Acts (Bohairic Coptic)

Coptic New Testament (Bohairic) · 1,006 sections

22.21
ⲟⲩⲟϩ ⲡⲉϫⲁϥ ⲛⲏⲓ ϫⲉⲙⲟϣⲓ ϫⲉⲁⲛⲟⲕ ϯⲛⲁⲟⲩⲟⲣⲡⲕ ⲉϩⲁⲛⲉⲑⲛⲟⲥ ⲉⲩⲟⲩⲏⲟⲩ .
'He said to me, 'Depart, for I will send you out far from here to the Gentiles.''
22.22
ⲛⲁⲩⲥⲱⲧⲉⲙ ⲇⲉ ⲉⲣⲟϥ ϣⲁⲡⲁⲓⲥⲁϫⲓ ⲟⲩⲟϩ ⲁⲩϭⲓⲥⲓ ⲛⲧⲟⲩⲥⲙⲏ ⲉϩⲣⲏⲓ ⲉⲩϫⲱ ⲙⲙⲟⲥ ϫⲉⲁⲗⲓ ⲫⲁⲓ ⲙⲫⲣⲏϯ ⲉⲃⲟⲗ ϩⲓϫⲉⲛⲡⲕⲁϩⲓ ⲟⲩ ⲅⲁⲣ ϥⲉⲙⲡϣⲁ ⲛⲱⲛϧ ⲁⲛ .
They listened to him until he said that; then they lifted up their voice, and said, 'Rid the earth of this fellow, for he isn't fit to live!'
22.23
ⲉⲩⲱϣ ⲇⲉ ⲉⲃⲟⲗ ⲟⲩⲟϩ ⲉⲩⲥⲓϯ ⲛⲛⲟⲩϩⲃⲱⲥ ⲟⲩⲟϩ ⲉⲩⲥⲉⲧ ϣⲱⲓϣ ⲉⲡⲓⲁⲏⲣ .
As they cried out, and threw off their cloaks, and threw dust into the air,
22.24
ⲁϥⲉⲣⲕⲉⲗⲉⲩⲓⲛ ⲛϫⲉⲡⲓⲭⲓⲗⲓⲁⲣⲭⲟⲥ ⲉⲑⲣⲟⲩϭⲓⲧϥ ⲉϧⲟⲩⲛ ⲉϯⲡⲁⲣⲉⲙⲃⲟⲗⲏ ⲉⲁϥϫⲟⲥ ⲉⲑⲣⲟⲩϯⲙⲕⲁϩ ⲛⲁϥ ϧⲉⲛϩⲁⲛⲙⲁⲥⲧⲓⲅⲝ ϩⲓⲛⲁ ⲛⲧⲉϥⲉⲙⲓ ϫⲉⲉⲑⲃⲉⲟⲩ ⲛⲗⲱⲓϫⲓ ⲥⲉⲱϣ ⲉⲃⲟⲗ ⲙⲡⲁⲓⲣⲏϯ ⲉϩⲣⲏⲓ ⲉϫⲱϥ .
the commanding officer commanded him to be brought into the barracks, ordering him to be examined by scourging, that he might know for what crime they shouted against him like that.
22.25
ϩⲟⲧⲉ ⲇⲉ ⲉⲧⲁⲩϭⲟⲗⲕϥ ϧⲉⲛⲛⲓϧⲱⲕ ⲡⲉϫⲉ ⲡⲁⲩⲗⲟⲥ ⲙⲡⲓⲉⲕⲁⲧⲟⲛⲧⲁⲣⲭⲟⲥ ⲉⲛⲁϥⲟϩⲓ ⲉⲣⲁⲧϥ ϫⲉⲟⲩⲣⲱⲙⲓ ⲛⲣⲱⲙⲉⲟⲥ ⲛϥⲉⲣ ⲡⲕⲉϩⲱⲟⲩⲓ ⲙⲡϩⲁⲡ ⲁⲛ ⲡⲉⲧⲥϣⲉ ⲛⲱⲧⲉⲛ ⲡⲉ ⲉⲉⲣⲙⲁⲥⲧⲓⲅⲅⲟⲓⲛ ⲙⲙⲟϥ .
