Pistis Sophia

Coptic literature (Coptic SCRIPTORIUM) · 2,323 sections

pistis.sophia_book_2_part5:12
ⲁⲩⲱ ⲡⲙⲁϩϯⲟⲩ ⲛⲥⲱⲧⲏⲣ ⲛⲧⲙⲁϩϯ ⲙⲫⲱⲛⲏ ⲙⲡⲉⲑⲏⲥⲁⲩⲣⲟⲥ ⲙⲡⲟⲩⲟⲉⲓⲛ ϥⲛⲁϣⲱⲡⲉ ϩⲙⲡⲧⲟⲡⲟⲥ ⲛⲛⲉⲯⲩⲭⲟⲟⲩⲉ ⲛⲛⲉⲣϫⲓ ⲙⲡⲙⲉϩϯⲟⲩ ⲙⲙⲩⲥⲧⲏⲣⲓⲟⲛ ⲛⲧⲉⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ · ϩⲣⲁⲓ ϩⲛⲛⲉⲕⲗⲏⲣⲟⲛⲟⲙⲓⲁ ⲙⲡⲟⲩⲟⲉⲓⲛ ·
“And the fifth saviour of the fifth Voice of the Treasury of the Light will be in the region of the souls of those who have received the fifth mystery of the First Mystery in the inheritances of the Light.”
pistis.sophia_book_2_part9:12
ⲉⲧⲃⲉⲡⲁⲓ ⲟⲩⲛ ⲕⲏⲣⲩⲥⲥⲉ ⲙⲡⲅⲉⲛⲟⲥ ⲧⲏⲣϥ ⲛⲧⲉⲧⲙⲛⲧⲣⲱⲙⲉ ϫⲉⲁⲡⲟⲧⲁⲥⲥⲉ ⲙⲡⲕⲟⲥⲙⲟⲥ ⲧⲏⲣϥ ⲙⲛⲛⲉϥϩⲟⲙⲓⲗⲓⲁ ⲧⲏⲣⲟⲩ ϫⲉⲛⲛⲉⲧⲛⲥⲱⲟⲩϩ ⲛⲏⲧⲛ ⲉϩⲟⲩⲛ ⲛⲕⲉϩⲩⲗⲏ ⲉⲣⲁⲧⲥ ⲛⲧⲉⲧⲛⲕⲉϩⲩⲗⲏ ⲉⲧϩⲛⲧⲏⲛⲟⲩ · ⲁⲩⲱ ⲁϫⲓⲥ ⲉⲣⲟⲟⲩ ϫⲉⲙⲡⲣⲕⲁⲧⲉⲧⲏⲩⲧⲛ ⲉⲃⲟⲗ ⲉⲧⲉⲧⲛϣⲓⲛⲉ ϩⲙⲡⲉϩⲟⲟⲩ ⲙⲛⲧⲉⲩϣⲏ · ⲁⲩⲱ ⲙⲡⲣⲁⲛⲁⲕⲧⲉ ⲙⲙⲱⲧⲛ ϣⲁⲛⲧⲉⲧⲛϭⲓⲛⲉ ⲛⲙⲙⲩⲥⲧⲏⲣⲓⲟⲛ ⲛⲣⲉϥⲥⲱⲧϥ · ⲛⲁⲓ ⲉⲧⲛⲁⲥⲉⲧϥ ⲧⲏⲛⲟⲩ · ⲛⲥⲉⲣⲧⲏⲩⲧⲛ ⲛϩⲓⲗⲓⲕⲣⲓⲛⲉⲥ ⲛⲟⲩⲟⲉⲓⲛ ⲛⲧⲉⲧⲛⲃⲱⲕ' ⲉⲡϫⲓⲥⲉ ⲛⲧⲉⲧⲛⲕⲗⲏⲣⲟⲛⲟⲙⲉⲓ ⲙⲡⲟⲩⲟⲉⲓⲛ ⲛⲧⲁⲙⲛⲧⲣⲣⲟ ·
For this cause, therefore, herald it to the whole race of men, saying: Renounce the whole world and all its associations, | that ye may not amass additional matter to the rest of your matter in you; and say unto them: Cease not to seek day and night and remit not yourselves until ye find the purifying mysteries which will purify you and make you into a refined light, so that ye will go on high and inherit the light of my kingdom.
pistis.sophia_book_4_part1:12
ⲁⲩⲱ ⲡⲉϫⲁϥ ϫⲉⲙⲁⲣⲉⲙⲙⲩⲥⲧⲏⲣⲓⲟⲛ ⲧⲏⲣⲟⲩ ⲛⲛⲁⲣⲭⲱⲛ ⲙⲛⲛⲉⲝⲟⲩⲥⲓⲁ ⲙⲛⲛⲁⲅⲅⲉⲗⲟⲥ ⲙⲛⲛⲁⲣⲭⲁⲅⲅⲉⲗⲟⲥ ⲙⲛϭⲟⲙ ⲛⲓⲙ ⲙⲛϩⲱⲃ ⲛⲓⲙ ⲛⲧⲉⲡⲁϩⲟⲣⲁⲧⲟⲥ ⲛⲛⲟⲩⲧⲉ ⲁⲭⲅⲣⲁⲙⲙⲁⲭⲁⲙⲁⲣⲉⲅ * ⲙⲛⲧⲃⲁⲣⲃⲏⲗⲱ ⲧⲉ ⲃⲇⲉⲗⲗⲁ · ⲙⲁⲣⲟⲩϩⲛⲧⲟⲩ ⲛⲥⲁⲟⲩⲥⲁ ⲛⲥⲉⲡⲟⲣϫⲟⲩ ⲉⲃⲟⲗ ⲛⲟⲩⲛⲁⲙ
“and said: Let all the mysteries of the rulers and the authorities and the angels and the archangels and all powers and | all things of the invisible god Agrammachamarei and Barbēlō draw near the Leech [Bdella] on one side and withdraw to the right.”
pistis.sophia_book_2_part1:12
ⲧⲇⲓⲕⲁⲓⲟⲥⲩⲛⲏ ⲡⲉ ⲛⲧⲟⲕ ⲛⲧⲁⲕⲛⲙⲙⲩⲥⲧⲏⲣⲓⲟⲛ ⲧⲏⲣⲟⲩ ϩⲓⲧⲙⲡⲉⲕⲉⲓⲱⲧ ⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ ⲉⲧϭⲱϣⲧ ⲉϩⲟⲩⲛ ⲁⲩⲱ ⲁⲕⲃⲁⲡⲧⲓⲍⲉ ⲛϯϭⲟⲙ ⲛⲧⲉⲥⲁⲃⲁⲱⲑ ⲡⲁⲅⲁⲑⲟⲥ · ⲁⲩⲱ ⲁⲕⲉⲓ ⲉⲡⲧⲟⲡⲟⲥ ⲛⲛⲁⲣⲭⲱⲛ ⲁⲕϯ ⲛⲁⲩ ⲛⲙⲙⲩⲥⲧⲏⲣⲓⲟⲛ ⲙⲡϫⲓⲥⲉ · ⲁⲩⲱ ⲁⲩⲣⲇⲓⲕⲁⲓⲟⲥ · ⲁⲩⲱ ⲁⲩⲣⲁⲅⲁⲑⲟⲥ · ϯⲉⲓⲣⲏⲛⲏ ϩⲱⲱϥ ⲧⲉ ϯϭⲟⲙ ⲛⲧⲉⲥⲁⲃⲁⲱⲑ · ⲧⲁⲓ ⲉⲧⲉⲛⲧⲟⲥ ⲧⲉ ⲧⲉⲕⲯⲩⲭⲏ · ⲧⲁⲓ ⲉⲛⲧⲁⲥⲃⲱⲕ ⲉϩⲟⲩⲛ ⲉⲧϩⲩⲗⲏ ⲛⲧⲃⲁⲣⲃⲏⲗⲱ · ⲁⲩⲱ ⲛⲁⲣⲭⲱⲛ ⲧⲏⲣⲟⲩ ⲙⲡⲥⲟⲟⲩⲛ ⲛⲁⲓⲱⲛ ⲛⲧⲉⲓⲁⲃⲣⲁⲱⲑ ⲁⲩⲁⲁⲩ ⲛⲉⲓⲣⲏⲛⲏ ⲙⲛⲡⲙⲩⲥⲧⲏⲣⲓⲟⲛ ⲙⲡⲟⲩⲟⲉⲓⲛ · ⲁⲩⲱ ⲧⲙⲉ ⲉⲛⲧⲁⲥϯⲟⲩⲱ ⲉⲃⲟⲗ ϩⲙⲡⲕⲁϩ . ⲛⲧⲟⲥ ⲇⲉ ϯϭⲟⲙ ⲛⲧⲉⲥⲁⲃⲁⲱⲑ . ⲡⲁⲅⲁⲑⲟⲥ · ⲧⲁⲓ ⲉⲛⲧⲁⲥⲉⲓ ⲉⲃⲟⲗ ϩⲙⲡⲧⲟⲡⲟⲥ ⲛⲧⲟⲩⲛⲁⲙ · ⲡⲁⲓ ⲉⲧⲙⲡⲥⲁ ⲛⲃⲟⲗ ⲙⲡⲉⲑⲏⲥⲁⲩⲣⲟⲥ ⲙⲡⲟⲩⲟⲉⲓⲛ · ⲁⲩⲱ ⲁⲥⲃⲱⲕ ⲉⲡⲧⲟⲡⲟⲥ ⲛⲛⲁϩⲃⲟⲩⲣ · ⲁⲥⲃⲱⲕ ⲉϩⲟⲩⲛ ⲉⲧϩⲩⲗⲏ ⲛⲧⲃⲁⲣⲃⲏⲗⲱ · ⲁⲩⲱ ⲁⲥⲕⲏⲣⲩⲥⲥⲉ ⲛⲁⲩ ⲛⲙⲙⲩⲥⲧⲏⲣⲓⲟⲛ ⲙⲡⲧⲟⲡⲟⲥ ⲛⲧⲁⲗⲏⲑⲉⲓⲁ ·
“--'righteousness' then art thou who didst bring all the mysteries through thy Father, the First Mystery which looketh within, and hast baptized this power of Sabaōth, the Good; and thou didst go to the region of the rulers and didst give unto them the mysteries of the Height; they became righteous and good. Peace' on the other hand is the power of Sabaōth, that is thy soul, which did enter into the matter of Barbēlō, and all the rulers of the six æons of Yabraōth have made peace with the mystery of the Light. And 'truth' which 'sprouted forth out of the earth,'--it is the power of Sabaōth, the Good, which came out of the region of the Right, which lieth outside the Treasury of the Light., and which hath come into the region of those of the Left; | it hath entered into the matter of Barbēlō, and hath made proclamation concerning the mysteries of the region of Truth.”
pistis.sophia_book_3_part5:12
ⲛⲉⲯⲩⲭⲟⲟⲩⲉ ⲟⲩⲛ ⲉⲧⲙⲙⲁⲩ ⲥⲉⲛⲁⲧⲱϩⲙ ⲉϩⲟⲩⲛ ⲉⲙⲡⲩⲗⲏ ⲙⲡⲟⲩⲟⲉⲓⲛ · ⲉⲩϫⲱ ⲙⲙⲟⲥ ϫⲉⲡϫⲟⲉⲓⲥ ⲁⲟⲩⲱⲛ ⲛⲁⲛ · ϯⲛⲁⲟⲩⲱϣⲃ ⲧⲁϫⲟⲟⲥ ⲛⲁⲩ ϫⲉⲛϯⲥⲟⲟⲩⲛ ⲙⲙⲱⲧⲛ ⲁⲛ ϫⲉⲛⲧⲉⲧⲛ ϩⲉⲛⲉⲃⲟⲗ ⲧⲱⲛ ·
“Those souls then will knock at the gates of the Light, saying: Lord, open unto us! And I will answer unto them: I know you not, whence ye are.”
pistis.sophia_book_2_part4:12
ⲁⲥⲣϩⲟⲧⲉ ⲁⲩⲱ ⲁⲥⲱϣ ⲉϩⲣⲁⲓ ⲉⲡⲟⲩⲟⲉⲓⲛ ⲉⲥϫⲱ ⲙⲙⲟⲥ · ϫⲉⲡⲟⲩⲟⲉⲓⲛ ⲉⲓⲥϩⲏⲏⲧⲉ ⲁϥϭⲱⲛⲧ ⲛϭⲓⲡⲁⲇⲁⲙⲁⲥ ⲡⲣⲉϥϫⲓ ⲛϭⲟⲛⲥ ⲁϥⲧⲁⲙⲓⲟ ⲛⲟⲩⲡⲣⲟⲃⲟⲗⲏ ⲛⲕⲁⲕⲉ ·
“that she feared and cried unto the Light, saying: 1. O Light, lo! Adamas, the doer of violence, is wrathful; he hath made a dark emanation,”
pistis.sophia_book_1_part8:12
ⲁⲩⲧⲁⲕⲟ ⲁⲩⲱ ⲁⲩϣⲱⲡⲉ ϩⲙⲡⲉⲭⲁⲟⲥ ⲉⲩϭⲱϣⲧ ⲉⲣⲟⲟⲩ ⲛϭⲓⲛⲉⲡⲣⲟⲃⲟⲗⲟⲟⲩⲉ ⲙⲡⲁⲩⲑⲁⲧⲏⲥ ⲁⲩⲱ ⲉⲩⲣⲁϣⲉ ⲙⲙⲟⲟⲩ · ⲁⲩⲱ ⲛⲥⲱⲧϥ ⲛⲟⲩⲟⲉⲓⲛ ⲛϩⲓⲗⲓⲕⲣⲓⲛⲉⲥ ⲉⲧϩⲛⲧⲥⲟⲫⲓⲁ · ⲁⲩϯϭⲟⲙ ⲙⲡⲟⲩⲟⲉⲓⲛ ⲛⲧⲁϭⲟⲙ ⲛⲟⲩⲟⲉⲓⲛ · ⲧⲁⲓ ⲉⲛⲧⲁⲥⲣⲟⲩⲕⲗⲟⲙ ⲛⲧⲉⲥⲁⲡⲉ . ⲁⲥϣⲱⲡⲉ ϭⲉ ⲟⲛ ⲉⲥⲕⲱⲧⲉ ⲉⲡⲟⲩⲟⲉⲓⲛ ⲛϩⲓⲗⲓⲕⲣⲓⲛⲉⲥ ⲉⲧϩⲛⲧⲥⲟⲫⲓⲁ · ⲁⲩⲱ ⲡⲉⲥϩⲓⲗⲓⲕⲣⲓⲛⲉⲥ ⲛⲟⲩⲟⲉⲓⲛ ⲙⲡϥⲣⲡⲃⲟⲗ ⲙⲡⲉⲕⲗⲟⲙ ⲛⲧϭⲟⲙ ⲙⲡⲓϣⲁϩ ⲛⲟⲩⲟⲉⲓⲛ ϫⲉⲛⲛⲉⲩϥⲱϭⲉ ⲉⲣⲟϥ ⲛϭⲓⲛⲉⲡⲣⲟⲃⲟⲗⲟⲟⲩⲉ ⲙⲡⲁⲩⲑⲁⲇⲏⲥ ·
“They perished and remained in the chaos, while the emanations of Self-willed gazed upon them and rejoiced. And the purification of the pure light which was in Pistis Sophia, gave power to the light of my light-power, which had become a wreath round her head. It came to pass then moreover, when it surrounded the pure light in Sophia, and her pure light did not depart from the wreath of the power of the light-flame, so that the emanations of Self-willed should not rob it from it,”
pistis.sophia_book_3_part3:12
ⲁⲩⲱ ⲟⲛ ⲉϥϣⲁⲛϫⲱⲕ ⲉⲃⲟⲗ ⲛϭⲓⲡⲉⲟⲩⲟⲉⲓϣ ⲙⲡⲓ ⲉⲃⲟⲗ ⲛⲧⲉⲯⲩⲭⲏ ⲉⲧⲙⲙⲁⲩ · ϣⲁⲩⲉⲓ ⲛϭⲓⲙⲡⲁⲣⲁⲗⲏⲙⲡⲧⲏⲥ ⲛⲉⲣⲓⲛⲁⲓⲟⲥ ⲛⲥⲉⲉⲓⲛⲉ ⲛⲧⲉⲯⲩⲭⲏ ⲉⲧⲙⲙⲁⲩ ⲉⲃⲟⲗ ϩⲛⲥⲱⲙⲁ ·
and if the time of the coming-forth of that soul is completed, then the retributive receivers come to lead that soul out of the body.
