣⲓⲁ ϫⲉⲉⲩⲅⲉ ⲧⲉ ⲡⲛⲓⲕⲏ ⲛϩⲓⲗⲓⲕⲣⲓⲛⲉⲥ · ⲡⲁⲓ ⲡⲉ ⲡⲃⲱⲗ ⲉⲃⲟⲗ ⲙⲡϣⲁϫⲉ ·
“The Saviour answered again and said unto Mary: Well said, spiritual and pure [one]. This is the solution of the word.”
pistis.sophia_book_1_part3:17
ⲧⲉⲛⲟⲩ ϭⲉ ⲛϯⲛⲁϩⲉⲡⲗⲁⲁⲩ ⲉⲣⲱⲧⲛ ⲁⲛ ϫⲓⲛⲙⲡⲉⲓⲛⲁⲩ · ⲁⲗⲗⲁ ϯⲛⲁϭⲗⲡϩⲱⲃ ⲛⲓⲙ ⲛⲏⲧⲛ ⲉⲃⲟⲗ ϩⲛⲟⲩⲱⲣϫ · ⲁⲩⲱ ϩⲛⲟⲩⲡⲁⲣϩⲏⲥⲓⲁ ·
Now, therefore, from now on will I hide nothing from you, but I will reveal unto you all things with surety and openness.
pistis.sophia_book_1_part1:17
ⲁⲩⲱ ⲙⲛⲡϯⲟⲩ ⲙⲡⲁⲣⲁⲥⲧⲁⲧⲏⲥ ⲁⲩⲱ ⲙⲛⲡⲉⲑⲏⲥⲁⲩⲣⲟⲥ ⲧⲏⲣϥ ⲙⲡⲟⲩⲟⲉⲓⲛ .
and the five Helpers and the whole Treasury of the Light.
pistis.sophia_book_2_part6:17
ⲁⲩⲱ ⲉⲧⲃⲉⲟⲩ ⲁⲩϣⲱⲡⲉ ⲛϭⲓⲛⲉⲡⲣⲟⲃⲟⲗⲟⲟⲩⲉ ⲧⲏⲣⲟⲩ ⲙⲡⲟⲩⲟⲉⲓⲛ · ⲁⲩⲱ ⲡⲙⲩⲥⲧⲏⲣⲓⲟⲛ ⲉⲧⲙⲙⲁⲩ ⲛⲧⲟϥ ⲡⲉⲧⲥⲟⲟⲩⲛ ϫⲉⲉⲧⲃⲉⲟⲩ ⲁⲡⲛⲟⲃⲉ ϣⲱⲡⲉ ·
“and why all the emanations of the light have arisen. And that mystery knoweth why the sins have arisen”
pistis.sophia_book_3_part5:17
ⲁϫⲓⲥ ⲉⲣⲟⲟⲩ ϫⲉⲙⲓϣⲉ ⲉⲣⲱⲧⲛ ⲁⲡⲟⲧⲁⲥⲥⲉ ⲙⲡⲕⲟⲥⲙⲟⲥ ⲧⲏⲣϥ ⲙⲛⲧϩⲩⲗⲏ ⲧⲏⲣⲥ ⲉⲧⲛϩⲏⲧϥ · ⲛⲧⲉⲧⲛϫⲓ ⲛⲙⲙⲩⲥⲧⲏⲣⲓⲟⲛ ⲙⲡⲟⲩⲟⲉⲓⲛ · ⲉⲙⲡⲁⲧϥϫⲱⲕ ⲉⲃⲟⲗ ⲛϭⲓⲡⲁⲣⲓⲑⲙⲟⲥ ⲛⲛⲉⲯⲩⲭⲟⲟⲩⲉ ⲛⲧⲉⲗⲓⲟⲥ · ϫⲉⲕⲁⲥ ⲉⲛⲛⲉⲩⲕⲁⲧⲏⲛⲟⲩ ϩⲓⲣⲛⲡⲣⲟ ⲛⲧⲡⲩⲗⲏ ⲙⲡⲟⲩⲟⲉⲓⲛ · ⲁⲩⲱ ⲛⲥⲉϫⲓⲧⲏⲩⲧⲛ ⲉⲡⲕⲁⲕⲉ ⲉⲧϩⲓⲃⲟⲗ · ⲧⲉⲛⲟⲩ ϭⲉ ⲟⲩⲛⲡⲉⲧⲉⲟⲩⲛⲙⲁⲁϫⲉ ⲙⲙⲟϥ ⲉⲥⲱⲧⲙ ⲙⲁⲣⲉϥⲥⲱⲧⲙ ·
“and say unto them: 'Strive thereafter, to renounce the whole world and the whole matter therein, that ye may receive the mysteries of the Light before the number of the perfect souls is completed, in order that they may not make you stop before the gates of the Light and. lead you away into the outer darkness.' Now, therefore, who hath ears to hear, let him hear.”
pistis.sophia_book_3_part7:17
ⲛⲁⲓ ⲉϣⲁⲩϯ ⲛⲁⲩ ⲙⲫⲓⲇⲓⲟⲛ ⲛⲛⲉⲥⲫⲣⲁⲅⲓⲥ ϫⲉⲕⲁⲥ ⲉⲩⲉⲉⲓⲙⲉ ⲉⲡⲉⲟⲩⲟⲉⲓϣ ⲉⲧⲟⲩⲛⲁⲉⲓⲛⲉ ⲛⲛⲉⲯⲩⲭⲟⲟⲩⲉ ⲉⲃⲟⲗ ϩⲛⲛⲥⲱⲙⲁ ⲁⲩⲱ ϫⲉⲕⲁⲥ ⲉⲩⲛⲁⲉⲓⲙⲉ ⲉⲡⲉⲟⲩⲟⲉⲓ * ⲛⲁⲉⲓⲛⲉ ⲛⲛⲉⲯⲩⲭⲟⲟⲩⲉ ⲉⲃⲟⲗ ϩⲛⲥⲱⲙⲁ ⲁⲩⲱ ϫⲉⲕⲁⲥ ⲉⲩⲛⲁⲉⲓⲙⲉ ⲉⲡⲉⲟⲩⲟⲉⲓϣ ⲉⲧⲟⲩⲛⲁⲙⲓⲥⲉ ⲙⲡⲥⲱⲙⲁ ⲛϩⲏⲧϥ ϫⲉⲕⲁⲥ ⲉⲧⲉⲧⲛⲛⲁⲟⲩ ⲛⲛⲉⲩⲗⲉⲓⲧⲟⲩⲣⲅⲟⲥ ⲛⲥⲉⲁϩⲉⲣⲁⲧⲟⲩ ⲛⲥⲉⲁⲕⲟⲗⲟⲩⲑⲓ ⲛⲥⲁⲧⲉⲯⲩⲭⲏ ⲛⲥⲉⲣⲙⲛⲧⲣⲉ ⲛⲛⲟⲃⲉ ⲛⲓⲙ ⲉⲧⲥⲛⲁⲁⲁⲩ ⲛⲧⲟⲟⲩ ⲙⲛⲡⲁⲛⲧⲓⲙⲓⲙⲟⲛ ⲙⲡⲛⲉⲩⲙⲁ ⲉⲧⲃⲉⲧϩⲉ ⲉⲧⲟⲩⲛⲁⲕⲟⲗⲁⲍⲉ ⲙⲙⲟⲥ ϩⲛⲧⲉⲕⲣⲓⲥⲓⲥ
--they hand over to them the peculiarity of the seals, in order that they may know the time when they are to lead the souls out of the bodies, and in order that they may know the time when they are to bring to birth the body, so that they may send their servitors in order that they may draw near and follow the soul and bear witness of all the sins it shall do,--they and the counterfeiting spirit,--on account of the manner and way, how they shall chastize it in the judgment.
pistis.sophia_book_1_part7:17
ⲛⲉⲩⲛⲁⲛⲧϥ ⲛⲁⲕ ⲁⲛ . ⲛϭⲟⲣϭⲥ ϭⲁⲣ ⲙⲡⲁⲩⲑⲁⲇⲏⲥ ⲥⲱⲧⲏⲣ ⲉⲃⲟⲗ · ⲁⲩⲱ ⲙⲛⲛϩⲁϭⲉ ⲛⲧⲉⲡⲓⲁⲧⲛⲁ .
