Bohairic Mark

Coptic literature (Coptic SCRIPTORIUM) · 678 sections

bohairic.Mark_13:7
ϩⲟⲧⲁⲛ ⲇⲉ ⲁⲣⲉⲧⲉⲛϣⲁⲛⲥⲱⲧⲉⲙ ⲉϩⲁⲛⲡⲟⲗⲉⲙⲟⲥ ⲛⲉⲙϩⲁⲛⲥⲙⲏ ⲙⲡⲟⲗⲉⲙⲟⲥ ⲙⲡⲣϣⲑⲟⲣⲧⲉⲣ ϩⲱϯ ⲡⲉ ⲛⲧⲟⲩϣⲱⲡⲓ ⲁⲗⲗⲁ ⲙⲡⲁⲧϥⲓ ⲛϫⲉⲡⲓϫⲱⲕ .
When you hear of wars and rumors of wars, don't be troubled. For those must happen, but the end is not yet.
bohairic.Mark_06:7
ⲟⲩⲟϩ ⲁϥⲙⲟⲩϯ ⲉⲡⲓⲓⲃ ⲟⲩⲟϩ ⲁϥⲉⲣϩⲏⲧⲥ ⲛⲟⲩⲟⲣⲡⲟⲩ ⲛⲃ ⲃ ⲟⲩⲟϩ ⲁϥϯⲉⲣϣⲓϣⲓ ⲛⲱⲟⲩ ⲉϫⲉⲛⲛⲓⲡⲛⲉⲩⲙⲁ ⲛⲁⲕⲁⲑⲁⲣⲧⲟⲛ
He called to himself the twelve, and began to send them out two by two; and he gave them authority over the unclean spirits.
bohairic.Mark_01:7
ⲟⲩⲟϩ ⲛⲁϥϩⲓⲱⲓϣ ⲉϥϫⲱ ⲙⲙⲟⲥ ϫⲉϥⲛⲏⲟⲩ ⲙⲉⲛⲉⲛⲥⲱⲓ ⲛϫⲉⲫⲏ ⲉⲧϫⲟⲣ ⲉϩⲟⲧⲉⲣⲟⲓ ⲫⲏ ⲉⲧⲉⲛϯⲙⲡϣⲁ ⲁⲛ ⲉϫⲟⲃⲥⲧ ⲉϧⲣⲏⲓ ⲉϯⲟⲩⲱ ⲛⲟⲩⲙⲟⲩⲥⲉⲣ ⲛⲧⲉⲡⲉϥⲑⲱⲟⲩⲓ .
He preached, saying, 'After me comes he who is mightier than I, the thong of whose sandals I am not worthy to stoop down and loosen.
bohairic.Mark_07:7
ⲉⲩⲉⲣⲥⲉⲃⲉⲥⲑⲉ ⲙⲙⲟⲓ ⲉⲫⲗⲏⲟⲩ ⲉⲩϯⲥⲃⲱ ⲛϩⲁⲛⲥⲃⲱ ⲛϩⲟⲛϩⲉⲛ ⲛⲣⲱⲙⲓ .
But in vain do they worship me, teaching as doctrines the commandments of men.'
bohairic.Mark_02:7
ϫⲉⲉⲑⲃⲉⲟⲩ ⲫⲁⲓ ⲙⲡⲁⲓⲣⲏϯ ϫⲉⲟⲩⲁ ⲛⲓⲙ ⲉⲧⲉⲟⲩⲟⲛ ϣϫⲟⲙ ⲙⲙⲟϥ ⲉⲭⲁⲛⲟⲃⲓ ⲉⲃⲟⲗ ⲉⲃⲏⲗ ⲉⲡⲓⲟⲩⲁⲓ ⲙⲙⲁⲩⲁⲧϥ ⲫⲛⲟⲩϯ .
Why does this man speak blasphemies like that? Who can forgive sins but God alone?'
bohairic.Mark_15:7
ⲫⲏ ⲇⲉ ⲉⲧⲟⲩⲙⲟⲩϯ ⲉⲣⲟϥ ϫⲉⲃⲁⲣⲁⲃⲃⲁⲥ ⲛⲁϥⲥⲟⲛϩ ⲡⲉ ⲛⲉⲙⲛⲏ ⲉⲧⲁⲩⲓⲣⲓ ⲛⲟⲩϣⲑⲟⲣⲧⲉⲣ ⲛⲏ ⲉⲛⲁⲩⲓⲣⲓ ⲛⲟⲩϧⲱⲧⲉⲃ ϧⲉⲛⲡϣⲑⲟⲣⲧⲉⲣ .
There was one called Barabbas, bound with those who had made insurrection, men who in the insurrection had committed murder.
bohairic.Mark_05:7
ⲟⲩⲟϩ ⲉⲧⲁϥⲱϣ ⲉⲃⲟⲗ ϧⲉⲛⲟⲩⲛⲓϣϯ ⲛⲥⲙⲏ ⲟⲩⲟϩ ⲡⲉϫⲁϥ ϫⲉⲁϧⲟⲕ ⲛⲉⲙⲏⲓ ϩⲱⲕ ⲓⲏⲥⲟⲩⲥ ⲡϣⲏⲣⲓ ⲙⲫⲛⲟⲩϯ ⲉⲧϭⲟⲥⲓ ϯⲧⲁⲣⲕⲟ ⲙⲙⲟⲕ ⲙⲫⲛⲟⲩϯ ⲙⲡⲉⲣϯϭⲗⲁⲕ ⲛⲏⲓ .
and crying out with a loud voice, he said, 'What have I to do with you, Jesus, you Son of the Most High God? I adjure you by God, don't torment me.'
bohairic.Mark_14:7
ⲛⲥⲏⲟⲩ ⲛⲓⲃⲉⲛ ⲛⲓϩⲏⲕⲓ ⲥⲉⲛⲉⲙⲱⲧⲉⲛ ⲟⲩⲟϩ ⲉϣⲱⲡ ⲛⲧⲉⲧⲉⲛⲟⲩⲱϣ ⲟⲩⲟⲛ ϣϫⲟⲙ ⲙⲙⲱⲧⲉⲛ ⲉⲉⲣⲡⲉⲑⲛⲁⲛⲉϥ ⲛⲱⲟⲩ ⲛⲥⲏⲟⲩ ⲛⲓⲃⲉⲛ ⲁⲛⲟⲕ ⲇⲉ ϯⲛⲉⲙⲱⲧⲉⲛ ⲛⲥⲏⲟⲩ ⲛⲓⲃⲉⲛ ⲁⲛ .
For you always have the poor with you, and whenever you want to, you can do them good; but you will not always have me.
bohairic.Mark_11:7
ⲟⲩⲟϩ ⲁⲩⲓⲛⲓ ⲙⲡⲓⲥⲏϫ ϩⲁⲓⲏⲥⲟⲩⲥ ⲟⲩⲟϩ ⲁⲩⲧⲁⲗⲉⲛⲟⲩϩⲃⲱⲥ ⲉⲣⲟϥ ⲟⲩⲟϩ ⲁϥϩⲉⲙⲥⲓ ϩⲓϫⲱⲟⲩ
They brought the young donkey to Jesus, and threw their garments on it, and Jesus sat on it.
bohairic.Mark_04:7
ⲟⲩⲟϩ ⲕⲉⲟⲩⲁⲓ ⲁϥϩⲉⲓ ⲉϫⲉⲛⲛⲓⲥⲟⲩⲣⲓ ⲟⲩⲟϩ ⲉⲧⲁⲩⲓ ⲉϩⲣⲏⲓ ⲛϫⲉⲛⲓⲥⲟⲩⲣⲓ ⲁⲩⲟϫϩϥ ⲟⲩⲟϩ ⲙⲡⲉϥϯⲟⲩⲧⲁϩ
Others fell among the thorns, and the thorns grew up, and choked it, and it yielded no fruit.
bohairic.Mark_16:7
ⲁⲗⲗⲁ ⲙⲁϣⲉ ⲛⲱⲧⲉⲛ ⲁϫⲟⲥ ⲛⲛⲉϥⲙⲁⲑⲏⲧⲏⲥ ⲛⲉⲙⲡⲉⲧⲣⲟⲥ ϫⲉϥⲛⲁⲉⲣϣⲟⲣⲡ ⲉⲣⲱⲧⲉⲛ ⲉϯⲅⲁⲗⲓⲗⲉⲁ ⲁⲣⲉⲧⲉⲛⲛⲁⲛⲁⲩ ⲉⲣⲟϥ ⲙⲙⲁⲩ .
