Bohairic Mark

Coptic literature (Coptic SCRIPTORIUM) · 678 sections

bohairic.Mark_16:1
ⲟⲩⲟϩ ⲉⲧⲁϥϣⲱⲡⲓ ⲛϫⲉⲡⲓⲥⲁⲃⲃⲁⲧⲟⲛ ⲙⲁⲣⲓⲁ ϯⲙⲁⲅⲇⲁⲗⲓⲛⲏ ⲛⲉⲙⲙⲁⲣⲓⲁ ⲛⲧⲉⲓⲁⲕⲱⲃⲟⲥ ⲛⲉⲙⲥⲁⲗⲱⲙⲏ ⲁⲩϣⲉ ⲛⲱⲟⲩ ⲁⲩϣⲱⲡ ⲛϩⲁⲛⲥⲑⲟⲓⲛⲟⲩϥⲓ ϩⲓⲛⲁ ⲛⲧⲟⲩⲓ ⲛⲧⲟⲩⲑⲁϩⲥϥ
When the Sabbath was past, Mary Magdalene, and Mary the mother of James, and Salome, bought spices, that they might come and anoint him.
bohairic.Mark_15:1
ⲟⲩⲟϩ ⲥⲁⲧⲟⲧⲟⲩ ⲁⲩⲥⲟϭⲛⲓ ⲛⲟⲩⲥⲟϭⲛⲓ ⲛϣⲱⲣⲡ ⲛϫⲉⲛⲓⲁⲣⲭⲓⲉⲣⲉⲩⲥ ⲛⲉⲙⲛⲓⲡⲣⲉⲥⲃⲩⲧⲉⲣⲟⲥ ⲛⲉⲙⲛⲓⲥⲁϧ ⲛⲉⲙⲡⲓⲙⲁ ⲛϯϩⲁⲡ ⲧⲏⲣϥ ⲁⲩⲥⲱⲛϩ ⲛⲓⲏⲥⲟⲩⲥ ⲁⲩϭⲓⲧϥ ⲁⲩⲧⲏⲓϥ ⲙⲡⲓⲗⲁⲧⲟⲥ .
Immediately in the morning the chief priests, with the elders and scribes, and the whole council, held a consultation, and bound Jesus, and carried him away, and delivered him up to Pilate.
bohairic.Mark_13:1
ⲟⲩⲟϩ ⲉϥⲛⲏⲟⲩ ⲉⲃⲟⲗ ϧⲉⲛⲡⲓⲉⲣⲫⲉⲓ ⲡⲉϫⲉ ⲟⲩⲁⲓ ⲛⲁϥ ⲉⲃⲟⲗ ϧⲉⲛⲛⲉϥⲙⲁⲑⲏⲧⲏⲥ ϫⲉⲫⲣⲉϥϯⲥⲃⲱ ⲭⲛⲁⲩ ϫⲉϩⲁⲛⲁϣ ⲛⲣⲏϯ ⲛⲉ ⲛⲁⲓⲱⲛⲓ ⲟⲩⲟϩ ϩⲁⲛⲕⲱⲧ ⲛⲁϣ ⲛⲣⲏϯ
As he went out of the temple, one of his disciples said to him, 'Teacher, see what kind of stones and what kind of buildings!'
bohairic.Mark_10:1
ⲟⲩⲟϩ ⲉⲧⲁϥⲧⲱⲛϥ ⲉⲃⲟⲗ ⲙⲙⲁⲩ ⲁϥⲓ ⲉⲛⲓⲑⲟϣ ⲛⲧⲉϯⲓⲟⲩⲇⲉⲁ ⲛⲉⲙϩⲓⲙⲏⲣ ⲙⲡⲓⲓⲟⲣⲇⲁⲛⲏⲥ ⲟⲩⲟϩ ⲁⲩⲓ ⲟⲛ ϩⲁⲣⲟϥ ⲛϫⲉϩⲁⲛⲙⲏϣ ⲟⲩⲟϩ ⲙⲫⲣⲏϯ ⲉⲧⲉⲧⲉϥⲥⲩⲛⲏⲑⲓⲁ ⲧⲉ ⲛⲁϥϯⲥⲃⲱ ⲛⲱⲟⲩ ⲡⲉ
He arose from there and came into the borders of Judea and beyond the Jordan. Multitudes came together to him again. As he usually did, he was again teaching them.
bohairic.Mark_06:1
ⲟⲩⲟϩ ⲉⲧⲁϥⲓ ⲉⲃⲟⲗ ⲙⲙⲁⲩ ⲁϥⲓ ⲉϧⲟⲩⲛ ⲉⲧⲉϥⲃⲁⲕⲓ ⲟⲩⲟϩ ⲁⲩⲙⲟϣⲓ ⲛⲥⲱϥ ⲛϫⲉⲛⲉϥⲙⲁⲑⲏⲧⲏⲥ
He went out from there. He came into his own country, and his disciples followed him.
bohairic.Mark_07:1
ⲟⲩⲟϩ ⲁⲩⲑⲱⲟⲩϯ ϩⲁⲣⲟϥ ⲛϫⲉⲛⲓⲫⲁⲣⲓⲥⲁⲓⲟⲥ ⲛⲉⲙϩⲁⲛⲟⲩⲟⲛ ⲉⲃⲟⲗ ϧⲉⲛⲛⲓⲥⲁϧ ⲉⲁⲩⲓ ⲉⲃⲟⲗ ϧⲉⲛϩⲓⲉⲣⲟⲩⲥⲁⲗⲏⲙ
Then the Pharisees, and some of the scribes gathered together to him, having come from Jerusalem.
bohairic.Mark_05:1
ⲟⲩⲟϩ ⲁϥⲓ ⲉⲙⲏⲣ ⲉⲫⲓⲟⲙ ⲉⲧⲭⲱⲣⲁ ⲛⲧⲉⲛⲓⲅⲉⲣⲅⲉⲥⲏⲛⲟⲥ
They came to the other side of the sea, into the country of the Gadarenes.
bohairic.Mark_14:1
ⲛⲉⲡⲓⲡⲁⲥⲭⲁ ⲇⲉ ⲡⲉ ⲛⲉⲙⲛⲓⲁⲧϣⲉⲙⲏⲣ ⲙⲉⲛⲉⲛⲥⲁⲉϩⲟⲟⲩ ⲃ ⲟⲩⲟϩ ⲛⲁⲩⲕⲱϯ ⲡⲉ ⲛϫⲉⲛⲓⲁⲣⲭⲓⲉⲣⲉⲩⲥ ⲛⲉⲙⲛⲓⲥⲁϧ ϫⲉⲡⲱⲥ ⲛⲧⲟⲩⲁⲙⲟⲛⲓ ⲙⲙⲟϥ ϧⲉⲛⲟⲩⲭⲣⲟϥ ⲛⲧⲟⲩϧⲟⲑⲃϥ
It was now two days before the feast of the Passover and the unleavened bread, and the chief priests and the scribes sought how they might seize him by deception, and kill him.
bohairic.Mark_12:1
ⲟⲩⲟϩ ⲁϥⲉⲣϩⲏⲧⲥ ⲛⲥⲁϫⲓ ⲛⲉⲙⲱⲟⲩ ϧⲉⲛϩⲁⲛⲡⲁⲣⲁⲃⲟⲗⲏ ⲛⲉⲟⲩⲟⲛ ⲟⲩⲣⲱⲙⲓ ⲁϥϭⲟ ⲛⲟⲩⲓⲁϩⲁⲗⲟⲗⲓ ⲟⲩⲟϩ ⲁϥⲕⲱⲧ ⲛⲟⲩϫⲟⲉⲓ ⲉⲣⲟϥ ⲟⲩⲟϩ ⲁϥϣⲱⲕ ⲛⲟⲩϩⲣⲱⲧ ⲛϧⲏⲧϥ ⲟⲩⲟϩ ⲁϥⲕⲱⲧ ⲛⲟⲩⲡⲩⲣⲅⲟⲥ ⲛϧⲏⲧϥ ⲟⲩⲟϩ ⲁϥⲧⲏⲓϥ ⲉⲧⲟⲧⲟⲩ ⲛϩⲁⲛⲟⲩⲓⲏ ⲟⲩⲟϩ ⲁϥϣⲉ ⲛⲁϥ ⲉⲡϣⲉⲙⲙⲟ
He began to speak to them in parables. 'A man planted a vineyard, put a hedge around it, dug a pit for the winepress, built a tower, rented it out to a farmer, and went into another country.
bohairic.Mark_09:1
ⲟⲩⲟϩ ⲛⲁϥϫⲱ ⲙⲙⲟⲥ ⲛⲱⲟⲩ ϫⲉⲁⲙⲏⲛ ϯϫⲱ ⲙⲙⲟⲥ ⲛⲱⲧⲉⲛ ϫⲉⲟⲩⲟⲛ ϩⲁⲛⲟⲩⲟⲛ ϧⲉⲛⲛⲏ ⲉⲧⲟϩⲓ ⲉⲣⲁⲧⲟⲩ ⲙⲡⲁⲓⲙⲁ ⲛⲥⲉⲛⲁϫⲉⲙϯⲡⲓ ⲙⲫⲙⲟⲩ ⲁⲛ ϣⲁⲧⲟⲩⲛⲁⲩ ⲉϯⲙⲉⲧⲟⲩⲣⲟ ⲛⲧⲉⲫⲛⲟⲩϯ ⲁⲥⲓ ϧⲉⲛⲟⲩϫⲟⲙ .
