Pistis Sophia

Coptic literature (Coptic SCRIPTORIUM) · 2,323 sections

pistis.sophia_book_2_part2:8
ⲡϣⲁϫⲉ ϭⲉ ⲉⲛⲧⲁⲧⲉⲕϭⲟⲙ ϫⲟⲟϥ ϩⲓⲧⲛⲇⲁⲩⲉⲓⲇ . ϫⲉⲡⲉⲧⲟⲩⲏϩ ϩⲁⲧⲃⲟⲏⲑⲓⲁ ⲙⲡⲉⲧϫⲟⲥⲉ . ϥⲛⲁϣⲱⲡⲉ ϩⲁⲧϩⲁⲓⲃⲉⲥ ⲙⲡⲛⲟⲩⲧⲉ ⲛⲧⲡⲉ · ⲉⲧⲉⲡⲁⲓ ⲡⲉ ϫⲉⲛⲧⲉⲣⲉⲧⲥⲟⲫⲓⲁ ⲛⲁϩⲧⲉ ⲉⲡⲟⲩⲟⲉⲓⲛ · ⲁⲥϣⲱⲡⲉ ϩⲁⲡⲟⲩⲟⲉⲓⲛ ⲛϯ ⲁⲡⲟϩⲣⲟⲓⲁ ⲛⲟⲩⲟⲉⲓⲛ · ⲧⲁⲓ ⲉⲛⲧⲁⲥⲉⲓ ϩⲙⲡϫⲓⲥⲉ ⲉⲃⲟⲗ ϩⲓⲧⲟⲟⲧⲕ ⲁⲩⲱ ⲡϣⲁϫⲉ ⲉⲛⲧⲁⲧⲉⲕϭⲟⲙ ϫⲟⲟϥ ϩⲓⲧⲛⲇⲁⲩⲉⲓⲇ . ϫⲉϯⲛⲁϫⲟⲟⲥ ⲙⲡϫⲟⲉⲓⲥ ϫⲉⲛⲧⲟⲕ ⲡⲉ ⲡⲁⲣⲉϥϣⲟⲡⲧ ⲉⲣⲟⲕ · ⲁⲩⲱ ⲡⲁⲙⲁ ⲙⲡⲱⲧ ⲡⲁⲛⲟⲩⲧⲉ ·
“The word then which thy power hath spoken through David: 'Whoso then dwelleth under the help of the Most High, will abide under the shadow of the God of heaven,'--that is: When Sophia had trusted in the Light, she abode under the light of the light-stream, which through thee came out of the Height. And the word which thy power hath spoken through David: 'I will say unto the Lord: Thou art my succour and my refuge, my God,”
pistis.sophia_book_1_part7:8
ⲛⲁⲓ ⲇⲉ ⲛⲧⲉⲣⲉϥϫⲟⲟⲩ ⲡⲉϫⲁϥ ⲛⲁⲩ ϫⲉⲧⲉⲧⲛⲛⲟⲉⲓ ϫⲉⲉⲓϣⲁϫⲉ ⲛⲙⲙⲏⲧⲛ ⲛⲁϣ ⲛϩⲉ : ⲁⲥϥⲟϭⲥ ⲟⲛ ⲉⲃⲟⲗ ⲛϭⲓⲙⲁⲣⲓϩⲁⲙ ·
“And when he had said this, he said unto them: Understand ye in what manner I discourse with you?” Mary started forward again”
pistis.sophia_book_2_part4:8
ⲁⲩⲱ ⲁϥⲥⲟⲃⲧⲉ ϩⲛⲧⲉϥϭⲟⲙ ⲉⲧⲣⲉϥϥⲓ ⲛⲛⲉⲧⲛⲟⲩⲟⲉⲓⲛ ⲉⲧⲛϩⲏⲧ ⲧⲏⲛⲟⲩ ⲁⲩⲱ ⲛⲧⲉⲧⲛϣⲱⲡⲉ ⲛⲕⲁⲕⲉ . ⲁⲩⲱ ⲛⲉϥϭⲟⲙ ⲁϥⲧⲁⲙⲓⲟⲟⲩ ⲉⲧⲣⲉϥϥⲓ ⲛⲧⲉⲧⲛϭⲟⲙ ⲛϩⲏⲧ ⲧⲏⲛⲟⲩ ⲛⲧⲉⲧⲛⲧⲁⲕⲟ .
“4. And in its power hath it made itself ready, so that it may take your lights which are in you, and ye may become dark; and its power hath brought it to pass, so that it may take your power from you and ye go to ground.”
pistis.sophia_book_1_part8:8
ⲁⲩⲱ ⲛϯⲛⲁⲣϩⲟⲧⲉ ⲁⲛ ϫⲉⲛⲧⲟⲕ ⲡⲉ ⲡⲁⲛⲟⲩⲧⲉ ⲡⲁⲥⲱⲧⲏⲣ . ⲁⲥϣⲱⲡⲉ ϭⲉ ⲛⲧⲉⲣⲉⲥⲁⲗⲱⲙⲏ ⲟⲩⲱ ⲉⲥϫⲱ ⲛⲛⲉⲓϣⲁϫⲉ ·
“and I shall not be afraid, for thou art my God, my Saviour.'” It came to pass then, when Salome had finished saying these words,”
pistis.sophia_book_3_part1:8
ⲁϫⲓⲥ ⲉⲣⲟⲟⲩ ϫⲉⲁⲡⲟⲧⲁⲥⲥⲉ ⲛⲛⲓⲙⲛⲧϣⲟⲩϣⲟ ⲙⲛⲛⲓⲙⲛⲧϫⲁⲥⲓϩⲏⲧ ϫⲉⲉⲧⲉⲧⲛⲙⲡϣⲁ ⲛⲙⲙⲩⲥⲧⲏⲣⲓⲟⲛ ⲙⲡⲟⲩⲟⲉⲓⲛ ⲛⲧⲉⲧⲛⲛⲟⲩϩⲙ ⲉⲛⲓϩⲓⲉⲓⲧ ⲛⲕⲱϩⲧ ⲛⲁⲣⲓⲏⲗ ·
“Say unto them: Renounce pride and haughtiness, that ye may be worthy of the mysteries of the Light and be saved from the fire-pits of Ariēl.”
pistis.sophia_book_4_part3:8
ⲉϣⲱⲡⲉ ϩⲱⲱϥ ⲉⲣϣⲁⲛⲁⲣⲏⲥⲙⲛⲕⲣⲟⲛⲟⲥ ⲉⲓ ⲙⲡⲉⲙⲧⲟ ⲉⲃⲟⲗ ⲛⲧⲡⲁⲣⲑⲉⲛⲟⲥ ⲉⲣⲉⲍⲉⲩⲥ ⲙⲛⲧⲁⲫⲣⲟⲇⲓⲧⲏ ϩⲓⲡⲁϩⲟⲩ ⲙⲙⲟⲥ ⲉⲛⲥⲛⲁⲩ ⲉⲣⲟⲟⲩ ⲁⲛ ·
“If on the other hand Arēs and Kronos come in face of the Virgin and Zeus and Aphroditē behind her, so that she seeth them not,”
pistis.sophia_book_2_part7:8
ⲁⲩⲱ ⲉⲧⲃⲉⲟⲩ ⲁϥⲡⲣⲟⲉⲗⲑⲉ ⲉⲃⲟⲗ ϩⲛⲛⲓⲁⲡⲁⲧⲱⲣ · ⲁⲩⲱ ⲡⲙⲩⲥⲧⲏⲣⲓⲟⲛ ⲉⲧⲙⲙⲁⲩ ⲛⲧⲟϥ ⲡⲉⲧⲥⲟⲟⲩⲛ ϫⲉⲉⲧⲃⲉⲟⲩ ⲁⲩⲥⲕⲩⲗⲗⲉⲓ ⲙⲙⲟⲟⲩ ⲛϭⲓⲡⲙⲛⲧⲥⲛⲟⲟⲩⲥ ⲛⲁϭⲓⲛⲏⲧⲟⲥ ⲁⲩⲱ ⲉⲧⲃⲉⲟⲩ ⲣⲱ ⲁⲩⲧⲁϩⲟⲟⲩ ⲉⲣⲁⲧⲟⲩ ⲙⲛⲛⲉⲩⲧⲁⲝⲓⲥ ⲧⲏⲣⲟⲩ ⲁⲩⲱ ⲉⲧⲃⲉⲟⲩ ⲁⲩⲡⲣⲟⲉⲗⲑⲉ ⲉⲃⲟⲗ ϩⲛⲛⲓⲁⲡⲁⲧⲱⲣ :
“and wherefor it hath come forth from the Fatherless. And that mystery knoweth wherefor the twelve Immoveables have rent themselves asunder and wherefor they have set themselves with all their orders and wherefor they have come forth from the Fatherless.”
pistis.sophia_book_1_part2:8
ⲉⲧⲃⲉⲡⲁⲓ ϭⲉ ⲁⲡϣⲟⲣⲡ ⲙⲙⲩⲥⲧⲏⲣⲓⲟⲛ ⲁϥⲧⲛⲟⲟⲩ ⲛⲁⲕ ⲉⲃⲟⲗ ϩⲓⲧⲟⲟⲧⲛ ⲙⲙⲩⲥⲧⲏⲣⲓⲟⲛ ⲙⲡⲉϥⲉⲟⲟⲩ ⲧⲏⲣϥ ⲉϥⲟ ⲛⲉⲛⲇⲩⲙⲁ ⲥⲛⲁⲩ .
For this cause, therefore, hath the First Mystery sent thee through us the mystery of all his glory, consisting of two vestures.
pistis.sophia_book_3_part4:8
ⲁϥⲡⲟⲣϫⲟⲩ ⲉⲩⲙⲉⲣⲟⲥ · ⲧⲉⲯⲩⲭⲏ ϩⲱⲱⲥ ⲙⲛⲧϭⲟⲙ'ⲁϥⲡⲟⲣϫⲟⲩ ⲉⲕⲉⲙⲉⲣⲟⲥ · ⲉⲧⲉⲡⲁⲓ ⲡⲉ ϫⲉⲟⲩⲛϣⲟⲙⲛⲧ ⲛⲁⲡⲱϣⲉ ⲉϫⲛⲥⲛⲁⲩ ⲁⲩⲱ ⲥⲛⲁⲩ ⲉϫⲛϣⲱⲙⲛⲧ ·
“into one portion; the soul and the power on the other hand it hath separated into another portion;--that is: Three will be against two, and two against three.”
pistis.sophia_book_1_part6:8
ⲁⲓⲕⲁϩⲧⲏⲓ ⲉⲣⲟⲕ . ⲙⲡⲣⲧⲣⲁϫⲓϣⲓⲡⲉ · ⲟⲩⲇⲉ ⲙⲡⲣⲧⲣⲉⲛⲁϫⲁϫⲉ ⲥⲱⲃⲉ ⲛⲥⲱⲓ ·
“2. I have abandoned myself unto thee; let me not be put to shame and let not mine enemies mock at me.”
pistis.sophia_book_2_part1:8
ⲛⲧⲟⲕ ⲡⲉ ⲡⲛⲉⲩⲙⲁ ⲛⲧⲁⲩⲧⲛⲛⲟⲟⲩⲕ ⲉⲃⲟⲗ ϩⲛⲛⲧⲟⲡⲟⲥ ⲙⲡϫⲓⲥⲉ ϩⲓⲧⲙⲡⲉⲕⲉⲓⲱⲧ · ⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ ⲉⲧϭⲱϣⲧ ⲉϩⲟⲩⲛ · ⲉⲁϥⲧⲛⲛⲟⲟⲩⲕ ⲉⲧⲣⲉⲕⲛⲁ ⲙⲡⲕⲟⲥⲙⲟⲥ ⲧⲏⲣϥ ·
--thou art 'grace,' thou who art sent out of the regions of the Height through thy Father, the First Mystery which looketh within, in that he hath sent thee, | that thou mayest have mercy on the whole world.
pistis.sophia_book_2_part3:8
ⲛⲧⲟϥ ⲡⲉ ⲡϣⲁϫⲉ ⲉⲛⲧⲁⲥϫⲟⲟϥ ⲛϭⲓⲧⲡⲓⲥⲧⲓⲥ ⲥⲟⲫⲓⲁ ϫⲉⲁⲩⲱ ⲛⲧⲟⲕ ⲛⲉⲕⲛⲙⲙⲁⲓ ⲡⲉ ⲉⲕϯϭⲟⲙ ⲛⲁⲓ ϩⲛⲛⲁⲓ ⲧⲏⲣⲟⲩ · ⲁⲩⲱ ⲡϣⲁϫⲉ ⲉⲛⲧⲁⲧⲉⲕϭⲟⲙ ϫⲟⲟϥ ϫⲉⲁⲩⲱ ⲁⲡⲉⲕⲣⲁⲛ ⲕⲱⲧⲉ ⲉⲣⲟⲓ ϩⲣⲁⲓ ϩⲙⲙⲁ ⲛⲓⲙ ·
“--it is the word which Pistis Sophia hath spoken: 'And thou wert with me, giving me power in all this.' And the word which thy power hath spoken: 'And thy name surrounded me in all regions,”
pistis.sophia_book_1_part3:8
ⲧⲁⲓ ⲉⲧϣⲟⲟⲡ ϩⲛⲧϩⲩⲗⲏ ⲙⲡⲉⲩⲕⲟⲥⲙⲟⲥ ⲧⲁⲓ ⲉϣⲁⲩⲁⲁⲥ ⲙⲯⲩⲭⲏ ·
which is in the matter of their world and which they fashion into souls,
pistis.sophia_book_4_part2:8
ⲁⲓⲙⲡⲙⲟⲟⲩ ⲙⲛⲡⲕⲱϩⲧ ϩⲙⲡⲧⲟⲡⲟⲥ ⲙⲡⲟⲩⲟⲉⲓⲛ ⲛⲧⲉⲛⲓⲟⲩⲟⲉⲓⲛ ϩⲙⲡⲧⲟⲙ ⲡⲉ ⲑⲏⲥⲁⲩⲣⲟⲥ ⲙⲡⲟⲩⲟⲉⲓⲛ · ⲁⲓⲛⲡⲏⲣⲡ ⲙⲛⲡⲉⲥⲛⲟϥ ϩⲙⲡⲧⲟⲡⲟⲥ ⲛⲧⲃⲁⲣⲃⲏⲗⲟⲥ ·
I have brought the water and the fire out of the region of the Light of the lights of the Treasury of the Light; and I have brought the wine and the blood out of the region of Barbēlō.
