Helias

Coptic literature (Coptic SCRIPTORIUM) · 531 sections

helias_martyrdom_part5:67
ⲡⲡⲉⲧⲟⲩⲁⲁⲃ ⲇⲉ ϩⲏⲗⲓⲁⲥ ⲛⲧⲉⲣⲉϥⲥⲱⲧⲙ ⲉⲛⲁⲓ ⲁϥⲥⲫⲣⲁⲅⲓⲍⲉ ⲙⲙⲟϥ ⲉⲡⲣⲁⲛ ⲙⲡⲉⲓⲱⲧ ⲙⲛⲡϣⲏⲣⲉ ⲙⲛⲡⲉⲡⲛⲉⲩⲙⲁ ⲉⲧⲟⲩⲁⲁⲃ
helias_martyrdom_part4:67
ⲁⲗⲗⲁ ⲡⲉϥϭⲱϣⲧ ⲉϩⲣⲁⲓ ⲉⲧⲡⲉ .
helias_martyrdom_part2:68
ⲡⲉϫⲉⲛⲣⲣⲟ ⲛⲁϥ ϫⲉϩⲏⲗⲓⲁⲥ
helias_martyrdom_part4:68
ⲁϥⲕⲉⲗⲉⲩⲉ ⲛϭⲓⲡⲣⲣⲟ · ⲉⲧⲣⲟⲩϯⲥⲟⲩⲃⲗⲓⲛ ·
helias_encomium:68
ⲡⲁⲗⲓⲛ ⲟⲛ ⲛϩⲛⲇⲏⲙⲉⲩⲥⲓⲥ ⲙⲛϩⲛⲕⲟⲗⲁⲥⲧⲏⲣⲓⲟⲛ ⲉⲩⲟϣ ⲡⲁⲗⲓⲛ ⲟⲛ ⲧⲁⲡⲟⲡⲓⲁ ⲛⲛⲇⲩⲙⲓⲟⲥ .
helias_martyrdom_part3:68
ⲡⲗⲏⲛ ⲛⲁⲓⲁⲧⲕ ϫⲉⲕⲛⲁⲟⲩϫⲁⲓ ⲉⲃⲟⲗ ϩⲓⲧⲟⲟⲧϥ ⲁⲩⲱ ⲕⲛⲁϫⲓ ⲕⲁⲧⲁⲑⲉⲣⲙⲉⲛⲓⲁ ⲙⲡⲉⲕⲣⲁⲛ ϫⲉⲡⲉⲛⲧⲁⲡⲛⲟⲩⲧⲉ ⲛⲁϩⲙⲉϥ . ⲛⲧⲟⲕ ⲕⲛⲁϩⲓⲧⲟⲟⲧⲕ ⲉⲣⲡⲉⲧϩⲟⲟⲩ ⲛϩⲏⲗⲓⲁⲥ ⲛⲧⲟϥ ϥⲛⲁⲉⲣⲡⲉⲧⲛⲁⲛⲟⲩϥ ⲛⲁⲕ ⲕⲛⲁϩⲓⲧⲟⲟⲧⲕ ⲉⲙⲟⲟⲩⲧϥ ϥⲛⲁϯⲡⲱⲛϩ ⲛⲁⲕ ⲁⲗⲗⲁ ϯⲧⲁⲣⲕⲟ ⲙⲙⲟⲕ ⲙⲡⲉϩⲙⲟⲧ ⲉⲧⲛⲁⲧⲁϩⲟⲕ · ϫⲉⲉⲕϣⲁⲛϫⲓⲡⲱⲛϩ ⲉⲃⲟⲗ ϩⲓⲧⲟⲟⲧϥ ⲙⲡⲡⲉⲧⲟⲩⲁⲁⲃ ϩⲏⲗⲓⲁⲥ ⲁⲣⲓⲡⲁⲙⲉⲉⲩⲉϩⲱ ϩⲁⲧⲏϥ ·
helias_martyrdom_part1:68
ⲉⲣⲉⲡⲡⲉⲧⲟⲩⲁⲁⲃ ϩⲏⲗⲓⲁⲥ ϭⲱϣⲧ ⲛⲥⲱϥ ϩⲟⲙⲁⲓⲟⲥ ⲇⲉ ⲟⲛ ⲛⲉⲣⲉⲟⲩⲛⲟϭ ⲛⲥϯⲛⲟⲩϥⲉ ϣⲱϣ ⲉⲃⲟⲗ ϩⲙⲛⲕⲟⲓⲧⲟⲛ ⲉⲧⲉⲣⲉⲡⲛⲉⲧⲟⲩⲁⲁⲃ ϩⲏⲗⲓⲁⲥ ⲉⲛⲕⲟⲧⲕ ⲛϩⲏⲧϥϩⲧⲟⲟⲩⲉ
helias_martyrdom_part5:68
ⲁⲩⲱ ⲁϥⲥⲟⲟⲩⲧⲛ ⲉⲃⲟⲗ ⲙⲡⲉϥⲙⲁⲕϩ ⲁⲩϥⲓ ⲛⲧⲉϥϩⲗⲡⲉ ⲙⲡⲛⲁⲩ ⲛϫⲏⲡⲥⲟ ⲛⲥⲟⲩⲙⲛⲧⲁⲥⲉ ⲙⲡⲁⲣⲉⲙϩⲁⲧⲡ .
helias_martyrdom_part1:69
ⲇⲉ ⲛⲧⲉⲣⲉϥϣⲱⲡⲉ ⲙⲡⲉⲡⲡⲉⲧⲟⲩⲁⲁⲃ ϩⲏⲗⲓⲁⲥ ⲃⲱⲕ ⲉⲡⲡⲁⲗⲗⲁϯⲟⲛ ⲙⲡⲣⲣⲟ ·
helias_encomium:69
ⲡⲁⲗⲓⲡⲟⲡ ⲉⲃⲟⲗ ϩⲛⲟⲩϭⲟⲙ ⲉⲩϭⲟⲙ ⲉⲃⲟⲗ ϩⲛⲟⲩⲙⲏⲧⲣⲣⲟ ⲉⲕⲉⲗⲁⲟⲥ .
helias_martyrdom_part4:69
ⲥⲛⲁⲩ ⲛⲕⲱϩⲧ ⲉϩⲟⲩⲛ ⲉⲛⲉϥⲙⲁⲁϫⲉ ⲁⲩⲱ ⲕⲉⲥⲛⲁⲩ ⲉϩⲟⲩⲛ ϩⲛⲛⲉϥⲃⲁⲗ ·
helias_martyrdom_part2:69
ⲁⲕⲛⲁⲩ ⲉⲧⲁⲣⲭⲏ ⲛⲛⲃⲁⲥⲁⲛⲟⲥ ϫⲉⲥⲉϩⲟⲟⲩ ⲉⲙⲁⲧⲉ
helias_martyrdom_part3:69
ⲁⲣⲏⲩ ⲛϥⲥⲟⲡⲥ ⲙⲡⲉϥⲛⲟⲩⲧⲉ ⲓⲏⲥⲟⲩⲥ ⲛϥⲥⲟⲧⲛ ϩⲉⲛⲛⲉⲕⲟⲗⲁⲥⲓⲥ ⲉⲧⲉⲛϣⲟⲟⲡ ⲛϩⲏⲧⲟⲩ ⲉⲡⲉⲓⲇⲏ ⲥⲉⲃⲁⲥⲁⲛⲓⲍⲉ ⲙⲙⲟⲛ ⲉⲡⲉϩⲟⲩⲟ ϫⲉⲁⲛⲁⲣⲛⲁ ⲙⲙⲟϥ ϩⲛⲧⲉⲛⲙⲛⲧⲁⲧⲥⲟⲟⲩⲛ ⲙⲡⲉⲟⲩⲟⲉⲓϣ ⲉⲛϩⲉⲙ ⲛⲕⲟⲥⲙⲟⲥ .
helias_martyrdom_part5:69
ⲁⲛⲁⲅⲅⲉⲗⲟⲥ ⲙⲛⲛⲉⲧⲟⲩⲁⲁⲃ ⲧⲏⲣⲟⲩ ⲉⲓ ⲉⲃⲟⲗ ϩⲁⲧⲉϥϩⲏ ⲁⲩⲁⲥⲡⲁⲍⲉ ⲙⲙⲟϥ
helias_encomium:70
ⲉⲃⲟⲗ ϩⲛⲟⲩⲃⲏⲙⲁ ⲉⲩⲃⲏⲙⲁ ⲉⲃⲟⲗ ϩⲛϩⲛϩⲓⲥⲉ ⲉⲛⲁϣⲱⲟⲩ ⲉϩⲟⲩⲛ ⲉϩⲛⲟⲻⲗⲓⲯⲓⲥ ⲉⲩⲟϣ .
