Helias

Coptic literature (Coptic SCRIPTORIUM) · 531 sections

helias_encomium:34
ⲛⲧⲕⲟⲩⲉⲧⲉⲓⲙⲓⲛⲉ ⲁⲗⲏⲑⲱⲥ ϩⲛⲧⲉⲥⲧⲣⲁⲧⲓⲁ ⲙⲛⲧⲁⲣⲧⲉⲧⲛ ϩⲓⲟⲩⲥⲟⲡ .
helias_martyrdom_part5:34
ⲁⲩⲱ ⲟⲩⲟⲛ ⲛⲓⲙ ⲉⲧⲛⲁⲉⲓ ⲉϩⲟⲩⲛ ⲉⲡⲉⲕⲧⲟⲡⲟⲥ ⲛϥⲉⲧⲓ ⲙⲙⲟⲓ ϩⲛⲁⲓⲧⲏⲙⲁ ⲛⲓⲙ ϩⲛⲟⲩⲡⲓⲥⲧⲓⲥ ϩⲙⲡⲉⲕⲣⲁⲛ ϯⲛⲁⲁⲁⲩ ⲛⲙⲙⲁϥ
helias_martyrdom_part2:34
ⲁⲩⲱ ⲙⲡⲉⲛⲉϣϭⲙϭⲟⲙ ⲉⲛⲁϩⲙⲉⲕ ϫⲉⲉⲛⲛⲁⲛⲁϩⲙⲉⲕ ϩⲱⲱⲕ ⲧⲛⲥⲟⲡⲥ ⲙⲙⲟⲕⲱ ⲡⲣⲣⲟ ·
helias_martyrdom_part1:34
ⲁⲩⲱ ⲁⲩⲉⲓ ϣⲁⲡⲣⲣⲟ ϩⲛⲟⲩⲅⲛⲱⲙⲏ ⲛⲟⲩⲱⲧ ⲉⲩϫⲱ ⲙⲙⲟⲥ ϫⲉⲁⲛⲟⲛ ϩⲉⲛⲭⲣⲏⲥϯⲁⲛⲟⲥ ⲧⲏⲣⲛ ⲡⲙⲟⲩ ⲉⲧⲉⲣⲉⲡⲉⲛϫⲟⲉⲓⲥ ⲥⲱⲧⲏⲣⲓⲭⲟⲥ ⲛⲁⲙⲟⲩ ⲛϩⲏⲧϥ ⲉⲛⲛⲁⲙⲟⲩ ϩⲱⲱⲛ ⲻ ⲛϩⲏⲧϥ .
helias_martyrdom_part1:35
ⲛⲧⲉⲣⲉϥⲥⲱⲧⲙ ⲇⲉ ⲉⲣⲟⲟⲩ ⲛϭⲓⲡⲣⲣⲟ ⲁϥϭⲱⲛⲧ ⲉⲙⲁⲧⲉ ⲙⲁⲗⲗⲱⲛ ⲇⲉ ⲁϥϣⲧⲟⲣⲧⲣ .
helias_martyrdom_part4:35
ⲡⲉϫⲁϥ ⲙⲡⲇⲓⲕⲁⲓⲟⲥ ϫⲉⲉϣϫⲉ ⲕⲑⲁⲣⲓ ⲙⲡⲉⲕⲛⲟⲩⲧⲉ ϩⲙⲡⲉⲕϩⲏⲧ ⲧⲏⲣϥ ϫⲉⲟⲩⲛⲟⲩⲧⲉ ⲉϥϭⲙϭⲟⲙ ⲡⲉ ⲓⲏⲥⲟⲩⲥ ⲉⲓⲉ ⲁⲙⲟⲩ ⲛⲅⲃⲱⲕ ⲉϩⲟⲩⲛ ⲉⲧⲉⲓⲡⲉⲧⲣⲁ ⲛⲕⲱϩⲧ
helias_martyrdom_part3:35
ⲡⲉϫⲉⲡϩⲁⲅⲓⲟⲥ ϩⲏⲗⲓⲁⲥ ⲛⲁϥ ϫⲉⲥⲥⲟⲧⲡ ⲛⲁⲓ ⲉⲧⲣⲁⲙⲟⲩ ϩⲛⲛⲉⲕϭⲓϫ ·
helias_martyrdom_part5:35
ⲁⲩⲱ ⲣⲱⲙⲉ ⲛⲓⲙ ⲉⲧϣⲱⲛⲉ ϩⲛϣⲱⲛⲉ ⲛⲓⲙ ⲉⲩϣⲁⲛⲉⲓ ⲉϩⲟⲩⲛ ⲉⲡⲉⲕⲧⲟⲡⲟⲥ ⲛⲥⲉⲥⲉⲡⲥⲱⲡⲕ ϩⲙⲡⲉⲕⲣⲁⲛ ϯⲛⲁⲭⲁⲣⲓⲍⲉ ⲛⲁⲩ ⲙⲡϯⲛⲁⲧⲣⲉⲡⲉⲕⲧⲁⲗϭⲟ .
helias_martyrdom_part2:35
ϫⲉⲕⲁⲥ ⲉⲕⲉⲁⲓⲧⲉⲓ ⲙⲡϩⲁⲅⲓⲟⲥ ϩⲏⲗⲓⲁⲥ ⲛϥⲕⲁ ⲁⲛ ⲉⲡⲉⲥⲏⲧ ϫⲉⲉⲛⲛⲉϣⲱⲡⲉ ⲛⲧⲛϩⲉ .
helias_encomium:35
ⲡⲉⲧⲙⲙⲁⲩ ⲙⲉⲛⲡⲉϥⲁϩⲉⲣⲁⲧϥ ⲉⲛⲉⲣⲱⲟⲩ ⲛⲛⲉⲭⲁⲗⲇⲁⲓⲟⲥ ⲛⲧⲟⲕ ⲇⲉ ϩⲱⲱⲕ ⲱ ⲡⲁⲑⲗⲏⲧⲏⲥ ⲉⲧⲧⲁⲓⲏⲩ .
helias_martyrdom_part5:36
ⲣⲁⲛ ⲉⲣⲥⲟⲉⲓⲧ ϩⲙⲙⲁ ⲛⲓⲙ ⲛⲧⲁⲧⲣⲉϩⲉⲛⲛⲟϭ ⲛϭⲟⲙ ϩⲓϣⲏⲏⲣⲉ ϣⲱⲡⲉ ϩⲙⲡⲉⲕⲕⲏⲙⲏⲧⲏⲣⲓⲟⲛ
helias_martyrdom_part3:36
ⲛϩⲟⲩⲟ ⲉⲧⲣⲁⲉⲣⲁⲧⲥⲱⲧⲙ ⲛⲥⲁⲓⲏⲥⲟⲩⲥ ⲡⲁⲛⲟⲩⲧⲉ
helias_martyrdom_part1:36
ⲁϥⲕⲉⲗⲉⲩⲉ ⲉⲧⲣⲉⲩⲧⲁⲗⲟⲟⲩ ⲉϩⲛϭⲓⲛⲟⲩⲏⲗ ⲛⲥⲉϫⲓⲧⲟⲩ ⲉⲃⲟⲗ ⲉⲡⲡⲩⲗⲁⲅⲟⲥ ⲛⲧⲉⲑⲁⲗⲁⲥⲥⲁ ⲁⲩϥⲓ ⲛⲧⲉⲩⲁⲡⲉ ⲁⲩⲛⲉϫⲛⲉⲩⲥⲱⲙⲁ ⲉⲑⲁⲗⲁⲥⲥⲁ ⲉⲣⲉⲡⲡⲉⲧⲟⲩⲁⲁⲃ ⲥⲱⲧⲏⲣⲓⲭⲟⲥ ⲁϩⲉⲣⲁⲧϥ ϩⲓϫⲱⲟⲩ ⲉϥϣⲗⲏⲗ .
helias_martyrdom_part4:36
ⲁⲩⲱ ⲉϣⲱⲡⲉ ⲙⲉⲣⲉⲡⲉⲧϩⲟⲟⲩ ϣⲱⲡⲉ ⲙⲙⲟⲕ ⲉⲓⲉ ϣⲁⲓⲡⲓⲥⲧⲉⲩⲉ ϩⲱ ⲉⲡⲉⲕⲛⲟⲩⲧⲉ .
helias_encomium:36
ⲡⲉⲕⲁϩⲉⲣⲁⲧⲕ ⲉⲛⲁⲧⲉⲓⲕⲗⲏⲣⲟⲛⲟⲙⲓⲁ ⲛⲟⲩⲱⲧ ⲛⲙⲙⲁⲩ .
