Bohairic Mark

Coptic literature (Coptic SCRIPTORIUM) · 678 sections

bohairic.Mark_02:13
ⲟⲩⲟϩ ⲁϥⲓ ⲉⲃⲟⲗ ϩⲁⲫⲓⲟⲙ ⲟⲩⲟϩ ⲡⲓⲙⲏϣ ⲧⲏⲣϥ ⲉⲛⲁϥⲛⲏⲟⲩ ϩⲁⲣⲟϥ ⲟⲩⲟϩ ⲛⲁϥϯⲥⲃⲱ ⲛⲱⲟⲩ ⲡⲉ
He went out again by the seaside. All the multitude came to him, and he taught them.
bohairic.Mark_09:13
ⲁⲗⲗⲁ ϯϫⲱ ⲙⲙⲟⲥ ⲛⲱⲧⲉⲛ ϫⲉⲏⲗⲓⲁⲥ ⲁϥⲓ ⲟⲩⲟϩ ⲁⲩⲓⲣⲓ ⲛⲁϥ ⲙⲡⲉⲧⲟⲩⲟⲩⲁϣϥ ⲕⲁⲧⲁⲫⲣⲏϯ ⲉⲧⲥϧⲏⲟⲩⲧ ⲉϫⲱϥ .
But I tell you that Elijah has come, and they have also done to him whatever they wanted to, even as it is written about him.'
bohairic.Mark_05:13
ⲟⲩⲟϩ ⲁϥⲟⲩⲁϩⲥⲁϩⲛⲓ ⲛⲱⲟⲩ ⲟⲩⲟϩ ⲉⲧⲁⲩⲓ ⲉⲃⲟⲗ ⲛϫⲉⲛⲓⲡⲛⲉⲩⲙⲁ ⲛⲁⲕⲁⲑⲣⲧⲟⲛ ⲁⲩϣⲉ ⲛⲱⲟⲩ ⲉϧⲟⲩⲛ ⲉⲛⲓⲉϣⲁⲩ ⲟⲩⲟϩ ⲁⲥϩⲉⲓ ⲉϧⲣⲏⲓ ⲛϫⲉϯⲁⲅⲉⲗⲏ ϧⲁⲧⲉⲛⲡⲓϫⲁϫⲣⲓⲙ ⲉⲫⲓⲟⲙ ⲉⲩⲉⲣϣⲟ ⲥⲛⲁⲩ ⲟⲩⲟϩ ⲛⲁⲩⲱϫϩ ⲙⲙⲱⲟⲩ ϧⲉⲛⲫⲓⲟⲙ .
At once Jesus gave them permission. The unclean spirits came out and entered into the pigs. The herd of about two thousand rushed down the steep bank into the sea, and they were drowned in the sea.
bohairic.Mark_13:13
ⲟⲩⲟϩ ⲉⲣⲉⲧⲉⲛⲉϣⲱⲡⲓ ⲉⲩⲙⲟⲥϯ ⲙⲙⲱⲧⲉⲛ ⲛϫⲉⲟⲩⲟⲛ ⲛⲓⲃⲉⲛ ⲉⲑⲃⲉⲡⲁⲣⲁⲛ ⲫⲏ ⲇⲉ ⲉⲧⲛⲁⲁⲙⲟⲛⲓ ⲛⲧⲟⲧϥ ϣⲁⲉⲃⲟⲗ ⲫⲁⲓ ⲡⲉ ⲫⲏ ⲉⲧⲛⲁⲛⲟϩⲉⲙ .
You will be hated by all men for my name's sake, but he who endures to the end, the same will be saved.
bohairic.Mark_11:13
ⲉⲧⲁϥⲛⲁⲩ ⲉⲟⲩⲃⲱ ⲛⲕⲉⲛⲧⲉ ϩⲓⲫⲟⲩⲉⲓ ⲉⲟⲩⲟⲛ ϩⲁⲛϫⲱⲃⲓ ϩⲓⲱⲧⲥ ⲁϥⲓ ϫⲉϩⲁⲣⲁ ϥⲛⲁϫⲉⲙϩⲗⲓ ϩⲓⲱⲧⲥ ⲟⲩⲟϩ ⲉⲧⲁϥⲓ ⲉϫⲱⲥ ⲙⲡⲉϥϫⲉⲙϩⲗⲓ ⲉⲃⲏⲗ ⲉϩⲁⲛϫⲱⲃⲓ ⲛⲉⲡⲥⲏⲟⲩ ⲅⲁⲣ ⲛⲕⲉⲛⲧⲉ ⲁⲛ ⲡⲉ .
Seeing a fig tree afar off having leaves, he came to see if perhaps he might find anything on it. When he came to it, he found nothing but leaves, for it was not the season for figs.
bohairic.Mark_03:13
ⲟⲩⲟϩ ⲁϥϣⲉ ⲛⲁϥ ⲉϩⲣⲏⲓ ⲉϫⲉⲛⲡⲓⲧⲱⲟⲩ ⲟⲩⲟϩ ⲁϥⲙⲟⲩϯ ⲉⲛⲏ ⲉⲛⲁϥⲟⲩⲁϣⲟⲩ ⲛⲑⲟϥ ⲟⲩⲟϩ ⲁⲩϣⲉ ⲛⲱⲟⲩ ϩⲁⲣⲟϥ
He went up into the mountain, and called to himself those whom he wanted, and they went to him.
bohairic.Mark_07:13
ⲉⲣⲉⲧⲉⲛⲕⲱⲣϥ ⲙⲡⲓⲥⲁϫⲓ ⲛⲧⲉⲫⲛⲟⲩϯ ϧⲉⲛⲧⲉⲧⲛⲡⲁⲣⲁⲇⲟⲥⲓⲥ ⲑⲏ ⲉⲧⲁⲣⲉⲧⲉⲛⲧⲏⲓⲥ ⲟⲩⲟϩ ϩⲁⲛⲙⲏϣ ⲙⲡⲁⲓⲣⲏϯ ⲉⲩⲟⲛⲓ ⲛⲛⲁⲓ ⲧⲉⲧⲉⲛⲣⲁ ⲙⲙⲱⲟⲩ .
making void the word of God by your tradition, which you have handed down. You do many things like this.'
bohairic.Mark_08:13
ⲟⲩⲟϩ ⲉⲧⲁϥⲭⲁⲩ ⲉⲃⲟⲗ ⲁϥⲁⲗⲏⲓ ⲁϥϣⲉ ⲉⲙⲏⲣ .
He left them, and again entering into the boat, departed to the other side.
bohairic.Mark_04:14
ⲫⲏ ⲉⲧⲥⲓϯ ⲁϥⲥⲓϯ ⲙⲡⲓⲥⲁϫⲓ .
The farmer sows the word.
bohairic.Mark_10:14
ⲉⲧⲁϥⲛⲁⲩ ⲇⲉ ⲛϫⲉⲓⲏⲥⲟⲩⲥ ⲁⲡⲉϥϩⲏⲧ ⲙⲕⲁϩ ⲟⲩⲟϩ ⲡⲉϫⲁϥ ⲛⲱⲟⲩ ϫⲉⲭⲁⲛⲓⲁⲗⲱⲟⲩⲓ ⲛⲧⲟⲩⲓ ϩⲁⲣⲟⲓ ⲙⲡⲣⲧⲁϩⲛⲟ ⲙⲙⲱⲟⲩ ⲉⲓ ϩⲁⲣⲟⲓ ⲑⲁⲛⲁⲓ ⲟⲩⲟⲛ ⲅⲁⲣ ⲙⲡⲁⲓⲣⲏϯ ⲧⲉ ϯⲙⲉⲧⲟⲩⲣⲟ ⲛⲧⲉⲫⲛⲟⲩϯ
But when Jesus saw it, he was moved with indignation, and said to them, 'Allow the little children to come to me! Don't forbid them, for the Kingdom of God belongs to such as these.
bohairic.Mark_09:14
ⲟⲩⲟϩ ⲉⲧⲁϥⲓ ϩⲁⲛⲓⲙⲁⲑⲏⲧⲏⲥ ⲁϥⲛⲁⲩ ⲉⲟⲩⲙⲏϣ ⲉϥⲟϣ ⲙⲡⲟⲩⲕⲱϯ ⲟⲩⲟϩ ϩⲁⲛⲥⲁϧ ⲉⲩⲕⲱϯ ⲛⲉⲙⲱⲟⲩ .
Coming to the disciples, he saw a great multitude around them, and scribes questioning them.
bohairic.Mark_01:14
ⲙⲉⲛⲉⲛⲥⲁⲑⲣⲟⲩϯ ⲇⲉ ⲛⲓⲱⲁⲛⲛⲏⲥ ⲁϥⲓ ⲛϫⲉⲓⲏⲥⲟⲩⲥ ⲉϯⲅⲁⲗⲓⲗⲉⲁ ⲉϥϩⲓⲱⲓϣ ⲙⲡⲓⲉⲩⲁⲅⲅⲉⲗⲓⲟⲛ ⲛⲧⲉⲫⲛⲟⲩϯ
Now after John was taken into custody, Jesus came into Galilee, preaching the Good News of the Kingdom of God,
bohairic.Mark_16:14
ⲉⲡϧⲁⲉ ⲇⲉ ⲉⲩⲣⲟⲧⲉⲃ ⲛϫⲉⲡⲓⲓⲁ ⲙⲙⲁⲑⲏⲧⲏⲥ ⲁϥⲟⲩⲟⲛϩϥ ⲉⲣⲱⲟⲩ ⲟⲩⲟϩ ⲛⲁϥϯϣⲱϣ ⲛⲧⲟⲩⲙⲉⲧⲁⲑⲛⲁϩϯ ⲛⲉⲙⲧⲟⲩⲙⲉⲑⲛⲁϣⲧϩⲏⲧ ϫⲉⲙⲡⲟⲩⲛⲁϩϯ ⲉⲛⲏ ⲉⲧⲁⲩⲛⲁⲩ ⲉⲣⲟϥ ⲉⲧⲁϥⲧⲱⲛϥ
Afterward he was revealed to the eleven themselves as they sat at the table, and he rebuked them for their unbelief and hardness of heart, because they didn't believe those who had seen him after he had risen.
bohairic.Mark_15:14
ⲡⲓⲗⲁⲧⲟⲥ ⲅⲁⲣ ⲛⲁϥϫⲱ ⲙⲙⲟⲥ ⲛⲱⲟⲩ ϫⲉⲟⲩ ⲅⲁⲣ ⲙⲡⲉⲧϩⲱⲟⲩ ⲡⲉⲧⲁϥⲁⲓϥ ⲛⲑⲱⲟⲩ ⲇⲉ ⲛϩⲟⲩⲟ ⲛⲁⲩⲱϣ ⲉⲃⲟⲗ ϫⲉⲁϣϥ .