He said to them, 'Most certainly I tell you, there are some standing here who will in no way taste death until they see the Kingdom of God come with power.'
bohairic.Mark_04:1
ⲟⲩⲟϩ ⲡⲁⲗⲓⲛ ⲁϥⲉⲣϩⲏⲧⲥ ⲛϯⲥⲃⲱ ⲉⲥⲕⲉⲛⲫⲓⲟⲙ ⲟⲩⲟϩ ⲁⲩⲑⲱⲟⲩϯ ⲉⲣⲟϥ ⲛϫⲉⲟⲩⲙⲏϣ ⲉϥⲟϣ ϩⲱⲥⲧⲉ ⲛⲧⲉϥⲁⲗⲏⲓ ⲉⲡⲓϫⲟⲓ ⲛⲧⲉϥϩⲉⲙⲥⲓ ϧⲉⲛⲫⲓⲟⲙ ϩⲓⲡⲓⲭⲣⲟ .
Again he began to teach by the seaside. A great multitude was gathered to him, so that he entered into a boat in the sea, and sat down. All the multitude were on the land by the sea.
bohairic.Mark_08:1
ϧⲉⲛⲛⲓⲉϩⲟⲟⲩ ⲉⲧⲉⲙⲙⲁⲩ ⲟⲛ ⲉϥϣⲟⲡ ⲛϫⲉⲟⲩⲙⲏϣ ⲉϥⲟϣ ϩⲁⲣⲟϥ ⲟⲩⲟϩ ⲙⲙⲟⲛ ⲡⲉⲧⲟⲩⲛⲁⲟⲩⲟⲙϥ ⲁϥⲙⲟⲩϯ ⲉⲛⲓⲙⲁⲑⲏⲧⲏⲥ ⲡⲉϫⲁϥ ⲛⲱⲟⲩ
In those days, when there was a very great multitude, and they had nothing to eat, Jesus called his disciples to himself, and said to them,
bohairic.Mark_01:1
ⲧⲁⲣⲭⲏ ⲙⲡⲓⲉⲩⲁⲅⲅⲉⲗⲓⲟⲛ ⲛⲧⲉⲓⲏⲥⲟⲩⲥ ⲡⲭⲣⲓⲥⲧⲟⲥ ⲡϣⲏⲣⲓ ⲙⲫⲛⲟⲩϯ .
The beginning of the Good News of Jesus Christ, the Son of God.
bohairic.Mark_11:1
ⲟⲩⲟϩ ⲉⲧⲁϥϧⲱⲛⲧ ⲉⲓⲉⲣⲟⲥⲁⲗⲏⲙ ⲁϥⲓ ⲉⲃⲏⲑⲫⲁⲅⲏ ⲛⲉⲙⲃⲏⲑⲁⲛⲓⲁ ϧⲁⲧⲉⲛⲡⲓⲧⲱⲟⲩ ⲛⲧⲉⲛⲓϫⲱⲓⲧ ⲁϥⲟⲩⲱⲣⲡ ⲛⲃ ⲉⲃⲟⲗ ϧⲉⲛⲛⲉϥⲙⲁⲑⲏⲧⲏⲥ
When they drew near to Jerusalem, to Bethsphage and Bethany, at the Mount of Olives, he sent two of his disciples,
bohairic.Mark_03:1
ⲟⲩⲟϩ ⲁϥⲓ ⲟⲛ ⲉϧⲟⲩⲛ ⲉⲧⲟⲩⲥⲩⲛⲁⲅⲱⲅⲏ ⲟⲩⲟϩ ⲛⲉⲟⲩⲟⲛ ⲟⲩⲣⲱⲙⲓ ⲙⲙⲁⲩ ⲡⲉ ⲉⲣⲉⲧⲉϥϫⲓϫ ϣⲟⲩⲱⲟⲩ
He entered again into the synagogue, and there was a man there who had his hand withered.
bohairic.Mark_02:1
ⲟⲩⲟϩ ⲁϥⲓ ⲟⲛ ⲉϧⲟⲩⲛ ⲉⲕⲁⲫⲁⲣⲛⲁⲟⲩⲙ ⲙⲉⲛⲉⲛⲥⲁϩⲁⲛⲉϩⲟⲟⲩ ⲁⲩⲥⲱⲧⲉⲙ ϫⲉϥⲛϧⲟⲩⲛ ϧⲉⲛⲟⲩⲏⲓ .
When he entered again into Capernaum after some days, it was heard that he was in the house.
bohairic.Mark_09:2
ⲟⲩⲟϩ ⲙⲉⲛⲉⲛⲥⲁⲋ ⲛⲉϩⲟⲟⲩ ⲁϥϭⲓ ⲛϫⲉⲓⲏⲥⲟⲩⲥ ⲙⲡⲉⲧⲣⲟⲥ ⲛⲉⲙⲓⲁⲕⲱⲃⲟⲥ ⲛⲉⲙⲓⲱⲁⲛⲛⲏⲥ ⲟⲩⲟϩ ⲁϥⲟⲗⲟⲩ ⲉϩⲣⲏⲓ ⲉϫⲉⲛⲟⲩⲧⲱⲟⲩ ⲉϥϭⲟⲥⲓ ⲥⲁⲡⲥⲁ ⲙⲙⲁⲩⲁⲧⲟⲩ ⲁϥϣⲟⲃⲧϥ ⲙⲡⲟⲩⲙⲑⲟ ⲉⲃⲟⲗ .
After six days Jesus took with him Peter, James, and John, and brought them up onto a high mountain privately by themselves, and he was changed into another form in front of them.
bohairic.Mark_06:2
ⲟⲩⲟϩ ⲉⲧⲁϥϣⲱⲡⲓ ⲛϫⲉⲟⲩⲥⲁⲃⲃⲁⲧⲟⲛ ⲁϥⲉⲣϩⲏⲧⲥ ⲛϯⲥⲃⲱ ϧⲉⲛϯⲥⲩⲛⲁⲅⲱⲅⲏ ⲟⲩⲟϩ ⲟⲩⲙⲏϣ ⲁⲩⲥⲱⲧⲉⲙ ⲛⲁⲩⲉⲣϣⲫⲏⲣⲓ ⲉⲩϫⲱ ⲙⲙⲟⲥ ϫⲉⲉⲧⲁⲫⲁⲓ ϫⲉⲙⲛⲁⲓ ⲑⲱⲛ ⲟⲩⲟϩ ⲟⲩ ⲧⲉ ⲧⲁⲓⲥⲟⲫⲓⲁ ⲉⲧⲁⲩⲧⲏⲓⲥ ⲙⲫⲁⲓ ⲛⲉⲙⲛⲁⲓⲕⲉϫⲟⲙ ⲙⲡⲁⲓⲣⲏϯ ⲉⲧϣⲟⲡ ⲉⲃⲟⲗ ϩⲓⲧⲉⲛⲛⲉϥϫⲓϫ
When the Sabbath had come, he began to teach in the synagogue, and many hearing him were astonished, saying, 'Where did this man get these things?' and, 'What is the wisdom that is given to this man, that such mighty works come about by his hands?
bohairic.Mark_01:2
ⲕⲁⲧⲁⲫⲣⲏϯ ⲉⲧⲥϧⲏⲟⲩⲧ ϧⲉⲛⲏⲥⲁⲓⲁⲥ ⲡⲓⲡⲣⲟⲫⲏⲧⲏⲥ ϫⲉϩⲏⲡⲡⲉ ϯⲛⲁⲟⲩⲱⲣⲡ ⲙⲡⲁⲅⲅⲉⲗⲟⲥ ϧⲁⲧϩⲏ ⲙⲡⲉⲕϩⲟ ⲫⲏ ⲉⲑⲛⲁⲥⲟⲃϯ ⲙⲡⲉⲕⲙⲱⲓⲧ ϧⲁϫⲱⲕ .
As it is written in the prophets; Behold, I send my messenger before your face, who will prepare your way before you.
bohairic.Mark_04:2
ⲟⲩⲟϩ ⲛⲁϥϯⲥⲃⲱ ⲛⲱⲟⲩ ⲛϩⲁⲛⲙⲏϣ ϧⲉⲛϩⲁⲛⲡⲁⲣⲁⲃⲟⲗⲏ ⲟⲩⲟϩ ⲛⲁϥϫⲱ ⲙⲙⲟⲥ ⲛⲱⲟⲩ ϧⲉⲛⲧⲉϥⲥⲃⲱ
He taught them many things in parables, and told them in his teaching,
bohairic.Mark_02:2
ⲟⲩⲟϩ ⲁⲟⲩⲙⲏϣ ⲑⲱⲟⲩϯ ⲉⲙⲁⲩ ϩⲱⲥⲧⲉ ⲛⲧⲉϣⲧⲉⲙⲡⲓⲏⲓ ⲱⲗⲓ ϫⲉⲟⲩⲇⲉ ϩⲓⲣⲉⲛⲡⲓⲣⲟ ⲟⲩⲟϩ ⲁϥⲥⲁϫⲓ ⲛⲉⲙⲱⲟⲩ ⲙⲡⲓⲥⲁϫⲓ
Immediately many were gathered together, so that there was no more room, not even around the door; and he spoke the word to them.
bohairic.Mark_13:2
ⲟⲩⲟϩ ⲡⲉϫⲉ ⲓⲏⲥⲟⲩⲥ ⲛⲁϥ ϫⲉⲭⲛⲁⲩ ⲉⲛⲁⲓⲛⲓϣϯ ⲛⲱⲛⲓ ⲛⲛⲟⲩⲭⲁⲟⲩⲱⲛⲓ ⲉϫⲉⲛⲟⲩⲱⲛⲓ ⲙⲡⲁⲓⲙⲁ ⲛⲥⲉⲛⲁⲃⲟⲗϥ ⲉⲃⲟⲗ ⲁⲛ .
