Mercurius

Coptic literature (Coptic SCRIPTORIUM) · 629 sections

martyrdom.miracles.mercurius_part2:101
ⲡⲉϫⲁϥ ϫⲉⲁⲗⲏⲑⲟⲥ ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ ⲡⲉⲛⲧⲟϥⲉⲓ · ⲁϥⲟⲩⲟⲛϩⲛϥ ⲉⲣⲟⲓ ·
encomium.mercurius:101
ⲁⲩⲱ ⲛⲓⲧⲁⲉⲓⲟ ⲛⲧⲉⲓⲙⲓⲛⲉ · ϩⲉⲛⲡⲣⲟⲥⲟⲩⲟⲉⲓϣ ⲛⲉ ·
martyrdom.miracles.mercurius_part1:101
ⲁⲩⲱ ⲁϥⲧⲁⲩⲟ ⲉϩⲟⲩⲛ · ⲉⲡⲧⲟⲡⲟⲥ · ⲙⲛⲟⲩⲛⲟⲩⲃ ⲉϥⲥⲱⲧⲡ · ⲙⲛⲟⲩⲛⲟϭ ⲛⲁⲛϩⲟⲗⲱⲙⲁ ·
martyrdom.mercurius:101
ⲛⲧⲉⲣⲟⲩⲣⲡⲁⲓ ⲇⲉ · ⲉⲡⲙⲁ ⲛⲟⲩⲕⲁⲡⲛⲟⲥ ⲁⲩⲛⲟϭ ⲛⲥϯⲛⲟⲩϥⲉ ϣⲱϣ ⲉⲃⲟⲗ · ⲉⲟⲩⲟⲛ ⲛⲓⲙ ⲉⲧϩⲙⲡⲙⲁ ⲉⲧⲙⲙⲁⲩ ·
martyrdom.miracles.mercurius_part1:102
ⲁⲩⲱ ⲛⲉϥⲣ · ϩⲛⲛⲉϥϭⲓϫ · ⲙⲛⲛⲉϥⲣⲱⲙⲉ ⲧⲏⲣⲟⲩ · ⲁⲩⲱ ⲛⲉϥⲧⲃⲛⲟⲟⲩⲉ · ⲉⲩⲣϩⲱⲃ ⲧⲏⲣⲟⲩ · ⲛϫⲓϫⲏ
encomium.mercurius:102
ⲡⲉⲟⲟⲩ ⲇⲉ ⲛⲧⲟϥ ⲙⲡⲛⲟⲩⲧⲉ · ⲙⲏⲛⲉ ⲉⲃⲟⲗ ϣⲁⲉⲛⲉϩ · ⲧⲉⲛⲟⲩ ϭⲉ ⲙⲡⲣϯϩⲓⲥⲉ ⲛⲁⲕ ⲉⲡϫⲓⲛϫⲏ · ⲁⲛⲟⲕ ⲅⲁⲣ ⲁⲛⲅⲟⲩⲭⲣⲓⲥⲧⲓⲁⲛⲟⲥ · ϯⲛⲁⲑⲩⲥⲓⲁⲍⲉ ⲁⲛ ⲛⲛⲉⲕⲛⲟⲩⲧⲉ ⲛⲃⲟⲧⲉ · ⲗⲓⲟⲡⲟⲛ ⲡⲉⲧⲉϩⲛⲁⲕ ⲁⲣⲓϥ ⲛⲁⲓ ·
martyrdom.miracles.mercurius_part2:102
ⲁⲩⲱ ⲁϥϭⲱ ⲉϥⲙⲉⲉⲩⲉ ⲉⲃⲟⲗ · ⲉⲡⲉⲛⲧⲁⲡϩⲣϣⲓⲣⲉ ⲉⲁⲁϥ ⲛⲧⲉϥϣⲉⲉⲣⲉ · ⲉⲧⲃⲉⲡⲉϥⲟⲩⲱϣ ⲉϩⲟⲩⲛ ⲉⲣⲟⲥ · ⲁϥϭⲱ ⲉϥⲙⲟⲕⲙⲉⲕ ⲙⲙⲟϥ ϫⲉⲁⲣⲁ ⲡⲟⲩⲱϣ ⲙⲡⲉⲧⲟⲩⲁⲁⲃ ⲡⲉ ⲉⲧⲣⲁϭⲟⲗⲡⲡⲙⲩⲥⲧⲏⲣⲓⲟⲛ ⲉⲃⲟⲗ ϫⲓⲛⲙⲙⲟⲛ ⲉⲓⲛⲁⲕⲁⲁϥ ⲉϥϩⲏⲡ ·
martyrdom.mercurius:102
ⲉⲩⲃⲁⲥⲁⲛⲓⲍⲉ ⲇⲉ ⲙⲙⲟϥ ⲉⲡⲉϩⲟⲩⲟ ⲙⲡϥⲁϣⲁϩⲟⲙ ⲟⲩⲇⲉ ⲙⲡⲉϥⲣⲓⲙⲉ ·
martyrdom.miracles.mercurius_part1:103
ⲁⲩⲱ ⲛϥϫⲱ ⲙⲙⲟⲥ · ⲛⲛⲉⲧⲣϩⲱⲃ · ϫⲉⲙⲟⲟϣⲉ ⲛⲧⲉⲧⲛⲕⲱⲧ · ⲙⲡⲏⲓ ⲙⲡⲉⲓⲇⲩⲛⲁⲇⲟⲥ ·
encomium.mercurius:103
ⲇⲉⲕⲓⲟⲥ ⲇⲉ ⲡⲉϫⲁϥ ⲛⲁϥ · ϫⲉⲱ ⲙⲉⲣⲕⲟⲩⲣⲓⲟⲥ · ⲑⲩⲥⲓⲁⲍⲉ · ⲙⲡⲣⲙⲟⲩ ϩⲛⲟⲩⲙⲟⲩ ⲉϥϩⲟⲟⲩ · ⲡⲙⲁⲕⲁⲣⲓⲟⲥ ⲙⲉⲣⲕⲟⲩⲣⲓⲟⲥ ⲡⲉϫⲁϥ ⲛⲁϥ · ϫⲉⲙⲁⲣⲉⲟⲩϣⲁϫⲉ ⲛⲟⲩⲱⲧ ⲣⲁϣⲕ · ⲱ ⲡⲣⲣⲟ · ϯⲛⲁⲥⲱⲧⲙ ⲛⲥⲱⲧⲙ ⲅⲁⲣ ⲁⲛ ⲛⲥⲱⲕ · ⲛⲧⲁϣⲙϣⲉ ⲛϩⲉⲛⲛⲟⲩⲧⲉ ⲛϣⲙⲙⲟ · ⲛⲧⲁⲕⲱ ⲛⲥⲱⲛ ⲡⲁⲛⲟⲩⲧⲉ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ ·
martyrdom.mercurius:103
ⲡⲉϫⲁϥ ⲇⲉ ⲛⲁϥ ⲛϭⲓⲇⲉⲕⲓⲟⲥ · ϫⲉⲉϥⲧⲱⲛ ⲡⲉⲕⲥⲁⲉⲓⲛ ⲧⲉⲛⲟⲩ · ⲙⲁⲣⲉϥⲉⲓ ⲛϥⲑⲉⲣⲁⲡⲉⲩⲉ ⲙⲙⲟⲕ ·
martyrdom.miracles.mercurius_part2:103
ϩⲟⲥⲟⲛ ⲉϥⲙⲉⲉⲩⲉ ⲉⲛⲁⲓ ⲁⲩⲥⲁⲗⲡⲓⲍⲉ · ⲉⲧⲣⲉⲟⲩⲟⲛ ⲛⲓⲙ ⲉⲧⲛⲕⲟⲧⲕ ⲧⲱⲟⲩⲛ · ⲛⲥⲉⲉⲓ ⲉⲧⲉⲕⲕⲗⲏⲥⲓⲁ · ⲛⲥⲉϩⲩⲙⲛⲉⲩⲉ ⲙⲛⲛⲉⲛⲑⲗⲟⲡⲟⲛⲟⲥ ϫⲉⲛⲉ ⲡⲛⲟϭ ⲛϣⲁ ⲙⲡⲉⲙⲡⲉⲧⲟⲩⲁⲁⲃ · ⲉⲧⲉⲥⲟⲩϫⲟⲩⲧⲏ ⲛⲁⲑⲱⲣ ⲡⲉ · ⲁⲩⲧⲱⲟⲩⲛ ⲛϭⲓⲙⲙⲏⲏϣⲉ · ⲉⲩⲗⲉⲕⲟⲩⲫⲟⲣⲉⲓ ϩⲛⲟⲩⲣⲁϣⲉ · ⲁⲩⲉⲓ ⲉⲧⲉⲕⲕⲗⲏⲥⲓⲁ ·
encomium.mercurius:104