“will not be brought unto thee. 4. For the traps of Self-willed and the nooses of the merciless [one] are spread out.”
pistis.sophia_book_2_part2:18
ⲉⲧⲃⲉⲡⲁⲓ ⲁⲧⲉⲕϭⲟⲙ ⲛⲟⲩⲟⲉⲓⲛ ϫⲟⲟⲥ ϫⲉⲡⲛⲁⲩ ⲙⲙⲉⲉⲣⲉ · ϫⲉⲡⲙⲛⲧⲥⲛⲟⲟⲩⲥ ⲛⲁⲓⲱⲛ . ⲥⲉ ⲛⲧⲙⲏⲧⲉ ⲙⲡⲙⲉϩⲙⲛⲧϣⲟⲙⲧⲉ ⲛⲁⲓⲱⲛ · ⲁⲩⲱ ⲛⲧⲙⲏⲧⲉ ⲙⲡⲉⲭⲁⲟⲥ : ⲁⲩⲱ ⲡϣⲁϫⲉ ⲟⲛ ⲉⲛⲧⲁⲧⲉⲕϭⲟⲙ ⲛⲟⲩⲟⲉⲓⲛ ϫⲟⲟϥ ϩⲓⲧⲛⲇⲁⲩⲓⲇ · ϫⲉⲟⲩ ⲛϣⲟ ⲛⲁϩⲉ ϩⲓϩⲃⲟⲩⲣ ⲙⲙⲟϥ · ⲁⲩⲱ ⲟⲩⲧⲃⲁ ϩⲓⲟⲩⲛⲁⲙ ⲙⲙⲟϥ · ⲁⲩⲱ ⲛⲥⲉⲛⲁϩⲱⲛ ⲉⲣⲟϥ ⲁⲛ · ⲉⲧⲉⲡⲁⲓ ⲡⲉ ϫⲉⲛⲧⲉⲣⲉⲛⲉⲡⲣⲟⲃⲟⲗⲟⲟⲩⲉ ⲙⲡⲁⲩⲑⲁⲧⲏⲥ ⲛⲁⲓ ⲉⲧⲟϣ ⲉⲙⲁⲧⲉ . ⲛⲧⲉⲣⲟⲩⲧⲙⲉϣϭⲙϭⲟⲙ ⲉⲧⲱⲟⲩⲛ ϩⲁⲡⲛⲟϭ ⲛⲟⲩⲟⲉⲓⲛ ⲛϯⲁⲡⲟϩⲣⲟⲓⲁ ⲛⲟⲩⲟⲉⲓⲛ · ⲁⲟⲩⲙⲏⲏϣⲉ ⲛϩⲏⲧⲟⲩ ϩⲉ ϩⲓϩⲃⲟⲩⲣ ⲛⲧⲡⲓⲥⲧⲓⲥ ⲥⲟⲫⲓⲁ · ⲁⲩⲱ ⲁⲟⲩⲙⲏⲏϣⲉ ϩⲉ ϩⲓⲟⲩⲛⲁⲙ ⲙⲙⲟⲥ ·
“therefore hath thy light-power said 'mid-day,' because the twelve æons lie in the midst between the thirteenth æon and the chaos. And again the word which thy light-power hath spoken through David: 'A thousand will fall on his left, and ten thousand at his right hand, but they shall not come nigh him,'--that is: When the emanations of Self-willed, which are exceedingly numerous, could not bear the great light of the light-stream, many of them fell on the left hand of Pistis Sophia and many at her right,”
pistis.sophia_book_2_part7:18
ⲁⲩⲱ ⲉⲧⲃⲉⲟⲩ ⲁⲩⲡⲟⲣϫⲟⲩ ⲉⲃⲟⲗ · ⲁⲩⲁⲁⲩ ⲛⲧⲁⲝⲓⲥ ⲧⲁⲝⲓⲥ · ⲉⲛⲧⲟⲟⲩ ϩⲱⲟⲩ ϩⲉⲛⲁⲭⲱⲣⲏⲧⲟⲛ ⲛⲉ ⲁⲩⲱ ϩⲉⲛⲁⲡⲉⲣⲁⲛⲧⲟⲛ ⲛⲉ · ⲁⲩⲱ ⲉⲧⲃⲉⲟⲩ ⲁⲩⲡⲣⲟⲉⲗⲑⲉ ⲉⲃⲟⲗ ϩⲛⲛⲓⲁⲡⲁⲧⲱⲣ :
and wherefor they have divided themselves and formed different orders, being uncontainable and boundless, and wherefor they have come forth from the Fatherless.
pistis.sophia_book_1_part5:18
ⲁⲡϫⲟⲉⲓⲥ ϭⲱϣⲧ ⲉⲃⲟⲗ ϩⲛⲧⲡⲉ ⲉϫⲙⲡⲕⲁϩ · ⲉⲥⲱⲧⲙ ⲉⲡⲁϣⲁϩⲟⲙ ⲛⲛⲉⲧⲙⲏⲣ · ⲉⲃⲱⲗ ⲉⲃⲟⲗ ⲛⲛϣⲏⲣⲉ ⲛⲛⲉⲛⲧⲁⲩⲙⲟⲟⲩⲧⲟⲩ · ⲉϫⲱ ⲙⲡⲣⲁⲛ ⲙⲡϫⲟⲉⲓⲥ ϩⲛⲥⲓⲱⲛ ⲁⲩⲱ ⲡⲉϥⲥⲙⲟⲩ ϩⲛⲧϩⲓⲉⲣⲟⲩⲥⲁⲗⲏⲙ .
“the Lord hath looked down from the heaven on the earth, 20. To hear the sighing | of those in chains, to loose the sons of those who are slain, 21. To proclaim the name of the Lord in Zion and his praise in Jerusalem.”
pistis.sophia_book_1_part8:18
ⲧⲉⲛⲟⲩ ϭⲉ ⲡⲉⲧⲛⲟⲉⲓ ⲙⲡⲛⲟⲏⲙⲁ ⲛⲛⲉⲓϣⲁϫⲉ · ⲙⲁⲣⲉϥⲉⲓ ⲉⲧϩⲏ ⲛϥⲧⲁⲩⲉ ⲡⲉⲩⲃⲱⲗ · ⲁⲥⲉⲓ ⲇⲉ ⲉⲧϩⲏ ⲛϭⲓⲙⲁⲣⲓⲁ ⲧⲙⲁⲁⲩ ⲛⲓⲏⲥⲟⲩⲥ ⲡⲉϫⲁϥ ϫⲉⲡⲁϣⲏⲣⲉ ⲕⲁⲧⲁⲡⲉⲕϫⲟⲉⲓⲥ ⲙⲙⲟⲥ ⲡⲁⲛⲟⲩⲧⲉ ⲁⲩⲱ ⲡⲁⲥⲱⲧⲏⲣ ⲕⲁⲧⲁⲡϫⲓⲥⲉ ⲕⲉⲗⲉⲩⲉ ⲛⲁⲓ ⲧⲁⲧⲁⲩⲉ ⲡⲃⲱⲗ ⲛⲛϣⲁϫⲉ ⲉⲛⲧⲁⲥϫⲟⲟⲩ ⲛϭⲓⲧⲡⲓⲥⲧⲓⲥ ⲥⲟⲫⲓⲁ ·
“Now, therefore, let him who understandeth the thought of these words, come forward and proclaim their solution.” Then Mary, the mother of Jesus, came forward and said: “My son according to the world, my God and Saviour according to the height, bid me proclaim the solution of the words which Pistis Sophia hath uttered.”
