Bohairic 1corinthians

Coptic literature (Coptic SCRIPTORIUM) · 437 sections

bohairic.1Cor_08:1
ⲉⲑⲃⲉⲛⲓϣⲱⲧ ⲇⲉ ⲛⲓⲇⲱⲗⲟⲛ ⲧⲉⲛⲥⲱⲟⲩⲛ ϫⲉⲟⲩⲟⲛ ⲟⲩⲉⲙⲓ ⲛϧⲏⲧⲉⲛ ⲧⲏⲣⲟⲩ ⲡⲉⲙⲓ ϣⲁϥϭⲓⲥⲓ ϯⲁⲅⲁⲡⲏ ⲇⲉ ϣⲁⲥⲕⲱⲧ .
Now concerning things sacrificed to idols: We know that we all have knowledge. Knowledge puffs up, but love builds up.
bohairic.1Cor_05:1
ϩⲟⲗⲱⲥ ⲥⲉⲥⲱⲧⲉⲙ ⲉⲟⲩⲡⲟⲣⲛⲓⲁ ϧⲉⲛⲑⲏⲛⲟⲩ ⲟⲩⲟϩ ⲟⲩⲡⲟⲣⲛⲓⲁ ⲙⲡⲁⲓⲣⲏϯ ⲑⲁⲓ ⲉⲧⲉⲛⲥϣⲟⲡ ⲁⲛ ϧⲉⲛⲛⲓⲕⲉⲉⲑⲛⲟⲥ ϩⲱⲥⲧⲉ ⲛⲧⲉⲟⲩⲁⲓ ϭⲓ ⲧⲥϩⲓⲙⲓ ⲙⲡⲉϥⲓⲱⲧ .
It is actually reported that there is sexual immorality among you, and such sexual immorality as is not even named among the Gentiles, that one has his father's wife.
bohairic.1Cor_12:1
ⲉⲑⲃⲉⲛⲓⲡⲛⲉⲩⲙⲁⲧⲓⲕⲟⲛ ⲇⲉ ⲛⲁⲥⲛⲏⲟⲩ ⲛϯⲟⲩⲉϣⲑⲏⲛⲟⲩ ⲁⲛ ⲉⲣⲉⲧⲉⲛⲟⲓ ⲛⲁⲧⲉⲙⲓ
Now concerning spiritual things, brothers, I don't want you to be ignorant.
bohairic.1Cor_01:1
ⲡⲁⲩⲗⲟⲥ ⲡⲁⲡⲟⲥⲧⲟⲗⲟⲥ ⲉⲧⲑⲁϩⲉⲙ ⲛⲧⲉⲓⲏⲥⲟⲩⲥ ⲡⲭⲣⲓⲥⲧⲟⲥ ⲉⲃⲟⲗ ϩⲓⲧⲉⲛⲫⲟⲩⲱϣ ⲙⲫⲛⲟⲩϯ ⲛⲉⲙⲥⲱⲥⲑⲉⲛⲏⲥ ⲡⲓⲥⲟⲛ
Paul, called to be an apostle of Jesus Christ through the will of God, and our brother Sosthenes,
bohairic.1Cor_15:1
ϯⲧⲁⲙⲟ ⲇⲉ ⲙⲙⲱⲧⲉⲛ ⲛⲁⲥⲛⲏⲟⲩ ⲉⲡⲓⲉⲩⲁⲅⲅⲉⲗⲓⲟⲛ ⲫⲏ ⲉⲧⲁⲓϩⲓϣⲉⲛⲛⲟⲩϥⲓ ⲙⲙⲟϥ ⲛⲱⲧⲉⲛ ⲉⲧⲉⲫⲏ ⲡⲉ ⲉⲧⲁⲣⲉⲧⲉⲛϭⲓⲧϥ ⲫⲁⲓ ⲉⲧⲉⲧⲉⲛⲟϩⲓ ⲉⲣⲁⲧ ⲉⲛⲑⲏⲛⲟⲩ ⲛϧⲏⲧϥ .
Now I declare to you, brothers, the Good News which I preached to you, which also you received, in which you also stand,
bohairic.1Cor_13:1
ⲉϣⲱⲡ ⲁⲓϣⲁⲛⲥⲁϫⲓ ϧⲉⲛⲫⲗⲁⲥ ⲛⲧⲉⲛⲓⲣⲱⲙⲓ ⲛⲉⲙⲫⲁⲛⲓⲁⲅⲅⲉⲗⲟⲥ ⲙⲙⲟⲛϯ ⲁⲅⲁⲡⲏ ⲇⲉ ⲙⲙⲁⲩ ⲁⲓⲉⲣ ⲙⲫⲣⲏϯ ⲛⲟⲩϩⲟⲙⲧ ⲉϥⲥⲉⲛⲥⲉⲛ ⲓⲉ ⲟⲩⲕⲩⲙⲃⲁⲗⲟⲛ ⲉϥⲉϣⲗⲏⲗⲟⲩⲓ .
If I speak with the languages of men and of angels, but don't have love, I have become sounding brass, or a clanging cymbal.
bohairic.1Cor_11:1
ϣⲱⲡⲓ ⲉⲣⲉⲧⲉⲛⲟⲛⲓ ⲙⲙⲟⲓ ⲕⲁⲧⲁⲫⲣⲏϯ ϩⲱ ⲉϯⲟⲛⲓ ⲙⲡⲭⲣⲓⲥⲧⲟⲥ .
Be imitators of me, even as I also am of Christ.
bohairic.1Cor_02:1
ⲟⲩⲟϩ ⲁⲛⲟⲕ ϩⲱ ⲉⲧⲁⲓⲓ ϩⲁⲣⲱⲧⲉⲛ ⲛⲁⲥⲛⲏⲟⲩ ⲛⲉⲧⲁⲓⲓ ⲁⲛ ⲕⲁⲧⲁⲟⲩϭⲓⲥⲓ ⲛⲧⲉⲟⲩⲥⲁϫⲓ ⲓⲉ ⲟⲩⲥⲟⲫⲓⲁ ⲁⲓⲧⲁⲙⲟ ⲙⲙⲱⲧⲉⲛ ⲉⲡⲓⲙⲩⲥⲧⲏⲣⲓⲟⲛ ⲛⲧⲉⲫⲛⲟⲩϯ .
When I came to you, brothers, I didn't come with excellence of speech or of wisdom, proclaiming to you the testimony of God.
bohairic.1Cor_03:1
ⲁⲛⲟⲕ ⲇⲉ ϩⲱ ⲛⲁⲥⲛⲏⲟⲩ ⲙⲡⲓϣϫⲉⲙϫⲟⲙ ⲉⲥⲁϫⲓ ⲛⲉⲙⲱⲧⲉⲛ ⲙⲫⲣⲏϯ ⲛϩⲁⲛⲡⲛⲁⲧⲓⲕⲱⲥ ⲁⲗⲗⲁ ⲙⲫⲣⲏϯ ⲛϩⲁⲛⲥⲁⲣⲕⲓⲕⲱⲥ ⲙⲫⲣⲏϯ ⲛϩⲁⲛⲕⲟⲩϫⲓ ⲛⲁⲗⲱⲟⲩⲓ ϧⲉⲛⲡⲭⲣⲓⲥⲧⲟⲥ .
Brothers, I couldn't speak to you as to spiritual, but as to fleshly, as to babies in Christ.
bohairic.1Cor_04:1
ⲡⲁⲓⲣⲏϯ ⲟⲛ ⲙⲁⲣⲟⲩⲙⲉⲩⲓ ⲉⲣⲟⲛ ⲛϫⲉⲛⲓⲣⲱⲙⲓ ϩⲱⲥ ϩⲁⲛϩⲩⲡⲉⲣⲉⲧⲏⲥ ⲛⲧⲉⲡⲭⲣⲓⲥⲧⲟⲥ ⲛⲉⲙϩⲁⲛⲟⲓⲕⲟⲛⲟⲙⲟⲥ ⲛⲧⲉⲛⲓⲙⲩⲥⲧⲏⲣⲓⲟⲛ ⲛⲧⲉⲫⲛⲟⲩϯ .
So let men think of us as Christ's servants, and stewards of God's mysteries.
bohairic.1Cor_16:1
ⲉⲑⲃⲉⲡⲓⲥⲱⲣ ⲇⲉ ⲉⲧⲁϥϣⲱⲡⲓ ⲉⲑⲃⲉⲛⲓϩⲁⲅⲓⲟⲥ ⲙⲫⲣⲏϯ ⲉⲧⲁⲓⲟⲩⲁϩⲥⲁϩⲛⲓ ⲛⲛⲓⲉⲕⲕⲗⲏⲥⲓⲁ ⲛⲧⲉⲧⲅⲁⲗⲁⲧⲓⲁ ⲁⲣⲓⲟⲩⲓ ϩⲱⲧⲉⲛ ⲙⲡⲁⲓⲣⲏϯ
Now concerning the collection for the saints, as I commanded the assemblies of Galatia, you do likewise.
bohairic.1Cor_14:1
ϭⲟϫⲓ ⲛⲥⲁϯⲁⲅⲁⲡⲏ ⲭⲟϩ ⲇⲉ ⲉⲛⲓⲡⲛⲉⲩⲙⲁⲧⲓⲕⲟⲛ ⲙⲁⲗⲗⲟⲛ ⲇⲉ ϩⲓⲛⲁ ⲛⲧⲉⲧⲉⲛⲉⲣⲡⲣⲟⲫⲏⲧⲉⲩⲓⲛ .