Jesus said to him, 'Do you see these great buildings? There will not be left here one stone on another, which will not be thrown down.'
bohairic.Mark_12:2
ⲟⲩⲟϩ ⲁϥⲟⲩⲱⲣⲡ ϩⲁⲛⲓⲟⲩⲓⲏ ϧⲉⲛⲡⲥⲏⲟⲩ ⲛⲟⲩⲃⲱⲕ ϩⲓⲛⲁ ⲛⲧⲉϥϭⲓ ⲛⲧⲟⲧⲟⲩ ⲛⲛⲓⲟⲩⲓⲏ ⲉⲃⲟⲗ ϧⲉⲛⲡⲟⲩⲧⲁϩ ⲛⲧⲉⲡⲓⲓⲁϩⲁⲗⲟⲗⲓ .
When it was time, he sent a servant to the farmer to get from the farmer his share of the fruit of the vineyard.
bohairic.Mark_11:2
ⲟⲩⲟϩ ⲡⲉϫⲁϥ ⲛⲱⲟⲩ ϫⲉⲙⲁϣⲉ ⲛⲱⲧⲉⲛ ⲉⲡⲁⲓϯⲙⲓ ⲉⲧⲭⲏ ⲙⲡⲉⲧⲉⲛⲙⲑⲟ ⲟⲩⲟϩ ⲥⲁⲧⲉⲛⲑⲏⲛⲟⲩ ⲉⲣⲉⲧⲉⲛⲛⲁϣⲉ ⲉϧⲟⲩⲛ ⲉⲣⲟϥ ⲉⲣⲉⲧⲉⲛⲉϫⲓⲙⲓ ⲛⲟⲩⲥⲏϫ ⲉϥⲥⲟⲛϩ ⲫⲁⲓ ⲉⲧⲉⲙⲡⲁⲧⲉϩⲗⲓ ⲛⲣⲱⲙⲓ ⲁⲗⲏⲓ ⲉⲣⲟϥ ⲙⲁϯⲟⲩⲱ ⲙⲙⲟϥ ⲟⲩⲟϩ ⲁⲛⲓⲧϥ
and said to them, 'Go your way into the village that is opposite you. Immediately as you enter into it, you will find a young donkey tied, on which no one has sat. Untie him, and bring him.
bohairic.Mark_14:2
ⲛⲁⲩϫⲱ ⲅⲁⲣ ⲙⲙⲟⲥ ⲡⲉ ϫⲉⲙⲡⲉⲛⲑⲣⲉⲛⲁⲓⲥ ϧⲉⲛⲡϣⲁⲓ ⲙⲏⲡⲟⲧⲉ ⲛⲧⲉⲟⲩϣⲑⲟⲣⲧⲉⲣ ϣⲱⲡⲓ ϧⲉⲛⲡⲓⲗⲁⲟⲥ
For they said, 'Not during the feast, because there might be a riot of the people.'
bohairic.Mark_08:2
ϫⲉϯϣⲉⲛϩⲏⲧ ϧⲁⲡⲁⲓⲙⲏϣ ϫⲉⲓⲥ ⲅ ⲛⲉϩⲟⲟⲩ ⲥⲉⲟϩⲓ ϩⲁⲣⲟⲓ ⲟⲩⲟϩ ⲙⲙⲟⲛ ⲡⲉⲧⲟⲩⲛⲁⲟⲩⲟⲙϥ .
I have compassion on the multitude, because they have stayed with me now three days, and have nothing to eat.
bohairic.Mark_16:2
ⲟⲩⲟϩ ⲛϩⲁⲛⲁⲧⲟⲟⲩⲓ ⲉⲙⲁϣⲱ ⲙⲫⲟⲩⲁⲓ ⲛⲛⲓⲥⲁⲃⲃⲁⲧⲟⲛ ⲁⲩⲓ ⲉⲡⲓⲙϩⲁⲩ ⲉⲧⲁⲫⲣⲏ ϣⲁⲓ .
Very early on the first day of the week, they came to the tomb when the sun had risen.
bohairic.Mark_03:2
ⲟⲩⲟϩ ⲛⲁⲩϯ ⲛϩⲑⲏⲟⲩ ⲛⲁϥ ⲡⲉ ϫⲉ ⲁⲛ ϥⲛⲁⲉⲣⲫⲁϧⲣⲓ ⲉⲣⲟϥ ϧⲉⲛⲛⲓⲥⲁⲃⲃⲁⲧⲟⲛ ϩⲓⲛⲁ ⲛⲧⲟⲩⲉⲣⲕⲁⲧⲏⲅⲟⲣⲓⲛ ⲉⲣⲟϥ
They watched him, whether he would heal him on the Sabbath day, that they might accuse him.
bohairic.Mark_05:2
ⲟⲩⲟϩ ⲉⲧⲁϥⲓ ⲉⲃⲟⲗ ϧⲉⲛⲡⲓϫⲟⲓ ⲥⲁⲧⲟⲧϥ ⲁϥⲓ ⲉϧⲟⲩⲛ ⲉϩⲣⲁϥ ⲉⲃⲟⲗ ϧⲉⲛⲛⲓⲙϩⲁⲩ ⲛϫⲉⲟⲩⲣⲱⲙⲓ ⲉϥϧⲉⲛⲟⲩⲡⲛⲉⲩⲙⲁ ⲛⲁⲕⲁⲑⲁⲣⲧⲟⲛ
When he had come out of the boat, immediately a man with an unclean spirit met him out of the tombs.
bohairic.Mark_15:2
ⲟⲩⲟϩ ⲁϥϣⲉⲛϥ ⲛϫⲉⲡⲓⲗⲁⲧⲟⲥ ϫⲉⲛⲑⲟⲕ ⲡⲉ ⲡⲟⲩⲣⲟ ⲛⲧⲉⲛⲓⲓⲟⲩⲇⲁⲓ ⲛⲑⲟϥ ⲇⲉ ⲉⲧⲁϥⲉⲣⲟⲩⲱ ⲡⲉϫⲁϥ ⲛⲁϥ ϫⲉⲛⲑⲟⲕ ⲡⲉⲧϫⲱ ⲙⲙⲟⲥ .
Pilate asked him, 'Are you the King of the Jews?' He answered, 'So you say.'
bohairic.Mark_10:2
ⲟⲩⲟϩ ⲁⲩⲓ ϩⲁⲣⲟϥ ⲛϫⲉϩⲁⲛⲫⲁⲣⲓⲥⲉⲟⲥ ⲛⲁⲩϣⲓⲛⲓ ⲙⲙⲟϥ ϫⲉⲁⲛ ⲥϣⲉ ⲛⲣⲱⲙⲓ ⲉϩⲓⲧⲉϥⲥϩⲓⲙⲓ ⲉⲃⲟⲗ ⲉⲩⲉⲣⲡⲓⲣⲁⲍⲓⲛ ⲙⲙⲟϥ .
Pharisees came to him testing him, and asked him, 'Is it lawful for a man to divorce his wife?'
bohairic.Mark_07:2
ⲟⲩⲟϩ ⲉⲧⲁⲩⲛⲁⲩ ⲉϩⲁⲛⲟⲩⲟⲛ ⲛⲧⲉⲛⲉϥⲙⲁⲑⲏⲧⲏⲥ ϫⲉⲥⲉⲟⲩⲱⲙ ⲛⲛⲓⲱⲓⲕ ⲉⲣⲉⲛⲟⲩϫⲓϫ ⲑⲱⲗⲉⲃ ⲉⲧⲉⲫⲁⲓ ⲡⲉ ϫⲉⲛⲁⲧⲓⲁⲧⲟⲧⲟⲩ
Now when they saw some of his disciples eating bread with defiled, that is, unwashed, hands, they found fault.
bohairic.Mark_03:3
ⲟⲩⲟϩ ⲡⲉϫⲁϥ ⲙⲡⲓⲣⲱⲙⲓ ⲉⲣⲉⲧⲉϥϫⲓϫ ϣⲟⲩⲱⲟⲩ ϫⲉ ⲧⲱⲛⲕ ϧⲉⲛⲑⲙⲏϯ .
He said to the man who had his hand withered, 'Stand up.'
bohairic.Mark_13:3
ⲟⲩⲟϩ ⲉϥϩⲉⲙⲥⲓ ϩⲓϫⲉⲛⲡⲓⲧⲱⲟⲩ ⲛⲧⲉⲛⲓϫⲱⲓⲧ ⲙⲡⲉⲙⲑⲟ ⲙⲡⲓⲉⲣⲫⲉⲓ ⲁⲩϣⲉⲛϥ ⲛⲥⲁⲡⲥⲁ ⲛϫⲉⲡⲉⲧⲣⲟⲥ ⲛⲉⲙⲓⲁⲕⲱⲃⲟⲥ ⲛⲉⲙⲓⲱⲁⲛⲛⲏⲥ ⲛⲉⲙⲁⲛⲇⲣⲉⲁⲥ
As he sat on the Mount of Olives opposite the temple, Peter, James, John, and Andrew asked him privately,
bohairic.Mark_10:3
ⲛⲑⲟϥ ⲇⲉ ⲁϥⲉⲣⲟⲩⲱ ⲡⲉϫⲁϥ ⲛⲱⲟⲩ ϫⲉⲟⲩ ⲡⲉⲧⲁϥϩⲟⲛϩⲉⲛ ⲙⲙⲟϥ ϩⲓⲧⲉⲛⲑⲏⲛⲟⲩ ⲛϫⲉⲙⲱⲩⲥⲏⲥ .
