Mercurius
- martyrdom.miracles.mercurius_part1:76
ⲁⲩⲱ ⲉⲩϣⲁⲛϫⲟⲟⲥ ϫⲉⲧⲛⲛⲁⲕⲁⲁⲕ ⲁⲛ · ⲉϥⲉⲧⲟⲩ · ϯⲛⲁϩⲓⲟⲩⲉ ⲉⲣⲟⲟⲩ · ⲛⲧⲁϥⲓⲧⲟⲩ ⲉϩⲛⲁⲩⲁⲛ · ⲛⲧⲁⲛⲁⲩ ϫⲉⲉⲣⲉⲡⲉⲓⲟⲩⲁ · ϫⲉⲙⲉⲣⲕⲟⲩⲣⲓⲟⲥ · ⲛⲁⲣⲟⲩ ⲛⲁⲓ ·
- encomium.mercurius:76
ⲉⲥϩⲏⲏⲧⲉ ⲉϥⲕⲁⲧⲁⲫⲣⲟⲛⲉⲓ ⲙⲡⲉⲕⲁⲙⲁϩⲧⲉ · ⲁⲩⲱ ⲙⲡⲉϥⲥⲱⲟⲩϩ ⲛⲙⲙⲁⲛ ⲉⲡⲣⲡⲉ · ⲉⲧⲁⲗⲉⲑⲩⲥⲓⲁ ⲉϩⲣⲁⲓ · ⲛⲛⲛⲟⲩⲧⲉ · ⲁⲗⲗⲁ ⲁϥⲃⲱⲕ ⲉⲡⲉϥⲓⲏ ⲁϥⲕⲁϥ ⲕⲁϩⲏⲩ ⲙⲡⲉϥⲁⲝⲓⲱⲙⲁ · ⲁϥϯ ϣⲓⲡⲉ ⲙⲡⲉⲟⲟⲩ ⲛⲛⲉϩⲣⲱⲙⲁⲓⲟⲥ · ⲁⲩⲱ ⲁϥϯ ⲛⲟⲩⲧⲱⲗⲙ ⲛⲛⲟⲙⲟⲥ ⲉⲧⲟⲩⲁⲁⲃ ·
- martyrdom.mercurius:76
ⲡⲁⲗⲓⲛ ⲟⲛ ⲁϥⲕⲉⲗⲉⲉⲩⲉ ⲛϭⲓⲡⲣⲣⲟ ⲉⲧⲣⲉⲩϣⲱⲗϭ ⲙⲡⲉϥⲥⲱⲙⲁ ϩⲛϩⲉⲛϭⲟⲣⲧⲉ ⲉⲩϫⲏⲣ ⲉⲡⲙⲁ · ⲛϩⲉⲛⲙⲁⲥϯⲅⲝ · ⲁⲩⲱ ⲙⲛⲛⲥⲱⲥ ⲛⲥⲉⲡⲉⲣϣϩⲉⲛϫⲃⲃⲥⲛⲕⲱϩⲧ ϩⲁⲣⲟϥ ϫⲉⲕⲁⲥ ⲉϥⲉⲣⲱⲕϩ · ⲕⲁⲧⲁⲕⲟⲩⲓ ⲕⲟⲩⲓ ⲁϥⲱϣⲙ ⲛϭⲓⲡϣⲁϩ ⲙⲡⲕⲱϩⲧ ϩⲙⲡⲉⲥⲛⲟϥ ⲙⲡⲇⲓⲕⲁⲓⲟⲥ ⲉⲧϩⲁⲧⲉ ⲉⲡⲉⲥⲏⲧ ·
- martyrdom.miracles.mercurius_part2:76
ⲁⲩⲱ ⲉⲣⲉⲧⲉⲩϣⲉⲉⲣⲉ ϣⲟⲟⲡ ϩⲁⲃⲁⲥⲁⲛⲟⲥ · ⲉⲃⲟⲗ ϫⲉϥⲙⲟⲥⲧⲉ ⲛⲧⲉⲕⲕⲗⲏⲥⲓⲁ ⲡⲉ ⲡϣⲱⲛⲉ ⲉⲧⲙⲙⲁⲩ · ϫⲉⲟⲩϩⲓⲥⲱⲛ ⲛⲇⲁⲓⲙⲱⲛⲓⲟⲛ ⲡⲉ · ϩⲛⲧⲡⲏϣⲉ ⲛⲧⲟⲩϣⲏ ⲇⲉ ·
- martyrdom.miracles.mercurius_part2:77
ⲉⲥⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ · ⲁϥϩⲟⲕϥ ⲛⲧϩⲉ ⲛⲟⲩⲥⲧⲣⲁⲧⲏⲗⲁⲧⲏⲥ · ⲁϥⲃⲱⲕ ⲉⲧⲡⲟⲗⲓⲥ ⲙⲡⲁⲣⲭⲱⲛ · ⲁϥⲃⲱⲕ ⲉϩⲟⲩⲛ ⲉⲡⲏⲓ ⲙⲡϩⲉⲣϣⲓⲣⲉ · ⲛⲧⲟϥⲉⲓⲛⲉ ⲙⲡϣⲱⲛⲉ ⲉⲧϩⲟⲥⲉ · ⲉϫⲛⲧϣⲉⲉⲣⲉ ϣⲏⲙ ·
- encomium.mercurius:77
ⲁⲛϩⲉ ⲉⲣⲟϥ ⲛϩⲟⲩⲛ ⲙⲡⲉϥⲏⲓ · ⲉϥϩⲙⲟⲟⲥ ϩⲛⲟⲩϭⲟⲟⲛⲉ ⲙⲛⲟⲩⲕⲣⲙⲥ · ⲉϥϣⲗⲏⲗ ⲉϩⲣⲁⲓ ⲉⲡϫⲟⲉⲓⲥ ⲡⲉϥⲛⲟⲩⲧⲉ · ϩⲛϩⲉⲛⲣⲙⲉⲓⲟⲟⲩⲉ ·
- martyrdom.miracles.mercurius_part1:77
ⲁⲩⲱ ⲁϥⲃⲱⲕ ⲉⲡⲉϥⲏⲓ ⲙⲡⲉϩⲟⲟⲩ ⲉⲧⲙⲙⲁⲩ ·
- martyrdom.mercurius:77
ⲡϩⲁⲅⲓⲟⲥ ⲇⲉ ⲁϥϥⲓ ⲉⲣⲟϥ ϩⲛⲟⲩⲛⲟϭ ⲙⲙⲛⲧϫⲱⲱⲣⲉ ϩⲛⲧⲉⲓⲛⲟϭ ⲛⲃⲁⲥⲁⲛⲟⲥ .
- martyrdom.mercurius:78
ⲇⲉⲕⲓⲟⲥ ⲇⲉ ⲁϥⲕⲉⲗⲉⲩⲉ ⲉⲧⲣⲉⲩⲃⲟⲗϥ ⲉⲃⲟⲗ ϫⲉⲕⲁⲥ ⲛⲛⲉϥⲙⲟⲩ ϩⲛⲟⲩϭⲉⲡⲏ ⲛⲥⲉⲟⲧⲡϥ ⲉϩⲟⲩⲛ ⲉⲩⲙⲁ ⲛⲕⲁⲕⲉ ⲛⲥⲉⲱⲣϫ ⲉⲣⲱϥ ϩⲛⲟⲩϭⲉⲡⲏ . ⲙⲙⲁⲧⲟⲓ
- martyrdom.miracles.mercurius_part2:78
ⲁϥⲟⲩⲱⲛϩ ⲉⲣⲟϥ ϩⲛⲟⲩⲛⲟϭ ⲙⲫⲟⲃⲟⲥ · ⲉⲣⲉⲧⲉϥⲥⲏϥⲉ ⲧⲱⲕⲙ ⲛⲧⲟⲟⲧϥ · ⲁϥϩⲓⲟⲩⲉ ⲉϫⲱϥ · ... ⲛⲧⲥⲏϥⲉ · ⲛϣⲟⲙⲛⲧ ⲛⲥⲟⲡ · ⲉϥϭⲱⲛⲧ ·
- martyrdom.miracles.mercurius_part1:78
ⲙⲛⲛⲥⲁϩⲉⲛⲕⲟⲩⲓ · ⲇⲉ ⲟⲛ ⲛϩⲟⲟⲩ · ⲁϥⲃⲱⲕ ⲁϥⲛⲁⲩ ⲛⲧⲱⲃⲉ · ⲙⲡⲉⲧⲟⲩⲁⲁⲃ · ⲁϥⲱϣⲁϩⲟⲙ ⲉⲙⲁⲧⲉ · ⲉⲃⲟⲗ ϫⲉⲛⲕⲟⲩⲓ ⲙⲛⲛⲛⲟϭ ⲛⲧⲡⲟⲗⲓⲥ · ⲉⲩⲧⲛⲛⲟⲟⲩ ⲛⲟⲩⲁⲣⲅⲁⲧⲏⲥ · ⲉⲡⲟⲩⲁ ⲙⲙⲏⲛⲉ · ⲉⲩⲉⲣϩⲱⲃ ϫⲉⲉⲩⲉⲡⲉⲓⲑⲉⲙⲉⲓ ⲛⲕⲱⲧ ϫⲉⲉⲣⲟϥ ⲛⲟⲩⲙⲁⲣⲧⲏⲣⲓⲟⲛ ·