Pilate said to them, 'Why, what evil has he done?' But they cried out exceedingly, 'Crucify him!'
bohairic.Mark_06:14
ⲟⲩⲟϩ ⲁϥⲥⲱⲧⲉⲙ ⲛϫⲉⲡⲟⲩⲣⲟ ⲏⲣⲱⲇⲏⲥ ⲡⲉϥⲣⲁⲛ ⲅⲁⲣ ⲁϥⲟⲩⲟⲛϩϥ ⲉⲃⲟⲗ ⲟⲩⲟϩ ⲛⲁϥϫⲱ ⲙⲙⲟⲥ ϫⲉⲓⲱⲁⲛⲛⲏⲥ ⲡⲓⲣⲉϥϯⲱⲙⲥ ⲁϥⲧⲱⲛϥ ⲉⲃⲟⲗ ϧⲉⲛⲛⲏ ⲉⲑⲙⲱⲟⲩⲧ ⲉⲑⲃⲉⲫⲁⲓ ⲛⲓϫⲟⲙ ⲥⲉⲉⲣϩⲱⲃ ⲛϧⲏⲧϥ .
King Herod heard this, for his name had become known, and he said, 'John the Baptizer has risen from the dead, and therefore these powers are at work in him.'
bohairic.Mark_02:14
ⲟⲩⲟϩ ⲉϥⲥⲓⲛⲓⲱⲟⲩ ⲁϥⲛⲁⲩ ⲉⲗⲉⲩⲓ ⲛⲧⲉⲁⲗⲫⲉⲟⲥ ⲉϥϩⲉⲙⲥⲓ ϩⲓⲡⲓⲧⲉⲗⲱⲛⲓⲟⲛ ⲟⲩⲟϩ ⲡⲉϫⲁϥ ⲛⲁϥ ϫⲉⲙⲟϣⲓ ⲛⲥⲱⲓ ⲟⲩⲟϩ ⲁϥⲧⲱⲛϥ ⲁϥⲙⲟϣⲓ ⲛⲥⲱϥ .
As he passed by, he saw Levi, the son of Alphaeus, sitting at the tax office, and he said to him, 'Follow me.' And he arose and followed him.
bohairic.Mark_03:14
ⲟⲩⲟϩ ⲁϥⲑⲁⲙⲓⲉⲓⲃ ⲛⲏ ⲉⲧⲁϥϯⲣⲉⲛⲟⲩ ϫⲉⲛⲓⲁⲡⲟⲥⲧⲟⲗⲟⲥ ϩⲓⲛⲁ ⲛⲧⲟⲩⲟϩⲓ ⲛⲉⲙⲁϥ ⲟⲩⲟϩ ϩⲓⲛⲁ ⲛⲧⲉϥⲟⲩⲟⲣⲡⲟⲩ ⲉϩⲓⲱⲓϣ
He appointed twelve, that they might be with him, and that he might send them out to preach,
bohairic.Mark_08:14
ⲟⲩⲟϩ ⲁⲩⲉⲣⲡⲱⲃϣ ⲉϭⲓⲱⲓⲕ ⲟⲩⲟϩ ⲛⲉⲙⲙⲟⲛ ϩⲗⲓ ⲛⲧⲟⲧⲟⲩ ϩⲓⲡⲓϫⲟⲉⲓ ⲉⲃⲏⲗ ⲉⲟⲩⲱⲓⲕ ⲙⲙⲁⲩⲁⲧϥ .
They forgot to take bread; and they didn't have more than one loaf in the boat with them.
bohairic.Mark_05:14
ⲟⲩⲟϩ ⲛⲏ ⲉⲛⲁⲩⲙⲟⲛⲓ ⲙⲙⲱⲟⲩ ⲁⲩⲫⲱⲧ ⲟⲩⲟϩ ⲁⲩϫⲟⲥ ϧⲉⲛϯⲃⲁⲕⲓ ⲛⲉⲙϧⲉⲛⲧⲕⲟⲓ ⲟⲩⲟϩ ⲁⲩⲓ ⲉⲛⲁⲩ ϫⲉⲟⲩ ⲡⲉ ⲫⲏ ⲉⲧⲁϥϣⲱⲡⲓ .
Those who fed them fled, and told it in the city and in the country. The people came to see what it was that had happened.
bohairic.Mark_14:14
ⲟⲩⲟϩ ⲡⲓⲙⲁ ⲉⲧⲉϥⲛⲁϣⲉ ⲛⲁϥ ⲉϧⲟⲩⲛ ⲉⲣⲟϥ ⲁϫⲟⲥ ⲙⲡⲓⲛⲉⲃⲏⲓ ϫⲉⲡⲉϫⲉ ⲡⲓⲣⲉϥϯⲥⲃⲱ ϫⲉⲁϥⲑⲱⲛ ⲡⲓⲙⲁ ⲛⲙⲧⲟⲛ ⲡⲓⲙⲁ ⲉϯⲛⲁⲟⲩⲱⲙ ⲙⲡⲓⲡⲁⲥⲭⲁ ⲙⲙⲟϥ ⲛⲉⲙⲛⲁⲙⲁⲑⲏⲧⲏⲥ .
and wherever he enters in, tell the master of the house, 'The Teacher says, 'Where is the guest room, where I may eat the Passover with my disciples?''
bohairic.Mark_13:14
ⲉϣⲱⲡ ⲇⲉ ⲛⲧⲉⲧⲉⲛⲛⲁⲩ ⲉⲡⲓⲥⲱϥ ⲛⲧⲉⲡⲓϣⲱϥ ⲉϥⲟϩⲓ ⲉⲣⲁⲧϥ ⲙⲡⲓⲙⲁ ⲉⲧⲉⲥϣⲉ ⲁⲛ ⲫⲏ ⲉⲧⲱϣ ⲙⲁⲣⲉϥⲕⲁϯ ⲧⲟⲧⲉ ⲛⲏ ⲉⲧⲭⲏ ϧⲉⲛϯⲓⲟⲩⲇⲉⲁ ⲙⲁⲣⲟⲩⲫⲱⲧ ⲉϫⲉⲛⲛⲓⲧⲱⲟⲩ
But when you see the abomination of desolation, spoken of by Daniel the prophet, standing where it ought not (let the reader understand), then let those who are in Judea flee to the mountains,
bohairic.Mark_11:14
ⲟⲩⲟϩ ⲉⲧⲁϥⲉⲣⲟⲩⲱ ⲡⲉϫⲁϥ ⲛⲁⲥ ϫⲉⲛⲛⲉϩⲗⲓ ϫⲉⲙⲟⲩⲧⲁϩ ϩⲓⲱϯ ϣⲁⲉⲛⲉϩ ⲟⲩⲟϩ ⲛⲁⲩⲥⲱⲧⲉⲙ ⲛϫⲉⲛⲉϥⲙⲁⲑⲏⲧⲏⲥ .
Jesus told it, 'May no one ever eat fruit from you again!' and his disciples heard it.
bohairic.Mark_12:14
ⲟⲩⲟϩ ⲉⲧⲁⲩⲓ ⲡⲉϫⲱⲟⲩ ⲛⲁϥ ϫⲉⲫⲣⲉϥϯⲥⲃⲱ ⲧⲉⲛⲓ ϫⲉⲛⲑⲟⲕ ⲟⲩⲑⲙⲏⲓ ⲟⲩⲟϩ ⲥⲉⲣⲙⲉⲗⲓⲛ ⲛⲁⲕ ⲁⲛ ϧⲁϩⲗⲓ ⲟⲩ ⲅⲁⲣ ⲕϫⲟⲩϣⲧ ⲉϩⲟ ⲛⲣⲱⲙⲓ ⲁⲛ ⲁⲗⲗⲁ ⲕϯⲥⲃⲱ ⲙⲡⲓⲙⲱⲓⲧ ⲛⲧⲉⲫⲛⲟⲩϯ ϧⲉⲛⲟⲩⲙⲉⲑⲙⲏⲓ ⲥϣⲉ ⲛϯϩⲱϯ ⲙⲡⲟⲩⲣⲟ ϣⲁⲛ ⲙⲙⲟⲛ ⲛⲧⲉⲛϯ ϣⲁⲛ ⲛⲧⲉⲛϣⲧⲉⲙϯ .