pistis.sophia_book_3_part3:18
ⲁⲩⲱ ⲛⲧⲉⲩⲛⲟⲩ ⲉⲧⲙⲙⲁⲩ ϣⲁⲣⲉⲙⲡⲁⲣⲁⲗⲏⲙⲡⲧⲱⲣ ⲛⲧⲉⲯⲩⲭⲏ ⲉⲧⲙⲙⲁⲩ ⲙⲛⲙⲙⲩⲥⲧⲏⲣⲓⲟⲛ ⲛⲧⲁⲥϫⲓⲧⲟⲩ ϣⲁⲩⲉⲓ ⲛⲥⲉϩⲁⲣⲡⲁⲍⲉ ⲛⲧⲉⲯⲩⲭⲏ ⲉⲧⲙⲙⲁⲩ ⲛⲧⲟⲟⲧⲟⲩ ⲛⲙⲡⲁⲣⲁⲗⲏⲙⲡⲧⲏⲥ ⲛ ⲉⲣⲓⲛⲁⲓⲟⲥ ·
“And in that moment the receivers of that soul come with the mysteries which it hath received, come and snatch that soul out of the hands of the retributive receivers,”
pistis.sophia_book_4_part2:18
ⲓⲏⲥⲟⲩⲥ ⲇⲉ ⲡⲉϫⲁϥ ⲛⲁⲩ ϫⲉϩⲁⲙⲏⲛ ϯϫⲱ ⲙⲙⲟⲥ ⲛⲏⲧⲛ ϫⲉⲟⲩⲙⲟⲛⲟⲛ ϯⲛⲁⲕⲁⲑⲁⲣⲓⲍⲉ ⲛⲛⲉⲧⲛⲛⲟⲃⲉ ·
“And Jesus said unto them: Amēn, I say unto you: Not only will I purify your sins,”
pistis.sophia_book_3_part1:18
ⲁϫⲓⲥ ⲉⲣⲟⲟⲩ ϫⲉⲁⲡⲟⲧⲁⲥⲥⲉ ⲛⲛⲓϭⲱⲛⲧ ⲛⲧⲉⲧⲛⲙⲡϣⲁ ⲛⲙⲙⲩⲥⲧⲏⲣⲓⲟⲛ ⲙⲡⲟⲩⲟⲉⲓⲛ ⲛⲧⲉⲧⲛⲛⲟⲩϩⲙ' ⲉⲛⲉⲓⲉⲣⲏ ⲛⲕⲣⲱⲙ' ⲛⲓϩⲁⲛⲉⲇⲣⲁⲕⲱⲛ ·
“Say unto them: Renounce wrath, that ye may be worthy of the mysteries of the Light and be saved from the fire-rivers of the dragon-faced [ones.]”
pistis.sophia_book_1_part4:18
ⲁⲩⲁϣⲁⲓ ⲉϩⲟⲩⲉ ⲛϥⲱ ⲛⲧⲁⲁⲡⲉ ⲛϭⲓⲛⲉⲧⲙⲟⲥⲧⲉ ⲙⲙⲟⲓ ⲉⲡϫⲓⲛϫⲏ ·
“4. They who hate me without a cause are more than the hairs of my head;”
pistis.sophia_book_1_part2:18
ⲉⲓⲥϩⲏⲏⲧⲉ ϭⲉ ⲁϥϫⲱⲕ ⲉⲃⲟⲗ ⲛϭⲓⲡⲉ ⲟⲩⲟⲉⲓϣ ·
pistis.sophia_book_3_part6:18
ⲁⲥⲟⲩⲱϩ ⲟⲛ ⲉⲧⲟⲟⲧⲥ ⲛϭⲓⲙⲁⲣⲓⲁ ⲡⲉϫⲁⲥ ϫⲉⲡⲁϫⲟⲉⲓⲥ ϣⲁⲣⲉⲡⲉⲇⲣⲁⲕⲱⲛ ⲙⲡⲕⲁⲕⲉ ⲉⲧϩⲓⲃⲟⲗ · ϣⲁϥⲉⲓ ⲉϩⲟⲩⲛ ⲉⲡⲉⲓⲕⲟⲥⲙⲟⲥ ϫⲉⲙⲉϥⲉⲓ ·
“Mary continued again and said: My Lord, doth the dragon of the outer darkness come into this world or doth he not come?”
pistis.sophia_book_3_part2:18
ⲁⲩⲱ ⲟⲛ ⲙⲛⲛⲥⲁⲛⲁⲓ ⲛⲥⲉⲣⲙⲙⲩⲥⲧⲏⲣⲓⲟⲛ ⲙⲡⲁⲣⲁⲇⲓⲅⲙⲁ · ⲁⲩⲱ ⲛⲥⲉⲣⲡⲕⲉⲭⲓⲙⲁⲍⲉ ⲙⲙⲱⲧⲛ ⲙⲛⲛⲕⲉⲙⲩⲥⲧⲏⲣⲓⲟⲛ ·
and again thereafter they make a show of the mysteries and they make also trial of you and also of the mysteries,
pistis.sophia_book_1_part1:18
ⲁⲩⲱ ⲟⲛ ⲉⲛⲉⲙⲡⲉⲓⲏⲥⲟⲩⲥ ϫⲱ ⲉⲛⲉϥⲙⲁⲑⲏⲑⲏⲥ ⲙⲡⲥⲱⲣ ⲉⲃⲟⲗ ⲧⲏⲣϥ ⲛⲛⲧⲟⲡⲟⲥ ⲧⲏⲣⲟⲩ ⲙⲡⲛⲟϭ ⲛⲛⲁϩⲟⲣⲁⲧⲟⲥ
And moreover Jesus had not told his disciples the total expansion of all the regions of the great Invisible
pistis.sophia_book_1_part3:18
ⲥⲱⲧⲙ ϭⲉ ⲙⲁⲣⲓⲁ · ⲁⲩⲱ ϫⲓⲥⲙⲏ ⲛⲧⲱⲧⲛ ⲙⲙⲁⲑⲏⲧⲏⲥ ⲧⲏⲣⲟⲩ ·
Hearken then, Mary, and give ear, all ye disciples:
pistis.sophia_book_2_part1:18
ⲁⲩⲱ ⲁⲥⲟⲩⲱϣⲥ ⲉⲃⲟⲗ ϩⲛⲛⲉⲩⲧⲟⲡⲟⲥ ⲧⲏⲣⲟⲩ ⲁⲩⲱ ⲛⲧⲉⲣⲟⲩⲛⲁⲩ ⲉⲡⲛⲟϭ ⲛⲟⲩⲟⲉⲓⲛ ⲛⲧⲁⲡⲟϩⲣⲟⲓⲁ ⲉⲧⲙⲙⲁⲩ · ⲛϭⲓⲛⲉⲡⲣⲟⲃⲟⲗⲟⲟⲩⲉ ⲙⲡⲁⲩⲑⲁⲧⲏⲥ ⲁⲩⲣϩⲟⲧⲉ ⲉϫⲛⲛⲉⲩⲉⲣⲏⲩ · ⲁⲩⲱ ⲧⲁⲡⲟϩⲣⲟⲓⲁ ⲉⲧⲙⲙⲁⲩ ⲁⲥⲧⲱⲕⲙ ⲉⲃⲟⲗ ⲛϩⲏⲧⲟⲩ ⲛϭⲟⲙ ⲛⲓⲙ ⲛⲟⲩⲟⲉⲓⲛ ⲛⲁⲓ ⲛⲧⲁⲩϥⲓⲧⲟⲩ ⲛⲧⲟⲟⲧⲥ ⲛⲧⲡⲓⲥⲧⲓⲥ ⲥⲟⲫⲓⲁ ·