- encomium.mercurius:78
ⲁⲩⲱ ⲉϥⲡⲉⲓⲑⲉ ⲛⲟⲩⲟⲛ ⲛⲓⲙ · ⲉⲕⲧⲟⲟⲩ ⲉⲃⲟⲗ ⲛⲡϣⲙϣⲉ ⲛⲛⲛⲟⲩⲧⲉ · ⲁϥⲧⲣⲉⲩⲟⲩⲁϩⲟⲩ ⲛⲥⲁⲓⲏⲥⲟⲩⲥ ⲡⲛⲁⲍⲱⲣⲁⲓⲟⲥ · ⲡⲉⲛⲧⲁⲩⲥⲧⲁⲩⲣⲟⲩ ⲙⲙⲟϥ · ⲉϥϫⲱ ⲙⲱⲩⲥⲏⲥ · ϫⲉⲡⲁⲓ ⲡⲉ ⲡⲛⲟⲩⲧⲉ ⲛⲧⲟϥ ⲧⲁⲙⲓⲟ ⲛⲧⲡⲉ · ⲙⲛⲡⲕⲁϩ · ⲁⲩⲱ ⲛⲧⲉⲓϩⲉ · ⲁϥⲧⲣⲉⲟⲩⲟⲛ ⲛⲓⲙ ⲥⲁϩⲱⲟⲩ ⲉⲃⲟⲗ ⲛⲛⲛⲟⲩⲧⲉ ·
- encomium.mercurius:79
ⲡⲣⲣⲟ ⲇⲉ ⲡⲉϫⲁϥ ⲛⲛⲉⲧⲧⲁⲩⲟ ⲛⲓϣⲁϫⲉ · ⲉϥϫⲱ ⲙⲙⲟⲥ ⲛⲁⲩ · ϫⲉϩⲉⲛⲙⲉ ⲛⲉ ⲛⲓϣⲁϫⲉ ⲉⲧⲉⲧⲛϫⲱ ⲙⲟⲟⲩ ⲛⲁⲓ · ⲉⲧⲃⲉⲙⲉⲣⲕⲟⲩⲣⲓⲟⲥ ⲡⲉⲧⲏϭ ⲉⲣⲟⲓ · ϫⲉⲉϥⲕⲁⲧⲁⲫⲣⲟⲛⲉⲓ ⲛⲛⲁⲛⲟⲩⲧⲉ ⲡⲗⲏⲛ ⲙⲁⲣⲉⲥⲛⲁⲩ ⲛⲛⲟϭ ⲉⲧⲙⲡⲉⲓⲙⲁ · ⲃⲱⲕ ⲛⲥⲉⲙⲟⲩⲧⲉ ⲉⲣⲟϥ · ⲛⲧⲁⲓⲉⲓⲙⲉ ϫⲉϩⲉⲛⲙⲉ ⲛⲉ ⲛⲓϣⲁϫⲉ · ⲉⲧⲉⲧⲛϫⲱ ⲙⲙⲟⲟⲩ ⲛⲁⲓ · ⲉⲧⲃⲏⲏⲧϥ ϫⲓⲛⲙⲙⲟⲛ ·
- martyrdom.miracles.mercurius_part2:79
ⲁⲩⲱ ⲁϥⲟⲛⲕϥ ⲉϩⲣⲁⲓ ϩⲁⲡϩⲓⲛⲏⲃ · ⲁϥⲛⲁⲩ ⲉⲡⲉⲧⲟⲩⲁⲁⲃ · ⲉϥⲁϩⲉⲣⲁⲧϥ ϩⲓϫⲟϥ · ⲛϩⲟ ϩⲓϩⲟ · ⲁϥⲟⲛⲕϥ ϩⲓϫⲙⲡⲉϥⲙⲁ ⲛⲙⲕⲟⲧⲕ · ϫⲉⲉϥⲛⲁⲧⲱⲟⲩⲛ ⲛϥⲡⲱⲧ ·
- martyrdom.mercurius:79
ⲇⲉ ⲁⲩϥⲓ ⲉϩⲣⲁⲓ ϩⲁⲣⲟϥ · ⲉϥⲟ ⲙⲡⲁϣ ⲙⲟⲩ ⲉⲩⲛⲟⲩⲕⲟⲩⲓⲛⲛⲓϥⲉ · ϣⲟϫⲡ ⲛϩⲏⲧϥ ⲉⲩⲙⲉⲉⲩⲉ ϫⲉⲉϥⲛⲁⲙⲟⲩ .
- martyrdom.miracles.mercurius_part1:79
ⲗⲟⲓⲡⲟⲛ ⲟⲛ ⲁⲡⲣⲱⲙⲉ ⲛϩⲉⲑⲛⲓⲕⲟⲥ · ⲕⲱϩ ϩⲛⲟⲩⲛⲟϭ ⲛⲕⲱϩ · ⲛⲧⲉⲡⲇⲓⲁⲃⲟⲗⲟⲥ · ⲉⲛⲧⲱⲃⲉ ⲙⲡⲉⲧⲟⲩⲁⲁⲃ ·
- martyrdom.mercurius:80
ⲙⲛⲛⲥⲁⲟⲩⲕⲟⲩⲓ ⲇⲉ ϩⲛⲧⲉⲩⲛⲟⲩ ⲉⲧⲙⲙⲁⲩ ⲁⲡⲁⲅⲅⲉⲗⲟⲥ ⲙⲡϫⲟⲉⲓⲥ ⲟⲩⲱⲛϩ ⲛⲁϥ ⲉⲃⲟⲗ ⲡⲉϫⲁϥ ⲛⲁϥ ϫⲉⲧⲉⲓⲣⲏⲛⲏ ⲛⲁⲕ ⲡϣⲟⲉⲓϫ ⲛⲣⲉϥϫⲣⲟ ·
- encomium.mercurius:80
ⲧⲟⲧⲉ ⲡⲙⲁⲕⲁⲣⲓⲟⲥ ⲙⲉⲣⲕⲟⲩⲣⲓⲟⲥ ⲁⲩⲉⲓⲛⲉ ⲙⲙⲟϥ ⲉⲣⲁⲧϥ ⲙⲡⲣⲣⲟ ⲇⲉⲕⲓⲟⲥ ·
- martyrdom.miracles.mercurius_part1:80
ⲙⲛⲛⲥⲁⲛⲁⲓ · ⲁϥⲙⲟⲩⲧⲉ ⲉⲡⲣⲱⲙⲉ ⲛϩⲏⲕⲉ · ⲡⲉⲓⲉⲧⲉⲣⲉⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ · ⲟⲩⲱⲛϩ ⲉⲣⲟϥ · ⲡⲉϫⲁϥ ⲛⲁϥ · ϫⲉⲁⲙⲟⲩ ⲛⲅⲧⲁⲙⲟⲓ ⲉⲡⲧⲟϣ · ⲛⲛⲁⲧⲱⲃⲉ ⲙⲛⲛⲟⲩⲕ · ⲉⲡⲉⲓⲇⲏ · ϯⲟⲩⲱϣⲕⲱⲧ ⲙⲡⲁⲏⲓ ·
- martyrdom.miracles.mercurius_part2:80
ⲁϥϩⲉ ⲛⲧⲉⲩⲛⲟⲩ ⲉϫⲙⲡⲉϥϩⲟ ϩⲁⲛⲟⲩⲣⲏⲧⲉ ⲙⲡⲉⲧⲟⲩⲁⲃ · ⲁⲩⲱ ⲁϥϭⲱ ⲉϥⲙⲁⲥⲧⲓⲅⲟⲩ ⲙⲙⲟϥ ⲛⲟⲩⲛⲟϭ ⲛⲛⲁⲩ ϩⲛⲟⲩⲁⲡⲉⲓⲗⲏ ·
- encomium.mercurius:81
ⲉⲣⲉⲛⲉϥⲃⲁⲗ ⲙⲉϩⲙⲉⲣⲉⲓⲏ : ⲉⲣⲉⲟⲩϩⲃ ⲥⲱ ⲛⲑⲃⲃⲓⲟ ⲧⲱ ϩⲓⲱⲱϥ · ⲁⲩⲧⲁϩⲟϥ ⲉⲣⲁⲧϥ · ϩⲓⲧϩⲏ ⲙⲡⲣⲣⲟ ·
- martyrdom.mercurius:81
ⲛⲧⲉⲣϥϫⲉⲡⲁⲓ ⲇⲉ ⲁϥⲧⲁⲗϭⲉ ⲛϥⲥⲁϣ ⲉⲧϩⲙⲡⲉϥⲥⲱⲙⲁ · ⲁⲩⲱ ⲁϥⲧⲁϩⲟϥ ⲉⲣⲁⲧϥ ⲉϥⲟⲩⲟϫ ϩⲱⲥⲧⲉ ⲛϥⲧⲱⲟⲩⲛ · ⲛϥⲁϩⲉⲣⲁⲧϥ ⲛϥϯⲉⲟⲟⲩ ⲙⲡⲛⲟⲩⲧⲉ ⲛⲧⲁϥⲃⲟⲏⲑⲉⲓ ⲉⲣⲟϥ .