helias_martyrdom_part2:36
ⲡⲣⲣⲟ ⲇⲉ ⲁϥⲕⲟⲧϥ ⲉⲡϩⲁⲅⲓⲟⲥ ϩⲏⲗⲓⲁⲥ ⲡⲉϫⲁϥ ⲛⲁϥ ϫⲉϩⲏⲗⲓⲁⲥ ϯⲥⲟⲟⲩⲛ ϫⲉⲙⲛⲗⲁⲁⲩ ⲛϩⲱⲃ ⲱ ⲛⲁⲧϭⲟⲙ ⲛⲁϩⲣⲁⲕ ·
helias_martyrdom_part4:37
ⲡϩⲁⲅⲓⲟⲥ ⲇⲉ ϩⲏⲗⲓⲁⲥ ⲁϥⲛⲓ ⲛⲛⲉϥⲃⲁⲗ ⲉϩⲣⲁⲓ ⲉⲧⲡⲉ ⲁϥϣⲗⲏⲗ ⲉϥϫⲱ ⲙⲙⲟⲥ ϫⲉϯⲥⲟⲡⲥ ⲙⲙⲟⲕ ⲓⲏⲥⲟⲩⲥ ⲡⲉⲧⲉⲙⲛⲗⲁⲁⲩ ⲙⲙⲛⲧⲁⲧϭⲟⲙ ϩⲁⲧⲏϥ .
helias_encomium:37
ⲁⲡⲉⲧⲙⲙⲁⲩ ⲕⲁⲧⲁⲫⲣⲟⲛⲉⲓ ⲛⲛⲉⲡⲣⲟⲥⲧⲁⲅⲙⲁ ⲛⲇⲁⲣⲓⲟⲥ · ⲙⲛⲕⲩⲣⲟⲥ . ⲛⲧⲟⲕ ϩⲱⲱⲕ ⲱ ⲡϥⲁⲓⲕⲗⲟⲙ ⲙⲡⲉⲭⲣⲓⲥⲧⲟⲥ ⲁⲕⲕⲁⲧⲁⲫⲣⲟⲛⲉⲓ ⲛⲛⲣⲉϥϣⲙϣⲉⲉⲓⲇⲱⲗⲟⲛ .
helias_martyrdom_part2:37
ⲁⲩⲱ ⲉⲕϩⲙⲡⲡⲁⲗⲗⲁϯⲟⲛ ϣⲁⲕⲉⲣⲡⲁϩⲣⲉ ⲉϣⲱⲛⲉ ⲛⲓⲙ ⲁϫⲛϩⲓⲥⲉ .
helias_martyrdom_part3:37
ⲛⲁⲓ ⲇⲉ ⲛⲧⲉⲣⲉϥⲥⲟⲧⲙⲟⲩ ⲛϭⲓⲡⲣⲣⲟ ·
helias_martyrdom_part1:37
ⲁϥϭⲱϣⲧ ⲁϥⲛⲁⲩ ⲉⲛⲉⲩⲯⲩⲭⲟⲟⲩⲉ ⲉⲩⲟ ⲛⲧϩⲉ ⲛϩⲛϭⲣⲟⲟⲙⲡⲉ ⲛⲟⲩⲟⲃϣ ⲉⲩⲃⲏⲕ ⲉϩⲣⲁⲓ ⲉⲧⲡⲉ · ⲛⲧⲟϥ ⲇⲉ ϩⲱⲱϥ ⲁϥⲥⲟⲟⲩⲧⲛ ⲉⲃⲟⲗ ⲛⲧⲉϥⲁⲡⲉ ⲁⲩⲃⲓⲧⲥ ·
helias_martyrdom_part5:37
ⲛⲁⲓ ⲇⲉ ⲛⲧⲉⲣⲉⲡϫⲟⲉⲓⲥ ⲓⲏⲥⲟⲩⲥ ϫⲟⲟⲩ ⲉϩⲣⲁⲓ ⲙⲡⲏⲩⲉ ϩⲛⲟⲩⲉⲟⲟⲩ .
helias_martyrdom_part3:38
ⲁϥⲕⲉⲗⲉⲩⲉ ⲛⲥⲉϩⲱⲱⲕⲉ ⲛⲛⲉϥⲥⲡⲓⲣⲟⲟⲩⲉ · ϩⲛϩⲛϭⲟⲡ ⲙⲡⲉⲛⲓⲡⲉ ⲙⲛⲛⲥⲏⲃⲉⲛⲣⲁⲧϥ . ⲉⲩϩⲱⲱⲕⲉ ⲇⲉ ⲙⲙⲟϥ ⲛⲉⲣⲉⲡⲣⲣⲟ ⲱϣ ⲉⲃⲟⲗ ⲉⲣⲟϥ ϫⲉⲥⲱⲧⲙ ⲛⲥⲱⲓ ⲛⲅⲑⲩⲥⲓⲁⲍⲉ ⲧⲁⲣⲉⲕⲛⲟⲩϩⲙⲉ ϩⲛⲛⲟϭ ⲛⲃⲁⲥⲁⲛⲟⲥ .
helias_martyrdom_part4:38
ϯⲥⲟⲡⲥ ⲙⲙⲟⲕ ⲓⲏⲥⲟⲩⲥ ⲧϩⲉⲗⲡⲓⲥ ⲛⲛⲉⲧⲕⲱ ⲛϩⲧⲏⲩ ⲉⲣⲟϥ ϯⲥⲟⲡⲥ ⲙⲙⲟⲕ ⲓⲏⲥⲟⲩⲥ ⲡϣⲟⲩϣⲟⲩ ⲛⲛⲇⲓⲕⲁⲓⲟⲥ ⲡⲉⲕⲗⲟⲙ ⲛⲛⲉⲙⲁⲣⲧⲩⲣⲟⲥ ⲛⲧⲟⲕ ⲡⲉⲛⲧⲁⲕϫⲟⲟⲥ ϩⲛⲛⲉⲅⲣⲁ ⲫⲏ ⲉⲧⲟⲩⲁⲁⲃ ϫⲉⲙⲛⲕⲱϩⲧ ⲛⲁϫⲓⲧⲏⲩⲧⲛ ⲛϭⲟⲛⲥ
helias_martyrdom_part5:38
ⲁⲩⲱ ⲛⲧⲉⲩⲛⲟⲩ ⲁⲡϫⲟⲉⲓ ⲙⲟⲟⲛⲉ ⲉⲧⲙⲣⲱ ⲛⲧⲙⲏⲧⲓⲁⲧⲙⲛⲧⲣⲟⲡⲟⲗⲓⲥ ⲛⲛⲉⲙⲏⲧⲟⲥ
helias_martyrdom_part2:38
ⲛⲧⲉⲓϩⲉ ⲟⲛ ⲉⲓⲁⲓⲧⲉⲓ ⲙⲙⲟⲕ ⲉⲧⲣⲉⲕⲣⲡⲁϩⲣⲉ ⲉⲛⲛⲟⲩⲧⲉ ⲛⲅⲧⲙⲕⲁⲁⲩ ⲉⲩⲁϣⲉ ⲉϩⲣⲁⲓ ·
helias_encomium:38
ⲁⲩⲛⲟⲩϫⲉ ⲛⲇⲁⲛⲓⲏⲗ ⲉⲡϣⲏⲓ ⲛⲛⲉⲙⲟⲩⲓ ϫⲉⲙⲡⲉϥⲥⲱⲧⲙ ⲛⲥⲁⲡⲉⲡⲣⲟⲥⲧⲁⲅⲙⲁ ⲛⲛⲉⲡⲉⲣⲥⲟⲥ ⲙⲛⲛⲉⲙⲏⲧⲟⲥ ⲛⲧⲟⲕ ⲇⲉ ϩⲱⲱⲕ ⲱ ⲡⲇⲓⲕⲁⲓⲟⲥ ⲙⲡⲕⲩⲙⲛⲁⲥⲓⲟⲛ ⲛⲛⲉⲑⲩⲣⲓⲟⲛ ⲙⲙⲁⲧⲉ ⲁⲛ ⲁⲕϩⲩⲡⲟⲙⲓⲛⲉ ⲉⲣⲟϥ ⲉⲧⲃⲉⲧϩⲟⲙⲟⲗⲟⲅⲓⲁ ⲙⲡⲉⲭⲣⲓⲥⲧⲟⲥ .