and spread itself over all their regions. And when the emanations of Self-willed had seen the great light of that stream, they were terror-stricken one with the other. And that stream drew forth out of them all the light-powers which they had taken from Pistis Sophia,
pistis.sophia_book_2_part8:18
ⲁⲥϣⲱⲡⲉ ⲛⲧⲉⲣⲉⲓⲏⲥⲟⲩⲥ ⲟⲩⲱ ⲉϥϫⲱ ⲛⲛⲉⲓϣⲁϫⲉ ⲉⲛⲉϥⲙⲁⲑⲏⲧⲏⲥ ⲁⲥⲉⲓ ⲉⲧϩⲏ ⲛϭⲓⲙⲁⲣⲓⲁ ⲧⲙⲁⲅⲇⲁⲗⲏⲛⲏ ⲁⲥϯⲡⲓ ⲉⲛⲟⲩⲉⲣⲏⲧⲉ ⲛⲓⲏⲥⲟⲩⲥ ⲡⲉϫⲁⲥ ϫⲉⲡⲁϫⲟⲉⲓⲥ ϥⲓ ϩⲁⲣⲟⲓ ⲁⲩⲱ ⲙⲡⲣϭⲱⲛⲧ ⲉⲣⲟⲓ ⲉⲓϣⲓⲛⲉ ⲙⲙⲟⲕ ·
“It came to pass, when Jesus had finished speaking these words unto his disciples, that Mary Magdalene came forward, kissed the feet of Jesus and said unto him: My Lord, bear with me and be not wroth with me, if I question thee;”
pistis.sophia_book_3_part5:18
ⲛⲁⲓ ϭⲉ ⲛⲧⲉⲣⲉϥϫⲟⲟⲩ ⲛϭⲓⲡⲥⲱⲧⲏⲣ · ⲁⲥϥⲟϭⲥ ⲟⲛ ⲉⲃⲟⲗ ⲛϭⲓⲙⲁⲣⲓⲁ ⲡⲉϫⲁⲥ ϫⲉⲡⲁϫⲟⲉⲓⲥ ⲟⲩⲙⲟⲛⲟⲛ ϫⲉⲟⲩⲛⲙⲁⲁϫⲉ ⲙⲡⲁⲣⲙ ⲛⲟⲩⲟⲉⲓⲛ ·
“When then the Saviour had said this, Mary started forward again and said: My Lord, not only hath my light-man ears,”
pistis.sophia_book_2_part3:18
ⲛⲧⲟϥ ⲡⲉ ⲡϣⲁϫⲉ ⲛⲧⲁⲥϫⲟⲟϥ ⲛϭⲓⲧⲡⲓⲥⲧⲓⲥ ⲥⲟⲫⲓⲁ ϫⲉⲁⲕⲧⲁϫⲣⲉⲡⲟⲩⲟⲉⲓⲛ ⲛⲧⲉⲕⲁⲡⲟϩⲣⲟⲓⲁ ϩⲓϫⲱⲓ · ⲁⲩⲱ ⲁⲓϣⲱⲡⲉ ⲛⲟⲩⲟⲉⲓⲛ ⲉϥⲥⲟⲧϥ ·
--it is the word which Pistis Sophia hath spoken: 'Thou hast stayed the light of thy stream over me, and I have become a purified light.'
pistis.sophia_book_2_part5:18
ⲁⲩⲱ ⲡⲙⲁϩⲙⲏⲧ ⲛⲥⲱⲧⲏⲣ ⲉⲧⲉⲛⲧⲟϥ ⲡⲉ ⲡⲥⲱⲧⲏⲣ ⲛⲛⲉⲡⲣⲟⲃⲟⲗⲟⲟⲩⲉ ⲙⲡⲙⲉϩϣⲟⲙⲧ ⲛϣⲏⲛ ⲙⲡⲉⲑⲏⲥⲁⲩⲣⲟⲥ ⲙⲡⲟⲩⲟⲉⲓⲛ · ϥⲛⲁϣⲱⲡⲉ ϩⲙⲡⲧⲟⲡⲟⲥ ⲛⲉⲯⲩⲭⲟⲟⲩⲉ ⲛⲛⲉⲣϫⲓ ⲙⲡⲙⲉϩⲙⲏⲧ ⲙⲡⲙⲩⲥⲧⲏⲣⲓⲟⲛ ⲛⲧⲉⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ ϩⲣⲁⲓ ϩⲛⲛⲉⲕⲗⲏⲣⲟⲛⲟⲙⲓⲁ ⲙⲡⲟⲩⲟⲉⲓⲛ ·
“And the tenth saviour, that is the saviour of the emanations of the third Tree of the Treasury of the Light, will be in the region of the souls of those who have received the tenth mystery of the First Mystery in the inheritances of the Light.”
pistis.sophia_book_1_part6:18
ⲍ ⲛⲧⲉⲣⲉⲓⲏⲥⲟⲩⲥ ⲇⲉ ⲥⲱⲧⲙ ⲉⲛϣⲁϫⲉ ⲛⲑⲱⲙⲁⲥ · ⲡⲉϫⲁϥ ⲛⲁϥ ϫⲉⲉⲩⲅⲉⲑⲱⲙⲁⲥ · ⲁⲩⲱ ⲕⲁⲗⲱⲥ ·
“And when Jesus had heard the words of Thomas, he said unto him: Well said, Thomas, and finely.”
pistis.sophia_book_4_part1:18
ⲡⲉϫⲉⲙⲙⲁⲑⲏⲧⲏⲥ ⲛⲓⲏⲥⲟⲩⲥ ⲛⲁϥ ϫⲉⲟⲩ ⲡⲉ ⲡⲉⲓⲧⲟⲡⲟⲥ ⲧⲉⲧⲛ ⲛϩⲏⲧϥ ·
“The disciples of Jesus said unto him: What is this region | in which we are?”
