Pistis Sophia

Coptic literature (Coptic SCRIPTORIUM) · 2,323 sections

pistis.sophia_book_3_part4:4
ⲁⲩⲱ ⲟⲛ ⲁⲕⲡⲟⲣϫ ⲉⲃⲟⲗ ⲫⲁⲛⲉⲣⲱⲥ ⲉⲕϫⲱ ⲙⲙⲟⲥ ϫⲉⲟⲩⲛⲧⲁⲓ ⲟⲩⲃⲁⲡⲧⲓⲥⲙⲁ ⲙⲙⲁⲩ ⲉⲃⲁⲡⲧⲓⲍⲉ ⲛϩⲏⲧϥ · ⲁⲩⲱ ⲛⲁϣ ⲛϩⲉ ϯⲛⲁⲁⲛⲉⲭⲉ ϣⲁⲛⲧϥϫⲱⲕ' ⲉⲃⲟⲗ · ⲉⲧⲉⲧⲛⲙⲉⲉⲩⲉ ϫⲉⲛⲧⲁⲓⲉⲓ ⲉⲛⲟⲩϫⲉ ⲛⲟⲩⲉⲓⲣⲏⲛⲏ ⲉϫⲙⲡⲕⲁϩ · ⲙⲙⲟⲛ · ⲁⲗⲗⲁ ⲟⲩ ⲡⲱⲣϫ ⲡⲉⲛⲧⲁⲓⲉⲓ ⲉⲛⲟⲩϫⲉ ⲙⲙⲟϥ · ϫⲓⲛⲧⲉⲛⲟⲩ ⲅⲁⲣ ⲟⲩⲛϯⲟⲩ ⲛⲁϣⲱⲡⲉ ϩⲛⲟⲩⲏⲓ ⲛⲟⲩⲱⲧ · ⲟⲩⲛϣⲟⲙⲛⲧ ⲛⲁⲡⲱϣ ⲉϫⲛⲥⲛⲁⲩ · ⲁⲩⲱ ⲥⲛⲁⲩ ⲉϫⲛϣⲟⲙⲛⲧ ·
And again thou hast distinguished it clearly, saying: 'I have a baptism, to baptize in it; and how shall I endure until it is accomplished? Think ye I am come to cast peace on the earth? Nay, but I am come to cast division. For from now on five will be in one house; three will be divided against two, and two against three.'
pistis.sophia_book_2_part3:4
ⲛⲧⲟϥ ⲡⲉ ⲡϣⲁϫⲉ ⲉⲛⲧⲁⲥϫⲟⲟϥ ⲛϭⲓⲧⲡⲓⲥⲧⲓⲥ ⲥⲟⲫⲓⲁ ϫⲉⲁⲩⲱ ⲛⲧⲟⲕ ⲡⲉⲛⲧⲁⲕϫⲱⲱⲣⲉ ⲛⲥⲁⲃⲟⲗ ⲙⲙⲟⲓ ⲛⲛⲉⲡⲣⲟⲃⲟⲗⲟⲟⲩⲉ ⲧⲏⲣⲟⲩ ⲙⲡⲁⲩⲑⲁⲇⲏⲥ ⲛⲁⲓ ⲉⲛⲉⲩϩⲱϫ ⲙⲙⲟⲓ · ⲁⲩⲱ ⲛⲁⲓ ⲉⲛⲉⲩⲟ ⲛϫⲁϫⲉ ⲉⲣⲟⲓ · ⲁⲩⲱ ⲡϣⲁϫⲉ ⲉⲛⲧⲁⲧⲉⲕϭⲟⲙ ϫⲟⲟϥ ϫⲉⲡⲉⲛⲧⲁϥϯ ⲛⲁⲓ ⲛⲧⲉϥⲥⲟⲫⲓⲁ ⲉϩⲣⲁⲓ ⲉϫⲛϩⲉⲛⲙⲣⲣⲉ ⲉⲃⲟⲗⲟⲩ ⲉⲃⲟⲗ ·
“--it is the word which Pistis Sophia hath spoken: 'Thou hast scattered far from me all the emanations of Self-willed which constrained me and were hostile to me.' And the word which thy power hath spoken: 'Who hath bestowed on me wisdom over the bonds, to unloose them,”
pistis.sophia_book_1_part8:4
ⲁⲥⲉⲓ ⲉⲧϩⲏ ⲛϭⲓⲥⲁⲗⲱⲙⲏ ⲡⲉϫⲁⲥ ϫⲉⲡⲁϫⲟⲉⲓⲥ ⲧⲁϭⲟⲙ ⲁⲛⲁⲅⲕⲁⲍⲉ ⲙⲙⲟⲓ ⲉⲧⲣⲁϫⲱ ⲙⲡⲃⲱⲗ ⲛⲛϣⲁϫⲉ ⲛⲧⲁⲥϫⲟⲟⲩ ⲛϭⲓⲧⲡⲓⲥⲧⲓⲥ ⲥⲟⲫⲓⲁ ·
“that Salome came forward and said: My Lord, my power constraineth me to speak the solution of the words which Pistis Sophia hath uttered.”
pistis.sophia_book_2_part8:4
ⲁⲩⲱ ⲧⲉⲯⲩⲭⲏ ⲉⲧⲙⲙⲁⲩ ⲛⲁⲣⲟⲩⲛⲟϭ ⲛϣⲗⲓϭ ⲛⲟⲩⲟⲉⲓⲛ ⲛⲧⲟⲟⲧⲟⲩ ⲛⲙⲡⲁⲣⲁⲗⲏⲙⲡⲧⲱⲣ ⲛⲉⲣⲓⲛⲁⲓⲟⲥ ⲁⲩⲱ ⲙⲡⲁⲣⲁⲗⲏⲙⲡⲧⲏⲥ ⲉⲧⲙⲙⲁⲩ ⲛⲁⲣϩⲟⲧⲉ ϩⲏⲧϥ ⲙⲡⲟⲩⲟⲉⲓⲛ ⲛⲧⲉⲯⲩⲭⲏ ⲉⲧⲙⲙⲁⲩ ·
And that soul will become a great light-stream in the hands of the retributive receivers; and those receivers will be afraid of the light of that soul.
pistis.sophia_book_3_part6:4
ⲛⲁⲓ ⲉⲩϣⲁⲛϫⲱⲕ ⲉⲃⲟⲗ ⲛⲛⲉⲩⲕⲩⲕⲗⲟⲥ ϩⲛⲙⲙⲉⲧⲁⲃⲟⲗⲏ ⲁⲩⲱ ⲛⲁⲓ ⲛⲧⲉⲓⲙⲓⲛⲉ ⲉⲩϣⲁⲛⲉⲓ ⲉⲃⲟⲗ ϩⲛⲥⲱⲙⲁ ⲉⲙⲡⲟⲩⲙⲉⲧⲁⲛⲟⲉⲓ ⲛⲟⲩⲱϩⲙ · ⲁⲩⲱ ⲛⲥⲉϫⲓⲧⲟⲩ ⲛⲕⲟⲗⲁⲥⲓⲥ ⲉⲧϩⲛⲧⲙⲏⲧⲉ ⲙⲡⲉⲇⲣⲁⲕⲱⲛ ⲙⲡⲕⲁⲕⲉ ⲉⲧϩⲓⲃⲟⲗ · ⲁⲩⲱ ⲛⲥⲉϣⲱϫⲡ ϩⲛⲛⲕⲩⲕⲗⲟⲥ ⲛⲥⲉϣⲱϫⲡ ϩⲛⲛⲕⲟⲗⲁⲥⲓⲥ ϩⲛⲧⲙⲏⲧⲉ ⲙⲡⲉⲇⲣⲁⲕⲱⲛ ⲁⲩⲱ ⲛⲁⲓ ⲉⲩⲥⲟⲟⲩⲛ ⲙⲡⲙⲩⲥⲧⲏⲣⲓⲟⲛ ⲛⲟⲩⲁ ⲙⲡⲙⲛⲧⲥⲛⲟⲟⲩⲥ ⲛⲣⲁⲛ ⲛⲧⲉⲛⲁⲅⲅⲉⲗⲟⲥ ⲉⲩⲟⲛϩ ⲉⲩϣⲟⲟⲡ ϩⲙⲡⲕⲟⲥⲙⲟⲥ · ⲁⲩⲱ ⲛⲥⲉϫⲱ ⲛⲟⲩⲁ ⲛⲛⲉⲩⲣⲁⲛ ⲉⲩⲛϩⲟⲩⲛ ϩⲛⲧⲙⲏⲧⲉ ⲛⲛⲕⲟⲗⲁⲥⲓⲥ ⲙⲡⲉⲇⲣⲁⲕⲱⲛ ÷ ⲧⲏⲣϥ ⲁⲩⲱ ϣⲁϥϣⲧⲟⲣⲧⲣ ⲉⲙⲁϣⲟ ⲉⲙⲁϣⲟ ·
then if they have completed their circuits in the changes, and if such men go forth out of the body without having repented anew, and if they are led into the chastisements which [are] in the midst of the dragon of the outer darkness, and remain in the circuits and remain in the chastisements in the midst of the dragon,--these, if they know the mystery of one of the twelve names of the angels while they are in life and are in the world, and if they speak one of their names while they are in the midst of the chastisements of the dragon,--then, at the hour when they shall speak it, the whole dragon will be tossed about and most exceedingly convulsed,
pistis.sophia_book_2_part6:4
ⲁⲗⲗⲁ ⲙⲛⲧⲁϥ ⲛⲧⲟϥ ⲙⲙⲁⲩ ⲛⲧⲉⲝⲟⲩⲥⲓⲁ ⲉⲧⲣⲉϥⲃⲱⲕ ⲉⲛⲧⲟⲡⲟⲥ ⲉⲧⲡⲉϥⲥⲁϩⲣⲉ ⲏ ⲉⲧⲣⲉϥⲙⲟⲩϣⲧ ⲙⲙⲟⲟⲩ · ⲁⲩⲱ ⲡⲉⲣϫⲓⲙⲩⲥⲧⲏⲣⲓⲟⲛ ϩⲙⲡϣⲟⲣⲡ ⲛⲧⲣⲓⲡⲛⲉⲩⲙⲁⲧⲟⲥ ⲡⲁⲓ ⲉⲧⲁⲣϫⲓⲉϫⲙⲡϫⲟⲩⲧⲁϥⲧⲉ ⲙⲙⲩⲥⲧⲏⲣⲓⲟⲛ ϩⲓⲛⲉⲩⲉⲣⲏⲩ · ⲛⲁⲓ ⲉⲧⲁⲣϫⲓⲉⲡⲉⲭⲱⲣⲏⲙⲁ ⲙⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ ⲛⲁⲓ ⲉϯⲛⲁϫⲱ ⲙⲡⲉⲩⲧⲟⲡⲟⲥ ⲉⲣⲱⲧⲛ ϩⲣⲁⲓ ϩⲙⲡⲥⲱⲣ ⲉⲃⲟⲗ ⲙⲡⲧⲏⲣϥ · ⲡⲉⲧⲛⲁϫⲓⲟⲩⲛ ⲙⲡⲙⲩⲥⲧⲏⲣⲓⲟⲛ ⲙⲡⲉⲧⲣⲓⲡⲛⲉⲩⲙⲁⲧⲟⲥ ⲉⲧⲙⲙⲁⲩ ·
“but on the other hand he hath not the power to go into the regions which are above him or to pass through them. And he who hath received mysteries of the first Thrice-spiritual, which ruleth over the four-and-twenty mysteries all together which rule over the space of the First Mystery, of whose region at the expansion of the universe I will tell you--he, therefore, who shall receive the mystery of that Thrice-spiritual,”
pistis.sophia_book_4_part2:4
ⲡⲉϫⲉⲓⲏⲥⲟⲩⲥ ⲛⲁⲩ ϫⲉϭⲱϣⲧ ⲉϩⲣⲁⲓ ⲁⲛⲁⲩ ϫⲉⲉⲧⲉⲧⲛⲛⲁⲩ ⲉⲟⲩ · ⲁⲩⲱ ⲁⲩϥⲓ ⲛⲛⲉⲩⲃⲁⲗ ⲉϩⲣⲁⲓ ⲁⲩⲛⲁⲩ ⲉⲩⲛⲟϭ ⲛⲟⲩⲟⲉⲓⲛ ⲉⲛⲁϣⲱϥ ⲉⲙⲁⲧⲉ ⲉⲛⲛⲉϣⲣⲙⲛⲕⲁϩ ϣⲁϫⲉ ⲉⲣⲟϥ ·
“Jesus said unto them: Look up and see what ye may see.” And they raised their eyes and saw a | great, exceedingly mighty light, which no man in the world can describe.”