But go, tell his disciples and Peter, 'He goes before you into Galilee. There you will see him, as he said to you.''
bohairic.Mark_10:7
ⲉⲑⲃⲉⲫⲁⲓ ⲉⲣⲉⲡⲓⲣⲱⲙⲓ ⲭⲁⲡⲉϥⲓⲱⲧ ⲛⲉⲙⲧⲉϥⲙⲁⲩ ⲛⲥⲱϥ ⲟⲩⲟϩ ⲉϥⲉⲧⲟⲙϥ ⲉⲧⲉϥⲥϩⲓⲙⲓ
For this cause a man will leave his father and mother, and will join to his wife,
bohairic.Mark_10:8
ⲟⲩⲟϩ ⲉⲩⲉϣⲱⲡⲓ ⲙⲡⲃ ⲉⲩⲥⲁⲣⲝ ⲛⲟⲩⲱⲧ ϩⲱⲥⲧⲉ ⲥⲉⲟⲓ ⲛⲃ ⲁⲛ ⲁⲗⲗⲁ ⲟⲩⲥⲁⲣⲝ ⲛⲟⲩⲱⲧ ⲧⲉ
and the two will become one flesh, so that they are no longer two, but one flesh.
bohairic.Mark_12:8
ⲟⲩⲟϩ ⲉⲧⲁⲩϭⲓⲧϥ ⲁⲩϧⲟⲑⲃϥ ⲟⲩⲟϩ ⲁⲩϩⲓⲧϥ ⲥⲁⲃⲟⲗ ⲙⲡⲓⲓⲁϩⲁⲗⲟⲗⲓ .
They took him, killed him, and cast him out of the vineyard.
bohairic.Mark_11:8
ⲟⲩⲟϩ ϩⲁⲛⲙⲏϣ ⲁⲩⲫⲱⲣϣ ⲛⲛⲟⲩϩⲃⲱⲥ ϩⲓⲡⲓⲙⲱⲓⲧ ϩⲁⲛⲕⲉⲭⲱⲟⲩⲛⲓ ⲇⲉ ⲁⲩⲕⲱⲣϫ ⲛϩⲁⲛϫⲁⲗ ⲛϣϣⲏⲛ ϧⲉⲛⲛⲓⲓⲟϩⲓ ⲟⲩⲟϩ ⲛⲁⲩⲫⲱⲣϣ ⲙⲙⲱⲟⲩ ϩⲓⲡⲓⲙⲱⲓⲧ .
Many spread their garments on the way, and others were cutting down branches from the trees, and spreading them on the road.
bohairic.Mark_01:8
ⲁⲛⲟⲕ ⲉⲧⲁⲓϯⲱⲙⲥ ⲛⲱⲧⲉⲛ ϧⲉⲛⲟⲩⲙⲱⲟⲩ ⲛⲑⲟϥ ⲇⲉ ϥⲛⲁⲉⲙⲥⲑⲏⲛⲟⲩ ϧⲉⲛⲟⲩⲡⲛⲉⲩⲙⲁ ⲉϥⲟⲩⲁⲃ .
I baptized you in water, but he will baptize you in the Holy Spirit.'
bohairic.Mark_15:8
ⲟⲩⲟϩ ⲉⲧⲁϥⲓ ⲉⲡϣⲱⲓ ⲛϫⲉⲡⲓⲙⲏϣ ⲁϥⲉⲣϩⲏⲧⲥ ⲛⲉⲣⲉⲧⲓⲛ ⲕⲁⲧⲁⲫⲣⲏϯ ⲉⲛⲁϥⲓⲣⲓ ⲛⲱⲟⲩ .
The multitude, crying aloud, began to ask him to do as he always did for them.
bohairic.Mark_14:8
ⲫⲏ ⲉⲧⲁⲥϭⲓⲧϥ ⲁⲥⲁⲓϥ ⲁⲥⲉⲣϣⲟⲣⲡ ⲅⲁⲣ ⲛⲑⲁϩⲥⲡⲁⲥⲱⲙⲁ ⲙⲡⲁⲓⲥⲟϫⲉⲛ ⲉⲡϫⲓⲛⲕⲟⲥⲧ .
She has done what she could. She has anointed my body beforehand for the burying.
bohairic.Mark_02:8
ⲟⲩⲟϩ ⲥⲁⲧⲟⲧϥ ⲁⲓⲏⲥⲟⲩⲥ ⲉⲙⲓ ϧⲉⲛⲡⲉϥⲡⲛⲉⲩⲙⲁ ϫⲉⲥⲉⲙⲟⲕⲙⲉⲕ ⲙⲡⲁⲓⲣⲏϯ ⲛϧⲣⲏⲓ ⲛϧⲏⲧⲟⲩ ⲡⲉϫⲁϥ ⲛⲱⲟⲩ ϫⲉⲉⲑⲃⲉⲟⲩ ⲧⲉⲧⲉⲛⲙⲟⲕⲙⲉⲕ ⲉⲛⲁⲓ ϧⲉⲛⲛⲉⲧⲉⲛϩⲏⲧ
Immediately Jesus, perceiving in his spirit that they so reasoned within themselves, said to them, 'Why do you reason these things in your hearts?
bohairic.Mark_05:8
ⲛⲁϥϫⲱ ⲅⲁⲣ ⲙⲙⲟⲥ ⲡⲉ ϫⲉⲁⲙⲟⲩ ⲉⲃⲟⲗ ⲡⲓⲡⲛⲉⲩⲙⲁ ⲛⲁⲕⲁⲑⲁⲣⲧⲟⲛ ϧⲉⲛⲡⲓⲣⲱⲙⲓ .
For he said to him, 'Come out of the man, you unclean spirit!'
bohairic.Mark_04:8
ⲟⲩⲟϩ ϩⲁⲛⲕⲉⲟⲩⲟⲛ ⲁⲩϩⲉⲓ ⲉϫⲉⲛⲟⲩⲕⲁϩⲓ ⲉⲑⲛⲁⲛⲉϥ ⲟⲩⲟϩ ⲁⲩϯⲟⲩⲧⲁϩ ⲉϥⲛⲏⲟⲩ ⲉϩⲣⲏⲓ ⲁϥⲉⲣⲉⲩⲑⲏⲛⲓⲛ ⲟⲩⲟϩ ⲟⲩⲁⲓ ⲁϥⲉⲛⲗ ⲕⲉⲟⲩⲁⲓ ⲛⲝ ⲕⲉⲟⲩⲁⲓ ⲛⲣ .
Others fell into the good ground, and yielded fruit, growing up and increasing. Some brought forth thirty times, some sixty times, and some one hundred times as much.'
bohairic.Mark_06:8
ⲟⲩⲟϩ ⲁϥϩⲟⲛϩⲉⲛ ⲛⲱⲟⲩ ⲉϣⲧⲉⲙⲉⲗϩⲗⲓ ⲛⲉⲙⲱⲟⲩ ϩⲓⲫⲙⲱⲓⲧ ⲉⲃⲏⲗ ⲉⲟⲩϣⲃⲱⲧ ⲙⲙⲁⲩⲁⲧϥ ⲟⲩⲇⲉ ⲱⲓⲕ ⲟⲩⲇⲉ ⲡⲏⲣⲁ ⲟⲩⲇⲉ ϩⲟⲙⲧ ϧⲉⲛⲛⲉⲧⲉⲛⲙⲟϫϧ
He commanded them that they should take nothing for their journey, except a staff only: no bread, no wallet, no money in their purse,
bohairic.Mark_07:8
ⲉⲁⲧⲉⲧⲛⲭⲁϯⲉⲛⲧⲟⲗⲏ ⲛⲧⲉⲫⲛⲟⲩϯ ⲛⲥⲁⲑⲏⲛⲟⲩ ⲧⲉⲧⲛⲁⲙⲟⲛⲓ ⲛϯⲡⲁⲣⲁⲇⲟⲥⲓⲥ ⲛⲧⲉⲛⲓⲣⲱⲙⲓ
For you set aside the commandment of God, and hold tightly to the tradition of men--the washing of pitchers and cups, and you do many other such things.'
bohairic.Mark_09:8
ⲟⲩⲟϩ ⲉⲧⲁⲩϫⲟⲩϣⲧ ⲉⲝⲁⲡⲓⲛⲁ ⲙⲡⲟⲩⲛⲁⲩ ⲉϩⲗⲓ ⲉⲃⲏⲗ ⲉⲓⲏⲥⲟⲩⲥ ⲙⲙⲁⲩⲁⲧϥ ⲛⲉⲙⲱⲟⲩ .
Suddenly looking around, they saw no one with them any more, except Jesus only.
bohairic.Mark_13:8
ⲉϥⲉⲧⲱⲛϥ ⲅⲁⲣ ⲛϫⲉⲟⲩⲉⲑⲛⲟⲥ ⲉϫⲉⲛⲟⲩⲉⲑⲛⲟⲥ ⲟⲩⲟϩ ⲟⲩⲙⲉⲧⲟⲩⲣⲟ ⲉϫⲉⲛⲟⲩⲙⲉⲧⲟⲩⲣⲟ ⲉⲩⲉϣⲱⲡⲓ ⲛϫⲉϩⲁⲛⲙⲟⲛⲙⲉⲛ ⲕⲁⲧⲁⲙⲁ ⲉⲩⲉϣⲱⲡⲓ ⲛϫⲉϩⲁⲛϩⲃⲱⲛ ϩⲏ ⲛⲛⲓⲛⲁⲕϩⲓ ⲛⲉ ⲛⲁⲓ .