pistis.sophia_book_3_part4:12
ⲧⲉⲛⲟⲩ ϩⲱⲱϥ ⲡⲙⲩⲥⲧⲏⲣⲓⲟⲛ ⲙⲡⲉⲓϣⲟⲙⲛⲧ ⲛⲭⲱⲣⲏⲙⲁ · ⲙⲛⲙⲙⲩⲥⲧⲏⲣⲓⲟⲛ ⲙⲡⲉⲓϣⲟⲣⲡ ⲙⲙⲩⲥⲧⲏⲣⲓⲟⲛ · ⲙⲛⲙⲙⲩⲥⲧⲏⲣⲓⲟⲛ ⲙⲡⲓⲁⲧϣⲁϫⲉ ⲉⲣⲟϥ · ⲉϣⲁⲩⲕⲁⲛⲟⲃⲉ ⲉⲃⲟⲗ ⲛⲁϣ ⲛⲧⲩⲡⲟⲥ · ⲉϣⲁⲩⲕⲱ ⲉⲃⲟⲗ ⲙⲡⲧⲩⲡⲟⲥ ⲛⲛⲃⲁⲡⲧⲓⲥⲙⲁ ϫⲛⲙⲙⲟⲛ · ⲁϥⲟⲩⲱϣⲃ ⲟⲛ ⲛϭⲓⲡⲥⲱⲧⲏⲣ ⲡⲉϫⲁϥ ϫⲉⲙⲙⲟⲛ · ⲁⲗⲗⲁ ⲙⲙⲩⲥⲧⲏⲣⲓⲟⲛ ⲧⲏⲣⲟⲩ ⲙⲡϣⲟⲙⲛⲧ ⲛⲭⲱⲣⲏⲙⲁ ⲉϣⲁⲩⲕⲱ ⲉⲃⲟⲗ ϩⲛⲧⲉⲯⲩⲭⲏ · ⲁⲩⲱ ⲛⲧⲟⲡⲟⲥ ⲧⲏⲣⲟⲩ ⲛⲧⲉⲛⲁⲣⲭⲱⲛ ⲛⲛⲛⲟⲃⲉ ⲧⲏⲣⲟⲩ ⲛⲧⲁⲥⲁⲁⲩ ⲛϭⲓⲧⲉⲯⲩⲭⲏ ϫⲓⲛⲛϣⲟⲣⲡ ϣⲁⲩⲕⲁⲁⲩ ⲛⲁⲥ ⲉⲃⲟⲗ ·
“Now on the other hand the mystery of these three spaces and the mysteries of this First Mystery and the mysteries of the Ineffable, in what type do they forgive sins? Do they forgive in the type | of the baptisms, or not?” Of the forgiveness of sins according to the higher mysteries.The Saviour answered again and said: “Nay, but all the mysteries of the three spaces forgive the soul in all the regions of the rulers all the sine which the soul hath committed from the beginning onwards. They forgive it,”
pistis.sophia_book_1_part2:12
ⲁⲩⲱ ⲡⲙⲩⲥⲧⲏⲣⲓⲟⲛ ⲙⲡϯⲟⲩ ⲛⲭⲁⲣⲁⲅⲙⲏ ⲁⲩⲱ ⲡⲙⲩⲥⲧⲏⲣⲓⲟⲛ ⲙⲡⲛⲟϭ ⲙⲡⲣⲉⲥⲃⲉⲩⲧⲏⲥ ⲛⲧⲉⲡⲓⲁⲧϣⲁϫⲉ ⲉⲣⲟϥ ⲉⲧⲉⲛⲧⲟϥ ⲡⲉ ⲡⲓⲛⲟϭ ⲛⲟⲩⲟⲉⲓⲛ ⲁⲩⲱ ⲙⲛⲡⲙⲩⲥⲧⲏⲣⲓⲟⲛ ⲙⲡϯⲟⲩ ⲙⲡⲣⲟϩⲏⲅⲟⲩⲙⲉⲛⲟⲥ ⲛⲁⲓ ⲉⲧⲉⲛⲧⲟⲟⲩ ⲛⲉ ⲡϯⲟⲩ ⲙⲡⲁⲣⲁⲥⲧⲁⲧⲏⲥ ⲁⲩⲱ ⲟⲛ ϥϣⲟⲟⲡ ϩⲙⲡⲉⲛⲇⲩⲙⲁ ⲉⲧⲙⲙⲁⲩ ⲛϭⲓⲡⲉⲟⲟⲩ ⲙⲡⲣⲁⲛ ⲙⲡⲙⲩⲥⲧⲏⲣⲓⲟⲛ ⲛⲛⲧⲁⲝⲓⲥ ⲧⲏⲣⲟⲩ ⲛⲧⲉⲛⲉⲡⲣⲟⲃⲟⲩⲗⲟⲟⲩⲉ ⲙⲡⲉⲑⲏⲥⲁⲩⲣⲟⲥ ⲙⲡⲟⲩⲟⲉⲓⲛ . ⲁⲩⲱ ⲙⲛⲛⲉⲩⲥⲱⲧⲏⲣ · ⲁⲩⲱ ⲙⲛⲛⲧⲁⲝⲓⲥ ⲛⲛⲧⲁⲝⲓⲥ ⲉⲧⲉⲛⲧⲟⲟⲩ ⲛⲉ ⲡⲥⲁϣϥ ⲛϩⲁⲙⲏⲛ ⲁⲩⲱ ⲉⲧⲉⲛⲧⲟⲟⲩ ⲛⲉ ⲡⲥⲁϣϥ ⲛⲡⲱⲛⲏ ⲁⲩⲱ ⲙⲛⲡϯⲟⲩ ⲛϣⲏⲙ · ⲁⲩⲱ ⲙⲛⲡϣⲟⲙⲛⲧ ⲛϩⲁⲙⲏⲛ ⲁⲩⲱ ⲙⲛⲡⲥⲱⲧⲏⲣ ⲛϩⲁⲧⲣⲉⲉⲩ ⲉⲧⲉⲛⲧⲟⲟⲩ ⲛⲉ ⲡⲁⲗⲟⲩ ⲙⲡⲁⲗⲟⲩ · ⲁⲩⲱ ⲙⲛⲡⲙⲩⲥⲧⲏⲣⲓⲟⲛ ⲙⲡⲉⲯⲓⲧ ⲙⲫⲩⲗⲁⲝ ⲛⲧϣⲟⲙⲧⲉ ⲙⲡⲩⲗⲏ ⲙⲡⲉⲑⲏⲥⲁⲩⲣⲟⲥ ⲙⲡⲟⲩⲟⲉⲓⲛ ·
and of the mystery of the five Impressions, and of the mystery of the great Envoy of the Ineffable, who is the great Light, and of the mystery of the five Leaders, who are the five Helpers. There is further in this vesture the glory of the name of the mystery of all orders of the emanations of the Treasury of the Light and of their saviours, and [of the mystery] of the orders of the orders, which are the seven Amēns and the seven Voices and the five Trees and the three Amēns and the Twin-saviour, that is the Child of the Child, and of the mystery of the nine guards of the three gates of the Treasury of the Light.
pistis.sophia_book_3_part6:12
ϣⲁⲩⲥⲱⲧϥ ⲛⲛⲉⲯⲩⲭⲟⲟⲩⲉ ⲉⲧⲙⲙⲁⲩ ⲛⲟⲩⲱϩⲙⲛⲥⲉⲕⲁⲑⲁⲣⲓⲍⲉ ⲙⲙⲟⲟⲩ ⲉⲙⲁϣⲟ ⲉⲙⲁϣⲟ · ⲁⲩⲱ ⲛⲥⲉϯ * □ⲙⲩⲥⲧⲏⲣⲓⲟⲛ ⲛⲁⲩ ⲛⲟⲩⲱϩⲙ ⲛⲥⲉⲕⲁⲁⲩ ϩⲛⲧϩⲁⲏ ⲛⲧⲁⲝⲓⲥ ⲉⲧϩⲙⲡⲉⲑⲏⲥⲁⲩⲣⲟⲥ · ⲁⲩⲱ ⲛⲥⲉⲛⲟⲩϩⲙ ⲛϭⲓⲛⲉⲯⲩⲭⲟⲟⲩⲉ ⲉⲧⲙⲙⲁⲩ ⲉⲛⲕⲟⲗⲁⲥⲓⲥ ⲧⲏⲣⲟⲩ ⲛⲧⲉⲛⲉⲕⲣⲓⲥⲓⲥ ·
“they cleanse those souls anew and purify them most exceedingly and give them anew mysteries and put them in the last order which [is] in the Treasury, and those souls will be saved from all the chastisements of the judgments.”
pistis.sophia_book_2_part7:12
ⲁⲩⲱ ⲉⲧⲃⲉⲟⲩ ⲁⲩⲧⲁϩⲟⲟⲩ ⲉⲣⲁⲧⲟⲩ ⲙⲛⲛⲥⲁ ⲛⲧⲁⲝⲓⲥ ⲧⲏⲣⲟⲩ ⲛⲛⲓⲁⲙⲩⲛⲁⲛⲧⲟⲥ ⲉⲛⲧⲟⲟⲩ ϩⲱⲱⲟⲩ ϩⲉⲛⲁⲭⲱⲣⲏⲧⲟⲛ ⲛⲉ ⲛⲁⲡⲉⲣⲁⲛⲧⲟⲥ ·
and wherefor they have set themselves up after all the orders of the Unindicatables, themselves being uncontainable and boundless,
pistis.sophia_book_2_part3:12
ⲛⲧⲟϥ ⲡⲉ ⲡϣⲁϫⲉ ⲉⲛⲧⲁⲥϫⲟⲟϥ ⲛϭⲓⲧⲡⲓⲥⲧⲓⲥ ⲥⲟⲫⲓⲁ · ϫⲉⲁⲩⲱ ⲁⲕⲥⲟⲧⲧ ⲉⲃⲟⲗ ϩⲙⲡⲉⲭⲁⲟⲥ ·
--it is the word which Pistis Sophia hath spoken: 'Thou hast freed me out of the chaos
pistis.sophia_book_3_part1:12
ⲁϫⲓⲥ ⲉⲣⲟⲟⲩ ϫⲉⲁⲡⲟⲧⲁⲥⲥⲉ ⲛⲛⲓⲙⲛⲧⲙⲁⲓⲧⲟⲛ ϩⲟⲩⲟ ϫⲉⲉⲧⲉⲧⲛⲙⲡϣⲁ ⲛⲙⲙⲩⲥⲧⲏⲣⲓⲟⲛ ⲙⲡⲟⲩⲟⲉⲓⲛ ⲛⲧⲉⲧⲛⲛⲟⲩϩⲙ ⲉⲛⲉⲓⲉⲣⲟ ⲛⲕⲣⲱⲙ ⲛⲧⲉⲡⲓϩⲁ ⲛⲟⲩϩⲟⲣ ·
“Say unto them: Renounce avarice, that ye may be worthy of the mysteries of the Light and be saved from the fire-rivers of the dog-faced [one].”
pistis.sophia_book_3_part2:12
ⲁⲩⲱ ϩⲁⲙⲏⲛ ϯϫⲱ ⲙⲙⲟⲥ ⲛⲏⲧⲛ ϫⲉϩⲛⲧⲉⲩⲛⲟⲩ ⲉⲧⲙⲙⲁⲩ ⲥⲉⲛⲁⲕⲟⲧⲟⲩ ⲉⲣⲱⲧⲛ ⲛϭⲓⲙⲩⲥⲧⲏⲣⲓⲟⲛ ⲛⲓⲙ ⲛⲧⲁⲧⲉⲧⲛⲧⲁⲁⲩ ⲛⲁⲩ ⲁⲩⲱ ⲥⲉⲛⲁϥⲓ ⲛϩⲏⲧⲟⲩ ⲛϣⲁϫⲉ ⲛⲓⲙ ⲙⲛⲙⲩⲥⲧⲏⲣⲓⲟⲛ ⲛⲓⲙ ⲡⲧⲟⲡⲟⲥ ⲛⲧⲁⲩϫⲓⲥⲭⲏⲙⲁ ϣⲁⲣⲟϥ ·
And amēn, I say unto you: In that hour all the mysteries which ye have given unto them, will return unto you, and all the words and all the mysteries of the region up to which they have received figures, will be taken from them.
pistis.sophia_book_3_part7:12
ⲁⲩⲱ ϣⲁⲩⲥⲫⲣⲁⲅⲓⲍⲉ ⲙⲡⲉϩⲟⲟⲩ ⲉⲛⲧⲁⲩⲟⲩⲉϣⲙ ⲙⲙⲉⲗⲟⲥ ⲁⲩⲱ ⲁⲩⲡⲟⲣϫϥ ⲉⲃⲟⲗ ⲉⲟⲩⲯⲩⲭⲏ · ϣⲁⲩⲥⲫⲣⲁⲅⲓⲍⲉ ⲙⲙⲟϥ ϩⲙⲡⲉⲕⲣⲁⲛⲓⲟⲛ ⲙⲡⲉⲡⲗⲁ ⲛⲟⲩⲛⲁⲙ ⲙⲡⲉⲡⲗⲁⲥⲙⲁ ·
and they seal the day on which they kneaded the members and separated them for a soul, they seal it on the right of the skull of the plasm;
pistis.sophia_book_4_part2:12
ⲡⲉⲡⲛⲉⲩⲙⲁ ϩⲱⲱϥ ⲉϥⲥⲱⲕ ϩⲏⲧⲟⲩ ⲙⲯⲩⲭⲏ ⲛⲓⲙ ⲉϥϫⲓ ⲙⲙⲟⲟⲩ ⲉⲡⲧⲟⲡⲟⲥ ⲙⲡⲟⲩⲟⲉⲓⲛ ·
The breath on the other hand advanceth towards all souls and leadeth them unto the region of the Light.
pistis.sophia_book_1_part3:12
ⲁϥⲟⲩⲱϣⲃ ⲛϭⲓⲡⲥⲱⲧⲏⲣ ϩⲛⲟⲩⲙⲛⲧϣⲁⲛϩⲧⲏϥ ⲡⲉϫⲁϥ ⲙⲙⲁⲣⲓⲁ ϫⲉⲁϫⲓⲡϣⲁϫⲉ ⲉⲧⲉϩⲛ · ⲁⲩⲱ ⲁⲛⲟⲕ ϯⲛⲁϭⲟⲗⲡϥ ⲛⲉ ⲉⲃⲟⲗ . ϩⲛⲟⲩⲡⲁⲣⲣⲏⲥⲓⲁ :
“The Saviour, full of compassion, answered and said unto Mary: Speak the word which thou willest, and I will reveal it to thee in all openness.”
pistis.sophia_book_1_part4:12
ⲡⲁⲓ ⲉⲧϫⲓ ⲉϩⲟⲩⲛ ⲉⲙⲡⲩⲗⲏ ⲙⲡⲟⲩⲟⲉⲓⲛ ⲡⲁⲓ ⲉⲧⲟⲩⲛⲁϫⲟⲟϥ ⲛϭⲓⲛⲉⲧⲛⲁⲙⲉⲧⲁⲛⲟⲉⲓ · ⲁⲩⲱ ⲛⲥⲉⲥⲱⲧϥ ⲙⲡⲉϥⲟⲩⲟⲉⲓⲛ · ⲧⲉⲛⲟⲩ ϭⲉ ⲙⲁⲣⲉⲛϩⲩⲗⲏ ⲧⲏⲣⲟⲩ ⲣⲁϣⲉ · ϣⲓⲛⲉ ⲧⲏⲣⲧⲛ ⲛⲥⲁⲡⲟⲩⲟⲉⲓⲛ ⲧⲁⲣⲉⲥⲱⲛϩ ⲛϭⲓⲧϭⲟⲙ ⲛⲧⲉⲧⲙⲯⲩⲭⲏ ⲉⲧⲛϩⲛⲧⲏⲩⲧⲛ · ϫⲉⲁⲡⲟⲩⲟⲉⲓⲛ ⲥⲱⲧⲙ ⲉⲛϩⲩⲗⲏ · ⲁⲩⲱ ⲛϥⲛⲁⲕⲁ ⲗⲁⲁⲩ ⲁⲛ ⲛϩⲩⲗⲏ ⲉⲙⲡϥⲥⲟⲧϥⲟⲩ · ⲙⲁⲣⲉⲛⲉⲯⲩⲭⲟⲟⲩⲉ ⲙⲛⲛϩⲩⲗⲏ .