- martyrdom.miracles.mercurius_part2:81
ⲁⲩⲱ ⲉϥϯⲡⲓ : ⲉⲛⲟⲩⲣⲏⲧⲉ ⲙⲡⲉⲧⲟⲩⲁⲁⲃ · ⲉϥϫⲱ ⲙⲙⲟⲥ · ϫⲉⲟⲩⲟⲉⲓ ⲛⲁⲓ ⲁⲛⲟⲕ ⲡⲉ ⲣⲉϥⲣⲛⲟⲃⲉ · ⲁⲩⲱ ⲉϥⲣⲓⲙⲉ · ϫⲉⲟⲩ ⲡⲉⲡⲛⲟⲃⲉ ⲛⲧⲟϥ ⲛⲧⲁⲓⲁⲁϥ ⲱ ⲡⲁϫⲟⲉⲓⲥ ·
- martyrdom.miracles.mercurius_part1:81
ⲡⲉϫⲉⲡⲣⲱⲙⲉ ⲛⲁϥ · ϫⲉⲛⲉⲕⲣⲱⲙⲉ ⲥⲟⲟⲩⲛ : ⲛⲧⲏⲡⲉ ⲛⲛⲉⲕⲧⲱⲃⲉ ·
- encomium.mercurius:82
ⲛⲧⲉⲣⲉϥⲛⲁⲩ ⲇⲉ ⲉⲣⲟϥ ϩⲙⲡⲉⲥⲭⲏⲙⲁ · ⲉⲧⲑⲃⲃⲓⲏⲩ · ⲁϥⲕⲓⲙ ⲛⲧⲉϥⲁⲡⲉ · ⲉϥⲁⲡⲟⲣⲉⲓ ⲉϫⲙⲡⲉⲛⲧⲟϥϣⲱⲡⲉ ·
- martyrdom.mercurius:82
ⲙⲛⲛⲥⲁⲛⲁⲓ ⲁϥⲕⲉⲗⲉⲩⲉ ⲉⲧⲣⲉⲩⲧⲁϩⲟϥ ⲉⲣⲁⲧϥ ⲉⲡⲃⲏⲙⲁ · ⲁⲩⲱ ⲛⲧⲉⲣⲉϥⲛⲁⲩ ⲉⲣⲟϥ ⲛϭⲓⲡⲣⲣⲟ ⲡⲉϫⲁϥ ⲛⲁϥ ϫⲉⲁⲩϥⲓⲧⲕ ⲉⲃⲟⲗ ϩⲓⲧⲟⲟⲧ ⲉⲕⲟ ⲙⲡⲁϣ ⲙⲟⲩ
- martyrdom.miracles.mercurius_part1:82
ⲡⲉϫⲁϥ ϫⲉⲙⲉⲓϫⲓⲗⲁⲁⲩ ⲛⲣⲱⲙⲉ · ⲛⲥⲁⲃⲗⲗⲁⲕ · ⲛⲙⲙⲁⲓ · ⲁⲗⲗⲁ ⲕⲁⲧⲁⲡⲁⲙⲉⲉⲩⲉ ⲛϩⲏⲧ · ⲛⲟⲩⲓ ⲧⲉ ⲛⲁⲓ ϣⲁⲙⲁ ·
- martyrdom.miracles.mercurius_part2:82
ⲡⲉϫⲉⲡⲉⲧⲟⲩⲁⲃ ⲛⲁϥ · ϫⲉⲙⲉⲕⲥⲱⲧⲙ ⲉⲡⲉⲧⲥⲏϩ · ϫⲉⲛⲉⲕⲥⲁϩⲟⲩ ⲙⲡⲁⲣⲭⲱⲛ ⲙⲡⲉⲕⲗⲁⲟⲥ ⲟⲩⲇⲉ ⲛⲛⲉⲕⲛⲧⲟⲟⲧⲕ ⲉϫⲙⲡⲉⲭⲣⲓⲥⲧⲟⲥ ⲙⲡϫⲟⲉⲓⲥ ·
- encomium.mercurius:83
ⲉⲓⲧⲁ ⲁϥϣⲁϫⲉ ⲛⲙⲙⲁϥ ⲉϥϫⲱ ⲙⲙⲟⲥ · ϫⲉⲙⲉⲣⲕⲟⲩⲣⲓⲟⲥ ⲁϫⲓⲥ ⲉⲣⲟⲓ · ϫⲉⲟⲩ ⲡⲉⲛⲧⲟϥϣⲱⲡⲉ ⲙⲙⲟⲕ · ⲁⲩⲱ ⲉⲧⲃⲉⲛⲗⲟⲓϭⲉ · ⲁⲕⲕⲁⲧⲁⲫⲣⲟⲛⲉⲓ ⲙⲡⲓϩⲉ ⲛⲟϭ ⲛⲧⲁⲉⲓⲟ · ⲙⲛⲡⲁⲝⲓⲱⲙⲁ ·
- martyrdom.miracles.mercurius_part1:83
ⲡⲣⲱⲙⲉ ⲇⲉ ⲁϥⲣϩⲃⲁ · ⲡⲉϫⲁϥ ⲛⲁϥ · ϫⲉⲱ ⲡⲣⲱⲙⲉ · ⲙⲡⲣϯⲟⲥⲉ : ⲛⲧⲉⲕⲯⲩⲭⲏ ⲙⲡⲣϫⲱϩ ⲉⲛⲧⲱⲃⲉ · ⲙⲡⲉⲓⲡⲉⲧⲟⲩⲁⲁⲃ · ⲛⲧⲉⲟⲩϫⲣⲟⲡ ⲧⲁϩⲱⲕ · ⲡⲗⲏⲛ ⲉⲕϣⲁⲛϥⲓⲧⲟⲩ · ϯⲛⲁⲉⲓⲙⲉ ⲉⲧⲕϭⲟⲙ ⲙⲛⲧⲉⲕⲙⲛⲧϫⲱⲱⲣⲉ · ⲁⲩⲱ ⲁⲡϩⲗⲗⲏⲛ · ϯ ⲛⲟⲩϣⲥⲛⲛⲁⲥ · ⲙⲡⲣⲱⲙⲉ ⲛϩⲏⲕⲉ ·
- martyrdom.mercurius:83
ⲛⲁϣ ⲛϩⲉ ⲧⲉⲛⲟⲩ ⲉⲕⲙⲟⲟϣⲉ ⲙⲉϣⲁⲕ ⲣⲱ ⲙⲛⲗⲁⲁⲩ ⲙⲡⲱⲗϩ ϩⲓⲡⲉⲕⲥⲱⲙⲁ · ⲧⲟⲧⲉ ⲁϥⲕⲉⲗⲉⲩⲉ ⲛⲛⲃⲁⲓⲙⲉⲣⲉϩ ⲉⲧⲁϩⲉⲣⲁⲧⲟⲩ ⲉⲧⲣⲉⲩⲙⲟⲩϣⲧ ⲙⲡⲉϥⲥⲱⲙⲁ ·
- martyrdom.miracles.mercurius_part2:83
ⲡⲉϫⲁϥ ϫⲉⲉϥⲥⲏϩ ⲡⲁϫⲟⲉⲓⲥ · ⲁⲗⲗⲁ ⲙⲁⲧⲁⲙⲟⲓ ⲉⲡⲉⲕⲣⲁⲛ · ⲁⲩⲱ ⲛⲅⲧⲁⲙⲟⲓ ⲉⲡⲁⲛⲟⲃⲉ · ϫⲉⲉⲓⲙⲉⲧⲁⲛⲟⲓⲁ ϩⲁⲡⲁⲛⲟⲃⲉ · ϯⲥⲟⲟⲩⲛ ⲅⲁⲣ · ϫⲉⲟⲩⲛⲙⲉⲧⲁⲛⲟⲓⲁ ϣⲟⲟⲡ ·
- martyrdom.miracles.mercurius_part2:84
ⲡⲉϫⲉⲡⲉⲧⲟⲩⲁⲁⲃ ⲛⲁϥ · ϫⲉⲁⲛⲟⲕ ⲡⲉ ⲙⲉⲣⲕⲟⲩⲣⲓⲟⲥ ⲡⲉⲧⲉⲓⲣⲉⲛⲓϭⲟⲙ ϩⲛⲧⲉⲓⲡⲟⲗⲓⲥ ⲕⲁⲓⲥⲁⲣⲓⲁ · ⲛⲧⲁⲓⲉⲓ ⲉⲡⲁⲧⲁⲥⲥⲉⲓ ⲙⲙⲟⲕ ⲙⲛⲡⲉⲕⲉⲙⲁⲅⲟⲥ · ⲡⲁⲓ ⲛⲧⲟϥ ϯ ⲙⲡⲉⲓⲛⲟϭ ⲛⲧⲕⲁⲥ ⲉϩⲟⲩⲛ ⲉⲡⲟⲩⲁ ϣⲉⲉⲣⲉ ⲛϩⲣⲙⲁⲡⲟⲗⲗⲱⲛ ⲛϯⲡⲟⲗⲓⲥ ϩⲛⲟⲩϫⲓⲛϭⲟⲛⲥ · ⲁⲗⲗⲁ ⲛϩⲟⲥⲟⲛ ⲁⲓϭⲓⲛⲉ ⲛⲧⲙⲉⲧⲁⲛⲟⲓⲁ ⲛϩⲏⲧⲕ · ϯⲛⲁⲡⲁⲧⲁⲥⲥⲉⲓ ⲙⲙⲟⲕ ⲁⲛ · ⲙⲡⲓⲥⲟⲡ · ⲁⲗⲗⲁ ⲉⲕϣⲁⲛⲧⲱⲟⲩⲛ ⲛϣⲟⲣⲡ ⲙⲡⲣⲁⲙⲉⲗⲉ · ⲁⲗⲗⲁ ⲃⲱⲕ ⲉⲣⲁⲧϥ ⲙⲡⲣⲱⲙⲉ ⲙⲙⲁⲅⲟⲥ · ⲡⲉⲓ ⲛⲧⲟϥ ⲉⲓⲣⲉ ⲙⲡⲛⲟⲃⲉ · ⲛⲧⲉⲧⲛⲉⲓ ⲉⲡⲁⲧⲟⲡⲟⲥ · ⲁⲩⲱ ⲡⲕⲣⲁϣⲉ ⲛⲁϫⲱⲕ ⲉⲃⲟⲗ ϩⲛϩⲱⲃ ⲛⲓⲙ ·
- martyrdom.miracles.mercurius_part1:84
ⲡⲉϫⲁϥ ⲛⲁϥ · ϫⲉⲙⲡϩⲟⲥⲟⲡ ⲁⲕϫⲟⲟⲥ · ϫⲉⲡⲉⲧⲙⲙⲁⲩ ⲛⲁⲡⲗⲩⲅⲏ ⲙⲙⲟⲕ · ϯⲛⲁϥⲓ ϩⲟⲩⲟ · ⲉⲛⲁⲓ ⲛⲧⲁⲓⲉⲓⲙⲉ · ⲉⲧⲉⲕϭⲟⲙ · ⲙⲛⲡⲉⲧⲙⲙⲁⲩ · ϫⲉⲉϥⲛⲁⲣ ⲟⲩ ⲛⲁⲓ ⲡⲉϫⲉⲡⲣⲱⲙⲉ ⲛⲁϥ · ϫⲉⲛⲧϩⲉ ⲉⲧⲉϩⲛⲁⲕ ⲁⲣⲓⲥ · ⲉⲥⲡⲛⲟⲩⲧⲉ ⲙⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ · ⲛⲁⲩ ⲉⲣⲟⲕ ⲙⲟⲛⲟⲛ ⲛⲅⲛⲁϫⲣⲟ ⲉⲣⲟϥⲁⲛ ·
- encomium.mercurius:84
ⲛⲧⲁⲓⲧⲁⲁϥ ⲛⲁⲕ · ⲁⲓⲁⲁⲕ ⲛⲙⲡϣⲁ · ⲉϯⲡⲣⲟⲛⲓⲁ ⲛⲛⲛⲟⲩⲧⲉ · ⲁⲩⲱ ⲡⲁⲝⲓⲱⲙⲁ ⲛⲧⲁⲓⲧⲁⲁϥ ⲛⲁⲕ · ⲡⲁⲣⲁⲡⲕⲉⲥⲉⲉⲡⲉ ⲙⲡⲉⲥⲧⲣⲁⲧⲉⲩⲙⲁ ⲧⲏⲣϥ · ⲁⲕⲟⲡϥ ⲉⲩⲗⲁⲁⲩ ·
- martyrdom.mercurius:84
ⲛⲁⲓ ⲇⲉ ⲡⲉϫⲁⲩ ⲙⲡⲣⲣⲟ ϫⲉϣⲉⲡⲉⲕⲣⲁⲧⲟⲥ · ⲱ ⲡⲣⲣⲟ ⲛⲉⲩⲥⲉⲃⲏⲥ · ⲡⲉϥⲥⲱⲙⲁ ⲧⲏⲣϥ · ⲟⲩⲟϫ ⲉⲙⲛⲗⲁⲁⲩ ⲛⲧⲁⲕⲟ ϩⲓⲱⲱϥ ⲛⲧϩⲉ ⲛⲟⲩⲁ ⲙⲡⲟⲩϫⲱϩ ⲉⲣⲟϥ ⲉⲡⲧⲏⲣϥ ⲙⲡⲉⲩⲧⲏⲃⲉ .