helias_martyrdom_part5:70
ⲁⲩⲱ ⲁⲩϫⲱ ⲛⲧⲱⲇⲏ ⲙⲡⲁⲗⲗⲏⲗⲟⲩⲡⲁ ϣⲁⲛⲧⲟⲩϫⲓⲧϥ ⲉⲧⲡⲟⲗⲓⲥ ⲙⲡⲉⲭⲣⲓⲥⲧⲟⲥ
helias_martyrdom_part4:70
ⲙⲛⲛⲥⲱⲥ ⲛⲥⲉⲥⲱⲗⲛ ⲙⲡⲉϥⲗⲁⲥ ·
helias_martyrdom_part1:70
ⲕⲁⲧⲁⲧⲉϥⲥⲩⲡⲏⲑⲓⲁ ⲗⲟⲓⲡⲟⲛ ⲁⲡⲣⲣⲟ ⲧⲛⲛⲟⲟⲩ ⲛⲥⲱϥ ⲡⲉϫⲉⲛⲃⲁⲓϣⲓⲛⲉ ⲛⲁϥ ϫⲉⲡⲣⲣⲟ ⲙⲟⲩⲧⲉ ⲉⲣⲟⲕ ⲱ ϩⲏⲗⲓⲁⲥ ·
helias_martyrdom_part3:70
ⲧⲉⲛⲟⲩ ⲁⲛ ⲉⲓⲙⲉ ϫⲉⲟⲩⲛⲟⲩⲧⲉ ⲛⲛⲁⲏⲧ ⲡⲉⲓⲏⲥⲟⲩⲥ ϣⲁϥⲕⲱ ⲉⲃⲟⲗ ⲛⲛⲉⲛⲟⲃⲉ ⲛⲟⲩⲟⲛ ⲛⲓⲙ ⲉⲧⲟⲩⲛⲁⲕⲧⲟⲟⲩ ⲉⲣⲟϥ ϩⲛⲟⲩϩⲏⲧ ⲉϥⲥⲟⲩⲧⲱⲛ .
helias_martyrdom_part2:70
ⲥⲱⲧⲙ ϭⲉ ⲛⲥⲱⲓ ⲛⲅⲉⲣⲃⲟⲗ ⲉⲡⲉⲓⲃⲁⲥⲁⲛⲟⲥ ⲉⲧϩⲟⲟⲩ .
helias_martyrdom_part5:71
ⲛⲧⲉⲣⲟⲩϥⲓ ⲇⲉ ⲛⲧⲉϥⲁⲡⲉ ⲁⲩϥⲓ ⲙⲡⲉϥⲥⲱⲙⲁ ⲁⲩⲕⲁⲁϥ ϩⲏⲟⲩⲛⲏⲥⲟⲥ ϩⲏⲧⲙⲏⲧⲉ ⲛⲧⲑⲁⲗⲁⲥⲥⲁ .
helias_martyrdom_part2:71
ⲡⲉϫⲉⲡϩⲁⲅⲓⲟⲥ ⲛⲁϥ ϫⲉⲛⲥⲥⲙⲉⲗⲉⲓ ⲁⲛ ϩⲁⲛⲉⲕⲃⲁⲥⲁⲛⲟⲥ ⲱ ⲡϣⲏⲣⲉ ⲙⲛⲇⲓⲁⲃⲟⲗⲟⲥ .
helias_martyrdom_part4:71
ϩⲱⲥⲧⲉ ⲛⲧⲉⲡⲉϥⲁⲛⲕⲉⲫⲁⲗⲟⲥ ϭⲱϩⲧ ··— ⲙⲛⲛⲥⲱⲥ ⲁϥⲕⲉⲗⲉⲩⲉ ⲛⲥⲉⲧⲁⲗⲟϥ ϩⲓϫⲛⲟⲩⲙⲁⲛⲉⲛⲕⲟⲧⲕ ·
helias_martyrdom_part1:71
ⲁϩⲣⲟⲕ ⲙⲛϩⲟⲟⲩ ⲙⲡⲉⲕⲉⲓ ⲉⲡⲡⲁⲗⲗⲁϯⲟⲛ :ⲻ:ⲻ:ⲻ
helias_martyrdom_part3:71
ⲡⲣⲣⲟ ⲇⲉ ⲛⲧⲉⲣⲉϥⲥⲱⲧⲙ ⲉⲛⲉⲓϣⲁϫⲉ ⲡⲉϫⲁϥ ϫⲉⲟⲩⲡⲧⲉⲧⲛⲛⲁⲁⲁϥ ⲛϩⲏⲗⲓⲁⲥ ⲡⲉⲭⲣⲏⲥϯⲁⲛⲟⲥ ⲛⲧⲁϥⲧⲣⲉ ⲛⲇⲁⲓⲙⲱⲛⲓⲟⲛ ⲁϩⲉⲣⲁⲧⲟⲩ ϩⲉⲛⲟⲩⲫⲁⲛⲧⲁⲥⲓⲁ ⲁⲩϫⲱ ⲛⲛⲉⲓϣⲁϫⲉ ⲙⲙⲛⲧⲛⲟⲩϫ ϫⲉ ⲉⲛⲛⲁⲉⲣϩⲟⲧⲉ ⲛⲧⲉⲛϯⲥⲟ ⲉⲣⲟϥ ⲁϥⲟⲩⲱϣⲃ ⲛϭⲓⲡⲙⲁⲅⲟⲥ ⲡⲉϫⲁϥ ⲙⲡⲣⲣⲟ ϫⲉⲙⲡⲉⲣⲙⲉⲉⲩⲉ ϫⲉϩⲉⲛⲙⲛⲧⲛⲟⲩϫⲛⲉ ⲛⲉϣⲁϫⲉ ⲛⲧⲁⲧⲉⲓⲯⲩⲭⲏ ϫⲟⲟⲩ ⲙⲙⲟⲛ .
helias_encomium:71
ⲛϩⲟⲡⲗⲟⲛ ⲅⲁⲣ ⲛⲧⲉϥⲙⲛⲧⲙⲁⲧⲟⲓ ⲛϩⲛⲥⲁⲣⲅⲓⲕⲟⲛ ⲁⲛⲡⲉ ⲁⲗⲗⲁ ϩⲛϭⲟⲙ ⲛⲧⲉⲛⲛⲟⲩⲧⲉ ⲛⲉ ⲁϥⲟⲩⲱⲛϩ ⲉⲃⲟⲗ ⲉϥⲁⲕⲟⲩⲗⲟⲩⲑⲉⲓ ⲙⲡⲉⲭⲣⲓⲥⲧⲟⲥ ⲛⲁⲓ ⲛⲧⲁϥⲁϩⲉⲣⲁⲧϥ ⲙⲡⲉⲙⲧⲟ ⲉⲃⲟⲗ ⲡⲡⲁⲣⲭⲓⲉⲣⲉⲩⲥ ⲙⲛϩⲏⲣⲱⲇⲏⲥ ⲙⲉⲛⲡⲓⲗⲁⲧⲟⲥ . ϣⲁⲩϫⲟⲟⲥ ⲅⲁⲣ ⲛϭⲓⲛⲥⲟⲫⲟⲥ ·
helias_martyrdom_part3:72
ⲉⲡⲉⲓⲇⲏ ⲁⲧⲉⲓⲯⲩⲭⲏ ϫⲟⲟⲥ ϫⲉⲛⲧⲉⲕϭⲟⲙ ⲁⲛ ⲡⲉϯⲧⲱⲛ ⲙⲛϩⲏⲗⲓⲁⲥ ⲡⲉⲭⲣⲏⲥϯⲁⲛⲟⲥ ⲉⲧⲃⲉⲡⲉϥⲛⲟⲩⲧⲉ ϫⲉϥϯ ⲉⲃⲟⲗ ϩⲓϫⲱϥ ϯⲡⲓⲥⲧⲉⲩⲉ ϫⲉⲟⲩⲙⲉ ⲡⲉⲡϣⲁϫⲉ ⲉⲡⲉⲓⲇⲏ ⲁⲓⲥⲱⲧⲙ ⲛⲟⲩⲟⲉⲓϣ ⲉⲧⲃⲉϩⲛⲁⲣⲭⲁⲓⲟⲥ ⲙⲙⲁⲅⲟⲥ ⲉϩⲛⲣⲉⲙⲛⲕⲏⲙⲉ ⲛⲉ ⲉⲩⲟ ⲛⲥⲟⲛ ⲥⲛⲁⲩ ⲟⲩⲁ ϫⲉⲓⲁⲛⲛⲏⲥ
helias_martyrdom_part1:72
ⲡⲉϫⲉⲡⲡⲉⲧⲟⲩⲁⲗⲃ ⲛⲁⲩ ϫⲉⲃⲱⲕ ⲁϫⲓⲥ ⲙⲡⲣⲣⲟ ϫⲉⲡⲉϫⲉϩⲏⲗⲓⲁⲥ ⲛϩⲙϩⲁⲗ ⲛⲓⲏⲥⲟⲩⲥ ⲡⲉⲭⲣⲓⲥⲧⲟⲥ ϫⲉⲛϯⲛⲁϩⲩⲡⲟⲧⲁⲥⲥⲉ ⲛⲁⲕ ⲁⲛ ϫⲓⲛⲡⲉⲓⲛⲁⲩ ϫⲉⲛϣϣⲉ ⲁⲛ ⲙⲡⲉⲧⲟⲛϩ ⲉ
helias_encomium:72
ⲉⲧⲃⲉⲧⲉⲫⲩⲥⲓⲥ ⲙⲡⲛⲟⲩⲃ ϫⲉⲡⲉⲧⲟⲩⲛⲁⲇⲱⲕⲓⲙⲁⲍⲉ ⲙⲙⲟϥ ϩⲛⲧⲉϩⲣⲱ ⲙⲡϣⲟⲣⲡ ⲛⲥⲟⲡ ⲙⲛⲙⲡⲉϩⲥⲛⲁⲩⲙⲛⲡⲙⲉϩϣⲟⲙⲛⲧ ⲛⲧⲟϥ ⲡⲉ ⲡⲛⲟⲩⲃ ⲛⲇⲱⲕⲓⲙⲏ .