ⲇⲉⲕⲓⲟⲥ ⲇⲉ ⲛⲧⲉⲣⲉϥⲥⲱⲧⲙ ⲇⲉ ⲉⲛⲁⲓ · ⲁϥϭⲱⲛⲧ ⲉⲙⲁⲧⲉ · ⲁϥⲕⲉⲗⲉⲩⲉ ⲉⲧⲣⲉⲩⲕⲁⲁϥ ⲕⲁϩⲏⲩ ⲛⲛⲉϥϩⲟⲓⲧⲉ · ⲉⲛⲥⲉϫⲟⲗⲕϥ ⲉⲃⲟⲗ · ⲛϭⲓⲙⲏⲧ ⲙⲙⲁⲧⲟⲓ · ⲛⲥⲉϩⲓⲟⲩⲉ ⲉⲣⲟϥ ⲛϩⲉⲛⲃⲟⲩⲛⲉⲩⲣⲟⲛ ⲉⲩⲟⲩⲱⲧ · ϣⲁⲛⲧⲉⲡⲕⲁϩ ⲉⲧϩⲁⲣⲁⲧϥ ϩⲙⲡⲉϥⲥⲛⲟϥ ·
martyrdom.mercurius:104
ⲕⲁⲓ ⲅⲁⲣ ⲁⲕϫⲟⲟⲥ ⲛⲉ ⲟⲩⲛϣϭⲟⲙ ⲙⲙⲟϥ ⲉⲧⲟⲩⲛⲟⲥⲧ ⲉⲓϣⲁⲛⲙⲟⲩ ·
martyrdom.miracles.mercurius_part1:104
ⲁⲩⲱ ⲁϥⲙⲟⲩ ⲕⲁⲧⲁⲡⲧⲟϣ ⲛⲣⲱⲙⲉ ⲛⲓⲙ · ⲙⲡⲁⲧⲟⲩϫⲉⲕⲡⲙⲁⲣⲧⲏⲣⲓⲟⲛ ⲉⲃⲟⲗ ·
martyrdom.miracles.mercurius_part2:104
ⲁⲩϭⲱ ⲉⲩϩⲩⲙⲛⲉⲩⲉ ϣⲁⲛⲧⲉⲡⲟⲩⲟⲉⲓⲛ ⲥⲟⲣ ·
martyrdom.miracles.mercurius_part2:105
ⲁϥⲧⲱⲟⲩⲛ ϩⲱⲱϥ ⲛϭⲓⲡⲣⲱⲙⲉ · ⲁϥⲙⲟⲩⲧⲉ ⲉⲧⲉϥⲥϩⲓⲙⲉ ⲙⲛⲧⲉϥϣⲉⲉⲣⲉ · ⲁⲩⲉⲓ ⲉⲡⲧⲟⲡⲟⲥ · ⲉⲣⲉⲛⲉⲩϩⲩⲙϩⲁⲗ ⲟⲩⲏϩ ⲛⲥⲱⲟⲩ · ⲁⲩⲱ ⲡϩⲣϣⲓⲣⲉ ϩⲱⲱϥ ⲟⲛ ⲙⲛⲛⲉϥϩⲙϩⲁⲗ · ⲁⲩⲃⲱⲕ ⲁⲩⲟⲩⲱϣⲧ ⲉϫⲙⲡⲥⲱⲙⲁ ⲙⲡⲉⲧⲟⲩⲁⲁⲃ ·
encomium.mercurius:105
ⲡⲉϫⲁϥ ⲛⲁϥ ⲛϭⲓⲇⲉⲕⲓⲟⲥ ⲡⲣⲣⲟ · ϫⲉⲙⲉⲣⲕⲟⲩⲣⲓⲟⲥ ⲁⲕϫⲉⲛⲧⲧⲁⲣⲭⲏ · ⲛⲛⲃⲁⲥⲁⲛⲟⲥ · ϫⲉⲥⲉϩⲟⲟⲩⲉ ⲉⲕⲑⲩⲥⲓⲁⲍⲉ ϫⲉⲛⲙⲙⲟⲛ ·
martyrdom.mercurius:105
ⲡϩⲁⲅⲓⲟⲥ ⲇⲉ ⲙⲉⲣⲕⲟⲩⲣⲓⲟⲥ · ⲡⲉϫⲁϥ ⲛⲁϥ ϫⲉⲁⲣⲓⲡⲉⲧⲉϩⲛⲁⲕ
martyrdom.miracles.mercurius_part1:105
ⲟⲩⲉⲟⲟⲩ ⲙⲡⲛⲟⲩⲧⲉ · ⲙⲛⲡⲉϥⲙⲁⲣⲧⲩⲣⲟⲥ ⲉⲧⲟⲩⲁⲁⲃ · ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ ·
martyrdom.miracles.mercurius_part2:106
ⲉⲩⲣⲁϣⲉ ⲁⲩⲱ ⲁⲡϩⲣϣⲓⲣⲉ ⲙⲟⲩϣⲧ ⲙⲡⲙⲁ ⲛⲙⲕⲟⲧⲕ · ⲉϥⲣϣⲡⲏⲣⲉ ⲙⲡⲉϥⲥⲁ · ⲁⲩⲱ ⲁϥϭⲓⲛⲉ ⲙⲡⲣⲱⲙⲉ ⲙⲙⲁⲅⲟⲥ · ⲉϥⲥⲟⲛϩ ⲉϩⲟⲩⲛ ⲉⲡⲉⲕϭⲗⲟϭ ⲙⲡⲙⲁⲣⲧⲩⲣⲟⲥ · ⲛⲧϩⲉ ⲛⲟⲩϩⲟⲣ ⲉϥⲕⲟ : ⲛⲣⲟϥ ·
martyrdom.miracles.mercurius_part1:106
ⲧⲙⲉϩⲥⲟ ⲉⲛϭⲟⲙ ⲙⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ
encomium.mercurius:106
ⲁϥⲟⲩⲱϣⲃ ⲛϭⲓⲡⲙⲁⲕⲁⲣⲓⲟⲥ ⲙⲉⲣⲕⲟⲩⲣⲓⲟⲥ · ϫⲉⲛϩⲟⲥⲟⲛ ⲟⲩⲛⲧⲁⲓ ⲙⲙⲁⲩ · ⲙⲡⲁϫⲟⲉⲓⲥ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ · ⲉϥⲃⲟⲓⲏⲑⲉⲓ ⲉⲣⲟϥ · ϯϩⲏϣ ϭⲉ ⲁⲛ ϩⲁⲛⲉⲕⲃⲁⲥⲁⲛⲟⲥ ·
martyrdom.mercurius:106
ⲟⲩⲛⲧⲁⲕ ⲉⲝⲟⲩⲥⲓⲁ ⲉϩⲟⲩⲛ ⲉⲡⲁⲥⲱⲙⲁ · ⲧⲁⲯⲩⲭⲏ ⲇⲉ ⲡⲛⲟⲩⲧⲉ ⲡⲉⲧⲟ ⲙⲡⲉⲥϫⲟⲉⲓⲥ ·
martyrdom.mercurius:107
ⲡⲁⲥⲱⲙⲁ ⲙⲉⲛ ⲕⲁⲛ ⲉⲕϣⲁⲛⲧⲁⲕⲟϥ · ⲧⲁⲯⲩⲭⲏ ⲛⲁⲙⲁⲟⲩⲛ ⲉⲃⲟⲗ ⲉⲥⲟ ⲛⲁⲧⲧⲁⲕⲟ ⁘
martyrdom.miracles.mercurius_part1:107
ⲁⲥϣⲱⲡⲉ ⲇⲉ ⲛⲧⲉⲣⲟⲩⲁⲣⲭⲉⲓ ⲛⲕⲱⲧ ⲙⲡⲙⲁⲣⲧⲏⲣⲓⲟⲛ · ⲙⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ · ϩⲛⲟⲩⲛⲟϭ ⲉⲛⲉ‐ⲡⲓⲕⲏⲥ · ϫⲉⲛⲁϣⲉ · ⲛϩⲩⲗⲏ ⲙⲛⲛⲣⲱⲙⲉ · ⲉⲧⲣϩⲱⲃ · ⲉⲡⲧⲟⲡⲟⲥ ⲙⲡⲉⲧⲟⲩⲁⲁⲃ ·
encomium.mercurius:107
ⲁⲛⲟⲕ ⲅⲁⲣ ⲁⲛⲅⲡϩⲙϩⲁⲗ · ⲙⲡⲁϫⲟⲉⲓⲥ ⲉⲓⲥ ⲡⲉⲭⲣⲓⲥⲧⲟⲥ · ⲉϥⲃⲟⲏⲑⲉⲓ ⲉⲣⲟⲓ · ⲡⲁⲓ ⲡⲉ ⲡⲣⲣⲟ ⲛⲁⲧⲡⲉ · ⲙⲛⲛⲁⲡⲕⲁϩ ·
martyrdom.miracles.mercurius_part2:107