“which leadeth to the gates of the Light, which they who shall repent will utter, and the light of which will purify them. “32. Now, therefore, let | all matters rejoice; seek ye all the Light, that the power of the stars which is in you, may live. 33. For the Light hath heard the matters, nor will it leave any without having purified them. 34. Let the souls and the matters”
pistis.sophia_book_2_part8:12
ⲁⲩⲱ ⲥⲉⲛⲁⲣⲣⲣⲟ ⲉϩⲣⲁⲓ ⲉϫⲛⲛⲧⲟⲡⲟⲥ ⲧⲏⲣⲟⲩ ⲙⲡⲙⲛⲧⲥⲛⲟⲟⲩⲥ ⲛⲥⲱⲧⲏⲣ · ϩⲱⲥⲧⲉ ⲛⲉⲧϫⲓ ⲙⲡⲙⲉϩⲥⲛⲁⲩ ⲙⲙⲩⲥⲧⲏⲣⲓⲟⲛ ⲛⲧⲉⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ ⲥⲉⲛⲁⲣⲣⲣⲟ ⲉϩⲣⲁⲓ ⲉϫⲛⲛⲧⲟⲡⲟⲥ ⲧⲏⲣⲟⲩ ⲙⲡⲙⲉϩⲥⲛⲁⲩ ⲛⲥⲱⲧⲏⲣ ϩⲣⲁⲓ ϩⲛⲛⲉⲕⲗⲏⲣⲟⲛⲟⲙⲓⲁ ⲙⲡⲟⲩⲟⲉⲓⲛ ·
and rule over all the regions of the twelve saviours, so that they who receive the second mystery of the First Mystery, will rule over all the regions of the second saviour in the inheritances of the Light.
pistis.sophia_book_4_part3:12
ⲉⲙⲙⲟⲛ ⲁⲛⲣⲛⲟⲃⲉ ϩⲱⲱⲛ ⲡⲉⲛϫⲟⲉⲓⲥ ⲁⲩⲱ ⲡⲉⲛⲟⲩⲟⲉⲓⲛ :
“for we also have sinned, our Lord and our Light.”
pistis.sophia_book_2_part6:12
ⲁⲩⲱ ⲉⲧⲃⲉⲟⲩ ⲁϥϣⲱⲡⲉ ⲛϭⲓⲡⲟⲩⲟⲉⲓⲛ · ⲁⲩⲱ ⲡⲙⲩⲥⲧⲏⲣⲓⲟⲛ ⲉⲧⲙⲙⲁⲩ ·
“and why the light hath arisen. And that mystery”
pistis.sophia_book_1_part6:12
ⲛⲉⲧϣⲓⲛⲉ ⲛⲥⲁⲧⲉϥⲇⲓⲕⲁⲓⲟⲥⲩⲛⲏ ⲁⲩⲱ ⲛⲉϥⲙⲛⲧⲙⲛⲧⲣⲉ · ⲉⲧⲃⲉⲡⲉⲕⲣⲁⲛ ⲡϫⲟⲉⲓⲥ ⲕⲁⲡⲁⲛⲟⲃⲉ ⲛⲁⲓ ⲉⲃⲟⲗ ⲉϥⲟϣ ⲉⲙⲁⲧⲉ ⲛⲓⲙ ⲡⲉ ⲡⲣⲱⲙⲉ ⲉⲧⲣϩⲟⲧⲉ ϩⲏⲧϥ ⲙⲡϫⲟⲉⲓⲥ · ϥⲛⲁⲥⲙⲛ ⲛⲟⲙⲟⲥ ⲛⲁϥ ϩⲓⲧⲉϩⲓⲏ ⲉⲛⲧⲁϥⲟⲩⲁϣⲥ ·
“for them who seek his righteousness and his testimonies. 11. For thy name's sake, O Lord, forgive me my sin, [for] it is exceedingly great. 12. Who is the man who feareth the Lord? For him will he establish laws in the way which he hath chosen.”
pistis.sophia_book_1_part1:12
ⲁⲩⲱ ⲉⲧⲉⲙⲡⲉⲙⲙⲁⲑⲏⲧⲏⲥ ⲉⲓⲙⲉ ⲁⲩⲱ ⲙⲡⲟⲩⲛⲟⲉⲓ ϫⲉⲟⲩⲛⲗⲁⲁⲩ ⲙⲡⲟⲩⲛ ⲙⲡⲙⲩⲥⲧⲏⲣⲓⲟⲛ ⲉⲧⲙⲙⲁⲩ ·
And his disciples have not known nor understood that anything existeth within that mystery;
pistis.sophia_book_1_part5:12
ⲁⲥⲡⲣⲟⲫⲏⲧⲉⲩⲉ ⲙⲡⲓⲟⲩⲟⲉⲓϣ ⲉⲧⲃⲏⲏⲧⲥ ⲛϭⲓⲧⲉⲕϭⲟⲙ ⲛⲟⲩⲟⲉⲓⲛ ⲉⲧϩⲛⲇⲁⲩⲉⲓⲇ · ϩⲙⲡⲙⲉϩϣⲉⲟⲩⲁ ⲙⲯⲁⲗⲙⲟⲥ ϫⲉⲡϫⲟⲉⲓⲥ ⲥⲱⲧⲙ ⲉⲡⲁϣⲗⲏⲗ · ⲁⲩⲱ ⲙⲁⲣⲉⲡⲁϩⲣⲟⲟⲩ ⲉⲓ ϣⲁⲣⲟⲕ · ⲙⲡⲣⲕⲧⲉⲡⲉⲕϩⲟ ⲛⲥⲁ‐ⲃⲟⲗ ⲙⲙⲟⲓ ·
“thy light-power which was in David, hath prophesied aforetime in the one-hundred-and-first Psalm: 1. Lord, give ear unto my supplication and let my voice reach unto thee. 2. Turn not away thy face from me;”
pistis.sophia_book_2_part2:12
ⲛⲧⲟϥ ⲡⲉⲛⲧⲁⲥϫⲟⲟϥ ⲛϭⲓⲧⲡⲓⲥⲧⲓⲥ ⲥⲟⲫⲓⲁ ϫⲉⲡⲟⲩⲟⲉⲓⲛ ⲉⲓⲡⲓⲥⲧⲉⲩⲉ ⲉⲣⲟⲕ ϫⲉⲛⲧⲟⲕ ⲡⲉⲧⲛⲁⲛⲁϩⲙⲉⲧ ⲉⲛⲉⲡⲣⲟⲃⲟⲗⲟⲟⲩⲉ ⲙⲡⲁⲩⲑⲁⲇⲏⲥ · ⲁⲩⲱ ⲙⲛⲛⲁⲡⲁⲇⲁⲙⲁⲥ ⲡⲧⲩⲣⲁⲛⲛⲟⲥ · ⲁⲩⲱ ⲛⲧⲟⲕ ⲟⲛ ⲡⲉ ⲉⲧⲛⲁⲛⲁϩⲙⲉⲧ ⲉⲛⲉⲩⲁⲡⲉⲓⲗⲏ ⲧⲏⲣⲟⲩ ⲉⲧⲛⲁϣⲧ · ⲁⲩⲱ ⲟⲛ ⲡϣⲁϫⲉ ⲉⲛⲧⲁⲥϫⲟⲟϥ ⲛϭⲓⲧⲉⲕϭⲟⲙ ϩⲓⲧⲛⲇⲁⲩⲉⲓⲇ . ϫⲉϥⲛⲁⲣϩⲁⲉⲓⲃⲉⲥ ⲉⲣⲟⲕ ϩⲁⲧⲉⲕⲙⲉⲥⲧⲛϩⲏⲧ · ⲁⲩⲱ ⲕⲛⲁⲛⲁϩⲧⲉ ϩⲁⲛⲉϥⲧⲛϩ · ⲉⲧⲉⲡⲁⲓ ⲡⲉ ϫⲉⲁⲧⲡⲓⲥⲧⲓⲥ ⲥⲟⲫⲓⲁ ⲁⲥϣⲱⲡⲉ ϩⲙⲡⲟⲩⲟⲉⲓⲛ ⲛϯ ⲁⲡⲟϩⲣⲟⲓⲁ ⲛⲟⲩⲟⲉⲓⲛ · ⲧⲁⲓ ⲉⲛⲧⲁⲥⲉⲓ ⲉⲃⲟⲗ ⲙⲙⲟⲕ ⲁⲩⲱ ⲁⲥϭⲱ ⲉⲥⲧⲏⲕⲛϩⲏⲧ ⲛϩⲏⲧ ⲙⲡⲟⲩⲟⲉⲓⲛ ⲉⲧϩⲓϩⲃⲟⲩⲣ ⲙⲙⲟⲥ · ⲙⲛⲡⲉⲧϩⲓⲟⲩⲛⲁⲙ ⲙⲙⲟⲥ · ⲉⲧⲉⲛⲧⲟⲟⲩ ⲛⲉ ⲛⲧⲛϩ ⲛⲧⲁⲡⲟϩⲣⲟⲓⲁ ⲛⲟⲩⲟⲉⲓⲛ · ⲁⲩⲱ ⲡϣⲁϫⲉ ⲉⲛⲧⲁⲧⲉⲕϭⲟⲙ ⲛⲟⲩⲟⲉⲓⲛ ⲡⲣⲟⲫⲏⲧⲉⲩⲉ ⲙⲙⲟϥ ϩⲓⲧⲛⲇⲁⲩⲉⲓⲇ · ϫⲉⲧⲙⲉ ⲛⲁⲕⲱⲧⲉ ⲉⲣⲟⲕ ⲛⲧϩⲉ ⲛⲟⲩϩⲟⲡⲗⲟⲛ ·
“--it is what Pistis Sophia hath said: 'O Light, I have faith in thee, for thou wilt save me from the emanations of Self-willed and from those of Adamas, the Tyrant, and thou wilt save me also from all their mighty threats.' And again the word which thy power hath spoken through David: 'He will shade thee with his breast, and thou wilt have trust beneath his wings,'--that is: Pistis Sophia hath been in the light of the light-stream, which hath come from thee, and hath continued in firm trust in the light, that on her left and that on her right, which are the wings of the light-stream. And the word which thy light-power hath prophesied through David: 'Truth will surround thee as a shield,”
pistis.sophia_book_3_part3:13
ⲁⲩⲱ ϣⲁⲣⲉⲧⲙⲟⲓⲣⲁ ⲙⲛⲡⲁⲛⲧⲓⲙⲓⲙⲟⲛ ⲙⲡⲛⲉⲩⲙⲁ · ϣⲁⲩⲟⲩⲁϩⲟⲩ ⲛⲥⲁⲧⲉⲯⲩⲭⲏ ⲉⲧⲙⲙⲁⲩ ⲉⲃⲟⲗ ϫⲉⲡⲁⲛⲧⲓⲙⲓⲙⲟⲛ ⲙⲡⲛⲉⲩⲙⲁ ⲉϥⲙⲏⲣ ⲉϩⲟⲩⲛ ⲉⲣⲟϥ ϩⲛⲛⲉⲥⲫⲣⲁⲅⲓⲥ ⲙⲛⲙⲙⲣⲣⲉ ⲛⲛⲁⲣⲭⲱⲛ ϣⲁϥⲁⲕⲟⲗⲟⲩⲑⲓ ⲛⲥⲁⲧⲉⲯⲩⲭⲏ ⲉⲧⲙⲙⲁⲩ ⲉⲥⲙⲟⲟϣⲉ ϩⲓⲛⲉϩⲓⲟⲟⲩⲉ ⲙⲡⲁⲛⲧⲓⲙⲓⲙⲟⲛ ⲙⲡⲛⲉⲩⲙⲁ · ϣⲁⲥϫⲱ ⲙⲡⲙⲩⲥⲧⲏⲣⲓⲟⲛ ⲙⲡⲃⲱⲗ ⲉⲃⲟⲗ ⲛⲙⲙⲣⲣⲉ ⲧⲏⲣⲟⲩ ⲙⲛⲛⲉⲥⲫⲣⲁⲅⲓⲥ ⲧⲏⲣⲟⲩ ⲛⲧⲁⲛⲁⲣⲭⲱⲛ ⲙⲟⲩⲣ ⲙⲡⲁⲛⲧⲓⲙⲓⲙⲟⲛ ⲙⲡⲛⲉⲩⲙⲁ ⲛϩⲏⲧⲟⲩ ⲉϩⲟⲩⲛ ⲉⲧⲉⲯⲩⲭⲏ ·
“And the destiny and the counterfeiting spirit follow that soul. Because the counterfeiting spirit is bound to it with the seals and the bonds of the rulers, it followeth thus that soul which travelleth on the ways with the counterfeiting spirit. It uttereth the mystery of the undoing of all the bonds and all the seals with which the rulers have bound the counterfeiting spirit to the soul.”
pistis.sophia_book_1_part5:13
ⲣⲉⲕⲧⲡⲉⲕⲙⲁⲁϫⲉ ⲉⲣⲟⲓ ⲙⲡⲉϩⲟⲟⲩ ⲉϯⲛⲁⲑⲗⲓⲃⲉ · ϭⲉⲡⲏ ⲥⲱⲧⲙ ⲉⲣⲟⲓ ϩⲙⲡⲉϩⲟⲟⲩ ⲉϯⲛⲁⲱϣ ⲉϩⲣⲁⲓ ⲉⲣⲟⲕ · ϫⲉⲁⲛⲁϩⲟⲟⲩ ⲱϫⲛ ⲛⲧϩⲉ ⲛⲟⲩⲕⲁⲡⲛⲟⲥ ⲁⲩⲱ ⲁⲛⲁⲕⲉⲉⲥ ϭⲱϭ ⲛⲧϩⲉ ⲛⲟⲩⲱⲛⲉ · ⲁⲉⲓⲱϭⲉ ⲛⲧϩⲉ ⲛⲟⲩⲭⲟⲣⲧⲟⲥ · ⲁⲩⲱ ⲁⲡⲁϩⲏⲧ ϣⲟⲟⲩⲉ . ϫⲉⲁⲓⲣⲡⲱⲃϣ ⲉⲟⲩⲱⲙ ⲙⲡⲁⲟⲉⲓⲕ · ⲉⲃⲟⲗ ϩⲙⲡⲉϩⲣⲟⲟⲩ ⲙⲡⲁⲁϣⲁϩⲟⲙ · ⲁⲡⲁⲕⲁⲥ ⲧⲱϭⲉ ⲉⲧⲁⲥⲁⲣⲝ · ⲁⲓⲣⲧϩⲉ ⲛⲟⲩϩⲣⲓⲙ ϩⲓⲡϫⲁⲓⲉ · ⲁⲓϣⲱⲡⲉ ⲛⲧϩⲉ ⲛⲟⲩⲃⲁⲓ ϩⲛⲟⲩⲏⲓ · ⲁⲓⲣⲟⲩϣⲏ ⲛⲣⲟⲉⲓⲥ ·
“incline thine ear unto me in the day when I am oppressed; quickly give ear to me on the day when I shall cry unto thee. “3. For | my days are vanished as smoke and my bones are parched as stone. “4. I am scorched as the grass, and my heart is dried up; for I have forgotten to eat my bread. “5. From the voice of my groaning my bones cleaved to my flesh. 6. I am become as a pelican in the desert; I am become as a screech-owl in the house. 7. I have passed the night watching;”
pistis.sophia_book_2_part1:13
ⲧⲇⲓⲕⲁⲓⲟⲥⲩⲛⲏ ϩⲱⲱⲥ ⲉⲛⲧⲁⲥϭⲱϣⲧ ⲉⲃⲟⲗ ϩⲛⲧⲡⲉ ⲛⲧⲟⲕ ⲡⲉ ⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ ⲉⲧϭⲱϣⲧ ⲉⲃⲟⲗ ⲉⲁⲕⲉⲓ ⲉⲃⲟⲗ ϩⲛⲛⲉⲭⲱⲣⲏⲙⲁ ⲙⲡϫⲓⲥⲉ · ⲙⲛⲙⲙⲩⲥⲧⲏⲣⲓⲟⲛ ⲛⲧⲙⲛⲧⲣⲣⲟ ⲙⲡⲟⲩⲟⲉⲓⲛ · ⲁⲩⲱ ⲁⲕⲉⲓ ⲉϩⲣⲁⲓ ⲉϫⲛⲡⲉⲛⲇⲩⲙⲁ ⲙⲡⲟⲩⲟⲉⲓⲛ ⲡⲁⲓ · ⲉⲛⲧⲁⲕϫⲓⲧϥ ⲛⲧⲟⲟⲧⲥ ⲛⲧⲃⲁⲣⲃⲏⲗⲱ ⲉⲧⲉⲓⲥ ⲡⲉ ⲡⲉⲛⲥⲱⲧⲏⲣ · ⲉⲁⲕⲉⲓ ⲉϩⲣⲁⲓ ⲉϫⲱϥ ⲛⲧϩⲉ ⲛⲟⲩϭⲣⲟⲟⲙⲡⲉ :
“Righteousness' on the other hand which 'looked down from heaven,' is thou the First Mystery which looketh down without, as thou didst come out of the spaces of the Height with the mysteries of the Light-kingdom; and thou didst come down upon the light-vesture which thou didst receive from the hand of Barbēlō, which [vesture] is Jesus, our Saviour, in that thou didst come down upon him as a dove.”
pistis.sophia_book_3_part5:13
ⲁⲩⲱ ⲥⲉⲛⲁϫⲟⲟⲥ ⲛⲁⲓ ϫⲉⲁⲛϫⲓ ⲉⲃⲟⲗ ϩⲛⲛⲉⲕⲙⲩⲥⲧⲏⲣⲓⲟⲛ ⲁⲩⲱ ⲁⲛϫⲱⲕ ⲉⲃⲟⲗ ⲛⲧⲉⲕⲥⲃⲱ ⲧⲏⲣⲥ ⲁⲩⲱ ⲁⲕϯⲥⲃⲱ ⲛⲁⲛ ϩⲛⲛⲉⲡⲗⲁⲧⲉⲓⲁ ·
And they will say unto me: We have received of thy mysteries and fulfilled thy whole teaching and thou hast taught us on the high ways.