When they had come, they asked him, 'Teacher, we know that you are honest, and don't defer to anyone; for you aren't partial to anyone, but truly teach the way of God. Is it lawful to pay taxes to Caesar, or not?
bohairic.Mark_07:14
ⲟⲩⲟϩ ⲉⲧⲁϥⲙⲟⲩϯ ⲟⲛ ⲉⲡⲓⲙⲏϣ ⲡⲉϫⲁϥ ⲛⲱⲟⲩ ϫⲉⲥⲱⲧⲉⲙ ⲉⲣⲟⲓ ⲟⲩⲟϩ ⲕⲁϯ
He called all the multitude to himself, and said to them, 'Hear me, all of you, and understand.
bohairic.Mark_04:15
ⲛⲁⲓ ⲇⲉ ⲛⲉ ⲛⲏ ⲉⲧϩⲓⲥⲕⲉⲛⲡⲓⲙⲱⲓⲧ ⲡⲓⲙⲁ ⲉⲧⲁⲩⲥⲓϯ ⲙⲡⲓⲥⲁϫⲓ ⲙⲙⲟϥ ⲟⲩⲟϩ ⲉϣⲱⲡ ⲛⲧⲟⲩⲥⲱⲧⲉⲙ ⲥⲁⲧⲟⲧϥ ⲇⲉ ϣⲁϥⲓ ⲛϫⲉⲡⲥⲁⲧⲁⲛⲁⲥ ⲟⲩⲟϩ ⲛⲧⲉϥⲱⲗⲓ ⲙⲡⲓⲥⲁϫⲓ ⲉⲧⲁⲩⲥⲁⲧϥ ⲛϧⲏⲧⲟⲩ
The ones by the road are the ones where the word is sown; and when they have heard, immediately Satan comes, and takes away the word which has been sown in them.
bohairic.Mark_08:15
ⲟⲩⲟϩ ⲛⲁϥϩⲟⲛϩⲉⲛ ⲛⲱⲟⲩ ⲉϥϫⲱ ⲙⲙⲟⲥ ϫⲉⲁⲛⲁⲩ ⲟⲩⲟϩ ϫⲟⲩϣⲧ ⲉⲃⲟⲗ ϩⲁⲡϣⲉⲙⲏⲣ ⲛⲧⲉⲛⲓⲫⲁⲣⲓⲥⲉⲟⲥ ⲛⲉⲙⲡϣⲉⲙⲏⲣ ⲛⲏⲣⲱⲇⲏⲥ .
He warned them, saying, 'Take heed: beware of the yeast of the Pharisees and the yeast of Herod.'
bohairic.Mark_15:15
ⲡⲓⲗⲁⲧⲟⲥ ⲇⲉ ⲉϥⲟⲩⲱϣ ⲉⲉⲣⲡⲉⲧⲉϩⲛⲉⲡⲓⲙⲏϣ ⲁϥⲭⲁⲃⲁⲣⲁⲃⲃⲁⲥ ⲛⲱⲟⲩ ⲉⲃⲟⲗ ⲁϥϯ ⲇⲉ ⲛⲓⲏⲥⲟⲩⲥ ⲉⲉⲣⲫⲣⲁⲅⲉⲗⲗⲓⲛ ⲙⲙⲟϥ ϩⲓⲛⲁ ⲛⲧⲟⲩⲁϣϥ .
Pilate, wishing to please the multitude, released Barabbas to them, and handed over Jesus, when he had flogged him, to be crucified.
bohairic.Mark_09:15
ⲟⲩⲟϩ ⲥⲁⲧⲟⲧϥ ⲡⲓⲙⲏϣ ⲧⲏⲣϥ ⲉⲧⲁⲩⲛⲁⲩ ⲉⲣⲟϥ ⲁⲩⲉⲣϩⲟϯ ⲟⲩⲟϩ ⲉⲧⲁⲩϭⲟϫⲓ ⲁⲩⲉⲣⲁⲥⲡⲁⲍⲉⲥⲑⲉ ⲙⲙⲟϥ .
Immediately all the multitude, when they saw him, were greatly amazed, and running to him greeted him.
bohairic.Mark_01:15
ⲟⲩⲟϩ ⲉϥϫⲱ ⲙⲙⲟⲥ ϫⲉⲁϥϫⲱⲕ ⲉⲃⲟⲗ ⲛϫⲉⲡⲓⲥⲏⲟⲩ ⲟⲩⲟϩ ⲁⲥϧⲱⲛⲧ ⲛϫⲉϯⲙⲉⲧⲟⲩⲣⲟ ⲛⲧⲉⲫⲛⲟⲩϯ ⲁⲣⲓⲙⲉⲧⲁⲛⲟⲓⲛ ⲟⲩⲟϩ ⲛⲁϩϯ ⲉⲡⲓⲉⲩⲁⲅⲅⲉⲗⲓⲟⲛ .
and saying, 'The time is fulfilled, and the Kingdom of God is at hand! Repent, and believe in the Good News.'
bohairic.Mark_06:15
ϩⲁⲛⲕⲉⲭⲱⲟⲩⲛⲓ ⲇⲉ ⲛⲁⲩϫⲱ ⲙⲙⲟⲥ ϫⲉⲏⲗⲓⲁⲥ ⲡⲉ ϩⲁⲛⲕⲉⲭⲱⲟⲩⲛⲓ ⲇⲉ ⲛⲁⲩϫⲱ ⲙⲙⲟⲥ ϫⲉⲟⲩⲡⲣⲟⲫⲏⲧⲏⲥ ⲙⲫⲣⲏϯ ⲛⲟⲩⲁⲓ ⲛⲛⲓⲡⲣⲟⲫⲏⲧⲏⲥ ⲛⲁⲣⲭⲉⲟⲥ
But others said, 'He is Elijah.' Others said, 'He is a prophet, or like one of the prophets.'
bohairic.Mark_02:15
ⲟⲩⲟϩ ⲁⲥϣⲱⲡⲓ ⲉϥⲣⲟⲧⲉⲃ ϧⲉⲛⲡⲉϥⲏⲓ ⲛⲉⲟⲩⲟⲛ ϩⲁⲛⲙⲏϣ ⲛⲧⲉⲗⲱⲛⲏⲥ ⲛⲉⲙϩⲁⲛⲣⲉϥⲉⲣⲛⲟⲃⲓ ⲛⲁⲩⲣⲟⲧⲉⲃ ⲛⲉⲙⲓⲏⲥⲟⲩⲥ ⲛⲉⲙⲛⲉϥⲙⲁⲑⲏⲧⲏⲥ ⲛⲉⲟⲩⲟⲛ ⲟⲩⲙⲏϣ ⲙⲙⲁⲩ ⲡⲉ ⲟⲩⲟϩ ⲛⲁⲩⲙⲟϣⲓ ⲛⲥⲱϥ ⲡⲉ ⲛϫⲉⲛⲓⲥⲁϧ ⲛⲉⲙⲛⲓⲫⲁⲣⲓⲥⲉⲟⲥ .
He was reclining at the table in his house, and many tax collectors and sinners sat down with Jesus and his disciples, for there were many, and they followed him.
bohairic.Mark_11:15
ⲟⲩⲟϩ ⲁⲩⲓ ⲉⲓⲉⲣⲟⲥⲁⲗⲏⲙ ⲟⲩⲟϩ ⲉⲧⲁϥⲓ ⲉϧⲟⲩⲛ ⲉⲡⲓⲉⲣⲫⲉⲓ ⲁϥⲉⲣϩⲏⲧⲥ ⲛϩⲓⲟⲩⲓ ⲉⲃⲟⲗ ⲛⲛⲏ ⲧⲏⲣⲟⲩ ⲉⲧϯ ⲉⲃⲟⲗ ⲛⲉⲙⲛⲏ ⲉⲧϣⲱⲡ ϧⲉⲛⲡⲓⲉⲣⲫⲉⲓ ⲟⲩⲟϩ ⲛⲓⲧⲣⲁⲡⲉⲍⲁ ⲛⲧⲉⲛⲓⲕⲟⲗⲩⲃⲓⲥⲧⲏⲥ ⲛⲉⲙⲛⲓⲕⲁⲑⲉⲇⲣⲁ ⲛⲧⲉⲛⲏ ⲉⲧϯ ϭⲣⲟⲙⲡⲓ ⲉⲃⲟⲗ ⲁϥⲥⲟⲥⲟⲩ
They came to Jerusalem, and Jesus entered into the temple, and began to throw out those who sold and those who bought in the temple, and overthrew the tables of the money changers, and the seats of those who sold the doves.
bohairic.Mark_03:15
ⲟⲩⲟϩ ⲉⲑⲣⲉⲡⲉⲣϣⲓϣⲓ ϣⲱⲡⲓ ⲛⲧⲟⲧⲟⲩ ⲉϩⲓⲇⲁⲓⲙⲱⲛ ⲉⲃⲟⲗ
and to have authority to heal sicknesses and to cast out demons:
bohairic.Mark_05:15
ⲟⲩⲟϩ ⲁⲩⲓ ϩⲁⲓⲏⲥⲟⲩⲥ ⲁⲩⲛⲁⲩ ⲉⲫⲏ ⲉⲛⲁⲣⲉⲛⲓⲇⲁⲓⲙⲱⲛ ⲛⲉⲙⲁϥ ⲉϥϩⲉⲙⲥⲓ ⲉⲣⲉⲛⲉϥϩⲃⲱⲥ ⲧⲟⲓ ϩⲓⲱⲧϥ ⲟⲩⲟϩ ⲉⲣⲉⲡⲉϥϩⲏⲧ ⲙⲙⲟϥ ⲟⲩⲟϩ ⲁⲩⲉⲣϩⲟϯ .
They came to Jesus, and saw him who had been possessed by demons sitting, clothed, and in his right mind, even him who had the legion; and they were afraid.
bohairic.Mark_12:15
ⲛⲑⲟϥ ⲇⲉ ⲉϥⲥⲱⲟⲩⲛ ⲛⲧⲟⲩⲙⲉⲧϣⲟⲃⲓ ⲡⲉϫⲁϥ ⲛⲱⲟⲩ ϫⲉⲉⲑⲃⲉⲟⲩ ⲧⲉⲧⲉⲛϭⲱⲛⲧ ⲙⲙⲟⲓ ⲁⲛⲓⲟⲩⲓ ⲛⲏⲓ ⲛⲟⲩⲥⲁⲑⲉⲣⲓ ϩⲓⲛⲁ ⲛⲧⲁⲛⲁⲩ ⲉⲣⲟⲥ .