ⲁⲩⲱ ⲛⲧⲉⲣⲉϥⲛⲁⲩ ⲡϩⲣϣⲓⲣⲉ · ⲁϥⲱϣ ⲉⲃⲟⲗ ϫⲉⲟⲩⲟⲉⲓ ⲛⲁⲓ ⲱ ⲡⲁϫⲟⲉⲓⲥ ⲛⲥⲟⲛ · ⲁⲙⲟⲩ ⲛⲅⲛⲁⲩ ⲉⲡⲁⲛⲟϭ ⲛⲑⲃⲃⲓⲟ ·
encomium.mercurius:108
ⲛⲁⲓ ⲇⲉ ⲛⲧⲉⲣⲉϥⲥⲟⲧⲙⲟⲩ ⲛϭⲓⲡⲣⲣⲟ ⲇⲉⲕⲓⲟⲥ · ⲡⲉϫⲁϥ ϫⲉⲙⲉⲣⲕⲟⲩⲣⲓⲟⲥ · ⲥⲱⲧⲙ ⲛⲥⲱⲓ · ⲛⲅⲑⲩⲥⲓⲁⲍⲉ ⲛⲛⲛⲟⲩⲧⲉ · ⲛⲅϯϩⲏⲩ ⲛϩⲉⲛⲟϭ ⲛⲃⲁⲥⲁⲛⲟⲥ · ϫⲉⲕⲁⲥ ⲛⲅⲙⲟⲩ ⲁⲛ ⲕⲁⲕⲟⲥ ·
martyrdom.miracles.mercurius_part1:108
ⲙⲛⲛⲥⲁⲛⲁⲓ · ⲁⲩⲟⲩⲣⲱⲙⲉⲛⲧⲉ ⲧⲡⲟⲗⲓⲥ · ⲉⲓ ⲉϥⲡⲁⲣⲁⲅⲉ · ⲁϥⲛⲁⲩ ⲉⲧϩⲩⲗⲏ ⲙⲡⲧⲟⲡⲟⲥ ⲙⲡⲙⲁⲣⲧⲏⲣⲓⲟⲛ · ⲁϥⲣϣⲡⲏⲣⲉ · ⲁϥⲉⲡⲓⲑⲩⲙⲉⲓ ⲉⲩϣⲉ · ⲉϥⲛⲏϫ ⲉⲃⲟⲗ ·
martyrdom.miracles.mercurius_part2:108
ⲡⲉϫⲉⲡϩⲣϣⲓⲣⲉ ⲛⲁϥ ϫⲉⲛⲧⲟⲕ ⲉⲓ ⲉⲧⲱⲛ ⲙⲡⲉⲓϩⲉ ⲙⲁ ·
martyrdom.mercurius:108
ⲡⲁⲗⲓⲛ ⲟⲛ ⲁϥⲕⲉⲗⲉⲩⲉ ⲛϭⲓⲡⲣⲣⲟ ⲉⲧⲣⲉⲩⲁϣⲧϥ ⲛⲥⲁϫⲱϥ · ⲁⲩⲱ ⲛⲥⲉⲉⲓϣⲉ ⲛⲟⲩⲛⲟϭ ⲛⲱⲛⲉ ⲉⲡⲉϥⲙⲁⲕϩ ϫⲉⲕⲁⲥ ϩⲙⲡⲧⲣⲉϥⲱⲧϭ ⲉϥⲉⲙⲟⲩ ϩⲛⲟⲩϭⲉⲡⲉ ·
encomium.mercurius:109
ϣⲁⲧⲉⲧⲓⲛⲟⲩ ϯⲥⲟ ⲉⲣⲟⲕ · ⲁⲩⲱ ϯⲟ ⲛϩⲁⲣϣ ⲛϩⲏⲧ ⲉϩⲣⲁⲓ ⲉϫⲱⲕ ·
martyrdom.miracles.mercurius_part1:109
ⲡⲉϫⲁϥ · ϫⲉϯⲣⲭⲣⲉⲓⲁ ⲙⲡⲉⲓⲏⲥⲟⲩⲥϩⲁⲏ ⲛϣⲉ · ⲁⲩⲱ ϯⲛⲁϥⲓⲧϥ ·
martyrdom.miracles.mercurius_part2:109
ⲡⲉϫⲉⲡⲙⲁⲅⲟⲥ ⲛⲁϥ · ϫⲉⲱ ⲡⲁⲥⲟⲛ · ⲁⲥϣⲱⲡⲉ ⲛⲧⲉⲣⲉⲕⲃⲱⲕ ⲉⲃⲟⲗ ϩⲓⲧⲟⲟⲧ · ⲁⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ ⲉⲓ ϣⲁⲣⲟⲓ · ⲁϥϯ ⲛⲟⲩⲭⲁⲙⲟⲥ ⲉⲉⲣⲟⲓ · ⲁϥⲉⲓⲛⲉ ⲙⲙⲟⲓ ⲁϥⲥⲟⲛϩ ⲙⲙⲟⲓ ⲉϩⲟⲩⲛ · ⲉⲡⲉⲓⲙⲁ ⲛⲙⲕⲟⲧⲕ · ⲉⲩϣⲓⲡⲉ ⲛⲁⲓ ·
martyrdom.mercurius:109
ⲡⲙⲁⲣⲧⲩⲣⲟⲥ ⲇⲉ ⲁⲧϭⲟⲙ ⲙⲡⲛⲟⲩⲧⲉ ⲟⲩⲱϩ ⲛϩⲏⲧϥ ⲙⲛⲧⲉϥⲭⲁⲣⲓⲥ · ⲁϥⲙⲟⲩⲛ ⲉⲃⲟⲗ ⲛⲟⲩⲛⲟϭ ⲛⲛⲁⲩ ϩⲛϯⲃⲁⲥⲁⲛⲟⲥ ⲧⲁⲓ ·
martyrdom.miracles.mercurius_part1:110
ⲁϥϯⲡⲉϥⲟⲩⲟⲓ ⲉⲡϣⲉ · ⲁϥⲧⲁⲗⲟϥ ⲉϫⲱϥ · ⲁϥⲙⲟⲟϣⲉ ⲛⲙⲙⲁϥ · ϣⲁⲛⲧⲉϥⲉⲓ ⲉⲧⲡⲟⲗⲓⲥ · ⲛⲟⲩⲕⲟⲩⲓ ·
martyrdom.mercurius:110
ⲇⲉⲕⲓⲟⲥ ⲇⲉ ⲛⲧⲉⲣⲉϥⲛⲁⲩ ⲉⲡⲙⲁⲣⲧⲩⲣⲟⲥ · ϫⲉϥϥⲓϩⲁ ⲛϯⲙⲱⲣⲓⲁ · ϩⲛⲟⲩⲙⲛⲧϫⲱⲱⲣⲉ · ⲁⲩⲱ ⲙⲡⲉⲗⲁⲁⲩ ⲛⲃⲁⲥⲁⲛⲟⲥ ϫⲱϩ ⲉⲣⲟϥ ⲁϥⲕⲉⲗⲉⲩⲉ ⲉⲧⲣⲉⲩϥⲓⲡⲱⲛⲉ ⲙⲙⲁⲩ ⲉⲃⲟⲗ ϩⲓⲡⲉϥⲙⲁⲕϥ ⲛⲥⲉⲉⲓⲛⲉ ⲛⲟⲩⲙⲁⲥϯⲅⲝ ⲛⲕⲱⲃϩ ⲉⲥⲟ ⲛϥⲧⲟⲟⲩ ⲛϣⲗⲟⲡ · ⲛⲥⲉϩⲓⲟⲩⲉ ⲉⲣⲟϥ ϣⲁⲧⲉⲡⲕⲁϩ · ϩⲱⲣⲡ ϩⲙⲡⲉϥⲥⲛⲟϥ ·
martyrdom.miracles.mercurius_part2:110
ⲛⲧⲉⲩⲛⲟⲩ ⲁϥⲱϣ ⲉⲃⲟⲗ · ϫⲉⲃⲟⲏⲑⲉⲓ ⲉⲣⲟⲓ · ⲡⲁⲥⲟⲛ ⲙⲙⲉⲣⲓⲧ · ϫⲉⲛϩⲟⲥⲟⲛ ⲉⲓϣⲁϫⲉ ⲛⲙⲙⲁⲕ · ⲁⲡⲉⲧⲟⲩⲁⲁⲃ ϯ ⲛⲟⲩϣⲥⲛⲁⲁⲥ ⲉϩⲟⲩⲛ ϩⲛⲡⲁϩⲟ · ⲁⲓⲁⲥⲭⲩⲙⲟⲛⲉⲓ ⲉⲙⲁⲧⲉ ·
encomium.mercurius:110
ϯⲟⲩⲱϣ ⲅⲁⲣ ⲁⲛ ⲉⲣⲡⲉⲧϩⲟⲟⲩ ⲛⲁⲕ · ⲙⲁⲗⲓⲥⲧⲁ ϫⲉⲁⲕϣⲱⲡⲉ ⲛⲁⲓ · ⲛϣⲃⲏⲣ ⲉⲧⲃⲉⲧϭⲓⲛⲙⲓϣⲉ ⲉϫⲱⲓ · ϩⲙⲡⲡⲟⲗⲉⲙⲟⲥ ·
martyrdom.miracles.mercurius_part2:111
ⲡⲉϫⲁϥ ⲛⲁϥϫⲉⲟⲩⲙⲩⲥⲧⲏⲣⲓⲟⲛ ⲙⲡⲟⲩⲧⲁⲙⲟⲕ ⲉⲧⲃⲏⲏⲧϥ · ϫⲉⲟⲩⲟⲛϩϥ ⲉⲃⲟⲗ · ⲉⲧⲃⲉⲟⲩ ⲉⲕⲛⲁϣⲓⲛⲉ ⲛⲥⲟϥ ⲉⲟⲩⲟⲛϩϥⲉⲃⲟⲗ ·