For nation will rise against nation, and kingdom against kingdom. There will be earthquakes in various places. There will be famines and troubles. These things are the beginning of birth pains.
bohairic.Mark_08:8
ⲟⲩⲟϩ ⲁⲩⲟⲩⲱⲙ ⲟⲩⲟϩ ⲁⲩⲥⲓ ⲟⲩⲟϩ ⲁⲩⲱⲗⲓ ⲛⲛⲓϩⲟⲩⲟ ⲛⲧⲉⲛⲓⲗⲁⲕϩ ⲍ ⲙⲃⲓⲣ .
They ate, and were filled. They took up seven baskets of broken pieces that were left over.
bohairic.Mark_16:8
ⲟⲩⲟϩ ⲁⲩⲓ ⲉⲃⲟⲗ ⲁⲩⲫⲱⲧ ⲉⲃⲟⲗ ϩⲁⲡⲓⲙϩⲁⲩ ⲛⲉⲁⲟⲩⲥⲑⲉⲣⲧⲉⲣ ⲅⲁⲣ ⲧⲁϩⲱⲟⲩ ⲡⲉ ⲛⲉⲙⲟⲩⲧⲱⲙⲧ ⲟⲩⲟϩ ⲙⲡⲟⲩϫⲉϩⲗⲓ ⲛϩⲗⲓ ⲛⲁⲩⲉⲣϩⲟϯ ⲅⲁⲣ ⲡⲉ .
They went out, and fled from the tomb, for trembling and astonishment had come on them. They said nothing to anyone; for they were afraid.
bohairic.Mark_03:8
ⲛⲉⲙⲓⲉⲣⲟⲥⲁⲗⲏⲙ ⲛⲉⲙϯϩⲩⲇⲟⲩⲙⲉⲁ ⲛⲉⲙϩⲓⲙⲏⲣ ⲙⲡⲓⲓⲟⲣⲇⲁⲛⲏⲥ ⲛⲉⲙⲕⲉⲙⲏϣ ⲉϥⲟϣ ⲉⲃⲟⲗ ϧⲉⲛⲛⲁⲧⲩⲣⲟⲥ ⲛⲉⲙⲧⲥⲓⲇⲱⲛ ⲉⲩⲥⲱⲧⲉⲙ ⲉⲛⲏ ⲉⲛⲁϥⲓⲣⲓ ⲙⲙⲱⲟⲩ ⲁⲩⲓ ϩⲁⲣⲟϥ
from Jerusalem, from Idumaea, beyond the Jordan, and those from around Tyre and Sidon. A great multitude, hearing what great things he did, came to him.
bohairic.Mark_10:9
ⲫⲏ ⲟⲩⲛ ⲉⲧⲁⲫⲛⲟⲩϯ ⲧⲟⲙϥ ⲙⲡⲉⲛⲑⲣⲉⲫⲣⲱⲙⲓ ⲫⲟⲣϫϥ .
What therefore God has joined together, let no man separate.'
bohairic.Mark_06:9
ⲁⲗⲗⲁ ⲉⲣⲉϩⲁⲛⲥⲁⲛⲇⲁⲗⲓⲟⲛ ⲧⲟⲓ ⲉⲣⲁⲧ ⲉⲛⲑⲏⲛⲟⲩ ⲟⲩⲟϩ ⲙⲡⲉⲣϯϣⲑⲏⲛ ⲥⲛⲟⲩϯ ϩⲓⲑⲏⲛⲟⲩ
but to wear sandals, and not put on two tunics.
bohairic.Mark_12:9
ⲟⲩ ⲡⲉ ⲉⲧⲉϥⲛⲁⲁⲓϥ ⲛϫⲉⲡϭⲟⲓⲥ ⲙⲡⲓⲓⲁϩⲁⲗⲟⲗⲓ ϥⲛⲁⲓ ⲟⲩⲟϩ ϥⲛⲁⲧⲁⲕⲟ ⲛⲛⲓⲟⲩⲓⲏ ⲟⲩⲟϩ ⲛⲧⲉϥϯ ⲙⲡⲓⲓⲁϩⲁⲗⲟⲗⲓ ⲛϩⲁⲛⲕⲉⲭⲱⲟⲩⲛⲓ .
What therefore will the lord of the vineyard do? He will come and destroy the farmers, and will give the vineyard to others.
bohairic.Mark_07:9
ⲟⲩⲟϩ ⲛⲁϥϫⲱ ⲙⲙⲟⲥ ⲛⲱⲟⲩ ϫⲉⲕⲁⲗⲱⲥ ⲧⲉⲧⲛⲉⲣⲁⲑⲉⲧⲓⲛ ⲛϯⲉⲛⲧⲟⲗⲏ ⲛⲧⲉⲫⲛⲟⲩϯ ϩⲓⲛⲁ ⲛⲧⲉⲧⲉⲛⲁⲣⲉϩ ⲉⲧⲉⲧⲉⲛⲡⲁⲣⲁⲇⲟⲥⲓⲥ
He said to them, 'Full well do you reject the commandment of God, that you may keep your tradition.
bohairic.Mark_08:9
ⲛⲁⲩⲓⲣⲓ ⲛⲇ ⲛϣⲟ ⲟⲩⲟϩ ⲁϥⲭⲁⲩ ⲉⲃⲟⲗ .
Those who had eaten were about four thousand. Then he sent them away.
bohairic.Mark_11:9
ⲟⲩⲟϩ ⲛⲏ ⲉⲛⲁⲩⲙⲟϣⲓ ϩⲓⲧϩⲏ ⲛⲉⲙⲛⲏ ⲉⲛⲁⲩⲙⲟϣⲓ ϩⲓⲫⲁϩⲟⲩ ⲛⲁⲩⲱϣ ⲉⲃⲟⲗ ϫⲉⲱⲥⲁⲛⲛⲁ ϥⲥⲙⲁⲣⲱⲟⲩⲧ ⲛϫⲉⲡⲉⲧⲛⲏⲟⲩ ϧⲉⲛⲫⲣⲁⲛ ⲙⲡϭⲟⲉⲓⲥ
Those who went in front, and those who followed, cried out, 'Hosanna
bohairic.Mark_01:9
ⲟⲩⲟϩ ⲁⲥϣⲱⲡⲓ ϧⲉⲛⲛⲓⲉϩⲟⲟⲩ ⲉⲧⲉⲙⲙⲁⲩ ⲁϥⲓ ⲛϫⲉⲓⲏⲥⲟⲩⲥ ⲉⲃⲟⲗ ϧⲉⲛⲛⲁⲍⲁⲣⲉⲑ ⲛⲧⲉϯⲅⲁⲗⲓⲗⲉⲁ ⲟⲩⲟϩ ⲁϥϭⲓⲱⲙⲥ ϧⲉⲛⲡⲓⲓⲟⲣⲇⲁⲛⲏⲥ ⲛⲧⲟⲧϥ ⲛⲓⲱⲁⲛⲛⲏⲥ
It happened in those days, that Jesus came from Nazareth of Galilee, and was baptized by John in the Jordan.
bohairic.Mark_02:9
ⲟⲩ ⲡⲉⲑⲙⲟⲧⲉⲛ ⲉϫⲟⲥ ⲙⲫⲏ ⲉⲧϣⲏⲗ ⲉⲃⲟⲗ ϫⲉⲛⲉⲕⲛⲟⲃⲓ ⲥⲉⲭⲏ ⲛⲁⲕ ⲉⲃⲟⲗ ϣⲁⲛ ⲉϫⲟⲥ ϫⲉⲧⲱⲛⲕ ⲱⲗⲓ ⲙⲡⲉⲕϭⲗⲟϫ ⲟⲩⲟϩ ⲙⲁϣⲉ ⲛⲁⲕ
Which is easier, to tell the paralytic, ‘Your sins are forgiven;’ or to say, ‘Arise, and take up your bed, and walk?’
bohairic.Mark_14:9
ⲁⲙⲏⲛ ϯϫⲱ ⲙⲙⲟⲥ ⲛⲱⲧⲉⲛ ϫⲉⲡⲓⲙⲁ ⲉⲧⲟⲩⲛⲁϩⲓⲱⲓϣ ⲙⲡⲁⲓⲉⲩⲁⲅⲅⲉⲗⲓⲟⲛ ⲙⲙⲟϥ ϧⲉⲛⲡⲓⲕⲟⲥⲙⲟⲥ ⲧⲏⲣϥ ⲫⲏ ϩⲱϥ ⲉⲧⲉⲑⲁⲓ ⲁⲓϥ ⲉⲩⲉⲥⲁϫⲓ ⲙⲙⲟϥ ⲉⲩⲙⲉⲩⲓ ⲛⲁⲥ .
