Mercurius
- martyrdom.mercurius:126
ϩⲙⲡⲉⲟⲩⲟⲉⲓϣ ⲉⲧⲙⲙⲁⲩ ⲉⲣⲉⲕⲩⲣⲓⲗⲗⲟⲥ ⲟⲛ ⲉⲡⲓⲥⲕⲟⲡⲟⲥ ⲉϩⲓⲉⲣⲟⲩⲥⲁⲗⲏⲙ · ⲁⲩⲛⲟϭ ⲙⲙⲁⲉⲓⲛ ⲟⲩⲱⲛϩ ⲉⲃⲟⲗ ⲛⲧⲉⲡⲉⲭⲣⲓⲥⲧⲟⲥ ·
- martyrdom.miracles.mercurius_part1:126
ⲁⲩⲱ ⲁϥⲃⲱⲕ ⲉⲡⲙⲁ · ⲉⲧⲉⲣⲉⲡϣⲉ ⲛⲏⲩ ⲉⲃⲟⲗ ⲛϩⲏⲧϥ · ⲁϥⲁⲗⲟϥ ⲉϫⲙⲧⲉϥⲛⲁϩⲃ · ⲉⲣⲉⲟⲩⲟⲛ ⲛⲓⲙ ⲑⲉⲱⲣⲉⲓ ⲙⲙⲟϥ · ⲁϥϥⲓⲧϥ ⲉⲡⲧⲟⲡⲟⲥ · ⲙⲡⲉⲧⲟⲩⲁⲁⲃ · ⲁϥⲕⲁⲁϥ ϩⲙⲡⲙⲁ · ⲛⲧⲁϥϥⲓⲧϥ ⲛϩⲏⲧϥ ·
- martyrdom.miracles.mercurius_part2:126
ϣⲟⲣⲡ ⲇⲉ ⲛⲧⲉⲣⲉϥϣⲱⲡⲉ · ⲁⲡⲉⲓⲱⲧ ⲙⲡϩⲣϣⲓⲣⲉ ⲥⲱⲟⲩϩ · ⲛⲛⲟϭ ⲧⲏⲣⲟⲩ ⲛⲧⲡⲟⲗⲓⲥ ⲙⲡⲗⲟⲩⲥⲓⲟⲥ · ⲁⲩⲉⲓ ⲉⲣⲙⲡⲏⲓ ⲛⲡⲕⲩⲣⲓⲥ ϩⲉⲣⲙⲁⲡⲟⲗⲗⲟⲛ · ⲁⲩⲱ ⲁⲩϣⲁϫⲉ ⲛⲙⲙⲁϥ ⲉⲧⲃⲉⲧⲉϥϣⲉⲉⲣⲉ ·
- encomium.mercurius:126
ⲁⲗⲗⲁ ϯϭⲟⲙ ⲛⲁⲓ ⲡⲁϫⲟⲉⲓⲥ · ϣⲁⲛⲧⲓϫⲱⲕ ⲉⲃⲟⲗ · ⲙⲡⲁⲁⲅⲱⲛ ϩⲛⲟⲩⲉⲣⲏⲛⲏ · ⲙⲡⲣⲧⲣⲉⲛⲁϫⲁϫⲉ ⲣⲁϣⲉ ⲙⲙⲟⲓ · ⲁⲩⲱ ⲙⲡⲣⲧⲣⲉⲩϫⲟⲟⲥ · ϩⲛⲛⲛϩⲉⲑⲛⲟⲥ · ϫⲉⲉϥⲧⲱⲛ ⲡⲉⲩⲛⲟⲩⲧⲉ ·
- martyrdom.mercurius:127
ϫⲓⲛϫⲡϣⲟⲙⲧⲉ ⲙⲡⲉϩⲟⲟⲩ ϣⲁϫⲡⲯⲓⲧⲉ · ⲁⲩⲛⲟϭ ⲛⲥⲧⲁⲩⲣⲟⲥ · ⲛⲟⲩⲟⲉⲓⲛ · ⲟⲩⲱⲛϩ ⲉⲃⲟⲗ · ⲉϥⲁϩⲉⲣⲁⲧϥ ϩⲓϫⲙⲡⲙϩⲁⲁⲩ ⲙⲡⲥⲱⲧⲏⲣ ⲙⲡϩⲱⲧ ⲉⲃⲟⲗ ⲛⲥⲁⲣⲝ ⲛⲓⲙ · ⲙⲡⲓⲥⲧⲟⲥ ⲙⲛⲛⲁⲡⲓⲥⲧⲟⲥ · ⲃⲁⲣⲃⲁⲣⲟⲥ ϩⲣⲱⲙⲁⲓⲟⲥ ·
- martyrdom.miracles.mercurius_part1:127
ⲁⲩⲱ ⲁⲩⲛⲟϭ ⲛϩⲟⲧⲉ · ϩⲉ ⲉϩⲣⲁⲓ ⲉϫⲛⲟⲩⲟⲛ ⲛⲓⲙ · ⲉⲧⲛⲁⲩ ⲉⲣⲟϥ · ⲁⲩⲱ ⲙⲡⲟⲩϫⲱϩ ⲉⲉⲕⲉⲉⲓⲇⲟⲥ · ⲙⲡⲧⲟⲡⲟⲥ ⲛⲕⲉⲥⲟⲡ · ϣⲁⲛⲧⲟⲩϫⲟⲕϥ ⲉⲃⲟⲗ ·
- martyrdom.miracles.mercurius_part2:127
ⲁⲩⲱ ⲁⲩⲧⲱⲧⲉ ⲛⲉⲩⲉⲣⲏⲩ ⲁⲩⲱ ⲁⲩϯ ⲛⲁⲥ ⲛⲟⲩⲙⲏⲏϣⲉ ⲛⲟⲩⲃ ϩⲓϩⲁⲧ · ⲁⲩⲱ ⲟⲩⲁϣⲓ ⲛⲕⲟⲥⲙⲏⲥⲓⲥ · ⲁⲩⲱ ϩⲉⲛϩⲙϩⲁⲗ ⲛϩⲟⲟⲩⲧ · ⲙⲛϩⲉⲛϩⲙϩⲁⲗ ⲛⲥϩⲓⲙⲉ · ⲙⲛϩⲉⲛ : ⲟⲩⲁⲗ ⲛⲣⲉϥⲡⲗⲉⲁ : ϩⲛⲑⲁⲗⲗⲁⲥⲥⲁ
- encomium.mercurius:127
ⲛⲁⲓ ⲇⲉ ⲉϥϫⲱ ⲙⲙⲟⲟⲩ · ⲉⲥⲟⲩⲥⲙⲏ ⲁⲥϣⲱⲡⲉ ϣⲁⲣⲟϥ · ⲉⲥϫⲱ ⲙⲙⲟⲥ ϫⲉⲧⲱⲕ ⲛϩⲏⲧ · ⲡⲁϣⲟⲉⲓϫ ⲙⲉⲣⲕⲟⲩⲣⲓⲟⲥ · ϩⲩⲡⲟⲙⲓⲛⲏ ⲱ ⲡⲁⲥⲟⲧⲡ ⲛϫⲱⲱⲣⲉ ·
- martyrdom.miracles.mercurius_part2:128
ⲁⲩⲱ ⲁⲩⲉⲓⲛⲉ ⲛϩⲉⲛⲇⲩⲙⲱⲧⲏⲥ · ⲙⲛϩⲉⲛⲃⲟⲩⲛⲁⲧⲱⲣ · ⲙⲛϩⲉⲛⲛⲟⲣⲕⲟⲛⲓⲥⲧⲏⲥ · ⲁⲩⲱ ⲛϩⲉⲛⲙⲓⲙⲁⲣⲓⲟⲛ · ⲙⲛϩⲉⲛϣⲟⲉⲓϫ · ⲙⲛϩⲉⲛⲕⲓⲛⲏⲕⲟⲛ · ⲁⲩⲉⲓⲣⲉ ⲛⲧϣⲉⲗⲉⲧ ϩⲛⲟⲩⲛⲟϭ ⲙⲙⲛⲧⲗⲁⲙⲡⲣⲟⲥ ·
- martyrdom.miracles.mercurius_part1:128
ⲁⲩⲱ ⲙⲡⲉⲡⲣⲱⲙⲉ · ⲗⲟ ⲉϥⲣϩⲱⲃ · ⲉϥⲡⲟⲅⲟⲙⲉ ϩⲓⲧⲱⲃⲉ · ⲉⲡⲧⲟⲡⲟⲥ ⲙⲡⲉⲧⲟⲩⲁⲁⲃ · ϣⲁⲛⲧⲟⲩϫⲟⲕϥ ⲉⲃⲟⲗ ·
- encomium.mercurius:128
ⲁⲛⲟⲕ ⲅⲁⲣ ϯϣⲟⲟⲡ ⲛⲙⲙⲁⲕ · ⲉⲓϯϭⲟⲙ ⲛⲁⲕ · ⲁⲩⲱ ϯⲛⲁϣⲱⲡⲉ ⲛⲙⲙⲁⲕ ⲛⲥⲕⲉⲡⲁⲥⲧⲏⲥ · ⲉⲓⲃⲟⲏⲑⲉⲓ ⲉⲣⲟⲕ ϩⲛϩⲓⲥⲉ ⲛⲓⲙ · ⲉⲧⲉⲕⲛⲁϣⲟⲡⲟⲩ ϩⲙⲡⲁⲣⲁⲛ · ⲙⲡⲉⲣϭⲱⲃ · ⲟⲩⲇⲉ ⲙⲡⲣⲣϭⲱⲧⲡ ϩⲏⲧⲟⲩ ⲛⲛⲃⲁⲥⲁⲛⲟⲥ ·
- martyrdom.mercurius:128
