Bohairic 1corinthians

Coptic literature (Coptic SCRIPTORIUM) · 437 sections

bohairic.1Cor_10:7
ⲟⲩⲇⲉ ⲙⲡⲣϣⲱⲡⲓ ⲛϣⲁⲙϣⲉ ⲓⲇⲱⲗⲟⲛ ⲙⲫⲣⲏϯ ⲛϩⲁⲛⲟⲩⲟⲛ ⲛϧⲏⲧⲟⲩ ⲙⲫⲣⲏϯ ⲉⲧⲥϧⲏⲟⲩⲧ ϫⲉⲁϥϩⲉⲙⲥⲓ ⲛϫⲉⲡⲓⲗⲁⲟⲥ ⲉⲟⲩⲱⲙ ⲛⲉⲙⲉⲥⲱ ⲟⲩⲟϩ ⲁⲩⲧⲱⲟⲩⲛⲟⲩ ⲉⲥⲱⲃⲓ .
Neither be idolaters, as some of them were. As it is written, 'The people sat down to eat and drink, and rose up to play.'
bohairic.1Cor_09:7
ⲛⲓⲙ ⲉϣⲁϥⲉⲣⲙⲁⲧⲟⲓ ⲉⲃⲟⲗ ϧⲉⲛⲛⲉⲧⲉⲛⲟⲩϥ ⲛⲟⲯⲱⲛⲓⲟⲛ ⲉⲛⲉϩ ⲛⲓⲙ ⲉϣⲁϥϭⲟ ⲛⲟⲩⲓⲁϩⲁⲗⲟⲗⲓ ⲟⲩⲟϩ ⲙⲡⲁϥⲟⲩⲱⲙ ⲉⲃⲟⲗ ϧⲉⲛⲡⲉϥⲟⲩⲧⲁϩ ⲓⲉ ⲛⲓⲙ ⲉϣⲁϥⲙⲟⲛⲓ ⲛⲟⲩⲟϩⲓ ⲛⲉⲥⲱⲟⲩ ⲛⲧⲉϥϣⲧⲉⲙⲟⲩⲱⲙ ⲉⲃⲟⲗ ϧⲉⲛⲡⲉⲣⲱϯ ⲛⲧⲉⲡⲓⲟϩⲓ .
What soldier ever serves at his own expense? Who plants a vineyard, and doesn't eat of its fruit? Or who feeds a flock, and doesn't drink from the flock's milk?
bohairic.1Cor_04:7
ⲛⲓⲙ ⲅⲁⲣ ⲡⲉⲧⲉⲣⲇⲓⲁⲕⲣⲓⲛⲓⲛ ⲙⲙⲟⲕ ⲟⲩ ⲇⲉ ⲡⲉⲧⲉⲛⲧⲟⲧⲕ ⲉⲧⲉⲙⲡⲉⲕϭⲓⲧϥ ⲓⲥϫⲉ ⲇⲉ ⲁⲕⲉⲣⲡⲕⲉϭⲓ ⲉⲑⲃⲉⲟⲩ ⲉⲕϣⲟⲩϣⲟⲩ ⲙⲙⲟⲕ ϩⲱⲥ ⲟⲩⲁⲓ ⲙⲡⲉⲕϭⲓ .
For who makes you different? And what do you have that you didn't receive? But if you did receive it, why do you boast as if you had not received it?
bohairic.1Cor_02:7
ⲁⲗⲗⲁ ⲟⲩⲥⲟⲫⲓⲁ ⲛⲧⲉⲫⲛⲟⲩϯ ⲉⲧⲉⲛⲥⲁϫⲓ ⲙⲙⲟⲥ ϧⲉⲛⲟⲩⲙⲩⲥⲧⲏⲣⲓⲟⲛ ⲑⲏ ⲉⲧϩⲏⲡ ⲑⲏ ⲉⲧⲁϥⲉⲣϣⲟⲣⲡ ⲛⲑⲁϣⲥ ⲛϫⲉⲫⲛⲟⲩϯ ϧⲁϫⲱⲟⲩ ⲛⲛⲓⲉⲛⲉϩ ⲉⲩⲱⲟⲩ ⲛⲁⲛ .
But we speak God's wisdom in a mystery, the wisdom that has been hidden, which God foreordained before the worlds for our glory,
bohairic.1Cor_11:7
ⲡⲓⲣⲱⲙⲓ ⲙⲉⲛ ⲅⲁⲣ ⲥⲉⲙⲡϣⲁ ⲛⲁϥ ⲁⲛ ⲛⲧⲉϥϩⲉⲃⲥϫⲱϥ ϫⲉⲟⲩϩⲓⲕⲱⲛ ⲛⲉⲙⲟⲩⲱⲟⲩ ⲛⲧⲉⲫⲛⲟⲩϯ ⲡⲉ ϯⲥϩⲓⲙⲓ ⲇⲉ ⲛⲑⲟⲥ ⲟⲩⲱⲟⲩ ⲛⲧⲉⲡⲉⲥϩⲁⲓ ⲡⲉ .
For a man indeed ought not to have his head covered, because he is the image and glory of God, but the woman is the glory of the man.
bohairic.1Cor_15:7
ⲓⲧⲁ ⲁϥⲟⲩⲟⲛϩϥ ⲉⲓⲁⲕⲱⲃⲟⲥ ⲓⲧⲁ ⲁϥⲟⲩⲟⲛϩϥ ⲉⲛⲓⲁⲡⲟⲥⲧⲟⲗⲟⲥ ⲧⲏⲣⲟⲩ .
Then he appeared to James, then to all the apostles,
bohairic.1Cor_14:7
ⲟⲙⲱⲥ ⲛⲓⲁⲧⲯⲩⲭⲏ ⲉⲩϯ ⲛⲧⲟⲩⲥⲙⲏ ⲓⲧⲉ ⲟⲩⲥⲏⲃⲓ ⲛϫⲱ ⲓⲧⲉ ⲟⲩⲕⲩⲑⲁⲣⲁ ⲁⲩϣⲧⲉⲙϣⲓⲃϯ ⲛⲧⲟⲩⲥⲙⲏ ⲡⲱⲥ ⲥⲉⲛⲁⲉⲙⲓ ⲉⲡⲉⲧⲟⲩϫⲱ ⲙⲙⲟϥ ⲓⲉ ⲫⲏ ⲉⲧⲟⲩⲉⲣⲕⲩⲑⲁⲣⲓⲍⲓⲛ ⲙⲙⲟϥ .
Even things without life, giving a voice, whether pipe or harp, if they didn't give a distinction in the sounds, how would it be known what is piped or harped?
bohairic.1Cor_08:7
ⲁⲗⲗⲁ ⲡⲉⲙⲓ ϧⲉⲛⲟⲩⲟⲛ ⲛⲓⲃⲉⲛ ⲁⲛ ϩⲁⲛⲟⲩⲟⲛ ⲅⲁⲣ ϣⲁⲉϧⲟⲩⲛ ⲉϯⲛⲟⲩ ϧⲉⲛϯⲕⲁϩⲥ ⲛⲧⲉⲛⲓⲓⲇⲱⲗⲟⲛ ⲥⲉⲟⲩⲱⲙ ⲙⲫⲣⲏϯ ⲛϩⲁⲛϣⲱⲧ ⲛⲓⲇⲱⲗⲟⲛ ⲟⲩⲟϩ ⲧⲟⲩⲥⲩⲛⲏⲇⲉⲥⲓⲥ ⲉⲥϣⲱⲛⲓ ⲉⲣⲱⲟⲩ ϣⲁⲥϭⲱϧⲉⲙ .
However, that knowledge isn't in all men. But some, with consciousness of the idol until now, eat as of a thing sacrificed to an idol, and their conscience, being weak, is defiled.
bohairic.1Cor_16:7
ϯⲟⲩⲱϣ ⲅⲁⲣ ⲉⲛⲁⲩ ⲉⲣⲱⲧⲉⲛ ϯⲛⲟⲩ ⲉⲓⲭⲏ ϩⲓⲫⲙⲱⲓⲧ ϯⲉⲣϩⲉⲗⲡⲓⲥ ⲅⲁⲣ ⲉⲉⲣⲭⲣⲟⲛⲟⲥ ϧⲁⲧⲉⲛ ⲑⲏⲛⲟⲩ ⲉϣⲱⲡ ⲁⲣⲉϣⲁⲛⲡϭⲟⲓⲥ ⲟⲩⲁϩⲥⲁϩⲛⲓ .
For I do not wish to see you now in passing, but I hope to stay a while with you, if the Lord permits.
bohairic.1Cor_07:7
ϯⲟⲩⲱϣ ⲇⲉ ⲛⲧⲉⲣⲱⲙⲓ ⲛⲓⲃⲉⲛ ϣⲱⲡⲓ ⲙⲡⲁⲣⲏϯ ⲁⲗⲗⲁ ⲡⲓⲟⲩⲁⲓ ⲡⲓⲟⲩⲁⲓ ⲟⲩⲟⲛⲧⲉϥ ⲟⲩϩⲙⲟⲧ ⲙⲙⲁⲩ ⲉⲃⲟⲗ ϩⲓⲧⲉⲛⲫⲛⲟⲩϯ ⲡⲓⲟⲩⲁⲓ ⲙⲉⲛ ⲙⲡⲁⲓⲣⲏϯ ⲕⲉⲟⲩⲁⲓ ⲇⲉ ⲙⲡⲁⲓⲕⲉⲣⲏϯ .