helias_martyrdom_part2:72
ⲡⲣⲣⲟ ⲇⲉ ⲛⲧⲉⲣⲉϥⲥⲱⲧⲙ ⲉⲛⲁⲓ ⲁϥϭⲱⲛⲧ ⲉⲙⲁⲧⲉ ⲁϥⲕⲉⲗⲉⲩⲉ ⲉⲧⲣⲉⲩⲉⲓⲛⲉ ⲛⲡⲉϥⲉⲓⲃ ⲟⲩⲁ ⲟⲩⲁ ⲛⲁⲛⲉϥϭⲓϫ ⲙⲛⲛⲁⲡⲉϥⲟⲩⲉⲣⲏⲧⲉ
helias_martyrdom_part5:72
ϣⲁⲡⲉϩⲟⲟⲩ ⲛⲧⲁⲡⲛⲟⲩⲧⲉ ⲟⲩⲟⲛϩϥ ⲉⲃⲟⲗ ⲉⲇⲓⲕⲁⲓⲟⲥ ⲥⲛⲁⲩ ⲙⲙⲟⲡⲁⲭⲟⲥ ϩⲙⲡⲕⲁϩ ⲛⲕⲏⲙⲉ ϩⲛⲟⲩϩⲟⲣⲟⲙⲁ ⲛⲥⲉⲃⲱⲕ ⲛⲥⲁⲡⲉϥⲥⲱⲙⲁ ⲛⲥⲉⲉⲛⲧϥ ⲉⲕⲏⲙⲉ ⲛⲥⲉⲕⲁⲁϥ ϩⲙⲡⲙⲁ ⲛⲧⲁⲡϫⲟⲉⲓⲥ ⲥⲉⲃⲧⲱⲧϥ ⲛⲁϥ . ⲧⲁⲓ ⲧⲉ ⲧϩⲉ ⲛⲧⲁϥϫⲱⲕ ⲉⲃⲟⲗ ⲛⲧⲉϥⲙⲁⲣⲧⲩⲣⲓⲁ ⲁϥⲃⲱⲕ ⲉϩⲣⲁⲓ ⲉⲙⲡⲏⲩⲉ ϩⲛⲟⲩⲉⲟⲟⲩ ⲁϥϫⲓ ⲙⲡⲉⲕⲗⲟⲙ ⲛⲁⲧⲧⲁⲕⲟ ϩⲛⲟⲩⲉⲓⲣⲏⲛⲏ ϩⲁⲙⲏⲛ .
helias_martyrdom_part4:72
ⲙⲡⲉⲓⲓⲡⲉ · ⲛⲥⲉⲡⲱϩⲧ ⲛⲟⲩⲧⲁϩⲧ ⲉϥⲃⲣⲃⲣ ⲉϩⲣⲁⲓ ⲉⲣⲱϥ .
helias_encomium:73
ⲡⲡⲉⲧⲟⲩⲁⲁⲃ ⲇⲉ ϩⲱⲱϥ ⲙⲙⲁⲣⲧⲩⲣⲟⲥ ⲛϩⲁⲅⲓⲟⲥ ϩⲏⲗⲓⲁⲥ ϩⲱⲥ ⲉⲁϥⲟⲩⲱⲛϩ ⲉⲃⲟⲗ ⲙⲡϣⲟⲣⲡ ⲛⲕⲩⲙⲛⲁⲥⲓⲟⲛ ⲙⲛⲡⲙⲉϩⲥⲛⲁⲩ ⲙⲉⲛⲡⲙⲉϩϣⲟⲙⲧ .
helias_martyrdom_part2:73
ⲡⲉϫⲉ ⲡⲣⲣⲟ ⲛⲁϥϫⲉⲥⲱⲧⲙ ⲛⲥⲱⲓ ⲛⲧⲁⲣⲉⲕⲣⲃⲟⲗ ⲉϩⲉⲛⲃⲁⲥⲁⲛⲟⲥ ⲉⲩϩⲟⲟⲩ ⲑⲩⲥⲓⲁⲍⲉ ⲛⲧⲁⲕⲁⲁⲕ ⲉⲃⲟⲗ .
helias_martyrdom_part5:73
ⲟⲩⲟⲛ ⲛⲓⲙ ⲛⲧⲁⲩⲉⲣⲙⲁⲣⲧⲩⲣⲟⲥ ⲙⲛⲡϩⲁⲅⲓⲟⲥ ϩⲏⲗⲓⲁⲥ ⲁⲩϫⲓ ⲙⲡⲉⲕⲗⲟⲙ ⲙⲡⲱⲛϩ ϣⲁⲉⲛⲉϩ ⲥⲉⲉⲓⲣⲉ ⲛⲥⲟⲟⲩ ⲛϣⲟϥⲧⲟⲟⲩ ⲛϣⲉⲙⲁⲁⲃⲉ ⲙⲯⲩⲭⲏ ⲙⲛⲡϩⲁⲅⲓⲟⲥ ϩⲏⲗⲓⲁⲥ ⲁⲩⲃⲱⲕ ⲉϩⲟⲩⲛ ⲉⲡⲱⲛϩ ⲉⲣⲉⲡⲉⲩⲥⲙⲟⲩ ⲉⲧⲟⲩⲁⲁⲃ ϣⲱⲡⲉ ⲛⲉⲙⲁⲛ ϩⲁⲙⲏⲛ : ⲻ
helias_martyrdom_part4:73
ⲡⲡⲉⲧⲟⲩⲁⲁⲃ ⲇⲉ ϩⲏⲗⲓⲁⲥ ⲁϥⲧⲱⲟⲩⲛ ϩⲁⲧⲉⲓⲕⲉⲃⲁⲥⲁⲛⲟⲥ ϩⲛⲟⲩ
helias_martyrdom_part3:73
ⲁⲩⲱ ⲕⲉⲟⲩⲁ ϫⲉⲓⲁⲙⲃⲣⲏⲥ ⲁⲩϯ ⲉϩⲟⲩⲛ ⲉϩⲣⲁϥ ⲛⲟⲩⲣⲱⲙⲉ ϫⲉⲙⲱⲩⲥⲏⲥ
helias_martyrdom_part3:74
ⲁⲩⲱ ⲙⲡⲟⲩⲉϣϭⲙϭⲟⲙ ⲉⲣⲟϥ ·
helias_martyrdom_part2:74
ⲡⲉϫⲉ ⲡⲡⲉⲧⲟⲩⲁⲁⲃ ϩⲏⲗⲓⲁⲥ ϫⲉ ⲛⲧⲁⲕⲉⲓⲣⲉ ⲛⲁⲓ ⲧⲉⲛⲟⲩ ⲛⲟⲩⲡⲉⲧⲛⲁⲛⲟⲩϥ ⲱ ⲡⲣⲣⲟ ϥⲥⲏϩ ⲅⲁⲣ ⲛⲧⲉⲓϩⲉ ϫⲉⲡⲙⲟⲩ ⲉϥⲧⲱⲛ ⲡⲉⲕⲉⲓⲃ ⲡⲉⲓⲃ ⲇⲉ ⲙⲡⲙⲟⲩ ⲡⲉ ⲡⲛⲟⲃⲉ ·
helias_encomium:74
ⲉⲧⲃⲉ ⲡⲁⲓ ⲁⲛⲉϥⲕⲗⲟⲙ ϣⲱⲛⲉ ⲛⲗⲁⲙⲡⲣⲟⲛ ϩⲛⲙⲡⲏⲩⲉ
helias_martyrdom_part5:74
ⲁⲩⲱ ⲧⲁⲓ ⲧⲉ ⲧϩⲉ ⲛⲧⲁⲡⲡⲉⲧⲟⲩⲁⲁⲃ ϩⲏⲗⲓⲁⲥ ϫⲱⲕ ⲉⲃⲟⲗ ⲙⲡⲉϥⲁⲅⲱⲛ ⲛⲉⲧⲧⲁⲓⲏⲩ ⲛⲥⲟⲩⲙⲛⲧⲁⲥⲉ ⲙⲡⲁⲣⲙϩⲟⲧⲡ ⲉⲁϥ ⲉⲓ ⲉⲧⲟⲟⲧⲟⲩ ⲛϣⲟⲙⲛⲧ ⲛⲣⲣⲟ ⲉⲧⲉⲛⲁⲓ ⲛⲉ .
helias_encomium:75
ⲁⲩⲱ ϩⲓϫⲙⲛⲕⲁϩ ⲁϥⲉⲓ ⲉⲃⲟⲗ ϩⲓⲧⲛⲛⲟⲩⲕⲱϩⲧ ⲙⲛⲟⲩⲙⲟⲟⲩ ⲁⲗⲗⲁ ϥⲕⲏ ⲛⲁϥⲉϩⲣⲁⲓ ⲛϭⲓⲛⲙⲁⲛⲙⲧⲟⲛ ⲛⲣⲉϥⲯⲁⲗⲗⲉⲓ .
helias_martyrdom_part2:75
ⲉⲧⲃⲉⲡⲁⲓ ⲡⲉⲓⲃ ⲙⲡⲙⲟⲩ ⲡⲉ ⲡⲁⲓ ⲛⲧⲁⲕⲡⲟⲣⲕϥ ⲛϩⲏⲧ .
helias_martyrdom_part3:75
ⲉⲧⲃⲉⲡⲉϥⲛⲟⲩⲧⲉ ϫⲉϥϯ ⲉⲃⲟⲗ ϩⲓϫⲱϥ .
