Pistis Sophia

Coptic literature (Coptic SCRIPTORIUM) · 2,323 sections

pistis.sophia_book_2_part6:19
ⲁⲩⲱ ⲉⲧⲃⲉⲟⲩ ⲁⲩϣⲱⲡⲉ ⲛϭⲓⲡⲉⲥⲫⲣⲁⲅⲓⲥ ⲙⲡⲟⲩⲟⲉⲓⲛ ϫⲉⲛⲛⲉⲡⲕⲱϩⲧ ⲃⲗⲁⲡⲧⲉⲓ ⲙⲙⲟⲟⲩ · ⲁⲩⲱ ⲡⲙⲩⲥⲧⲏⲣⲓⲟⲛ ⲉⲧⲙⲙⲁⲩ ⲛⲧⲟϥ ⲡⲉⲧⲥⲟⲟⲩⲛ ϫⲉⲉⲧⲃⲉⲟⲩ ⲁϥϣⲱⲡⲉ ⲛϭⲓⲡϭⲱⲛⲧ ·
“and why the seals of the light, so that the fire should not harm them, have arisen. And that mystery knoweth why wrath hath arisen”
pistis.sophia_book_1_part3:19
ϫⲉϩⲁⲧϩⲏ ⲉⲙⲡⲁⲧϯⲧⲁϣⲉⲟⲉⲓϣ ⲛⲛⲁⲣⲭⲱⲛ ⲧⲏⲣⲟⲩ ⲛⲛⲁⲓⲱⲛ · ⲁⲩⲱ ⲙⲛⲛⲁⲣⲭⲱⲛ ⲧⲏⲣⲟⲩ ⲛⲧϩⲓⲙⲁⲣⲙⲉⲛⲏ ⲙⲛⲧⲉⲥⲫⲁⲓⲣⲁ ·
Before I made proclamation to all the rulers of the æons and to all the rulers of the Fate and Of the sphere,
pistis.sophia_book_1_part6:19
ⲡⲁⲓ ⲡⲉ ⲡⲃⲱⲗ ⲛⲧⲙⲉϩⲥⲁϣϥⲉ ⲙⲙⲉⲧⲁⲛⲟⲓⲁ ⲛⲧⲡⲓⲥⲧⲓⲥ ⲥⲟⲫⲓⲁ ·
This is the solution of the seventh repentance of Pistis Sophia.
pistis.sophia_book_2_part1:19
ⲁⲩⲱ ⲙⲡⲟⲩϣⲧⲟⲗⲙⲁ ⲛϭⲓⲛⲉⲡⲣⲟⲃⲟⲗⲟⲟⲩⲉ ⲙⲡⲁⲩⲑⲁⲧⲏⲥ ⲉⲁⲙⲁϩⲧⲉ ⲛⲧⲁⲡⲟϩⲣⲟⲓⲁ ⲛⲟⲩⲟⲉⲓⲛ ⲉⲧⲙⲙⲁⲩ ϩⲙⲡⲉⲭⲁⲟⲥ ⲛⲕⲁⲕⲉ · ⲟⲩⲇⲉ ⲙⲡⲟⲩϣⲁⲙⲁϩⲧⲉ ⲙⲙⲟⲥ ϩⲛⲧⲧⲉⲭⲛⲏ ⲙⲡⲁⲩⲑⲁⲧⲏⲥ ⲡⲁⲓ ⲉⲧⲁⲙⲁϩⲧⲉ ⲉϫⲛⲛⲉⲡⲣⲟⲃⲟⲗⲟⲟⲩⲉ · ⲁⲩⲱ ⲅⲁⲃⲣⲓⲏⲗ ⲙⲛⲙⲓⲭⲁⲏⲗ · ⲁⲩⲉⲓⲛⲉ ⲛⲧⲁⲡⲟϩⲣⲟⲓⲁ ⲛⲟⲩⲟⲉⲓⲛ ⲉϫⲙⲡⲥⲱⲙⲁ ⲛⲧϩⲩⲗⲏ ⲛⲧⲡⲓⲥⲧⲓⲥ ⲥⲟⲫⲓⲁ · ⲁⲩⲱ ⲁⲩⲛⲟⲩϫⲉ ⲉϩⲟⲩⲛ ⲉⲣⲟⲥ ⲛⲛⲉⲥⲟⲩⲟⲉⲓⲛ ⲧⲏⲣⲟⲩ ⲉⲛⲧⲁⲩϥⲓⲧⲟⲩ ⲛⲧⲟⲟⲧⲥ · ⲁⲩⲱ ⲁϥϫⲓ ⲟⲩⲟⲉⲓⲛ ⲧⲏⲣϥ ⲛϭⲓⲡⲥⲱⲙⲁ ⲛⲧⲉⲥϩⲩⲗⲏ ·
“and the emanations of Self-willed could not dare to lay hold of that light-stream in the dark chaos; nor could they lay hold of it with the art of Self-willed, who ruleth over the emanations. And Gabriēl and Michaēl led the light-stream over the body of the matter of Pistis Sophia and poured into her all the light-powers which they had taken from her. And the body of her matter became shining throughout,”
pistis.sophia_book_2_part7:19
ⲁⲩⲱ ⲡⲙⲩⲥⲧⲏⲣⲓⲟⲛ ⲉⲧⲙⲙⲁⲩ ⲛⲧⲟϥ ⲡⲉⲧⲥⲟⲟⲩⲛ ϫⲉⲉⲧⲃⲉⲟⲩ ⲁⲩⲥⲕⲩⲗⲗⲉⲓ ⲙⲙⲟⲟⲩ ⲛϭⲓⲛⲓⲁⲡⲉⲣⲁⲛⲧⲟⲛ ⲁⲩⲱ ⲉⲧⲃⲉⲟⲩ ⲁⲩⲧⲁϩⲟⲟⲩ ⲉⲣⲁⲧⲟⲩ ⲉⲩⲟ ⲙⲙⲛⲧⲥⲛⲟⲟⲩⲥ ⲛⲭⲱⲣⲏⲙⲁ ⲛⲁⲡⲉⲣⲁⲛⲧⲟⲥ ⲁⲩⲱ ⲁϥⲕⲁⲁⲩ ⲉⲩⲟ ⲛϣⲟⲙⲧⲉ ⲛⲧⲁⲝⲓⲥ ⲛⲭⲱⲣⲏⲙⲁ ⲕⲁⲧⲁⲧⲟⲓⲕⲟⲛⲟⲙⲓⲁ ⲙⲡⲓⲟⲩⲁ ⲛⲟⲩⲱⲧ ⲡⲓⲁⲧϣⲁϫⲉ ⲉⲣⲟϥ ·
“And that mystery knoweth wherefor the Impassables have rent themselves asunder and wherefor they have set themselves up, being twelve boundless spaces, and have settled themselves, being three orders of spaces, according to the economy of the One and Only, the Ineffable,”
pistis.sophia_book_1_part7:19
ⲛⲁⲓ ϭⲉ ⲛⲧⲉⲣⲉⲓⲏⲥⲟⲩⲥ ϫⲟⲟⲩ ⲉⲛⲉϥⲙⲁⲑⲏⲧⲏⲥ ⲡⲉϫⲁϥ ⲛⲁⲩ ϭⲉ ⲧⲉ ⲛⲟⲩ ϭⲉ ⲡⲉⲧⲉⲣⲉⲡⲉϥⲡⲛⲁ ⲕⲓⲙ ⲉⲣⲟϥ ⲙⲁⲣⲉϥⲉⲓ ⲉⲧϩⲏ · ⲛϥϫⲱ ⲙⲡⲃⲱⲗ ⲛⲧⲙⲉϩⲙⲏⲧⲉ ⲙⲙⲉⲧⲁⲛⲟⲓⲁ ⲛⲧⲡⲓⲥⲧⲓⲥ ⲥⲟⲫⲓⲁ · ⲁϥⲟⲩⲱϣⲃ ⲛϭⲓⲡⲉⲧⲣⲟⲥ ⲡⲉϫⲁϥ ϫⲉⲡϫⲟⲉⲓⲥ · ⲉⲧⲃⲉⲡⲁⲓ ⲟⲛ ⲁⲧⲉⲕϭⲟⲙ ⲛⲟⲩⲟⲉⲓⲛ ⲡⲣⲟⲫⲏⲧⲉⲩⲉ ϩⲓⲧⲛⲇⲁⲩⲉⲓⲇ · ⲙⲡⲓⲟⲩⲟⲉⲓϣ ⲉⲥϫⲱ ⲙⲙⲟⲥ ϩⲙⲡⲙⲉϩϣⲉ ⲙⲛⲙⲛⲧⲯⲓⲥ ⲙⲯⲁⲗⲙⲟⲥ · ϫⲉⲁⲓⲱϣ ⲉϩⲣⲁⲓ ⲉⲣⲟⲕ ⲡϫⲟⲉⲓⲥ ϩⲙⲡⲧⲣⲁϩⲱϣ .
“When then Jesus had said this unto his disciples, he said unto them: Now, therefore, let him whom his spirit stirreth, come forward and speak the solution of the tenth repentance of Pistis Sophia.” Peter answered and said: “O Lord, concerning this thy light-power prophesied aforetime through David in the one-hundred-and-nineteenth Psalm; saying: 1. I cried unto thee, O Lord, in my oppression,”
pistis.sophia_book_2_part4:19
ⲁϥⲟⲩⲱϣⲃ ⲇⲉ ⲛϭⲓⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ ⲡⲉϫⲁϥ ⲙⲙⲁⲣⲑⲁ ϫⲉϯⲕⲉⲗⲉⲩⲉ ⲛⲉ ⲙⲁⲣⲑⲁ ⲉⲧⲣⲉⲧⲁⲩⲉⲡⲃⲱⲗ ⲛⲛϣⲁϫⲉ ⲛⲁⲓ ⲉⲛⲧⲁⲥϫⲟⲟⲩ ⲛϭⲓⲧⲥⲟⲫⲓⲁ ϩⲙⲡⲉⲥϩⲩⲙⲛⲟⲥ ·
“And the First Mystery answered and said unto Martha: I give thee commandment, Martha, to set forth the solution of the words which Pistis Sophia hath uttered in her song.”
pistis.sophia_book_1_part8:19
ⲁϥⲟⲩⲱϣⲃ ⲇⲉ ⲛϭⲓⲓⲏⲥⲟⲩⲥ ⲡⲉϫⲁϥ ϫⲉⲛⲧⲟ ϩⲱⲱⲧⲉ ⲙⲁⲣⲓⲁ · ⲧⲁⲓ ⲉⲛⲧⲁⲥϫⲓⲙⲟⲣⲫⲏ ⲉⲧϩⲛⲧⲃⲁⲣⲃⲏⲗⲱ ⲕⲁⲧⲁⲧϩⲩⲗⲏ · ⲁⲩⲱ ⲁⲣⲉϫⲓⲉⲓⲛⲉ ⲉϩⲛⲧⲡⲁⲣⲑⲉⲛⲟⲥ ⲙⲡⲟⲩⲟⲉⲓⲛ ⲕⲁⲧⲁⲡⲟⲩⲟⲉⲓⲛ ⲛⲧⲟ ⲙⲛⲧⲕⲉⲙⲁⲣⲓϩⲁⲙ ⲧⲙⲁⲕⲁⲣⲓⲟⲥ · ⲁⲩⲱ ⲛⲧⲁⲡⲕⲁⲕⲉ ϣⲱⲡⲉ ⲉⲧⲃⲏⲏⲧⲉ ⲁⲩⲱ ⲟⲛ ⲛⲧⲁϥⲉⲓ ⲉⲃⲟⲗ ⲛϩⲏⲧⲉ ⲛϭⲓⲡⲥⲱⲙⲁ ⲛⲧϩⲩⲗⲏ ⲉϯϣⲟⲟⲡ ⲛϩⲏⲧϥ ⲡⲁⲓ ⲉⲛⲧⲁⲓⲧⲃⲃⲟϥ · ⲁⲩⲱ ⲁⲓⲥⲟⲧϥϥ · ⲧⲉⲛⲟⲩ ϭⲉ ϯⲕⲉⲗⲉⲩⲉ ⲛⲉ ⲉⲧⲣⲉⲧⲁⲩⲉⲡⲃⲱⲗ ⲛⲛϣⲁϫⲉ ⲛⲁⲓ ⲉⲛⲧⲁⲥϫⲟⲟⲩ ⲛϭⲓⲧⲥⲟⲫⲓⲁ ·
“And Jesus answered and said: Thou also, Mary, hast received form which is in Barbēlō, according to matter, and hast received likeness which is in the Virgin of Light, according to light, thou and the other Mary, the blessed one; and on thy account the darkness hath arisen, and moreover out of thee did come forth the material body in which I am, which I have purified and refined,--now, therefore, I bid thee proclaim the solution of the words which Pistis Sophia hath uttered.”
pistis.sophia_book_3_part4:19
ⲉⲧⲃⲉⲡⲉⲓϣⲁϫⲉ ⲟⲛ ⲛⲧⲁϥⲡⲣⲟⲫⲏⲧⲉⲩⲉ ϩⲁⲣⲟϥ ⲙⲡⲓⲟⲩⲟⲉⲓϣ ⲛϭⲓⲇⲁⲩⲉⲓⲇ ⲉϥϫⲱ ⲙⲙⲟⲥ ϫⲉⲛⲁⲓⲁⲧⲟⲩ ⲛⲛⲉⲧⲉⲙⲡϫⲟⲉⲓⲥ ⲡⲛⲟⲩⲧⲉ ⲛⲁⲉⲡⲛⲟⲃⲉ ⲉⲣⲟⲟⲩ ⲁⲛ · ⲉⲧⲉⲡⲁⲓ ⲡⲉ ⲛⲥⲉⲛⲁⲉⲡ ⲛⲟⲃⲉ ⲉⲣⲟϥ ⲁⲛ ϫⲓⲛⲡⲉⲓⲛⲁⲩ · ⲛⲉⲣϫⲓ ⲛⲙⲙⲩⲥⲧⲏⲣⲓⲟⲛ ⲙⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ ⲙⲛⲛⲉⲣϫⲓ ⲛⲙⲙⲩⲥⲧⲏⲣⲓⲟⲛ ⲙⲡⲓⲁⲧϣⲁϫⲉ ⲉⲣⲟϥ ·
“--concerning this word David hath prophesied aforetime, saying: 'Blessed are those to whom the Lord God will not impute sins,'--that is: Sins will not be imputed from this hour to those who have received the mysteries of the First Mystery and who have received the mystery of the Ineffable.”
pistis.sophia_book_3_part1:20
ⲁϫⲓⲥ ⲉⲣⲟⲟⲩ ϫⲉⲁⲡⲟⲧⲁⲥⲥⲉ ⲙⲡϫⲓⲟⲩⲉ ⲛⲧⲉⲧⲛⲙⲡϣⲁ ⲛⲙⲙⲩⲥⲧⲏⲣⲓⲟⲛ ⲙⲡⲟⲩⲟⲉⲓⲛ ⲛⲧⲉⲧⲛⲛⲟⲩϩⲙ ⲉⲛϩⲁⲗⲁⲥⲥⲁ ⲉⲧⲃⲉⲉⲃⲉ ⲛⲛⲉϩⲁⲛⲉⲇⲣⲁⲕⲱⲛ ·
“Say unto them: Renounce thieving, that ye may be worthy of the mysteries of the Light and be saved from the bubbling seas of the dragon-faced [ones]. |”
pistis.sophia_book_1_part5:20
ⲍ ⲁⲥϣⲱⲡⲉ ϭⲉ ⲛⲧⲉⲣⲉⲓⲱϩⲁⲛⲛⲏⲥ ⲟⲩⲱ ⲉϥϫⲱ ⲛⲛⲉⲓϣⲁϫⲉ ⲉⲓⲥ . ϩⲛⲧⲙⲏⲧⲉ ⲛⲛⲉϥⲙⲁⲑⲏⲧⲏⲥ .