ϩⲱⲥⲧⲉ ⲛⲧⲉⲙⲙⲏⲏϣⲉ ⲏⲣⲟⲩ ⲉⲧϣⲟⲟⲡ ϩⲛⲙⲡⲟⲗⲓⲥ · ⲥⲱⲟⲩϩ ⲙⲛⲛⲉⲩϭⲓⲛⲟⲩⲱⲙ ⲙⲛⲛⲉⲩϭⲓⲛⲥⲱ ⲙⲛⲛⲉⲩⲏⲣⲡ ⲛⲥⲉⲱⲙ......... ⲙⲡⲉⲥⲧⲁⲩⲣⲟⲥ ϣⲁⲛⲧⲉϥⲃⲱⲕ ⲉϩⲣⲁⲓ ⲉⲧⲡⲉ ... ⲛϫⲡⲯⲓⲧⲉ ·
- encomium.mercurius:129
ⲁⲛⲟⲕ ϯϣⲟⲟⲡ ⲛⲙⲙⲁⲕ · ⲉⲓϯϭⲟⲙ ⲛⲁⲕ · ϣⲁⲛⲧⲉⲕϫⲱⲕ ⲉⲃⲟⲗ ⲙⲡⲉⲕⲁⲅⲱⲛ · ⲟⲩⲙⲛⲧϫⲱⲱⲣⲉ ·
- martyrdom.miracles.mercurius_part2:129
ⲁⲩⲱ ⲙⲛⲛⲥⲁⲕⲉϩⲉⲃⲇⲟⲙⲁⲥ · ⲁⲩⲧⲱϩⲙ ⲛⲟⲩⲙⲏⲏϣⲉ : ⲙⲡⲗⲟⲩⲥⲓⲟⲥ · ⲙⲛⲟⲩⲙⲏⲏϣⲉ ⲛⲁⲣⲭⲱⲛ · ⲁⲩⲉⲓⲣⲉ ⲛⲧϣⲉⲗⲉⲉⲧ ϩⲛⲟⲩⲛⲟϭ ⲙⲙⲛⲧⲉⲡⲓⲅⲏⲥ · ⲁⲩⲱ ⲁⲩⲣⲁϣⲉ ⲉⲙⲁⲧⲉ ·
- martyrdom.miracles.mercurius_part1:129
ⲁⲩⲱ ⲉϥϯⲉⲟⲟⲩ ⲙⲡⲛⲟⲩⲧⲉ ⲙⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ ·
- martyrdom.mercurius:129
ⲉⲣⲉⲛⲃⲁⲗ ⲛⲟⲩⲟⲛ ⲛⲓⲙ ϭⲱϣⲧ ⲛⲥⲱϥ ·
- encomium.mercurius:130
ⲁⲩⲱ ⲛⲧⲉⲩⲛⲟⲩ ⲁϥⲁⲥⲡⲁⲍⲉ ⲙⲙⲟϥ ⲛϭⲓⲡⲁⲣⲭⲁⲅⲅⲉⲗⲟⲥ ⲙⲓⲭⲁⲏⲗ · ⲁⲩⲱ ⲁϥⲥⲫⲣⲁⲅⲓⲍⲉ ⲙⲡⲉϥⲥⲱⲙⲁ ⲧⲏⲣϥ ·
- martyrdom.mercurius:130
ⲕⲩⲣⲓⲗⲗⲟⲥ ⲇⲉ ⲡⲉⲡⲓⲥⲕⲟⲡⲟⲥ ⲛⲧϩⲓⲉⲣⲟⲩⲥⲁⲗⲏⲙ ⲁϥⲥϩⲁⲓ ⲛⲧⲉϣⲡⲏⲣⲉ ⲛⲧⲁⲥϣⲱⲡⲉ · ⲁϥⲥϩⲁⲓ ⲛⲟⲩⲉⲡⲓⲥⲧⲟⲗⲏ · ⲁϥϫⲟⲟⲩⲥ ⲛⲕⲱⲥⲧⲟⲥ ⲡⲣⲣⲟ ⲉⲡⲕⲱⲙⲏⲧⲁⲧⲟⲛ · ⲡⲁⲓ ⲉⲧⲙⲉ ⲛⲁⲑⲁⲛⲁⲥⲓⲟⲥ ·
- martyrdom.miracles.mercurius_part2:130
ⲁⲩⲱ ⲙⲡϩⲟⲩⲛ ⲛϣⲟⲙⲧ ⲛⲉⲃⲟⲧ · ⲙⲛⲛⲥⲁⲧϣⲉⲗⲉⲉⲧ · ⲁϥⲙⲟⲩ ⲛϭⲓⲡⲉⲓⲱⲧ ⲙⲡϣⲏⲣⲉ ϣⲏⲙ · ϩⲛⲟⲩⲙⲛⲧϩⲗⲗⲟ ⲉⲥⲕⲟⲩⲱ ·
- martyrdom.mercurius:131
ⲁⲑⲁⲛⲁⲥⲓⲟⲥ ⲇⲉ ⲁϥⲁⲙⲁϩⲧⲉ ⲉϫⲛⲧⲉⲕⲕⲗⲏⲥⲓⲁ ⲛⲣⲁⲕⲟⲧⲉ ⲛⲕⲉϫⲟⲩⲧⲏ ⲛⲣⲟⲙⲡⲉ · ⲛⲥⲁⲛⲉⲩⲉⲣⲏⲩ ⲙⲡⲉⲗⲁⲁⲩ ⲙⲡⲟⲗⲉⲙⲟⲥ ⲧⲱⲟⲩⲛ ⲉϫⲱϥ · ⲁϥⲣϫⲟⲩⲥⲛⲟⲟⲩⲥ ⲅⲁⲣ ⲛⲣⲟⲙⲡⲉ ϩⲛⲧⲉⲡⲓⲥⲕⲟⲡⲏ ⲙⲛⲧⲉⲝⲟⲣⲓⲥϯⲁ ·
- martyrdom.miracles.mercurius_part2:131
ⲁⲩⲱ ⲛⲧⲉⲣⲉⲛⲉⲓϩⲟⲟⲩ ⲙⲡⲉϥϩⲏⲃⲉ ϫⲱⲕ ⲉⲃⲟⲗ · ⲁⲡϩⲣϣⲓⲣⲉ ϫⲓ ⲙⲡⲉϥⲛⲟⲩⲃ · ⲙⲛⲡⲉϥϩⲏⲧ · ⲙⲛⲡⲉϥⲁⲡⲟⲥⲕⲉⲩⲉ ⲧⲏⲣⲥ · ⲁⲩⲱ ⲛⲉϥϩⲙϩⲁⲗ · ⲁϥⲛⲧⲟⲩ ⲉⲡⲏⲓ ⲙⲡⲉϥϣⲟⲙ · ⲁⲩϭⲱ ⲙⲛⲛⲉⲩⲉⲣⲏⲩ ϣⲁⲡⲉϩⲟⲟⲩ ⲙⲡⲉⲩⲙⲟⲩ ·
- encomium.mercurius:131
ⲁⲩⲱ ⲛⲧⲉⲩⲛⲟⲩ ⲁⲡⲉⲣⲙⲏⲧⲁⲣⲓⲟⲛ ⲟⲩⲱϭⲡ · ⲁϥⲣⲥⲛⲁⲩ · ⲁⲩⲱ ⲁⲙⲙⲉⲣⲉ ⲉⲧϥⲙⲉⲣ ⲙⲙⲟⲟⲩ · ⲁⲩⲃⲱⲗ ⲉⲃⲟⲗ · ⲁϥϥⲟϭϥ ⲁϥⲁϩⲉⲣⲁⲧϥ · ⲙⲛⲗⲁⲁⲩ ⲛⲧⲁⲕⲟ ϣⲟⲟⲡ ⲛϩⲏⲧϥ · ⲁⲗⲗⲁ ⲛⲉϥϯⲉⲟⲟⲩ ⲙⲡⲛⲟⲩⲧⲉ ·
- martyrdom.miracles.mercurius_part2:132
ⲁⲩⲱ ⲉⲩⲛⲏⲩ ⲕⲁⲧⲁⲣⲟⲙⲡⲉ ⲉⲡⲧⲟⲡⲟⲥ ⲙⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ · ϩⲙⲡⲉϥϣⲁ ⲉⲧⲟⲩⲁⲁⲃ · ⲉⲩϣⲗⲏⲗ ⲉⲩⲉⲩⲭⲁⲣⲓⲥⲧⲟⲩ ⲙⲡⲛⲟⲩⲧⲉ ⲡⲁⲛⲉⲛⲟϭ ⲛϭⲟⲙ ·
- encomium.mercurius:132
ⲡⲣⲣⲟ ⲇⲉ ⲛⲧⲉⲣϥⲛⲁⲩ · ⲉⲡⲉⲛⲧⲟϥϣⲱⲡⲉ · ⲁϥⲙⲟⲩϩ ⲛϭⲱⲛⲧ · ⲡⲉϫⲁϥ ϫⲉⲉⲡⲉⲓⲇⲏ ⲁⲡⲁⲓ ϫⲱ ⲙⲙⲟⲥ · ϫⲉⲟⲩⲛⲧⲁⲛ ⲙⲙⲁⲩ ⲛⲟⲩⲡⲁⲛϩⲟⲡⲗⲓⲁ ⲛϩⲱⲃ · ϯⲕⲉⲗⲉⲩⲉ ⲉⲧⲣⲉⲩⲧⲟⲥϥ ⲉⲃⲟⲗ ⲉϥⲧⲟ ⲛϣⲙⲟⲩⲓ · ⲛⲥⲉϫⲟⲗⲕϥ ⲉⲃⲟⲗ · ⲟⲩⲇⲉ ⲧⲡⲉ ⲟⲩⲇⲉ ⲡⲕⲁϩ · ⲛⲟⲩⲙⲁϩⲉ ·