pistis.sophia_book_3_part2:4
ⲁϥⲟⲩⲱϩⲙ ⲇⲉ ⲛϭⲓⲓⲱϩⲁⲛⲛⲏⲥ ⲡⲉϫⲁϥ ϫⲉⲡⲁϫⲟⲉⲓⲥ ⲉⲛϣⲁⲛⲉⲓ ⲉⲛⲕⲏⲣⲩⲥⲥⲉ ⲛⲧⲛⲃⲱⲕ ⲉϩⲣⲁⲓ ⲉⲩⲡⲟⲗⲓⲥ ⲏ ⲉⲩⲕⲱⲙⲉ · ⲁⲩⲱ ⲛⲥⲉⲉⲓ ⲉⲃⲟⲗ ϩⲁⲧⲉⲛϩⲏ ⲛϭⲓⲛⲣⲱⲙⲉ ⲛⲧⲡⲟⲗⲓⲥ ⲉⲧⲙⲙⲁⲩ ⲉⲛⲧⲛⲥⲟⲟⲩⲛ ⲁⲛ ϫⲉⲟⲩ ⲛⲉ ·
“And John answered and said: My Lord, if we go forth and herald it and come into a city or a village, and if the men of that city come forth to meet us without our knowing who they are,”
pistis.sophia_book_3_part5:4
ⲙⲡⲣⲛⲟⲩϫⲉ ⲛⲟⲩϩⲟⲟⲩ ⲉϩⲟⲩⲛ ⲉⲩϩⲟⲟⲩ · ⲏ ⲟⲩⲕⲩⲕⲗⲟⲥ ⲉϩⲟⲩⲛ ⲉⲩⲕⲩⲕⲗⲟⲥ · ⲛⲧⲉⲧⲛⲕⲁ ϩⲧⲏⲧⲛ ϫⲉⲧⲉⲧⲛⲡⲏϩ ⲉϫⲓ ⲛⲙⲙⲩⲥⲧⲏⲣⲓⲟⲛ ⲉⲛϣⲁⲛⲉⲓ ⲉⲡⲕⲟⲥⲙⲟⲥ ⲛⲕⲉⲕⲩⲕⲗⲟⲥ · ⲁⲩⲱ ⲛⲁⲓ ⲛⲥⲉⲥⲟⲟⲩⲛ ⲁⲛ ϫⲉⲉϥⲛⲁϣⲱⲡⲉ ⲧⲛⲁⲩ ⲛϭⲓⲡⲁⲣⲓⲑⲙⲟⲥ ⲛⲛⲉⲯⲩⲭⲟⲟⲩⲉ ⲛⲛⲧⲉⲗⲉⲓⲟⲥ · ϫⲉⲉϥϣⲁⲛϣⲱⲡⲉ ⲅⲁⲣ ⲛϭⲓⲡⲁⲣⲓⲑⲙⲟⲥ ⲛⲛⲉⲯⲩⲭⲟⲟⲩⲉ ⲛⲧⲉⲗⲓⲟⲥ ·
“Join not one day to another, or one circuit to another, hoping that ye may succeed in receiving the mysteries if ye come into the world in another circuit. And these know not when the number of the perfect souls will be at hand; for if the number of the perfect souls shall be at hand,”
pistis.sophia_book_2_part7:4
ⲁⲩⲱ ⲉⲧⲃⲉⲟⲩ ⲁϥⲡⲱⲣϫ ⲉⲃⲟⲗ ⲉⲥⲁϣϥ ⲙⲙⲩⲥⲧⲏⲣⲓⲟⲛ ⲁⲩⲱ ⲉⲧⲃⲉⲟⲩ ϩⲱⲱϥ ⲁⲩⲙⲟⲩⲧⲉ ⲉⲣⲟϥ ϫⲉⲡϣⲟⲣⲡ ⲛⲧⲱϣ ·
and wherefor it hath divided itself into the seven mysteries and wherefor it is named the first Commandment
pistis.sophia_book_1_part6:5
ⲛⲁⲓ ϭⲉ ⲛⲧⲉⲣⲉⲓⲏⲥⲟⲩⲥ ϫⲟⲟⲩ ⲉⲛⲉϥⲙⲁⲑⲏⲧⲏⲥ ·
When then Jesus had spoken this unto his disciples,
pistis.sophia_book_2_part3:5
ⲛⲧⲟϥ ⲡⲉ ⲡϣⲁϫⲉ ⲉⲛⲧⲁⲥϫⲟⲟϥ ⲛϭⲓⲧⲡⲓⲥⲧⲓⲥ ⲥⲟⲫⲓⲁ ϫⲉⲁⲩⲱ ⲁϥϯ ⲛⲁⲓ ⲛⲧⲉϥⲥⲟⲫⲓⲁ · ⲉⲧⲣⲁⲃⲱⲗ ⲉⲃⲟⲗ ϩⲛⲙⲙⲣⲣⲉ ⲛⲛⲉⲡⲣⲟⲃⲟⲗⲟⲟⲩⲉ ⲉⲧⲙⲙⲁⲩ · ⲁⲩⲱ ⲡϣⲁϫⲉ ⲉⲛⲧⲁⲧⲉⲕϭⲟⲙ ϫⲟⲟϥ ϫⲉⲡⲉⲛⲧⲁϥⲡⲁⲧⲁⲥⲥⲉⲓ ⲙⲡϩⲟϥ ⲉⲧⲟ ⲛⲥⲁϣϥⲉ ⲛⲁⲡⲉ ϩⲛⲛⲁϭⲓϫ . ⲁⲩⲱ ⲁϥⲧⲁϩⲟⲓ ⲉⲣⲁⲧ ϩⲓϫⲛⲧⲉϥⲛⲟⲩⲛⲉ ϫⲉⲕⲁⲥ ⲉⲓⲉϥⲱⲧⲉ ⲉⲃⲟⲗ ⲙⲡⲉϥⲥⲡⲉⲣⲙⲁ ·
“--it is the word which Pistis Sophia hath spoken: 'And he hath bestowed on me wisdom to loose myself from the bonds of those emanations.' And the word which thy power hath spoken: Who hath smitten | the serpent with the seven heads with my hands, he hath set me up above its root, that I may extinguish its seed,”
pistis.sophia_book_1_part1:5
ⲡⲁⲓ ⲉⲧⲡϩⲟⲩⲛ ⲙⲡⲕⲁⲧⲁⲡⲉⲧⲁⲥⲙⲁ ⲉⲧⲙⲡϩⲟⲩⲛ ⲙⲡϣⲟⲣⲡ ⲛⲧⲱϣ
that within the Veil, within the First Commandment,
pistis.sophia_book_1_part7:5
ⲍ ⲛⲁⲓ ϭⲉ ⲛⲧⲉⲣⲉϥϫⲟⲟⲩ ⲛϭⲓⲓⲁⲕⲕⲱⲃⲟⲥ ⲡⲉϫⲁϥ ⲛϭⲓⲓⲏⲥⲟⲩⲥ ϫⲉⲉⲩⲅⲉ ⲕⲁⲗⲱⲥ ⲓⲁⲕⲕⲱⲃⲟⲥ ⲡⲁⲓ ⲡⲉ ⲡⲃⲱⲗ ⲛⲧⲙⲉϩⲯⲓⲧⲉ ⲙⲙⲉⲧⲁⲛⲟⲓⲁ ⲛⲧⲡⲓⲥⲧⲓⲥ ⲥⲟⲫⲓⲁ ·
“When James then had said this, Jesus said unto him: Well said, finely, James. This is the solution of the ninth repentance of Pistis Sophia.”
pistis.sophia_book_2_part9:5
ϩⲁⲙⲏⲛ ϯϫⲱ ⲙⲙⲟⲥ ⲉⲣⲱⲧⲛ ϫⲉⲉⲧⲃⲉⲡⲅⲉⲛⲟⲥ ⲛⲧⲉⲧⲙⲛⲧⲣⲱⲙⲉ ϫⲉⲥⲉⲟ ⲛϩⲩⲗⲓⲕⲟⲛ · ⲛⲧⲁⲓⲥⲕⲩⲗⲗⲉⲓ ⲙⲙⲟⲓ ⲁⲓⲉⲓⲛⲉ ⲛⲙⲙⲩⲥⲧⲡⲣⲓⲟⲛ ⲧⲏⲣⲟⲩ ⲛⲁⲩ ⲛⲧⲉⲡⲟⲩⲟⲉⲓⲛ ϫⲉⲉⲓⲉⲥⲱⲧϥ ⲙⲙⲟⲟⲩ ϫⲉⲛⲧⲟⲟⲩ ⲡⲉ ⲡⲥⲟⲣⲙ ⲛⲧϩⲩⲗⲏ ⲧⲏⲣⲥ ⲛⲧⲉⲧⲉⲩϩⲩⲗⲏ · ⲉⲙⲙⲟ ⲉⲛⲉⲙⲛⲗⲁⲁⲩ ⲙⲯⲩⲭⲏ ϩⲙⲡⲅⲉⲛⲟⲥ ⲧⲏⲣϥ ⲛⲧⲉⲧⲙⲛⲧⲣⲱⲙⲉ ⲛⲁⲟⲩϫⲁⲓ ·
“Amēn, I say unto you: For the sake of the race of men, because it is material, I have torn myself asunder and brought unto them all the mysteries of the Light, that I may purify them, for they are the refuse of the whole matter of their matter; else would no soul of the total race of men have been saved,”
pistis.sophia_book_3_part5:5
ϯⲛⲁϣⲧⲁⲙ ϭⲉ ⲉⲙⲡⲩⲗⲏ ⲙⲡⲟⲩⲟⲉⲓⲛ · ⲁⲩⲱ ⲙⲛⲗⲁⲁⲩ ⲛⲁⲃⲱⲕ ⲉϩⲟⲩⲛ ϫⲓⲛⲡⲉⲓⲛⲁⲩ ·
I will now shut the gates of the Light, and no one from this hour onwards will enter in,
pistis.sophia_book_2_part2:5
ⲧⲁⲧⲁϣⲟϥ ϩⲛⲟⲩⲙⲏⲏϣⲉ ⲛϩⲟⲟⲩ · ⲧⲁⲧⲥⲁⲃⲟϥ ⲉⲡⲁⲟⲩϫⲁⲓ ·
“16. And increase him with many days and show him my salvation.”
pistis.sophia_book_1_part3:5
ⲁⲩⲱ ⲛⲉⲣⲉⲛⲉⲯⲩⲭⲟⲟⲩⲉ ⲛⲁⲣⲟⲩⲛⲟϭ ⲙⲙⲏⲏϣⲉ ⲛⲟⲩⲟⲉⲓϣ ⲛⲃⲟⲗ ⲧⲁⲓ · ⲁⲩⲱ ⲛⲉϥⲛⲁⲱⲥⲕ ⲡⲉ ⲉϫⲱⲕ ⲛϭⲓⲡⲁⲣⲓⲑⲙⲟⲥ ⲛⲛⲉⲯⲩⲭⲟⲟⲩⲉ ⲛⲧⲉⲗⲉⲓⲟⲛ ·
and the souls would have continued a long time here outside, and the completion of the number of perfect souls would have been delayed,
pistis.sophia_book_2_part5:5
ⲁⲗⲗⲁ ⲛⲧⲁⲓϫⲟⲟⲥ ⲉⲣⲱⲧⲛ ϫⲉⲉⲓϣⲁⲛϫⲓⲧⲏⲩⲧⲛ ⲉⲡⲧⲟⲡⲟⲥ ⲛⲛⲉⲕⲗⲏⲣⲟⲛⲟⲙⲓⲁ ⲛⲛⲉⲧⲛⲁϫⲓ ⲙⲡⲙⲩⲥⲧⲏⲣⲓⲟⲛ ⲙⲡⲟⲩⲟⲉⲓⲛ ⲙⲡⲉⲑⲏⲥⲁⲩⲣⲟⲥ ⲙⲡⲟⲩⲟⲉⲓⲛ ⲡⲧⲟⲡⲟⲥ ⲛⲛⲉⲡⲣⲟⲃⲟⲗⲟⲟⲩⲉ ϥⲛⲁⲱⲡ ⲛⲛⲁϩⲣⲛⲧⲏⲛⲟⲩ ⲛⲧϩⲉ ⲛⲟⲩⲛⲁⲡⲛⲉ ⲛϣⲟⲉⲓϣ ⲁⲩⲱ ⲛⲧϩⲉ ⲙⲡⲟⲩⲟⲉⲓⲛ ⲙⲡⲣⲏ ⲛⲧⲉⲡⲉϩⲟⲟⲩ ⲙⲙⲁⲧⲉ · ⲛⲧⲁⲩϫⲟⲟⲥ ⲟⲩⲛ ϫⲉⲉⲣⲉⲛⲁⲓ ⲛⲁϣⲱⲡⲉ ϩⲙⲡⲉⲟⲩⲟⲓϣ ⲛⲧⲥⲩⲛⲧⲉⲗⲉⲓⲁ ⲙⲡⲱⲗ ⲉϩⲣⲁⲓ ⲙⲡⲧⲏⲣϥ ·
“but I have said unto you: 'If I lead you into the region of the inheritances of those who shall receive the mystery of the Light, | then will the Treasury of the Light, the region of the emanations, count for you as a speck of dust only and as the light of the sun by day.' I have therefore said: 'This will take place at the time of the consummation [and] of the ascension of the universe.”
pistis.sophia_book_3_part1:5
ⲁϫⲓⲥ ⲉⲣⲟⲟⲩ ϫⲉⲁⲡⲟⲧⲁⲥⲥⲉ ⲛⲧⲙⲛⲧⲣⲉϥⲧⲁϩⲙⲁ · ⲛⲧⲉⲧⲛⲙⲡϣⲁ ⲛⲙⲙⲩⲥⲧⲏⲣⲓⲟⲛ ⲙⲡⲟⲩⲟⲉⲓⲛ · ⲛⲧⲉⲧⲛⲛⲟⲩϩⲙ ⲉⲛⲕⲟⲗⲁⲥⲓⲥ ⲛⲁⲣⲓⲏⲗ ·
“Say unto them: Renounce litigiousness [?], that ye may be worthy of the mysteries of the Light and be saved from the chastisements of Ariēl.”
pistis.sophia_book_3_part3:5
ⲉⲥϣⲁⲛϣⲱⲡⲉ ⲟⲩⲛ ϭⲉ ⲉⲣϣⲁⲛⲧⲉⲯⲩⲭⲏ ⲉⲥϣⲁⲛϫⲱ ⲙⲡⲙⲩⲥⲧⲏⲣⲓⲟⲛ ⲙⲡⲃⲱⲗ ⲉⲃⲟⲗ ⲛⲛⲉⲥⲫⲣⲁⲅⲓⲥ · ⲙⲛⲙⲙⲣⲣⲉ ⲧⲏⲣⲟⲩ ⲙⲡⲁⲛⲧⲓⲙⲓⲙⲟⲛ ⲙⲡⲛⲉⲩⲙⲁ · ⲛϥⲗⲟ ⲉϥⲛⲏⲩ ⲉϩⲟⲩⲛ ⲉⲧⲉⲯⲩⲭⲏ ⲛϥⲗⲟ ⲉϥⲙⲏⲣ ⲉϩⲟⲩⲛ ⲉⲣⲟⲥ ·
“If then the soul shall have uttered the mystery of the undoing of the seals and of all the bonds of the counterfeiting spirit, and if it ceaseth to come into the soul and ceaseth to be bound to it,”
pistis.sophia_book_4_part1:5
ⲛⲁⲓ ⲇⲉ ⲉϥϫⲱ ⲙⲙⲟⲟⲩ ⲛϭⲓⲓⲏⲥⲟⲩⲥ ⲛⲉⲣⲉⲑⲱⲙⲁⲥ ⲙⲛⲁⲛⲇⲣⲉⲁⲥ ⲙⲛⲓⲁⲕⲱⲃⲟⲥ ⲙⲛⲥⲓⲙⲱⲛ ⲡⲕⲁⲛⲁⲛⲓⲧⲏⲥ ⲛⲉⲩϩⲓⲡⲉⲙⲛⲧ ⲡⲉ ⲉⲣⲉϩⲣⲁⲩ ⲕⲱⲧ ⲉⲡⲉⲓⲉⲃⲧ ⲫⲓⲗⲓⲡⲡⲟⲥ ⲇⲉ ⲙⲛⲃⲁⲣⲑⲟⲗⲟⲙⲁⲓⲟⲥ ⲛⲉⲩϩⲓⲡⲣⲏⲥ ⲡⲉ ⲉⲩⲕⲏⲧ ⲉϩⲏⲧ ·
And while Jesus said this, | Thomas, Andrew, James and Simon the Cananite were in the west with their faces turned towards the east, and Philip and Bartholomew were in the south turned towards the north,
pistis.sophia_book_1_part2:5
ⲉⲓⲥϩⲏⲏⲧⲉ ⲉⲁϥϫⲱⲕ ⲉⲃⲟⲗ ⲛϭⲓⲡⲉϥⲟⲩⲟⲉⲓϣ ⲧⲁⲁϥ ϩⲓⲱⲱⲕ ·
Lo, its time is completed; put it on [thee].
pistis.sophia_book_1_part4:5
ⲁⲛⲟⲕ ⲇⲉ ⲛⲉⲓϭⲱϣⲧ ⲉϩⲣⲁⲓ ⲉⲡϫⲓⲥⲉ · ⲉϩⲣⲁⲓ ⲉⲣⲟⲕ ⲡⲟⲩⲟⲉⲓⲛ . ⲁⲩⲱ ⲁⲓⲛⲁϩⲧⲉ ⲉⲣⲟⲕ ⲧⲉⲛⲟⲩ ϭⲉ ⲡⲟⲩⲟⲉⲓⲛ ⲛⲧⲉⲛⲓⲟⲩⲟⲉⲓⲛ ϯϩⲏϫ ϩⲣⲁⲓ ϩⲙⲡⲕⲁⲕⲉ ⲛⲧⲉⲛⲉⲭⲁⲟⲥ ⲉϣϫⲉ ⲕⲟⲩⲱϣ ϭⲉ ⲉⲓⲛⲁϩⲙⲉⲧ .