- martyrdom.mercurius:85
ⲇⲉⲕⲓⲟⲥ ⲇⲉ ϩⲱⲱϥ ⲡⲉϫⲁϥ ϫⲉⲡⲁⲛⲧⲱⲥ ϥⲛⲁϫⲟⲟⲥ ϫⲉⲡⲉⲭⲣⲓⲥⲧⲟⲥ ⲡⲉⲛⲧⲁϥⲧⲟⲩϫⲟⲓ ⲁϥⲧⲁⲗϭⲟⲓ ·
- martyrdom.miracles.mercurius_part2:85
ⲡⲉϫⲉⲡⲣⲱⲙⲉ ⲛⲁϥ · ϫⲉϯⲛⲏⲩ ⲁⲛⲟⲕ ⲉⲓⲣⲁϣⲉ · ⲁⲗⲗⲁ ⲡⲁⲛⲧⲟⲥ ⲉⲧⲙⲡⲣⲱⲙⲉ ⲉⲧⲙⲙⲁⲩ ⲉⲓ ·
- encomium.mercurius:85
ⲗⲟⲓⲡⲟⲛ · ⲙⲁⲧⲁⲙⲟⲓ ⲧⲉⲛⲟⲩ ϫⲉⲧⲁⲧⲉⲓⲡⲗⲁⲛⲏ ϣⲱⲡⲉ ⲙⲙⲟⲕ · ⲉⲃⲟⲗ ϩⲓⲧⲱⲛ ·
- martyrdom.miracles.mercurius_part1:85
ⲡⲣⲱⲙⲉ ⲇⲉ ⲁϥⲧⲛⲛⲟⲟⲩ ⲛⲧⲉⲩⲛⲟⲩ · ϩⲛⲛⲟϭ ⲙⲙⲛⲧϫⲁⲥⲓϩⲏⲧ · ⲟⲩϩⲙϩⲁⲗ ⲡⲱϥ · ⲁϥⲃⲱⲕ ⲁϥⲉⲓⲛⲉ · ⲛϩⲉⲛϭⲁⲙⲟⲩⲗ · ⲁϥⲙⲟⲟϣⲉ ϩⲓⲧϩⲏ ⲙⲙⲟⲟⲩ · ϩⲛⲟⲩⲛⲟϭ ⲙⲛⲧϫⲁⲥⲓϩⲏⲧ ·
- martyrdom.miracles.mercurius_part1:86
ⲁϥⲁⲣⲛⲧⲁⲗⲟ ⲛϭⲁⲙⲟⲩⲗ ϩⲛⲛⲛⲧⲱⲃⲉ ⲙⲡⲉⲧⲟⲩⲁⲁⲃ · ⲁⲩⲱ ⲁϥⲁϩⲉⲣⲁⲧϥ · ϩⲓⲧϩⲏ ⲛⲟⲩⲛⲟϭ ⲛϭⲁⲙⲟⲩⲗ ϩⲟⲟⲩⲧ · ⲡⲱϥ ⲡⲉ · ⲁϥⲟⲩⲉϩⲥⲁϩⲛⲉ ⲛⲉϥϩⲙϩⲁⲗ · ϩⲛⲟⲩⲛⲟϭ ⲙⲛⲧϫⲁⲥⲓϩⲏⲧ · ⲉⲧⲣⲉⲩⲧⲁⲗⲟⲧⲱⲃⲉ ⲛϭⲁⲙⲟⲩⲗ · ⲡⲉϫⲁϥ ϫⲉⲙⲁⲣⲉⲓⲛⲁⲩ ⲧⲉⲛⲟⲩ · ⲉⲧϭⲟⲙ ⲙⲡⲁⲓ · ϫⲉⲙⲉⲣⲕⲟⲩⲣⲓⲟⲥ ·
- encomium.mercurius:86
ⲁⲡⲉⲥⲧⲣⲁⲧⲉⲩⲙⲁ ⲛⲛⲉϩⲣⲱⲙⲁⲓⲟⲥ · ⲥⲱⲟⲩϩ ⲉϩⲟⲩⲛ ⲉⲡⲣⲡⲉ · ⲉⲧⲣⲉⲩⲑⲩⲥⲓⲁ ⲛⲛⲛⲟⲩⲧⲉ ⲛⲇⲓⲕⲁⲓⲟⲛ · ⲛⲧⲟⲕ ⲇⲉ ⲙⲁⲩⲁⲁⲕ · ⲡⲉⲛⲧⲁⲕⲡⲟⲣϫⲕ ⲉⲃⲟⲗ ⲙⲡⲁⲣⲓⲑⲙⲟⲥ ·
- martyrdom.mercurius:86
ⲙⲏ ⲁⲧⲉⲧⲛϫⲓⲥⲁⲉⲓⲛ ⲉϩⲟⲩⲛ ⲉⲡⲉϣⲧⲉⲕⲟ ⲉⲧⲣⲉϥⲑⲉⲣⲁⲡⲉⲩⲉ ⲙⲙⲟϥ ·
- martyrdom.miracles.mercurius_part2:86
ⲁⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ ⲟⲩⲱϣⲃ ⲡⲉϫⲁϥ ⲛⲁϥ · ϫⲉⲧⲟⲩϫⲟⲕ ⲛⲧⲉⲕ....ⲧⲣⲉⲡⲉⲧⲙⲙⲁⲩ ⲉⲓ ⲉϥⲥⲕⲉⲙⲁϯⲍⲉ ·
- martyrdom.mercurius:87
ⲛⲧⲟⲟⲩ ⲇⲉ ⲡⲉϫⲁⲩ ϫⲉϣⲉⲧⲉⲕⲙⲛⲧⲛⲟϭ ⲉⲧⲧⲁⲓⲏⲩ ⲉⲧⲁⲙⲁϩⲧⲉ ⲉϫⲛⲧⲟⲓⲕⲟⲩⲙⲉⲛⲏ ⲧⲏⲣⲥ · ⲙⲡⲉⲗⲁⲁⲩ ⲑⲉⲣⲁⲡⲉⲩⲉ ⲙⲙⲟϥ ·
- encomium.mercurius:87
ⲡⲗⲏⲛ ⲁϫⲓⲥ ⲉⲣⲟⲓ · ϫⲉⲛⲧⲕⲟⲩ ⲉⲃⲟⲗ ϩⲛⲛⲁϣ ⲛⲭⲱⲣⲁ · ⲏ ϫⲉⲛⲧⲁⲛⲉⲕⲉⲓⲟⲧⲉ ⲙⲟⲩⲧⲉ ⲉⲣⲟⲕ · ⲙⲡⲉⲓⲣⲁⲛ ·
- martyrdom.miracles.mercurius_part2:87
ⲧⲟⲧⲉ ⲁⲡⲉⲧⲟⲩⲁⲁⲃ ϩⲟⲡϥ ⲉⲣⲟϥ ·
- martyrdom.miracles.mercurius_part1:87
ⲁⲩⲱ ⲛⲧⲉⲩⲛⲟⲩ ⲙⲡⲁⲧⲓⲡϣⲁϫⲉ ⲗⲟ ϩⲛⲧⲉϥⲧⲁⲡⲣⲟ · ⲁϭⲁⲙⲟⲩⲗ ⲉⲧⲉϥⲁϩⲉⲣⲁⲧϥ · ϩⲓⲧϩⲏ ⲙⲙⲟϥ · ⲟⲩⲱⲛ ⲛⲧⲉϥⲧⲁⲡⲣⲟ · ⲁϥⲁⲙⲁϩⲧⲉ ⲙⲡⲁⲣⲭⲱⲛ ⲛϩⲗⲗⲏⲛ · ⲁϥⲛⲟϫϥ ⲉϩⲟⲩⲛ ϩⲁϩⲧⲏϥ · ⲁϥⲛⲕⲟⲧⲕ ⲉϫⲟϥ ·
- martyrdom.miracles.mercurius_part2:88
ϣⲟⲣⲡ ⲇⲉ ⲛⲧⲉⲣϥϣⲱⲡⲉ · ⲁϥϯⲡⲉϥⲟⲩⲟⲓ ⲉⲡⲁⲉⲓⲱⲧ · ⲡⲉϫⲁϥ ⲛⲁϥ · ϫⲉⲡⲁⲉⲓⲱⲧ · ⲃⲟⲏⲑⲉⲓ ⲉⲣⲟⲓ · ϫⲉϯⲉⲡⲓⲑⲩⲙⲉⲓ ⲛⲃⲱⲕ ⲉⲡⲧⲟⲡⲟⲥ ⲙⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ · ⲛⲧⲁϣⲗⲏⲗ ·
- martyrdom.mercurius:88
ⲁⲗⲗⲁ ⲛⲛⲙⲉⲉⲩⲉ ϫⲉϥⲛⲁⲙⲟⲩ ⲡⲉ · ⲛⲁϣ ⲛϩⲉ ⲧⲉⲛⲟⲩ ϥⲟⲛϩ ⲏ ⲛⲧⲁϥⲗⲟⲛⲁϣ ⲛϩⲉ · ⲛⲧⲛⲥⲟⲟⲩⲛ ⲁⲛ ·
- encomium.mercurius:88
ⲁϥⲟⲩⲱϣⲃ ⲛϭⲓⲡⲙⲁⲕⲁⲣⲓⲟⲥ ⲙⲉⲣⲕⲟⲩⲣⲓⲟⲥ · ⲡⲉϫⲁϥ ⲙⲡⲣⲣⲟ · ϫⲉⲉⲕⲟⲩⲱϣ ⲉⲉⲓⲙⲉ ϫⲉⲁⲛⲅⲟⲩ ⲉⲃⲟⲗ ϩⲛ · ⲛⲁϣ ⲛⲑⲣⲏⲥⲕⲓⲁ · ⲥⲱⲧⲙ ϩⲙⲡⲁⲅⲉⲛⲟⲥ · ⲁⲛⲅⲟⲩ ⲉⲃⲟⲗ ϩⲛⲧⲕⲁⲡⲡⲁⲇⲟⲕⲓⲁ · ϩⲙⲡⲉⲓⲕⲟⲥⲙⲟⲥ ·
- martyrdom.miracles.mercurius_part1:88
ⲁⲩⲱ ⲛⲧⲉⲩⲛⲟⲩ ⲉⲥⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ · ⲁϥⲉⲓ ⲉϥⲧⲁⲗⲏⲩ · ⲉⲡⲉϥϩⲧⲟ ⲙⲡⲛⲉⲩⲙⲁ · ⲁϥⲁϩⲉⲣⲁⲧϥ ϩⲁϩⲧⲙ ⲙⲡϭⲁⲙⲟⲩⲗ · ⲉⲧⲁⲙⲁϩⲧⲉ ⲉϫⲙⲡⲣⲱⲙⲉ · ⲁϥⲣⲁⲧϥ ⲙⲡⲉϥⲕⲟⲩⲛⲧⲁⲣⲓⲟⲛ · ⲉⲧⲉϥⲟⲩⲉⲣⲏⲧⲉ ⲛϩⲃⲟⲩⲣ ⲁⲩⲱ ⲛ