Most certainly I tell you, wherever this Good News may be preached throughout the whole world, that which this woman has done will also be spoken of for a memorial of her.'
bohairic.Mark_03:9
ⲟⲩⲟϩ ⲁϥϫⲟⲥ ⲛⲛⲉϥⲙⲁⲑⲏⲧⲏⲥ ϩⲓⲛⲁ ⲛⲧⲉⲟⲩϫⲟⲓ ⲙⲟⲩⲛ ⲉⲣⲟϥ ⲉⲑⲃⲉⲡⲓⲙⲏϣ ϩⲓⲛⲁ ⲛⲧⲟⲩϣⲧⲉⲙϩⲉϫϩⲱϫϥ
He spoke to his disciples that a little boat should stay near him because of the crowd, so that they wouldn't press on him.
bohairic.Mark_05:9
ⲟⲩⲟϩ ⲛⲁϥϣⲓⲛⲓ ⲙⲙⲟϥ ϫⲉⲛⲓⲙ ⲡⲉ ⲡⲉⲕⲣⲁⲛ ⲟⲩⲟϩ ⲡⲉϫⲁϥ ⲛⲁϥ ϫⲉⲗⲉⲅⲓⲱⲛ ⲡⲉ ⲡⲁⲣⲁⲛ ϫⲉⲧⲉⲛⲉⲣⲟⲩⲙⲏϣ
He asked him, 'What is your name?' He said to him, 'My name is Legion, for we are many.'
bohairic.Mark_04:9
ⲟⲩⲟϩ ⲛⲁϥϫⲱ ⲙⲙⲟⲥ ϫⲉⲫⲏ ⲉⲧⲉⲟⲩⲟⲛ ⲟⲩⲙⲁϣϫ ⲙⲙⲟϥ ⲉⲥⲱⲧⲉⲙ ⲙⲁⲣⲉϥⲥⲱⲧⲉⲙ .
He said, 'Whoever has ears to hear, let him hear.'
bohairic.Mark_13:9
ⲁⲛⲁⲩ ⲇⲉ ⲛⲑⲱⲧⲉⲛ ⲉⲣⲱⲧⲉⲛ ⲥⲉⲛⲁϯⲑⲏⲛⲟⲩ ⲉϩⲁⲛⲙⲁ ⲛϯϩⲁⲡ ⲟⲩⲟϩ ϧⲉⲛⲛⲓⲥⲩⲛⲁⲅⲱⲅⲏ ⲥⲉⲛⲁϩⲓⲟⲩⲓ ⲉⲣⲱⲧⲉⲛ ⲟⲩⲟϩ ⲛⲧⲟⲩⲧⲁϩⲱⲧⲉⲛ ⲉⲣⲁⲧ ⲉⲛⲑⲏⲛⲟⲩ ⲛⲁϩⲣⲉⲛϩⲁⲛϩⲏⲅⲉⲙⲱⲛ ⲛⲉⲙϩⲁⲛⲟⲩⲣⲱⲟⲩ ⲉⲑⲃⲏⲧ ⲉⲩⲙⲉⲧⲙⲉⲑⲣⲉ ⲛⲱⲟⲩ ⲛⲉⲙⲛⲓⲉⲑⲛⲟⲥ ⲧⲏⲣⲟⲩ .
But watch yourselves, for they will deliver you up to councils. You will be beaten in synagogues. You will stand before rulers and kings for my sake, for a testimony to them.
bohairic.Mark_09:9
ⲟⲩⲟϩ ⲉⲩⲛⲏⲟⲩ ⲉϧⲣⲏⲓ ⲉⲃⲟⲗ ϩⲓⲡⲓⲧⲱⲟⲩ ⲁϥϩⲟⲛϩⲉⲛ ⲉⲧⲟⲧⲟⲩ ϩⲓⲛⲁ ⲛⲧⲟⲩϣⲧⲉⲙⲥⲁϫⲓ ϧⲁⲧⲉⲛϩⲗⲓ ⲙⲡⲉⲧⲁⲩⲛⲁⲩ ⲉⲣⲟϥ ⲉⲃⲏⲗ ⲛⲧⲉⲡϣⲏⲣⲓ ⲙⲫⲣⲱⲙⲓ ⲧⲱⲛϥ ⲉⲃⲟⲗ ϧⲉⲛⲛⲏ ⲉⲑⲙⲱⲟⲩⲧ .
As they were coming down from the mountain, he commanded them that they should tell no one what things they had seen, until after the Son of Man had risen from the dead.
bohairic.Mark_16:9
ⲟⲩⲟϩ ⲉⲧⲁϥⲧⲱⲛϥ ⲇⲉ ⲛϣⲟⲣⲡ ⲙⲡⲓⲉϩⲟⲟⲩ ⲛϩⲟⲩⲓⲧ ⲛⲧⲉⲛⲓⲥⲁⲃⲃⲁⲧⲟⲛ ⲁϥⲟⲩⲟⲛϩϥ ⲛϣⲟⲣⲡ ⲙⲙⲁⲣⲓⲁ ϯⲙⲁⲅⲇⲁⲗⲓⲛⲏ ⲑⲏ ⲉⲧⲁϥϩⲓ ⲡⲓⲍ ⲛⲇⲁⲓⲙⲱⲛ ⲉⲃⲟⲗ ϩⲓⲱⲧⲥ
Now when he had risen early on the first day of the week, he appeared first to Mary Magdalene, from whom he had cast out seven demons.
bohairic.Mark_15:9
ⲡⲓⲗⲁⲧⲟⲥ ⲇⲉ ⲁϥⲉⲣⲟⲩⲱ ⲛⲱⲟⲩ ⲉϥϫⲱ ⲙⲙⲟⲥ ϫⲉⲧⲉⲧⲉⲛⲟⲩⲱϣ ⲛⲧⲁⲭⲱ ⲛⲱⲧⲉⲛ ⲉⲃⲟⲗ ⲙⲡⲟⲩⲣⲟ ⲛⲧⲉⲛⲓⲓⲟⲩⲇⲁⲓ
Pilate answered them, saying, 'Do you want me to release to you the King of the Jews?'
bohairic.Mark_12:10
ⲟⲩⲇⲉ ⲧⲁⲓⲅⲣⲁⲫⲏ ⲙⲡⲉⲧⲉⲛⲱϣ ⲙⲙⲟⲥ ϫⲉⲡⲓⲱⲛⲓ ⲉⲧⲁⲩϣⲟϣϥ ⲛϫⲉⲛⲏ ⲉⲧⲕⲱⲧ ⲫⲁⲓ ⲁϥϣⲱⲡⲓ ⲛⲟⲩϫⲱϫ ⲛⲗⲁⲕϩ .
Haven't you even read this Scripture: 'The stone which the builders rejected, the same was made the head of the corner.
bohairic.Mark_08:10
ⲟⲩⲟϩ ⲥⲁⲧⲟⲧϥ ⲁϥⲁⲗⲏⲓ ⲉⲡⲓϫⲟⲉⲓ ⲁϥⲓ ⲉⲛⲓⲥⲁ ⲛⲧⲉⲇⲁⲗⲙⲁⲛⲟⲩⲑⲁ .
Immediately he entered into the boat with his disciples, and came into the region of Dalmanutha.
bohairic.Mark_07:10
ⲙⲱⲩⲥⲏⲥ ⲅⲁⲣ ⲁϥϫⲟⲥ ϫⲉⲁⲣⲓⲧⲓⲙⲁⲛ ⲙⲡⲉⲕⲉⲓⲱⲧ ⲛⲉⲙⲧⲉⲕⲙⲁⲩ ⲟⲩⲟϩ ⲫⲏ ⲉⲧⲛⲁⲥⲁϫⲓ ⲉϥϩⲱⲟⲩ ⲛⲥⲁⲡⲉϥⲉⲓⲱⲧ ⲛⲉⲙⲧⲉϥⲙⲁⲩ ⲙⲁⲣⲉϥⲙⲟⲩ ⲛⲟⲩⲙⲟⲩ .
For Moses said, 'Honor your father and your mother;'
bohairic.Mark_10:10
ⲟⲩⲟϩ ϧⲉⲛⲡⲓⲏⲓ ⲟⲛ ⲁⲛⲓⲙⲁⲑⲏⲧⲏⲥ ϣⲉⲛϥ ⲉⲑⲃⲉⲫⲁⲓ .
In the house, his disciples asked him again about the same matter.
bohairic.Mark_01:10
ⲟⲩⲟϩ ⲥⲁⲧⲟⲧϥ ⲉϥⲛⲏⲟⲩ ⲉⲡϣⲱⲓ ⲉⲃⲟⲗ ϧⲉⲛⲡⲓⲙⲱⲟⲩ ⲁϥⲛⲁⲩ ⲉⲛⲓⲫⲏⲟⲩⲓ ⲉⲁⲩⲫⲱϧ ⲟⲩⲟϩ ⲡⲓⲡⲛⲉⲩⲙⲁ ⲁϥⲓ ⲉϧⲣⲏⲓ ⲉϫⲱϥ ⲙⲫⲣⲏϯ ⲛⲟⲩϭⲣⲟⲙⲡⲓ
Immediately coming up from the water, he saw the heavens parting, and the Spirit descending on him like a dove.