helias_martyrdom_part5:75
ⲏⲣⲱⲇⲓⲁⲛⲟⲥ ⲡⲣⲣⲟ ⲛⲉⲛϩⲛⲧⲟⲩ ⲁⲩⲱ ⲛⲉⲩⲣⲙⲧⲉⲭⲱⲣⲁ ⲉⲧⲙⲙⲁⲩ ⲡⲉ ⲡϩⲁⲅⲓⲟⲥ ϩⲏⲗⲓⲁⲥ .
helias_martyrdom_part5:76
ⲡⲙⲉϩⲥⲛⲁⲩ ⲡⲉ ⲗⲓⲃⲉⲣⲓⲁⲛⲟⲥ ⲡⲣⲣⲟ ⲛⲧⲕⲟⲩⲛⲑⲓⲁ ⲡⲙⲉϩϣⲟⲙⲛⲧ ⲡⲉ ⲉⲩⲧⲩⲭⲱⲇⲟⲣⲟⲥ ⲡⲣⲣⲟ ⲛⲛⲉⲙⲏⲧⲟⲥ ⲉⲁϥϫⲱⲕ ⲉⲃⲟⲗ ϩⲓⲧⲟⲟⲧϥ ⲁϥⲃⲱⲕ ⲉϩⲣⲁⲓ ⲙⲡⲏⲩⲉ ϩⲛⲟⲩⲉⲟⲟⲩ ⲙⲛⲟⲩⲧⲁⲉⲓⲟ .
helias_martyrdom_part2:76
ⲛⲧⲉⲣⲉϥⲉⲓⲙⲉ ⲛϭⲓⲡⲣⲣⲟ ϫⲉⲙⲡⲉϥϩⲱϣ ϩⲁⲧⲉⲓⲕⲉⲃⲁⲥⲁⲛⲟⲥ .
helias_encomium:76
ⲁⲩⲁϣⲧϥ ⲉⲩϣⲉ ⲁⲗⲗⲁ ϩⲱ ⲉⲡⲉⲥⲃⲟⲩⲓ ⲉⲧⲣⲉϥⲣⲧϩⲉ ⲙⲡⲉϥⲥⲁϩ ⲡⲁⲓ ⲛⲧⲁⲩⲥⲧⲁⲩⲣⲟⲩ ⲙⲙⲟϥ ϩⲁⲣⲟⲛ ⲁϥⲁⲙⲡⲟⲧⲁⲥⲥⲉ ⲛⲛⲉϥϣⲕⲉⲉⲣ ⲙⲡⲡⲉⲩⲟⲩⲱϣ ⲙⲛⲧⲧⲉⲣⲯⲓⲥ ⲛⲣⲉϥⲧⲁⲕⲟ ⲁⲗⲗⲗ ϥⲥⲃⲧⲱⲧ ⲡⲁϥ ⲛϭⲓⲡⲁⲣⲓⲥⲧⲟⲛ ⲛⲧⲙⲛⲧⲣⲣⲟ ⲛⲙⲡⲏⲩⲉ
helias_martyrdom_part3:76
ⲧⲉⲛⲟⲩ ϭⲉ ⲁⲛⲟⲛ ϩⲱⲱⲛ ⲱ ⲡⲣⲣⲟ ⲉⲛⲥⲟⲣⲙ ϩⲛⲧⲉⲛⲙⲛⲧⲥⲟϭ ϫⲉⲟⲩⲟⲛ ⲛⲓⲙ ⲉⲣⲉⲡⲛⲟⲩⲧⲉ ϯ ⲉⲃⲟⲗ ϩⲓϫⲱϥ ⲛⲧϭⲟⲙ ⲛⲗⲁⲁⲩ ⲉⲣⲟϥ ⲁⲛ ⲧⲉ .
helias_encomium:77
ⲁϥⲕⲱ ⲛⲥⲱϥ ⲛⲛⲉⲓⲁⲝⲓⲱⲙⲁ ⲙⲡⲣⲟⲥⲟⲩⲟⲉⲓϣ ⲁⲗⲗⲁ ⲥⲉϣⲟⲟⲡ ⲛⲁϥ ⲛϭⲓⲛⲁⲅⲁⲑⲟⲛ ⲛⲁⲡⲉⲣⲁⲛⲧⲟⲛ .
helias_martyrdom_part3:77
ⲡⲗⲏⲛ ⲛϯⲟⲩⲱϣ ⲁⲛ ⲉⲗⲩⲡⲉⲓ ⲙⲙⲟⲕ ⲱ ⲡⲣⲣⲟ ϯⲛⲁⲇⲱⲕⲓⲙⲁⲍⲉ ⲛϩⲏⲗⲓⲁⲥ ⲡⲉⲭⲣⲏⲥϯⲁⲛⲟⲥ ⲛϣⲟⲙⲛⲧ ⲛⲥⲟⲡ ⲉϣⲱⲡⲉ ⲙⲡⲓϭⲙϭⲟⲙ ⲉⲣⲟϥ ϩⲉⲛⲟⲩⲙⲉ ⲛⲧϭⲟⲙ ⲛⲧⲁⲁⲩ ⲉⲣⲟϥ ⲁⲛ ⲧⲉ .
helias_martyrdom_part2:77
ⲁϥⲕⲉⲗⲉⲩⲉ ⲛⲥⲉϩⲓⲧⲉ ⲙⲡϣⲗⲁⲣ ⲛⲛⲉϥⲥⲡⲓⲣⲟⲟⲩⲉ ⲛⲥⲉⲉⲓⲡⲉ ⲛⲛⲉϥⲙⲟⲩⲧⲉ ⲉⲃⲟⲗ ⲟⲩⲁ · ⲟⲩⲁ .
helias_martyrdom_part5:77
ⲉⲥⲉϣⲱⲡⲉ ⲇⲉ ⲙⲙⲟⲛ ϩⲱⲱⲛ ⲛⲧⲉⲛⲙⲁⲧⲉ ⲛⲛⲁⲅⲁⲑⲟⲛ ⲛⲧⲙⲛⲧⲣⲣⲟ ⲛⲙⲡⲏⲩⲉ ϩⲓⲧⲛⲧⲉⲭⲁⲣⲓⲥ ·
helias_encomium:78
ⲁϥⲕⲧⲉⲡⲉϥϩⲟ ⲥⲁⲃⲟⲗ ⲛⲡⲣⲣⲱⲟⲩ ⲙⲡⲕⲁϩ ⲁⲗⲗⲁ ⲧⲱϥⲧⲉ ⲧⲉⲑⲉⲱⲣⲓⲁ ⲙⲡⲟⲩⲟⲉⲓⲛ ⲛⲧⲉⲧⲣⲓⲁⲥ ⲉⲧⲟⲩⲁⲁⲃ ⲛϩⲟⲙⲟⲟⲩⲥⲓⲟⲛ .
helias_martyrdom_part2:78
ⲛⲁⲓ ⲛⲉ ⲛⲃⲁⲥⲁⲛⲟⲥ ⲛⲧⲁⲩⲧⲁⲁⲩ ⲛⲁϥ ⲙⲡⲉϩⲟⲟⲩ ⲉⲧⲙⲙⲁⲩ
helias_martyrdom_part3:78
ⲡⲣⲣⲟ ⲇⲉ ⲁϥⲃⲱⲕ ⲉϩⲟⲩⲛ ⲉⲡⲧⲁⲙⲉⲓⲟⲛ ⲡⲙⲁ ⲉⲧⲉⲣⲉⲡⲡⲉⲧⲟⲩⲁⲁⲃ ⲟⲧⲡ ⲉϩⲟⲩⲛ ⲉⲣⲟϥ ⲁϥϭⲉⲛⲧⲉⲥⲫⲣⲁⲅⲓⲥ ⲛⲧⲁϥⲧⲟⲟⲃⲉⲥ ⲉⲥⲟⲩⲟϫ ⲛⲧⲉⲥϩⲉ .
helias_martyrdom_part5:78
ⲙⲛⲧⲙⲛⲧⲙⲁⲓⲣⲱⲙⲉ ⲙⲡⲉⲛϫⲟⲉⲓⲥ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ ⲻ: ⲡⲁⲓ ⲡⲉⲟⲟⲩ ⲛⲁϥ ⲙⲛⲡⲉϥⲉⲓⲱⲧ ⲛⲁⲅⲁⲑⲟⲥ ⲙⲛⲡⲉⲡⲛⲉⲩⲙⲁ ⲉⲧⲟⲩⲁⲁⲃ · ⲛⲣⲉⲧⲁⲛϩⲟ ⲁⲩⲱ ⲛϩⲟⲙⲟⲑⲩⲥⲓⲟⲛ · ⲧⲉⲛⲟⲩ ⲁⲩⲱ ⲛⲟⲩⲟⲉⲓϣ ⲛⲓⲙ . ϣⲁⲉⲛⲉϩ ⲛⲉⲛⲉϩ ϩⲁⲙⲏⲏ .