pistis.sophia_book_3_part5:8
ⲁⲓⲧⲉⲓ ⲟⲛ ⲉⲩϣⲟⲟⲡ ⲛϭⲓⲧⲙⲛⲧⲣⲱⲙⲉ · ϩⲣⲁⲓ ⲟⲩⲛ ϩⲙⲡⲉⲟⲩⲟⲉⲓϣ ⲉⲧⲙⲙⲁⲩ ⲥⲛⲁⲣϩⲟⲩⲉⲟⲩⲱⲛϩ ⲉⲃⲟⲗ ⲛϭⲓⲧⲡⲓⲥⲧⲓⲥ ⲙⲛⲙⲙⲩⲥⲧⲏⲣⲓⲟⲛ ϩⲛⲛⲉϩⲟⲟⲩ ⲉⲧⲙⲙⲁⲩ ·
“mankind | will be still existing. At that time then the faith will reveal itself still more and the mysteries in those days.”
pistis.sophia_book_3_part7:8
ⲁⲩⲱ ⲙⲛⲛⲥⲱⲥ ϣⲁⲩⲕⲁⲗⲉⲓ ⲙⲡⲙⲓⲅⲙⲁ ⲛⲧϭⲟⲙ ⲉϩⲟⲩⲛ ⲉⲧⲉⲯⲩⲭⲏ ⲁⲩⲱ ⲧⲙⲟⲓⲣⲁ ϣⲁⲩⲕⲁⲁⲩⲥ ⲡⲉⲩⲃⲟⲗ ⲧⲏⲣⲟⲩ · ⲉⲛⲥⲧⲏϩ ⲉϩⲟⲩⲛ ⲛⲙⲙⲁⲩ ⲁⲛ * □ ⲉⲥⲁⲕⲟⲗⲟⲩⲑⲉⲓ ⲛⲁⲩ ⲉⲥⲟⲩⲏϩ ⲛⲥⲱⲟⲩ ⲁⲩⲱ ⲙⲛⲛⲥⲁⲛⲁⲓ ϣⲁⲣⲉⲛⲗⲉⲓⲧⲟⲩⲣⲅⲟⲥ ϣⲁⲩⲥⲫⲣⲁⲅⲓⲍⲉ ⲙⲙⲟⲟⲩ ÷ⲡⲉϩⲟⲟⲩ ⲛⲧⲁⲩⲟⲩⲱϩ ⲛϩⲏⲧⲥ ⲛⲧⲉⲥϩⲓⲙⲉ ϣⲁⲩⲥⲫⲣⲁⲅⲓⲍⲉ ⲙⲙⲟϥ ⲉϩⲟⲩⲛ ⲉⲧϭⲓϫ ⲛϩⲃⲟⲩⲣ ⲛⲧⲉⲡⲉⲡⲗⲁⲥⲙⲁ ·
“and thereafter they summon the compound of the power into the soul; and the destiny they put outside them all, as it is not blended with them, [but] following them and accompanying them. And after this the servitors seal them one to the other with all the seals which the rulers have given them. [And] they seal the day on which they have taken up their abode in the womb of the woman,--they seal [it] on the left hand | of the plasm;”
pistis.sophia_book_1_part4:8
ⲁⲧⲁϭⲟⲙ ϭⲱϣⲧ ⲉⲃⲟⲗ ϩⲛⲧⲙⲏⲧⲉ ⲛⲛⲉⲭⲁⲟⲥ · ⲁⲩⲱ ϩⲛⲧⲙⲏⲧⲉ ⲛⲛⲕⲁⲕⲉ · ⲁⲓϭⲱϣⲧ ⲉⲃⲟⲗ ϩⲏⲧϥ ⲙⲡⲁⲥⲩⲛⲍⲩⲅⲟⲥ . ϫⲉⲉϥⲛⲏⲩ ⲛϥⲙⲓϣⲉ ⲉϫⲱⲓ . ⲁⲩⲱ ⲙⲡϥⲉⲓ · ⲁⲩⲱ ⲛⲉⲁⲓϭⲱϣⲧ ⲡⲉ ϫⲉⲉϥⲛⲏⲩ ⲛϥϯϭⲟⲙ ⲛⲁⲓ · ⲁⲩⲱ ⲙⲡⲓϩⲉ ⲉⲣⲟϥ · ⲁⲩⲱ ⲛⲧⲉⲣⲓϣⲓⲛⲉ ⲛⲥⲁⲡⲟⲩⲟⲉⲓⲛ . ⲁⲩϯ ⲛⲁⲓ ⲛⲟⲩⲉ ⲛⲧⲁⲕⲁⲕⲉ · ⲁⲩⲱ ⲛⲧⲉⲣⲓϣⲓⲛⲉ ⲛⲥⲁⲧⲁϭⲟⲙ . ⲁⲩϯ ⲛⲁⲓ ⲛⲟⲩϩⲩⲗⲏ · ⲧⲉⲛⲟⲩ ϭⲉ ⲡⲟⲩⲟⲉⲓⲛ ⲛⲧⲉⲛⲓⲟⲩⲟⲉⲓⲛ . ⲡⲕⲁⲕⲉ . ⲙⲛⲧϩⲩⲗⲏ · ⲉⲛⲧⲁⲩⲛⲧⲟⲩ ⲉϫⲱⲓ ⲛϭⲓⲛⲉⲡⲣⲟⲃⲟⲗⲟⲟⲩⲉ ⲙⲡⲁⲩⲑⲁⲧⲏⲥ ·
“20. My power looked forth from the midst of the chaos and from the midst of the darkness, and I waited for my pair, that he should come and fight for me, and he came not, and I looked that he should come and lend me power, and I found him not. 21. And when I sought the light, they gave me darkness; and when I sought my power, they gave me matter. 22. Now, therefore, O Light of lights, may the darkness and the matter which the emanations of Self-willed have brought upon me,”
pistis.sophia_book_1_part1:8
ⲡⲉⲓⲱⲧ ⲙⲡⲓⲛⲉ ⲛϭⲣⲟⲟⲙⲡⲉ ·
--the Father in the form of a dove.
pistis.sophia_book_3_part3:9
ⲁⲩⲱ ϣⲁⲣⲉⲙⲡⲁⲣⲁⲗⲏⲙⲡⲧⲱⲣ ⲛⲉⲣⲓⲛⲁⲓⲟⲥ · ⲛⲁⲓ ⲛⲧⲁⲩⲛⲧⲥ ⲉⲃⲟⲗ ϩⲙⲡⲥⲱⲙⲁ · ϣⲁⲩⲣϩⲟⲧⲉ ϩⲏⲧϥ ⲙⲡⲟⲩⲟⲉⲓⲛ ⲛⲧⲉⲯⲩⲭⲏ ⲉⲧⲙⲙⲁⲩ ⲛⲥⲉϩⲉ ⲉϩⲣⲁⲓ ⲉϫⲙⲡⲉⲩϩⲟ ·
and the retributive receivers who have led it forth out of the body, are afraid of the light of that soul and fall on their faces.
pistis.sophia_book_2_part8:9
ⲁⲩⲱ ⲛⲉⲯⲩⲭⲟⲟⲩⲉ ⲉⲧⲙⲙⲁⲩ ⲥⲉⲛⲁⲣⲟⲩⲛⲟϭ ⲛϣⲗⲓϭ ⲛⲟⲩⲟⲉⲓⲛ ⲛⲧⲟⲟⲧⲟⲩ ⲛⲙⲡⲁⲣⲁⲗⲏⲙⲡⲧⲱⲣ ⲛⲉⲣⲓⲛⲁⲓⲟⲥ · ⲁⲩⲱ ⲙⲡⲁⲣⲁⲗⲏⲙⲡⲧⲏⲥ ⲉⲧⲙⲙⲁⲩ ⲥⲉⲛⲁⲣϩⲟⲧⲉ ϩⲏⲧϥ ⲙⲡⲟⲩⲟⲉⲓⲛ ⲛⲧⲉⲯⲩⲭⲏ ⲉⲧⲙⲙⲁⲩ · ⲁⲩⲱ ⲥⲉⲛⲁⲥⲱϣⲙ ⲛⲥⲉϩⲉ ⲉϫⲙⲡⲉⲩϩⲟ ·
And those souls will become a great light-stream in the hands of the retributive receivers; and those receivers will be afraid of the light of those souls and will become powerless and fall on their faces.
pistis.sophia_book_1_part5:9
ⲁϥⲉⲓ ⲉⲧϩⲏ ⲛϭⲓⲓⲱϩⲁⲛⲛⲏⲥ ⲁϥⲟⲩⲱϣⲧ ⲉⲧⲙⲉⲥⲧⲛϩⲏⲧ ⲛⲓⲏⲥⲟⲩⲥ ⲡⲉϫⲁϥ ϫⲉⲡⲁϫⲟⲉⲓⲥ · ⲕⲉⲗⲉⲩⲉ ⲛⲁⲓ ϩⲱ ⲁⲩⲱ ⲥⲩⲅⲭⲱⲣⲉⲓ ⲛⲁⲓ ⲉⲧⲣⲁϫⲱ ⲙⲡⲃⲱⲗ ⲛⲧⲙⲉϩϥⲧⲟ ⲙⲙⲉⲧⲁⲛⲟⲓⲁ · ⲧⲁⲓ ⲉⲛⲧⲁⲥϫⲟⲟⲥ ⲛϭⲓⲧⲡⲓⲥⲧⲓⲥ ⲥⲟⲫⲓⲁ ·
“that John came forward, adored the breast of Jesus and said unto him: My Lord, give commandment to me also, and grant me to speak the solution of the fourth repentance which Pistis Sophia hath uttered.”
pistis.sophia_book_3_part6:9
ⲁⲩⲱ ϣⲁϥⲛⲁ ⲛⲁⲩ ⲛϭⲓⲓⲉⲟⲩ · ϣⲁϥϫⲓⲧⲟⲩ ⲉⲣⲁⲧⲟⲩ ⲛⲧⲥⲁϣϥⲉ ⲙⲡⲁⲣⲑⲉⲛⲟⲥ ⲙⲡⲟⲩⲟⲉⲓⲛ ϣⲁⲩⲃⲁⲡⲧⲓⲍⲉ ⲙⲙⲟϥ ϩⲣⲁⲓ ϩⲛⲛⲉⲩⲃⲁⲡⲧⲓⲥⲙⲁ · ⲁⲗⲗⲁ ⲙⲉⲩϯ ⲛⲁⲩ ⲙⲡⲉⲭⲣⲓⲥⲙⲁ ⲙⲡⲛⲉⲩⲙⲁⲧⲓⲕⲟⲛ · ⲁⲩⲱ ϣⲁⲩϫⲓⲧⲟⲩ ⲉⲡⲉⲑⲏⲥⲁⲩⲣⲟⲥ ⲙⲡⲟⲩⲟⲉⲓⲛ ·
then Yew hath compassion upon them and leadeth them before the seven virgins of the Light. They baptize them with their baptisms, but they do not give them the spiritual chrism. And they lead them into the Treasury of the Light,
pistis.sophia_book_2_part6:9
ⲟⲩⲛⲧⲁϥ ⲙⲙⲁⲩ ⲛⲧⲉⲝⲟⲩⲥⲓⲁ ⲉⲧⲣⲉϥⲙⲟⲩϣⲧ ⲛⲛⲧⲁⲝⲓⲥ ⲧⲏⲣⲟⲩ ⲛⲛⲉⲭⲱⲣⲏⲙⲁ ⲙⲡⲓϣⲟⲙⲧ ⲛⲧⲣⲓⲡⲛⲉⲩⲙⲁⲧⲟⲥ ⲁⲩⲱ ⲙⲛⲡϣⲟⲙⲛⲧ ⲛⲭⲱⲣⲏⲙⲁ ⲙⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ · ⲁⲩⲱ ⲙⲛⲛⲉⲩⲧⲁⲝⲓⲥ ⲧⲏⲣⲟⲩ ·
hath the power to pass through all the orders of the spaces of the three Thrice-spirituals and the three spaces of the First Mystery and all their orders,
pistis.sophia_book_4_part3:9
ⲯⲩⲭⲏ ⲛⲓⲙ ⲉⲧⲥⲛⲁⲛⲟϫⲟⲩ ⲉⲛⲥⲱⲛⲧ ⲛⲧⲥⲫⲉⲣⲁ ⲙⲡⲛⲁⲩ ⲉⲧⲙⲙⲁⲩ ϣⲁⲩϣⲱⲡⲉ ⲙⲡⲟⲛⲏⲣⲟⲥ ⲁⲩⲱ ⲛⲣⲉϥϭⲱⲛⲧ ⲁⲩⲱ ⲙⲉⲩϩⲉ ⲉⲙⲙⲩⲥⲧⲏⲣⲓⲟⲛ ⲙⲡⲟⲩⲟⲉⲓⲛ :
“then all the souls which she shall cast in that hour into the creatures of the sphere, will be wicked and wrathful and do not find the mysteries of the Light.”
pistis.sophia_book_1_part7:9
ⲡⲉϫⲁⲥ ϫⲉⲥⲉ ⲡϫⲟⲉⲓⲥ · ⲡⲁⲓ ⲡⲉ ⲉⲛⲧⲁⲕϫⲟⲟϥ ⲛⲁⲛ ⲙⲡⲓⲟⲩⲟⲉⲓϣ ϫⲉⲛϩⲁⲉⲉⲩ ⲛⲁⲣϣⲟⲣⲡ · ⲁⲩⲱ ⲛⲧⲉⲛϣⲟⲣⲡ ⲣϩⲁⲉ · ⲛϣⲟⲣⲡ ϭⲉ ⲉⲛⲧⲁⲩⲧⲁⲙⲓⲟⲟⲩ ϩⲁⲧⲛⲉϩⲏ : ⲛⲉⲛⲁϩⲟⲣⲁⲧⲟⲥ ·
“and said: Yea, O Lord, this is what thou didst say unto us aforetime: 'The last shall be first and the first shall be last.' The first then, who were created before us, are the invisibles,”
pistis.sophia_book_1_part8:9
ⲡⲉϫⲁϥ ⲛⲁⲥ ⲛϭⲓⲓⲏⲥⲟⲩⲥ ϫⲉⲉⲩⲅⲉ ⲥⲁⲗⲱⲙⲏ ⲁⲩⲱ ⲕⲁⲗⲱⲥ · ⲡⲁⲓ ⲡⲉ ⲡⲃⲱⲗ ⲛⲛϣⲁϫⲉ ⲉⲛⲧⲁⲥϫⲟⲟⲩ ⲛϭⲓⲧⲡⲓⲥⲧⲓⲥ ⲥⲟⲫⲓⲁ ·
“that Jesus said unto her: Well said, | Salome; and finely. This is the solution of the words which Pistis Sophia hath uttered.”