He answered, 'What did Moses command you?'
bohairic.Mark_07:3
ⲛⲓⲫⲁⲣⲓⲥⲁⲓⲟⲥ ⲅⲁⲣ ⲛⲉⲙⲛⲓⲓⲟⲩⲇⲁⲓ ⲧⲏⲣⲟⲩ ⲙⲡⲁⲩⲟⲩⲱⲙ ⲁⲩϣⲧⲉⲙⲓⲁⲧⲟⲧⲟⲩ ⲛⲟⲩⲙⲏϣ ⲛⲥⲟⲡ ⲉⲩⲁⲙⲟⲛⲓ ⲛϯⲡⲁⲣⲁⲇⲟⲥⲓⲥ ⲛⲧⲉⲛⲓⲡⲣⲉⲥⲃⲩⲧⲉⲣⲟⲥ
(For the Pharisees, and all the Jews, don't eat unless they wash their hands and forearms, holding to the tradition of the elders.
bohairic.Mark_16:3
ⲟⲩⲟϩ ⲛⲁⲩϫⲱ ⲙⲙⲟⲥ ⲛⲛⲟⲩⲉⲣⲏⲟⲩ ϫⲉⲛⲓⲙ ⲉⲧⲛⲁⲥⲕⲉⲣⲕⲉⲣ ⲙⲡⲓⲱⲛⲓ ⲛⲁⲛ ⲉⲃⲟⲗ ϩⲓⲣⲱϥ ⲙⲡⲓⲙϩⲁⲩ .
They were saying among themselves, 'Who will roll away the stone from the door of the tomb for us?'
bohairic.Mark_14:3
ⲟⲩⲟϩ ⲉϥⲭⲏ ϧⲉⲛⲃⲏⲑⲁⲛⲓⲁ ϧⲉⲛⲡⲏⲓ ⲛⲥⲓⲙⲱⲛ ⲡⲓⲕⲁⲕⲥⲉϩⲧ ⲉϥⲣⲱⲧⲉⲃ ⲁⲥⲓ ⲛϫⲉⲟⲩⲥϩⲓⲙⲓ ⲉⲣⲉⲟⲩⲟⲛ ⲟⲩⲙⲟⲕⲓ ⲛⲥⲟϫⲉⲛ ⲛⲛⲁⲣⲇⲟⲥ ⲛⲧⲟⲧⲥ ⲙⲡⲓⲥⲧⲓⲕⲏ ⲉⲛⲁϣⲉ ⲛⲥⲟⲩⲉⲛϥ ⲉⲁⲥϧⲟⲙϧⲉⲙ ⲙⲡⲓⲙⲟⲕⲓ ⲉⲁⲥϫⲟϣϥ ⲉϫⲉⲛⲧⲉϥⲁⲫⲉ .
While he was at Bethany, in the house of Simon the leper, as he sat at the table, a woman came having an alabaster jar of ointment of pure nard--very costly. She broke the jar, and poured it over his head.
bohairic.Mark_12:3
ⲟⲩⲟϩ ⲉⲧⲁⲩϭⲓⲧϥ ⲁⲩϩⲓⲟⲩⲓ ⲉⲣⲟϥ ⲟⲩⲟϩ ⲁⲩⲟⲩⲟⲣⲡϥ ⲉϥϣⲟⲩⲓⲧ .
They took him, beat him, and sent him away empty.
bohairic.Mark_01:3
ⲡϧⲣⲱⲟⲩ ⲙⲡⲉⲧⲱϣ ⲉⲃⲟⲗ ϩⲓⲡϣⲁϥⲉ ϫⲉⲥⲉⲃⲧⲉⲫⲙⲱⲓⲧ ⲙⲡϭⲟⲓⲥ ⲥⲟⲩⲧⲉⲛⲛⲉϥⲙⲁ ⲛⲙⲟϣⲓ .
The voice of one crying in the wilderness, 'Make ready the way of the Lord! Make his paths straight!''
bohairic.Mark_08:3
ⲟⲩⲟϩ ⲉϣⲱⲡ ⲁⲓϣⲁⲛⲭⲁⲩ ⲉⲃⲟⲗ ⲉⲡⲟⲩⲏⲓ ⲛⲁⲧⲟⲩⲱⲙ ⲥⲉⲛⲁⲃⲱⲗ ⲉⲃⲟⲗ ϩⲓⲡⲓⲙⲱⲓⲧ ⲟⲩⲟϩ ϩⲁⲛⲕⲉⲟⲩⲟⲛ ⲛϧⲏⲧⲟⲩ ⲛⲁⲩϩⲓⲫⲟⲩⲉⲓ ⲡⲉ .
If I send them away fasting to their home, they will faint on the way, for some of them have come a long way.'
bohairic.Mark_06:3
ⲙⲏ ⲫⲁⲓ ⲁⲛ ⲡⲉ ⲡⲓⲁⲙϣⲉ ⲡϣⲏⲣⲓ ⲙⲙⲁⲣⲓⲁ ⲟⲩⲟϩ ⲡⲥⲟⲛ ⲛⲓⲁⲕⲱⲃⲟⲥ ⲛⲉⲙⲓⲱⲥⲏⲧⲟⲥ ⲛⲉⲙⲓⲟⲩⲇⲁⲥ ⲛⲉⲙⲥⲓⲙⲱⲛ ⲟⲩⲟϩ ⲛⲉϥⲥⲱⲛⲓ ⲛⲥϩⲓⲙⲓ ⲛⲁⲩϩⲁⲙⲛⲁⲓ ϩⲁⲣⲟⲛ ⲟⲩⲟϩ ⲛⲁⲩⲉⲣⲥⲕⲁⲛⲇⲁⲗⲓⲍⲉⲥⲑⲉ ⲛϧⲏⲧϥ .
Isn't this the carpenter, the son of Mary, and brother of James, Joses, Judah, and Simon? Aren't his sisters here with us?' They were offended at him.
bohairic.Mark_11:3
ⲟⲩⲟϩ ⲉϣⲱⲡ ⲛⲧⲉⲟⲩⲁⲓ ϫⲟⲥ ⲛⲱⲧⲉⲛ ϫⲉⲟⲩ ⲡⲉ ⲫⲁⲓ ⲉⲧⲉⲧⲉⲛⲓⲣⲓ ⲙⲙⲟϥ ⲁϫⲟⲥ ϫⲉⲡϭⲟⲓⲥ ⲡⲉⲧⲉⲣⲭⲣⲓⲁ ⲙⲙⲟϥ ⲟⲩⲟϩ ⲥⲁⲧⲟⲧϥ ϥⲛⲁⲟⲩⲟⲣⲡϥ ⲙⲛⲁⲓ
If anyone asks you, 'Why are you doing this?' say, 'The Lord needs him;' and immediately he will send him back here.'
bohairic.Mark_05:3
ⲫⲏ ⲉⲛⲁⲣⲉⲡⲉϥⲙⲁ ⲛϣⲱⲡⲓ ϣⲟⲡ ϧⲉⲛⲛⲓⲙϩⲁⲩ ⲟⲩⲟϩ ⲟⲩⲇⲉ ϧⲉⲛⲛⲓⲕⲉϩⲁⲗⲩⲥⲓⲥ ⲙⲙⲟⲛ ϣϫⲟⲙ ⲛϩⲗⲓ ⲡⲉ ⲉⲥⲟⲛϩϥ
He lived in the tombs. Nobody could bind him any more, not even with chains,
bohairic.Mark_04:3
ϫⲉ ⲥⲱⲧⲉⲙ ϩⲏⲡⲡⲉ ⲁϥⲓ ⲛϫⲉⲫⲏ ⲉⲧⲥⲓϯ .
Listen! Behold, the farmer went out to sow,
bohairic.Mark_02:3
ⲟⲩⲟϩ ⲁⲩⲓⲛⲓ ⲛⲁϥ ⲛⲟⲩⲁⲓ ⲉϥϣⲏⲗ ⲉⲃⲟⲗ ⲉⲩϥⲁⲓ ⲙⲙⲟϥ ⲛϫⲉⲇ ⲛⲣⲱⲙⲓ
Four people came, carrying a paralytic to him.
bohairic.Mark_15:3
ⲟⲩⲟϩ ⲛⲁⲩⲉⲣⲕⲁⲧⲏⲅⲟⲣⲓⲛ ⲛϩⲁⲛⲙⲏϣ ϧⲁⲣⲟϥ ⲛϫⲉⲛⲓⲁⲣⲭⲓⲉⲣⲉⲩⲥ .
The chief priests accused him of many things.
bohairic.Mark_09:3
ⲟⲩⲟϩ ⲛⲉϥϩⲃⲱⲥ ⲁⲩϣⲱⲡⲓ ⲉⲩⲫⲟⲣⲉⲓ ⲙⲫⲣⲏϯ ⲛⲟⲩⲭⲓⲱⲛ ⲟⲩⲟϩ ⲉⲩⲟⲩⲟⲃϣ ⲉⲙⲁϣⲱ ⲛⲏ ⲉⲧⲉ ⲙⲙⲟⲛ ϣϫⲟⲙ ⲛⲧⲉⲣⲁϧⲧ ⲉⲧϩⲓϫⲉⲛⲡⲓⲕⲁϩⲓ ⲉⲑⲣⲉⲟⲩⲟⲛ ⲟⲩⲃⲁϣ ⲙⲡⲁⲓⲣⲏϯ .
His clothing became glistening, exceedingly white, like snow, such as no launderer on earth can whiten them.
bohairic.Mark_06:4
ⲟⲩⲟϩ ⲛⲁϥϫⲱ ⲙⲙⲟⲥ ⲛⲱⲟⲩ ⲛϫⲉⲓⲏⲥⲟⲩⲥ ϫⲉⲙⲙⲟⲛ ⲟⲩⲡⲣⲟⲫⲏⲧⲏⲥ ⲉϥϣⲏϣ ⲉⲃⲏⲗ ϧⲉⲛⲧⲉϥⲃⲁⲕⲓ ⲛⲉⲙⲧⲉϥⲥⲩⲅⲅⲉⲛⲓⲁ ⲛⲉⲙⲡⲉϥⲏⲓ .