helias_martyrdom_part1:38
ⲁⲩⲱⲧⲁⲓ ⲧⲉ ⲧϩⲉ ⲛⲧⲁϥϫⲱⲕ ⲉⲃⲟⲗ ⲛⲧⲉϥⲙⲁⲣⲧⲩⲣⲓⲁⲛϭⲓ ⲡⲡⲉⲧⲟⲩⲁⲁⲃ ⲥⲱⲧⲏⲣⲓⲭⲟⲥ ⲙⲛⲡⲉϥⲏⲓ ⲧⲏⲣϥ ⲙⲛⲛⲉⲙⲁⲧⲟⲓ ⲉⲧϩⲁⲣⲁⲧϥ .
helias_martyrdom_part3:39
ⲡⲡⲉⲧⲟⲩⲁⲁⲃ ⲇⲉ ⲛⲉϥϣⲁϫⲉ ⲁⲛ ⲡⲉ ⲉⲡⲧⲏⲣϥ ⲁⲗⲗⲁ ⲛⲉϥϭⲱϣⲧ ⲉϩⲣⲁⲓ ⲉⲧⲡⲉ .
helias_martyrdom_part4:39
ⲡⲁⲗⲓⲛ ⲟⲛ ⲁⲕϫⲟⲟⲥ ϫⲉⲧⲡⲉ ⲙⲛⲡⲕⲁϩ ⲛⲁⲡⲁ7ⲣⲁⲅⲉ ⲛⲁϣⲁϫⲉ ⲇⲉ ⲛⲁⲡⲁⲣⲁⲅⲉ ⲁⲛ ϯⲟⲁⲣⲉⲓ ϭⲉ ϫⲉⲟⲩⲛϭⲟⲙ ⲙⲙⲟⲕ ϩⲉⲛϩⲱⲃ ⲛⲓⲙ .
helias_martyrdom_part1:39
ⲧⲉⲩⲏⲡⲉ ⲇⲉ ⲧⲏⲣⲟⲩ ⲛⲉⲩⲉⲓⲣⲉⲛϥⲧⲟⲟⲩ ⲛϣⲉⲧⲁⲓⲟⲩ ⲙⲛⲥⲟⲟⲩ ⲙⲛⲡⲕⲉ ϯⲟⲩ ⲛⲭⲓⲗⲓⲁⲣⲭⲟⲥ ⲉⲁⲩϫⲱⲕ ⲉⲃⲟⲗ ⲛⲟⲩϩⲟⲟⲩ ⲛⲟⲩⲱⲧ ⲧⲏⲣⲟⲩ · ⲉⲧⲉⲥⲟⲩⲯⲓⲥ ⲛⲧⲱⲃⲉ ⲡⲉ ϩⲛⲟⲩⲉⲓⲣⲏⲛⲏ ϩⲁⲙⲏⲛ .
helias_encomium:39
ⲁⲗⲗⲁ ⲁⲕϣⲱⲡⲉ ⲉⲕϫⲟⲟⲣ ϩⲛϩⲁϩ ⲛⲁⲅⲱⲛⲉⲓⲛⲁ ⲧⲛⲧⲱⲛⲅ ⲉⲡϩⲓⲁⲧⲣⲟⲥⲟⲫⲓⲥⲧⲏⲥ ⲙⲙⲉⲣⲓⲧ ⲗⲟⲩⲕⲁⲥ ⲡⲉⲩⲁⲅⲅⲉⲗⲓⲥⲧⲏⲥ .
helias_martyrdom_part2:39
ⲁⲩⲱ ⲛⲅⲧⲣⲉⲛⲉⲩⲁⲡⲏⲩⲉ ⲧⲱϭⲉ ⲉⲛⲉⲩⲥⲱⲙⲁ ⲛⲕⲉⲥⲟⲡ .
helias_martyrdom_part5:39
ⲁⲩⲱ ⲁⲛⲉⲡⲣⲟⲧⲉⲕⲧⲱⲣ ϯ ⲛⲛⲉⲥϩⲁⲓ ⲛⲉⲩⲧⲏⲭⲱⲇⲟⲣⲟⲥ ⲡⲣⲣⲟ .
helias_martyrdom_part2:40
ⲡⲡⲉⲧⲟⲩⲁⲁⲃ ⲇⲉϩⲏⲗⲓⲁⲥ ⲡⲉϫⲁϥ ⲙⲡⲣⲣⲟ · ϫⲉⲛⲣⲱⲙⲉ ϣⲁⲩⲉⲣⲡⲁϩⲣⲉ ⲉⲛⲛⲟⲩⲧⲉ ϫⲉⲛⲛⲟⲩⲧⲉ ϣⲁⲩⲉⲣⲡⲁϩⲣⲉ ⲉⲛⲉⲣⲱⲙⲉ ⲡⲉϫⲉⲡⲣⲣⲟ ⲛⲁϥϫⲉⲁⲗⲏⲑⲱⲥ ⲡⲛⲟⲩⲧⲉ ϣⲁϥⲣⲡⲁϩⲣⲉ ⲉⲡⲣⲱⲙⲉ ⲡⲉϫⲉⲡϩⲁⲅⲓⲟⲥ ϩⲏⲗⲓⲁⲥ ϫⲉ ⲁⲗⲏⲑⲱⲥ ⲁⲕϯϩⲁⲡ ϩⲛⲟⲩⲥⲟⲟⲩⲧⲛ ·
helias_martyrdom_part3:40
ⲛⲧⲉⲣⲉϥⲛⲁⲩ ⲇⲉ ⲛϭⲓ ⲡⲣⲣⲟ ϫⲉⲛϥⲁⲓⲥⲑⲁⲛⲉ ⲁⲛ ⲁϥⲕⲉⲗⲉⲩⲉ ⲛⲥⲉⲛⲟϫϥ ⲉⲩⲗⲁⲕⲛⲧ ⲉⲥⲙⲉϩ ⲛⲛⲉϩ ⲉϥⲃⲣⲃⲣ ⲛⲥⲉⲥⲁϩⲧⲉ ϩⲁⲣⲟⲥ ⲛⲁⲟⲩⲛⲟⲩ ⲥⲛⲧⲉ ·
helias_martyrdom_part5:40
ⲧⲙⲉϩⲥⲛⲧⲉ ⲙⲙⲁⲣⲧⲩⲣⲓⲁ ⲙⲡϩⲁⲅⲓⲟⲥ ϩⲏⲗⲓⲁⲥ · ⲛⲧⲁϥⲁⲁⲥ ϩⲓⲗⲓⲃⲉⲣⲓⲁⲛⲟⲥ ⲡⲣⲣⲟ ⲛⲧⲕⲟⲩⲛⲑⲓⲁ ϩⲛⲟⲩⲉⲓⲣⲏⲛⲏ ϩⲁⲙⲏⲛ .