- martyrdom.miracles.mercurius_part1:89
ⲧⲉⲛⲟⲩ ⲉϥⲁⲡⲉⲓⲗⲏ ⲉⲣⲟⲓ · ϫⲉⲛⲧⲟⲕ ⲡⲉⲧⲛⲁϯⲡϣⲱⲗϩ · ⲉⲡⲁⲙⲁⲣⲧⲏⲣⲓⲟⲛ · ⲉⲕⲁϣⲉ ⲛⲥⲁⲧⲉⲕⲟⲩⲉⲣⲏⲧⲉ ⲛⲟⲩⲱⲧ ·
- martyrdom.mercurius:89
ⲡⲉϫⲁϥ ⲇⲉ ⲛⲁⲩ ϫⲉⲧⲉⲧⲛⲥⲟⲟⲩⲛ ϫⲉⲟⲩⲁϣ ⲛϭⲟⲧ · ⲧⲉ ⲧⲙⲁⲅⲓⲁ · ⲛⲛⲉⲭⲣⲓⲥⲧⲓⲁⲛⲟⲥ ·
- encomium.mercurius:89
ⲕⲁⲧⲁⲧⲙⲉ ⲇⲉ ⲁⲛⲅⲟⲩⲉⲃⲟⲗ ϩⲛⲧϩⲓⲉⲣⲟⲩⲥⲁⲗⲏⲙ ⲛⲧⲡⲉ · ⲧⲙⲏⲧⲣⲟⲡⲟⲗⲓⲥ ⲛⲛⲉⲧⲟⲩⲁⲁⲃ · ⲁⲩⲱ ⲡⲁⲣⲁⲛ ⲛⲧⲁⲛⲉⲓⲟⲧⲉ ⲧⲁϥ ⲉⲣⲟⲓ ⲛⲓϣⲟⲣⲡ ⲡⲉ · ⲫⲓⲗⲟⲡⲁⲧⲱⲣ · ⲉⲧⲉⲡϥⲟⲩⲱϩⲙ ⲡⲉ ⲡⲙⲁⲓⲡϥⲉⲓⲱⲧ · ⲛⲧⲉⲣⲉⲣⲙⲁⲧⲟⲓ ⲇⲉ · ⲁⲩⲙⲟⲩⲧⲉ ⲉⲣⲟⲓ ⲙⲉⲣⲕⲟⲩⲣⲓⲟⲥ · ϩⲓⲧⲙⲡⲉⲡⲣⲏⲙⲓⲕⲓⲣⲓⲟⲥ ⲙⲡⲁⲣⲓⲑⲙⲟⲥ ·
- martyrdom.miracles.mercurius_part2:89
ⲁⲩⲱ ⲛⲓⲣⲉ ⲡϥⲉⲓⲱⲧ ⲑⲁⲗⲡⲉⲓ ⲙⲙⲟϥ ⲉⲙⲁⲧⲉ · ϫⲉⲙⲛⲧⲁⲁϥ ⲛⲥⲁⲃⲗⲗⲁϥ · ⲡⲉϫⲁϥ ϫⲉⲃⲱⲕ ⲡⲁϣⲏⲣⲉ ⲁⲗⲗⲁ ⲙⲡⲉⲕⲱⲥⲕ ⲉⲓ : ⲛⲅⲕⲱ ⲛⲁⲥⲥⲡⲗⲁⲅⲭⲛⲟⲛ ⲉⲩϫⲏϥ ⲙⲙⲟⲕ · ⲱ ⲡⲟⲩⲟⲉⲓⲛ ⲛⲛⲁⲃⲁⲗ · ⲁⲩⲱ ⲁϥϯ ⲛⲟⲩⲙⲏⲏϣⲉ ⲛⲁⲛϩⲟⲗⲟⲙⲁ · ⲁⲩⲱ ϣⲟⲙⲛⲧ ⲛϩⲙϩⲁⲗ ⲛϩⲟⲟⲩⲧ · ⲉⲧⲣⲉⲩⲙⲟⲟϣⲉ ⲛⲙⲙⲁϥ ·
- encomium.mercurius:90
ⲁⲛⲅⲟⲩ ⲡϩⲙϩⲁⲗ ⲛⲛⲓⲏⲥⲟⲩⲥ ⲡⲉⲭⲣⲓⲥⲧⲟⲥ ⲡⲁϫⲟⲉⲓⲥ · ⲡϣⲏⲣⲉ ⲙⲡⲛⲟⲩⲧⲉ ⲉⲧⲟⲛϩ ·
- martyrdom.mercurius:90
ⲁⲩⲱ ⲛⲁϣ ⲛϩⲉ ⲥⲁϥ ⲙⲉⲛ ⲁϥⲣⲕⲱⲱⲥ · ⲙⲡϩⲟⲟⲩ ϩⲱⲱϥ ϥⲁϩⲉⲣⲁⲧϥ ⲁϥⲟⲩⲟϫ ·
- martyrdom.miracles.mercurius_part2:90
ⲗⲟⲓⲡⲟⲛ ⲁϥϫⲱⲣⲙ ϩⲓϯϩⲓⲏ ϩⲛⲟⲩⲛⲟϭ ⲛϫⲱⲗⲕ ⲉⲃⲟⲗ · ⲉⲓ ⲉⲧⲡⲟⲗⲓⲥ ⲉⲧⲉⲣⲉⲡⲣⲱⲙⲉ ⲙⲙⲁⲅⲟⲥ ⲛϩⲏⲧⲥ ·
- martyrdom.miracles.mercurius_part1:90
ⲁⲩⲱ ⲁⲡⲙⲏⲏϣⲉ · ⲟⲩⲁϩϥ ⲛⲥⲱϥ ϩⲛⲟⲩϩⲟⲧⲉ · ⲙⲛⲟⲩⲥⲧⲱⲧ · ϣⲁⲛⲧⲉϥⲱⲃⲣⲉⲓ ⲉϩⲟⲩⲛ · ⲛⲧⲥⲛⲧⲉ ⲙⲡⲧⲟⲡⲟⲥ · ⲉϥⲁϣⲉ ⲉϩⲣⲁⲓ ⲛⲥⲁϫⲱϥ ·
- martyrdom.miracles.mercurius_part1:91
ⲁⲩⲱ ⲁϥⲱϣ ⲉⲃⲟⲗ · ⲛϭⲓⲡⲣⲱⲙⲉ · ⲉϥϫⲱ ⲙⲙⲟⲥ · ϫⲉⲡⲁϫⲟⲉⲓⲥ ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ · ⲕⲟ ⲛⲁⲓ ⲉⲃⲟⲗ · ⲉⲧⲃⲉⲧⲁⲙⲛⲧⲁⲧⲥⲟⲟⲩⲛ · ⲁⲩⲱ ⲛⲁⲧⲱⲃⲏ ⲧⲏⲣⲟⲩ
- martyrdom.miracles.mercurius_part2:91
ⲡⲉϫⲁϥ ⲛⲁϥ · ϫⲉⲧⲱⲟⲩⲛ ⲙⲁⲣⲟⲛ ⲉⲡⲧⲟⲡⲟⲥ ⲙⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ · ⲛⲧⲛϣⲗⲏⲗ ⲁⲩⲱ ϩⲱⲃ ⲛⲓⲙ ⲛⲧⲁⲩϣⲱⲡⲉ ⲙⲙⲟϥ ⲁϥϫⲟⲟⲩ ⲙⲙⲁⲅⲟⲥ ·
- martyrdom.mercurius:91
ⲁϥⲙⲟⲩϩ ⲇⲉ ⲛϭⲱⲛⲧ ⲡⲉϫⲁϥ ⲛⲁϥ ϫⲉⲁϫⲓⲥ ⲉⲣⲟⲓ ϩⲛⲟⲩⲙⲉ · ϫⲉⲛⲓⲙ ⲡⲉⲛⲧⲁϥⲧⲁⲗϭⲟⲕ ⲭⲱⲣⲓⲥⲙⲁⲅⲓⲁ ·
- encomium.mercurius:91
ⲡⲣⲣⲟ ⲇⲉ ⲛⲧⲉⲣⲉϥⲥⲱⲧⲙ ⲉⲛⲁⲓ · ⲁϥⲱⲛϣ ⲉⲃⲟⲗ ⲛⲟⲩⲛⲟϭ ⲛⲁⲡⲣⲏⲧⲉ ·
- encomium.mercurius:92
ⲁϥⲕⲓⲙ ⲛⲧⲉϥⲁⲡⲉ · ⲉϥϫⲱ ⲙⲙⲟⲥ ϫⲉⲙⲉⲣⲕⲟⲩⲣⲓⲟⲥ · ⲕⲱ ⲛⲥⲱⲕ ⲛⲧⲉⲓⲁⲡⲉⲓⲗⲏ · ⲙⲛⲧⲉⲓⲙⲁⲛⲓⲁ · ⲛⲅϯⲡⲉⲕⲟⲩⲟⲓ ⲉϩⲟⲩⲛ ⲉⲡⲣⲡⲉ · ⲛⲅⲑⲩⲥⲓⲁⲍⲉ ⲙⲡⲛⲟϭ ⲛⲛⲟⲩⲧⲉ ⲡⲁⲡⲱⲗⲗⲱⲛ ·
- martyrdom.mercurius:92
ⲁϥⲟⲩⲱϣⲃ ⲛϭⲓⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ ϫⲉⲡⲁϫⲟⲉⲓⲥ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ ⲡⲥⲁⲉⲓⲛ ⲙⲙⲉ ⲛⲛⲉⲛⲯⲩⲭⲏ ⲙⲛⲛⲉⲛⲥⲱⲙⲁ · ⲛⲧⲟϥ ⲡⲉⲧⲟⲩⲱϣ ⲉⲭⲁⲣⲓⲍⲉ ⲛⲁⲓ ⲙⲡⲧⲁⲗϭⲟ · ⲕⲁⲧⲁⲧϩⲉ ⲛⲧⲁⲓϫⲟⲟⲥ ·
- martyrdom.miracles.mercurius_part1:92