“13. But I looked up unto the height towards thee and had faith in thee. Now, therefore, O Light of lights, I am sore pressed in the darkness of chaos. If now thou wilt come to save me,”
pistis.sophia_book_3_part4:5
ⲡⲁⲓ ⲡⲁϫⲟⲉⲓⲥ ⲡⲉ ⲡϣⲁϫⲉ ⲛⲧⲁⲕϫⲟⲟϥ ⲫⲁⲛⲉⲣⲱⲥ ·
This, my Lord, is the word which thou hast spoken clearly.
pistis.sophia_book_1_part8:5
ⲁⲧⲉⲕϭⲟⲙ ⲡⲣⲟⲫⲏⲧⲉⲩⲉ ⲙⲡⲓⲟⲩⲟⲉⲓϣ ϩⲓⲧⲛⲥⲟⲗⲟⲙⲱⲛ ⲉⲥϫⲱ ⲙⲙⲟⲥ ϫⲉϯⲛⲁⲟⲩⲟⲛϩⲧ ⲛⲁⲕ ⲉⲃⲟⲗ ⲡϫⲟⲉⲓⲥ ϫⲉⲛⲧⲟⲕ ⲡⲉ ⲡⲁⲛⲟⲩⲧⲉ ·
“Thy power hath prophesied aforetime through Solomon, saying: 1. I will give thanks unto thee, O Lord, for thou art my God.”
pistis.sophia_book_3_part2:5
ⲉⲩϣⲟⲟⲡ ϩⲛⲟⲩⲛⲟϭ ⲛⲕⲣⲟϥ ⲙⲛⲟⲩⲛⲟϭ ⲛϩⲩⲡⲟⲕⲣⲓⲥⲓⲥ ⲛⲥⲉϣⲟⲡⲛ ⲉⲣⲟⲟⲩ ⲛⲥⲉϫⲓⲧⲛ ⲉϩⲟⲩⲛ ⲉⲡⲉⲩⲏⲓ ⲉⲩⲟⲩⲱϣ ⲉⲡⲉⲓⲣⲁⲍⲉ ⲛⲙⲙⲩⲥⲧⲏⲣⲓⲟⲛ ⲛⲧⲙⲛⲧⲣⲣⲟ ⲙⲡⲟⲩⲟⲉⲓⲛ · ⲁⲩⲱ ⲛⲥⲉϣⲱⲡⲉ ⲉⲩϩⲩⲡⲟⲕⲣⲓⲛⲉ ⲛⲙⲙⲁⲛ ϩⲛⲧϩⲩⲡⲟⲧⲁⲅⲏ · ⲁⲩⲱ ⲛⲧⲛⲙⲉⲉⲩⲉ ϫⲉⲉⲩⲟⲩⲉϣ ⲡⲛⲟⲩⲧⲉ ⲛⲧⲛϯ ⲛⲁⲩ ⲛⲙⲙⲩⲥⲧⲏⲣⲓⲟⲛ ⲛⲧⲙⲛⲧⲣⲣⲟ ⲙⲡⲟⲩⲟⲉⲓⲛ ·
and if they receive us unto themselves in great deceit and great play-acting and bring us into their house, desiring to make trial of the mysteries of the Light-kingdom, and if they play-act with us in submission and we suppose that they long after God, and we give them the mysteries of the Light-kingdom,
pistis.sophia_book_2_part7:5
ⲁⲩⲱ ⲉⲧⲃⲉⲟⲩ ⲁⲩⲡⲣⲟⲉⲗⲑⲉ ⲉⲃⲟⲗ ϩⲛⲛⲓⲁⲡⲁⲧⲱⲣ · ⲁⲩⲱ ⲡⲙⲩⲥⲧⲏⲣⲓⲟⲛ ⲉⲧⲙⲙⲁⲩ ⲛⲧⲟϥ ⲡⲉⲧⲥⲟⲟⲩⲛ ϫⲉⲉⲧⲃⲉⲟⲩ ⲁϥⲥⲕⲩⲗⲗⲉⲓ ⲙⲙⲟϥ ⲛϭⲓⲡⲛⲟϭ ⲛⲟⲩⲟⲉⲓⲛ ⲛⲭⲁⲣⲁⲅⲙⲏ ⲛⲟⲩⲟⲉⲓⲛ ·
“and wherefor it hath come forth from the Fatherless. And that mystery knoweth wherefor the Great Light of the Impressions of the Light hath rent itself asunder”
pistis.sophia_book_2_part4:5
ⲧⲉⲛⲟⲩ ϭⲉ ⲟⲩⲣⲉϥϯϩⲁⲡ ⲡⲉ ⲡⲟⲩⲟⲉⲓⲛ . ⲁⲩⲱ ⲟⲩϫⲱⲱⲣⲉ ⲡⲉ · ⲁⲗⲗⲁ ϥⲟ ⲛϩⲁⲣϣϩⲏⲧ · ϣⲁⲡⲉⲟⲩⲟⲉⲓϣ ⲉⲛⲧⲁϥϫⲟⲟϥ ⲛⲁⲓ ϫⲉϯⲛⲏⲩ ⲧⲁⲃⲟⲏⲑⲉⲓ ⲉⲣⲟ .
“2. Now, therefore, my vindicator is the Light and a strong [one]; but it is long-suffering until the time of which it hath said unto me: I will come and help thee.”
pistis.sophia_book_2_part6:5
ⲟⲩⲛⲧⲁϥ ⲙⲙⲁⲩ ⲛⲧⲉⲝⲟⲩⲥⲓⲁ ⲉⲧⲣⲉϥ ⲉⲓ ⲉⲡⲉⲥⲏⲧ ⲉⲛⲧⲁⲝⲓⲥ ⲧⲏⲣⲟⲩ ⲉⲧⲡⲉϥⲉⲥⲏⲧ · ⲁⲗⲗⲁ ⲙⲛⲧⲁϥ ⲙⲙⲁⲩ ⲛⲧⲉⲝⲟⲩⲥⲓⲁ ⲉⲧⲣⲉϥⲃⲱⲕ ⲉⲡϫⲓⲥⲉ ⲉⲛⲧⲁⲝⲓⲥ ⲙⲡⲉϥⲥⲁϩⲣⲉ · ⲉⲧⲉⲛⲧⲟⲟⲩ ⲡⲉ ⲛⲧⲁⲝⲓⲥ ⲧⲏⲣⲟⲩ ⲙⲡⲉⲭⲱⲣⲏⲙⲁ ⲙⲡⲓⲁⲧϣⲁϫⲉ ⲉⲣⲟϥ ·
hath the power to go down into all orders which are below him; but he hath not the power to go into the height into the orders which are above him, that is into all the orders of the space of the Ineffable.
pistis.sophia_book_1_part5:5
ⲁϥⲟⲩⲱⲛϩ ⲉⲃⲟⲗ ⲙⲡⲉϥⲙⲩⲥⲧⲏⲣⲓⲟⲛ ϫⲉⲉϥⲛⲁϭⲱϣⲧ ⲉⲧⲙⲉⲧⲁⲛⲟⲓⲁ ⲛⲧⲉⲛⲉⲧϣⲱⲱⲡ ϩⲛⲛⲧⲟⲡⲟⲥ ⲙⲡⲉⲥⲏⲧ · ⲁⲩⲱ ⲙⲡϥⲕⲱ ⲛⲥⲱϥ ⲛⲧⲉⲩⲙⲉⲧⲁⲛⲟⲓⲁ ·
“He hath revealed his mystery, 17. So that he may regard the repentance of them who are in the regions below; and he hath not disregarded their repentance.”
pistis.sophia_book_3_part6:5
ⲁⲩⲱ ⲡⲧⲁⲙⲉⲓⲟⲛ ⲉⲧⲟⲩⲛ ϩⲏⲧϥ ⲛϭⲓⲛⲉⲯⲩⲭⲟⲟⲩⲉ ⲛⲣⲣⲱⲙⲉ ⲉⲧⲙⲙⲁⲩ · ϣⲁⲣⲉⲡⲉϥⲣⲟ ⲟⲩⲱⲛ ⲛⲥⲁⲧⲡⲉ · ⲁⲩⲱ ϣⲁⲣⲉⲡⲁⲣⲭⲱⲛ ⲙⲡⲧⲁⲙⲉⲓⲟⲛ ⲉⲧⲟⲩϣⲟⲟⲡ ⲛϩⲏⲧϥ ⲛϭⲓⲛⲣⲱⲙⲉ ⲉⲧⲙⲙⲁⲩ · ⲁⲩⲱ ϣⲁϥⲛⲟⲩϫⲉ ⲛⲛⲉⲯⲩⲭⲟⲟⲩⲉ ⲛⲣⲣⲱⲙⲉ ⲉⲧⲙⲙⲁⲩ ⲉⲃⲟⲗ ϩⲛⲧⲙⲏⲧⲉ ⲙⲡⲉⲇⲣⲁⲕⲱⲛ ⲙⲡⲕⲁⲕⲉ ⲉⲧϩⲓⲃⲟⲗ · ϫⲉⲁⲩϩⲉ ⲉⲡⲙⲩⲥⲧⲏⲣⲓⲟⲛ ⲙⲡⲣⲁⲛ ⲙⲡⲉⲇⲣⲁⲕⲱⲛ ·
and the door of the dungeon in which the souls | of those men are, openeth itself upward, and the ruler of the dungeon in which those men are, casteth the souls of those men out of the midst of the dragon of the outer darkness, because they have found the mystery of the name of the dragon.
pistis.sophia_book_3_part7:5
ⲉⲥϣⲁⲛϣⲱⲡⲉ ⲟⲩⲛ ⲙⲛⲛⲥⲁⲛⲁⲓ ⲉⲣϣⲁⲛⲛⲗⲉⲓⲧⲟⲩⲣⲅⲟⲥ ϫⲱⲕ ⲉⲃⲟⲗ ⲙⲛⲡⲥⲱⲙⲁ ⲧⲏⲣϥ ⲙⲛⲛⲉϥⲙⲉⲗⲟⲥ ⲧⲏⲣⲟⲩ ϩⲣⲁⲓ ϩⲛϣϥⲉ ⲛϩⲟⲟⲩ ·
“If then after this the servitors shall have completed the whole body and all its members in seventy days,”
pistis.sophia_book_2_part8:5
ⲁⲩⲱ ⲧⲉⲯⲩⲭⲏ ⲉⲧⲙⲙⲁⲩ ⲥⲛⲁⲃⲱⲕ ⲉⲡϫⲓⲥⲉ ⲛⲥϫⲱⲧⲉ ⲛⲛⲧⲟⲡⲟⲥ ⲧⲏⲣⲟⲩ ⲛⲧⲉⲛⲁⲣⲭⲱⲛ ·
And that soul will go upwards and pass through all the regions of the rulers
pistis.sophia_book_2_part1:5
ⲁϥⲟⲩⲱϣⲃ ⲇⲉ ⲛϭⲓⲓⲱϩⲁⲛⲛⲏⲥ ·
And John answered
pistis.sophia_book_4_part3:5
ⲡⲉϫⲉⲓⲱϩⲁⲛⲛⲏⲥ ϫⲉⲉⲓⲉ ⲟⲩⲣⲱⲙⲉ ⲉⲁϥⲣⲛⲟⲃⲉ ⲛⲓⲙ ϩⲓⲁⲛⲟⲙⲓⲁ ⲛⲓⲙ' _warn:empty_norm_ ⲇⲉ ⲁϥϩⲉ ⲉⲙⲙⲩⲥⲧⲏⲣⲓⲟⲛ ⲙⲡⲟⲩⲟⲉⲓⲛ ⲟⲩⲛϭⲟⲙ ⲙⲙⲟϥ ⲉⲧⲣⲉϥⲟⲩϫⲁⲓ ·
“John said: A man who hath committed all sins and all iniquities, but at last hath found the mysteries of the Light, is it possible for him to be saved?”
pistis.sophia_book_4_part2:5
ⲡⲉϫⲁϥ ⲟⲛ ⲛⲁⲩ ⲛⲟⲩⲱϩⲙ ϫⲉϭⲱϣⲧ ⲉⲃⲟⲗ ϩⲙⲡⲟⲩⲟⲉⲓⲛ ⲁⲛⲁⲩ ϫⲉⲉⲧⲉⲧⲛⲛⲁⲩ ⲉⲟⲩ ·
“He said unto them anew: Look away out of the light and see what ye may see.”
pistis.sophia_book_1_part6:6
ⲁϥⲉⲓ ⲉⲧϩⲏ ⲛϭⲓⲑⲱⲙⲁⲥ ⲡⲉϫⲁϥ ϫⲉⲡⲁϫⲟⲉⲓⲥ · ϯⲛⲏⲫⲉ ϯⲣϩⲟⲩⲉⲛⲏⲫⲉ ⲁⲩⲱ ⲡⲁⲡⲛⲉⲩⲙⲁ ⲣⲟⲟⲩⲧ ϩⲣⲁⲓ ⲛϩⲏⲧ · ⲁⲩⲱ ϯⲧⲉⲗⲏⲗ ⲉⲙⲁϣⲟ ϫⲉⲁⲕϭⲱⲗⲡ ⲛⲁⲛ ⲉⲃⲟⲗ ⲛⲛⲉⲓϣⲁϫⲉ ·
“Thomas came forward and said: My Lord, I am sober, I am plentifully sober, and my spirit is ready in me, and I rejoice exceedingly that thou hast revealed these words unto us.”
pistis.sophia_book_2_part3:6
ⲛⲧⲟϥ ⲡⲉ ⲡϣⲁϫⲉ ⲉⲛⲧⲁⲥϫⲟⲟϥ ⲛϭⲓⲧⲡⲓⲥⲧⲓⲥ ⲥⲟⲫⲓⲁ ϫⲉⲁⲩⲱ ⲁⲕⲡⲁⲧⲁⲥⲥⲉⲓ ⲙⲡϩⲟϥ ⲡⲁϯⲥⲁϣϥⲉ ⲛⲁⲡⲉ ⲉⲃⲟⲗ ϩⲓⲧⲛⲛⲁϭⲓϫ · ⲁⲩⲱ ⲁⲕⲧⲁϩⲟⲓ ⲉⲣⲁⲧ ⲉϩⲣⲁⲓ ⲉϫⲛⲧⲉϥϩⲩⲗⲏ ·
--it is the word which Pistis Sophia hath spoken: 'And thou hast smitten the serpent with the seven heads through my hands and set me up above its matter.
pistis.sophia_book_1_part1:6
ⲉⲧⲉⲛⲧⲟϥ ⲡⲉ ⲡⲙⲉϩϫⲟⲩⲧⲁϥⲧⲉ ⲙⲙⲩⲥⲧⲏⲣⲓⲟⲛ ⲉⲃⲟⲗ · ⲁⲩⲱ ⲉⲡⲉⲥⲏⲧ
which is the four-and-twentieth mystery without and below
pistis.sophia_book_3_part1:6
ⲁϫⲓⲥ ⲉⲣⲟⲟⲩ ϫⲉⲁⲡⲟⲧⲁⲥⲥⲉ ⲙⲡⲗⲁⲛⲛⲟⲩϫ ⲧⲁⲣⲉⲧⲛⲙⲡϣⲁ ⲛⲙⲙⲩⲥⲧⲏⲣⲓⲟⲛ ⲙⲡⲟⲩⲟⲉⲓⲛ ⲛⲧⲉⲧⲛⲛⲟⲩϩⲙ ⲉⲛⲉⲓⲉⲣⲟ ⲛⲕⲱϩⲧ ⲙⲡⲓϩⲁ ⲛⲟⲩϩⲟⲣ ·
“Say unto them: Renounce false slander, that ye may be worthy of the mysteries of the Light and be saved from the fire-rivers of the dog-faced [one].”