helias_encomium:40
ⲁⲕϣⲱⲡⲉ ⲉⲕⲧⲛⲧⲱⲛ ⲉⲣⲟϥ ϩⲛⲧⲉⲕϭⲓⲛⲟⲩⲁϩⲕ ⲛⲥⲁⲡⲉⲭⲣⲓⲥⲧⲟⲥ ⲙⲛⲧⲉⲕϭⲓⲛⲉⲣⲙⲁⲣⲧⲩⲣⲟⲥ ⲉϫⲱϥ
helias_martyrdom_part1:40
ⲥⲱⲧⲙ ϭⲉ ⲧⲉⲛⲟⲩ ⲛⲁⲥⲛⲏⲩ ⲧⲁⲧⲁⲙⲱⲧⲛ ϫⲉⲙⲉⲣⲉⲡⲛⲟⲩⲧⲉ ⲟⲃϣϥ ⲉⲛⲉⲧⲕⲱⲛϩⲧⲏⲩ ⲉⲣⲟϥ ⲁⲗⲗⲁ ϣⲁϥⲃⲟⲏⲑⲓⲁ ⲉⲣⲟⲟⲩ ⲛϥϯϭⲟⲙ ⲛⲁⲩ ·
helias_martyrdom_part4:40
ⲡⲉⲛⲧⲁϥⲛⲟⲩϩⲉⲙ ⲙⲡϣⲟⲙⲛⲧ ⲛϩⲁⲅⲓⲟⲥ ⲉⲧⲉϩⲣⲱ ⲛⲥⲟⲧⲉ ⲉⲧⲙⲟⲩϩ ⲉⲕⲉⲛⲁϩⲙⲉⲧ ϩⲱ ϫⲉⲕⲁⲥ ⲉⲣⲉⲡⲉⲕⲉⲟⲟⲩ ⲟⲩⲱⲛϩ ⲉⲃⲟⲗ ⲙⲡⲉⲙⲧⲟ ⲉⲃⲟⲗ ⲙⲡⲓⲙⲁⲅⲟⲥ ⲙⲛⲡⲟⲩⲡⲗⲓⲁⲛⲟⲥ ⲡⲥⲩⲛⲅⲗⲏⲧⲓ—ⲇⲕⲟⲥ ⟨—ⲛⲧⲉⲩⲛⲟⲩ ⲁⲩⲕⲗⲟⲟⲗⲉ ⲛⲉⲓⲱⲧⲉ ⲉⲓ ⲉⲃⲟⲗ ϩⲛⲧⲡⲉ ⲁⲥϭⲁⲁⲗⲉⲡⲥⲱⲙⲁ ⲙⲡϩⲁⲅⲓⲟⲥ ⲛⲧϩⲉ ⲛⲟⲩϩⲃⲥⲱ
helias_martyrdom_part1:41
ⲁⲥϣⲱⲡⲉ ⲇⲉ ⲛⲧⲉⲣⲉϥⲣⲙⲁⲣⲧⲩⲣⲟⲥⲛϭⲓ ⲡⲡⲉⲧⲟⲩⲁⲁⲃ ⲥⲱⲧⲏⲣⲓⲭⲟⲥⲛⲉⲩ ⲛⲟⲩⲙⲁⲧⲟⲓ ϩⲙⲡⲡⲁⲗⲗⲁⲧⲓⲟⲛⲉϥϩⲛ ⲙⲁⲁⲃⲉⲙⲛ ϣⲟⲙⲧⲉ ⲛⲣⲟⲙⲡⲉ ⲉⲡⲉϥⲣⲁⲛ ⲡⲉ ⲉ⁽²⁾ϩⲏⲗⲓⲁⲥⲉⲩⲥⲁⲓⲉ ⲡⲉ ϩⲉⲙⲡⲉϥⲡⲣⲟⲥⲟⲡⲟⲛ ⲉⲩϫⲱⲱⲣⲉ ⲡⲉ ϩⲛⲧⲉϥϭⲟⲙ ⲉϥϫⲏⲕ ⲉⲃⲟⲗ ϩⲛϩⲱⲃ ⲛⲓⲙ ⲉⲛⲁⲛⲟⲩⲟⲩ .
helias_martyrdom_part2:41
ⲱ ⲡⲣⲣⲟ ⲉⲧⲃⲉⲟⲩ ϭⲉ ⲕⲁⲛⲁⲅⲕⲁⲍⲉ ⲙⲙⲟⲓ ϫⲉⲁⲣⲓⲡⲁϩⲣⲉ ⲉⲛⲉⲕⲛⲟⲩⲧⲉ ⲛⲁⲓ ⲉⲕϫⲱ ⲙⲙⲟⲥ ⲉⲣⲟⲟⲩ ϫⲉϩⲛⲛⲟⲩⲧⲉ ⲛⲉ ⲉϣϫⲉ ϩⲛⲛⲟⲩ ⲧⲉ ⲛⲉ ⲉⲓⲉ ⲙⲁⲣⲟⲩⲉⲣⲡⲁϩⲣⲉ ⲉⲣⲟⲟⲩ ⲙⲙⲓⲓⲙⲙⲟⲟⲩ ·
helias_martyrdom_part4:41
ⲁⲩⲱ ⲁϥⲥⲫⲣⲁⲅⲓⲍⲉ ⲙⲙⲟϥ ⲁϥⲃⲱⲕ ⲉϩⲟⲩⲛ ⲉⲡⲕⲱϩⲧ
helias_martyrdom_part3:41
ϩⲱⲥⲧⲉ ⲛⲧⲉⲡⲉϥⲥⲱⲙⲁ ϭⲱϭ ⲉⲙⲁⲧⲉ ⲙⲛⲥⲱⲥ ⲁⲩⲡⲱϩⲧ ⲉϫⲱϥ ⲛⲟⲩⲑⲏⲛ ⲙⲛⲟⲩⲗⲁⲙϫⲁⲧⲡ
helias_encomium:41
ⲉⲓⲛⲁⲍⲱⲅⲣⲁⲫⲉⲓ ϭⲉ ⲛⲏⲧⲛ ⲛⲧϩⲓⲥⲧⲱⲣⲓⲁ ⲙⲡϩⲁⲅⲓⲟⲥ ϩⲏⲗⲓⲁⲥ ϫⲉⲙⲙⲟⲛ ⲧⲉ ⲭⲁⲣⲓⲥ ⲛⲧⲁⲥϣⲱⲡⲉ ⲛⲁϥ ⲉⲃⲟⲗ ϩⲓⲧⲙⲡϫⲟⲉⲓⲥ .
helias_martyrdom_part5:41
ⲁⲥϣⲱⲡⲉ ⲇⲉ ⲛⲧⲉⲣⲟⲩϯ ⲛⲧⲁⲛⲁⲫⲟⲣⲁ ⲙⲡϩⲁⲅⲓⲟⲥ ϩⲏⲗⲓⲁⲥ ⲛⲉⲩⲧⲩⲭⲟⲇⲟⲣⲟⲥ ⲡⲣⲣⲟ ⲛⲧⲙⲏⲧⲓⲁ ⲁϥⲱϣ ⲛϩⲱⲃ ⲛⲓⲙ ⲛⲧⲁⲩⲥϩⲁⲓⲥⲟⲩ ϩⲁⲣⲟϥ ⲁϥⲧⲣⲉⲩⲟⲧⲏϥ ⲉϩⲟⲩⲛ ϣⲁⲡⲉϥⲣⲁⲥⲧⲉ ⲛϥⲥⲱⲧⲙ ⲉⲣⲟϥ ⲁϥⲥϩⲁⲓ ⲛⲧϣⲃⲃⲓⲱ ⲛⲛⲉⲥϩⲁⲓ ⲁϥϫⲟⲟⲩⲥⲟⲩ ·
helias_martyrdom_part5:42
ⲉⲧⲣⲉⲩⲃⲱⲕ ϣⲁⲡⲉⲩⲣⲣⲟ ⲉⲧⲉⲩⲭⲱⲣⲁ ⲙⲡⲉϥⲣⲁⲥⲧⲉ ⲇⲉ ⲁϥϩⲙⲟⲟⲥ ϩⲓⲡⲃⲏⲙⲁ ⲛϭⲓⲡⲣⲣⲟ ⲁϥⲧⲣⲉⲩⲉⲓⲛⲉ ⲛⲁϥ ⲙⲡⲡⲉⲧⲟⲩⲁⲁⲃ ϩⲏⲗⲓⲁⲥ .
helias_martyrdom_part4:42
ϩⲱⲥⲧⲉ ⲛϥⲣⲥⲛⲧⲉ ⲛⲟⲩⲛⲟⲩ ϩⲛⲧⲙⲏⲧⲉ ⲙⲡⲕⲱϩⲧ ⲉϥϣⲗⲏⲗ ⲙⲛⲛⲥⲱⲥ ⲁϥⲉⲓ ⲉⲃⲟⲗ ϩⲙⲡⲕⲱϩⲧ
helias_martyrdom_part2:42
ⲁⲗⲗⲁ ⲉⲡⲉⲓⲇⲏ ⲁⲕⲉⲧⲉⲓ ⲙⲙⲟⲓ ⲱ ⲡⲣⲣⲟ ϫⲉⲕⲁⲁⲩ ⲉⲡⲉⲥⲏⲧ ⲛⲧⲟⲩⲗⲟ ⲉⲩⲁϣⲉ ⲉϩⲣⲁⲓ ⲛϯⲛⲁⲗⲩⲡⲉⲓ ⲙⲙⲟⲕ ⲁⲛ .
helias_martyrdom_part1:42
ⲡⲁⲓ ⲇⲉ ⲛⲉⲩⲥⲁⲉⲓⲛ ⲡⲉ ⲉϥⲁϩⲉⲣⲁⲧϥ ⲉⲡⲣⲣⲟ ⲛⲛⲁⲩ ⲛⲓⲙ ⲉⲧⲃⲉⲛⲉⲧⲁⲗϭⲟ ⲉϥⲉⲓⲣⲉ ⲙⲙⲟⲟⲩ ϩⲱⲥ ⲧⲉ ·
helias_encomium:42
ⲧⲁϫⲱ ⲛⲛⲧⲉϥⲙⲛⲧⲣⲉϥⲁⲅⲱⲛⲓⲍⲉ ⲉⲧⲃⲉⲡⲛⲑⲩⲧⲉ .