helias_martyrdom_part2:79
ⲡⲉϫⲉ ⲡⲣⲣⲟ ϫⲉⲱ ϩⲏⲗⲓⲁⲥ ⲕⲉⲃⲁⲥⲁⲛⲟⲥ ⲙⲙⲁⲧⲉ ⲧⲉ ϯⲛⲁⲧⲁⲁⲥ ⲛⲁⲕ ⲉϣⲱⲡⲉ ⲙⲉⲕⲑⲩⲥⲓⲁⲍⲉ ϣⲉⲡⲟⲩϫⲁⲓ ⲛⲧⲁⲙⲛⲧⲣⲣⲟ ϯⲛⲁⲙⲟⲟⲩⲧⲕ ϩⲛⲟⲩⲙⲟⲩ ⲉϥϩⲟⲟⲩ ⲡⲉϫⲉⲡϩⲁⲅⲓⲟⲥ ϩⲏⲗⲓⲁⲥ ⲛⲁϥ ϫⲉϥⲥⲏϩ ϫⲉⲙⲡⲉⲣⲣϩⲟⲧⲉ ϩⲏⲧⲟⲩ ⲛⲛⲉⲧⲛⲁⲙⲟⲩⲟⲩⲧ ⲙⲡⲉⲧⲛⲥⲱⲙⲁ ⲧⲉⲧⲛⲯⲩⲭⲏ ⲇⲉ ⲙⲛϭⲟⲙ ⲙⲟⲟⲩ ⲉⲧⲁⲕⲟⲥ :ⲻⲛⲁⲓ ⲇⲉ ⲛⲧⲉⲣⲉϥ ⲥⲟⲧⲙⲟⲩ ⲛϭⲓⲡⲣⲣⲟ ⲁϥⲕⲉⲗⲉⲩⲉ ⲉⲧⲣⲉⲩⲧⲁⲗⲟϥ ϩⲓϫⲛⲟⲩⲙⲁ ⲛⲉⲛⲕⲟⲧⲕ ⲙⲡⲉⲛⲓⲡⲉ ·
helias_encomium:79
ⲁⲩϥⲓ ⲛⲧⲉϥⲁⲡⲉ ϩⲛⲧⲥⲏⲃⲉ ⲁⲗⲗⲁ ⲁϥⲃⲱⲕ ϣⲁⲧⲉϥⲁⲡⲉ ⲛⲁⲗⲏⲑⲓⲛⲟⲛ ⲡⲉⲭⲣⲓⲥⲧⲟⲥ ⲁϥⲁⲙⲡⲟⲧⲁⲥⲥⲉ ⲙⲡϩⲱⲕ ⲙⲡⲣⲣⲟⲁⲗⲗⲁ ⲁϥϣⲱⲡⲉ ⲛⲧϩⲉ ⲛⲇⲁⲩⲉⲓⲇ ⲛⲧⲁϥⲛⲟⲩϫⲉ ⲙⲡϩⲱⲕ ⲛⲥⲁⲟⲩⲗ ⲉⲃⲟⲗ ⲙⲙⲟϥ ϩⲛϩⲓⲟⲙⲉ ⲛⲉⲛⲧⲁⲩⲉⲓ ⲉⲃⲟⲗϩⲏⲧϥ ⲙⲡⲉⲧⲙⲙⲁⲩ ⲉⲩⲭⲟⲣⲉⲩⲉ ⲉϫⲉⲛⲧⲉϥϭⲓⲛϫⲣⲟ ⲉⲡⲁⲗⲗⲟⲫⲩⲗⲟⲥ .
helias_martyrdom_part3:79
ⲛⲉⲣⲉⲡⲣⲣⲟ ϫⲱⲙⲙⲟⲥ ϫⲉⲧⲁⲭⲁ ϣⲁⲕϩⲉ ⲉⲣⲟϥ ⲉⲁϥⲟⲩⲱ ⲉϥⲙⲟⲩ ϩⲓⲧⲛⲧⲃⲁⲥⲁⲛⲟⲥ ⲛⲧⲁⲓⲕⲁⲁϥ ⲛϩⲏⲧⲥ .
helias_martyrdom_part2:80
ⲛⲥⲉⲥⲁϩⲧⲉ ϩⲁⲣⲟϥ ⲛϣⲟⲙⲧⲉ ⲛⲟⲩⲛⲟⲩ ⲉⲣⲉⲡⲕⲱϩⲧ ⲙⲟⲩϩ ϩⲁⲣⲟϥ .
helias_martyrdom_part3:80
ⲛⲧⲉⲣⲉϥⲟⲩⲱⲛ ⲇⲉ ⲙⲡⲣⲟ ⲛϥⲃⲱⲕ ⲉϩⲟⲩⲛ ⲁϥϣⲱⲗⲙ ⲉⲩⲛⲟϭ ⲛⲥϯⲛⲟⲩϥⲉ ϩⲙⲡⲕⲟⲓⲧⲟⲛ ⲁϥϭⲱϣⲧ ⲁϥⲛⲁⲩ ⲉⲡϩⲁⲅⲓⲟⲥ ϩⲏⲗⲓⲁⲥ ⲉϥⲁϩⲉⲣⲁⲧϥ ⲉϥϣⲗⲏⲗ ⲉⲣⲉⲟⲩⲛⲟϭ ⲛⲉⲟⲟⲩ ⲕⲱⲧⲉ ⲉⲣⲟϥ
helias_encomium:80
ⲡⲉⲓⲅⲉⲛⲛⲁⲓⲟⲥ ⲇⲉ ⲛⲧⲟϥ ϩⲛⲁⲅⲅⲉⲗⲟⲥ ⲛⲉⲧⲟ ⲛⲁϥ ⲛϥⲣⲁⲃⲉⲩⲧⲏⲥ ϫⲉⲁϥϫⲣⲟ ⲉⲡⲉⲓⲱⲧ ⲛⲛⲁⲗⲗⲟⲫⲩⲗⲟⲥ ⲧⲏⲣⲟⲩ ⲉⲧⲉⲡⲁⲓ ⲡⲉ ⲡⲇⲓⲁⲃⲟⲗⲟⲥ . ⲛⲧⲕ ⲟⲩⲙⲁⲕⲁⲣⲓⲟⲥ ⲧⲉⲛⲟⲩ ⲱ ⲡⲁⲟⲗⲟⲫⲟⲣⲟⲥ
helias_encomium:81
ⲁⲩⲱ ⲟⲩⲗⲁⲙⲡⲣⲟⲛ ⲡⲉ ⲡⲉⲕⲕⲗⲟⲙ ⲛⲁⲛⲟⲩⲡⲉⲕϫⲣⲟⲱ ⲡⲉⲛⲧⲁϥⲃⲱⲕ ϩⲛϩⲁϩ ⲛⲁⲅⲱⲛ ⲉⲧⲃⲉⲡⲉϥⲙⲉ ⲉϩⲟⲩⲛ ⲉⲡⲛⲟⲩⲧⲉ
helias_martyrdom_part3:81
ⲛⲧⲉⲣⲉϥⲛⲁⲩ ⲇⲉ ⲛϭⲓⲡⲣⲣⲟ ⲁϥⲣϣⲡⲏⲣⲉ ϩⲁⲙⲁ ⲇⲉ ⲛⲉⲣⲉⲛⲇⲓⲁⲃⲟⲗⲟⲥ ⲥⲱⲣⲙ ⲙⲡⲉϥϩⲏⲧ
helias_martyrdom_part2:81
ⲁⲩⲱ ⲛⲉⲩⲡⲉϩⲧⲁⲁⲙϫⲁⲏⲧ ⲉϫⲙⲡⲉϥⲥⲱⲙⲁ ⲛⲧⲟϥ ⲇⲉ ⲙⲡⲉϥⲁⲓⲥⲑⲁⲡⲉ ϩⲁⲧⲉⲓⲕⲉⲃⲁⲥⲁⲛⲟⲥ ⲉⲧⲛⲁϣⲧ ·
helias_martyrdom_part2:82
ⲁⲗⲗⲁ ⲛⲉϥϫⲱ ⲙⲡⲉⲓⲯⲁⲗⲙⲟⲥ ⲉϥϫⲱ ⲙⲙⲟⲥ · ϫⲉⲛⲉⲧⲟⲩⲁⲁⲃ ⲛⲁϣⲟⲩϣⲟⲩ ⲙⲙⲟⲟⲩ ϩⲛⲟⲩⲉⲟⲟⲩ ⲛⲛⲟⲩⲧⲁⲉⲓⲟ ⲥⲉⲛⲁⲧⲉⲗⲏⲗ ϩⲓϫⲛⲛⲉⲩⲙⲁ ⲡⲉⲛⲕⲟⲧⲕ ⲛϫⲓⲥⲉ ⲉⲙⲡⲛⲟⲩⲧⲉ ⲡⲉⲧϩⲉⲛⲧⲉⲩϣⲟⲩⲱⲃⲉ ⲉⲣⲉϩⲛⲥⲏⲃⲉ ⲛϩⲟ ⲥⲛⲁⲩ ϩⲛⲛⲉⲩϭⲓϫ
helias_martyrdom_part3:82
ⲁⲩⲱ ⲁϥⲕⲉⲗⲉⲩⲉ ⲉⲧⲣⲉⲩⲉⲓⲛⲉ ⲙⲡⲡⲉⲧⲟⲩⲁⲁⲃ ϩⲏⲗⲓⲁⲥ ⲉⲃⲟⲗ ⲡⲉϫⲉⲡⲙⲁⲅⲟⲥ
helias_encomium:82
ⲁⲩⲱ ⲡϫⲟⲉⲓⲥ ⲛⲁⲥⲧⲉⲫⲁⲛⲟⲩ ⲙⲙⲟⲕ ϩⲙⲡⲉⲕⲗⲟⲙ ⲛⲧⲇⲓⲕⲁⲓⲟⲥⲩⲛⲏ ⲙⲡⲉⲣⲧⲣⲉⲟⲩⲁϭⲉ ⲧⲉⲛⲟⲩ ⲣⲁⲡⲓⲥⲧⲟⲥ ⲉϥⲥⲱⲧⲙ ⲉⲛϩⲓⲥⲉ ⲧⲏⲣⲟⲩ ⲛⲧⲁϥϩⲩⲡⲟⲙⲓⲛⲉ ⲉⲣⲟⲟⲩ ⲛϭⲓⲡⲓⲁⲑⲗⲟⲫⲟⲣⲟⲥ ⲙⲙⲁⲣⲧⲩⲣⲟⲥ ⲉⲧⲃⲉⲡⲉⲭⲣⲓⲥⲧⲟⲥ . ⲟⲩⲛⲟϭ ⲅⲁⲣ ⲧⲉ ⲧⲁϣⲏ ⲛⲛⲧⲁⲗϭⲟ ⲉⲧϣⲟⲟⲡ ⲙⲙⲏⲡⲉ ϩⲉⲙⲡⲉϥⲧⲟⲡⲟⲥ ⲛⲁⲓ ⲅⲁⲣ ⲥⲉⲡⲟⲣϣ ⲉⲃⲟⲗ ⲉϫⲛⲟⲩⲟⲛ ⲛⲓⲙ ⲥⲭⲉⲇⲱⲛ ⲛⲧϩⲉ ⲛⲛⲁⲕⲧⲓⲛ ⲙⲡⲣⲏ ⲉⲧⲉⲣⲟⲩⲟⲉⲓⲛ ⲁϣ ϭⲉ ⲛⲉ ⲡⲉϭⲓⲛⲑⲉⲣⲁⲡⲉⲩⲉ ⲛⲛⲉⲧⲙⲟⲕϩ .