When they had tied him up with thongs, Paul asked the centurion who stood by, 'Is it lawful for you to scourge a man who is a Roman, and not found guilty?'
22.26
ⲉⲧⲁϥⲥⲱⲧⲉⲙ ⲇⲉ ⲛϫⲉⲡⲓⲉⲕⲁⲧⲟⲛⲧⲁⲣⲭ ⲟⲥ ⲁϥϣⲉ ϣⲁⲡⲓⲭⲓⲗⲓⲁⲣⲭⲟⲥ ⲁϥⲧⲁⲙⲟϥ ⲉϥϫⲱ ⲙⲙⲟⲥ ϫⲉⲟⲩ ⲡⲉⲧⲉⲕⲛⲁⲁⲓϥ ⲡⲓⲣⲱⲙⲓ ⲅⲁⲣ ⲟⲩⲣⲱⲙⲉⲟⲥ ⲡⲉ .
When the centurion heard it, he went to the commanding officer and told him, 'Watch what you are about to do, for this man is a Roman!'
22.27
ⲁϥⲓ ⲇⲉ ϣⲁⲣⲟϥ ⲛϫⲉⲡⲓⲭⲓⲗⲓⲁⲣⲭⲟⲥ ⲡⲉϫⲁϥ ⲛⲁϥ ϫⲉⲁϫⲟⲥ ⲛⲏⲓ ϫⲉⲛⲑⲟⲕ ⲟⲩⲣⲱⲙⲉⲟⲥ ⲛⲑⲟϥ ⲇⲉ ⲡⲉϫⲁϥ ϫⲉⲁϩⲁ .
The commanding officer came and asked him, 'Tell me, are you a Roman?' He said, 'Yes.'
22.28
ⲁϥⲉⲣⲟⲩⲱ ⲛϫⲉⲡⲓⲭⲓⲗⲓⲁⲣⲭⲟⲥ ϫⲉⲁⲛⲟⲕ ⲁⲓϣⲱⲡ ⲛⲧⲁⲓⲡⲟⲗⲏⲧⲓⲁ ⲛⲏⲓ ϧⲁⲟⲩⲙⲏ ϣⲛⲕⲉⲫⲁⲗⲉⲟⲛ ⲡⲁⲩⲗⲟⲥ ⲇⲉ ⲡⲉϫⲁϥ ϫⲉⲁⲛⲟⲕ ⲉⲧⲁⲩⲙⲁⲥⲧ ⲛϧⲏⲧⲥ .
The commanding officer answered, 'I bought my citizenship for a great price.' Paul said, 'But I was born a Roman.'
22.29
ⲥⲁⲧⲟⲧⲟⲩ ⲟⲩⲛ ⲁⲩϩⲉⲛⲟⲩ ⲥⲁⲃⲟⲗ ⲙⲙⲟϥ ⲛϫⲉⲛⲏ ⲉⲧϯⲙⲕⲁϩ ⲛⲁϥ ⲟⲩⲟϩ ⲁ ⲡⲓⲭⲓⲗⲓⲁⲣⲭⲟⲥ ⲉⲣϩⲟϯ ⲉⲧⲁϥⲉⲙⲓ ϫⲉⲟⲩⲣⲱⲙⲉⲟⲥ ⲡⲉ ⲟⲩⲟϩ ϫⲉⲁϥⲥⲟⲛϩϥ .
Immediately those who were about to examine him departed from him, and the commanding officer also was afraid when he realized that he was a Roman, because he had bound him.
22.30
ⲡⲉϥⲣⲁⲥϯ ⲇⲉ ⲉϥⲟⲩⲱϣ ⲉⲉⲙⲓ ⲉⲡⲓⲧⲁϫⲣⲟ ϫⲉⲉⲑⲃⲉⲟⲩ ⲁⲩⲉⲣⲕⲁⲧⲏⲅⲟⲣⲓⲛ ⲉⲣⲟϥ ⲛϫⲉⲛⲓⲓⲟⲩⲇⲁⲓ ⲁϥⲃⲟⲗϥ ⲉⲃⲟⲗ ⲟⲩⲟϩ ⲁϥⲟⲩⲁϩⲥⲁϩⲛⲓ ⲉⲑⲣⲟⲩⲓ ⲛϫⲉⲛⲓⲁⲣⲭⲓⲉⲣⲉⲩⲥ ⲛⲉⲙⲡⲓⲙⲁ ⲛϯϩⲁⲡ ⲧⲏⲣϥ ⲟⲩⲟϩ ⲁϥⲉⲛ ⲡⲁⲩⲗⲟⲥ ⲉⲡⲉⲥⲏⲧ ⲁϥⲧⲁϩⲟϥ ⲉⲣⲁⲧϥ ⲛϧⲏⲧⲟⲩ .
