Bohairic Mark

Coptic literature (Coptic SCRIPTORIUM) · 678 sections

bohairic.Mark_02:19
ⲟⲩⲟϩ ⲁϥⲉⲣⲟⲩⲱ ⲛϫⲉⲓⲏⲥⲟⲩⲥ ⲡⲉϫⲁϥ ⲛⲱⲟⲩ ϫⲉⲙⲏⲧⲓ ⲟⲩⲟⲛ ϣϫⲟⲙ ⲉⲑⲣⲉⲛⲉⲛϣⲏⲣⲓ ⲙⲡⲓⲡⲁⲧϣⲉⲗⲉⲧ ⲉⲣⲛⲏⲥⲧⲉⲩⲓⲛ ϩⲱⲥ ⲉϥⲛⲉⲙⲱⲟⲩ ⲛϫⲉⲡⲓⲡⲁⲧϣⲉⲗⲉⲧ ⲭⲣⲟⲛⲟⲥ ⲛⲓⲃⲉⲛ ϩⲱⲥ ⲡⲓⲡⲁⲧϣⲉⲗⲉⲧ ⲛⲉⲙⲱⲟⲩ ⲙⲙⲟⲛϣϫⲟⲙ ⲙⲙⲱⲟⲩ ⲉⲉⲣⲛⲏⲥⲧⲉⲩⲓⲛ .
Jesus said to them, 'Can the groomsmen fast while the bridegroom is with them? As long as they have the bridegroom with them, they can’t fast.
bohairic.Mark_03:19
ⲛⲉⲙⲓⲟⲩⲇⲁⲥ ⲡⲓⲓⲥⲕⲁⲣⲓⲱⲧⲏⲥ ⲫⲏ ⲉⲧⲁϥⲧⲏⲓϥ
and Judas Iscariot, who also betrayed him.
bohairic.Mark_01:19
ⲟⲩⲟϩ ⲉⲧⲁϥⲥⲓⲛⲓ ⲉⲧϩⲏ ⲛⲕⲉⲕⲟⲩϫⲓ ⲁϥⲛⲁⲩ ⲉⲓⲁⲕⲱⲃⲟⲥ ⲡϣⲏⲣⲓ ⲛⲍⲉⲃⲉⲇⲉⲟⲥ ⲛⲉⲙⲓⲱⲁⲛⲛⲏⲥ ⲡⲉϥⲥⲟⲛ ⲟⲩⲟϩ ⲛⲑⲱⲟⲩ ϩⲱⲟⲩ ⲉⲩϩⲓⲡⲓϫⲟⲓ ⲉⲩⲥⲟⲃϯ ⲛⲛⲟⲩϣⲛⲏⲟⲩ
Going on a little further from there, he saw James the son of Zebedee, and John his brother, who were also in the boat mending the nets.
bohairic.Mark_16:19
ⲡϭⲟⲓⲥ ⲟⲩⲛ ⲓⲏⲥⲟⲩⲥ ⲙⲉⲛⲉⲛⲥⲁⲑⲣⲉϥⲥⲁϫⲓ ⲛⲉⲙⲱⲟⲩ ⲁⲩⲟⲗϥ ⲉⲡϣⲱⲓ ⲉⲧⲫⲉ ⲟⲩⲟϩ ⲁϥϩⲉⲙⲥⲓ ⲥⲁⲟⲩⲓⲛⲁⲙ ⲙⲫⲓⲱⲧ .
So then the Lord Jesus, after he had spoken to them, was received up into heaven, and sat down at the right hand of God.
bohairic.Mark_07:20
ⲛⲁϥϫⲱ ⲇⲉ ⲙⲙⲟⲥ ϫⲉⲡⲉⲑⲛⲏⲟⲩ ⲉⲃⲟⲗ ϧⲉⲛⲣⲱϥ ⲙⲡⲓⲣⲱⲓⲙⲓ ⲛⲑⲟϥ ⲉⲧⲥⲱϥ ⲙⲡⲓⲣⲱⲙⲓ .
He said, 'That which proceeds out of the man, that defiles the man.
bohairic.Mark_10:20
ⲛⲑⲟϥ ⲇⲉ ⲡⲉϫⲁϥ ⲛⲁϥ ϫⲉⲫⲣⲉϥϯⲥⲃⲱ ⲛⲁⲓ ⲧⲏⲣⲟⲩ ⲁⲓⲁⲣⲉϩ ⲉⲣⲱⲟⲩ ⲓⲥϫⲉⲛⲧⲁⲙⲉⲧⲁⲗⲟⲩ .
He said to him, 'Teacher, I have observed all these things from my youth.'
bohairic.Mark_03:20
ⲟⲩⲟϩ ⲁϥⲓ ⲉϧⲟⲩⲛ ⲉⲟⲩⲏⲓ ⲟⲩⲟϩ ⲁϥⲑⲱⲟⲩϯ ⲟⲛ ⲛϫⲉⲡⲓⲙⲏϣ ϩⲱⲥⲧⲉ ⲛⲧⲟⲩϣⲧⲉⲙϣϫⲉⲙϫⲟⲙ ⲟⲩⲇⲉ ⲉⲟⲩⲉⲙⲱⲓⲕ
He came into a house. The multitude came together again, so that they could not so much as eat bread.
bohairic.Mark_06:20
ⲏⲣⲱⲇⲏⲥ ⲅⲁⲣ ⲁϥⲉⲣϩⲟϯ ϧⲁⲧϩⲏ ⲛⲓⲱⲁⲛⲛⲏⲥ ⲉϥⲥⲱⲟⲩⲛ ⲙⲙⲟϥ ϫⲉⲟⲩⲣⲱⲙⲓ ⲛⲇⲓⲕⲉⲟⲥ ⲡⲉ ⲟⲩⲟϩ ϥⲟⲩⲁⲃ ⲟⲩⲟϩ ⲛⲁϥⲁⲣⲉϩ ⲉⲣⲟϥ ⲡⲉ ⲟⲩⲟϩ ⲛⲁϥⲥⲱⲧⲉⲙ ⲉϩⲁⲛⲙⲏϣ ⲛⲧⲟⲧϥ ⲟⲩⲟϩ ⲛⲁϥϣⲟⲗϩ ⲛϩⲏⲧ ⲡⲉ ⲟⲩⲟϩ ϩⲏⲇⲉⲱⲥ ⲛⲁϥⲥⲱⲧⲉⲙ ⲉⲣⲟϥ .
for Herod feared John, knowing that he was a righteous and holy man, and kept him safe. When he heard him, he did many things, and he heard him gladly.
bohairic.Mark_15:20
ⲟⲩⲟϩ ϩⲟⲧⲉ ⲉⲧⲁⲩⲥⲱⲃⲓ ⲙⲙⲟϥ ⲁⲩⲃⲁϣϥ ⲙⲡⲓϩⲃⲟⲥ ⲛϭⲏϫⲓ ⲟⲩⲟϩ ⲁⲩϯ ⲛⲛⲉϥϩⲃⲱⲥ ϩⲓⲱⲧϥ ⲟⲩⲟϩ ⲁⲩⲉⲛϥ ⲉⲃⲟⲗ ϩⲓⲛⲁ ⲛⲥⲉⲁϣϥ .
When they had mocked him, they took the purple off of him, and put his own garments on him. They led him out to crucify him.
bohairic.Mark_08:20
ⲟⲩⲟϩ ⲡⲓⲍ ⲉϩⲣⲉⲛⲡⲓⲇ ⲛϣⲟ ϫⲉⲁⲧⲉⲧⲉⲛⲉⲗⲟⲩⲏⲣ ⲙⲃⲓⲣ ⲉⲩⲙⲉϩ ⲛⲗⲁⲕϩ ⲟⲩⲟϩ ⲡⲉϫⲱⲟⲩ ⲛⲁϥ ϫⲉⲍ .
When the seven loaves fed the four thousand, how many baskets full of broken pieces did you take up?' They told him, 'Seven.'
bohairic.Mark_11:20
ⲟⲩⲟϩ ⲉⲩⲥⲓⲛⲓⲱⲟⲩ ⲛϩⲁⲛⲁⲧⲟⲟⲩⲓ ⲁⲩⲛⲁⲩ ⲉϯⲃⲱ ⲛⲕⲉⲛⲧⲉ ⲁⲥϣⲱⲟⲩⲓ ϩⲓⲧⲉⲥⲛⲟⲩⲛⲓ .