bohairic.Mark_02:10
ϩⲓⲛⲁ ⲛⲧⲉⲧⲉⲛⲉⲙⲓ ϫⲉⲡⲉⲣϣⲓϣⲓ ⲛⲧⲉⲡϣⲏⲣⲓ ⲙⲫⲣⲱⲙⲓ ⲉϫⲉⲛⲡⲓⲕⲁϩⲓ ⲉⲭⲁⲛⲟⲃⲓ ⲉⲃⲟⲗ ⲡⲉϫⲁϥ ⲙⲫⲏ ⲉⲧϣⲏⲗ ⲉⲃⲟⲗ
But that you may know that the Son of Man has authority on earth to forgive sins'—he said to the paralytic—
bohairic.Mark_03:10
ϩⲁⲛⲙⲏϣ ⲅⲁⲣ ⲛⲁϥⲉⲣⲫⲁϧⲣⲓ ⲉⲣⲱⲟⲩ ϩⲱⲥⲧⲉ ⲛⲧⲟⲩⲓ ⲉϫⲱϥ ⲛⲧⲟⲩϭⲓ ⲛⲉⲙⲁϥ ⲛϫⲉⲟⲩⲟⲛ ⲛⲓⲃⲉⲛ ⲉⲛⲁⲣⲉϩⲁⲛⲙⲁⲥⲧⲓⲅⲝ ⲛⲉⲙⲱⲟⲩ
For he had healed many, so that as many as had diseases pressed on him that they might touch him.
bohairic.Mark_11:10
ⲥⲥⲙⲁⲣⲱⲟⲩⲧ ⲛϫⲉϯⲙⲉⲧⲟⲩⲣⲟ ⲉⲧⲛⲏⲟⲩ ⲛⲧⲉⲡⲉⲛⲉⲓⲱⲧ ⲇⲁⲩⲓⲇ ⲱⲥⲁⲛⲛⲁ ϧⲉⲛⲛⲏ ⲉⲧϭⲟⲥⲓ
Blessed is the kingdom of our father David that is coming in the name of the Lord! Hosanna in the highest!'
bohairic.Mark_09:10
ⲟⲩⲟϩ ⲁⲩⲁⲙⲟⲛⲓ ⲙⲡⲓⲥⲁϫⲓ ⲛϧⲏⲧⲟⲩ ⲉⲩⲕⲱϯ ⲛⲉⲙⲛⲟⲩⲉⲣⲏⲟⲩ ϫⲉⲟⲩ ⲡⲉ ⲡⲓⲧⲱⲛϥ ⲉⲃⲟⲗ ϧⲉⲛⲛⲏ ⲉⲑⲙⲱⲟⲩⲧ .
They kept this saying to themselves, questioning what the 'rising from the dead' meant.
bohairic.Mark_06:10
ⲟⲩⲟϩ ⲛⲁϥϫⲱ ⲙⲙⲟⲥ ⲛⲱⲟⲩ ϫⲉⲡⲓⲙⲁ ⲉⲧⲉⲧⲉⲛⲛⲁϣⲉ ⲉϧⲟⲩⲛ ⲉⲟⲩⲏⲓ ⲙⲙⲟϥ ϣⲱⲡⲓ ⲙⲙⲁⲩ ϣⲁⲧⲉⲧⲉⲛⲓ ⲉⲃⲟⲗ ⲙⲙⲁⲩ
He said to them, 'Wherever you enter into a house, stay there until you depart from there.
bohairic.Mark_14:10
ⲟⲩⲟϩ ⲓⲟⲩⲇⲁⲥ ⲡⲓⲥⲕⲁⲣⲓⲱⲧⲏⲥ ⲡⲓⲟⲩⲁⲓ ⲛⲧⲉⲡⲓⲓ ⲁϥϣⲉ ⲛⲁϥ ϩⲁⲛⲓⲁⲣⲭⲓⲉⲣⲉⲩⲥ ϩⲓⲛⲁ ⲛⲧⲉϥⲧⲏⲓϥ ⲛⲱⲟⲩ .
Judas Iscariot, who was one of the twelve, went away to the chief priests, that he might deliver him to them.
bohairic.Mark_13:10
ϩⲱϯ ⲛϣⲟⲣⲡ ⲛⲧⲟⲩϩⲓⲱⲓϣ ⲙⲡⲓⲉⲩⲁⲅⲅⲉⲗⲓⲟⲛ
The Good News must first be preached to all the nations.
bohairic.Mark_15:10
ⲛⲁϥⲉⲙⲓ ⲅⲁⲣ ⲡⲉ ϫⲉⲉⲧⲁⲩⲧⲏⲓϥ ⲉⲑⲃⲉⲟⲩⲫⲑⲟⲛⲟⲥ
For he perceived that for envy the chief priests had delivered him up.
bohairic.Mark_05:10
ⲟⲩⲟϩ ⲛⲁϥϯϩⲟ ⲉⲣⲟϥ ⲛϩⲁⲛⲙⲏϣ ϩⲓⲛⲁ ⲛⲧⲉϥϣⲧⲉⲙⲟⲩⲟⲣⲡϥ ⲥⲁⲃⲟⲗ ⲛϯⲭⲱⲣⲁ .
He begged him much that he would not send them away out of the country.
bohairic.Mark_04:10
ⲟⲩⲟϩ ⲉⲧⲁϥϣⲱⲡⲓ ⲙⲙⲁⲩⲁⲧϥ ⲛⲁⲩϯϩⲟ ⲉⲣⲟϥ ⲛϫⲉⲛⲏ ⲉⲧⲕⲱϯ ⲉⲣⲟϥ ⲛⲉⲙⲡⲓⲓⲃ ⲉⲑⲃⲉⲛⲓⲡⲁⲣⲁⲃⲟⲗⲏ
When he was alone, those who were around him with the twelve asked him about the parables.
bohairic.Mark_16:10
ⲑⲁⲓ ⲉⲧⲉⲙⲙⲁⲩ ⲁⲥϣⲉ ⲛⲁⲥ ⲁⲥϫⲟⲥ ⲛⲛⲏ ⲉⲛⲁⲩϣⲱⲡⲓ ⲛⲉⲙⲁϥ ⲉⲩⲉⲣϩⲏⲃⲓ ⲟⲩⲟϩ ⲉⲩⲣⲓⲙⲓ
She went and told those who had been with him, as they mourned and wept.
bohairic.Mark_04:11
ⲟⲩⲟϩ ⲛⲁϥϫⲱ ⲙⲙⲟⲥ ⲛⲱⲟⲩ ⲡⲉ ϫⲉⲛⲑⲱⲧⲉⲛ ⲉⲧⲉⲛⲓⲙⲩⲥⲧⲏⲣⲓⲟⲛ ⲧⲟⲓ ⲛⲱⲧⲉⲛ ⲛⲧⲉϯⲙⲉⲧⲟⲩⲣⲟ ⲛⲧⲉⲫⲛⲟⲩϯ ⲛⲏ ⲇⲉ ⲛⲑⲱⲟⲩ ⲉⲧⲥⲁⲃⲟⲗ ϣⲁⲣⲉⲡⲧⲏⲣϥ ϣⲱⲡⲓ ⲛⲱⲟⲩ ϧⲉⲛϩⲁⲛⲡⲁⲣⲁⲃⲟⲗⲏ
He said to them, 'To you is given the mystery of the Kingdom of God, but to those who are outside, all things are done in parables,
bohairic.Mark_12:11
ⲉⲧⲁⲫⲁⲓ ϣⲱⲡⲓ ⲉⲃⲟⲗ ϩⲓⲧⲉⲛⲡϭⲟⲓⲥ ⲟⲩⲟϩ ϥⲟⲓ ⲛϣⲫⲏⲣⲓ ϧⲉⲛⲛⲉⲛⲃⲁⲗ .
This was from the Lord, it is marvelous in our eyes'?'
bohairic.Mark_03:11
ⲟⲩⲟϩ ⲛⲓⲡⲛⲉⲩⲙⲁ ⲛⲁⲕⲁⲑⲁⲣⲧⲟⲛ ⲉϣⲱⲡ ⲛⲧⲟⲩⲛⲁⲩ ⲉⲣⲟϥ ϣⲁⲩϩⲓⲧⲟⲩ ⲉϧⲣⲏⲓ ϧⲁⲣⲁⲧϥ ⲟⲩⲟϩ ⲛⲁⲩⲱϣ ⲉⲃⲟⲗ ⲉⲩϫⲱ ⲙⲙⲟⲥ ϫⲉ ⲛⲑⲟⲕ ⲡⲉ ⲡϣⲏⲣⲓ ⲙⲫⲛⲟⲩϯ
The unclean spirits, whenever they saw him, fell down before him, and cried, 'You are the Son of God!'
bohairic.Mark_01:11
ⲟⲩⲟϩ ⲟⲩⲥⲙⲏ ⲛⲁⲥϣⲱⲡⲓ ⲉⲃⲟⲗ ϧⲉⲛⲛⲓⲫⲏⲟⲩⲓ ϫⲉⲛⲑⲟⲕ ⲡⲉ ⲡⲁϣⲏⲣⲓ ⲡⲁⲙⲉⲛⲣⲓⲧ ⲉⲧⲁⲓϯⲙⲁϯ ⲛϧⲏⲧϥ
A voice came out of the sky, 'You are my beloved Son, in whom I am well pleased.'
bohairic.Mark_02:11
ϫⲉⲛⲑⲟⲕ ⲡⲉⲧⲓϫⲱ ⲙⲙⲟⲥ ⲛⲁⲕ ⲧⲱⲛⲕ ⲱⲗⲓ ⲙⲡⲉⲕϭⲗⲟϫ ⲟⲩⲟϩ ⲙⲁϣⲉ ⲛⲁⲕ ⲉⲡⲉⲕⲏⲓ
I tell you, arise, take up your mat, and go to your house.'