helias_encomium:83
ⲧϭⲓⲛⲛⲟⲩϫⲉ ⲉⲉⲃⲟⲗ ⲛⲛⲇⲁⲓⲙⲟⲛⲓⲟⲛ ⲛⲉⲛⲧⲁⲩϩⲱⲛ ⲉϩⲟⲩⲛⲉⲙⲡⲩⲗⲏ ⲙⲡⲙⲟⲩ ⲛⲁⲓ ⲛⲧⲉⲓⲙⲓⲛⲉ ⲉϥⲕⲧⲟ ⲙⲙⲟⲟⲩ ⲉϩⲱⲟⲩ ⲛⲉ ⲡⲱⲛϩ ⲛⲕⲉⲥⲟⲡ ϩⲓⲧⲛⲛⲉⲡⲣⲉⲥⲃⲉⲓⲁ ⲉⲧⲉϥⲉⲉⲓⲣⲉ ⲙⲙⲟⲟⲩ ⲉϫⲱⲛ ⲛⲁϩⲣⲙⲡϫⲟⲉⲓⲥ ⲓⲏⲥⲟⲩⲥ ϥⲥⲟⲟⲩⲛ ⲅⲁⲣ ⲛⲑⲉⲣⲁⲡⲉⲩⲉ ⲛⲛⲉⲧⲟ ⲛϩⲩⲧⲣⲟⲡⲓⲕⲟⲥ ⲛⲁϩⲣⲉⲛⲧⲧⲉⲭⲛⲏ ⲛⲧⲉϥⲙⲛⲧⲥⲁⲉⲓⲛ ⲁϫⲛⲃⲉⲕⲏ ϥⲥⲟⲟⲩⲛ ⲛⲑⲉⲣⲁⲡⲉⲩⲉ ⲛⲛⲉⲧⲙⲟⲕϩ ⲉϥϥⲓ ⲙⲙⲁⲩ ⲙⲡⲉⲧⲕⲁⲥ ⲉⲧϩⲉⲛⲛⲉⲩⲙⲉⲗⲟⲥ .
helias_encomium:84
ϩⲁⲡⲗⲱⲥ ·
helias_encomium:85
ϥⲧⲁⲗϭⲟ ⲛⲟⲩⲟⲛ ⲛⲓⲙ ⲉϥϫⲓⲭⲁⲣⲓⲥ ⲛⲁϩⲣⲉⲙⲡⲛⲟⲩⲧⲉ ⲛϭⲓⲡⲉⲓⲡⲉⲧⲟⲩⲁⲁⲃ ⲉϥϯ ⲛⲁϥ ⲙⲡⲉⲧⲉϥⲁⲓⲧⲉⲓ ⲙⲙⲟϥ . ⲉϥϫⲱⲕ ⲉⲃⲟⲗ ⲙⲡⲉⲧⲏⲙⲁ ⲙⲡⲟⲩⲁ ⲡⲟⲩⲁ ⲉⲧⲛⲏⲩ ⲉⲡⲉϥⲙⲁⲣⲧⲩⲣⲓⲟⲛ ⲉⲧⲟⲩⲁⲁⲃ
helias_encomium:86
ⲁⲕⲛⲁⲩ ϫⲉⲟⲩⲡⲣⲟⲥⲧⲁⲧⲏⲥ ⲛⲁⲱⲛϩ ⲉⲡⲉⲧⲉⲟⲩⲛⲧⲁⲛϥ ⲙⲙⲁⲩ ⲉϥⲙⲓϣⲉ ⲉϫⲱⲛⲟⲩϥⲉ ⲛϫⲁϫⲉ ⲉⲧϩⲏⲡ
helias_encomium:87
ⲁⲩⲱ ⲟⲛ ⲉϥⲟ ⲛⲣⲉϥⲑⲉⲣⲁⲡⲉⲩⲉ ⲙⲡⲉⲛⲥⲱⲙⲁ .
helias_encomium:88
ⲕⲁⲓ ⲅⲁⲣ ⲡⲕⲉϩⲟⲟⲩ ⲛⲧⲉϥⲁⲛⲁⲗⲏⲯⲓⲥ ϥⲡⲣⲉⲡⲉⲓ ⲛⲁϩⲣⲛⲧϩⲩⲡⲟⲑⲉⲥⲓⲥ ⲉⲧϩⲟⲣϣ .
helias_encomium:89
ⲛϣⲁⲩϫⲟⲟⲥ ⲅⲁⲣ ⲛϭⲓⲛⲥⲟⲫⲟⲥ ⲛⲥⲁⲉⲓⲛ ⲉⲧⲃⲉⲡⲉⲓⲉⲃⲟⲧ ⲧⲡⲁⲣⲙϩⲟⲧⲡ ϫⲉⲟⲩⲉⲃⲟⲧ ⲡⲉ ⲛⲣⲉϥϫⲡⲉϣⲱⲛⲉ ⲙⲫⲩⲥⲓⲥ ⲡⲉ ⲉⲃⲟⲗ ϫⲉⲉϩⲣⲁⲓ ⲛϩⲏⲧϥ ϣⲁⲣⲉⲡϯⲟⲩⲱ ⲛⲛϣⲏⲛ ϣⲱⲡⲉ ⲛⲧⲁⲡⲛⲟⲩⲧⲉ ⲅⲁⲣ ⲃⲱⲕ ⲉϩⲣⲁⲓ ⲉⲕⲏⲙⲉ ⲙⲡⲓⲟⲩⲟⲉⲓϣ ϣⲁⲛⲧⲉϥⲉⲓⲛⲉ ⲉⲃⲟⲗⲛⲛϣⲏⲣⲉ ⲙⲡⲓⲥⲏⲗ ϩⲛⲧⲉⲩⲙⲏⲧⲉ ϩⲓⲧⲉⲛ ϩⲛⲙⲁⲉⲓⲛ ⲙⲛϩⲛϣⲡⲏⲣⲉ .
helias_encomium:90
ϩⲣⲁⲓ ⲟⲛ ϩⲙⲡⲉⲓⲉⲃⲟⲧ ⲡⲁⲓ ϣⲁⲣⲉⲧⲧⲓⲁⲧⲟⲭⲏ ⲙⲡⲉϩⲟⲟⲩ ⲙⲛⲧⲉⲩϣⲏ ϣⲱⲡⲉ ⲉⲩϣⲏϣ ⲙⲛⲛⲉⲩⲉⲣⲏⲩ ⲉⲧⲃⲉ ⲡⲁⲓ ⲕⲁⲗⲱⲥ
helias_encomium:91
ⲁⲥⲟⲓⲕⲟⲛⲟⲙⲉⲓ ⲛϭⲓⲧⲉⲭⲁⲣⲓⲥ ⲉⲧⲣⲉⲡⲉϩⲟⲟⲩ ⲙⲡⲓⲥⲟⲫⲟⲥ ⲛⲥⲁⲉⲓⲛ ⲕⲗⲧⲁⲛⲧⲁⲓ ⲉⲡⲓⲉⲃⲟⲧ ⲛⲣⲉϥϫⲡⲉ ϣⲱⲡⲉ ϫⲉⲕⲁⲥ ⲉⲣⲉⲛⲉϥϣⲗⲏⲗ ⲉⲧⲟⲩⲁⲁⲃ ⲛⲟⲩϩⲉ ⲙⲛⲟⲩⲟⲛ ⲛⲓⲙ ⲉⲧϣⲱⲛⲉ ϩⲛⲧⲉⲩⲯⲩⲭⲏ ⲙⲛⲡⲉⲩⲥⲱⲙⲁ ⲛⲁⲓ ⲙⲉⲛ ⲁⲓⲕⲁⲁⲩ ⲉϩⲣⲁⲓ ⲛⲧⲉⲧⲛⲁⲅⲁⲡⲏ ⲉⲧⲃⲉⲧⲁⲑⲗⲏⲥⲓⲥ ⲙⲡⲉⲓⲅⲉⲛⲛⲁⲓⲟⲥ ⲙⲙⲁⲣⲧⲩⲣⲟⲥ ⲡϩⲁⲅⲓⲟⲥ ϩⲏⲗⲓⲁⲥ .