As they passed by in the morning, they saw the fig tree withered away from the roots.
bohairic.Mark_05:20
ⲟⲩⲟϩ ⲁϥϩⲱⲗ ⲟⲩⲟϩ ⲁϥⲉⲣϩⲏⲧⲥ ⲛϩⲓⲱⲓϣ ϧⲉⲛⲑⲙⲏϯ ⲛϯⲃⲁⲕⲓ ⲙⲡⲉⲧⲁϥⲁⲓϥ ⲛⲁϥ ⲛϫⲉⲓⲏⲥⲟⲩⲥ ⲟⲩⲟϩ ⲛⲁⲩⲉⲣϣⲫⲏⲣⲓ ⲧⲏⲣⲟⲩ ⲡⲉ
He went his way, and began to proclaim in Decapolis how Jesus had done great things for him, and everyone marveled.
bohairic.Mark_16:20
ⲛⲏ ⲇⲉ ⲉⲧⲁⲩⲓ ⲉⲃⲟⲗ ⲁⲩϩⲓⲱⲓϣ ϧⲉⲛⲙⲁⲓ ⲛⲓⲃⲉⲛ ⲟⲩⲟϩ ⲛⲁⲣⲉⲡϭⲟⲓⲥ ⲉⲣϩⲱⲃ ⲛⲉⲙⲱⲟⲩ ⲡⲉ ⲟⲩⲟϩ ⲉϥⲧⲁϫⲣⲟ ⲙⲡⲓⲥⲁϫⲓ ⲛⲧⲉⲛⲓⲙⲏⲓⲛⲓ ⲉⲧⲙⲟϣⲓ ⲛⲥⲱⲟⲩ ϣⲁⲉⲛⲉϩ ⲛⲧⲉⲛⲓⲉⲛⲉϩ ⲧⲏⲣⲟⲩ ⲁⲙⲏⲛ
They went out, and preached everywhere, the Lord working with them, and confirming the word by the signs that followed. Amen.
bohairic.Mark_12:20
ⲛⲉ ⲟⲩⲟⲛ ⲍ ⲇⲉ ⲛⲥⲟⲛ ϧⲁⲧⲟⲧⲉⲛ ⲡⲉ ⲟⲩⲟϩ ⲡⲓϩⲟⲩⲓⲧ ϭⲓⲥϩⲓⲙⲓ ⲛⲁϥⲙⲟⲩ ⲙⲡⲉϥⲭⲁϫⲣⲟϫ .
There were seven brothers. The first took a wife, and dying left no offspring.
bohairic.Mark_09:20
ⲟⲩⲟϩ ⲉⲧⲁϥⲛⲁⲩ ⲉⲣⲟϥ ⲛϫⲉⲡⲓⲡⲛⲉⲩⲙⲁ ⲥⲁⲧⲟⲧϥ ⲁϥϣⲧⲉⲣⲑⲱⲣϥ ⲟⲩⲟϩ ⲉⲧⲁϥϩⲉⲓ ⲉϫⲉⲛⲡⲕⲁϩⲓ ⲛⲁϥⲥⲑⲉⲣⲧⲉⲣ ⲡⲉ ⲉⲣⲉⲣⲱϥ ϫⲉϣⲥⲫⲏⲓϯ ⲉⲃⲟⲗ .
They brought him to him, and when he saw him, immediately the spirit convulsed him, and he fell on the ground, wallowing and foaming at the mouth.
bohairic.Mark_14:20
ⲛⲑⲟϥ ⲇⲉ ⲡⲉϫⲁϥ ⲛⲱⲟⲩ ϫⲉⲟⲩⲁⲓ ⲛⲧⲉⲡⲓⲓⲃ ⲫⲏ ⲉⲧⲁϥⲥⲉⲡⲧⲉϥϫⲓϫ ⲛⲉⲙⲏⲓ ϧⲉⲛϯϫⲏ .
He answered them, 'It is one of the twelve, he who dips with me in the dish.
bohairic.Mark_01:20
ⲟⲩⲟϩ ⲥⲁⲧⲟⲧϥ ⲁϥⲙⲟⲩϯ ⲉⲣⲱⲟⲩ ⲟⲩⲟϩ ⲁⲩⲭⲁ ⲡⲟⲩⲓⲱⲧ ⲛⲥⲱⲟⲩ ⲍⲉⲃⲉⲇⲉⲟⲥ ϩⲓⲡⲓϫⲟⲓ ⲛⲉⲙⲛⲓⲙⲓⲥⲑⲱⲧⲏⲥ ⲁⲩϣⲉ ⲛⲱⲟⲩ ⲁⲩⲙⲟϣⲓ ⲛⲥⲱϥ
Immediately he called them, and they left their father, Zebedee, in the boat with the hired servants, and went after him.
bohairic.Mark_13:20
ⲟⲩⲟϩ ⲉⲛⲉ ⲙⲡⲉⲡϭⲟⲓⲥ ⲉⲑⲣⲉⲛⲓⲉϩⲟⲟⲩ ⲉⲧⲉⲙⲙⲁⲩ ⲉⲣⲕⲟⲩϫⲓ ⲛⲁⲩⲛⲁⲛⲟϩⲉⲙ ⲁⲛ ⲡⲉ ⲛϫⲉⲥⲁⲣⲝ ⲛⲓⲃⲉⲛ ⲁⲗⲗⲁ ⲉⲑⲃⲉⲛⲓⲥⲱⲧⲡ ⲉⲧⲁϥⲥⲟⲧⲡⲟⲩ ⲁϥϫⲉϫⲉⲃ ⲛⲓⲉϩⲟⲟⲩ
Unless the Lord had shortened the days, no flesh would have been saved; but for the sake of the chosen ones, whom he picked out, he shortened the days.
bohairic.Mark_04:20
ⲟⲩⲟϩ ⲛⲏ ϩⲱⲟⲩ ⲉⲧⲁⲩⲥⲁⲧⲟⲩ ϩⲓϫⲉⲛⲡⲓⲕⲁϩⲓ ⲉⲑⲛⲁⲛⲉϥ ⲛⲏ ⲉⲧⲁⲩϣⲁⲛⲥⲱⲧⲉⲙ ⲉⲡⲓⲥⲁϫⲓ ϣⲁⲩϣⲟⲡϥ ⲉⲣⲱⲟⲩ ⲟⲩⲟϩ ϣⲁⲩϯⲟⲩⲧⲁϩ ⲟⲩⲁⲓ ⲛⲗ ⲟⲩⲁⲓ ⲛⲝ ⲟⲩⲁⲓ ⲛⲣ .
Those which were sown on the good ground are those who hear the word, and accept it, and bear fruit, some thirty times, some sixty times, and some one hundred times.
bohairic.Mark_02:20
ⲥⲉⲛⲏⲟⲩ ⲇⲉ ⲛϫⲉϩⲁⲛⲉϩⲟⲟⲩ ϩⲟⲧⲁⲛ ⲁⲩϣⲁⲛⲱⲗⲓ ⲙⲡⲓⲡⲁⲧϣⲉⲗⲉⲧ ⲛⲧⲟⲧⲟⲩ ⲧⲟⲧⲉ ⲥⲉⲛⲁⲉⲣⲛⲏⲥⲧⲉⲩⲓⲛ ϧⲉⲛⲛⲓⲉϩⲟⲟⲩ ⲉⲧⲉⲙⲙⲁⲩ
But the days will come when the bridegroom will be taken away from them, and then they will fast in that day.
bohairic.Mark_09:21
ⲟⲩⲟϩ ⲁϥϣⲉⲛ ⲡⲉϥⲉⲓⲱⲧ ϫⲉⲓⲥ ⲟⲩⲏⲣ ⲛⲭⲣⲟⲛⲟⲥ ⲓⲥϫⲉⲛⲉⲧⲁⲫⲁⲓ ϣⲱⲡⲓ ⲙⲙⲟϥ ⲛⲑⲟϥ ⲇⲉ ⲡⲉϫⲁϥ ϫⲉⲓⲥϫⲉⲛⲧⲉϥⲙⲉⲧⲁⲗⲟⲩ .
He asked his father, 'How long has it been since this has come to him?' He said, 'From childhood.
bohairic.Mark_08:21
ⲟⲩⲟϩ ⲛⲁϥϫⲱ ⲙⲙⲟⲥ ⲛⲱⲟⲩ ϫⲉⲡⲱⲥ ⲧⲉⲧⲉⲛⲕⲁϯ ⲁⲛ .
He asked them, 'Don't you understand, yet?'
bohairic.Mark_07:21
ⲉⲃⲟⲗ ⲅⲁⲣ ⲥⲁϧⲟⲩⲛ ⲉⲃⲟⲗ ϧⲉⲛⲡⲓϩⲏⲧ ⲛⲧⲉⲛⲓⲣⲱⲙⲓ ϣⲁⲩⲓ ⲉⲃⲟⲗ ⲛϫⲉⲡⲓⲙⲟⲕⲙⲉⲕ ⲉⲧϩⲱⲟⲩ ⲛⲓⲡⲟⲣⲛⲓⲁ ⲛⲓϭⲓⲟⲩⲓ ⲛⲓϧⲱⲧⲉⲃ ⲛⲓⲙⲉⲧⲛⲱⲓⲕ .
For from within, out of the hearts of men, proceed evil thoughts, adulteries, sexual sins, murders, thefts,
bohairic.Mark_14:21
ϫⲉⲡϣⲏⲣⲓ ⲙⲉⲛ ⲙⲫⲣⲱⲙⲓ ϥⲛⲁϣⲉ ⲛⲁϥ ⲕⲁⲧⲁⲫⲣⲏϯ ⲉⲧⲥϧⲏⲟⲩⲧ ⲉⲑⲃⲏⲧϥ ⲟⲩⲁⲓ ⲇⲉ ⲙⲡⲓⲣⲱⲙⲓ ⲉⲧⲉⲙⲙⲁⲩ ⲫⲏ ⲉⲧⲟⲩⲛⲁϯ ⲙⲡϣⲏⲣⲓ ⲙⲫⲣⲱⲙⲓ ⲉⲃⲟⲗ ϩⲓⲧⲟⲧϥ ⲛⲁⲛⲉⲥ ⲛⲁϥ ⲡⲉ ⲙⲡⲟⲩⲙⲁⲥϥ ⲡⲓⲣⲱⲙⲓ ⲉⲧⲉⲙⲙⲁⲩ .