Follow after love, and earnestly desire spiritual gifts, but especially that you may prophesy.
bohairic.1Cor_09:1
ⲙⲏ ⲁⲛⲟⲕ ⲟⲩⲣⲉⲙϩⲉ ⲁⲛ ⲙⲏ ⲁⲛⲟⲕ ⲟⲩⲁⲡⲟⲥⲧⲟⲗⲟⲥ ⲁⲛ ⲙⲏ ⲓⲏⲥⲟⲩⲥ ⲡⲭⲣⲓⲥⲧⲟⲥ ⲡⲉⲛϭⲟⲓⲥ ⲙⲡⲓⲛⲁⲩ ⲉⲣⲟϥ ⲙⲏ ⲛⲑⲱⲧⲉⲛ ⲁⲛ ⲡⲉ ⲡⲁϩⲱⲃ ϧⲉⲛⲡϭⲟⲓⲥ .
Am I not free? Am I not an apostle? Haven't I seen Jesus Christ, our Lord? Aren't you my work in the Lord?
bohairic.1Cor_07:1
ⲉⲑⲃⲉⲛⲏ ⲇⲉ ⲉⲧⲁⲣⲉⲧⲉⲛⲥϧⲏⲧⲟⲩ ⲛⲏⲓ ⲛⲁⲛⲉⲥ ⲙⲡⲓⲣⲱⲙⲓ ⲉϣⲧⲉⲙϭⲓ ⲛⲉⲙⲥϩⲓⲙⲓ .
Now concerning the things about which you wrote to me: it is good for a man not to touch a woman.
bohairic.1Cor_10:1
ⲛϯⲟⲩⲉϣⲑⲏⲛⲟⲩ ⲅⲁⲣ ⲁⲛ ⲉⲣⲉⲧⲉⲛⲟⲓ ⲛⲁⲧⲉⲙⲓ ⲛⲁⲥⲛⲏⲟⲩ ϫⲉⲛⲉⲛⲓⲟϯ ⲧⲏⲣⲟⲩ ⲛⲁⲩⲭⲏ ϧⲁϯϭⲏⲡⲓ ⲡⲉ ⲟⲩⲟϩ ⲁⲩⲥⲓⲛⲓ ⲧⲏⲣⲟⲩ ⲉⲃⲟⲗ ϩⲓⲧⲉⲛⲫⲓⲟⲙ .
Now I would not have you ignorant, brothers, that our fathers were all under the cloud, and all passed through the sea;
bohairic.1Cor_06:1
ⲟⲩⲟⲛ ⲟⲩⲁⲓ ⲛⲁⲉⲣⲧⲟⲗⲙⲁⲛ ϧⲉⲛⲑⲏⲛⲟⲩ ⲉⲟⲩⲟⲛⲧⲉϥ ⲟⲩϩⲱⲃ ⲟⲩⲧⲱϥ ⲛⲉⲙⲡⲉϥϣⲫⲏⲣ ⲉϭⲓϩⲁⲡ ϩⲓⲛⲓⲣⲉϥϭⲓⲛϫⲟⲛⲥ ⲟⲩⲟϩ ϩⲓⲛⲓⲁⲅⲓⲟⲥ ⲁⲛ .
Dare any of you, having a matter against his neighbor, go to law before the unrighteous, and not before the saints?
bohairic.1Cor_14:2
ⲡⲉⲧⲥⲁϫⲓ ϧⲉⲛⲫⲗⲁⲥ ⲉϥⲥⲁϫⲓ ⲛⲉⲙⲛⲓⲣⲱⲙⲓ ⲁⲛ ⲁⲗⲗⲁ ⲫⲛⲟⲩϯ ⲙⲙⲟⲛ ϩⲗⲓ ⲅⲁⲣ ⲥⲱⲧⲉⲙ ⲉⲣⲟϥ ϧⲉⲛⲡⲓⲡⲛⲉⲩⲙⲁ ϫⲉϥⲥⲁϫⲓ ⲛϩⲁⲛⲙⲩⲥⲧⲏⲣⲓⲟⲛ .
For he who speaks in another language speaks not to men, but to God; for no one understands; but in the Spirit he speaks mysteries.
bohairic.1Cor_08:2
ⲫⲏ ⲉⲧϫⲱ ⲙⲙⲟⲥ ϫⲉⲁⲓⲉⲙⲓ ⲉϩⲗⲓ ⲙⲡⲁⲧϥⲉⲙⲓ ⲕⲁⲧⲁⲫⲣⲏϯ ⲉⲧⲥϣⲉ ⲛⲉⲙⲓ ⲙⲙⲟϥ .
But if anyone thinks that he knows anything, he doesn't yet know as he ought to know.
bohairic.1Cor_03:2
ⲁⲓⲧⲥⲉⲑⲏⲛⲟⲩ ⲛⲟⲩⲉⲣⲱϯ ⲛⲟⲩϧⲣⲉ ⲁⲛ ⲧⲉ ⲛⲉⲙⲡⲁⲧⲉⲧⲉⲛϣϫⲉⲙϫⲟⲙ ⲅⲁⲣ ⲡⲉ ⲁⲗⲗⲁ ⲟⲩⲇⲉ ϯⲛⲟⲩ ⲙⲡⲁⲧⲉⲧⲉⲛϣϫⲉⲙϫⲟⲙ .
I fed you with milk, not with meat; for you weren't yet ready. Indeed, not even now are you ready,
bohairic.1Cor_06:2
ϣⲁⲛ ⲧⲉⲧⲉⲛⲉⲙⲓ ⲁⲛ ϫⲉⲛⲓⲁⲅⲓⲟⲥ ⲉⲑⲛⲁϯϩⲁⲡ ⲉⲡⲓⲕⲟⲥⲙⲟⲥ ⲟⲩⲟϩ ⲓⲥϫⲉ ⲡⲓⲕⲟⲥⲙⲟⲥ ⲉⲩⲛⲁϯϩⲁⲡ ⲉⲣⲟϥ ϧⲉⲛⲑⲏⲛⲟⲩ ⲛⲁⲣⲉⲧⲉⲛⲙⲡϣⲁ ⲁⲛ ϫⲉⲛϩⲁⲛⲕⲟⲩϫⲓ ⲙⲙⲁ ⲛϯϩⲁⲡ .
Don't you know that the saints will judge the world? And if the world is judged by you, are you unworthy to judge the smallest matters?
bohairic.1Cor_07:2
ⲉⲑⲃⲉⲛⲓⲡⲟⲣⲛⲓⲁ ⲇⲉ ⲙⲁⲣⲉⲡⲓⲟⲩⲁⲓ ⲡⲓⲟⲩⲁⲓ ⲭⲁ ⲧⲉϥⲥϩⲓⲙⲓ ⲛⲁϥ ⲟⲩⲟϩ ⲙⲁⲣⲉϯⲟⲩⲓ ϯⲟⲩⲓ ⲭⲁⲡⲉⲥϩⲁⲓ ⲛⲁⲥ .
But, because of sexual immoralities, let each man have his own wife, and let each woman have her own husband.
bohairic.1Cor_04:2
ⲗⲟⲓⲡⲟⲛ ⲥⲉⲕⲱϯ ⲙⲡⲁⲓⲙⲁ ϧⲉⲛⲛⲓⲟⲓⲕⲟⲛⲟⲙⲟⲥ ϩⲓⲛⲁ ⲛⲥⲉϫⲉⲙⲟⲩⲁⲓ ⲉϥⲉⲛϩⲟⲧ .
Here, moreover, it is required of stewards, that they be found faithful.
bohairic.1Cor_11:2
ϯⲧⲁⲓⲟ ⲇⲉ ⲙⲙⲱⲧⲉⲛ ϫⲉⲧⲉⲧⲉⲛⲓⲣⲓ ⲙⲡⲁⲙⲉⲩⲓ ϧⲉⲛϩⲱⲃ ⲛⲓⲃⲉⲛ ⲟⲩⲟϩ ⲕⲁⲧⲁⲫⲣⲏϯ ⲉⲧⲁⲓϯ ⲛⲛⲓⲡⲁⲣⲁⲇⲟⲥⲓⲥ ⲛⲧⲉⲛⲑⲏⲛⲟⲩ ⲧⲉⲧⲛⲁⲙⲟⲛⲓ ⲙⲙⲱⲟⲩ .
Now I praise you, brothers, that you remember me in all things, and hold firm the traditions, even as I delivered them to you.
bohairic.1Cor_12:2
ⲧⲉⲧⲉⲛⲉⲙⲓ ϫⲉⲉⲣⲉⲧⲉⲛⲟⲓ ⲛⲉⲑⲛⲟⲥ ⲉⲣⲉⲧⲉⲛⲭⲏ ϧⲁⲛⲓⲓⲇⲱⲗⲟⲛ ⲛⲁⲧϧⲣⲱⲟⲩ ⲛⲁⲣⲉⲧⲉⲛⲙⲟϣⲓ ⲙⲫⲣⲏϯ ⲉⲧⲁⲩⲉⲛⲑⲏⲛⲟⲩ ⲉϩⲣⲏⲓ ⲙⲙⲟϥ .