pistis.sophia_book_3_part7:18
ⲁⲩⲱ ⲉⲣϣⲁⲛⲛⲗⲉⲓⲧⲟⲩⲣⲅⲟⲥ ⲉⲩϣⲁⲛϯ ⲙⲫⲓⲇⲓⲟⲛ ⲛⲛⲉⲥⲫⲣⲁⲅⲓⲥ ⲛⲛⲁⲣⲭⲱⲛ ⲛⲉⲣⲓⲛⲁⲓⲟⲥ ϣⲁⲩⲁⲛⲁⲭⲱⲣⲉⲓ ⲉⲧⲟⲓⲕⲟⲛⲟⲙⲓⲁ ⲛⲛⲉⲩϩⲃⲏⲩⲉ ⲉⲧⲧⲏϣ ⲛⲁⲩ ϩⲓⲧⲛⲛⲁⲣⲭⲱⲛ ⲛⲧⲛⲟϭ ⲛϩⲓⲙⲁⲣⲙⲉⲛⲏ ⲁⲩⲱ ⲉⲩϣⲁⲛϫⲱⲕ ⲉⲃⲟⲗ ⲛϭⲓⲧⲏⲡⲥ ⲛⲉⲃⲟⲧ ⲙⲡⲉϫⲡⲟ ⲙⲡϣⲏⲣⲉ ϣⲏⲙ ϣⲁⲩⲙⲓⲥⲉ ⲙⲡϣⲏⲣⲉ ϣⲏⲙ ⲉⲥⲥⲟⲃⲕ ⲛϩⲏⲧϥ ⲛϭⲓⲡⲙⲓⲅⲙⲁ ⲛⲧϭⲟⲙ ⲁⲩⲱ ⲉⲥⲥⲟⲃⲕ ⲛϩⲏⲧϥ ⲛϭⲓⲧⲉⲯⲩⲭⲏ ⲁⲩⲱ ⲉϥⲧⲥⲃⲕⲏⲩ ⲛϩⲏⲧϥ ⲛϭⲓⲡⲁⲛⲧⲓⲙⲓⲙⲟⲛ ⲙ * □ ⲧⲙⲟⲓⲣⲁ
“And when the servitors have given the peculiarity of the seals to the retributive rulers, they withdraw themselves to the economy of their occupations which is appointed unto them through the rulers of the great Fate. And when the number of months of the birth of the babe is completed, the babe is born. Small in it is the compound of the power, and small in it is the soul; and small in it is the counterfeiting spirit.”
pistis.sophia_book_2_part6:18
ⲁⲩⲱ ⲉⲧⲃⲉⲟⲩ ⲁⲩϣⲱⲡⲉ ⲛϭⲓⲛⲃⲁⲡⲧⲓⲥⲙⲁ ⲙⲛⲙⲙⲩⲥⲧⲏⲣⲓⲟⲛ ⲛⲧⲉⲡⲟⲩⲟⲉⲓⲛ · ⲁⲩⲱ ⲡⲙⲩⲥⲧⲏⲣⲓⲟⲛ ⲉⲧⲙⲙⲁⲩ ⲛⲧⲟϥ ⲡⲉⲧⲥⲟⲟⲩⲛ ϫⲉⲉⲧⲃⲉⲟⲩ ⲁϥϣⲱⲡⲉ ⲛϭⲓⲡⲕⲱϩⲧ ⲛⲧⲉⲧⲕⲟⲗⲁⲥⲓⲥ ·
“and why the baptisms and the mysteries of the light have arisen. And that mystery knoweth why the fire of chastisement hath arisen”
pistis.sophia_book_3_part4:18
ⲛⲧⲁϥⲡⲣⲟⲫⲏⲧⲉⲩⲉ ⲟⲩⲛ ϩⲁⲡⲉⲓϣⲁϫⲉ ⲙⲡⲓⲟⲩⲟⲉⲓϣ ⲁⲩⲱ ⲡϣⲁϫⲉ ⲛⲧⲁⲕϫⲟⲟϥ ϫⲉⲡⲙⲩⲥⲧⲏⲣⲓⲟⲛ ⲛⲧⲉⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ ⲙⲛⲡⲙⲩⲥⲧⲏⲣⲓⲟⲛ ⲙⲡⲓⲁⲧϣⲁϫⲉ ⲉⲣⲟϥ ϫⲉⲣⲱⲙⲉ ⲛⲓⲙ' ⲉⲧⲛⲁϫⲓ ⲛⲙⲙⲩⲥⲧⲏⲣⲓⲟⲛ ⲉⲧⲙⲙⲁⲩ · ⲟⲩⲙⲟⲛⲟⲛ ϫⲉϣⲁⲩⲕⲱ ⲉⲃⲟⲗ ⲛⲛⲛⲟⲃⲉ ⲛⲧⲁⲩⲁⲁⲩ ϫⲓⲛⲛϣⲟⲣⲡ · ⲁⲗⲗⲁ ⲙⲉⲩⲣⲡⲕⲉⲱⲡ' ⲣⲱ ⲉⲣⲟⲟⲩ ϫⲓⲛⲙⲡⲉⲓⲛⲁⲩ ϣⲁⲉⲛⲉϩ ·
“And the word which thou hast spoken: 'The mystery of the First Mystery and the mystery of the Ineffable forgive all men who shall receive those mysteries, not only the sins which they have committed from the beginning onwards, but also they impute them not to them from this hour unto all eternity,”
pistis.sophia_book_2_part4:18
ⲁⲥⲉⲓ ⲟⲛ ⲉⲧϩⲏ ⲛϭⲓⲙⲁⲣⲑⲁ ⲡⲉϫⲁⲥ . ϫⲉⲡⲁϫⲟⲉⲓⲥ . ⲧⲛⲏⲫⲉ ϩⲙⲡⲁⲡⲛⲉⲩⲙⲁ · ⲁⲩⲱ ϯⲛⲟⲉⲓ ⲛⲛϣⲁϫⲉ ⲉⲧⲕϫⲱ ⲙⲙⲟⲟⲩ · ⲧⲉⲛⲟⲩ ϭⲉ ⲕⲉⲗⲉⲩⲉ ⲛⲁⲓ ⲧⲁⲧⲁⲩⲉⲡⲉⲩⲃⲱⲗ ϩⲛⲟⲩⲡⲁⲣⲣⲏⲥⲓⲁ ·
“Martha again came forward and said: My Lord, | I am sober in my spirit and understand the words which thou sayest. Now, therefore, give me commandment to set forth their solution in openness.”
pistis.sophia_book_2_part9:18
ⲟⲩⲙⲟⲛⲟⲛ ⲛⲧⲟϥ ⲁⲗⲗⲁ ⲁⲩⲉⲓⲙⲉ ⲧⲏⲣⲟⲩ ⲛϭⲓⲙⲙⲁⲑⲏⲧⲏⲥ ϩⲛⲟⲩⲥⲟⲟⲩⲧⲛ ϫⲉⲥⲉⲛⲁⲕⲗⲏⲣⲟⲛⲟⲙⲉⲓ ⲛⲧⲙⲛⲧⲣⲣⲟ ⲙⲡⲟⲩⲟⲉⲓⲛ · ⲁⲩⲡⲁϩⲧⲟⲩ ⲧⲏⲣⲟⲩ ϩⲓⲛⲉⲩⲉⲣⲏⲩ ⲉϫⲛⲛⲟⲩⲉⲣⲏⲧⲉ ⲛⲓⲏⲥⲟⲩⲥ ·
not only he but also all the disciples knew with precision that they should inherit the Light-kingdom. They all threw themselves down together at Jesus' feet,
pistis.sophia_book_1_part7:18
ⲟⲩⲟⲓ ⲛⲁⲓ ⲁⲛⲟⲕ ϫⲉⲁⲡⲁⲙⲁ ⲛϣⲱⲡⲉ ⲟⲩⲉ · ⲁⲩⲱ ⲁⲓϣⲱⲡⲉ ϩⲛⲙⲙⲁ ⲛϣⲱⲡⲉ ⲛⲧⲉⲡⲉⲭⲁⲟⲥ · ⲁⲧⲁϭⲟⲙ ϣⲱⲡⲉ ϩⲛϩⲉⲛⲧⲟⲡⲟⲥ ⲛⲛⲟⲩⲓ ⲁⲛ ⲛⲉ · ⲁⲩⲱ ⲁⲓⲕⲱⲣϣ ⲉⲛⲓⲁⲧⲛⲁ ⲉⲧⲙⲙⲁⲩ · ⲁⲩⲱ ⲉⲓϣⲁⲛⲕⲱⲣϣ ⲉⲣⲟⲟⲩ ϣⲁⲩϯⲟⲩⲃⲏⲓ ⲉⲡϫⲓⲛϫⲏ ·
“5. Woe unto me, that my dwelling was far off, and I was in the dwellings of the chaos. 6. My power was in regions which are not mine. 7. And I entreated those merciless [ones]; and when I entreated them, they fought against me without a cause.”