Yet I wish that all men were like me. However each man has his own gift from God, one of this kind, and another of that kind.
bohairic.1Cor_01:7
ϩⲱⲥⲧⲉ ⲛⲧⲉⲧⲉⲛϣⲱⲡⲓ ⲛⲧⲉⲧⲉⲛϣⲁⲧ ⲁⲛ ϧⲉⲛϩⲗⲓ ⲛϩⲙⲟⲧ ⲉⲣⲉⲧⲉⲛϫⲟⲩϣⲧ ⲉⲃⲟⲗ ϧⲁⲧϩⲏ ⲙⲡⲓϭⲱⲣⲡ ⲉⲃⲟⲗ ⲛⲧⲉⲡⲉⲛϭⲟⲓⲥ ⲓⲏⲥⲟⲩⲥ ⲡⲭⲣⲓⲥⲧⲟⲥ
so that you come behind in no gift; waiting for the revelation of our Lord Jesus Christ;
bohairic.1Cor_13:7
ϣⲁⲥⲱⲟⲩ ⲛϩⲏⲧ ϧⲉⲛϩⲱⲃ ⲛⲓⲃⲉⲛ ϣⲁⲥⲛⲁϩϯ ϧⲉⲛϩⲱⲃ ⲛⲓⲃⲉⲛ ϣⲁⲥⲉⲣϩⲉⲗⲡⲓⲥ ϧⲉⲛϩⲱⲃ ⲛⲓⲃⲉⲛ ϣⲁⲥⲁⲙⲟⲛⲓ ⲛⲧⲟⲧⲥ ϧⲉⲛϩⲱⲃ ⲛⲓⲃⲉⲛ .
bears all things, believes all things, hopes all things, endures all things.
bohairic.1Cor_03:8
ⲫⲏ ⲇⲉ ⲉⲧⲧⲱϫⲓ ⲛⲉⲙⲫⲏ ⲉⲧⲥⲟ ⲟⲩⲁⲓ ⲡⲉ ⲡⲓⲟⲩⲁⲓ ⲇⲉ ⲡⲓⲟⲩⲁⲓ ϥⲛⲁϭⲓ ⲙⲡⲉϥⲃⲉⲭⲉ ⲕⲁⲧⲁⲡⲉϥϧⲓⲥⲓ ⲙⲙⲓⲛⲙⲙⲟϥ .
Now he who plants and he who waters are the same, but each will receive his own reward according to his own labor.
bohairic.1Cor_06:8
ⲁⲗⲗⲁ ⲛⲑⲱⲧⲉⲛ ⲉⲧϭⲓ ⲛϫⲟⲛⲥ ⲟⲩⲟϩ ⲉⲧϥⲱϫⲓ ⲟⲩⲟϩ ⲫⲁⲓ ⲛⲛⲉⲧⲉⲛⲥⲛⲏⲟⲩ .
No, but you yourselves do wrong, and defraud, and that against your brothers.
bohairic.1Cor_11:8
ⲛⲉⲧⲁⲩⲉⲛⲡⲓⲣⲱⲙⲓ ⲅⲁⲣ ⲁⲛ ⲉⲃⲟⲗ ϧⲉⲛϯⲥϩⲓⲙⲓ ⲁⲗⲗⲁ ϯⲥϩⲓⲙⲓ ⲉⲃⲟⲗ ϧⲉⲛⲡⲓⲣⲱⲙⲓ .
For man is not from woman, but woman from man;
bohairic.1Cor_05:8
ϩⲱⲥⲧⲉ ⲙⲁⲣⲉⲛⲉⲣϣⲁⲓ ϧⲉⲛⲟⲩϣⲉⲙⲏⲣ ⲛⲁⲡⲁⲥ ⲁⲛ ⲟⲩⲇⲉ ϧⲉⲛⲟⲩϣⲉⲙⲏⲣ ⲛⲕⲁⲕⲓⲁ ⲁⲛ ⲛⲉⲙⲡⲟⲛⲏⲣⲓⲁ ⲁⲗⲗⲁ ϧⲉⲛϩⲁⲛⲙⲉⲧⲁⲧϣⲉⲙⲏⲣ ⲛⲧⲉⲟⲩⲧⲟⲩⲃⲟ ⲛⲉⲙⲟⲩⲙⲉⲑⲙⲏⲓ .
Therefore let us keep the feast, not with old yeast, neither with the yeast of malice and wickedness, but with the unleavened bread of sincerity and truth.
bohairic.1Cor_14:8
ⲕⲉ ⲅⲁⲣ ⲉϣⲱⲡ ⲁⲣⲉϣⲁⲛⲟⲩⲥⲁⲗⲡⲓⲅⲝ ϯ ⲛⲟⲩⲥⲙⲏ ⲉⲥⲟⲩⲟⲛϩ ⲉⲃⲟⲗ ⲁⲛ ⲛⲓⲙ ⲉⲧⲛⲁϣⲥⲉⲃⲧⲱⲧϥ ⲉⲡⲡⲟⲗⲉⲙⲟⲥ .
For if the trumpet gave an uncertain sound, who would prepare himself for war?
bohairic.1Cor_12:8
ⲟⲩⲁⲓ ⲙⲉⲛ ⲅⲁⲣ ⲉⲃⲟⲗ ϩⲓⲧⲉⲛⲡⲓⲡⲛⲉⲩⲙⲁ ϣⲁⲩϯ ⲛⲁϥ ⲛⲟⲩⲥⲁϫⲓ ⲛⲥⲟⲫⲓⲁ ⲕⲉⲟⲩⲁⲓ ⲇⲉ ⲛⲟⲩⲥⲁϫⲓ ⲛⲉⲙⲓ ⲕⲁⲧⲁⲡⲁⲓⲡⲛⲉⲩⲙⲁ ⲫⲁⲓ .
For to one is given through the Spirit the word of wisdom, and to another the word of knowledge, according to the same Spirit;
bohairic.1Cor_16:8
ϯⲛⲁϣⲱⲡⲓ ϧⲉⲛⲉⲫⲉⲥⲟⲥ ϣⲁϯⲡⲉⲛⲧⲏⲕⲟⲥⲧⲏ .
But I will stay at Ephesus until Pentecost,
bohairic.1Cor_01:8
ⲫⲁⲓ ⲉⲧⲉⲉϥⲉⲧⲁϫⲣⲉⲑⲏⲛⲟⲩ ϣⲁⲉⲃⲟⲗ ⲛⲁⲧⲁⲣⲓⲕⲓ ϧⲉⲛⲡⲉϩⲟⲟⲩ ⲙⲡⲉⲛϭⲟⲓⲥ ⲓⲏⲥⲟⲩⲥ ⲡⲭⲣⲓⲥⲧⲟⲥ .
who will also confirm you until the end, blameless in the day of our Lord Jesus Christ.
bohairic.1Cor_02:8
ⲑⲏ ⲉⲧⲉⲙⲡⲉϩⲗⲓ ⲛⲛⲓⲁⲣⲭⲱⲛ ⲛⲧⲉⲡⲁⲓⲉⲛⲉϩ ⲥⲟⲩⲱⲛⲥ ⲉⲛⲉⲁⲩⲥⲟⲩⲱⲛⲥ ⲅⲁⲣ ⲛⲁⲩⲛⲁⲉϣ ⲡϭⲟⲓⲥ ⲛⲧⲉⲡⲱⲟⲩ ⲁⲛ ⲡⲉ .
which none of the rulers of this world has known. For had they known it, they wouldn't have crucified the Lord of glory.
bohairic.1Cor_04:8
ϩⲏⲇⲏ ⲁⲧⲉⲧⲉⲛⲥⲓ ϩⲏⲇⲏ ⲁⲧⲉⲧⲉⲛⲉⲣⲣⲁⲙⲁⲟ ⲁⲧϭⲛⲟⲩⲛ ⲁⲣⲉⲧⲉⲛⲉⲣⲟⲩⲣⲟ ⲟⲩⲟϩ ⲁⲙⲟⲓ ⲛⲉⲁⲣⲉⲧⲉⲛⲉⲣⲟⲩⲣⲟ ϩⲓⲛⲁ ⲁⲛⲟⲛ ϩⲱⲛ ⲛⲧⲉⲛⲉⲣϣⲫⲏⲣ ⲛⲟⲩⲣⲟ ⲛⲉⲙⲱⲧⲉⲛ .
You are already filled. You have already become rich. You have come to reign without us. Yes, and I wish that you did reign, that we also might reign with you.
bohairic.1Cor_13:8
ϯⲁⲅⲁⲡⲏ ⲙⲡⲁⲥϩⲉⲓ ⲉⲛⲉϩ ⲓⲧⲉ ⲛⲓⲡⲣⲟⲫⲏⲧⲓⲁ ⲥⲉⲛⲁⲕⲱⲣϥ ⲓⲧⲉ ⲛⲓⲗⲁⲥ ⲥⲉⲛⲁⲗⲟϫⲟⲩ ⲓⲧⲉ ⲟⲩⲉⲙⲓ ⲡⲉ ϥⲛⲁⲕⲱⲣϥ .
Love never fails. But where there are prophecies, they will be done away with. Where there are various languages, they will cease. Where there is knowledge, it will be done away with.
bohairic.1Cor_10:8
ⲟⲩⲇⲉ ⲙⲡⲉⲛⲑⲣⲉⲛⲉⲣⲡⲟⲣⲛⲉⲩⲓⲛ ⲙⲫⲣⲏϯ ⲛϩⲁⲛⲟⲩⲟⲛ ⲛϧⲏⲧⲟⲩ ⲉⲁⲩⲉⲣⲡⲟⲣⲛⲉⲩⲓⲛ ⲟⲩⲟϩ ⲁⲩϩⲉⲓ ϧⲉⲛⲟⲩⲉϩⲟⲟⲩ ⲛⲟⲩⲱⲧ ⲛϫⲉⲕⲅ ⲛϣⲟ .
Neither let us commit sexual immorality, as some of them committed, and in one day twenty-three thousand fell.
bohairic.1Cor_15:8
ⲉⲡϧⲁⲉ ⲇⲉ ⲙⲙⲱⲟⲩ ⲧⲏⲣⲟⲩ ⲙⲫⲣⲏϯ ⲙⲡⲓⲟⲩϧⲉ ⲁϥⲟⲩⲟⲛϩϥ ⲉⲣⲟⲓ ϩⲱ .
and last of all, as to the child born at the wrong time, he appeared to me also.
bohairic.1Cor_08:8
ⲟⲩϧⲣⲉ ⲇⲉ ⲁⲛ ⲉⲧⲛⲁⲧⲁϩⲟⲛ ⲉⲣⲁⲧⲉⲛ ⲙⲫⲛⲟⲩϯ ⲟⲩⲇⲉ ⲁⲛϣⲧⲉⲙⲟⲩⲱⲙ ⲧⲉⲛⲛⲁϭⲣⲟϩ ⲁⲛ ⲟⲩⲇⲉ ⲁⲛϣⲁⲛⲟⲩⲱⲙ ⲧⲉⲛⲛⲁⲉⲣϩⲟⲩⲟ ⲁⲛ .