It came to pass then, when John had finished speaking these words to Jesus in the midst of his disciples,
pistis.sophia_book_3_part7:20
* ϩⲛⲟⲩϩⲧⲟⲡ ⲏ ⲉϥⲛⲁⲱϭⲧ ⲙⲙⲟϥ ⲙⲙⲓⲛⲙⲙⲟϥ ⲏ ⲛⲧⲟϥ ⲉϥⲛⲁⲙⲟⲩ ϩⲛⲟⲩⲙⲟⲟⲩ ⲏ ϩⲓⲧⲛⲛⲁⲓ ⲛⲧⲉⲓⲙⲓⲛⲉ ⲏ ⲛⲧⲟϥ ϩⲓⲧⲛⲕⲉⲙⲟⲩ ⲉϥϩⲟⲟⲩ ⲉⲛⲁⲓ ⲏ ⲉⲛⲁⲟⲩϥ ϩⲁⲡⲁⲝ ϩⲁⲡⲗⲱⲥ ⲧⲙⲟⲓⲣⲁ ⲧⲉ ⲉϣⲁⲥⲁⲛⲁⲅⲕⲁⲍⲉ ⲙⲡⲉϥⲙⲟⲩ ⲉϩⲟⲩⲛ ⲉⲣⲟϥ ⲡⲁⲓ ⲡⲉ ⲡϩⲱⲃ ⲛⲧⲙⲟⲓⲣⲁ ⲁⲩⲱ ⲙⲛⲧⲥ ⲕⲉϩⲱⲃ ⲛⲥⲁⲡⲁⲓ ⲁⲩⲱ ϣⲁⲣⲉⲧⲙⲟⲓⲣⲁ ⲁⲕⲟⲗⲟⲩ ⲧϩⲓ ⲛⲥⲁⲡⲣⲱⲙⲉ ⲉⲧⲙⲙⲁⲩ ϣⲁⲡⲉϩⲟⲟⲩ ⲙⲡⲉϥⲙⲟⲩ
“by mischance, or is he to hang himself, or is he to die in water, or through such [kinds of death], or through another death which is worse or better than this,--in a word, it is the destiny which forceth his death. upon him. This is the occupation of the destiny, and it hath no other occupation but this. And the destiny followeth every man until the day of his death.”
pistis.sophia_book_4_part2:20
ⲁⲩⲱ ϯⲛⲁϯ ⲛⲏⲧⲛ ⲙⲡⲙⲩⲥⲧⲏⲣⲓⲟⲛ ⲙⲡⲕⲁⲛⲟⲃⲉ ⲉⲃⲟⲗ ϩⲓϫⲙⲡⲕⲁϩ · ϫⲉⲕⲁⲥ ⲡⲉⲧⲉⲧⲛⲁⲕⲱ ⲛⲁϥ ⲉⲃⲟⲗ ϩⲓϫⲙⲡⲕⲁϩ ⲉⲩⲉⲕⲱ ⲛⲁϥ ⲉⲃⲟⲗ ϩⲛⲙⲡⲏⲩⲉ ⲁⲩⲱ ⲡⲉⲧⲉⲧⲛⲁⲙⲟⲣϥ ϩⲓϫⲙⲡⲕⲁϩ ϥⲛⲁϣⲱⲡⲉ ⲉϥⲙⲏⲣ ϩⲛⲙⲡⲏⲩⲉ ·
And I will give you the mystery of the forgiveness of sins, in order that to him whom ye shall forgive on earth, it will be forgiven in heaven, and he whom ye shall bind on earth, will be bound in heaven.
pistis.sophia_book_4_part1:20
ⲟⲩⲛ ⲙⲛⲧⲥⲛⲟⲟⲩⲥ ⲅⲁⲣ ⲛⲁⲓⲱⲛ ϣⲟⲟⲡ ⲉⲣⲉⲥⲁⲃⲁⲱⲑ ⲡⲁⲇⲁⲙⲁⲥ ⲁⲣⲭⲉⲓ ⲉϫⲛⲥⲟⲟⲩ ⲁⲩⲱ ⲉⲣⲉⲓⲁⲃⲣⲁⲱⲑ ⲡⲉϥⲥⲟⲛ ⲁⲣⲭⲉⲓ ⲉϫⲛⲕⲉⲥⲟⲟⲩ · ⲧⲟⲧⲉ ϭⲉ ⲓⲁⲃⲣⲁⲱⲑ ⲁϥⲡⲓⲥⲧⲉⲩⲉ ⲉⲙⲙⲩⲥⲧⲏⲣⲓⲟⲛ ⲙⲡⲟⲩⲟⲉⲓⲛ ⲙⲛⲛⲉϥⲁⲣⲭⲱⲛ · ⲁⲩⲱ ⲁϥⲣϩⲱⲃ ϩⲛⲙⲙⲩⲥⲧⲏⲣⲓⲟⲛ ⲙⲡⲟⲩⲟⲉⲓⲛ ⲁϥⲕⲱ ⲛⲥⲱϥ ⲙⲡⲙⲩⲥⲧⲏⲣⲓⲟⲛ ⲛⲧⲥⲩⲛⲟⲩⲥⲓⲁ ·
“For there are twelve æons; over six Sabaōth, the Adamas, ruleth, and his brother Yabraōth ruleth over the other six. At that time then Yabraōth with his rulers had faith in the mysteries of the Light and was active in the mysteries of the Light and abandoned the mystery of congress.”
pistis.sophia_book_2_part9:20
ⲁϥⲟⲩⲱϣⲃ ⲛϭⲓⲡⲥⲱⲧⲏⲣ ⲡⲉϫⲁϥ ϫⲉϯⲕⲱ ⲉⲃⲟⲗ ⲁⲩⲱ ϯⲛⲁⲕⲱ ⲉⲃⲟⲗ ·
“The Saviour answered and said: I forgive and will forgive;”
pistis.sophia_book_2_part2:20
ⲁⲩⲱ ⲕⲛⲁⲛⲁⲩ ⲉⲡⲧⲱⲱⲃⲉ ⲛⲛⲣⲉϥⲣⲛⲟⲃⲉ · ⲟⲩⲙⲟⲛⲟⲛ ϫⲉⲁⲥⲙⲉϩⲉⲓⲁⲧⲥ ⲙⲙⲟⲟⲩ · ⲁⲩϩⲉ ⲉϫⲛⲛⲉⲩⲉⲣⲏⲩ ϩⲙⲡⲉⲭⲁⲟⲥ . ⲁⲗⲗⲁ ⲁⲥⲛⲁⲩ ⲟⲛ ⲉⲡⲉⲩⲕⲉⲧⲟⲩⲓⲟ ⲡⲁⲓ ⲉⲛⲧⲁⲩⲧⲟⲟⲃⲉϥ ⲛⲁⲩ · ⲕⲁⲧⲁⲧϩⲉ ⲉⲛⲧⲁⲛⲉⲡⲣⲟⲃⲟⲗⲟⲟⲩⲉ ⲙⲡⲁⲩⲑⲁⲇⲏⲥ ⲙⲉⲉⲩⲉ ⲉϥⲓ ⲡⲟⲩⲟⲉⲓⲛ ⲛⲧⲥⲟⲫⲓⲁ ⲛϩⲏⲧⲥ .
and thou wilt see the requital of the sinners.' Not only hath she with her eyes beheld, how they fall one on another in the chaos, but she hath also seen the requital with which it was requited them. Just as the emanations of Self-willed have thought to take away the light of Sophia from her,
pistis.sophia_book_2_part3:20
ⲍ ⲁⲥϣⲱⲡⲉ ϭⲉ ⲛⲧⲉⲣⲉⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ ⲥⲱⲧⲙ ⲉⲛⲉⲓϣⲁϫⲉ ⲉϥϫⲱ ⲙⲙⲟⲟⲩ ⲛϭⲓⲙⲁⲑⲁⲓⲟⲥ ⲡⲉϫⲁϥ ϫⲉⲉⲩⲅⲉ ⲙⲁⲑⲁⲓⲟⲥ · ⲁⲩⲱ ⲕⲁⲗⲱⲥ ⲡⲙⲉⲣⲓⲧ ⲡⲁⲓ ⲡⲉ ⲡⲃⲱⲗ ⲙⲫⲩⲙⲛⲟⲥ ⲉⲛⲧⲁⲥϫⲟⲟϥ ⲛϭⲓⲧⲡⲓⲥⲧⲓⲥ ⲥⲟⲫⲓⲁ ·
“It came to pass then, when the First Mystery had heard Matthew speak these words, that he said: Well said, Matthew, and finely, beloved. This is the solution of the song which Pistis Sophia hath uttered.”
pistis.sophia_book_3_part2:20
ⲁⲗⲗⲁ ϩⲁⲙⲏⲛ ϯϫⲱ ⲙⲙⲟⲥ ⲉⲣⲱⲧⲛ ϫⲉⲉⲣⲉⲡⲉⲩⲙⲁ ⲛϣⲱⲡⲉ ϩⲛⲧⲙⲏⲧⲉ ⲛⲧⲧⲁⲡⲣⲟ ⲙⲡⲉⲇⲣⲁⲕⲱⲛ ⲙⲡⲕⲁⲕⲉ ⲉⲧϩⲓⲃⲟⲗ ·
but amēn, I say unto you: Their dwelling is in the midst of the jaws of the dragon of the outer darkness.
pistis.sophia_book_2_part5:20
ϥⲛⲁϣⲱⲡⲉ ϩⲙⲡⲧⲟⲡⲟⲥ ⲛⲛⲉⲯⲩⲭⲟⲟⲩⲉ ⲛⲛⲉⲛⲧⲁⲩϫⲓ ⲙⲡⲙⲁϩⲙⲛⲧⲥⲛⲟⲟⲩⲥ ⲙⲙⲩⲥⲧⲏⲣⲓⲟⲛ ⲛⲧⲉⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ ϩⲣⲁⲓ ϩⲛⲛⲉⲕⲗⲏⲣⲟⲛⲟⲙⲓⲁ ⲙⲡⲟⲩⲟⲉⲓⲛ ·
will be in the region of the souls of those who have received the twelfth mystery of the First Mystery in the inheritances of the Light.
pistis.sophia_book_3_part6:20
ⲉϣⲱⲡⲉ ⲇⲉ ⲉⲣϣⲁⲛⲡⲣⲏⲣⲡⲉⲥⲏⲧ ⲙⲡⲕⲟⲥⲙⲟⲥ · ϣⲁⲣⲉⲡⲕⲁⲕⲉ ⲙⲡⲉⲇⲣⲁⲕⲱⲛ ϭⲱ ⲛⲗⲓⲕⲧϥ ⲙⲡⲣⲏ · ⲁⲩⲱ ϣⲁⲣⲉⲡⲛⲓϥ ⲙⲡⲕⲁⲕⲉ ⲉⲓ ⲉϩⲟⲩⲛ ⲉⲡⲕⲟⲥⲙⲟⲥ ⲙⲡⲉⲥⲙⲟⲧ ⲛⲟⲩⲕⲁⲡⲛⲟⲥ ϩⲛⲧⲉⲟⲩϣⲏ · ⲉⲧⲉⲡⲁⲓ ⲡⲉ ⲉⲣϣⲁⲛⲡⲣⲏⲥⲱⲕ ⲉⲣⲟϥ ⲛⲛⲉϥⲁⲕⲧⲓⲛ ·
but if the sun is below the world, then the darkness of the dragon abideth as veiling of the sun and the breath of the darkness cometh into the world in form of a smoke in the night,--that is, if the sun withdraweth into himself his rays,
pistis.sophia_book_2_part7:20
ⲁⲩⲱ ⲉⲧⲃⲉⲟⲩ ⲁⲩⲡⲣⲟⲉⲗⲑⲉ ⲉⲃⲟⲗ ϩⲛⲛⲓⲁⲡⲁⲧⲱⲣ : ⲁⲩⲱ ⲡⲙⲩⲥⲧⲏⲣⲓⲟⲛ ⲉⲧⲙⲙⲁⲩ ⲛⲧⲟϥ ⲡⲉⲧⲥⲟⲟⲩⲛ ϫⲉⲉⲧⲃⲉⲟⲩ ⲁⲩⲥⲕⲩⲗⲗⲉⲓ ⲙⲙⲟⲟⲩ ⲛϭⲓⲙⲛⲧⲥⲛⲟⲟⲩⲥ ⲛⲁⲭⲱⲣⲏⲧⲟⲥ ⲛⲁⲓ ⲉⲧⲏⲡ ⲉⲛⲧⲁⲝⲓⲥ ⲙⲡⲓⲟⲩⲁ ⲛⲟⲩⲱⲧ ⲡⲓⲁⲧϣⲁϫⲉ ⲉⲣⲟϥ ⲁⲩⲱ ϫⲉⲉⲧⲃⲉⲟⲩ ⲣⲱ ⲁⲩⲡⲣⲟⲉⲗⲑⲉ ⲉⲃⲟⲗ ϩⲛⲛⲓⲁⲡⲁⲧⲱⲣ ϣⲁⲛⲧⲟⲩⲛⲧⲟⲩ ⲣⲱ ⲉⲡⲉⲭⲱⲣⲏⲙⲁ ⲛⲧⲉⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ ⲉⲧⲉⲛⲧⲟϥ ⲡⲉ ⲡⲙⲉϩⲥⲛⲁⲩ ⲛⲭⲱⲣⲏⲙⲁ ·
“and wherefor they have come forth from the Fatherless. And that mystery knoweth wherefor the twelve Uncontainables, which belong to the orders | of the One and Only, the Ineffable, have rent themselves asunder and wherefor they have come forth from the Fatherless, until they were brought to the space of the First Mystery, which is the second space.”
pistis.sophia_book_3_part3:20
ⲁⲩⲱ ϣⲁⲣⲉⲙⲡⲁⲣⲁⲗⲏⲙⲧⲏⲥ ϩⲱⲱϥ ⲛⲧⲉⲯⲩⲭⲏ ⲉⲧⲙⲙⲁⲩ · ⲛⲁⲓ ⲉⲧⲏⲡ ⲉⲡⲟⲩⲟⲉⲓⲛ ϣⲁⲩⲣⲧⲛϩ ⲛⲟⲩⲟⲉⲓⲛ ⲉⲧⲉⲯⲩⲭⲏ ⲉⲧⲙⲙⲁⲩ · ⲁⲩⲱ ⲛⲥⲉⲣⲉⲛⲇⲩⲙⲁ ⲛⲟⲩⲟⲉⲓⲛ ⲉⲣⲟⲥ ·
“And the receivers of that soul on the other hand who belong to the Light, become wings of light for that soul and become vestures of light for it”
pistis.sophia_book_1_part4:20
ⲡϫⲟⲉⲓⲥ ⲛⲛϭⲟⲙ ⲙⲡⲣⲧⲣⲉⲩⲟⲩⲱⲗⲥ ⲉⲧⲃⲏⲏⲧ ⲛϭⲓⲛⲉⲧϣⲓⲛⲉ ⲛⲥⲱⲕ ⲡϫⲟⲉⲓⲥ ⲡⲛⲟⲩⲧⲉ ⲙⲡⲓⲥⲣⲁⲏⲗ ·
let not those who seek thee be ashamed for my sake, O Lord, God of Israel,
pistis.sophia_book_1_part8:20
ⲁⲥⲟⲩⲱϣⲃ ⲇⲉ ⲛϭⲓⲙⲁⲣⲓⲁ ⲧⲙⲁⲁⲩ ⲛⲓⲏⲥⲟⲩⲥ ⲡⲉϫⲁⲥ ϫⲉⲡⲁϫⲟⲉⲓⲥ .
“And Mary, the mother of Jesus, answered and said: My Lord,”
pistis.sophia_book_1_part2:20
ⲁⲙⲟⲩ ϭⲉ ϣⲁⲣⲟⲛ ϩⲛⲟⲩϭⲉⲡⲏ ⲧⲁⲣⲛⲧⲁⲁⲩ ϩⲓⲱⲱⲕ ⲕⲁⲧⲁⲧⲕⲉⲗⲉⲩⲥⲓⲥ ⲙⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ
Come, therefore, to us quickly, in order that we may clothe thee with them, according to the command of the First Mystery.
pistis.sophia_book_3_part5:20
ⲁⲥⲟⲩⲱϩ ⲟⲛ ⲉⲧⲟⲟⲧⲥ ⲛϭⲓⲙⲁⲣⲓⲁ ⲡⲉϫⲁⲥ ⲛⲓⲏⲥⲟⲩⲥ ϫⲉⲡⲁϫⲟⲉⲓⲥ ⲉⲓⲉ ⲉⲣⲉⲡⲕⲁⲕⲉ ⲉⲧϩⲓⲃⲟⲗⲟ ⲛⲁϣ ⲛⲧⲩⲡⲟⲥ · ⲏ ⲙⲙⲟⲛ ⲛⲧⲟϥ ⲟⲩⲛⲟⲩⲏⲣ ⲙⲙⲁ ⲛⲕⲟⲗⲁⲥⲓⲥ ⲛϩⲏⲧϥ ·
“AND Mary continued again and said unto Jesus: In what type is the outer darkness; or rather how many regions of chastisement are there in it?”
pistis.sophia_book_2_part4:20
ⲁⲥⲟⲩⲱϣⲃ ⲇⲉ ⲛϭⲓⲙⲁⲣⲑⲁ ⲡⲉϫⲁⲥ ϫⲉⲡⲁϫⲟⲉⲓⲥ .