Shall we give, or shall we not give?' But he, knowing their hypocrisy, said to them, 'Why do you test me? Bring me a denarius, that I may see it.'
bohairic.Mark_10:15
ⲁⲙⲏⲛ ϯϫⲱ ⲙⲙⲟⲥ ⲛⲱⲧⲉⲛ ϫⲉⲫⲏ ⲉⲑⲛⲁϣⲉⲡϯⲙⲉⲧⲟⲩⲣⲟ ⲛⲧⲉⲫⲛⲟⲩϯ ⲉⲣⲟϥ ⲁⲛ ⲙⲫⲣⲏϯ ⲛⲟⲩⲁⲗⲟⲩ ⲛⲛⲉϥⲓ ⲉϧⲟⲩⲛ ⲉⲣⲟⲥ
Most certainly I tell you, whoever will not receive the Kingdom of God like a little child, he will in no way enter into it.'
bohairic.Mark_14:15
ⲟⲩⲟϩ ⲛⲑⲟϥ ϥⲛⲁⲧⲁⲙⲉⲑⲏⲛⲟⲩ ⲉⲟⲩⲛⲓϣϯ ⲙⲙⲁ ⲉϥϭⲟⲥⲓ ⲉϥⲫⲟⲣϣ ⲉϥⲥⲉⲃⲧⲱⲧ ⲟⲩⲟϩ ⲥⲉⲃⲧⲱⲧϥ ⲛⲁⲛ ⲙⲙⲁⲩ .
He will himself show you a large upper room furnished and ready. Make ready for us there.'
bohairic.Mark_07:15
ⲙⲙⲟⲛ ϩⲗⲓ ⲥⲁⲃⲟⲗ ⲙⲡⲓⲣⲱⲙⲓ ⲉϥⲛⲁ ⲉϧⲟⲩⲛ ⲉⲣⲱϥ ⲉⲟⲩⲟⲛ ϣϫⲟⲙ ⲙⲙⲟϥ ⲉⲥⲟϥϥ ⲁⲗⲗⲁ ⲛⲏ ⲉⲧⲛⲏⲟⲩ ⲉⲃⲟⲗ ϧⲉⲛⲣⲱϥ ⲙⲡⲓⲣⲱⲙⲓ .
There is nothing from outside of the man, that going into him can defile him; but the things which proceed out of the man are those that defile the man.
bohairic.Mark_13:15
ⲫⲏ ⲉⲧϩⲓϫⲉⲛⲡϫⲉⲛⲉⲫⲱⲣ ⲙⲡⲉⲛⲑⲣⲉϥⲓ ⲉϧⲣⲏⲓ ⲟⲩⲇⲉ ⲙⲡⲉⲛⲑⲣⲉϥϣⲉ ⲉϧⲟⲩⲛ ⲉⲉⲗϩⲗⲓ ⲉⲃⲟⲗ ϧⲉⲛⲡⲉϥⲏⲓ .
and let him who is on the housetop not go down, nor enter in, to take anything out of his house.
bohairic.Mark_16:15
ⲟⲩⲟϩ ⲁϥϫⲟⲥ ⲛⲱⲟⲩ ϫⲉⲙⲁϣⲉ ⲛⲱⲧⲉⲛ ⲉⲡⲓⲕⲟⲥⲙⲟⲥ ⲟⲩⲟϩ ϧⲉⲛϩⲱⲃ ⲛⲓⲃⲉⲛ ϩⲓⲱⲓϣ ⲙⲡⲓⲉⲩⲁⲅⲅⲉⲗⲓⲟⲛ ⲙⲡⲓⲥⲱⲛⲧ ⲧⲏⲣϥ .
He said to them, 'Go into all the world, and preach the Good News to the whole creation.
bohairic.Mark_04:16
ⲟⲩⲟϩ ⲛⲁⲓ ⲟⲛ ⲙⲡⲁⲓⲣⲏϯ ⲛⲉ ⲛⲏ ⲉⲧⲁⲩⲥⲁⲧⲟⲩ ϩⲓϫⲉⲛⲛⲓⲙⲁ ⲙⲡⲉⲧⲣⲁ ⲛⲏ ⲉⲧⲁⲩϣⲁⲛⲥⲱⲧⲉⲙ ⲉⲡⲓⲥⲁϫⲓ ϣⲁⲩϭⲓⲧϥ ϧⲉⲛⲟⲩⲣⲁϣⲓ
These in like manner are those who are sown on the rocky places, who, when they have heard the word, immediately receive it with joy.
bohairic.Mark_15:16
ⲛⲓⲙⲁⲧⲟⲓ ⲇⲉ ⲁⲩϭⲓⲧϥ ⲉϧⲟⲩⲛ ⲉϯⲁⲩⲗⲏ ⲛⲧⲉⲡⲓⲡⲣⲉⲧⲱⲣⲓⲟⲛ ⲟⲩⲟϩ ⲁⲩⲙⲟⲩϯ ⲉϯⲥⲡⲓⲣⲁ ⲧⲏⲣⲥ ⲉϩⲣⲏⲓ ⲉϫⲱϥ
The soldiers led him away within the court, which is the Praetorium; and they called together the whole cohort.
bohairic.Mark_08:16
ⲟⲩⲟϩ ⲛⲁⲩⲙⲟⲕⲙⲉⲕ ⲛⲉⲙⲛⲟⲩⲉⲣⲏⲟⲩ ⲉⲩϫⲱ ⲙⲙⲟⲥ ϫⲉⲙⲙⲟⲛ ⲱⲓⲕ ⲛⲧⲟⲧⲟⲩ .
They reasoned with one another, saying, 'It's because we have no bread.'
bohairic.Mark_01:16
ⲟⲩⲟϩ ⲉⲧⲁϥⲥⲓⲛⲓ ⲉⲃⲟⲗ ϩⲁ ⲫⲓⲟⲙ ⲛⲧⲉϯⲅⲁⲗⲓⲗⲉⲁ ⲁϥⲛⲁⲩ ⲉⲥⲓⲙⲱⲛ ⲛⲉⲙⲁⲛⲇⲣⲉⲁⲥ ⲡⲥⲟⲛ ⲛⲥⲓⲙⲱⲛ ⲉⲩϩⲓϣⲛⲉ ⲛⲥⲓϯ ⲉⲫⲓⲟⲙ ϫⲉⲟⲩⲏⲓ ⲅⲁⲣ ⲛⲉϩⲁⲛⲟⲩⲟϩⲓ ⲛⲉ .
Passing along by the sea of Galilee, he saw Simon and Andrew the brother of Simon casting a net into the sea, for they were fishermen.
bohairic.Mark_06:16
ⲉⲧⲁϥⲥⲱⲧⲉⲙ ⲇⲉ ⲛϫⲉⲏⲣⲱⲇⲏⲥ ⲛⲁϥϫⲱ ⲙⲙⲟⲥ ϫⲉⲓⲱⲁⲛⲛⲏⲥ ⲫⲏ ⲁⲛⲟⲕ ⲉⲧⲁⲓⲉⲗⲧⲉϥⲛⲁϩⲃⲓ ⲛⲑⲟϥ ⲡⲉⲧⲁϥⲧⲱⲛϥ .
But Herod, when he heard this, said, 'This is John, whom I beheaded. He has risen from the dead.'
bohairic.Mark_03:16
ⲟⲩⲟϩ ⲁϥϯ ⲛⲟⲩⲣⲁⲛ ⲉⲥⲓⲙⲱⲛ ϫⲉⲡⲉⲧⲣⲟⲥ .
Simon, to whom he gave the name Peter;
bohairic.Mark_02:16
ⲟⲩⲟϩ ⲉⲧⲁⲩⲛⲁⲩ ϫⲉϥⲟⲩⲱⲙ ⲛⲉⲙⲛⲓⲧⲉⲗⲱⲛⲏⲥ ⲛⲉⲙⲛⲓⲣⲉϥⲉⲣⲛⲟⲃⲓ ⲛⲁⲩϫⲱ ⲙⲙⲟⲥ ⲛⲛⲉϥⲙⲁⲑⲏⲧⲏⲥ ϫⲉⲉⲑⲃⲉⲟⲩ ϥⲟⲩⲱⲙ ⲟⲩⲟϩ ϥⲥⲱ ⲛⲉⲙⲛⲓⲧⲉⲗⲱⲛⲏⲥ ⲛⲉⲙⲛⲓⲣⲉϥⲉⲣⲛⲟⲃⲓ ⲛϫⲉⲡⲉⲧⲉⲛⲣⲉϥϯⲥⲃⲱ
The scribes and the Pharisees, when they saw that he was eating with the sinners and tax collectors, said to his disciples, 'Why is it that he eats and drinks with tax collectors and sinners?'
bohairic.Mark_13:16
ⲟⲩⲟϩ ⲫⲏ ⲉⲧϧⲉⲛⲧⲕⲟⲓ ⲙⲡⲉⲛⲑⲣⲉϥⲓ ⲉⲫⲁϩⲟⲩ ⲉⲉⲗⲡⲉϥϩⲃⲟⲥ .