pistis.sophia_book_3_part1:19
ⲁϫⲓⲥ ⲉⲣⲟⲟⲩ ϫⲉⲁⲡⲟⲧⲁⲥⲥⲉ ⲙⲡⲥⲁϩⲟⲩ ⲛⲧⲉⲧⲛⲙⲡϣⲁ ⲛⲙⲙⲩⲥⲧⲏⲣⲓⲟⲛ ⲙⲡⲟⲩⲟⲉⲓⲛ ⲛⲧⲉⲧⲛⲛⲟⲩϩⲙ ⲉⲡⲕⲱϩⲧ ⲛⲛϩⲁⲗⲁⲥⲥⲁ ⲛⲛⲓϩⲁⲛⲉⲇⲣⲁⲕⲱⲛ ·
“Say unto them: Renounce cursing, that ye may be worthy of the mysteries of the Light and be saved from the fire-seas of the dragon-faced [ones].”
pistis.sophia_book_1_part5:19
ⲡⲁⲓ ⲡⲉ ⲡⲁϫⲟⲉⲓⲥ ⲡⲉ ⲡⲃⲱⲗ ⲙⲡⲙⲩⲥⲧⲏⲣⲓⲟⲛ ⲛⲧⲙⲉⲧⲁⲛⲟⲓⲁ ⲉⲛⲧⲁⲥϫⲟⲟⲥ ⲛϭⲓⲧⲡⲓⲥⲧⲓⲥ ⲥⲟⲫⲓⲁ ·
“This, my Lord, is the solution of the mystery of the repentance which Pistis Sophia hath uttered.”
pistis.sophia_book_4_part2:19
ⲁⲗⲗⲁ ϯⲛⲁⲧⲣⲉⲧⲛ ⲙⲡϣⲁ ⲟⲛ ⲛⲧⲙⲛⲧⲣⲣⲟ ⲙⲡⲁⲉⲓⲱⲧ ·
but I will make you worthy of the kingdom of my father.
pistis.sophia_book_2_part7:19
ⲁⲩⲱ ⲡⲙⲩⲥⲧⲏⲣⲓⲟⲛ ⲉⲧⲙⲙⲁⲩ ⲛⲧⲟϥ ⲡⲉⲧⲥⲟⲟⲩⲛ ϫⲉⲉⲧⲃⲉⲟⲩ ⲁⲩⲥⲕⲩⲗⲗⲉⲓ ⲙⲙⲟⲟⲩ ⲛϭⲓⲛⲓⲁⲡⲉⲣⲁⲛⲧⲟⲛ ⲁⲩⲱ ⲉⲧⲃⲉⲟⲩ ⲁⲩⲧⲁϩⲟⲟⲩ ⲉⲣⲁⲧⲟⲩ ⲉⲩⲟ ⲙⲙⲛⲧⲥⲛⲟⲟⲩⲥ ⲛⲭⲱⲣⲏⲙⲁ ⲛⲁⲡⲉⲣⲁⲛⲧⲟⲥ ⲁⲩⲱ ⲁϥⲕⲁⲁⲩ ⲉⲩⲟ ⲛϣⲟⲙⲧⲉ ⲛⲧⲁⲝⲓⲥ ⲛⲭⲱⲣⲏⲙⲁ ⲕⲁⲧⲁⲧⲟⲓⲕⲟⲛⲟⲙⲓⲁ ⲙⲡⲓⲟⲩⲁ ⲛⲟⲩⲱⲧ ⲡⲓⲁⲧϣⲁϫⲉ ⲉⲣⲟϥ ·
“And that mystery knoweth wherefor the Impassables have rent themselves asunder and wherefor they have set themselves up, being twelve boundless spaces, and have settled themselves, being three orders of spaces, according to the economy of the One and Only, the Ineffable,”
pistis.sophia_book_1_part6:19
ⲡⲁⲓ ⲡⲉ ⲡⲃⲱⲗ ⲛⲧⲙⲉϩⲥⲁϣϥⲉ ⲙⲙⲉⲧⲁⲛⲟⲓⲁ ⲛⲧⲡⲓⲥⲧⲓⲥ ⲥⲟⲫⲓⲁ ·
This is the solution of the seventh repentance of Pistis Sophia.
pistis.sophia_book_1_part8:19
ⲁϥⲟⲩⲱϣⲃ ⲇⲉ ⲛϭⲓⲓⲏⲥⲟⲩⲥ ⲡⲉϫⲁϥ ϫⲉⲛⲧⲟ ϩⲱⲱⲧⲉ ⲙⲁⲣⲓⲁ · ⲧⲁⲓ ⲉⲛⲧⲁⲥϫⲓⲙⲟⲣⲫⲏ ⲉⲧϩⲛⲧⲃⲁⲣⲃⲏⲗⲱ ⲕⲁⲧⲁⲧϩⲩⲗⲏ · ⲁⲩⲱ ⲁⲣⲉϫⲓⲉⲓⲛⲉ ⲉϩⲛⲧⲡⲁⲣⲑⲉⲛⲟⲥ ⲙⲡⲟⲩⲟⲉⲓⲛ ⲕⲁⲧⲁⲡⲟⲩⲟⲉⲓⲛ ⲛⲧⲟ ⲙⲛⲧⲕⲉⲙⲁⲣⲓϩⲁⲙ ⲧⲙⲁⲕⲁⲣⲓⲟⲥ · ⲁⲩⲱ ⲛⲧⲁⲡⲕⲁⲕⲉ ϣⲱⲡⲉ ⲉⲧⲃⲏⲏⲧⲉ ⲁⲩⲱ ⲟⲛ ⲛⲧⲁϥⲉⲓ ⲉⲃⲟⲗ ⲛϩⲏⲧⲉ ⲛϭⲓⲡⲥⲱⲙⲁ ⲛⲧϩⲩⲗⲏ ⲉϯϣⲟⲟⲡ ⲛϩⲏⲧϥ ⲡⲁⲓ ⲉⲛⲧⲁⲓⲧⲃⲃⲟϥ · ⲁⲩⲱ ⲁⲓⲥⲟⲧϥϥ · ⲧⲉⲛⲟⲩ ϭⲉ ϯⲕⲉⲗⲉⲩⲉ ⲛⲉ ⲉⲧⲣⲉⲧⲁⲩⲉⲡⲃⲱⲗ ⲛⲛϣⲁϫⲉ ⲛⲁⲓ ⲉⲛⲧⲁⲥϫⲟⲟⲩ ⲛϭⲓⲧⲥⲟⲫⲓⲁ ·
“And Jesus answered and said: Thou also, Mary, hast received form which is in Barbēlō, according to matter, and hast received likeness which is in the Virgin of Light, according to light, thou and the other Mary, the blessed one; and on thy account the darkness hath arisen, and moreover out of thee did come forth the material body in which I am, which I have purified and refined,--now, therefore, I bid thee proclaim the solution of the words which Pistis Sophia hath uttered.”
pistis.sophia_book_3_part3:19
ⲁⲩⲱ ϣⲁⲣⲉⲙⲡⲁⲣⲁⲗⲏⲙⲡⲧⲏⲥ ϣⲁⲩⲁⲛⲁⲭⲱⲣⲉⲓ ⲉⲛⲉϩⲃⲏⲩⲉ ⲛⲛⲁⲣⲭⲱⲛ ⲡⲣⲟⲥ ⲧⲟⲓⲕⲟⲛⲟⲙⲓⲁ ⲙⲡⲓⲛⲉ ⲉⲃⲟⲗ ⲛⲛⲉⲯⲩⲭⲟⲟⲩⲉ ·
and the [latter] receivers go back to the works of the rulers for the purpose of the economy of the leading-forth of the souls.