helias_encomium:92
ϯⲟⲩⲟϣ ϭⲉ ⲱ ⲛⲁⲙⲉⲣⲁⲧⲉ ⲉϫⲱ ⲛⲟⲩϣⲁϫⲉ ⲛⲥⲩⲙⲛⲟⲛ ⲛⲁϩⲣⲉⲛ ⲛⲉⲥⲛⲏⲩ ⲛϩⲁⲅⲓⲟⲥ ⲛⲁⲓ ⲛⲧⲁⲛⲉⲩⲕⲉⲉⲥ ⲕⲁⲧⲁⲛⲧⲁⲉⲡⲉϥⲧⲟⲡⲟⲥ ϫⲉⲟⲩⲡⲉⲧⲛⲁⲛⲟⲩϥ ·
helias_encomium:93
ⲏ ⲟⲩⲡⲉⲧⲛⲟⲧⲙ ⲛⲥⲁϩⲛⲥⲛⲏⲩ ϩⲛⲟⲩⲙⲁ ⲛⲟⲩⲱⲧ ⲕⲁⲧⲁⲡϣⲁϫⲉ ⲙⲡϩⲩⲙⲛⲟⲇⲟⲥ ⲇⲁⲩⲉⲓⲇ .
helias_encomium:94
ⲡⲉϫⲁϥ ⲟⲛ ⲛϭⲓⲡⲟⲟⲫⲟⲥ ⲥⲟⲗⲟⲙⲱⲛ ϫⲉϣⲟⲙⲛⲧ ⲛⲉⲧⲙⲟⲟϣⲉ ⲕⲁⲗⲱⲥ ⲉⲧⲃⲉ ⲡⲁⲓ ⲕⲁⲗⲱⲥ ⲁⲡϫⲟⲉⲓⲥ ⲟⲓⲕⲟⲛⲟⲙⲉⲓ ⲛⲧⲉⲓϩⲉ ⲉⲧⲣⲉⲛⲉⲕⲉⲉⲥ ⲙⲡⲉⲓϣⲟⲙⲛⲧ ⲛϩⲁⲅⲓⲟⲥ ⲟⲩⲱϩ ϩⲁⲧⲛ ⲛⲉⲩⲉⲣⲏⲩ .
helias_encomium:95
ϫⲉⲕⲁⲥ ⲉⲣⲉⲧⲉⲧⲣⲓⲁⲥ ⲉⲧⲟⲩⲁⲁⲃ ⲛⲧⲁⲩⲁⲅⲱⲛⲓⲍⲉ ⲉϫⲱⲥ ϣⲱⲡⲉ ⲉⲥϫⲓⲉⲟⲟⲩ ϩⲛⲧⲟⲛⲟⲙⲁⲥⲓⲁ ⲙⲡⲉⲓϣⲟⲙⲛⲧ ⲙⲡⲉⲧⲟⲩⲁⲁⲃ
helias_encomium:96
ⲛⲧⲱⲧⲛ ϭⲉ (ⲧⲉ)ⲛⲟⲩⲱ ⲡⲗⲁⲟⲥ ⲛⲉⲩⲥⲉⲃⲏⲥ ⲛⲉϣⲏⲣⲉ ⲛⲧⲉⲭⲁⲣⲓⲥ ⲛⲁⲓ ⲉⲧⲟⲩⲱϣ ⲉⲡⲱⲧ ⲕⲁⲗⲱⲥ
helias_encomium:97
ⲁⲩⲱ ⲉϯϩⲏⲩ ⲛⲧⲙⲛⲧⲣⲣⲟ ⲙⲡⲉⲭⲣⲓⲥⲧⲟⲥ ⲛⲁⲛⲟⲩⲧⲉ ⲥⲡⲟⲩⲇⲏ ⲛⲧⲉⲧⲉⲛϭⲓⲛⲉⲓ ⲉⲡⲉⲓⲙⲁ ⲙⲡϩⲟⲟⲩ
helias_encomium:98
ⲁⲩⲱ ⲟⲛ ⲙⲙⲏⲛⲉ ⲙⲙⲏⲛⲉ .
helias_encomium:99
ⲁⲗⲗⲁ ⲙⲡⲉⲣⲧⲣⲉⲟⲩⲁ ϣⲓⲛⲉ ⲛⲥⲁⲡⲧⲁⲗϭⲟ ⲙⲡⲉϥⲥⲱⲙⲁ ⲙⲙⲁⲧⲉ ⲛⲧⲉⲛⲁⲙⲉⲗⲉⲓ ⲉⲛⲛⲟⲃⲉ ⲛⲧⲉⲛⲯⲩⲭⲏ .
helias_encomium:100
ⲁⲛⲁⲩ ⲉⲛϩⲓⲥⲉ ⲛⲧⲁⲙⲙⲙⲁⲣⲧⲩⲣⲟⲥ ϣⲟⲡⲟⲩ ⲉⲩⲟⲧⲡ ⲉϩⲟⲩⲛ ⲉⲛⲉϣⲧⲉⲕⲱⲟⲩ ⲉⲩⲕⲏ ⲕⲁϩⲏⲩ ⲉⲣⲉⲛⲉⲩⲥⲛⲱⲱϥ ϩⲁⲧⲉ ϩⲓϫⲙⲡⲕⲁϩ ⲉⲩϩⲟⲕⲣ ⲉⲩⲟⲃⲉ ⲉⲣⲉⲛⲉⲩⲥⲱⲙⲁ ⲙⲉϩ ⲙⲡⲗⲩⲅⲏ ϫⲉⲛⲧⲟⲩⲕⲱ ⲛⲧⲟⲟⲧⲟⲩ ⲉⲃⲟⲗ ⲁⲛ ·
helias_encomium:101
ⲉⲩⲥⲟⲡⲥ ⲙⲡⲛⲟⲩⲧⲉ ⲛⲧⲉⲩϣⲏ ⲙⲛⲡⲉϩⲟⲟⲩⲻ ⲱ ⲡⲉⲓⲛⲟϭ ⲛϣⲓⲡⲉ ⲉⲛⲛⲕⲟⲧⲕ ⲉⲣⲉⲡⲉⲛⲙϩⲏⲧ ⲕⲏ ⲉⲃⲟⲗ ⲉⲛⲥⲥⲙⲉⲗⲉⲓ ⲛⲁⲛ ⲁⲛ ϩⲁⲛϩⲓⲥⲉ ⲛⲧⲁⲡⲉⲧⲟⲩⲁⲁⲃ ϣⲟⲡⲟⲩ ϣⲁⲛⲧⲟⲩⲉⲙⲛϣⲁ ⲙⲡⲱⲛϩ ⲙⲁⲗⲓⲥⲧⲁ ⲡϫⲟⲉⲓⲥ ⲛⲛⲉⲧⲟⲩⲗⲁⲃ ⲓⲏⲥⲟⲩⲥ ⲉϥⲟⲛⲟⲩϣⲏ ⲛⲣⲟⲉⲓⲥ ϩⲉⲙⲡⲉϣⲗⲏⲗ ⲉⲧⲃⲏⲛⲧϥ ⲁⲛ ⲙⲉⲅⲉⲛⲟⲓⲧⲟ ⲁⲗⲗⲁ ⲉⲧⲃⲏⲏⲧⲉⲛ ⲁⲛⲟⲛ ⲡⲉⲓⲧⲁⲗⲁⲓⲡⲟⲣⲟⲥ ϫⲉⲕⲁⲥ ⲉϥⲉⲧⲥⲁⲃⲟⲛ ⲉⲧⲉϩⲓⲏ ⲉⲧⲣⲉⲛⲟⲩϫⲁⲓ ⲉⲛϭⲟⲣϭⲥ ⲙⲡⲡⲟⲛⲏⲣⲟⲥ ⲁⲛⲁⲩ ϫⲉⲟⲩⲡⲉⲧϣⲟⲩⲉⲓⲧ ⲡⲉ ϩⲱⲃ ⲛⲓⲙ ⲉⲧϩⲙⲡⲉⲓⲕⲟⲥⲙⲟⲥ ⲟⲩ ⲡⲉ ⲡⲉⲛϩⲏⲩ ϫⲉⲉⲛⲉⲣϣⲁ ⲛⲛⲉⲙⲁⲣⲧⲩⲣⲟⲥ ⲛⲧⲁⲩⲁⲅⲱⲛⲓⲍⲉ ⲟⲩⲃⲉⲡⲛⲟⲃⲉ ϣⲁϩⲣⲁⲓ ⲉⲡⲙⲟⲩ ⲉⲧⲃⲉⲧⲡⲓⲥⲧⲓⲥ ⲙⲡϣⲏⲣⲉ ⲙⲡⲛⲟⲩⲧⲉ
helias_encomium:102
ⲁⲛⲟⲛⲇⲉ ϩⲱⲱⲛ ⲛⲉⲛⲙⲉϩ ⲙⲡⲁⲑⲟⲥⲙⲙⲓⲛⲉ ⲛⲓⲙⲙⲛ ϩⲛⲛⲟⲃⲉⲛϩⲁϩ ⲛⲥⲙⲟⲧⲙⲡⲉⲛⲙⲉⲧⲁⲛⲟⲉⲓ ⲙⲡⲁⲧⲉⲡⲃⲁⲓϣⲓⲛⲉ ⲉⲓⲛⲥⲱⲛ .