pistis.sophia_book_2_part2:6
ⲡⲁⲓ ⲡⲉ ⲡⲁϫⲟⲉⲓⲥ ⲡⲃⲱⲗ ⲛⲛϣⲁϫⲉ ⲉⲛⲧⲁⲕϫⲟⲟⲩ ·
“This, my Lord, is the solution of the words which thou hast said.”
pistis.sophia_book_3_part3:6
ⲁⲩⲱ ϩⲛⲧⲉⲩⲛⲟⲩ ⲉⲧⲙⲙⲁⲩ ϣⲁϥϫⲱ ⲛⲟⲩⲙⲩⲥⲧⲏⲣⲓⲟⲛ ⲛϥⲕⲱ ⲉⲃⲟⲗ ⲛⲧⲙⲟⲓⲣⲁ ⲉⲡⲉⲥⲧⲟⲡⲟⲥ ⲉⲣⲁⲧⲟⲩ ⲛⲛⲁⲣⲭⲱⲛ ⲉⲧϩⲓⲧⲉϩⲓⲏ ⲛⲧⲙⲏⲧⲉ ·
then it uttereth in that moment a mystery and releaseth the destiny to its region to the rulers who are on the way of the midst.
pistis.sophia_book_1_part3:6
ⲛⲁⲓ ⲉⲧⲛⲁⲱⲡ ⲉϩⲟⲩⲛ ⲉⲧⲉⲕⲗⲏⲣⲟⲛⲟⲙⲓⲁ ⲙⲡϫⲓⲥⲉ ϩⲓⲧⲛ ⲙⲙⲩⲥⲧⲏⲣⲓⲟⲛ ⲁⲩⲱ ⲛⲥⲉϣⲱⲡⲉ ϩⲙⲡⲉⲑⲏⲥⲁⲩⲣⲟⲥ ⲙⲡⲟⲩⲟⲉⲓⲛ ·
which [souls] shall be counted in the Inheritance of the Height through the mysteries and shall be in the Treasury of the Light.
pistis.sophia_book_3_part5:6
ⲟⲩⲇⲉ ⲙⲛⲗⲁⲁⲩ ⲛⲏⲩ ⲉⲃⲟⲗ ⲙⲛⲛⲥⲱⲥ ⲉⲃⲟⲗ ϫⲉⲁϥϫⲱⲕ ⲉⲃⲟⲗ ⲛϭⲓⲡⲁⲣⲓⲑⲙⲟⲥ ⲛⲛⲉⲯⲩⲭⲟⲟⲩⲉ ⲛⲧⲉⲗⲓⲟⲥ ·
nor will any one hereafter go forth, for the number of the perfect souls is completed
pistis.sophia_book_4_part3:6
ⲡⲉϫⲉⲓⲏⲥⲟⲩⲥ ϫⲉⲡⲁⲓ ⲛⲧⲉⲓⲙⲓⲛⲉ ⲉⲛⲧⲁϥⲣⲛⲟⲃⲉ ⲛⲓⲙ ϩⲓⲁⲛⲟⲙⲓⲁ ⲛⲓⲙ' ⲛϥϩⲉ ⲉⲙⲙⲩⲥⲧⲏⲣⲓⲟⲛ ⲙⲡⲟⲩⲟⲉⲓⲛ ⲛϥⲁⲁⲩ ⲛϥϫⲟⲕⲟⲩ ⲉⲃⲟⲗ' ⲛϥⲧⲙⲕⲁ ⲧⲟⲟⲧϥ ⲉⲃⲟⲗ' ⲟⲩⲇⲉ ⲛϥⲧⲙⲣⲛⲟⲃⲉ ⲉϥⲛⲁⲕⲗⲏⲣⲟⲛⲟⲙⲉⲓ ⲙⲡⲉⲑⲏⲥⲁⲩⲣⲟⲥ ⲙⲡⲟⲩⲟⲉⲓⲛ ·
“Jesus said: Such a man who hath committed all sins and all iniquities, and he findeth the mysteries of the Light, and performeth and fulfilleth them and ceaseth not nor doeth sins, will inherit the Treasury of the Light.”
pistis.sophia_book_3_part7:6
ⲁⲩⲱ ⲙⲛⲛⲥⲁⲛⲁⲓ ϣⲁⲣⲉⲛⲗⲉⲓⲧⲟⲩⲣⲅⲟⲥ ϣⲁⲩⲕⲁⲗⲉ ⲉϩⲟⲩⲛ ⲉⲡⲥⲱⲙⲁ ⲉⲛⲧⲁⲩⲕⲟⲧϥ ·
after this the servitors summon into the body which they have built,
pistis.sophia_book_2_part4:6
ⲁⲩⲱ ⲛϥⲛⲁⲉⲓⲛⲉ ⲁⲛ ⲛⲧⲉϥⲟⲣⲅⲏ ⲉϫⲛⲧⲏⲩⲧⲛ ⲛⲛⲁⲩ ⲛⲓⲙ · ⲁⲩⲱ ⲡⲁⲓ ⲡⲉ ⲡⲉⲟⲩⲟⲉⲓϣ ⲉⲛⲧⲁϥϫⲟⲟϥ ⲛⲁⲓ ·
And it will not bring its wrath upon you always. But this is the time of which he hath spoken unto me.
pistis.sophia_book_1_part2:6
ⲁⲙⲟⲩ ϣⲁⲣⲟⲛ ϫⲉⲧⲛⲁϩⲉⲣⲁⲧⲛ ⲉⲣⲟⲕ ⲧⲏⲣⲛ ⲉⲧⲣⲉϯϩⲓⲱⲱⲕ ⲙⲡϣⲟⲣⲡ ⲙⲙⲩⲥⲧⲏⲣⲓⲟⲛ ⲙⲛⲡⲉϥⲉⲟⲟⲩ ⲧⲏⲣϥ ⲉⲃⲟⲗ ϩⲓⲧⲛⲧⲉⲕⲉⲗⲉⲩⲥⲓⲥ ⲙⲙⲓⲛⲙⲙⲟϥ ⲉⲁϥⲧⲁⲁϥ ⲛⲁⲛ ⲛϭⲓⲡϣⲟⲣⲡ ⲙⲙⲩⲥⲧⲏⲣⲓⲟⲛ ⲉϥⲟ ⲛⲉⲛⲇⲩⲙⲁ ⲥⲛⲁⲩ ⲉⲧⲣⲉⲛⲧⲁⲁϥ ϩⲓⲱⲱⲕ ·
“Come unto us, for we all draw nigh to thee to clothe thee with the First Mystery and all his glory, by commandment of himself, in that the First Mystery hath given us it, consisting of two vestures, to clothe thee therewith,”
pistis.sophia_book_4_part2:6
ⲡⲉϫⲁⲩ ϫⲉⲉⲛⲛⲁⲩ ⲉⲟⲩⲕⲱϩⲧ ⲙⲛⲟⲩⲙⲟⲟⲩ ⲙⲛⲟⲩⲏⲣⲡ ⲙⲛⲟⲩⲥⲛⲟϥ ·
“They said: We see fire, water, wine and blood.”
pistis.sophia_book_3_part2:6
ⲁⲩⲱ ⲙⲛⲛⲥⲁⲛⲁⲓ ⲛⲧⲛⲉⲓⲙⲉ ϫⲉⲟⲩ ⲙⲡⲟⲩⲉⲓⲣⲉ ⲙⲡⲉⲙⲡϣⲁ ⲙⲡⲙⲩⲥⲧⲏⲣⲓⲟⲛ · ⲁⲩⲱ ⲛⲧⲛⲉⲓⲙⲉ ϫⲉⲛⲧⲁⲩϩⲩⲡⲟⲕⲣⲓⲛⲉ ⲛⲙⲙⲁⲛ · ⲁⲩⲱ ⲛⲧⲁⲩϣⲱⲡⲉ ⲛⲕⲣⲟϥ ⲉⲣⲟⲛ · ⲁⲩⲱ ⲛⲕⲉⲙⲩⲥⲧⲏⲣⲓⲟⲛ ⲁⲩⲁⲁⲩ ⲙⲡⲁⲣⲁⲇⲓⲅⲙⲁ ⲕⲁⲧⲁⲧⲟⲡⲟⲥ ⲉⲩϫⲓⲙⲁⲍⲉ ⲙⲙⲟⲛ ⲙⲛⲛⲉⲛⲕⲉⲙⲩⲥⲧⲏⲣⲓⲟⲛ ⲉⲓⲉ ⲟⲩ ⲡⲉ ⲡϩⲱⲃ ⲉⲧⲛⲁϣⲱⲡⲉ ⲛⲛⲁⲓ ⲛⲧⲉⲓⲙⲓⲛⲉ ·
“and if we thereafter know that they have not done what is worthy of the mystery, and we know that they have play-acted with us, and have been deceitful against us and that they have also made a show of the mysteries region by region, making trial of us and also of our mysteries,--what is then the thing which will befall such?”
pistis.sophia_book_2_part7:6
ⲁⲩⲱ ⲉⲧⲃⲉⲟⲩ ⲁⲩⲁϩⲉⲣⲁⲧⲟⲩ ⲁϫⲛⲡⲣⲟⲃⲟⲗⲏ ·
and wherefor it hath set itself up without emanations
pistis.sophia_book_3_part4:6
ⲡϣⲁϫⲉ ⲙⲉⲛ ⲛⲧⲁⲕϫⲟⲟϥ ϫⲉⲛⲧⲁⲓⲉⲓ ⲉⲛⲟⲩϫⲉ ⲛⲟⲩⲕⲱϩⲧ ⲉϫⲙⲡⲕⲁϩ · ⲁⲩⲱ ⲟⲩ ⲡⲉ ϯⲟⲩⲁϣϥ ⲛⲥⲁⲧⲣⲉϥⲙⲟⲩϩ · ⲉⲧⲉⲡⲁⲓ ⲡⲁϫⲟⲉⲓⲥ ϫⲉⲁⲕⲉⲓⲛⲉ ⲛⲙⲙⲩⲥⲧⲏⲣⲓⲟⲛ ⲛⲧⲉⲛⲃⲁⲡⲧⲓⲥⲙⲁ ⲉⲡⲕⲟⲥⲙⲟⲥ · ⲁⲩⲱ ⲟⲩ ⲡⲉⲧⲉϩⲛⲁⲕ' ⲛⲥⲁⲧⲣⲉϥⲟⲩⲱⲙ' ⲉϩⲟⲩⲛ ⲛⲥⲁⲛⲛⲟⲃⲉ ⲧⲏⲣⲟⲩ ⲛⲧⲉⲯⲩⲭⲏ ⲛϥⲕⲁⲑⲁⲣⲓⲍⲉ ⲙⲙⲟⲟⲩ · ⲁⲩⲱ ⲟⲛ ⲙⲛⲛⲥⲱⲥ ⲁⲕⲡⲟⲣϫϥ ⲉⲃⲟⲗ ⲫⲁⲛⲉⲣⲱⲥ ⲉⲕϫⲱ ⲙⲙⲟⲥ · ϫⲉⲟⲩⲛⲧⲁⲓ ⲟⲩⲃⲁⲡⲧⲓⲥⲙⲁ ⲙⲙⲁⲩ ⲉⲃⲁⲡⲧⲓⲍⲉ ⲛϩⲏⲧϥ · ⲁⲩⲱ ⲛⲁϣ ⲛϩⲉ ϯⲛⲁⲁⲛⲉⲭⲉ ϩⲉⲱⲥ ϣⲁⲛⲧϥϫⲱⲕ' ⲉⲃⲟⲗ · ⲉⲧⲉⲡⲁⲓ ⲡⲉ ϫⲉⲛⲅⲛⲁϭⲱ ⲁⲛ ϩⲙⲡⲕⲟⲥⲙⲟⲥ ϩⲉⲱⲥ ϣⲁⲛⲧⲉⲛⲃⲁⲡⲧⲓⲥⲙⲁ ϫⲱⲕ' ⲛⲥⲉⲕⲁⲑⲁⲣⲓⲍⲉ ⲛⲛⲉⲯⲩⲭⲟⲟⲩⲉ ⲛⲧⲉⲗⲓⲟⲥ ·
“The word indeed which thou hast spoken: 'I am come to cast fire on the earth, and what will I that it burn?'--that is, my Lord: Thou hast brought the mysteries of the baptisms into the world, and thy pleasure is that they should consume all the sins of the soul and purify them. And thereafter again thou hast distinguished it clearly, saying: 'I have a baptism, to baptize in it; and | how shall I endure until it is accomplished?'--that is: Thou wilt not remain in the world until the baptisms are accomplished and purify the perfect souls.”
pistis.sophia_book_2_part5:6
ⲡⲙⲛⲧⲥⲛⲟⲟⲩⲥ ⲛⲥⲱⲧⲏⲣ ⲙⲡⲉⲑⲏⲥⲁⲩⲣⲟⲥ ⲙⲛⲧⲙⲛⲧⲥⲛⲟⲟⲩⲥ ⲛⲧⲁⲝⲓⲥ ⲙⲡⲟⲩⲁ ⲡⲟⲩⲁ ⲙⲙⲟⲟⲩ ⲉⲧⲉⲛⲧⲟⲟⲩ ⲡⲉ ⲛⲉⲡⲣⲟⲃⲟⲗⲟⲟⲩⲉ ⲛⲧⲥⲁϣϥⲉ ⲙⲫⲱⲛⲏ ⲙⲛⲡϯⲟⲩ ⲛϣⲏⲙ ⲥⲉⲛⲁϣⲱⲡⲉ ⲛⲙⲙⲁⲓ ϩⲙⲡⲧⲟⲡⲟⲥ ⲛⲛⲉⲕⲗⲏⲣⲟⲛⲟⲙⲓⲁ ⲙⲡⲟⲩⲟⲉⲓⲛ · ⲉⲩⲟ ⲛⲣⲣⲟ ⲛⲙⲙⲁⲓ ϩⲛⲧⲁⲙⲛⲧⲣⲣⲟ · ⲉⲣⲉⲡⲟⲩⲁ ⲡⲟⲩⲁ ⲙⲙⲟⲟⲩ ⲉϥⲟ ⲛⲣⲣⲟ ⲉϩⲣⲁⲓ ⲉϫⲛⲛⲉϥⲡⲣⲟⲃⲟⲗⲟⲟⲩⲉ ·
The twelve saviours of the Treasury and the twelve orders of every one of them, which are the emanations of the seven Voices and of the five Trees, they will be with me in the region of the inheritances of the Light; being kings with me in my kingdom, and every one of them being king over his emanations,
pistis.sophia_book_1_part8:6
ⲙⲡⲣⲕⲁⲁⲧ ⲡϫⲟⲉⲓⲥ ϫⲉϫⲉⲛⲧⲟⲕ ⲡⲉ ⲧⲁϩⲉⲗⲡⲓⲥ ⲁⲕϯⲡⲁⲓ ⲙⲡⲉⲕϩⲁⲡ ⲛϫⲓⲛϫⲏ · ⲁⲩⲱ ⲁⲓⲛⲟⲩϩⲙ ⲉⲃⲟⲗ ϩⲓⲧⲟⲟⲧⲕ · ⲙⲁⲣⲟⲩϩⲉ ⲛϭⲓⲛⲉⲧⲡⲏⲧ ⲛⲥⲱⲓ ⲁⲩⲱ ⲙⲡⲣⲧⲣⲉⲩ ⲛⲁⲩ ⲉⲣⲟⲓ · ⲙⲁⲣⲉⲟⲩⲕⲗⲟⲟⲗⲉ ⲛⲕⲣⲙⲧⲥ ϩⲱⲃⲥ ⲉⲃⲟⲗ ⲉϫⲛⲛⲉⲩⲃⲁⲗ · ⲁⲩⲱ ⲟⲩⲛⲓϥ ⲛⲁⲏⲣ . ⲙⲁⲣⲉϥⲣⲕⲁⲕⲉ ⲉⲣⲟⲟⲩ · ⲁⲩⲱ ⲙⲡⲣⲧⲣⲉⲩ ⲛⲁⲩ ⲉⲡⲉϩⲟⲟⲩ ϫⲉⲛⲛⲉⲩⲁⲙⲁϩⲧⲉ ⲙⲙⲟⲓ ·
“2. Abandon me not, O Lord, for thou art! my hope. “3. Thou hast given me thy vindication for naught, and I am saved through thee. 4. Let them who pursue me, fall down and let them not see me. 5. May a smoke-cloud cover their eyes and an air-mist darken them, and let them not see the day, so that they may not seize me.”