encomium.mercurius:111
ⲥⲱⲧⲙ ⲛⲥⲱⲓ ⲛⲅⲑⲩⲥⲓⲁⲍⲉ ⲛⲛⲛⲟⲩⲧⲉ ·
martyrdom.mercurius:111
ⲡⲓⲅⲉⲛⲛⲁⲓⲟⲥ ⲇⲉ ⲛⲉϥⲟ ⲛⲧϩⲉ ⲛⲟⲩⲱⲛⲉ ⲛⲁⲇⲁⲙⲁⲥ · ⲁϥⲧⲱⲟⲩⲛ ϩⲛⲟⲩⲙⲛⲧϫⲱⲱⲣⲉ ϩⲁⲧⲉⲓⲃⲁⲥⲁⲛⲟⲥ · ⲁⲩⲱ ⲡⲉϫⲁϥ ϫⲉⲧⲉⲩⲭⲁⲣⲓⲥⲧⲟⲩ ⲛⲁⲕ ⲡⲁϫⲟⲉⲓⲥ ϫⲉⲁⲕⲁⲁⲧ ⲛⲙⲡϣⲁ · ⲛϣⲡϩⲓⲥⲉ ⲉϫⲙⲡⲉⲕⲣⲁⲛ ⲉⲧⲟⲩⲁⲁⲃ ·
martyrdom.miracles.mercurius_part1:111
ⲗⲟⲓⲡⲟⲛ ⲁϥⲥⲱⲣⲙ · ⲙⲡϥⲉⲓⲙⲉ · ϫⲉⲉϥⲙⲟⲟϣⲉ ⲉⲧⲱⲛ · ⲉⲃⲟⲗ ϫⲉⲁⲡⲉⲧⲟⲩⲁⲁⲃ ⲥⲱⲣⲙⲡϥⲛⲟⲩⲥ · ϣⲁⲛⲧⲉϥⲉⲓ ⲛϥⲁϩⲉⲣⲁⲧϥ · ϩⲓⲣⲙⲡⲣⲟ · ⲙⲡⲣⲱⲙⲉ ⲛϩⲏⲕⲉ · ⲡⲉⲓⲡⲓⲧⲣⲟⲡⲟⲥ · ⲙⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ ·
martyrdom.miracles.mercurius_part1:112
ⲡⲁⲓ ⲉⲧⲉϥⲟⲩⲱⲛϩ ⲉⲣⲟϥ · ⲛⲉϥⲥⲟⲟⲩⲛ ⲁⲛ · ϫⲉⲉϥⲃⲏⲕ ⲧⲱⲛ ·
martyrdom.miracles.mercurius_part2:112
ⲁⲩⲱ ⲛⲧⲉⲩⲛⲟⲩ · ⲉⲓⲥ ⲟⲩⲇⲁⲓⲙⲱⲛⲓⲟⲛ ⲁϥϥⲟϭⲉⲉϫⲙ ⲡⲣⲱⲙⲉ ⲙⲙⲁⲅⲟⲥ · ⲁϥⲃⲱⲗϥ ⲉⲃⲟⲗ · ⲁϥϩⲓⲧⲉ ⲙⲙⲟϥ ϩⲓϫⲙⲡⲕⲁϩ · ⲉϥⲱϣ ⲉⲃⲟⲗ · ϫⲉⲕⲁⲁⲧ ⲧⲁⲡⲁⲓⲇⲉⲩⲉ ⲙⲙⲟϥ · ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ ⲡⲉⲧⲟⲩⲉϩⲥⲁϩⲛⲉ ⲛⲁⲓ · ϫⲉϩⲉⲛⲛⲟϭ ⲛⲉ ⲛⲉⲃⲗⲁⲥⲫⲩⲙⲓⲁ ⲛⲧⲟϥ ⲁⲁⲩ ⲉⲡⲛⲟⲩⲧⲉ ⲛⲧⲁϥⲧⲁⲙⲓⲟϥ ·
encomium.mercurius:112
ⲙⲡⲣⲧⲁⲟ ⲛⲧⲉⲕⲙⲛⲧϣⲏⲣⲉ ϣⲏⲙ · ϩⲛϩⲉⲛⲃⲁⲥⲁⲛⲟⲥ ⲉⲩϣⲟⲃⲉ ·
martyrdom.mercurius:112
ⲡⲣⲣⲟ ⲇⲉ ⲛⲧⲉⲣⲉϥⲛⲁⲩ ϫⲉⲟⲩⲁⲧⲡⲱⲱⲛⲉ ⲡⲉ ⲡⲉϥⲗⲟⲅⲓⲥⲙⲟⲥ ⲁⲩⲱ ϫⲉⲉϥⲛⲁⲉϣⲡⲉⲓⲑⲉ ⲁⲛ ⲙⲙⲟϥ ⲉⲧⲣⲉϥⲑⲩⲥⲓⲁⲍⲉ · ⲁϥϫⲓ‐ϣⲟϫⲛⲉ ⲛⲉϥϭⲉⲡⲏ ⲅⲁⲣ ⲉⲃⲱⲕ ⲡⲉ ⲉϩⲟⲩⲛ ⲉϩⲣⲱⲙⲏ : ⲁϥϯⲁⲡⲟⲫⲁⲥⲓⲥ ⲉⲣⲟϥ ⲉⲧⲣⲉⲩϯⲙⲱⲣⲉⲓ ⲙⲙⲟϥ ϩⲛⲧⲥⲏϥⲉ ⲉϥϫⲱ ⲙⲙⲟⲥ · ϫⲉⲙⲉⲣⲕⲟⲩⲣⲓⲟⲥ ⲡⲁⲓ ⲛⲧⲁϥⲥⲱϣ ⲛⲛⲛⲟⲩⲧⲉ ⲁⲩⲱ ⲁϥⲕⲁⲧⲁⲫⲣⲟⲛⲉⲓ ⲙⲡⲇⲟⲅⲙⲁ ⲉⲧⲟⲩⲁⲁⲃ · ⲛⲧⲉⲧⲙⲛⲧⲣⲙⲣⲁϣ · ⲉⲁϥⲟⲡϥ ⲉⲩⲗⲁⲁⲩ ⲡⲉⲛⲕⲣⲁⲧⲟⲥ ⲕⲉⲗⲉⲩⲉ ⲉⲧⲣⲉⲩϥⲓ ⲛⲧⲉϥⲁⲡⲉ ϩⲛⲧⲉⲭⲱⲣⲁ · ⲛⲧⲕⲁⲡⲡⲁⲇⲟⲕⲓⲁ · ϩⲙⲡⲓⲙⲁ ⲉⲧⲙⲙⲁⲩ · ⲉⲣⲉⲟⲩⲟⲛ ⲛⲓⲙ ⲛⲁⲩ ⲉⲣⲟϥ ·
martyrdom.miracles.mercurius_part2:113
ⲁⲩⲱ ⲉⲥⲟⲩⲥϩⲓⲙⲉ ⲟⲛ ⲁⲩⲇⲓⲙⲱⲛⲓⲟⲛ ϩⲓⲧⲉ ϩⲁⲧⲙⲡⲥⲱⲙⲁ ⲙⲙⲡⲉⲧⲟⲩⲁⲃ ·
encomium.mercurius:113
ⲁⲛⲟⲕ ϯϣⲛϩⲧⲏⲓ ϩⲁⲧⲉⲕⲙⲛⲧϣⲏⲣⲉ ϣⲏⲙ · ⲙⲛⲧⲉⲕⲙⲛⲧϣⲃⲏⲣ ·
martyrdom.mercurius:113
ⲟⲩⲟⲛ ⲅⲁⲣ ⲛⲓⲙ ⲛⲧⲁⲩϫⲓⲉⲟⲟⲩ ⲉⲃⲟⲗ ϩⲓⲧⲙⲡⲣⲣⲟ ⲉⲩϣⲁⲛⲁⲛⲧⲓⲗⲉⲅⲉ ⲉⲧⲃⲉⲡⲉϥⲟⲩⲉϩⲥⲁϩⲛⲉ · ⲥⲉⲛⲁϯ ⲛⲁϥ ⲛϩⲉⲛⲥⲏϣⲉ · ⲉⲡϩⲁⲏ ⲛⲥⲉⲡⲁⲣⲁⲇⲓⲇⲟⲩ ⲙⲙⲟϥ · ⲉⲧⲟⲟⲧⲥ ⲛⲧⲥⲏϥⲉ . ⲛⲉ ⲛⲧⲁⲩⲧⲟϣⲟⲩ ⲇⲉ ⲉⲧⲣⲉⲩϥⲓⲧϥ · ⲁⲩϥⲓ ϩⲁⲣⲟϥ · ⲁⲩⲱ ⲁⲩⲧⲁⲗⲟϥ ⲉⲩⲧⲃⲛⲏ ⲁⲩⲙⲟⲣϥ ⲉϩⲣⲁⲓ ⲉϫⲱϥ · ⲉⲃⲟⲗ ϫⲉⲁⲡⲥⲱⲙⲁ ⲙⲡⲙⲁⲣⲧⲩⲣⲟⲥ ⲃⲱⲗ ⲉⲃⲟⲗ ⲛⲥⲁⲥⲁ ⲛⲓⲙ · ⲁϥⲣⲧϩⲉ ⲛⲛⲉⲓⲕⲱⲱⲥ ·
martyrdom.miracles.mercurius_part1:113