But on the next day, desiring to know the truth about why he was accused by the Jews, he freed him from the bonds, and commanded the chief priests and all the council to come together, and brought Paul down and set him before them.
23.1
ⲉⲧⲁϥⲥⲟⲙⲥ ⲇⲉ ⲛϫⲉⲡⲁⲩⲗⲟⲥ ⲉⲡⲓⲙⲁ ⲛϯϩⲁⲡ ⲡⲉϫⲁϥ ⲛⲓⲣⲱⲙⲓ ⲛⲉⲛⲥⲛⲏⲟⲩ ⲁⲛⲟⲕ ⲛϧⲣⲏⲓ ϧⲉⲛⲥⲩⲛⲏⲇⲉⲥⲓⲥ ⲛⲓⲃⲉⲛ ⲉⲑⲛⲁⲛⲉⲩ ⲁⲓⲉⲣⲡⲟⲗⲓⲧⲉⲩⲉⲥⲑⲉ ⲙⲫⲛⲟⲩϯ ϣⲁⲉϧⲟⲩⲛ ⲉⲡⲁⲓⲉϩⲟⲟⲩ .
Paul, looking steadfastly at the council, said, 'Brothers, I have lived before God in all good conscience until this day.'
23.2
ⲡⲓⲁⲣⲭⲓⲉⲣⲉⲩⲥ ⲇⲉ ⲁⲛⲁⲛⲓⲁⲥ ⲁϥⲟⲩⲁϩⲥⲁϩⲛⲓ ⲛⲛⲏ ⲉⲧⲟϩⲓ ⲉⲣⲁⲧⲟⲩⲛⲁϩⲣⲁϥ ⲉⲑⲣⲟⲩϩⲓⲟⲩⲓ ϧⲉⲛⲣⲱϥ .
The high priest, Ananias, commanded those who stood by him to strike him on the mouth.
23.3
ⲧⲟⲧⲉ ⲡⲉϫⲉ ⲡⲁⲩⲗⲟⲥ ⲛⲁϥ ϫⲉⲫⲛⲟⲩϯ ⲛⲁϩⲓⲟⲩⲓ ⲉⲣⲟⲕ ⲙⲡⲁⲓⲣⲏϯ ϯϫⲟⲉⲓ ⲉⲧⲟϣϫ ⲛⲕⲟⲛⲓⲁ ⲕⲉⲣⲡⲕⲉϩⲉⲙⲥⲓ ⲉⲕϯϩⲁⲡ ⲉⲣⲟⲓ ⲕⲁⲧⲁⲡⲓⲛⲟⲙⲟⲥ ⲟⲩⲟϩ ⲕⲉⲣⲕⲉⲗⲉⲩⲓⲛ ⲉⲑⲣⲟⲩϩⲓⲟⲩⲓ ⲉⲣⲟⲓ ⲥⲁⲃⲟⲗ ⲙⲡⲓⲛⲟⲙⲟⲥ .
Then Paul said to him, 'God will strike you, you whitewashed wall! Do you sit to judge me according to the law, and command me to be struck contrary to the law?'
23.4
ⲛⲏ ⲇⲉ ⲉⲧⲟϩⲓ ⲉⲣⲁⲧⲟⲩⲡⲉϫⲱⲟⲩ ϫⲉⲁⲕϩⲱⲟⲩϣ ⲉⲡⲓⲁⲣⲭⲏⲉⲣⲉⲩⲥ ⲛⲧⲉⲫⲛⲟⲩϯ .
Those who stood by said, 'Do you malign God's high priest?'