You know that when you were heathen, you were led away to those mute idols, however you might be led.
bohairic.1Cor_01:2
ⲛϯⲉⲕⲕⲗⲏⲥⲓⲁ ⲛⲧⲉⲫⲛⲟⲩϯ ⲑⲏ ⲉⲧϣⲟⲡ ϧⲉⲛⲕⲟⲣⲓⲛⲑⲟⲥ ⲛⲏ ⲉⲧⲁⲩⲧⲟⲩⲃⲱⲟⲩ ϧⲉⲛⲡⲭⲣⲓⲥⲧⲟⲥ ⲓⲏⲥⲟⲩⲥ ⲛⲏ ⲉⲧⲑⲁϩⲉⲙ ⲉⲑⲟⲩⲁⲃ ⲛⲉⲙⲟⲩⲟⲛ ⲛⲓⲃⲉⲛ ⲉⲑⲙⲟⲩϯ ⲉⲫⲣⲁⲛ ⲙⲡⲉⲛϭⲟⲓⲥ ⲓⲏⲥⲟⲩⲥ ⲡⲭⲣⲓⲥⲧⲟⲥ ϧⲉⲛⲙⲁⲓ ⲛⲓⲃⲉⲛ ⲛⲧⲱⲟⲩ ⲛⲉⲙⲛⲧⲁⲛ .
to the assembly of God which is at Corinth; those who are sanctified in Christ Jesus, called to be saints, with all who call on the name of our Lord Jesus Christ in every place, both theirs and ours:
bohairic.1Cor_16:2
ⲕⲁⲧⲁⲫⲟⲩⲁⲓ ⲛⲛⲓⲥⲁⲃⲃⲁⲧⲟⲛ ⲙⲁⲣⲉⲡⲓⲟⲩⲁⲓ ⲡⲓⲟⲩⲁⲓ ⲙⲙⲱⲧⲉⲛ ⲭⲱ ⲛⲧⲟⲧϥ ⲉϥϩⲓⲟⲩⲓ ⲉϧⲟⲩⲛ ⲙⲫⲏ ⲉⲧⲉⲡⲉϥⲙⲱⲓⲧ ⲛⲁⲥⲱⲟⲩⲧⲉⲛ ⲛϧⲏⲧϥ ϩⲓⲛⲁ ⲙⲏⲡⲱⲥ ⲁⲓϣⲁⲛⲓ ⲧⲟⲧⲉ ⲛⲧⲉϩⲁⲛⲱⲡ ϣⲱⲡⲓ .
On the first day of the week, let each one of you save, as he may prosper, that no collections be made when I come.
bohairic.1Cor_09:2
ⲓⲥϫⲉϯⲟⲓ ⲛⲁⲡⲟⲥⲧⲟⲗⲟⲥ ⲁⲛ ⲛϩⲁⲛⲕⲉⲭⲱⲟⲩⲛⲓ ⲁⲗⲗⲁ ϯⲟⲓ ⲛⲱⲧⲉⲛ ϯⲥⲫⲣⲁⲅⲓⲥ ⲅⲁⲣ ⲛⲧⲉⲧⲁⲙⲉⲧⲁⲡⲟⲥⲧⲟⲗⲟⲥ ⲛⲑⲱⲧⲉⲛ ⲡⲉ ϧⲉⲛⲡϭⲟⲓⲥ .
If to others I am not an apostle, yet at least I am to you; for you are the seal of my apostleship in the Lord.
bohairic.1Cor_10:2
ⲟⲩⲟϩ ⲁⲩϭⲓⲱⲙⲥ ⲧⲏⲣⲟⲩ ⲉⲙⲱⲩⲥⲏⲥ ϧⲉⲛϯϭⲏⲡⲓ ⲛⲉⲙϧⲉⲛⲫⲓⲟⲙ .
and were all baptized into Moses in the cloud and in the sea;
bohairic.1Cor_02:2
ⲙⲡⲓϯϩⲁⲡ ⲅⲁⲣ ⲉⲉⲙⲓ ⲉϩⲗⲓ ϧⲉⲛⲑⲏⲛⲟⲩ ⲉⲃⲏⲗ ⲉⲓⲏⲥⲟⲩⲥ ⲡⲭⲣⲓⲥⲧⲟⲥ ⲟⲩⲟϩ ⲫⲁⲓ ⲁⲩⲁϣϥ .
For I determined not to know anything among you, except Jesus Christ, and him crucified.
bohairic.1Cor_15:2
ⲫⲁⲓ ⲟⲛ ⲉⲧⲉⲧⲉⲛⲛⲁⲛⲟϩⲉⲙ ⲉⲃⲟⲗ ϩⲓⲧⲟⲧϥ ϫⲉϧⲉⲛⲟⲩⲥⲁϫⲓ ⲁⲓϩⲓϣⲉⲛⲛⲟⲩϥⲓ ⲛⲱⲧⲉⲛ ⲓⲥϫⲉⲧⲉⲧⲉⲛⲁⲙⲟⲛⲓ ⲙⲙⲟϥ ⲥⲁⲃⲟⲗ ⲓⲙⲏⲧⲓ ϩⲓⲕⲏ ⲁⲣⲉⲧⲉⲛⲛⲁϩϯ .
by which also you are saved, if you hold firmly the word which I preached to you--unless you believed in vain.
bohairic.1Cor_05:2
ⲟⲩⲟϩ ⲛⲑⲱⲧⲉⲛ ϩⲱⲧⲉⲛ ⲧⲉⲧⲉⲛϭⲟⲥⲓ ⲛϩⲏⲧ ⲟⲩⲟϩ ⲉⲑⲃⲉⲟⲩ ⲙⲁⲗⲗⲟⲛ ⲙⲡⲉⲧⲉⲛⲉⲣϩⲏⲃⲓ ϩⲓⲛⲁ ⲛⲥⲉⲱⲗⲓ ⲉⲃⲟⲗ ϧⲉⲛⲧⲉⲧⲉⲛⲙⲏϯ ⲙⲫⲏ ⲉⲧⲁϥⲓⲣⲓ ⲙⲡⲁⲓϩⲱⲃ ⲙⲡⲁⲓⲣⲏϯ .
You are puffed up, and didn't rather mourn, that he who had done this deed might be removed from among you.
bohairic.1Cor_13:2
ⲕⲁⲛ ⲉⲟⲩⲟⲛ ⲛⲧⲏⲓ ⲛⲟⲩⲡⲣⲟⲫⲏⲧⲓⲁ ⲉⲓⲥⲱⲟⲩⲛ ⲛⲛⲓⲙⲩⲥⲧⲏⲣⲓⲟⲛ ⲧⲏⲣⲟⲩ ⲛⲉⲙⲡⲉⲙⲓ ⲧⲏⲣϥ ⲕⲁⲛ ⲉⲣⲉⲫⲛⲁϩϯ ⲧⲏⲣϥ ⲛⲧⲟⲧ ϩⲱⲥⲧⲉ ⲉⲟⲩⲱⲧⲉⲃ ⲛϩⲁⲛⲧⲱⲟⲩ ⲉⲃⲟⲗ ⲙⲙⲟⲛϯ ⲁⲅⲁⲡⲏ ⲇⲉ ⲙⲙⲁⲩ ⲁⲛⲟⲕ ϩⲗⲓ .
If I have the gift of prophecy, and know all mysteries and all knowledge; and if I have all faith, so as to remove mountains, but don't have love, I am nothing.
bohairic.1Cor_14:3
ⲫⲏ ⲇⲉ ⲉⲧⲉⲣⲡⲣⲟⲫⲏⲧⲉⲩⲓⲛ ⲁϥⲥⲁϫⲓ ⲛⲉⲙⲛⲓⲣⲱⲙⲓ ⲛⲟⲩⲕⲱⲧ ⲛⲉⲙⲟⲩⲛⲟⲙϯ ⲛⲉⲙⲟⲩⲑⲱⲧ ⲛϩⲏⲧ .
But he who prophesies speaks to men for their edification, exhortation, and consolation.
bohairic.1Cor_03:3
ⲉⲧⲓ ⲅⲁⲣ ⲛⲑⲱⲧⲉⲛ ϩⲁⲛⲥⲁⲣⲕⲓⲕⲟⲥ ϩⲱⲥ ⲅⲁⲣ ⲉⲟⲩⲟⲛⲟⲩⲭⲟϩ ⲛⲉⲙⲟⲩϣϭⲛⲏⲛ ϧⲉⲛⲑⲏⲛⲟⲩ ⲙⲏ ⲛⲑⲱⲧⲉⲛ ϩⲁⲛⲥⲁⲣⲕⲓⲕⲟⲥ ⲁⲛ ⲟⲩⲟϩ ⲁⲧⲉⲧⲉⲛⲙⲟϣⲓ ⲕⲁⲧⲁⲣⲱⲙⲓ .
for you are still fleshly. For insofar as there is jealousy, strife, and factions among you, aren't you fleshly, and don't you walk in the ways of men?
bohairic.1Cor_09:3
ⲧⲁⲁⲡⲟⲗⲟⲅⲓⲁ ⲛⲛⲏ ⲉⲧϧⲟⲧϧⲉⲧ ⲙⲙⲟⲓ ⲑⲁⲓ ⲧⲉ .
My defense to those who examine me is this.
bohairic.1Cor_13:3
ⲕⲁⲛ ⲁⲓϣⲁⲛϯ ⲛⲛⲏ ⲉⲧⲉⲛⲟⲩⲓ ⲧⲏⲣⲟⲩ ⲉⲑⲣⲟⲩⲟⲩⲟⲙⲟⲩ ⲟⲩⲟϩ ⲛⲧⲁϯ ⲙⲡⲁⲕⲉⲥⲱⲙⲁ ϩⲓⲛⲁ ⲛⲧⲁϣⲟⲩϣⲟⲩ ⲙⲙⲟⲛϯ ⲁⲅⲁⲡⲏ ⲇⲉ ⲙⲙⲁⲩ ⲛϯϫⲉⲙϩⲏⲟⲩ ⲛϩⲗⲓ ⲁⲛ .