- martyrdom.mercurius:132
ⲛⲧⲉⲣϥⲙⲟⲩ ⲇⲉ ⲛϭⲓⲕⲱⲥⲧⲟⲥ ⲁϥⲣⲣⲣⲟ ⲉⲡⲉϥⲙⲁ ⲛϭⲓⲓⲟⲩⲗⲓⲁⲛⲟⲥ ·
- martyrdom.miracles.mercurius_part2:133
ⲁⲧⲉⲧⲛⲛⲁⲩ ⲁⲩⲱ ⲛⲁⲙⲉⲣⲁⲧⲉ · ⲉⲛⲉⲓⲛⲟϭ ⲛϩⲙⲟⲧ ⲉⲧⲉⲣⲉⲡⲛⲟⲩⲧⲉ ⲉⲓⲣⲉ ⲙⲙⲟⲟⲩ · ⲙⲛⲛⲉϥⲥⲟⲧⲡ ⲕⲁⲧⲁⲅⲉⲣⲟⲥ · ϯⲟⲩⲱϣ ⲙⲛⲱ ⲡⲗⲁⲟⲥ ⲙⲙⲁⲓⲛⲟⲩⲧⲉ ⲉϫⲓ ϩⲉⲛⲕⲟⲩⲓ ⲉⲣⲱⲧⲛ ·
- martyrdom.mercurius:133
ⲉⲩⲁⲛⲟⲙⲟⲥ ⲡⲉ ⲛϩⲉⲗⲏⲛ ⲉⲟⲩⲉⲃⲟⲗ ⲡⲉ ϩⲛⲧⲥⲱⲛⲉ ⲛⲕⲱⲥⲧⲁⲛϯⲛⲟⲥ ⲡⲛⲟϭ ⲧⲉⲥϩⲁⲓ ⲅⲁⲣ ⲛⲉ ⲟⲩϩⲉⲗⲏⲛ ⲡⲉ
- encomium.mercurius:133
ⲛⲧⲉⲣⲟⲩⲣⲡⲁⲓ ⲇⲉ ⲛⲁϥ · ⲡⲉϫⲁϥ ⲛϭⲓⲡⲣⲣⲟ · ϫⲉⲉⲩⲧⲱⲛ ⲧⲉⲛⲟⲩ ⲛⲉⲕϩⲟⲡⲗⲟⲛ · ⲉⲧⲉⲕⲑⲁⲣⲉⲓ ⲉⲣⲟⲟⲩ · ϣⲁⲡⲛⲟϭ ⲛⲛⲟϭ ⲛⲟⲩⲧⲉ ⲡⲍⲉⲩⲥ ⲁⲩⲧⲟⲥⲕ ⲉⲃⲟⲗ ⲉⲙⲁⲧⲉ ·
- martyrdom.mercurius:134
ⲛϣⲏⲣⲉ ⲇⲉ ⲛⲕⲱⲛⲥⲧⲁⲛϯⲛⲟⲥ ⲁⲩⲛⲁⲩ ⲉⲡϣⲏⲣⲉ ϣⲏⲙ ϫⲉⲟⲩⲛⲁϣⲧϩⲣⲁϥ ⲡⲉ ⲁⲩⲣ‐ϩⲟⲧⲉ ϫⲉⲛⲛϥϥⲓ ⲛⲧ..ⲧⲙⲛⲧⲣⲣⲟ ⲙⲡⲉⲩ.... ⲛⲕⲟⲩⲓ ⲁⲩⲧⲁⲁϥ ⲉⲧⲉⲕⲕⲗⲏⲥⲓⲁ · ⲁⲩⲁⲁϥ ⲛⲁⲛⲁⲅⲛⲱⲥⲧⲏⲥ ·
- encomium.mercurius:134
ⲡⲡⲉⲧⲟⲩⲁⲁⲃ ⲁϥϭⲱϣⲧ ⲉϩⲣⲁⲓ ⲉⲧⲡⲉ ⲡⲉϫⲁϥ · ϫⲉⲡϫⲟⲉⲓⲥ ⲃⲟⲑⲉⲓ ⲉⲣⲟⲓ · ⲁⲛⲟⲕ ⲡⲉⲕϩⲙϩⲁⲗ · ⲡⲁⲗⲓⲛ ⲟⲛ ⲁϥⲕⲉⲗⲉⲩⲉ ⲛϭⲓⲡⲣⲣⲟ · ⲉⲧⲣⲉⲩϣⲱⲗϭ ⲙⲡⲉϥⲥⲱⲙⲁ · ⲛϩⲉⲛϭⲟⲣⲧⲉ ⲉⲩϫⲏⲣ · ⲙⲛϩⲉⲛⲙⲁⲥⲧⲓⲅⲝ · ⲙⲛⲛⲥϫⲟⲉⲓⲥ ⲛⲥⲉⲡⲱⲣϣ ⲛϩⲉⲛϫⲃⲃⲥ ⲛⲕⲱϩⲧ ϩⲁⲣⲟϥ · ϫⲉⲕⲁⲥ ⲉϥⲉⲣⲱⲕϩ ⲕⲟⲩⲓ ⲕⲟⲩⲓ · ⲁⲩⲱ ⲁϥⲱϣⲙ ⲛϭⲓⲡⲕⲱϩⲧ ϩⲙⲡⲉⲥⲛⲟϥ · ⲙⲡⲇⲓⲕⲁⲓⲟⲥ ⲉⲧϩⲁⲁⲧⲉ ⲉⲡⲉⲥⲏⲧ ·
- martyrdom.miracles.mercurius_part2:134
ⲁⲗⲗⲁ ϯⲥⲟⲟⲩⲛ ϫⲉⲙⲛϭⲟⲙ : ⲛⲗⲁⲁⲩ ⲉϭⲙⲡϫⲱⲕ ⲛⲛϭⲟⲙ ⲛⲛⲉⲧⲟⲩⲁⲁⲃ : ⲙⲁⲗⲓⲥⲧⲁ ⲡⲙⲁⲣⲧⲩⲣⲟⲥ ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ ·
- martyrdom.mercurius:135
ⲛⲣⲱⲙⲉ ⲇⲉ ⲙⲡⲉϥⲉⲓⲱⲧ ⲁⲩⲉⲓⲛⲉ ⲙⲙⲟϥ ⲉϩⲣⲁⲓ ϩⲛⲧⲙⲛⲧϩⲉⲗⲗⲏⲛ · ⲛⲧⲉⲣⲉϥⲙⲟⲩ ⲇⲉ ⲛϭⲓⲕⲱⲥⲧⲟⲥ ⲁϥⲣⲣⲣⲟ ⲉⲡⲉϥⲙⲁ ⲛϭⲓⲓⲟⲩⲗⲓⲁⲛⲟⲥ ·
- martyrdom.miracles.mercurius_part2:135
ⲁⲩⲱ ⲟⲛ ϫⲉⲛⲁⲛⲟⲩⲡϣⲓ ϩⲛϩⲱⲃ ⲛⲓⲙ · ⲱ ⲛⲁⲓⲧⲟⲩ ⲛⲛⲟⲩⲟⲛ ⲛⲓⲙ ⲉⲧⲱϣ
- encomium.mercurius:135
ⲡⲡⲉⲧⲟⲩⲁⲁⲃ ⲇⲉ ⲁϥⲓ ⲉⲣⲟϥ · ϩⲛⲟⲩⲛⲟϭ ⲙⲙⲛⲧϫⲱⲱⲣⲉ · ϩⲛϯⲕⲉⲃⲁⲥⲁⲛⲟⲥ ·
- encomium.mercurius:136
ⲡⲣⲣⲟ ⲇⲉ ⲇⲉⲕⲓⲟⲥ ⲁϥⲧⲣⲉⲩⲟⲗϥ ⲉⲃⲟⲗ ϫⲉⲛⲉϥⲙⲟⲩ ϩⲛⲟⲩϭⲉⲡⲏ · ⲁⲩⲱ ⲁⲩⲟⲧⲡϥ ⲉϩⲟⲩⲛ ⲉⲩⲙⲁⲛⲕⲁⲕⲉ · ϩⲛⲟⲩϭⲉⲡⲏ ·
- martyrdom.mercurius:136
ⲁⲩⲱ ⲁϥⲧⲁⲁϥ ⲉⲧⲙⲛⲧϩⲗⲗⲏⲛ ⲛⲧⲉⲩⲛⲟⲩ · ⲁϥϣⲓⲛⲉ ⲛⲥⲁⲟⲩⲱⲛ ⲛⲛⲣⲡⲏⲩⲉ ⲇⲏⲙⲟⲥⲓⲁ ·
- martyrdom.mercurius:137
ⲡⲁⲓ ϭⲉ ⲁϥϭⲱ ϩⲙⲡⲡⲁⲗⲗⲁϯⲟⲛ ⲛⲧⲁⲛⲇⲓⲟⲭⲓⲁ ⲛϥⲙⲡϣⲁ ⲅⲁⲣ ⲁⲛ ⲛⲙⲙⲁ ⲛⲕⲱⲥⲧⲁⲛϯⲛⲟⲥ ⲉⲧⲣⲉϥⲟⲩⲱϩ ⲛϩⲏⲧⲟⲩ ·
- encomium.mercurius:137
ⲙⲙⲁⲧⲟⲓ ⲇⲉ ⲁⲩϥⲓ ⲉϩⲁⲣⲟϥ · ⲉϥⲟ ⲙⲡⲁϣ ⲙⲟⲩ · ⲟⲩⲛⲟⲩⲕⲟⲩⲓ ⲛⲛⲓϥⲉ ϣⲟϫⲡ ⲛϩⲏⲧϥ · ⲉⲩⲙⲉⲉⲩⲉ ϫⲉⲁϥⲙⲟⲩ ·