23.5
ⲡⲁⲩⲗⲟⲥ ⲇⲉ ⲡⲉϫⲁϥ ϫⲉⲛⲁⲓⲥⲱⲟⲩⲛ ⲡⲉ ⲛⲁⲥⲛⲏⲟⲩ ϫⲉⲟⲩⲁⲣⲭⲓⲉⲣⲉⲩⲥ ⲡⲉ ⲥⲥϧⲏⲟⲩⲧ ⲅⲁⲣ ϫⲉⲟⲩⲁⲣⲭⲱⲛ ⲛⲧⲉⲡⲉⲕⲗⲁⲟⲥ ⲛⲛⲉⲕϫⲉ ⲡⲉⲧϩⲱⲟⲩ ϧⲁⲣⲟϥ .
Paul said, 'I didn't know, brothers, that he was high priest. For it is written, 'You shall not speak evil of a ruler of your people.''
23.6
ⲉⲧⲁϥⲉⲙⲓ ⲇⲉ ⲛϫⲉⲡⲁⲩⲗⲟⲥ ϫⲉⲟⲩⲟⲛ ⲟⲩⲙⲉⲣⲟⲥ ⲙⲉⲛ ⲉⲫⲁ ⲛⲓⲥⲁⲇⲇⲟⲩⲕⲉⲟⲥ ⲡⲉ ⲡⲓⲕⲉⲙⲉⲣⲟⲥ ⲇⲉ ⲉⲫⲁ ⲛⲓⲫⲁⲣⲓⲥⲁⲓⲟⲥ ⲡⲉ ⲁϥⲱϣ ⲉⲃⲟⲗ ϧⲉⲛⲡⲓⲙⲁ ⲛϯϩⲁⲡ ⲛⲓⲣⲱⲙⲓ ⲛⲉⲛⲥⲛⲏⲟⲩ ⲁⲛⲟⲕ ⲟⲩⲫⲁⲣⲓⲥⲉⲟⲥ ⲉⲑⲃⲉⲟⲩϩⲉⲗⲡⲓⲥ ⲛⲉⲙⲟⲩⲁⲛⲁⲥⲧⲁⲥⲓⲥ ⲛⲧⲉⲛⲓⲣⲉϥⲙⲱⲟⲩⲧ ⲁⲛⲟⲕ ⲥⲉϯϩⲁⲡ ⲉⲣⲟⲓ .
But when Paul perceived that the one part were Sadducees and the other Pharisees, he cried out in the council, 'Men and brothers, I am a Pharisee, a son of Pharisees. Concerning the hope and resurrection of the dead I am being judged!'
23.7
ⲫⲁⲓ ⲇⲉ ⲉⲧⲁϥϫⲟϥ ⲁϥϣⲱⲡⲓ ⲛϫⲉⲟⲩϣⲑⲟⲣⲧⲉⲣ ⲟⲩⲧⲉ ⲛⲓⲫⲁⲣⲓⲥⲁⲓⲟⲥ ⲛⲉⲙⲛⲓⲥⲁⲇⲇⲟⲩⲕⲉⲟⲥ ⲟⲩⲟϩ ⲁϥⲫⲱⲣϫ ⲛϫⲉⲡⲓⲙⲏϣ .
When he had said this, an argument arose between the Pharisees and Sadducees, and the assembly was divided.
23.8
ⲛⲓⲥⲁⲇⲇⲟⲩⲕⲉⲟⲥ ⲙⲉⲛ ⲅⲁⲣ ⲥⲉϫⲱ ⲙⲙⲟⲥ ϫⲉⲙⲙⲟⲛ ⲁⲛⲁⲥⲧⲁⲥⲓⲥ ⲟⲩⲇⲉ ⲁⲅⲅⲉⲗⲟⲥ ⲟⲩⲇⲉ ⲡⲛⲉⲩⲙⲁⲛⲓⲫⲁⲣⲓⲥⲉⲟⲥ ⲇⲉ ⲥⲉⲟⲩⲱⲛϩ ⲙⲙⲱⲟⲩ ⲉⲩⲥⲟⲡ .
For the Sadducees say that there is no resurrection, nor angel, nor spirit; but the Pharisees confess all of these.