If I dole out all my goods to feed the poor, and if I give my body to be burned, but don't have love, it profits me nothing.
bohairic.1Cor_01:3
ⲡϩⲙⲟⲧ ⲛⲱⲧⲉⲛ ⲛⲉⲙⲧϩⲓⲣⲏⲛⲏ ⲉⲃⲟⲗ ϩⲓⲧⲉⲛⲫⲛⲟⲩϯ ⲡⲉⲛⲓⲱⲧ ⲛⲉⲙⲡⲉⲛϭⲟⲓⲥ ⲓⲏⲥⲟⲩⲥ ⲡⲭⲣⲓⲥⲧⲟⲥ .
Grace to you and peace from God our Father and the Lord Jesus Christ.
bohairic.1Cor_11:3
ϯⲟⲩⲉϣⲑⲏⲛⲟⲩ ⲉⲣⲉⲧⲉⲛⲉⲙⲓ ϫⲉⲧⲁⲫⲉ ⲛⲣⲱⲙⲓ ⲛⲓⲃⲉⲛ ⲡⲉ ⲡⲭⲣⲓⲥⲧⲟⲥ ⲧⲁⲫⲉ ⲇⲉ ⲛϯⲥϩⲓⲙⲓ ⲡⲉⲥϩⲁⲓ ⲡⲉ ⲧⲁⲫⲉ ⲇⲉ ⲙⲡⲭⲣⲓⲥⲧⲟⲥ ⲫⲛⲟⲩϯ ⲡⲉ .
But I would have you know that the head of every man is Christ, and the head of the woman is the man, and the head of Christ is God.
bohairic.1Cor_12:3
ⲉⲑⲃⲉⲫⲁⲓ ϯⲧⲁⲙⲟ ⲙⲙⲱⲧⲉⲛ ϫⲉⲙⲙⲟⲛ ϩⲗⲓ ⲉϥⲥⲁϫⲓ ϧⲉⲛⲡⲓⲡⲛⲉⲩⲙⲁ ⲛⲧⲉⲫⲛⲟⲩϯ ϫⲱ ⲙⲙⲟⲥ ϫⲉⲟⲩⲟⲛⲟⲩⲁⲛⲁⲑⲉⲙⲁ ⲡⲉ ⲓⲏⲥⲟⲩⲥ ⲟⲩⲟϩ ⲙⲙⲟⲛ ϣϫⲟⲙ ⲛⲧⲉϩⲗⲓ ϫⲟⲥ ϫⲉⲡϭⲟⲓⲥ ⲓⲏⲥⲟⲩⲥ ⲓⲙⲏϯ ϧⲉⲛⲟⲩⲡⲛⲉⲩⲙⲁ ⲉϥⲟⲩⲁⲃ .
Therefore I make known to you that no man speaking by God's Spirit says, 'Jesus is accursed.' No one can say, 'Jesus is Lord,' but by the Holy Spirit.
bohairic.1Cor_10:3
ⲟⲩⲟϩ ⲧⲁⲓϧⲣⲉ ⲛⲟⲩⲱⲧ ⲙⲡⲛⲉⲩⲙⲁⲧⲓⲕⲟⲛ ⲁⲩⲟⲩⲟⲙⲥ ⲧⲏⲣⲟⲩ .
and all ate the same spiritual food;
bohairic.1Cor_04:3
ⲁⲛⲟⲕ ⲟⲩⲙⲉⲧⲕⲟⲩϫⲓ ⲛⲏⲓ ⲧⲉ ϩⲓⲛⲁ ⲛⲧⲉⲧⲉⲛϯϩⲁⲡ ⲉⲣⲟⲓ ⲉⲃⲟⲗ ϩⲓⲧⲉⲛⲑⲏⲛⲟⲩ ⲓⲉ ⲉⲃⲟⲗ ϩⲓⲧⲉⲛⲟⲩⲉϩⲟⲟⲩ ⲛⲧⲉⲟⲩⲙⲉⲧⲣⲱⲙⲓ ⲁⲗⲗⲁ ⲟⲩⲇⲉ ⲁⲛⲟⲕ ⲛϯϯϩⲁⲡ ⲉⲣⲟⲓ ⲁⲛ .
But with me it is a very small thing that I should be judged by you, or by man's judgment. Yes, I don't judge my own self.
bohairic.1Cor_02:3
ⲁⲛⲟⲕ ϩⲱ ϧⲉⲛⲟⲩⲙⲉⲧⲁⲥⲑⲉⲛⲏⲥ ⲛⲉⲙⲟⲩϩⲟϯ ⲛⲉⲙⲟⲩⲥⲑⲉⲣⲧⲉⲣ ⲉⲛⲁϣⲱϥ ⲁⲓⲓ ϩⲁⲣⲱⲧⲉⲛ .
I was with you in weakness, in fear, and in much trembling.
bohairic.1Cor_15:3
ⲁⲓϯ ⲅⲁⲣ ⲛⲧⲉⲛⲑⲏⲛⲟⲩ ⲛϣⲟⲣⲡ ⲙⲫⲏ ⲉⲧⲁⲓϭⲓⲧϥ ϫⲉⲡⲭⲣⲓⲥⲧⲟⲥ ⲁϥⲙⲟⲩ ⲉϩⲣⲏⲓ ⲉϫⲉⲛⲛⲉⲛⲛⲟⲃⲓ ⲕⲁⲧⲁⲛⲓⲅⲣⲁⲫⲏ .
For I delivered to you first of all that which I also received: that Christ died for our sins according to the Scriptures,
bohairic.1Cor_06:3
ⲛⲧⲉⲧⲉⲛⲉⲙⲓ ⲁⲛ ϫⲉⲉⲛⲛⲁϯϩⲁⲡ ⲉϩⲁⲛⲁⲅⲅⲉⲗⲟⲥ ⲙⲏⲧⲓ ⲅⲉ ϩⲁⲛϩⲃⲏⲟⲩⲓ ⲛⲧⲉⲡⲁⲓⲃⲓⲟⲥ .
Don't you know that we will judge angels? How much more, things that pertain to this life?
bohairic.1Cor_16:3
ⲉϣⲱⲡ ⲇⲉ ⲁⲓϣⲁⲛⲓ ⲛⲏ ⲉⲧⲉⲧⲉⲛⲛⲁⲉⲣⲇⲟⲕⲓⲙⲁⲍⲓⲛ ⲙⲙⲱⲟⲩ ⲛⲁⲓ ⲉⲓⲉⲟⲩⲟⲣⲡⲟⲩ ⲉⲃⲟⲗ ϩⲓⲧⲉⲛϩⲁⲛⲉⲡⲓⲥⲧⲟⲗⲏ ⲉϭⲓ ⲙⲡⲉⲧⲉⲛϩⲙⲟⲧ ⲉⲓⲉⲣⲟⲥⲁⲗⲏⲙ .
When I arrive, I will send whoever you approve with letters to carry your gracious gift to Jerusalem.
bohairic.1Cor_08:3
ⲫⲏ ⲇⲉ ⲉⲧⲉⲣⲁⲅⲁⲡⲁⲛ ⲙⲫⲛⲟⲩϯ ⲫⲁⲓ ⲁⲩⲥⲟⲩⲱⲛϥ ⲉⲃⲟⲗ ϩⲓⲧⲟⲧϥ .
But if anyone loves God, the same is known by him.
bohairic.1Cor_05:3
ⲁⲛⲟⲕ ⲙⲉⲛ ⲅⲁⲣ ⲛϯⲛⲉⲙⲱⲧⲉⲛ ⲁⲛ ϧⲉⲛⲡⲓⲥⲱⲙⲁ ϯⲛⲉⲙⲱⲧⲉⲛ ⲇⲉ ϧⲉⲛⲡⲓⲡⲛⲉⲩⲙⲁ ϩⲏⲇⲏ ⲉⲓϯϩⲁⲡ ϩⲱⲥ ⲉⲓⲛⲉⲙⲱⲧⲉⲛ ⲙⲫⲏ ⲉⲧⲁϥⲓⲣⲓ ⲙⲡⲁⲓϩⲱⲃ ⲙⲡⲁⲓⲣⲏϯ .
For I most certainly, as being absent in body but present in spirit, have already, as though I were present, judged him who has done this thing.
bohairic.1Cor_07:3
ⲡⲓϩⲁⲓ ⲙⲁⲣⲉϥϯ ⲙⲡⲉⲧⲉⲣⲟϥ ⲛϯⲥϩⲓⲙⲓ ⲡⲁⲓⲣⲏϯ ⲟⲛ ϯⲥϩⲓⲙⲓ ⲙⲁⲣⲉⲥϯ ⲙⲡⲉⲧⲉⲣⲟⲥ ⲙⲡⲉⲥϩⲁⲓ .
Let the husband render to his wife the affection owed her, and likewise also the wife to her husband.
bohairic.1Cor_08:4
ⲉⲑⲃⲉⲛⲓϧⲣⲏⲟⲩⲓ ⲟⲩⲛ ⲛⲧⲉⲛⲓϣⲱⲧ ⲛⲓⲇⲱⲗⲟⲛ ⲧⲉⲛⲉⲙⲓ ϫⲉϩⲗⲓ ⲡⲉ ⲛⲓⲇⲱⲗⲟⲛ ϧⲉⲛⲡⲓⲕⲟⲥⲙⲟⲥ ⲟⲩⲟϩ ϫⲉⲙⲙⲟⲛϩⲗⲓ ⲛⲛⲟⲩϯ ⲉⲃⲏⲗ ⲉⲟⲩⲁⲓ .
Therefore concerning the eating of things sacrificed to idols, we know that no idol is anything in the world, and that there is no other God but one.
bohairic.1Cor_11:4
ⲣⲱⲙⲓ ⲛⲓⲃⲉⲛ ⲉⲧⲧⲱⲃϩ ⲓⲉ ⲉϥⲉⲣⲡⲣⲟⲫⲏ ⲧⲉⲩⲓⲛ ⲉⲣⲉϫⲱϥ ϩⲱⲃⲥ ⲉϥϯϣⲓⲡⲓ ⲛⲧⲉϥⲁⲫⲉ .