Jesus said to them, 'A prophet is not without honor, except in his own country, and among his own relatives, and in his own house.'
bohairic.Mark_14:4
ⲛⲁⲣⲉϩⲁⲛⲟⲩⲟⲛ ⲇⲉ ⲭⲣⲉⲙⲣⲉⲙ ⲛⲉⲙⲛⲟⲩⲉⲣⲏⲟⲩ ⲉⲩϫⲱ ⲙⲙⲟⲥ ϫⲉⲉⲑⲃⲉⲟⲩ ⲁⲡⲁⲓ ⲧⲁⲕⲟ ⲛⲧⲉⲡⲁⲓⲥⲟϫⲉⲛ ϣⲱⲡⲓ
But there were some who were indignant among themselves, saying, 'Why has this ointment been wasted?
bohairic.Mark_10:4
ⲛⲑⲱⲟⲩ ⲇⲉ ⲡⲉϫⲱⲟⲩ ⲛⲁϥ ϫⲉⲁϥⲟⲩⲁϩⲥⲁϩⲛⲓ ⲛϫⲉⲙⲱⲩⲥⲏⲥ ⲉⲥϧⲉⲟⲩϫⲱⲙ ⲛⲥϧⲓ ⲛⲟⲩⲉⲓ ⲟⲩⲟϩ ⲉⲭⲱ ⲉⲃⲟⲗ .
They said, 'Moses allowed a certificate of divorce to be written, and to divorce her.'
bohairic.Mark_16:4
ⲟⲩⲟϩ ⲉⲧⲁⲩϥⲁⲓ ⲛⲛⲟⲩⲃⲁⲗ ⲉⲡϣⲱⲓ ⲁⲩⲛⲁⲩ ⲉⲡⲓⲱⲛⲓ ϫⲉⲁⲩⲥⲕⲉⲣⲕⲱⲣϥ ⲛⲉⲟⲩⲛⲓϣϯ ⲅⲁⲣ ⲉⲙⲁϣⲱ ⲡⲉ .
for it was very big. Looking up, they saw that the stone was rolled back.
bohairic.Mark_12:4
ⲟⲩⲟϩ ⲁϥⲟⲩⲱⲣⲡ ⲟⲛ ϩⲁⲣⲱⲟⲩ ⲛⲕⲉⲃⲱⲕ ⲟⲩⲟϩ ⲡⲓⲕⲉⲟⲩⲁⲓ ⲁⲩⲫⲟⲗϩϥ ⲟⲩⲟϩ ⲁⲩϣⲟϣϥ .
Again, he sent another servant to them; and they threw stones at him, wounded him in the head, and sent him away shamefully treated.
bohairic.Mark_02:4
ⲟⲩⲟϩ ⲉⲧⲉⲙⲡⲟⲩϣϫⲉⲙϫⲟⲙ ⲛⲉⲛϥ ⲉϧⲟⲩⲛ ⲉⲑⲃⲉⲡⲓⲙⲏϣ ⲁⲩϣⲉ ⲛⲱⲟⲩ ⲉϫⲉⲛⲡϫⲉⲛⲉⲫⲱⲣ ⲁⲩϭⲱⲣⲡ ⲛϯⲟⲩⲁϩⲥⲟⲓ ⲉⲃⲟⲗ ⲛⲧⲉⲡⲓⲏⲓ ⲉⲛⲁⲩⲭⲏ ⲛϧⲏⲧϥ ⲟⲩⲟϩ ⲉⲧⲁⲩϣⲱⲕⲓ ⲁⲩⲭⲱ ⲙⲡⲓϭⲗⲟϫ ⲉⲡⲉⲥⲏⲧ ⲉⲧⲉⲫⲏ ⲉⲧϣⲏⲗ ⲉⲃⲟⲗ ⲛⲕⲟⲧ ϩⲓⲱⲧϥ .
When they could not come near to him for the crowd, they removed the roof where he was. When they had broken it up, they let down the mat that the paralytic was lying on.
bohairic.Mark_01:4
ⲁϥϣⲱⲡⲓ ⲇⲉ ⲛϫⲉⲓⲱⲁⲛⲛⲏⲥ ⲡⲓⲣⲉϥϯⲱⲙⲥ ϩⲓⲡϣⲁϥⲉ ⲟⲩⲟϩ ⲉϥϩⲓⲱⲓϣ ⲛⲟⲩⲱⲙⲥ ⲙⲙⲉⲧⲁⲛⲟⲓⲁ ϧⲉⲛⲟⲩⲭⲱ ⲉⲃⲟⲗ ⲛⲧⲉϩⲁⲛⲛⲟⲃⲓ .
John came baptizing in the wilderness and preaching the baptism of repentance for forgiveness of sins.
bohairic.Mark_11:4
ⲟⲩⲟϩ ⲁⲩϣⲉ ⲛⲱⲟⲩ ⲟⲩⲟϩ ⲁⲩϫⲓⲙⲓ ⲛⲟⲩⲥⲏϫ ⲉϥⲥⲟⲛϩ ϧⲁⲧⲉⲛⲟⲩⲣⲟ ⲥⲁⲃⲟⲗ ⲙⲡⲓϧⲓⲣ ⲟⲩⲟϩ ⲁⲩϯⲟⲩⲱ ⲙⲙⲟϥ
They went away, and found a young donkey tied at the door outside in the open street, and they untied him.
bohairic.Mark_05:4
ⲉⲑⲃⲉϫⲉ ⲛⲉⲁⲩⲥⲟⲛϩϥ ⲛⲟⲩⲙⲏϣ ⲛⲥⲟⲡ ⲛϩⲁⲛⲡⲉⲇⲏⲥ ⲛⲉⲙϩⲁⲛϩⲁⲗⲩⲥⲓⲥ ⲟⲩⲟϩ ⲛⲧⲉϥⲥⲱⲗⲡ ⲛⲛⲓϩⲁⲗⲩⲥⲓⲥ ⲉⲃⲟⲗ ϩⲓⲧⲟⲧϥ ⲟⲩⲟϩ ⲛⲥⲉϧⲟⲙϧⲉⲙ ⲛϫⲉⲛⲓⲡⲉⲇⲏⲥ ⲟⲩⲟϩ ⲛⲉⲙⲙⲟⲛ ϣϫⲟⲙ ⲛⲧⲉϩⲗⲓ ⲉⲣⲇⲁⲙⲁⲍⲓⲛ ⲙⲙⲟϥ
because he had been often bound with fetters and chains, and the chains had been torn apart by him, and the fetters broken in pieces. Nobody had the strength to tame him.
bohairic.Mark_09:4
ⲟⲩⲟϩ ⲁⲩⲟⲩⲟⲛϩⲟⲩ ⲉⲣⲱⲟⲩ ⲛϫⲉⲏⲗⲓⲁⲥ ⲛⲉⲙⲙⲱⲩⲥⲏⲥ ⲟⲩⲟϩ ⲛⲁⲩⲥⲁϫⲓ ⲛⲉⲙⲓⲏⲥⲟⲩⲥ .
Elijah and Moses appeared to them, and they were talking with Jesus.
bohairic.Mark_13:4
ϫⲉⲁϫⲟⲥ ⲛⲁⲛ ϫⲉⲁⲣⲉⲛⲁⲓ ⲛⲁϣⲱⲡⲓ ⲛⲧⲛⲁⲩ ⲟⲩⲟϩ ⲟⲩ ⲡⲉ ⲡⲓⲙⲏⲓⲛⲓ ⲁⲣⲉϣⲁⲛⲛⲁⲓ ⲧⲏⲣⲟⲩ ⲛⲟⲩⲓ ⲉϫⲱⲕ ⲉⲃⲟⲗ .
Tell us, when will these things be? What is the sign that these things are all about to be fulfilled?'
bohairic.Mark_03:4
ⲟⲩⲟϩ ⲡⲉϫⲁϥ ⲛⲱⲟⲩ ϫⲉ ⲥϣⲉ ⲉⲉⲣⲡⲉⲑⲛⲁⲛⲉϥ ϧⲉⲛⲛⲓⲥⲁⲃⲃⲁⲧⲟⲛ ϣⲁⲛ ⲉⲉⲣⲡⲉⲧϩⲱⲟⲩ ⲟⲩⲯⲩⲭⲏ ⲉⲛⲁϩⲙⲉⲥ ϣⲁⲛ ⲉϧⲟⲑⲃⲉⲥ ⲛⲑⲱⲟⲩ ⲇⲉ ⲁⲩⲭⲁⲣⲱⲟⲩ
He said to them, 'Is it lawful on the Sabbath day to do good, or to do harm? To save a life, or to kill?' But they were silent.
bohairic.Mark_15:4
ⲡⲓⲗⲁⲧⲟⲥ ⲇⲉ ⲟⲛ ⲛⲁϥϣⲉⲛϥ ⲉϥϫⲱ ⲙⲙⲟⲥ ⲇⲉ ⲛⲕⲉⲣⲟⲩⲱ ⲛϩⲗⲓ ⲁⲛ ⲁⲛⲁⲩ ϫⲉⲥⲉⲉⲣⲕⲁⲧⲏⲅⲟⲣⲓⲛ ⲉⲣⲟⲕ ⲛⲟⲩⲏⲣ .
Pilate again asked him, 'Have you no answer? See how many things they testify against you!'
bohairic.Mark_08:4
ⲟⲩⲟϩ ⲁⲩⲉⲣⲟⲩⲱ ⲛⲁϥ ⲛϫⲉⲛⲓⲙⲁⲑⲏⲧⲏⲥ ϫⲉⲛⲓⲙ ⲉⲃⲟⲗ ⲑⲱⲛ ϩⲁⲙⲛⲁⲓ ⲉⲧⲉⲟⲩⲟⲛ ϣϫⲟⲙ ⲙⲙⲟϥ ⲉⲑⲣⲉⲛⲁⲓ ⲥⲓ ⲛⲱⲓⲕ ϩⲓⲡϣⲁϥⲉ .