“And Martha answered and said: My Lord,”
pistis.sophia_book_1_part1:20
ⲙⲛⲛⲉⲩⲧⲟⲡⲟⲥ ⲧⲏⲣⲟⲩ ⲙⲛⲛⲉⲩⲁⲓⲱⲛ ⲙⲛⲛⲉⲩⲧⲁⲝⲓⲥ ⲧⲏⲣⲟⲩ ⲛⲧϩⲉ ⲉⲧⲟⲩⲥⲱⲧⲏⲣ ⲉⲃⲟⲗ ⲙⲙⲟⲥ
and all their regions and their æons and their orders, how they are extended
pistis.sophia_book_2_part8:20
ⲧⲉⲛⲟⲩ ϭⲉ ⲡⲁϫⲟⲉⲓⲥ ⲡⲱⲥ ⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ ⲟⲩⲛⲧⲁϥ ⲙⲙⲁⲩ ⲙⲙⲛⲧⲥⲛⲟⲟⲩⲥ ⲙⲙⲩⲥⲧⲏⲣⲓⲟⲡ ·
Now, therefore, my Lord, how doth the First Mystery possess twelve mysteries,
pistis.sophia_book_1_part3:20
ⲛⲉⲩⲙⲏⲣ ⲧⲏⲣⲟⲩ ⲡⲉ ϩⲛⲛⲉⲩⲙⲣⲣⲉ · ⲁⲩⲱ ϩⲛⲛⲉⲩⲥⲫⲁⲓⲣⲁ · ⲁⲩⲱ ϩⲛⲛⲉⲩⲥⲫⲣⲁⲅⲓⲥ · ⲕⲁⲧⲁⲧϩⲉ ⲉⲛⲧⲁϥⲙⲟⲣⲟⲩ ⲙⲙⲟⲥ ϫⲓⲛⲛϣⲟⲣⲡ ⲛϭⲓⲓⲉⲟⲩ ⲡⲉⲡⲓⲥⲕⲟⲡⲟⲥ ⲙⲡⲟⲩⲟⲉⲓⲛ ·
they were all bound in their bonds and in their spheres and in their seals, as Yew, the Overseer of the Light, had bound them from the beginning;
pistis.sophia_book_1_part7:20
ⲁⲕⲥⲱⲧⲙ ⲉⲣⲟⲓ · ⲡϫⲟⲉⲓⲥ ⲛⲟⲩϩⲙ ⲛⲧⲁⲯⲩⲭⲏ ⲉⲃⲟⲗ ϩⲛϩⲉⲛⲥⲡⲟⲧⲟⲩ ⲛϫⲓ ⲛϭⲟⲛⲥ . ⲁⲩⲱ ⲉⲃⲟⲗ ϩⲓⲧⲛⲟⲩⲗⲁⲥ ⲛⲕⲣⲟϥ · ⲉⲩⲛⲁϯ ⲟⲩ ⲛⲁⲕ ⲁⲩⲱ ⲉⲩⲛⲁⲟⲩⲉϩ ⲟⲩ ⲉⲣⲟⲕ . ⲛⲛⲁϩⲣⲛⲟⲩⲗⲁⲥ ⲛⲕⲣⲟϥ · ⲛⲥⲟⲧⲉ ⲙⲡϫⲱⲱⲣ ϣⲟⲗϭ ⲙⲛⲛⲁⲛⲑⲣⲁⲝ ⲛⲧⲉⲡϫⲁⲓⲉ ·
“and thou hearkenest unto me. “2. O Lord, save |101. my soul from unjust lips and from crafty tongues. 3. What will be given unto thee or what will be added unto thee with a crafty tongue? 4. The arrows of the strong [one] are made sharp with the coal of the desert.”
pistis.sophia_book_3_part4:20
ⲡⲉϫⲁϥ ϫⲉⲉⲩⲅⲉ ⲧⲉ ⲡⲛⲓⲕⲏ ⲛϩⲓⲗⲓⲕⲣⲓⲛⲉⲥ ⲛⲟⲩⲟⲉⲓⲛ ⲙⲁⲣⲓⲁ ⲡⲁⲓ ⲡⲉ ⲡⲃⲱⲗ ⲉⲃⲟⲗ ⲙⲡϣⲁϫⲉ · ⲁⲥⲟⲩⲱϩ ⲟⲛ ⲉⲧⲟⲟⲧⲥ ⲛϭⲓⲙⲁⲣⲓⲁ ⲡⲉϫⲁⲥ ϫⲉⲡⲁϫⲟⲉⲓⲥ ·
“He said: Well said, Mary, thou spiritual and light-pure Mary. This is the solution of the word.” And Mary continued again and said: “My Lord,”
pistis.sophia_book_1_part6:20
ϩⲁⲙⲏⲛ ϩⲁⲙⲏⲛ ϯϫⲱ ⲙⲙⲟⲥ ⲛⲏⲧⲛ ϫⲉⲥⲉⲛⲁⲙⲁⲕⲁⲣⲓⲍⲉ ⲙⲙⲱⲧⲛ ϩⲓϫⲙⲡⲕⲁϩ ⲛϭⲓⲛⲅⲉⲛⲉⲁ ⲧⲏⲣⲟⲩ ⲙⲡⲕⲟⲥⲙⲟⲥ ϫⲉⲁⲓϭⲗⲡ ⲛⲁⲓ ⲛⲏⲧⲛ ⲉⲃⲟⲗ · ⲁⲩⲱ ⲁⲧⲉⲧⲛϫⲓ ⲉⲃⲟⲗ ϩⲙⲡⲁⲡⲛⲉⲩⲙⲁ · ⲁⲩⲱ ⲁⲧⲉⲧⲛϣⲱⲡⲉ ⲛⲛⲟⲉⲣⲟⲥ ⲁⲩⲱ ⲙⲡⲛⲉⲩⲙⲁⲧⲓⲕⲟⲥ ⲉⲧⲉⲧⲛⲛⲟⲉⲓ ⲉⲛⲉ ϯϫⲱ ⲙⲙⲟⲟⲩ · ⲁⲩⲱ ⲙⲛⲛⲥⲁⲛⲁⲓ ϯⲛⲁⲙⲉϩⲧⲏⲩⲧⲛ ⲉⲃⲟⲗ ϩⲙⲡⲟⲩⲟⲉⲓⲛ ⲧⲏⲣϥ ⲁⲩⲱ ⲙⲛⲧϭⲟⲙ ⲧⲏⲣⲥ ⲛⲧⲉⲡⲉⲡⲛⲉⲩⲙⲁ · ϫⲉⲕⲁⲥ ⲉⲉⲧⲉⲛⲛⲟⲉⲓ ϫⲓⲛⲙⲡⲉⲓ ⲛⲁⲩ ⲛⲛⲉⲧⲟⲩⲛⲁϫⲟⲟⲩ ⲉⲣⲱⲧⲛ ⲧⲏⲣⲟⲩ ⲁⲩⲱ ⲙⲛⲛⲉⲧⲛⲁⲛⲁⲩ ⲉⲣⲟⲟⲩ · ⲉⲧⲓⲕⲉⲕⲟⲩⲓ ⲛⲟⲩⲟⲉⲓϣ ⲡⲉ · ϯⲛⲁϣⲁϫⲉ ⲛⲙⲙⲏⲧⲛ ⲉⲛⲁⲡϫⲓⲥⲉ ⲧⲏⲣⲟⲩ ϫⲓⲛⲛⲃⲟⲗ · ϣⲁϩⲟⲩⲛ · ⲁⲩϣϫⲓⲛ ⲛϩⲟⲩⲛ ϣⲁⲃⲟⲗ ·
“Amēn, amēn, I say unto you: All generations of the world shall bless you on earth, because I have revealed this unto you and ye have received, of my spirit and have become understanding and spiritual, understanding what I say. And hereafter will I fill you full with the whole light and the whole power of the spirit, so that ye may understand from now on all which shall be said unto you and which ye shall see. Yet a little while and I will speak with you concerning the height without within and within without.”
pistis.sophia_book_2_part6:20
ⲁⲩⲱ ⲉⲧⲃⲉⲟⲩ ⲁⲥϣⲱⲡⲉ ⲛϭⲓϯⲉⲓⲣⲏⲛⲏ · ⲁⲩⲱ ⲡⲙⲩⲥⲧⲏⲣⲓⲟⲛ ⲉⲧⲙⲙⲁⲩ ⲛⲧⲟϥ ⲡⲉⲧⲥⲟⲟⲩⲛ ϫⲉⲉⲧⲃⲉⲟⲩ ⲁⲡϫⲓⲟⲩⲁ ϣⲱⲡⲉ ⲁⲩⲱ ⲉⲧⲃⲉⲟⲩ ⲁⲩϣⲱⲡⲉ ⲛϭⲓⲛϩⲩⲙⲛⲟⲥ ⲙⲡⲟⲩⲟⲉⲓⲛ · ⲁⲩⲱ ⲡⲙⲩⲥⲧⲏⲣⲓⲟⲛ ⲉⲧⲙⲙⲁⲩ ⲛⲧⲟϥ ⲡⲉⲧⲥⲟⲟⲩⲛ ϫⲉⲉⲧⲃⲉⲟⲩ ⲁⲛⲉⲡⲣⲟⲥⲉⲩⲭⲟⲟⲩⲉ ⲙⲡⲟⲩⲟⲉⲓⲛ ϣⲱⲡⲉ · ⲁⲩⲱ ⲡⲙⲩⲥⲧⲏⲣⲓⲟⲛ ⲉⲧⲙⲙⲁⲩ ⲛⲧⲟϥ ⲡⲉⲧⲥⲟⲟⲩⲛ ϫⲉⲉⲧⲃⲉⲟⲩ ⲁⲡⲥⲁϩⲟⲩ ϣⲱⲡⲉ ·
“and why peace hath arisen. “And that mystery knoweth why slander hath arisen and why songs of the light have arisen. And that mystery knoweth why the prayers of the light have arisen. And that mystery knoweth why cursing hath arisen”
pistis.sophia_book_2_part1:20
ⲁⲩⲱ ⲟⲛ ⲁⲩϫⲓ ⲟⲩⲟⲉⲓⲛ ⲛϭⲓⲛⲉⲥϭⲟⲙ ⲧⲏⲣⲟⲩ ⲉⲧⲛϩⲏⲧⲥ ⲛⲁⲓ ⲉⲛⲧⲁⲩϥⲓⲡⲉⲩⲟⲩⲟⲉⲓⲛ ⲁⲩⲱ ⲁⲩⲗⲟ ⲉⲩϣⲁⲁⲧ ⲛⲟⲩⲟⲉⲓⲛ ϫⲉⲁⲩϥⲓ ⲡⲉⲩⲟⲩⲟⲉⲓⲛ ⲉⲛⲧⲁⲩϥⲓⲧϥ ⲛⲧⲟⲟⲧⲟⲩ ⲉⲃⲟⲗ ϫⲉⲛⲧⲁⲩϯ ⲡⲟⲩⲟⲉⲓⲛ ⲛⲁⲩ ⲉⲃⲟⲗ ϩⲓⲧⲟⲟⲧ · ⲁⲩⲱ ⲙⲓⲭⲁⲏⲗ · ⲙⲛⲅⲁⲃⲣⲓⲏⲗ · ⲛⲁⲓ ⲉⲛⲧⲁⲩⲇⲓⲁⲕⲟⲛⲓ ⲛⲁⲓ ⲉⲛⲧⲁⲩϫⲓⲧⲁⲡⲟϩⲣⲟⲓⲁ ⲛⲟⲩⲟⲉⲓⲛ ⲉⲡⲉⲭⲁⲟⲥ .
and all the powers also in her, whose light they had taken away, took light and ceased to lack their light, for they got their light which had been taken from them, because the light was given them through me. And Michaēl and Gabriēl, who ministered and had brought the light-stream | into the chaos,
pistis.sophia_book_1_part5:21
ⲡⲉϫⲁϥ ⲛⲁϥ ϫⲉⲉⲩⲅⲉ ⲓⲱϩⲁⲛⲛⲏⲥ ⲡⲡⲁⲣⲑⲉⲛⲟⲥ ⲡⲁⲓ ⲉⲧⲛⲁⲁⲣⲭⲉⲓ ϩⲣⲁⲓ ϩⲛⲧⲙⲛⲧⲣⲣⲟ ⲙⲡⲟⲩⲟⲉⲓⲛ ·
“that he said unto him: Well said, John, the Virgin, who shalt rule in the kingdom of the Light.”
pistis.sophia_book_2_part3:21
ⲁϥⲟⲩⲱϩ ⲇⲉ ⲟⲛ ⲉⲧⲟⲟⲧϥ ⲛϭⲓⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ ⲡⲉϫⲁϥ ϫⲉⲁⲥⲟⲩⲱϩ ⲇⲉ ⲟⲛ ⲉⲧⲟⲟⲧⲥ ⲛϭⲓⲧⲥⲟⲫⲓⲁ ϩⲙⲡⲉⲓϩⲩⲙⲛⲟⲥ ·
And the First Mystery continued again and said:
pistis.sophia_book_2_part7:21
ⲁⲩⲱ ⲡⲙⲩⲥⲧⲏⲣⲓⲟⲛ ⲉⲧⲙⲙⲁⲩ ⲛⲧⲟϥ ⲡⲉⲧⲥⲟⲟⲩⲛ ϫⲉⲉⲧⲃⲉⲟⲩ ⲁⲩⲥⲕⲩⲗⲗⲉⲓ ⲙⲙⲟⲟⲩ ⲛϭⲓⲡⲓϫⲟⲩⲧⲁϥⲧⲉ ⲛⲧⲃⲁ ⲛϩⲩⲙⲛⲉⲩⲧⲏⲥ ·
“And that mystery knoweth wherefor the four-and-twenty myriads of Praise-singers have rent themselves asunder”
pistis.sophia_book_3_part1:21
ⲁϫⲓⲥ ⲉⲣⲟⲟⲩ ϫⲉⲁⲡⲟⲧⲁⲥⲥⲉ ⲛⲓϥⲱϭⲉ ⲛⲧⲉⲧⲛⲙⲡϣⲁ ⲛⲙⲙⲩⲥⲧⲏⲣⲓⲟⲛ ⲙⲡⲟⲩⲟⲉⲓⲛ ⲛⲧⲉⲧⲛⲛⲟⲩϩⲙ ⲉⲓⲁⲗⲧⲁⲃⲁⲱⲑ ·
“Say unto them: Renounce robbery, that ye may be worthy of the mysteries of the Light and be saved from Yaldabaōth.”
pistis.sophia_book_4_part2:21
ϯⲛⲁϯ ⲛⲏⲧⲛ ⲙⲡⲙⲩⲥⲧⲏⲣⲓⲟⲛ ⲛⲧⲙⲛⲧⲣⲣⲟ ⲛⲙⲡⲏⲩⲉ ϫⲉⲕⲁⲁⲥ ⲛⲧⲱⲧⲛ ϩⲱⲧⲧⲏⲩⲧⲛ ⲉⲧⲉⲧⲛⲉⲁⲁⲩ ⲛⲣⲣⲱⲙⲉ ·
“I will give you the mystery of the kingdom of heaven, in order that ye your-selves may perform them [sc. the mysteries] for men.”