- martyrdom.mercurius:138
ⲁϥⲃⲱⲕ ⲉⲡⲙⲁ ⲛⲛϩⲉⲗⲗⲏⲛ ⲙⲛⲛⲉⲩⲉⲓⲇⲱⲗⲟⲛ · ⲁϥϫⲓ ⲛⲟⲩⲃⲏϭ ⲁϥⲧⲁⲁϥ ⲙⲡϩⲩⲉⲣⲉⲩⲥ ⲁϥⲧⲁⲗⲟϥ ⲉϩⲣⲁⲓ ⲛⲑⲩⲥⲓⲁ ⲙⲡⲇⲁⲓⲙⲱⲛ · ⲁϥϥⲓ ⲙⲡϩⲩⲡⲁⲣ ⲁϥⲧⲁⲁϥ ⲛⲁϥ ⲁϥⲟⲩⲟⲙϥ ·
- encomium.mercurius:138
ⲙⲛⲛⲥⲁⲟⲩⲕⲟⲩⲓ ⲇⲉ ϩⲛⲧⲉⲩⲛⲟⲩ ⲉⲧⲙⲙⲁⲩ · ⲉⲥⲁⲅⲅⲉⲗⲟⲥ ⲙⲡϫⲟⲉⲓⲥ ⲁϥⲟⲩⲱⲛϩ ⲛⲁϥ ⲉⲃⲟⲗ · ⲡⲉϫⲁϥ ⲛⲁϥ · ϫⲉϯⲣⲏⲛⲏ ⲛⲁⲕ · ⲡϣⲟⲉⲓϫ ⲛⲣⲉϥϫⲣⲟ ·
- encomium.mercurius:139
ⲛⲧⲉⲣⲉϥϫⲓⲡⲁⲓ ⲇⲉ ⲁϥⲧⲁⲗϭⲉⲛⲉϥⲥⲁϣ · ⲉⲧϩⲙⲡⲉϥⲥⲱⲙⲁ · ⲁⲩⲱ ⲁϥⲧⲁϩⲟϥ ⲉⲣⲁⲧϥ · ⲉϥⲟϫ ϩⲱⲥ ⲇⲉ ⲛⲉϥⲧⲱⲟⲩⲛ · ⲛⲉϥⲁϩⲉⲣⲁⲧϥ ⲉϥϯⲉⲟⲟⲩ · ⲙⲡⲛⲟⲩⲧⲉ · ⲛⲧⲟϥⲃⲟⲏⲑⲉⲓ ⲉⲣⲟϥ ·
- martyrdom.mercurius:139
ⲓⲟⲩⲗⲓⲁⲛⲟⲥ ⲇⲉ ⲡϣⲏⲣⲉ ⲛⲧϥⲥⲱⲛⲉⲡⲉ ⲁϥⲧⲁⲛϩⲟⲩⲧϥ ⲉⲧⲙⲛⲧⲣⲣⲟ ·
- martyrdom.mercurius:140
ⲛⲧⲉⲣⲉϥⲛⲁⲩ ⲇⲉ ⲉⲧⲉⲡⲣⲟⲑⲉⲥⲙⲓⲁ ⲙⲡⲥⲟⲛ ⲛⲧⲉϥⲙⲁⲁⲩ · ⲁϥϭⲱⲡⲉ ⲙⲡϩⲁⲅⲓⲟⲥ ⲑⲉⲟⲇⲟⲣⲓⲭⲟⲥ ⲡⲉⲡⲣⲉⲥⲃⲩⲧⲉⲣⲟⲥ · ⲁⲩⲱ ⲡⲟⲓⲕⲟⲛⲟⲙⲟⲥ ⲛⲧⲉⲕⲕⲗⲏⲥⲓⲁ ⲁϥⲙⲟⲟⲩⲧϥ · ⲁϥⲉⲓ ⲇⲉ ⲁϥϫⲓⲡⲟⲩⲱ ⲛⲓⲟⲩⲗⲓⲁⲛⲟⲥ ·
- encomium.mercurius:140
ⲙⲛⲛⲥⲁⲛⲁⲓ ⲁϥⲕⲉⲗⲉⲩⲉ ⲛϭⲓⲡⲣⲣⲟ · ⲉⲧⲣⲉⲩⲧⲁϩⲟϥ ⲉⲣⲁⲧϥ ⲉⲡⲃⲏⲙⲁ ·
- martyrdom.mercurius:141
ⲛⲧⲟϥ ⲇⲉ ⲁϥⲛⲟⲩϭⲥ ⲉϥϫⲱ ⲙⲙⲟⲥ ϫⲉⲁⲕϣⲧⲣⲧⲱⲣⲧ ⲛϯⲟⲩⲱϣ ⲁⲛ ⲉⲙⲟⲟⲩⲧⲟⲩ · ϫⲉⲛⲛⲉⲩϣⲟⲩϣⲟⲩ ⲙⲙⲟⲟⲩ ϫⲉⲁⲛⲣⲙⲁⲣⲧⲩⲣⲟⲥ ϩⲓⲱⲱⲕ
- encomium.mercurius:141
ⲛⲧⲉⲣⲉϥ ⲇⲉ ⲉⲣⲟϥ ⲛϭⲓⲡⲣⲣⲟ · ⲡⲉϫⲁϥ ⲛⲁϥ ϫⲉⲁⲩϥⲓⲧⲕ ⲛⲧⲟⲟⲧ · ⲉⲕⲟ ⲙⲡⲁϣ ⲙⲟⲩ · ⲛⲁϣ ⲛϩⲉ ⲧⲉⲛⲟⲩ ⲕⲙⲟⲟϣⲉ · ⲙⲉϣⲁⲕ ⲣⲱ ⲙⲛⲗⲁⲁⲩ ⲙⲡⲱⲗϩ ϩⲓⲡⲉⲕⲥⲱⲙⲁ ·
- encomium.mercurius:142
ⲧⲟⲧⲉ ⲁϥⲕⲉⲗⲉⲩⲉ ⲛⲛϥⲁⲓⲙⲉⲣⲉϩ · ⲉⲧⲁϩⲉⲣⲁⲧⲟⲩ ⲉⲧⲣⲉⲩⲙⲟⲩϣⲧ ⲙⲡⲉϥⲥⲱⲙⲁ ·
- martyrdom.mercurius:142
ⲁⲗⲗⲁ ⲉⲓϣⲁⲛⲉⲓ ϩⲛⲧⲡⲉⲣⲥⲓⲥ ϯⲛⲁⲕⲁ ⲟⲩⲛⲟⲙⲟⲥ ⲉϩⲣⲁⲓ ⲛⲁⲩ · ϫⲉϣⲟⲙⲛⲧ ⲛϩⲟⲗⲟⲕⲟⲧⲧⲓⲛⲟⲥ ⲉⲧⲁⲡⲉ ⲙⲡⲡⲁⲅⲁⲛⲟⲥ ⲧⲉⲣⲟⲙⲡⲉ ⲛⲛⲉⲭⲣⲓⲥⲧⲓⲁⲛⲟⲥ · ⲡⲃⲟⲩⲗⲉⲩⲧⲏⲥ ⲇⲉ ϣⲟⲙⲛⲧ ⲛⲟⲩⲕⲅⲓⲁ ·
- martyrdom.mercurius:143
ⲛⲁⲓ ⲇⲉ ⲉϥⲉⲓⲣⲉ ⲙⲙⲟⲟⲩ ⲛⲉϥϩⲟϫϩϫ ⲛⲛⲉⲭⲣⲓⲥⲧⲓⲁⲛⲟⲥ ϩⲛⲥⲙⲟⲧ ⲛⲓⲙ ·
- encomium.mercurius:143
ⲛⲧⲟⲟⲩ ⲇⲉ ⲡⲉϫⲁⲩ ⲙⲡⲣⲣⲟ · ϫⲉϣⲉ ⲡⲕⲣⲁⲧⲟⲥ · ⲱ ⲡⲣⲣⲟ · ⲛⲉⲩⲥⲉⲃⲏⲥ · ⲡⲉϥⲥⲱⲙⲁ ⲧⲏⲣϥ ⲟⲩⲟϫ · ⲙⲛⲗⲁⲩ ⲛⲧⲁⲕⲟ ϣⲟⲟⲡ ⲛϩⲏⲧϥ · ⲛⲧϩⲉ ⲙⲡⲟⲩϫⲱϩⲉ ⲉⲣⲟϥ ⲉⲡⲧⲏⲣϥ ·
- martyrdom.mercurius:144
ϩⲙⲡⲉⲟⲩⲟⲉⲓϣ ⲇⲉ ⲉⲧⲙⲙⲁⲩ ⲛⲉⲣⲉⲧⲉⲕⲕⲗⲏⲥⲓⲁ ⲟ ⲛⲣⲙⲙⲁⲟ ϩⲛⲧⲙⲛⲧϫⲱⲱⲣⲉ ⲛⲛⲉⲡⲛⲁⲧⲟⲫⲟⲣⲟⲥ · ⲉⲣⲉϥⲧⲟⲟⲩ ⲛⲥⲧⲩⲗⲟⲥ ⲧⲱⲟⲩⲛ ϩⲁⲣⲟⲥ · ⲉⲧⲉⲛⲁⲓ ⲛⲉ · ⲁⲑⲁⲛⲁⲥⲓⲟⲥ ⲛⲣⲁⲕⲟⲧⲉ · ⲁⲩⲱ ⲁⲛⲧⲱⲛⲓⲟⲥ ⲙⲛⲡⲁϩⲱⲙⲱ ϩⲙⲡⲙⲁⲣⲓⲥ · ⲁⲩⲱ ⲃⲁⲥⲓⲗⲉⲓⲟⲥ ϩⲛⲧⲕⲁⲡⲡⲁⲇⲟⲕⲓⲁ ·
- encomium.mercurius:144
ⲇⲉⲕⲓⲟⲥ ⲇⲉ ϩⲱⲱϥ ⲡⲉϫⲁϥ · ϫⲉⲡⲁⲛⲧⲱⲥ ϥⲛⲁϫⲟⲟⲥ · ϫⲉⲡⲉⲭⲣⲓⲥⲧⲟⲥ ⲡⲉⲛⲧⲟϥⲧⲁⲗϭⲟⲓ · ⲙⲏ ⲁⲧⲉⲧⲛϫⲓ ⲥⲁⲉⲓⲛ ⲉϩⲟⲩⲛ ⲉⲡⲉϣⲧⲉⲕⲟ · ⲉⲧⲣⲉϥⲑⲉⲣⲁⲡⲉⲩⲉ ⲙⲙⲟϥ ·