ϯⲛⲁⲧⲁⲁⲩ ⲛⲁⲕ · ⲉⲧⲕⲟⲇⲟⲙⲏ ⲙⲡⲉⲕⲧⲟⲡⲟⲥ · ⲁⲩⲱ : ϣⲉ ⲛⲓⲙ ⲉⲛⲁⲛⲟⲩϥ ϯⲛⲁⲧⲁⲩⲟ ⲛⲁⲕ ⲙⲛⲧϩⲩⲗⲏ ⲧⲏⲣⲥ ⲛⲧⲁⲓⲥⲟⲟⲩϩ ⲉⲡⲁⲏⲓ ·
- martyrdom.miracles.mercurius_part2:92
ⲁⲩⲱ ⲛⲧⲉⲣⲉⲡⲙⲁⲅⲟⲥ ⲥⲱⲧⲙ ⲉⲥⲡⲣⲱⲙⲉ ⲙⲛⲧⲉϥϣⲉⲉⲣⲉ ϩⲓⲡⲙⲁⲣⲧⲩⲣⲓⲟⲛ ⲙⲡⲉⲧⲟⲩⲁⲁⲃ · ⲁϥⲣϩⲟⲧⲉ · ⲡⲉϫⲉⲙⲁⲅⲟⲥ ϫⲉⲉϣⲁⲛϣⲱⲡⲉ ⲉⲧⲣⲁⲙⲟⲩⲧⲉ ⲧⲉⲛⲟⲩ ϯⲛⲏⲩ ⲁⲛ ⲉⲡⲧⲟⲡⲟⲥ ⲙⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ · ϫⲉⲛⲉϥⲟⲩⲟⲛϩⲧ ⲉⲃⲟⲗ ⲛⲧⲉⲡⲉⲓⲱⲧ ⲛⲧϣⲉⲉⲣⲉ ϣⲏⲙ ϩⲱⲧⲃ ⲙⲙⲟⲓ · ⲉⲧⲃⲉⲧⲉϥϣⲉⲉⲣⲉ ·
- martyrdom.mercurius:93
ⲙⲫⲁⲣⲙⲁⲅⲟⲥ ⲇⲉ ⲙⲛⲛⲣⲉϥ‐ⲙⲟⲩⲧⲉ ⲙⲛⲛⲣⲉϥϣⲙϣⲉ ⲉⲓⲇⲟⲗⲟⲛ ⲥⲉⲟ ⲛϣⲉⲙⲙⲟ ⲉⲣⲟϥ · ⲁⲩⲱ ϥⲛⲁⲙⲁⲣⲟⲩ ⲛϩⲉⲛⲙⲣⲣⲉ ⲛⲁⲧⲃⲱⲗ ⲉⲃⲟⲗ · ⲛϥⲡⲁⲣⲁⲇⲓⲇⲟⲩ ⲙⲙⲟⲟⲩ ⲉⲡⲕⲱϩⲧ ⲛⲧⲅⲉϩⲉⲛⲛⲁ · ⲉⲧⲃⲉϫⲉ ⲙⲡⲟⲩⲥⲟⲩⲛ ⲡⲛⲟⲩⲧⲉ ⲙⲙⲉ ⲛⲧⲁϥⲧⲁⲙⲓⲟⲟⲩ ·
- encomium.mercurius:93
ⲛⲅⲃⲱⲕ ⲉⲡⲉⲕⲁⲣⲓⲑⲙⲟⲥ · ⲉⲡⲙⲁ ⲛⲛⲉϣⲃⲏⲣ ⲉⲙⲙⲁⲧⲟⲓ · ⲛⲅϫⲓ ⲙⲡⲉⲕⲁⲝⲓⲱⲙⲁ ⲛⲧϩⲉ ⲛϣⲟⲣⲡ ·
- martyrdom.miracles.mercurius_part1:93
ⲁⲩⲱ ϯⲛⲁϣⲱⲡⲉ ⲛⲭⲣⲓⲥⲧⲓⲁⲛⲟⲥ · ⲙⲛⲡⲁⲏⲓ ⲧⲏⲣϥ · ⲛⲧⲁⲕⲟ ⲉⲃⲟⲗ ⲛⲛⲁϩⲙϩⲁⲗ · ⲉⲩⲟ ⲛⲣⲙϩⲉ · ⲛⲧⲁϣⲱⲡⲉ ⲛⲙⲛⲟⲩⲧ ⲉⲡⲉⲕⲧⲟⲡⲟⲥ · ϣⲁⲡⲉⲓϩⲟⲟⲩ ⲙⲡⲁⲙⲟⲩ ·
- martyrdom.miracles.mercurius_part2:93
ⲛⲧⲉⲩⲛⲟⲩ ⲁⲡϣⲏⲣⲉ ϣⲏⲙ ϫⲱⲣⲙ ϩⲛⲟⲩⲛⲟϭ ⲛϭⲟⲙ ϣⲁⲛⲧϥⲉⲓ ⲉⲡⲙⲁⲣⲧⲩⲣⲓⲟⲛ ⲙⲡⲉⲧⲟⲩⲁⲁⲃ · ϩⲛⲟⲩⲛⲟϭ ⲛϩⲟⲧⲉ · ⲁϥⲟⲩⲱϣⲧ ⲉϫⲙⲡⲥⲱⲙⲁ ⲙⲡⲉⲧⲟⲩⲁⲁⲃ · ⲁϥⲛⲁⲩ ⲉⲧϣⲉⲉⲣⲉ ϣⲏⲙ ⲉⲥⲡⲁϩⲧ ϩⲱⲥ ⲉϫⲙⲡⲥⲱⲙⲁ ⲙⲡⲉⲧⲟⲩⲁⲁⲃ · ⲙⲛⲡⲉⲥⲉⲓⲱⲧ ⲙⲛⲧⲉⲥⲙⲁⲁⲩ ⲉⲩⲡⲁⲣⲁⲕⲁⲗⲉⲓ ⲙⲙⲟϥ ⲉⲩⲃⲟⲏⲑⲉⲓ ⲛⲁⲥ ·
- martyrdom.miracles.mercurius_part2:94
ⲁⲩⲱ ⲛⲉⲣⲉⲡⲉⲧⲟⲩⲁⲁⲃ ⲕⲱ ⲙⲙⲟⲥ ⲉⲩⲅⲓⲣⲟⲥ ⲉⲛⲁⲛⲟⲩϥ · ⲁⲡϣⲏⲣⲉ ϣⲏⲙ ⲙⲟⲩⲧⲉ ⲉⲡⲟⲓⲕⲟⲛⲟⲙⲟⲥ · ⲁϥϯ ⲛⲁϥ ⲙⲙⲏⲧ ⲛϩⲟⲗⲟⲕⲟϯⲛⲟⲥ ·
- martyrdom.mercurius:94
ⲡⲉϫⲉⲡⲣⲣⲟ ϫⲉϯⲛⲁⲁⲛϩⲁⲗⲓⲥϭⲉ ⲙⲡⲉⲕⲥⲱⲙⲁ ϩⲛϩⲉⲛⲃⲁⲥⲁⲛⲟⲥ ⲉⲩⲛⲁϣⲧ
- encomium.mercurius:94
ⲡⲉϫⲁϥ ⲛϭⲓⲡⲡⲉⲧⲟⲩⲁⲁⲃ ⲙⲉⲣⲕⲟⲩⲣⲓⲟⲥ · ⲛⲁϩⲣⲙ ⲙⲡⲣⲣⲟ ⲛⲁⲛⲟⲙⲟⲥ · ϫⲉⲙⲁⲣⲉⲡⲁⲓ ϣⲱⲡⲉ ⲉϥⲟⲩⲱⲛϩ ⲛⲁⲕ ⲉⲃⲟⲗ · ⲱ ⲡⲣⲣⲟ ⲛⲁⲛⲟⲙⲟⲥ · ϫⲉⲛϯⲛⲁⲑⲩⲥⲓⲁⲍⲉ ⲁⲛ ⲙⲡⲉⲕⲁⲡⲱⲗⲗⲱⲛ · ⲉⲓⲧϣⲟⲩⲉⲓⲧ ⲛⲧⲁⲕⲱ ⲛⲥⲱⲓ · ⲙⲡⲁⲛⲟⲩⲧⲉ · ⲛⲧⲟϥ ⲧⲁⲧⲁⲙⲓⲟ ⲛⲧⲡⲉ · ⲙⲛⲡⲕⲁϩ · ⲙⲛⲕⲁ ⲛⲓⲙ ·
- martyrdom.miracles.mercurius_part1:94
ⲛⲁⲓ ⲇⲉ ⲛⲧⲉⲣⲉϥϫⲱⲟⲩ : ⲁϭⲁⲙⲟⲩⲗ ⲕⲁⲁϥ ⲉⲡⲉⲥⲏⲧ · ⲉϫⲙⲡⲕⲁϩ · ⲁⲩⲱ ⲁⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ · ϫⲱϩ ⲉⲛⲉϥⲥⲁϣ · ⲁϥⲧⲁⲗϭⲟϥ · ⲁϥⲕⲁⲁϥ ⲉⲃⲟⲗ · ⲙⲛⲗⲁⲁⲩ ⲙⲡⲱⲗϩ · ϩⲙⲡⲉϥⲥⲱⲙⲁ ⲉⲡⲧⲏⲣϥ ·
- martyrdom.miracles.mercurius_part2:95
ⲁⲩⲱ ⲁⲡⲁⲣⲭⲱⲛ ⲉⲧⲉⲡⲉⲓⲱⲧ ⲛⲧϣⲉⲉⲣⲉ ϣⲏⲙ ⲡⲉ · ⲁϥϭⲱϣⲧ ....ⲁϥⲛⲁⲩ ⲉⲡϣⲏⲣⲉ ϣⲏⲙ · ⲁϥⲥⲟⲩⲱⲛϥ · ⲁϥⲙⲟⲟϣⲉ ⲉϩⲟⲩⲛ ⲉⲣⲟϥ · ⲛϥⲥⲟⲟⲩⲛ ⲁⲛ ⲗⲁⲩ ⲛϩⲱⲃ · ⲁϥⲁⲥⲡⲁⲍⲉ ⲙⲙⲟϥ · ⲁⲩⲱ ⲁϥϣⲓⲛⲉ ⲛⲥⲁⲡⲟⲩϫⲁⲓ ⲙⲡⲉϥⲏⲓ ⲉⲃⲟⲗ ϩⲓⲧⲟⲟⲧϥ ·
- encomium.mercurius:95
ⲁⲛⲟⲕ ⲅⲁⲣ ⲁⲛⲅⲟⲩⲭⲣⲓⲥⲧⲓⲁⲛⲟⲥ ·
- martyrdom.miracles.mercurius_part1:95
ⲁⲩⲱ ⲁⲩⲟⲩⲛⲟϭ ⲛϩⲟⲧⲉ · ⲧⲁϩⲉⲟⲩⲟⲛ ⲛⲓⲙ · ⲉⲧⲁϩⲉⲣⲁⲧⲟⲩ · ⲉⲩⲛⲁⲩ ⲉⲧϩⲉ ⲛⲧⲁϭⲁⲙⲟⲩⲗ ⲡⲗⲩⲅⲏ ⲙⲙⲟϥ ·
- martyrdom.mercurius:95
ⲙⲁⲣⲉⲓⲛⲁⲩ ϫⲉⲡⲉⲭⲣⲓⲥⲧⲟⲥ ⲉⲧⲉⲕⲛⲁϩⲧⲉ ⲉⲣⲟϥ · ⲛⲁⲧⲁⲗϭⲟⲕ .