pistis.sophia_book_2_part1:9
ⲧⲙⲉ ϩⲱⲱϥ ⲧⲉ ϯϭⲟⲙ ⲛⲧⲉⲥⲁⲃⲁⲱⲑ ⲡⲁⲅⲁⲑⲟⲥ · ⲧⲁⲓ ⲉⲛⲧⲁⲥⲧⲟϭⲥ ⲉⲣⲟⲕ · ⲧⲁⲓ ⲉⲛⲧⲁⲥⲛⲟϫⲥ ⲉϩⲃⲟⲩⲣ · ⲛⲧⲟⲕ ⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ ⲉⲧϭⲱϣⲧ ⲉⲃⲟⲗ · ⲁⲩⲱ ⲁϥϫⲓⲧⲥ ⲛϭⲓⲡⲕⲟⲩⲓ ⲛⲥⲁⲃⲁⲱⲑ ⲡⲁⲅⲁⲑⲟⲥ ·
Truth' on the other hand is the power of Sabaōth, the Good, which bound itself in thee and which thou hast cast forth to the Left,--thou the First Mystery which looketh without. And the little Sabaōth, the Good, took it
pistis.sophia_book_2_part2:9
ⲁⲓⲛⲁϩⲧⲉ ⲉⲣⲟϥ ·
in whom I trust,'
pistis.sophia_book_3_part2:9
ⲁⲗⲗⲁ ⲉϣⲱⲡⲉ ⲉⲛⲥⲉⲙⲡϣⲁ ⲁⲛ ⲁⲗⲗⲁ ⲉⲩⲟ ⲛⲕⲣⲟϥ ⲉⲣⲱⲧⲛ · ⲁⲩⲱ ⲛⲥⲉⲣⲛⲕⲉⲙⲩⲥⲧⲏⲣⲓⲟⲛ ⲙⲡⲁⲣⲁⲇⲓⲅⲙⲁ ⲉⲩⲭⲓⲙⲁⲍⲉ ⲙⲙⲟⲛⲱⲧⲛ ⲙⲛⲛⲕⲉⲙⲩⲥⲧⲏⲣⲓⲟⲛ ⲉⲓⲉ ⲱϣ ⲉϩⲣⲁⲓ ⲉⲡϣⲟⲣⲡ ⲙⲙⲩⲥⲧⲏⲣⲓⲟⲛ ⲛⲧⲉⲡϣⲟⲣⲡ ⲙⲙⲩⲥⲧⲏⲣⲓⲟⲛ ⲡⲁⲓ ⲉϣⲁϥⲛⲁ ⲛⲟⲩⲟⲛ ⲛⲓⲙ ·
but if they are not worthy but are deceitful against you, and if they also make a show of the mysteries, making trial of you and also of the mysteries, then invoke | the first mystery of the First Mystery which hath mercy on every one,
pistis.sophia_book_1_part4:9
ⲙⲁⲣⲟⲩϣⲱⲡⲉ ⲛⲁⲩ ⲉⲩϭⲟⲣϭⲥ ⲁⲩⲱ ⲙⲁⲣⲟⲩϭⲗⲟⲙⲗⲙ ⲉϩⲟⲩⲛ ⲉⲣⲟⲟⲩ ⲁⲩⲱ ⲛⲅⲧⲟⲩⲉⲓⲟ ⲛⲁⲩ ⲁⲩⲱ ⲛⲥⲉⲥⲕⲁⲛⲇⲁⲗⲓⲍⲉ ⲛⲥⲉⲧⲙⲃⲱⲕ ⲉⲡⲧⲟⲡⲟⲥ ⲙⲡⲉⲩⲁⲩⲑⲁⲧⲏⲥ ·
be unto them for a snare, and may they be ensnared therein, and recompense them and may they be made to stumble and not come into the region of their Self-willed.
pistis.sophia_book_2_part5:9
ⲁⲩⲱ ⲡⲥⲱⲧⲏⲣ ⲛⲛⲉⲡⲣⲟⲃⲟⲗⲟⲟⲩⲉ ⲛⲧⲙⲉϩⲥⲛⲧⲉ ⲙⲫⲱⲛⲏ · ϥⲛⲁϣⲱⲡⲉ ϩⲙⲡⲧⲟⲡⲟⲥ ⲛⲛⲉⲯⲩⲭⲟⲟⲩⲉ ⲛⲛⲉⲛⲧⲁⲩϫⲓ ⲙⲡⲙⲉϩⲥⲛⲁⲩ ⲙⲙⲩⲥⲧⲏⲣⲓⲟⲛ ⲛⲧⲉⲡϣⲟⲣⲡ ⲙⲙⲩⲥⲧⲏⲣⲓⲟⲛ ·
“And the saviour of the emanations of the second Voice will be in the region of the souls of those who have received the second mystery of the First Mystery.”
pistis.sophia_book_2_part4:9
ⲛⲁⲓ ⲇⲉ ⲛⲧⲉⲣⲉⲥϫⲟⲟⲩ ⲛϭⲓⲧⲡⲓⲥⲧⲓⲥ ⲥⲟⲫⲓⲁ ·
“And when Pistis Sophia had said this,”
pistis.sophia_book_4_part1:9
ⲛⲁⲓ ⲇⲉ ⲛⲧⲉⲣⲉϥϫⲟⲟⲩ ⲛϭⲓⲓⲏⲥⲟⲩⲥ ⲡⲉϫⲁϥ · ϫⲉⲓⲁⲫⲑⲁ · ⲓⲁⲫⲑⲁ · ⲙⲟⲩⲛⲁⲏⲣ · ⲙⲟⲩⲛⲁⲏⲣ · ⲉⲣⲙⲁⲛⲟⲩⲏⲣ · ⲉⲣⲙⲁⲛⲟⲩⲏⲣ · ⲉⲧⲉⲡⲁⲓ ⲡⲉ ⲡⲉⲓⲱⲧ ⲙⲙⲛⲧⲉⲓⲱⲧ ⲛⲓⲙ ⲛⲧⲉⲛⲓⲁⲡⲉⲣⲁⲛⲧⲟⲛ ·
“And when Jesus had said this, he said: iaphtha iaphtha mounaēr mounaēr ermanouēr ermanouēr.” That is: “O father of all fatherhood of the boundless [spaces],”
pistis.sophia_book_2_part9:9
ⲉⲧⲃⲉⲡⲁⲓ ϭⲉ ⲕⲏⲣⲩⲥⲥⲉ ⲙⲡⲅⲉⲛⲟⲥ ⲛⲧⲙⲛⲧⲣⲱⲙⲉ ⲧⲏⲣϥ ϫⲉⲙⲡⲣⲕⲁⲧⲉⲧⲏⲩⲧⲛ ⲉⲃⲟⲗ ⲉⲧⲉⲧⲛϣϭⲓⲛⲉ ϩⲙⲡⲉϩⲟⲟⲩ ⲙⲛⲧⲉⲩϣⲏ · ϩⲉⲱⲥ ϣⲁⲛⲧⲉⲧⲉⲛϩⲉ ⲉⲙⲙⲩⲥⲧⲏⲣⲓⲟⲛ ⲛⲣⲉϥⲥⲱⲧϥ ·
“For this cause, therefore, herald to the whole race of men, saying: Cease not to seek day and night, until ye find the purifying mysteries;”
pistis.sophia_book_1_part2:9
ϣⲟⲣⲡ ⲙⲉⲛ ⲉϥⲛϩⲏⲧϥ ⲛϭⲓⲡⲉⲟⲟⲩ ⲧⲏⲣϥ ⲛⲛⲣⲁⲛ ⲧⲏⲣⲟⲩ ⲛⲧⲉⲙⲙⲩⲥⲧⲏⲣⲓⲟⲛ ⲧⲏⲣⲟⲩ ⲙⲛⲛⲉⲡⲣⲟⲃⲟⲗⲟⲟⲩⲉ ⲧⲏⲣⲟⲩ ⲛⲛⲧⲁⲝⲓⲥ ⲛⲛⲉⲭⲱⲣⲏⲙⲁ ⲙⲡⲓⲁⲧϣⲁϫⲉ ⲉⲣⲟϥ ·
“In the first is the whole glory of all the names of all mysteries and all emanations of the orders | of the spaces of the Ineffable.”
pistis.sophia_book_2_part7:9
ⲁⲩⲱ ⲡⲙⲩⲥⲧⲏⲣⲓⲟⲛ ⲉⲧⲙⲙⲁⲩ ⲛⲧⲟϥ ⲡⲉⲧⲥⲟⲟⲩⲛ ϫⲉⲉⲧⲃⲉⲟⲩ ⲁⲩⲥⲕⲩⲗⲗⲉⲓ ⲙⲙⲟⲟⲩ ⲛϭⲓⲛⲉⲁⲥⲁⲗⲉⲩⲧⲟⲥ ⲁⲩⲱ ⲉⲧⲃⲉⲟⲩ ⲁⲩⲧⲁϩⲟⲟⲩ ⲉⲣⲁⲧⲟⲩ ⲉⲩⲡⲟⲣϫ ⲉⲃⲟⲗ ⲉⲙⲛⲧⲥⲛⲟⲟⲩⲥ ⲛⲧⲁⲝⲓⲥ ⲁⲩⲱ ⲉⲧⲃⲉⲟⲩ ⲁⲩⲡⲣⲟⲉⲗⲑⲉ ⲉⲃⲟⲗ ϩⲛⲛⲓⲁⲡⲁⲧⲱⲣ ⲛⲁⲓ ⲉⲧⲏⲡ ⲉⲛⲧⲁⲝⲓⲥ ⲙⲡⲉⲭⲱⲣⲏⲙⲁ ⲙⲡⲓⲁⲧϣⲁϫⲉ ⲉⲣⲟϥ :
“And that mystery knoweth wherefor the Unwaverables have rent themselves asunder and wherefor they have set themselves up, divided into twelve orders, and wherefor they have come forth from the Fatherless, which belong to the orders of the space of the Ineffable.”
pistis.sophia_book_2_part3:9
ⲛⲧⲟϥ ⲡⲉ ⲡϣⲁϫⲉ ⲉⲛⲧⲁⲥϫⲟⲟϥ ⲛϭⲓⲧⲡⲓⲥⲧⲓⲥ ⲥⲟⲫⲓⲁ · ϫⲉⲁⲩⲱ ⲁⲡⲉⲕⲟⲩⲟⲉⲓⲛ ⲕⲱⲧⲉ ⲉⲣⲟⲓ ϩⲣⲁⲓ ϩⲛⲛⲉⲩⲧⲟⲡⲟⲥ ⲧⲏⲣⲟⲩ · ⲁⲩⲱ ⲡϣⲁϫⲉ ⲉⲛⲧⲁⲧⲉⲕϭⲟⲙ ϫⲟⲟϥ ϫⲉⲁⲩⲱ ⲁⲧⲉⲕⲟⲩⲛⲁⲙ · ⲧⲁⲕⲉⲧⲙⲁⲧⲟⲩ ⲙⲡⲣⲉϥϫⲉⲡⲉⲧϩⲟⲟⲩ ·
“--it is the word which Pistis Sophia hath spoken: 'And thy light surrounded me in all their regions.' And the word which thy power hath spoken: 'And thy right hand hath destroyed the venom of the slanderers,”
pistis.sophia_book_1_part3:9
ϫⲉⲉⲩⲉⲥⲟⲧⲃⲟⲩ ϩⲛⲟⲩϭⲉⲡⲏ ⲁⲩⲱ ⲛⲥⲉⲱⲗ ⲉϩⲣⲁⲓ ⲛⲛⲉⲧⲛⲁⲟⲩϫⲁⲓ · ⲛⲧⲟⲟⲩ ⲙⲛⲧϭⲟⲙ ⲧⲏⲣⲥ · ⲁⲩⲱ ⲛⲥⲉⲃⲱⲗ ⲉⲃⲟⲗ ϩⲛⲟⲩϭⲉⲡⲏ ⲛϭⲓⲛⲉⲧⲛⲁⲟⲩϫⲁⲓ ⲁⲛ ·
“in order that those who shall be saved, might be quickly purified and raised on high, they and the whole power, and that those who shall not be saved, might be quickly destroyed.”
pistis.sophia_book_4_part2:9
ⲁⲩⲱ ⲙⲛⲛⲥⲁⲟⲩ ϣⲏⲙ ⲛⲟⲩⲟⲉⲓϣ ⲁⲡⲁⲉⲓⲱⲧ ⲧⲛⲛⲟⲟⲩ ⲛⲁⲓ ⲙⲡⲉⲡⲛⲉⲩⲙⲁ ⲉⲧⲟⲩⲁⲁⲃ ⲙⲡⲧⲩⲡⲟⲥ ⲛⲟⲩϭⲣⲟⲟⲙⲡⲉ ·
And after a little while my father sent me the holy spirit in the type of a dove.
pistis.sophia_book_3_part5:9
ⲁⲩⲱ ⲟⲩⲛϩⲁϩ ⲛⲯⲩⲭⲏ ⲛⲏⲩ ϩⲓⲧⲛⲛⲕⲩⲕⲗⲟⲥ ⲛⲧⲉⲙⲙⲉⲧⲁⲃⲟⲗⲏ ⲛⲧⲉⲡⲥⲱⲙⲁ · ⲁⲩⲱ ⲉⲩⲛⲏⲩ ⲉⲡⲕⲟⲥⲙⲟⲥ ⲉⲩⲛϩⲟⲓⲛⲉ ⲛϩⲏⲧⲟⲩ ϩⲙⲡⲉⲓⲟⲩⲟⲉⲓϣ *
And many souls will come by means of the circuits of the changes of the body, and coming back into the world are some of those in this present time
pistis.sophia_book_1_part6:9
ⲕⲁⲓ ⲅⲁⲣ ⲟⲩⲟⲛ ⲛⲓⲙ ⲉⲧϩⲩⲡⲟⲙⲓⲛⲉ ⲉⲣⲟⲕ ⲛⲥⲉⲛⲁϫⲓϣⲓⲡⲉ ⲁⲛ · ⲉⲩⲉϫⲓ ϣⲓⲡⲉ ⲛϭⲓⲛⲉⲧⲁⲛⲟⲙⲉⲓ ⲉⲡϫⲓⲛϫⲏ ·
“3. For all who wait upon thee shall not be put to shame; let them be put to shame who do iniquity without a cause.”
pistis.sophia_book_3_part1:9
ⲁϫⲓⲥ ⲉⲣⲟⲟⲩ ϫⲉⲁⲡⲟⲧⲁⲥⲥⲉ ⲛⲛⲓⲙⲛⲧⲙⲁⲓ ϩⲏⲧϥ ⲛⲧⲉⲧⲛⲙⲡϣⲁ ⲛⲙⲙⲩⲥⲧⲏⲣⲓⲟⲛ ⲙⲡⲟⲩⲟⲉⲓⲛ ⲛⲧⲉⲧⲛⲛⲟⲩϩⲙ ⲉⲛⲉⲕⲣⲓⲥⲓⲥ ⲛⲁⲙⲛⲧⲉ ·
“Say unto them: Renounce belly-love, that ye may be worthy of the mysteries of the Light and be saved from the judgments of Amente.”