pistis.sophia_book_3_part2:21
ⲉϣⲱⲡⲉ ⲇⲉ ⲉⲧⲓ ϩⲛⲟⲩⲟⲩⲟⲉⲓϣ ⲙⲙⲉⲧⲁⲛⲟⲓⲁ ⲛⲥⲉⲁⲡⲟⲧⲁⲥⲥⲉ ⲙⲡⲕⲟⲥⲙⲟⲥ ⲧⲏⲣϥ ⲙⲛⲧϩⲩⲗⲏ ⲧⲏⲣⲥ ⲉⲧⲛϩⲏⲧϥ · ⲙⲛⲛⲛⲟⲃⲉ ⲧⲏⲣⲟⲩ ⲛⲧⲉⲡⲕⲟⲥⲙⲟⲥ ⲁⲩⲱ ⲛⲥⲉϣⲱⲡⲉ ϩⲛⲧϩⲩⲡⲟⲧⲁⲅⲏ ⲧⲏⲣⲥ ⲛⲙⲙⲩⲥⲧⲏⲣⲓⲟⲛ ⲙⲡⲟⲩⲟⲉⲓⲛ ⲙⲛⲧⲉⲗⲁⲁⲩ ⲙⲙⲩⲥⲧⲏⲣⲓⲟⲛ ⲥⲱⲧⲙ ⲉⲣⲟⲟⲩ ⲟⲩⲧⲉ ⲙⲛⲧⲟⲩⲕⲱ ⲉⲃⲟⲗ ⲛⲛⲉⲩⲛⲟⲃⲉ · ⲉⲓⲙⲏⲧⲓ ⲙⲡⲓⲙⲩⲥⲧⲏⲣⲓⲟⲛ ⲛⲟⲩⲱⲧ ⲛⲧⲉⲡⲓⲁⲧϣⲁϫⲉ ⲉⲣⲟϥ · ⲡⲁⲓ ⲉϣⲁϥⲛⲁ ⲛⲟⲩⲟⲛ ⲛⲓⲙ ⲁⲩⲱ ⲛϥⲕⲱ ⲉⲃⲟⲗ ⲛⲛⲛⲟⲃⲉ ⲛⲟⲩⲟⲛ ⲛⲓⲙ :
“And if they still at a time of repentance renounce the whole world and the whole matter therein and all the sins of the world, and they are in entire submission to the mysteries of the Light, no mystery can hearken unto them nor forgive their sins, save this same mystery of the Ineffable, which hath mercy on every one and forgiveth every one his sins.”
pistis.sophia_book_3_part7:21
ⲁⲥⲟⲩⲱϩⲙ ⲛϭⲓⲙⲁⲣⲓⲁ ⲡⲉϫⲁⲥ ϫⲉⲉⲓⲉ ⲣⲱⲙⲉ ⲛⲓⲙ ⲉⲧϩⲓϫⲙⲡⲕⲟⲥⲙⲟⲥ ⲉⲓⲉ ϩⲱⲃ ⲛⲓⲙ ⲉⲧⲏⲡ ⲉⲣⲟⲟⲩ ϩⲓⲧⲛⲧϩⲓⲙⲁⲣⲙⲉⲛⲏ ⲉⲓⲧⲉ ⲁⲅⲁⲑⲟⲛ ⲉⲓⲧⲉ ⲡⲉⲧϩⲟⲟⲩ ⲉⲓⲧⲉ ⲛⲟⲃⲉ ⲉⲓⲧⲉ ⲙⲟⲩ ⲉⲓⲧⲉ ⲱⲛϩ ϩⲁⲡⲁⲝ ϩⲁⲡⲗⲱⲥ ϩⲱⲃ ⲛⲓⲙ ⲉⲧⲏⲡ ⲉⲣⲟⲟⲩ ϩⲓⲧⲛⲛⲁⲣⲭⲱⲛ ⲛⲧϩⲓⲙⲁⲣⲙⲉⲛⲏ ⲥⲉⲛⲁϫⲡⲓ * ⲃⲱⲕ ⲛϩⲏⲧⲟⲩ ·
“Mary answered and said: To all men then who are in the world, will all which is appointed them through the Fate, whether good or bad or sin or death or life,--in a word, will all which is appointed them through the rulers of the Fate, have to come unto them?”
pistis.sophia_book_2_part6:21
ⲁⲩⲱ ⲉⲧⲃⲉⲟⲩ ⲁϥϣⲱⲡⲉ ⲛϭⲓⲡⲉⲥⲙⲟⲩ · ⲁⲩⲱ ⲡⲙⲩⲥⲧⲏⲣⲓⲟⲛ ⲉⲧⲙⲙⲁⲩ ⲛⲧⲟϥ ⲡⲉⲧⲥⲟⲟⲩⲛ ϫⲉⲉⲧⲃⲉⲟⲩ ⲁⲧⲙⲛⲧⲡⲟⲛⲟⲣⲟⲥ ϣⲱⲡⲉ ⲁⲩⲱ ⲉⲧⲃⲉⲟⲩ ⲁϥϣⲱⲡⲉ ⲛϭⲓⲧⲙⲛⲧⲣⲉϥⲕⲱⲣϣ · ⲁⲩⲱ ⲡⲙⲩⲥⲧⲏⲣⲓⲟⲛ ⲉⲧⲙⲙⲁⲩ ⲛⲧⲟϥ ⲡⲉⲧⲥⲟⲟⲩⲛ ϫⲉⲉⲧⲃⲉⲟⲩ ⲁⲧⲙⲛⲧⲣⲉϥϩⲱⲧϥ ϣⲱⲡⲉ ·
“and why blessing hath arisen. And that mystery knoweth why knavery hath arisen and why deceit hath arisen. And that mystery | knoweth why the slaying hath arisen”
pistis.sophia_book_3_part6:21
ⲙⲛϣϭⲟⲙ ⲅⲁⲣ ⲙⲡⲕⲟⲥⲙⲟⲥ ⲉⲧⲱⲟⲩⲛ ϩⲁⲡⲕⲁⲕⲉ ⲙⲡⲉⲇⲣⲁⲕⲱⲛ ϩⲛⲧⲉϥⲁⲗⲏⲑⲉⲓⲁ ⲙⲙⲟⲣⲫⲏ · ⲉⲙⲙⲟⲛ ϣⲁϥⲃⲱⲗ ⲉⲃⲟⲗ ⲛϥⲧⲁⲕⲟ ϩⲓⲟⲩⲥⲟⲡ ·
“then indeed the world is not able to endure the darkness of the dragon in its true form; otherwise would it be dissolved and go to ruin withal.”
pistis.sophia_book_1_part4:21
ⲡⲛⲟⲩⲧⲉ ⲛⲛϭⲟⲙ ϫⲉⲉⲧⲃⲏⲏⲧⲕ ⲁⲓϥⲓ ⲉⲣⲟⲓ ⲛⲟⲩⲛⲟϭⲛⲉϭ · ⲁⲡϣⲓⲡⲉ ϩⲱⲃⲥ ⲉϫⲙⲡⲁϩⲟ · ⲁⲓⲣϣⲙⲙⲟ ⲉⲛⲁⲥⲛⲏⲩ ϣⲙⲙⲟ ⲉⲛϣⲏⲣⲉ ⲛⲧⲁⲙⲁⲁⲩ · ϫⲉⲡⲕⲱϩ ⲙⲡⲉⲕⲏⲓ ⲡⲉ ⲛⲧⲁϥⲟⲩⲟⲙⲧ ⲛⲛⲟϭⲛⲉϭ ⲛⲛⲉⲧⲛⲟϭⲛⲉϭ ⲙⲙⲟⲕ · ⲁⲩϩⲉ ⲉϩⲣⲁⲓ ⲉϫⲱⲓ · ⲁⲓⲕⲱⲗϫ ⲛⲧⲁⲯⲩⲭⲏ ϩⲛⲟⲩⲛⲏⲥⲧⲉⲓⲁ · ⲁⲥϣⲱⲡⲉ ⲛⲁⲓ ⲉⲩⲛⲟϭⲛⲉϭ · ⲁⲓϯ ⲛⲟⲩϭⲟⲟⲩⲛⲉ ϩⲓⲱⲱⲧ ⲁⲓϣⲱⲡⲉ ⲛⲁⲩ ⲙⲡⲁⲣⲁⲃⲟⲗⲏ · ⲛⲉⲩϫⲓ ⲛϩⲣⲁⲩϩⲓⲱⲱⲧ ⲡⲉ ⲛϭⲓⲛⲉⲧϩⲙⲟⲟⲥ ϩⲛⲙⲡⲩⲗⲏ · ⲁⲩⲱ ⲛⲉⲩⲯⲁⲗⲗⲉ ⲉⲣⲟⲓ ⲡⲉ ⲛϭⲓⲛⲉⲧⲥⲱ ⲙⲡⲏⲣⲡ ·
“God of powers. “7. For thy sake have I endured shame; shame hath covered my face. “8. I am become a stranger to my brethren, a stranger unto the sons of my mother. “9. For the zeal of thy house hath consumed me; the revilings of them that revile thee have fallen upon me. “10. I bowed my soul with fasting, and it was turned to my reproach. 11. I put on sackcloth; I became unto them a bye-word. 12. They who sit at the gates, chattered at me; and they who drink wine, harped about me.”
pistis.sophia_book_3_part3:21
ⲁⲩⲱ ⲙⲉⲩϫⲓⲧⲥ ⲉⲃⲟⲗ ϩⲛⲛⲉⲭⲁⲟⲥ ϫⲉⲟⲩⲕ ⲉⲝⲉⲥⲧⲓ ⲉϫⲓⲯⲩⲭⲏ ⲉⲁϥϫⲓ ⲙⲩⲥⲧⲏⲣⲓⲟⲛ ⲉⲃⲟⲗ ϩⲛⲛⲉⲭⲁⲟⲥ · ⲁⲗⲗⲁ ⲉϣⲁⲩϫⲓⲧⲥ ⲉⲃⲟⲗ ϩⲓⲧⲉϩⲓⲏ ⲛⲛⲁⲣⲭⲱⲛ ⲛⲧⲙⲏⲧⲉ · ⲁⲩⲱ ⲉⲥϣⲁⲛⲡⲱϩ ⲉⲛⲁⲣⲭⲱⲛ ⲛⲧⲙⲏⲧⲉ · ϣⲁⲩⲉⲓ ⲉⲃⲟⲗ ϩⲏⲧⲥ ⲛⲧⲉⲯⲩⲭⲏ ⲛϭⲓⲛⲁⲣⲭⲱⲛ ⲉⲧⲙⲙⲁⲩ ⲉⲩϣⲟⲟⲡ ϩⲛⲟⲩⲛⲟϭ ⲛϩⲟⲧⲉ ⲙⲛⲟⲩⲕⲱϩⲧ ⲉϥⲛⲁϣⲧ · ⲙⲛϩⲉⲛϩⲟ ⲉⲩϣⲟⲃⲉ · ϩⲁⲡⲁⲝ ϩⲁⲡⲗⲱⲥ ⲉⲩϣⲟⲟⲡ ϩⲛⲟⲩⲛⲟϭ ⲛϩⲟⲧⲉ ⲉⲙⲛϣⲓ ⲉⲣⲟⲥ ·
and they do not lead it into the chaos, because it is not lawful to lead into the chaos souls which have received mysteries, but they lead it on the way of the rulers of the midst. And when it reacheth the rulers of the midst, those rulers meet the soul, they being in great fear and violent fire and with different faces, in a word in great immeasurable fear.
pistis.sophia_book_4_part1:21
ⲥⲁⲃⲁⲱⲑ ⲇⲉ ⲛⲧⲟϥ ⲡⲁⲇⲁⲙⲁⲥ ⲁϥϭⲱ ⲉϥⲣϩⲱⲃ ϩⲛⲧⲥⲩⲛⲟⲩⲥⲓⲁ ⲙⲛⲛⲉϥⲁⲣⲭⲱⲛ ·
But Sabaōth, the Adamas, and his rulers have persisted in the practice of congress.
pistis.sophia_book_1_part2:21
ⲉⲧⲓ ⲅⲁⲣ ⲕⲉⲕⲟⲩⲓ ⲛⲟⲩⲉⲓϣ ⲡⲉ ⲛⲉⲗⲁⲭⲓⲥⲧⲟⲛ · ⲕⲛⲏⲩ ⲉⲣⲁⲧⲛ · ⲁⲩⲱ ⲕⲛⲁⲗⲟ ϩⲙⲡⲕⲟⲥⲙⲟⲥ ·
For yet a little while, a very little while, and thou shalt come unto us and leave the world.
pistis.sophia_book_2_part1:21
ⲉⲥⲛⲁϯ ⲛⲁⲩ ⲛⲙⲙⲩⲥⲧⲏⲣⲓⲟⲛ ⲙⲡⲟⲩⲟⲉⲓⲛ ⲛⲧⲟⲟⲩ ⲛⲉ ⲛⲧⲁⲩⲧⲁⲛϩⲟⲩⲧⲟⲩ ⲉⲧⲁⲡⲟϩⲣⲟⲓⲁ ⲛⲟⲩⲟⲉⲓⲛ · ⲧⲁⲓ ⲉⲛⲧⲁⲓⲧⲁⲁⲥ ⲛⲁⲩ ⲁⲓϫⲓⲧⲥ ⲉⲡⲉⲭⲁⲟⲥ · ⲁⲩⲱ ⲙⲓⲭⲁⲏⲗ ⲅⲁⲃⲣⲓⲏⲗ · ⲙⲡⲟⲩϥⲓ ⲗⲁⲁⲩ ⲛⲟⲩⲟⲉⲓⲛ ⲛⲁⲩ ϩⲛⲛⲟⲩⲟⲉⲓⲛ ⲛⲧⲡⲓⲥⲧⲓⲥ ⲥⲟⲫⲓⲁ · ⲛⲁⲓ ⲉⲛⲧⲁⲩϥⲓⲧⲟⲩ ⲛⲧⲟⲟⲧⲟⲩ ⲛⲛⲉⲡⲣⲟⲃⲟⲗⲟⲟⲩⲉ ⲙⲡⲁⲩⲑⲁⲇⲏⲥ · ⲁⲥϣⲱⲡⲉ ϭⲉ ⲛⲧⲉⲣⲉⲧⲁⲡⲟϩⲣⲟⲓⲁ ⲛⲟⲩⲟⲉⲓⲛ ⲛⲧⲉⲣⲉⲥⲛⲟⲩϫⲉ ⲉϩⲟⲩⲛ ⲉⲧⲡⲓⲥⲧⲓⲥ ⲥⲟⲫⲓⲁ ⲛⲛⲉⲥϭⲟⲙ ⲧⲏⲣⲟⲩ ⲛⲟⲩⲟⲉⲓⲛ . ⲛⲁⲓ ⲛⲧⲁⲥϥⲓⲧⲟⲩ ⲛⲧⲟⲟⲧⲟⲩ ⲛⲛⲉⲡⲣⲟⲃⲟⲗⲟⲟⲩⲉ ⲙⲡⲁⲩⲑⲁⲧⲏⲥ ·
“will give them the mysteries of the Light; it is they to whom the light-stream was entrusted, which I have given unto them and brought into the chaos. And Michaēl and Gabriēl have taken no light for themselves from the lights of Sophia, which they had taken from the emanations of Self-willed. It came to pass then, when the light-stream had ingathered into Pistis Sophia all her light-powers, which it had taken from the emanations of Self-willed,”
pistis.sophia_book_2_part5:21
ⲁⲩⲱ ⲡⲙⲉϩⲥⲁϣϥ ⲛϩⲁⲙⲏⲛ ⲙⲛⲡϯⲟⲩ ⲛϣⲏⲛ ⲙⲛⲡϣⲟⲙⲛⲧ ⲛϩⲁⲙⲏⲛ ⲥⲉⲛⲁϣⲱⲡⲉ ϩⲓⲟⲩⲛⲁⲙ ⲙⲙⲟⲓ ⲉⲩⲟ ⲛⲣⲣⲟ ϩⲣⲁⲓ ϩⲛⲛⲉⲕⲗⲏⲣⲟⲛⲟⲙⲓⲁ ⲙⲡⲟⲩⲟⲉⲓⲛ ·
“And the seven | Amēns and the five Trees and the three Amēns will be on my right, being kings in the inheritances of the Light.”
pistis.sophia_book_2_part9:21
ⲉⲧⲃⲉⲡⲁⲓ ϭⲉ ⲛⲧⲁϥⲧⲛⲛⲟⲟⲩⲧ' ⲛϭⲓⲡϣⲟⲣⲡ ⲙⲙⲩⲥⲧⲏⲣⲓⲟⲛ ⲉⲧⲣⲁⲁⲕⲱ ⲉⲃⲟⲗ ⲛⲛⲛⲟⲃⲉ ⲛⲟⲩⲟⲛ ⲛⲓⲙ ⁛ · ⁛ · ⁛ · ⁛ · ⁛ □□□□
“for this cause, therefore, hath the First Mystery sent me, that I may forgive every one his sins.”