For the Son of Man goes, even as it is written about him, but woe to that man by whom the Son of Man is betrayed! It would be better for that man if he had not been born.'
bohairic.Mark_01:21
ⲟⲩⲟϩ ⲁⲩϣⲉ ⲛⲱⲟⲩ ⲉϧⲟⲩⲛ ⲉⲕⲁⲫⲁⲣⲛⲁⲟⲩⲙ ⲟⲩⲟϩ ⲛⲁϥϯⲥⲃⲱ ⲥⲁⲧⲟⲧϥ ϧⲉⲛⲛⲓⲥⲁⲃⲃⲁⲧⲟⲛ ϧⲉⲛⲛⲓⲥⲩⲛⲁⲅⲱⲅⲏ
They went into Capernaum, and immediately on the Sabbath day he entered into the synagogue and taught.
bohairic.Mark_11:21
ⲟⲩⲟϩ ⲉⲧⲁϥⲉⲣⲫⲙⲉⲩⲓ ⲛϫⲉⲡⲉⲧⲣⲟⲥ ⲡⲉϫⲁϥ ⲛⲁϥ ϫⲉⲣⲁⲃⲃⲓ ⲓⲥ ϯⲃⲱ ⲛⲕⲉⲛⲧⲉ ⲉⲧⲁⲕⲥⲁϩⲟⲩⲓ ⲉⲣⲟⲥ ⲁⲥϣⲱⲟⲩⲓ .
Peter, remembering, said to him, 'Rabbi, look! The fig tree which you cursed has withered away.'
bohairic.Mark_05:21
ⲟⲩⲟϩ ⲉⲧⲁϥⲓ ⲟⲛ ⲛϫⲉⲓⲏⲥⲟⲩⲥ ⲉⲙⲏⲣ ϧⲉⲛⲡⲓϫⲟⲓ ⲁⲩⲑⲱⲟⲩϯ ⲛϫⲉⲟⲩⲙⲏϣ ⲉϥⲟϣ ϩⲁⲣⲟϥ ⲟⲩⲟϩ ⲛⲁϥⲭⲏ ⲡⲉ ϧⲁⲧⲉⲛⲫⲓⲟⲙ
When Jesus had crossed back over in the boat to the other side, a great multitude was gathered to him; and he was by the sea.
bohairic.Mark_15:21
ⲟⲩⲟϩ ⲁⲩϭⲓ ⲛⲟⲩⲁⲓ ⲛⲭⲃⲁ ⲉϥⲥⲓⲛⲓⲱⲟⲩ ⲥⲓⲙⲱⲛ ⲡⲓⲕⲩⲣⲓⲛⲛⲉⲟⲥ ⲉϥⲛⲏⲟⲩ ⲉⲃⲟⲗ ϧⲉⲛⲧⲕⲟⲓ ⲫⲓⲱⲧ ⲛⲁⲗⲉⲝⲁⲛⲇⲣⲟⲥ ⲛⲉⲙⲣⲟⲩⲫⲟⲥ ϩⲓⲛⲁ ⲛⲧⲉϥⲱⲗⲓ ⲙⲡⲉϥⲥⲧⲁⲩⲣⲟⲥ
They compelled one passing by, coming from the country, Simon of Cyrene, the father of Alexander and Rufus, to go with them, that he might bear his cross.
bohairic.Mark_06:21
ⲉⲧⲁⲟⲩⲉϩⲟⲟⲩ ⲇⲉ ϣⲱⲡⲓ ⲛⲉⲩⲕⲉⲣⲓⲁ ϩⲟⲧⲉ ⲉⲧⲁⲏⲣⲱⲇⲏⲥ ϧⲉⲛⲡⲉϥⲉϩⲟⲟⲩ ⲙⲙⲓⲥⲓ ⲑⲁⲙⲓⲉⲟⲩⲇⲓⲡⲛⲟⲛ ⲛⲛⲉϥⲛⲓϣϯ ⲛⲉⲙⲛⲓⲭⲓⲗⲓⲁⲣⲭⲟⲥ ⲛⲉⲙⲛⲓϩⲟⲩⲁϯ ⲛⲧⲉϯⲅⲁⲗⲓⲗⲉⲁ .
Then a convenient day came, that Herod on his birthday made a supper for his nobles, the high officers, and the chief men of Galilee.
bohairic.Mark_12:21
ⲟⲩⲟϩ ⲡⲓⲙⲁϩⲃ ⲁϥϭⲓⲧⲥ ⲟⲩⲟϩ ⲁϥⲙⲟⲩ ⲙⲡⲉϥⲭⲁϫⲣⲟϫ ⲟⲩⲟϩ ⲡⲓⲙⲁϩⲅ ⲙⲡⲁⲓⲣⲏϯ ⲟⲛ
The second took her, and died, leaving no children behind him. The third likewise;
bohairic.Mark_02:21
ⲟⲩ ⲅⲁⲣ ⲙⲡⲁⲣⲉϩⲗⲓ ϩⲓⲟⲩⲧⲱⲓⲥ ⲙⲃⲉⲣⲓ ⲉⲟⲩϩⲃⲟⲥ ⲛⲁⲡⲁⲥ ⲙⲙⲟⲛ ϣⲁⲣⲉⲡⲓⲃⲉⲣⲓ ⲉⲗⲡⲓⲙⲟϩ ⲛⲧⲉⲡⲓⲁⲡⲁⲥ ⲟⲩⲟϩ ⲛⲧⲉⲟⲩⲫⲱϧ ϣⲱⲡⲓ ⲉϥϩⲱⲟⲩ ⲛϩⲟⲩⲟ .
No one sews a piece of unshrunk cloth on an old garment, or else the patch shrinks and the new tears away from the old, and a worse hole is made.
bohairic.Mark_04:21
ⲟⲩⲟϩ ⲛⲁϥϫⲱ ⲙⲙⲟⲥ ⲛⲱⲟⲩ ϫⲉⲙⲏⲧⲓ ϣⲁⲩϭⲉⲣⲉⲟⲩϧⲏⲃⲥ ϩⲓⲛⲁ ⲛⲥⲉⲭⲁϥ ϧⲁⲡⲓⲙⲉⲛⲧ ⲓⲉ ϧⲁⲡⲓϭⲗⲟϫ ⲟⲩⲭⲓ ϩⲓⲛⲁ ⲛⲥⲉⲭⲁϥ ϩⲓϫⲉⲛϯⲗⲩⲭⲛⲓⲁ .
He said to them, 'Is the lamp brought to be put under a basket or under a bed? Isn't it put on a stand?
bohairic.Mark_10:21
ⲓⲏⲥⲟⲩⲥ ⲇⲉ ⲉⲧⲁϥϫⲟⲩϣⲧ ⲉⲣⲟϥ ⲁϥⲙⲉⲛⲣⲓⲧϥ ⲟⲩⲟϩ ⲡⲉϫⲁϥ ⲛⲁϥ ϫⲉⲕⲉⲟⲩⲁⲓ ⲡⲉⲧⲉⲕⲉⲣϧⲁⲉ ⲙⲙⲟϥ ⲙⲁϣⲉ ⲛⲁⲕ ⲙⲁ ⲡⲉⲧⲉⲛⲧⲁⲕ ⲉⲃⲟⲗ ⲙⲏⲓⲧⲟⲩ ⲛⲛⲓϩⲏⲕⲓ ⲟⲩⲟϩ ⲉⲕⲉϫⲫⲟ ⲛⲁⲕ ⲛⲟⲩⲁϩⲟ ϧⲉⲛⲧⲫⲉ ⲟⲩⲟϩ ⲁⲙⲟⲩ ⲟⲩⲁϩⲕ ⲛⲥⲱⲓ .
Jesus looking at him loved him, and said to him, 'One thing you lack. Go, sell whatever you have, and give to the poor, and you will have treasure in heaven; and come, follow me, taking up the cross.'
bohairic.Mark_13:21
ⲟⲩⲟϩ ⲉϣⲱⲡ ⲛⲧⲉⲟⲩⲁⲓ ϫⲟⲥ ⲛⲱⲧⲉⲛ ϫⲉⲓⲥ ⲡⲭⲣⲓⲥⲧⲟⲥ ϩⲁⲙⲛⲁⲓ ⲓⲉ ϩⲁⲙⲛⲏ ⲙⲡⲣⲛⲁϩϯ
Then if anyone tells you, 'Look, here is the Christ!' or, 'Look, there!' don't believe it.
bohairic.Mark_03:21
ⲟⲩⲟϩ ⲉⲧⲁⲩⲥⲱⲧⲉⲙ ⲛϫⲉⲛⲏ ⲉⲧⲉⲛⲟⲩϥ ⲁⲩⲓ ⲉⲃⲟⲗ ⲉⲁⲙⲟⲛⲓ ⲙⲙⲟϥ ⲛⲁⲩϫⲱ ⲅⲁⲣ ⲙⲙⲟⲥ ⲡⲉ ϫⲉⲁⲡⲉϥϩⲏⲧ ⲥⲓϩⲓ .