But food will not commend us to God. For neither, if we don't eat, are we the worse; nor, if we eat, are we the better.
bohairic.1Cor_09:8
ⲙⲏ ⲁⲓⲥⲁϫⲓ ⲛⲛⲁⲓ ⲕⲁⲧⲁⲣⲱⲙⲓ ϣⲁⲛ ⲡⲓⲕⲉⲛⲟⲙⲟⲥ ⲛⲑⲟϥ ϥϫⲱ ⲛⲛⲁⲓ ⲁⲛ .
Do I speak these things according to the ways of men? Or doesn't the law also say the same thing?
bohairic.1Cor_07:8
ϯϫⲱ ⲇⲉ ⲙⲙⲟⲥ ⲛⲛⲏ ⲉⲧⲉⲙⲡⲟⲩϭⲓ ⲛⲉⲙⲛⲓⲭⲏⲣⲁ ϫⲉⲛⲁⲛⲉⲥ ⲛⲱⲟⲩ ⲁⲩϣⲁⲛϣⲱⲡⲓ ⲙⲡⲁⲓⲣⲏϯ .
But I say to the unmarried and to widows, it is good for them if they remain even as I am.
bohairic.1Cor_14:9
ⲡⲁⲓⲣⲏϯ ϩⲱⲧⲉⲛ ⲉⲃⲟⲗ ϩⲓⲧⲉⲛⲫⲗⲁⲥ ⲉϣⲱⲡ ⲁⲣⲉϣⲧⲉⲙϫⲉⲟⲩⲥⲁϫⲓ ⲉϥⲟⲩⲟⲛϩ ⲉⲃⲟⲗ ⲡⲱⲥ ⲥⲉⲛⲁⲉⲙⲓ ⲉⲡⲉⲧⲉⲛϫⲱ ⲙⲙⲟϥ ⲧⲉⲧⲉⲛⲛⲁϣⲱⲡⲓ ⲅⲁⲣ ⲉⲣⲉⲧⲉⲛⲥⲁϫⲓ ⲉⲡⲁⲏⲣ .
So also you, unless you uttered by the tongue words easy to understand, how would it be known what is spoken? For you would be speaking into the air.
bohairic.1Cor_03:9
ⲁⲛⲟⲛ ϩⲁⲛϣⲫⲏⲣ ⲅⲁⲣ ⲛⲣⲉϥⲉⲣϩⲱⲃ ⲛⲧⲉⲫⲛⲟⲩϯ ⲟⲩⲓⲉⲫⲟⲩⲱⲓ ⲛⲧⲉⲫⲛⲟⲩϯ ⲛⲑⲱⲧⲉⲛ ⲟⲩⲕⲱⲧ ⲛⲧⲉⲫⲛⲟⲩϯ .
For we are God's fellow workers. You are God's farming, God's building.
bohairic.1Cor_06:9
ϣⲁⲛ ⲧⲉⲧⲉⲛⲉⲙⲓ ⲁⲛ ϫⲉⲛⲓⲣⲉϥϭⲓ ⲛϫⲟⲛⲥ ϯⲙⲉⲧⲟⲩⲣⲟ ⲛⲧⲉⲫⲛⲟⲩϯ ⲥⲉⲛⲁⲉⲣⲕⲗⲏⲣⲟⲛⲟⲙⲓⲛ ⲙⲙⲟⲥ ⲁⲛ ⲙⲡⲉⲣⲥⲱⲣⲉⲙ ϫⲉⲟⲩⲇⲉ ⲡⲟⲣⲛⲟⲥ ⲟⲩⲇⲉ ⲣⲉϥϣⲁⲙϣⲉⲓⲇⲱⲗⲟⲛ ⲟⲩⲇⲉ ⲛⲱⲓⲕ ⲟⲩⲇⲉ ⲙⲁⲗⲁⲕⲟⲥ ⲟⲩⲇⲉ ⲣⲉϥⲉⲛⲕⲟⲧ ⲛⲉⲙϩⲱⲟⲩⲧ .
Or don't you know that the unrighteous will not inherit the Kingdom of God? Don't be deceived. Neither the sexually immoral, nor idolaters, nor adulterers, nor male prostitutes, nor homosexuals,
bohairic.1Cor_01:9
ϥⲉⲛϩⲟⲧ ⲛϫⲉⲫⲛⲟⲩϯ ⲫⲏ ⲉⲧⲁϥⲑⲁϩⲉⲙⲑⲏⲛⲟⲩ ⲉϧⲟⲩⲛ ⲉϯⲙⲉⲧϣⲫⲏⲣ ⲛⲧⲉⲡⲉϥϣⲏⲣⲓ ⲓⲏⲥⲟⲩⲥ ⲡⲭⲣⲓⲥⲧⲟⲥ ⲡⲉⲛϭⲟⲓⲥ .
God is faithful, through whom you were called into the fellowship of his Son, Jesus Christ, our Lord.
bohairic.1Cor_05:9
ⲁⲓⲥϧⲁⲓ ⲛⲱⲧⲉⲛ ϩⲓϯⲉⲡⲓⲥⲧⲟⲗⲏ ⲉϣⲧⲉⲙⲙⲟⲩϫⲧ ⲛⲉⲙⲛⲓⲡⲟⲣⲛⲟⲥ .
I wrote to you in my letter to have no company with sexual sinners;
bohairic.1Cor_09:9
ⲥⲥϧⲏⲟⲩⲧ ⲅⲁⲣ ϧⲉⲛⲫⲛⲟⲙⲟⲥ ⲙⲙⲱⲩⲥⲏⲥ ϫⲉⲛⲛⲉⲕϯ ⲥⲁⲭⲟⲗ ⲉϩⲣⲉⲛⲉϩⲉ ⲉϥϩⲓ ⲙⲏ ⲁⲥⲉⲣⲙⲉⲗⲓⲛ ⲙⲫⲛⲟⲩϯ ϧⲁⲛⲓⲉϩⲱⲟⲩ
For it is written in the law of Moses, 'You shall not muzzle an ox while it treads out the grain.' Is it for the oxen that God cares,
bohairic.1Cor_16:9
ⲁϥⲟⲩⲱⲛ ⲅⲁⲣ ⲛⲏⲓ ⲛϫⲉⲟⲩⲛⲓϣϯ ⲛⲣⲟ ⲉϥⲉⲣϩⲱⲃ ⲛⲉⲙⲟⲩⲙⲏϣ ⲛⲁⲛⲧⲓⲕⲓⲙⲉⲛⲟⲥ .
for a great and effective door has opened to me, and there are many adversaries.
bohairic.1Cor_12:9
ⲕⲉⲟⲩⲁⲓ ⲇⲉ ⲛⲟⲩⲛⲁϩϯ ϧⲉⲛⲡⲁⲓⲡⲛⲉⲩⲙⲁ ⲣⲱ ⲕⲉⲟⲩⲁⲓ ⲇⲉ ⲛϩⲁⲛϩⲙⲟⲧ ⲛⲧⲁⲗϭⲟ ϧⲉⲛⲡⲁⲓⲡⲛⲉⲩⲙⲁ ⲣⲱ ⲟⲛ .
to another faith, by the same Spirit; and to another gifts of healings, by the same Spirit;
bohairic.1Cor_13:9
ϧⲉⲛⲟⲩⲙⲉⲣⲟⲥ ⲅⲁⲣ ⲧⲉⲛⲉⲙⲓ ⲟⲩⲟϩ ϧⲉⲛⲟⲩⲙⲉⲣⲟⲥ ⲧⲉⲛⲉⲣⲡⲣⲟⲫⲏⲧⲉⲩⲓⲛ .
For we know in part, and we prophesy in part;
bohairic.1Cor_08:9
ⲁⲛⲁⲩ ⲇⲉ ⲙⲏⲡⲱⲥ ⲛⲧⲉⲡⲉⲧⲉⲛⲉⲣϣⲓϣⲓ ⲫⲁⲓ ⲛⲧⲉϥϣⲱⲡⲓ ⲛϭⲣⲟⲡ ⲛⲛⲏ ⲉⲧϣⲱⲛⲓ .
But be careful that by no means does this liberty of yours become a stumbling block to the weak.
bohairic.1Cor_02:9
ⲁⲗⲗⲁ ⲕⲁⲧⲁⲫⲣⲏϯ ⲉⲧⲥϧⲏⲟⲩⲧ ϫⲉⲛⲏ ⲉⲧⲉⲙⲡⲉⲃⲁⲗ ⲛⲁⲩ ⲉⲣⲱⲟⲩ ⲟⲩⲇⲉ ⲙⲡⲉⲙⲁϣϫ ⲥⲟⲑⲙⲟⲩ ⲟⲩⲟϩ ⲙⲡⲟⲩϣⲉ ⲉϩⲣⲏⲓ ⲉϫⲉⲛⲡϩⲏⲧ ⲛⲣⲱⲙⲓ ⲛⲏ ⲉⲧⲁⲫⲛⲟⲩϯ ⲥⲉⲃⲧⲱⲧⲟⲩ ⲛⲛⲏ ⲉⲑⲛⲁⲙⲉⲛⲣⲓⲧϥ .
But as it is written, 'Things which an eye didn't see, and an ear didn't hear, which didn't enter into the heart of man, these God has prepared for those who love him.'
bohairic.1Cor_04:9
ϯⲙⲉⲩⲓ ⲅⲁⲣ ϫⲉⲉⲧⲁⲫⲛⲟⲩϯ ⲟⲩⲟⲛϩⲧⲉⲛ ⲉⲃⲟⲗ ⲁⲛⲟⲛ ϧⲁⲛⲓⲁⲡⲟⲥⲧⲟⲗⲟⲥ ⲛϩⲁⲛϧⲁⲉⲩ ⲙⲫⲣⲏϯ ⲛϩⲁⲛⲉⲡⲓⲑⲁⲛⲁⲧⲓⲟⲥ ϫⲉⲁⲛⲉⲣⲑⲉⲁⲧⲣⲟⲛ ⲙⲡⲓⲕⲟⲥⲙⲟⲥ ⲛⲉⲙⲛⲓⲁⲅⲅⲉⲗⲟⲥ ⲛⲉⲙⲛⲓⲣⲱⲙⲓ .
For, I think that God has displayed us, the apostles, last of all, like men sentenced to death. For we are made a spectacle to the world, both to angels and men.
bohairic.1Cor_10:9
ⲟⲩⲇⲉ ⲙⲡⲉⲛⲑⲣⲉⲛⲉⲣⲡⲓⲣⲁⲍⲓⲛ ⲙⲡⲭⲣⲓⲥⲧⲟⲥ ⲕⲁⲧⲁⲫⲣⲏϯ ⲛϩⲁⲛⲟⲩⲟⲛ ⲛϧⲏⲧⲟⲩ ⲉⲁⲩⲉⲣⲡⲓⲣⲁⲍⲓⲛ ⲟⲩⲟϩ ⲁⲩⲧⲁⲕⲟ ⲉⲃⲟⲗ ϩⲓⲧⲟⲧⲟⲩ ⲛⲛⲓϩⲟϥ .