ⲁⲩⲱ ⲉⲥⲡⲉⲧⲟⲩⲁⲁⲃ · ⲁϥϣⲁϫⲉ ⲙⲛⲡⲉⲡⲓⲧⲣⲟⲡⲟⲥ · ⲉϥϫⲱ ⲙⲙⲟⲥ ⲛⲁϥ · ϫⲉⲉⲕϩⲙⲟⲟⲥ ⲉⲕⲣⲟⲩ · ⲉⲥϩⲏⲏⲧⲉ ⲁⲩϫⲓⲟⲩ ⲉⲛϣⲉ ⲙⲡⲁⲧⲟⲡⲟⲥ · ⲁⲗⲗⲁ ⲧⲱⲟⲩⲛ ⲛⲅⲃⲱⲕ ⲉⲣⲙⲡⲣⲟ ⲙⲡⲉⲕⲏⲓ · ⲉⲕⲛⲁϭⲓⲛⲉ ⲙⲡⲉⲣⲱⲙⲉ · ⲉⲣⲉⲡⲉⲓϣⲉ ⲧⲁⲗⲏⲩ ⲉⲣⲟϥ · ⲉϥⲥⲱⲣⲙ ⲉϥⲥⲟⲟⲩⲛ ⲁⲛ · ϫⲉⲉϥⲃⲏⲕ ⲉⲧⲱⲛ · ϫⲉⲁⲛⲟⲕ ⲡⲉ ⲛⲧⲁⲓⲥⲱⲣⲙ ⲙⲙⲟϥ · ⲙⲡⲓⲕⲁⲁϥ ⲉⲓⲙⲉ · ϫⲉⲉϥⲃⲏⲕⲧⲱⲛ ϣⲁⲛⲧⲉϥⲉⲓ ⲉⲡⲉⲓⲙⲁ · ⲛⲅⲛⲁⲩ ⲉⲣⲟϥ · ⲉⲣⲉⲡϣⲉ ⲛⲧⲁϥⲓⲧϥ · ⲛϫⲓⲟⲩⲉ · ⲧⲁⲗⲏⲩ ⲉⲣⲟϥ ·
martyrdom.mercurius:114
ⲁⲩⲙⲟⲟϣⲉ ⲇⲉ ϩⲛⲟⲩϩⲓⲏ ⲉⲥⲟⲩⲏⲩ · ⲁⲩⲱ ϩⲓⲧⲛϩⲉⲛⲕⲟⲩⲓ ⲛϩⲟⲟⲩ ⲁⲩⲧⲁϩⲉⲧⲡⲟⲗⲓⲥ ⲧⲕⲁⲓⲥⲁⲣⲓⲁ · ⲁⲩⲱ ⲛⲧⲉⲓϩⲉ ⲁⲩⲟⲩⲁϩϥ ⲉⲡⲉⲥⲏⲧ ⲕⲟⲩⲓ ⲕⲟⲩⲓ ·
encomium.mercurius:114
ⲁϥⲟⲩⲱϣⲃ ⲛϭⲓⲡⲙⲁⲕⲁⲣⲓⲟⲥ ⲙⲉⲣⲕⲟⲩⲣⲓⲟⲥ · ϫⲉϩⲓⲥⲉ ⲛⲓⲙ ⲉⲧⲛⲁϣⲱⲡⲉ ⲙⲙⲟⲓ · ⲉⲧⲃⲉⲑⲟⲙⲟⲗⲟⲅⲉⲓ ⲉϩⲟⲩⲛ ⲉⲡⲛⲟⲩⲧⲉ · ⲉⲥⲱ ⲛⲁⲓ ⲛϩⲟⲩⲟ ⲉⲩⲃⲓⲕⲉ ⲉⲩⲟⲩⲁⲁⲃ · ⲛϩⲓⲥⲉ ⲅⲁⲣ ⲧⲉⲛⲟⲩ ⲛⲥⲉⲙⲡϣⲁ ⲁⲛ ⲙⲡⲉⲟⲟⲩ ⲉⲧⲛⲁϭⲱⲗⲡ ⲉⲣⲟⲛ ·
martyrdom.miracles.mercurius_part2:114
ⲁⲩⲱ ⲛⲧⲉⲣⲟⲩⲕⲁⲧⲥⲩⲛⲁⲝⲓⲥ ⲉⲃⲟⲗ · ⲁⲡⲙⲏⲏϣⲉ ⲧⲏⲣϥ ⲥⲱ ⲟⲩϩⲉ ⲛⲁⲩ ⲉⲧϩⲉ ⲛⲧⲁⲡⲉⲧⲟⲩⲁⲁⲃ ϩⲉⲃⲣⲓⲍⲉ ⲛⲛⲇⲓⲙⲱⲛⲓⲟⲛ ·
martyrdom.miracles.mercurius_part1:114
ⲛⲧⲉⲣϥⲛⲁⲩ ⲇⲉ · ⲉⲡⲏⲓ ⲁϥⲟⲩⲱⲛ ⲛⲁϥ · ⲁϥⲥⲟⲩⲱⲛϥ · ϫⲉⲡⲟⲓⲕⲟⲛⲟⲙⲟⲥ ⲡⲉ · ⲙⲡⲙⲁⲣⲧⲏⲣⲓⲟⲛ ⲡⲉ · ⲁⲡⲉϥⲛⲟⲩⲥ ⲉⲓ ⲉⲣⲟϥ ·
martyrdom.mercurius:115
ⲡϫⲟⲉⲓⲥ ⲇⲉ ⲁϥⲁϩⲉⲣⲁⲧϥ ϩⲓϫⲱϥ ⲡⲉϫⲁϥ ⲛⲁϥ · ϫⲉⲙⲉⲣⲕⲟⲩⲣⲓⲉ · ⲁⲙⲟⲩ ⲛⲅⲙⲧⲟⲛ ⲙⲙⲟⲕ ϩⲁϩ ⲧⲏⲓ · ⲉⲡⲉⲓⲇⲏ ⲁⲕϫⲉⲕⲡⲉⲕⲇⲣⲟⲙⲟⲥ ⲉⲃⲟⲗ · ⲁⲕϩⲁⲣⲉϩ ⲉⲧⲡⲓⲥⲧⲓⲥ ·
martyrdom.miracles.mercurius_part1:115
ⲛⲧⲉⲩⲛⲟⲩ ⲁϥⲱϣ ⲉⲃⲟⲗ · ϫⲉⲟⲩⲁ ⲡⲉ ⲡⲛⲟⲩⲧⲉ · ⲙⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ · ⲛⲁ ⲛⲁⲓ ⲙⲡⲉⲣϭⲱⲛⲧ ⲉⲣⲟⲓ · ⲛⲅⲉⲓ ⲛⲟⲩⲡⲉⲧϩⲟⲟⲩ ⲉϫⲟⲓ · ϫⲉⲁⲓⲣ‐ⲛⲟⲃⲉ ⲉⲣⲟⲕ · ⲁⲓϫⲓⲟⲩⲉ ⲉⲛⲉⲕϣⲉ ·
encomium.mercurius:115
ⲛⲁⲓ ⲛⲧⲉⲣⲉϥⲥⲱⲧⲙ ⲉⲣⲟⲟⲩ · ⲛϭⲓⲡⲣⲣⲟ ⲇⲉⲕⲓⲟⲥ · ⲡⲉϫⲁϥ ⲉϣϫⲉ ⲁⲕⲥⲙⲛⲧⲡⲉⲕϩⲏⲧ ⲉϩⲟⲩⲛ ⲉϩⲉⲛϣⲁϫⲉ ⲙⲙⲛⲧⲁⲧϩⲏⲧ · ⲁⲩⲱ ⲛⲧⲁⲉⲓⲟ ⲛⲛϩⲣⲱⲙⲁⲓⲟⲥ · ⲁⲕⲟⲡⲟⲩ ϫⲉϩⲉⲛⲗⲁⲁⲩ ⲛⲉ · ⲙⲡⲉⲕⲁⲛⲉⲭⲉ ⲉⲑⲩⲥⲓⲁⲍⲉ ⲛϩⲉⲛⲛⲟⲩⲧⲉ ⲛⲇⲓⲕⲁⲓⲟⲛ · ⲕⲁⲧⲁⲛⲇⲟⲅⲙⲁ ⲛⲧⲥⲩⲛⲕⲗⲏⲧⲟⲥ · ⲟⲩⲇⲉ ⲙⲡⲉⲕⲥⲱⲧⲙ ⲛⲥⲁⲛⲟⲙⲟⲥ ⲛⲣⲣⲱⲟⲩ · ⲁⲛⲟⲕ ϩⲱ ϯⲛⲁⲕⲟⲗⲁⲍⲉ ⲙⲙⲟⲕ · ⲕⲁⲧⲁⲧⲉⲕⲙⲛⲧⲁⲧϩⲏⲧ · ⲛⲧⲁⲛⲁⲩ ϫⲉⲡⲛⲟⲩⲧⲉ ⲛⲧⲁⲕⲛⲁϩⲧⲉ ⲉⲣⲟϥ · ⲛⲁϣⲛⲁϩⲙⲉⲕ ⲉⲃⲟⲗ ϩⲛⲛⲁϭⲓϫ ·
martyrdom.miracles.mercurius_part2:115
ⲁⲩⲱ ⲁⲡⲁⲣⲭⲱⲛ ⲉⲓ ϩⲱⲱϥ ⲟⲛ ⲁϥϩⲙⲟⲟⲥ ·
martyrdom.miracles.mercurius_part1:116
ⲉⲓⲥ ⲡⲉⲧⲟⲩⲁⲃⲟⲛ ⲁϥϫⲟⲟⲥ ⲙⲡⲉϥⲉⲡⲓⲧⲣⲟⲡⲟⲥ · ϫⲉϫⲟⲟⲥ ⲛⲡⲣⲱⲙⲉ ⲛⲧⲉⲓϩⲉ · ϫⲉⲉⲧⲃⲉⲟⲩ · ⲙⲉⲕⲉⲓⲛⲅⲣⲟⲩϩⲟⲟⲩ ⲛⲣϩⲟⲟⲩ ⲉⲡⲁⲧⲟⲡⲟⲥ · ⲧⲕⲉϣⲉ ⲛⲧⲁϥⲧⲁⲁϥ ⲉϩⲟⲩⲛ · ⲉⲡⲁⲧⲟⲡⲟⲥ ⲛⲥⲱⲧⲉ · ϩⲁⲡⲟⲩϫⲁⲓ · ⲛⲛⲉⲩⲯⲩⲭⲏ · ⲁⲕⲃⲱⲕ ⲁⲕϥⲓⲧϥ ⲛϫⲓⲟⲩⲉ · ⲁⲗⲗⲁ ⲉⲧⲃⲉⲙⲛⲧϣⲁⲛϩⲧⲏϥ ⲙⲡⲛⲟⲩⲧⲉ : ⲉⲥϩⲏⲏⲧⲉ ⲁⲓⲕⲁⲁⲕ ⲉⲃⲟⲗ · ϥⲓ ⲙⲡϣⲉ ⲛⲅⲕⲁⲁϥ ϩⲙⲡⲉϥⲙⲁ ⲛⲧⲉϥϩⲉ · ⲛⲅⲃⲱⲕ ⲉⲡⲉⲕⲏⲓ · ⲉϥϣⲁⲛⲧⲱⲛ ϩⲧⲟⲟⲩⲉ ⲙⲁⲣϥ ⲧⲁϣⲉⲟⲉⲓϣ ⲙⲡⲛⲧⲟϥⲁⲁϥ ϫⲉⲕⲁⲥ ⲉⲣⲉⲡⲉⲕⲟⲩⲥⲉⲉⲡⲉ ⲉⲣϩⲟⲧⲉ ⲛⲥⲉⲧⲙϫⲓⲟⲩⲉ · ⲉⲧⲧϩⲩⲗⲏ ⲙⲡⲁⲧⲟⲡⲟⲥ · ⲛⲕⲉⲥⲟⲡ · ⲛⲧⲁⲉⲓⲛⲉ ⲉϫⲱⲟⲩ ⲛⲟⲩⲡⲉⲧϩⲟⲟⲩ ·