pistis.sophia_book_2_part2:21
ⲁⲕⲧⲱⲱⲃⲉ ⲛⲁⲩ · ⲁⲩⲱ ⲁⲕⲧⲟⲩⲓⲟ ⲛⲁⲩ · ⲁⲩⲱ ⲁⲕϥⲓ ⲧϭⲟⲙ ⲛⲟⲩⲟⲉⲓⲛ ⲉⲧⲛϩⲏⲧⲟⲩ · ⲉⲡⲙⲁ ⲛⲛⲟⲩⲟⲉⲓⲛ ⲛⲧⲥⲟⲫⲓⲁ ⲧⲁⲓ ⲉⲛⲧⲁⲥⲡⲓⲥⲧⲉⲩⲉ ⲉⲡⲟⲩⲟⲉⲓⲛ ⲙⲡϫⲓⲥⲉ : ⲁⲩⲱ ⲕⲁⲧⲁⲧϩⲉ ⲉⲛⲧⲁⲧⲉⲕϭⲟⲙ ⲛⲟⲩⲟⲉⲓⲛ ϫⲟⲟⲥ ϩⲓⲧⲛⲇⲁⲩⲓⲇ . ϫⲉⲁⲕⲕⲁⲡⲉⲧϫⲟⲥⲉ ⲛⲁⲕ ⲙⲙⲁ ⲙⲡⲱⲧ · ⲙⲛⲡⲉⲧϩⲟⲟⲩ ⲛⲁϣϩⲱⲛ ⲉⲣⲟⲕ · ⲁⲩⲱ ⲙⲛⲙⲁⲥⲧⲓⲅϫⲛⲁϩⲱⲛ ⲉϩⲟⲩⲛ ⲉⲡⲉⲕⲙⲁ ⲛϣⲱⲡⲉ · ⲉⲧⲉⲡⲁⲓ ⲡⲉ ϫⲉⲛⲧⲉⲣⲉⲧⲡⲓⲥⲧⲓⲥ ⲥⲟⲫⲓⲁ ⲡⲓⲥⲧⲉⲩⲉ ⲉⲣⲁⲧϥ ⲙⲡⲟⲩⲟⲉⲓⲛ ·
“so hast thou requited them and repaid them in full, and hast taken the light-power in them instead of the lights of Sophia, who hath had faith in the Light of the Height. And as thy light-power hath spoken through David: 'Thou hast established the Most High for thyself as refuge; harm will not come nigh unto thee, scourge will not come nigh thy dwelling,'--that is: When Pistis Sophia had had faith in the Light”
pistis.sophia_book_3_part5:21
ⲁϥⲟⲩⲱϩⲙ ⲇⲉ ⲛϭⲓⲓⲏⲥⲟⲩⲥ ⲡⲉϫⲁϥ ⲙⲙⲁⲣⲓⲁ · ϫⲉⲡⲕⲁⲕⲉ ⲉⲧϩⲓⲃⲟⲗ ⲟⲩⲛⲟϭ ⲛⲇⲣⲁⲕⲱⲛ ⲡⲉ ⲉⲣⲉⲡⲉϥⲥⲁⲧ ⲛϩⲟⲩⲛ ⲛⲣⲱϥ ⲉϥⲙⲡⲃⲟⲗ ⲙⲡⲕⲟⲥⲙⲟⲥ ⲧⲏⲣϥ ⲁⲩⲱ ⲉϥⲕⲱⲧⲉ ⲉⲡⲕⲟⲥⲙⲟⲥ ⲧⲏⲣϥ ⲉⲣⲉⲟⲩⲙⲏⲏϣⲉ ⲛⲧⲟⲡⲟⲥ ⲛⲕⲣⲓⲥⲓⲥ ⲛϩⲟⲩⲛ ⲛϩⲏⲧϥ ⲉϥⲟ ⲙⲙⲛⲧⲥⲛⲟⲟⲩⲥ ⲛⲧⲁⲙⲉⲓⲟⲛ ⲛⲕⲟⲗⲁⲥⲓⲥ ⲉⲩⲛⲁϣⲧ · ⲉⲣⲉⲟⲩ ⲁⲣⲭⲱⲛ ϩⲙⲡⲧⲁⲙⲉⲓⲟⲛ ⲡⲧⲁⲙⲉⲓⲟⲛ ⲉⲣⲉⲡϩⲟ ⲛⲛⲁⲣⲭⲱⲛ ϣⲟⲃⲉ ⲉⲛⲉⲩⲉⲣⲏⲩ ·
“And Jesus answered and said unto Mary: The outer darkness is a great dragon, whose tail is in his mouth, outside the whole world and surrounding the whole world. And there are many regions of chastisement within it. There are twelve mighty | chastisement-dungeons and a ruler is in every dungeon and the face of the rulers is different one from another.”
pistis.sophia_book_1_part1:21
ⲛⲁⲓ ⲉⲧⲉⲛⲧⲟⲟⲩ ⲛⲉ ⲛⲉⲡⲣⲟⲃⲟⲗⲟⲟⲩⲉ ⲙⲡⲛⲟϭ ⲛⲁϩⲟⲣⲁⲧⲟⲥ
--those which are the emanations of the great Invisible
pistis.sophia_book_2_part4:21
ⲛⲁⲓ ⲛⲉ ⲛϣⲁϫⲉ ⲛⲧⲁⲧⲉⲕϭⲟⲙ ⲛⲟⲩⲟⲉⲓⲛ ⲡⲣⲟⲫⲏⲧⲉⲩⲉ ⲙⲙⲟⲟⲩ ⲙⲡⲓⲟⲩⲟⲉⲓϣ ϩⲓⲧⲛⲇⲁⲩⲉⲓⲇ · ϩⲙⲡⲙⲉϩⲥⲁϣϥ ⲙⲯⲁⲗⲙⲟⲥ ϫⲉⲡⲛⲟⲩⲧⲉ ⲟⲩⲕⲣⲓⲧⲏⲥ ⲙⲙⲉ ⲉⲡⲉ ⲛϫⲱⲱⲣⲉ ⲛϩⲁⲣϣϩⲏⲧ · ⲉⲙⲉϥⲉⲓⲛⲉ ⲛⲧⲉϥⲟⲣⲅⲏ ⲙⲙⲏⲛⲉ · ⲉⲧⲉⲧⲛⲧⲙⲕⲉⲧⲧⲏⲩ ϥⲛⲁϫⲱⲣ ⲛⲧⲉϥⲥⲏϥⲉ ·
“these are the words which thy light-power hath prophesied aforetime through David in the seventh Psalm, saying: 12. God is a righteous vindicator and strong and long-suffering, who bringeth not on his wrath every day. 13. If ye turn not, he will whet his sword;”
pistis.sophia_book_1_part3:21
ⲁⲩⲱ ⲛⲉⲣⲉⲡⲟⲩⲁ ⲡⲟⲩⲁ ⲙⲙⲟⲟⲩ ⲛⲉⲩϭⲉⲉⲧ ⲡⲉ ϩⲣⲁⲓ ϩⲛⲧⲉⲩⲧⲁⲝⲓⲥ ⲁⲩⲱ ⲛⲉⲣⲉⲡⲟⲩⲁ ⲡⲟⲩⲁ ⲙⲟⲟϣⲉ ⲡⲉ ⲕⲁⲧⲁⲡⲉϥⲇⲣⲟⲙⲟⲥ · ⲕⲁⲧⲁⲧϩⲉ ⲛⲧⲁϥⲕⲁⲁⲩ ⲙⲙⲟⲥ ⲛϭⲓⲓⲉⲟⲩ ⲡⲉⲡⲓⲥⲕⲟⲡⲟⲥ ⲙⲡⲟⲩⲟⲉⲓⲛ ·
and every one of them remained in his order, and every one journeyed according to his course, as Yew, the Overseer of the Light, had established them.
pistis.sophia_book_3_part4:21
ⲉⲓⲉ ⲉⲣϣⲁⲛⲡⲣⲱⲙⲉ ϫⲓⲙⲩⲥⲧⲏⲣⲓⲟⲛ ϩⲛⲙⲙⲩⲥⲧⲏⲣⲓⲟⲛ ⲙⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ ⲁⲩⲱ ⲟⲛ ⲛϥⲕⲟⲧϥ ⲛϥⲣⲛⲟⲃⲉ ⲛϥⲡⲁⲣⲁⲃⲁ ·
if the man receiveth mysteries from the mysteries | of the First Mystery and again turneth and sinneth and transgresseth,
pistis.sophia_book_1_part6:21
ⲍ ⲁϥⲟⲩⲱϩ ⲟⲛ ⲉⲧⲟⲟⲧϥ ⲛϭⲓⲓⲏⲥⲟⲩⲥ ϩⲙⲡϣⲁϫⲉ ⲡⲉϫⲁϥ ⲛⲙⲙⲁⲑⲏⲧⲏⲥ · ϫⲉⲁⲥϣⲱⲡⲉ ϭⲉ ⲛⲧⲉⲣⲉⲥϫⲱ ⲛⲧⲉⲥⲙⲉϩⲥⲁϣϥⲉ ⲙⲙⲉⲧⲁⲛⲟⲓⲁ ϩⲙⲡⲉⲭⲁⲟⲥ ⲛϭⲓⲧⲡⲓⲥⲧⲓⲥ ⲥⲟⲫⲓⲁ ·
“Jesus continued again in the discourse and said unto his disciples: It came to pass then, when Pistis Sophia had uttered the seventh repentance in the chaos,”
pistis.sophia_book_2_part8:21
ⲡⲓⲁⲧϣⲁϫⲉ ⲉⲣⲟϥ ⲟⲩⲙⲩⲥⲧⲏⲣⲓⲟⲛ ⲛⲟⲩⲱⲧ ⲡⲉⲧⲛⲧⲁϥ ·
“[and] the Ineffable possess a one and only mystery?”
pistis.sophia_book_1_part8:21
ⲁⲧⲉⲕϭⲟⲙ ⲛⲟⲩⲟⲉⲓⲛ ⲡⲣⲟⲫⲏⲧⲉⲩⲉ ϩⲁⲛⲉⲓϣⲁϫⲉ ⲙⲡⲓⲟⲩⲟⲉⲓϣ ϩⲓⲧⲛⲥⲟⲗⲟⲙⲱⲛ ϩⲛⲧⲉϥⲙⲉϩⲙⲛⲧⲯⲓⲧⲉ ⲛⲱⲇⲏ ⲁⲩⲱ ⲡⲉϫⲁⲥ ϫⲉⲡϫⲟⲉⲓⲥ ϩⲓϫⲛⲧⲁⲁⲡⲉ ⲛⲧϩⲉ ⲛⲟⲩⲕⲗⲟⲙ · ⲁⲩⲱ ⲛϯⲛⲁⲣ ⲡⲉϥⲃⲟⲗ ⲁⲛ ⲁⲩϣⲱⲛⲧ ⲛⲁⲓ ⲙⲡⲉⲕⲗⲟⲙ ⲛⲧⲁⲗⲏⲑⲉⲓⲁ · ⲁⲩⲱ ⲁϥⲧⲣⲉⲛⲉⲕⲕⲗⲁⲇⲟⲥ ϯⲟⲩⲱ ϩⲣⲁⲓ ⲛϩⲏⲧ · ϫⲉⲉϥⲉⲓⲛⲉ ⲁⲛ ⲛⲟⲩⲕⲗⲟⲙ ⲉϥϣⲟⲩⲱⲟⲩ ⲉⲙⲉϥϯⲟⲩⲱ · ⲁⲗⲗⲁ ⲕⲟⲛϩ ϩⲓϫⲛⲧⲁⲁⲡⲉ · ⲁⲩⲱ ⲁⲕϯⲟⲩⲱ ϩⲣⲁⲓ ϩⲓϫⲱⲓ ⲛⲉⲕⲕⲁⲣⲡⲟⲥ ⲥⲉⲙⲉϩ . ⲁⲩⲱ ⲥⲉϫⲏⲕ · ⲉⲩⲙⲉϩ ⲉⲃⲟⲗ ϩⲙⲡⲉⲕⲟⲩϫⲁⲓ .
“thy light-power hath prophesied aforetime concerning these words through Solomon in the nineteenth Ode and said: “1. The Lord is on my head as a wreath, and I shall not depart from him. “2. The wreath in truth |117. is woven for me; and it hath caused thy twigs to sprout in me. 3. For it is not like unto a wreath withered that sprouteth not. But thou art alive on my head and thou hast sprouted upon me. 4. Thy fruits are full and perfect, filled with thy salvation.”
pistis.sophia_book_1_part7:21
ⲟⲩⲟⲓ ⲛⲁⲓ ϫⲉⲁⲡⲁⲙⲁ ⲛϣⲱⲡⲉ ⲟⲩⲉ ⲉⲃⲟⲗ · ⲁⲓⲟⲩⲱϩ ϩⲛⲙⲙⲁ ⲛϣⲱⲡⲉ ⲛⲕⲏⲇⲁⲣ · ⲁⲧⲁⲯⲩⲭⲏ ⲣⲣⲙⲛϭⲟⲉⲓⲗⲉ ϩⲛⲟⲩⲙⲏⲏϣⲉ ⲙⲙⲁ · ⲛⲉⲓⲟ ⲛⲉⲓⲣⲏⲛⲓⲕⲟⲥ ⲡⲉ ⲙⲛⲛⲉⲧⲙⲟⲥⲧⲉ ⲛⲧⲉⲓⲣⲏⲛⲏ · ⲉⲓϣⲁⲛϣⲁϫⲉ ⲛⲙⲙⲁⲩ . ϣⲁⲩⲙⲓϣⲉ ⲛⲙⲙⲁⲓ ⲛϫⲓⲛϫⲏ ·
“5. Woe unto me, that my dwelling is far off, and I dwelt in the tents of Kedar. 6. My soul hath dwelt in many regions as a guest. 7. I was peaceful with them who hate peace; if I spake unto them, they fought against me without a cause.”