pistis.sophia_book_2_part5:13
ⲁⲩⲱ ⲡⲙⲉϩⲥⲟⲟⲩ ⲛⲥⲱⲧⲏⲣ ⲛⲧⲉⲛⲉⲡⲣⲟⲃⲟⲗⲟⲟⲩⲉ ⲛ□□□□□ ϩⲥⲟ ⲙⲫⲱⲛⲏ ⲙⲡⲉⲑⲏⲥⲁⲩⲣⲟⲥ ⲙⲡⲟⲩⲟⲉⲓⲛ ϥⲛⲁϣⲱⲡⲉ ϩⲙⲡⲧⲟⲡⲟⲥ ⲛⲛⲉⲯⲩⲭⲟⲟⲩⲉ ⲛⲛⲉⲣϫⲓ ⲙⲡⲙⲉϩⲥⲟⲟⲩ ⲙⲙⲩⲥⲧⲏⲣⲓⲟⲛ ⲛⲧⲉⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ ·
“And the sixth saviour of the emanations of the sixth Voice of the Treasury of the Light will be in the region of the souls of those who have received the sixth mystery of the First Mystery.”
pistis.sophia_book_2_part9:13
ⲧⲉⲛⲟⲩ ϭⲉ ⲛⲧⲟⲕ ⲟⲛ ⲁⲛⲇⲣⲉⲁⲥ ⲙⲛⲛⲉⲕⲥⲛⲏⲩ ⲧⲏⲣⲟⲩ ⲛⲉⲕϣⲃⲣⲙⲁⲑⲏⲧⲏⲥ · ⲉⲧⲃⲉⲛⲉⲧⲛⲁⲡⲟⲧⲁⲅⲏ ⲙⲛⲛⲉⲧⲛϩⲓⲥⲉ ⲧⲏⲣⲟⲩ ⲛⲧⲁⲧⲉⲧⲛϣⲟⲡⲟⲩ ⲕⲁⲧⲁⲧⲟⲡⲟⲥ ⲙⲛⲛⲉⲧⲛⲡⲁⲣⲁⲃⲟⲗⲏ ⲙⲛⲛⲥ ⲕⲁⲧⲁⲧⲟⲡⲟⲥ · ⲁⲩⲱ ⲙⲛⲛⲉⲧⲛⲙⲉⲧⲁⲅⲅⲓⲥⲙⲟⲥ ϩⲛⲛⲥⲱⲙⲁ ⲉⲩϣⲃⲉⲓⲁⲉⲓⲧ' ⲁⲩⲱ ⲙⲛⲛⲉⲧⲛⲑⲗⲓⲯⲓⲥ ⲧⲏⲣⲟⲩ · ⲁⲩⲱ ⲙⲛⲛⲥⲁⲛⲁⲓ ⲧⲏⲣⲟⲩ ⲁⲧⲉⲧⲛϫⲓ ⲛⲙⲙⲩⲥⲧⲏⲣⲓⲟⲛ ⲛⲣⲉϥⲥⲱⲧϥ · ⲁⲧⲉⲧⲛⲣϩⲓⲗⲓⲕⲣⲓⲛⲉⲥ ⲛⲟⲩⲟⲉⲓⲛ ⲉϥⲥⲟⲧϥ ⲉⲙⲁϣⲟ · ⲉⲧⲃⲉⲡⲁⲓ ϭⲉ ⲧⲉⲧⲛⲁⲃⲱⲕ' ⲉⲡϫⲓⲥⲉ · ⲛⲧⲉⲧⲛⲣⲡϩⲟⲩⲛ ⲛⲛⲧⲟⲡⲟⲥ ⲧⲏⲣⲟⲩ ⲛⲛⲓⲛⲟϭ ⲧⲏⲣⲟⲩ ⲙⲡⲣⲟⲃⲟⲗⲟⲟⲩⲉ ⲛⲧⲉⲡⲟⲩⲟⲉⲓⲛ · ⲛⲧⲉⲧⲛϣⲱⲡⲉ ⲉⲧⲉⲧⲛⲟ ⲛⲣⲣⲟ ϩⲛⲧⲙⲛⲧⲣⲣⲟ ⲙⲡⲟⲩⲟⲉⲓⲛ ⲛϣⲁⲉⲛⲉϩ · ⲧⲁⲓ ⲧⲉ ⲧⲁⲡⲟⲫⲁⲥⲓⲥ ⲛⲛϣⲁϫⲉ ⲉⲧⲉⲧⲛϣⲓⲛⲉ ⲛⲥⲱⲟⲩ :
“Now, therefore, Andrew and all thy brethren thy co-disciples, because of your renunciations and all your sufferings which ye have endured in every region, and because of your changes in every region and of your being poured from one into another of different kinds of bodies and because of all your afflictions, and after all this ye have received the purifying mysteries and are become refined light exceedingly purified,--for this cause, therefore, ye will go on high and penetrate into all the regions of all the great emanations of the Light and be kings in the Light-kingdom for ever.”
pistis.sophia_book_3_part4:13
ⲁⲩⲱ ⲟⲛ ϣⲁⲩⲕⲱ ⲉⲃⲟⲗ ⲛⲛⲛⲟⲃⲉ ⲉⲧⲥⲛⲁⲁⲁⲩ ⲙⲛⲛⲥⲁⲛⲁⲓ · ϩⲉⲱⲥ ϣⲁⲡⲉⲟⲩⲟⲉⲓϣ ⲉⲧⲉⲣⲉⲡⲟⲩⲁ ⲡⲟⲩⲁ ⲛⲙⲙⲩⲥⲧⲏⲣⲓⲟⲛ ⲛⲁⲁⲙⲁϩⲧⲉ ϣⲁⲣⲟϥ ·
and moreover they forgive the sins which it thereafter will commit, until the time up to which every one of the mysteries shall be effective,
pistis.sophia_book_1_part7:13
ⲁϥⲥⲱⲧⲙ ⲉⲣⲟⲥ ⲛϭⲓⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ · ⲁⲩⲱ ⲁⲩⲧⲛⲛⲟⲟⲩⲧ ϩⲓⲧⲛⲧⲉϥⲕⲉⲗⲉⲩⲥⲓⲥ ⲁⲓⲉⲓ ⲉⲃⲟⲏⲑⲉⲓ ⲉⲣⲟⲥ · ⲁⲓⲛⲧⲥ ⲉϩⲣⲁⲓ ϩⲙⲡⲉⲭⲁⲟⲥ . ϫⲉⲁⲥⲙⲉⲧⲁⲛⲟⲉⲓ · ⲁⲩⲱ ⲟⲛ ⲉⲃⲟⲗ ϫⲉⲁⲥⲡⲓⲥⲧⲉⲩⲉ ⲉⲡⲟⲩⲟⲉⲓⲛ . ⲁⲥϣⲉⲡ ⲛⲉⲓⲛⲟϭ ⲛϩⲓⲥⲉ · ⲙⲛⲛⲉⲓⲛⲟϭ ⲛϭⲓⲛⲇⲩⲛⲟⲥ · ⲁⲩⲣϩⲁⲗ ⲙⲙⲟⲥ ϩⲓⲧⲙⲡⲓⲁⲩⲑⲁⲇⲏⲥ ⲛⲛⲟⲩⲧⲉ · ⲁⲩⲱ ⲙⲡⲟⲩⲣϩⲁⲗ ⲙⲙⲟⲥ ϩⲓⲧⲛⲗⲁⲁⲩ ⲛϩⲱⲃ ⲉⲓⲙⲏⲧⲓ ϩⲓⲧⲛⲟⲩⲇⲩⲛⲁⲙⲓⲥ ⲛⲟⲩⲟⲉⲓⲛ ⲉⲧⲃⲉⲡⲉⲓⲛⲉ ⲙⲡⲟⲩⲟⲉⲓⲛ ⲛⲧⲁⲥⲡⲓⲥⲧⲉⲩⲉ ⲉⲣⲟϥ · ⲉⲧⲃⲉⲡⲁⲓ ϭⲉ ⲁⲩⲧⲛⲛⲟⲟⲩⲧ ϩⲓⲧⲛⲧⲕⲉⲗⲉⲩⲥⲓⲥ ⲙⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ · ⲉⲧⲣⲁⲃⲟⲏⲑⲉⲓ ⲉⲣⲟⲥ ϩⲛⲟⲩⲡⲉⲧϩⲏⲡ ·
The First Mystery hearkened unto her, and I was sent off at his command. I came to help her, and led her up out of the chaos, because she had repented, and also because she had had faith in the Light and had endured these great pains and these great perils. She had been deluded through the god-like Self-willed, and had not been deluded through anything else, save through a light-power, because of its resemblance to the Light in which she had had faith. For this cause then was I sent forth at the command of the First Mystery to help her secretly.
pistis.sophia_book_4_part1:13
ⲛⲧⲉⲩⲛⲟⲩ ⲇⲉ ⲉⲧⲙⲙⲁⲩ ⲁⲙⲡⲏⲩⲉ ⲧⲏⲣⲟⲩ ⲉⲓ ⲉⲡⲉⲙⲛⲧ ⲙⲛⲛⲁⲓⲱⲛ ⲧⲏⲣⲟⲩ ⲙⲛⲧⲉⲥⲫⲉⲣⲁ ⲙⲛⲛⲉⲩⲁⲣⲭⲱⲛ ⲙⲛⲛⲉⲩⲇⲩⲛⲁⲙⲓⲥ ⲧⲏⲣⲟⲩ ⲁⲩⲡⲱⲧ ⲧⲏⲣⲟⲩ ⲉⲡⲉⲙⲛⲧ ⲉϩⲃⲟⲩⲣ ⲙⲡⲇⲓⲥⲕⲟⲥ ⲙⲡⲣⲏ ⲙⲛⲡⲇⲓⲥⲕⲟⲥ ⲙⲡⲟⲟϩ ·
And in that hour all the heavens went to the west, and all the æons and the sphere and their rulers and all their powers flew together to the west to the left of the disk of the sun and the disk of the moon.
pistis.sophia_book_1_part6:13
ⲧⲉϥⲯⲩⲭⲏ ⲛⲁϣⲱⲡⲉ ϩⲛϩⲉⲛⲁⲅⲁⲑⲟⲛ · ⲁⲩⲱ ⲡⲉϥⲥⲡⲉⲣⲙⲁ ⲛⲁⲕⲗⲏⲣⲟⲛⲟⲙⲉⲓ ⲙⲡⲕⲁϩ ·
“13. His soul will abide in good things and his seed will inherit the land.”
pistis.sophia_book_3_part7:13
ⲁⲩⲱ ⲡⲉϩⲟⲟⲩ ⲛⲧⲁⲩⲙⲟⲩⲣ ⲙⲡⲁⲛⲧⲓⲙⲓⲙⲟⲛ ⲙⲡⲛⲉⲩⲙⲁ ⲉⲣⲟⲥ ϣⲁⲩⲥⲫⲣⲁⲅⲓⲍⲉ ⲙⲙⲟϥ ⲉⲡⲁϩⲟⲩ ⲛϫⲱϥ ⲙⲡⲉⲡⲗⲁⲥⲙⲁ ⲁⲩⲱ ⲡⲉϩⲟⲟⲩ ⲛⲧⲁⲩⲛⲓϥⲉ ⲛⲧϭⲟⲙ ⲉϩⲟⲩⲛ ⲉⲡⲥⲱⲙⲁ ⲛϭⲓⲛⲁⲣⲭⲱⲛ ϣⲁⲩⲥⲫⲣⲁⲅⲓⲍⲉ ⲙⲙⲟϥ ⲉⲡⲁⲅⲕⲉⲫⲁⲗⲟⲛ ⲉⲧϩⲛⲧⲙⲏⲧⲉ ⲛϫⲱϥ ⲙⲡⲉⲡⲗⲁⲥⲙⲁ ⲁⲩⲱ ⲟⲛ ⲉⲡϩⲏⲧ ⲙⲡⲉⲡⲗⲁⲥⲙⲁ ⲁⲩⲱ ⲟⲛ ⲧⲏⲡⲥ ⲛⲣⲟⲙⲡⲉ ⲉⲧⲥⲛⲁⲁⲁⲩ ⲛϭⲓⲧⲉⲯⲩⲭⲏ ϩⲙⲡⲥⲱⲙⲁ ·
and the day on which they have bound the counterfeiting spirit to it [the soul], they seal on the back of the skull of the plasm; and the day on which the rulers have breathed the power into the body, they seal on the brain which is in the midst of the head of the plasm and also on the inside [? the heart] of the plasm; and the number of years which the soul will spend in the body,
pistis.sophia_book_1_part2:13
ⲁⲩⲱ ⲟⲛ ⲉϥ ⲛϩⲏⲧϥ ⲛϭⲓⲡⲉⲟⲟⲩ ⲧⲏⲣϥ ⲙⲡⲣⲁⲛ ⲉⲧϩⲛⲧⲟⲩⲛⲁⲙ ⲙⲛⲛⲉⲧϣⲟⲟⲡ ⲧⲏⲣⲟⲩ ϩⲛⲧⲙⲉⲥⲟⲥ ·
There is further therein the whole glory of the name [of all those] which are in the Right, and of all those which are in the Midst.
pistis.sophia_book_2_part2:13
ⲛⲧⲟϥ ⲡⲉ ⲡⲟⲩⲟⲉⲓⲛ ⲛⲧⲁⲡⲟϩⲣⲟⲓⲁ ⲛⲟⲩⲟⲉⲓⲛ ·
--it is the light of the light-stream
pistis.sophia_book_1_part4:13
ⲥⲙⲟⲩ ⲉⲡϫⲟⲉⲓⲥ ⲛⲁⲓⲱⲛ ⲧⲏⲣⲟⲩ · ⲙⲛⲛϩⲩⲗⲏ . ⲙⲛⲛⲉⲧⲛϩⲏⲧⲟⲩ ⲧⲏⲣⲟⲩ · ϫⲉⲡⲛⲟⲩⲧⲉ ⲛⲁⲛⲟⲩϩⲙ ⲛⲧⲉⲩⲯⲩⲭⲏ ⲉⲃⲟⲗ ϩⲛϩⲩⲗⲏ ⲛⲓⲙ · ⲁⲩⲱ ⲥⲉⲛⲁⲥⲟⲃⲧⲉ ⲛⲟⲩⲡⲟⲗⲓⲥ ϩⲣⲁⲓ ϩⲙⲡⲟⲩⲟⲉⲓⲛ · ⲁⲩⲱ ⲛⲉⲯⲩⲭⲟⲟⲩⲉ ⲧⲏⲣⲟⲩ ⲉⲧⲛⲁⲛⲟⲩϩⲙ · ⲥⲉⲛⲁⲟⲩⲱϩ ϩⲛⲧⲡⲟⲗⲓⲥ ⲉⲧⲙⲙⲁⲩ . ⲛⲥⲉⲕⲗⲏⲣⲟⲛⲟⲙⲉⲓ ⲙⲙⲟⲥ ⲁⲩⲱ ⲧⲉⲯⲩⲭⲏ ⲛⲛⲉⲧⲛⲁϫⲓⲙⲩⲥⲧⲏⲣⲓⲟⲛ ⲥⲛⲁϣⲱⲡⲉ ϩⲙⲡⲧⲟⲡⲟⲥ ⲉⲧⲙⲙⲁⲩ · ⲁⲩⲱ ⲛⲉⲛⲧⲁⲩϫⲓ ⲙⲩⲥⲧⲏⲣⲓⲟⲛ ϩⲙⲛⲉϥⲣⲁⲛ ⲥⲉⲛⲁϣⲱⲡⲉ ⲛϩⲏⲧⲥ :
“praise the Lord of all æons, and [let] the matters and all that is in them [praise him]. 35. For God shall save their soul from all matters, and a city shall be prepared in the Light, and all the souls who are saved, will dwell in that city and will inherit it. 36. And the soul of them who shall receive mysteries will abide in that region, and they who have received mysteries in its name will abide therein.”
pistis.sophia_book_3_part1:13
ⲁϫⲓⲥ ⲉⲣⲟⲟⲩ ϫⲉⲁⲡⲟⲧⲁⲥⲥⲉ ⲛⲛⲓⲙⲛⲧⲙⲁⲓⲕⲟⲥⲙⲟⲥ ϫⲉⲉⲧⲉⲧⲛⲙⲡϣⲁ ⲛⲙⲙⲩⲥⲧⲏⲣⲓⲟⲛ ⲙⲡⲟⲩⲟⲉⲓⲛ ⲛⲧⲉⲧⲛⲛⲟⲩϩⲙ ⲉⲛϩⲃⲥⲱ ⲛⲗⲁⲙϫⲁⲧⲡ ϩⲓⲕⲱϩⲧ ⲛⲧⲉⲡⲓϩⲁ ⲛⲟⲩϩⲟⲣ ·
“Say unto them: Renounce love of the world, that ye may be worthy of the mysteries of the Light and be saved from the pitch- and fire-coats of the dog-faced [one].”