Let him who is in the field not return back to take his cloak.
bohairic.Mark_14:16
ⲟⲩⲟϩ ⲉⲧⲁⲩⲓ ⲉⲃⲟⲗ ⲛϫⲉⲛⲉϥⲙⲁⲑⲏⲧⲏⲥ ⲟⲩⲟϩ ⲁⲩⲓ ⲉϯⲃⲁⲕⲓ ⲟⲩⲟϩ ⲁⲩϫⲓⲙⲓ ⲕⲁⲧⲁⲫⲣⲏϯ ⲉⲧⲁϥϫⲟⲥ ⲛⲱⲟⲩ ⲟⲩⲟϩ ⲁⲩⲥⲉⲃⲧⲉ ⲡⲓⲡⲁⲥⲭⲁ
His disciples went out, and came into the city, and found things as he had said to them, and they prepared the Passover.
bohairic.Mark_05:16
ⲟⲩⲟϩ ⲁⲩⲥⲁϫⲓ ϧⲁⲧⲟⲧⲟⲩ ⲛϫⲉⲛⲏ ⲉⲧⲁⲩⲛⲁⲩ ϫⲉⲉⲧⲁⲥϣⲱⲡⲓ ⲛⲁϣ ⲛⲣⲏϯ ⲙⲫⲏ ⲉⲛⲁⲣⲉⲛⲓⲇⲁⲓⲙⲱⲛ ⲛⲉⲙⲁϥ ⲛⲉⲙⲉⲑⲃⲉⲛⲓⲣⲓⲣ
Those who saw it declared to them how it happened to him who was possessed by demons, and about the pigs.
bohairic.Mark_12:16
ⲛⲑⲱⲟⲩ ⲇⲉ ⲁⲩⲓⲛⲓ ⲟⲩⲟϩ ⲡⲉϫⲁϥ ⲛⲱⲟⲩ ϫⲉⲑⲁ ⲛⲓⲙ ⲧⲉ ⲧⲁⲓϩⲓⲕⲱⲛ ⲛⲉⲙⲧⲁⲓⲉⲡⲓⲅⲣⲁⲫⲏ ⲛⲑⲱⲟⲩ ⲇⲉ ⲡⲉϫⲱⲟⲩ ⲛⲁϥ ϫⲉⲛⲁⲡⲟⲩⲣⲟ ⲛⲉ .
They brought it. He said to them, 'Whose is this image and inscription?' They said to him, 'Caesar's.'
bohairic.Mark_10:16
ⲟⲩⲟϩ ⲉⲧⲁϥϩⲓⲧⲟⲧϥ ⲛⲥⲱⲟⲩ ⲁϥⲥⲙⲟⲩ ⲉⲣⲱⲟⲩ ⲁϥⲭⲁϫⲓϫ ⲉϫⲱⲟⲩ .
He took them in his arms, and blessed them, laying his hands on them.
bohairic.Mark_09:16
ⲟⲩⲟϩ ⲁϥϣⲉⲛⲟⲩ ϫⲉⲁⲣⲉⲧⲉⲛⲕⲱϯ ⲛⲥⲁⲟⲩ ⲛⲧⲟⲧⲟⲩ .
He asked the scribes, 'What are you asking them?'
bohairic.Mark_16:16
ⲫⲏ ⲉⲧⲁϥⲛⲁϩϯ ⲟⲩⲟϩ ⲉⲧⲁϥϭⲓⲱⲙⲥ ⲉϥⲉⲛⲟϩⲉⲙ ⲫⲏ ⲇⲉ ⲉⲧⲁϥⲉⲣⲁⲑⲛⲁϩϯ ⲥⲉⲛⲁϯϩⲁⲡ ⲉⲣⲟϥ .
He who believes and is baptized will be saved; but he who disbelieves will be condemned.
bohairic.Mark_11:16
ⲟⲩⲟϩ ⲛⲁϥⲭⲱ ⲛϩⲗⲓ ⲁⲛ ⲡⲉ ϩⲓⲛⲁ ⲛⲧⲉϥⲉⲛⲟⲩⲥⲕⲉⲩⲟⲥ ⲉⲃⲟⲗ ϩⲓⲧⲉⲛⲡⲓⲉⲣⲫⲉⲓ .
He would not allow anyone to carry a container through the temple.
bohairic.Mark_07:16
ⲫⲏ ⲉⲧⲉ ⲟⲩⲟⲛ ⲙⲁϣϫ ⲙⲙⲟϥ ⲉⲥⲱⲧⲉⲙ ⲙⲁⲣⲉϥⲥⲱⲧⲉⲙ
If anyone has ears to hear, let him hear!'
bohairic.Mark_08:17
ⲟⲩⲟϩ ⲉⲧⲁϥⲉⲙⲓ ⲡⲉϫⲁϥ ⲛⲱⲟⲩ ϫⲉⲁϧⲱⲧⲉⲛ ⲧⲉⲧⲉⲛⲙⲟⲕⲙⲉⲕ ϫⲉⲙⲙⲟⲛ ⲱⲓⲕ ⲛⲧⲉⲛ ⲑⲏⲛⲟⲩ ⲙⲡⲁⲧⲉⲧⲉⲛⲉⲙⲓ ⲟⲩⲟϩ ⲧⲉⲧⲉⲛⲕⲁϯ ⲁⲛ ϥⲑⲏⲙ ⲛϫⲉⲡⲉⲧⲉⲛϩⲏⲧ .
Jesus, perceiving it, said to them, 'Why do you reason that it's because you have no bread? Don't you perceive yet, neither understand? Is your heart still hardened?
bohairic.Mark_15:17
ⲟⲩⲟϩ ⲁⲩϯ ϩⲓⲱⲧϥ ⲛⲟⲩϩⲃⲟⲥ ⲛϭⲏϫⲓ ⲟⲩⲟϩ ⲁⲩϣⲱⲛⲧ ⲛⲟⲩⲭⲗⲟⲙ ⲉⲃⲟⲗ ϧⲉⲛϩⲁⲛⲥⲟⲩⲣⲓ ⲁⲩⲭⲁϥ ϩⲓϫⲱϥ
They clothed him with purple, and weaving a crown of thorns, they put it on him.
bohairic.Mark_01:17
ⲟⲩⲟϩ ⲡⲉϫⲁϥ ⲛⲱⲟⲩ ⲛϫⲉⲓⲏⲥⲟⲩⲥ ϫⲉⲁⲙⲱⲓⲛⲓ ⲙⲟϣⲓ ⲛⲥⲱⲓ ⲛⲧⲁⲉⲣⲑⲏⲛⲟⲩ ⲛϩⲁⲛⲟⲩⲟϩⲓ ⲛⲣⲉϥⲧⲁϩⲉⲣⲱⲙⲓ .
Jesus said to them, 'Come after me, and I will make you into fishers for men.'
bohairic.Mark_06:17
ⲏⲣⲱⲇⲏⲥ ⲅⲁⲣ ⲛⲉⲁϥⲁⲙⲟⲛⲓ ⲛⲓⲱⲁⲛⲛⲏⲥ ⲟⲩⲟϩ ⲁϥⲥⲟⲛϩϥ ϧⲉⲛⲡⲓϣⲧⲉⲕⲟ ⲉⲑⲃⲉⲏⲣⲱⲇⲓⲁⲥ ⲧⲥϩⲓⲙⲓ ⲙⲫⲓⲗⲓⲡⲡⲟⲥ ⲡⲉϥⲥⲟⲛ ϫⲉⲟⲩⲏⲓ ⲅⲁⲣ ⲛⲉⲁϥϭⲓⲧⲥ ⲡⲉ
For Herod himself had sent out and arrested John, and bound him in prison for the sake of Herodias, his brother Philip's wife, for he had married her.
bohairic.Mark_02:17
ⲟⲩⲟϩ ⲉⲧⲁϥⲥⲱⲧⲉⲙ ⲛϫⲉⲓⲏⲥⲟⲩⲥ ⲡⲉϫⲁϥ ⲛⲱⲟⲩ ϫⲉⲥⲉⲉⲣⲭⲣⲓⲁ ⲁⲛ ⲛϫⲉⲛⲏ ⲉⲧϫⲟⲣ ⲙⲡⲓⲥⲏⲓⲛⲓ ⲁⲗⲗⲁ ⲛⲏ ⲉⲑⲙⲟⲕϩ ⲛⲉⲧⲁⲓⲓ ⲅⲁⲣ ⲁⲛ ⲉⲑⲁϩⲉⲙⲛⲓⲑⲙⲏⲓ ⲁⲗⲗⲁ ⲛⲓⲣⲉϥⲉⲣⲛⲟⲃⲓ .
When Jesus heard it, he said to them, 'Those who are healthy have no need for a physician, but those who are sick. I came not to call the righteous, but sinners to repentance.'
bohairic.Mark_03:17
ⲟⲩⲟϩ ⲓⲁⲕⲱⲃⲟⲥ ⲡϣⲏⲣⲓ ⲛⲍⲉⲃⲉⲇⲉⲟⲥ ⲛⲉⲙⲓⲱⲁⲛⲛⲏⲥ ⲡⲥⲟⲛ ⲛⲓⲁⲕⲱⲃⲟⲥ ⲟⲩⲟϩ ⲁϥϯ ⲛϩⲁⲛⲣⲁⲛ ⲉⲣⲱⲟⲩ ϫⲉⲃⲟⲁⲛⲏⲣⲅⲉⲥ ⲉⲧⲉⲫⲁⲓ ⲡⲉ ϫⲉⲛⲓϣⲏⲣⲓ ⲛⲧⲉϯϧⲁⲣⲁⲃⲁⲓ .
James the son of Zebedee; John, the brother of James, and he surnamed them Boanerges, which means, Sons of Thunder;
bohairic.Mark_11:17
ⲟⲩⲟϩ ⲛⲁϥϯⲥⲃⲱ ⲟⲩⲟϩ ⲛⲁϥϫⲱ ⲙⲙⲟⲥ ⲛⲱⲟⲩ ϫⲉⲥⲥϧⲏⲟⲩⲧ ϫⲉⲡⲁⲏⲓ ⲉⲩⲉⲙⲟⲩϯ ⲉⲣⲟϥ ϫⲉⲟⲩⲏⲓ ⲙⲡⲣⲟⲥⲉⲩⲭⲏ ⲛⲛⲓⲉⲑⲛⲟⲥ ⲧⲏⲣⲟⲩ ⲛⲑⲱⲧⲉⲛ ⲇⲉ ⲁⲣⲉⲧⲉⲛⲁⲓϥ ⲙⲃⲏⲃ ⲛⲥⲟⲛⲓ .