When his friends heard it, they went out to seize him: for they said, 'He is insane.'
bohairic.Mark_13:22
ⲉⲩⲉⲧⲱⲟⲩⲛⲟⲩ ⲅⲁⲣ ⲛϫⲉϩⲁⲛⲭⲣⲓⲥⲧⲟⲥ ⲛⲛⲟⲩϫ ⲛⲉⲙϩⲁⲛⲡⲣⲟⲫⲏⲧⲏⲥ ⲛⲛⲟⲩϫ ⲟⲩⲟϩ ⲛⲧⲟⲩϯ ⲛϩⲁⲛⲙⲏⲓⲛⲓ ⲛⲉⲙϩⲁⲛϣⲫⲏⲣⲓ ⲉⲡϫⲓⲛⲥⲱⲣⲉⲙ ⲁⲩϣⲁⲛϣϫⲉⲙϫⲟⲙ ⲛⲛⲓⲕⲉⲥⲱⲧⲡ
For there will arise false christs and false prophets, and will show signs and wonders, that they may lead astray, if possible, even the chosen ones.
bohairic.Mark_06:22
ⲟⲩⲟϩ ⲉⲧⲁⲥⲓ ⲉϧⲟⲩⲛ ⲛϫⲉⲧϣⲉⲣⲓ ⲛⲏⲣⲱⲇⲓⲁⲥ ⲟⲩⲟϩ ⲉⲧⲁⲥϭⲟⲥϫⲉⲥ ⲁⲥⲣⲁⲛⲁϥ ⲛⲏⲣⲱⲇⲏⲥ ⲛⲉⲙⲛⲏ ⲉⲑⲣⲟⲧⲉⲃ ⲛⲉⲙⲁϥ ⲡⲉϫⲉⲡⲟⲩⲣⲟ ⲇⲉ ⲛϯⲁⲗⲟⲩ ϫⲉⲁⲣⲓⲉⲧⲓⲛ ⲙⲙⲟⲓ ⲙⲡⲉⲧⲉⲟⲩⲁϣϥ ⲛⲧⲁⲧⲏⲓϥ ⲛⲉ .
When the daughter of Herodias herself came in and danced, she pleased Herod and those sitting with him. The king said to the young lady, 'Ask me whatever you want, and I will give it to you.'
bohairic.Mark_11:22
ⲟⲩⲟϩ ⲉⲧⲁϥⲉⲣⲟⲩⲱ ⲛϫⲉⲓⲏⲥⲟⲩⲥ ⲡⲉϫⲁϥ ⲛⲱⲟⲩ ϫⲉⲭⲁⲟⲩⲛⲁϩϯ ⲛⲧⲉⲫⲛⲟⲩϯ ⲛⲧⲉⲛⲑⲏⲛⲟⲩ .
Jesus answered them, 'Have faith in God.
bohairic.Mark_07:22
ⲛⲓⲙⲉⲧϭⲓⲛϫⲟⲛⲥ ⲛⲓⲙⲉⲧⲡⲉⲧϩⲱⲟⲩ ⲛⲓⲙⲉⲧⲇⲟⲗⲟⲥ ⲛⲓⲥⲱϥ ⲛⲓⲃⲁⲗ ⲉⲧϩⲱⲟⲩ ⲛⲓϫⲉⲟⲩⲁ ⲟⲩϭⲓⲥⲓ ⲛϩⲏⲧ ⲟⲩⲙⲉⲧⲁⲧⲕⲁϯ
covetings, wickedness, deceit, lustful desires, an evil eye, blasphemy, pride, and foolishness.
bohairic.Mark_03:22
ⲟⲩⲟϩ ⲛⲁⲣⲉⲛⲓⲥⲁϧ ⲉⲧⲁⲩⲓ ⲉⲃⲟⲗ ϧⲉⲛⲓⲉⲣⲟⲥⲁⲗⲏⲙ ⲛⲁⲩϫⲱ ⲙⲙⲟⲥ ϫⲉⲃⲉⲗⲍⲉⲃⲟⲩⲗ ⲉⲑⲛⲉⲙⲁϥ ⲟⲩⲟϩ ϫⲉϧⲉⲛⲡⲁⲣⲭⲱⲛ ⲛⲧⲉⲛⲓⲇⲁⲓⲙⲱⲛ ⲁϥϩⲓⲟⲩⲓ ⲛⲛⲓⲇⲁⲓⲙⲱⲛ ⲉⲃⲟⲗ
The scribes who came down from Jerusalem said, 'He has Beelzebul,' and, 'By the prince of the demons he casts out the demons.'
bohairic.Mark_01:22
ⲟⲩⲟϩ ⲛⲁⲩⲉⲣϣⲫⲏⲣⲓ ⲉϫⲉⲛⲧⲉϥⲥⲃⲱ ⲛⲁϥϯⲥⲃⲱ ⲅⲁⲣ ⲛⲱⲟⲩ ⲡⲉ ϩⲱⲥ ⲉⲣⲉⲡⲉϥⲉⲣϣⲓϣⲓ ⲛⲧⲟⲧϥ ⲟⲩⲟϩ ⲙⲫⲣⲏϯ ⲁⲛ ⲛⲛⲓⲥⲁϧ
They were astonished at his teaching, for he taught them as having authority, and not as the scribes.
bohairic.Mark_04:22
ⲟⲩ ⲅⲁⲣ ⲙⲙⲟⲛ ⲡⲉⲧϩⲏⲡ ⲁϥϣⲧⲉⲙⲟⲩⲱⲛϩ ⲉⲃⲟⲗ ⲟⲩⲇⲉ ⲙⲡⲁϥϣⲱⲡⲓ ⲉϥϩⲏⲡ ⲉⲃⲏⲗ ϫⲉϩⲓⲛⲁ ⲛⲧⲉϥⲓ ⲉϥⲟⲩⲱⲛϩ .
For there is nothing hidden, except that it should be made known; neither was anything made secret, but that it should come to light.
bohairic.Mark_09:22
ⲟⲩⲟϩ ⲟⲩⲙⲏϣ ⲛⲥⲟⲡ ϣⲁϥϩⲓⲧϥ ⲉⲡⲓⲭⲣⲱⲙ ⲛⲉⲙⲡⲓⲙⲱⲟⲩ ϩⲓⲛⲁ ⲛⲧⲉϥⲧⲁⲕⲟϥ ⲁⲗⲗⲁ ⲡⲉⲧⲉⲟⲩⲟⲛ ϣϫⲟⲙ ⲙⲙⲟⲕ ⲉⲣⲟϥ ⲁⲣⲓⲃⲟⲏⲑⲓⲛ ⲉⲣⲟⲛ ⲉⲁⲕϣⲉⲛϩⲏⲧ ⲉϫⲱⲛ .
Often it has cast him both into the fire and into the water, to destroy him. But if you can do anything, have compassion on us, and help us.'
bohairic.Mark_05:22
ⲟⲩⲟϩ ⲁϥⲓ ϩⲁⲣⲟϥ ⲛϫⲉⲟⲩⲁⲓ ⲛⲧⲉⲛⲓⲁⲣⲭⲏⲥⲩⲛⲁⲅⲱⲅⲟⲥ ⲉⲡⲉϥⲣⲁⲛ ⲡⲉ ⲓⲁⲓⲣⲟⲥ ⲟⲩⲟϩ ⲉⲧⲁϥⲛⲁⲩ ⲉⲣⲟϥ ⲁϥϩⲓⲧϥ ϧⲁⲣⲁⲧⲟⲩ ⲛⲛⲉϥϭⲁⲗⲁⲩϫ
Behold, one of the rulers of the synagogue, Jairus by name, came; and seeing him, he fell at his feet,
bohairic.Mark_08:22
ⲟⲩⲟϩ ⲁⲩⲓ ⲉⲃⲏⲑⲥⲁⲓⲇⲁ ⲟⲩⲟϩ ⲁⲩⲓⲛⲓ ⲛⲁϥ ⲛⲟⲩⲃⲉⲗⲗⲉ ⲟⲩⲟϩ ⲛⲁⲩϯϩⲟ ⲉⲣⲟϥ ϩⲓⲛⲁ ⲛⲧⲉϥϭⲓ ⲛⲉⲙⲁϥ .
He came to Bethsaida. They brought a blind man to him, and begged him to touch him.
bohairic.Mark_10:22
ⲛⲑⲟϥ ⲇⲉ ⲉⲧⲁϥⲱⲕⲉⲙ ⲉϫⲉⲛⲡⲓⲥⲁϫⲓ ⲁϥϣⲉ ⲛⲁϥ ⲉⲣⲉⲡⲉϥϩⲏⲧ ⲙⲟⲕϩ ⲛⲁⲣⲉⲟⲩⲙⲏϣ ⲅⲁⲣ ⲛϫⲫⲟ ⲛⲧⲁϥ ⲡⲉ .
But his face fell at that saying, and he went away sorrowful, for he was one who had great possessions.
bohairic.Mark_15:22
ⲟⲩⲟϩ ⲁⲩⲉⲛϥ ⲉⲡⲓⲙⲁ ⲛⲧⲉⲅⲟⲗⲅⲟⲑⲁ ⲫⲁⲓ ⲉϣⲁⲩⲟⲩⲁϩⲙⲉϥ ϫⲉⲡⲓⲙⲁ ⲛⲧⲉⲡⲓⲕⲣⲁⲛⲓⲟⲛ
They brought him to the place called Golgotha, which is, being interpreted, 'The place of a skull.'
bohairic.Mark_02:22
ⲟⲩⲟϩ ⲙⲡⲁⲩϩⲓⲏⲣⲡ ⲙⲃⲉⲣⲓ ⲉⲁⲥⲕⲟⲥ ⲛⲁⲡⲁⲥ ⲙⲙⲟⲛ ϣⲁⲣⲉⲡⲓⲏⲣⲡ ⲫⲉϧ ⲛⲓⲁⲥⲕⲟⲥ ⲟⲩⲟϩ ϣⲁⲣⲉⲡⲓⲏⲣⲡ ⲧⲁⲕⲟ ⲛⲉⲙⲛⲓⲁⲥⲕⲟⲥ ⲁⲗⲗⲁ ϣⲁⲩϩⲓⲏⲣⲡ ⲙⲃⲉⲣⲓ ⲉⲁⲥⲕⲟⲥ ⲙⲃⲉⲣⲓ .