pistis.sophia_book_2_part2:19
ⲁⲩⲱ ⲉⲛⲉⲙⲡⲟⲩⲉϣϩⲱⲛ ⲉⲣⲟⲥ ⲉⲡⲗⲁⲧⲉ ⲙⲙⲟⲥ · ⲁⲩⲱ ⲡϣⲁϫⲉ ⲉⲛⲧⲁⲧⲉⲕϭⲟⲙ ⲛⲟⲩⲟⲉⲓⲛ ϫⲟⲟϥ ϩⲓⲧⲛⲇⲁⲩⲓⲇ · ϫⲉⲡⲗⲏⲛ ⲕⲛⲁⲙⲉϩⲉⲓⲁⲧⲕ ⲙⲙⲟⲟⲩ · ⲁⲩⲱ ⲕⲛⲁⲛⲁⲩ ⲉⲡⲧⲟⲩⲓⲟ ⲛⲛⲣⲉϥⲣⲛⲟⲃⲉ · ϫⲉⲛⲧⲟⲕ ⲡϫⲟⲉⲓⲥ ⲡⲉ ⲧⲁϩⲉⲗⲡⲓⲥ · ⲉⲧⲉⲡⲁⲓ ⲡⲉ ⲡϣⲁϫⲉ · ϫⲉⲛⲧⲁⲧⲡⲓⲥⲧⲓⲥ ⲥⲟⲫⲓⲁ ⲙⲉϩⲉⲓⲁⲧⲥ ⲛⲛⲉⲥϫⲁϫⲉ · ⲉⲧⲉⲛⲉⲡⲣⲟⲃⲟⲗⲟⲟⲩⲉ ⲙⲡⲁⲩⲑⲁⲧⲏⲥ ⲛⲉⲛⲁⲓ ⲉⲛⲧⲁⲩϩⲉ ⲧⲏⲣⲟⲩ ⲉϫⲛⲛⲉⲩⲉⲣⲏⲩ ⲟⲩⲙⲟⲛⲟⲛ ⲁⲥⲙⲉϩⲉⲓⲁⲧⲥ ⲙⲙⲟⲟⲩ ϩⲙⲡⲁⲓ . ⲁⲗⲗⲁ ⲛⲧⲟⲕ ϩⲱⲱⲕ ⲟⲛ ⲡⲁϫⲟⲉⲓⲥ ⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ ⲁⲕϥⲓ ⲧϭⲟⲙ ⲛⲟⲩⲟⲉⲓⲛ ⲉⲧϣⲟⲟⲡ ϩⲛϯϭⲟⲙ ⲛϩⲟ ⲙⲙⲟⲩⲓ ⲁⲩⲱ ⲟⲛ ⲁⲕϥⲓ ⲧϭⲟⲙ ⲛⲛⲉⲡⲣⲟⲃⲟⲗⲟⲟⲩⲉ ⲧⲏⲣⲟⲩ ⲙⲡⲁⲩⲑⲁⲧⲏⲥ ⲁⲩⲱ ⲟⲛ ⲁⲕⲕⲁⲧⲉⲭⲉ ⲙⲙⲟⲟⲩ ϩⲙⲡⲉⲭⲁⲟⲥ ⲉⲧⲙⲙⲁⲩ ⲃⲱⲕ ⲉⲡⲉⲩⲧⲟⲡⲟⲥ ϫⲓⲛⲙⲡⲉⲓⲛⲁⲩ ⲉⲧⲃⲉⲡⲁⲓ ϭⲉ ⲁⲧⲡⲓⲥⲧⲓⲥ ⲥⲟⲫⲓⲁ ⲙⲉϩⲉⲓⲁⲧⲥ ⲛⲛⲉⲥϫⲁϫⲉ . ⲉⲧⲉⲛⲉⲡⲣⲟⲃⲟⲗⲟⲟⲩⲉ ⲛⲉ ⲙⲡⲁⲩⲑⲁⲧⲏⲥ ϩⲛϩⲱⲃ ⲛⲓⲙ ⲉⲛⲧⲁϥⲡⲣⲟⲫⲏⲧⲉⲩⲉ ⲙⲙⲟⲟⲩ ⲛϭⲓⲇⲁⲩⲉⲓⲇ . ϩⲁⲧⲡⲓⲥⲧⲓⲥ ⲥⲟⲫⲓⲁ · ⲉϥϫⲱ ⲙⲙⲟⲥ ϫⲉⲡⲗⲏⲛ ⲕⲛⲁⲙⲉϩⲉⲓⲁⲧⲕ ⲙⲙⲟⲟⲩ ·
“and they could not come nigh her, to do her [harm]. And the word which thy light-power hath spoken through David: 'Nay rather with thine eyes wilt thou behold, and wilt see the requital of the sinners, for thou, O Lord, art my hope,'--that is the word: Pistis Sophia hath with her eyes beheld her foes, that is the emanations of Self-willed, who all | have fallen one on another; not only hath she with her eyes beheld this, but thou also thyself, my Lord, the First Mystery, hast taken the light-power which is in the lion-faced power, and hast moreover taken the power of all the emanations of Self-willed and moreover thou hast imprisoned them in that chaos, [so that] from henceforth they have not gone forth to their own region. Therefore then hath Pistis Sophia with her eyes beheld her foes, that is the emanations of Self-willed, in all which David hath prophesied concerning Pistis Sophia, saying: 'Nay rather with thine eyes wilt thou behold,”
pistis.sophia_book_2_part4:19
ⲁϥⲟⲩⲱϣⲃ ⲇⲉ ⲛϭⲓⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ ⲡⲉϫⲁϥ ⲙⲙⲁⲣⲑⲁ ϫⲉϯⲕⲉⲗⲉⲩⲉ ⲛⲉ ⲙⲁⲣⲑⲁ ⲉⲧⲣⲉⲧⲁⲩⲉⲡⲃⲱⲗ ⲛⲛϣⲁϫⲉ ⲛⲁⲓ ⲉⲛⲧⲁⲥϫⲟⲟⲩ ⲛϭⲓⲧⲥⲟⲫⲓⲁ ϩⲙⲡⲉⲥϩⲩⲙⲛⲟⲥ ·
“And the First Mystery answered and said unto Martha: I give thee commandment, Martha, to set forth the solution of the words which Pistis Sophia hath uttered in her song.”