pistis.sophia_book_1_part5:22
ⲍ ⲁϥⲟⲩⲱϩ ⲇⲉ ⲟⲛ ⲉⲧⲟⲟⲧϥ ⲛϭⲓⲓⲏⲥⲟⲩⲥ ϩⲙⲡϣⲁϫⲉ ⲡⲉϫⲁϥ ⲛⲛⲉϥⲙⲁⲑⲏⲧⲏⲥ ϫⲉⲁⲥϣⲱⲡⲉ ⲟⲛ ⲛⲧⲉⲓϩⲉ ⲁⲛⲉⲡⲣⲟⲃⲟⲗⲟⲟⲩⲉ ⲙⲡⲁⲩⲑⲁⲧⲏⲥ ⲁⲩϩⲱϫ ⲟⲛ ⲛⲧⲡⲓⲥⲧⲓⲥ ⲥⲟⲫⲓⲁ ϩⲛⲛⲉⲭⲁⲟⲥ ·
“And Jesus continued again in the discourse and said unto his disciples: It came to pass again thus: The emanations of Self-willed again oppressed Pistis Sophia in the chaos”
pistis.sophia_book_2_part1:22
ⲁⲥⲣⲟⲩⲟⲓⲛ ⲧⲏⲣⲥ · ⲁⲩⲱ ⲛⲕⲉϭⲟⲙ ⲛⲟⲩⲟⲉⲓⲛ ⲛⲁⲓ ⲉⲧϣⲟⲟⲡ ϩⲛⲧⲡⲓⲥⲧⲓⲥ ⲥⲟⲫⲓⲁ · ⲛⲁⲓ ⲉⲧⲉⲙⲡⲟⲩϥⲓⲧⲟⲩ ⲛϭⲓⲛⲉⲡⲣⲟⲃⲟⲗⲟⲟⲩⲉ ⲙⲡⲁⲩⲑⲁⲇⲏⲥ ⲁⲩⲟⲩⲣⲟⲧ ⲟⲛ · ⲁⲩⲱ ⲁⲩⲙⲟⲩϩ ⲛⲟⲩⲟⲉⲓⲛ · ⲁⲩⲱ ⲛⲟⲩⲟⲉⲓⲛ ⲉⲛⲧⲁⲩⲛⲟϫⲟⲩ ⲉϩⲟⲩⲛ ⲉⲧⲡⲓⲥⲧⲓⲥ ⲥⲟⲫⲓⲁ · ⲁⲩⲧⲁⲛϩⲉ ⲡⲥⲱⲙⲁ ⲛⲧⲉⲥϩⲩⲗⲏ · ⲧⲁⲓ ⲉⲧⲉⲙⲛⲟⲩⲟⲉⲓⲛ ⲛϩⲏⲧⲥ . ⲧⲁⲓ ⲉⲛⲉⲥⲛⲁⲧⲁⲕⲟ ⲡⲉ · ⲏ ⲧⲁⲓ ⲉϣⲁⲥⲧⲁⲕⲟ · ⲁⲩⲱ ⲁⲩⲧⲁϩⲉ ⲉⲣⲁⲧⲟⲩ ⲛⲛⲉⲥϭⲟⲙ ⲧⲏⲣⲟⲩ ⲛⲁⲓ ⲉⲛⲉⲩⲛⲁⲃⲱⲗ ⲉⲃⲟⲗ · ⲁⲩⲱ ⲁⲩϫⲓ ⲛⲁⲩ ⲛⲟⲩϭⲟⲙ ⲛⲟⲩⲟⲉⲓⲛ · ⲁⲩⲣⲧϩⲉ ⲟⲛ ⲉⲛⲉⲩⲟ ⲙⲙⲟⲥ ⲛϣⲟⲣⲡ · ⲁⲩⲱ ⲟⲛ ⲁⲩϫⲓⲥⲉ ϩⲛⲧⲁⲓⲥⲑⲏⲥⲓⲥ ⲛⲟⲩⲟⲉⲓⲛ · ⲁⲩⲱ ⲛϭⲟⲙ ⲧⲏⲣⲟⲩ ⲛⲟⲩⲟⲉⲓⲛ ⲛⲧⲉⲧⲥⲟⲫⲓⲁ ·
that she became shining throughout; and the light-powers also in Pistis Sophia, which the emanations of Self-willed had not taken, became joyful again and filled themselves with light. And the lights which were poured into Pistis Sophia, quickened the body of her matter, in which no light was present, and which was on the point of perishing or perished. And they raised up all her powers which were on the point of being dissolved. And they took unto themselves a light-power and became again as they were before, and they increased again in their sense of the Light. And all the light-powers of Sophia
pistis.sophia_book_2_part7:22
ⲁⲩⲱ ⲉⲧⲃⲉⲟⲩ ⲣⲱ ⲁⲩⲥⲟⲣⲟⲩ ⲉⲃⲟⲗ ⲡⲃⲟⲗ ⲙⲡⲕⲁⲧⲁⲡⲉⲧⲁⲥⲙⲁ ⲙⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ ⲉⲧⲉⲛⲧⲟϥ ⲡⲉ ⲡϩⲁⲧⲣⲉⲉⲩ ⲙⲙⲩⲥⲧⲏⲣⲓⲟⲛ ⲛⲧⲉⲡⲓⲟⲩⲁ ⲛⲟⲩⲱⲧ ⲡⲓⲁⲧϣⲁϫⲉ ⲉⲣⲟϥ · ⲡⲏ ⲉⲧϭⲱϣⲧ ⲉϩⲟⲩⲛ ⲁⲩⲱ ⲡⲏ ⲉⲧϭⲱϣⲧ ⲉⲃⲟⲗ ·
and wherefor they have extended themselves outside the veil of the First Mystery, which is the twin-mystery, that which looketh within and without, of the One and Only, the Ineffable,
pistis.sophia_book_2_part3:22
ⲡⲉϫⲁⲥ ϫⲉϯⲛⲁϫⲟⲟⲥ ϫⲉⲛⲧⲟⲕ ⲡⲉ ⲡⲟⲩⲟⲉⲓⲛ ⲡⲉⲧϫⲟⲥⲉ ϫⲉⲁⲕⲛⲟⲩϩⲙ ⲙⲙⲟⲓ · ⲁⲩⲱ ⲁⲕⲛⲧ ⲉⲣⲁⲧⲕ ⲁⲩⲱ ⲙⲡⲕⲧⲣⲉⲩϥⲓⲡⲁⲟⲩⲟⲉⲓⲛ ⲛϭⲓⲛⲉⲡⲣⲟⲃⲟⲗⲟⲟⲩⲉ ⲙⲡⲁⲩⲑⲁⲇⲏⲥ ⲛⲁⲓ ⲉⲧⲟ ⲛϫⲁϫⲉ ⲉⲣⲟⲓ ⲡⲟⲩⲟⲉⲓⲛ ⲛⲧⲉⲛⲓⲟⲩⲟⲓⲛ · ⲁⲓϩⲩⲙⲛⲉⲩⲉ ⲉϩⲣⲁⲓ ⲟⲩⲃⲏⲕ . ⲁⲕⲛⲁϩⲙⲉⲧ ⲡⲟⲩⲟⲉⲓⲛ ⲁⲕⲛⲧⲁϭⲟⲙ ⲉϩⲣⲁⲓ ϩⲙⲡⲉⲭⲁⲟⲥ · ⲁⲕⲛⲁϩⲙⲉⲧ ⲉⲃⲟⲗ ϩⲓⲧⲛⲛⲉⲧⲃⲏⲕ ⲉⲡⲉⲥⲏⲧ ⲉⲡⲕⲁⲕⲉ ·
“1. I will declare: Thou art the higher Light, for that hast saved me and led me unto thee, and thou hast not let the emanations of Self-willed, which are hostile unto me, take my light. 2. O Light of lights, I sing praises unto thee; thou hast saved me. 3. O Light, thou hast led up my power out of the chaos; thou hast saved me from them which have gone down into the darkness.”
pistis.sophia_book_2_part6:22
ⲁⲩⲱ ⲉⲧⲃⲉⲟⲩ ⲁϥϣⲱⲡⲉ ⲛϭⲓⲡⲧⲁⲛϩⲟ ⲛⲛⲉⲯⲩⲭⲟⲟⲩⲉ · ⲁⲩⲱ ⲡⲙⲩⲥⲧⲏⲣⲓⲟⲛ ⲉⲧⲙⲙⲁⲩ ⲛⲧⲟϥ ⲡⲉⲧⲥⲟⲟⲩⲛ ϫⲉⲉⲧⲃⲉⲟⲩ ⲁⲥϣⲱⲡⲉ ⲛϭⲓⲧⲙⲛⲧⲛⲟⲉⲓⲕ · ⲙⲛⲧⲡⲟⲣⲛⲉⲓⲁ ⲁⲩⲱ ⲉⲧⲃⲉⲟⲩ ⲁϥϣⲱⲡⲉ ⲛϭⲓⲡⲧⲃⲃⲟ · ⲁⲩⲱ ⲡⲙⲩⲥⲧⲏⲣⲓⲟⲛ ⲉⲧⲙⲙⲁⲩ ⲛⲧⲟϥ ⲡⲉⲧⲥⲟⲟⲩⲛ ϫⲉⲉⲧⲃⲉⲟⲩ ⲁϥϣⲱⲡⲉ ⲛϭⲓⲧⲥⲩⲛⲟⲩⲥⲓⲁ ·
“and why the quickening of the souls hath arisen. And that mystery knoweth why adultery and fornication have arisen and why purity hath arisen. And that mystery knoweth why intercourse hath arisen”
pistis.sophia_book_3_part1:22
ⲁϫⲓⲥ ⲉⲣⲟⲟⲩ ϫⲉⲁⲡⲟⲧⲁⲥⲥⲉ ⲛⲧⲕⲁⲧⲁⲗⲁⲗⲓⲁ ⲛⲧⲉⲧⲛⲙⲡϣⲁ ⲛⲙⲙⲩⲥⲧⲏⲣⲓⲟⲛ ⲙⲡⲟⲩⲟⲉⲓⲛ ⲛⲧⲉⲧⲛⲛⲟⲩϩⲙ ⲉⲛⲓⲉⲣⲱⲟⲩ ⲛⲕⲱϩⲧ ⲙⲡⲓϩⲟ ⲙⲙⲟⲩⲓ ·
“Say unto them: Renounce slandering, that ye may be worthy of the mysteries of the Light and be saved from the fire-rivers of the lion-faced [one].”
pistis.sophia_book_2_part8:22
ⲁϥⲟⲩⲱϣⲃ ⲛϭⲓⲓⲏⲥⲟⲩⲥ ⲡⲉϫⲁϥ ⲛⲁⲥ · ϫⲉⲟⲩ ⲙⲩⲥⲧⲏⲣⲓⲟⲛ ⲛⲟⲩⲱⲧ ⲙⲉⲛ ⲧⲟⲓ ⲅⲉ ⲡⲉⲧⲛⲧⲁϥ · ⲁⲗⲗⲁ ⲛⲙⲩⲥⲧⲏⲣⲓⲟⲛ ⲉⲧⲙⲙⲁⲩ ϥⲉⲓⲣⲉ ⲛϣⲟⲙⲛⲧ ⲙⲙⲩⲥⲧⲏⲣⲓⲟⲛ ⲉⲡⲓⲙⲩⲥⲧⲏⲣⲓⲟⲛ ⲛⲟⲩⲱⲧ ⲡⲉ · ⲁⲗⲗⲁ ⲟⲩⲉⲧⲡⲧⲩⲡⲟⲥ ⲙⲡⲟⲩⲁ ⲡⲟⲩⲁ ⲙⲙⲟⲟⲩ ·
“Jesus answered and said unto her: Indeed it possesseth a one and only mystery, yet that mystery constituteth three mysteries, although it is the one and only mystery; but the type of every one of them is different.”
pistis.sophia_book_1_part4:22
ⲁⲛⲟⲕ ⲇⲉ ⲛⲉ ⲉⲓϣⲗⲏⲗ ⲡⲉ ϩⲛⲧⲁⲯⲩⲭⲏ ⲉϩⲣⲁⲓ ⲉⲣⲟⲕ ⲡϫⲟⲉⲓⲥ ·
“13. But I prayed with my soul unto thee, | O Lord;”
pistis.sophia_book_3_part2:22
ⲁⲥϣⲱⲡⲉ ⲛⲧⲉⲣⲉ ⲓⲏⲥⲟⲩⲥ ⲟⲩⲱ ⲉϥϫⲱ ⲛⲛⲉⲓϣⲁϫⲉ ⲉⲛⲉϥⲙⲁⲑⲏⲧⲏⲥ · ⲁⲥⲟⲩⲱϣⲧ ⲛϭⲓⲙⲁⲣⲓⲁ ⲉⲛⲟⲩⲉⲣⲏⲧⲉ ⲛⲓⲏⲥⲟⲩⲥ ⲁⲥϯⲡⲓ ⲉⲣⲟⲟⲩ ·
It came to pass, when Jesus had finished saying these words unto his disciples, that Mary adored the feet of Jesus and kissed them.
pistis.sophia_book_3_part3:22
ⲁⲩⲱ ⲛⲧⲉⲩⲛⲟⲩ ⲉⲧⲙⲙⲁⲩ ϣⲁⲣⲉⲧⲉⲯⲩⲭⲏ ϣⲁⲥϫⲱ ⲙⲡⲙⲩⲥⲧⲏⲣⲓⲟⲛ ⲛⲧⲉⲩⲁⲡⲟⲗⲟⲅⲓⲁ · ⲁⲩⲱ ϣⲁⲩⲣϩⲟⲧⲉ ⲉⲙⲁϣⲟ ⲛⲥⲉϩⲉ ⲉϫⲙⲡⲉⲩϩⲟ · ⲉⲩⲟ ⲛϩⲟⲧⲉ ϩⲏⲧϥ ⲙⲡⲙⲩⲥⲧⲏⲣⲓⲟⲛ ⲛⲧⲁⲥϫⲟⲟϥ · ⲁⲩⲱ ⲙⲛⲧⲉⲩⲁⲡⲟⲗⲟⲅⲓⲁ ·
“And in that moment the soul uttereth the mystery of their apology. And they are exceedingly afraid and fall on their faces, being in fear of the mystery which it hath uttered, and of their apology. |”
pistis.sophia_book_3_part6:22
ⲛⲁⲓ ⲛⲧⲉⲣⲉϥϫⲟⲟⲩ ⲛϭⲓⲡⲥⲱⲧⲏⲣ · ⲁⲥⲟⲩⲱϩ ⲟⲛ ⲉⲧⲟⲟⲧⲥ ⲛϭⲓⲙⲁⲣⲓⲁ ⲡⲉϫⲁⲥ ⲙⲡⲥⲱⲧⲏⲣ ϫⲉⲡⲁϫⲟⲉⲓⲥ ⲉⲧⲓ ϯϣⲓⲛⲉ ⲙⲙⲟⲕ ⲁⲩⲱ ⲙⲡⲣϩⲱⲡ ⲉⲣⲟⲓ · ⲧⲉⲛⲟⲩ ϭⲉ ⲡⲁϫⲟⲉⲓⲥ ⲉⲓⲉ ⲛⲓⲙ ⲡⲉⲧⲁⲛⲁⲅⲕⲁⲍⲉ ⲙⲡⲣⲱⲙⲉ ϩⲉⲱⲥ ϣⲁⲛⲧϥⲣⲛⲟⲃⲉ ·
“When the Saviour had said this, Mary continued again and said unto the Saviour: My Lord, still do I question thee and | hide [it] not from me. Now, therefore, my Lord, who compelleth then the man until he sinneth?”
pistis.sophia_book_3_part7:22
ⲁϥⲟⲩⲱϣⲃ ⲛϭⲓⲡⲥⲱⲧⲏⲣ ⲡⲉϫⲁϥ ⲙⲙⲁⲣⲓϩⲁⲙⲙⲏ ϫⲉϩⲁⲙⲏⲛ ϯϫⲱ ⲙⲙⲟⲥ ⲉⲣⲱⲧⲛ ϫⲉϩⲱⲃ ⲛⲓⲙ ⲉⲧⲏⲡ ⲉⲡⲟⲩⲁ ⲡⲟⲩⲁ ϩⲓⲧⲛⲧϩⲓⲙⲁⲧⲙⲉⲛⲏ ⲥⲉⲛ ⲉⲓⲧⲉ ⲁⲅⲁⲑⲟⲛ ⲛⲓⲙ ⲉⲓⲧⲉ ⲛⲟⲃⲉ ⲛⲓⲙ ϩⲁⲡⲁⲝ ϩⲁⲡⲗⲱⲥ ϩⲱⲃ ⲛⲓⲙ ⲉⲧⲏⲡ ⲉⲣⲟⲟⲩ ϣⲁⲩⲃⲱⲕ ⲛϩⲏⲧⲟⲩ ⲉⲧⲃⲉⲡⲁⲓ ϭⲉ ⲛⲧⲁⲓⲉⲓⲛⲉ ⲙⲡϣⲟⲙⲛⲧ ⲛⲙⲙⲩⲥⲧⲏⲣⲓⲟⲛ ⲛⲧⲙⲛⲧⲣⲣⲟ ⲛⲙⲡⲏⲩⲉ ⲏ ⲙⲙⲟⲛ ⲛⲉ ⲙⲛⲗⲁⲁⲩ ⲛⲥⲁⲣⲝ ⲛⲁⲟⲩϫⲁⲓ ⲡⲉ ϩⲓϫⲙⲡⲕⲟⲥⲙⲟⲥ
“The Saviour answered and said unto Mary: Amēn, I say unto you: All which is appointed unto every one through the Fate, whether all good or all sins,--in a word, all which is appointed them, cometh unto them. For this cause, therefore, have I brought | the keys of the mysteries of the kingdom of heaven; otherwise no flesh in the world would be saved.”
pistis.sophia_book_4_part2:22
ⲓⲏⲥⲟⲩⲥ ⲇⲉ ⲡⲉϫⲁϥ ⲛⲁⲩ ϫⲉⲁⲛⲓⲛⲉ ⲛⲁⲓ ⲛⲟⲩⲕⲱϩⲧ ⲙⲛϩⲉⲛϣⲉ ⲛⲉⲗⲟⲟⲗⲉ · ⲁⲩⲛⲧⲟⲩ ⲛⲁϥ ⲁϥⲧⲁⲗⲟ ⲉϩⲣⲁⲓ ⲛⲧⲉⲡⲣⲟⲥⲫⲟⲣⲁ ⲁϥⲕⲱ ⲛⲁⲅⲅⲓⲟⲛ ⲥⲛⲁⲩ ⲛⲏⲣⲡ ⲟⲩⲁ ϩⲓⲟⲩⲛⲁⲙ ⲁⲩⲱ ⲡⲕⲉⲟⲩⲁ ϩⲓϩⲃⲟⲩⲣ ⲛⲧⲉⲡⲣⲟⲥⲫⲟⲣⲁ ·
“And Jesus | said unto them: Bring me fire and vine branches.” They brought them unto him. He laid out the offering, and set down two wine-vessels, one on the right and the other on the left of the offering.”