pistis.sophia_book_2_part6:13
ⲛⲧⲟϥ ⲡⲉ ⲉⲧⲥⲟⲟⲩⲛ ϫⲉⲉⲧⲃⲉⲟⲩ ⲁⲡⲕⲁⲕⲉ ⲛⲛⲕⲁⲕⲉ ϣⲱⲡⲉ ·
knoweth why the darkness of the darknesses hath arisen
pistis.sophia_book_2_part7:13
ⲁⲩⲱ ⲉⲧⲃⲉⲟⲩ ⲣⲱ ⲁⲩⲡⲣⲟⲉⲗⲑⲉ ⲉⲃⲟⲗ ϩⲛⲛⲓⲁⲡⲁⲧⲱⲣ · ⲁⲩⲱ ⲡⲙⲩⲥⲧⲏⲣⲓⲟⲛ ⲉⲧⲙⲙⲁⲩ ⲛⲧⲟϥ ⲡⲉⲧⲥⲟⲟⲩⲛ ϫⲉⲧⲃⲉⲟⲩ ⲁⲩⲥⲕⲩⲗⲗⲉⲓ ⲙⲙⲟⲟⲩ ⲛϭⲓⲛⲓⲁⲙⲩⲛⲁⲛⲧⲟⲥ ⲛⲁⲓ ⲉⲧⲉⲙⲡⲟⲩⲙⲩⲛⲉⲩⲉ ⲙⲙⲟⲟⲩ ⲟⲩⲇⲉ ⲙⲡⲟⲩⲛⲧⲟⲩ ⲉⲡⲉⲧⲟⲩⲟⲛϩ ⲉⲃⲟⲗ ⲕⲁⲧⲁⲧⲟⲓⲕⲟⲛⲟⲙⲓⲁ ⲙⲡⲓⲟⲩⲁ ⲛⲟⲩⲱⲧ ⲡⲓⲁⲧϣⲁϫⲉ ⲉⲣⲟϥ ·
“and wherefor they have come forth from the Fatherless. And that mystery knoweth wherefor these Unindicatables have rent themselves asunder,--[they] who have not indicated themselves nor brought themselves into publicity according to the economy of the One and Only, the Ineffable,”
pistis.sophia_book_1_part3:13
ⲁⲥⲟⲩⲱϣⲃ ⲇⲉ ⲛϭⲓⲙⲁⲣⲓⲁ ⲡⲉϫⲁⲥ ⲛⲓⲏⲥⲟⲩⲥ ϫⲉⲡⲁϫⲟⲉⲓⲥ ·
“Mary answered and said unto Jesus: My Lord,”
pistis.sophia_book_3_part6:13
ⲛⲁⲓ ⲇⲉ ⲛⲧⲉⲣⲉϥϫⲟⲟⲩ ⲛϭⲓⲡⲥⲱⲧⲏⲣ ⲡⲉϫⲁϥ ⲛⲛⲉϥⲙⲁⲑⲏⲧⲏⲥ ϫⲉⲁⲧⲉⲧⲛⲛⲟⲉⲓ ϫⲉⲉⲓϣⲁϫⲉ ⲛⲙⲙⲏⲧⲛ ⲛⲁϣ ⲛϩⲉ :
“And when the Saviour had said this, he said unto his disciples: Have ye understood in what manner I discourse with you?”
pistis.sophia_book_2_part8:13
ϩⲟⲙⲟⲓⲱⲥ ⲟⲛ ⲛⲉⲧϫⲓ ⲙⲧⲙⲉϩϣⲟⲙⲛⲧ ⲙⲙⲩⲥⲧⲏⲣⲓⲟⲛ ⲛⲧⲉⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ ⲙⲛⲡⲙⲉϩϥⲧⲟⲟⲩ ⲙⲛⲡⲙⲉϩϯⲟⲩ ⲙⲛⲡⲙⲉϩⲥⲟⲟⲩ ϩⲉⲱⲥ ϣⲁⲡⲙⲉϩⲙⲛⲧⲥⲛⲟⲟⲩⲥ ⲡⲟⲩⲁ ⲡⲟⲩⲁ ⲛⲁⲣⲣⲣⲟ ⲉϩⲣⲁⲓ ⲉϫⲛⲛⲧⲟⲡⲟⲥ ⲧⲏⲣⲟⲩ ⲙⲡⲥⲱⲧⲏⲣ ⲛⲧⲁϥϫⲓ ⲙⲡⲙⲩⲥⲧⲏⲣⲓⲟⲛ ϣⲁⲣⲟϥ ·
“In like manner also those who receive the third mystery of the First Mystery and the fourth and fifth and sixth up to the twelfth,--every one will rule over all the regions of the saviour up to whom he hath received the mystery.”
pistis.sophia_book_2_part4:13
ⲁⲩⲱ ⲟⲛ ⲁϥⲡⲣⲟⲃⲁⲗⲉ ⲉⲃⲟⲗ ⲛⲕⲉⲟⲩⲉⲓ ⲛⲭⲁⲟⲥ ⲁⲩⲱ ⲁϥⲧⲁⲙⲓⲉ ⲕⲉⲟⲩⲉⲓ ⲛⲕⲁⲕⲉ ⲁⲩⲱ ⲛⲭⲁⲟⲥ · ⲁⲩⲱ ⲁϥⲥⲃⲧⲱⲧϥ ·
“2. And he hath also emanated another chaos and hath made another dark and chaotic [one] and made it ready.”
pistis.sophia_book_3_part2:13
ⲉⲧⲃⲉ ⲛⲣⲱⲙⲉ ⲟⲩⲛ ⲛⲧⲉⲓⲙⲓⲛⲉ ⲛⲧⲁⲓϫⲟⲟⲥ ⲉⲣⲱⲧⲛ ϩⲛⲟⲩⲡⲁⲣⲁⲃⲟⲗⲏ ⲙⲡⲓⲟⲩⲟⲉⲓϣ ⲉⲓϫⲱ ⲙⲙⲟⲥ ϫⲉⲡⲏⲓ ⲉⲧⲉⲧⲛⲛⲁⲃⲱⲕ ⲉϩⲟⲩⲛ ⲉⲣⲟϥ ⲛⲥⲉϣⲉⲡⲧⲏⲩⲧⲛ ⲉⲣⲟϥ ·
“Concerning such men, therefore, have I aforetime spoken unto you in similitude, saying: 'Where ye enter into a house and are received,”
pistis.sophia_book_1_part1:13
ⲁⲗⲗⲁ ⲛⲉⲩⲙⲉⲉⲩⲉ ⲡⲉ ⲉⲡⲙⲩⲥⲧⲏⲣⲓⲟⲛ ⲉⲧⲙⲙⲁⲩ ϫⲉⲛⲧⲟϥ ⲡⲉ ⲧⲕⲉⲫⲁⲗⲏ ⲙⲡⲧⲏⲣϥ
but they thought of that mystery, that it is the head of the universe
pistis.sophia_book_2_part3:13
ⲁⲩⲱ ⲁⲕⲡⲟⲟⲛⲉⲧ ⲉⲃⲟⲗ ϩⲛⲛⲕⲁⲕⲉ ⲛϩⲩⲗⲓⲕⲟⲛ · ⲉⲧⲉⲛⲧⲟⲟⲩ ⲛⲉ ⲛⲉⲡⲣⲟⲃⲟⲗⲟⲟⲩⲉ ⲛⲕⲁⲕⲉ ⲉⲧϩⲙⲡⲉⲭⲁⲟⲥ . ⲛⲁⲓ ⲉⲛⲧⲁⲕϥⲓⲡⲉⲩⲟⲩⲟⲉⲓⲛ ϩⲣⲁⲓ ⲛϩⲏⲧⲟⲩ · ⲁⲩⲱ ⲡϣⲁϫⲉ ⲉⲛⲧⲁⲧⲉⲕϭⲟⲙ ϫⲟⲟϥ ϫⲉⲁⲕϥⲓ ⲛϩⲉⲛⲕⲁⲥ ⲉⲩⲙⲟⲟⲩⲧ ⲁⲕϯ ϩⲓⲱⲟⲩ ⲛⲟⲩⲥⲱⲙⲁ · ⲁⲩⲱ ⲛⲉⲧⲉⲛⲥⲉⲕⲓⲙ ⲁⲛ · ⲁⲕϯ ⲛⲁⲩ ⲛⲟⲩⲉⲛⲉⲣⲅⲉⲓⲁ ⲛⲱⲛϩ ·
“and removed me out of the material darknesses, that is | out of the dark emanations which are in the chaos, from which thou hast taken their light.' And the word which thy power hath spoken: 'Thou hast taken dead bones and hast clothed them with a body, and to them who stirred not, thou hast given activity of life,”
pistis.sophia_book_4_part2:13
ⲉⲧⲃⲉⲡⲁⲓ ⲁⲓϫⲟⲟⲥ ⲛⲏⲧⲛ ϫⲉⲛⲧⲁⲓⲉⲓ ⲉⲛⲟⲩϫⲉ ⲛⲟⲩⲕⲱϩⲧ ⲉϫⲙⲡⲕⲁϩ · ⲉⲧⲉⲡⲁⲓ ⲡⲉ ϫⲉⲛⲧⲁⲓⲉⲓ ⲉⲕⲁⲑⲁⲣⲓⲍⲉ ⲛⲛⲛⲟⲃⲉ ⲙⲡⲕⲟⲥⲙⲟⲥ ⲧⲏⲣϥ ϩⲛⲟⲩⲕⲱϩⲧ ·
“For this cause have I said unto you: 'I am come to cast fire on the earth,'--that is: I am come to purify the sins of the whole world with fire.”
pistis.sophia_book_4_part3:13
ⲍ ◈ ◈ ◈ ◈ ◈ ◈ ◈ ◈
pistis.sophia_book_1_part8:13
ⲛⲁⲓ ϭⲉ ⲛⲧⲉⲣⲟⲩϣⲱⲡⲉ ⲙⲙⲟⲥ ·
--when then this befell her,
pistis.sophia_book_2_part3:14
ⲛⲧⲟϥ ⲡⲉ ⲡϣⲁϫⲉ ⲉⲛⲧⲁⲥϫⲟⲟϥ ⲛϭⲓⲧⲡⲓⲥⲧⲓⲥ ⲥⲟⲫⲓⲁ · ϫⲉⲁⲩⲱ ⲁⲕϥⲓ ⲛⲁϭⲟⲙ ⲧⲏⲣⲟⲩ ⲛⲁⲓ ⲉⲧⲉⲙⲛⲟⲩⲟⲉⲓⲛ ⲛϩⲏⲧⲟⲩ ⲁⲕϯ ⲉϩⲟⲩⲛ ⲉⲣⲟⲟⲩ ⲛⲟⲩⲟⲩⲟⲉⲓⲛ ⲉϥⲥⲟⲧϥ · ⲁⲩⲱ ⲛⲁⲙⲉⲗⲟⲥ ⲧⲏⲣⲟⲩ ⲛⲁⲓ ⲉⲧⲉⲙⲛⲟⲩⲟⲉⲓⲛ ⲕⲓⲙ ⲛϩⲏⲧⲟⲩ ⲁⲕϯ ⲛⲁⲩ ⲛⲟⲩⲟⲩⲟⲉⲓⲛ ⲛⲱⲛϩ ϩⲙⲡⲉⲕϫⲓⲥⲉ · ⲁⲩⲱ ⲡϣⲁϫⲉ ⲉⲛⲧⲁⲧⲉⲕϭⲟⲙ ϫⲟⲟϥ ϫⲉⲁⲧⲉⲕϩⲓⲏ ϣⲱⲡⲉ ⲛⲟⲩⲙⲛⲧⲁⲧⲧⲁⲕⲟ · ⲙⲛⲡⲉⲕϩⲟ ·
“--it is the word which Pistis Sophia hath spoken: 'And thou hast taken all my powers in which was no light, and hast bestowed on them within purified light, and unto all my limbs, in which no light stirred, thou hast given life-light out of thy Height.' And the word which thy power hath spoken: Thy way is become indestructibleness, and thy face [also],”
pistis.sophia_book_3_part3:14
ⲁⲩⲱ ⲉⲣϣⲁⲛⲧⲉⲯⲩⲭⲏ ϫⲱ ⲙⲡⲙⲩⲥⲧⲏⲣⲓⲟⲛ ⲙⲡⲃⲱⲗ ⲉⲃⲟⲗ ⲛⲛⲉⲥⲫⲣⲁⲅⲓⲥ ·
And when the soul uttereth the mystery of the undoing of the seals,
pistis.sophia_book_3_part5:14
ⲁⲩⲱ ϯⲛⲁⲟⲩⲱϣⲃ ⲧⲁϫⲟⲟⲥ ⲛⲁⲩ ϫⲉⲛϯⲥⲟⲟⲩⲛ ⲁⲛ ⲙⲙⲱⲧⲛ ϫⲉⲛⲧⲉⲧⲛ ⲛⲓⲙ · ⲛⲉⲧⲣϩⲱⲃ ⲉⲧⲁⲛⲟⲙⲓⲁ · ⲙⲛⲙⲡⲉⲧϩⲟⲟⲩ ϩⲉⲱⲥ ϣⲁⲧⲉⲛⲟⲩ · ⲉⲧⲃⲉⲡⲁⲓ ⲃⲱⲕ ⲉⲡⲕⲁⲕⲉ ⲉⲧϩⲓⲃⲟⲗ ·
And I will answer and say unto them: I know you not, who ye are, ye who are doers of iniquity and of evil even unto now. Wherefor go into the outer darkness.
pistis.sophia_book_4_part2:14
ⲁⲩⲱ ⲉⲧⲃⲉⲡⲁⲓ ⲁⲓϫⲟⲟⲥ ⲛⲧⲥⲁⲙⲁⲣⲓⲧⲏⲥ ϫⲉⲉⲛⲉⲣⲉⲥⲟⲟⲩⲛ ⲡⲉ ⲛⲧⲇⲱⲣⲉⲁ ⲙⲡⲛⲟⲩⲧⲉ ⲁⲩⲱ ϫⲉⲛⲓⲙ ⲡⲉⲧϫⲱ ⲙⲙⲟⲥ ⲛⲉ ϫⲉⲁⲩⲉⲓⲥ ⲛⲧⲁⲥⲱ · ⲛⲉⲣⲁⲁⲓⲧⲉⲓ ⲙⲙⲟϥ ⲡⲉ ⲛϥϯ ⲛⲉ ⲛⲟⲩⲙⲟⲟⲩ ⲉϥⲟⲛϩ ⲛϥϣⲱⲡⲉ ⲛⲉ ⲛⲟⲩⲡⲏⲅⲏ ⲛϩⲏⲧⲉ ⲉϥϥⲱϭⲉ ⲉϩⲟⲩⲛ ⲉⲩⲱⲛϩ ⲛϣⲁⲉⲛⲉϩ ·
“And for this cause have I said to the Samaritan woman: 'If thou knewest of the gift of God, and who it is who saith unto thee: Give me to drink,--thou wouldst ask, and he would give thee | living water, and there would be in thee a spring which welleth up for everlasting life.”