bohairic.Mark_11:11
ⲟⲩⲟϩ ⲁϥⲓ ⲉϧⲟⲩⲛ ⲉⲓⲉⲣⲟⲥⲁⲗⲏⲙ ⲉϧⲟⲩⲛ ⲉⲡⲓⲉⲣⲫⲉⲓ ⲟⲩⲟϩ ⲉⲧⲁϥⲥⲟⲙⲥ ⲉⲡⲧⲏⲣϥ ⲉⲧⲁⲣⲟⲩϩⲓ ϩⲏⲇⲏ ϣⲱⲡⲓ ⲛⲧⲉⲟⲩⲟⲩⲛⲟⲩ ⲁϥⲓ ⲉⲃⲏⲑⲁⲛⲓⲁ ⲛⲉⲙⲡⲓⲓⲃ
Jesus entered into the temple in Jerusalem. When he had looked around at everything, it being now evening, he went out to Bethany with the twelve.
bohairic.Mark_09:11
ⲟⲩⲟϩ ⲁⲩϣⲉⲛϥ ⲉⲩϫⲱ ⲙⲙⲟⲥ ϫⲉⲉⲑⲃⲉⲟⲩ ⲛⲓⲥⲁϧ ⲥⲉϫⲱ ⲙⲙⲟⲥ ϫⲉϩⲱϯ ⲡⲉ ⲛⲧⲉⲏⲗⲓⲁⲥ ⲓ ⲛϣⲟⲣⲡ .
They asked him, saying, 'Why do the scribes say that Elijah must come first?'
bohairic.Mark_13:11
ⲟⲩⲟϩ ⲉϣⲱⲡ ⲛⲧⲟⲩⲉⲛⲑⲏⲛⲟⲩ ⲉⲩϯ ⲙⲙⲱⲧⲉⲛ ⲙⲡⲣⲉⲣ=ϣⲟⲣⲡ ⲛϥⲓⲣⲱⲟⲩϣ ϫⲉⲟⲩ ⲡⲉⲧⲉⲧⲉⲛⲛⲁⲥⲁϫⲓ ⲙⲙⲟϥ ⲁⲗⲗⲁ ⲡⲉⲧⲟⲩⲛⲁⲧⲏⲓϥ ⲛⲱⲧⲉⲛ ϧⲉⲛϯⲟⲩⲛⲟⲩ ⲉⲧⲉⲙⲙⲁⲩ ⲫⲁⲓ ⲡⲉⲧⲉⲧⲉⲛⲛⲁⲥⲁϫⲓ ⲙⲙⲟϥ ⲛⲑⲱⲧⲉⲛ ⲅⲁⲣ ⲁⲛ ⲡⲉⲧⲛⲁⲥⲁϫⲓ ⲁⲗⲗⲁ ⲡⲓⲡⲛⲉⲩⲙⲁ ⲉⲧⲟⲩⲁⲃ ⲡⲉ .
When they lead you away and deliver you up, don't be anxious beforehand, or premeditate what you will say, but say whatever will be given you in that hour. For it is not you who speak, but the Holy Spirit.
bohairic.Mark_05:11
ⲛⲉ ⲟⲩⲟⲛ ⲟⲩⲁⲅⲉⲗⲏ ⲇⲉ ⲛⲣⲓⲣ ⲉⲥⲟϣ ⲙⲙⲁⲩ ⲡⲉ ⲉⲥⲙⲟⲛⲓ ϧⲁⲧⲉⲛⲡⲓⲧⲱⲟⲩ
Now on the mountainside there was a great herd of pigs feeding.
bohairic.Mark_16:11
ⲛⲑⲱⲟⲩ ⲇⲉ ⲉⲧⲁⲩⲥⲱⲧⲉⲙ ϫⲉϥⲟⲛϧ ⲟⲩⲟϩ ϫⲉⲁⲛⲛⲁⲩ ⲉⲣⲟϥ ⲛⲁⲩⲟⲓ ⲛⲁⲑⲛⲁϩϯ ⲡⲉ
When they heard that he was alive, and had been seen by her, they disbelieved.
bohairic.Mark_07:11
ⲛⲑⲱⲧⲉⲛ ⲇⲉ ⲧⲉⲧⲉⲛϫⲱ ⲙⲙⲟⲥ ϫⲉⲁⲣⲉϣⲁⲛⲟⲩⲣⲱⲙⲓ ϫⲟⲥ ⲙⲡⲉϥⲓⲱⲧ ⲛⲉⲙⲧⲉϥⲙⲁⲩ ϫⲉⲕⲟⲣⲃⲁⲛ ⲉⲧⲉⲟⲩⲧⲁⲓⲟ ⲡⲉ ⲁⲕϣⲁⲛϫⲉⲙϩⲏⲟⲩ ⲙⲙⲟϥ ⲉⲃⲟⲗ ⲙⲙⲟⲓ
But you say, 'If a man tells his father or his mother, 'Whatever profit you might have received from me is Corban, that is to say, given to God;''
bohairic.Mark_10:11
ⲟⲩⲟϩ ⲡⲉϫⲁϥ ⲛⲱⲟⲩ ϫⲉⲫⲏ ⲉⲧⲛⲁⲭⲁⲧⲉϥⲥϩⲓⲙⲓ ⲉⲃⲟⲗ ⲟⲩⲟϩ ⲛⲧⲉϥϭⲓ ⲛⲕⲉⲟⲩⲓ ϥⲟⲓ ⲛⲛⲱⲓⲕ ⲉϫⲱⲥ .
He said to them, 'Whoever divorces his wife, and marries another, commits adultery against her.
bohairic.Mark_06:11
ⲟⲩⲟϩ ⲙⲁ ⲛⲓⲃⲉⲛ ⲉⲧⲉⲛϥⲛⲁϣⲉⲡⲑⲏⲛⲟⲩ ⲉⲣⲟϥ ⲁⲛ ⲟⲩⲇⲉ ⲛⲧⲟⲩϣⲧⲉⲙⲥⲱⲧⲉⲙ ⲉⲣⲱⲧⲉⲛ ⲁⲛ ⲉⲣⲉⲧⲉⲛⲛⲏⲟⲩ ⲉⲃⲟⲗ ⲙⲙⲁⲩ ⲛⲉϩⲡϣⲱⲓϣ ⲉⲧⲥⲁⲉϧⲣⲏⲓ ⲛⲛⲉⲧⲉⲛϭⲁⲗⲁⲩϫ ⲉⲃⲟⲗ ⲉⲩⲙⲉⲧⲙⲉⲑⲣⲉ ⲛⲱⲟⲩ .
Whoever will not receive you nor hear you, as you depart from there, shake off the dust that is under your feet for a testimony against them.'
bohairic.Mark_08:11
ⲟⲩⲟϩ ⲁⲩⲓ ⲉⲃⲟⲗ ⲛϫⲉⲛⲓⲫⲁⲣⲓⲥⲉⲟⲥ ⲁⲩⲉⲣϩⲏⲧⲥ ⲛⲕⲱϯ ⲛⲉⲙⲁϥ ⲉⲩⲕⲱϯ ⲛⲥⲁⲟⲩⲙⲏⲓⲛⲓ ⲛⲧⲟⲧϥ ⲉⲃⲟⲗ ϧⲉⲛⲧⲫⲉ ⲉⲩⲉⲣⲡⲓⲣⲁⲍⲓⲛ ⲙⲙⲟϥ .
The Pharisees came out and began to question him, seeking from him a sign from heaven, and testing him.
bohairic.Mark_14:11
ⲛⲑⲱⲟⲩ ⲇⲉ ⲉⲧⲁⲩⲥⲱⲧⲉⲙ ⲁⲩⲣⲁϣⲓ ⲟⲩⲟϩ ⲁⲩϯ ⲛⲁϥ ⲛⲟⲩϩⲁⲧ ⲟⲩⲟϩ ⲛⲁϥⲕⲱϯ ⲡⲉ ϫⲉⲡⲱⲥ ϥⲛⲁⲧⲏⲓϥ ϧⲉⲛⲟⲩⲉⲩⲕⲉⲣⲓⲁ
They, when they heard it, were glad, and promised to give him money. He sought how he might conveniently deliver him.
bohairic.Mark_15:11
ⲛⲓⲁⲣⲭⲓⲉⲣⲉⲩⲥ ⲇⲉ ⲁⲩⲕⲓⲙ ⲙⲡⲓⲙⲏϣ ϩⲓⲛⲁ ⲙⲁⲗⲗⲟⲛ ⲛⲧⲉϥⲭⲁⲃⲁⲣⲃⲃⲁⲥ ⲛⲱⲟⲩ ⲉⲃⲟⲗ .