He taught, saying to them, 'Isn't it written, 'My house will be called a house of prayer for all the nations?'
bohairic.Mark_14:17
ⲟⲩⲟϩ ⲉⲧⲁⲣⲟⲩϩⲓ ϣⲱⲡⲓ ⲁϥⲓ ⲛⲉⲙⲡⲓⲓⲃ .
When it was evening he came with the twelve.
bohairic.Mark_05:17
ⲟⲩⲟϩ ⲁⲩⲉⲣϩⲏⲧⲥ ⲛϯϩⲟ ⲉⲣⲟϥ ϫⲉⲛⲧⲉϥϣⲉ ⲛⲁϥ ⲉⲃⲟⲗ ϧⲉⲛⲛⲟⲩⲑⲟϣ
They began to beg him to depart from their region.
bohairic.Mark_13:17
ⲟⲩⲟⲩⲟⲓ ⲇⲉ ⲛⲛⲏ ⲉⲧⲉⲙⲃⲟⲕⲓ ⲛⲉⲙⲛⲏ ⲉⲧϯϭⲓ ϧⲉⲛⲛⲓⲉϩⲟⲟⲩ ⲉⲧⲉⲙⲙⲁⲩ .
But woe to those who are with child and to those who nurse babies in those days!
bohairic.Mark_10:17
ⲟⲩⲟϩ ⲉϥⲛⲏⲟⲩ ⲉⲃⲟⲗ ⲉⲟⲩⲙⲱⲓⲧ ⲁϥϭⲟϫⲓ ⲛϫⲉⲟⲩⲁⲓ ⲁϥϩⲓⲧϥ ⲉϫⲉⲛⲛⲉϥⲕⲉⲗⲓ ⲛⲁϥϣⲓⲛⲓ ⲙⲙⲟϥ ϫⲉⲫⲣⲉϥϯⲥⲃⲱ ⲛⲁⲅⲁⲑⲟⲥ ⲟⲩ ⲡⲉϯⲛⲁⲁⲓϥ ⲛⲧⲁⲉⲣⲕⲗⲏⲣⲟⲛⲟⲙⲟⲥ ⲛⲟⲩⲱⲛϧ ⲛⲉⲛⲉϩ .
As he was going out into the way, one ran to him, knelt before him, and asked him, 'Good Teacher, what shall I do that I may inherit eternal life?'
bohairic.Mark_09:17
ⲟⲩⲟϩ ⲁϥⲉⲣⲟⲩⲱ ⲛⲁϥ ⲛϫⲉⲟⲩⲁⲓ ⲉⲃⲟⲗ ϧⲉⲛⲡⲓⲙⲏϣ ϫⲉⲫⲣⲉϥϯⲥⲃⲱ ⲁⲓⲉⲛⲡⲁϣⲏⲣⲓ ϩⲁⲣⲟⲕ ⲉⲟⲩⲟⲛ ⲟⲩⲡⲛⲉⲩⲙⲁ ⲛⲁⲧⲥⲁϫⲓ ⲛⲉⲙⲁϥ .
One of the multitude answered, 'Teacher, I brought to you my son, who has a mute spirit;
bohairic.Mark_16:17
ⲛⲁⲓⲙⲏⲓⲛⲓ ⲇⲉ ⲉⲩⲉⲙⲟϣⲓ ⲛⲥⲁⲛⲏ ⲉⲧⲛⲁϩϯ ϧⲉⲛⲡⲁⲣⲁⲛ ⲉⲩⲉϩⲓ ϩⲁⲛⲇⲁⲓⲙⲱⲛ ⲉⲃⲟⲗ ⲉⲩⲉⲥⲁϫⲓ ϧⲉⲛϩⲁⲛⲁⲥⲡⲓ ⲛⲗⲁⲥ .
These signs will accompany those who believe: in my name they will cast out demons; they will speak with new languages;
bohairic.Mark_12:17
ⲛⲑⲟϥ ⲇⲉ ⲡⲉϫⲁϥ ⲛⲱⲟⲩ ϫⲉⲛⲁⲡⲟⲩⲣⲟ ⲙⲏⲓⲧⲟⲩ ⲙⲡⲟⲩⲣⲟ ⲟⲩⲟϩ ⲛⲁⲫⲛⲟⲩϯ ⲙⲏⲓⲧⲟⲩ ⲙⲫⲛⲟⲩϯ ⲟⲩⲟϩ ⲛⲁⲩⲉⲣϣⲫⲏⲣⲓ ⲉϫⲱϥ ⲡⲉ .
Jesus answered them, 'Render to Caesar the things that are Caesar's, and to God the things that are God's.' They marveled greatly at him.
bohairic.Mark_07:17
ⲟⲩⲟϩ ϩⲟⲧⲉ ⲉⲧⲁⲩⲓ ⲉϧⲟⲩⲛ ⲉⲡⲓⲏⲓ ⲉⲃⲟⲗ ϩⲁⲡⲓⲙⲏϣ ⲛⲁⲩϣⲓⲛⲓ ⲙⲙⲟϥ ⲛϫⲉⲛⲉϥⲙⲁⲑⲏⲧⲏⲥ ⲉϯⲡⲁⲣⲁⲃⲟⲗⲏ
When he had entered into a house away from the multitude, his disciples asked him about the parable.
bohairic.Mark_04:17
ⲟⲩⲟϩ ⲙⲙⲟⲛⲛⲟⲩⲛⲓ ⲛϧⲏⲧⲟⲩ ⲁⲗⲗⲁ ϩⲁⲛⲡⲣⲟⲥⲟⲩⲥⲏⲟⲩ ⲛⲉ ⲓⲧⲁ ⲁⲣⲉϣⲁⲛⲟⲩϩⲟϫϩⲉϫ ϣⲱⲡⲓ ⲓⲉ ⲟⲩⲇⲓⲱⲅⲙⲟⲥ ⲉⲑⲃⲉⲡⲓⲥⲁϫⲓ ⲥⲁⲧⲟⲧⲟⲩ ϣⲁⲩⲉⲣⲥⲕⲁⲛⲇⲁⲗⲓⲍⲉⲥⲑⲉ .
They have no root in themselves, but are short-lived. When oppression or persecution arises because of the word, immediately they stumble.
bohairic.Mark_08:18
ⲟⲩⲟϩ ⲟⲩⲟⲛ ϩⲁⲛⲃⲁⲗ ⲙⲙⲱⲧⲉⲛ ⲛⲧⲉⲧⲉⲛⲛⲁⲩ ⲙⲃⲟⲗ ⲁⲛ ⲟⲩⲟϩ ⲟⲩⲟⲛ ϩⲁⲛⲙⲁϣϫ ⲉⲣⲱⲧⲉⲛ ⲛⲧⲉⲧⲉⲛⲥⲱⲧⲉⲙ ⲁⲛ ⲟⲩⲟϩ ⲧⲉⲧⲉⲛⲓⲣⲓ ⲙⲫⲙⲉⲩⲓ ⲁⲛ .
Having eyes, don't you see? Having ears, don't you hear? Don't you remember?
bohairic.Mark_15:18
ⲟⲩⲟϩ ⲁⲩⲉⲣϩⲏⲧⲥ ⲛⲉⲣⲁⲥⲡⲁⲍⲉⲥⲑⲉ ⲙⲙⲟϥ ϫⲉⲭⲉⲣⲉ ⲡⲟⲩⲣⲟ ⲛⲧⲉⲛⲓⲓⲟⲩⲇⲁⲓ .
They began to salute him, 'Hail, King of the Jews!'
bohairic.Mark_03:18
ⲁⲛⲇⲣⲉⲁⲥ ⲛⲉⲙⲫⲓⲗⲓⲡⲡⲟⲥ ⲃⲁⲣⲑⲟⲗⲟⲙⲉⲟⲥ ⲛⲉⲙⲙⲁⲧⲑⲉⲟⲥ ⲛⲉⲙⲑⲱⲙⲁⲥ ⲛⲉⲙⲓⲁⲕⲱⲃⲟⲥ ⲛⲧⲉⲁⲗⲫⲉⲟⲥ ⲛⲉⲙⲑⲁⲇⲇⲉⲟⲥ ⲛⲉⲙⲥⲓⲙⲱⲛ ⲡⲓⲕⲁⲛⲁⲛⲉⲟⲥ
Andrew; Philip; Bartholomew; Matthew; Thomas; James, the son of Alphaeus; Thaddaeus; Simon the Zealot;
bohairic.Mark_01:18
ⲟⲩⲟϩ ⲁⲩⲭⲁⲛⲓϣⲛⲏⲟⲩ ⲛⲥⲱⲟⲩ ⲥⲁⲧⲟⲧⲟⲩ ⲁⲩⲙⲟϣⲓ ⲛⲥⲱϥ
Immediately they left their nets, and followed him.
bohairic.Mark_11:18
ⲟⲩⲟϩ ⲉⲧⲁⲩⲥⲱⲧⲉⲙ ⲛϫⲉⲛⲓⲁⲣⲭⲓⲉⲣⲉⲩⲥ ⲛⲉⲙⲛⲓⲥⲁϧ ⲟⲩⲟϩ ⲛⲁⲩⲕⲱϯ ϫⲉⲁⲩⲛⲁⲧⲁⲕⲟϥ ⲛⲁϣ ⲛⲣⲏϯ ⲛⲁⲩⲉⲣϩⲟϯ ⲅⲁⲣ ϧⲁⲧⲉϥϩⲏ ⲡⲓⲙⲏϣ ⲅⲁⲣ ⲧⲏⲣϥ ⲛⲁⲩⲉⲣϣⲫⲏⲣⲓ ⲉϫⲉⲛⲧⲉϥⲥⲃⲱ .