helias_martyrdom_part3:42
ⲁⲩⲱ ⲁⲡⲉⲩϣⲁϩ ϫⲓⲥⲉ ⲉϩⲣⲁⲓ ⲉϫⲙⲡⲉϥⲥⲱⲙⲁ ⲛⲥⲁϣϥ ⲙⲙⲁϩⲉ .
helias_martyrdom_part4:43
ⲙⲡⲉⲗⲁⲁⲩ ⲙⲡⲉⲧϩⲟⲟⲩ ϣⲱⲡⲉ ⲙⲙⲟϥ ⲉⲡⲧⲏⲣϥ ⲟⲩⲇⲉ ⲙⲡⲉⲥⲧⲟⲓ ⲛⲕⲱϩⲧ ϣⲱⲡⲉ ϩⲛⲛⲉϥϩⲟⲉⲓⲧⲉ ·
helias_martyrdom_part3:43
ⲛⲉⲣⲉⲡⲣⲣⲟ ⲇⲉ ⲙⲉⲉⲩⲉ ϫⲉⲁϥⲟⲩⲱ ⲉϥⲙⲟⲩ .
helias_encomium:43
ⲏ ⲛⲧⲟϥ ⲧⲃⲟⲏⲑⲓⲁ ⲙⲡⲡⲉⲧϫⲟⲥⲉ ⲛⲧⲁⲥⲣⲃⲟⲏⲑⲓⲁ ⲉⲣⲟⲕ .
helias_martyrdom_part5:43
ⲡⲉϫⲉⲡⲣⲣⲟ ⲛⲁϥ ϫⲉϩⲏⲗⲓⲁⲥ ⲟⲩⲛⲉⲛⲉⲓϩⲃⲏⲩⲉ ⲉⲧϩⲟⲟⲩ ⲛⲧⲁⲩⲥϩⲁⲓⲥⲟⲩ ⲛⲁⲓ ϫⲉⲕⲉⲓⲣⲉ ⲙⲙⲟⲟⲩ ⲧⲉⲛⲟⲩ ϭⲉ ⲑⲩⲥⲓⲁⲍⲉ ⲁϥⲟⲩⲱϣⲃ ⲛϭⲓⲛⲇⲓⲕⲁⲓⲟⲥ ϫⲉϥⲥⲏϩ ϩⲛⲛⲉⲅⲣⲗⲫⲏ ⲉⲧⲟⲩⲁⲁⲃ ϫⲉⲛⲛⲉⲧⲉⲛϣⲙϣⲉ ⲛϩⲛⲙⲟⲩⲛⲅ ⲛϭⲓϫ ϫⲉⲁⲛⲟⲕ ⲡⲉ ⲛⲛⲟⲩⲧⲉ ⲙⲛⲕⲉⲟⲩⲁ
helias_martyrdom_part2:43
ⲁⲩⲱ ⲁϥϥⲓ ⲛⲛⲉϥⲃⲁⲗ ⲉϩⲣⲁⲓ ⲉⲧⲡⲉ ⲁϥϣⲗⲏⲗ ⲛϭⲓⲡϩⲁⲅⲓⲟⲥ ϩⲏⲗⲓⲁⲥ ⲉϥϫⲱ ⲙⲙⲟⲥ ϫⲉⲥⲱⲧⲙ ⲉⲣⲟⲓ ⲓⲏⲥⲟⲩⲥ ⲡⲙⲁⲁϫⲉ ⲛⲣⲉϥⲥⲱⲧⲙ ⲡⲃⲁⲗ ⲛⲣⲉϥⲛⲁⲩ ·
helias_martyrdom_part1:43
ⲕⲁⲛ ⲉⲣϣⲁⲛⲟⲩⲙⲟⲕϩⲥ ⲧⲁϩⲉⲡⲣⲣⲟ ⲙⲛⲛⲉϥⲛⲟϭ ⲛⲧⲟϥ ⲡⲉ ϣⲁϥⲑⲉⲣⲁⲡⲉⲩⲉ ⲙⲙⲟⲟⲩ .
helias_martyrdom_part1:44
ⲉⲧⲃⲉⲡⲁⲓ ⲛⲉⲩⲙⲉ ⲙⲙⲟϥ ⲛϭⲓⲛⲁⲡⲡⲁⲗⲗⲁϯⲟⲛ ⲧⲏⲣⲟⲩ ϫⲓⲛⲡⲉⲩⲕⲟⲩⲓ ϣⲁⲡⲉⲩⲛⲟϭ
helias_martyrdom_part2:44
ϯⲧⲱⲃϩ ⲙⲙⲟⲕ ϫⲉⲕⲁⲥ ⲉⲕⲉⲧⲣⲉⲛⲉⲓⲇⲱⲗⲟⲛ ϩⲉ ⲉϩⲣⲁⲓ ⲉϫⲙⲡⲕⲁϩ ⲛⲥⲧⲉⲧⲛⲁ ⲛⲧⲉⲡⲉⲩⲉⲣⲡⲙⲉⲉⲩⲉ ⲃⲱⲧⲉ ⲉⲃⲟⲗ ϩⲓϫⲙⲡⲕⲁϩ ·:
helias_encomium:44
ⲧⲁϫⲱ ⲙⲡϭⲱⲛⲧ ⲙⲛⲧⲁⲡⲟⲛⲟⲓⲁ ⲙⲡⲧⲩⲣⲁⲛⲟⲥ ϫⲉⲙⲙⲟⲛ ⲑⲩⲡⲟⲙⲟⲡⲏ ⲙⲡⲉⲓⲙⲁⲣⲧⲩⲣⲟⲥ ⲉⲧⲟⲩⲁⲁⲃ ⲡⲁⲓ ⲙⲉⲛ ⲛⲉϥⲟ ⲛⲧϩⲉ ⲛϩⲉⲛⲉⲥⲟⲟⲩ ϩⲛⲧⲙⲏⲧⲉ ⲛϩⲉⲛⲟⲩⲱⲛϣ ⲛⲉϥⲟ ⲛⲧϩⲉ ⲛϩⲛⲕⲣⲓⲛⲟⲛ ϩⲛⲧⲙⲏⲧⲉ ⲛϩⲛϣⲟⲛⲧⲉ .
helias_martyrdom_part3:44
ⲗⲟⲓⲡⲟⲛ ⲁϥⲱϣ ⲉⲃⲟⲗ ϫⲉⲱ ϩⲏⲗⲓⲁⲥ ⲉϥⲧⲱⲛ ⲓⲏⲥⲟⲩⲥ ⲡⲉⲕⲛⲟⲩⲧⲉ ⲧⲉⲛⲟⲩ ⲙⲁⲣⲉϥⲛⲁϩⲙⲉⲕ ⲉⲃⲟⲗ ϩⲛⲛⲁϭⲓϫ .
helias_martyrdom_part5:44
ⲛⲃⲗⲗⲁⲓⲛⲁⲓ ⲇⲉ ⲛⲧⲉⲣⲉϥⲥⲟⲧⲙⲟⲩ ⲛϭⲓⲡⲣⲣⲟ ⲁϥⲧⲣⲉⲩⲁϣⲧϥ ⲉⲩϣⲧⲏⲛϫⲟⲉⲓ ⲛⲥⲉⲛⲉϫⲥⲟⲧⲉ ⲉⲣⲟϥ ⲛⲁϣⲟⲙⲧⲉ ⲛⲟⲩⲛⲟⲩ .
helias_martyrdom_part4:44
ⲡⲙⲁⲅⲟⲥ ⲇⲉ ⲙⲛⲡⲥⲩⲛⲕⲗⲓϯⲕⲟⲥ ⲁⲩⲃⲱⲕ ⲉϩⲟⲩⲛ ⲉⲣⲟϥ ⲁⲩⲁⲥⲡⲁⲍⲉ ⲙⲙⲟϥ ⲉⲩϫⲱ ⲙⲙⲟⲥ ϫⲉⲁⲗⲏⲑⲱⲥ ⲟⲩⲛⲟⲩⲧⲉ ⲙⲙⲉ ⲡⲉⲡⲉⲕⲛⲟⲩⲧⲉ ⲓⲏⲥⲟⲩⲥ
helias_encomium:45
ⲛⲉϥϣⲟⲟⲡ ⲛⲣⲉϥⲣⲟⲩⲟⲉⲓⲛ ϩⲛⲧⲙⲏⲧⲉ ⲛⲛⲉⲧϩⲙⲡⲕⲁⲕⲉ ⲛⲧⲉⲡⲗⲁⲛⲏ ⲛⲛⲉⲓⲇⲱⲗⲟⲛ
helias_martyrdom_part2:45
ⲁⲩⲱ ⲛⲧⲉⲩⲛⲟⲩ ⲁⲩϩⲉ ⲉϫⲙⲡⲕⲁϩ ⲛϭⲓⲛⲉⲓⲇⲱⲗⲟⲛ
helias_martyrdom_part5:45
ⲡⲡⲉⲧⲟⲩⲁⲁⲃ ⲇⲉ ϩⲏⲗⲓⲁⲥ ⲁϥⲥⲫⲣⲁⲅⲓⲍⲉ ⲙⲙⲟϥ ⲙⲡⲧⲩⲡⲟⲥ ⲙⲡⲉⲥⲧⲁⲩⲣⲟⲥ .