No one puts new wine into old wineskins, or else the new wine will burst the skins, and the wine pours out, and the skins will be destroyed; but they put new wine into fresh wineskins.'
bohairic.Mark_12:22
ⲟⲩⲟϩ ⲡⲓⲙⲁϩⲍ ⲙⲡⲟⲩⲭⲁϫⲣⲟϫ ⲉⲡϧⲁⲉ ⲇⲉ ⲙⲙⲱⲟⲩ ⲧⲏⲣⲟⲩ ⲁⲥⲙⲟⲩ ⲛϫⲉϯⲕⲉⲥϩⲓⲙⲓ .
and the seven took her and left no children. Last of all the woman also died.
bohairic.Mark_14:22
ⲟⲩⲟϩ ⲉⲩⲟⲩⲱⲙ ⲉⲧⲁϥϭⲓ ⲛⲟⲩⲱⲓⲕ ⲛϫⲉⲓⲏⲥⲟⲩⲥ ⲉⲧⲁϥⲥⲙⲟⲩ ⲉⲣⲟϥ ⲁϥⲫⲁϣϥ ⲟⲩⲟϩ ⲁϥϯ ⲛⲱⲟⲩ ⲟⲩⲟϩ ⲡⲉϫⲁϥ ϫⲉϭⲓ ⲫⲁⲓ ⲡⲉ ⲡⲁⲥⲱⲙⲁ .
As they were eating, Jesus took bread, and when he had blessed, he broke it, and gave to them, and said, 'Take, eat. This is my body.'
bohairic.Mark_10:23
ⲟⲩⲟϩ ⲉⲧⲁϥϫⲟⲩϣⲧ ⲛϫⲉⲓⲏⲥⲟⲩⲥ ⲡⲉϫⲁϥ ⲛⲛⲉϥⲙⲁⲑⲏⲧⲏⲥ ϫⲉⲡⲱⲥ ⲥⲙⲟⲕϩ ⲛⲛⲏ ⲉⲧⲉ ⲛⲓⲭⲣⲏⲙⲁ ⲛⲧⲱⲟⲩ ⲉⲓ ⲉϧⲟⲩⲛ ⲉϯⲙⲉⲧⲟⲩⲣⲟ ⲛⲧⲉⲫⲛⲟⲩϯ .
Jesus looked around, and said to his disciples, 'How difficult it is for those who have riches to enter into the Kingdom of God!'
bohairic.Mark_15:23
ⲟⲩⲟϩ ⲁⲩϯ ⲛⲁϥ ⲛⲟⲩⲏⲣⲡ ⲉϥⲙⲟϫⲧ ⲛⲉⲙⲟⲩϣⲁϣⲓ ⲛⲑⲟϥ ⲇⲉ ⲙⲡⲉϥϭⲓⲧϥ
They offered him wine mixed with myrrh to drink, but he didn't take it.
bohairic.Mark_14:23
ⲉⲧⲁϥϭⲓ ⲛⲟⲩⲁⲫⲟⲧ ⲁϥϣⲉⲡϩⲙⲟⲧ ⲁϥϯ ⲛⲱⲟⲩ ⲟⲩⲟϩ ⲁⲩⲥⲱ ⲛϧⲏⲧϥ ⲧⲏⲣⲟⲩ .
He took the cup, and when he had given thanks, he gave to them. They all drank of it.
bohairic.Mark_05:23
ⲟⲩⲟϩ ⲛⲁϥϯϩⲟ ⲉⲣⲟϥ ⲛϩⲁⲛⲙⲏϣ ⲉϥϫⲱ ⲙⲙⲟⲥ ϫⲉⲁⲧⲁϣⲉⲣⲓ ⲁⲥϧⲱⲛⲧ ⲉⲫⲙⲟⲩ ϩⲓⲛⲁ ⲛⲧⲉⲕⲓ ⲛⲧⲉⲕⲭⲁⲧⲉⲕϫⲓϫ ⲉϫⲱⲥ ϩⲓⲛⲁ ⲛⲧⲉⲥⲛⲟϩⲉⲙ ⲟⲩⲟϩ ⲛⲧⲉⲥⲱⲛϧ
and begged him much, saying, 'My little daughter is at the point of death. Please come and lay your hands on her, that she may be made healthy, and live.'
bohairic.Mark_03:23
ⲟⲩⲟϩ ⲁϥⲙⲟⲩϯ ⲉⲣⲱⲟⲩ ⲛⲁϥϫⲱ ⲙⲙⲟⲥ ⲛⲱⲟⲩ ϧⲉⲛϩⲁⲛⲡⲁⲣⲁⲃⲟⲗⲏ ϫⲉⲡⲱⲥ ⲟⲩⲟⲛ ϣϫⲟⲙ ⲛⲧⲉⲡⲥⲁⲧⲁⲛⲁⲥ ϩⲓⲡⲥⲁⲧⲁⲛⲁⲥ ⲉⲃⲟⲗ
He summoned them, and said to them in parables, 'How can Satan cast out Satan?
bohairic.Mark_06:23
ⲟⲩⲟϩ ⲁϥⲱⲣⲕ ⲛⲁⲥ ϫⲉⲫⲏ ⲉⲧⲉⲣⲁⲉⲣⲉⲧⲓⲛ ⲙⲙⲟϥ ϯⲛⲁϯ ⲛⲉ ϣⲁⲧⲫⲁϣⲓ ⲛⲧⲁⲙⲉⲧⲟⲩⲣⲟ .
He swore to her, 'Whatever you shall ask of me, I will give you, up to half of my kingdom.'
bohairic.Mark_09:23
ⲓⲏⲥⲟⲩⲥ ⲇⲉ ⲡⲉϫⲁϥ ⲛⲁϥ ϫⲉⲟⲩ ⲡⲉ ϫⲉⲫⲏ ⲉⲧⲉⲟⲩⲟⲛ ϣϫⲟⲙ ⲙⲙⲟⲕ ⲉⲣⲟϥ ⲟⲩⲟⲛϣϫⲟⲙ ⲉϩⲱⲃ ⲛⲓⲃⲉⲛ ⲙⲫⲏ ⲉⲑⲛⲁϩϯ .
Jesus said to him, 'If you can believe, all things are possible to him who believes.'
bohairic.Mark_02:23
ⲟⲩⲟϩ ⲁⲥϣⲱⲡⲓ ⲉⲧⲁϥⲙⲟϣⲓ ϧⲉⲛⲛⲓⲥⲁⲃⲃⲁⲧⲟⲛ ⲉⲃⲟⲗ ϩⲓⲧⲟⲧⲟⲩ ⲛⲛⲓⲣⲟϯ ⲟⲩⲟϩ ⲛⲉϥⲙⲁⲑⲏⲧⲏⲥ ⲁⲩⲉⲣϩⲏⲧⲥ ⲉⲩⲙⲟϣⲓ ⲉϥⲉϫϧⲉⲙⲥ .
He was going on the Sabbath day through the grain fields, and his disciples began, as they went, to pluck the ears of grain.
bohairic.Mark_01:23
ⲟⲩⲟϩ ⲥⲁⲧⲟⲧϥ ⲛⲉⲟⲩⲟⲛ ⲟⲩⲣⲱⲙⲓ ϧⲉⲛϯⲥⲩⲛⲁⲅⲱⲅⲏ ⲉϥϧⲉⲛⲟⲩⲡⲛⲉⲩⲙⲁ ⲛⲁⲕⲁⲑⲁⲣⲧⲟⲛ ⲟⲩⲟϩ ⲁϥⲱϣ ⲉⲃⲟⲗ
Immediately there was in their synagogue a man with an unclean spirit, and he cried out,
bohairic.Mark_04:23
ⲡⲉⲧⲉⲟⲩⲟⲛ ⲟⲩⲙⲁϣϫ ⲙⲙⲟϥ ⲉⲥⲱⲧⲉⲙ ⲙⲁⲣⲉϥⲥⲱⲧⲉⲙ
If any man has ears to hear, let him hear.'
bohairic.Mark_07:23
ⲛⲁⲓ ⲧⲏⲣⲟⲩ ⲉⲧϩⲱⲟⲩ ⲉⲩⲛⲏⲟⲩ ⲉⲃⲟⲗ ⲥⲁϧⲟⲩⲛ ⲟⲩⲟϩ ⲥⲉⲥⲱϥ ⲙⲡⲓⲣⲱⲙⲓ .
All these evil things come from within, and defile the man.'
bohairic.Mark_12:23
ϧⲉⲛϯⲁⲛⲁⲥⲧⲁⲥⲓⲥ ⲁⲥⲛⲁⲉⲣⲥϩⲓⲙⲓ ⲛⲛⲓⲙ ⲙⲙⲱⲟⲩ ⲡⲓⲍ ⲅⲁⲣ ⲁⲩϭⲓⲧⲥ ⲛⲥϩⲓⲙⲓ .
In the resurrection, when they rise, whose wife will she be of them? For the seven had her as a wife.'
bohairic.Mark_13:23
ⲛⲑⲱⲧⲉⲛ ⲇⲉ ⲁⲛⲁⲩ ϫⲉⲁⲓⲉⲣϣⲟⲣⲡ ⲛϫⲉϩⲱⲃ ⲛⲓⲃⲉⲛ .