Every man praying or prophesying, having his head covered, dishonors his head.
bohairic.1Cor_14:4
ⲡⲉⲧⲥⲁϫⲓ ϧⲉⲛⲫⲗⲁⲥ ⲁϥⲕⲱⲧ ⲙⲙⲟϥ ⲙⲙⲁⲩⲁⲧϥ ⲫⲏ ⲇⲉ ⲉⲧⲉⲣⲡⲣⲟⲫⲏⲧⲉⲩⲓⲛ ⲁϥⲕⲱⲧ ⲛⲟⲩⲉⲕⲕⲗⲏⲥⲓⲁ .
He who speaks in another language edifies himself, but he who prophesies edifies the assembly.
bohairic.1Cor_01:4
ϯϣⲉⲡϩⲙⲟⲧ ⲛⲧⲉⲛⲡⲁⲛⲟⲩϯ ⲛⲥⲏⲟⲩ ⲛⲓⲃⲉⲛ ⲉϩⲣⲏⲓ ⲉϫⲉⲛⲑⲏⲛⲟⲩ ⲛⲉⲙⲉϫⲉⲛⲡⲓϩⲙⲟⲧ ⲛⲧⲉⲫⲛⲟⲩϯ ⲉⲧⲁⲩⲧⲏⲓϥ ⲛⲱⲧⲉⲛ ϧⲉⲛⲡⲭⲣⲓⲥⲧⲟⲥ ⲓⲏⲥⲟⲩⲥ .
I always thank my God concerning you, for the grace of God which was given you in Christ Jesus;
bohairic.1Cor_03:4
ⲉϣⲱⲡ ⲅⲁⲣ ⲛⲧⲉⲟⲩⲁⲓ ϫⲟⲥ ϫⲉⲁⲛⲟⲕ ⲙⲉⲛ ⲁⲛⲟⲕ ⲫⲁⲡⲁⲩⲗⲟⲥ ⲕⲉⲟⲩⲁⲓ ⲇⲉ ϫⲉⲁⲛⲟⲕ ⲫⲁⲁⲡⲟⲗⲗⲱ ⲟⲩⲭⲓ ⲛⲑⲱⲧⲉⲛ ϩⲁⲛⲣⲱⲙⲓ .
For when one says, 'I follow Paul,' and another, 'I follow Apollos,' aren't you fleshly?
bohairic.1Cor_06:4
ⲉϣⲱⲡ ⲙⲉⲛ ⲟⲩⲛ ⲉⲟⲩⲟⲛⲧⲱⲧⲉⲛ ⲙⲙⲁⲩ ⲛϩⲁⲛⲙⲁ ⲛϯϩⲁⲡ ⲛⲧⲉⲡⲁⲓⲃⲓⲟⲥ ⲛⲏ ⲉⲧϣⲏϣ ϧⲉⲛϯⲉⲕⲕⲗⲏⲥⲓⲁ ⲛⲁⲓ ⲙⲁⲧϩⲉⲙⲥⲱⲟⲩ .
If then, you have to judge things pertaining to this life, do you set them to judge who are of no account in the assembly?
bohairic.1Cor_16:4
ⲉϣⲱⲡ ⲇⲉ ⲉⲡⲓϩⲱⲃ ⲙⲡϣⲁ ⲉⲑⲣⲓϣⲉ ϩⲱ ⲉⲩⲉⲙⲟϣⲓ ⲛⲉⲙⲏⲓ .
If it is appropriate for me to go also, they will go with me.
bohairic.1Cor_05:4
ϧⲉⲛⲫⲣⲁⲛ ⲙⲡⲉⲛϭⲟⲓⲥ ⲓⲏⲥⲟⲩⲥ ⲡⲭⲣⲓⲥⲧⲟⲥ ⲛⲧⲉⲧⲉⲛⲑⲱⲟⲩϯ ⲉⲩⲙⲁ ⲛⲉⲙⲡⲁⲡⲛⲉⲩⲙⲁ ⲛⲉⲙϯϫⲟⲙ ⲛⲧⲉⲡⲉⲛϭⲟⲓⲥ ⲓⲏⲥⲟⲩⲥ ⲡⲭⲣⲓⲥⲧⲟⲥ .
In the name of our Lord Jesus Christ, you being gathered together, and my spirit, with the power of our Lord Jesus Christ,
bohairic.1Cor_12:4
ⲟⲩⲟⲛϩⲁⲛⲧⲟⲓ ⲇⲉ ⲙⲫⲱϣ ⲉⲩϣⲟⲡ ⲛⲧⲉϩⲁⲛϩⲙⲟⲧ ⲉⲡⲁⲓⲡⲛⲉⲩⲙⲁ ⲣⲱ ⲡⲉ .
Now there are various kinds of gifts, but the same Spirit.
bohairic.1Cor_07:4
ϯⲥϩⲓⲙⲓ ⲙⲙⲟⲛⲧⲉⲥ ⲉⲣϣⲓϣⲓ ⲙⲡⲉⲥⲥⲱⲙⲁ ⲙⲙⲓⲛⲙⲙⲟⲥ ⲁⲗⲗⲁ ⲡⲓϩⲁⲓ ⲡⲉ ⲡⲁⲓⲣⲏϯ ⲇⲉ ⲟⲛ ⲡⲓⲕⲉϩⲁⲓ ⲙⲙⲟⲛⲧⲉϥ ⲉⲣϣⲓϣⲓ ⲙⲡⲉϥⲥⲱⲙⲁ ⲙⲙⲓⲛⲙⲙⲟϥ ⲁⲗⲗⲁ ϯⲥϩⲓⲙⲓ ⲧⲉ .
The wife doesn't have authority over her own body, but the husband. Likewise also the husband doesn't have authority over his own body, but the wife.
bohairic.1Cor_09:4
ⲙⲏ ⲙⲙⲟⲛⲧⲉⲛ ⲉⲣϣⲓϣⲓ ⲉⲟⲩⲱⲙ ⲛⲉⲙⲉⲥⲱ .
Have we no right to eat and to drink?
bohairic.1Cor_04:4
ⲟⲩⲇⲉ ⲅⲁⲣ ⲁⲛⲟⲕ ⲛϯⲥⲱⲟⲩⲛ ⲛϩⲗⲓ ⲁⲛ ⲛϧⲣⲏⲓ ⲛϧⲏⲧ ⲁⲗⲗⲁ ⲟⲩⲇⲉ ⲛϧⲣⲏⲓ ϧⲉⲛⲫⲁⲓ ⲛϯⲑⲙⲁⲓⲏⲟⲩⲧ ⲁⲛ ⲫⲏ ⲇⲉ ⲉⲑⲛⲁϯϩⲁⲡ ⲉⲣⲟⲓ ⲡϭⲟⲓⲥ ⲡⲉ .
For I know nothing against myself. Yet I am not justified by this, but he who judges me is the Lord.
bohairic.1Cor_02:4
ⲟⲩⲟϩ ⲡⲁⲥⲁϫⲓ ⲛⲉⲙ ⲡⲁϩⲓⲱⲓϣ ⲛⲁϥϧⲉⲛϩⲁⲛⲑⲱⲧ ⲛϩⲏⲧ ⲁⲛ ⲛⲧⲉϩⲁⲛⲥⲁϫⲓ ⲛⲥⲟⲫⲓⲁ ⲛⲣⲱⲙⲓ ⲁⲗⲗⲁ ϧⲉⲛⲟⲩⲱⲛϩ ⲉⲃⲟⲗ ⲛⲧⲉⲟⲩⲡⲛⲉⲩⲙⲁ ⲛⲉⲙⲟⲩϫⲟⲙ .
My speech and my preaching were not in persuasive words of human wisdom, but in demonstration of the Spirit and of power,
bohairic.1Cor_15:4
ⲟⲩⲟϩ ϫⲉⲁⲩⲕⲟⲥϥ ⲟⲩⲟϩ ϫⲉⲁϥⲧⲱⲛϥ ϧⲉⲛⲡⲓⲉϩⲟⲟⲩ ⲙⲙⲁϩⲅ ⲕⲁⲧⲁⲛⲓⲅⲣⲁⲫⲏ .
that he was buried, that he was raised on the third day according to the Scriptures,
bohairic.1Cor_10:4
ⲟⲩⲟϩ ⲡⲁⲓⲥⲱ ⲛⲟⲩⲱⲧ ⲙⲡⲛⲉⲩⲙⲁⲧⲓⲕⲟⲛ ⲁⲩⲥⲟϥ ⲧⲏⲣⲟⲩ ⲛⲁⲩⲥⲱ ⲅⲁⲣ ⲡⲉ ⲉⲃⲟⲗ ϧⲉⲛⲟⲩⲡⲛⲉⲩⲙⲁⲧⲓⲕⲏ ⲙⲡⲉⲧⲣⲁ ⲉⲥⲙⲟϣⲓ ⲛⲥⲱⲟⲩ ϯⲡⲉⲧⲣⲁ ⲇⲉ ⲛⲉⲡⲭⲣⲓⲥⲧⲟⲥ ⲡⲉ .
and all drank the same spiritual drink. For they drank of a spiritual rock that followed them, and the rock was Christ.
bohairic.1Cor_13:4
ϯⲁⲅⲁⲡⲏ ϣⲁⲥⲱⲟⲩ ⲛϩⲏⲧ ϣⲁⲥⲉⲣϩⲉⲗϫⲉ ϯⲁⲅⲁⲡⲏ ⲙⲡⲁⲥⲭⲟϩ ϯⲁⲅⲁⲡⲏ ⲙⲡⲁⲥⲉⲣⲡⲉⲣⲡⲉⲣⲟⲥ ⲙⲡⲁⲥϭⲓⲥⲓ ⲛϩⲏⲧ .