pistis.sophia_book_3_part4:14
ⲛⲁⲓ ϯⲛⲁϫⲱ ⲉⲣⲱⲧⲛ ⲙⲡⲉⲟⲩⲟⲉⲓϣ ⲉⲣⲉⲡⲟⲩⲁ ⲡⲟⲩⲁ ⲛⲙⲙⲩⲥⲧⲏⲣⲓⲟⲛ ⲛⲁⲁⲙⲁϩⲧⲉ ϣⲁⲣⲟϥ · ϩⲣⲁⲓ ϩⲙⲡⲥⲱⲣ ⲉⲃⲟⲗ ⲙⲡⲧⲏⲣϥ · ⲁⲩⲱ ⲟⲛ ⲡⲙⲩⲥⲧⲏⲣⲓⲟⲛ ⲙⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ · ⲙⲛⲙⲙⲩⲥⲧⲏⲣⲓⲟⲛ ⲙⲡⲓⲁⲧϣⲁϫⲉ ⲉⲣⲟϥ ⲉϣⲁⲩⲕⲱ ⲉⲃⲟⲗ ⲛⲧⲉⲯⲩⲭⲏ ϩⲛⲛⲧⲟⲡⲟⲥ ⲧⲏⲣⲟⲩ ⲛⲧⲉⲛⲁⲣⲭⲱⲛ · ⲛⲟⲃⲉ ⲛⲓⲙ' ⲙⲛⲁⲛⲟⲙⲓⲁ ⲛⲓⲙ' ⲛⲧⲁⲥⲁⲁⲩ ⲛϭⲓⲧⲉⲯⲩⲭⲏ · ⲁⲩⲱ ⲟⲛ ϫⲉϣⲁⲩⲕⲁⲁⲩ ⲧⲏⲣⲟⲩ ⲛⲁⲥ ⲉⲃⲟⲗ · ⲁⲗⲗⲁ ⲙⲉⲉⲩⲉⲡⲛⲟⲃⲉ ⲉⲣⲟⲥ ϫⲓⲛⲡⲉⲓⲛⲁⲩ ϩⲉⲱⲥ ϣⲁⲉⲛⲉϩ ⲛⲉⲛⲉϩ · ⲉⲧⲃⲉⲧⲇⲱⲣⲉⲁ ⲙⲡⲛⲟϭ ⲙⲙⲩⲥⲧⲏⲣⲓⲟⲛ ⲉⲧⲙⲙⲁⲩ · ⲙⲛⲡⲉⲩⲉⲟⲟⲩ ⲉⲧⲛⲁϣⲱϥ ⲉⲙⲁϣⲟ ⲉⲙⲁϣⲟ ·
“--the time up to which every one of the mysteries shall be effective I will tell you at the expansion of the universe. And moreover the mystery of the First Mystery and the mysteries of the Ineffable forgive the soul in all the regions of the rulers all the sins and all the iniquities which the soul hath committed; and [not only] do they forgive it all, but they impute unto it no sin from this hour unto all eternity, because of the gift of that great mystery and its prodigiously great glory.”
pistis.sophia_book_3_part2:14
ⲁϫⲓⲥ ⲛⲁⲩ ϫⲉⲧⲉⲓⲣⲏⲛⲏ ⲛⲏⲧⲛ ·
say unto them: Peace be with you.
pistis.sophia_book_1_part6:14
ⲡϫⲟⲉⲓⲥ ⲡⲉ ⲡⲧⲁϫⲣⲟ ⲛⲛⲉⲧⲣϩⲟⲧⲉ ϩⲏⲧϥ ⲁⲩⲱ ⲡⲣⲁⲛ ⲙⲡϫⲟⲉⲓⲥ ⲡⲁⲛⲉⲧⲣϩⲟⲧⲉ ϩⲏⲧϥ ⲡⲉ · ⲉⲧⲁⲙⲟⲟⲩ ⲉⲧⲉϥⲇⲓⲁⲑⲏⲕⲏ · ⲉⲣⲉⲛⲁⲃⲁⲗ ⲉⲓⲟⲣⲙ ⲉⲡϫⲟⲉⲓⲥ ⲛⲟⲩⲟⲉⲓϣ ⲛⲓⲙ ϫⲉⲛⲧⲟϥ ⲡⲉⲧⲛⲁⲧⲉⲕⲙ ⲛⲁⲟⲩⲉⲣⲏⲧⲉ ⲉⲃⲟⲗ ϩⲙⲡⲡⲁϣ · ϭⲱϣⲧ ⲉϩⲣⲁⲓ ⲉϫⲱⲓ ⲛⲅⲛⲁ ⲛⲁⲓ · ϫⲉⲁⲛⲅⲟⲩϣⲏⲣⲉ ⲛⲟⲩⲱⲧ .
“14. The Lord is the strength of them who fear him; and the name of the Lord belongeth to them who fear him, to make known unto them his covenant. 15. Mine eyes are raised ever unto the Lord, for he will draw my feet out of the snare. 16. Look down upon me and be gracious unto me, for I am an only-begotten;”
pistis.sophia_book_1_part2:14
ⲁⲩⲱ ⲟⲛ ⲉϥⲛϩⲏⲧϥ ⲛϭⲓⲡⲉⲟⲟⲩ ⲧⲏⲣϥ ⲙⲡⲣⲁⲛ ⲙⲡⲛⲟϭ ⲛⲁϩⲟⲣⲁⲧⲟⲥ · ⲉⲧⲉⲛⲧⲟϥ ⲡⲉ ⲡⲛⲟϭ ⲙⲡⲣⲟⲡⲁⲧⲱⲣ ⲁⲩⲱ ⲙⲛⲙⲩⲥⲧⲏⲣⲓⲟⲛ ⲙⲡϣⲟⲙⲛⲧ ⲛⲧⲣⲓⲇⲩⲛⲁⲙⲓⲥ · ⲁⲩⲱ ⲙⲛⲡⲙⲩⲥⲧⲏⲣⲓⲟⲛ ⲙⲡⲉⲩⲧⲟⲡⲟⲥ ⲧⲏⲣϥ · ⲁⲩⲱ ⲙⲛⲡⲙⲩⲥⲧⲏⲣⲓⲟⲛ ⲛⲛⲉⲩⲁϩⲟⲣⲁⲧⲟⲥ ⲧⲏⲣⲟⲩ . ⲙⲛⲛⲉⲧϣⲟⲟⲡ ⲧⲏⲣⲟⲩ ϩⲙⲡⲙⲉϩⲙⲛⲧϣⲟⲙⲧⲉ ⲛⲛⲁⲓⲱⲛ · ⲁⲩⲱ ⲙⲛⲡⲣⲁⲛ ⲙⲡⲙⲛⲧⲥⲛⲟⲟⲩⲥ ⲛⲁⲓⲱⲛ · ⲁⲩⲱ ⲙⲛⲛⲉⲩⲁⲣⲭⲱⲛ ⲧⲏⲣⲟⲩ ⲁⲩⲱ ⲙⲛⲛⲉⲩⲁⲣⲭⲁⲅⲅⲉⲗⲟⲥ ⲧⲏⲣⲟⲩ ⲁⲩⲱ ⲙⲛⲛⲉⲩⲁⲅⲅⲉⲗⲟⲥ ⲧⲏⲣⲟⲩ ⲁⲩⲱ ⲙⲛⲛⲉⲧϣⲟⲟⲡ ⲧⲏⲣⲟⲩ ϩⲙⲡⲙⲛⲧⲥⲛⲟⲟⲩⲥ ⲛⲛⲁⲓⲱⲛ ·
And further there is therein the whole glory of the name of the great Invisible, | which is the great Forefather, and the mystery of the three triple-powers and the mystery of their whole region and the mystery of all their invisibles and of all those who are in the thirteenth æon, and the name of the twelve æons and of all their rulers and all their archangels and all their angels and of all those who are in the twelve æons,
pistis.sophia_book_1_part8:14
ⲁⲥϩⲓⲧⲟⲟⲧⲥ ⲁⲥϩⲩⲙⲛⲉⲩⲉ ⲛϭⲓⲧϭⲟⲙ ⲛϩⲓⲗⲓⲕⲣⲓⲛⲉⲥ ⲛⲟⲩⲟⲉⲓⲛ ⲉⲧϩⲛⲧⲥⲟⲫⲓⲁ ·
the pure light-power in Sophia began to sing praises.
pistis.sophia_book_2_part2:14
ⲡⲉⲛⲧⲁϥⲕⲱⲧⲉ ⲉⲧⲡⲓⲥⲧⲓⲥ ⲥⲟⲫⲓⲁ ϩⲓⲥⲁ ⲛⲓⲙ ⲙⲙⲟⲥ ⲛⲧϩⲉ ⲛⲟⲩϩⲟⲡⲗⲟⲛ · ⲁⲩⲱ ⲡϣⲁϫⲉ ⲉⲛⲧⲁⲧⲉⲕϭⲟⲙ ϫⲟⲟϥ ϫⲉⲛϥⲛⲁⲣϩⲟⲧⲉ ⲁⲛ ϩⲏⲧⲥ ⲛⲟⲩϩⲟⲧⲉ ⲛϭⲱⲣϩ ⲉⲧⲉⲡⲁⲓ ⲡⲉ ϫⲉⲙⲡⲉⲧⲡⲓⲥⲧⲓⲥ ⲥⲟⲫⲓⲁ ⲣϩⲟⲧⲉ ϩⲏⲧⲟⲩ ⲛⲛϩⲟⲧⲉ ⲙⲛⲛϣⲧⲟⲣⲧⲣ ⲛⲁⲓ ⲉⲛⲧⲁⲩϫⲟⲥ ⲛϩⲏⲧⲟⲩ ϩⲙⲡⲉⲭⲁⲟⲥ ⲉⲧⲉⲛⲧⲟϥ ⲡⲉ ϭⲱⲣϩ · ⲁⲩⲱ ⲡϣⲁϫⲉ ⲉⲛⲧⲁⲧⲉⲕϭⲟⲙ ϫⲟⲟϥ ϫⲉⲛϥⲛⲁⲣϩⲟⲧⲉ ⲁⲛ ϩⲏⲧϥ ⲛⲟⲩⲥⲟⲧⲉ ⲉϥϩⲏⲗ ϩⲙⲡⲉϩⲟⲟⲩ · ⲉⲧⲉⲡⲁⲓ ⲡⲉ ϫⲉⲙⲡⲉⲧⲡⲓⲥⲧⲓⲥ ⲥⲟⲫⲓⲁ ·
“which hath surrounded Pistis Sophia on all her sides as a shield. And the word which thy power hath spoken: 'He will not be afraid of terror by night,'--that is: Pistis Sophia hath not been afraid of the terrors and alarms into which she had been planted in the chaos, which is the 'night.' And the word which thy power hath spoken: | He will not be afraid of an arrow which flieth by day,'--that is: Pistis Sophia hath not”
pistis.sophia_book_3_part7:14
ϣⲁⲩⲥⲫⲣⲁⲅⲓⲍⲉ ⲙⲙⲟϥ ⲉⲧⲧⲉϩⲛⲉ ⲧⲁⲓ ⲉⲧϩⲛⲡⲉⲡⲗⲁⲥⲙⲁ · ϩⲱⲥⲧⲉ ⲛⲉⲓⲥⲫⲣⲁⲅⲓⲥ ⲧⲏⲣⲟⲩ ϣⲁⲩⲥⲫⲣⲁⲅⲓⲍⲉ ⲙⲙⲟⲟⲩ ⲉⲡⲉⲡⲗⲁⲥⲙⲁ ⲛⲉⲓⲥⲫⲣⲁⲅⲓⲥ ⲧⲏⲣⲟⲩ ϯⲛⲁϫⲱ ⲙⲡⲉⲩⲣⲁⲛ ⲉⲣⲱⲧⲛ ⲙⲡⲥⲱⲣ ⲉⲃⲟⲗ ⲙⲡⲧⲏⲣϥ ⲁⲩⲱ ⲙⲛⲛⲥⲁⲡⲥⲱⲣ ⲉⲃⲟⲗ ϯⲛⲁϫⲱ ⲉⲣⲱⲧⲛ ⲙⲡⲧⲏⲣϥ ϫⲉⲉⲧⲃⲉⲟⲩ ⲛϩⲱⲃ ⲁⲛⲁⲓ ⲧⲏⲣⲟⲩ ϣⲱⲡⲉ
they seal on the forehead which is on the plasm. And so they seal all those seals on the plasm. I will tell you the names of all these seals at the expansion of the universe; and after the expansion of the universe I will tell you wherefor all hath come to pass.
pistis.sophia_book_2_part6:14
ⲁⲩⲱ ⲉⲧⲃⲉⲟⲩ ⲁⲡⲟⲩⲟⲉⲓⲛ ⲛⲛⲟⲩⲟⲉⲓⲛ ϣⲱⲡⲉ · ⲁⲩⲱ ⲡⲙⲩⲥⲧⲏⲣⲓⲟⲛ ⲉⲧⲙⲙⲁⲩ ⲛⲧⲟϥ ⲡⲉ ⲉⲧⲥⲟⲟⲩⲛ ϫⲉⲉⲧⲃⲉⲟⲩ ⲁⲛⲉⲭⲁⲟⲥ ϣⲱⲡⲉ ·
“and why the light of the lights hath arisen. And that mystery knoweth why the chaos hath arisen”
pistis.sophia_book_2_part8:14
ⲁⲩⲱ ⲡⲉⲧⲛⲁϫⲓ ⲙⲡⲙⲉϩⲙⲛⲧⲥⲛⲟⲟⲩⲥ ⲙⲙⲩⲥⲧⲏⲣⲓⲟⲛ ϩⲓⲛⲉⲩⲉⲣⲏⲩ ⲛⲧⲉⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ ⲉⲧⲉⲛⲧⲟϥ ⲡⲉ ⲡⲁⲩⲑⲉⲛⲧⲏⲥ ⲙⲙⲩⲥⲧⲏⲣⲓⲟⲛ · ⲡⲁⲓ ⲉϯϣⲁϫⲉ ⲛⲙⲙⲏⲧⲛ ⲉⲧⲃⲏⲏⲧϥ ·
“And he who shall receive in sequence the twelfth mystery of the First Mystery, that is the master-mystery concerning which I discourse with you,”
pistis.sophia_book_1_part4:14
ⲍ ⲁⲥϣⲱⲡⲉ ϭⲉ ⲉⲣⲉⲓⲏⲥⲟⲩⲥ ϫⲱ ⲛⲛⲉⲓϣⲁϫⲉ ⲉⲛⲉϥⲙⲁⲑⲏⲧⲏⲥ ⲡⲉϫⲁϥ ⲛⲁⲩ ϫⲉⲡⲁⲓ ⲡⲉ ⲡϩⲩⲙⲛⲟⲥ ⲉⲛⲧⲁⲥϫⲟⲟϥ ⲛϭⲓⲧⲡⲓⲥⲧⲓⲥ ⲥⲟⲫⲓⲁ · ϩⲛⲧⲉⲥϣⲟⲣⲡ ⲙⲙⲉⲧⲁⲛⲟⲓⲁ · ⲉⲥⲙⲉⲧⲁⲛⲟⲉⲓ ⲉⲧⲃⲉⲡⲉⲥⲛⲟⲃⲉ · ⲁⲩⲱ ⲉⲥϫⲱ ⲛϩⲱⲃ ⲛⲓⲙ ⲉⲛⲧⲁⲩϣⲱⲡⲉ ⲙⲙⲟⲥ · ⲧⲉⲛⲟⲩ ϭⲉ ⲡⲉⲧⲉⲟⲩⲛⲙⲁⲁϫⲉ ⲙⲙⲟϥ ⲉⲥⲱⲧⲙ ⲙⲁⲣⲉϥⲥⲱⲧⲙ :
“It came to pass then, when Jesus had spoken these words unto his disciples, that he said unto them: This is the song of praise which Pistis Sophia uttered in her first repentance, repenting of her sin, and reciting all which had befallen her. Now, therefore: 'Who hath ears to hear, let him hear.”
pistis.sophia_book_3_part1:14
ⲁϫⲓⲥ ⲉⲣⲟⲟⲩ ϫⲉⲁⲡⲟⲧⲁⲥⲥⲉ ⲛⲛⲓⲙⲛⲧⲣⲉϥⲧⲱⲣⲡ ϫⲉⲉⲧⲉⲧⲛⲙⲡϣⲁ ⲛⲙⲙⲩⲥⲧⲏⲣⲓⲟⲛ ⲙⲡⲟⲩⲟⲉⲓⲛ ⲛⲧⲉⲧⲛⲛⲟⲩϩⲙ ⲉⲛⲉⲓⲉⲣⲟ ⲛⲕⲣⲱⲙ ⲛⲧⲉⲁⲣⲓⲏⲗ ·
“Say unto them: Renounce pillage, that ye may be worthy of the mysteries of the Light and be saved from the fire-rivers of Ariēl.”
pistis.sophia_book_1_part3:14
ⲛⲁϣ ⲛϩⲉ ⲛⲉⲣⲉⲛⲉⲯⲩⲭⲟⲟⲩⲉ ⲛⲁⲱⲥⲕ ⲉⲃⲟⲗ ⲧⲁⲓ · ⲏ ⲉⲩⲛⲁⲥⲟⲧϥⲟⲩ ⲛⲧⲟϥ ϩⲛⲟⲩϭⲉⲡⲏ ⲛⲁϣ ⲛⲥⲙⲟⲧ ·
“in what way will the souls have delayed themselves here outside, and in what type will they be quickly purified?”
pistis.sophia_book_2_part5:14
ⲁⲩⲱ ⲡⲙⲉϩⲥⲁϣϥ ⲛⲥⲱⲧⲏⲣ ⲛⲛⲉⲡⲣⲟⲃⲟⲗⲟⲟⲩⲉ ⲛⲧⲙⲉϩⲥⲁϣϥⲉ ⲙⲫⲱⲛⲏ ⲙⲡⲉⲑⲏⲥⲁⲩⲣⲟⲥ ⲙⲡⲟⲩⲟⲉⲓⲛ ϥⲛⲁϣⲱⲡⲉ ϩⲙⲡⲧⲟⲡⲟⲥ ⲛⲛⲉⲯⲩⲭⲟⲟⲩⲉ ⲛⲛⲉⲣϫⲓ ⲙⲡⲙⲉϩⲥⲁϣϥ ⲙⲙⲩⲥⲏⲧⲣⲓⲟⲛ ⲛⲧⲉⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ ϩⲙⲡⲉⲑⲏⲥⲁⲩⲣⲟⲥ ⲙⲡⲟⲩⲟⲉⲓⲛ ·
“And the seventh saviour of the emanations of the seventh Voice of the Treasury of the Light will be in the region of the souls of those who have received the seventh mystery of the First Mystery in the Treasury [sic] of the Light.”