- encomium.mercurius:96
ⲡⲁⲣⲣⲏⲥⲓⲁ ⲁⲩⲱ ⲧⲙⲛⲧⲙⲁⲧⲟⲓ ⲙⲡⲉⲓⲕⲟⲥⲙⲟⲥ · ϯⲛⲁⲡⲟⲧⲁⲥⲥⲉ ⲙⲙⲟⲥ · ⲁⲩⲱ ⲡⲉⲕⲁⲝⲓⲱⲙⲁ · ϯⲣⲭⲣⲉⲓⲁ ⲙⲙⲟϥ ⲁⲛ · ⲁⲛⲅⲡϩⲙⲡϩⲁⲗ ⲙⲡⲉⲭⲣⲓⲥⲧⲟⲥ ⲓⲏⲥⲟⲩⲥ · ⲡϣⲏⲣⲉ ⲉⲡⲛⲟⲩⲧⲉ ⲉⲧⲟⲛϩ ·
- martyrdom.mercurius:96
ⲡⲉϫⲁϥ ⲛϭⲓⲡϩⲁⲅⲓⲟⲥ ϫⲉϯⲡⲓⲥⲧⲉⲩⲉ ⲉⲡⲁϫⲟⲉⲓⲥ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ · ϫⲉⲉⲕϣⲁⲛⲛⲟⲩⲙⲏⲏϣⲉ ⲛϯⲙⲱⲣⲓⲁ · ⲉϫⲱⲓ · ⲛⲅⲛⲁϣϣⲧⲣⲧⲱⲣⲧ ⲁⲛ ·
- martyrdom.miracles.mercurius_part1:96
ⲁⲩⲱ ⲁⲡⲣⲱⲙⲉ ϩⲟⲙⲟⲗⲟⲅⲉ ⲛⲁⲩ · ϫⲉⲁⲓⲛⲁⲩ ⲉⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ · ⲉϥⲗⲟⲅⲭⲓⲍⲉ ⲙⲙⲟⲓ · ⲗⲟⲓⲡⲟⲛ ⲁϥⲙⲟⲩϣⲧ ⲙⲡⲥⲱⲙⲁ · ⲙⲡⲣⲱⲙⲉ ⲙⲡⲟⲩϩⲉ ⲉⲗⲁⲁⲩ · ⲙⲡⲱⲗϩ ⲛϩⲏⲧϥ ⲉⲡⲧⲏⲣϥ ·
- martyrdom.miracles.mercurius_part2:96
ⲛⲧⲉⲣⲟⲩϣⲗⲏⲗ ⲇⲉ ⲙⲡⲉⲥⲛⲁⲩ · ⲁϥⲡⲣⲟⲧⲣⲉⲡⲉ ⲙⲡϣⲏⲣⲉ ϣⲏⲙ · ⲁϥϫⲓⲧϥ ⲉⲡⲙⲁ ⲉⲧϥⲟⲩⲏϩ ⲛϩⲏⲧϥ ⲛⲧⲡⲉ · ⲁⲩⲟⲩⲱⲙ ⲁⲩⲥⲱ ⲙⲛⲛⲉⲩⲉⲣⲏⲩ · ⲁϥⲛⲁⲩ ⲉⲧϣⲉⲉⲣⲉ ϣⲏⲙ ⲁϥⲣⲁϣⲉ ⲉⲙⲁⲧⲉ ·
- martyrdom.miracles.mercurius_part2:97
ⲁⲩⲱ ⲛⲉϥⲗⲩⲡⲉⲓ ⲉⲧⲃⲏⲏⲧⲥ · ϫⲉⲛⲉⲥⲃⲁⲥⲁⲛⲓⲍⲉ ⲁⲩⲱ ⲛⲉϥϣⲓⲡⲉ ϩⲏⲧⲥ ⲛⲛⲉⲥⲉⲓⲟⲧⲉ ϫⲉⲛⲧ.... ⲙⲡⲉⲥϣⲱⲛⲉ · ⲁⲩⲱ ⲟⲛ ⲉϥⲣϩⲟⲧⲉ ϫⲉⲛⲉⲡⲙⲁⲣⲧⲩⲣⲟⲥ ⲟⲩⲟⲛϩϥ ⲉⲃⲟⲗ · ϩⲁⲡⲗⲟⲥ ⲛⲓⲣⲉϩⲁϩ ⲛⲣⲟⲟⲩϣ ϩⲙⲡⲓϩⲏⲧ ⲙⲡϣⲏⲣⲉ ϣⲏⲙ ·
- martyrdom.mercurius:97
ⲁϥϫⲟⲟⲥ ⲅⲁⲣ ϫⲉⲙⲡⲣⲣϩⲟⲧⲉ ϩⲏⲧⲟⲩ · ⲛⲛⲉⲧⲛⲁⲙⲟⲩⲟⲩⲧ ⲙⲡⲉⲧⲛⲥⲱⲙⲁ · ⲉⲙⲛϭⲟⲙ ⲇⲉ ⲙⲙⲟⲟⲩ ⲉⲙⲟⲩⲟⲩⲧ ⲛⲛⲉⲧⲙⲯⲩⲭⲏ ·
- encomium.mercurius:97
ⲁϥⲟⲩⲱϣⲃ ⲛϭⲓⲡⲣⲣⲟ ⲇⲉⲕⲓⲟⲥ ⲡⲉϫⲁϥ ⲛⲁϥ · ϫⲉⲙⲉⲣⲕⲟⲩⲣⲓⲟⲥ · ϣⲁⲧⲉⲛⲟⲩ ⲙⲡⲓⲡⲓⲥⲧⲉⲩⲉ ⲉⲛⲉⲛⲧⲁⲩϫⲟⲟⲩ · ⲛⲁⲓ ⲉⲧⲃⲏⲏⲧⲕ · ⲛϭⲓⲛⲉⲕⲕⲁⲧⲏⲅⲟⲣⲟⲥ · ϯⲥⲟⲟⲩⲛ ⲅⲁⲣ · ϫⲉⲉⲓⲧⲉⲃⲉ ⲟⲩⲫⲑⲟⲛⲟⲥ ⲛⲧⲁⲩⲕⲁⲧⲏⲅⲟⲣⲓⲁ ⲙⲙⲟⲕ · ⲛⲁⲓ ⲛⲧⲉⲣⲟⲩⲛⲁⲩ ⲉⲧⲛⲟϭ ⲛϯⲙⲏ ⲛⲧⲁⲓⲧⲁⲁⲥ ⲛⲁⲕ · ϩⲛⲧⲙⲏⲏⲧⲉ ⲙⲡⲁⲣⲓⲑⲙⲟⲥ ⲧⲏⲣϥ · ⲙⲛⲡⲉⲥⲧⲣⲁⲧⲉⲩⲙⲁ ·
- martyrdom.miracles.mercurius_part1:97
ⲁⲩϫⲓⲛⲟⲩϥ · ϫⲉⲉϥⲧⲱⲛ ⲙⲡⲱⲗϩ ⲉⲧϩⲙⲡⲉⲕⲥⲱⲙⲁ · ⲕⲉⲙⲁⲗⲓⲥⲧⲁ ⲉⲕⲱϣ · ⲉⲃⲟⲗ ϫⲉ · ⲉⲓⲥⲡⲇⲓⲕⲁⲓⲟⲥ ⲗⲟⲅⲕⲓⲍⲉ ⲙⲙⲟⲓ · ⲉⲧⲁⲟⲩⲣⲏⲧⲉ ϩⲙⲡⲉϥⲕⲟⲩⲛⲧⲁⲣⲓⲟⲛ ·
- encomium.mercurius:98
ⲧⲉⲛⲟⲩ ϭⲉ ⲥⲱⲧⲙ ⲛⲥⲱⲓ : ⲛⲅⲑⲩⲥⲓⲁⲍⲉ ⲛⲛⲛⲟⲩⲧⲉ ·
- martyrdom.miracles.mercurius_part2:98
ⲡϩⲁⲅⲓⲟⲥ ⲇⲉ ⲙⲉⲣⲕⲟⲩⲣⲓⲟⲥ · ⲁϥⲟⲩⲟⲛϩϥ ⲉⲃⲟⲗ ⲉⲡⲉⲓⲱⲧ ⲛⲧϣⲉⲉⲣⲉ ϣⲏⲙ · ⲁϥⲧⲱⲟⲩⲛ ⲙⲙⲟϥ ⲉϥⲛⲕⲟⲧⲕ · ⲁϥϫⲓⲧϥ ⲙⲡⲃⲟⲗ ⲙⲡⲙⲁ ⲛϥⲛⲕⲟⲧⲕ ⲛϩⲏⲧϥ · ⲁϥϫⲓⲛⲟⲩϥ ϫⲉϯⲧⲉⲕϣⲉⲉⲣⲉ ⲙⲡⲉϩⲣϣⲓⲣⲉ ⲉⲧϩⲁϩⲧⲏⲕ · ⲉϣⲱⲡⲉ ⲉⲕⲟⲩⲱϣ ⲧⲣⲁⲧⲁⲗϭⲟⲥ ⲛⲁⲕ · ⲁⲩⲱ ⲙⲉⲣϣⲓⲛⲉ ⲛⲥⲁⲡⲉⲧϩⲟⲟⲩ ⲉϩⲟⲩⲛ ⲉⲣⲟϥ ϫⲉⲛⲉⲕⲉϫⲣⲟⲡⲧⲁϩⲟⲥ ⲛϩⲟⲩⲟ ⲉⲡⲁⲓ ·
- martyrdom.miracles.mercurius_part1:98