pistis.sophia_book_2_part1:6
ⲡⲉϫⲁϥ ϫⲉⲡⲁⲓ ⲡⲉ ⲡϣⲁϫⲉ ⲉⲛⲧⲁⲕϫⲟⲟϥ ⲉⲣⲟⲛ ⲙⲡⲓⲟⲩⲟⲉⲓϣ ϫⲉⲁⲓⲉⲓ ⲉⲃⲟⲗ ϩⲙⲡϫⲓⲥⲉ ⲁⲓⲃⲱⲕ ⲉϩⲟⲩⲛ ⲉⲥⲁⲃⲁⲱⲑ · ⲡⲁⲅⲁⲑⲟⲥ · ⲁⲓϩⲱⲗϭ ⲉϯϭⲟⲙ ⲛⲟⲩⲟⲉⲓⲛ ⲉⲧⲛϩⲏⲧϥ ·
“and said: This is the word which thou hast said unto us aforetime: 'I have come out of the Height and entered into Sabaōth, the Good, and embraced the light-power in him.”
pistis.sophia_book_1_part5:6
ⲡⲁⲓ ϭⲉ ⲡⲉ ⲡⲙⲩⲥⲧⲏⲣⲓⲟⲛ ⲉⲧⲙⲙⲁⲩ ⲡⲁⲓ ⲉⲛⲧⲁϥϣⲱⲡⲉ ⲛⲧⲩⲡⲟⲥ ⲉⲧⲃⲉⲡⲅⲉⲛⲟⲥ ⲉⲧⲟⲩⲛⲁϫⲡⲟϥ · ⲁⲩⲱ ⲡⲅⲉⲛⲟⲥ ⲉⲧⲟⲩⲛⲁϫⲡⲟϥ ⲛⲁϩⲩⲙⲛⲉⲩⲉ ⲉⲡϫⲓⲥⲉ · ϫⲉⲁⲡⲟⲩⲟⲉⲓⲛ ϭⲱϣⲧ ⲉⲃⲟⲗ ϩⲙⲡϫⲓⲥⲉ ⲙⲡⲉϥⲟⲩⲟⲉⲓⲛ · ϥⲛⲁϭⲱϣⲧ ⲉϩⲣⲁⲓ ⲉϫⲛⲧϩⲩⲗⲏ ⲧⲏⲣⲥ · ⲉⲥⲱⲧⲙ ⲉⲡⲁϣⲁϩⲟⲙ ⲛⲛⲉⲧⲙⲏⲣ · ⲉⲃⲱⲗ ⲉⲃⲟⲗ ⲛⲧϭⲟⲙ ⲛⲛⲉⲯⲩⲭⲟⲟⲩⲉ ⲛⲉⲛⲧⲁⲩⲙⲟⲩⲣ ⲛⲧⲉⲩϭⲟⲙ · ⲉⲧⲣⲉϥⲕⲱ ⲙⲡⲉϥⲣⲁⲛ ϩⲛⲧⲉⲯⲩⲭⲏ · ⲁⲩⲱ ⲡⲉϥⲙⲩⲥⲧⲏⲣⲓⲟⲛ ϩⲣⲁⲓ ϩⲛⲧϭⲟⲙ ·
“18. This is then that mystery which is become the type in respect of the race which shall be born; and the race which shall be born will sing praises to the height. “19. For the Light hath looked down from the height of its light. It will look down on | the total matter, 20. To hear the sighing of those in chains, to loose the power of the souls whose power is bound,-- 21. So that it may lay its name in the soul and its mystery in the power.”
pistis.sophia_book_2_part6:6
ⲁⲩⲱ ⲡⲉⲛⲧⲁϥϫⲓ ⲙⲡⲙⲩⲥⲧⲏⲣⲓⲟⲛ ⲙⲡⲙⲉϩⲥⲛⲁⲩ ⲛⲧⲣⲓⲡⲛⲉⲩⲙⲁⲧⲟⲥ ⲟⲩⲛⲧⲁϥ ⲙⲙⲁⲩ ⲛⲧⲉⲝⲟⲩⲥⲓⲁ ⲉⲧⲣⲉϥ ⲉⲓ ⲉⲛⲧⲁⲝⲓⲥ ⲧⲏⲣⲟⲩ ⲙⲡⲓϣⲟⲣⲡ ⲛⲧⲣⲓⲡⲛⲉⲩⲙⲁⲧⲟⲥ ⲁⲩⲱ ⲛϥⲙⲟⲩϣⲧ ⲙⲙⲟⲟⲩ ⲧⲏⲣⲟⲩ ⲙⲛⲛⲉⲩⲧⲁⲝⲓⲥ ⲧⲏⲣⲟⲩ ⲉⲧϣⲟⲟⲡ ⲛϩⲏⲧⲟⲩ ·
“And he who hath received the mystery of the second Thrice-spiritual, hath the power to go into all the orders of the first Thrice-spiritual | and to pass through them all and all their orders which are in them;”
pistis.sophia_book_2_part8:6
ⲙⲛⲛⲧⲟⲡⲟⲥ ⲧⲏⲣⲟⲩ ⲛⲧⲉⲛⲉⲡⲣⲟⲃⲟⲗⲟⲟⲩⲉ ⲙⲡⲟⲩⲟⲉⲓⲛ ⲁⲩⲱ ⲛⲥⲛⲁϯⲁⲡⲟⲫⲁⲥⲓⲥ ⲁⲛ ⲟⲩⲇⲉ ⲁⲡⲟⲗⲟⲅⲓⲁ ⲟⲩⲇⲉ ⲥⲩⲙⲃⲟⲗⲟⲛ ϩⲛⲗⲁⲁⲩ ⲛⲧⲟⲡⲟⲥ ⲛⲧⲉⲡⲟⲩⲟⲉⲓⲛ · ⲟⲩⲇⲉ ϩⲛⲗⲁⲁⲩ ⲛⲧⲟⲡⲟⲥ ⲛⲧⲉⲛⲁⲣⲭⲱⲛ · ⲁⲗⲗⲁ ⲥⲛⲁϫⲱⲧⲉ ϩⲛⲛⲧⲟⲡⲟⲥ ⲧⲏⲣⲟⲩ ⲁⲩⲱ ⲥⲛⲁⲟⲩⲟⲧⲃⲟⲩ ⲧⲏⲣⲟⲩ · ⲛⲥⲃⲱⲕ ⲛⲥⲣⲣⲣⲟ ⲉϩⲣⲁⲓ ⲉϫⲛⲛⲧⲟⲡⲟⲥ ⲧⲏⲣⲟⲩ ⲙⲡϣⲟⲣⲡ ⲛⲥⲱⲧⲏⲣ ·
and all the regions of the emanations of the Light. And it will not give answers nor apologies nor tokens in any single region of the Light nor in any single region of the rulers; but it will pass through all the regions and cross over them all, so that it goeth and ruleth over all the regions of the first saviour.
pistis.sophia_book_4_part1:6
ⲡⲕⲉϣⲱϫⲡ ⲇⲉ ⲙⲙⲁⲑⲏⲧⲏⲥ ⲙⲛⲙⲙⲁⲑⲏⲧⲣⲓⲁ ⲛⲥϩⲓⲙⲉ ⲛⲉⲩⲁϩⲉⲣⲁⲧⲟⲩ ⲡⲉ ϩⲓⲡⲁϩⲟⲩ ⲛⲓⲏⲥⲟⲩⲥ ·
and the rest of the disciples and the women-disciples stood back of Jesus.
pistis.sophia_book_1_part4:6
ⲟⲩⲛⲟϭ ⲡⲉ ⲡⲉⲕⲛⲁ ⲥⲱⲧⲙ ⲉⲣⲟⲓ ϩⲛⲟⲩⲙⲉ . ⲁⲩⲱ ⲛⲅⲛⲟⲩϩⲙ ⲙⲙⲟⲓ · ⲛⲁϩⲙⲉⲧ ⲉⲃⲟⲗ ϩⲛⲧϩⲩⲗⲏ ⲙⲡⲉⲓⲕⲁⲕⲉ ϫⲉⲛⲛⲁⲱⲙⲥ ⲛϩⲏⲧϥ ϫⲉⲕⲁⲥ ⲉⲓⲉⲛⲟⲩϩⲙ ⲉⲛⲉⲡⲣⲟⲃⲟⲗⲟⲟⲩⲉ ⲙⲡⲁⲩⲑⲁⲇⲏⲥ ⲛⲛⲟⲩⲧⲉ · ⲛⲁⲓ ⲉⲧϩⲱϫ ⲙⲙⲟⲓ · ⲁⲩⲱ ⲉⲃⲟⲗ ϩⲛⲛⲉⲩⲡⲉⲧϩⲟⲟⲩ . ⲙⲡⲣⲧⲣⲉⲡⲉⲓⲕⲁⲕⲉ ⲟⲙⲉⲥⲧ · ⲁⲩⲱ ⲧⲉⲓϭⲟⲙ ⲛϩⲁ ⲙⲙⲟⲩⲓ . ⲙⲡⲣⲧⲣⲉⲥⲟⲩⲱⲙⲕ ⲛⲧⲁϭⲟⲙ ⲧⲏⲣⲥ ϣⲁⲃⲟⲗ · ⲁⲩⲱ ⲙⲡⲣⲧⲣⲉⲡⲉⲓⲭⲁⲟⲥ ϩⲱⲃⲥ ⲉⲃⲟⲗ ⲉϫⲛⲧⲁϭⲟⲙ ·
“--great is thy mercy,--then hear me in truth and save me. 14. Save me out of the matter of this darkness, that I may not be submerged therein, that I may be saved from the emanations of god Self-willed which press me sore, and from their evil doings. 15. Let not this darkness submerge me, and let not this lion-faced power entirely devour the whole of my power, and | let not this chaos shroud my power.”
pistis.sophia_book_2_part9:6
ⲁⲩⲱ ⲛⲛⲉⲩⲛⲁϣ ⲕⲗⲏⲣⲟⲛⲟⲙⲉⲓ ⲁⲛ ⲡⲉ ⲛⲧⲙⲛⲧⲣⲣⲟ ⲙⲡⲟⲩⲟⲉⲓⲛ · ⲛⲥⲁⲃⲏⲗ ϫⲉⲁⲓⲉⲓⲛⲉ ⲛⲁⲩ ⲛⲙⲙⲩⲥⲧⲏⲣⲓⲟⲛ ⲛⲣⲉϥⲥⲱⲧϥ ·
and they would not be able to inherit the kingdom of the Light, if I had not brought unto them the purifying mysteries.
pistis.sophia_book_3_part6:6
ⲁⲩⲱ ⲉⲣϣⲁⲛⲡⲁⲣⲭⲱⲛ ⲛⲟⲩϫⲉ ⲉⲃⲟⲗ ⲛⲛⲉⲯⲩⲭⲟⲟⲩⲉ · ϣⲁⲣⲉⲛⲁⲅⲅⲉⲗⲟⲥ ⲛⲓⲉⲟⲩ ⲡϣⲟⲣⲡ ⲛⲣⲱⲙⲉ · ⲛⲁⲓ ⲉⲧⲣⲟⲉⲓⲥ ⲉⲛⲧⲁⲙⲉⲓⲟⲛ ⲙⲡⲙⲁ ⲉⲧⲙⲙⲁⲩ · ϣⲁϥⲥⲡⲟⲩⲇⲁⲍⲉ ⲛⲧⲉⲩⲛⲟⲩ ⲛϥϩⲁⲣⲡⲁⲍⲉ ⲛⲧⲉⲯⲩⲭⲏ ⲉⲧⲙⲙⲁⲩ ϣⲁⲛⲧϥϫⲓⲧⲥ ⲉⲣⲁⲧϥ ⲛⲓⲉⲟⲩ ⲡϣⲟⲣⲡ ⲛⲣⲱⲙⲉ ⲡⲉⲡⲣⲉⲥⲃⲉⲩⲧⲏⲥ ⲙⲡϣⲟⲣⲡ ⲛⲧⲱϣ · ⲁⲩⲱ ϣⲁⲣⲉⲓⲉⲟⲩ ⲡϣⲟⲣⲡ ⲛⲣⲱⲙⲉ ϣⲁϥⲛⲁⲩ ⲉⲛⲉⲯⲩⲭⲟⲟⲩⲉ ⲛϥⲇⲟϭⲓⲙⲁⲍⲉ ⲙⲙⲟⲟⲩ · ϣⲁϥϩⲉ ⲉⲣⲟⲟⲩ ⲉⲁⲩϫⲱⲕ ⲉⲃⲟⲗ ⲛⲛⲉⲩⲕⲩⲕⲗⲟⲥ · ⲁⲩⲱ ⲟⲩⲕ ⲉⲝⲉⲥⲧⲓ ⲉⲧⲣⲉⲩⲛⲧⲟⲩ ⲉⲡⲕⲟⲥⲙⲟⲥ ⲛⲟⲩⲱϩⲙ · ϫⲉⲯⲩⲭⲏ ⲛⲓⲙ ⲉⲧⲟⲩⲛⲁⲛⲟϫⲟⲩ ⲉⲡⲕⲁⲕⲉ ⲉⲧϩⲓⲃⲟⲗ · ⲟⲩⲕ ⲉⲝⲉⲥⲧⲓ ⲉⲛⲧⲟⲩ ⲉⲡⲕⲟⲥⲙⲟⲥ ⲛⲟⲩⲱϩⲙ ·
“And when the ruler casteth out souls, straight-way the angels of Yew, the First Man, who watch the dungeons of that region, hasten to snatch away those souls to lead them before Yew, the First Man, the Envoy of the First Commandment. And Yew, the First Man, seeth the souls and proveth them; he findeth that they have completed their circuits and that it is not lawful to bring them anew into the world, for it is not lawful to bring anew into the world all souls which are cast into the outer darkness.”