The chief priests and the scribes heard it, and sought how they might destroy him. For they feared him, because all the multitude was astonished at his teaching.
bohairic.Mark_06:18
ⲛⲁϥϫⲱ ⲅⲁⲣ ⲙⲙⲟⲥ ⲡⲉ ⲛϫⲉⲓⲱⲁⲛⲛⲏⲥ ⲛⲏⲣⲱⲇⲏⲥ ϫⲉⲥϣⲉ ⲛⲁⲕ ⲁⲛ ⲉϭⲓⲧⲥϩⲓⲙⲓ ⲙⲡⲉⲕⲥⲟⲛ .
For John said to Herod, 'It is not lawful for you to have your brother's wife.'
bohairic.Mark_02:18
ⲟⲩⲟϩ ⲛⲁⲣⲉⲛⲓⲙⲁⲑⲏⲧⲏⲥ ⲛⲧⲉⲓⲱⲁⲛⲛⲏⲥ ⲛⲉⲙⲛⲁⲛⲓⲫⲁⲣⲓⲥⲉⲟⲥ ⲉⲣⲛⲏⲥⲧⲉⲩⲓⲛ ⲟⲩⲟϩ ⲁⲩⲓ ⲡⲉϫⲱⲟⲩ ⲛⲁϥ ϫⲉⲉⲑⲃⲉⲟⲩ ⲛⲓⲙⲁⲑⲏⲧⲏⲥ ⲛⲧⲉⲓⲱⲁⲛⲛⲏⲥ ⲛⲉⲙⲛⲁⲛⲓⲫⲁⲣⲓⲥⲉⲟⲥ ⲥⲉⲉⲣⲛⲏⲥⲧⲉⲩⲓⲛ ⲛⲟⲩⲕ ⲇⲉ ⲥⲉⲉⲣⲛⲏⲥⲧⲉⲩⲓⲛ ⲁⲛ
John’s disciples and the Pharisees were fasting, and they came and asked him,'Why do John’s disciples and the disciples of the Pharisees fast, but your disciples don’t fast?'
bohairic.Mark_09:18
ⲟⲩⲟϩ ⲡⲓⲙⲁ ⲉⲧⲉϥⲛⲁⲧⲁϩⲟϥ ⲙⲙⲁⲩ ϣⲁϥⲉⲛϥ ⲉⲡⲉⲥⲏⲧ ⲟⲩⲟϩ ⲛⲧⲉⲣⲱϥ ϫⲉϣⲥⲫⲏⲓϯ ⲉⲃⲟⲗ ⲉϥϧⲣⲁϫⲣⲉϫ ⲛⲛⲉϥⲛⲁϫϩⲓ ⲟⲩⲟϩ ϣⲁϥϣⲱⲟⲩⲓ ⲟⲩⲟϩ ⲁⲓϫⲟⲥ ⲛⲛⲉⲕⲙⲁⲑⲏⲧⲏⲥ ϩⲓⲛⲁ ⲛⲧⲟⲩϩⲓⲧϥ ⲉⲃⲟⲗ ⲟⲩⲟϩ ⲙⲡⲟⲩϣϫⲉⲙϫⲟⲙ .
and wherever it seizes him, it throws him down, and he foams at the mouth, and grinds his teeth, and wastes away. I asked your disciples to cast it out, and they weren't able.'
bohairic.Mark_16:18
ⲟⲩⲟϩ ϩⲁⲛϩⲟϥ ⲉⲩⲉϥⲓⲧⲟⲩ ⲛϧⲣⲏⲓ ϧⲉⲛⲛⲟⲩϫⲓϫ ⲕⲁⲛ ⲁⲩϣⲁⲛⲟⲩⲱⲙ ⲛⲟⲩⲉⲛⲭⲁⲓ ⲉⲫⲙⲟⲩ ⲛⲛⲉϥⲉⲣⲃⲗⲁⲡⲧⲓⲛ ⲙⲙⲱⲟⲩ ⲟⲩⲟϩ ⲉⲩⲉⲭⲱ ⲛⲛⲟⲩϫⲓϫ ⲉϫⲉⲛϩⲁⲛⲟⲩⲟⲛ ⲉⲩϣⲱⲛⲓ ⲟⲩⲟϩ ⲉⲩⲉⲟⲩϫⲁⲓ
they will take up serpents; and if they drink any deadly thing, it will in no way hurt them; they will lay hands on the sick, and they will recover.'
bohairic.Mark_13:18
ⲁⲣⲓⲡⲣⲟⲥⲉⲩⲭⲉⲥⲑⲉ ⲇⲉ ϩⲓⲛⲁ ⲛⲧⲉϥϣⲧⲉⲙϣⲱⲡⲓ ϧⲉⲛⲧⲫⲣⲱ ⲛϫⲉⲡⲉⲧⲉⲛⲫⲱⲧ .
Pray that your flight won't be in the winter.
bohairic.Mark_12:18
ⲟⲩⲟϩ ⲁⲩⲓ ϩⲁⲣⲟϥ ⲛϫⲉϩⲁⲛⲥⲁⲇⲇⲟⲩⲕⲉⲟⲥ ⲛⲏ ⲉⲧϫⲱ ⲙⲙⲟⲥ ϫⲉⲙⲙⲟⲛ ⲁⲛⲁⲥⲧⲁⲥⲓⲥ ϣⲟⲡ ⲟⲩⲟϩ ⲛⲁⲩϣⲓⲛⲓ ⲙⲙⲟϥ ⲡⲉ ⲉⲩϫⲱ ⲙⲙⲟⲥ
There came to him Sadducees, who say that there is no resurrection. They asked him, saying,
bohairic.Mark_14:18
ⲉⲩⲣⲟⲧⲉⲃ ⲇⲉ ⲟⲩⲟϩ ⲉⲩⲟⲩⲱⲙ ⲡⲉϫⲁϥ ⲛϫⲉⲓⲏⲥⲟⲩⲥ ϫⲉⲁⲙⲏⲛ ϯϫⲱ ⲙⲙⲟⲥ ⲛⲱⲧⲉⲛ ϫⲉⲟⲩⲁⲓ ⲉⲃⲟⲗ ϧⲉⲛⲑⲏⲛⲟⲩ ⲡⲉⲧⲛⲁⲧⲏⲓⲧ ϧⲁⲛⲏ ⲉⲧⲟⲩⲱⲙ ⲛⲉⲙⲏⲓ
As they sat and were eating, Jesus said, 'Most certainly I tell you, one of you will betray me--he who eats with me.'
bohairic.Mark_05:18
ⲟⲩⲟϩ ⲁϥⲁⲗⲏⲓ ⲉⲡⲓϫⲟⲓ ⲛⲁϥϯϩⲟ ⲉⲣⲟϥ ⲛϫⲉⲫⲏ ⲉⲛⲁϥⲟⲓ ⲛⲇⲁⲓⲙⲱⲛ ϩⲓⲛⲁ ⲛⲧⲉϥⲟϩⲓ ⲛⲉⲙⲁϥ
As he was entering into the boat, he who had been possessed by demons begged him that he might be with him.
bohairic.Mark_10:18
ⲓⲏⲥⲟⲩⲥ ⲇⲉ ⲡⲉϫⲁϥ ⲛⲁϥ ϫⲉⲉⲑⲃⲉⲟⲩ ⲕϫⲱ ⲙⲙⲟⲥ ⲉⲣⲟⲓ ϫⲉⲡⲓⲁⲅⲁⲑⲟⲥ ⲙⲙⲟⲛ ϩⲗⲓ ⲛⲁⲅⲁⲑⲟⲥ ⲉⲃⲏⲗ ⲉⲫⲛⲟⲩϯ ⲙⲙⲁⲩⲁⲧϥ .
Jesus said to him, 'Why do you call me good? No one is good except one--God.
bohairic.Mark_07:18
ⲟⲩⲟϩ ⲡⲉϫⲁϥ ⲛⲱⲟⲩ ϫⲉⲡⲁⲓⲣⲏϯ ⲛⲑⲱⲧⲉⲛ ϩⲁⲛⲁⲧⲕⲁϯ ⲛⲑⲱⲧⲉⲛ ⲙⲡⲉⲧⲉⲛⲕⲁϯ ϫⲉϩⲱⲃ ⲛⲓⲃⲉⲛ ⲉⲧⲥⲁⲃⲟⲗ ⲉⲑⲛⲁ ⲉϧⲟⲩⲛ ⲉⲣⲱϥ ⲙⲡⲓⲣⲱⲙⲓ ⲙⲙⲟⲛ ϣϫⲟⲙ ⲙⲙⲱⲟⲩ ⲉⲥⲟϥϥ
He said to them, 'Are you thus without understanding also? Don't you perceive that whatever goes into the man from outside can't defile him,
bohairic.Mark_04:18
ⲟⲩⲟϩ ϩⲁⲛⲕⲉⲟⲩⲟⲛ ⲛⲉ ⲛⲏ ⲉⲧⲁⲩⲥⲁⲧⲟⲩ ϩⲓϫⲉⲛⲛⲓⲥⲟⲩⲣⲓ ⲛⲁⲓ ⲛⲉ ⲛⲏ ⲉⲧⲁⲩⲥⲱⲧⲉⲙ ⲉⲡⲓⲥⲁϫⲓ
Others are those who are sown among the thorns. These are those who have heard the word,
bohairic.Mark_01:19
ⲟⲩⲟϩ ⲉⲧⲁϥⲥⲓⲛⲓ ⲉⲧϩⲏ ⲛⲕⲉⲕⲟⲩϫⲓ ⲁϥⲛⲁⲩ ⲉⲓⲁⲕⲱⲃⲟⲥ ⲡϣⲏⲣⲓ ⲛⲍⲉⲃⲉⲇⲉⲟⲥ ⲛⲉⲙⲓⲱⲁⲛⲛⲏⲥ ⲡⲉϥⲥⲟⲛ ⲟⲩⲟϩ ⲛⲑⲱⲟⲩ ϩⲱⲟⲩ ⲉⲩϩⲓⲡⲓϫⲟⲓ ⲉⲩⲥⲟⲃϯ ⲛⲛⲟⲩϣⲛⲏⲟⲩ
Going on a little further from there, he saw James the son of Zebedee, and John his brother, who were also in the boat mending the nets.
bohairic.Mark_08:19
ⲙⲡⲓⲉ ⲛⲱⲓⲕ ⲉⲧⲁⲓⲫⲁϣⲟⲩ ⲉϩⲣⲉⲛⲡⲓⲉ ⲛϣⲟ ϫⲉⲁⲧⲉⲧⲉⲛⲉⲗⲟⲩⲏⲣ ⲛⲕⲟⲧ ⲛⲗⲁⲕϩ ⲉⲩⲙⲉϩ ⲡⲉϫⲱⲟⲩ ⲛⲁϥ ϫⲉⲓⲃ .