pistis.sophia_book_3_part7:9
ⲁⲩⲱ ϣⲁⲩⲥⲫⲣⲁⲅⲓⲍⲉ ⲙⲡⲉϩⲟⲟⲩ ⲉⲛⲧⲁⲩϫⲉⲕⲡⲥⲱⲙⲁ ⲉⲃⲟⲗ ⲉⲧϭⲓϫ ⲛⲟⲩⲛⲁⲙ ·
and they seal the day on which they have completed the body, on the right hand;
pistis.sophia_book_1_part1:9
ⲉⲣⲉⲓⲏⲥⲟⲩⲥ ϫⲱ ⲙⲙⲟⲥ ⲛⲛⲉϥⲙⲁⲑⲏⲧⲏⲥ
And Jesus said to his disciples:
pistis.sophia_book_3_part4:9
ⲛⲁⲓ ⲇⲉ ⲛⲧⲉⲣⲉⲥϫⲟⲟⲩ ⲛϭⲓⲙⲁⲣⲓⲁ ⲡⲉϫⲁϥ ⲛϭⲓⲡⲥⲱⲧⲏⲣ ϫⲉⲉⲩⲅⲉ ⲧⲉ ⲡⲛⲓⲕⲏ ⲛϩⲓⲗⲓⲕⲣⲓⲛⲉⲥ ⲛⲟⲩⲟⲉⲓⲛ ⲙⲁⲣⲓⲁ ⲡⲁⲓ ⲡⲉ ⲡⲃⲱⲗ ⲉⲃⲟⲗ ⲙⲡϣⲁϫⲉ :
“And when Mary had said this, the Saviour said: Well said, thou spiritual and light-pure Mary. This is the solution of the word.”
pistis.sophia_book_2_part8:10
ⲁⲩⲱ ⲛⲉⲯⲩⲭⲟⲟⲩⲉ ⲉⲧⲙⲙⲁⲩ ⲥⲉⲛⲁϩⲱⲗ ⲉⲡϫⲓⲥⲉ ⲛⲧⲉⲩⲛⲟⲩ · ⲛⲥⲉⲟⲩⲱⲧⲃ ⲛⲛⲧⲟⲡⲟⲥ ⲧⲏⲣⲟⲩ ⲛⲧⲉⲛⲁⲣⲭⲱⲛ · ⲁⲩⲱ ϩⲛⲛⲧⲟⲡⲟⲥ ⲧⲏⲣⲟⲩ ⲛⲧⲉⲛⲉⲡⲣⲟⲃⲟⲗⲟⲟⲩⲉ ⲙⲡⲟⲩⲟⲉⲓⲛ · ⲁⲩⲱ ⲛⲥⲉⲛⲁϯⲁⲡⲟⲫⲁⲥⲓⲥ ⲁⲛ ⲟⲩⲇⲉ ⲁⲡⲟⲗⲟⲅⲓⲁ ϩⲛⲗⲁⲁⲩ ⲛⲧⲟⲡⲟⲥ ⲟⲩⲇⲉ ⲥⲩⲙⲃⲟⲗⲟⲛ ·
And those souls will straightway soar upwards and cross over all the regions of the rulers and all the regions of the emanations of the Light. They will not give answers nor apologies nor tokens in any single region;
pistis.sophia_book_1_part6:10
ⲡϫⲟⲉⲓⲥ ⲙⲁⲧⲁⲙⲟⲓ ⲉⲛⲉⲕϩⲓⲟⲟⲩⲉ ⲁⲩⲱ ⲧⲥⲁⲃⲟⲓ ⲉⲛⲉⲕⲙⲁ ⲙⲙⲟⲟϣⲉ · ϫⲓⲙⲟⲉⲓⲧ ϩⲏⲧ . ϩⲓ ⲧⲉϩⲓⲏ ⲛⲧⲉⲕⲙⲉ · ⲁⲩⲱ ⲛⲅⲧⲥⲁⲃⲟⲓ ϫⲉⲛⲧⲟⲕ ⲡⲁⲛⲟⲩⲧⲉ ⲡⲁⲥⲱⲧⲏⲣ . ϯⲛⲁϩⲩⲡⲟⲙⲓⲛⲉ ⲉⲣⲟⲕ ⲙⲡⲉϩⲟⲟⲩ ⲧⲏⲣϥ :
“4. O Lord, show me thy ways and teach me thy paths. 5. Lead me in the way of thy truth and teach me, for thou art my God and my saviour; on thee will I wait all the day long.”
pistis.sophia_book_2_part6:10
ⲁⲩⲱ ⲟⲩⲛⲧⲁϥ ⲙⲙⲁⲩ ⲛⲧⲉⲝⲟⲩⲥⲓⲁ ⲉⲧⲣⲉϥⲙⲟⲩϣⲧ ⲛⲛⲧⲁⲝⲓⲥ ⲧⲏⲣⲟⲩ ⲛⲛⲉⲕⲗⲏⲣⲟⲛⲟⲙⲓⲁ ⲙⲡⲟⲩⲟⲉⲓⲛ ⲉⲧⲣⲉϥⲙⲟⲩϣⲧ ⲙⲙⲟⲟⲩ ϫⲓⲃⲟⲗ ⲉϩⲟⲩⲛ · ⲁⲩⲱ ϫⲓⲛ(ϩⲟⲩⲛ ⲉ)ⲃⲟⲗ ⲉϩⲟⲩⲛ · ⲁⲩⲱ ϫⲓⲛⲧⲡⲉ ⲉⲡⲉⲥⲏⲧ · ⲁⲩⲱ ϫⲓⲛⲡⲉⲥⲏⲧ . ⲉⲧⲡⲉ · ⲁⲩⲱ ϫⲓⲛⲡϫⲓⲥⲉ ⲉⲡⲃⲁⲑⲟⲥ · ⲁⲩⲱ ϫⲓⲛⲡⲃⲁⲑⲟⲥ ⲉⲡϫⲓⲥⲉ · ⲁⲩⲱ ϫⲓⲛⲧⲉϣⲓⲏ ⲉⲧⲟⲩⲧⲁϣⲥⲉ · ⲁⲩⲱ ϫⲓⲛⲧⲟⲩⲁϣⲥⲉ ⲉⲧⲉϣⲓⲏ · ϩⲁⲡⲁⲝ
and hath the power to pass through all the orders of the inheritances of the Light, to pass through them from without within and from within without and from above below and from below | above and from the height to the depth and from the depth to the height and from the length to the breadth and from the breadth to the length;
pistis.sophia_book_3_part3:10
ⲁⲩⲱ ϩⲛⲧⲉⲩⲛⲟⲩ ⲉⲧⲙⲙⲁⲩ ϣⲁⲣⲉⲧⲉⲯⲩⲭⲏ ⲉⲧⲙⲙⲁⲩ ϣⲁⲥⲣⲟⲩⲛⲟϭ ⲛⲁⲡⲟⲣⲣⲟⲓⲁ ⲛⲟⲩⲟⲉⲓⲛ · ⲁⲩⲱ ϣⲁⲥⲣⲧⲛϩ ⲛⲟⲩⲟⲉⲓⲛ ⲧⲏⲣⲥ · ⲁⲩⲱ ⲛⲥϫⲱⲧⲉ ⲛⲧⲟⲡⲟⲥ ⲛⲓⲙ ⲛⲧⲉⲛⲁⲣⲭⲱⲛ · ⲙⲛⲛⲧⲁⲝⲓⲥ ⲧⲏⲣⲟⲩ ⲛⲧⲉⲡⲟⲩⲟⲉⲓⲛ · ϩⲉⲱⲥ ϣⲁⲛⲧⲥⲃⲱⲕ ⲉⲡⲧⲟⲡⲟⲥ ⲛⲧⲉⲥⲙⲛⲧⲣⲣⲟ ⲛⲧⲁⲥϫⲓⲙⲩⲥⲧⲏⲣⲓⲟⲛ ϣⲁⲣⲟϥ ·
And in that moment that soul becometh a great light-stream, it becometh entirely wings of light, and penetrateth all the regions of the rulers and all the orders of the Light, until it reacheth the region of its kingdom up to which it hath received mysteries.
pistis.sophia_book_2_part4:10
ⲁⲥϭⲱϣⲧ ⲉⲡⲧⲟⲡⲟⲥ ⲙⲡⲁⲇⲁⲙⲁⲥ ⲁⲥⲛⲁⲩ ⲉⲉⲡⲧⲟⲡⲟⲥ ⲛⲕⲁⲕⲉ ⲁⲩⲱ ⲛⲭⲁⲟⲥ ⲡⲁⲓ ⲛⲧⲁϥⲧⲁⲙⲓⲟϥ ⲁⲩⲱ ⲟⲛ ⲁⲥⲛⲁⲩ ⲉⲧⲉⲡⲣⲟⲃⲟⲗⲏ ⲥⲛⲧⲉ ⲛⲕⲁⲕⲉ . ⲉⲧⲛⲁϣⲧ ⲉⲙⲁⲧⲉ ⲛⲁⲓ ⲉⲛⲧⲁϥⲡⲣⲟⲃⲁⲗⲉ ⲙⲙⲟⲟⲩ ⲉⲃⲟⲗ ⲛϭⲓⲡⲁⲇⲁⲙⲁⲥ · ϫⲉⲕⲁⲥ ⲉⲩⲉⲁⲙⲁϩⲧⲉ ⲛⲧⲡⲓⲥⲧⲓⲥ ⲥⲟⲫⲓⲁ ·
she looked at the region of Adamas and saw the dark and chaotic region | which he had made, and saw also the two dark exceedingly violent emanations which Adamas had emanated, in order that they might seize Pistis Sophia
pistis.sophia_book_3_part6:10
ⲁⲗⲗⲁ ⲙⲉⲩⲕⲁⲁⲩ ϩⲛⲛⲧⲁⲝⲓⲥ ⲛⲧⲉⲕⲗⲏⲣⲟⲛⲟⲙⲓⲁ · ⲉⲃⲟⲗ ϫⲉⲙⲛⲙⲁⲓⲛ ⲟⲩⲇⲉ ⲙⲛⲥⲫⲣⲁⲅⲓⲥ ⲛⲧⲉⲡⲓⲁⲧϣⲁϫⲉ ⲉⲣⲟϥ ⲛⲙⲙⲁⲩ ·
but they do not put them in the orders of the Inheritance, because no sign and no seal of the Ineffable is with them.
pistis.sophia_book_4_part3:10
ⲛⲁⲓ ϭⲉ ⲉⲣⲉⲓⲏⲥⲟⲩⲥ ϫⲱ ⲙⲙⲟⲟⲩ ⲛⲛⲉϥⲙⲁⲑⲏⲧⲏⲥ ϩⲛⲧⲙⲏⲧⲉ ⲛⲁⲙⲛⲧⲉ · ⲁⲩⲱϣ ⲉⲃⲟⲗ ⲁⲩⲣⲓⲙⲉ ⲛϭⲓⲙⲙⲁⲑⲏⲧⲏⲥ · ϫⲉⲟⲩⲟⲉⲓ ⲟⲩⲟⲓ ⲛⲣⲣⲱⲙⲉ ⲛⲣⲉϥⲣⲛⲟⲃⲉ ⲛⲁⲓ ⲉⲣⲉⲧⲁⲙⲉⲗⲓⲁ ⲛⲕⲟⲧⲕ ⲉⲃⲟⲗ ϩⲓϫⲱⲟⲩ ⲙⲛⲧⲃϣⲉ ⲛⲛⲁⲣⲭⲱⲛ ϣⲁⲛⲧⲟⲩⲉⲓ ⲉⲃⲟⲗ ϩⲛⲥⲱⲙⲁ · ⲛⲥⲉϫⲓⲧⲟⲩ ⲉⲛⲉⲓⲕⲟⲗⲁⲥⲓⲥ · ⲛⲁ ⲛⲁⲛ · ⲛⲁ ⲛⲁⲛ ·
“When then Jesus said this unto his disciples in the midst of the Amente, the disciples cried and wept, [saying]: Woe, woe unto sinners, on whom the negligence and the forgetfulness of the rulers lie until they come out of the body and are led to these chastisements! Have mercy upon us, have mercy upon us,”
pistis.sophia_book_3_part4:10
ⲁⲥⲟⲩⲱϩⲙ ⲟⲛ ⲛϭⲓⲙⲁⲣⲓⲁ ⲡⲉϫⲁⲥ ϫⲉⲡⲁϫⲟⲉⲓⲥ ⲉⲧⲓ ⲟⲛ ⲉⲓⲛⲁⲟⲩⲱϩ ⲉⲧⲟⲟⲧ' ⲉϣⲓⲛⲉ ⲙⲙⲟⲕ · ⲧⲉⲛⲟⲩ ϭⲉ ⲡⲁϫⲟⲉⲓⲥ ⲁⲛⲉⲭⲉ ⲙⲙⲟⲓ ⲉⲓϣⲓⲛⲉ ⲙⲙⲟⲕ ·
“Mary answered again and said: My Lord, I will still continue to question thee. Now, therefore, my Lord, bear with me questioning thee.”
pistis.sophia_book_1_part8:10
ⲁϥⲟⲩⲱϩ ⲇⲉ ⲟⲛ ⲉⲧⲟⲟⲧϥ ⲛϭⲓⲓⲏⲥⲟⲩⲥ ϩⲙⲡϣⲁϫⲉ ⲡⲉϫⲁϥ ⲛⲛⲉϥⲙⲁⲑⲏⲧⲏⲥ · ϫⲉⲁⲥϣⲱⲡⲉ ϭⲉ ⲛⲧⲉⲣⲉⲧⲡⲓⲥⲧⲓⲥ ⲥⲟⲫⲓⲁ ⲟⲩⲱ ⲉⲥϫⲱ ⲛⲛⲉⲓϣⲁϫⲉ ϩⲙⲡⲉⲭⲁⲟⲥ .