His disciples answered him, 'From where could one satisfy these people with bread here in a deserted place?'
bohairic.Mark_04:4
ⲟⲩⲟϩ ⲁⲥϣⲱⲡⲓ ϧⲉⲛⲡϫⲓⲛⲑⲣⲉϥⲥⲓϯ ⲟⲩⲟϩ ⲟⲩⲁⲓ ⲙⲉⲛ ⲁϥϩⲉⲓ ⲉⲥⲕⲉⲛⲡⲓⲙⲱⲓⲧ ⲟⲩⲟϩ ⲁⲩⲓ ⲛϫⲉⲛⲓϩⲁⲗⲁϯ ⲁⲩⲟⲩⲟⲙϥ
and it happened, as he sowed, some seed fell by the road, and the birds came and devoured it.
bohairic.Mark_07:4
ⲟⲩⲟϩ ⲉϣⲱⲡ ⲁⲩϣⲧⲉⲙⲟⲙⲥⲟⲩ ⲉⲃⲟⲗ ϧⲉⲛϯⲁⲅⲟⲣⲁ ⲙⲡⲁⲩⲟⲩⲱⲙ ⲟⲩⲟϩ ⲛⲉⲟⲩⲟⲛ ϩⲁⲛⲕⲉⲙⲏϣ ⲉⲁⲩϭⲓⲧⲟⲩ ⲉⲁⲩⲁⲙⲟⲛⲓ ⲙⲙⲱⲟⲩ ϩⲁⲛⲱⲙⲥ ⲛⲧⲉϩⲁⲛⲁⲫⲟⲧ ⲛⲉⲙϩⲁⲛⲝⲉⲥⲧⲏⲥ ⲛⲉⲙϩⲁⲛⲭⲁⲗⲕⲓⲛ
They don't eat when they come from the marketplace, unless they bathe themselves, and there are many other things, which they have received to hold to: washings of cups, pitchers, bronze vessels, and couches.)
bohairic.Mark_14:5
ⲛⲉⲟⲩⲟⲛ ϣϫⲟⲙ ⲅⲁⲣ ⲉϯ ⲙⲫⲁⲓ ⲉⲃⲟⲗ ⲥⲁⲡϣⲱⲓ ⲛⲧ ⲛⲥⲁⲑⲉⲣⲓ ⲟⲩⲟϩ ⲛⲧⲟⲩⲧⲏⲓⲧⲟⲩ ⲛⲛⲓϩⲏⲕⲓ ⲟⲩⲟϩ ⲛⲁⲩⲙⲃⲟⲛ ⲉⲣⲟⲥ ⲡⲉ .
For this might have been sold for more than three hundred denarii, and given to the poor.' They grumbled against her.
bohairic.Mark_16:5
ⲟⲩⲟϩ ⲉⲧⲁⲩϣⲉ ⲛⲱⲟⲩ ⲉϧⲟⲩⲛ ⲉⲡⲓⲙϩⲁⲩ ⲁⲩⲛⲁⲩ ⲉⲟⲩϧⲉⲗϣⲓⲣⲓ ⲉϥϩⲉⲙⲥⲓ ⲥⲁⲟⲩⲓⲛⲁⲙ ⲉϥϫⲏⲗ ⲛⲟⲩⲥⲧⲟⲗⲏ ⲉⲥⲟⲩⲟⲃϣ ⲟⲩⲟϩ ⲁⲩⲉⲣϩⲟϯ .
Entering into the tomb, they saw a young man sitting on the right side, dressed in a white robe, and they were amazed.
bohairic.Mark_08:5
ⲟⲩⲟϩ ⲛⲁϥϣⲓⲛⲓ ⲙⲙⲱⲟⲩ ϫⲉⲟⲩⲟⲛ ⲟⲩⲏⲣ ⲛⲱⲓⲕ ⲛⲧⲉⲛⲑⲏⲛⲟⲩ ⲛⲑⲱⲟⲩ ⲇⲉ ⲡⲉϫⲱⲟⲩ ϫⲉⲍ .
He asked them, 'How many loaves do you have?' They said, 'Seven.'
bohairic.Mark_10:5
ⲓⲏⲥⲟⲩⲥ ⲇⲉ ⲡⲉϫⲁϥ ⲛⲱⲟⲩ ϫⲉⲉⲑⲃⲉⲧⲉⲧⲉⲛⲙⲉⲧⲛⲁϣⲧϩⲏⲧ ⲁϥⲥϧⲉⲧⲁⲓⲉⲛⲧⲟⲗⲏ ⲛⲱⲧⲉⲛ .
But Jesus said to them, 'For your hardness of heart, he wrote you this commandment.
bohairic.Mark_01:5
ⲟⲩⲟϩ ⲛⲁⲩⲛⲏⲟⲩ ⲉⲃⲟⲗ ϩⲁⲣⲟϥ ⲛϫⲉⲛⲁϯⲓⲟⲩⲇⲉⲁ ⲧⲏⲣⲥ ⲛⲭⲱⲣⲁ ⲛⲉⲙⲛⲁⲓⲉⲣⲟⲥⲁⲗⲏⲙ ⲧⲏⲣⲟⲩ ⲟⲩⲟϩ ⲛⲁⲩϭⲓⲱⲙⲥ ⲛⲧⲟⲧϥ ϧⲉⲛⲡⲓⲓⲟⲣⲇⲁⲛⲏⲥ ⲛⲓⲁⲣⲟ ⲉⲩⲟⲩⲱⲛϩ ⲛⲛⲟⲩⲛⲟⲃⲓ ⲉⲃⲟⲗ .
All the country of Judea and all those of Jerusalem went out to him. They were baptized by him in the Jordan river, confessing their sins.
bohairic.Mark_02:5
ⲟⲩⲟϩ ⲉⲧⲁϥⲛⲁⲩ ⲛϫⲉⲓⲏⲥⲟⲩⲥ ⲉⲡⲟⲩⲛⲁϩϯ ⲡⲉϫⲁϥ ⲙⲫⲏ ⲉⲧϣⲏⲗ ⲉⲃⲟⲗ ϫⲉⲡⲁϣⲏⲣⲓ ⲛⲉⲕⲛⲟⲃⲓ ⲥⲉⲭⲏ ⲛⲁⲕ ⲉⲃⲟⲗ .
Jesus, seeing their faith, said to the paralytic, 'Son, your sins are forgiven you.'
bohairic.Mark_06:5
ⲟⲩⲟϩ ⲙⲡⲉϥϣϫⲉⲙϫⲟⲙ ⲙⲙⲁⲩ ⲉⲓⲣⲓ ⲟⲩⲇⲉ ⲟⲩⲓ ⲛϫⲟⲙ ⲉⲃⲏⲗ ⲉⲟⲩⲙⲏϣ ⲛⲣⲉϥϣⲱⲛⲓ ⲉⲁϥⲭⲁϫⲓϫ ⲉϫⲱⲟⲩ ⲁϥⲉⲣⲫⲁϧⲣⲓ ⲉⲣⲱⲟⲩ .
He could do no mighty work there, except that he laid his hands on a few sick people, and healed them.
bohairic.Mark_07:5
ⲟⲩⲟϩ ⲁⲩϣⲉⲛϥ ⲛϫⲉⲛⲓⲫⲁⲣⲓⲥⲁⲓⲟⲥ ⲛⲉⲙⲛⲓⲥⲁϧ ϫⲉⲉⲑⲃⲉⲟⲩ ⲥⲉⲙⲟϣⲓ ⲁⲛ ⲛϫⲉⲛⲉⲕⲙⲁⲑⲏⲧⲏⲥ ⲕⲁⲧⲁϯⲡⲁⲣⲁⲇⲟⲥⲓⲥ ⲛⲧⲉⲛⲓⲡⲣⲉⲥⲃⲩⲧⲉⲣⲟⲥ ⲁⲗⲗⲁ ϧⲉⲛϩⲁⲛϫⲓϫ ⲉⲩⲑⲟⲗⲉⲃ ⲥⲉⲟⲩⲱⲙ ⲙⲡⲓⲱⲓⲕ .
The Pharisees and the scribes asked him, 'Why don't your disciples walk according to the tradition of the elders, but eat their bread with unwashed hands?'
bohairic.Mark_09:5
ⲟⲩⲟϩ ⲧⲟⲧⲉ ⲉⲧⲁϥⲉⲣⲟⲩⲱ ⲛϫⲉⲡⲉⲧⲣⲟⲥ ⲡⲉϫⲁϥ ⲛⲓⲏⲥⲟⲩⲥ ϫⲉⲣⲁⲃⲃⲓ ⲛⲁⲛⲉⲥ ⲛⲁⲛ ⲛⲧⲉⲛϣⲱⲡⲓ ⲙⲡⲁⲓⲙⲁ ⲟⲩⲟϩ ⲛⲧⲉⲛⲑⲁⲙⲓⲟ ⲛⲅ ⲛⲥⲕⲩⲛⲏ ⲟⲩⲓ ⲛⲁⲕ ⲛⲉⲙⲟⲩⲓ ⲙⲙⲱⲩⲥⲏⲥ ⲟⲩⲟϩ ⲟⲩⲓ ⲛⲏⲗⲓⲁⲥ .