23.9
ⲁϥϣⲱⲡⲓ ⲇⲉ ⲛϫⲉⲟⲩⲛⲓϣϯ ⲛϧⲣⲱⲟⲩ ⲟⲩⲟϩ ⲁⲩⲧⲱⲟⲩⲛ ⲛϫⲉϩⲁⲛⲟⲩⲟⲛ ⲉⲃⲟⲗ ϧⲉⲛⲛⲓⲫⲁⲣⲓⲥⲉⲟⲥ ⲁⲩⲙⲗⲁϧ ⲉⲩϫⲱ ⲙⲙⲟⲥ ϫⲉⲧⲉⲛϫⲉⲙ ϩⲗⲓ ⲙⲡⲉⲧϩⲱⲟⲩ ⲁⲛ ϧⲉⲛⲡⲁⲓⲣⲱⲙⲓ ⲓⲥϫⲉ ⲟⲩⲡⲛⲉⲩⲙⲁⲁϥⲥⲁϫⲓ ⲛⲉⲙⲁϥ ⲓⲉ ⲟⲩⲁⲅⲅⲉⲗⲟⲥ .
A great clamor arose, and some of the scribes of the Pharisees part stood up, and contended, saying, 'We find no evil in this man. But if a spirit or angel has spoken to him, let's not fight against God!'
23.10
ⲉⲧⲁϥϣⲱⲡⲓ ⲇⲉ ⲛϫⲉⲟⲩⲛⲓϣϯ ⲛϣⲑⲟⲣⲧⲉⲣ ⲁϥⲉⲣϩⲟϯ ⲛϫⲉⲡⲓⲭⲓⲗⲓⲁⲣⲭⲟⲥ ⲙⲏⲡⲱⲥ ⲛⲥⲉϥⲓ ⲙⲡⲁⲩⲗⲟⲥ ⲉⲃⲟⲗ ϩⲓⲧⲟⲧⲟⲩ ⲁϥⲉⲣⲕⲉⲗⲉⲩⲓⲛ ⲙⲡⲓⲥⲧⲣⲁⲧⲉⲩⲙⲁ ⲛⲧⲟⲩϣⲉ ⲉϩⲣⲏⲓ ⲛⲧⲟⲩϩⲱⲗⲉⲙ ⲙⲙⲟϥ ⲉⲃⲟⲗ ϧⲉⲛⲧⲟⲩϩⲙⲏϯ ⲛⲧⲟⲩⲉⲛϥ ⲉϩⲣⲏⲓ ⲉϯⲡⲁⲣⲉⲙⲃⲟⲗⲏ .
When a great argument arose, the commanding officer, fearing that Paul would be torn in pieces by them, commanded the soldiers to go down and take him by force from among them, and bring him into the barracks.
23.11
ⲛϩⲣⲏⲓ ⲇⲉ ϧⲉⲛⲡⲓⲉϫⲱⲣϩ ⲉⲑⲛⲏⲟⲩ ⲁⲡϭⲟⲓⲥ ⲟϩⲓ ⲉⲣⲁⲧϥ ⲛⲁϩⲣⲁϥ ⲡⲉϫⲁϥ ϫⲉϫⲉⲙⲛⲟⲙϯ ⲙⲫⲣⲏϯ ⲉⲧⲁⲕⲉⲣⲙⲉⲑⲣⲉ ⲉⲑⲃⲏⲧϧⲉⲛⲓⲉⲣⲟⲥⲁⲗⲏⲙ ⲡⲁⲓⲣⲏϯ ϩⲱϯ ⲉⲣⲟⲕ ⲟⲛ ⲛⲧⲉⲕⲉⲣⲙⲉⲑⲣⲉ ⲉⲑⲃⲏⲧϧⲉⲛⲧⲕⲉⲣⲱⲙⲏ .
The following night, the Lord stood by him, and said, 'Cheer up, Paul, for as you have testified about me at Jerusalem, so you must testify also at Rome.'
23.12
ⲉⲧⲁ ⲡⲓⲉϩⲟⲟⲩ ⲇⲉ ϣⲱⲡⲓ ⲁⲩⲑⲱⲟⲩϯ ⲛϫⲉⲛⲓⲓⲟⲩⲇⲁⲓ ⲁⲩⲧⲁⲣⲕⲱⲟⲩ ⲉⲩϫⲱ ⲙⲙⲟⲥ ⲉϣⲧⲉⲙⲟⲩⲱⲙ ⲟⲩⲇⲉ ⲉϣⲧⲉⲙⲥⲱ ϣⲁⲧⲟⲩϧⲱⲧⲉⲃ ⲙⲡⲁⲩⲗⲟⲥ .