“And Jesus continued again in the discourse and said unto his disciples: It came to pass then, when Pistis Sophia had finished saying these words in the chaos,”
pistis.sophia_book_1_part2:10
ⲁⲩⲱ ⲡⲙⲉϩⲥⲛⲁⲩ ⲛⲉⲛⲇⲩⲙⲁ ⲉϥⲛϩⲏⲧϥ ⲛϭⲓⲡⲉⲟⲟⲩ ⲧⲏⲣϥ ⲙⲡⲣⲁⲛ ⲛⲙⲙⲩⲥⲧⲏⲣⲓⲟⲛ ⲧⲏⲣⲟⲩ ⲙⲛⲛⲉⲡⲣⲟⲃⲟⲗⲟⲟⲩⲉ ⲧⲏⲣⲟⲩ ⲛⲁⲓ ⲉⲧϣⲟⲟⲡ ϩⲛⲛⲧⲁⲝⲓⲥ ⲙⲡⲉⲭⲱⲣⲏⲙⲁ ⲥⲛⲁⲩ ⲛⲧⲉⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ
“And in the second vesture is the whole glory of the name of all mysteries and all emanations which are in the orders of the two spaces of the First Mystery.”
pistis.sophia_book_3_part7:10
ⲁⲩⲱ ϣⲁⲩⲥⲫⲣⲁⲅⲓⲍⲉ ⲙⲡⲉϩⲟⲟⲩ ⲉⲛⲧⲁⲛⲁⲣⲭⲱⲛ ⲧⲁⲁⲩ ⲉⲧⲟⲟⲧⲟⲩ ⲉⲧⲙⲏⲧⲉ ⲙⲡⲉⲕⲣⲁⲛⲓⲟⲛ ⲙⲡⲥⲱⲙⲁ ⲙⲡⲉⲡⲗⲁⲥⲙⲁ ·
and they seal the day on which the rulers have handed it over to them, on the middle of the skull of the body of the plasm;
pistis.sophia_book_2_part7:10
ⲁⲩⲱ ⲡⲙⲩⲥⲧⲏⲣⲓⲟⲛ ⲉⲧⲙⲙⲁⲩ ⲛⲧⲟϥ ⲡⲉⲧⲥⲟⲟⲩⲛ ϫⲉⲉⲧⲃⲉⲟⲩ ⲁⲩⲥⲕⲩⲗⲗⲉ ⲙⲙⲟⲟⲩ ⲛϭⲓⲛⲓⲁⲉⲛⲛⲟⲏⲧⲟⲥ ⲛⲁⲓ ⲉⲧⲏⲡ ⲉⲡⲉⲭⲱⲣⲏⲙⲁ ⲥⲛⲁⲩ ⲛⲧⲉⲡⲓⲁⲧϣⲁϫⲉ ⲉⲣⲟϥ ·
“And that mystery knoweth wherefor the Incomprehensibles, which pertain to the second space of the Ineffable, have rent themselves asunder”
pistis.sophia_book_2_part1:10
ⲁϥⲛⲟϫⲥ ⲉϩⲟⲩⲛ ⲉⲧϩⲩⲗⲏ ⲙⲛⲃⲁⲣⲃⲏⲗⲱ ⲁⲩⲱ ⲁϥⲕⲏⲣⲩⲥⲥⲉ ϩⲁⲡⲧⲟⲡⲟⲥ ⲛⲧⲙⲉ ⲛⲧⲉⲧⲁⲗⲏⲑⲉⲓⲁ ϩⲣⲁⲓ ϩⲛⲛⲧⲟⲡⲟⲥ ⲧⲏⲣⲟⲩ ⲛⲧⲉⲛⲁϩⲃⲟⲩⲣ ·
and cast it forth into the matter of Barbēlō, and he made proclamation concerning the regions of Truth to all the regions of those of the Left.
pistis.sophia_book_3_part1:10
ⲁϫⲓⲥ ⲉⲣⲟⲟⲩ ϫⲉⲁⲡⲟⲧⲁⲥⲥⲉ ⲛⲛⲓⲙⲛⲧϩⲁϩ ⲛϣⲁϫⲉ ⲧⲁⲣⲉⲧⲛⲙⲡϣⲁ ⲛⲙⲙⲩⲥⲧⲏⲣⲓⲟⲛ ⲙⲡⲟⲩⲟⲉⲓⲛ ⲛⲧⲉⲧⲛⲛⲟⲩϩⲙ ⲉⲛⲕⲱϩⲧ ⲛⲁⲙⲛⲧⲉ ·
“Say unto them: Renounce babbling, that ye may be worthy of the mysteries of the Light and be saved from the fires of Amente.”
pistis.sophia_book_3_part5:10
ⲧⲉⲛⲟⲩ ⲉⲁⲩⲥⲱⲧⲙ ⲉⲣⲟⲓ ⲉⲓϯⲥⲃⲱ ϩⲙⲡϫⲱⲕ ⲉⲃⲟⲗ ⲙⲡⲁⲣⲓⲑⲙⲟⲥ ⲛⲧⲉⲗⲓⲟⲥ ⲛⲛⲉⲯⲩⲭⲟⲟⲩⲉ ⲥⲉⲛⲁϩⲉ ⲉⲙⲙⲩⲥⲧⲏⲣⲓⲟⲛ ⲙⲡⲟⲩⲟⲉⲓⲛ ⲁⲩⲱ ⲛⲥⲉϫⲓⲧⲟⲩ · ⲁⲩⲱ ⲥⲉⲛⲏⲩ ⲉϩⲣⲁⲓ ⲉⲣⲛⲙⲡⲩⲗⲏ ⲙⲡⲟⲩⲟⲉⲓⲛ · ⲛⲥⲉϩⲉ ⲉⲣⲟϥ ⲉⲁϥϫⲱⲕ ⲉⲃⲟⲗ ⲛϭⲓⲡⲁⲣⲓⲑⲙⲟⲥ ⲛⲛⲉⲯⲩⲭⲟⲟⲩⲉ ⲛⲧⲉⲗⲓⲟⲥ · ⲉⲧⲉⲛⲧⲟϥ ⲡⲉ ⲡϫⲱⲕ ⲉⲃⲟⲗ ⲙⲡϣⲟⲣⲡ ⲙⲙⲩⲥⲧⲏⲣⲓⲟⲛ · ⲁⲩⲱ ⲛⲧⲟϥ ⲡⲉ ⲡⲥⲟⲟⲩⲛ ⲙⲡⲧⲏⲣϥ ·
who have hearkened unto me, how I taught, who at the completion of the number of the perfect souls will find the mysteries of the Light and receive them and come to the gates of the Light and find that the number of the perfect souls is complete, which is the completion of the First Mystery and the gnosis of the universe.
pistis.sophia_book_1_part3:10
ⲍ ⲁⲥϣⲱⲡⲉ ϭⲉ ⲛⲧⲉⲣⲉⲓⲏⲥⲟⲩⲥ ⲟⲩⲱ ⲉϥϫⲱ ⲛⲛⲉⲓϣⲁϫⲉ ⲉⲛⲉϥⲙⲁⲑⲏⲧⲏⲥ ⲁⲥⲉⲓ ⲉⲧϩⲏ ⲛϭⲓⲙⲁⲣⲓⲁ ⲧⲉⲧⲛⲉⲥⲱⲥ ϩⲛⲧⲉⲥϭⲓⲛϣⲁϫⲉ . ⲁⲩⲱ ⲧⲙⲁⲕⲁⲣⲓⲁ ⲁⲥⲡⲁϩⲧⲥ ⲉϫⲛⲛⲟⲩⲉⲣⲏⲧⲉ ⲛⲓⲏⲥⲟⲩⲥ .
It came to pass then, when Jesus had finished saying these words unto his disciples, that Mary, the fair in her discourse and the blessed one, came forward, fell at the feet of Jesus
pistis.sophia_book_2_part3:10
ⲛⲧⲟϥ ⲡⲉ ⲡϣⲁϫⲉ ⲉⲛⲧⲁⲥϫⲟⲟϥ ⲛϭⲓⲧⲡⲓⲥⲧⲓⲥ ⲥⲟⲫⲓⲁ · ϫⲉⲁⲩⲱ ⲉⲃⲟⲗ ϩⲓⲧⲟⲟⲧⲕ ⲁⲩⲣⲁⲧϭⲟⲙ ⲛϭⲓⲛⲉⲡⲣⲟⲃⲟⲗⲟⲟⲩⲉ ⲙⲡⲁⲩⲑⲁⲇⲏⲥ ϫⲉⲁⲕϥⲓ ⲡⲟⲩⲟⲉⲓⲛ ⲛⲧⲉⲩϭⲟⲙ ϩⲣⲁⲓ ⲛϩⲏⲧⲟⲩ · ⲁⲩⲱ ⲡϣⲁϫⲉ ⲉⲛⲧⲁⲧⲉⲕϭⲟⲙ ϫⲟⲟϥ ϫⲉⲁⲧⲉⲕϭⲓϫ · ⲕⲉϩⲧⲉϩⲓⲏ ⲛⲛⲉⲕⲡⲓⲥⲧⲟⲥ ·
“--it is the word which Pistis Sophia hath spoken: 'And through thee the emanations of Self-willed became powerless, for thou hast taken from them the light of their power.' And the word which thy power hath spoken: Thy hand hath cleared the way for thy faithful,”
pistis.sophia_book_1_part7:10
ⲉⲡⲉⲓⲇⲏ ⲛⲧⲟⲟⲩ ⲡⲉ ⲉⲛⲧⲁⲩϣⲱⲡⲉ ϩⲁⲧϩⲏ ⲛⲧⲙⲛⲧⲣⲱⲙⲉ ⲛⲧⲟⲟⲩ ⲙⲛⲛⲛⲟⲩⲧⲉ ⲙⲛⲛⲁⲣⲭⲱⲛ ⲁⲩⲱ ⲛⲣⲱⲙⲉ ⲉⲧⲛⲁϫⲓ ⲙⲩⲥⲧⲏⲣⲓⲟⲛ ⲥⲉⲛⲁⲣ ϣⲟⲣⲡ ⲉⲣⲟⲟⲩ ⲉϩⲟⲩⲛ ⲉⲧⲙⲛⲧⲣⲣⲟ ⲛⲙⲡⲏⲩⲉ .
“for indeed they arose before mankind, they and the gods and the rulers; and the men who shall receive mysteries, will be first into the kingdom of heaven.”
pistis.sophia_book_1_part5:10
ⲡⲉϫⲉⲓⲏⲥⲟⲩⲥ ⲛⲓⲱϩⲁⲛⲛⲏⲥ ϫⲉϯⲕⲉⲗⲉⲩⲉ ⲛⲁⲕ · ⲁⲩⲱ ϯⲥⲩⲅⲭⲱⲣⲓ ⲛⲁⲕ ⲉⲧⲣⲉⲕϫⲱ ⲙⲡⲃⲱⲗ ⲛⲧⲙⲉⲧⲁⲛⲟⲓⲁ ⲉⲛⲧⲁⲥϫⲟⲟⲥ ⲛϭⲓⲧⲡⲓⲥⲧⲓⲥ ⲥⲟⲫⲓⲁ ·
“Jesus said unto John: I give thee commandment, and I grant thee to speak the solution of the repentance which Pistis Sophia hath uttered.”
pistis.sophia_book_2_part5:10
ϩⲟⲙⲟⲓⲱⲥ ⲟⲛ ⲡⲥⲱⲧⲏⲣ ⲛⲛⲉⲡⲣⲟⲃⲟⲗⲟⲟⲩⲉ ⲛⲧⲙⲉϩϣⲟⲙⲧⲉ ⲙⲫⲱⲛⲏ · ϥⲛⲁϣⲱⲡⲉ ϩⲙⲡⲧⲟⲡⲟⲥ ⲛⲛⲉⲯⲩⲭⲟⲟⲩⲉ ⲛⲛⲉⲣϫⲓ ⲙⲡⲙⲉϩϣⲟⲙⲛⲧ ⲙⲙⲩⲥⲧⲏⲣⲓⲟⲛ ⲛⲧⲉⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ ϩⲣⲁⲓ ϩⲛⲧⲉⲕⲗⲏⲣⲟⲛⲟⲙⲓⲁ ⲙⲡⲟⲩⲟⲉⲓⲛ ·
“In like manner also will the saviour of the emanations of the third Voice be in the region of the souls of those who have received the third mystery of the First Mystery in the E inheritances of the Light.”
pistis.sophia_book_1_part1:10
ϫⲉⲛⲧⲁⲓⲉⲓ ⲉⲃⲟⲗ ϩⲙⲡϣⲟⲣⲡ ⲙⲙⲩⲥⲧⲏⲣⲓⲟⲛ ⲉⲧⲙⲙⲁⲩ
“I am come forth out of that First Mystery,”
pistis.sophia_book_3_part2:10
ⲁϫⲓⲥ ϫⲉⲡⲕⲉⲙⲩⲥⲧⲏⲣⲓⲟⲛ ⲛⲧⲁⲛⲧⲁⲁϥ ⲛⲛⲉⲓⲯⲩⲭⲟⲟⲩⲉ ⲛⲁⲥⲉⲃⲏⲥ ⲁⲩⲱ ⲙⲡⲁⲣⲁⲛⲟⲙⲟⲥ ⲉⲙⲡⲟⲩⲉⲓⲣⲉ ⲙⲡⲉⲙⲡϣⲁ ⲙⲡⲉⲕⲙⲩⲥⲧⲏⲣⲓⲟⲛ · ⲁⲗⲗⲁ ⲁⲩⲁⲁ ⲛⲙⲡⲁⲣⲁⲇⲓⲅⲙⲁ · ⲕⲧⲟ ⲙⲡⲙⲩⲥⲧⲏⲣⲓⲟⲛ ⲉⲣⲟⲛ · ⲁⲩⲱ ⲛⲅⲁⲁⲩ ⲛⲁⲗⲗⲟⲧⲣⲓⲟⲥ ⲉⲡⲙⲩⲥⲧⲏⲣⲓⲟⲛ ⲛⲧⲉⲕⲙⲛⲧⲣⲣⲟ ϣⲁⲉⲛⲉϩ ·
and say: Thou Mystery, which we have given unto these impious and iniquitous souls who have not done what is worthy of thy mystery but have made a show of us, turn back [then] the mystery unto us and make them for ever strangers to the mystery of thy kingdom.