pistis.sophia_book_1_part7:6
ϩⲁⲙⲏⲛ ϩⲁⲙⲏⲛ ϯϫⲱ ⲙⲙⲟⲥ ⲛⲏⲧⲛ ϫⲉⲧⲉⲧⲛⲁⲣ ϣⲟⲣⲡ ⲉϩⲟⲩⲛ ⲉⲧⲙⲛⲧⲣⲣⲟ ⲛⲙⲡⲏⲩⲉ ϩⲁⲧϩⲏ ⲛⲛⲁϩⲟⲣⲁⲧⲟⲥ ⲧⲏⲣⲟⲩ ⲙⲛⲛⲛⲟⲩⲧⲉ ⲧⲏⲣⲟⲩ · ⲙⲛⲛⲛⲟⲩⲧⲉ ⲧⲏⲣⲟⲩ ⲙⲛⲛⲁⲣⲭⲱⲛ ⲧⲏⲣⲟⲩ · ⲛⲁⲓ ⲉⲧϣⲟⲟⲡ ϩⲙⲡⲙⲉϩⲙⲛⲧϣⲟⲙⲧⲉ ⲛⲁⲓⲱⲛ · ⲁⲩⲱ ϩⲙⲡⲙⲉϩⲙⲛⲧⲥⲛⲟⲟⲩⲥ ⲛⲁⲓⲱⲛ ·
Amēn, amēn, I say unto you: Ye shall be the first in the kingdom of heaven before all invisibles and all gods and rulers who are in the thirteenth æon and in the twelfth æon;
pistis.sophia_book_1_part1:7
ⲛⲁⲓ ⲉⲧϣⲟⲟⲡ ϩⲙⲡⲙⲉϩⲥⲛⲁⲩ ⲛⲭⲱⲣⲏⲙⲁ ⲛⲧⲉⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ ⲉⲧϩⲁⲧⲉ ϩⲏ ⲙⲙⲩⲥⲧⲏⲣⲓⲟⲛ ⲛⲓⲙ ·
--those [four-and-twenty] which are in the second space of the First Mystery which is before all mysteries,
pistis.sophia_book_1_part6:7
ⲡⲗⲏⲛ ϭⲉ ⲉⲓⲁⲛⲉⲭⲉ ⲛⲛⲁⲥⲛⲏⲩ ϣⲁⲧⲉⲛⲟⲩ ϫⲉⲛⲛⲁϯϭⲱⲛⲧ ⲛⲁⲩ · ⲁⲗⲗⲁ ϯⲁⲛⲉⲭⲉ ⲙⲡⲟⲩⲁ ⲡⲟⲩⲁ ⲙⲙⲟⲟⲩ ⲉϥⲛⲏⲩ ⲉⲧϩⲏ ⲙⲙⲟⲕ · ⲉⲩϫⲱ ⲙⲡⲃⲱⲗ ⲛⲧⲙⲉⲧⲁⲛⲟⲓⲁ ⲛⲧⲡⲓⲥⲧⲓⲥ ⲥⲟⲫⲓⲁ · ⲧⲉⲛⲟⲩ ϭⲉ ⲡⲁϫⲟⲉⲓⲥ ⲉⲧⲃⲉⲡⲃⲱⲗ ⲛⲧⲙⲉϩⲥⲁϣϥⲉ ⲙⲙⲉⲧⲁⲛⲟⲓⲁ ⲛⲧⲡⲓⲥⲧⲓⲥ ⲥⲟⲫⲓⲁ ⲁⲧⲉⲕϭⲟⲙ ⲛⲟⲩⲟⲉⲓⲛ ⲡⲣⲟⲫⲏⲧⲉⲩⲉ ϩⲁⲣⲟⲥ ϩⲓⲧⲛⲇⲁⲩⲉⲓⲇ · ⲡⲉⲡⲣⲟⲫⲏⲧⲏⲥ ⲉⲥϫⲱ ⲙⲙⲟⲥ ⲛⲧⲉⲓϩⲉ ϩⲙⲡⲙⲉϩϫⲟⲩⲧⲁϥⲧⲉ ⲙⲯⲁⲗⲙⲟⲥ ϫⲉ ⲡϫⲟⲉⲓⲥ ⲁⲓϥⲓ ⲛⲧⲁⲯⲩⲭⲏ ⲉϩⲣⲁⲓ ⲉⲣⲟⲕ ⲡⲁⲛⲟⲩⲧⲉ ·
“But indeed I have borne with my brethren until now, so that I should not anger them; nay rather I have borne with every one that he should come before thee and speak | the solution of the repentance of Pistis Sophia. Now, therefore, my Lord, concerning the solution of the seventh repentance of Pistis Sophia thy light-power hath prophesied through the prophet David in the twenty-fourth Psalm, thus 1. O Lord, unto thee have I lifted up my soul, O my God.”
pistis.sophia_book_3_part1:7
ⲁϫⲓⲥ ⲉⲣⲟⲟⲩ ϫⲉⲁⲡⲟⲧⲁⲥⲥⲉ ⲛⲛⲓⲙⲛⲧⲣⲉ ⲛⲛⲟⲩϫ ⲛⲧⲉⲧⲛⲙⲡϣⲁ ⲛⲙⲙⲩⲥⲧⲏⲣⲓⲟⲛ ⲙⲡⲟⲩⲟⲉⲓⲛ ⲧⲁⲣⲉⲧⲛⲣⲃⲟⲗ · ⲧⲁⲣⲉⲧⲛⲛⲟⲩϩⲙ ⲉⲛⲉⲓⲉⲣⲟ ⲛⲕⲱϩⲧ ⲙⲡⲓϩⲁ ⲛⲟⲩϩⲟⲣ ·
“Say unto them: Renounce false witness, that ye may be worthy of the mysteries of the Light and that ye may escape and be saved from the fire-rivers of the dog-faced [one].”
pistis.sophia_book_1_part8:7
ⲙⲁⲣⲉϥⲣⲁⲧϭⲟⲙ ⲛϭⲓⲡⲉⲩϣⲟϫⲛⲉ · ⲁⲩⲱ ⲛⲉⲛⲧⲁⲩϣⲟϫⲛⲉ ⲉⲣⲟⲟⲩ ⲙⲁⲣⲟⲩⲉⲓ ⲉϩⲣⲁⲓ ⲉϫⲱⲟⲩ · ⲁⲩⲙⲉⲕⲙⲟⲩⲕⲟⲩ ⲉⲩϣⲟϫⲛⲉ . ⲁⲩⲱ ⲙⲡϥϣⲱⲡⲉ ⲛⲁⲩ ⲁⲩⲱ ⲁⲩϫⲣⲟ ⲉⲣⲟⲟⲩ ⲉⲩϭⲙϭⲟⲙ · ⲁⲩⲱ ⲛⲉⲧⲁⲩⲥⲃⲧⲱⲧⲟⲩ ⲕⲁⲕⲱⲥ · ⲁⲩϩⲉ ⲉⲡⲉⲥⲏⲧ ⲉⲣⲟⲟⲩ . ⲉⲣⲉⲧⲁϩⲉⲗⲡⲓⲥ ϩⲙⲡϫⲟⲉⲓⲥ ·
“6. May their resolution be impotent, and may what they concoct come upon them. “7. They have devised a resolution, and it hath not taken effect for them. 8. And they are vanquished, although they be mighty, and what they have wickedly prepared is fallen upon them. 9. My hope is in the Lord,”
pistis.sophia_book_3_part5:7
ⲁⲩⲱ ⲁϥϫⲱⲕ ⲉⲃⲟⲗ ⲛϭⲓⲡⲙⲩⲥⲧⲏⲣⲓⲟⲛ ⲙⲡϣⲟⲣⲡ ⲙⲙⲩⲥⲧⲏⲣⲓⲟⲛ · ⲡⲁⲓ ⲛⲧⲁⲡⲧⲏⲣϥ ϣⲱⲡⲉ ⲉⲧⲃⲏⲏⲧϥ · ⲉⲧⲉⲁⲛⲟⲕ ⲡⲉ ⲡⲙⲩⲥⲧⲏⲣⲓⲟⲛ ⲉⲧⲙⲙⲁⲩ · ⲁⲩⲱ ϫⲓⲛⲡⲉⲓⲛⲁⲩ ⲙⲛⲗⲁⲁⲩ ⲛⲁⲃⲱⲕ ⲉⲡⲟⲩⲟⲉⲓⲛ · ⲁⲩⲱ ⲙⲛⲗⲁⲁⲩ ⲛⲁϣⲉⲓ ⲉⲃⲟⲗ ϫⲉϩⲣⲁⲓ ϩⲙⲡϫⲱⲕ ⲉⲃⲟⲗ ⲙⲡⲉⲟⲩⲟⲉⲓϣ ⲙⲡⲁⲣⲓⲑⲙⲟⲥ ⲛⲛⲉⲯⲩⲭⲟⲟⲩⲉ ⲛⲧⲉⲗⲓⲟⲥ ϩⲁⲧϩⲏ ⲉⲙⲡⲁⲧϯⲕⲱ ⲉⲃⲟⲗ ⲙⲡⲕⲱϩⲧ ⲉⲡⲕⲟⲥⲙⲟⲥ · ⲉⲧⲣⲉϥⲥⲱⲧϥ * ⲛⲁⲓⲱⲛ ⲙⲛⲛⲕⲁⲧⲁⲡⲉⲧⲁⲥⲙⲁ · ⲙⲛⲛⲉⲥⲧⲉⲣⲉⲱⲙⲁ ⲙⲛⲡⲕⲁϩ ⲧⲏⲣϥ ⲙⲛⲛⲕⲉϩⲩⲗⲏ ⲧⲏⲣⲟⲩ ⲉⲧϩⲓϫⲱϥ ·
“and the mystery of the First Mystery is completed, for the sake of which the universe hath arisen,--that is: I am that Mystery. And from this hour onwards no one will be able to enter into the Light and no one be able to go forth. For at the completion of the time of the number of the perfect souls, before I have set fire to the world, in order that it may purify the æons and the veils and the firmaments and the whole earth and also all the matters which are on it,”
pistis.sophia_book_2_part2:7
ⲥⲱⲧⲙ ϭⲉ ⲧⲁϫⲟⲟⲩ ϩⲛⲟⲩⲡⲁⲣϩⲏⲥⲓⲁ ·
Hearken therefore, that I may say it in openness.
pistis.sophia_book_1_part3:7
ⲉⲧⲃⲉⲡⲁⲓ ϭⲉ ⲁⲓⲡⲱⲱⲛⲉ ⲛⲧⲉⲩϭⲓⲛⲙⲟⲟϣⲉ ϫⲉⲉⲩⲉⲣϩⲃⲁ · ⲁⲩⲱ ⲛⲥⲉϣⲧⲟⲣⲧⲣ ⲛⲥⲉⲕⲱ ⲉⲃⲟⲗ ⲛⲧϭⲟⲙ ·
For this cause then I have changed their path, that they might be deluded and fall into agitation and yield up the power
pistis.sophia_book_3_part3:7
ⲁⲩⲱ ϣⲁⲥϫⲱ ⲙⲡⲙⲩⲥⲧⲏⲣⲓⲟⲛ ⲛⲥⲁⲡⲟⲗⲩ ⲙⲡⲁⲛⲧⲓⲙⲓⲙⲟⲛ ⲙⲡⲛⲉⲩⲙⲁ · ⲉⲣⲁⲧⲟⲩ ⲛⲛⲁⲣⲭⲱⲛ ⲛⲧϩⲓⲙⲁⲣⲙⲉⲛⲏ ⲉⲡⲧⲟⲡⲟⲥ ⲛⲧⲁⲩⲙⲟⲣϥ ⲉⲣⲟⲥ ⲛϩⲏⲧϥ ·
And it uttereth the mystery and releaseth the counterfeiting spirit to the rulers of the Fate to the region in which it was bound to it.
pistis.sophia_book_2_part3:7
ⲁⲕⲧⲁⲕⲟϥ ϫⲉⲕⲁⲥ ⲛⲛⲉⲡⲉϥⲥⲡⲉⲣⲙⲁ ⲧⲱⲟⲩⲛ ϫⲓⲛⲙⲡⲉⲓ ⲛⲁⲩ ⲁⲩⲱ ⲡϣⲁϫⲉ ⲉⲛⲧⲁⲧⲉⲕϭⲟⲙ ϫⲟⲟϥ ϫⲉⲁⲩⲱ ⲛⲧⲟⲕ ⲛⲉⲕⲛⲙⲙⲁⲓ ⲡⲉ ⲡⲉⲕϯ ⲛⲧⲟⲟⲧ ·
“Thou hast destroyed it, so that its seed may not raise itself up from now on.' And the word which thy power hath spoken: 'And thou wert with me, helping me,”
pistis.sophia_book_1_part5:7
ⲍ ⲁⲥϣⲱⲡⲉ ⲇⲉ ⲉⲣⲉⲓⲏⲥⲟⲩⲥ ϫⲱ ⲛⲛⲉⲓϣⲁϫⲉ ⲉⲛⲉϥⲙⲁⲑⲏⲧⲏⲥ ⲉϥϫⲱ ⲙⲙⲟⲥ ⲛⲁⲩ ϫⲉⲧⲁⲓ ⲧⲉ ⲧⲙⲉϩϥⲧⲟ ⲙⲙⲉⲧⲁⲛⲟⲓⲁ · ⲉⲛⲧⲁⲥϫⲟⲟⲥ ⲛϭⲓⲧⲡⲓⲥⲧⲓⲥ ⲥⲟⲫⲓⲁ ·
“It came to pass while Jesus spake these words unto his disciples, saying unto them: This is the fourth repentance which Pistis Sophia hath uttered;”
pistis.sophia_book_2_part7:7
ⲁⲩⲱ ⲉⲧⲃⲉⲟⲩ ⲁⲩⲡⲣⲟⲉⲗⲑⲉ ⲉⲃⲟⲗ ϩⲛⲛⲓⲁⲡⲁⲧⲱⲣ · ⲁⲩⲱ ⲡⲙⲩⲥⲧⲏⲣⲓⲟⲛ ⲉⲧⲙⲙⲁⲩ ⲛⲧⲟϥ ⲡⲉⲧⲥⲟⲟⲩⲛ ϫⲉⲉⲧⲃⲉⲟⲩ ⲁϥⲥⲕⲩⲗⲗⲉ ⲙⲙⲟϥ ⲛϭⲓⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ ⲉⲧⲉⲛⲧⲟϥ ⲡⲉ ⲡⲙⲉϩϫⲟⲩⲧⲁϥⲧⲉ ⲙⲙⲩⲥⲧⲏⲣⲓⲟⲛ ⲉⲃⲟⲗ ⲁⲩⲱ ⲉⲧⲃⲉⲟⲩ ⲁϥⲕⲱϩ ϩⲣⲁⲓ ⲛϩⲏⲧϥ ⲙⲡⲙⲛⲧⲥⲛⲟⲟⲩⲥ ⲙⲙⲩⲥⲧⲏⲣⲓⲟⲛ ⲕⲁⲧⲁⲧⲏⲡⲉ ⲛⲧⲁⲣⲓⲑⲙⲏⲥⲓⲥ ⲛⲛⲓⲁⲭⲱⲣⲏⲧⲟⲥ ⲛⲁⲡⲉⲣⲁⲛⲧⲟⲥ ·
“and wherefor it hath come forth from the Fatherless. And that mystery knoweth wherefor the First Mystery, that is the four-and-twentieth mystery from without, hath rent itself asunder and wherefor it imitated in itself the twelve mysteries according to the number of the numbering of the Uncontainables | and Boundless”
pistis.sophia_book_4_part3:7
ⲡⲉϫⲉⲓⲏⲥⲟⲩⲥ ⲛⲛⲉϥⲙⲁⲑⲏⲧⲏⲥ ϫⲉⲉϣⲱⲡⲉ ⲉⲣϣⲁⲛⲧⲉⲥ*ⲁⲓⲣⲁ ⲕⲱⲧⲉ ⲛⲧⲉ*□ⲟⲛⲟⲥ ⲙⲛⲁⲣⲏⲥ ⲉⲓ ⲛ**ⲡⲁϩⲟⲩ ⲛⲧⲡⲁⲣⲑⲉⲛⲟⲥ ⲙⲡⲟⲩⲟⲉⲓⲛ ⲁⲩⲱ ⲛⲧⲉⲍⲉⲩⲥ ⲙⲛⲧⲁⲫⲣⲟⲇⲓⲧⲏ ⲉⲓ ⲙⲡⲉⲙⲧⲟ ⲉⲃⲟⲗ ⲛⲧⲡⲁⲣⲑⲉⲛⲟⲥ ⲉⲩϩⲛⲛⲉⲩⲁⲓⲱⲛ ⲙⲙⲓⲛⲙⲙⲟⲟⲩ ϣⲁⲩⲥⲱⲕ' ⲛⲛⲕⲁⲧⲁⲕⲁⲉⲧⲁⲡⲉⲧⲁⲥⲙⲁ ⲛⲧⲡⲁⲣⲑⲉⲛⲟⲥ ϣⲁⲥϣⲱⲡⲉ ⲉⲥⲣⲟⲟⲩⲧ ⲙⲡⲛⲁⲩ ⲉⲧⲙⲙⲁⲩ ⲉⲥⲛⲁⲩ ⲉⲡⲉⲓⲥⲓⲟⲩ ⲥⲛⲁⲩ ⲛⲟⲩⲟⲉⲓⲛ ⲙⲡⲉⲥⲙⲧⲟ ⲉⲃⲟⲗ ⲁⲩⲱ ⲯⲩⲭⲏ ⲛⲓⲙ ⲉⲧⲥⲛⲁⲛⲟϫⲟⲩ ⲉⲡⲕⲩⲕⲗⲟⲥ ⲛⲛⲁⲓⲱⲛ ⲛⲧⲉⲥⲫⲁⲓⲣⲁ ⲙⲡⲛⲁⲩ ⲉⲧⲙⲙⲁⲩ ⲉⲧⲣⲉⲩ ⲉⲓ ⲉⲃⲟⲗ ⲉⲡⲕⲟⲥⲙⲟⲥ ϣⲁⲩϣⲱⲡⲉ ⲛⲇⲓⲕⲁⲓⲟⲥ ⲛⲁⲅⲁⲑⲟⲥ ⲁⲩⲱ ϣⲁⲩϩⲉ ⲉⲙⲙⲩⲥⲧⲏⲣⲓⲟⲛ ⲙⲡⲟⲩⲟⲉⲓⲛ ⲙⲡⲉⲓϩⲉⲥⲟⲡ ϣⲁⲥⲧⲛⲛⲟⲟⲩⲥⲟⲩ ⲛⲕⲉⲥⲟⲡ' ⲛⲥⲉϩⲉ ⲉⲙⲙⲩⲥⲧⲏⲣⲓⲟⲛ ⲙⲡⲟⲩⲟⲉⲓⲛ ·
“Jesus said unto his disciples: When the sphere turneth itself, and Kronos and Arēs come behind the Virgin of Light and Zeus and Aphrodite come in face of the Virgin, they being in their own æons, then the veils of the Virgin draw themselves aside and she falleth into joy in that hour when she seeth these two light-stars before her. And all the souls which she shall cast at that hour into the circuit of the æons of the sphere, that | they may come into the world, will be righteous and good and find at this time the mysteries of the Light; she sendeth them anew that they may find the mysteries of the Light.”