When it was day, some of the Jews banded together, and bound themselves under a curse, saying that they would neither eat nor drink until they had killed Paul.
23.13
ⲛⲁⲩⲉⲣϩⲟⲩⲟ ⲇⲉ ⲉⲙ ⲛⲣⲱⲙⲓ ⲛϫⲉⲛⲏ ⲉⲧⲁⲩⲓⲣⲓ ⲙⲡⲁⲓⲁⲛⲁϣ .
There were more than forty people who had made this conspiracy.
23.14
ⲛⲁⲓ ⲁⲩⲓ ϣⲁⲛⲓⲁⲣⲭⲓⲉⲣⲉⲩⲥ ⲛⲉⲙⲛⲓⲡⲣⲉⲥⲃⲩⲧⲉⲣⲟⲥ ⲡⲉϫⲱⲟⲩ ϫⲉϧⲉⲛⲟⲩⲁⲛⲁⲑⲉⲙⲁ ⲁⲛⲧⲁⲣⲕⲟⲛ ⲉϣⲧⲉⲙϫⲉⲙϯⲡⲓ ⲛϩⲗⲓ ϣⲁⲧⲉⲛϧⲱⲧⲉⲃ ⲙⲡⲁⲩⲗⲟⲥ .
They came to the chief priests and the elders, and said, 'We have bound ourselves under a great curse, to taste nothing until we have killed Paul.
23.15
ϯⲛⲟⲩ ⲟⲩⲛ ⲟⲩⲟⲛϩ ⲉⲡⲓⲭⲓⲗⲓⲁⲣⲭⲟⲥ ⲛⲉⲙⲡⲓⲙⲁⲛϯϩⲁⲡ ϩⲟⲡⲱⲥ ⲛⲧⲉϥⲉⲛϥ ϣⲁⲣⲱⲧⲉⲛ ϩⲱⲥ ϫⲉⲉⲣⲉⲧⲉⲛⲉⲙⲓ ϧⲉⲛⲟⲩⲧⲁϫⲣⲟ ⲉⲑⲃⲏⲧϥ ⲁⲛⲟⲛ ⲇⲉ ⲙⲡⲁⲧϥϧⲱⲛⲧ ⲉⲣⲱⲧⲉⲛ ⲧⲉⲛⲥⲉⲃⲧⲱⲧ ⲉϧⲟⲑⲃϥ .
Now therefore, you with the council inform the commanding officer that he should bring him down to you tomorrow, as though you were going to judge his case more exactly. We are ready to kill him before he comes near.'
23.16
ⲉⲧⲁϥⲥⲱⲧⲉⲙ ⲇⲉ ⲉϯϫⲟⲣϫⲥ ⲛϫⲉⲡϣⲏⲣⲓ ⲛⲧⲥⲱⲛⲓ ⲙⲡⲁⲩⲗⲟⲥ ⲁϥⲓ ⲁϥϣⲉ ⲉϧⲟⲩⲛ ⲉϯⲡⲁⲣⲉⲙⲃⲟⲗⲏ ⲁϥⲧⲁⲙⲉ ⲡⲁⲩⲗⲟⲥ .
But Paul's sister's son heard of their lying in wait, and he came and entered into the barracks and told Paul.
23.17
ⲁϥⲙⲟⲩϯ ⲇⲉ ⲛϫⲉⲡⲁⲩⲗⲟⲥ ⲉⲟⲩⲁⲓ ⲛⲛⲓⲉⲕⲁⲧⲟⲛⲧⲁⲣⲭⲟⲥ ⲡⲉϫⲁϥ ϫⲉϭⲓ ⲙⲡⲁⲓϧⲉⲗϣⲓⲣⲓ ⲉϧⲟⲩⲛ ϣⲁⲡⲓⲭⲓⲗⲓⲁⲣⲭⲟⲥ ⲟⲩⲟⲛⲧⲉϥ ⲟⲩϩⲱⲃ ⲅⲁⲣ ⲉϫⲟϥ ⲛⲁϥ .