Neither let us test the Lord, as some of them tested, and perished by the serpents.
bohairic.1Cor_15:9
ⲁⲛⲟⲕ ⲅⲁⲣ ⲡⲉ ⲡⲓⲕⲟⲩϫⲓ ⲉⲃⲟⲗ ⲟⲩⲧⲉ ⲛⲓⲁⲡⲟⲥⲧⲟⲗⲟⲥ ⲧⲏⲣⲟⲩ ⲛϯⲉⲙⲡϣⲁ ⲁⲛ ⲉⲑⲣⲟⲩⲙⲟⲩϯ ⲉⲣⲟⲓ ϫⲉⲁⲡⲟⲥⲧⲟⲗⲟⲥ ⲉⲑⲃⲉϫⲉⲁⲓϭⲟϫⲓ ⲛⲥⲁϯⲉⲕⲕⲗⲏⲥⲓⲁ ⲛⲧⲉⲫⲛⲟⲩϯ .
For I am the least of the apostles, who is not worthy to be called an apostle, because I persecuted the assembly of God.
bohairic.1Cor_11:9
ⲕⲉⲅⲁⲣ ⲛⲉⲧⲁⲩⲥⲉⲛⲧⲡⲓⲣⲱⲙⲓ ⲁⲛ ⲉⲑⲃⲉϯⲥϩⲓⲙⲓ ⲁⲗⲗⲁ ϯⲥϩⲓⲙⲓ ⲉⲑⲃⲉⲡⲓⲣⲱⲙⲓ .
for neither was man created for the woman, but woman for the man.
bohairic.1Cor_07:9
ⲓⲥϫⲉ ⲇⲉ ⲥⲉⲛⲁϣⲉⲣⲉⲅⲕⲣⲁⲧⲉⲩⲉⲥⲑⲉ ⲁⲛ ⲙⲁⲣⲟⲩϭⲓ ⲛⲁⲛⲉⲥ ⲅⲁⲣ ⲉϭⲓ ⲉϩⲟⲧⲉ ⲛⲥⲉϭⲓⲭⲣⲱⲙ .
But if they don't have self-control, let them marry. For it's better to marry than to burn.
bohairic.1Cor_03:10
ⲕⲁⲧⲁⲡⲓϩⲙⲟⲧ ⲛⲧⲉⲫⲛⲟⲩϯ ⲉⲧⲧⲟⲓ ⲛⲏⲓ ⲙⲫⲣⲏϯ ⲛⲟⲩⲥⲁⲃⲉ ⲛⲁⲣⲭⲏⲇⲉⲕⲧⲱⲛ ⲁⲓⲭⲱ ⲛⲟⲩⲥⲉⲛϯ ⲉϧⲣⲏⲓ ⲕⲉⲟⲩⲁⲓ ⲡⲉⲑⲟⲩⲁϩⲉⲙ ⲕⲱⲧ ⲡⲓⲟⲩⲁⲓ ⲇⲉ ⲡⲓⲟⲩⲁⲓ ⲙⲁⲣⲉϥⲥⲟⲙⲥ ϫⲉⲁϥⲕⲱⲧ ⲛⲁϣ ⲛⲣⲏϯ .
According to the grace of God which was given to me, as a wise master builder I laid a foundation, and another builds on it. But let each man be careful how he builds on it.
bohairic.1Cor_06:10
ⲟⲩⲇⲉ ⲣⲉϥϭⲓⲟⲩⲓ ⲟⲩⲇⲉ ⲣⲉϥϭⲓ ⲛϫⲟⲛⲥ ⲟⲩⲇⲉ ⲣⲉϥⲑⲓϧⲓ ⲟⲩⲇⲉ ⲣⲉϥϯϣⲱϣ ⲟⲩⲇⲉ ⲣⲉϥϩⲱⲗⲉⲙ ϯⲙⲉⲧⲟⲩⲣⲟ ⲛⲧⲉⲫⲛⲟⲩϯ ⲥⲉⲛⲁⲉⲣⲕⲗⲏⲣⲟⲛⲟⲙⲓⲛ ⲙⲙⲟⲥ ⲁⲛ .
nor thieves, nor covetous, nor drunkards, nor slanderers, nor extortioners, will inherit the Kingdom of God.
bohairic.1Cor_05:10
ⲛⲁⲓϫⲉⲣⲉ ⲛⲓⲡⲟⲣⲛⲟⲥ ⲁⲛ ⲛⲧⲉⲡⲁⲓⲕⲟⲥⲙⲟⲥ ⲓⲉ ⲛⲓⲣⲉϥϭⲓⲛϫⲟⲛⲥ ⲓⲉ ⲛⲓⲣⲉϥϩⲱⲗⲉⲙ ⲓⲉ ⲛⲓⲣⲉϥϣⲁⲙϣⲉⲓⲇⲱⲗⲟⲛ ⲙⲙⲟⲛ ⲛⲁⲥⲙⲡϣⲁ ⲛⲱⲧⲉⲛ ⲡⲉ ⲛⲧⲉⲧⲉⲛⲓ ⲉⲃⲟⲗ ϧⲉⲛⲡⲁⲓⲕⲟⲥⲙⲟⲥ .
yet not at all meaning with the sexual sinners of this world, or with the covetous and extortioners, or with idolaters; for then you would have to leave the world
bohairic.1Cor_01:10
ϯϯϩⲟ ⲟⲩⲛ ⲉⲣⲱⲧⲉⲛ ⲛⲁⲥⲛⲏⲟⲩ ⲉⲃⲟⲗ ϩⲓⲧⲉⲛⲫⲣⲁⲛ ⲙⲡⲉⲛϭⲟⲓⲥ ⲓⲏⲥⲟⲩⲥ ⲡⲭⲣⲓⲥⲧⲟⲥ ϩⲓⲛⲁ ⲟⲩⲥⲁϫⲓ ⲛⲟⲩⲱⲧ ⲉⲣⲉⲧⲉⲛϫⲱ ⲙⲙⲟϥ ⲧⲏⲣⲟⲩ ⲟⲩⲟϩ ⲛⲧⲉϣⲧⲉⲙϩⲁⲛⲫⲱⲣϫ ϣⲱⲡⲓ ϧⲉⲛⲑⲏⲛⲟⲩ ⲛⲧⲉⲧⲉⲛϣⲱⲡⲓ ⲇⲉ ⲉⲣⲉⲧⲉⲛⲥⲉⲃⲧⲱⲧ ϧⲉⲛⲟⲩϩⲏⲧ ⲛⲟⲩⲱⲧ ⲛⲉⲙⲟⲩⲅⲛⲱⲙⲏ ⲛⲟⲩⲱⲧ .
Now I beg you, brothers, through the name of our Lord, Jesus Christ, that you all speak the same thing and that there be no divisions among you, but that you be perfected together in the same mind and in the same judgment.
bohairic.1Cor_14:10
ⲟⲩⲟⲛⲟⲩⲙⲏϣ ⲛϣⲗⲱⲗ ⲛⲥⲙⲏ ϧⲉⲛⲡⲁⲓⲕⲟⲥⲙⲟⲥ ⲟⲩⲟϩ ⲙⲙⲟⲛϩⲗⲓ ⲉϥⲟⲓ ⲛⲁⲧⲥⲙⲏ .
There are, it may be, so many kinds of sounds in the world, and none of them is without meaning.
bohairic.1Cor_12:10
ⲕⲉⲟⲩⲁⲓ ⲇⲉ ⲛϩⲁⲛϩⲃⲏⲟⲩⲓ ⲛϫⲟⲙ ⲕⲉⲟⲩⲁⲓ ⲇⲉ ⲟⲩⲡⲣⲟⲫⲏⲧⲓⲁ ⲕⲉⲟⲩⲁⲓ ⲇⲉ ϩⲁⲛⲃⲱⲗ ⲙⲡⲛⲉⲩⲙⲁ ⲕⲉⲟⲩⲁⲓ ⲇⲉ ϩⲁⲛⲅⲉⲛⲟⲥ ⲛⲗⲁⲥ ⲕⲉⲟⲩⲁⲓ ⲇⲉ ⲟⲩⲉⲣⲙⲏⲛⲓⲁ ⲛⲗⲁⲥ .
and to another workings of miracles; and to another prophecy; and to another discerning of spirits; to another different kinds of languages; and to another the interpretation of languages.
bohairic.1Cor_02:10
ⲁⲛⲟⲛ ⲇⲉ ⲁϥϭⲟⲣⲡⲟⲩ ⲛⲁⲛ ⲉⲃⲟⲗ ⲛϫⲉⲫⲛⲟⲩϯ ⲉⲃⲟⲗ ϩⲓⲧⲉⲛⲡⲓⲡⲛⲉⲩⲙⲁ ⲡⲓⲡⲛⲉⲩⲙⲁ ⲅⲁⲣ ϥϧⲟⲧϧⲉⲧ ⲛⲉⲛⲭⲁⲓ ⲛⲓⲃⲉⲛ ⲛⲉⲙ ⲛⲏ ⲉⲧϣⲏⲕ ⲛⲧⲉⲫⲛⲟⲩϯ .
But to us, God revealed them through the Spirit. For the Spirit searches all things, yes, the deep things of God.
bohairic.1Cor_16:10
ⲉϣⲱⲡ ⲇⲉ ⲁⲣⲉϣⲁⲛⲧⲓⲙⲟⲑⲉⲟⲥ ⲓ ⲁⲛⲁⲩ ϩⲓⲛⲁ ⲛⲧⲉϥⲓ ϩⲁⲣⲱⲧⲉⲛ ⲁⲧϭⲛⲉϩⲟϯ ⲡⲓϩⲱⲃ ⲅⲁⲣ ⲛⲧⲉⲡϭⲟⲓⲥ ⲡⲉⲧⲉϥⲉⲣϩⲱⲃ ⲉⲣⲟϥ ⲙⲡⲁⲣⲏϯ ϩⲱ .