But you watch. 'Behold, I have told you all things beforehand.
bohairic.Mark_08:23
ⲟⲩⲟϩ ⲁϥⲁⲙⲟⲛⲓ ⲛⲧϫⲓϫ ⲙⲡⲓⲃⲉⲗⲗⲉ ⲟⲩⲟϩ ⲁϥⲉⲛϥ ⲥⲁⲃⲟⲗ ⲙⲡⲓϯⲙⲓ ⲟⲩⲟϩ ⲉⲧⲁϥϩⲓⲑⲁϥ ϧⲉⲛⲛⲉϥⲃⲁⲗ ⲁϥⲭⲁⲛⲉϥϫⲓϫ ϩⲓϫⲱϥ ⲛⲁϥϣⲓⲛⲓ ϫⲉⲟⲩ ⲡⲉⲧⲉⲕⲛⲁⲩ ⲉⲣⲟϥ .
He took hold of the blind man by the hand, and brought him out of the village. When he had spit on his eyes, and laid his hands on him, he asked him if he saw anything.
bohairic.Mark_11:23
ⲁⲙⲏⲛ ⲅⲁⲣ ϯϫⲱ ⲙⲙⲟⲥ ⲛⲱⲧⲉⲛ ϫⲉⲫⲏ ⲉⲧⲛⲁϫⲟⲥ ⲙⲡⲁⲓⲧⲱⲟⲩ ϫⲉϥⲓⲧⲕ ⲟⲩⲟϩ ϩⲓⲧⲕ ⲉⲫⲓⲟⲙ ⲟⲩⲟϩ ⲛⲧⲉϥϣⲧⲉⲙϭⲓⲥⲁⲛⲓⲥ ϧⲉⲛⲡⲉϥϩⲏⲧ ⲁⲗⲗⲁ ⲛⲧⲉϥⲛⲁϩϯ ϫⲉⲫⲏ ⲉⲧⲉϥϫⲱ ⲙⲙⲟϥ ϥⲛⲁϣⲱⲡⲓ ⲉϥⲉϣⲱⲡⲓ ⲛⲁϥ .
For most certainly I tell you, whoever may tell this mountain, 'Be taken up and cast into the sea,' and doesn't doubt in his heart, but believes that what he says is happening; he shall have whatever he says.
bohairic.Mark_07:24
ⲉⲧⲁϥⲧⲱⲛϥ ⲇⲉ ⲉⲃⲟⲗ ⲙⲙⲁⲩ ⲁϥϣⲉ ⲛⲁϥ ⲉⲛⲓⲥⲁ ⲛⲧⲉⲧⲩⲣⲟⲥ ⲛⲉⲙⲧⲥⲓⲇⲱⲛ ⲟⲩⲟϩ ⲉⲧⲁϥϣⲉ ⲛⲁϥ ⲉϧⲟⲩⲛ ⲉⲟⲩⲏⲓ ⲛⲁϥⲟⲩⲱϣ ⲁⲛ ⲡⲉ ⲛⲧⲉϩⲗⲓ ⲉⲙⲓ ⲟⲩⲟϩ ⲙⲡⲉϥϣϫⲉⲙϫⲟⲙ ⲛⲱⲃϣ
From there he arose, and went away into the borders of Tyre and Sidon. He entered into a house, and didn't want anyone to know it, but he couldn't escape notice.
bohairic.Mark_03:24
ⲟⲩⲟϩ ⲉϣⲱⲡ ⲛⲧⲉⲟⲩⲙⲉⲧⲟⲩⲣⲟ ⲫⲱϣ ⲉϩⲣⲁⲥ ⲙⲙⲟⲛ ϣϫⲟⲙ ⲛⲧⲉⲥ ⲟϩⲓ ⲉⲣⲁⲧⲥ ⲛϫⲉϯⲙⲉⲧⲟⲩⲣⲟ ⲉⲧⲉⲙⲙⲁⲩ .
If a kingdom is divided against itself, that kingdom cannot stand.
bohairic.Mark_13:24
ⲁⲗⲗⲁ ϧⲉⲛⲛⲓⲉϩⲟⲟⲩ ⲉⲧⲉⲙⲙⲁⲩ ⲙⲉⲛⲉⲛⲥⲁⲡϩⲟϫϩⲉϫ ⲉⲧⲉⲙⲙⲁⲩ ⲡⲓⲣⲏ ⲉϥⲉⲉⲣⲭⲁⲕⲓ ⲟⲩⲟϩ ⲡⲓⲓⲟϩ ⲛⲛⲉϥϯ ⲙⲡⲉϥⲟⲩⲱⲓⲛⲓ .
But in those days, after that oppression, the sun will be darkened, the moon will not give its light,
bohairic.Mark_09:24
ⲥⲁⲧⲟⲧϥ ⲁϥⲱϣ ⲉⲃⲟⲗ ⲛϫⲉⲫⲓⲱⲧ ⲙⲡⲓⲁⲗⲟⲩ ⲉϥϫⲱ ⲙⲙⲟⲥ ϫⲉϯⲛⲁϩϯ ⲁⲣⲓⲃⲟⲏⲑⲓⲛ ⲉⲧⲁⲙⲉⲧⲁⲑⲛⲁϩϯ .
Immediately the father of the child cried out with tears, 'I believe. Help my unbelief!'
bohairic.Mark_15:24
ⲟⲩⲟϩ ⲁⲩⲁϣϥ ⲟⲩⲟϩ ⲁⲩⲫⲱϣ ⲛⲛⲉϥϩⲃⲱⲥ ⲉϩⲣⲁⲩ ⲉⲁⲩϩⲓⲱⲡ ⲉⲣⲱⲟⲩ ϫⲉⲛⲓⲙ ⲉⲧⲛⲁⲟⲗⲟⲩ
Crucifying him, they parted his garments among them, casting lots on them, what each should take.
bohairic.Mark_10:24
ⲛⲓⲙⲁⲑⲏⲧⲏⲥ ⲇⲉ ⲛⲁⲩⲉⲣϩⲟϯ ⲡⲉ ⲉϫⲉⲛⲡⲓⲥⲁϫⲓ ⲓⲏⲥⲟⲩⲥ ⲇⲉ ⲟⲛ ⲉⲧⲁϥⲉⲣⲟⲩⲱ ⲛⲱⲟⲩ ⲡⲉϫⲁϥ ϫⲉⲛⲁϣⲏⲣⲓ ⲡⲱⲥ ⲥⲙⲟⲕϩ ⲛⲧⲉⲛⲏ ⲉⲧⲉϩⲑⲏⲟⲩ ⲭⲏ ⲉϩⲁⲛⲭⲣⲏⲙⲁ ⲉⲓ ⲉϧⲟⲩⲛ ⲉϯⲙⲉⲧⲟⲩⲣⲟ ⲛⲧⲉⲫⲛⲟⲩϯ .
The disciples were amazed at his words. But Jesus answered again, 'Children, how hard is it for those who trust in riches to enter into the Kingdom of God!
bohairic.Mark_05:24
ⲟⲩⲟϩ ⲁϥϣⲉ ⲛⲁϥ ⲛⲉⲙⲁϥ ⲟⲩⲟϩ ⲁⲩⲙⲟϣⲓ ⲛⲥⲱϥ ⲛϫⲉⲟⲩⲙⲏϣ ⲉϥⲟϣ ⲟⲩⲟϩ ⲛⲁⲩϩⲟϫϩⲉϫ ⲙⲙⲟϥ ⲡⲉ .
He went with him, and a great multitude followed him, and they pressed upon him on all sides.
bohairic.Mark_14:24
ⲟⲩⲟϩ ⲁϥϫⲟⲥ ⲛⲱⲟⲩ ϫⲉⲡϩⲁⲓ ⲡⲉ ⲡⲁⲥⲛⲟϥ ⲛⲧⲉϯⲇⲓⲁⲑⲏⲕⲏ ⲉⲧⲟⲩⲛⲁⲫⲟⲛϥ ⲉⲃⲟⲗ ⲉϫⲉⲛⲟⲩⲙⲏϣ ⲉⲡϫⲓⲛⲭⲱ ⲉⲃⲟⲗ ⲛⲧⲉⲛⲟⲩⲛⲟⲃⲓ .
He said to them, 'This is my blood of the new covenant, which is poured out for many.
bohairic.Mark_12:24
ⲡⲉϫⲁϥ ⲛⲱⲟⲩ ⲛϫⲉⲓⲏⲥⲟⲩⲥ ϫⲉⲙⲏ ⲉⲑⲃⲉⲫⲁⲓ ⲁⲛ ⲧⲉⲧⲉⲛⲥⲟⲣⲉⲙ ⲛⲧⲉⲧⲉⲛⲥⲱⲟⲩⲛ ⲁⲛ ⲛϯⲅⲣⲁⲫⲏ ⲟⲩⲇⲉ ϯϫⲟⲙ ⲛⲧⲉⲫⲛⲟⲩϯ
Jesus answered them, 'Isn't this because you are mistaken, not knowing the Scriptures, nor the power of God?
bohairic.Mark_06:24
ⲟⲩⲟϩ ⲉⲧⲁⲥⲓ ⲉⲃⲟⲗ ⲡⲉϫⲁⲥ ⲛⲧⲉⲥⲙⲁⲩ ϫⲉⲟⲩ ⲡⲉⲧⲓⲛⲁⲉⲣⲉⲧⲓⲛ ⲙⲙⲟϥ ⲛⲑⲟⲥ ⲇⲉ ⲡⲉϫⲁⲥ ϫⲉⲧⲁⲫⲉ ⲛⲓⲱⲁⲛⲛⲏⲥ ⲡⲓⲣⲉϥϯⲱⲙⲥ
She went out, and said to her mother, 'What shall I ask?' She said, 'The head of John the Baptizer.'
bohairic.Mark_11:24
ⲉⲑⲃⲉⲫⲁⲓ ϯϫⲱ ⲙⲙⲟⲥ ⲛⲱⲧⲉⲛ ϫⲉϩⲱⲃ ⲛⲓⲃⲉⲛ ⲉⲧⲉⲧⲉⲛⲛⲁⲉⲣⲉⲧⲓⲛ ⲙⲙⲟϥ ϧⲉⲛⲟⲩⲡⲣⲟⲥⲉⲩⲭⲏ ⲛⲁϩϯ ϫⲉⲁⲣⲉⲧⲉⲛϭⲓ ⲟⲩⲟϩ ⲉⲥⲉϣⲱⲡⲓ ⲛⲱⲧⲉⲛ .