Paul summoned one of the centurions, and said, 'Bring this young man to the commanding officer, for he has something to tell him.'
23.18
ⲛⲑⲟϥ ⲙⲉⲛ ⲟⲩⲛ ⲁϥϭⲓⲧϥ ⲁϥⲉⲛϥ ϣⲁⲡⲓⲭⲓⲗⲓⲁⲣⲭⲟⲥ ⲟⲩⲟϩ ⲡⲉϫⲁϥ ϫⲉⲡⲉⲧⲥⲟⲛϩ ⲡⲁⲩⲗⲟⲥ ⲁϥⲙⲟⲩϯ ⲉⲣⲟⲓ ⲁϥϫⲟⲥ ⲛⲏⲓ ⲉⲓⲛⲓ ⲙⲡⲁⲓϧⲉⲗϣⲓⲣⲓ ⲉϧⲟⲩⲛ ϣⲁⲣⲟⲕ ⲉⲟⲩⲟⲛⲧⲉϥ ⲟⲩϩⲱⲃ ⲉϫⲟϥ ⲛⲁⲕ .
So he took him, and brought him to the commanding officer, and said, 'Paul, the prisoner, summoned me and asked me to bring this young man to you, who has something to tell you.'
23.19
ⲁϥⲁⲙⲁϩⲓ ⲇⲉ ⲛⲧⲉϥϫⲓϫ ⲛϫⲉⲡⲓⲭⲓⲗⲓⲁⲣⲭ ⲟⲥ ⲟⲩⲟϩ ⲉⲧⲁϥⲉⲣⲁⲛⲁⲭⲱⲣⲓⲛ ⲥⲁⲟⲩⲥⲁ ⲙⲙⲁⲩⲁⲧϥ ⲛⲁϥϣⲓⲛⲓ ⲙⲙⲟϥ ϫⲉⲟⲩ ⲡⲉⲧⲉⲕⲟⲩⲱϣ ⲉϫⲟϥ ⲛⲏⲓ .
The commanding officer took him by the hand, and going aside, asked him privately, 'What is it that you have to tell me?'
23.20
ⲡⲉϫⲁϥ ϫⲉⲛⲓⲓⲟⲩⲇⲁⲓ ⲁⲩⲥⲉⲙⲛⲏⲧⲥ ⲉⲧⲟⲃϩⲕ ⲛⲣⲁⲥϯ ϩⲟⲡⲱⲥ ⲛⲧⲉⲕⲓⲛⲓ ⲙⲡⲁⲩⲗⲟⲥ ⲉⲡⲓⲙⲁⲛϯϩⲁⲡ ϩⲱⲥ ⲉⲕⲛⲁⲉⲙⲓ ⲉⲑⲃⲏⲧϥ ϧⲉⲛⲟⲩⲧⲁϫⲣⲟ .
He said, 'The Jews have agreed to ask you to bring Paul down to the council tomorrow, as though intending to inquire somewhat more accurately concerning him.
23.21
ⲛⲑⲟⲕ ⲟⲩⲛ ⲙⲡⲉⲛⲑⲣⲉ ⲡⲉⲕϩⲏⲧ ⲑⲱⲧ ⲛⲉⲙⲱⲟⲩ ⲟⲩⲟⲛ ϩⲟⲩⲟ ⲅⲁⲣ ⲉⲙ ⲛⲣⲱⲙⲓ ⲉⲃⲟⲗ ⲛϧⲏⲧⲟⲩ ⲉⲩϫⲱⲣϫ ⲉⲣⲟϥ ⲛⲁⲓ ⲉⲧⲁⲩⲧⲁⲣⲕⲉ ⲛⲟⲩⲉⲣⲏⲟⲩ ⲉϣⲧⲉⲙⲟⲩⲱⲙ ⲟⲩⲇⲉ ⲉϣⲧⲉⲙⲥⲱ ϣⲁⲧⲟⲩϧⲱⲧⲉⲃ ⲙⲙⲟϥ ⲟⲩⲟϩ ϯⲛⲟⲩ ⲥⲉⲥⲉⲃⲧⲱⲧ ⲉⲩϫⲟⲩϣⲧ ⲉⲃⲟⲗ ϧⲁⲧϩⲏ ⲙⲡⲓⲱϣ ⲉⲑⲛⲁϣⲱⲡⲓ ⲉⲃⲟⲗ ϩⲓⲧⲟⲧⲕ .