Peter answered Jesus, 'Rabbi, it is good for us to be here. Let's make three tents: one for you, one for Moses, and one for Elijah.'
bohairic.Mark_03:5
ⲟⲩⲟϩ ⲉⲧⲁϥϫⲟⲩϣⲧ ⲉⲣⲱⲟⲩ ϧⲉⲛⲟⲩⲙⲃⲟⲛ ⲉϥⲙⲟⲕϩ ⲛϩⲏⲧ ⲉϩⲣⲏⲓ ⲉϫⲉⲛⲡⲓⲑⲱⲙ ⲛⲧⲉⲡⲟⲩϩⲏⲧ ⲡⲉϫⲁϥ ⲙⲡⲓⲣⲱⲙⲓ ϫⲉ ⲥⲟⲩⲧⲉⲛⲧⲉⲕϫⲓϫ ⲉⲃⲟⲗ ⲟⲩⲟϩ ⲉⲧⲁϥⲥⲟⲩⲧⲱⲛⲥ ⲁⲥⲟⲩϫⲁⲓ ⲛϫⲉⲧⲉϥϫⲓϫ .
When he had looked around at them with anger, being grieved at the hardening of their hearts, he said to the man, 'Stretch out your hand.' He stretched it out, and his hand was restored as healthy as the other.
bohairic.Mark_12:5
ⲟⲩⲟϩ ⲁϥⲟⲩⲱⲣⲡ ⲛⲕⲉⲟⲩⲁⲓ ⲟⲩⲟϩ ⲡⲓⲭⲉⲧ ⲁⲩϧⲟⲑⲃϥ ⲟⲩⲟϩ ⲁϥⲟⲩⲱⲣⲡ ⲛϩⲁⲛⲕⲉⲙⲏϣ ϩⲁⲛⲟⲩⲟⲛ ⲁⲩϩⲓⲱⲛⲓ ⲉⲣⲱⲟⲩ ϩⲁⲛⲕⲉⲭⲱⲟⲩⲛⲓ ⲇⲉ ⲁⲩϧⲱⲧⲉⲃ ⲙⲙⲱⲟⲩ .
Again he sent another; and they killed him; and many others, beating some, and killing some.
bohairic.Mark_04:5
ⲟⲩⲟϩ ⲕⲉⲟⲩⲁⲓ ⲁϥϩⲉⲓ ⲉϫⲉⲛⲡⲓⲙⲁ ⲙⲡⲉⲧⲣⲁ ⲡⲓⲙⲁ ⲉⲧⲉⲙⲙⲟⲛⲙⲏϣ ⲛⲕⲁϩⲓ ⲙⲙⲁⲩ ⲟⲩⲟϩ ⲥⲁⲧⲟⲧϥ ⲁϥⲣⲱⲧ ⲉⲑⲃⲉϫⲉⲙⲙⲟⲛⲧⲉϥ ϣⲱⲕ ⲛⲕⲁϩⲓ
Others fell on the rocky ground, where it had little soil, and immediately it sprang up, because it had no depth of soil.
bohairic.Mark_15:5
ⲓⲏⲥⲟⲩⲥ ⲇⲉ ⲙⲡⲉϥϫⲉⲉⲣⲟⲩⲱ ⲛϩⲗⲓ ϩⲱⲥⲧⲉ ⲛⲧⲉϥⲉⲣϣⲫⲏⲣⲓ ⲛϫⲉⲡⲓⲗⲁⲧⲟⲥ .
But Jesus made no further answer, so that Pilate marveled.
bohairic.Mark_13:5
ⲓⲏⲥⲟⲩⲥ ⲇⲉ ⲁϥⲉⲣϩⲏⲧⲥ ⲛϫⲟⲥ ϫⲉⲁⲛⲁⲩ ⲙⲡⲉⲛⲑⲣⲉϩⲗⲓ ⲥⲉⲣⲉⲙⲑⲏⲛⲟⲩ
Jesus, answering, began to tell them, 'Be careful that no one leads you astray.
bohairic.Mark_05:5
ⲟⲩⲟϩ ⲛⲥⲏⲟⲩ ⲛⲓⲃⲉⲛ ⲙⲡⲓⲉϫⲱⲣϩ ⲛⲉⲙⲡⲓⲉϩⲟⲟⲩ ⲉϥⲭⲏ ϧⲉⲛⲛⲓⲙϩⲁⲩ ⲟⲩⲟϩ ⲛⲁϥⲭⲏ ϧⲉⲛⲛⲓⲧⲱⲟⲩ ⲡⲉ ⲉϥⲱϣ ⲉⲃⲟⲗ ⲟⲩⲟϩ ⲉϥϣⲱⲧ ⲙⲙⲟϥ ⲛϩⲁⲛⲱⲛⲓ .
Always, night and day, in the tombs and in the mountains, he was crying out, and cutting himself with stones.
bohairic.Mark_11:5
ⲟⲩⲟϩ ϩⲁⲛⲟⲩⲟⲛ ⲉⲃⲟⲗ ϧⲉⲛⲛⲏ ⲉⲧⲟϩⲓ ⲉⲣⲁⲧⲟⲩ ⲙⲙⲁⲩ ⲛⲁⲩϫⲱ ⲙⲙⲟⲥ ⲛⲱⲟⲩ ϫⲉⲟⲩ ⲡⲉⲧⲉⲧⲉⲛⲓⲣⲓ ⲙⲙⲟϥ ⲉⲣⲉⲧⲉⲛϯⲟⲩⲱ ⲙⲡⲓⲥⲏϫ .
Some of those who stood there asked them, 'What are you doing, untying the young donkey?'
bohairic.Mark_14:6
ⲓⲏⲥⲟⲩⲥ ⲇⲉ ⲡⲉϫⲁϥ ⲛⲱⲟⲩ ϫⲉⲭⲁⲥ ⲁϧⲱⲧⲉⲛ ⲧⲉⲧⲉⲛϯϧⲓⲥⲓ ⲛⲁⲥ ⲟⲩϩⲱⲃ ⲅⲁⲣ ⲉⲛⲁⲛⲉϥ ⲉⲧⲁⲥⲉⲣϩⲱⲃ ⲉⲣⲟϥ ⲛϧⲏⲧ .
But Jesus said, 'Leave her alone. Why do you trouble her? She has done a good work for me.
bohairic.Mark_16:6
ⲛⲑⲟϥ ⲇⲉ ⲡⲉϫⲁϥ ⲛⲱⲟⲩ ϫⲉⲙⲡⲣⲉⲣϩⲟϯ ⲓⲏⲥⲟⲩⲥ ⲡⲉⲧⲉⲧⲉⲛⲕⲱϯ ⲛⲥⲱϥ ⲡⲓⲣⲉⲙⲛⲁⲍⲁⲣⲉⲑ ⲫⲏ ⲉⲧⲁⲩⲁϣϥ ⲁϥⲧⲱⲛϥ ϥϩⲁⲙⲛⲁⲓ ⲁⲛ ⲓⲥ ⲡⲓⲙⲁ ⲉⲧⲁⲩⲭⲁϥ ⲙⲙⲟϥ
He said to them, 'Don't be amazed. You seek Jesus, the Nazarene, who has been crucified. He has risen. He is not here. Behold, the place where they laid him!
bohairic.Mark_03:6
ⲟⲩⲟϩ ⲉⲧⲁⲩⲓ ⲉⲃⲟⲗ ⲥⲁⲧⲟⲧⲟⲩ ⲛϫⲉⲛⲓⲁⲣⲭⲓⲉⲣⲉⲩⲥ ⲁⲩⲓⲣⲓ ⲛⲟⲩⲥⲟϭⲛⲓ ⲛⲉⲙⲛⲓⲏⲣⲱⲇⲓⲁⲛⲟⲥ ϧⲁⲣⲟϥ ϩⲓⲛⲁ ⲛⲧⲟⲩⲧⲁⲕⲟϥ
The Pharisees went out, and immediately conspired with the Herodians against him, how they might destroy him.
bohairic.Mark_08:6
ⲟⲩⲟϩ ⲁϥϩⲟⲛϩⲉⲛ ⲛⲧⲟⲧϥ ⲙⲡⲓⲙⲏϣ ϩⲓⲛⲁ ⲛⲥⲉⲣⲱⲧⲉⲃ ϩⲓϫⲉⲛⲡⲓⲕⲁϩⲓ ⲟⲩⲟϩ ⲉⲧⲁϥϭⲓ ⲙⲡⲓⲍ ⲛⲱⲓⲕ ⲁϥϣⲉⲡϩⲙⲟⲧ ⲁϥⲫⲁϣⲟⲩ ⲟⲩⲟϩ ⲁϥϯ ⲛⲛⲉϥⲙⲁⲑⲏⲧⲏⲥ ϩⲓⲛⲁ ⲛⲧⲟⲩⲭⲱ ϧⲁⲣⲱⲟⲩ ⲟⲩⲟϩ ⲁⲩⲭⲱ ⲛⲁϩⲣⲉⲛⲡⲓⲙⲏϣ .
He commanded the multitude to sit down on the ground, and he took the seven loaves. Having given thanks, he broke them, and gave them to his disciples to serve, and they served the multitude.
bohairic.Mark_12:6
ⲉⲧⲓ ⲟⲩϣⲏⲣⲓ ⲙⲙⲉⲛⲣⲓⲧ ⲉⲛⲁϥⲛⲧⲁϥ ⲁϥⲟⲩⲟⲣⲡϥ ⲉⲡϧⲁⲉ ϩⲁⲣⲱⲟⲩ ⲉϥϫⲱ ⲙⲙⲟⲥ ϫⲉⲥⲉⲛⲁϣⲫⲓⲧ ϧⲁⲧϩⲏ ⲙⲡⲁϣⲏⲣⲓ .
Therefore still having one, his beloved son, he sent him last to them, saying, 'They will respect my son.'
bohairic.Mark_11:6
ⲛⲑⲱⲟⲩ ⲇⲉ ⲁⲩϫⲟⲥ ⲛⲱⲟⲩ ⲕⲁⲧⲁⲫⲣⲏϯ ⲉⲧⲁϥϫⲟⲥ ⲛⲱⲟⲩ ⲛϫⲉⲓⲏⲥⲟⲩⲥ ⲟⲩⲟϩ ⲁⲩⲭⲁⲩ .