helias_martyrdom_part4:45
ⲁⲩⲱ ⲙⲛⲗⲁⲁⲩ ⲙⲙⲛⲧⲁⲧϭⲟⲙ ϩⲁϩⲧⲏϥ ⲧⲉⲛⲥⲟⲡⲥ ⲇⲉ ⲙⲙⲟⲕ ⲱ ⲡⲡⲉⲧⲟⲩⲁⲁⲕ ϩⲏⲗⲓⲁⲥ ϫⲉⲕⲁⲥ ⲉⲕⲉⲧⲃϩⲡⲉⲕⲛⲟⲩⲧⲉ ⲛϥⲭⲁⲣⲓⲍⲉ ⲛⲁⲛ ⲙⲡⲉⲕⲗⲟⲙ ⲛⲧⲙⲛⲧⲭⲣⲏⲥⲧⲓⲁⲛⲟⲥ .
helias_martyrdom_part3:45
ⲡⲡⲉⲧⲟⲩⲁⲁⲃ ⲇⲉ ⲁϥⲙⲟⲩϩ ⲉⲃⲟⲗ ϩⲙⲡⲉⲡⲛⲉⲩⲙⲁ ⲉⲉⲧⲟⲩⲁⲁⲃ ⲉϥⲉⲛ⁽²⁾ϩⲟⲩⲛ ⲉⲡⲕⲱϩⲧ ⲁϥⲱϣ ⲉⲃⲟⲗ ⲉϥϫⲱ ⲙⲙⲟⲥ ϫⲉⲧⲱⲙ ⲛⲣⲱⲕ ⲛⲅⲕⲁⲣⲱⲕⲱ ⲡⲣⲣⲟ ⲛⲁⲛⲟⲙⲟⲥ ⲉⲕⲧⲁⲩⲟ ⲙⲡⲣⲁⲛ ⲙⲡⲁⲛⲟⲩⲧⲉ ⲉⲃⲟⲗ ϩⲛⲧⲉⲕⲧⲁⲡⲣⲟ ⲉⲧϫⲁϩⲙ ⲡⲣⲣⲟ ⲇⲉ ⲛⲧⲉⲣⲉϥⲥⲱⲧⲙ ϫⲉⲙⲡⲉϥⲙⲟⲩ ⲁϥⲣϣⲡⲏⲣⲉ ⲉⲙⲁⲧⲉ
helias_martyrdom_part1:45
ⲡⲡⲉⲧⲟⲩⲁⲃⲃ ⲇⲉ ϩⲏⲗⲓⲁⲥ ⲛⲉϥⲙⲉⲉⲩⲉ ⲉⲃⲟⲗ ⲙⲙⲏⲛⲉ ⲉⲧⲃⲉⲡⲡⲉⲧⲟⲩⲁⲁⲃ ⲥⲱⲧⲏⲣⲓⲭⲟⲥ
helias_encomium:46
ⲁⲩⲱ ⲛⲉⲣⲉⲛⲉⲧⲙⲙⲁⲩ ⲧⲣⲩⲫⲁ ⲡⲓⲅⲉⲛⲛⲁⲓⲟⲥ ⲇⲉ ϩⲱⲱϥ ⲛⲉⲩⲭⲁⲗⲓⲛⲟⲩ ⲙⲙⲟϥ ⲉⲃⲟⲗ ϩⲓⲧⲙⲡⲻⲛⲟⲩⲧⲉ .
helias_martyrdom_part1:46
ⲁⲩⲱ ⲛⲉϥⲁⲓⲧⲉⲓ ⲉϥϫⲱ ⲙⲙⲟⲥ · ϫⲉϩⲟⲧⲁⲛ ⲉⲓϣⲁⲛⲙⲡϣⲁ ⲛⲕⲟⲩⲟⲛϩⲕ ⲛⲁⲓ ⲉⲃⲟⲗ ⲧⲁⲛⲁⲩ ⲉⲡⲉⲕϩⲟ ⲛⲕⲉⲥⲟⲡ .
helias_martyrdom_part3:46
ⲁⲩⲱ ⲁϥⲣⲱϩⲧ ⲛⲛⲉϥϭⲓϫ ⲉϫⲛⲛⲉⲩⲉⲣⲏⲩ
helias_martyrdom_part4:46
ⲡϩⲁⲅⲓⲟⲥ ⲇⲉ ϩⲏⲗⲓⲁⲥ ⲁϥⲣⲁϣⲉ ⲉⲙⲁⲧⲉ ⲁϥⲡⲱⲣϣ ⲛⲛⲉϥϭⲓϫ ⲉⲃⲟⲗ ⲁϥϣⲗⲏⲗ ⲉϥϫⲱ ⲙⲙⲟⲥ ϫⲉϯⲥⲟⲡⲥ ⲙⲙⲟⲕ ⲡⲁϫⲟⲉⲓⲥ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ ⲡⲛⲟⲩⲧⲉ ⲛⲣⲉϥⲕⲱ ⲉⲃⲟⲗ ⲕⲱ ⲉⲃⲟⲗ ⲛⲑⲉⲱⲕⲗⲏⲧⲟⲥ ⲛⲙⲁⲅⲟⲥ ⲙⲛⲡⲟⲩⲡⲗⲓⲁⲛⲟⲥ ⲡⲥⲩⲛⲅⲗⲏⲧⲓⲕⲟⲥ ⲛⲧⲟⲕ ⲁⲕϫⲟⲟⲥ ϫⲉⲛϯⲟⲩⲉϣ ⲡⲙⲟⲩ ⲁⲛ ⲙⲡⲣⲉϥⲣⲛⲟⲃⲉ ⲛⲧϩⲉ ⲉⲧⲣⲉϥⲕⲧⲟϥ ⲛϥⲙⲉⲧⲁⲛⲟⲉⲓ .
helias_martyrdom_part2:46
ⲁⲩⲱ ⲁⲩⲧⲛⲟ ⲁⲩⲣⲧϩⲉ ⲛⲟⲩϣⲟⲉⲓϣ ⲙⲉⲛⲛⲉⲩⲕⲉⲁⲡⲏⲩⲉ ⲉⲧⲛⲏϫ ϩⲓϫⲙⲡⲕⲁϩ .
helias_martyrdom_part5:46
ⲛⲧⲉⲩⲛⲟⲩ ⲉⲓⲥ ⲟⲩⲕⲗⲟⲟⲗⲉ ⲛⲟⲩⲟⲉⲓⲛ ⲁⲥⲥⲕⲉⲡⲁⲍⲉ ⲙⲙⲟϥ ⲙⲡⲉⲥⲕⲁⲗⲁⲁⲩ ⲛⲥⲟⲧⲉ ⲉϫⲱϩ ⲉⲣⲟϥ ⲉⲡⲧⲏⲣϥ .
helias_martyrdom_part2:47
ⲙⲛⲛⲥⲱⲥ ⲁϥⲛⲓⲃⲉ ⲛϭⲓⲟⲩⲧⲏⲩ ⲉϥⲛⲁϣⲧ ⲁϥⲑⲗⲟ ⲙⲡϣⲟⲉⲓϣ ⲛⲛⲉⲉⲓⲇⲱⲗⲟⲛ ⲉⲃⲟⲗ ⲁⲩⲱϫⲛ ϩⲓϫⲙⲡⲕⲁϩ .
helias_martyrdom_part1:47
ϥⲟⲛϩ ⲛϭⲓⲡϫⲟⲉⲓⲥ ⲁⲩⲱ ⲥⲟⲛϩ ⲛϭⲓⲧⲉⲕⲯⲩⲭⲏ ϫⲉⲡⲙⲟⲩ ⲛⲧⲁⲕⲙⲟⲩ ⲛϩⲏⲧϥ ·
helias_martyrdom_part5:47
ⲛⲧⲉⲣⲉϥⲛⲁⲩ ⲛϭⲓⲡⲣⲣⲟ ⲁϥⲣϣⲡⲏⲣⲉ ⲉⲙⲁⲧⲉ ⲁϥⲕⲉⲗⲉⲩⲉ ⲉⲧⲣⲉⲩⲕⲁⲁϥ ⲉⲡⲉⲥⲏⲧ ϩⲓⲡϣⲏ .