When I broke the five loaves among the five thousand, how many baskets full of broken pieces did you take up?' They told him, 'Twelve.'
bohairic.Mark_03:19
ⲛⲉⲙⲓⲟⲩⲇⲁⲥ ⲡⲓⲓⲥⲕⲁⲣⲓⲱⲧⲏⲥ ⲫⲏ ⲉⲧⲁϥⲧⲏⲓϥ
and Judas Iscariot, who also betrayed him.
bohairic.Mark_11:19
ⲟⲩⲟϩ ⲉϣⲱⲡ ⲛⲧⲉⲣⲟⲩϩⲓ ϣⲱⲡⲓ ⲛⲁϥϩⲏⲗ ⲥⲁⲃⲟⲗ ⲛϯⲃⲁⲕⲓ
When evening came, he went out of the city.
bohairic.Mark_15:19
ⲟⲩⲟϩ ⲁⲩϩⲓⲟⲩⲓ ϧⲉⲛⲧⲉϥⲁⲫⲉ ⲛⲟⲩⲕⲁϣ ⲟⲩⲟϩ ⲛⲁⲩϩⲓⲑⲁϥ ϧⲉⲛⲡⲉϥϩⲟ ⲟⲩⲟϩ ⲉⲩϩⲓⲟⲩⲓ ⲙⲙⲱⲟⲩ ⲉϫⲉⲛⲛⲟⲩⲕⲉⲗⲓ ⲉⲟⲩⲱϣⲧ ⲙⲙⲟϥ .
They struck his head with a reed, and spat on him, and bowing their knees, did homage to him.
bohairic.Mark_06:19
ⲏⲣⲱⲇⲓⲁⲥ ⲇⲉ ⲛⲁⲥⲙⲃⲟⲛ ⲉⲣⲟϥ ⲡⲉ ⲟⲩⲟϩ ⲛⲁⲥⲟⲩⲱϣ ⲉϧⲟⲑⲃⲉϥ ⲟⲩⲟϩ ⲛⲁⲥϣϫⲉⲙϫⲟⲙ ⲁⲛ ⲡⲉ .
Herodias set herself against him, and desired to kill him, but she couldn't,
bohairic.Mark_02:19
ⲟⲩⲟϩ ⲁϥⲉⲣⲟⲩⲱ ⲛϫⲉⲓⲏⲥⲟⲩⲥ ⲡⲉϫⲁϥ ⲛⲱⲟⲩ ϫⲉⲙⲏⲧⲓ ⲟⲩⲟⲛ ϣϫⲟⲙ ⲉⲑⲣⲉⲛⲉⲛϣⲏⲣⲓ ⲙⲡⲓⲡⲁⲧϣⲉⲗⲉⲧ ⲉⲣⲛⲏⲥⲧⲉⲩⲓⲛ ϩⲱⲥ ⲉϥⲛⲉⲙⲱⲟⲩ ⲛϫⲉⲡⲓⲡⲁⲧϣⲉⲗⲉⲧ ⲭⲣⲟⲛⲟⲥ ⲛⲓⲃⲉⲛ ϩⲱⲥ ⲡⲓⲡⲁⲧϣⲉⲗⲉⲧ ⲛⲉⲙⲱⲟⲩ ⲙⲙⲟⲛϣϫⲟⲙ ⲙⲙⲱⲟⲩ ⲉⲉⲣⲛⲏⲥⲧⲉⲩⲓⲛ .
Jesus said to them, 'Can the groomsmen fast while the bridegroom is with them? As long as they have the bridegroom with them, they can’t fast.
bohairic.Mark_10:19
ⲛⲓⲉⲛⲧⲟⲗⲏ ⲕⲥⲱⲟⲩⲛ ⲙⲙⲱⲟⲩ ⲙⲡⲣϧⲱⲧⲉⲃ ⲙⲡⲣⲉⲣⲛⲱⲓⲕ ⲙⲡⲣϭⲓⲟⲩⲓ ⲙⲡⲣⲉⲣⲙⲉⲑⲣⲉ ⲛⲛⲟⲩϫ ⲙⲡⲣϥⲱϫⲓ ⲁⲣⲓⲧⲓⲙⲁⲛ ⲙⲡⲉⲕⲉⲓⲱⲧ ⲛⲉⲙⲧⲉⲕⲙⲁⲩ .
You know the commandments: 'Do not murder,' 'Do not commit adultery,' 'Do not steal,' 'Do not give false testimony,' 'Do not defraud,' 'Honor your father and mother.''
bohairic.Mark_12:19
ϫⲉⲫⲣⲉϥϯⲥⲃⲱ ⲙⲱⲩⲥⲏⲥ ⲁϥⲥϧⲁⲓ ⲛⲁⲛ ϫⲉⲉϣⲱⲡ ⲛⲧⲉⲡⲥⲟⲛ ⲛⲟⲩⲁⲓ ⲙⲟⲩ ⲟⲩⲟϩ ⲛⲧⲉϥⲥⲉϫⲡⲟⲩⲥϩⲓⲙⲓ ⲟⲩⲟϩ ⲛⲧⲉϥϣⲧⲉⲙⲭⲁϣⲏⲣⲓ ϩⲓⲛⲁ ⲛⲧⲉⲡⲉϥⲥⲟⲛ ϭⲓ ⲛϯⲥϩⲓⲙⲓ ⲟⲩⲟϩ ⲛⲧⲉϥⲧⲟⲩⲛⲟⲥ ⲟⲩϫⲣⲟϫ ⲙⲡⲉϥⲥⲟⲛ .
Teacher, Moses wrote to us, 'If a man's brother dies, and leaves a wife behind him, and leaves no children, that his brother should take his wife, and raise up offspring for his brother.'
bohairic.Mark_13:19
ⲉⲩⲉϣⲱⲡⲓ ⲅⲁⲣ ⲛϫⲉⲛⲓⲉϩⲟⲟⲩ ⲉⲧⲉⲙⲙⲁⲩ ϩⲟϫϩⲉϫ ⲙⲡⲉⲟⲩⲟⲛ ϣⲱⲡⲓ ⲙⲡⲉϥⲣⲏϯ ⲓⲥϫⲉⲛϩⲏ ⲙⲡⲓⲥⲱⲛⲧ ⲉⲧⲁϥⲥⲟⲛⲧϥ ⲛϫⲉⲫⲛⲟⲩϯ ϣⲁⲉϧⲟⲩⲛ ⲉϯⲛⲟⲩ ⲟⲩⲟϩ ⲛⲛⲉⲟⲩⲟⲛ ϣⲱⲡⲓ ⲟⲛ
For in those days there will be oppression, such as there has not been the like from the beginning of the creation which God created until now, and never will be.
bohairic.Mark_05:19
ⲟⲩⲟϩ ⲙⲡⲉϥⲭⲁϥ ⲁⲗⲗⲁ ⲡⲉϫⲁϥ ⲛⲁϥ ϫⲉⲙⲁϣⲉ ⲛⲁⲕ ⲉϧⲟⲩⲛ ⲉⲡⲉⲕⲏⲓ ϩⲁⲛⲏ ⲉⲧⲉⲛⲟⲩⲕ ⲟⲩⲟϩ ⲙⲁⲧⲁⲙⲱⲟⲩ ⲉⲛⲏ ⲉⲧⲁⲡϭⲟⲓⲥ ⲁⲓⲧⲟⲩ ⲛⲁⲕ ⲉⲁϥⲛⲁⲓ ⲛⲁⲕ
He didn't allow him, but said to him, 'Go to your house, to your friends, and tell them what great things the Lord has done for you, and how he had mercy on you.'
bohairic.Mark_09:19
ⲟⲩⲟϩ ⲛⲑⲟϥ ⲉⲧⲁϥⲉⲣⲟⲩⲱ ⲡⲉϫⲁϥ ⲛⲱⲟⲩ ϫⲉⲱⲡⲓϫⲱⲟⲩ ⲛⲁⲑⲛⲁϩϯ ϣⲁⲑⲛⲁⲩ ϯⲛⲁϣⲱⲡⲓ ⲛⲉⲙⲱⲧⲉⲛ ϣⲁⲑⲛⲁⲩ ϯⲛⲁⲉⲣⲁⲛⲉⲭⲉⲥⲑⲉ ⲙⲙⲱⲧⲉⲛ ⲁⲛⲓⲧϥ ϩⲁⲣⲟⲓ .
He answered him, 'Unbelieving generation, how long shall I be with you? How long shall I bear with you? Bring him to me.'

Coptic SCRIPTORIUM, corpus bohairic.mark (github.com/CopticScriptorium/corpora). Licence as stated per document in the project's own meta.json and checked there at parse time. English, where present, is Coptic SCRIPTORIUM's aligned translation. Licence: public domain text, CC-BY annotation. Source.