- encomium.mercurius:145
ⲛⲧⲟⲟⲩ ⲇⲉ ⲡⲉϫⲁⲩ · ϫⲉϣⲁⲧⲉⲕⲙⲛⲧⲛⲟϭ ⲉⲧⲁⲓⲏⲩ · ⲉⲧⲁⲙⲁϩⲧⲉ ⲉϫⲛⲧⲟⲓⲕⲟⲩⲙⲉⲛⲉ ⲧⲏⲣⲥ · ⲙⲛⲡⲉ ⲗⲁⲁⲩ ⲛⲑⲉⲣⲁⲡⲉⲩⲉ ⲛⲣⲱⲙⲉ ⲧⲁⲗϭⲟϥ ·
- martyrdom.mercurius:145
ⲃⲁⲥⲓⲗⲉⲓⲟⲥ ⲇⲉ ⲛⲉϥⲟ ⲛϣⲃⲏⲣ ⲉⲓⲟⲩⲗⲓⲁⲛⲟⲥ ⲉⲧⲃⲉⲧⲙⲛⲧⲕⲟⲩⲓ ⲛⲧⲁⲩⲁⲁⲥ ⲙⲛⲛⲉⲩⲉⲣⲏⲩ ϩⲛⲧⲁⲛⲍⲏⲃⲉ ·
- encomium.mercurius:146
ⲁⲗⲗⲁ ⲙⲙⲉⲉⲩⲉⲩⲉ ϫⲉϥⲛⲁⲙⲟⲩ ⲛⲁϣ ⲛϩⲉ ⲉϥⲟⲛϩ · ⲏ ⲛⲧⲟϥⲗⲟ ⲛⲁϣ ⲛϩⲉ · ⲛⲧⲛⲥⲟⲟⲩⲛ ⲁⲛ · ϫⲉⲟⲩⲁϣⲉ ⲛϭⲟⲧ ⲧⲉ ⲧⲙⲁⲕⲓⲁ ⲛⲭⲣⲓⲥⲧⲓⲁⲛⲟⲥ ⲛⲥⲁϥ : ⲙⲛⲁϥⲣⲕⲱⲥ ·
- martyrdom.mercurius:146
ⲛⲧⲉⲣⲉϥⲥⲱⲧⲙ ⲇⲉ ⲉⲧⲃⲉⲛⲉϥⲡⲣⲁⲝⲓⲥ ⲉⲧϩⲟⲟⲩ · ⲁϥⲉⲓ ϣⲁⲣⲟϥ ⲙⲛϩⲉⲛⲕⲉⲣⲉϥ‐ϣⲙϣⲉⲛⲟⲩⲧⲉ ⲛϣⲃⲏⲣ ⲉⲡⲉⲡⲓⲥⲕⲟⲡⲟⲥ ⲛⲧⲁϥ ·
- martyrdom.mercurius:147
ⲛⲧⲉⲣⲟⲩⲃⲱⲕ ⲇⲉ ⲉϩⲟⲩⲛ ϣⲁⲣⲟϥ ⲁϥⲛⲁⲩ ⲉⲛⲉⲩⲥⲭⲏⲙⲁ ⲉⲩⲑⲃⲃⲓⲏⲩ · ⲁⲩⲱ ⲛⲉⲣⲉⲛⲉⲩⲙⲟⲣⲧ ⲣⲏⲧ ⲡⲉ · ⲡⲉϫⲁϥ ⲛⲁⲩ ϫⲉⲉⲣⲉⲛⲁⲓ ϣⲓⲛⲉ ⲛⲥⲁⲟⲩ ·
- encomium.mercurius:147
ⲙⲡϩⲟⲟⲩ ⲇⲉ ϩⲱϥ ⲉϥⲁϩⲉⲣⲁⲧϥ ⲉϥⲟⲩⲟϫ ·
- encomium.mercurius:148
ⲡⲣⲣⲟ ⲇⲉ ⲁϥⲙⲟⲩϩ ⲛϭⲱⲛⲧ · ⲡⲉϫⲁϥ ⲛⲁϥ · ϫⲉⲁϫⲓⲥ ⲉⲣⲟⲓ · ϩⲛⲟⲩⲙⲉ ϫⲉⲛⲓⲙ ⲡⲉⲛⲧⲟϥⲧⲁⲗϭⲟⲕ ⲭⲟⲣⲓⲥ ⲙⲁⲅⲓⲁ ·
- martyrdom.mercurius:148
ⲁϥⲟⲩⲱϣⲃ ⲛϭⲓⲃⲁⲥⲓⲗⲉⲓⲟⲥ ϫⲉⲉⲛϣⲓⲛⲉ ⲛⲥⲁⲟⲩϣⲱⲥ ⲉⲛⲁⲛⲟⲩϥ ⲛⲣⲉϥⲙⲟⲟⲛⲉ ·
- encomium.mercurius:149
ⲁϥⲟⲩⲱϣⲃ ⲛϭⲓⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ · ϫⲉⲡⲁϫⲟⲉⲓⲥ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ · ⲡⲥⲁⲉⲓⲛ ⲛⲛⲯⲩⲭⲏ ⲙⲛⲛⲥⲱⲙⲁ · ⲛⲧⲟϥ ⲡⲉ ⲛⲧⲟϥ ⲭⲁⲣⲓⲍⲉ ⲛⲁⲓ ⲙⲡⲧⲁⲗϭⲟ · ⲛⲧϩⲉ ⲛⲧⲟϥϫⲟⲟⲥ ⲫⲁⲣⲙⲁⲅⲟⲥ · ⲙⲛⲛⲣⲉϥⲙⲟⲩⲧⲉ : ⲙⲛⲣⲉϥϣⲙϣⲉ ⲉⲇⲱⲗⲟⲛ · ⲛⲥⲉⲟ ⲛϣⲙⲙⲟ ⲉⲣⲟϥ · ⲁⲩⲱ ϥⲛⲁⲙⲟⲣⲟⲩ · ⲛϩⲉⲛⲙⲣⲣⲉ ⲛⲁⲧⲃⲱⲗ ⲉⲃⲟⲗ · ⲛϥⲡⲁⲣⲁⲇⲓⲇⲟⲩ ⲙⲙⲟⲟⲩ · ⲉⲡⲕⲱϩⲧ ⲛⲧⲉⲅⲉϩⲉⲛⲛⲁ · ⲉⲧⲃⲉϫⲉⲙⲡⲟⲩⲥⲟⲩⲛ ⲛⲡⲛⲟⲩⲧⲉ ⲛⲧⲁϥⲧⲁⲙⲓⲟⲟⲩ ·
- martyrdom.mercurius:149
ⲡⲉϫⲁϥ ⲛⲃⲁⲥⲓⲗⲉⲓⲟⲥ ϫⲉⲛⲧⲁⲕⲕⲁⲡϣⲏⲣⲉ ⲙⲡϩⲁⲙϣⲉ ⲧⲱⲛ ⲁⲕⲉⲓ ⲉⲡⲉⲓⲙⲁ ·
- encomium.mercurius:150
ⲡⲉϫⲉϯⲛⲁⲁⲛϩⲁⲗⲓⲥⲕⲉ ⲙⲡⲉⲕⲥⲱⲙⲁ ϩⲛϩⲉⲛⲃⲁⲥⲁⲛⲟⲥ ⲉⲩⲛⲁϣⲧ · ⲙⲁⲣⲉⲓⲛⲁⲩ ϫⲉⲡⲉⲭⲣⲓⲥⲧⲟⲥ ⲉⲧⲉⲕⲛⲁϩⲧⲉ ⲉⲣⲟϥ ⲛⲁⲧⲁⲗϭⲟⲕ ·
- martyrdom.mercurius:150
ⲡⲉϫⲁϥ ⲛⲁϥϫⲉⲛⲧⲁⲓⲕⲁⲁϥ ⲉⲧⲁⲙⲓⲟⲁⲓⲃⲉ ⲉⲧⲟⲩⲛⲁⲛⲟⲩϫⲕ ⲉⲣⲟⲥ ·
- martyrdom.mercurius:151
ⲡⲉϫⲉⲡⲣⲣⲟ ⲛⲁϥ ϫⲉⲉⲛⲉⲓⲫⲓⲗⲟⲥⲟⲫⲉⲓ ⲁⲛ ϫⲉⲛⲧⲕⲡⲁϣⲃⲏⲣ · ⲛⲉⲓⲛⲁⲧⲣⲉⲩϥⲓ ⲡⲉ ⲛⲧⲉⲕⲁⲡⲉ ·
- encomium.mercurius:151
ⲡⲉϫⲉⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ · ϫⲉϯⲡⲓⲥⲧⲉⲩⲉ ϫⲉⲡⲁϫⲟⲉⲓⲥ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ · ϫⲉⲉⲕϣⲁⲛⲉⲓⲛⲉ ⲛⲟⲩⲙⲏⲏϣⲉ ⲛϯⲙⲱⲣⲓⲁ ⲉϫⲱⲓ · ⲛⲅⲛⲁϣⲧⲣⲧⲱⲣⲧ ⲁⲛ ·