Therefore I tell you, all things whatever you pray and ask for, believe that you have received them, and you shall have them.
bohairic.Mark_01:24
ⲉϥϫⲱ ⲙⲙⲟⲥ ϫⲉⲁϧⲟⲕ ⲛⲉⲙⲁⲛ ⲓⲏⲥⲟⲩⲥ ⲡⲓⲣⲉⲙⲛⲁⲍⲁⲣⲉⲑ ⲉⲧⲁⲕⲓ ⲉⲧⲁⲕⲟⲛ ⲧⲉⲛⲥⲱⲟⲩⲛ ⲙⲙⲟⲕ ϫⲉⲛⲑⲟⲕ ⲛⲓⲙ ⲡⲓϩⲁⲅⲓⲟⲥ ⲛⲧⲉⲫⲛⲟⲩϯ .
saying, 'Ha! What do we have to do with you, Jesus, you Nazarene? Have you come to destroy us? I know you who you are: the Holy One of God!'
bohairic.Mark_08:24
ⲟⲩⲟϩ ⲉⲧⲁϥⲛⲁⲩ ⲙⲃⲟⲗ ⲛⲁϥϫⲱ ⲙⲙⲟⲥ ϫⲉϯⲛⲁⲩ ⲉⲛⲓⲣⲱⲙⲓ ⲙⲫⲣⲏϯ ⲛϩⲁⲛϣϣⲏⲛ ⲉⲩⲙⲟϣⲓ .
He looked up, and said, 'I see men; for I see them like trees walking.'
bohairic.Mark_02:24
ⲟⲩⲟϩ ⲛⲁⲣⲉⲛⲓⲫⲁⲣⲓⲥⲉⲟⲥ ϫⲱ ⲙⲙⲟⲥ ⲛⲁϥ ϫⲉⲁⲛⲁⲩ ϫⲉⲟⲩ ⲡⲉⲧⲟⲩⲓⲣⲓ ⲙⲙⲟϥ ϧⲉⲛⲛⲓⲥⲁⲃⲃⲁⲧⲟⲛ ⲛⲥϣⲉ ⲛⲁⲓϥ ⲁⲛ .
The Pharisees said to him, 'Behold, why do they do that which is not lawful on the Sabbath day?'
bohairic.Mark_04:24
ⲟⲩⲟϩ ⲛⲁϥϫⲱ ⲙⲙⲟⲥ ⲛⲱⲟⲩ ⲟⲛ ϫⲉⲁⲛⲁⲩ ϫⲉⲟⲩ ⲡⲉⲧⲉⲧⲉⲛⲥⲱⲧⲉⲙ ⲉⲣⲟϥ ϧⲉⲛⲡⲓϣⲓ ⲉⲧⲉⲧⲉⲛⲛⲁϣⲓ ⲙⲙⲟϥ ⲉⲩⲛⲁϣⲓ ⲛⲱⲧⲉⲛ ⲙⲙⲟϥ ⲟⲩⲟϩ ⲛⲧⲟⲩⲧⲟⲩϩⲟ ⲛⲱⲧⲉⲛ .
He said to them, 'Take heed what you hear. With whatever measure you measure, it will be measured to you, and more will be given to you who hear.
bohairic.Mark_04:25
ⲫⲏ ⲅⲁⲣ ⲉⲧⲉ ⲟⲩⲟⲛⲛⲧⲁϥ ⲉⲩⲉϯ ⲛⲁϥ ⲟⲩⲟϩ ⲫⲏ ⲉⲧⲉ ⲙⲙⲟⲛⲛⲧⲁϥ ⲟⲩⲟϩ ⲫⲏ ⲉⲧⲉ ⲛⲧⲟⲧϥ ϣⲁⲩⲟⲗϥ ⲛⲧⲟⲧϥ .
For whoever has, to him will more be given, and he who doesn't have, even that which he has will be taken away from him.'
bohairic.Mark_08:25
ⲓⲧⲁ ⲟⲛ ⲁϥⲭⲁⲛⲉϥϫⲓϫ ⲉϫⲉⲛⲛⲉϥⲃⲁⲗ ⲟⲩⲟϩ ⲁϥⲛⲁⲩ ⲙⲃⲟⲗ ⲟⲩⲟϩ ⲁϥⲟⲩϫⲁⲓ ⲁϥⲛⲁⲩ ⲉⲡⲧⲏⲣϥ ϧⲉⲛⲟⲩⲱⲛϩ ⲉⲃⲟⲗ .
Then again he laid his hands on his eyes. He looked intently, and was restored, and saw everyone clearly.
bohairic.Mark_09:25
ⲉⲧⲁϥⲛⲁⲩ ⲛϫⲉⲓⲏⲥⲟⲩⲥ ϫⲉⲡⲓⲙⲏϣ ϭⲟϫⲓ ⲁϥⲉⲣⲉⲡⲓⲧⲓⲙⲁⲛ ⲙⲡⲓⲡⲛⲉⲩⲙⲁ ⲛⲁⲕⲁⲑⲁⲣⲧⲟⲛ ⲉϥϫⲱ ⲙⲙⲟⲥ ⲛⲁϥ ϫⲉⲡⲓⲁⲧⲥⲁϫⲓ ⲟⲩⲟϩ ⲛⲕⲟⲩⲣ ⲙⲡⲛⲉⲩⲙⲁ ⲁⲛⲟⲕ ⲡⲉⲧⲓⲟⲩⲁϩⲥⲁϩⲛⲓ ⲙⲙⲟⲕ ⲁⲙⲟⲩ ⲉⲃⲟⲗ ⲛϧⲏⲧϥ ⲟⲩⲟϩ ⲙⲡⲣϣⲉ ϫⲉ ⲉϧⲟⲩⲛ ⲉⲣⲟϥ .
When Jesus saw that a multitude came running together, he rebuked the unclean spirit, saying to him, 'You mute and deaf spirit, I command you, come out of him, and never enter him again!'
bohairic.Mark_02:25
ⲟⲩⲟϩ ⲛⲁϥϫⲱ ⲙⲙⲟⲥ ⲛⲱⲟⲩ ϫⲉⲙⲡⲉⲧⲉⲛⲱϣ ⲉⲛⲉϩ ϫⲉⲟⲩ ⲡⲉⲧⲁϥⲁⲓϥ ⲛϫⲉⲇⲁⲩⲓⲇ ϩⲟⲧⲉ ⲉⲧⲁϥⲉⲣⲭⲣⲓⲁ ⲟⲩⲟϩ ⲉⲧⲁϥϩⲕⲟ ⲛⲉⲙⲛⲏ ⲉⲑⲛⲉⲙⲁϥ
He said to them, 'Did you never read what David did, when he had need, and was hungry—he, and those who were with him?
bohairic.Mark_13:25
ⲟⲩⲟϩ ⲛⲓⲥⲓⲟⲩ ⲉⲩⲉϣⲱⲡⲓ ⲉⲩϩⲓⲱⲟⲩⲧ ⲉⲃⲟⲗ ϧⲉⲛⲧⲫⲉ ⲟⲩⲟϩ ⲛⲓϫⲟⲙ ⲛⲧⲉⲛⲓⲫⲏⲟⲩⲓ ⲉⲩⲉⲕⲓⲙ
the stars will be falling from the sky, and the powers that are in the heavens will be shaken.
bohairic.Mark_11:25
ⲟⲩⲟϩ ⲉϣⲱⲡ ⲁⲣⲉⲧⲉⲛϣⲁⲛⲟϩⲓ ⲉⲣⲁⲧ ⲉⲛⲑⲏⲛⲟⲩ ⲉⲉⲣⲡⲣⲟⲥⲉⲩⲭⲉⲥⲑⲉ ⲭⲱ ⲉⲃⲟⲗ ⲙⲡⲉⲧⲉⲟⲩⲟⲛ ⲛⲧⲱⲧⲉⲛ ⲉⲣⲟϥ ϩⲓⲛⲁ ϩⲱϥ ⲡⲉⲧⲉⲛⲓⲱⲧ ⲉⲧϧⲉⲛⲛⲓⲫⲏⲟⲩⲓ ⲛⲧⲉϥⲭⲱ ⲛⲱⲧⲉⲛ ⲉⲃⲟⲗ ⲛⲛⲉⲧⲛⲡⲁⲣⲁⲡⲧⲱⲙⲁ .