pistis.sophia_book_1_part1:14
ⲁⲩⲱ ⲧⲁⲡⲉ ⲛⲛⲉⲧϣⲟⲟⲡ ⲧⲏⲣⲟⲩ
and the head of all existence;
pistis.sophia_book_3_part6:14
ⲁⲥⲟⲩⲱϩⲙ ⲟⲩⲛ ⲛϭⲓⲙⲁⲣⲓⲁ ⲡⲉϫⲁⲥ ϫⲉⲡⲁϫⲟⲉⲓⲥ ⲡⲁⲓ ⲡⲉ ⲡϣⲁϫⲉ ⲛⲧⲁⲕϫⲟⲟϥ ⲉⲣⲟⲛ ⲙⲡⲓⲟⲩⲟⲉⲓϣ ϩⲛⲟⲩⲡⲁⲣⲁⲃⲟⲗⲏ ⲉⲕϫⲱ ⲙⲙⲟⲥ ϫⲉⲕⲱ ⲛⲏⲧⲛ ⲛⲟⲩϣⲃⲏⲣ ⲉⲃⲟⲗ ϩⲙⲡⲁⲙⲱⲛⲁⲥ ⲛⲧⲉⲧⲁⲇⲓⲕⲓⲁ ϫⲉⲕⲁⲥ ⲉⲧⲉⲧⲛϣⲁⲛϣⲱϫⲡ ⲉϥⲉϫⲓ ⲧⲏⲩⲧⲛ ⲉϩⲟⲩⲛ ⲉⲛⲉⲥⲕⲏⲛⲏ ϣⲁⲉⲛⲉϩ ·
“Mary then answered and said My Lord, this is the word which thou hast spoken unto us aforetime, in a similitude, saying: 'Make to yourselves a friend out of the Mamōn of unrighteousness, so that if ye remain behind, he may receive you into I the everlasting tents.”
pistis.sophia_book_2_part7:14
ⲁⲩⲱ ⲉⲧⲃⲉⲟⲩ ⲁⲩⲡⲣⲟⲉⲗⲑⲉ ⲉⲃⲟⲗ ϩⲛⲛⲓⲁⲡⲁⲧⲱⲣ · ⲁⲩⲱ ⲡⲙⲩⲥⲧⲏⲣⲓⲟⲛ ⲉⲧⲙⲙⲁⲩ ⲛⲧⲟϥ ⲡⲉⲧⲥⲟⲟⲩⲛ ϫⲉⲉⲧⲃⲉⲟⲩ ⲁⲩⲥⲕⲩⲗⲗⲉⲓ ⲙⲙⲟⲟⲩ ⲛϭⲓⲛⲓϩⲩⲡⲉⲣⲃⲁⲑⲟⲥ ·
“and wherefor they have come forth | from the Fatherless. And that mystery knoweth wherefor the Super-deeps have rent themselves asunder”
pistis.sophia_book_4_part1:14
ⲛⲉⲣⲉⲡⲇⲓⲥⲕⲟⲥ ⲇⲉ ⲙⲡⲣⲏ ⲛⲉϥⲟ ⲛⲟⲩⲛⲟϭ ⲛⲇⲣⲁⲕⲱⲛ ⲉⲣⲉⲡⲉϥⲥⲉⲓⲁⲧ ⲛϩⲟⲩⲛ ⲛⲣⲱϥ ⲉϥⲁⲗⲉ ⲉⲥⲁϣϥⲉ ⲛⲇⲩⲛⲁⲙⲓⲥ ⲛⲧⲉϩⲃⲟⲩⲣ · ⲉⲩⲥⲱⲕ ϩⲁⲣⲟϥ ⲛϭⲓϥⲧⲟ ⲛⲇⲩⲛⲁⲙⲓⲥ ⲉⲩⲟ ⲙⲡⲉⲓⲛⲉ ⲛϩⲉⲛϩⲧⲟ ⲛⲟⲩⲟⲃϣ ·
And the disk of the sun was a great dragon whose tail was in his mouth and who reached to seven powers of the Left and whom four powers in the form of white horses drew.
pistis.sophia_book_1_part5:14
ⲁⲓⲣⲧϩⲉ ⲛⲟⲩϫⲁϫ · ϩⲓⲟⲩϫⲉⲛⲉⲡⲱⲣ ⲙⲁⲩⲁⲁϥ ·
I am become as a sparrow alone on the roof.
pistis.sophia_book_2_part1:14
ⲍ ⲁⲥϣⲱⲡⲉ ϭⲉ ⲛⲧⲉⲣⲉⲓⲱϩⲁⲛⲛⲏⲥ ⲧⲁⲩⲉⲛⲉⲓϣⲁϫⲉ · ⲡⲉϫⲁϥ ⲛⲁϥ ⲛϭⲓⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ ⲉⲧϭⲱϣⲧ ⲉⲃⲟⲗ ϫⲉⲉⲩⲅⲉ ⲓⲱϩⲁⲛⲛⲏⲥ ⲡⲥⲟⲛ ⲙⲡⲙⲉⲣⲓⲧ ·
“It came to pass then, when John had brought forward these words, that the First Mystery which looketh without, said unto -him: Well said, John, beloved brother.”
pistis.sophia_book_2_part9:14
ⲧⲉⲛⲟⲩ ϭⲉ ⲟⲛ ⲁⲛⲇⲣⲉⲁⲥ ⲁⲓⲧⲉⲓ ⲉⲕϣⲟⲟⲡ' ϩⲛⲟⲩⲙⲛⲧⲁⲡⲓⲥⲧⲟⲥ ⲁⲩⲱ ⲙⲛⲟⲩⲙⲛⲧⲁⲧⲥⲟⲟⲩⲛ ·
“This is the answer to the words on which ye question. Now, therefore, Andrew, art thou still in unfaith and unknowing?”
pistis.sophia_book_2_part4:14
ⲧⲉⲛⲟⲩ ϭⲉ ⲱ ⲡⲟⲩⲟⲉⲓⲛ ⲡⲉⲭⲁⲟⲥ ⲛⲧⲁϥⲧⲁⲙⲓⲟϥ ⲉⲧⲣⲉϥⲛⲟϫⲧ ⲉⲣⲟϥ ⲛϥϥⲓ ⲧⲁϭⲟⲙ ⲛⲟⲩⲟⲉⲓⲛ ⲛϩⲏⲧ . ϥⲓⲧⲱϥ ⲛϩⲏⲧϥ · ⲁⲩⲱ ⲡⲙⲉⲉⲩⲉ ⲉⲛⲧⲁϥⲙⲉⲉⲩⲉ ⲉⲣⲟϥ ⲉⲧⲣⲉϥϥⲓⲡⲁⲟⲩⲟⲉⲓⲛ .
“3. Now, therefore, O Light, the chaos which he hath made, in order to cast me down therein and take from me my light-power, take then from him his own. 4. And the plan which he hath devised, to take my light,”
pistis.sophia_book_1_part7:14
ⲛⲛⲉⲙⲡⲁⲧⲓⲉⲓ ⲇⲉ ⲡⲉ ⲉⲡⲧⲟⲡⲟⲥ ⲛⲛⲁⲓⲱⲛ ⲉⲡⲧⲏⲣϥ · ⲁⲗⲗⲁ ⲁⲓⲉⲓ ⲉⲃⲟⲗ ϩⲛⲧⲉⲩⲙⲏⲧⲉ ⲧⲏⲣⲟⲩ ⲉⲙⲡⲉⲗⲁⲁⲩ ⲛϭⲟⲙ ⲉⲓⲙⲉ · ⲟⲩⲧⲉ ⲛⲁⲡⲥⲁ ⲛϩⲟⲩⲛ ⲛⲧⲉⲡⲥⲁ ⲛϩⲟⲩⲛ · ⲟⲩⲧⲉ ⲛⲁⲡⲥⲁ ⲛⲃⲟⲗ ⲛⲧⲉⲡⲥⲁ ⲛⲃⲟⲗ · ⲉⲓⲙⲏⲧⲓ ⲉⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ ⲙⲙⲁⲧⲉ ·
I did not however yet go to the region of the æons at all; but I passed down through the midst out of them, without any single power knowing it, either those of the interior of the interior or those of the exterior of the exterior, save only the First Mystery.
pistis.sophia_book_1_part6:15
ⲁⲛⲅⲟⲩϩⲏⲕⲉ ⲁⲛⲟⲕ · ⲁⲛⲉ ⲑⲗⲓⲯⲓⲥ ⲙⲡⲁϩⲏⲧ ⲟⲩⲱϣⲥ ⲉⲃⲟⲗ ·
“I am wretched. 17. The afflictions of my heart have increased;”
pistis.sophia_book_2_part3:15
ⲛⲧⲟϥ ⲡⲉ ⲡϣⲁϫⲉ ⲉⲛⲧⲁⲥϫⲟⲟϥ ⲛϭⲓⲧⲡⲓⲥⲧⲓⲥ ⲥⲟⲫⲓⲁ ϫⲉⲁⲩⲱ ⲁⲕⲥⲟⲩⲧⲛ ⲧⲉⲕϩⲓⲏ ⲛⲁⲓ · ⲙⲛⲡⲟⲩⲟⲉⲓⲛ ⲙⲡⲉⲕϩⲟ ⲁⲩϣⲱⲡⲉ ⲛⲁⲓ ⲛⲟⲩⲱⲛϩ ⲛⲁⲧⲧⲁⲕⲟ · ⲁⲩⲱ ⲡϣⲁϫⲉ ⲉⲛⲧⲁⲧⲉⲕϫⲟⲙ ϫⲟⲟϥ ϫⲉⲁⲕⲛⲡⲉⲕⲁⲓⲱⲛ ⲉϫⲙⲡⲧⲁⲕⲟ · ϫⲉⲕⲁⲥ ⲉⲩⲉⲃⲱⲗ ⲉⲃⲟⲗ ⲛⲥⲉⲣⲃⲣⲣⲉ ⲧⲏⲣⲟⲩ ·
“--it is the word which Pistis Sophia hath spoken: 'And thou hast made straight thy way for me, and the light of thy face hath become for me life indestructible.' And the word which thy power hath spoken: 'Thou hast led thy æon above decay, so that all might be loosed and renewed,”
pistis.sophia_book_3_part3:15
ⲛⲧⲉⲩⲛⲟⲩ ϣⲁⲩⲃⲱⲗ ⲉⲃⲟⲗ ⲛϭⲓⲙⲙⲣⲣⲉ ⲛⲛⲉⲥⲫⲣⲁⲅⲓⲥ ⲛⲁⲓ ⲉⲧⲙⲏⲣ ϩⲙⲡⲁⲛⲧⲓⲙⲓⲙⲟⲛ ⲙⲡⲛⲉⲩⲙⲁ ⲉϩⲟⲩⲛ ⲉⲧⲉⲯⲩⲭⲏ ·
straightway the bonds of the seals which are bound in the counterfeiting spirit to the soul undo themselves.
pistis.sophia_book_3_part4:15
ⲛⲁⲓ ϭⲉ ⲛⲧⲉⲣⲉϥϫⲟⲟⲩ ⲛϭⲓⲡⲥⲱⲧⲏⲣ ⲡⲉϫⲁϥ ⲛⲛⲉϥⲙⲁⲑⲏⲧⲏⲥ ϫⲉⲧⲉⲧⲛⲛⲟⲉⲓ ϫⲉⲉⲓϣⲁϫⲉ ⲛⲙⲙⲏⲧⲛ ⲛⲁϣ ⲛϩⲉ · ⲁⲥⲟⲩⲱϣⲃ ⲟⲛ ⲛϭⲓⲙⲁⲣⲓⲁ ⲡⲉϫⲁⲥ ϫⲉⲥⲉ ⲡⲁϫⲟⲉⲓⲥ · ⲁⲓⲟⲩⲱ ⲉⲓϩⲁⲣⲡⲁⲍⲉ ⲛϣⲁϫⲉ ⲛⲓⲙ' ⲉⲧⲕϫⲱ ⲙⲙⲟⲟⲩ ·
“When then the Saviour had said this, he said unto his disciples: Understand ye in what manner I speak with you?” And Mary answered again and said: “Yea, my Lord, already have I seized on all the words which thou sayest.”
pistis.sophia_book_3_part2:15
ⲁⲩⲱ ⲉϣⲱⲡⲉ ⲉⲩⲙⲡϣⲁ ⲙⲁⲣⲉⲧⲉⲧⲛⲉⲓⲣⲏⲛⲏ ⲉⲓ ⲉϩⲣⲁⲓ ⲉϫⲱⲟⲩ ·
And if they are worthy, let your peace come upon them;
pistis.sophia_book_1_part5:15
ⲁⲛⲁϫⲓϫⲉⲉⲩⲉ ⲛⲉϭⲛⲟⲩϭⲧ · ⲙⲡⲉϩⲟⲟⲩ ⲧⲏⲣϥ · ⲁⲩⲱ ⲛⲉⲧⲧⲁⲓⲟ ⲙⲙⲟⲓ ⲛⲉⲩⲱⲣⲕ ⲙⲙⲟⲓ ⲡⲉ · ϫⲉⲁⲓⲟⲩⲱⲙ ⲛⲟⲩⲕⲣⲙⲉⲥ ⲉⲡⲙⲁ ⲙⲡⲁⲟⲉⲓⲕ · ⲁⲓⲕⲉⲣⲁ ⲙⲡⲉϯⲛⲁⲥⲟⲟϥ ϩⲓⲣⲙⲉⲓⲏ · ⲙⲡⲉⲙⲧⲟ ⲉⲃⲟⲗ ⲛⲧⲉⲕⲟⲣⲅⲏ . ⲙⲛⲡⲉⲕϭⲱⲛⲧ ϫⲉⲁⲕϥⲓⲧ . ⲁⲕⲧⲁⲩⲟⲓ ⲉϩⲣⲁⲓ · ⲁⲛⲁϩⲟⲟⲩ ⲣⲓⲕⲉ ⲛⲧϩⲉ ⲛⲟⲩϩⲁⲓⲃⲉⲥ · ⲁⲩⲱ ⲁⲓϣⲟⲟⲩⲉ ⲛⲧϩⲉ ⲛⲟⲩⲭⲟⲣⲧⲟⲥ ·
“8. My enemies have reviled me all the day long, and they who honour me, have injured me. “9. For I have eaten ashes instead of my bread and mixed my drink with tears, 10. Because of thy wrath and thy rage; for thou hast lifted me up and cast me down. 11. My days have declined as a shadow, and I am dried up as the grass,”
pistis.sophia_book_2_part7:15
ⲁⲩⲱ ⲉⲧⲃⲉⲟⲩ ⲁⲩⲥⲟⲣⲟⲩ ⲉⲃⲟⲗ ⲉⲩⲟ ⲛⲟⲩⲧⲁⲝⲓⲥ ⲛⲟⲩⲱⲧ ⲁⲩⲱ ⲉⲧⲃⲉⲟⲩ ⲁⲩⲡⲣⲟⲉⲗⲑⲉ ⲉⲃⲟⲗ ϩⲛⲛⲓⲁⲡⲁⲧⲱⲣ · ⲁⲩⲱ ⲡⲙⲩⲥⲧⲏⲣⲓⲟⲛ ⲉⲧⲙⲙⲁⲩ ⲛⲧⲟϥ ⲡⲉⲧⲥⲟⲟⲩⲛ ϫⲉⲉⲧⲃⲉⲟⲩ ⲁⲩⲥⲕⲩⲗⲗⲉⲓ ⲙⲙⲟⲟⲩ ⲛϭⲓⲡⲙⲛⲧⲥⲛⲟⲟⲩⲥ ⲛⲧⲁⲝⲓⲥ ⲛⲛⲓⲁϩⲣⲏⲧⲟⲥ ⲁⲩⲱ ⲉⲧⲃⲉⲟⲩ ⲣⲱ ⲁⲩⲛⲉϩⲟⲩ ⲉⲃⲟⲗ ⲉⲩⲟ ⲛϣⲟⲙⲧⲉ ⲙⲙⲉⲣⲓⲥ · ⲁⲩⲱ ⲉⲧⲃⲉⲟⲩ ⲣⲱ ⲁⲩⲡⲣⲟⲉⲗⲑⲉ ⲉⲃⲟⲗ ϩⲛⲛⲓⲁⲡⲁⲧⲱⲣ :
“and wherefor they have distributed themselves, being a single order, and wherefor they have come forth from the Fatherless. And that mystery knoweth wherefor the twelve orders of the Unspeakables have rent themselves asunder and wherefor they have divided themselves, being three portions, and wherefor they have come forth from the Fatherless.”