martyrdom.miracles.mercurius_part2:116
ⲁⲧⲉⲥϩⲓⲙⲉ ⲉⲧⲟ ⲛⲇⲓⲙⲱⲛⲓⲟⲛ ⲱϣ ⲉⲃⲟⲗ · ϫⲉⲱ ϩⲉⲣⲙⲁⲡⲟⲗⲗⲟⲛ · ⲙⲛ▨....ⲕⲁⲁⲩ ⲙⲡⲉⲧϩⲟⲟⲩ ⲙⲡⲉⲓⲣⲱⲙⲉ ⲙⲙⲁⲅⲟⲥ · ϫⲉⲛⲧⲟϥ ⲣϩⲓⲕⲉⲧⲉⲕϣⲉⲉⲣⲉ · ⲁⲩⲱ ⲟⲛ ϯⲧⲉⲕϣⲉⲉⲣⲉ ⲙⲡϩⲉⲣϣⲓⲣⲉ · ⲕⲁⲧⲁⲧϩⲉ ⲛⲧⲁⲩⲧⲁⲙⲟⲕ ϩⲙⲡϩⲟⲣⲟⲙⲁ · ϫⲉⲛⲛⲧⲉⲛⲟⲩⲉⲓⲏⲥⲟⲩⲥ ⲧⲉⲕⲁⲥⲁⲙⲁⲧⲉ ⲙⲡⲧⲁⲗϭⲟ · ⲁⲩⲱ ⲙⲡⲣⲁⲙⲉⲗⲉⲓ ⲉϫⲓϩⲟ ⲛⲛⲧⲉⲕϣⲉⲉⲣⲉ ⲙⲡϣⲏⲣⲉ ϣⲏⲙ · ϫⲉⲕⲟⲩϣⲟⲙⲛⲧ ⲛⲉⲃⲟⲧ ⲉⲧⲉⲟⲩⲛⲧⲁϥⲥⲟⲩ ⲙⲡⲉⲓⲱⲧ ⲙⲡϣⲏⲣⲉ ϣⲏⲙ · ⲁⲩⲱ ⲙⲛⲛⲥⲁⲛⲁⲓ ⲡⲉⲕϩⲏⲧ ⲛⲁⲙⲧⲟⲛ ·
encomium.mercurius:116
ⲁϥⲟⲩⲱϣⲃ ⲛϭⲓⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ · ⲡⲉϫⲁϥ ⲙⲡⲣⲣⲟ · ϫⲉⲉϥⲥⲏϩ ϩⲙⲡⲁⲡⲟⲥⲧⲟⲗⲟⲥ ⲉⲧⲟⲩⲁⲁⲃ · ϫⲉⲛⲓⲙ ⲡⲉⲧⲛⲁϣⲡⲟⲣϫⲛ · ⲉⲧⲁⲅⲁⲡⲏ ⲙⲡⲛⲟⲩⲧⲉ ·
martyrdom.mercurius:116
ϫⲓ ⲛⲁⲕ ⲙⲡⲉⲕⲗⲟⲙ · ⲛⲧⲙⲛⲧ‐ϣⲟⲉⲓϫ ⲡⲉⲛⲧⲁⲩⲧⲟϣϥ ⲛⲁⲕ ⲉⲕⲗⲏⲣⲟⲛⲟⲙⲉⲓ ⲙⲙⲟϥ ·
martyrdom.miracles.mercurius_part1:117
ⲛⲁⲓ ⲇⲉ ⲛⲧⲉⲣⲉϥϫⲟⲟⲩ · ⲁϥϩⲟⲡϥ ⲉⲣⲟϥ ·
encomium.mercurius:117
ⲟⲩⲑⲗⲓⲯⲓⲥ ⲧⲉ ⲏ ⲟⲩⲗⲱϫϩ · ⲏ ⲟⲩⲇⲓⲟⲅⲙⲟⲥ · ⲏ ⲟⲩϩⲕⲟ · ⲏ ⲟⲩⲕⲱ ⲕⲁϩⲏⲩ · ⲏ ⲟⲩⲕⲩⲛⲇⲓⲛⲟⲥ · ⲏ ⲟⲩⲥⲏϥⲉ · ⲕⲁⲧⲁⲧϩⲉ ⲉⲧⲥⲏϩ ϫⲉⲉⲧⲃⲏⲏⲧⲕ · ⲥⲉⲙⲟⲩⲟⲩⲧ ⲙⲙⲟⲛ ⲙⲡⲉϩⲟⲟⲩ ⲧⲏⲣϥ ·
martyrdom.mercurius:117
ⲡⲙⲁⲣⲧⲩⲣⲟⲥ ⲇⲉ ϩⲙⲡⲧⲣⲉ ⲡϫⲟⲉⲓⲥ ⲟⲩⲱⲛϩ ⲉⲣⲟϥ ⲁϥϭⲙϭⲟⲙ · ⲡⲉϫⲁϥ ⲛⲛⲉⲧϩⲁϩⲧⲏϥ · ϫⲉⲁⲣⲓⲡⲉⲛⲧⲁⲩⲟⲩⲉϩⲥⲁϩⲛⲉ ⲙⲙⲟϥ · ⲛⲏⲧⲛ ϩⲛⲟⲩϭⲉⲡⲏ · ⲉⲣⲉⲡϫⲟⲉⲓⲥ ⲇⲉ ⲡⲁⲓ ⲉⲧⲧⲱϩⲙ ⲛⲟⲩⲟⲛ ⲛⲓⲙ ⲉϩⲟⲩⲛ ⲉⲧⲙⲉⲧⲁⲛⲟⲓⲁ · ⲉϥⲉⲧⲣⲉⲧⲉⲧⲛⲙⲡϣⲁ ⲛⲧⲉϥⲭⲁⲣⲓⲥ ·
martyrdom.miracles.mercurius_part2:117
ⲧⲉϥⲥϩⲓⲙⲉ ⲇⲉ ⲁⲡⲉⲥϩⲏⲧ ⲥⲱⲣⲙ ⲉⲃⲟⲗ · ⲉⲧⲃⲉⲛⲉⲧⲉⲥⲥⲱⲧⲙ ⲉⲣⲟⲟⲩ ⲁⲩⲱ ⲉⲓⲥ ⲛⲧⲉⲩⲛⲟⲩ ..ⲙⲁⲩ ⲁⲧⲉⲥϣⲉⲉⲣⲉ ⲗⲟ ⲉⲃⲟⲗ ϩⲛⲧⲃⲁⲥⲁⲛⲟⲥ ϩⲱⲥ ⲙⲡⲉⲥϣⲟⲛⲉ ⲉⲡⲧⲏⲣϥ ·
martyrdom.miracles.mercurius_part1:118
ⲡⲣⲱⲙⲉ ⲇⲉ ⲛϩⲏⲕⲉ · ⲁϥⲧⲱⲟⲩⲛ ⲁϥⲉⲓ ⲉⲃⲟⲗ · ⲁϥϩⲉ ⲉⲡⲣⲱⲙⲉ · ⲉⲣⲉⲡϣⲉ ⲧⲁⲗⲏⲩ ⲉⲣⲟϥ · ⲉϥⲁϩⲉⲣⲁⲧϥ · ϩⲓⲣⲙⲡⲣⲟ ⲙⲡⲉϥⲏⲓ · ⲉϥⲥⲟⲟⲩⲛ ⲁⲛ · ϫⲉⲉϥⲛⲁⲉⲓ ⲧⲱⲛ ·
martyrdom.miracles.mercurius_part2:118
ⲁⲩⲱ ⲡⲉϫⲁⲥ ⲙⲡⲙⲁⲅⲟⲥ ⲛϭⲓⲧⲉⲥϩⲓⲙⲉ · ⲉⲧⲣⲉⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ ϣⲁϫⲉ ⲛϩⲏⲧⲥ · ϫⲉϫⲓⲛⲛⲧⲉⲩⲛⲟⲩ ⲛⲛⲉⲕⲟⲩⲱϩ · ⲙⲛⲛⲣⲱⲙⲉ · ⲁⲗⲗⲁ ⲉⲕⲉⲡⲱⲧ : ⲛⲧⲟⲩⲉⲓⲏ ⲉⲕⲉϣⲱⲡⲉ ⲉⲕⲁⲁⲥⲕⲉⲓ ⲙⲁⲩⲁⲁⲕ · ϩⲛⲧⲩⲣⲏⲙⲟⲥ ϣⲁⲡⲉϩⲟⲟⲩ ⲙⲡⲉⲕⲙⲟⲩ ·
martyrdom.mercurius:118
ⲟⲩⲣⲙⲙⲁⲟ ⲅⲁⲣ ⲡⲉ ⲁⲩⲱ ϣⲁϥⲭⲁⲣⲓⲍⲉ ⲛⲛⲉⲧⲛⲁϯⲡⲉⲩⲟⲩⲟⲓ ⲉⲣⲟϥ ϩⲛⲟⲩⲇⲱⲣⲉⲁ ⲁϫⲛⲫⲑⲟⲛⲟⲥ .