pistis.sophia_book_1_part2:7
ⲭⲱⲣⲓⲥ ⲡⲁⲓ ⲉⲛⲧⲁⲛⲧⲛⲛⲟⲟⲩϥ ⲛⲁⲕ ϫⲉⲕⲙⲡϣⲁ ⲙⲙⲟⲟⲩ . ⲉⲡⲉⲓⲇⲏ ⲛⲧⲟⲕ ⲡⲉⲧⲟ ⲛϣⲟⲣⲡ ⲉⲣⲟⲛ ⲁⲩⲱ ⲕϣⲟⲟⲡ ϩⲁⲧⲉⲛⲉϩⲏ ·
besides the one which we have sent thee, for thou art worthy of them, since thou art prior to us, and existeth before us.
pistis.sophia_book_3_part4:7
ⲁⲩⲱ ⲟⲛ ⲡϣⲁϫⲉ ⲛⲧⲁⲕϫⲟⲟϥ ⲉⲣⲟⲛ ⲙⲡⲓⲟⲩⲟⲉⲓϣ ϫⲉⲉⲧⲉⲧⲛⲙⲉⲉⲩⲉ ϫⲉⲛⲧⲁⲓⲉⲓ ⲉⲛⲟⲩϫⲉ ⲛⲟⲩⲉⲓⲣⲏⲛⲏ ⲉϫⲙⲡⲕⲁϩ · ⲙⲙⲟⲛ · ⲁⲗⲗⲁ ⲟⲩ ⲡⲱⲣϫ ⲡⲉⲛⲧⲁⲓⲉⲓ ⲉⲛⲟⲩϫⲉ ⲙⲙⲟϥ · ϫⲉϫⲓⲛⲧⲉⲛⲟⲩ ⲅⲁⲣ ⲟⲩⲛϯⲟⲩ ⲛⲁϣⲱⲡⲉ ϩⲛⲟⲩⲏⲓ ⲛⲟⲩⲱⲧ · ⲟⲩⲛϣⲟⲙⲛⲧ ⲛⲁⲡⲱϣ ⲉϫⲛⲥⲛⲁⲩ · ⲁⲩⲱ ⲥⲛⲁⲩ ⲉϫⲛϣⲟⲙⲛⲧ · ⲉⲧⲉⲡⲁⲓ ⲡⲉ ⲡⲙⲩⲥⲧⲏⲣⲓⲟⲛ ⲛⲛⲃⲁⲡⲧⲓⲥⲙⲁ ⲛⲧⲁⲕⲛⲧϥ ⲉⲡⲕⲟⲥⲙⲟⲥ · ⲉⲁϥⲣⲟⲩ ⲡⲱⲣϫ ϩⲣⲁⲓ ϩⲛⲛⲥⲱⲙⲁ ⲛⲧⲉⲡⲕⲟⲥⲙⲟⲥ ⲉⲃⲟⲗ ϫⲉⲡⲁⲛⲧⲓⲙⲓⲙⲟⲛ ⲙⲡⲛⲉⲩⲙⲁ ⲙⲛⲡⲥⲱⲙⲁ ⲙⲛⲧⲙⲟⲓⲣⲁ ·
“And moreover the word which thou hast spoken unto us aforetime: 'Think ye I am come to cast peace on the earth? Nay, but I am come to cast division. For from now on five will be in one house; three will be divided against two, and two against three,'--that is: Thou hast brought the mystery of the baptisms into the world, and it hath effected a division in the bodies of the world, because it hath separated the counterfeiting spirit and the body and the destiny”
pistis.sophia_book_3_part7:7
ⲛϣⲟⲣⲡ ⲙⲉⲛ ϣⲁⲩⲕⲁⲗⲉ ⲙⲡⲁⲛⲧⲓⲙⲓⲙⲟⲛ ⲙⲡⲛⲉⲩⲙⲁ ⲙⲛⲛⲥⲱⲥ ϣⲁⲩⲕⲁⲗⲉ ⲛⲧⲉ * □ⲯⲩⲭⲏ ⲙⲡⲉⲩϩⲟⲩⲛ ·
--first indeed they summon the counterfeiting spirit; thereafter they summon the soul within them;
pistis.sophia_book_2_part8:7
ϩⲟⲙⲟⲓⲱⲥ ⲟⲛ ⲡⲉⲧⲛⲁϫⲓ ⲙⲡⲙⲉϩⲥⲛⲁⲩ ⲙⲙⲩⲥⲧⲏⲣⲓⲟⲛ ⲛⲧⲉⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ · ⲙⲛⲡⲙⲉϩϣⲟⲙⲛⲧ ⲙⲛⲡⲙⲉϩϥⲧⲟⲟⲩ ϩⲉⲱⲥ ϣⲁⲛⲧϥϫⲓ ⲙⲡⲙⲉϩⲙⲛⲧⲥⲛⲟⲟⲩⲥ ⲙⲙⲩⲥⲧⲏⲣⲓⲟⲛ ⲛⲧⲉⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ ·
“In like manner also he who shall receive the second mystery of the First Mystery and the third and fourth, until he shall receive the twelfth mystery of the First Mystery,”
pistis.sophia_book_3_part2:7
ⲁϥⲟⲩⲱϩⲙ ⲇⲉ ⲛϭⲓⲡⲥⲱⲧⲏⲣ ⲡⲉϫⲁϥ ⲛⲓⲱϩⲁⲛⲛⲏⲥ · ϫⲉⲉⲧⲉⲧⲛϣⲁⲛⲃⲱⲕ ⲉϩⲣⲁⲓ ⲉⲩⲡⲟⲗⲓⲥ ⲏ ⲟⲩⲕⲱⲙⲏ · ⲡⲏⲓ ⲉⲧⲉⲧⲛⲛⲁⲃⲱⲕ ⲉϩⲟⲩⲛ ⲉⲣⲟϥ ⲛⲥⲉϣⲉⲡⲧⲏⲩⲧⲛ ⲉⲣⲟⲟⲩ ϯⲛⲁⲩ ⲛⲟⲩⲙⲩⲥⲧⲏⲣⲓⲟⲛ ·
“And the Saviour answered and said unto John: If ye come into a city or a village, where ye enter into the house and they receive you unto themselves, give them a mystery.”
pistis.sophia_book_1_part7:7
ⲛⲧⲱⲧⲛ ⲇⲉ ⲁⲛ ⲙⲁⲩⲁⲧⲧⲏⲩⲧⲛ ⲁⲗⲗⲁ ⲟⲩⲟⲛ ⲛⲓⲙ ⲟⲛ ⲉⲧⲛⲁⲣⲛⲁⲙⲩⲥⲧⲏⲣⲓⲟⲛ :
“and not only ye, but also every one who shall accomplish my mysteries.”
pistis.sophia_book_2_part6:7
ⲁⲗⲗⲁ ⲙⲛⲧⲁϥ ⲙⲙⲁⲩ ⲛⲧⲉⲝⲟⲩⲥⲓⲁ ⲉⲧⲣⲉϥⲃⲱⲕ ⲉⲛⲧⲁⲝⲓⲥ ⲙⲡϫⲓⲥⲉ ⲙⲡⲓⲙⲉϩϣⲟⲙⲛⲧ ⲛⲧⲣⲓⲡⲛⲉⲩⲙⲁⲧⲟⲥ · ⲁⲩⲱ ⲡⲉⲛⲧⲁϥϫⲓ ⲙⲡⲙⲩⲥⲧⲏⲣⲓⲟⲛ ⲙⲡⲙⲉϩϣⲟⲙⲛⲧ ⲛⲧⲣⲓⲡⲛⲉⲩⲙⲁⲧⲟⲥ . ⲓ ⲡⲁⲓ ⲉⲧⲁⲣϫⲓⲉⲡϣⲟⲙⲛⲧ ⲛⲧⲣⲓⲡⲛⲉⲩⲙⲁⲧⲟⲥ · ⲙⲛⲡϣⲟⲙⲛⲧ ⲛⲭⲱⲣⲏⲙⲁ ϩⲓⲛⲉⲩⲉⲣⲏⲩ ⲛⲧⲉⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ ·
“but he hath not the power to go into the higher orders of the third Thrice-spiritual. And he who hath received the mystery of the third Thrice-spiritual, which ruleth over the three Thrice-spirituals and the three spaces of the First Mystery all together, [hath the power to go into all the orders which are below him];”
pistis.sophia_book_4_part2:7
ⲡⲉϫⲉⲓⲏⲥⲟⲩⲥ ⲉⲧⲉⲁⲃⲉⲣⲁⲙⲉⲛⲑⲱ ⲡⲉ ⲉϩⲟⲩⲛ ⲉϩⲛⲛⲉϥⲙⲁⲑⲏⲧⲏⲥ ϫⲉⲉϩⲁⲙⲏⲛ ϯϫⲱ ⲙⲙⲟⲥ ⲛⲏⲧⲛ ϫⲉⲙⲡⲓⲛⲗⲁⲁⲩ ⲉⲡⲕⲟⲥⲙⲟⲥ ⲉⲓⲛⲏⲩ ⲛⲥⲁⲡⲉⲓⲕⲱϩⲧ ⲙⲛⲡⲉⲓⲙⲟⲟⲩ ⲙⲛⲡⲉⲓⲏⲣⲡ ⲙⲛⲡⲉⲓⲥⲛⲟϥ ·
“Jesus,--that is Aberamenthō,--said unto his disciples: Amēn, I say unto you: I have brought nothing into the world when I came, save this fire, this water, this wine and this blood.”
pistis.sophia_book_2_part4:7
ⲧⲉⲛⲟⲩ ϭⲉ ⲉⲧⲉⲧⲛⲧⲙⲕⲉⲧⲧⲏⲩⲧⲛ ⲉⲡⲁϩⲟⲩ ⲁⲩⲱ ⲛⲧⲉⲧⲛⲗⲟ ⲉⲧⲉⲧⲛⲡⲏⲧ ⲛⲥⲱⲓ . ⲡⲟⲩⲟⲉⲓⲛ ⲛⲁⲥⲃⲧⲉⲧⲉϥϭⲟⲙ · ⲁⲩⲱ ϥⲛⲁⲥⲟⲃⲧⲉ ϩⲛⲛⲉϥϭⲟⲙ ⲧⲏⲣⲟⲩ ·
“3. Now, therefore, if ye turn not back and cease not to pursue after me, then will the Light make ready its power, and it will make itself ready in all its powers.”
pistis.sophia_book_3_part6:7
ϣⲁⲩⲕⲁⲁⲩ ⲛⲧⲟⲟⲧⲟⲩ ⲛϭⲓⲙⲡⲁⲣⲁⲗⲏⲙⲡⲧⲏⲥ ⲛⲓⲉⲟⲩ ⲉϣⲱⲡⲉ ⲉⲙⲡⲟⲩϫⲱⲕ ⲉⲃⲟⲗ ⲛⲧⲉⲩⲏⲡⲥ ⲛⲕⲩⲕⲗⲟⲥ ϩⲛⲙⲙⲉⲧⲁⲃⲟⲗⲏ ⲙⲡⲥⲱⲙⲁ · ⲁⲩⲱ ϣⲁⲛⲧⲟⲩⲉⲓⲣⲉ ⲙⲡⲙⲩⲥⲧⲏⲣⲓⲟⲛ ⲙⲡⲓⲁⲧϣⲁϫⲉ ⲉⲣⲟϥ ϩⲁⲣⲟⲟⲩ · ϣⲁⲛⲧⲟⲩⲕⲟⲧⲟⲩ ⲉⲩⲥⲱⲙⲁ ⲛⲁⲅⲁⲑⲟⲥ · ⲡⲁⲓ ⲉϥⲛⲁϩⲉ ⲉⲙⲙⲩⲥⲧⲏⲣⲓⲟⲛ ⲙⲡⲟⲩⲟⲉⲓⲛ ⲛϥⲕⲗⲏⲣⲟⲛⲟⲙⲉⲓ ⲛⲧⲙⲛⲧⲣⲣⲟ ⲙⲡⲟⲩⲟⲉⲓⲛ ·
[But] if they have not yet completed their number of circuits in the changes of the body, the receivers of Yew keep them with them until they perform for them the mystery of the Ineffable, and remove them into a good body which shall find the mysteries of the Light and inherit the Light-kingdom.