Now if Timothy comes, see that he is with you without fear, for he does the work of the Lord, as I also do.
bohairic.1Cor_08:10
ⲁϥϣⲁⲛⲛⲁⲩ ⲉⲣⲟⲕ ⲛϫⲉⲟⲩⲁⲓ ϧⲁⲫⲏ ⲉⲧⲉⲡⲉⲙⲓ ⲛⲧⲟⲧϥ ⲉⲕⲣⲱⲧⲉⲃ ϧⲉⲛⲟⲩⲙⲁ ⲛⲓⲇⲱⲗⲟⲛ ⲟⲩⲭⲓ ⲧⲉϥⲥⲩⲛⲏⲇⲉⲥⲓⲥ ⲉⲥⲟⲓ ⲛⲣⲉϥϣⲱⲛⲓ ⲥⲛⲁⲕⲱⲧ ⲉⲡϫⲓⲛⲑⲣⲉϥⲟⲩⲉⲙϣⲱⲧ ⲛⲓⲇⲱⲗⲟⲛ .
For if a man sees you who have knowledge sitting in an idol's temple, won't his conscience, if he is weak, be emboldened to eat things sacrificed to idols?
bohairic.1Cor_13:10
ⲉϣⲱⲡ ⲇⲉ ⲁϥϣⲁⲛⲓ ⲛϫⲉⲡⲓⲧⲉⲗⲓⲟⲛ ⲡⲓⲁⲡⲟⲙⲉⲣⲟⲥ ϥⲛⲁⲕⲱⲣϥ .
but when that which is complete has come, then that which is partial will be done away with.
bohairic.1Cor_10:10
ⲟⲩⲇⲉ ⲙⲡⲉⲛⲑⲣⲉⲛⲉⲣⲣⲉϥⲉⲣⲭⲣⲉⲙⲣⲉⲙ ⲕⲁⲧⲁⲫⲣⲏϯ ⲛϩⲁⲛⲟⲩⲟⲛ ⲉⲃⲟⲗ ⲛϧⲏⲧⲟⲩ ⲉⲁⲩⲭⲣⲉⲙⲣⲉⲙ ⲟⲩⲟϩ ⲁⲩⲧⲁⲕⲟ ⲉⲃⲟⲗ ϩⲓⲧⲟⲧϥ ⲙⲡⲓⲣⲉϥⲧⲁⲕⲟ .
Neither grumble, as some of them also grumbled, and perished by the destroyer.
bohairic.1Cor_04:10
ⲁⲛⲟⲛ ϩⲁⲛⲥⲟϫ ⲉⲑⲃⲉⲡⲭⲣⲓⲥⲧⲟⲥ ⲛⲑⲱⲧⲉⲛ ⲛⲑⲱⲧⲉⲛ ϩⲁⲛⲥⲁⲃⲉⲩ ϧⲉⲛⲡⲭⲣⲓⲥⲧⲟⲥ ⲁⲛⲟⲛ ϩⲁⲛϫⲱⲃ ⲛⲑⲱⲧⲉⲛ ⲇⲉ ⲛⲑⲱⲧⲉⲛ ϩⲁⲛϫⲱⲣⲓ ⲛⲑⲱⲧⲉⲛ ⲧⲉⲧⲉⲛⲧⲁⲓⲏⲟⲩⲧ ⲁⲛⲟⲛ ⲇⲉ ⲧⲉⲛϣⲏϣ
We are fools for Christ's sake, but you are wise in Christ. We are weak, but you are strong. You have honor, but we have dishonor.
bohairic.1Cor_11:10
ⲉⲑⲃⲉⲫⲁⲓ ⲥⲉⲙⲡϣⲁ ⲛⲧⲉϯⲥϩⲓⲙⲓ ⲭⲁⲟⲩⲉⲣϣⲱⲛ ⲉϫⲉⲛⲧⲉⲥⲁⲫⲉ ⲉⲑⲃⲉⲛⲓⲁⲅⲅⲉⲗⲟⲥ .
For this cause the woman ought to have authority on her head, because of the angels.
bohairic.1Cor_15:10
ϧⲉⲛⲟⲩϩⲙⲟⲧ ⲇⲉ ⲛⲧⲉⲫⲛⲟⲩϯ ϯⲟⲓ ⲙⲡⲉϯⲟⲓ ⲙⲙⲟϥ ⲟⲩⲟϩ ⲡⲉϥϩⲙⲟⲧ ⲉⲧⲉⲛϧⲏⲧ ⲙⲡⲉϥϣⲱⲡⲓ ⲉϥϣⲟⲩⲓⲧ ⲁⲗⲗⲁ ⲁⲓϭⲓϧⲓⲥⲓ ⲉϩⲟⲧ ⲉⲣⲱⲟⲩ ⲧⲏⲣⲟⲩ ⲁⲛⲟⲕ ⲇⲉ ⲁⲛ ⲁⲗⲗⲁ ⲡⲓϩⲙⲟⲧ ⲛⲧⲉⲫⲛⲟⲩϯ ⲉⲧⲛⲉⲙⲏⲓ .
But by the grace of God I am what I am. His grace which was bestowed on me was not futile, but I worked more than all of them; yet not I, but the grace of God which was with me.
bohairic.1Cor_07:10
ⲛⲏ ⲇⲉ ⲉⲧⲁⲩϭⲓ ϯϩⲟⲛϩⲉⲛ ⲛⲱⲟⲩ ⲁⲛⲟⲕ ⲁⲛ ⲁⲗⲗⲁ ⲡϭⲟⲓⲥ ϯⲥϩⲓⲙⲓ ⲛⲧⲉⲥϣⲧⲉⲙⲫⲱⲣϫ ⲥⲁⲃⲟⲗ ⲙⲡⲉⲥϩⲁⲓ .
But to the married I command--not I, but the Lord--that the wife not leave her husband
bohairic.1Cor_09:10
ϣⲁⲛ ⲡⲁⲛⲧⲱⲥ ⲁϥϫⲱ ⲙⲙⲟⲥ ⲉⲑⲃⲏⲧⲉⲛ ⲉⲧⲁⲩⲥϧⲏⲧⲟⲩ ⲅⲁⲣ ⲉⲑⲃⲏⲧⲉⲛ ϫⲉⲥⲉⲙⲡϣⲁ ⲛⲧⲉⲫⲏ ⲉⲧⲥⲭⲁⲓ ⲛⲧⲉϥⲥⲭⲁⲓ ϧⲉⲛⲟⲩϩⲉⲗⲡⲓⲥ ⲟⲩⲟϩ ⲫⲏ ⲉⲧϩⲓ ⲛⲧⲉϥⲉⲣϩⲉⲗⲡⲓⲥ ⲉϭⲓ .
or does he say it assuredly for our sake? Yes, it was written for our sake, because he who plows ought to plow in hope, and he who threshes in hope should partake of his hope.
bohairic.1Cor_03:11
ⲕⲉⲥⲉⲛϯ ⲅⲁⲣ ⲙⲙⲟⲛ ϣϫⲟⲙ ⲛⲧⲉⲕⲉⲟⲩⲁⲓ ⲭⲁⲥ ⲉϧⲣⲏⲓ ⲥⲁⲃⲟⲗ ⲛⲑⲏ ⲉⲧⲭⲏ ⲉⲧⲉⲓⲏⲥⲟⲩⲥ ⲡⲭⲣⲓⲥⲧⲟⲥ ⲡⲉ .
For no one can lay any other foundation than that which has been laid, which is Jesus Christ.
bohairic.1Cor_01:11
ⲁⲩⲧⲁⲙⲟⲓ ⲅⲁⲣ ⲉⲑⲃⲉⲑⲏⲛⲟⲩ ⲛⲁⲥⲛⲏⲟⲩ ⲉⲃⲟⲗ ϩⲓⲧⲉⲛⲛⲁⲭⲗⲟⲏⲥ ϫⲉⲟⲩⲟⲛϩⲁⲛϣϭⲛⲏⲛ ϣⲟⲡ ϧⲉⲛⲑⲏⲛⲟⲩ .
For it has been reported to me concerning you, my brothers, by those who are from Chloe's household, that there are contentions among you.
bohairic.1Cor_06:11
ⲕⲉ ⲧⲁⲩⲧⲁ ⲛⲉⲛⲑⲱⲧⲉⲛϩⲁⲛⲟⲩⲟⲛ ⲡⲉ ⲁⲗⲗⲁ ⲁⲩϫⲉⲕⲉⲙⲑⲏⲛⲟⲩ ⲁⲗⲗⲁ ⲁⲩⲧⲟⲩⲃⲉⲑⲏⲛⲟⲩ ⲁⲗⲗⲁ ⲁⲩⲑⲙⲁⲓⲉⲑⲏⲛⲟⲩ ϧⲉⲛⲫⲣⲁⲛ ⲙⲡⲉⲛϭⲟⲓⲥ ⲓⲏⲥⲟⲩⲥ ⲡⲭⲣⲓⲥⲧⲟⲥ ⲛⲉⲙϧⲉⲛⲡⲓⲡⲛⲉⲩⲙⲁ ⲛⲧⲉⲡⲉⲧⲉⲛⲛⲟⲩϯ .
Such were some of you, but you were washed. But you were sanctified. But you were justified in the name of the Lord Jesus, and in the Spirit of our God.
bohairic.1Cor_05:11
ϯⲛⲟⲩ ⲇⲉ ⲁⲓⲥϧⲁⲓ ⲛⲱⲧⲉⲛ ⲉϣⲧⲉⲙⲙⲟⲩϫⲧ ⲛⲉⲙⲱⲟⲩ ⲉϣⲱⲡ ⲉⲟⲩⲟⲛ ⲟⲩⲁⲓ ⲉⲩϯⲣⲁⲛ ⲉⲣⲟϥ ϫⲉⲥⲟⲛ ⲉⲟⲩⲡⲟⲣⲛⲟⲥ ⲓⲉ ⲟⲩⲣⲉϥϭⲓⲛϫⲟⲛⲥ ⲓⲉ ⲟⲩⲣⲉϥϣⲁⲙϣⲉⲓⲇⲱⲗⲟⲛ ⲓⲉ ⲟⲩⲣⲉϥϩⲱⲟⲩϣ ⲓⲉ ⲟⲩⲣⲉϥⲑⲓϧⲓ ⲓⲉ ⲟⲩⲣⲉϥϩⲱⲗⲉⲙ ⲫⲁⲓ ⲙⲡⲁⲓⲣⲏϯ ⲟⲩⲇⲉ ⲙⲡⲉⲣⲉⲣϣⲫⲏⲣ ⲛⲟⲩⲱⲙ ⲛⲉⲙⲁϥ .