encomium.mercurius:118
ⲧⲛⲡⲉⲓⲑⲉ ⲅⲁⲣ ϫⲉⲟⲩⲇⲉ ⲙⲛⲙⲟⲩ · ⲟⲩⲇⲉ ⲙⲛⲱⲛϩ · ⲟⲩⲇⲉ ⲁⲅⲅⲉⲗⲟⲥ · ⲟⲩⲇⲉ ⲁⲣⲭⲏ · ⲟⲩⲇⲉ ⲉⲝⲟⲩⲥⲓⲁ · ⲟⲩⲇⲉ ⲛⲉⲧϣⲟⲟⲡⲉ · ⲟⲩⲇⲉ ⲛⲉⲧⲛⲁϣⲱⲡⲉ · ⲛⲁⲉϣϭⲙϭⲟⲙ ⲉⲡⲱⲣϫⲛ · ⲉⲃⲟⲗ ϩⲛⲧⲁⲅⲁⲡⲏ ⲙⲡⲉⲭⲣⲓⲥⲧⲟⲥ ·
martyrdom.mercurius:119
ⲁⲩⲱ ⲛⲧⲉⲣⲉϥϫⲉⲛⲁⲓ ⲁⲩϥⲓ ⲛⲧⲉϥⲁⲡⲉ ⲁϥϫⲱⲕ ⲉⲃⲟⲗ · ⲛⲧϩⲟⲙⲟⲗⲟⲅⲓⲁ ⲉⲧⲛⲁⲛⲟⲩⲥ ⲙⲡⲉⲛⲥⲱⲧⲏⲣ ⲛⲥⲟⲩ · ϫⲟⲩⲧⲏ ⲙⲡⲉⲃⲟⲧ ⲛⲟⲉⲃⲣⲓⲟⲥ ⲉⲧⲉϩⲁⲑⲱⲣ ⲡⲉ ·
martyrdom.miracles.mercurius_part2:119
ⲁⲩⲱ ⲁϥⲉⲡⲓⲧⲓⲙⲁ ⲙⲡⲉⲡⲛⲉⲩⲙⲁ ⲉⲧⲛϩⲏⲧϥ ⲁϥⲛⲟϫϥ ⲉⲃⲟⲗ · ⲁⲧⲉϥϩⲟⲣⲁⲥⲓⲥ ⲥⲙⲓⲛⲉ ⲕⲁⲗⲱⲥ · ⲁⲩⲱ ⲁϥⲃⲱⲕ ⲉⲧⲉⲣⲏⲙⲟⲥ · ⲁϥⲁⲛⲁⲭⲱⲣⲉⲓ ϣⲁⲡⲉϩⲟⲟⲩ ⲙⲡⲉϥⲙⲟⲩ ·
martyrdom.miracles.mercurius_part1:119
ⲁⲩⲱ ⲛⲉϥϫⲱ ⲙⲙⲟⲥ · ϫⲉⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ · ϣⲛϩⲧⲏⲕ ϩⲁⲣⲟⲓ · ⲛⲅⲛⲁ ⲛⲁⲓ · ϫⲉⲁⲓⲣⲛⲟⲃⲉ · ⲱ ⲡⲁϫⲟⲉⲓⲥ ·
encomium.mercurius:119
ⲛⲁⲓ ⲇⲉ ⲛⲧⲉⲣⲉϥϫⲟⲟⲩ ⲛϭⲓⲡⲙⲁⲕⲁⲣⲓⲟⲥ ⲙⲉⲣⲕⲟⲩⲣⲓⲟⲥ · ⲁϥϭⲱⲛⲧ ⲛϭⲓⲡⲣⲣⲟ ⲇⲉⲕⲓⲟⲥ · ⲁϥⲕⲉⲗⲉⲩⲉ ⲧⲣⲉⲩⲧⲁⲗⲟϥ ⲉⲡϩⲉⲣⲙⲉⲧⲁⲣⲓⲟⲛ · ⲛⲥⲉϩⲱⲕ ⲙⲙⲟϥ ·
martyrdom.mercurius:120
ⲁⲩⲛⲟϭ ⲇⲉ ⲛϣⲡⲏⲣⲉ ϣⲱⲡⲉ ⲉⲥⲙⲡϣⲁ ⲛⲣⲡⲉⲥⲙⲉⲉⲩⲉ ·
martyrdom.miracles.mercurius_part2:120
ⲛⲧⲉⲣⲉⲡⲉϩⲟⲟⲩ ⲙⲡϣⲁ ⲟⲩⲉⲓⲛⲉ ⲁϩⲉⲣⲙⲁⲡⲟⲗⲗⲱⲛ ⲁϥⲁⲗⲉ ⲛⲉϥⲧⲃⲛⲟⲟⲩⲉ · ⲙⲛⲧⲉϥⲥϩⲓⲙⲉ · ⲙⲛⲧⲉϥϣⲉⲉⲣⲉ · ⲙⲛⲛⲉϥϩⲙϩⲁⲗ · ⲁⲩⲱ ⲡϩⲣϣⲓⲣⲉ ⲙⲛⲛⲉϥϩⲙϩⲁⲗ · ⲁⲩⲉⲓ ⲉⲧⲉⲩⲡⲟⲗⲓⲥ ·
martyrdom.miracles.mercurius_part1:120
ⲡⲣⲱⲙⲉ ⲇⲉ ⲛϩⲏⲕⲉ · ⲁϥϣⲁϫⲉ ⲛⲙⲙⲁϥ · ϫⲉⲱ ⲡⲁⲙⲉⲣⲓⲧ ⲛⲥⲟⲛ · ⲉⲕⲛⲏⲩ ⲧⲱⲛ · ⲉⲣⲉⲡⲉϣⲉ ⲧⲁⲗⲏⲩ ⲉⲣⲟⲕ ϯϫⲱ ⲙⲙⲟⲥ ⲛⲁⲕ · ϫⲉⲡⲁⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ ⲡⲉ · ⲡⲉⲓϣⲉ · ⲗⲟⲓⲡⲟⲛ · ϫⲓⲡⲉⲛⲧϩⲟϥϣⲱⲡⲉ ⲙⲙⲟⲕ · ⲧⲏⲣϥ ⲉⲣⲟⲓ ·
encomium.mercurius:120
ⲛϭⲓⲕⲉⲥⲧⲱⲛⲁⲣⲓⲟⲥ ⲇⲉ ⲛⲉⲩϩⲱⲕ ⲙⲙⲟϥ ⲡⲉ · ϣⲁⲛⲧⲉⲧⲕⲁⲥ ⲛⲧⲉϥϫⲓⲥⲉ ⲕⲱⲗⲡ ⲉⲃⲟⲗ ·
martyrdom.miracles.mercurius_part2:121
ⲁⲩⲱ ⲁⲡⲁⲣⲭⲱⲛ ⲡⲁⲣⲁⲅⲅⲉⲗⲉⲓ ⲛⲧⲉϥⲥϩⲓⲙⲉ · ⲛϩⲱⲃ ⲛⲓⲙ ⲛⲧⲁⲡⲉⲧⲟⲩⲁⲁⲃ ϫⲟⲟⲩ ⲛⲁϥ · ϩⲙⲡϩⲟⲣⲟⲙⲁ ·
martyrdom.miracles.mercurius_part1:121
ⲡⲣⲱⲙⲉ ⲇⲉ ⲁϥⲧⲁⲙⲟϥ · ⲉⲧⲃⲉⲧϩⲉ ⲛⲧⲁϥϥⲓ ⲡϣⲉ · ⲙⲙⲟⲥ ⲙⲛⲧϩⲉ ⲛⲧⲁⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ · ⲥⲱⲣⲙ ⲙⲡⲉϥⲛⲟⲩⲥ · ϣⲁⲛⲧϥⲉⲓ · ⲉⲣⲙⲡⲣⲟ ⲙⲡⲏⲓ · ⲙⲡⲣⲱⲙⲉ ⲛϩⲏⲕⲉ · ⲉϥⲟ ⲛⲁⲧⲥⲟⲟⲩⲛ ·
martyrdom.mercurius:121
ⲙⲛⲛⲥⲁⲧⲣⲉⲡⲙⲁⲣⲧⲩⲣⲟⲥ ϫⲱⲕ ⲉⲃⲟⲗ ⲁⲡⲉϥⲥⲱⲙⲁ ⲟⲩⲃⲁϣ ⲛⲧϩⲉ ⲛⲟⲩⲭⲓⲱⲛ ⲉϥϣⲉϣ ⲥϯⲛⲟⲩϥⲉ ⲉⲃⲟⲗ ⲛⲧϩⲉ ⲛϩⲉⲛϣⲟⲩϩⲏⲛⲉ · ⲉⲩⲥⲟⲧⲡ ⲙⲛⲟⲩϭⲛⲛⲉ
encomium.mercurius:121
ⲡⲙⲁⲕⲁⲣⲓⲟⲥⲇⲉ ⲙⲡⲉϥⲕⲁⲧⲟⲟⲧϥ ⲉⲃⲟⲗ · ⲉϥⲥⲙⲟⲩ ⲉⲡⲛⲟⲩⲧⲉ · ⲉϥϫⲱ ⲙⲙⲟⲥ · ϫⲉⲡϫⲟⲉⲓⲥ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ ⲡⲙⲟⲛⲟⲅⲉⲛⲏⲥ ⲙⲡⲉⲓⲱⲧ · ⲡⲉϫⲡⲟ ⲉⲃⲟⲗ ϩⲛⲧⲡⲁⲣⲑⲉⲛⲟⲥ ⲉⲧⲟⲩⲁⲁⲃ ⲙⲁⲣⲓⲁ · ⲡⲉⲛⲧⲁϥϫⲓ ⲥⲁⲣⲝ ⲉⲃⲟⲗ ϩⲛⲧⲉϩⲓⲉⲓⲃ ⲙⲙⲉ · ϣⲁⲛⲧⲉϥⲥⲱⲧⲉ ⲙⲡⲅⲉⲛⲟⲥ ⲧⲏⲣϥ ⲛⲁⲇⲁⲙ · ⲛϥⲉⲗⲉⲩⲑⲩⲣⲟⲩ ⲙⲙⲟⲛ · ⲉⲃⲟⲗ ϩⲛⲧⲙⲛⲧϩⲙϩⲁⲗ ⲙⲡⲛⲟⲃⲉ · ϯϣⲡϩⲙⲟⲧ ⲛⲧⲟⲟⲧⲕ · ϫⲉⲁⲕⲁⲁⲛ ⲛⲙⲡϣⲁ ⲛⲧⲉⲕⲙⲛⲧⲁⲅⲁⲑⲟⲥ · ⲉⲧⲛⲁϣⲱⲥ
martyrdom.mercurius:122
ⲉⲧⲃⲉⲡⲓⲙⲁⲉⲓⲛ ϭⲉ ⲡⲁⲓ · ⲁϩⲁϩ ⲛⲣⲱⲙⲉ ⲣⲭⲣⲓⲥⲧⲓⲁⲛⲟⲥ
encomium.mercurius:122
ⲥⲱⲧⲙ ⲉⲣⲟⲓ ⲙⲡϩⲟⲟⲩ ·
martyrdom.miracles.mercurius_part1:122