pistis.sophia_book_1_part4:10
ⲙⲁⲣⲟⲩϭⲱ ϩⲙⲡⲕⲁⲕⲉ ⲛⲥⲉⲧⲙⲛⲁⲩ ⲉⲃⲟⲗ ⲉⲡⲟⲩⲟⲉⲓⲛ · ⲙⲁⲣⲟⲩϭⲱϣⲧ ⲉⲡⲉⲭⲁⲟⲥ ⲛⲛⲁⲩ ⲛⲓⲙ · ⲁⲩⲱ ⲙⲡⲣⲧⲣⲉⲩϭⲱϣⲧ ⲉⲡϫⲓⲥⲉ · ⲁⲛⲓⲛⲉ ⲉϩⲣⲁⲓ ⲉϫⲱⲟⲩ ⲙⲡⲉⲩϫⲓⲕⲃⲁ · ⲁⲩⲱ ⲙⲁⲣⲉϥⲧⲁϩⲟⲟⲩ ⲛϭⲓⲡⲉⲕϩⲁⲡ · ⲙⲡⲣⲧⲣⲉⲩ ⲃⲱⲕ ⲉⲡⲉⲩⲧⲟⲡⲟⲥ ϫⲓⲛⲙⲡⲉⲓ ⲛⲁⲩ · ϩⲁⲧⲙⲡⲉⲩⲁⲩⲑⲁⲇⲏⲥ ⲛⲛⲟⲩⲧⲉ · ⲁⲩⲱ ⲙⲡⲣⲧⲣⲉⲛⲉϥⲡⲣⲟⲃⲟⲗⲟⲟⲩⲉ ⲃⲱⲕ ⲉⲛⲉⲩⲧⲟⲡⲟⲥ ϫⲓⲛⲙⲡⲉⲓ ⲛⲁⲩ · ϫⲉⲟⲩⲁⲥⲉⲃⲏⲥ ⲡⲉ · ⲁⲩⲱ ⲟⲩⲁⲩⲑⲁⲧⲏⲥ ⲡⲉ ⲡⲉⲩⲛⲟⲩⲧⲉ ⲁⲩⲱ ⲛⲉϥⲙⲉⲉⲩⲉ ⲡⲉ ϫⲉⲛⲧⲁϥⲣ ⲛⲉⲓⲡⲉⲧϩⲟⲟⲩ ⲉⲃⲟⲗ ϩⲓⲧⲟⲟⲧϥ ⲉⲛϥⲥⲟⲟⲩⲛ ⲣⲱ ⲁⲛ ϫⲉ ⲛⲥⲁⲃⲏⲗ ϫⲉⲁⲩⲑⲃⲃⲓⲟⲓ ⲕⲁⲧⲁⲡⲉⲕⲧⲱϣ ⲛⲛⲉϥⲛⲁϣϭⲙϭⲟⲙ ⲉⲣⲟⲓ ⲁⲛ ⲡⲉ · ⲁⲗⲗⲁ ⲛⲧⲉⲣⲉⲕⲑⲃⲃⲓⲟⲓ ϩⲓⲧⲙⲡⲉⲕⲧⲱϣ . ⲁⲩⲇⲓⲱⲕⲉ ⲙⲙⲟⲓ ⲛϩⲟⲩⲟ · ⲁⲩⲱ ⲁⲛⲉⲩⲡⲣⲟⲃⲟⲗⲟⲟⲩⲉ ⲟⲩⲉϩ ϩⲓⲥⲉ ⲉϫⲙⲡⲁⲑⲃⲃⲓⲟ · ⲁⲩⲱ ⲁⲩϥⲓ ⲛⲟⲩϭⲟⲙ ⲛⲟⲩⲟⲉⲓⲛ ⲛϩⲏⲧ · ⲁⲩⲱ ⲟⲛ ⲁⲩϩⲓⲧⲟⲟⲧⲟⲩ ⲛⲟⲩⲱϩⲙ · ⲁⲩϩⲱϫ ⲙⲙⲟⲓ ⲉⲙⲁϣⲟ ⲉⲧⲣⲉⲩϥⲓ ⲙⲡⲟⲩⲟⲉⲓⲛ ⲧⲏⲣϥ ⲉⲧⲛϩⲏⲧ ⲉⲧⲃⲉ ⲛⲉⲛⲧⲁⲩϫⲟⲓ ⲛϩⲏⲧⲟⲩ ·
“23. May they remain in the darkness and not behold the light; may they behold the chaos for ever, and let them not look unto the height. “24. Bring upon them their revenge, and may thy judgment lay hold upon them. “25. Let them not henceforth | come into their region to their god Self-willed, and let not his emanations henceforth come into their regions; for their god is impious and self-willed, and he thought that he had done this evil of himself, not knowing that, had I not been brought low according to thy command, he would not have had any authority over me. 26. But when thou hadst by thy command brought me low, they pursued me the more, and their emanations added pain to my humiliation. 27. And they have taken light-power from me and fallen again to pressing me sore, in order to take away all the light in me. Because of this in which they have set me,”
pistis.sophia_book_2_part9:10
ⲁⲩⲱ ⲁϫⲓⲥ ⲙⲡⲅⲉⲛⲟⲥ ⲛⲧⲙⲛⲧⲣⲱⲙⲉ ϫⲉⲁⲡⲟⲧⲁⲥⲥⲉ ⲙⲡⲕⲟⲥⲙⲟⲥ ⲧⲏⲣϥ ⲙⲛⲧϩⲩⲗⲏ ⲧⲏⲣⲥ ⲉⲧⲛϩⲏⲧϥ · ⲉⲙⲙⲟⲛ ⲡⲉⲧϫⲓ ⲁⲩⲱ ⲉⲧϯ ϩⲙⲡⲕⲟⲥⲙⲟⲥ ⲁⲩⲱ ⲉⲧⲟⲩⲱⲙ ⲁⲩⲱ ⲉⲧⲥⲱ ϩⲛⲧⲉϥϩⲩⲗⲏ · ⲁⲩⲱ ⲉⲧⲟⲛϩ ϩⲛⲛⲉϥⲣⲟⲟⲩϣ ⲧⲏⲣⲟⲩ ⲙⲛⲛⲉϥϩⲟⲙⲓⲗⲓⲁ ⲧⲏⲣⲟⲩ · ⲉϥⲥⲱⲟⲩϩ ⲛⲁϥ ⲉϩⲟⲩⲛ ⲛϩⲉⲛⲕⲉϩⲩⲗⲏ ⲉⲣⲁⲧϥ ⲛⲧⲉϥⲕⲉϩⲩⲗⲏ · ⲉⲃⲟⲗ ϫⲉⲡⲉⲓⲕⲟⲥⲙⲟⲥ ⲧⲏⲣϥ ⲙⲛⲛⲉⲧⲛϩⲏⲧϥ ⲧⲏⲣϥ · ⲙⲛⲛⲉϥϩⲟⲙⲓⲗⲓⲁ ⲧⲏⲣⲟⲩ ϩⲉⲛⲥⲟⲣⲙ ⲛϩⲩⲗⲓⲕⲟⲛ ⲛⲉ ⲁⲩⲱ ⲥⲉⲛⲁϫⲛⲉⲡⲟⲩⲁ ⲡⲟⲩⲁ ⲉⲣⲟⲟⲩ ⲉⲧⲃⲉⲡⲉⲩⲧⲃⲃⲟ ·
and say unto the race of men: Renounce the whole world and the whole matter therein. For he who buyeth and selleth in the world and he who eateth and drinketh of its matter and who liveth in all its cares and in all its associations, amasseth other additional matters to the rest of his matter, because this whole world and all therein and all its associations are material refuse [pl.], and they will make enquiry of every one concerning his purity.
pistis.sophia_book_2_part2:10
ⲛⲧⲟϥ ⲡⲉ ϣⲁϫⲉ ⲉⲛⲧⲁⲥϩⲩⲙⲛⲉⲩⲉ ⲙⲙⲟϥ ⲛϭⲓⲧⲡⲓⲥⲧⲓⲥ ⲥⲟⲫⲓⲁ · ϫⲉⲛⲧⲟⲕ ⲡⲉ ⲡⲁⲣⲉϥϣⲟⲡⲧ ⲉⲣⲟϥ · ⲁⲩⲱ ⲉⲓⲛⲏⲩ ⲉⲣⲁⲧⲕ ·
--it is the word with which Pistis Sophia hath sung praises: | 'Thou art my succour, and I come unto thee.'
pistis.sophia_book_4_part1:10
ⲉⲕⲉⲥⲱⲧⲙ ⲉⲣⲟⲓ ⲉⲧⲃⲉⲛⲁⲙⲁⲑⲏⲧⲏⲥ ⲉⲛⲧⲁⲓⲛⲧⲟⲩ ⲙⲡⲉⲕⲙⲧⲟ ⲉⲃⲟⲗ ϫⲉⲉⲩⲉⲡⲓⲥⲧⲉⲩⲉ ⲉϣⲁϫⲉ ⲛⲓⲙ ⲛⲧⲉⲧⲉⲕⲁⲗⲏⲑⲉⲓⲁ · ⲁⲩⲱ ⲛⲅⲉⲓⲣⲉ ⲛϩⲱⲃ ⲛⲓⲙ ⲉϯⲛⲁⲱϣ ⲉϩⲣⲁⲓ ⲟⲩⲃⲏⲕ ⲉⲧⲃⲏⲏⲧⲟⲩ · ϫⲉϯⲥⲟⲟⲩⲛ ⲙⲡⲣⲁⲛ ⲙⲡⲉⲓⲱⲧ ⲙⲡⲉⲑⲏⲥⲁⲩⲣⲟⲥ ⲙⲡⲟⲩⲟⲉⲓⲛ ·
“hear me for the sake of my disciples whom I have led before thee, that they may have faith in all the words of thy truth, and grant all for which I shall invoke thee; for I know the name of the father of the Treasury of the Light.”
pistis.sophia_book_4_part2:10
ⲡⲕⲱϩⲧ ⲇⲉ ⲙⲛⲡⲙⲟⲟⲩ ⲙⲛⲡⲏⲣⲡ ⲁⲩϣⲱⲡⲉ ⲉⲩⲕⲁⲑⲁⲣⲓⲍⲉ ⲛⲛⲛⲟⲃⲉ ⲧⲏⲣⲟⲩ ⲙⲡⲕⲟⲥⲙⲟⲥ ·
“And the fire, the water and the wine are for the purification of all the sins of the world.”
pistis.sophia_book_1_part6:11
ⲁⲣⲓⲡⲙⲉⲉⲩⲉ ⲛⲛⲉⲕⲙⲛⲧϣⲁⲛϩⲧⲏϥ ⲡϫⲟⲉⲓⲥ · ⲁⲩⲱ ⲛⲉⲕⲛⲁ ϫⲉⲥⲉϣⲟⲟⲡ ϫⲓⲛⲉⲛⲉϩ · ⲛⲛⲟⲃⲉ ⲛⲧⲁⲙⲛⲧⲕⲟⲩⲓ ⲙⲛⲛⲁⲧⲁⲙⲛⲧⲁⲧⲥⲟⲟⲩⲛ ⲙⲡⲣⲣⲡⲉⲩⲙⲉⲉⲩⲉ · ⲁⲣⲓⲡⲁⲙⲉⲉⲩⲉ ⲛⲧⲟϥ ⲕⲁⲧⲁⲡⲁϣⲁⲓ ⲙⲡⲉⲕⲛⲁ · ⲉⲧⲃⲉⲧⲉⲕⲙⲛⲧⲭⲣⲓⲥⲧⲟⲥ ⲡϫⲟⲉⲓⲥ · ⲟⲩⲭⲣⲓⲥⲧⲟⲥ ⲁⲩⲱ ⲉϥⲥⲟⲩⲧⲱⲛ ⲡⲉ ⲡϫⲟⲉⲓⲥ ⲉⲧⲃⲉⲡⲁⲓ ϥⲛⲁϯⲥⲃⲱ ⲛⲛⲉⲧⲣⲛⲟⲃⲉ ϩⲓⲧⲉϩⲓⲏ · ϥⲛⲁϫⲓ ⲙⲟⲉⲓⲧ ϩⲏⲧⲟⲩ ⲛⲛⲣⲙⲣⲁϣ ϩⲛⲟⲩϩⲁⲡ · ϥⲛⲁⲧⲥⲁⲃⲉ ⲛⲣⲙⲣⲁϣ ⲉⲛⲉϥϩⲓⲟⲟⲩⲉ · ⲛⲉϩⲓⲟⲟⲩⲉ ⲧⲏⲣⲟⲩ ⲙⲡϫⲟⲉⲓⲥ ϩⲉⲛⲛⲁⲛⲉ ϩⲓⲙⲉ ·
“6. Call to remembrance thy mercies, O Lord, and the favours of thy grace, for they are from eternity. “7. Remember not the sins of my youth and those of my ignorance. Remember me according to the fulness of thy mercy because of thy goodness, O Lord. “8. The Lord is gracious and sincere; therefore fore will he instruct sinners in the way. 9. He will guide the tender-hearted | in the judgment and will teach the tender-hearted his ways. 10. All the ways of the Lord are grace and truth”
pistis.sophia_book_3_part3:11
ⲉϣⲱⲡⲉ ϩⲱⲱϥ ⲟⲩⲯⲩⲭⲏ ⲧⲉ ⲉⲁⲥϫⲓⲙⲩⲥⲧⲏⲣⲓⲟⲛ ϩⲙⲡϣⲟⲣⲡ ⲛⲭⲱⲣⲏⲙⲁ ⲉⲧϩⲓⲡⲥⲁ ⲛⲃⲟⲗ · ⲁⲩⲱ ⲙⲛⲛⲥⲁⲧⲣⲉⲥ ϫⲓ ⲛⲙⲙⲩⲥⲧⲏⲣⲓⲟⲛ ⲛⲥϫⲟⲕⲟⲩ ⲉⲃⲟⲗ · ⲁⲩⲱ ⲛⲥⲕⲟⲧⲥ ⲛⲥⲣ ⲛⲟⲃⲉ ⲛⲟⲩⲱϩⲙ ⲙⲛⲛⲥⲁⲡϫⲱⲕ ⲉⲃⲟⲗ ⲛⲙⲙⲩⲥⲧⲏⲣⲓⲟⲛ ·
“If on the other hand it is a soul which hath received mysteries in the first space which is without, and if after it | hath received the mysteries it hath accomplished them, it [then] turneth and committeth sin after the accomplishing of the mysteries,”
pistis.sophia_book_2_part8:11
ⲁⲗⲗⲁ ⲥⲉⲛⲁϫⲱⲧⲉ ϩⲛⲛⲧⲟⲡⲟⲥ ⲧⲏⲣⲟⲩ · ⲁⲩⲱ ⲛⲥⲉⲟⲩⲟⲧⲃⲟⲩ ⲧⲏⲣⲟⲩ ⲉϩⲟⲩⲛ ·
but they will pass through all the regions and will cross over them all
pistis.sophia_book_3_part6:11
ⲁⲗⲗⲁ ϣⲁⲩⲛⲟⲩϩⲙ ⲉⲕⲟⲗⲁⲥⲓⲥ ⲛⲓⲙ · ⲁⲗⲗⲁ ϣⲁⲩⲕⲁⲁⲩ ϩⲙⲡⲟⲩⲟⲉⲓⲛ ⲙⲡⲉⲑⲏⲥⲁⲩⲣⲟⲥ ⲛⲥⲁⲟⲩⲥⲁⲟⲩⲁⲁⲧⲟⲩ ϩⲉⲱⲥ ϣⲁⲡⲱⲗ ⲉϩⲣⲁⲓ ⲙⲡⲧⲏⲣϥ ⲁⲩⲱ ϩⲙⲡⲉⲟⲩⲟⲉⲓϣ ⲉⲧⲟⲩⲛⲁⲥⲱⲕ ⲛⲛⲕⲁⲧⲁⲡⲉⲧⲁⲥⲙⲁ ⲙⲡⲉⲑⲏⲥⲁⲩⲣⲟⲥ ⲙⲡⲟⲩⲟⲉⲓⲛ ·