But as it is, I wrote to you not to associate with anyone who is called a brother who is a sexual sinner, or covetous, or an idolater, or a slanderer, or a drunkard, or an extortioner. Don't even eat with such a person.
bohairic.1Cor_09:11
ⲓⲥϫⲉⲁⲛⲟⲛ ⲁⲛⲥⲓϯ ⲛⲱⲧⲉⲛ ⲛⲛⲓⲡⲛⲉⲩⲙⲁⲧⲓⲕⲟⲛ ⲟⲩⲛⲓϣϯ ⲡⲉ ⲉϣⲱⲡ ⲁⲛϣⲁⲛⲱⲥϧ ⲛⲧⲉⲧⲉⲛⲥⲁⲣⲕⲓⲕⲟⲛ .
If we sowed to you spiritual things, is it a great thing if we reap your fleshly things?
bohairic.1Cor_11:11
ⲡⲗⲏⲛ ⲟⲩⲇⲉ ⲙⲙⲟⲛ ⲟⲩⲥϩⲓⲙⲓ ⲭⲱⲣⲓⲥ ⲣⲱⲙⲓ ⲟⲩⲇⲉ ⲣⲱⲙⲓ ⲭⲱⲣⲓⲥ ⲥϩⲓⲙⲓ ϧⲉⲛⲡϭⲟⲓⲥ .
Nevertheless, neither is the woman independent of the man, nor the man independent of the woman, in the Lord.
bohairic.1Cor_02:11
ⲛⲓⲙ ⲅⲁⲣ ϧⲉⲛⲛⲓⲣⲱⲙⲓ ⲉⲧⲥⲱⲟⲩⲛ ⲛⲛⲁⲡⲓⲣⲱⲙⲓ ⲉⲃⲏⲗ ⲉⲡⲓⲡⲛⲉⲩⲙⲁ ⲛⲧⲉⲡⲓⲣⲱⲙⲓ ⲉⲧϣⲟⲡ ⲛϧⲏⲧϥ ⲡⲁⲓⲣⲏϯ ⲟⲛ ⲛⲁⲫⲛⲟⲩϯ ⲙⲡⲉϩⲗⲓ ⲉⲙⲓ ⲉⲣⲱⲟⲩ ⲉⲃⲏⲗ ⲉⲡⲓⲡⲛⲉⲩⲙⲁ ⲛⲧⲉⲫⲛⲟⲩϯ .
For who among men knows the things of a man, except the spirit of the man, which is in him? Even so, no one knows the things of God, except God's Spirit.
bohairic.1Cor_08:11
ϣⲁϥⲧⲁⲕⲟ ⲅⲁⲣ ⲛϫⲉⲫⲏ ⲉⲧϣⲱⲛⲓ ϧⲉⲛⲡⲉⲕⲉⲙⲓ ⲡⲓⲥⲟⲛ ⲉⲧⲁⲡⲭⲣⲓⲥⲧⲟⲥ ⲙⲟⲩ ⲉϩⲣⲏⲓ ⲉϫⲱϥ .
And through your knowledge, he who is weak perishes, the brother for whose sake Christ died.
bohairic.1Cor_04:11
ϣⲁⲉϧⲟⲩⲛ ⲉⲧⲁⲓⲟⲩⲛⲟⲩ ⲧⲉⲛϩⲟⲕⲉⲣ ⲟⲩⲟϩ ⲧⲉⲛⲟⲃⲓ ⲧⲉⲛⲃⲏϣ ⲟⲩⲟϩ ⲥⲉϯⲕⲉϩ ⲛⲁⲛ ⲟⲩⲟϩ ⲧⲉⲛⲥⲉⲙⲛⲏⲟⲩⲧ ⲁⲛ .
Even to this present hour we hunger, thirst, are naked, are beaten, and have no certain dwelling place.
bohairic.1Cor_16:11
ⲙⲡⲉⲛⲑⲣⲉϩⲗⲓ ⲟⲩⲛ ϣⲟϣϥ ⲙⲁϯⲫⲟϥ ⲇⲉ ϧⲉⲛⲟⲩϩⲓⲣⲏⲛⲏ ϩⲓⲛⲁ ⲛⲧⲉϥⲓ ϩⲁⲣⲟⲓ ϯⲥⲟⲙⲥ ⲅⲁⲣ ⲉⲃⲟⲗ ϧⲁϫⲱϥ ⲛⲉⲙⲛⲓⲥⲛⲏⲟⲩ .
Therefore let no one despise him. But set him forward on his journey in peace, that he may come to me; for I expect him with the brothers.
bohairic.1Cor_15:11
ⲓⲧⲉ ⲟⲩⲛ ⲁⲛⲟⲕ ⲓⲧⲉ ⲛⲏ ⲧⲉⲛϩⲓⲱⲓϣ ⲙⲡⲁⲓⲣⲏϯ ⲟⲩⲟϩ ⲡⲁⲓⲣⲏϯ ⲁⲧⲉⲧⲉⲛⲛⲁϩϯ .
Whether then it is I or they, so we preach, and so you believed.
bohairic.1Cor_10:11
ⲛⲁⲓ ⲇⲉ ⲧⲏⲣⲟⲩ ⲁⲩϣⲱⲡⲓ ⲛⲧⲩⲡⲟⲥ ⲛⲛⲏ ⲁⲩⲥϧⲏⲧⲟⲩ ⲇⲉ ⲛⲁⲛ ⲉⲩⲥⲃⲱ ϧⲁⲛⲏ ⲉⲧⲁⲡϫⲱⲕ ⲛⲛⲓⲉⲛⲉϩ ⲉⲣⲕⲁⲧⲁⲛⲧⲁⲛ ⲉⲣⲱⲟⲩ .
Now all these things happened to them by way of example, and they were written for our admonition, on whom the ends of the ages have come.
bohairic.1Cor_13:11
ⲉⲓⲟⲓ ⲛⲁⲗⲟⲩ ⲛⲁⲓⲥⲁϫⲓ ⲡⲉ ⲙⲫⲣⲏϯ ⲛⲟⲩⲁⲗⲟⲩ ⲛⲁⲓⲥⲟϭⲛⲓ ⲡⲉ ⲙⲫⲣⲏϯ ⲛⲟⲩⲁⲗⲟⲩ ⲛⲁⲓⲙⲉⲩⲓ ⲡⲉ ⲙⲫⲣⲏϯ ⲛⲟⲩⲁⲗⲟⲩ ϩⲟⲧⲉ ⲉⲧⲁⲓⲉⲣⲣⲱⲙⲓ ⲁⲓⲕⲱⲣϥ ⲛⲛⲁϯⲙⲉⲧⲁⲗⲟⲩ .
When I was a child, I spoke as a child, I felt as a child, I thought as a child. Now that I have become a man, I have put away childish things.
bohairic.1Cor_07:11
ⲕⲁⲛ ⲉϣⲱⲡ ⲁⲥϣⲁⲛⲫⲱⲣϫ ⲙⲁⲣⲉⲥⲟϩⲓ ⲛⲟⲩⲉϣⲉⲛϭⲓ ⲙⲙⲟⲛ ⲙⲁⲣⲉⲥϩⲱⲧⲡ ⲉⲡⲉⲥϩⲁⲓ ⲟⲩⲟϩ ⲡⲓϩⲁⲓ ⲛⲧⲉϥϣⲧⲉⲙⲭⲁϯⲥϩⲓⲙⲓ .
(but if she departs, let her remain unmarried, or else be reconciled to her husband), and that the husband not leave his wife.
bohairic.1Cor_12:11
ⲛⲁⲓ ⲇⲉ ⲧⲏⲣⲟⲩ ⲡⲓⲟⲩⲁⲓ ⲉⲧⲉⲣϩⲱⲃ ⲛϧⲏⲧⲟⲩ ⲡⲁⲓⲡⲛⲉⲩⲙⲁ ⲣⲱ ⲡⲉ ⲉϥⲫⲱϣ ⲙⲡⲓⲟⲩⲁⲓ ⲡⲓⲟⲩⲁⲓ ⲕⲁⲧⲁⲫⲣⲏϯ ⲉⲧⲉϩⲛⲁϥ .
But the one and the same Spirit works all of these, distributing to each one separately as he desires.
bohairic.1Cor_14:11
ⲉϣⲱⲡ ⲁⲓϣⲧⲉⲙⲉⲙⲓ ⲉⲧϫⲟⲙ ⲛⲧⲉϯⲥⲙⲏ ϯⲛⲁϣⲱⲡⲓ ⲉⲓⲟⲓ ⲙⲃⲁⲣⲃⲁⲣⲟⲥ ⲛⲧⲟⲧϥ ⲙⲡⲉⲧⲥⲁϫⲓ ⲟⲩⲟϩ ⲡⲉⲧⲥⲁϫⲓ ⲛⲉⲙⲏⲓ ϥⲛⲁϣⲱⲡⲓ ⲉϥⲟⲓ ⲙⲃⲁⲣⲃⲁⲣⲟⲥ ⲛⲧⲟⲧ .
If then I don't know the meaning of the sound, I would be to him who speaks a foreigner, and he who speaks would be a foreigner to me.
bohairic.1Cor_10:12
ϩⲱⲥⲧⲉ ⲫⲏ ⲉⲧⲙⲉⲩⲓ ϫⲉϥⲟϩⲓ ⲉⲣⲁⲧϥ ⲙⲁⲣⲉϥⲛⲁⲩ ⲙⲏⲡⲱⲥ ⲛⲧⲉϥϩⲉⲓ .
Therefore let him who thinks he stands be careful that he doesn't fall.
bohairic.1Cor_03:12
ⲓⲥϫⲉⲟⲩⲟⲛ ⲡⲉⲧⲕⲱⲧ ⲉϫⲉⲛⲧⲁⲓⲥⲉⲛϯ ⲛⲟⲩⲃ ϩⲁⲧ ⲁⲛⲁⲙⲏⲓ ⲣⲱⲕϩ ⲥⲱⲟⲩⲃⲉⲛ ⲣⲱⲟⲩⲓ .