- encomium.mercurius:152
ⲁϥϫⲟⲟⲥ ⲅⲁⲣ ϫⲉⲙⲡⲣⲣϩⲟⲧⲟⲩ · ⲛⲛⲉⲧⲛⲁⲙⲟⲩⲟⲩⲧ ⲙⲡⲉⲧⲛⲥⲱⲙⲁ · ⲉⲙⲛϭⲟⲙ ⲙⲟⲟⲩ · ⲉⲙⲟⲩⲟⲩⲧ ⲛⲛⲉⲧⲛⲯⲩⲭⲏ ·
- martyrdom.mercurius:152
ⲡⲉϫⲉⲃⲁⲥⲓⲗⲉⲓⲟⲥ ⲛⲁϥ ⲙⲡⲉⲕⲫⲓⲗⲟⲥⲟⲫⲉⲓ · ⲉⲛⲉⲛⲧⲁⲕⲫⲓⲗⲟⲥⲟⲫⲉⲓ ⲅⲁⲣ ⲛⲉⲕⲛⲁⲕⲁ ⲛⲥⲱⲕ ⲁⲛ ⲡⲉ ⲛⲧⲥⲟⲫⲓⲁ · ⲛⲧⲁⲩⲧⲥⲁⲃⲟⲕ ⲉⲣⲟⲥ · ⲉⲕⲱ ⲛⲣⲉϥⲱϣ ϩⲛⲛϫⲱⲱⲙⲉ ⲛⲧⲥⲟⲫⲓⲁ ⲙⲙⲉ ·
- encomium.mercurius:153
ⲁⲣⲓϩⲟⲧⲉ ⲇⲉ ϩⲏⲧϥ · ⲛⲧⲟϥ ⲙⲡⲧⲉⲧⲛⲟⲩⲛϭⲟⲙ ⲙⲙⲟϥ · ⲉⲧⲁⲕⲟ ⲛⲧⲉⲧⲛⲯⲩⲭⲏ · ⲙⲛⲡⲉⲧⲛⲥⲱⲙⲁ · ϩⲣⲁⲓ ⲧⲅⲉϩⲉⲛⲁ ·
- martyrdom.mercurius:153
ⲡⲉϫⲉⲡⲣⲣⲟ ⲛⲁϥ ϫⲉⲁⲓⲟϣⲟⲩ ⲁⲩⲱ ⲁⲓⲛⲟⲉⲓ ⲙⲙⲟⲟⲩ ·
- encomium.mercurius:154
ⲧⲟⲧⲉ ⲁϥⲕⲉⲗⲉⲩⲉ ⲛϭⲓⲡⲣⲣⲟ · ⲉⲧⲣⲉⲩⲉⲓⲛⲉ ⲛⲟⲩⲡⲉⲛⲓⲡⲉ ⲉϥⲗⲟⲃϣ · ⲛⲥⲉⲕⲁⲁϥ ϩⲁⲛⲉϥⲁⲅⲕⲁⲓⲟⲛ · ⲁⲩⲱ ϩⲉⲛⲗⲁⲙⲡⲁⲥ ⲛⲕⲱϩⲧ ϩⲁⲛⲉϥⲥⲡⲓⲣⲟⲟⲩⲉ · ⲛⲧⲉⲣⲟⲩⲣⲡⲁⲓ ⲇⲉ · ⲉⲡⲙⲁ ⲛⲟⲩⲕⲁⲡⲛⲟⲥ · ⲁⲩⲥϯⲛⲟⲩϥⲉ ϣⲱⲡⲉ · ⲉϥϣⲱϣ ⲉⲃⲟⲗ · ⲉⲟⲩⲟⲛ ⲛⲓⲙ ⲉⲧϩⲙⲡⲙⲁ ⲉⲧⲙⲙⲁⲩ · ⲉⲩⲃⲁⲥⲁⲛⲓⲍⲉ ⲙⲙⲟϥ ⲉⲡⲉⲓϩⲟⲩⲟ · ⲙⲡⲉϥⲁϣⲁϩⲟⲙ · ⲟⲩⲇⲉ ⲙⲡⲉϥⲣⲓⲙⲉ · ⲡⲉϫⲉⲡⲣⲣⲟ ⲛⲁϥ · ϫⲉⲉϥⲧⲱⲛ ⲙⲡⲉⲕⲥⲁⲉⲓⲛ ⲧⲉⲛⲟⲩ · ⲙⲁⲣⲉϥⲉⲓ ⲛϥⲑⲉⲣⲁⲡⲉⲩⲉ ⲙⲙⲟⲕ · ⲕⲁⲓⲅⲁⲣ ⲁⲕϫⲟⲟⲥ · ϫⲉⲟⲩⲛϭⲟⲙ ⲙⲙⲟϥ ⲉⲧⲟⲩⲛⲟⲥⲧⲉⲓ ϣⲁⲛⲙⲟⲩ ·
- martyrdom.mercurius:154
ⲡⲉϫⲉⲃⲁⲥⲓⲗⲉⲓⲟⲥ ϫⲉⲙⲡⲉⲕⲟϣⲟⲩ ⲕⲁⲗⲱⲥ · ⲟⲩⲇⲉ ⲙⲡⲉⲕⲛⲟⲉⲓ ⲙⲙⲟⲟⲩ · ⲉⲛⲉϩ ⲉⲛⲉⲛⲧⲁⲕⲛⲟⲉⲓ ⲅⲁⲣ ⲙⲙⲟⲟⲩ · ⲛⲅⲛⲁⲧϭⲁⲓⲟⲟⲩ ⲁⲛ ⲡⲉ ·
- martyrdom.mercurius:155
ⲡⲉϫⲉⲡⲣⲣⲟ ⲛⲁⲩ ϫⲉϯⲛⲁⲉⲧⲡⲧⲏⲩⲧⲛ ⲉϩⲟⲩⲛ ϣⲁⲛⲧⲉⲓ ϩⲛⲧⲡⲉⲣⲥⲓⲥ · ⲧⲁⲣⲉⲧⲉⲧⲛⲉⲓⲙⲉ ϫⲉⲟⲩ ⲡⲉⲧϯⲟⲩⲃⲉ ⲡⲣⲣⲟ ⲛⲧⲉⲧⲛⲙⲟⲩϩ ⲙⲡϩⲟϫϩϫ ⲙⲡⲙⲁ ⲛⲱⲧⲡ ⲉϩⲟⲩⲛ .
- encomium.mercurius:155
ⲡϩⲁⲅⲓⲟⲥ ⲇⲉ ⲙⲉⲣⲕⲟⲩⲣⲓⲟⲥ ⲡⲉϫⲁϥ ⲛⲁϥ · ϫⲉⲁⲣⲓⲡⲉⲧⲉϩⲛⲁⲕ · ⲟⲩⲛⲧⲁⲕ ⲉⲝⲟⲩⲥⲓⲁ ⲅⲁⲣ ⲉϩⲟⲩⲛ ⲉⲡⲁⲥⲱⲙⲁ · ⲧⲁⲯⲩⲭⲏ ⲇⲉ ⲡⲛⲟⲩⲧⲉ ⲡⲉⲧⲟ ⲛϫⲟⲉⲓⲥ ⲉⲣⲟⲥ · ⲡⲁⲥⲱⲙⲁ ⲙⲛⲉⲕϣⲁⲛⲧⲧⲁⲕⲟϥ · ⲧⲁⲯⲩⲭⲏ ⲛⲁⲙⲟⲩⲛⲉ ⲉⲃⲟⲗ ⲉⲥⲟ ⲛⲉⲓⲁⲧⲁⲕⲟ ·
- encomium.mercurius:156
ⲡⲁⲗⲓⲛ ⲟⲛ ⲁϥⲕⲉⲗⲉⲩⲉ ⲛϭⲓⲡⲣⲣⲟ ⲉⲧⲣⲉⲩⲥⲁϣⲧϥ ⲛⲥⲁϫⲱϥ · ⲁⲩⲱ ⲛⲥⲉⲉⲓⲛⲉ ⲛⲟⲩⲛⲟϭ ⲉⲛⲱⲛⲉ · ⲛⲥⲉⲁϣⲧϥ ⲉⲡⲉϥⲙⲁⲕϩ · ϫⲉⲕⲁⲥ ϩⲙⲡⲧⲣⲉ ϥⲱϭⲧ : ⲛϥⲙⲟⲩ ϩⲛⲟⲩϭⲉⲡⲏ ·
- martyrdom.mercurius:156
ⲡⲉϫⲉⲃⲁⲥⲓⲗⲉⲓⲟⲥ ϫⲉⲉⲕϣⲁⲛⲃⲱⲕ ⲉⲧⲡⲉⲣⲥⲓⲥ ⲛⲛⲉⲕⲟⲧⲕ ⲉⲓⲉ ⲙⲡⲉⲡⲛⲟⲩⲧⲉ ϣⲁϫⲉ ϩⲛⲃⲁⲥⲓⲗⲉⲓⲟⲥ ·
- martyrdom.mercurius:157
ⲡⲣⲣⲟ ⲇⲉ ⲓⲟⲩⲗⲓⲁⲛⲟⲥ ⲡⲉϫⲁϥ ϫⲉⲟⲩ ⲡⲉ ϯⲛⲁⲁϥ ⲙⲡⲓⲅⲁⲗⲓⲗⲁⲓⲟⲥ ⲡⲓⲣⲉϥϫⲓϭⲟⲗ ⲁϥϫⲟⲟⲥ ⲅⲁⲣ ϩⲙⲡⲉϥϩⲏⲧ ϫⲉⲛⲥⲉⲛⲁⲕⲁⲟⲩⲱⲛⲉ ⲁⲛ ϩⲓϫⲛⲟⲩⲱⲛⲉ ϩⲙⲡⲣⲡⲉ ⲛⲛⲓⲟⲩⲇⲁⲓ ·
- encomium.mercurius:157
ⲡⲙⲁⲣⲧⲩⲣⲟⲥ ⲇⲉ · ⲁⲧϭⲟⲙ ⲙⲡⲛⲟⲩⲧⲉ ⲱϩ ⲛϩⲏⲧϥ · ⲙⲛⲧⲭⲁⲣⲓⲥ ⲁϥⲙⲟⲩⲛⲉ ⲉⲃⲟⲗ ⲛⲛⲟⲩⲛⲟϭ ⲛⲁⲩ · ϩⲛϯⲃⲁⲥⲁⲛⲟⲥ ⲧⲁⲓ ·