Love is patient and is kind; love doesn't envy. Love doesn't brag, is not proud,
bohairic.1Cor_14:5
ϯⲟⲩⲉϣⲑⲏⲛⲟⲩ ⲇⲉ ⲧⲏⲣⲟⲩ ⲉⲣⲉⲧⲉⲛⲥⲁϫⲓ ϧⲉⲛϩⲁⲛⲗⲁⲥ ⲙⲁⲗⲗⲟⲛ ⲇⲉ ϩⲓⲛⲁ ⲛⲧⲉⲧⲉⲛⲉⲣⲡⲣⲟⲫⲏⲧⲉⲩⲓⲛ ⲛⲁⲁⲡⲉⲧⲉⲣⲡⲣⲟⲫⲏⲧⲉⲩⲓⲛ ⲇⲉ ⲉϩⲟⲧⲉ ⲡⲉⲧⲥⲁϫⲓ ϧⲉⲛⲫⲗⲁⲥ ⲥⲁⲃⲟⲗ ⲓⲙⲏⲧⲓ ⲛⲧⲉϥⲉⲣⲙⲉⲛⲉⲩⲓⲛ ϩⲓⲛⲁ ⲛⲧⲉϯⲉⲕⲕⲗⲏⲥⲓⲁ ϭⲓ ⲛⲟⲩⲕⲱⲧ .
Now I desire to have you all speak with other languages, but rather that you would prophesy. For he is greater who prophesies than he who speaks with other languages, unless he interprets, that the assembly may be built up.
bohairic.1Cor_16:5
ⲉⲓⲉⲓ ⲇⲉ ϩⲁⲣⲱⲧⲉⲛ ⲉϣⲱⲡ ⲁⲓϣⲁⲛⲥⲉⲛ ⲧⲙⲁⲕⲉⲇⲟⲛⲓⲁ ⲧⲙⲁⲕⲉⲇⲟⲛⲓⲁ ⲅⲁⲣ ϯⲛⲁⲥⲉⲛⲥ .
But I will come to you when I have passed through Macedonia, for I am passing through Macedonia.
bohairic.1Cor_03:5
ⲟⲩ ⲟⲩⲛ ⲡⲉ ⲁⲡⲟⲗⲗⲱ ⲟⲩ ⲇⲉ ⲡⲁⲩⲗⲟⲥ ϩⲁⲛⲇⲓⲁⲕⲱⲛ ⲛⲉ ⲉⲁⲣⲉⲧⲉⲛⲛⲁϩϯ ⲉⲃⲟⲗ ϩⲓⲧⲟⲧⲟⲩ ⲡⲓⲟⲩⲁⲓ ⲡⲓⲟⲩⲁⲓ ⲕⲁⲧⲁⲫⲣⲏϯ ⲉⲧⲁⲡϭⲟⲓⲥ ϯ ⲛⲁϥ .
Who then is Apollos, and who is Paul, but servants through whom you believed; and each as the Lord gave to him?
bohairic.1Cor_05:5
ⲉϯ ⲙⲫⲁⲓ ⲙⲡⲁⲓⲣⲏϯ ⲉⲧⲟⲧϥ ⲙⲡⲥⲁⲧⲁⲛⲁⲥ ⲉⲡⲧⲁⲕⲟ ⲛⲧⲉϯⲥⲁⲣⲝ ϩⲓⲛⲁ ⲛⲧⲉⲡⲓⲡⲛⲉⲩⲙⲁ ⲛⲟϩⲉⲙ ϧⲉⲛⲡⲉϩⲟⲟⲩ ⲙⲡⲉⲛϭⲟⲓⲥ ⲓⲏⲥⲟⲩⲥ ⲡⲭⲣⲓⲥⲧⲟⲥ .
are to deliver such a one to Satan for the destruction of the flesh, that the spirit may be saved in the day of the Lord Jesus.
bohairic.1Cor_10:5
ⲁⲗⲗⲁ ⲙⲡⲉⲫⲛⲟⲩϯ ϯⲙⲁϯ ϧⲉⲛⲡⲟⲩϩⲟⲩⲟ ⲁⲩⲫⲱϣ ⲅⲁⲣ ⲛϩⲣⲏⲓ ϩⲓⲡϣⲁϥⲉ .
However with most of them, God was not well pleased, for they were overthrown in the wilderness.
bohairic.1Cor_06:5
ⲉⲓϫⲱ ⲙⲙⲟⲥ ⲉⲩϫⲫⲓⲟ ⲛⲱⲧⲉⲛ ⲡⲁⲓⲣⲏϯ ⲙⲙⲟⲛ ϩⲗⲓ ⲛⲥⲁⲃⲉ ϧⲉⲛⲑⲏⲛⲟⲩ ⲉⲟⲩⲟⲛϣϫⲟⲙ ⲙⲙⲟϥ ⲉⲉⲣⲇⲓⲁⲕⲣⲓⲛⲓⲛ ⲟⲩⲧⲉⲡⲉϥⲥⲟⲛ .
I say this to move you to shame. Isn't there even one wise man among you who would be able to decide between his brothers?
bohairic.1Cor_07:5
ⲙⲡⲉⲣϥⲉϫⲛⲉⲧⲉⲛⲉⲣⲏⲟⲩ ⲉⲃⲏⲗ ⲁⲣⲏⲟⲩ ϧⲉⲛⲟⲩϯⲙⲁϯ ⲡⲣⲟⲥ ⲟⲩⲥⲏⲟⲩ ϩⲓⲛⲁ ⲛⲧⲉⲧⲉⲛⲥⲣⲟϥⲧ ⲉϯⲡⲣⲟⲥⲉⲩⲭⲏ ⲟⲩⲟϩ ⲡⲁⲗⲓⲛ ⲛⲧⲉⲧⲉⲛⲓ ⲉⲩⲙⲁ ϩⲓⲛⲁ ⲛⲧⲉ ϣⲧⲉⲙⲡⲥⲁⲧⲁⲛⲁⲥ ⲉⲣⲡⲓⲣⲁⲍⲓⲛ ⲙⲙⲱⲧⲉⲛ ⲉⲑⲃⲉⲧⲉⲧⲉⲛⲙⲉⲧⲁⲧⲑⲱⲧ .
Don't deprive one another, unless it is by consent for a season, that you may give yourselves to fasting and prayer, and may be together again, that Satan doesn't tempt you because of your lack of self-control.
bohairic.1Cor_09:5
ⲙⲏ ⲟⲩⲟⲛⲧⲉⲛ ⲉⲣϣⲓϣⲓ ⲉⲑⲣⲉⲟⲩⲥⲱⲛⲓ ⲛⲥϩⲓⲙⲓ ⲙⲟϣⲓ ⲛⲥⲱⲛ ⲙⲫⲣⲏϯ ⲙⲡⲥⲉⲡⲓ ⲛⲛⲓⲁⲡⲟⲥⲧⲟⲗⲟⲥ ⲛⲉⲙⲛⲓⲥⲛⲏⲟⲩ ⲛⲧⲉⲡϭⲟⲓⲥ ⲛⲉⲙⲕⲏⲫⲁ .
Have we no right to take along a wife who is a believer, even as the rest of the apostles, and the brothers of the Lord, and Cephas?
bohairic.1Cor_08:5
ⲕⲉ ⲅⲁⲣ ⲓⲥϫⲉⲟⲩⲟⲛϩⲁⲛⲟⲩⲟⲛ ⲉⲩⲙⲟⲩϯ ⲉⲣⲱⲟⲩ ϫⲉⲛⲟⲩϯ ⲓⲧⲉ ⲛϩⲣⲏⲓ ϧⲉⲛⲧⲫⲉ ⲓⲧⲉ ϩⲓϫⲉⲛⲡⲓⲕⲁϩⲓ ⲙⲫⲣⲏϯ ⲉⲧⲉⲟⲩⲟⲛⲟⲩⲙⲏϣ ⲛⲛⲟⲩϯ ⲛⲉⲙⲟⲩⲙⲏϣ ⲛϭⲟⲓⲥ .
For though there are things that are called 'gods,' whether in the heavens or on earth; as there are many 'gods' and many 'lords;'
bohairic.1Cor_12:5
ⲟⲩⲟϩ ⲟⲩⲟⲛϩⲁⲛⲧⲟⲓ ⲙⲫⲱϣ ⲉⲩϣⲟⲡ ⲛⲧⲉϩⲁⲛⲇⲓⲁⲕⲱⲛⲓⲁ ⲉⲡⲁⲓϭⲟⲓⲥ ⲣⲱ ⲡⲉ .