But if anyone builds on the foundation with gold, silver, costly stones, wood, hay, or stubble;
bohairic.1Cor_13:12
ⲧⲉⲛⲛⲁⲩ ⲅⲁⲣ ϯⲛⲟⲩ ⲉⲃⲟⲗ ϩⲓⲧⲉⲛⲟⲩⲓⲁⲗ ϧⲉⲛⲟⲩⲑⲟⲛⲧⲉⲛ ⲧⲟⲧⲉ ⲧⲉⲛⲛⲁⲛⲁⲩ ⲛϩⲟ ⲟⲩⲃⲉϩⲟ ⲁⲓⲉⲙⲓ ϯⲛⲟⲩ ϧⲉⲛⲟⲩⲙⲉⲣⲟⲥ ϧⲉⲛⲡⲓⲥⲏⲟⲩ ⲇⲉ ϯⲛⲁⲉⲙⲓ ⲕⲁⲧⲁⲫⲣⲏϯ ⲉⲧⲁⲩⲥⲟⲩⲱⲛⲧ .
For now we see in a mirror, dimly, but then face to face. Now I know in part, but then I will know fully, even as I was also fully known.
bohairic.1Cor_06:12
ⲉⲝⲉⲥⲧⲓⲛ ⲛⲏⲓ ⲉⲉⲣϩⲱⲃ ⲛⲓⲃⲉⲛ ⲁⲗⲗⲁ ⲥⲉⲉⲣⲛⲟϥⲣⲓ ⲧⲏⲣⲟⲩ ⲁⲛ ⲉⲝⲉⲥⲧⲓⲛ ⲛⲏⲓ ⲉⲉⲣϩⲱⲃ ⲛⲓⲃⲉⲛ ⲁⲗⲗⲁ ⲛⲛⲉϣ ϩⲗⲓ ⲓⲣⲓ ⲙⲡⲁⲉⲣϣⲓϣⲓ .
All things are lawful for me,' but not all things are expedient. 'All things are lawful for me,' but I will not be brought under the power of anything.
bohairic.1Cor_01:12
ⲫⲁⲓ ⲇⲉ ϯϫⲱ ⲙⲙⲟϥ ϫⲉⲡⲓⲟⲩⲁⲓ ⲡⲓⲟⲩⲁⲓ ⲙⲙⲱⲧⲉⲛ ϫⲱ ⲙⲙⲟⲥ ϫⲉⲁⲛⲟⲕ ⲙⲉⲛ ⲁⲛⲟⲕ ⲫⲁⲡⲁⲩⲗⲟⲥ ⲁⲛⲟⲕ ⲇⲉ ⲁⲛⲟⲕ ⲫⲁⲁⲡⲟⲗⲗⲱ ⲁⲛⲟⲕ ⲇⲉ ⲁⲛⲟⲕ ⲫⲁⲕⲏⲫⲁ ⲁⲛⲟⲕ ⲇⲉ ⲁⲛⲟⲕ ⲫⲁⲡⲭⲣⲓⲥⲧⲟⲥ .
Now I mean this, that each one of you says, 'I follow Paul,' 'I follow Apollos,' 'I follow Cephas,' and, 'I follow Christ.'
bohairic.1Cor_12:12
ⲕⲁⲧⲁⲫⲣⲏϯ ⲅⲁⲣ ⲉⲧⲉⲡⲓⲥⲱⲙⲁ ⲟⲩⲁⲓ ⲡⲉ ⲟⲩⲟⲛⲧⲁϥ ⲛⲟⲩⲙⲏϣ ⲙⲙⲉⲗⲟⲥ ⲙⲙⲁⲩ ⲛⲓⲙⲉⲗⲟⲥ ⲇⲉ ⲧⲏⲣⲟⲩ ⲛⲧⲉⲡⲓⲥⲱⲙⲁ ⲉⲩⲟⲓ ⲛⲟⲩⲙⲏϣ ⲟⲩⲁⲓ ⲇⲉ ⲛⲥⲱⲙⲁ ⲡⲉ ⲡⲁⲓⲣⲏϯ ϩⲱϥ ⲡⲭⲣⲓⲥⲧⲟⲥ .
For as the body is one, and has many members, and all the members of the body, being many, are one body; so also is Christ.
bohairic.1Cor_05:12
ⲉⲣⲟⲩ ⲅⲁⲣ ⲛⲏⲓ ⲉϯϩⲁⲡ ⲉⲛⲏ ⲉⲧⲥⲁⲃⲟⲗ ⲛⲏ ⲉⲧⲥⲁϧⲟⲩⲛ ⲛⲑⲱⲧⲉⲛ ⲙⲁϩⲁⲡ ⲉⲣⲱⲟⲩ
For what have I to do with also judging those who are outside? Don't you judge those who are within?
bohairic.1Cor_09:12
ⲓⲥϫⲉϩⲁⲛⲕⲉⲭⲱⲟⲩⲛⲓ ⲉⲧϭⲓ ⲉⲃⲟⲗ ϧⲉⲛⲡⲉⲧⲉⲛⲉⲣϣⲓϣⲓ ⲛϩⲟⲩⲟ ⲙⲁⲗⲗⲟⲛ ⲁⲛⲟⲛ ⲁⲗⲗⲁ ⲙⲡⲉⲛⲭⲣⲁⲥⲑⲉ ⲙⲡⲁⲓⲉⲣϣⲓϣⲓ ⲁⲗⲗⲁ ⲧⲉⲛⲱⲟⲩ ⲛϩⲏⲧ ϧⲉⲛϩⲱⲃ ⲛⲓⲃⲉⲛ ϩⲓⲛⲁ ⲛⲧⲉⲛϣⲧⲉⲙϯ ϩⲗⲓ ⲛϭⲣⲟⲡ ⲙⲡⲓⲉⲩⲁⲅⲅⲉⲗⲓⲟⲛ ⲛⲧⲉⲡⲭⲣⲓⲥⲧⲟⲥ .
If others partake of this right over you, don't we yet more? Nevertheless we did not use this right, but we bear all things, that we may cause no hindrance to the Good News of Christ.
bohairic.1Cor_02:12
ⲁⲛⲟⲛ ⲇⲉ ⲡⲓⲡⲛⲉⲩⲙⲁ ⲛⲧⲉⲡⲁⲓⲕⲟⲥⲙⲟⲥ ⲁⲛ ⲡⲉⲧⲁⲛϭⲓⲧϥ ⲁⲗⲗⲁ ⲡⲓⲡⲛⲉⲩⲙⲁ ⲡⲓⲉⲃⲟⲗ ϧⲉⲛⲫⲛⲟⲩϯ ϩⲓⲛⲁ ⲛⲧⲉⲛⲉⲙⲓ ⲉⲛⲏ ⲉⲧⲁⲛⲟⲩϯ ⲧⲏⲓⲧⲟⲩ ⲛⲁⲛ ⲛϩⲙⲟⲧ .
But we received, not the spirit of the world, but the Spirit which is from God, that we might know the things that were freely given to us by God.
bohairic.1Cor_08:12
ⲡⲁⲓⲣⲏϯ ⲇⲉ ⲉⲣⲉⲧⲉⲛⲉⲣⲛⲟⲃⲓ ⲉⲛⲓⲥⲛⲏⲟⲩ ⲟⲩⲟϩ ⲉⲣⲉⲧⲉⲛⲙⲓϣⲓ ⲉⲧⲟⲩⲥⲩⲛⲏⲇⲉⲥⲓⲥ ⲉⲧϣⲱⲛⲓ ⲁⲣⲉⲧⲉⲛⲉⲣⲛⲟⲃⲓ ⲉⲡⲭⲣⲓⲥⲧⲟⲥ .
Thus, sinning against the brothers, and wounding their conscience when it is weak, you sin against Christ.
bohairic.1Cor_04:12
ⲧⲉⲛϧⲟⲥⲓ ⲉⲛⲉⲣϩⲱⲃ ⲛⲛⲉⲛϫⲓϫ ⲙⲙⲓⲛⲙⲙⲟⲛ ⲥⲉϩⲱⲟⲩϣ ⲉⲣⲟⲛ ⲟⲩⲟϩ ⲧⲉⲛⲥⲙⲟⲩ ⲉⲣⲱⲟⲩ ⲉⲩϭⲟϫⲓ ⲛⲥⲱⲛ ⲧⲉⲛⲱⲟⲩ ⲛϩⲏⲧ .
We toil, working with our own hands. When people curse us, we bless. Being persecuted, we endure.
bohairic.1Cor_15:12
ⲓⲥϫⲉ ⲇⲉ ⲡⲭⲣⲓⲥⲧⲟⲥ ⲥⲉϩⲓⲱⲓϣ ⲙⲙⲟϥ ϫⲉⲁϥⲧⲱⲛϥ ⲉⲃⲟⲗ ϧⲉⲛⲛⲏ ⲉⲧⲙⲱⲟⲩⲧ ⲡⲱⲥ ⲟⲩⲟⲛ ϩⲁⲛⲟⲩⲟⲛ ϫⲱ ⲙⲙⲟⲥ ϧⲉⲛⲑⲏⲛⲟⲩ ϫⲉⲙⲙⲟⲛⲁⲛⲁⲥⲧⲁⲥⲓⲥ ⲛⲧⲉⲛⲓⲣⲉϥⲙⲱⲟⲩⲧ ⲛⲁϣⲱⲡⲓ .
Now if Christ is preached, that he has been raised from the dead, how do some among you say that there is no resurrection of the dead?
bohairic.1Cor_14:12
ⲡⲁⲓⲣⲏϯ ⲛⲑⲱⲧⲉⲛ ϩⲱⲧⲉⲛ ⲉⲡⲓⲇⲏ ⲧⲉⲧⲉⲛⲟⲓ ⲛⲣⲉϥⲭⲟϩ ⲛⲛⲓⲡⲛⲉⲩⲙⲁⲧⲓⲕⲟⲛ ⲉⲡⲕⲱⲧ ⲛⲧⲉϯⲉⲕⲕⲗⲏⲥⲓⲁ ⲕⲱϯ ϩⲓⲛⲁ ⲛⲧⲉⲧⲉⲛⲉⲣϩⲟⲩⲟ .