- encomium.mercurius:158
ⲇⲉⲕⲓⲟⲥ ⲇⲉ ⲡⲣⲣⲟ · ⲛⲧⲉⲣⲉϥⲛⲁⲩ ⲉⲡⲙⲁⲣⲧⲩⲣⲟⲥ · ϫⲉⲉϥϥⲓ ϩⲁⲛϯⲙⲱⲣⲓⲁ · ϩⲛⲟⲩⲙⲛⲧϫⲱⲱⲣⲉ · ⲁⲩⲱ ⲙⲡⲉⲗⲁⲁⲩ ⲛⲃⲁⲥⲁⲛⲟⲥ ⲧⲁϩⲟϥ · ⲁϥⲕⲉⲗⲉⲩⲉ ⲉⲧⲣⲉⲩϥⲓⲡⲱⲛⲉ ⲙⲙⲁⲩ · ϩⲓⲡⲉϥⲙⲁⲕϩ · ⲛⲥⲉⲉⲓⲛⲉ ⲛⲟⲩⲙⲁⲥⲧⲓⲅⲝ ⲛⲕⲱⲃϩ · ⲉⲥⲟ ⲛϥⲧⲟⲟⲩ ⲛϣⲗⲟⲡ · ⲛⲥⲉϩⲓⲟⲩⲉ ⲉⲣⲟϥ · ϣⲁⲛⲧⲉⲡⲕⲁϩ ϩⲱⲣⲡϩⲁⲡⲉϥⲥⲛⲟϥ ·
- martyrdom.mercurius:158
ⲁⲛⲟⲕ ϩⲱ ϯⲛⲁⲕⲟⲧϥ ⲛϩⲱⲃ ⲛⲣⲣⲟ · ⲛⲧⲁⲣⲛⲉϥϣⲁϫⲉ ⲛϭⲟⲗ ⲧⲁⲣⲟⲩⲉⲓⲙⲉ ϫⲉⲟⲩⲣⲉϥϫⲓϭⲟⲗ ⲡⲉ ·
- encomium.mercurius:159
ⲡⲉⲅⲉⲛⲛⲁⲓⲟⲥ ⲇⲉ ⲁϥⲧⲱⲟⲩⲛ ϩⲁϯⲕⲉⲃⲁⲥⲁⲛⲟⲥ · ⲛⲧϩⲉ ⲛⲟⲩⲱⲛⲉ ⲛⲁⲇⲁⲙⲁⲥ · ϩⲛⲧⲉϥⲙⲛⲧϫⲱⲱⲣⲉ ·
- martyrdom.mercurius:159
ⲁⲩⲱ ⲁϥⲟⲩⲉϩⲥⲁϩⲛⲉ ⲉⲧⲣⲉⲩⲱⲧⲡ ⲉϩⲟⲩⲛ ⲛⲃⲁⲥⲓⲗⲉⲓⲟⲥ ⲉⲡⲉϣⲧⲉⲕⲟ ⲙⲛⲡⲕⲉⲥⲛⲁⲩ ⲉⲧⲛⲙⲙⲁϥ · ⲁⲩⲱ ⲁϥⲧⲁⲁϥ ⲉⲃⲱⲕ ⲉⲧⲡⲉⲣⲥⲓⲥ ·
- martyrdom.mercurius:160
ⲁϥⲉⲓ ⲇⲉ ⲉϫⲛⲧϩⲓⲉⲣⲟⲩⲥⲁⲗⲏⲙ · ⲁϥⲛⲁⲩ ⲉⲛϣⲟⲣϣⲣ ⲙⲡⲣⲡⲉ · ⲉⲙⲛⲟⲩϫⲟⲉ ⲛⲟⲩⲱⲧ ⲕⲱⲧⲉ ⲉⲣⲟϥ · ⲕⲁⲧⲁⲧϩⲉ ⲛⲧⲁⲟⲩⲁⲥⲡⲁⲥⲓⲁⲛⲟⲥ ⲧⲁⲕⲟϥ ϩⲙⲡⲧⲁⲕⲟ ⲛⲧⲁϥⲁⲁϥ · ⲛⲛⲓⲟⲩⲇⲁⲓ · ⲁϥⲕⲉⲗⲉⲩⲉ ⲉⲧⲣⲉⲩⲕⲁⲑⲁⲣⲓⲍⲉ ⲙⲙⲟϥ ϫⲉⲕⲁⲥ ⲉⲩⲉⲕⲟⲧϥ ⲉϥⲧⲁⲓⲏⲩ ⲉⲡⲉϩⲟⲩⲟ ·
- encomium.mercurius:160
ⲁⲩⲱ ⲡⲉϫⲁϥ · ϫⲉϯⲉⲩⲭⲁⲣⲓⲥⲧⲟⲩ ⲛⲁⲕ · ⲡⲁϫⲟⲉⲓⲥ · ϫⲉⲁⲕⲁⲁⲧ ⲛⲙⲡϣⲁ ⲛϣⲡϩⲓⲥⲉ ⲉϫⲙⲡⲉⲕⲣⲁⲛ ⲉⲧⲟⲩⲁⲁⲃ ·
- encomium.mercurius:161
ⲡⲣⲣⲟ ⲇⲉ ⲛⲧⲉⲣⲉϥⲛⲁⲩ ⲇⲉ · ϫⲉⲟⲩⲁⲧ ⲡⲱⲛⲉ ⲡⲉ ⲡⲉϥⲗⲟⲅⲓⲥⲙⲟⲥ · ⲁⲩⲱ ϫⲉⲛⲉϥϥⲁϣⲡⲉⲓⲑⲉ ⲙⲙⲟϥ ⲁⲛ · ⲉⲧⲣⲉϥⲑⲩⲥⲓⲁⲍⲉ · ⲁϥϫⲓϣⲟϫⲛⲉ · ⲛⲉϥϭⲉⲡⲏ ⲅⲁⲣ ⲉⲃⲱⲕ ⲉϩⲣⲱⲙⲏ · ⲁϥϯⲁⲡⲟⲫⲁⲥⲓⲥ ⲉⲣⲟϥ · ⲉⲧⲣⲉⲩϯⲙⲱⲣⲓⲁ ⲙⲙⲟϥ · ϩⲛⲧⲥⲏϥⲉ ⲉϥϫⲱ ⲙⲙⲟⲥ · ϫⲉⲙⲉⲣⲕⲟⲩⲣⲓⲟⲥ ⲡⲉⲛⲧⲟϥϣⲱⲡⲉ ⲉϥⲥⲱϣ ⲛⲛⲛⲟⲩⲧⲉ · ⲁⲩⲱ ⲁϥⲕⲁⲧⲁⲫⲣⲟⲛⲉⲓ ⲛⲛⲇⲟⲅⲙⲁ ⲉⲧⲟⲩⲁⲁⲃ · ⲛⲧⲉⲧⲛⲙⲛⲧⲣⲙⲣⲁϣ · ⲁϥⲟⲡϥ ⲉⲩⲗⲁⲁⲩ ⲡⲉⲛⲅⲣⲁⲧⲟⲥ · ϯⲕⲉⲗⲉⲩⲉ ⲉⲧⲣⲉⲩϫⲓⲧϥ ⲉⲧⲡⲟⲗⲓⲥ ⲛⲧⲕⲁⲡⲡⲁⲇⲟⲕⲓⲁ · ⲛⲥⲉϥⲓ ⲛⲧⲉϥⲁⲡⲉ ϩⲙⲡⲙⲁ ⲉⲧⲙⲙⲁⲩ · ⲉⲣⲉⲟⲩⲟⲛ ⲛⲓⲙ ⲛⲁⲩ ⲉⲣⲟϥ ·
- martyrdom.mercurius:161
ⲓⲟⲩⲗⲓⲁⲛⲟⲥ ⲇⲉ ⲁϥⲕⲁⲑⲓⲥⲧⲁ ⲛⲟⲩⲕⲟⲙⲉⲥ ⲉϫⲙⲡⲣⲡⲉ · ϫⲉⲉϥⲉⲕⲁⲑⲁⲣⲓⲍⲉ ⲙⲙⲟϥ ϣⲁⲛⲧⲉϥⲥⲙⲛⲥⲉⲛⲧⲉ ⲙⲙⲟϥ · ⲛϥⲕⲟⲧϥ ·
- martyrdom.mercurius:162
ⲛⲧⲟϥ ⲇⲉ ⲁϥⲧⲁⲁϥ ⲉⲧⲡⲉⲣⲥⲓⲥ · ⲁϥⲡⲟⲗⲉⲙⲉⲓ ⲁϥⲕⲁⲛⲉⲧⲟⲩⲁⲁⲃ ⲉⲩⲟⲧⲡ ⲉϩⲟⲩⲛ ⲉⲡⲉϣⲧⲉⲕⲟ ·
- encomium.mercurius:162
ⲟⲩⲟⲛ ⲅⲁⲣ ⲛⲓⲙ · ⲛⲧⲁⲩϫⲓⲉⲟⲟⲩ ⲉⲃⲟⲗ ϩⲓⲧⲙⲡⲣⲣⲟ · ⲉⲩϣⲁⲛⲁⲛⲧⲓⲗⲉⲅⲉ ⲙⲡⲉϥⲟⲩⲉϩⲥⲁϩⲛⲉ ⲥⲉⲛⲁϯ ⲛⲁϥ · ⲛϩⲉⲛⲥⲏϣⲉ · ⲡϩⲁⲉ ⲇⲉ ⲛⲥⲉⲛⲁⲡⲁⲣⲁⲇⲓⲇⲟⲩ ⲙⲙⲟϥ · ⲉⲧⲟⲟⲧϥ ⲛⲧⲥⲏϥⲉ ·
- martyrdom.mercurius:163
ⲛⲉⲧϣⲟⲣϣⲣ ⲇⲉ ⲉⲡⲉⲣⲡⲉ ⲁⲩⲕⲁⲑⲁⲣⲓⲍⲉ ⲙⲙⲟϥ ⲙⲡⲟⲩⲕⲁⲟⲩⲱⲛⲉ ϩⲓϫⲛⲟⲩⲱⲛⲉ · ⲙⲡⲟⲩⲃⲟⲗϥ ⲉⲃⲟⲗ ⲕⲁⲧⲁⲡϣⲁϫⲉ ⲙⲡⲉⲛⲥⲱⲧⲏⲣ ·
- encomium.mercurius:163