But the chief priests stirred up the multitude, that he should release Barabbas to them instead.
bohairic.Mark_04:12
ϩⲓⲛⲁ ⲉⲩⲛⲁⲩ ⲛⲧⲟⲩⲛⲁⲩ ⲟⲩⲟϩ ⲛⲧⲟⲩϣⲧⲉⲙⲛⲁⲩ ⲟⲩⲟϩ ⲉⲩⲥⲱⲧⲉⲙ ⲛⲧⲟⲩⲥⲱⲧⲉⲙ ⲟⲩⲟϩ ⲛⲧⲟⲩϣⲧⲉⲙⲕⲁϯ ⲙⲏⲡⲟⲧⲉ ⲛⲧⲟⲩⲕⲟⲧⲟⲩ ⲟⲩⲟϩ ⲛⲧⲟⲩⲭⲱ ⲛⲱⲟⲩ ⲉⲃⲟⲗ .
that 'seeing they may see, and not perceive; and hearing they may hear, and not understand; lest perhaps they should turn again, and their sins should be forgiven them.''
bohairic.Mark_15:12
ⲡⲓⲗⲁⲧⲟⲥ ⲇⲉ ⲉⲧⲁϥⲉⲣⲟⲩⲱ ⲡⲉϫⲁϥ ⲛⲱⲟⲩ ϫⲉⲟⲩ ⲟⲩⲛ ⲡⲉϯⲛⲁⲁⲓϥ ⲙⲫⲏ ⲉⲧⲉⲧⲉⲛϫⲱ ⲙⲙⲟⲥ ⲉⲣⲟϥ ϫⲉⲡⲟⲩⲣⲟ ⲛⲧⲉⲛⲓⲓⲟⲩⲇⲁⲓ
Pilate again asked them, 'What then should I do to him whom you call the King of the Jews?'
bohairic.Mark_01:12
ⲟⲩⲟϩ ⲥⲁⲧⲟⲧϥ ⲁⲡⲓⲡⲛⲉⲩⲙⲁ ϩⲓⲧϥ ⲉⲃⲟⲗ ⲉⲡϣⲁϥⲉ
Immediately the Spirit drove him out into the wilderness.
bohairic.Mark_14:12
ⲟⲩⲟϩ ⲡⲓϩⲟⲩⲓⲧ ⲛⲉϩⲟⲟⲩ ⲛⲧⲉⲛⲓⲁⲧϣⲉⲙⲏⲣ ϩⲟⲧⲉ ⲉⲩϣⲱⲧ ⲙⲡⲓⲡⲁⲥⲭⲁ ⲡⲉϫⲱⲟⲩ ⲛⲁϥ ⲛϫⲉⲛⲉϥⲙⲁⲑⲏⲧⲏⲥ ϫⲉⲭⲟⲩⲱϣ ⲛⲧⲉⲛϣⲉ ⲉⲧϩⲱⲛ ⲛⲧⲉⲛⲥⲟⲃϯ ϩⲓⲛⲁ ⲛⲧⲉⲕⲟⲩⲱⲙ ⲙⲡⲓⲡⲁⲥⲭⲁ
On the first day of unleavened bread, when they sacrificed the Passover, his disciples asked him, 'Where do you want us to go and make ready that you may eat the Passover?'
bohairic.Mark_12:12
ⲟⲩⲟϩ ⲛⲁⲩⲕⲱϯ ⲛⲥⲁⲁⲙⲟⲛⲓ ⲙⲙⲟϥ ⲡⲉ ⲟⲩⲟϩ ⲁⲩⲉⲣϩⲟϯ ϧⲁⲧϩⲏ ⲙⲡⲓⲙⲏϣ ⲁⲩⲉⲙⲓ ⲅⲁⲣ ϫⲉⲉⲧⲁϥϫⲉⲧⲁⲓⲡⲁⲣⲁⲃⲟⲗⲏ ⲉⲑⲃⲏⲧⲟⲩ ⲟⲩⲟϩ ⲉⲧⲁⲩⲭⲁϥ ⲁⲩϣⲉ ⲛⲱⲟⲩ
They tried to seize him, but they feared the multitude; for they perceived that he spoke the parable against them. They left him, and went away.
bohairic.Mark_02:12
ⲟⲩⲟϩ ⲥⲁⲧⲟⲧϥ ⲁϥⲧⲱⲛϥ ⲁϥⲱⲗⲓ ⲙⲡⲉϥϭⲗⲟϫ ⲟⲩⲟϩ ⲁϥⲓ ⲉⲃⲟⲗ ⲙⲡⲉⲙⲑⲟ ⲛⲟⲩⲟⲛ ⲛⲓⲃⲉⲛ ϩⲱⲥⲧⲉ ⲛⲧⲟⲩⲉⲣϣⲫⲏⲣⲓ ⲧⲏⲣⲟⲩ ⲟⲩⲟϩ ⲛⲧⲟⲩϯⲱⲟⲩ ⲙⲫⲛⲟⲩϯ ⲉⲩϫⲱ ⲙⲙⲟⲥ ϫⲉⲙⲡⲉⲛⲛⲁⲩ ⲉⲟⲩⲟⲛ ⲡⲁⲓⲣⲏϯ ⲉⲛⲉϩ .
He arose, and immediately took up the mat, and went out in front of them all; so that they were all amazed, and glorified God, saying, 'We never saw anything like this!'
bohairic.Mark_06:12
ⲟⲩⲟϩ ⲉⲧⲁⲩⲓ ⲉⲃⲟⲗ ⲁⲩϩⲓⲱⲓϣ ϩⲓⲛⲁ ⲛⲥⲉⲉⲣⲙⲉⲧⲁⲛⲟⲓⲛ
They went out and preached that people should repent.
bohairic.Mark_09:12
ⲛⲑⲟϥ ⲇⲉ ⲡⲉϫⲁϥ ⲛⲱⲟⲩ ϫⲉⲏⲗⲓⲁⲥ ⲙⲉⲛ ⲓ ⲛϣⲟⲣⲡ ⲟⲩⲟϩ ϥⲛⲁⲧⲫⲉ ϩⲱⲃ ⲛⲓⲃⲉⲛ ⲟⲩⲟϩ ⲡⲱⲥ ⲥϧⲏⲟⲩⲧ ⲉϫⲉⲛⲡϣⲏⲣⲓ ⲙⲫⲣⲱⲙⲓ ϩⲓⲛⲁ ⲛⲧⲉϥϭⲓ ⲟⲩⲙⲏϣ ⲛϧⲓⲥⲓ ⲟⲩⲟϩ ⲛⲧⲟⲩϣⲟϣϥ .
He said to them, 'Elijah indeed comes first, and restores all things. How is it written about the Son of Man, that he should suffer many things and be despised?
bohairic.Mark_11:12
ⲟⲩⲟϩ ⲉⲡⲉϥⲣⲁⲥϯ ⲉⲧⲁⲩⲓ ⲉⲃⲟⲗ ϧⲉⲛⲃⲏⲑⲁⲛⲓⲁ ⲁϥϩⲕⲟ
The next day, when they had come out from Bethany, he was hungry.
bohairic.Mark_16:12
ⲙⲉⲛⲉⲛⲥⲁⲛⲁⲓ ⲇⲉ ⲟⲛ ⲛⲁⲣⲉⲃ ⲉⲃⲟⲗ ⲛϧⲏⲧⲟⲩ ⲉⲩⲙⲟϣⲓ ϩⲓⲟⲩⲙⲱⲓⲧ ⲁϥⲟⲩⲟⲛϩϥ ⲉⲣⲱⲟⲩ ϧⲉⲛⲕⲉⲙⲟⲣⲫⲏ ϧⲉⲛⲧⲕⲟⲓ
After these things he was revealed in another form to two of them, as they walked, on their way into the country.
bohairic.Mark_13:12
ⲟⲩⲟϩ ⲉⲣⲉⲟⲩⲥⲟⲛ ϯⲛⲟⲩⲥⲟⲛ ⲉⲫⲙⲟⲩ ⲟⲩⲟϩ ⲉⲣⲉⲟⲩⲉⲓⲱⲧ ⲉϥⲉϯ ⲛⲟⲩϣⲏⲣⲓ ⲟⲩⲟϩ ⲥⲉⲛⲁⲧⲱⲟⲩⲛⲟⲩ ⲛϫⲉϩⲁⲛϣⲏⲣⲓ ⲉϫⲉⲛϩⲁⲛⲓⲟϯ ⲟⲩⲟϩ ⲥⲉⲛⲁϧⲟⲑⲃⲟⲩ
Brother will deliver up brother to death, and the father his child. Children will rise up against parents, and cause them to be put to death.
bohairic.Mark_05:12
ⲟⲩⲟϩ ⲛⲁⲩϯϩⲟ ⲉⲣⲟϥ ⲉⲩϫⲱ ⲙⲙⲟⲥ ϫⲉⲟⲩⲟⲣⲡⲧⲉⲛ ⲉⲛⲓⲣⲓⲣ ϩⲓⲛⲁ ⲛⲧⲉⲛϣⲉ ⲉϧⲟⲩⲛ ⲉⲣⲱⲟⲩ
All the demons begged him, saying, 'Send us into the pigs, that we may enter into them.'
bohairic.Mark_10:12
ⲟⲩⲟϩ ⲉϣⲱⲡ ϩⲱⲥ ⲛⲧⲉⲥⲭⲁⲡⲉⲥϩⲁⲓ ⲉⲃⲟⲗ ⲟⲩⲟϩ ⲛⲧⲉⲥϭⲓ ⲛⲕⲉⲟⲩⲁⲓ ⲥⲟⲓ ⲛⲛⲱⲓⲕ .