ⲡⲉϫⲉⲡⲣⲱⲙⲉ ⲛⲁⲩ · ϫⲉϫⲓⲛⲛⲧⲉⲩⲛⲟⲩ · ⲛⲧⲁϭⲁⲙⲟⲩⲗ ⲕⲁⲁⲧ ⲉⲃⲟⲗ · ⲉⲁϥϫⲱϩ ⲉⲉⲡⲁⲥⲱⲙⲁ ⲧⲏⲣϥ · ⲁⲓⲟⲩϫⲁⲓ ·
- martyrdom.mercurius:98
ⲁⲗⲗⲁ ⲁⲣⲓϩⲟⲧⲉ ϩⲏⲧϥ ⲛϩⲟⲩⲟ ⲙⲡⲉⲧⲉⲟⲩⲛϭⲟⲙ ⲙⲙⲟϥ ⲉⲧⲁⲕⲟ ⲛⲛⲉⲧⲙⲯⲩⲭⲏ ⲙⲛⲡⲉⲧⲛⲥⲱⲙⲁ ϩⲣⲁⲓ ϩⲛⲧⲅⲉϩⲉⲛⲛⲁ ⲛⲥⲁⲧⲉ ⁘ ⁘
- martyrdom.mercurius:99
ⲧⲟⲧⲉ ⲁϥⲕⲉⲗⲉⲩⲉ ⲛϭⲓⲡⲣⲣⲟ ⲉⲧⲣⲉⲩⲉⲓⲛⲉ ⲛⲟⲩⲡⲉⲛⲓⲡⲉ ⲉϥⲗⲟⲃϣ ⲛⲥⲉⲕⲁⲁϥ ϩⲁⲛⲉϥⲁⲛⲁⲅⲕⲁⲓⲟⲛ ·
- encomium.mercurius:99
ⲙⲡⲣⲧⲣⲉⲡϩⲟⲃ ⲁⲛⲁⲅⲁⲍⲉ ⲙⲙⲟⲓ · ⲛⲧⲁⲓⲣⲡⲱⲃϣ ⲛⲧⲇⲓⲁⲑⲉⲥⲓⲥ ⲉⲛⲉⲟⲩⲛⲧⲁⲓⲥ ⲉϩⲟⲩⲛ ⲉⲣⲟⲕ · ⲛⲧⲁⲓϥⲓ ⲛⲧⲟⲟⲧⲕ ⲙⲡⲉⲕⲁⲝⲓⲱⲙⲁ · ⲁⲩⲱ ⲛⲧⲁϯ ⲛⲁⲕ ⲛϩⲉⲛⲛⲟϭ ⲛⲇⲓⲙⲟⲣⲓⲁ ·
- martyrdom.miracles.mercurius_part2:99
ⲁⲩⲱ ⲁϥⲧⲁⲙⲟϥ ϫⲉⲕⲉϣⲟⲙⲛⲧ ⲛⲉ · ϣⲁⲛⲧⲉⲡⲉϥⲉⲓⲱⲧ ⲙⲧⲟⲛ ⲙⲙⲟϥ · ϫⲉⲁϥϫⲱⲕ ⲉⲃⲟⲗ ⲛϭⲓⲡⲉϥⲁϩⲉ · ⲁⲩⲱ ⲙⲡⲉⲕⲁⲙⲉⲗⲉⲓ ⲉϫⲓ ⲛⲁϥ ⲛⲧⲉⲕϣⲉⲉⲣⲉ · ⲙⲛⲛⲥⲁⲡⲙⲟⲩ ⲙⲡⲉϥⲉⲓⲱⲧ · ⲁⲩⲱ ⲁϥⲧⲁⲙⲟϥ ⲉⲧϩⲉ ⲛⲧⲟϥⲙⲁⲅⲉⲩⲉ ⲛⲧⲉϥϣⲉⲉⲣⲉ · ϣⲁⲛⲧⲉⲥϣⲱⲛⲉ ⲉⲧⲃⲉⲡⲉϥⲟⲩⲱϣ ⲉⲃⲟⲗ ⲉϩⲟⲩⲛ ⲉⲣⲟⲥ · ⲁⲩⲱ ⲁϥⲧⲁⲙⲟϥ ⲟⲛ ⲉⲧⲧϩⲉ ⲛⲧⲟϥ ⲟⲩⲟⲛϩϥ ⲉⲃⲟⲗ ⲉⲡϣⲓⲣⲉ ⲛⲧϩⲉ ⲛⲧⲟϥ ⲁⲡⲉⲓⲗⲉ ⲉⲣⲟϥ ⲉⲧⲛⲧⲟⲟⲧϥ · ⲁⲩⲱ ⲉⲧⲃⲉϩⲱⲃ ⲛⲓⲙ ⲛⲧⲁⲩϣⲱⲡⲉ ⲙⲡϣⲏⲣⲉ ϣⲏⲙ · ϣⲁⲛⲧⲉϥⲉⲓ ⲉⲡⲙⲁⲣⲧⲩⲣⲓⲟⲛ ·
- martyrdom.miracles.mercurius_part1:99
ⲁⲩⲱ ⲛⲧⲉⲩⲛⲟⲩ ⲁⲡⲣⲱⲙⲉ ⲃⲱⲕ ⲉⲣⲁⲧϥ · ⲙⲡⲉⲡⲓⲥⲕⲟⲡⲟⲥ · ⲁϥⲃⲁⲡⲧⲓⲍⲉ ⲙⲙⲟϥ ⲙⲛⲡⲉϥⲓⲏ ⲧⲏⲣϥ · ⲁⲩⲱ ⲛⲉϥϩⲙϩⲁⲗ ⲧⲏⲣⲟⲩ · ⲁϥⲕⲁⲁⲩ ⲉⲃⲟⲗ ⲉⲩⲱⲣϥ ·
- encomium.mercurius:100
ⲁϥⲟⲩⲱϣⲃ ⲛϭⲓⲡⲙⲁⲕⲁⲣⲓⲟⲥ · ⲡⲉϫⲁϥ ⲙⲡⲣⲣⲟ · ϫⲉⲧⲙⲛⲧϣⲃⲏⲣ ⲙⲡⲉⲓⲕⲟⲥⲙⲟⲥ · ⲟⲩⲗⲁⲁⲩ ⲁⲛ ⲧⲉ · ⲟⲩⲙⲛⲧϫⲁϫⲉ ⲧⲉ ⲛⲁϩⲣⲙⲡⲛⲟⲩⲧⲉ ·
- martyrdom.miracles.mercurius_part1:100
ⲁⲩⲱ ⲁϥϯ ⲧϩⲩⲗⲏ ⲧⲏⲣⲥ · ⲛⲧⲁϥⲥⲟⲟⲩϩⲥ ⲉϩⲟⲩⲛ · ⲉⲡⲕⲱⲧ ⲙⲡⲉϥⲏⲓ · ⲙⲛⲛϣⲉ · ⲙⲛⲛⲛⲱⲛⲉ · ⲁⲩⲱ ⲛⲉϥⲧⲱⲃⲉ ⲧⲏⲣⲟⲩ ·
- martyrdom.mercurius:100
ⲁⲩⲱ ⲙⲛⲛⲥⲁⲛⲁⲓ ϩⲉⲛⲗⲁⲙⲡⲁⲥ ⲛⲕⲱϩⲧ ϩⲁⲛⲉϥⲥⲡⲓⲣⲟⲟⲩⲉ .
- martyrdom.miracles.mercurius_part2:100
ⲛⲁⲓ ⲇⲉ ⲛⲧⲉⲣⲉϥϫⲟⲟⲩ ⲛϭⲓⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ · ⲁϥϩⲟⲡϥ ⲉⲣⲟϥ · ⲡⲁⲣⲭⲱⲛ ⲇⲉ ⲁϥⲛⲉϩⲥⲉ ⲉϩⲣⲁⲓ ϩⲙⲡϩⲟⲣⲟⲙⲁ · ⲁϥϣⲱⲗⲙ ⲉⲩⲛⲟϭ ⲛⲥϯⲛⲟⲩϥⲉ · ⲉϥⲥⲟⲧⲡ ·
← Previous · Next → — showing 301–400 of 629
Coptic SCRIPTORIUM, corpus mercurius (github.com/CopticScriptorium/corpora). Licence as stated per document in the project's own meta.json and checked there at parse time. English, where present, is Coptic SCRIPTORIUM's aligned translation. Licence: CC-BY 4.0. Source.