pistis.sophia_book_3_part5:15
ⲁⲩⲱ ϩⲛⲧⲉⲩⲛⲟⲩ ⲉⲧⲙⲙⲁⲩ ⲥⲉⲛⲁⲃⲱⲕ ⲉⲡⲕⲁⲕⲉ ⲉⲧϩⲓⲃⲟⲗ ·
And | from that hour they will go into the outer darkness,
pistis.sophia_book_3_part6:15
ⲛⲓⲙ ⲟⲩⲛ ϭⲉ ⲡⲉ ⲡⲁⲙⲱⲛⲁⲥ ⲛⲧⲉⲧⲁⲇⲓⲕⲓⲁ · ⲉⲓⲙⲏⲧⲓ ⲡⲉⲇⲣⲁⲕⲱⲛ ⲙⲡⲕⲁⲕⲉ ⲉⲧϩⲓⲃⲟⲗ · ⲉⲧⲉⲡⲁⲓ ⲡⲉ ⲡϣⲁϫⲉ ϫⲉⲡⲉⲧⲛⲁⲛⲟⲉⲓ ⲙⲡⲙⲩⲥⲧⲏⲣⲓⲟⲛ ⲙⲡⲟⲩⲁ ⲛⲛⲣⲁⲛ ⲙⲡⲉⲇⲣⲁⲕⲱⲛ ⲙⲡⲕⲁⲕⲉ ⲉⲧϩⲓⲃⲟⲗ ⲁϥϣⲁⲛⲧϣⲱϫⲡ ϩⲙⲡⲕⲁⲕⲉ ⲉⲧϩⲓⲃⲟⲗ ·
Who then is the Mamōn of unrighteousness, if not the dragon of the outer darkness? This is the word: He who shall understand the mystery of one of the names of the dragon of the outer darkness, if he remaineth behind in the outer darkness
pistis.sophia_book_4_part2:15
ⲁⲩⲱ ⲟⲛ ⲉⲧⲃⲉⲡⲁⲓ ⲁⲓϫⲓ ⲛⲟⲩⲁⲡⲟⲧ ⲛⲏⲣⲡ ⲁⲓⲥⲙⲟⲩ ⲉⲣⲟϥ ⲁⲓⲧⲁⲁϥ ⲛⲏⲧⲛ ϫⲉⲡⲁⲓ ⲡⲉ ⲡⲉⲥⲛⲟϥ ⲛⲧⲇⲓⲁⲑⲏⲕⲏ ⲉⲧⲟⲩⲛⲁⲡⲟⲛϥ ⲉⲃⲟⲗ ϩⲁⲣⲱⲧⲛ ⲉⲡⲕⲱ ⲉⲃⲟⲗ ⲛⲛⲉⲧⲛⲛⲟⲃⲉ . ⲁⲩⲱ ⲟⲛ ⲉⲧⲃⲉⲡⲁⲓ ⲁⲩϫⲟ ⲛⲧⲗⲟⲅⲭⲏ ⲉϩⲟⲩⲛ ⲉⲡⲁⲥⲡⲓⲣ · ⲁϥⲉⲓ ⲉⲃⲟⲗ ⲛϭⲓⲟⲩⲙⲟⲟⲩ ⲙⲛⲟⲩⲥⲛⲟϥ ·
“And for this cause I took also a cup of wine, blessed it and give it unto you and said: 'This is the blood of the covenant which will be poured out for you for the forgiveness of your sins.' And for this cause they have also thrust the spear into my side, and there came forth water and blood.”
pistis.sophia_book_1_part2:15
ⲁⲩⲱ ⲡⲙⲩⲥⲧⲏⲣⲓⲟⲛ ⲧⲏⲣϥ ⲙⲡⲣⲁⲛ ⲛⲛⲉⲧϣⲟⲟⲡ ⲧⲏⲣⲟⲩ ϩⲛⲧϩⲓⲙⲁⲣⲙⲉⲛⲏ ⲙⲛⲙⲡⲏⲩⲉ ⲧⲏⲣⲟⲩ · ⲁⲩⲱ ⲡⲙⲩⲥⲧⲏⲣⲓⲟⲛ ⲧⲏⲣϥ ⲙⲡⲣⲁⲛ ⲛⲛⲉⲧϣⲟⲟⲡ ⲧⲏⲣⲟⲩ ϩⲛⲧⲉⲥⲫⲉⲣⲁ ⲁⲩⲱ ⲙⲛⲛⲉⲩⲥⲧⲉⲣⲉⲱⲙⲁ ⲙⲛⲛⲉⲧⲛϩⲏⲧⲟⲩ ⲧⲏⲣⲟⲩ ⲁⲩⲱ ⲙⲛⲛⲉⲩⲧⲟⲡⲟⲥ ⲧⲏⲣⲟⲩ ·
and the whole mystery of the name of all those who are in the Fate and in all the heavens, and the whole mystery of the name of all those who are in the sphere, and of its firmaments and of all who are in them, and of all their regions.
pistis.sophia_book_2_part8:15
ⲁⲩⲱ ⲡⲉⲧⲛⲁϫⲓ ⲟⲩⲛ ⲙⲡⲙⲛⲧⲥⲛⲟⲟⲩⲥ ⲙⲙⲩⲥⲧⲏⲣⲓⲟⲛ ⲉⲧⲙⲙⲁⲩ ⲛⲁⲓ ⲉⲧⲏⲡ ⲉⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ ·
-- | and he who, therefore, shall receive those twelve mysteries which belong to the First Mystery,
pistis.sophia_book_1_part7:15
ⲍ ⲁⲥϣⲱⲡⲉ ϭⲉ ⲛⲧⲉⲣⲓⲉⲓ ⲉⲡⲉⲭⲁⲟⲥ ⲉⲃⲟⲏⲑⲉⲓ ⲉⲣⲟⲥ . ⲁⲥⲛⲁⲩ ⲉⲣⲟⲓ ⲉⲓⲟ ⲛⲛⲟⲉⲣⲟⲥ · ⲁⲩⲱ ⲉⲓⲟ ⲛⲟⲩⲟⲉⲓⲛ ⲉⲙⲁϣⲟ . ⲉⲓϣⲟⲟⲡ ϩⲛⲟⲩⲙⲛⲧⲛⲁⲏⲧ ⲉϩⲟⲩⲛ ⲉⲣⲟⲥ ·
“It came to pass then, when I came into the chaos to help her, that she saw me, that I was understanding and shone exceedingly and was full of compassion for her.”
pistis.sophia_book_2_part4:15
ⲥⲉⲛⲁⲡⲱϥ ⲛϩⲏⲧϥ · ⲁⲩⲱ ⲡϫⲓ ⲛϭⲟⲛⲥ ⲉⲛⲧⲁϥϫⲟⲟϥ ⲉⲧⲣⲉϥϥⲓ ⲛⲁⲟⲩⲟⲉⲓⲛ ⲛϩⲏⲧ : ϥⲓ ⲛⲟⲩϥ ⲧⲏⲣⲟⲩ ·
--they are to take his own from him; and the injustice which he hath spoken, to take my lights from me,--take then all of his.'
pistis.sophia_book_3_part1:15
ⲁϫⲓⲥ ⲉⲣⲟⲟⲩ ϫⲉⲁⲡⲟⲧⲁⲥⲥⲉ ⲛⲛⲓϣⲁϫⲉ ⲉⲧϩⲟⲟⲩ ϫⲉⲉⲧⲉⲧⲛⲙⲡϣⲁ ⲛⲙⲙⲩⲥⲧⲏⲣⲓⲟⲛ ⲙⲡⲟⲩⲟⲉⲓⲛ ⲛⲧⲉⲧⲛⲛⲟⲩϩⲙ ⲉⲛⲓⲕⲟⲗⲁⲥⲓⲥ ⲛⲓⲉⲣⲟ ⲛⲕⲣⲱⲙ ·
“Say unto them: Renounce evil conversation, that ye may be worthy of the mysteries of the Light and be saved from the chastisements of the fire-rivers . . . .”
pistis.sophia_book_2_part2:15
ⲙⲡⲥⲣϩⲟⲧⲉ ϩⲏⲧⲥ ⲛϯϭⲟⲙ ⲧⲁⲓ ⲉⲛⲧⲁⲡⲁⲩⲑⲁⲇⲏⲥ ⲧⲛⲛⲟⲟⲩⲥ ⲉⲃⲟⲗ ϩⲙⲡϫⲓⲥⲉ ⲙⲫⲁⲉ · ⲧⲁⲓ ⲉⲛⲧⲁⲥⲉⲓ ⲉⲡⲉⲭⲁⲟⲥ ⲉⲥⲟ ⲛⲧϩⲉ ⲛⲟⲩⲥⲟⲧⲉ ⲉϥϩⲏⲗ · ⲛⲧⲁⲧⲉⲕϭⲟⲙ ϭⲉ ⲛⲟⲩⲟⲉⲓⲛ ϫⲟⲟⲥ ϫⲉⲛⲅⲛⲁⲣϩⲟⲧⲉ ⲁⲛ ϩⲏⲧϥ ⲛⲟⲩⲥⲟⲧⲉ ⲉϥϩⲏⲗ ϩⲙⲡⲉϩⲟⲟⲩ · ⲉⲃⲟⲗ ϫⲉⲛⲧⲁⲧϭⲟⲙ ⲉⲧⲙⲙⲁⲩ ⲉⲓ ⲉⲃⲟⲗ ϩⲙⲡⲙⲉϩⲙⲛⲧϣⲟⲙⲧⲉ ⲛⲁⲓⲱⲛ · ⲉⲛⲧⲟϥ ⲡⲉ ⲉⲧⲟ ⲛϫⲟⲉⲓⲥ ⲉϫⲛⲡⲙⲉϩⲙⲛⲧⲥⲛⲟⲟⲩⲥ ⲛⲁⲓⲱⲛ ⲁⲩⲱ ⲛⲧⲟϥ ⲡⲉ ⲉⲧⲟ ⲛⲟⲩⲟⲉⲓⲛ ⲉⲛⲁⲓⲱⲛ ⲧⲏⲣⲟⲩ ·
been afraid of the power which Self-willed hath sent last of all out of the height, and which hath come into the chaos as it were a flying arrow. Thy light-power therefore hath said: 'Thou wilt not be afraid of an arrow which flieth by day,' for that power hath come out of the thirteenth æon, it being that which is lord over the twelve æons, and which giveth light unto all the æons;
pistis.sophia_book_2_part6:15
ⲁⲩⲱ ⲉⲧⲃⲉⲟⲩ ⲁϥϣⲱⲡⲉ ⲛϭⲓⲡⲉ ⲑⲏⲥⲁⲩⲣⲟⲥ ⲙⲡⲟⲩⲟⲉⲓⲛ · ⲁⲩⲱ ⲡⲙⲩⲥⲧⲏⲣⲓⲟⲛ ⲉⲧⲙⲙⲁⲩ ⲛⲧⲟϥ ⲡⲉ ⲉⲧⲥⲟⲟⲩⲛ ϫⲉⲉⲧⲃⲉⲟⲩ ⲁⲛⲉⲕⲣⲓⲥⲓⲥ ϣⲱⲡⲉ ⲁⲩⲱ ⲉⲧⲃⲉⲟⲩ ⲁϥϣⲱⲡⲉ ⲛϭⲓⲡⲕⲁϩ ⲙⲡⲟⲩⲟⲉⲓⲛ ⲙⲛⲡⲧⲟⲡⲟⲥ ⲛⲛⲉⲕⲗⲏⲣⲟⲛⲟⲙⲓⲁ ⲙⲡⲟⲩⲟⲉⲓⲛ · ⲁⲩⲱ ⲡⲙⲩⲥⲧⲏⲣⲓⲟⲛ ⲉⲧⲙⲙⲁⲩ ⲛⲧⲟϥ ⲡⲉⲧⲥⲟⲟⲩⲛ ϫⲉⲉⲧⲃⲉⲟⲩ ⲁ ⲛⲕⲟⲗⲁⲥⲓⲥ ⲛⲛⲣⲉϥⲣⲛⲟⲃⲉ ϣⲱⲡⲉ ·
“and why the treasury of the light hath arisen. And that mystery knoweth why the judgments have arisen and why the light-land and the region of the inheritances of the light have arisen. And that mystery knoweth why the chastisements of the sinners have arisen”
pistis.sophia_book_1_part3:15
ⲁϥⲟⲩⲱϣⲃ ⲇⲉ ⲛϭⲓⲓⲏⲥⲟⲩⲥ ⲡⲉϫⲁϥ ⲙⲙⲁⲣⲓⲁ ϫⲉⲉⲩⲅⲉ ⲙⲁⲣⲓⲁ ·
“And Jesus answered and said unto Mary: Well said, Mary;”
pistis.sophia_book_3_part7:15
ⲁⲩⲱ ⲉϣⲱⲡⲉ ⲧⲉⲧⲛⲟⲩⲉϣ ⲛⲟⲉⲓ ⲁⲛⲟⲕ ⲡⲉ ⲙⲙⲩⲥⲧⲏⲣⲓⲟⲛ ⲉⲧⲙⲙⲁⲩ
And, if ye could understand it, I am that mystery.
pistis.sophia_book_1_part4:15
ⲍ ⲁⲥⲉⲓ ⲟⲛ ⲉⲧϩⲏ ⲛϭⲓⲙⲁⲣⲓⲁ ⲡⲉϫⲁⲥ ϫⲉⲡⲁϫⲟⲉⲓⲥ ⲟⲩⲛⲙⲁⲁϫⲉ ⲙⲡⲁⲣⲙⲛⲟⲩⲟⲓⲛ ⲁⲩⲱ ϯⲥⲱⲧⲙ ϩⲛⲧⲁϭⲟⲙ ⲛⲟⲩⲟⲉⲓⲛ · ⲁⲩⲱ ⲁϥⲛⲏⲫⲉ ⲙⲙⲟⲓ ⲛϭⲓⲡⲉⲕⲡⲛⲉⲩⲙⲁ ⲧⲉⲧⲛⲙⲙⲁⲓ ⲥⲱⲧⲙ ϭⲉ ⲧⲁϣⲁϫⲉ ⲉⲧⲃⲉ ⲧⲙⲉⲧⲁⲛⲟⲓⲁ ⲉⲛⲧⲁⲥϫⲟⲟⲥϥ ⲛϭⲓⲧⲡⲓⲥⲧⲓⲥ ⲥⲟⲫⲓⲁ ⲉⲥϫⲱ ⲙⲡⲉⲥⲛⲟⲃⲉ ⲙⲛⲛⲉⲛⲧⲁⲩϣⲱⲡⲉ ⲙⲙⲟⲥ ⲧⲏⲣⲟⲩ ⲛⲧⲁⲧⲉⲕϭⲟⲙ ⲛⲟⲩⲟⲉⲓⲛ ⲡⲣⲟⲫⲏⲧⲉⲩⲉ ϩⲁⲣⲟⲥ ⲙⲡⲓⲟⲩⲟⲉⲓϣ ϩⲓⲧⲛ ⲇⲁⲩⲉⲓⲇ ⲡⲉⲡⲣⲟⲫⲏⲧⲏⲥ ϩⲙⲡⲙⲉϩⲥⲉϣⲙⲏⲛ ⲙⲯⲁⲗⲙⲟⲥ · ϫⲉⲡⲛⲟⲩⲧⲉ ⲙⲁⲧⲟⲩϫⲟⲓ ϫⲉⲁϩⲉⲛⲙⲟⲟⲩ ⲉⲓ ⲉϩⲟⲩⲛ ϣⲁⲧⲁⲯⲩⲭⲏ ·
“Mary again came forward and said: My Lord, my indweller of light hath ears, and I hear with my light-power, and thy spirit which is with me, hath sobered me. Hearken then that I may speak concerning the repentance which Pistis Sophia hath uttered, speaking of | her sin and all that befell her. Thy light-power hath prophesied thereof aforetime through the prophet David in the sixty-eighth Psalm: 1. Save me, O God, for the waters are come in even unto my soul.”
pistis.sophia_book_1_part1:15
ⲁⲩⲱ ⲛⲉⲩⲙⲉⲉⲩⲉ ⲡⲉ ϫⲉⲛⲧⲟϥ ⲡⲉ ⲡϫⲱⲕ ⲛⲛϫⲱⲕ ⲧⲏⲣⲟⲩ ·
and they thought it is the completion of all completions,

Coptic SCRIPTORIUM, corpus pistis.sophia (github.com/CopticScriptorium/corpora). Licence as stated per document in the project's own meta.json and checked there at parse time. English, where present, is Coptic SCRIPTORIUM's aligned translation. Licence: CC-BY 4.0. Source.