ⲛⲛⲧⲁⲩⲧⲁϣⲟⲩ ⲇⲉ ⲉⲧⲣⲉⲩϥⲓⲧϥ · ⲁⲩϥⲓ ϩⲁⲣⲟϥ ⲁⲩⲧⲁⲗⲟϥ ⲉⲩⲧⲃⲛⲏ · ⲁⲩⲙⲟⲣϥ ⲉϩⲣⲁⲓ ⲉϫⲱϥ · ϫⲉⲛⲉⲓ ⲁⲡⲥⲱⲙⲁ ⲙⲡⲙⲁⲣⲧⲩⲣⲟⲥ · ⲃⲱⲗ ⲉⲃⲟⲗ ⲛⲥⲁⲥⲁ ⲛⲓⲙ · ⲁϥⲣⲕⲱⲱⲥ ·
- encomium.mercurius:164
ⲁⲩⲙⲟⲟϣⲉ ⲇⲉ ϩⲛⲧⲉϩⲓⲏ ⲉⲥⲟⲩⲏⲩ · ⲁⲩⲱ ϩⲓⲧⲛⲕⲟⲩⲓ ⲛϩⲟⲟⲩ · ⲁⲩⲡⲱϩ ⲉⲧⲡⲟⲗⲓⲥ ⲕⲁⲓⲥⲁⲣⲓⲁ · ⲁⲩⲱ ⲛⲧⲉⲓϩⲉ ⲁⲩⲟⲩⲁϩϥ ⲉⲡⲉⲥⲏⲧ ⲕⲟⲩⲓ ⲕⲟⲩⲓ ·
- martyrdom.mercurius:164
ⲁⲩⲁⲣⲭⲉⲓ ⲇⲉ ⲛⲕⲱⲧ ϣⲁⲩⲕⲱⲧ ϫⲓⲛϩⲧⲟⲟⲩⲉ ϣⲁⲣⲟⲩϩⲉ ⲛⲥⲉⲡⲱϩ ⲉϩⲧⲟⲟⲩⲉ · ⲛⲥⲉϭⲛ ⲛⲕⲱⲧ ⲛⲧⲁⲩⲕⲟⲩ ⲉⲩϣⲣϣⲱⲣ ϩⲛⲟⲩϭⲓϫ ⲁⲛ ⲛⲣⲱⲙⲉ ·
- martyrdom.mercurius:165
ⲁⲩⲣⲉⲃⲟⲧ ⲇⲉ ⲥⲛⲁⲩ ⲛϩⲟⲟⲩ ⲉⲩⲙⲏⲛ ⲉⲃⲟⲗ ⲛⲧⲉⲓϩⲉ ⲉⲩⲧⲁⲗⲁⲓⲡⲟⲣⲉⲓ ⲉⲙⲛⲟⲩϩⲱⲃ ⲟⲩⲏϩ ⲛⲥⲱⲟⲩ ⲕⲁⲧⲁⲧϩⲉ ϫⲉⲧⲉⲡⲣⲟⲛⲟⲓⲁ ⲧⲉⲧⲕⲱⲗⲉⲓ ⲙⲙⲟⲟⲩ ·
- encomium.mercurius:165
ⲡϫⲟⲉⲓⲥ ⲇⲉ ⲁϥⲁϩⲉⲣⲁⲧϥ ϩⲓϫⲱϥ · ⲡⲉϫⲁϥ ⲛⲁϥ · ϫⲉⲙⲉⲣⲕⲟⲩⲣⲓⲟⲥ · ⲁⲙⲟⲩ ⲛⲅⲙⲧⲟⲛ ⲙⲙⲟⲕ ϩⲁϩⲧⲏⲓ · ⲉⲡⲉⲓⲇⲏ ⲁⲕϫⲉⲕⲡⲉⲕⲇⲣⲟⲙⲟⲥ ⲉⲃⲟⲗ · ⲁⲕϩⲁⲣⲉϩ ⲉⲧⲡⲓⲥⲧⲓⲥ · ϫⲓ ⲛⲁⲕ ⲙⲡⲉⲕⲗⲟⲙ ⲛⲧⲙⲛⲧϣⲟⲉⲓϫ · ⲡⲉⲛⲧⲁⲩⲧⲟϣϥ ⲛⲁⲕ · ⲉⲕⲗⲏⲣⲟⲛⲟⲙⲉⲓ ⲙⲙⲟϥ ·
- encomium.mercurius:166
ⲡⲙⲁⲣⲧⲩⲣⲟⲥ ⲇⲉ ⲛⲧⲉⲣⲉⲡϫⲟⲉⲓⲥ ⲟⲩⲱⲛϩ ⲉⲣⲟϥ ⲁϥϭⲙϭⲟⲙ · ⲡⲉϫⲁϥ ⲛⲉⲧⲧⲟ ⲉⲣⲟϥ · ϫⲉⲁⲣⲓⲡⲉⲛⲧⲁⲩⲟⲩⲉϩⲥⲁϩⲛⲉ ⲙⲙⲟϥ ⲛⲏⲧⲛ · ϩⲛⲟⲩϭⲉⲡⲏ · ⲉⲣⲉⲡϫⲟⲉⲓⲥ ⲇⲉ ⲧⲱϩⲙ ⲛⲟⲩⲟⲛ ⲛⲓⲙ ⲉϩⲟⲩⲛ · ⲉⲧⲙⲉⲧⲁⲛⲟⲓⲁ · ⲉϥⲉⲣⲧⲏⲩⲧⲛ ⲛⲙⲡϣⲁ ⲛⲧⲉϥⲭⲁⲣⲓⲥ ·
- martyrdom.mercurius:166
ⲁⲩⲧⲁⲙⲟⲟⲩ ⲇⲉ ⲛϭⲓⲛⲓⲟⲩⲇⲁⲓ ⲉⲧⲙⲙⲁⲩ ϫⲉⲣⲱⲕϩ ⲛⲛⲉⲙϩⲁⲁⲩ ⲉⲧⲉⲣⲉⲛⲉⲭⲣⲓⲥⲧⲓⲁⲛⲟⲥ · ⲧⲟⲙⲥ ⲛϩⲏⲧⲟⲩ · ⲁⲩⲱ ⲧⲉⲧⲛϭⲙϭⲟⲙ ⲉⲕⲱⲧ ⲁⲩⲥⲱⲧⲙ ⲇⲉ ⲛⲥⲱⲟⲩ ⲁⲩⲱ ⲁⲩⲣⲱⲕϩ ⲛⲛⲉⲙϩⲁⲁⲩ .
- martyrdom.mercurius:167
ⲛⲧⲉⲣⲟⲩⲡⲱϩ ⲇⲉ ⲉϫⲙⲡⲙϩⲁⲁⲩ · ⲉⲧⲉⲣⲉⲓⲱϩⲁⲛⲛⲏⲥ ⲡⲃⲁⲡϯⲥⲧⲏⲥ ⲛϩⲏⲧϥ ⲙⲛⲉⲗⲉⲥⲁⲓⲟⲥ · ⲡⲉⲡⲣⲟⲫⲏⲧⲏⲥ · ⲙⲡⲉⲡⲕⲱϩⲧ ϫⲱϩ ⲉⲣⲟⲟⲩ ·
- encomium.mercurius:167
ⲟⲩⲣⲙⲙⲁⲟ ⲅⲁⲣ ⲡⲉ ϣⲁϥⲭⲁⲣⲓⲍⲉ · ⲛⲛⲉⲧⲛⲁϯⲡⲉⲩⲟⲩⲟⲓ ⲉⲣⲟϥ ϩⲛⲟⲩⲇⲱⲣⲓⲁ · ⲁϫⲛⲫⲑⲟⲛⲟⲥ ·
- encomium.mercurius:168
ⲛⲧⲉⲣⲉϥϫⲓ ⲛⲁⲓ · ⲇⲉ ⲁⲩϥⲓ ⲛⲧⲉϥⲁⲡⲉ · ⲁϥϫⲱⲕ ⲉⲃⲟⲗ ⲛⲧϩⲟⲙⲟⲗⲟⲅⲓⲁ ⲉⲧⲛⲁⲛⲟⲩⲥ · ⲙⲡⲉⲛⲥⲱⲧⲏⲣ ⲛⲥⲟⲩ ϫⲟⲩⲧⲏ ⲛⲛⲟⲉⲃⲣⲓⲟⲥ · ⲉⲧⲉⲁⲑⲱⲣ ⲡⲉ ·
- martyrdom.mercurius:168
ⲉⲁⲩⲣⲟⲩⲙⲏⲏϣⲉ ⲛϩⲟⲟⲩ · ⲉⲣⲉⲡⲕⲱϩⲧ ⲙⲟⲩϩ · ⲙⲡⲉⲩⲕⲱⲧⲉ · ⲛⲧⲟⲟⲩ ⲇⲉ ⲙⲡⲉⲡⲕⲱϩⲧ ϫⲱϩ ⲙⲙⲟⲟⲩ ⁘
← Previous · Next → — showing 501–600 of 629
Coptic SCRIPTORIUM, corpus mercurius (github.com/CopticScriptorium/corpora). Licence as stated per document in the project's own meta.json and checked there at parse time. English, where present, is Coptic SCRIPTORIUM's aligned translation. Licence: CC-BY 4.0. Source.