helias_martyrdom_part3:47
ⲡⲉϫⲁϥ ϫⲉϩⲛⲟⲩⲙⲉ ⲁⲓⲉⲓⲙⲉ ϫⲉⲉⲓ ⲛⲁⲉⲣⲣⲟⲩ ⲛⲁⲕ ϣⲁⲛⲧⲓⲃⲱⲗ ⲉⲃⲟⲗ ⲛⲛⲉⲕⲙⲁⲅⲓⲁ ϯⲛⲁⲧⲛⲛⲓⲟⲟⲩ ⲛⲥⲁⲟⲩⲙⲁⲅⲟⲥ ⲉϥⲥⲟⲧⲡ ⲉⲣⲟⲕ ⲛϥⲃⲱⲗ ⲉⲃⲟⲗ ⲛⲛⲉⲅⲙⲁⲅⲓⲁ
helias_encomium:47
ⲛⲁⲓ ⲙⲉⲛ ⲛⲉⲩⲟⲩⲱϣⲧ ⲛⲛⲉⲛⲧⲁⲛⲉⲩϭⲓϫ ⲧⲁⲙⲓⲟⲟⲩ .
helias_martyrdom_part4:47
ⲡⲁⲗⲓⲛ ⲟⲛ ⲁⲕϫⲟⲟⲥ · ϫⲉⲛⲧⲁⲓⲉⲓ ⲁⲛ ⲉⲧⲉϩⲙⲇⲓⲕⲁⲓⲟⲥ · ⲁⲗⲗⲁ ⲛⲣⲉϥⲣⲛⲟⲃⲉ ⲉⲩⲙⲉⲧⲁⲛⲟⲓⲁ .
helias_encomium:48
ⲡϩⲁⲅⲓⲟⲥ ⲇⲉ ϩⲏⲗⲓⲁⲥ ⲛⲉϥⲟⲩⲱϣⲧ ⲙⲡⲣⲉϥⲧⲁⲙⲓⲟ ⲙⲁⲩⲁⲁϥ ⲉⲧⲉⲡⲛⲟⲩⲧⲉ ⲡⲉ
helias_martyrdom_part2:48
ⲛⲧⲉⲣⲉϥⲛⲁⲩ ⲇⲉ ⲛϭⲓⲡⲣⲣⲟ · ⲉⲡⲉⲛⲧⲁϥϣⲱⲡⲉ ⲡⲉϫⲁϥ ⲙⲡϩⲁⲅⲓⲟⲥ ϫⲉⲱ ϩⲏⲗⲓⲁⲥ ⲡⲉⲕϩⲙⲟⲧ ⲡⲉ ⲡⲁⲓ ⲛⲧⲁⲕⲁⲁϥ ⲛⲙⲙⲁⲓ ⲛⲧⲁⲓ ⲉⲧⲓ ⲙⲙⲟⲕ ⲛⲟⲩϩⲙⲟⲧ ⲛⲧⲟⲕ ϩⲱⲱⲕ ⲁⲕⲧⲣⲉⲛⲁⲛⲟⲩⲧⲉ ⲣⲧϩⲉ ⲛⲟⲩϣⲟⲉⲓϣ ⲛⲁϩⲣⲛⲟⲩⲧⲏⲩ .
helias_martyrdom_part3:48
ⲁⲩⲱ ⲁⲛⲟⲕ ϯⲛⲁⲡⲉⲇⲉⲩⲉ ⲙⲙⲟⲕ ⲁϥⲧⲣⲉⲩⲛⲟϫϥ ⲉϩⲟⲩⲛ ⲉⲩⲧⲁⲙⲓⲟ ⲛ ⲛⲥⲉⲁϣⲧϥ ⲉϩⲣⲁⲓ ⲛⲥⲁϫⲱϥ ⲛⲥⲉϯ ⲛⲧⲉϥⲁⲡⲉ ⲉⲡⲉⲥⲏⲧ ⲉⲩⲡⲓⲑⲟⲥ ⲉϥⲙⲉϩ ⲛϩⲙϫϩⲓⲕⲟⲛⲓⲁ ⲉⲣⲉⲡⲕⲟⲛⲓⲁ ⲧⲁϩⲟ ⲛⲛⲉϥⲉⲕⲓⲃⲉ ⲁϥⲧⲱⲱⲃⲉ ⲙⲡⲣⲟ ϩⲙⲡⲉϥⲝⲟⲩⲣ ϣⲁⲛⲧⲉϥ ϫⲟⲟⲩ ⲛϥⲉⲓⲛⲉ ⲙⲡⲙⲁⲅⲟⲥ ⲛⲥⲉⲇⲱⲕⲓⲙⲁⲍⲉ ⲙⲙⲟϥ ⲛⲙⲙⲁϥ .
helias_martyrdom_part1:48
ϯⲛⲁⲙⲟⲩ ⲛϩⲏⲧϥ ⲻ ϩⲱ
helias_martyrdom_part4:48
ⲧⲉⲛⲟⲩ ϭⲉ ϯⲥⲟⲡⲥ ⲙⲙⲟⲕ ⲉⲧⲣⲉⲧⲉⲓⲡⲉⲧⲣⲁ ⲛⲕⲱϩⲧ ⲡⲱⲱⲛⲉ · ⲛⲥⲉⲣⲟⲩⲡⲩⲅⲏ ⲙⲙⲟⲟⲩ · ⲛⲧⲁⲃⲁⲡⲧⲓⲍⲉ ⲛⲛⲧⲁⲕⲥⲟⲧⲡⲟⲩ ⲉⲡⲉⲕⲣⲁⲛ ⲉⲧⲟⲩⲁⲁⲃ ·
helias_martyrdom_part5:48
ⲡⲉϫⲉⲡⲣⲣⲟ ⲛⲁϥ ϫⲉϩⲏⲗⲓⲁⲥ ⲉⲓⲟⲩⲱϣ ⲉⲧⲣⲉⲕⲧⲁⲙⲟⲓ ⲉⲡⲉⲓⲙⲁⲉⲓⲛ ⲛⲧⲁⲕⲁⲁϥ ⲉⲧⲉⲕⲧⲉϩⲛⲉ ϣⲁⲕⲧⲉⲕⲛⲟⲩϩⲙ ⲉⲛⲉⲓⲥⲟ ⲧⲉ ⲉⲧⲛⲁϣⲧ ⲉⲓϫⲱ ⲙⲙⲟⲥ ⲁⲛⲟⲕ ϩⲙⲡⲁϩⲏⲧ ϫⲉⲟⲩϩⲱⲃ ⲙⲙⲁⲅⲓⲁ ⲡⲉ ⲡⲁⲓ ⲛⲧⲁⲕ ⲁⲁϥ ⲙⲙⲟⲛ ⲛⲉⲕⲛⲁⲟⲩϫⲁⲓ ⲁⲛ ⲡⲉ ⲡⲉϫⲉⲡϩⲁⲅⲓⲟⲥ ϩⲏⲗⲓⲁⲥ ⲛⲁϥ ϫⲉⲱ ⲡⲣⲣⲟ ⲙⲡⲉⲣⲙⲉⲉⲩⲉ ϫⲉⲟⲩϩⲱⲃ ⲙⲙⲁⲅⲓⲁ ⲡⲉ ⲡⲁⲓ ⲛⲧⲁⲓⲁⲁϥ ⲛⲛⲉⲥϣⲱⲡⲉ ⲁⲗⲗⲁ ⲡⲁⲓ ⲡⲉ ⲡⲧⲩⲡⲟⲥ ⲙⲡⲉⲥⲧⲁⲩⲣⲟⲥ ⲙⲡⲁϫⲟⲉⲓⲥ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ ⲡⲉϫⲉⲡⲣⲣⲟ ⲛⲁϥ ϫⲉⲛⲧⲁⲩⲉⲓϣⲉ ⲙⲡⲉⲕϫⲟⲉⲓⲥ ⲁⲩⲣⲣⲟⲩ ⲛⲁϥ .
helias_martyrdom_part3:49
ⲡⲣⲣⲟ ⲇⲉ ⲛⲧⲉⲣⲉϥⲃⲱⲕ ⲉⲡⲥⲁⲛ ⲃⲟⲗ ⲙⲡⲙⲁ ⲉⲧⲉⲣⲉⲡⲡⲉⲧⲟⲩⲁⲁⲃ ϩⲏⲗⲓⲁⲥ ⲟⲛⲧ— ⲉϩⲟⲩⲛ ⲉⲣⲟϥ .