There are various kinds of service, and the same Lord.
bohairic.1Cor_13:5
ⲙⲡⲁⲥϭⲓϣⲓⲡⲓ ⲙⲡⲁⲥⲕⲱϯ ⲛⲥⲁⲛⲏ ⲉⲧⲉⲛⲟⲩⲥ ⲙⲡⲁⲥϫⲱⲛⲧ ⲙⲡⲁⲥⲙⲉⲩⲓ ⲉⲡⲓⲡⲉⲧϩⲱⲟⲩ .
doesn't behave itself inappropriately, doesn't seek its own way, is not provoked, takes no account of evil;
bohairic.1Cor_15:5
ⲟⲩⲟϩ ⲁϥⲟⲩⲟⲛϩϥ ⲉⲕⲏⲫⲁ ⲓⲧⲁ ⲁϥⲟⲩⲟⲛϩϥ ⲉⲡⲓⲓⲃ
and that he appeared to Cephas, then to the twelve.
bohairic.1Cor_02:5
ϩⲓⲛⲁ ⲡⲉⲧⲉⲛⲛⲁϩϯ ⲛⲧⲉϥϣⲧⲉⲙϣⲱⲡⲓ ϧⲉⲛⲟⲩⲥⲟⲫⲓⲁ ⲛⲣⲱⲙⲓ ⲁⲗⲗⲁ ϧⲉⲛⲟⲩϫⲟⲙ ⲛⲧⲉⲫⲛⲟⲩϯ .
that your faith wouldn't stand in the wisdom of men, but in the power of God.
bohairic.1Cor_04:5
ϩⲱⲥⲧⲉ ⲙⲡⲉⲣϯϩⲁⲡ ⲉϩⲗⲓ ϧⲁⲧϩⲏ ⲙⲡⲓⲥⲏⲟⲩ ϣⲁⲧⲉϥⲓ ⲛϫⲉⲡϭⲟⲓⲥ ⲫⲏ ⲉⲑⲛⲁⲑⲣⲉⲛⲏ ⲉⲧϩⲏⲡ ⲛⲧⲉⲡⲭⲁⲕⲓ ⲉⲣⲟⲩⲱⲓⲛⲓ ⲟⲩⲟϩ ⲛⲧⲉϥⲟⲩⲟⲛϩ ⲉⲃⲟⲗ ⲛⲛⲓⲥⲟϭⲛⲓ ⲛⲧⲉⲛⲓϩⲏⲧ ⲟⲩⲟϩ ⲧⲟⲧⲉ ⲉⲣⲉⲡⲧⲁⲓⲟ ⲙⲡⲓⲟⲩⲁⲓ ⲡⲓⲟⲩⲁⲓ ϣⲱⲡⲓ ⲛⲁϥ ⲉⲃⲟⲗ ϩⲓⲧⲉⲛⲫⲛⲟⲩϯ .
Therefore judge nothing before the time, until the Lord comes, who will both bring to light the hidden things of darkness, and reveal the counsels of the hearts. Then each man will get his praise from God.
bohairic.1Cor_01:5
ϫⲉϧⲉⲛϩⲱⲃ ⲛⲓⲃⲉⲛ ⲁⲧⲉⲧⲉⲛⲉⲣⲣⲁⲙⲁⲟ ⲛϧⲣⲏⲓ ⲛϧⲏⲧϥ ϧⲉⲛⲥⲁϫⲓ ⲛⲓⲃⲉⲛ ⲛⲉⲙⲉⲙⲓ ⲛⲓⲃⲉⲛ
that in everything you were enriched in him, in all speech and all knowledge;
bohairic.1Cor_11:5
ⲥϩⲓⲙⲓ ⲇⲉ ⲛⲓⲃⲉⲛ ⲉⲥⲧⲱⲃϩ ⲓⲉ ⲉⲥⲉⲣⲡⲣⲟⲫⲏⲧⲉⲩⲓⲛ ⲛϫⲱⲥ ϩⲱⲃⲥ ⲁⲛ ⲥϯϣⲓⲡⲓ ⲛⲧⲉⲥⲁⲫⲉ ⲟⲩⲁⲓ ⲅⲁⲣ ⲡⲉ ⲟⲩⲟϩ ⲫⲁⲓ ⲣⲱ ⲡⲉ ⲛⲑⲏⲉⲧⲉϫⲱⲥ ϧⲟⲕϩⲥ .
But every woman praying or prophesying with her head unveiled dishonors her head. For it is one and the same thing as if she were shaved.
bohairic.1Cor_10:6
ⲛⲁⲓ ⲇⲉ ⲁⲩϣⲱⲡⲓ ⲛⲁⲛ ⲛϩⲁⲛⲧⲩⲡⲟⲥ ϫⲉⲛⲧⲉⲛϣⲧⲉⲙϣⲱⲡⲓ ⲉⲛⲟⲓ ⲛⲣⲉϥⲉⲣⲉⲡⲓⲑⲩⲙⲓⲛ ⲛϩⲁⲛⲡⲉⲧϩⲱⲟⲩ ⲕⲁⲧⲁⲫⲣⲏϯ ⲉⲧⲁⲛⲏⲉⲣⲉⲡⲓⲑⲩⲙⲓⲛ .
Now these things were our examples, to the intent we should not lust after evil things, as they also lusted.
bohairic.1Cor_11:6
ⲓⲥϫⲉⲅⲁⲣ ⲙⲙⲟⲛ ⲟⲩⲥϩⲓⲙⲓ ⲛⲁϩⲉⲃⲥϫⲱⲥ ⲓⲉ ⲙⲁⲣⲉⲥϧⲟⲕϩϥ ⲓⲥϫⲉⲟⲩϣⲱϣ ⲡⲉ ⲉⲟⲩⲥϩⲓⲙⲓ ⲉϫⲉⲃⲥϫⲱⲥ ⲓⲉ ⲉϧⲟⲕϩϥ ⲓⲉ ⲙⲁⲣⲉⲥϩⲉⲃⲥϫⲱⲥ .
For if a woman is not covered, let her also be shorn. But if it is shameful for a woman to be shorn or shaved, let her be covered.
bohairic.1Cor_14:6
ϯⲛⲟⲩ ⲇⲉ ⲛⲁⲥⲛⲏⲟⲩ ⲉϣⲱⲡ ⲁⲓϣⲁⲛⲓ ϩⲁⲣⲱⲧⲉⲛ ⲉⲓⲥⲁϫⲓ ϧⲉⲛϩⲁⲛⲗⲁⲥ ⲟⲩ ⲛϩⲏⲟⲩ ⲡⲉ ϯⲛⲁⲧⲏⲓϥ ⲛⲱⲧⲉⲛ ⲁⲓϣⲧⲉⲙⲥⲁϫⲓ ⲛⲉⲙⲱⲧⲉⲛ ϧⲉⲛⲟⲩϭⲱⲣⲡ ⲉⲃⲟⲗ ⲓⲉ ϧⲉⲛⲟⲩⲉⲙⲓ ⲓⲉ ϧⲉⲛⲟⲩⲡⲣⲟⲫⲏⲧⲓⲁ ⲓⲉ ϧⲉⲛⲟⲩⲥⲃⲱ .
But now, brothers, if I come to you speaking with other languages, what would I profit you, unless I speak to you either by way of revelation, or of knowledge, or of prophesying, or of teaching?
bohairic.1Cor_16:6
ⲧⲁⲭⲁ ⲇⲉ ⲛⲧⲁⲟϩⲓ ϧⲁⲧⲉⲛ ⲑⲏⲛⲟⲩ ⲓⲉ ⲛⲧⲁⲉⲣϯⲫⲣⲱ ϩⲓⲛⲁ ⲛⲑⲱⲧⲉⲛ ⲛⲧⲉⲧⲉⲛⲧⲫⲟⲓ ⲉⲡⲓⲙⲁ ⲉϯⲛⲁϣⲉ ⲉⲣⲟϥ .
But with you it may be that I will stay, or even winter, that you may send me on my journey wherever I go.
bohairic.1Cor_03:6
ⲁⲛⲟⲕ ⲁⲓⲧⲱϫⲓ ⲁⲡⲟⲗⲗⲱ ⲁϥⲧⲥⲟ ⲁⲗⲗⲁ ⲫⲛⲟⲩϯ ⲁϥⲑⲣⲟⲩⲁⲓⲁⲓ .
I planted. Apollos watered. But God gave the increase.
bohairic.1Cor_05:6
ⲛⲁⲛⲉⲡⲉⲧⲉⲛϣⲟⲩϣⲟⲩ ⲁⲛ ⲛⲧⲉⲧⲉⲛⲉⲙⲓ ⲁⲛ ϫⲉⲟⲩⲕⲟⲩϫⲓ ⲛϣⲉⲙⲏⲣ ϣⲁϥⲑⲣⲉⲡⲓⲟⲩⲱϣⲉⲙ ⲧⲏⲣϥ ϭⲓϣⲉⲙⲏⲣ .
Your boasting is not good. Don't you know that a little yeast leavens the whole lump?
bohairic.1Cor_08:6
ⲛⲁⲛ ⲇⲉ ⲁⲛⲟⲛ ⲟⲩⲁⲓ ⲡⲉ ⲫⲛⲟⲩϯ ⲫⲓⲱⲧ ⲫⲏ ⲉⲧⲁ ⲉⲛⲭⲁⲓ ⲛⲓⲃⲉⲛ ϣⲱⲡⲓ ⲉⲃⲟⲗ ϩⲓⲧⲟⲧϥ ⲟⲩⲟϩ ⲁⲛⲟⲛ ϩⲱⲛ ⲉϧⲟⲩⲛ ⲉⲣⲟϥ ⲟⲩⲁⲓ ⲡⲉ ⲡⲉⲛϭⲟⲓⲥ ⲓⲏⲥⲟⲩⲥ ⲡⲭⲣⲓⲥⲧⲟⲥ ⲫⲏ ⲉⲧⲁⲉⲛⲭⲁⲓ ⲛⲓⲃⲉⲛ ϣⲱⲡⲓ ⲉⲃⲟⲗ ϩⲓⲧⲟⲧϥ ⲟⲩⲟϩ ⲁⲛⲟⲛ ϩⲱⲛ ⲉⲃⲟⲗ ϩⲓⲧⲟⲧϥ .
yet to us there is one God, the Father, of whom are all things, and we for him; and one Lord, Jesus Christ, through whom are all things, and we live through him.
bohairic.1Cor_09:6
ϣⲁⲛ ⲁⲛⲟⲕ ⲙⲙⲁⲩⲁⲧ ⲛⲉⲙⲃⲁⲣⲛⲁⲃⲁⲥ ⲉⲧⲉⲙⲙⲟⲛⲧⲉⲛ ⲉⲣϣⲓϣⲓ ⲙⲙⲁⲩ ⲉϣⲧⲉⲙⲉⲣϩⲱⲃ .