helias_encomium:103
ⲕⲉⲕⲟⲩⲓ ⲡⲉ ⲛⲧⲉⲡⲟⲩⲟⲟⲉⲓⲉ ·
helias_encomium:104
ⲙⲙⲉ ⲉⲓ ⲙⲛⲡϩⲟ ⲛϥⲇⲱⲕⲓⲙⲁⲍⲉ ⲛⲧⲉϥⲛⲁ ϫⲉⲟⲩ ⲁϣ ⲙⲙⲓⲛⲉⲧⲉ ⲙⲏⲡⲟⲥ ⲛϥϩⲉ ⲉⲣⲟⲥ ϫⲉⲙⲛⲛⲟⲉⲓⲧ ⲛϩⲟⲩⲛ ⲉⲣⲟⲥ ⲉⲧⲉⲛⲉⲡⲣⲁⲝⲓⲥ ⲛⲉ ⲉⲧⲙⲉϩ ⲛⲁⲣⲉⲧⲏ ⲛⲓⲙ ⲁⲗⲗⲁ ⲉⲩⲥⲙⲟⲧ ⲛⲕⲟⲩⲕⲉ ⲙⲙⲁⲧⲉ ⲧⲉⲉⲧⲉⲧⲁⲓ ⲧⲉ ⲧϩⲩⲡⲟⲕⲣⲓⲥⲓⲥ .
helias_encomium:105
ⲉⲟⲩⲉⲧⲡⲣⲁⲛ ⲉⲛⲫⲟⲣⲉⲓ ⲙⲙⲟϥ ⲙⲛⲡⲁⲝⲓⲱⲙⲁ ⲟⲩⲉⲧⲛⲉⲡⲣⲁⲝⲓⲥⲉⲛⲉⲓⲣⲉ ⲙⲙⲟⲟⲩ ϩⲛⲟⲩϩⲱⲡ ⲕⲁⲧⲁⲡⲉⲧⲥⲏϩ ϫⲉⲛⲉⲧⲟⲩⲉⲓⲣⲉ ⲙⲙⲟⲟⲩ ⲛϫⲓⲟⲩⲉ ϩⲛϣⲗⲟϥ ⲛⲉⲉⲉⲣⲡⲕⲉϫⲟⲟⲩ ⲟⲩⲟⲓⲙ ⲡⲣⲱⲙⲉ ⲉⲧⲛⲁⲕⲁⲙⲁ ⲙⲡⲥⲁⲧⲁⲛⲁⲥ ⲛϥⲟⲩⲱϩ ⲛϩⲏⲧϥ ϩⲓⲧⲛⲧⲉⲡⲩⲑⲉⲙⲓⲁ ⲙⲡϫⲱϩⲙ ϫⲉⲙⲡⲉϥⲕⲁⲙⲟⲧⲛⲉⲥ ⲉⲧⲁϩⲟϥ ⲉϥⲟⲛϩ
helias_encomium:106
ⲁⲩⲱ ⲉϥϣⲁⲛⲙⲟⲩ ⲙⲡⲁⲧⲉϥⲙⲉⲧⲁⲛⲟⲉⲓ ϥⲛⲁϣⲱⲡⲉ ϩⲙⲡⲙⲁ ⲙⲡϣⲁⲉⲛⲉϩ ϭⲓⲛⲉ ⲁⲛⲙⲡⲉϥϣⲓⲛⲉⲁⲛⲁⲩ ϫⲉⲛⲧⲗⲡ(ϫⲟⲟⲥ) ϫⲟⲟⲥ ϫⲉⲟⲩⲛⲛⲉϥⲙⲁⲑⲏⲧⲏⲥ ⲉϥⲛⲁϫⲟⲟⲩⲥ ⲉⲉⲧⲁϣⲉⲟⲉⲓϣ .
helias_encomium:107
ⲡⲉϫⲁϥ ⲛϭⲓⲡⲉⲩⲁⲅⲅⲉⲗⲓⲥⲧⲏⲥⲗⲟⲩⲕⲁⲥ ϫⲉⲁϥϯ ⲛⲧⲉⲝⲟⲩⲥⲓⲁⲛⲁⲩ ⲉⲛⲟⲩϫⲉ ⲉⲃⲟⲗ ⲛⲛⲉⲡⲛⲉⲩⲙⲁ ⲛⲁⲕⲁⲑⲁⲣⲧⲟⲛ ⲉⲧⲁⲗϭⲟ ⲛϣⲱⲛⲉ ⲛⲓⲙ ϩⲓⲗⲟϭⲗϫ ⲛⲓⲙ ⲡⲉⲧⲛⲁⲛⲟⲩ ϫⲉⲉⲃⲟⲗ ⲛϩⲏⲧϥ ⲛⲛⲉⲡⲛⲉⲩⲙⲁ ⲛⲁⲕⲁⲑⲁⲣⲧⲟⲛ ⲉⲧⲉⲙⲙⲉⲉⲩⲉ ⲛⲉⲉⲧϫⲁϩⲙ ϣⲁϥⲧⲁⲗϭⲟ ⲧⲉϥⲯⲩⲭⲏ ⲙⲛⲡⲉϥⲥⲱⲙⲁ .
helias_encomium:108
ⲱ ⲡⲣⲱⲙⲉ ⲛⲟⲩϫⲉ ⲛⲛⲉⲓⲡⲁⲑⲟⲥ ⲥⲁⲃⲟⲗ ⲛⲧⲉⲕⲯⲩⲭⲏ ⲉⲧⲉⲛⲁⲓⲛⲉⲛⲙⲁⲓⲧⲁⲛϩⲟⲩⲟ
helias_encomium:109
ⲁⲩⲱ ⲕⲡⲁⲛⲟⲩϩⲉⲙ ⲉⲡⲃⲛⲧ ⲛⲁⲧⲛⲕⲟⲧⲕ ϩⲛⲁⲙⲛⲧⲉ ⲇⲓⲱⲕⲉⲓ ⲛⲥⲁⲃⲟⲗ ⲙⲙⲟⲕ ⲛⲧⲉⲡⲩⲟⲉⲙⲓⲁⲛ ⲧⲥⲁⲣⲝ ⲉⲧϯⲟⲩⲃⲉⲡⲉⲡⲛⲁⲁⲩⲱ ⲛⲥⲉⲛⲁⲛⲟϫⲕ ⲉⲃⲟⲗ ⲁⲛ ϩⲛⲛⲉⲙⲁⲛϣⲱⲡⲉ ⲛⲛⲉⲡⲟⲩⲣⲁⲛⲓⲟⲛ .
helias_encomium:110
ⲙⲡⲉⲣⲧⲣⲉⲡⲧⲁⲉⲓⲟ ⲛⲛⲉⲙⲁⲣⲧⲩⲣⲟⲥ ϣⲱⲡⲉ ϩⲛⲧⲉⲛϭⲓⲛⲉⲓ ⲉϩⲟⲩⲛ · ⲉⲡⲉⲩⲧⲟⲡⲟⲥ ⲙⲙⲁⲧⲉ ·
helias_encomium:111
ⲁⲗⲗⲁ ⲙⲁⲣⲉⲛⲧⲛⲧⲱⲛⲉⲛ ⲉⲛⲉⲩⲙⲛⲧϫⲱⲱⲣⲉ :ⲻⲙⲁⲣⲉⲛⲁⲙⲁϩⲧⲉ ⲛⲧⲉⲩ ϩⲩⲡⲟⲙⲟⲛⲏ ·
helias_encomium:112
ⲙⲁⲣⲉⲛⲕⲱϩ ⲉⲧⲉⲩⲁⲅⲁⲡⲏ ⲉϩⲟⲩⲛ ⲉⲡⲛⲟⲩⲧⲉ :ⲻⲁⲛⲉⲧⲙⲙⲁⲩ ϫⲣⲟ ⲉⲡⲕⲟⲥⲙⲟⲥ ⲙⲛⲛⲉϥⲉⲡⲓⲑⲩⲙⲓⲁ · ⲙⲙⲓⲛⲉ ⲛⲓⲙ :ⲻⲁⲛⲟⲛ ⲇⲉ ϩⲱⲱⲛ ⲙⲡⲉⲣⲧⲣⲉⲡⲕⲟⲥⲙⲟⲥ ϫⲣⲟⲉⲣⲟⲛ ⲙⲛⲛⲉϥⲟⲩⲱϣ :ⲻⲁⲛⲉⲧⲙⲙⲁⲩ ⲕⲁⲧⲁⲫⲣⲟⲛⲉⲓ ⲛⲧⲁⲡⲉⲓⲗⲏ ⲛⲛⲃⲁⲥⲁⲛⲟⲥ ·
helias_encomium:113
ⲁⲛⲟⲛ ⲇⲉ ϩⲱⲱⲛ ⲙⲡⲉⲧⲣⲉⲩϫⲣⲟ ⲉⲣⲟⲛ ϩⲓⲧⲛⲧⲁⲡⲏ ⲙⲡⲇⲓⲁⲃⲟⲗⲟⲥ ⲁ ⲛⲉⲧⲙⲙⲁⲩ ϫⲡⲟ ⲛⲁⲩ ⲛⲧⲙⲛⲧϣⲃⲏⲣ ⲛⲙⲡⲏⲩⲉ

Coptic SCRIPTORIUM, corpus helias (github.com/CopticScriptorium/corpora). Licence as stated per document in the project's own meta.json and checked there at parse time. English, where present, is Coptic SCRIPTORIUM's aligned translation. Licence: CC-BY 4.0. Source.