They said to them just as Jesus had said, and they let them go.
bohairic.Mark_10:6
ⲓⲥϫⲉⲛⲧⲁⲣⲭⲏ ⲇⲉ ⲙⲡⲓⲥⲱⲛⲧ ⲟⲩϩⲱⲟⲩⲧ ⲛⲉⲙⲥϩⲓⲙⲓ ⲡⲉⲧⲁϥⲥⲟⲛⲧⲟⲩ
But from the beginning of the creation, God made them male and female.
bohairic.Mark_01:6
ⲓⲱⲁⲛⲛⲏⲥ ⲇⲉ ⲛⲁⲣⲉϩⲁⲛϥⲱⲓ ⲛϭⲁⲙⲟⲩⲗ ⲧⲟⲓ ϩⲓⲱⲧϥ ⲟⲩⲟϩ ⲉϥⲙⲏⲣ ⲛⲟⲩⲙⲟϫϧ ⲛϣⲁⲣ ⲉϫⲉⲛⲧⲉϥϯⲡⲓ ⲟⲩⲟϩ ⲛⲁϥⲟⲩⲉⲙϣϫⲉ ⲛⲉⲙⲉⲃⲓⲱ ⲛⲧⲉⲧⲕⲟⲓ .
John was clothed with camel's hair and a leather belt around his waist. He ate locusts and wild honey.
bohairic.Mark_02:6
ⲛⲉⲟⲩⲟⲛ ϩⲁⲛⲟⲩⲟⲛ ⲇⲉ ⲛⲧⲉⲛⲓⲥⲁϧ ⲙⲙⲁⲩ ⲉⲩϩⲉⲙⲥⲓ ⲟⲩⲟϩ ⲛⲁⲩⲙⲟⲕⲙⲉⲕ ϧⲉⲛⲡⲟⲩϩⲏⲧ
But there were some of the scribes sitting there, and reasoning in their hearts,
bohairic.Mark_15:6
ⲕⲁⲧⲁⲡϣⲁⲓ ⲇⲉ ⲛⲁϥⲭⲱ ⲛⲟⲩⲁⲓ ⲉϥⲥⲟⲛϩ ⲛⲱⲟⲩ ⲉⲃⲟⲗ ⲫⲏ ⲉϣⲁⲩⲉⲣⲉⲧⲓⲛ ⲙⲙⲟϥ .
Now at the feast he used to release to them one prisoner, whom they asked of him.
bohairic.Mark_07:6
ⲛⲑⲟϥ ⲇⲉ ⲡⲉϫⲁϥ ⲛⲱⲟⲩ ϫⲉⲕⲁⲗⲱⲥ ⲁϥⲉⲣⲡⲣⲟⲫⲏⲧⲉⲩⲓⲛ ⲉⲑⲃⲉⲑⲏⲛⲟⲩ ⲛϫⲉⲏⲥⲁⲓⲁⲥ ϧⲁⲛⲓϣⲟⲃⲓ ⲙⲫⲣⲏϯ ⲉⲧⲥϧⲏⲟⲩⲧ ϫⲉⲡⲁⲓⲗⲁⲟⲥ ⲉⲣⲧⲓⲙⲁⲛ ⲙⲙⲟⲓ ϧⲉⲛⲛⲟⲩⲥⲫⲟⲧⲟⲩ ⲡⲟⲩϩⲏⲧ ⲇⲉ ϥⲟⲩⲏⲟⲩ ⲥⲁⲃⲟⲗ ⲙⲙⲟⲓ
He answered them, 'Well did Isaiah prophesy of you hypocrites, as it is written, 'This people honors me with their lips, but their heart is far from me.
bohairic.Mark_06:6
ⲟⲩⲟϩ ⲁϥⲉⲣϣⲫⲏⲣⲓ ⲉⲑⲃⲉⲧⲟⲩⲙⲉⲧⲁⲑⲛⲁϩϯ ⲟⲩⲟϩ ⲁϥⲙⲟⲩϣϯ ⲛⲛⲓϯⲙⲓ ⲉⲧⲉⲙⲡⲕⲱϯ ⲉϥϯⲥⲃⲱ
He marveled because of their unbelief. He went around the villages teaching.
bohairic.Mark_13:6
ⲟⲩⲟⲛ ⲟⲩⲙⲏϣ ⲅⲁⲣ ⲛⲁⲓ ϧⲉⲛⲡⲁⲣⲁⲛ ⲉⲩϫⲱ ⲙⲙⲟⲥ ϫⲉⲁⲛⲟⲕ ⲡⲉ ⲡⲭⲣⲓⲥⲧⲟⲥ ⲟⲩⲟϩ ⲥⲉⲛⲁⲥⲉⲣⲉⲙⲟⲩⲙⲏϣ
For many will come in my name, saying, 'I am he!' and will lead many astray.
bohairic.Mark_05:6
ⲟⲩⲟϩ ⲉⲧⲁϥⲛⲁⲩ ⲉⲓⲏⲥⲟⲩⲥ ⲓⲥϫⲉⲛϩⲓⲫⲟⲩⲉⲓ ⲁϥϭⲟϫⲓ ⲟⲩⲟϩ ⲁϥⲟⲩⲱϣⲧ ⲙⲙⲟϥ
When he saw Jesus from afar, he ran and bowed down to him,
bohairic.Mark_04:6
ⲟⲩⲟϩ ϩⲟⲧⲉ ⲉⲧⲁϥϣⲁⲓ ⲛϫⲉⲫⲣⲏ ⲁϥⲉⲣⲕⲁⲩⲙⲁ ⲟⲩⲟϩ ⲉⲑⲃⲉϫⲉⲙⲙⲟⲛⲧⲉϥ ⲛⲟⲩⲛⲓ ⲁϥϣⲱⲟⲩⲓ
When the sun had risen, it was scorched; and because it had no root, it withered away.
bohairic.Mark_09:6
ⲛⲁϥⲉⲙⲓ ⲅⲁⲣ ⲁⲛ ⲡⲉ ϫⲉⲟⲩ ⲡⲉⲧⲉϥⲛⲁⲉⲣⲟⲩⲱ ⲙⲙⲟϥ ⲁⲩϣⲱⲡⲓ ⲅⲁⲣ ⲉⲩⲙⲉϩ ⲛϩⲟϯ .
For he didn't know what to say, for they were very afraid.
bohairic.Mark_06:7
ⲟⲩⲟϩ ⲁϥⲙⲟⲩϯ ⲉⲡⲓⲓⲃ ⲟⲩⲟϩ ⲁϥⲉⲣϩⲏⲧⲥ ⲛⲟⲩⲟⲣⲡⲟⲩ ⲛⲃ ⲃ ⲟⲩⲟϩ ⲁϥϯⲉⲣϣⲓϣⲓ ⲛⲱⲟⲩ ⲉϫⲉⲛⲛⲓⲡⲛⲉⲩⲙⲁ ⲛⲁⲕⲁⲑⲁⲣⲧⲟⲛ
He called to himself the twelve, and began to send them out two by two; and he gave them authority over the unclean spirits.
bohairic.Mark_10:7
ⲉⲑⲃⲉⲫⲁⲓ ⲉⲣⲉⲡⲓⲣⲱⲙⲓ ⲭⲁⲡⲉϥⲓⲱⲧ ⲛⲉⲙⲧⲉϥⲙⲁⲩ ⲛⲥⲱϥ ⲟⲩⲟϩ ⲉϥⲉⲧⲟⲙϥ ⲉⲧⲉϥⲥϩⲓⲙⲓ
For this cause a man will leave his father and mother, and will join to his wife,
bohairic.Mark_08:7
ⲟⲩⲟϩ ⲛⲉⲟⲩⲟⲛ ϩⲁⲛⲕⲉⲕⲟⲩϫⲓ ⲛⲧⲉⲃⲧ ⲛⲧⲟⲧⲟⲩ ⲟⲩⲟϩ ⲁϥⲥⲙⲟⲩ ⲉⲣⲱⲟⲩ ⲁϥϫⲟⲥ ⲉⲑⲣⲟⲩⲭⲱ ⲛⲛⲁⲓⲕⲉⲭⲱⲟⲩⲛⲓ ⲛⲁϩⲣⲁⲩ .
They had a few small fish. Having blessed them, he said to serve these also.
bohairic.Mark_14:7
ⲛⲥⲏⲟⲩ ⲛⲓⲃⲉⲛ ⲛⲓϩⲏⲕⲓ ⲥⲉⲛⲉⲙⲱⲧⲉⲛ ⲟⲩⲟϩ ⲉϣⲱⲡ ⲛⲧⲉⲧⲉⲛⲟⲩⲱϣ ⲟⲩⲟⲛ ϣϫⲟⲙ ⲙⲙⲱⲧⲉⲛ ⲉⲉⲣⲡⲉⲑⲛⲁⲛⲉϥ ⲛⲱⲟⲩ ⲛⲥⲏⲟⲩ ⲛⲓⲃⲉⲛ ⲁⲛⲟⲕ ⲇⲉ ϯⲛⲉⲙⲱⲧⲉⲛ ⲛⲥⲏⲟⲩ ⲛⲓⲃⲉⲛ ⲁⲛ .
For you always have the poor with you, and whenever you want to, you can do them good; but you will not always have me.

Coptic SCRIPTORIUM, corpus bohairic.mark (github.com/CopticScriptorium/corpora). Licence as stated per document in the project's own meta.json and checked there at parse time. English, where present, is Coptic SCRIPTORIUM's aligned translation. Licence: public domain text, CC-BY annotation. Source.