pistis.sophia_book_2_part9:7
ⲛⲉⲡⲣⲟⲃⲟⲗⲟⲟⲩⲉ ⲅⲁⲣ ⲙⲡⲟⲩⲟⲉⲓⲛ ⲛⲥⲉⲣⲭⲣⲉⲓⲁ ⲁⲛ ⲙⲙⲩⲥⲧⲏⲣⲓⲟⲛ ⲥⲉⲥⲟⲧϥ ⲅⲁⲣ · ⲁⲗⲗⲁ ⲡⲅⲉⲛⲟⲥ ⲛⲧⲙⲛⲧⲣⲱⲙⲉ ⲛⲧⲟⲟⲩ ⲛⲉⲧⲣⲭⲣⲉⲓⲁ ⲙⲙⲟⲟⲩ ⲉⲃⲟⲗ ϫⲉϩⲉⲛⲥⲟⲣⲙ ⲛϩⲩⲗⲓⲕⲟⲛ ⲧⲏⲣⲟⲩ ⲛⲉ ·
“For the emanations of the Light have no need of the mysteries, for they are purified; but it is the race of men which hath need of them, because they all are material refuse”
pistis.sophia_book_1_part4:7
ⲥⲱⲧⲙ ⲉⲣⲟⲓ ⲡⲟⲩⲟⲉⲓⲛ ϫⲉⲛⲁⲛⲟⲩ ⲡⲉⲕⲛⲁ ⲁⲩⲱ ϭⲱϣⲧ ⲉϩⲣⲁⲓ ⲉϫⲱⲓ ⲕⲁⲧⲁⲡⲁϣⲁⲓ ⲛⲙⲛⲧⲛⲁⲏⲧ ⲙⲡⲉⲕⲟⲩⲟⲉⲓⲛ · ⲙⲡⲣⲕⲱⲧⲉ ⲙⲡⲉⲕϩⲟ ⲥⲁⲃⲟⲗ ⲙⲙⲟⲓ ϫⲉϯϩⲏϣ ⲉⲙⲁⲧⲉ · ϭⲉⲡⲏ ⲥⲱⲧⲙ ⲉⲣⲟⲓ . ⲁⲩⲱ ⲛⲅⲛⲟⲩϩⲙ ⲛⲧⲁϭⲟⲙ · ⲛⲁϩⲙⲉⲧ ⲉⲧⲃⲉ ⲛⲁⲣⲭⲱⲛ ⲉⲧⲙⲟⲥⲧⲉ ⲙⲙⲟⲓ ϫⲉⲛⲧⲟⲕ ⲡⲉⲧⲥⲟⲟⲩⲛ ⲙⲡⲁϩⲱϫ · ⲙⲛⲡⲁϩⲱϣ ⲙⲛⲫⲱϣ ⲛⲧⲁϭⲟⲙ · ⲉⲛⲧⲁⲩϥⲓⲧⲥ ⲛⲧⲟⲟⲧ · ⲥⲉϣⲟⲟⲡ ⲙⲡⲉⲕⲙⲧⲟ ⲉⲃⲟⲗ · ⲛϭⲓⲛⲉⲛⲧⲁⲩϫⲟⲉⲓ ϩⲛⲛⲉⲓⲡⲉⲧϩⲟⲟⲩ ⲧⲏⲣⲟⲩ · ⲭⲣⲱ ⲛⲁⲩ ⲕⲁⲧⲁⲡⲉⲧⲉϩⲛⲁⲕ ·
“16. Hear me, O Light, for thy grace is precious, and look down upon me according to the great mercy of thy Light. “17. Turn not thy face from me, for I am exceedingly tormented. 18. Haste thee, hearken unto me and save my power. 19. Save me because of the rulers who hate me, for thou knowest my sore oppression and my torment and the torment of my power which they have taken from me. They who have set me in all this evil are before thee; deal with them according to thy good pleasure.”
pistis.sophia_book_2_part1:7
ⲧⲉⲛⲟⲩ ϭⲉ ⲡⲛⲉⲩⲙⲁ ⲙⲛⲧⲙⲉ ⲉⲛⲧⲁⲩⲧⲱⲙⲛⲧ ⲉⲛⲉⲩⲉⲣⲏⲩ .
Now, therefore, 'Grace and truth' which 'met together,'
pistis.sophia_book_2_part5:7
ⲁⲩⲱ ⲟⲛ ⲉⲣⲉⲡⲟⲩⲁ ⲡⲟⲩⲁ ⲙⲙⲟⲟⲩ ⲉϥⲟ ⲛⲣⲣⲟ ⲕⲁⲧⲁⲡⲉϥⲉⲟⲟⲩ ·
and moreover every one of them being king according to his glory,
pistis.sophia_book_4_part1:7
ⲓⲏⲥⲟⲩⲥ ⲇⲉ ⲛⲉϥⲁϩⲉⲣⲁⲧϥ ⲡⲉ ϩⲓϫⲙⲡⲉⲑⲩⲥⲓⲁⲥⲧⲏⲣⲓⲟⲛ ·
But Jesus stood at the altar.
pistis.sophia_book_3_part1:8
ⲁϫⲓⲥ ⲉⲣⲟⲟⲩ ϫⲉⲁⲡⲟⲧⲁⲥⲥⲉ ⲛⲛⲓⲙⲛⲧϣⲟⲩϣⲟ ⲙⲛⲛⲓⲙⲛⲧϫⲁⲥⲓϩⲏⲧ ϫⲉⲉⲧⲉⲧⲛⲙⲡϣⲁ ⲛⲙⲙⲩⲥⲧⲏⲣⲓⲟⲛ ⲙⲡⲟⲩⲟⲉⲓⲛ ⲛⲧⲉⲧⲛⲛⲟⲩϩⲙ ⲉⲛⲓϩⲓⲉⲓⲧ ⲛⲕⲱϩⲧ ⲛⲁⲣⲓⲏⲗ ·
“Say unto them: Renounce pride and haughtiness, that ye may be worthy of the mysteries of the Light and be saved from the fire-pits of Ariēl.”
pistis.sophia_book_1_part3:8
ⲧⲁⲓ ⲉⲧϣⲟⲟⲡ ϩⲛⲧϩⲩⲗⲏ ⲙⲡⲉⲩⲕⲟⲥⲙⲟⲥ ⲧⲁⲓ ⲉϣⲁⲩⲁⲁⲥ ⲙⲯⲩⲭⲏ ·
which is in the matter of their world and which they fashion into souls,
pistis.sophia_book_1_part8:8
ⲁⲩⲱ ⲛϯⲛⲁⲣϩⲟⲧⲉ ⲁⲛ ϫⲉⲛⲧⲟⲕ ⲡⲉ ⲡⲁⲛⲟⲩⲧⲉ ⲡⲁⲥⲱⲧⲏⲣ . ⲁⲥϣⲱⲡⲉ ϭⲉ ⲛⲧⲉⲣⲉⲥⲁⲗⲱⲙⲏ ⲟⲩⲱ ⲉⲥϫⲱ ⲛⲛⲉⲓϣⲁϫⲉ ·
“and I shall not be afraid, for thou art my God, my Saviour.'” It came to pass then, when Salome had finished saying these words,”
pistis.sophia_book_2_part2:8
ⲡϣⲁϫⲉ ϭⲉ ⲉⲛⲧⲁⲧⲉⲕϭⲟⲙ ϫⲟⲟϥ ϩⲓⲧⲛⲇⲁⲩⲉⲓⲇ . ϫⲉⲡⲉⲧⲟⲩⲏϩ ϩⲁⲧⲃⲟⲏⲑⲓⲁ ⲙⲡⲉⲧϫⲟⲥⲉ . ϥⲛⲁϣⲱⲡⲉ ϩⲁⲧϩⲁⲓⲃⲉⲥ ⲙⲡⲛⲟⲩⲧⲉ ⲛⲧⲡⲉ · ⲉⲧⲉⲡⲁⲓ ⲡⲉ ϫⲉⲛⲧⲉⲣⲉⲧⲥⲟⲫⲓⲁ ⲛⲁϩⲧⲉ ⲉⲡⲟⲩⲟⲉⲓⲛ · ⲁⲥϣⲱⲡⲉ ϩⲁⲡⲟⲩⲟⲉⲓⲛ ⲛϯ ⲁⲡⲟϩⲣⲟⲓⲁ ⲛⲟⲩⲟⲉⲓⲛ · ⲧⲁⲓ ⲉⲛⲧⲁⲥⲉⲓ ϩⲙⲡϫⲓⲥⲉ ⲉⲃⲟⲗ ϩⲓⲧⲟⲟⲧⲕ ⲁⲩⲱ ⲡϣⲁϫⲉ ⲉⲛⲧⲁⲧⲉⲕϭⲟⲙ ϫⲟⲟϥ ϩⲓⲧⲛⲇⲁⲩⲉⲓⲇ . ϫⲉϯⲛⲁϫⲟⲟⲥ ⲙⲡϫⲟⲉⲓⲥ ϫⲉⲛⲧⲟⲕ ⲡⲉ ⲡⲁⲣⲉϥϣⲟⲡⲧ ⲉⲣⲟⲕ · ⲁⲩⲱ ⲡⲁⲙⲁ ⲙⲡⲱⲧ ⲡⲁⲛⲟⲩⲧⲉ ·
“The word then which thy power hath spoken through David: 'Whoso then dwelleth under the help of the Most High, will abide under the shadow of the God of heaven,'--that is: When Sophia had trusted in the Light, she abode under the light of the light-stream, which through thee came out of the Height. And the word which thy power hath spoken through David: 'I will say unto the Lord: Thou art my succour and my refuge, my God,”
pistis.sophia_book_3_part5:8
ⲁⲓⲧⲉⲓ ⲟⲛ ⲉⲩϣⲟⲟⲡ ⲛϭⲓⲧⲙⲛⲧⲣⲱⲙⲉ · ϩⲣⲁⲓ ⲟⲩⲛ ϩⲙⲡⲉⲟⲩⲟⲉⲓϣ ⲉⲧⲙⲙⲁⲩ ⲥⲛⲁⲣϩⲟⲩⲉⲟⲩⲱⲛϩ ⲉⲃⲟⲗ ⲛϭⲓⲧⲡⲓⲥⲧⲓⲥ ⲙⲛⲙⲙⲩⲥⲧⲏⲣⲓⲟⲛ ϩⲛⲛⲉϩⲟⲟⲩ ⲉⲧⲙⲙⲁⲩ ·
“mankind | will be still existing. At that time then the faith will reveal itself still more and the mysteries in those days.”
pistis.sophia_book_2_part1:8
ⲛⲧⲟⲕ ⲡⲉ ⲡⲛⲉⲩⲙⲁ ⲛⲧⲁⲩⲧⲛⲛⲟⲟⲩⲕ ⲉⲃⲟⲗ ϩⲛⲛⲧⲟⲡⲟⲥ ⲙⲡϫⲓⲥⲉ ϩⲓⲧⲙⲡⲉⲕⲉⲓⲱⲧ · ⲡⲓϣⲟⲣⲡ ⲙⲙⲩⲥⲧⲏⲣⲓⲟⲛ ⲉⲧϭⲱϣⲧ ⲉϩⲟⲩⲛ · ⲉⲁϥⲧⲛⲛⲟⲟⲩⲕ ⲉⲧⲣⲉⲕⲛⲁ ⲙⲡⲕⲟⲥⲙⲟⲥ ⲧⲏⲣϥ ·
--thou art 'grace,' thou who art sent out of the regions of the Height through thy Father, the First Mystery which looketh within, in that he hath sent thee, | that thou mayest have mercy on the whole world.
pistis.sophia_book_2_part5:8
ⲡⲛⲟϭ ⲕⲁⲧⲁⲧⲉϥⲙⲛⲧⲛⲟϭ ⲡⲕⲟⲩⲓ ⲕⲁⲧⲁⲧⲉϥⲙⲛⲧⲕⲟⲩⲓ · ⲁⲩⲱ ⲡⲥⲱⲧⲏⲣ ⲛⲛⲉⲡⲣⲟⲃⲟⲗⲟⲟⲩⲉ ⲛⲧϣⲟⲣⲡ ⲙⲫⲱⲛⲏ ⲥⲉⲛⲁϣⲱⲡⲉ ϩⲙⲡⲧⲟⲡⲟⲥ ⲛⲛⲉⲯⲩⲭⲟⲟⲩⲉ ⲛⲛⲉⲣϫⲓ ⲙⲡϣⲟⲣⲡ ⲙⲙⲩⲥⲧⲏⲣⲓⲟⲛ ⲛ□□ ⲉⲡⲓϣⲟⲣⲡ ⲙⲩⲥⲧⲏⲣⲓⲟⲛ ϩⲛⲧⲁⲙⲛⲧⲣⲣⲟ ·
“the great according to his greatness and the little according to his littleness. And the saviour of the emanations of the first Voice will be in the region of the souls of those who have received the first mystery of the First Mystery in my kingdom.”
pistis.sophia_book_2_part7:8
ⲁⲩⲱ ⲉⲧⲃⲉⲟⲩ ⲁϥⲡⲣⲟⲉⲗⲑⲉ ⲉⲃⲟⲗ ϩⲛⲛⲓⲁⲡⲁⲧⲱⲣ · ⲁⲩⲱ ⲡⲙⲩⲥⲧⲏⲣⲓⲟⲛ ⲉⲧⲙⲙⲁⲩ ⲛⲧⲟϥ ⲡⲉⲧⲥⲟⲟⲩⲛ ϫⲉⲉⲧⲃⲉⲟⲩ ⲁⲩⲥⲕⲩⲗⲗⲉⲓ ⲙⲙⲟⲟⲩ ⲛϭⲓⲡⲙⲛⲧⲥⲛⲟⲟⲩⲥ ⲛⲁϭⲓⲛⲏⲧⲟⲥ ⲁⲩⲱ ⲉⲧⲃⲉⲟⲩ ⲣⲱ ⲁⲩⲧⲁϩⲟⲟⲩ ⲉⲣⲁⲧⲟⲩ ⲙⲛⲛⲉⲩⲧⲁⲝⲓⲥ ⲧⲏⲣⲟⲩ ⲁⲩⲱ ⲉⲧⲃⲉⲟⲩ ⲁⲩⲡⲣⲟⲉⲗⲑⲉ ⲉⲃⲟⲗ ϩⲛⲛⲓⲁⲡⲁⲧⲱⲣ :
“and wherefor it hath come forth from the Fatherless. And that mystery knoweth wherefor the twelve Immoveables have rent themselves asunder and wherefor they have set themselves with all their orders and wherefor they have come forth from the Fatherless.”
pistis.sophia_book_3_part4:8
ⲁϥⲡⲟⲣϫⲟⲩ ⲉⲩⲙⲉⲣⲟⲥ · ⲧⲉⲯⲩⲭⲏ ϩⲱⲱⲥ ⲙⲛⲧϭⲟⲙ'ⲁϥⲡⲟⲣϫⲟⲩ ⲉⲕⲉⲙⲉⲣⲟⲥ · ⲉⲧⲉⲡⲁⲓ ⲡⲉ ϫⲉⲟⲩⲛϣⲟⲙⲛⲧ ⲛⲁⲡⲱϣⲉ ⲉϫⲛⲥⲛⲁⲩ ⲁⲩⲱ ⲥⲛⲁⲩ ⲉϫⲛϣⲱⲙⲛⲧ ·
“into one portion; the soul and the power on the other hand it hath separated into another portion;--that is: Three will be against two, and two against three.”

Coptic SCRIPTORIUM, corpus pistis.sophia (github.com/CopticScriptorium/corpora). Licence as stated per document in the project's own meta.json and checked there at parse time. English, where present, is Coptic SCRIPTORIUM's aligned translation. Licence: CC-BY 4.0. Source.