ⲡⲣⲱⲙⲉ ⲇⲉ · ⲉⲧⲉⲣⲉⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ · ⲁϥⲡⲁⲣⲁⲅⲓⲗⲉ · ⲉⲡⲣⲱⲙⲉ ⲛⲧⲁϥϥⲓ ⲡϣⲉ · ⲛϣⲁ ϫⲉⲛⲓⲙ · ⲛⲧⲁⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ ϫⲟⲟⲩ ⲛⲁϥ ·
martyrdom.miracles.mercurius_part2:122
ⲛⲧⲉⲣⲉⲧⲉϥⲥϩⲓⲙⲉ ⲉⲓⲙⲉ ϫⲉⲕⲁⲧⲁⲧϩⲉ ⲛⲧⲁⲡⲁⲣⲭⲱⲛ ϫⲱ ⲉⲣⲟⲥ ⲙⲡϩⲟⲣⲟⲙⲁ · ϯ ⲟⲛ ⲧⲉ ⲧϩⲉ ⲛⲧⲁⲡⲡⲉⲧⲟⲩⲁⲁⲃ ϫⲟⲟⲥ · ϩⲛⲧⲁⲡⲣⲟ ⲛⲧⲉⲥϩⲓⲙⲉ · ⲉⲧⲟ ⲛⲇⲁⲓⲙⲟⲛⲓⲟⲛ ·
encomium.mercurius:123
ⲁⲛⲟⲕ ⲡⲉⲕϩⲙϩⲁⲗ ⲙⲉⲣⲕⲟⲩⲣⲓⲟⲥ ·
martyrdom.miracles.mercurius_part2:123
ⲛⲧⲉⲣⲉⲡⲗⲁⲟⲥ ⲇⲉ ⲥⲱⲧⲙ ⲁⲩⲟⲩⲛⲟϭ ⲛⲧⲱⲧ ⲛϩⲏⲧ ϣⲱⲡⲉ ϩⲛⲧⲉⲩⲙⲏⲏⲧⲉ ⲁⲩⲧⲛⲛⲟⲟⲩ ⲁⲩ.... ⲁⲩⲱ ⲙⲁⲩⲥⲱ ⲛⲙⲛⲁϥ
martyrdom.mercurius:123
ⲡⲡⲉⲧⲟⲩⲁⲁⲃ ⲇⲉ ⲁⲩⲟⲩⲁϩϥ ϩⲛⲟⲩⲧⲟⲡⲟⲥ ⲉϥⲟⲩⲟⲛϩ ⲉⲃⲟⲗ ⲡⲙⲁ ⲉⲧⲉⲣⲉⲟⲩⲙⲏⲏϣⲉ ⲛϭⲟⲙ · ϩⲓⲧⲁⲗϭⲟ ϣⲱⲡⲉ ⲙⲙⲁⲩ
martyrdom.miracles.mercurius_part1:123
ⲁⲩⲱ ⲛⲧⲉⲣⲉⲡⲣⲱⲙⲉ · ⲥⲱⲧⲙ ⲉⲛⲁⲓ · ⲁϥⲣϣⲡⲏⲣⲉ ⲁⲩⲱ ⲡⲉϫⲁϥ · ϫⲉⲟⲩⲙⲟⲛⲟⲛ ϫⲉⲟⲩ..ϩⲟⲟⲩ ⲛⲟⲩⲱⲧ ⲙⲙⲁⲧⲉ · ⲁⲗⲗⲁ ⲉⲣϣⲁⲛⲡⲛⲟⲩⲧⲉ · ⲙⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ · ⲭⲁⲣⲓⲍⲉ ⲛⲁⲓ · ⲙⲡⲟⲩϫⲁⲓ · ϯⲛⲁⲗⲟ ⲁⲛ · ⲉⲓⲣϩⲱⲃ ⲉⲡⲉϥⲧⲟⲡⲟⲥ · ϣⲁⲛⲧⲟⲩϫⲟⲕϥ ⲉⲃⲟⲗ · ⲁⲩⲱ ϯⲛⲁⲧⲁϣⲉⲟⲉⲓϣ · ⲛⲧⲉϥϭⲟⲙ ϩⲙⲙⲁ ⲛⲓⲙ · ⲉϯ ⲃⲱⲕ ⲉⲣⲟϥ ·
martyrdom.miracles.mercurius_part2:124
ⲁⲩⲧⲁⲙⲟϥ ϫⲉϥⲓⲡⲕⲣⲟⲟⲩϣ ⲛⲧⲛⲉⲓⲣⲉ ⲛⲧϣⲉⲗⲉⲉⲧ ⲕⲁⲧⲁⲧϩⲉ ⲛⲧⲁⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ ϫⲟⲟⲥ ⲛⲁⲛ ·
martyrdom.miracles.mercurius_part1:124
ⲁⲩⲱ ⲛⲧⲉⲩⲛⲟⲩ · ⲁⲡⲉϥϩⲏⲧ ϣⲱⲡⲉ ⲙⲙⲟϥ · ⲁϥⲃⲱⲕ ⲉⲡⲉϥⲏⲓ · ⲉϥϯⲉⲟⲟⲩ ⲙⲡⲛⲟⲩⲧⲉ · ⲙⲛⲡⲉϥⲙⲁⲣⲧⲩⲣⲟⲥ ⲉⲧⲟⲩⲁⲁⲃ · ⲁϥⲛⲕⲟⲧⲕ ϣⲁϩⲧⲟⲟⲩⲉ ·
martyrdom.mercurius:124
ⲉⲩⲉⲟⲟⲩ ⲙⲡⲛⲟⲩⲧⲉ ⲡⲉⲓⲱⲧ ⲙⲛⲡⲉϥⲙⲟⲛⲟⲅⲉⲛⲏⲥ ⲛϣⲏⲣⲉ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ ⲡⲉⲛϫⲟⲉⲓⲥ ⲙⲛⲡⲉⲡⲛⲉⲩⲙⲁ ⲉⲧⲟⲩⲁⲁⲃ ϣⲁⲉⲛⲉϩ · ϩⲁⲙⲏⲛ ·
encomium.mercurius:124
ⲛⲅⲁⲁⲧ ⲛⲙⲡϣⲁ ⲙⲡⲉⲕⲧⲱϩⲙ ⲉⲧⲟⲩⲁⲁⲃ · ⲁⲩⲱ ⲛⲕⲟⲓⲛⲟⲛⲟⲥ ⲉⲛⲉⲕϩⲓⲥⲉ ⲉⲧⲟⲩⲁⲁⲃ · ⲁⲩⲱ ⲙⲙⲛⲧⲣⲉ ⲙⲡⲓⲥⲧⲟⲥ · ⲛⲧⲉⲕⲙⲛⲧⲛⲟⲩⲧⲉ ·
martyrdom.mercurius:125
ⲧⲉϣⲡⲏⲣⲉ ⲛⲧⲁⲥⲟⲩⲱⲛϩ ⲉⲃⲟⲗ ϩⲓⲧⲙⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ ⲛⲧϩⲉ ⲛⲧⲁϥⲡⲁⲧⲁⲥⲥⲉⲓ ⲛⲓⲟⲩⲗⲓⲁⲛⲟⲥ · ⲡⲁⲛⲟⲙⲟⲥ · ⲛⲣⲣⲟ ϩⲓϫⲙⲡⲉϥⲙⲉⲣⲉϩ ⲁⲩⲱ ⲧⲉϣⲡⲏⲣⲉ ⲛⲉⲥⲥⲏϩ ϩⲛⲧⲙⲉϩⲯⲓⲧⲉ ⲛϩⲓⲥⲧⲟⲣⲓⲁ · ⲛⲧⲉⲕⲕⲗⲏⲥⲓⲁ ϩⲁⲙⲏⲛ ·
martyrdom.miracles.mercurius_part1:125
ⲁⲩⲱ ⲛⲧⲉⲣⲉⲡⲟⲩⲟⲉⲓⲛ ⲉⲓ ⲉⲃⲟⲗ · ⲁϥⲧⲁϣⲉⲟⲉⲓϣ ⲛⲧⲡⲟⲗⲓⲥ ⲧⲏⲣⲥ · ⲙⲡⲉⲛⲧⲟϥϣⲱⲡⲉ ·
encomium.mercurius:125
ⲧⲉⲛⲟⲩ ϭⲉ ⲡⲁϫⲟⲉⲓⲥ · ⲙⲡⲣⲕⲁⲁⲧ ⲛⲥⲱⲕ · ⲁⲩⲱ ⲙⲡⲣⲟⲩⲉ ⲙⲙⲟⲓ ϫⲉⲟⲩⲛϩⲉⲛⲑⲗⲓⲯⲓⲥ ϭⲉⲧⲣⲣⲟⲓ · ⲁⲩⲱ ⲁϩⲉⲛⲥⲛⲁⲩ ϩⲓϩⲉ ⲉϩⲣⲁⲓ ⲉϫⲱⲓ ·
martyrdom.miracles.mercurius_part2:125
ⲁⲩⲱ ⲛⲧⲉⲣⲉϥⲥⲱⲧⲙ ⲉⲛⲁⲓ · ⲛϭⲓⲡϩⲉⲣϣⲓⲣⲉ ⲁϥⲣⲁϣⲉ ⲉⲙⲁⲧⲉ · ⲁⲩⲱ ⲛⲧⲉⲣⲉⲡⲇⲉⲓⲡⲛⲟⲛ ϫⲱⲕ ⲉⲃⲟⲗ ⲁⲡϩⲣϣⲓⲣⲉ ⲃⲱⲕ ⲉⲡⲉϥⲏⲓ · ⲁϥϫⲱ ⲛϩⲟⲃ ⲛⲓⲙ ⲉⲡⲉϥⲉⲓⲱⲧ · ⲁⲩⲱ ⲁⲡⲉϥⲉⲓⲱⲧ ⲣⲁϣⲉ ⲉⲡⲉϩⲟⲩⲟ ·

Coptic SCRIPTORIUM, corpus mercurius (github.com/CopticScriptorium/corpora). Licence as stated per document in the project's own meta.json and checked there at parse time. English, where present, is Coptic SCRIPTORIUM's aligned translation. Licence: CC-BY 4.0. Source.