So also you, since you are zealous for spiritual gifts, seek that you may abound to the building up of the assembly.
bohairic.1Cor_07:12
ⲡⲥⲉⲡⲓ ⲇⲉ ϯϫⲱ ⲙⲙⲟⲥ ⲛⲱⲟⲩ ⲁⲛⲟⲕ ⲡϭⲟⲓⲥ ⲁⲛ ϫⲉⲉϣⲱⲡ ⲉⲟⲩⲟⲛ ⲟⲩⲥⲟⲛ ⲉⲟⲩⲟⲛⲧⲉϥ ⲟⲩⲥϩⲓⲙⲓ ⲛⲁⲑⲛⲁϩϯ ⲙⲙⲁⲩ ⲟⲩⲟϩ ⲑⲁⲓ ⲉⲥϯⲙⲁϯ ⲉϣⲱⲡⲓ ⲛⲉⲙⲁϥ ⲙⲡⲉⲛⲑⲣⲉϥⲭⲁⲥ ⲛⲥⲱϥ .
But to the rest I--not the Lord--say, if any brother has an unbelieving wife, and she is content to live with him, let him not leave her.
bohairic.1Cor_11:12
ⲕⲁⲧⲁⲫⲣⲏϯ ⲅⲁⲣ ⲉⲧⲉϯⲥϩⲓⲙⲓ ⲟⲩⲉⲃⲟⲗ ϧⲉⲛⲡⲓⲣⲱⲙⲓ ⲡⲉ ⲡⲁⲓⲣⲏϯ ⲟⲛ ⲡⲓⲣⲱⲙⲓ ⲟⲩⲉⲃⲟⲗ ϧⲉⲛϯⲥϩⲓⲙⲓ ⲡⲉ ⲉⲛⲭⲁⲓ ⲛⲓⲃⲉⲛ ϩⲁⲛⲉⲃⲟⲗ ⲙⲫⲛⲟⲩϯ ⲛⲉ .
For as woman came from man, so a man also comes through a woman; but all things are from God.
bohairic.1Cor_16:12
ⲉⲑⲃⲉⲁⲡⲟⲗⲗⲱ ⲇⲉ ⲡⲓⲥⲟⲛ ⲁⲓϯϩⲟ ⲉⲣⲟϥ ⲉⲙⲁϣⲱ ϩⲓⲛⲁ ⲛⲧⲉϥⲓ ϩⲁⲣⲱⲧⲉⲛ ⲛⲉⲙⲛⲓⲥⲛⲏⲟⲩ ⲟⲩⲟϩ ⲡⲁⲛⲧⲱⲥ ⲡⲉ ⲫⲟⲩⲱϣ ⲁⲛ ⲡⲉ ϩⲓⲛⲁ ⲛⲧⲉϥⲓ ϯⲛⲟⲩ ⲉϥⲉⲓ ⲇⲉ ϩⲁⲣⲱⲧⲉⲛ ⲁϥϣⲁⲛϫⲉⲙⲧⲉⲩⲕⲉⲣⲓⲁ .
Now concerning Apollos, the brother, I strongly urged him to come to you with the brothers; and it was not at all his desire to come now; but he will come when he has an opportunity.
bohairic.1Cor_03:13
ⲡϩⲱⲃ ⲙⲡⲓⲟⲩⲁⲓ ⲡⲓⲟⲩⲁⲓ ⲉϥⲉⲟⲩⲱⲛϩ ⲉⲃⲟⲗ ⲡⲓⲉϩⲟⲟⲩ ⲅⲁⲣ ϥⲛⲁⲟⲩⲟⲛϩϥ ⲉⲃⲟⲗ ϫⲉϥⲛⲁϭⲱⲣⲡ ⲉⲃⲟⲗ ϧⲉⲛⲟⲩⲭⲣⲱⲙ ⲟⲩⲟϩ ⲡϩⲱⲃ ⲙⲡⲓⲟⲩⲁⲓ ⲡⲓⲟⲩⲁⲓ ⲡⲓⲭⲣⲱⲙ ⲛⲁⲉⲣⲇⲟⲕⲓⲙⲁⲍⲓⲛ ⲙⲙⲟϥ ϫⲉⲟⲩⲁϣ ⲛⲣⲏϯ ⲡⲉ .
each man's work will be revealed. For the Day will declare it, because it is revealed in fire; and the fire itself will test what sort of work each man's work is.
bohairic.1Cor_06:13
ⲛⲓϧⲣⲏⲟⲩⲓ ⲁⲩⲭⲏ ⲛϯⲛⲉϫⲓ ⲟⲩⲟϩ ϯⲛⲉϫⲓ ⲛⲛⲓϧⲣⲏⲟⲩⲓ ⲑⲁⲓ ⲇⲉ ⲛⲉⲙⲛⲓⲭⲱⲟⲩⲛⲓ ⲫⲛⲟⲩϯ ⲛⲁⲕⲟⲣϥⲟⲩ ⲡⲓⲥⲱⲙⲁ ⲇⲉ ⲛⲁϥⲭⲏ ⲛϯⲡⲟⲣⲛⲓⲁ ⲁⲛ ⲁⲗⲗⲁ ⲙⲡϭⲟⲓⲥ ⲟⲩⲟϩ ⲡϭⲟⲓⲥ ⲙⲡⲓⲥⲱⲙⲁ .
Foods for the belly, and the belly for foods,' but God will bring to nothing both it and them. But the body is not for sexual immorality, but for the Lord; and the Lord for the body.
bohairic.1Cor_05:13
ⲛⲏ ⲉⲧⲥⲁⲃⲟⲗ ⲇⲉ ⲫⲛⲟⲩϯ ⲉϥⲉϯϩⲁⲡ ⲉⲣⲱⲟⲩ ⲁⲗⲓⲟⲩⲓ ⲙⲡⲓⲡⲉⲧϩⲱⲟⲩ ⲉⲃⲟⲗ ϧⲉⲛⲑⲏⲛⲟⲩ .
But those who are outside, God judges. 'Put away the wicked man from among yourselves.'
bohairic.1Cor_11:13
ⲙⲁϩⲁⲡ ϧⲉⲛⲑⲏⲛⲟⲩ ⲙⲙⲓⲛ ⲙⲙⲱⲧⲉⲛ ϫⲉⲁⲥⲥϣⲉ ⲛⲟⲩⲥϩⲓⲙⲓ ⲉⲑⲣⲉⲥⲧⲱⲃϩ ⲙⲫⲛⲟⲩϯ ⲛϫⲱⲥ ϩⲟⲃⲥ ⲁⲛ .
Judge for yourselves. Is it appropriate that a woman pray to God unveiled?
bohairic.1Cor_13:13
ϯⲛⲟⲩ ⲇⲉ ⲡⲁⲓⲅ ⲥⲉⲥⲙⲟⲛⲧ ⲫⲛⲁϩϯ ϯϩⲉⲗⲡⲓⲥ ⲧⲁⲅⲁⲡⲏ ⲡⲉⲧⲛⲁⲁϥ ⲇⲉ ϧⲉⲛⲛⲁⲓ ⲡⲉ ϯⲁⲅⲁⲡⲏ .
But now faith, hope, and love remain--these three. The greatest of these is love.
bohairic.1Cor_09:13
ⲛⲧⲉⲧⲉⲛⲉⲙⲓ ⲁⲛ ϫⲉⲛⲏ ⲉⲧⲉⲣϩⲱⲃ ⲉⲛⲓⲉⲣⲫⲏⲟⲩⲓ ϣⲁⲩⲟⲩⲱⲙ ⲉⲃⲟⲗ ϧⲉⲛⲛⲁⲡⲓⲉⲣⲫⲉⲓ ⲟⲩⲟϩ ⲛⲏ ⲉⲧⲙⲏⲛ ⲉⲡⲓⲙⲁ ⲛⲉⲣϣⲱⲟⲩϣⲓ ϣⲁⲩⲫⲱϣ ⲉϩⲣⲁⲩ ⲛⲉⲙⲡⲓⲙⲁ ⲛⲉⲣϣⲱⲟⲩϣⲓ .
Don't you know that those who serve around sacred things eat from the things of the temple, and those who wait on the altar have their portion with the altar?
bohairic.1Cor_12:13
ⲕⲉ ⲅⲁⲣ ⲁⲛⲟⲛ ⲧⲏⲣⲉⲛ ⲉⲧⲁⲛϭⲓⲱⲙⲥ ϧⲉⲛⲟⲩⲡⲛⲉⲩⲙⲁ ⲛⲟⲩⲱⲧ ⲉⲩⲥⲱⲙⲁ ⲛⲟⲩⲱⲧ ⲓⲧⲉ ⲛⲓⲓⲟⲩⲇⲁⲓ ⲓⲧⲉ ⲛⲓⲟⲩⲉⲓⲛⲓⲛ ⲓⲧⲉ ⲃⲱⲕ ⲓⲧⲉ ⲣⲉⲙϩⲉ ⲟⲩⲟϩ ⲁⲛⲟⲛ ⲧⲏⲣⲉⲛ ⲁⲩⲧⲥⲟⲛ ⲛⲟⲩⲡⲛⲉⲩⲙⲁ ⲛⲟⲩⲱⲧ .
For in one Spirit we were all baptized into one body, whether Jews or Greeks, whether bond or free; and were all given to drink into one Spirit.
bohairic.1Cor_02:13
ⲉⲧⲉⲛⲁⲓ ⲛⲉⲉⲧⲉⲛⲥⲁϫⲓ ⲙⲙⲱⲟⲩ ϧⲉⲛϩⲁⲛⲙⲉⲧⲣⲉϥϯⲥⲃⲱ ⲛⲛⲓⲣⲱⲙⲓ ⲁⲛ ⲛⲧⲉϩⲁⲛⲥⲁϫⲓ ⲛⲥⲟⲫⲓⲁ ⲁⲗⲗⲁ ϧⲉⲛϩⲁⲛⲙⲉⲧⲣⲉϥϯⲥⲃⲱ ⲛⲧⲉⲡⲓⲡⲛⲉⲩⲙⲁ ⲉⲛⲉⲣⲥⲩⲛⲕⲣⲓⲛⲓⲛ ⲛϩⲁⲛⲡⲛⲉⲩⲙⲁⲧⲓⲕⲟⲛ ⲛⲛⲓⲡⲛⲉⲩⲙⲁⲧⲓⲕⲟⲥ .
Which things also we speak, not in words which man's wisdom teaches, but which the Holy Spirit teaches, comparing spiritual things with spiritual things.

Coptic SCRIPTORIUM, corpus bohairic.1corinthians (github.com/CopticScriptorium/corpora). Licence as stated per document in the project's own meta.json and checked there at parse time. English, where present, is Coptic SCRIPTORIUM's aligned translation. Licence: public domain text, CC-BY annotation. Source.