pistis.sophia_book_1_part4:19
ⲁⲩϭⲙϭⲟⲙ ⲛϭⲓⲛⲁϫⲁϫⲉ · ⲛⲉⲧⲇⲓⲱⲕⲉ ⲙⲙⲟⲓ ϩⲛⲟⲩϫⲓⲛϭⲟⲛⲥ · ⲛⲉⲧⲉⲙⲡⲓⲧⲟⲣⲡⲟⲩ · ⲁⲩϣⲁⲧⲧ ⲙⲙⲟⲟⲩ · ⲡⲛⲟⲩⲧⲉ ⲛⲧⲟⲕ ⲉⲛⲧⲁⲕⲉⲓⲙⲉ ⲉⲧⲁⲙⲛⲧⲁⲧϩⲏⲧ · ⲁⲩⲱ ⲛⲁⲛⲟⲃⲉ ⲙⲡⲟⲩϩⲱⲡ ⲉⲣⲟⲕ · ⲙⲡⲣⲧⲣⲉⲩϫⲓϣⲓⲡⲉ ⲉⲧⲃⲏⲏⲧ ⲛϭⲓⲛⲉⲧϩⲩⲡⲟⲙⲓⲛⲉ ⲉⲣⲟⲕ ⲡϫⲟⲉⲓⲥ ·
“mighty are my foes, who violently pursued me. They required of me that which I took not from them. 5. God, thou hast known my foolishness, and my faults are not hid from thee. 6. Let not them that wait on thee, O Lord, Lord of powers, be ashamed for my sake;”
pistis.sophia_book_1_part7:19
ⲛⲁⲓ ϭⲉ ⲛⲧⲉⲣⲉⲓⲏⲥⲟⲩⲥ ϫⲟⲟⲩ ⲉⲛⲉϥⲙⲁⲑⲏⲧⲏⲥ ⲡⲉϫⲁϥ ⲛⲁⲩ ϭⲉ ⲧⲉ ⲛⲟⲩ ϭⲉ ⲡⲉⲧⲉⲣⲉⲡⲉϥⲡⲛⲁ ⲕⲓⲙ ⲉⲣⲟϥ ⲙⲁⲣⲉϥⲉⲓ ⲉⲧϩⲏ · ⲛϥϫⲱ ⲙⲡⲃⲱⲗ ⲛⲧⲙⲉϩⲙⲏⲧⲉ ⲙⲙⲉⲧⲁⲛⲟⲓⲁ ⲛⲧⲡⲓⲥⲧⲓⲥ ⲥⲟⲫⲓⲁ · ⲁϥⲟⲩⲱϣⲃ ⲛϭⲓⲡⲉⲧⲣⲟⲥ ⲡⲉϫⲁϥ ϫⲉⲡϫⲟⲉⲓⲥ · ⲉⲧⲃⲉⲡⲁⲓ ⲟⲛ ⲁⲧⲉⲕϭⲟⲙ ⲛⲟⲩⲟⲉⲓⲛ ⲡⲣⲟⲫⲏⲧⲉⲩⲉ ϩⲓⲧⲛⲇⲁⲩⲉⲓⲇ · ⲙⲡⲓⲟⲩⲟⲉⲓϣ ⲉⲥϫⲱ ⲙⲙⲟⲥ ϩⲙⲡⲙⲉϩϣⲉ ⲙⲛⲙⲛⲧⲯⲓⲥ ⲙⲯⲁⲗⲙⲟⲥ · ϫⲉⲁⲓⲱϣ ⲉϩⲣⲁⲓ ⲉⲣⲟⲕ ⲡϫⲟⲉⲓⲥ ϩⲙⲡⲧⲣⲁϩⲱϣ .
“When then Jesus had said this unto his disciples, he said unto them: Now, therefore, let him whom his spirit stirreth, come forward and speak the solution of the tenth repentance of Pistis Sophia.” Peter answered and said: “O Lord, concerning this thy light-power prophesied aforetime through David in the one-hundred-and-nineteenth Psalm; saying: 1. I cried unto thee, O Lord, in my oppression,”
pistis.sophia_book_1_part2:19
ⲁⲙⲟⲩ ϭⲉ ϣⲁⲣⲟⲛ ϩⲛⲟⲩϭⲉⲡⲏ ⲧⲁⲣⲛⲧⲁⲁⲩ ϩⲓⲱⲱⲕ ϣⲁⲛⲧⲕϫⲱⲕ ⲉⲃⲟⲗ ⲛⲧⲇⲓⲁⲕⲟⲛⲓⲁ ⲧⲏⲣⲥ ⲙⲡϫⲱⲕ ⲉⲃⲟⲗ ⲙⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ ⲧⲁⲓ ⲉⲧⲧⲏϣ ϩⲓⲧⲛⲡⲓⲁⲧϣⲁϫⲉ ⲉⲣⲟϥ ·
Come, therefore, to us quickly, that we may put them on thee, until thou hast fulfilled the total ministry of the perfection of the First Mystery which is appointed by the Ineffable.
pistis.sophia_book_2_part6:19
ⲁⲩⲱ ⲉⲧⲃⲉⲟⲩ ⲁⲩϣⲱⲡⲉ ⲛϭⲓⲡⲉⲥⲫⲣⲁⲅⲓⲥ ⲙⲡⲟⲩⲟⲉⲓⲛ ϫⲉⲛⲛⲉⲡⲕⲱϩⲧ ⲃⲗⲁⲡⲧⲉⲓ ⲙⲙⲟⲟⲩ · ⲁⲩⲱ ⲡⲙⲩⲥⲧⲏⲣⲓⲟⲛ ⲉⲧⲙⲙⲁⲩ ⲛⲧⲟϥ ⲡⲉⲧⲥⲟⲟⲩⲛ ϫⲉⲉⲧⲃⲉⲟⲩ ⲁϥϣⲱⲡⲉ ⲛϭⲓⲡϭⲱⲛⲧ ·
“and why the seals of the light, so that the fire should not harm them, have arisen. And that mystery knoweth why wrath hath arisen”
pistis.sophia_book_3_part6:19
ⲁϥⲟⲩⲱϩⲙ ⲛϭⲓⲡⲥⲱⲧⲏⲣ ⲡⲉϫⲁϥ ⲙⲙⲁⲣⲓⲁ ϫⲉϩⲟⲧⲁⲛ ⲉⲣⲉⲡⲟⲩⲟⲉⲓⲛ ⲙⲡⲣⲏ ⲛⲃⲟⲗ · ϣⲁϥϩⲱⲃⲥ ⲙⲡⲕⲁⲕⲉ ⲙⲡⲉⲇⲣⲁⲕⲱⲛ ·
“The Saviour answered and said unto Mary: When the light of the sun is outside [? above the world], he covereth the darkness of the dragon;”
pistis.sophia_book_1_part1:19
ⲙⲛⲡϣⲟⲙⲛⲧ ⲛⲧⲣⲓⲇⲩⲛⲁⲙⲓⲥ ⲙⲛⲡϫⲟⲩⲧⲁϥⲧⲉ ⲛⲁϩⲟⲣⲁⲧⲟⲥ
and of the three triple-powers and of the four-and-twenty invisibles,
pistis.sophia_book_1_part3:19
ϫⲉϩⲁⲧϩⲏ ⲉⲙⲡⲁⲧϯⲧⲁϣⲉⲟⲉⲓϣ ⲛⲛⲁⲣⲭⲱⲛ ⲧⲏⲣⲟⲩ ⲛⲛⲁⲓⲱⲛ · ⲁⲩⲱ ⲙⲛⲛⲁⲣⲭⲱⲛ ⲧⲏⲣⲟⲩ ⲛⲧϩⲓⲙⲁⲣⲙⲉⲛⲏ ⲙⲛⲧⲉⲥⲫⲁⲓⲣⲁ ·
Before I made proclamation to all the rulers of the æons and to all the rulers of the Fate and Of the sphere,
pistis.sophia_book_2_part8:19
ⲁⲗⲗⲁ ⲛⲁ ⲛⲁⲛ ⲡⲁϫⲟⲉⲓⲥ ⲁⲩⲱ ⲛⲅϭⲱⲗⲡ ⲛⲁⲛ ⲉⲃⲟⲗ ⲛϩⲱⲃ ⲛⲓⲙ ⲉⲧⲛⲛⲁϣⲓⲛⲉ ⲛⲥⲱⲟⲩ ·
but have mercy upon us, my Lord, and reveal unto us all things on which we shall question thee.

Coptic SCRIPTORIUM, corpus pistis.sophia (github.com/CopticScriptorium/corpora). Licence as stated per document in the project's own meta.json and checked there at parse time. English, where present, is Coptic SCRIPTORIUM's aligned translation. Licence: CC-BY 4.0. Source.