helias_encomium:49
ⲁⲩⲱ ⲡⲕⲟⲥⲙⲟⲕⲣⲁⲧⲱⲣ ⲛⲛⲁⲡⲕⲁⲕⲉ ⲛⲉϥⲡⲣⲟⲧⲣⲉⲡⲉⲓ ⲙⲙⲟϥ ⲟⲛ ⲛⲛⲁⲡⲕⲁⲕⲉ .
helias_martyrdom_part5:49
ⲡⲉϫⲉⲡⲇⲓⲕⲁⲓⲟⲥ ⲛⲁϥ ϫⲉⲁϥⲁⲗⲉ ⲉⲡⲉⲥⲧⲁⲩⲣⲟⲥ ⲁϥⲙⲟⲩ ϩⲁⲛⲉⲛⲛⲟⲃⲉ ⲡⲉϫⲉ ⲡⲣⲣⲟ ⲛⲁϥ ϫⲉⲟⲩⲕⲟⲩⲛ ⲁⲡⲉⲕⲛⲟⲩⲧⲉ ⲙⲟⲩϩⲱⲱϥ ⲛⲧϩⲉ ⲛⲣⲱⲙⲉ ⲛⲓⲙ ⲡⲉϫⲉⲡⲇⲓⲕⲁⲓⲟⲥ ϫⲉⲙⲉⲛⲧⲟⲓⲅⲉ ⲟⲩⲁⲧⲙⲟⲩ ⲡⲉ ⲁⲗⲗⲁ ⲁϥⲙⲟⲩⲗϥ ⲧⲱⲟⲩⲛ ϣⲁⲛⲧⲉϥϯ ⲙⲡⲱⲛϩ ⲛⲁⲛ ⲡⲉϫⲉⲡⲣⲣⲟ ⲛⲁϥ ϫⲉⲁⲁⲗⲏⲑⲱⲥ ⲡⲙⲟⲩ ⲛⲧⲁⲡⲉⲕⲛⲟⲩⲧⲉ ⲓⲏⲥⲟⲩⲥ ⲙⲟⲩ ⲛϩⲏⲧϥ ϯⲛⲁⲙⲟⲟⲩⲧⲕ ϩⲱⲱⲕ ⲛϩⲏⲧϥ .
helias_martyrdom_part2:49
ⲡⲉϫⲉ ⲡⲡⲉⲧⲟⲩⲁⲁⲃ ⲙⲡⲣⲣⲟ ϫⲉϥⲥⲏϩ ϫⲉⲉⲣⲉⲡⲁⲥⲉⲃⲏⲥ ⲟ ⲛⲧϩⲉ ⲙⲡϣⲟⲉⲓϣ ⲛϣⲁⲣⲉⲡⲧⲏⲩ ⲑⲗⲟϥ ⲉⲃⲟⲗϩⲓϫⲙⲡϩⲟ ⲙⲡⲕⲁϩ ⲛⲧⲟⲕ ⲇⲉ ϩⲱⲱⲕ ⲱ ⲡⲣⲣⲟ ⲉⲕϣⲁⲛϭⲱ ⲉⲕⲟ ⲛⲁⲥⲉⲃⲏⲥ ·
helias_martyrdom_part1:49
ⲛⲧⲉⲣⲉϥⲛⲕⲟⲧⲕ ⲇⲉ ⲉϥⲙⲉⲉⲩⲉ ⲉⲃⲟⲗ ϩⲛⲛⲁⲓ ⲁⲩⲥⲙⲏ ϣⲱⲡⲉ ϣⲁⲣⲟϥ ϫⲉϩⲏⲻⲗⲓⲁⲥ ϩⲏⲗⲓⲁⲥ ⲛⲧⲟϥ ⲇⲉ ⲡⲉϫⲁϥ ϫⲉⲉⲓⲥϩⲏⲏⲧⲉ ⲁⲛⲟⲕ ⲡϫⲟⲉⲓⲥ ⲛⲧⲕ ⲛⲓⲙ ⲙⲡⲉⲧⲙⲟⲩⲧⲉ ⲉⲣⲟⲓ .
helias_martyrdom_part4:49
ⲛⲥⲉϫⲓ ⲛⲧⲉⲥⲫⲣⲁⲅⲓⲥ ⲙⲡⲱⲛϩ . ⲛⲧⲟⲕ ⲁⲕϫⲟⲟⲥ ⲛⲛⲉⲕⲙⲁⲑⲏⲧⲏⲥ ϫⲉⲙⲟⲟϣⲉ ⲉⲃⲟⲗ ⲉⲡⲓⲕⲟⲥⲙⲟⲥ ⲧⲏⲣϥ · ⲛⲧⲉⲧⲉⲛⲃⲁⲡⲧⲓⲍⲉ ⲛⲛϩⲉⲑⲛⲟⲥ ⲧⲏⲣⲟⲩ ⲉⲡⲣⲁⲛ ⲙⲡⲉⲓⲱⲧ · ⲙⲛⲡϣⲏⲣⲉ ⲙⲛⲡⲉⲡⲛⲁⲉⲧⲟⲩⲁⲁⲃ .
helias_martyrdom_part2:50
ⲕⲛⲁⲃⲱⲕ ⲉⲡⲧⲁⲕⲟ ⲛⲧϩⲉ ⲛⲛⲉⲧⲙⲙⲁⲩ ·
helias_encomium:50
ⲡⲅⲉⲡⲛⲁⲓⲟⲥ ⲇⲉ ϩⲱⲱϥ ⲙⲙⲁⲣⲧⲩⲣⲟⲥ ·
helias_martyrdom_part1:50
ⲛⲉϥⲙⲉⲉⲩⲉ ⲛϭⲓⲡⲡⲉⲧⲟⲩⲁⲁⲃϩⲏⲗⲓⲁⲥ ϫⲉⲛⲧⲁⲩⲙⲟⲕϩⲥⲧⲗϩⲉ ⲡⲣⲣⲟ ⲁϥⲧⲛⲛⲟⲟⲩ ⲛⲥⲱϥⲉⲧⲣⲉϥⲣⲡⲁϩⲣⲉⲉⲣⲟϥ :ⲻ:ⲻ:ⲻ
helias_martyrdom_part3:50
ⲉⲓⲥ ⲙⲓⲭⲁⲏⲗ ⲡⲁⲣⲭⲁⲅⲅⲉⲗⲟⲥ ⲁϥⲉⲓ ϣⲁⲡⲡⲉⲧⲟⲩⲁⲁⲃ ϩⲏⲗⲓⲁⲥ ⲁϥⲕⲁⲁϥ ⲉⲡⲉⲥⲏⲧ ⲉϥⲁϣⲉ ⲉϩⲣⲁⲓ ⲁϥⲥⲫⲣⲁⲅⲓⲍⲉ ⲙⲡⲉϥⲥⲱⲙⲁ ⲁϥⲣⲧϩⲉ ⲉϣϫⲉ ⲙⲡⲉϥϫⲱϩ ⲉⲣⲟϥ ⲉⲡⲧⲏⲣϥ
helias_martyrdom_part4:50
ⲁⲩⲱ ϩⲛⲧⲉⲩⲛⲟⲩ ⲉⲧⲙⲙⲁⲩ ·
helias_martyrdom_part5:50
ⲗⲟⲓⲡⲟⲛ ⲁϥⲕⲉⲗⲉⲩⲉ ⲉⲧⲣⲉⲩⲧⲁⲙⲓⲟ ⲛⲟⲩⲥⲧⲁⲩⲣⲟⲥ ⲛⲥⲉⲉⲓϣⲉ ⲙⲏ ⲡⲉⲧⲟⲩⲁⲁⲃ ⲉⲣⲟϥ ⲛⲧⲉⲣⲟⲩⲧⲁⲗⲟ ⲙⲡⲡⲉⲧⲟⲩⲁⲁⲃ ⲉⲣⲟϥ ⲁϥⲣⲁϣⲉ ϫⲉⲁϥⲉⲙⲡϣⲁ ⲙⲡⲧⲩⲡⲟⲥ ⲙⲡϫⲟⲉⲓⲥ .

Coptic SCRIPTORIUM, corpus helias (github.com/CopticScriptorium/corpora). Licence as stated per document in the project's own meta.json and checked there at parse time. English, where present, is Coptic SCRIPTORIUM's aligned translation. Licence: CC-BY 4.0. Source.