If a woman herself divorces her husband, and marries another, she commits adultery.'
bohairic.Mark_07:12
ⲛⲧⲉⲧⲉⲛⲭⲱ ⲙⲙⲟϥ ⲁⲛ ⲉⲉⲣϩⲗⲓ ⲙⲡⲉϥⲓⲱⲧ ⲓⲉ ⲧⲉϥⲙⲁⲩ
then you no longer allow him to do anything for his father or his mother,
bohairic.Mark_03:12
ⲟⲩⲟϩ ⲛⲁϥⲉⲣⲉⲡⲓⲧⲓⲙⲁⲛ ⲛⲱⲟⲩ ⲛⲟⲩⲙⲏϣ ϩⲓⲛⲁ ⲛⲥⲉϣⲧⲉⲙⲟⲩⲟⲛϩϥ ⲉⲃⲟⲗ .
He sternly warned them that they should not make him known.
bohairic.Mark_08:12
ⲟⲩⲟϩ ⲉⲧⲁϥϥⲓⲁϩⲟⲙ ϧⲉⲛⲡⲉϥⲡⲛⲉⲩⲙⲁ ⲡⲉϫⲁϥ ϫⲉⲁϧⲟ ⲡⲁⲓϫⲱⲟⲩ ϥⲕⲱϯ ⲛⲥⲁⲟⲩⲙⲏⲓⲛⲓ ⲁⲙⲏⲛ ϯϫⲱ ⲙⲙⲟⲥ ⲛⲱⲧⲉⲛ ϫⲉⲁⲛ ⲥⲉⲛⲁϯ ⲛⲟⲩⲙⲏⲓⲛⲓ ⲙⲡⲁⲓϫⲱⲟⲩ .
He sighed deeply in his spirit, and said, 'Why does this generation seek a sign? Most certainly I tell you, no sign will be given to this generation.'
bohairic.Mark_04:13
ⲟⲩⲟϩ ⲡⲉϫⲁϥ ⲛⲱⲟⲩ ϫⲉ ⲧⲉⲧⲉⲛⲉⲙⲓ ⲁⲛ ⲉⲧⲁⲓⲡⲁⲣⲁⲃⲟⲗⲏ ⲟⲩⲟϩ ⲡⲱⲥ ⲛⲓⲕⲉⲡⲁⲣⲁⲃⲟⲗⲏ ⲧⲏⲣⲟⲩ ⲧⲉⲧⲉⲛⲛⲁⲥⲟⲩⲱⲛⲟⲩ
He said to them, 'Don't you understand this parable? How will you understand all of the parables?
bohairic.Mark_14:13
ⲟⲩⲟϩ ⲁϥⲟⲩⲱⲣⲡ ⲛⲃ ⲛⲧⲉⲛⲉϥⲙⲁⲑⲏⲧⲏⲥ ⲟⲩⲟϩ ⲡⲉϫⲁϥ ⲛⲱⲟⲩ ϫⲉⲙⲁϣⲉ ⲛⲱⲧⲉⲛ ⲉϯⲃⲁⲕⲓ ⲟⲩⲟϩ ϥⲛⲁⲉⲣⲁⲡⲁⲛⲧⲁⲛ ⲉⲣⲱⲧⲉⲛ ⲛϫⲉⲟⲩⲣⲱⲙⲓ ⲉϥϥⲁⲓ ⲛⲟⲩϣⲟϣⲟⲩ ⲙⲙⲱⲟⲩ ⲙⲟϣⲓ ⲛⲥⲱϥ
He sent two of his disciples, and said to them, 'Go into the city, and there you will meet a man carrying a pitcher of water. Follow him,
bohairic.Mark_01:13
ⲟⲩⲟϩ ⲛⲁϥⲭⲏ ⲡⲉ ϩⲓⲡϣⲁϥⲉ ⲛⲙ ⲛⲉϩⲟⲟⲩ ⲛⲉⲙⲛⲉϫⲱⲣϩ ⲉϥⲉⲣⲡⲓⲣⲁⲍⲓⲛ ⲙⲙⲟϥ ⲛϫⲉⲡⲥⲁⲧⲁⲛⲁⲥ ⲟⲩⲟϩ ⲛⲁϥⲭⲏ ⲡⲉ ⲛⲉⲙⲛⲓⲑⲏⲣⲓⲟⲛ ⲟⲩⲟϩ ⲛⲓⲁⲅⲅⲉⲗⲟⲥ ⲛⲁⲩϣⲉⲙϣⲓ ⲙⲙⲟϥ .
He was there in the wilderness forty days tempted by Satan. He was with the wild animals; and the angels were serving him.
bohairic.Mark_15:13
ⲛⲑⲱⲟⲩ ⲇⲉ ⲟⲛ ⲁⲩⲱϣ ⲉⲃⲟⲗ ϫⲉⲁϣϥ .
They cried out again, 'Crucify him!'
bohairic.Mark_02:13
ⲟⲩⲟϩ ⲁϥⲓ ⲉⲃⲟⲗ ϩⲁⲫⲓⲟⲙ ⲟⲩⲟϩ ⲡⲓⲙⲏϣ ⲧⲏⲣϥ ⲉⲛⲁϥⲛⲏⲟⲩ ϩⲁⲣⲟϥ ⲟⲩⲟϩ ⲛⲁϥϯⲥⲃⲱ ⲛⲱⲟⲩ ⲡⲉ
He went out again by the seaside. All the multitude came to him, and he taught them.
bohairic.Mark_11:13
ⲉⲧⲁϥⲛⲁⲩ ⲉⲟⲩⲃⲱ ⲛⲕⲉⲛⲧⲉ ϩⲓⲫⲟⲩⲉⲓ ⲉⲟⲩⲟⲛ ϩⲁⲛϫⲱⲃⲓ ϩⲓⲱⲧⲥ ⲁϥⲓ ϫⲉϩⲁⲣⲁ ϥⲛⲁϫⲉⲙϩⲗⲓ ϩⲓⲱⲧⲥ ⲟⲩⲟϩ ⲉⲧⲁϥⲓ ⲉϫⲱⲥ ⲙⲡⲉϥϫⲉⲙϩⲗⲓ ⲉⲃⲏⲗ ⲉϩⲁⲛϫⲱⲃⲓ ⲛⲉⲡⲥⲏⲟⲩ ⲅⲁⲣ ⲛⲕⲉⲛⲧⲉ ⲁⲛ ⲡⲉ .
Seeing a fig tree afar off having leaves, he came to see if perhaps he might find anything on it. When he came to it, he found nothing but leaves, for it was not the season for figs.
bohairic.Mark_06:13
ⲟⲩⲟϩ ⲁⲩϩⲓⲟⲩⲙⲏϣ ⲛⲇⲁⲓⲙⲱⲛ ⲉⲃⲟⲗ ⲟⲩⲙⲏϣ ⲛⲣⲉϥϣⲱⲛⲓ ⲛⲁⲩⲑⲱϩⲥ ⲙⲙⲱⲟⲩ ⲛⲛⲉϩ ⲟⲩⲟϩ ⲛⲁⲩⲉⲣⲫⲁϧⲣⲓ ⲉⲣⲱⲟⲩ .
They cast out many demons, and anointed many with oil who were sick, and healed them.
bohairic.Mark_05:13
ⲟⲩⲟϩ ⲁϥⲟⲩⲁϩⲥⲁϩⲛⲓ ⲛⲱⲟⲩ ⲟⲩⲟϩ ⲉⲧⲁⲩⲓ ⲉⲃⲟⲗ ⲛϫⲉⲛⲓⲡⲛⲉⲩⲙⲁ ⲛⲁⲕⲁⲑⲣⲧⲟⲛ ⲁⲩϣⲉ ⲛⲱⲟⲩ ⲉϧⲟⲩⲛ ⲉⲛⲓⲉϣⲁⲩ ⲟⲩⲟϩ ⲁⲥϩⲉⲓ ⲉϧⲣⲏⲓ ⲛϫⲉϯⲁⲅⲉⲗⲏ ϧⲁⲧⲉⲛⲡⲓϫⲁϫⲣⲓⲙ ⲉⲫⲓⲟⲙ ⲉⲩⲉⲣϣⲟ ⲥⲛⲁⲩ ⲟⲩⲟϩ ⲛⲁⲩⲱϫϩ ⲙⲙⲱⲟⲩ ϧⲉⲛⲫⲓⲟⲙ .
At once Jesus gave them permission. The unclean spirits came out and entered into the pigs. The herd of about two thousand rushed down the steep bank into the sea, and they were drowned in the sea.

Coptic SCRIPTORIUM, corpus bohairic.mark (github.com/CopticScriptorium/corpora). Licence as stated per document in the project's own meta.json and checked there at parse time. English, where present, is Coptic SCRIPTORIUM's aligned translation. Licence: public domain text, CC-BY annotation. Source.