Or have only Barnabas and I no right to not work?
bohairic.1Cor_02:6
ⲟⲩⲥⲟⲫⲓⲁ ⲇⲉ ⲡⲉⲧⲉⲛⲥⲁϫⲓ ⲙⲙⲟⲥ ϧⲉⲛⲛⲏ ⲉⲧϫⲏⲕ ⲉⲃⲟⲗ ⲟⲩⲥⲟⲫⲓⲁ ⲇⲉ ⲛⲑⲁⲡⲁⲓⲉⲛⲉϩ ⲁⲛ ⲧⲉ ⲟⲩⲇⲉ ⲛⲑⲁⲛⲓⲁⲣⲭⲱⲛ ⲁⲛ ⲛⲧⲉⲡⲁⲓⲉⲛⲉϩ ⲛⲁⲓ ⲉⲑⲛⲁⲕⲱⲣϥ .
We speak wisdom, however, among those who are full grown; yet a wisdom not of this world, nor of the rulers of this world, who are coming to nothing.
bohairic.1Cor_13:6
ⲙⲡⲁⲥⲣⲁϣⲓ ⲉϫⲉⲛⲑⲙⲉⲧϭⲓ ⲛϫⲟⲛⲥ ϣⲁⲥⲣⲁϣⲓ ⲇⲉ ⲉϫⲉⲛⲑⲙⲏⲓ .
doesn't rejoice in unrighteousness, but rejoices with the truth;
bohairic.1Cor_15:6
ⲙⲉⲛⲉⲛⲥⲱⲥ ⲁϥⲟⲩⲟⲛϩϥ ⲥⲁⲡϣⲱⲓ ⲛⲫ ⲛⲥⲟⲛ ⲉⲩⲥⲟⲡ ⲛⲁⲓ ⲉⲧⲉⲡⲟⲩϩⲟⲩⲟ ϣⲟⲡ ϣⲁⲉϧⲟⲩⲛ ⲉϯⲛⲟⲩ ϩⲁⲛⲕⲉⲭⲱⲟⲩⲛⲓ ⲇⲉ ⲁⲩⲉⲛⲕⲟⲧ .
Then he appeared to over five hundred brothers at once, most of whom remain until now, but some have also fallen asleep.
bohairic.1Cor_04:6
ⲛⲁⲓ ⲇⲉ ⲛⲁⲥⲛⲏⲟⲩ ⲁⲓϣⲟⲡⲧⲟⲩ ⲛⲥⲭⲏⲙⲁ ⲉⲣⲟⲓ ⲛⲉⲙⲁⲡⲟⲗⲗⲱ ⲉⲑⲃⲉⲑⲏⲛⲟⲩ ϩⲓⲛⲁ ⲛϧⲣⲏⲓ ⲛϧⲏⲧⲉⲛ ⲛⲧⲉⲧⲉⲛϭⲓⲥⲃⲱ ⲉϣⲧⲉⲙⲉⲣ ⲥⲁⲃⲟⲗ ⲛⲛⲏ ⲉⲧⲥϧⲏⲟⲩⲧ ϩⲓⲛⲁ ϫⲉⲛⲛⲉⲟⲩⲁⲓ ϭⲓⲥⲓ ⲙⲙⲟϥ ⲉⲑⲃⲉⲟⲩⲁⲓ ⲉϩⲣⲏⲓ ⲉϫⲉⲛⲡⲉϥϣⲫⲏⲣ .
Now these things, brothers, I have in a figure transferred to myself and Apollos for your sakes, that in us you might learn not to think beyond the things which are written, that none of you be puffed up against one another.
bohairic.1Cor_12:6
ⲟⲩⲟϩ ⲟⲩⲟⲛϩⲁⲛⲧⲟⲓ ⲙⲫⲱϣ ⲛⲧⲉϩⲁⲛϩⲃⲏⲟⲩⲓ ⲉⲡⲁⲓⲛⲟⲩϯ ⲣⲱ ⲡⲉ ⲉⲧⲉⲣϩⲱⲃ ⲛⲉⲛⲭⲁⲓ ⲛⲓⲃⲉⲛ ϧⲉⲛⲟⲩⲟⲛ ⲛⲓⲃⲉⲛ .
There are various kinds of workings, but the same God, who works all things in all.
bohairic.1Cor_01:6
ⲕⲁⲧⲁⲫⲣⲏϯ ⲉⲧⲁϯⲙⲉⲧⲙⲉⲑⲣⲉ ⲛⲧⲉⲡⲭⲣⲓⲥⲧⲟⲥ ⲧⲁϫⲣⲟ ϧⲉⲛⲑⲏⲛⲟⲩ .
even as the testimony of Christ was confirmed in you:
bohairic.1Cor_06:6
ⲁⲗⲗⲁ ⲟⲩⲥⲟⲛ ⲛⲉⲙⲟⲩⲥⲟⲛ ⲉϥϭⲓϩⲁⲡ ⲟⲩⲟϩ ⲫⲁⲓ ϩⲓⲛⲓⲁⲑⲛⲁϩϯ .
But brother goes to law with brother, and that before unbelievers!
bohairic.1Cor_07:6
ⲫⲁⲓ ⲇⲉ ϯϫⲱ ⲙⲙⲟϥ ⲕⲁⲧⲁⲟⲩⲥⲩⲛⲅⲛⲱⲙⲏ ⲕⲁⲧⲁⲟⲩⲁϩⲥⲁϩⲛⲓ ⲁⲛ .
But this I say by way of concession, not of commandment.
bohairic.1Cor_11:7
ⲡⲓⲣⲱⲙⲓ ⲙⲉⲛ ⲅⲁⲣ ⲥⲉⲙⲡϣⲁ ⲛⲁϥ ⲁⲛ ⲛⲧⲉϥϩⲉⲃⲥϫⲱϥ ϫⲉⲟⲩϩⲓⲕⲱⲛ ⲛⲉⲙⲟⲩⲱⲟⲩ ⲛⲧⲉⲫⲛⲟⲩϯ ⲡⲉ ϯⲥϩⲓⲙⲓ ⲇⲉ ⲛⲑⲟⲥ ⲟⲩⲱⲟⲩ ⲛⲧⲉⲡⲉⲥϩⲁⲓ ⲡⲉ .
For a man indeed ought not to have his head covered, because he is the image and glory of God, but the woman is the glory of the man.
bohairic.1Cor_10:7
ⲟⲩⲇⲉ ⲙⲡⲣϣⲱⲡⲓ ⲛϣⲁⲙϣⲉ ⲓⲇⲱⲗⲟⲛ ⲙⲫⲣⲏϯ ⲛϩⲁⲛⲟⲩⲟⲛ ⲛϧⲏⲧⲟⲩ ⲙⲫⲣⲏϯ ⲉⲧⲥϧⲏⲟⲩⲧ ϫⲉⲁϥϩⲉⲙⲥⲓ ⲛϫⲉⲡⲓⲗⲁⲟⲥ ⲉⲟⲩⲱⲙ ⲛⲉⲙⲉⲥⲱ ⲟⲩⲟϩ ⲁⲩⲧⲱⲟⲩⲛⲟⲩ ⲉⲥⲱⲃⲓ .
Neither be idolaters, as some of them were. As it is written, 'The people sat down to eat and drink, and rose up to play.'
bohairic.1Cor_03:7
ϩⲱⲥⲧⲉ ⲟⲩⲇⲉ ⲫⲏ ⲉⲧⲧⲱϫⲓ ⲟⲩⲇⲉ ⲫⲏ ⲉⲧⲧⲥⲟ ϩⲗⲓ ⲡⲉ ⲁⲗⲗⲁ ⲫⲛⲟⲩϯ ⲉⲧⲑⲣⲟ ⲙⲙⲱⲟⲩ ⲉⲁⲓⲁⲓ .
So then neither he who plants is anything, nor he who waters, but God who gives the increase.
bohairic.1Cor_14:7
ⲟⲙⲱⲥ ⲛⲓⲁⲧⲯⲩⲭⲏ ⲉⲩϯ ⲛⲧⲟⲩⲥⲙⲏ ⲓⲧⲉ ⲟⲩⲥⲏⲃⲓ ⲛϫⲱ ⲓⲧⲉ ⲟⲩⲕⲩⲑⲁⲣⲁ ⲁⲩϣⲧⲉⲙϣⲓⲃϯ ⲛⲧⲟⲩⲥⲙⲏ ⲡⲱⲥ ⲥⲉⲛⲁⲉⲙⲓ ⲉⲡⲉⲧⲟⲩϫⲱ ⲙⲙⲟϥ ⲓⲉ ⲫⲏ ⲉⲧⲟⲩⲉⲣⲕⲩⲑⲁⲣⲓⲍⲓⲛ ⲙⲙⲟϥ .
Even things without life, giving a voice, whether pipe or harp, if they didn't give a distinction in the sounds, how would it be known what is piped or harped?

Coptic SCRIPTORIUM, corpus bohairic.1corinthians (github.com/CopticScriptorium/corpora). Licence as stated per document in the project's own meta.json and checked there at parse time. English, where present, is Coptic SCRIPTORIUM's aligned translation. Licence: public domain text, CC-BY annotation. Source.