pistis.sophia_book_1_part2:22
ⲁⲙⲟⲩ ϭⲉ · ϩⲛⲟⲩϭⲉⲡⲏ ⲧⲁⲣⲉⲕϫⲓ ⲙⲡⲉⲕⲉⲟⲟⲩ ⲧⲏⲣϥ ⲉⲧⲉⲡⲉⲟⲟⲩ ⲡⲉ ⲙⲡϣⲟⲣⲡ ⲙⲙⲩⲥⲧⲏⲣⲓⲟⲛ :
Come, therefore, quickly, that thou mayest receive thy whole glory, that is the glory of the First Mystery.'
pistis.sophia_book_1_part1:22
ⲁⲩⲱ ⲙⲛⲛⲉⲩⲁⲅⲅⲉⲛⲛⲏⲧⲟⲥ ⲁⲩⲱ ⲙⲛⲛⲉⲩⲁⲩⲧⲟⲅⲉⲛⲏⲥ
--and their ungenerated and their self-generated
pistis.sophia_book_3_part5:22
ⲡϣⲟⲣⲡ ⲇⲉ ⲛⲁⲣⲭⲱⲛ ⲉⲧϣⲟⲟⲡ ϩⲙⲡϣⲟⲣⲡ ⲛⲧⲁⲙⲉⲓⲟⲛ ⲟⲩ ϩⲟ ⲛⲙⲥⲁϩ ⲡⲉ ⲉⲣⲉⲡⲉϥⲥⲁⲧ ⲛϩⲟⲩⲛ ⲛⲣⲱϥ ⲉⲣⲉϫⲁϥ ⲛⲓⲙ ⲛⲏⲩ ⲉⲃⲟⲗ ϩⲛⲧⲧⲁⲡⲣⲟ ⲙⲡⲉⲇⲣⲁⲕⲱⲛ ⲙⲛⲛⲟϣⲟⲉⲓϣ ⲛⲓⲙ · ⲙⲛⲁⲣⲟϣ ⲛⲓⲙ · ⲙⲛϣⲱⲡⲉ ⲛⲓⲙ · ⲉⲧϣⲃⲃⲓⲁⲉⲓⲧ · ⲡⲁⲓ ⲉϣⲁⲩⲙⲟⲩⲧⲉ ⲉⲡⲉϥⲁⲩⲑⲉⲛⲧⲓⲕⲟⲛ ⲛⲣⲁⲛ ϩⲙⲡⲉϥⲧⲟⲡⲟⲥ ϫⲉⲉⲛⲭⲑⲟⲛⲓⲛ ·
“And the first ruler, who is in the first dungeon, hath a crocodile's face, whose tail is in his mouth. And out of the jaws of the dragon cometh all ice and all dust and all cold and all different diseases. This [is] he who is called with his authentic name in his region 'Enchthonin.”
pistis.sophia_book_1_part8:22
ⲁⲥϣⲱⲡⲉ ϭⲉ ⲛⲧⲉⲣⲉⲓⲏⲥⲟⲩⲥ ⲥⲱⲧⲙ ⲉⲛⲉⲓϣⲁϫⲉ ⲉⲥϫⲱ ⲙⲙⲟⲟⲩ ⲛϭⲓⲙⲁⲣⲓⲁ ⲧⲉϥⲙⲁⲁⲩ ·
It came to pass then, when Jesus had heard his mother Mary say these words,
pistis.sophia_book_1_part3:22
ⲁⲩⲱ ⲉϥϣⲁⲛⲉⲓ ⲛϭⲓⲡⲉⲟⲩⲟⲉⲓϣ ⲙⲡⲁⲣⲓⲑⲙⲟⲥ ⲙⲙⲉⲗϫⲓⲥⲉⲇⲉⲕ .
And when the time of the number of Melchisedec,
pistis.sophia_book_3_part4:22
ⲁⲩⲱ ⲟⲛ ⲙⲛⲛⲥⲁⲛⲁⲓ ⲛϥⲕⲟⲧϥ ⲛϥⲙⲉⲧⲁⲛⲟⲉⲓ ⲁⲩⲱ ⲛϥⲡⲣⲟⲥⲉⲩⲭⲉ ϩⲙⲡⲉϥⲙⲩⲥⲧⲏⲣⲓⲟⲛ ⲡⲉϥⲙⲩⲥⲧⲏⲣⲓⲟⲛ ⲥⲉⲛⲁⲕⲱ ⲛⲁϥ ⲉⲃⲟⲗ ϫⲛⲙⲙⲟⲛ ·
“and if he thereafter again turneth and repenteth and prayeth in any [mystery] of his mystery, will it be forgiven him, or not?”
pistis.sophia_book_2_part5:22
ⲁⲩⲱ ⲡⲥⲱⲧⲏⲣ ⲛϩⲁⲧⲣⲉⲉⲩ ⲉⲧⲉⲛⲧⲟⲟⲩ ⲡⲉ ⲡⲁⲗⲟⲩ ⲙⲡⲁⲗⲟⲩ · ⲁⲩⲱ ⲙⲛⲛⲉⲯⲓⲥ ⲙⲫⲩⲗⲁⲝ ⲥⲉⲛⲁϭⲱ ϩⲱⲟⲩ ⲟⲛ ϩⲓϩⲃⲟⲩⲣ ⲙⲙⲟⲓ ⲉⲩⲟ ⲛⲣⲣⲟ ϩⲣⲁ ϩⲛⲛⲉⲕⲗⲏⲣⲟⲛⲟⲙⲓⲁ ⲙⲡⲟⲩⲟⲉⲓⲛ ⲁⲩⲱ ⲡⲟⲩⲁ ⲡⲟⲩⲁ ⲛⲛⲥⲱⲧⲏⲣ ϥⲛⲁⲣⲣⲟ ⲉϫⲛⲛⲧⲁⲝⲓⲥ ⲛⲛⲉϥⲡⲣⲟⲃⲟⲗⲟⲟⲩⲉ ϩⲣⲁⲓ ϩⲛⲛⲉⲕⲗⲏⲣⲟⲛⲟⲙⲓⲁ ⲙⲡⲟⲩⲟⲉⲓⲛ ·
“And the Twin-saviours, that is the Child of the Child, and the nine guards will bide also at my left, being kings in the inheritances of the Light. And every one of the saviours will rule over the orders of his emanations in the inheritances of the Light”
pistis.sophia_book_1_part7:22
ⲡⲁⲓ ϭⲉ ⲧⲉ ⲛⲟⲩ ⲡϫⲟⲉⲓⲥ ⲡⲉ ⲡⲃⲱⲗ ⲛⲧⲙⲉϩⲙⲏⲧⲉ ⲙⲙⲉⲧⲁⲛⲟⲓⲁ ⲛⲧⲡⲓⲥⲧⲓⲥ ⲥⲟⲫⲓⲁ · ⲧⲉⲛⲧ ⲁⲥϫⲟⲟⲥ ⲉⲩϩⲱϫ ⲙⲙⲟⲥ ⲛϭⲓⲛⲉⲡⲣⲟⲃⲟⲗⲟⲟⲩⲉ ⲛϩⲩⲗⲓⲕⲟⲛ · ⲛⲧⲉⲡⲁⲩⲑⲁⲇⲏⲥ ·
“This is now, therefore, O Lord, the solution of the tenth repentance of Pistis Sophia, which she hath uttered when the material emanations of Self-willed oppressed her,”
pistis.sophia_book_1_part6:22
ⲁⲩⲱ ⲛⲉ ⲙⲡⲁⲧⲉⲧⲕⲉⲗⲉⲩⲥⲓⲥ ⲉⲓ ⲛⲁⲓ ⲉⲃⲟⲗ ⲡⲉ ϩⲓⲧⲙⲡϣⲟⲣⲡ ⲙⲙⲩⲥⲧⲏⲣⲓⲟⲛ ⲉⲧⲣⲁⲛⲟⲩϩⲙ ⲙⲙⲟⲥ · ⲛⲧⲁⲛⲧⲥ ⲉϩⲣⲁⲓ ϩⲙⲡⲉⲭⲁⲟⲥ ·
that the commandment through the First Mystery had not come to me | to save her and lead her up out of the chaos.
pistis.sophia_book_2_part4:22
ⲁϥⲥⲱⲙⲧ ⲛⲧⲉϥⲡⲓⲧⲉ ⲁϥⲥⲃⲧⲱⲧⲥ ⲁϥⲥⲟⲃⲧⲉ ⲛϩⲏⲧⲥ ⲛϩⲉⲛⲥⲕⲉⲩⲟⲥ ⲙⲙⲟⲩ ⲛⲉϥⲥⲟⲧⲉ ⲁϥⲧⲁⲙⲓⲟⲟⲩ ⲛⲛⲉⲧⲟⲩⲛⲁⲣⲟⲕϩⲟⲩ ·
“he hath bent his bow and made it ready. 14. And he hath made ready for him instruments of death; he hath made his arrows for those who will be burnt up.”
pistis.sophia_book_4_part1:22
ⲁⲩⲱ ⲛⲧⲉⲣⲉϥⲛⲁⲩ ⲛϭⲓⲓⲉⲟⲩ ⲡⲉⲓⲱⲧ ⲙⲡⲁⲉⲓⲱⲧ ϫⲉⲁϥⲡⲓⲥⲧⲉⲩⲉ ⲛϭⲓⲓⲁⲃⲣⲁⲱⲑ ⲁϥϥⲓⲧϥ ⲙⲛⲛⲁⲣⲭⲱⲛ ⲧⲏⲣⲟⲩ ⲉⲛⲧⲁⲩⲡⲓⲥⲧⲉⲩⲉ ⲛⲙⲙⲁϥ ·
“And when Yew, the father of my father, saw that Yabraōth had faith, he carried him and all the rulers who had had faith with him,”
pistis.sophia_book_2_part9:22
ⲟⲩⲙⲉⲣⲟⲥ ⲛⲧⲉⲛⲧⲉⲩⲭⲟⲥ ⲙⲡⲥⲱⲧⲏⲣ
A PORTION OF THE BOOKS OF THE SAVIOUR
pistis.sophia_book_2_part2:22
ⲁⲩⲱ ⲛⲧⲉⲣⲉⲥϩⲱϣⲁⲥϩⲩⲙⲛⲉⲩⲉ ⲉϩⲣⲁⲓ ⲉⲣⲟϥ · ⲙⲡⲟⲩϣⲣⲗⲁⲁⲩ ⲙⲡⲉⲧϩⲟⲟⲩ ⲛⲁⲥ ⲛϭⲓⲛⲉⲡⲣⲟⲃⲟⲗⲟⲟⲩⲉ ⲙⲡⲁⲩⲑⲁⲇⲏⲥ ⲟⲩⲇⲉ ⲙⲡⲟⲩⲉϣⲡⲗⲁⲧⲉ ⲙⲙⲟⲥ · ⲁⲩⲱ ⲙⲡⲟⲩⲉϣϩⲱⲛ ⲉⲣⲟⲥ ⲉⲡⲧⲏⲣϥ · ⲁⲩⲱ ⲡϣⲁϫⲉ ⲛⲧⲁⲧⲉⲕϭⲟⲙ ⲛⲟⲩⲟⲉⲓⲛ ϫⲟⲟϥ ϩⲓⲧⲛⲇⲁⲩⲉⲓⲇ . ϫⲉϥⲛⲁϩⲱⲛ ⲉⲧⲟⲟⲧⲟⲩ ⲛⲛⲉϥⲁⲅⲅⲉⲗⲟⲥ ⲉⲧⲃⲏⲏⲧⲕ . ϫⲉⲉⲩⲉϩⲁⲣⲉϩ ⲉⲣⲟⲕ ϩⲛⲛⲉⲕϩⲓⲟⲟⲩⲉ ⲧⲏⲣⲟⲩ · ⲁⲩⲱ ⲛⲥⲉϥⲓⲧⲕ ϩⲓϫⲛⲛⲉⲩϭⲓϫ · ⲙⲏⲡⲟⲧⲉ ⲛⲅϫⲱⲣⲡ ⲉⲩⲱⲛⲉ ϩⲛⲧⲉⲕⲟⲩⲉⲣⲏⲧⲉ ·
“and was afflicted, she sang praises unto it, and the emanations of Self-willed could not inflict on her any harm, | nor could they [injure] her, nor could they at all come nigh her. And the word which thy light-power hath spoken through David: 'He will give commandment to his angels on thy behalf, that they guard thee on all thy ways and bear thee on their hands, that thou mayest never strike with thy foot against a stone,”
pistis.sophia_book_3_part6:23
ⲁϥⲟⲩⲱϩⲙ ⲛϭⲓⲡⲥⲱⲧⲏⲣ ⲡⲉϫⲁϥ ⲙⲙⲁⲣⲓⲁ ϫⲉⲛⲁⲣⲭⲱⲛ ⲛⲧϩⲓⲙⲁⲣⲙⲉⲛⲏ ⲛⲧⲟⲟⲩ ⲛⲉⲧⲁⲛⲁⲅⲕⲁⲍⲉ ⲙⲡⲣⲱⲙⲉ ϩⲉⲱⲥ ϣⲁⲛⲧϥⲣⲛⲟⲃⲉ · ⲁⲥⲟⲩⲱϩⲙ ⲛϭⲓⲙⲁⲣⲓⲁ ⲡⲉϫⲁⲥ ⲙⲡⲥⲱⲧⲏⲣ ϫⲉⲡⲁϫⲟⲉⲓⲥ ·
“The Saviour answered and said unto Mary: It is the rulers of the Fate who compel the man until he sinneth.” Mary answered and said unto the Saviour: “My Lord,”
pistis.sophia_book_1_part5:23
ⲁⲩⲟⲩⲉϣ ϥⲓⲡⲉⲥⲟⲩⲟⲉⲓⲛ ⲧⲏⲣϥ ⲁⲩⲱ ⲛⲉⲙⲡⲁⲧϥϫⲱⲕ ⲉⲃⲟⲗ ⲡⲉ ⲛϭⲓⲡⲉⲥⲧⲱϣ ⲉⲛⲧⲥ ⲉϩⲣⲁⲓ ϩⲙⲡⲉⲭⲁⲟⲥ ·
and desired to take from her her whole light; and not yet was her commandment accomplished, to lead her out of the chaos,
pistis.sophia_book_2_part1:23
ⲁⲩⲥⲟⲩⲛ ⲛⲉⲩⲉⲣⲏⲩ ⲉⲃⲟⲗ ϩⲓⲧⲛⲧⲁⲁⲡⲟϩⲣⲟⲓⲁ ⲛⲟⲩⲟⲉⲓⲛ · ⲁⲩⲱ ⲁⲩⲛⲟⲩϩⲙ ϩⲓⲧⲙⲡⲟⲩⲟⲉⲓⲛ ⲛⲧⲁⲡⲟϩⲣⲟⲓⲁ ⲉⲧⲙⲙⲁⲩ · ⲁⲩⲱ ⲧⲁⲁⲡⲟϩⲣⲟⲓⲁ ⲛⲟⲩⲟⲉⲓⲛ ⲛⲧⲉⲣⲉⲥϥⲓ ⲛⲛⲟⲩⲟⲉⲓⲛ ⲛⲧⲟⲟⲧⲟⲩ ⲛⲛⲉⲡⲣⲟⲃⲟⲗⲟⲟⲩⲉ ⲙⲡⲁⲩⲑⲁⲧⲏⲥ ⲛⲁⲓ ⲉⲛⲧⲁⲩϥⲓⲧⲟⲩ ⲛⲧⲟⲟⲧⲥ ⲛⲧⲡⲓⲥⲧⲓⲥ ⲥⲟⲫⲓⲁ · ⲁⲥⲛⲟϫⲟⲩ ⲉϩⲟⲩⲛ ⲉⲧⲡⲓⲥⲧⲓⲥ ⲥⲟⲫⲓⲁ · ⲁⲩⲱ ⲁⲥⲕⲟⲧⲥ ⲁⲥⲉⲓ ⲉϩⲣⲁⲓ ϩⲙⲡⲉⲭⲁⲟⲥ :
“knew themselves mutually through my light-stream and were saved through the light of that stream. The light-stream, having accomplished its purpose, departeth from Sophia.And my light-stream, when. it had taken away the lights from the emanations of Self-willed, which they had taken away from | Pistis Sophia, poured them into Pistis Sophia, and turned itself about and went up out of the chaos.”