Whenever you stand praying, forgive, if you have anything against anyone; so that your Father, who is in heaven, may also forgive you your transgressions.
bohairic.Mark_06:25
ⲟⲩⲟϩ ⲉⲧⲁⲥⲓ ⲉϧⲟⲩⲛ ϧⲉⲛⲟⲩⲥⲡⲟⲩⲇⲏ ϩⲁⲡⲟⲩⲣⲟ ⲁⲥⲉⲣⲉⲧⲓⲛ ⲉⲥϫⲱ ⲙⲙⲟⲥ ϫⲉϯⲟⲩⲱϣ ϩⲓⲛⲁ ϯⲛⲟⲩ ⲛⲧⲉⲕϯ ⲛⲏⲓ ⲛⲧⲁⲫⲉ ⲛⲓⲱⲁⲛⲛⲏⲥ ⲡⲓⲣⲉϥϯⲱⲙⲥ ϩⲓⲟⲩⲃⲓⲛⲁϫ .
She came in immediately with haste to the king, and asked, I want you to give me right now the head of John the Baptizer on a platter.'
bohairic.Mark_12:25
ϩⲟⲧⲁⲛ ⲅⲁⲣ ⲁⲩϣⲁⲛⲧⲱⲟⲩⲛⲟⲩ ϧⲉⲛⲛⲏ ⲉⲧⲙⲱⲟⲩⲧ ⲟⲩⲇⲉ ⲙⲡⲁⲩϭⲓ ⲟⲩⲇⲉ ⲙⲡⲁⲩϭⲓⲧⲟⲩ ⲁⲗⲗⲁ ⲁⲩⲙⲫⲣⲏϯ ⲛⲛⲓⲁⲅⲅⲉⲗⲟⲥ ϧⲉⲛⲛⲓⲫⲏⲟⲩⲓ .
For when they will rise from the dead, they neither marry, nor are given in marriage, but are like angels in heaven.
bohairic.Mark_03:25
ⲟⲩⲟϩ ⲉϣⲱⲡ ⲛⲧⲉⲟⲩⲏⲓ ⲫⲱϣ ⲉϩⲣⲁϥ ⲙⲙⲟⲛ ϣϫⲟⲙ ⲛⲧⲉϥ ⲟϩⲓ ⲉⲣⲁⲧϥ ⲛϫⲉⲡⲓⲏⲓ ⲉⲧⲉⲙⲙⲁⲩ .
If a house is divided against itself, that house cannot stand.
bohairic.Mark_15:25
ⲛⲉ ⲫⲛⲁⲩ ⲇⲉ ⲛⲁϫⲡⲅ ⲡⲉ ⲟⲩⲟϩ ⲁⲩⲁϣϥ
It was the third hour, and they crucified him.
bohairic.Mark_10:25
ⲥⲙⲟⲧⲉⲛ ⲛⲟⲩϭⲁⲙⲟⲩⲗ ⲉⲥⲓⲛⲓ ⲉⲃⲟⲗ ϩⲓⲧⲉⲛⲫⲟⲩⲱⲧⲉⲛ ⲛⲟⲩⲙⲁ ⲛⲑⲱⲣⲡ ⲓⲉ ⲟⲩⲣⲁⲙⲁⲟ ⲛⲧⲉϥⲓ ⲉϧⲟⲩⲛ ⲉϯⲙⲉⲧⲟⲩⲣⲟ ⲛⲧⲉⲫⲛⲟⲩϯ .
It is easier for a camel to go through a needle's eye than for a rich man to enter into the Kingdom of God.'
bohairic.Mark_05:25
ⲟⲩⲟϩ ⲓⲥ ⲟⲩⲥϩⲓⲙⲓ ⲁⲥⲉⲣⲓⲃ ⲛⲣⲟⲙⲡⲓ ⲉⲣⲉⲟⲩⲟⲛ ⲟⲩⲥⲛⲟϥ ϧⲁⲣⲟⲥ .
A certain woman, who had an issue of blood for twelve years,
bohairic.Mark_07:25
ⲟⲩⲟϩ ⲥⲁⲧⲟⲧⲥ ⲁⲥⲥⲱⲧⲉⲙ ⲛϫⲉⲟⲩⲥϩⲓⲙⲓ ⲉⲑⲃⲏⲧϥ ⲑⲏ ⲉⲧⲉⲟⲩⲟⲛ ⲟⲩⲡⲛⲉⲩⲙⲁ ⲛⲁⲕⲁⲑⲁⲣⲧⲟⲛ ⲛⲉⲙⲧⲉⲥϣⲉⲣⲓ ⲉⲧⲁⲥⲓ ⲉϧⲟⲩⲛ ⲁⲥϩⲓⲧⲥ ⲉϧⲣⲏⲓ ϧⲁⲛⲉϥϭⲁⲗⲁⲩϫ
For a woman, whose little daughter had an unclean spirit, having heard of him, came and fell down at his feet.
bohairic.Mark_14:25
ⲁⲙⲏⲛ ϯϫⲱ ⲙⲙⲟⲥ ⲛⲱⲧⲉⲛ ϫⲉⲛⲛⲁⲥⲱ ⲉⲃⲟⲗ ϧⲉⲛⲡⲟⲩⲧⲁϩ ⲛⲧⲉⲧⲁⲓⲃⲱ ⲛⲁⲗⲟⲗⲓ ϣⲁⲡⲓⲉϩⲟⲟⲩ ⲉⲧⲧⲏ ϩⲟⲧⲁⲛ ⲁⲓϣⲁⲛⲥⲟϥ ⲙⲃⲉⲣⲓ ϧⲉⲛϯⲙⲉⲧⲟⲩⲣⲟ ⲛⲧⲉⲫⲛⲟⲩϯ .
Most certainly I tell you, I will no more drink of the fruit of the vine, until that day when I drink it anew in the Kingdom of God.'
bohairic.Mark_01:25
ⲟⲩⲟϩ ⲁϥⲉⲣⲉⲡⲓⲧⲓⲙⲁⲛ ⲛⲁϥ ⲛϫⲉⲓⲏⲥⲟⲩⲥ ⲉϥϫⲱ ⲙⲙⲟⲥ ϫⲉⲑⲱⲙ ⲛⲣⲱⲕ ⲟⲩⲟϩ ⲁⲙⲟⲩ ⲉⲃⲟⲗ ⲛϧⲏⲧϥ
Jesus rebuked him, saying, 'Be quiet, and come out of him!'
bohairic.Mark_14:26
ⲟⲩⲟϩ ⲉⲧⲁⲩⲥⲙⲟⲩ ⲁⲩⲓ ⲉⲃⲟⲗ ⲉⲡⲓⲧⲱⲟⲩ ⲛⲧⲉⲛⲓϫⲱⲓⲧ
When they had sung a hymn, they went out to the Mount of Olives.
bohairic.Mark_06:26
ⲟⲩⲟϩ ⲉⲧⲁⲡϩⲏⲧ ⲙⲡⲟⲩⲣⲟ ⲙⲕⲁϩ ⲉⲑⲃⲉⲛⲓⲁⲛⲁⲩϣ ⲛⲉⲙⲛⲏ ⲉⲑⲣⲟⲧⲉⲃ ⲛⲉⲙⲁϥ ⲙⲡⲉϥⲟⲩⲱϣ ⲉϥⲟϫⲥ .
The king was exceedingly sorry, but for the sake of his oaths, and of his dinner guests, he didn't wish to refuse her.
bohairic.Mark_07:26
ϯⲥϩⲓⲙⲓ ⲇⲉ ⲛⲉⲟⲩⲉⲓⲛⲓⲛ ⲛⲧⲉⲛⲥⲩⲣⲓⲁ ⲡⲉⲥⲅⲉⲛⲟⲥ ⲟⲩⲉⲃⲟⲗ ϧⲉⲛϯⲫⲟⲓⲛⲓⲕⲏ ⲡⲉ ⲟⲩⲟϩ ⲛⲁⲥϯϩⲟ ⲉⲣⲟϥ ϩⲓⲛⲁ ⲛⲧⲉϥϩⲓⲇⲉⲙⲱⲛ ⲉⲃⲟⲗ ⲛⲧⲉⲥϣⲉⲣⲓ
Now the woman was a Greek, a Syrophoenician by race. She begged him that he would cast the demon out of her daughter.
bohairic.Mark_08:26
ⲟⲩⲟϩ ⲁϥⲟⲩⲟⲣⲡϥ ⲉⲡⲉϥⲏⲓ ⲉϥϫⲱ ⲙⲙⲟⲥ ϫⲉⲙⲡⲣϣⲉ ⲛⲁⲕ ⲉϧⲟⲩⲛ ⲉⲡⲓϯⲙⲓ .
He sent him away to his house, saying, 'Don't enter into the village, nor tell anyone in the village.'
bohairic.Mark_05:26
ⲟⲩⲟϩ ⲁⲥϭⲓ ⲛⲟⲩⲙⲏϣ ⲛϧⲓⲥⲓ ⲛⲧⲟⲧⲟⲩ ⲛⲛⲓⲙⲏϣ ⲛⲥⲏⲓⲛⲓ ⲟⲩⲟϩ ⲁⲥϭⲉ ⲛⲉⲧⲉⲛⲧⲁⲥ ⲛⲓⲃⲉⲛ ⲉⲃⲟⲗ ⲟⲩⲟϩ ⲙⲡⲉⲥϫⲉⲙϩⲏⲟⲩ ⲛϩⲗⲓ ⲁⲗⲗⲁ ⲙⲁⲗⲗⲟⲛ ⲁⲥⲧϩⲟ ⲛϩⲟⲩⲟ .
and had suffered many things by many physicians, and had spent all that she had, and was no better, but rather grew worse,

Coptic SCRIPTORIUM, corpus bohairic.mark (github.com/CopticScriptorium/corpora). Licence as stated per document in the project's own meta.json and checked there at parse time. English, where present, is Coptic SCRIPTORIUM's aligned translation. Licence: public domain text, CC-BY annotation. Source.