But they save them from all chastisements and put them into the light of the Treasury, separated and apart by themselves alone until the ascension of the universe. And at the time when they will draw apart the veils of the Treasury of the Light,
pistis.sophia_book_1_part4:11
ⲙⲡⲣⲧⲣⲉⲩⲃⲱⲕ ⲉϩⲣⲁⲓ ⲉⲡⲙⲉϩⲙⲛⲧϣⲟⲙⲧⲉ ⲛⲁⲓⲱⲛ ⲡⲧⲟⲡⲟⲥ ⲛⲧⲇⲓⲕⲁⲓⲟⲥⲩⲛⲏ · ⲁⲩⲱ ⲙⲡⲣⲧⲣⲉⲩⲱⲡ ⲉϩⲟⲩⲛ ⲉⲡⲉⲕⲗⲏⲣⲟⲥ ⲛⲛⲉⲧⲟⲩⲥⲱⲧϥ ⲙⲙⲟⲟⲩ · ⲙⲛⲡⲉⲩⲟⲩⲟⲉⲓⲛ · ⲁⲩⲱ ⲙⲡⲣⲧⲣⲉⲩⲱⲡ ⲉϩⲟⲩⲛ ⲉⲛⲉⲧⲛⲁⲙⲉⲧⲁⲛⲟⲉⲓ ϩⲛⲟⲩϭⲉⲡⲏ · ⲉⲧⲣⲉⲩϫⲓⲙⲩⲥⲧⲏⲣⲓⲟⲛ ϩⲛⲟⲩϭⲉⲡⲏ ϩⲙⲡⲟⲩⲟⲉⲓⲛ · ⲉⲃⲟⲗ ϫⲉⲁⲩϥⲓ ⲡⲁⲟⲩⲟⲉⲓⲛ ⲁⲛⲟⲕ ⲛϩⲏⲧ · ⲁⲩⲱ ⲁⲧⲁϭⲟⲙ ⲁⲣϫⲉⲓ ⲛⲱϫⲛ ϩⲣⲁⲓ ⲛϩⲏⲧ · ⲁⲩⲱ ⲁⲓϣⲱⲱⲧ ⲙⲡⲁⲟⲩⲟⲉⲓⲛ · ⲧⲉⲛⲟⲩ ϭⲉ ⲡⲟⲩⲟⲉⲓⲛ ⲉⲧⲛϩⲏⲧⲕⲡⲉⲧϣⲟⲟⲡ ⲛⲙⲙⲁⲓ ϯϩⲩⲙⲛⲉⲩⲉ ⲉⲡⲉⲕⲣⲁⲛ ⲡⲟⲩⲟⲉⲓⲛ ϩⲛⲟⲩⲉⲟⲟⲩ · ⲁⲩⲱ ⲡⲁϩⲩⲙⲛⲟⲥ ⲡⲟⲩⲟⲉⲓⲛ ⲙⲁⲣⲉϥⲣⲁⲛⲁⲕ ⲛⲧϩⲉ ⲛⲟⲩⲙⲩⲥⲧⲏⲣⲓⲟⲛ ⲉϥⲟⲩⲟⲧⲃ ·
“let them not ascend to the thirteenth æon, the region of Righteousness. “28. But let them not be reckoned in the lot of those who purify themselves and the light, and let them not be reckoned with those who will quickly repent, that they may quickly receive mysteries in the Light. “29. For they have taken my light from me, and my power hath begun to cease in me and I am destitute of my light. 30. Now, therefore, O Light, which is in thee and is with me, I sing praises to thy name, O Light, in glory. 31. May my song of praise please thee, O Light, as an excellent mystery,”
pistis.sophia_book_2_part6:11
ϩⲁⲡⲗⲱⲥ ⲟⲩⲛⲧⲁϥ ⲙⲙⲁⲩ ⲛⲧⲉⲝⲟⲩⲥⲓⲁ ⲉⲙⲟⲩϣⲧ ⲛⲛⲧⲟⲡⲟⲥ ⲧⲏⲣⲟⲩ ⲛⲛⲉⲕⲗⲏⲣⲟⲛⲟⲙⲓⲁ ⲛⲧⲉⲡⲟⲩⲟⲉⲓⲛ · ⲁⲩⲱ ⲟⲩⲛⲧⲁϥ ⲙⲙⲁⲩ ⲛⲧⲉⲝⲟⲩⲥⲓⲁ ⲉⲧⲣⲉϥϭⲱ ϩⲙⲡⲧⲟⲡⲟⲥ ⲉⲧⲉϩⲛⲁϥ ϩⲣⲁⲓ ϩⲛⲧⲉⲕⲗⲏⲣⲟⲛⲟⲙⲓⲁ ⲛⲧⲙⲛⲧⲣⲣⲟ ⲙⲡⲟⲩⲟⲉⲓⲛ · ⲁⲩⲱ ϩⲁⲙⲏⲛ ϯϫⲱ ⲙⲙⲟⲥ ⲉⲣⲱⲧⲛ ϫⲉⲡⲣⲱⲙⲉ ⲉⲧⲙⲙⲁⲩ ϩⲙⲡⲃⲟⲗ ⲉⲃⲟⲗ ⲙⲡⲕⲟⲥⲙⲟⲥ · ϥⲛⲁϣⲱⲡⲉ ⲉϥⲟ ⲛⲣⲣⲟ ⲉϩⲣⲁⲓ ⲉϫⲛⲛⲧⲁⲝⲓⲥ ⲧⲏⲣⲟⲩ ⲛⲧⲉⲕⲗⲏⲣⲟⲛⲟⲙⲓⲁ · ⲁⲩⲱ ⲡⲉⲧⲛⲁϫⲓ ⲙⲡⲙⲩⲥⲧⲏⲣⲓⲟⲛ ⲙⲡⲓⲁⲧϣⲁϫⲉ ⲉⲣⲟϥ ⲡⲉⲧⲙⲙⲁⲩ ⲡⲉ ⲉⲧⲉⲁⲛⲟⲕ ⲡⲉ · ⲡⲙⲩⲥⲧⲏⲣⲓⲟⲛ ⲉⲧⲙⲙⲁⲩ ⲛⲧⲟϥ ⲡⲉⲧⲥⲟⲩⲛ ϫⲉⲉⲧⲃⲉⲟⲩ ⲁⲡⲕⲁⲕⲉ ϣⲱⲡⲉ ·
“in a word, he hath the power to pass through all the regions of the inheritances of the Light, and he hath the power to bide in the region where he pleaseth, in the Inheritance of the Light-kingdom. And amēn, I say unto you: That man will at the dissolution of the world be king over all the orders of the Inheritance of the Light. And he who shall receive that mystery of the Ineffable which I am, That mystery knoweth why the darkness hath arisen”
pistis.sophia_book_3_part4:11
ⲉⲓⲥϩⲏⲏⲧⲉ ⲙⲉⲛ ϩⲛⲟⲩⲡⲁⲣⲣⲏⲥⲓⲁ ⲁⲛⲉⲓⲙⲉ ⲉⲡⲧⲩⲡⲟⲥ ⲉϣⲁⲣⲉⲛⲃⲁⲡⲧⲓⲥⲙⲁ ⲕⲁⲛⲟⲃⲉ ⲉⲃⲟⲗ ·
Lo, in openness have we known the type in which the baptisms forgive sins.
pistis.sophia_book_2_part4:11
ⲁⲩⲱ ⲛⲥⲉⲛⲟϫⲥ ⲉⲡⲉⲥⲏⲧ ⲉⲡⲉⲭⲁⲟⲥ ⲉⲛⲧⲁϥⲧⲁⲙⲓⲟϥ · ⲛⲥⲉϩⲱϫ ⲙⲙⲟⲥ ϩⲙⲡⲙⲁ ⲉⲧⲙⲙⲁⲩ · ⲁⲩⲱ ⲛⲥⲉϣⲧⲣⲧⲱⲣⲥ ϣⲁⲛⲧⲟⲩϥⲓⲡⲉⲥⲟⲩⲟⲉⲓⲛ ⲛϩⲏⲧⲥ ⲁⲥϣⲱⲡⲉ ϭⲉ ⲛⲧⲉⲣⲉⲧⲡⲓⲥⲧⲓⲥ ⲥⲟⲫⲓⲁ ⲛⲁⲩ ⲉⲧⲉⲡⲣⲟⲃⲟⲗⲏ ⲥⲛⲧⲉ ⲛⲕⲁⲕⲉ ⲉⲧⲙⲙⲁⲩ . ⲁⲩⲱ ⲙⲡⲧⲟⲡⲟⲥ ⲛⲕⲁⲕⲉ · ⲛⲁⲓ ⲉⲛⲧⲁϥⲧⲁⲙⲓⲟⲟⲩ ⲛϭⲓⲡⲁⲇⲁⲙⲁⲥ .
and cast her down into the chaos which he had made, and constrain and harass her in that region, until they should take her light from her. It came to pass then, when Pistis Sophia had seen those two dark emanations and the dark region which Adamas had made,
pistis.sophia_book_4_part3:11
ⲡϣⲏⲣⲉ ⲙⲡⲉⲧⲟⲩⲁⲁⲃ' ⲛⲅϣⲛϩⲧⲏⲕ ϩⲁⲣⲟⲛ ϫⲉⲉⲛⲉⲟⲩϫⲁⲓ ⲉⲛⲉⲓⲕⲟⲗⲁⲥⲓⲥ ⲙⲛⲛⲉⲓⲕⲣⲓⲥⲓⲥ ⲉⲩⲥⲃⲧⲱⲧ ⲛⲣⲣⲉϥⲣⲛⲟⲃⲉ ·
son of the Holy [One], and have compassion with us, that we may be saved from these chastisements and these judgments which are prepared for the sinners;
pistis.sophia_book_1_part2:11
ⲁⲩⲱ ⲡⲉⲓⲉⲛⲇⲩⲙⲁ ⲉⲧⲁⲛⲧⲛⲛⲟⲟⲩϥ ⲛⲁⲕ ⲧⲉⲛⲟⲩ ⲉϥⲛϩⲏⲧϥ ⲛϭⲓⲡⲉⲟⲟⲩ ⲙⲡⲣⲁⲛ ⲙⲡⲙⲩⲥⲧⲏⲣⲓⲟⲛ ⲙⲡⲙⲏⲛⲉⲩⲧⲏⲥ ⲉⲧⲉⲛⲧⲟϥ ⲡⲉ ⲡϣⲟⲣⲡ ⲛⲧⲱϣ ·
“And in this [third] vesture, which we have just sent thee, is the glory of the name of the mystery of the Revealer, which is the First Commandment,”
pistis.sophia_book_1_part5:11
ⲍ ⲁϥⲟⲩⲱϣⲃ ⲛϭⲓⲓⲱϩⲁⲛⲛⲏⲥ ⲡⲉϫⲁϥ ϫⲉⲡⲁϫⲟⲉⲓⲥ ⲡⲥⲱⲧⲏⲣ ⲉⲧⲃⲉ ⲧⲉⲓⲙⲉⲧⲁⲛⲟⲓⲁ ⲉⲛⲧⲁⲥϫⲟⲟⲥ ⲛϭⲓⲧⲡⲓⲥⲧⲓⲥ ⲥⲟⲫⲓⲁ .
“John answered and said: My Lord and Saviour, concerning this repentance which Pistis Sophia hath uttered,”
pistis.sophia_book_3_part7:11
ⲁⲩⲱ ϣⲁⲩⲥⲫⲣⲁⲅⲓⲍⲉ ⲙⲡⲉϩⲟⲟⲩ ⲉⲛⲧⲁⲧⲉⲯⲩⲭⲏ ⲉⲓ ⲉⲃⲟⲗ ϩⲛⲛⲁⲣⲭⲱⲛ ⲉϣⲁⲩⲥⲫⲣⲁⲅⲓⲍⲉ ⲙⲙⲟϥ ⲉⲡⲉⲕⲣⲁⲛⲓⲟⲛ ⲙⲡⲉⲡⲗⲁⲥⲙⲁ ·
and they seal the day on which the soul hath come forth out of the rulers, they seal it on the [left of] the skull of the plasm;
pistis.sophia_book_3_part1:11
ⲁϫⲓⲥ ⲉⲣⲟⲟⲩ ϫⲉⲁⲡⲟⲧⲁⲥⲥⲉ ⲛⲛⲓϯϭⲉ ⲉⲧϩⲟⲟⲩ ⲛⲧⲉⲧⲛⲙⲡϣⲁ ⲛⲙⲙⲩⲥⲧⲏⲣⲓⲟⲛ ⲙⲡⲟⲩⲟⲉⲓⲛ ⲛⲧⲉⲧⲛⲛⲟⲩϩⲙ ⲉⲛⲕⲟⲗⲁⲥⲓⲥ ⲉⲧϩⲛⲁⲙⲛⲧⲉ ·
“Say unto them: | Renounce craftiness, that ye may be worthy of the mysteries of the Light and be saved from the chastisements which are in Amente.”
pistis.sophia_book_4_part2:11
ⲡⲉⲥⲛⲟϥ ϩⲱⲱϥ ⲁϥϣⲱⲡⲉ ⲛⲁⲓ ⲙⲙⲁⲉⲓⲛ ⲉⲧⲃⲉⲡⲥⲱⲙⲁ ⲛⲧⲙⲛⲧⲣⲱⲙⲉ · ⲡⲁⲓ ⲉⲛⲧⲁⲓϫⲓⲧϥ ϩⲙⲡⲧⲟⲡⲟⲥ ⲛⲧⲃⲁⲣⲃⲏⲗⲟⲥ ϯⲛⲟϭ ⲛⲇⲩⲛⲁⲙⲓⲥ ⲛⲧⲉⲡⲁϩⲟⲣⲁⲧⲟⲥ ⲛⲛⲟⲩⲧⲉ ·
The blood on the other hand was for a sign unto me because of the human body which I received in the region of Barbēlō, the great power of the invisible god.
pistis.sophia_book_3_part2:11
ⲁⲩⲱ ⲛⲟⲩϩⲉ ⲉⲃⲟⲗ ⲙⲡϣⲟⲉⲓϣ ⲛⲛⲉⲧⲛⲟⲩⲉⲣⲏⲧⲉ ⲉⲩⲙⲛⲧⲙⲛⲧⲣⲉ ⲛⲁⲩ ⲉⲧⲉⲧⲛϫⲱ ⲙⲙⲟⲥ ⲛⲁⲩ ϫⲉⲉⲣⲉⲛⲉⲧⲛⲯⲩⲭⲟⲟⲩⲉⲣⲟ ⲉⲙⲡϣⲟⲉⲓϣ ⲙⲡⲉⲧⲛⲏⲓ ·
And shake ye off the dust of your feet as a witness against them, saying: May your souls be as the dust of your house.
pistis.sophia_book_3_part5:11
ⲁⲩⲱ ⲥⲉⲛⲁϩⲉ ⲉⲣⲟⲥ ⲉⲁⲓϣⲧⲁⲙⲉⲣⲛⲙⲡⲩⲗⲏ ⲙⲡⲟⲩⲟⲉⲓⲛ · ⲁⲩⲱ ⲙⲛϭⲟⲙ ⲉⲧⲣⲉⲁⲁⲩ ⲉⲓ ⲉϩⲟⲩⲛ · ⲏ ⲉⲧⲣⲉⲗⲁⲁⲩ ⲉⲓ ⲉⲃⲟⲗ ϫⲓⲛⲡⲉⲓⲛⲁⲩ ·
And they will find that I have shut the gates of the Light and that it is impossible that any one should enter in or that any one should go forth from this hour.