pistis.sophia_book_3_part3:23
ⲁⲩⲱ ϣⲁⲣⲉⲧⲉⲯⲩⲭⲏ ⲉⲧⲙⲙⲁⲩ ϣⲁⲥⲁⲡⲟⲗⲩ ⲛⲁⲩ ⲛⲧⲉⲩⲙⲟⲓⲣⲁ · ⲉⲥϫⲱ ⲙⲙⲟⲥ ⲛⲁⲩ ϫⲉϫⲓ ⲛⲏⲧⲛ ⲛⲧⲉⲧⲛⲙⲟⲓⲣⲁ · ⲛϯⲛⲏⲩ ⲁⲛ ⲉⲛⲉⲧⲛⲧⲟⲡⲟⲥ ϫⲓⲛⲙⲡⲉⲓⲛⲁⲩ · ⲁⲓⲣⲁⲗⲗⲟⲧⲣⲓⲟⲥ ⲉⲣⲱⲧⲛ ϣⲁⲉⲛⲉϩ · ⲉⲓⲛⲁⲃⲱⲕ ⲉⲡⲧⲟⲡⲟⲥ ⲛⲧⲁⲕⲗⲏⲣⲟⲛⲟⲙⲓⲁ ·
And that soul surrendereth their destiny, saying unto them: Take your destiny! I come not to your regions from this moment onwards. I have become a stranger unto you for ever, being about to go unto the region of my inheritance.
pistis.sophia_book_2_part4:23
ⲉⲓⲥϩⲏⲏⲧⲉ ⲁⲡϫⲓ ⲛϭⲟⲛⲥ ϯⲛⲁⲁⲕⲉ ⲁϥⲱⲱ ⲙⲡϩⲓⲥⲉ ⲁϥϫⲡⲉⲧⲁⲛⲟⲙⲓⲁ · ⲁϥϣⲉⲕⲧⲟⲩϣⲏⲓ ⲁϥϭⲣⲏ ⲙⲙⲟϥ ϥⲛⲁϩⲉ ⲉϩⲣⲁⲓ ⲉⲡⲉϩⲓⲉⲓⲧ ⲉⲛⲧⲁϥⲧⲁⲙⲓⲟϥ ⲡⲉϥϩⲓⲥⲉ ⲛⲁⲕⲟⲧϥ ⲉϫⲛⲧⲉϥⲁⲡⲉ ⲁⲩⲱ ⲡⲉϥϫⲓ ⲛϭⲟⲛⲥ ⲛⲏⲩ ⲉϫⲛⲧⲙⲏⲧⲉ ⲛϫⲱϥ ·
“15. Behold, injustice hath been in labour, hath conceived wrong and brought forth iniquity. 16. It hath digged a pit and hollowed it out. It will fall into the hole which it hath made. 17. Its wrong will return on its own head, and its injustice will come down on its pate.”
pistis.sophia_book_2_part8:23
ⲁⲩⲱ ⲟⲛ ϣⲁϥⲣϯⲟⲩ ⲙⲙⲩⲥⲧⲏⲣⲓⲟⲛ ⲉⲟⲩⲁ ⲛⲟⲩⲱⲧ ⲟⲛ ⲡⲉ · ⲁⲗⲗⲁ ⲟⲩⲉⲧⲡⲧⲩⲡⲟⲥ ⲙⲡⲟⲩⲁ ⲡⲟⲩⲁ · ϩⲱⲥⲧⲉ ⲡⲉⲓϯⲟⲩ ⲙⲙⲩⲥⲧⲏⲣⲓⲟⲛ ⲉⲩϣⲏϣ ⲙⲛⲛⲉⲩⲉⲣⲏⲩ ϩⲣⲁⲓ ϩⲙⲡⲙⲩⲥⲧⲏⲣⲓⲟⲛ ⲛⲧⲙⲛⲧⲣⲣⲟ ϩⲣⲁⲓ ϩⲛⲛⲉⲕⲗⲏⲣⲟⲛⲟⲙⲓⲁ ⲙⲡⲟⲩⲟⲉⲓⲛ · ⲁⲗⲗⲁ ⲟⲩⲉⲧⲡⲧⲩⲡⲟⲥ ⲙⲡⲟⲩⲁ ⲡⲟⲩⲁ ⲙⲙⲟⲟⲩ · ⲁⲩⲱ ⲧⲉⲩⲙⲛⲧⲣⲣⲟ ⲥⲟⲩⲟⲧⲃ ⲁⲩⲱ ⲥϫⲟⲥⲉ ⲉⲧⲙⲛⲧⲣⲣⲟ ⲧⲏⲣⲥ ⲙⲡⲙⲛⲧⲥⲛⲟⲟⲩⲥ ⲙⲙⲩⲥⲧⲏⲣⲓⲟⲛ ϩⲓⲛⲉⲩⲉⲣⲏⲩ ⲛⲧⲉⲡϣⲟⲣⲡ ⲙⲙⲩⲥⲧⲏⲣⲓⲟⲛ ·
And moreover it constituteth five mysteries, although it is a one and only [one]; but the type of every one is different. So that these five mysteries are alike with one another in the mystery | of the kingdom in the inheritances of the Light; but the type of each of them is different. And their kingdom is higher and more exalted than the whole kingdom of the twelve mysteries together of the First Mystery;
pistis.sophia_book_2_part7:23
ⲁⲩⲱ ⲉⲧⲃⲉⲟⲩ ⲣⲱ ⲁⲩⲡⲣⲟⲉⲗⲑⲉ ⲉⲃⲟⲗ ϩⲛⲛⲓⲁⲡⲁⲧⲱⲣ : ⲁⲩⲱ ⲡⲙⲩⲥⲧⲏⲣⲓⲟⲛ ⲉⲧⲙⲙⲁⲩ ⲛⲧⲟϥ ⲡⲉⲧⲥⲟⲟⲩⲛ ϫⲉⲉⲧⲃⲉⲟⲩ ⲁⲩⲥⲕⲩⲗⲗⲉⲓ ⲙⲙⲟⲟⲩ ⲛϭⲓⲁⲭⲱⲣⲏⲧⲟⲥ ⲧⲏⲣⲟⲩ ⲛⲁⲓ ⲛⲧⲁⲓⲟⲩⲱ ⲉⲓϫⲱ ⲙⲙⲟⲟⲩ ⲛⲁⲓ ⲉⲧϩⲛⲛⲧⲟⲡⲟⲥ ⲙⲡⲙⲉϩⲥⲛⲁⲩ ⲛⲭⲱⲣⲏⲙⲁ ⲛⲧⲉⲡⲓⲁⲧϣⲁϫⲉ ⲉⲣⲟϥ ⲉⲧⲉⲛⲧⲟϥ ⲡⲉ ⲡⲉⲭⲱⲣⲏⲙⲁ ⲛⲧⲉⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ ·
“and wherefor they have come forth from the Fatherless. And that mystery knoweth wherefor all the Uncontainables have rent themselves asunder--[those], which I have just named, which are in the regions of the second space of the Ineffable, which is the space of the First Mystery,”
pistis.sophia_book_1_part4:23
ⲡⲉⲟⲩⲟⲉⲓϣ ⲙⲡⲉⲧⲉϩⲛⲁⲕ ⲡⲉ ⲡⲛⲟⲩⲧⲉ . ϩⲙⲡⲁϣⲁⲓ ⲙⲡⲉⲕⲛⲁ ⲥⲱⲧⲙ ⲉⲡⲁⲟⲩϫⲁⲓ ϩⲛⲟⲩⲙⲉ · ⲙⲁⲧⲟⲩϫⲟⲓ ⲉⲧⲉⲓⲟⲙⲉ . ϫⲉⲛⲛⲁⲧⲱⲗⲥ ⲛϩⲏⲧⲥ · ⲉⲓⲉⲟⲩϫⲁⲓ ⲉⲃⲟⲗ ϩⲛⲛⲉⲧⲙⲟⲥⲧⲉ ⲙⲙⲟⲓ . ⲁⲩⲱ ⲉⲃⲟⲗ ϩⲙⲡϣⲓⲕ ⲛⲙⲙⲟⲟⲩ · ⲙⲡⲣⲧⲣⲉⲟⲩⲃⲉⲣⲱ ⲙⲙⲟⲟⲩ ⲟⲙⲉⲥⲧ · ⲙⲡⲣⲧⲣⲉⲡⲛⲟⲩⲛ ⲟⲙⲉⲕⲧ · ⲙⲡⲣⲧⲣⲉⲟⲩϣⲱⲧⲉ ⲁⲙⲁϩⲧⲉ ⲛⲣⲱⲥ ⲉϫⲱⲓ ·
“the time of thy well-liking is [now], O God. In the fulness of thy grace give ear unto my salvation in truth. 14. Save me out of this slime, that I sink not therein; let me be saved from them that hate me, and from the deep of waters. 15. Let not a water-flood submerge me, let not the deep swallow me, let not a well close its mouth above me.”
pistis.sophia_book_2_part6:23
ⲁⲩⲱ ⲉⲧⲃⲉⲟⲩ ⲁⲥϣⲱⲡⲉ ⲛϭⲓⲧⲉⲅⲕⲣⲁⲧⲉⲓⲁ · ⲁⲩⲱ ⲡⲙⲩⲥⲧⲣⲏⲓⲟⲛ ⲉⲧⲙⲙⲁⲩ ⲛⲧⲟϥ ⲡⲉⲧⲥⲟⲟⲩⲛ ϫⲉⲉⲧⲃⲉⲟⲩ ⲁⲥϣⲱⲡⲉ ⲛϭⲓⲧⲙⲛⲧϫⲁⲥⲓϩⲏⲧ · ⲙⲛⲧⲙⲛⲧϣⲟⲩϣⲉ ·
“and why continence hath arisen. And that mystery knoweth why insolence and boasting have arisen”
pistis.sophia_book_1_part2:23
ⲍ ⲁⲥϣⲱⲡⲉ ϭⲉ ⲁⲛⲟⲕ ⲛⲧⲉⲣⲓⲛⲁⲩ ⲉⲡⲙⲩⲥⲧⲏⲣⲓⲟⲛ ⲛⲛⲉⲓϣⲁϫⲉ ⲧⲏⲣⲟⲩ ϩⲣⲁⲓ ϩⲙⲡⲉⲛⲇⲩⲙⲁ ⲉⲛⲧⲁϥⲧⲛⲛⲟⲟⲩϥ ⲛⲁⲓ · ⲁⲓⲧⲁⲁϥ ϩⲓⲱⲱⲧ ϩⲛⲧⲉⲩⲛⲟⲩ ⲉⲧⲙⲙⲁⲩ · ⲁⲩⲱ ⲁⲓⲣⲟⲩⲟⲉⲓⲛ ⲉⲙⲁϣⲟ ⲉⲙⲁϣⲟ ⲁⲩⲱ ⲁⲓϩⲱⲗ ⲉⲡϫⲓⲥⲉ · ⲁⲩⲱ ⲁⲓⲉⲓ ⲉⲣⲛⲧⲡⲩⲗⲏ ⲙⲡⲉⲥⲧⲉⲣⲉⲱⲙⲁ ⲉⲓⲟ ⲛⲟⲩⲟⲉⲓⲛ ⲉⲙⲁϣⲟ ⲉⲙⲁϣⲟ ⲉⲙⲛϣⲓ ⲉⲡⲟⲩⲟⲉⲓⲛ ⲉⲛⲉⲓϣⲟⲟⲡ ⲙⲙⲟϥ ·
“It came to pass then, when I saw the mystery of all these words in the vesture which was sent me, that straightway I clothed myself therewith, and I shone most exceedingly and soared into the height. I came before the [first] gate of the firmament, shining most exceedingly, and there was no measure for the light which was about me,”
pistis.sophia_book_2_part3:23
ⲛⲉⲓϣⲁϫⲉ ⲟⲛ ⲁⲥϫⲟⲟⲩ ⲛϭⲓⲧⲡⲓⲥⲧⲓⲥ ⲥⲟⲫⲓⲁ · ⲧⲉⲛⲟⲩ ϭⲉ ⲡⲉⲛⲧⲁⲡⲉϥⲛⲟⲩⲥ ⲣⲛⲟⲉⲣⲟⲥ ⲉⲁϥⲛⲟⲉⲓ ⲛⲛϣⲁϫⲉ ⲉⲛⲧⲁⲥϫⲟⲟⲩ ⲛϭⲓⲧⲡⲓⲥⲧⲓⲥ ⲥⲟⲫⲓⲁ · ⲙⲁⲣⲉϥⲉⲓ ⲉⲧϩⲏ ⲛϥⲧⲁⲩⲉⲡⲉⲩⲃⲱⲗ :
“These words again hath Pistis Sophia uttered, Now, therefore, whose mind hath become understanding, comprehending the words which Pistis Sophia hath uttered, let him come forward and set forth their solution.”
pistis.sophia_book_2_part2:23
ⲛⲧⲟϥ ⲟⲛ ⲡⲉ ⲡϣⲁϫⲉ ϫⲉⲁⲕϩⲱⲛ ⲉⲧⲟⲟⲧϥ ⲛⲅⲁⲃⲣⲓⲏⲗ · ⲙⲛⲙⲓⲭⲁⲏⲗ · ⲉⲧⲣⲉⲩⲣϩⲙⲙⲉ ⲛⲧⲥⲟⲫⲓⲁ ϩⲛⲛⲧⲟⲡⲟⲥ ⲧⲏⲣⲟⲩ ⲙⲡⲉⲭⲁⲟⲥ · ϣⲁⲛⲧⲟⲩⲛⲧⲥ ⲉϩⲣⲁⲓ ⲛⲥⲉⲧⲱⲟⲩⲛ ⲙⲙⲟⲥ ϩⲛⲛⲉⲩϭⲓϫ . ϫⲉⲛⲛⲉⲛⲉⲥⲟⲩⲉⲣⲏⲧⲉ ϫⲓ ⲉⲡⲕⲁⲕⲉ ⲙⲡⲉⲥⲏⲧ . ⲛⲥⲉⲁⲙⲁϩⲧⲉ ϩⲱⲟⲩ ⲙⲙⲟⲥ ⲛϭⲓⲛⲁⲡⲕⲁⲕⲉ ⲙⲡⲉⲥⲏⲧ : ⲁⲩⲱ ⲡϣⲁϫⲉ ⲉⲛⲧⲁⲧⲉⲕϭⲟⲙ ⲛⲟⲩⲟⲉⲓⲛ ϫⲟⲟϥ ϩⲓⲧⲛⲇⲁⲩⲉⲓⲇ · ϫⲉⲕⲛⲁϩⲱⲙ ⲉϫⲛⲟⲩϩⲟϥ ⲙⲛⲟⲩⲥⲓⲧ · ⲁⲩⲱ ⲕⲛⲁϩⲱⲙ ⲉϫⲛⲟⲩⲙⲟⲩⲓ ⲙⲛⲟⲩⲇⲣⲁⲕⲱⲛ . ϫⲉⲁϥⲛⲁϩⲧⲉ ⲉⲣⲟⲓ ϯⲛⲁⲧⲟⲩϫⲟϥ ·
“--it is again thy word: Thou hast given commandment to Gabriēl and Michaēl, that they guide Pistis Sophia in all the regions of the chaos, until they lead her forth and that they uplift her on their hands, so that her feet do not touch the darkness beneath, and [that] on the other hand they of the lower darkness do not seize hold of her. And the word which thy light-power hath spoken through David: 'Thou wilt tread on serpent and basilisk and tread on lion and dragon; because he hath trusted in me, I will save him”
pistis.sophia_book_1_part1:23
ⲁⲩⲱ ⲙⲛⲛⲉⲩⲅⲉⲛⲛⲏⲧⲟⲥ ⲁⲩⲱ ⲙⲛⲛⲉⲩⲫⲱⲥⲧⲏⲣ ⲁⲩⲱ ⲙⲛⲛⲉⲩⲭⲱⲣⲓⲥⲥⲩⲛⲍⲩⲅⲟⲥ
and their generated and their light-givers and their unpaired

Coptic SCRIPTORIUM, corpus pistis.sophia (github.com/CopticScriptorium/corpora). Licence as stated per document in the project's own meta.json and checked there at parse time. English, where present, is Coptic SCRIPTORIUM's aligned translation. Licence: CC-BY 4.0. Source.