pistis.sophia_book_1_part3:11
ⲡⲉϫⲁⲥ ϫⲉⲡⲁϫⲟⲉⲓⲥ ⲁⲛⲉⲭⲉ ⲙⲙⲟⲓ ⲛⲧⲁϣⲁϫⲉ ⲙⲡⲉⲕⲙⲧⲟ ⲉⲃⲟⲗ · ⲁⲩⲱ ⲙⲡⲣϭⲱⲛⲧ ⲉⲣⲟⲓ ϫⲉϯⲟⲩⲉϩϩⲓⲥⲉ ⲉⲣⲟⲕ ⲛⲟⲩⲙⲏⲏϣⲉ ⲛⲥⲟⲡ ⲉⲓϣⲓⲛⲉ ⲙⲙⲟⲕ ·
“and said: My Lord, suffer me that I speak before thee, and be | not wroth with me, if oft I give thee trouble questioning thee.”
pistis.sophia_book_1_part7:11
ⲡⲉϫⲁϥ ⲛⲁⲥ ⲛϭⲓⲓⲏⲥⲟⲩⲥ ϫⲉⲉⲩⲅⲉⲙⲁⲣⲓϩⲁⲙ · ⲁϥⲟⲩⲱϩ ⲟⲛ ⲉⲧⲟⲟⲧϥ ⲛϭⲓⲓⲏⲥⲟⲩⲥ ⲡⲉϫⲁϥ ⲛⲛⲉϥⲙⲁⲑⲏⲧⲏⲥ · ϫⲉⲁⲥϣⲱⲡⲉ ϭⲉ ⲛⲧⲉⲣⲉⲥⲧⲁⲩⲉⲧⲙⲉϩⲯⲓⲧⲉ ⲙⲙⲉⲧⲁⲛⲟⲓⲁ ⲛϭⲓⲧⲡⲓⲥⲧⲓⲥ ⲥⲟⲫⲓⲁ · ⲁⲥϩⲱϫ ⲟⲛ ⲙⲙⲟⲥ ⲛϭⲓϯϭⲟⲙ ⲛϩⲟ ⲙⲙⲟⲩⲓ · ⲉⲥⲟⲩⲉϣ ϥⲓϭⲟⲙ ⲛⲓⲙ ⲛϩⲏⲧⲥ ·
“Jesus said unto her: Well said, Mary.” Jesus continued again and said unto his disciples: “It came to pass then, when Pistis Sophia had proclaimed the ninth repentance, that the lion-faced power oppressed her again, desiring to take away all powers from her.”
pistis.sophia_book_1_part8:11
ⲁⲓⲧⲣⲉϯϭⲟⲙ ⲛⲟⲩⲟⲉⲓⲛ ⲉⲛⲧⲁⲓϫⲟⲟⲩⲥ ⲛⲁⲥ ⲉⲧⲣⲉⲥⲛⲁϩⲙⲉⲥ ⲁⲓⲧⲣⲉⲥⲣⲟⲩⲕⲗⲟⲙ ⲛⲟⲩⲟⲉⲓⲛ ⲉⲧⲉⲥⲁⲡⲉ · ϫⲉⲛⲛⲉⲩⲉϣ ϭⲙϭⲟⲙ ⲉⲣⲟⲥ ϫⲓⲛⲙⲡⲉⲉⲓ ⲛⲁⲩ ⲛϭⲓⲛⲉⲡⲣⲟⲃⲟⲗⲟⲟⲩⲉ ⲙⲡⲁⲩⲑⲁⲧⲏⲥ ⲁⲩⲱ ⲛⲧⲉⲣⲉⲥⲣⲟⲩⲕⲗⲟⲙ ⲛⲟⲩⲟⲉⲓⲛ ⲉⲧⲉⲥⲁⲡⲉ . ⲁⲩⲕⲓⲙ ⲉⲛϩⲩⲗⲏ ⲧⲏⲣⲟⲩ ⲉⲧⲛϩⲏⲧⲥ · ⲁⲩⲱ ⲁⲩⲥⲱⲧϥ ⲉⲃⲟⲗ ⲧⲏⲣⲟⲩ ⲛϩⲏⲧⲥ .
that I made the light-power, which I had sent to save her, become a light-wreath on her head, so that from now on the emanations of Self-willed could not have dominion over her. And when it had become a light-wreath round her head, all the evil matters in her were shaken and all were purified in her.
pistis.sophia_book_4_part1:11
ⲡⲁⲗⲓⲛ ⲟⲛ ⲁϥⲱϣ ⲉⲃⲟⲗ ⲛϭⲓⲓⲏⲥⲟⲩⲥ ⲉⲧⲉⲁⲃⲉⲣⲁⲛⲉⲛⲑⲱⲣ ⲡⲉ ⲉϥϫⲱ ⲙⲙⲟⲥ ⲡⲣⲁⲛ ⲙⲡⲉⲓⲱⲧ ⲙⲡⲉⲑⲏⲥⲁⲩⲣⲟⲥ ⲙⲡⲟⲩⲟⲉⲓⲛ .
Again did Jesus,--that is Aberamenthō,--make invocation, speaking the name of the father of the Treasury of the Light,
pistis.sophia_book_2_part5:11
ⲁⲩⲱ ⲡⲥⲱⲧⲏⲣ ⲛⲛⲉⲡⲣⲟⲃⲟⲗⲟⲟⲩⲉ ⲛⲧⲙⲉϩϥⲧⲟ ⲙⲫⲱⲛⲏ ⲙⲡⲉⲑⲏⲥⲁⲩⲣⲟⲥ ⲙⲡⲟⲩⲟⲉⲓⲛ ϥⲛⲁϣⲱⲡⲉ ϩⲙⲡⲧⲟⲡⲟⲥ ⲛⲛⲉⲯⲩⲭⲟⲟⲩⲉ ⲛⲛⲉⲣϫⲓ ⲙⲡⲙⲁϩϥⲧⲟⲟⲩ ⲙⲙⲩⲥⲧⲏⲣⲓⲟⲛ ⲛⲧⲉⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ ϩⲛⲛⲉⲕⲗⲏⲣⲟⲛⲟⲙⲓⲁ ⲙⲡⲟⲩⲟⲉⲓⲛ ·
“And the saviour of the emanations of the fourth Voice of the Treasury of the Light will be in the region of the souls of those who have received the fourth mystery of the First Mystery in the inheritances of the Light.”
pistis.sophia_book_1_part1:11
ⲉⲧⲉⲛⲧⲟϥ ⲡⲉ ⲡϩⲁⲉ ⲙⲙⲩⲥⲧⲏⲣⲓⲟⲛ ⲉⲧⲉⲡⲙⲉϩϫⲟⲩⲧⲁϥⲧⲉ ⲡⲉ
“which is the last mystery, that is the four-and-twentieth mystery.”
pistis.sophia_book_2_part3:11
ⲛⲧⲟϥ ⲡⲉ ⲡϣⲁϫⲉ ⲉⲛⲧⲁⲥϫⲟⲟϥ ⲛϭⲓⲧⲡⲓⲥⲧⲓⲥ ⲥⲟⲫⲓⲁ ϫⲉⲁⲕⲥⲟⲩⲧⲛⲧⲁϩⲓⲏ ⲉⲛⲧ ⲉⲃⲟⲗ ϩⲙⲡⲉⲭⲁⲟⲥ ϫⲉⲁⲓⲡⲓⲥⲧⲉⲩⲉ ⲉⲣⲟⲕ : ⲁⲩⲱ ⲡϣⲁϫⲉ ⲉⲛⲧⲁⲧⲉⲕϭⲟⲙ ϫⲟⲟϥ · ϫⲉⲁⲕⲥⲟⲧⲟⲩ ⲉⲃⲟⲗ ϩⲛⲛⲧⲁⲫⲟⲥ ⲁⲩⲱ ⲁⲕⲡⲟⲟⲛⲟⲩ ⲉⲃⲟⲗ ϩⲛⲧⲙⲏⲧⲉ ⲛⲛⲕⲱⲱⲥ .
“--it is the word which Pistis Sophia hath spoken: 'Thou hast made straight my way to lead me out of the chaos, because I have had faith in thee.' And the word which thy power hath spoken: 'Thou hast freed them out of the tombs and hast removed them from the midst of the corpses,”
pistis.sophia_book_2_part7:11
ⲁⲩⲱ ⲉⲑⲃⲉⲟⲩ ⲁⲩⲡⲣⲟⲉⲗⲑⲉ ⲉⲃⲟⲗ ϩⲛⲛⲓⲁⲡⲁⲧⲱⲣ . ⲁⲩⲱ ⲡⲙⲩⲥⲧⲏⲣⲓⲟⲛ ⲉⲧⲙⲙⲁⲩ ⲛⲧⲟϥ ⲡⲉⲧⲥⲟⲟⲩⲛ ϫⲉⲉⲧⲃⲉⲟⲩ ⲁⲩⲥⲕⲩⲗⲗⲉⲓ ⲙⲙⲟⲟⲩ ⲛϭⲓⲡⲓⲙⲛⲧⲥⲛⲟⲟⲩⲥ ⲛⲁⲥⲏⲙⲁⲛⲧⲟⲥ ·
“and wherefor they have come forth from the Fatherless. And that mystery knoweth wherefor the twelve Undesignatables have rent themselves asunder”
pistis.sophia_book_2_part2:11
ⲁⲩⲱ ⲟⲛ ⲡϣⲁϫⲉ ⲛⲧⲁⲧⲉⲕϭⲟⲙ ϫⲟⲟϥ ϫⲉⲡⲁⲛⲟⲩⲧⲉ ⲉⲉⲓⲛⲁϩⲧⲉ ⲉⲣⲟⲕ . ⲛⲧⲟⲕ ⲡⲉⲧⲛⲁⲧⲟⲩϫⲟⲓ ⲉⲧϭⲟⲣϭⲥ ⲛⲛϭⲉⲣⲏϭ ⲁⲩⲱ ⲉⲩϣⲁϫⲉ ⲉϥⲛⲁϣⲧ ·
“And again the word which thy power hath spoken: 'My God, in whom I trust, thou wilt save me out of the snare of the hunters and from mighty word,”
pistis.sophia_book_2_part1:11
ⲧϩⲩⲗⲏ ϭⲉ ⲉⲧⲙⲙⲁⲩ ⲛⲧⲉⲧⲃⲁⲣⲃⲏⲗⲱ ⲛⲧⲟⲥ ⲧⲉⲧϣⲟⲟⲡ ⲛⲁⲕ ⲛⲥⲱⲙⲁ ⲙⲡϩⲟⲟⲩ · ⲁⲩⲱ ⲧⲇⲓⲕⲁⲓⲟⲥⲩⲛⲏ ⲙⲛϯⲉⲓⲣⲏⲛⲏ ⲉⲛⲧⲁⲩϯⲡⲓ ⲉⲣⲛⲛⲉⲩⲉⲣⲏⲩ ·
“That matter of Barbēlō then it is which is body for thee to-day. And 'righteousness and peace' which 'kissed each other,”
pistis.sophia_book_2_part9:11
ⲉⲧⲃⲉⲡⲁⲓ ⲟⲩⲛ ⲁⲓϫⲟⲟⲥ ⲉⲣⲱⲧⲛ ⲙⲡⲓⲟⲩⲟⲉⲓϣ ϫⲉⲁⲡⲟⲧⲁⲥⲥⲉ ⲙⲡⲕⲟⲥⲙⲟⲥ ⲧⲏⲣϥ ⲙⲛⲧϩⲩⲗⲏ ⲧⲏⲣⲥ ⲉⲧⲛϩⲏⲧϥ ϫⲉⲛⲛⲉⲧⲛⲥⲱⲟⲩϩ ⲛⲏⲧⲛ ⲉϩⲟⲩⲛ ⲛⲕⲉϩⲩⲗⲏ ⲉⲣⲁⲧⲥ ⲛⲧⲉⲧⲛⲕⲉϩⲩⲗⲏ ⲉⲧⲛϩⲏⲧⲟⲩ ·
“For this cause, therefore, I have said unto you aforetime: Renounce the whole world and the whole matter therein, that ye may not amass other additional matter to the rest of your matter in you.”
pistis.sophia_book_3_part4:12
ⲧⲉⲛⲟⲩ ϩⲱⲱϥ ⲡⲙⲩⲥⲧⲏⲣⲓⲟⲛ ⲙⲡⲉⲓϣⲟⲙⲛⲧ ⲛⲭⲱⲣⲏⲙⲁ · ⲙⲛⲙⲙⲩⲥⲧⲏⲣⲓⲟⲛ ⲙⲡⲉⲓϣⲟⲣⲡ ⲙⲙⲩⲥⲧⲏⲣⲓⲟⲛ · ⲙⲛⲙⲙⲩⲥⲧⲏⲣⲓⲟⲛ ⲙⲡⲓⲁⲧϣⲁϫⲉ ⲉⲣⲟϥ · ⲉϣⲁⲩⲕⲁⲛⲟⲃⲉ ⲉⲃⲟⲗ ⲛⲁϣ ⲛⲧⲩⲡⲟⲥ · ⲉϣⲁⲩⲕⲱ ⲉⲃⲟⲗ ⲙⲡⲧⲩⲡⲟⲥ ⲛⲛⲃⲁⲡⲧⲓⲥⲙⲁ ϫⲛⲙⲙⲟⲛ · ⲁϥⲟⲩⲱϣⲃ ⲟⲛ ⲛϭⲓⲡⲥⲱⲧⲏⲣ ⲡⲉϫⲁϥ ϫⲉⲙⲙⲟⲛ · ⲁⲗⲗⲁ ⲙⲙⲩⲥⲧⲏⲣⲓⲟⲛ ⲧⲏⲣⲟⲩ ⲙⲡϣⲟⲙⲛⲧ ⲛⲭⲱⲣⲏⲙⲁ ⲉϣⲁⲩⲕⲱ ⲉⲃⲟⲗ ϩⲛⲧⲉⲯⲩⲭⲏ · ⲁⲩⲱ ⲛⲧⲟⲡⲟⲥ ⲧⲏⲣⲟⲩ ⲛⲧⲉⲛⲁⲣⲭⲱⲛ ⲛⲛⲛⲟⲃⲉ ⲧⲏⲣⲟⲩ ⲛⲧⲁⲥⲁⲁⲩ ⲛϭⲓⲧⲉⲯⲩⲭⲏ ϫⲓⲛⲛϣⲟⲣⲡ ϣⲁⲩⲕⲁⲁⲩ ⲛⲁⲥ ⲉⲃⲟⲗ ·
“Now on the other hand the mystery of these three spaces and the mysteries of this First Mystery and the mysteries of the Ineffable, in what type do they forgive sins? Do they forgive in the type | of the baptisms, or not?” Of the forgiveness of sins according to the higher mysteries.The Saviour answered again and said: “Nay, but all the mysteries of the three spaces forgive the soul in all the regions of the rulers all the sine which the soul hath committed from the beginning onwards. They forgive it,”

Coptic SCRIPTORIUM, corpus pistis.sophia (github.com/CopticScriptorium/corpora). Licence as stated per document in the project's own meta.json and checked there at parse time. English, where present, is Coptic SCRIPTORIUM's aligned translation. Licence: CC-BY 4.0. Source.