Therefore don't yield to them, for more than forty men lie in wait for him, who have bound themselves under a curse neither to eat nor to drink until they have killed him. Now they are ready, looking for the promise from you.'
23.22
ⲡⲓⲭⲓⲗⲓⲁⲣⲭⲟⲥ ⲟⲩⲛ ⲁϥⲭⲁ ⲡⲓϧⲉⲗϣⲓⲣⲓ ⲉⲃⲟⲗ ⲉⲁϥϩⲟⲛϩⲉⲛ ⲛⲁϥ ⲉϣⲧⲉⲙϫⲟⲥ ⲛϩⲗⲓ ϫⲉⲁⲕⲧⲁⲙⲟⲓ ⲉⲛⲁⲓ .
So the commanding officer let the young man go, charging him, 'Tell no one that you have revealed these things to me.'
23.23
ⲟⲩⲟϩ ⲁϥⲙⲟⲩϯ ⲉⲃ ⲉⲃⲟⲗ ϧⲉⲛⲛⲓⲉⲕⲁⲧⲟⲛⲧⲁⲣⲭⲟⲥ ⲡⲉϫⲁϥ ⲛⲱⲟⲩ ϫⲉⲥⲉⲃⲧⲉ ⲥⲙⲙⲁⲧⲟⲓ ϩⲟⲡⲱⲥ ⲛⲥⲉϣⲉ ϣⲁⲕⲉⲥⲁⲣⲓⲁ ⲛⲉⲙⲟⲛϩⲓⲡⲉⲩⲥ ⲛⲉⲙⲥⲛⲣⲉϥϩⲓⲗⲟⲅⲭⲏ ⲓⲥϫⲉⲛ ⲫⲛⲁⲩ ⲛⲁϫⲡⲅ ⲙⲡⲓⲉϫⲱⲣϩ .
He called to himself two of the centurions, and said, 'Prepare two hundred soldiers to go as far as Caesarea, with seventy horsemen, and two hundred men armed with spears, at the third hour of the night.'
23.24
ⲛⲥⲉϭⲓ ⲛϩⲁⲛⲕⲉⲧⲉⲃⲛⲱⲟⲩⲓ ϩⲓⲛⲁ ⲛⲧⲟⲩⲧⲁⲗⲉ ⲡⲁⲩⲗⲟⲥ ⲛⲧⲟⲩⲛⲁϩⲙⲉϥ ϣⲁⲫⲩⲗⲓⲝ ⲡⲓϩⲏⲅⲉⲙⲱⲛ .
He asked them to provide animals, that they might set Paul on one, and bring him safely to Felix the governor.
23.25
ⲁϥⲥϧⲁⲓ ⲇⲉ ⲛⲟⲩⲉⲡⲓⲥⲧⲟⲗⲏ ⲉⲟⲩⲟⲛ ⲛⲧⲁⲥ ⲙⲙⲁⲩ ⲛⲟⲩⲧⲩⲡⲟⲥ ⲙⲡⲁⲓⲣⲏϯ .
He wrote a letter like this:
23.26
ⲕⲗⲁⲩⲇⲓⲟⲥ ⲗⲩⲥⲓⲁ ⲙⲡⲓⲕⲣⲁⲧⲓⲥⲧⲟⲥ ⲛϩⲏⲅⲉⲙⲱⲛ ⲫⲩⲗⲓⲝ ⲭⲉⲣⲉ .
'Claudius Lysias to the most excellent governor Felix: Greetings.
23.27
ⲡⲁⲓⲣⲱⲙⲓ ⲁⲩⲧⲁϩⲟϥ ⲛϫⲉⲛⲓⲓⲟⲩⲇⲁⲓ ⲟⲩⲟϩ ⲉⲩⲙⲉⲩⲓ ⲉϧⲟⲑⲃϥ ⲁⲓϣⲉ ⲛⲉⲙⲡⲓⲥⲧⲣⲁⲧⲉⲩⲙⲁ ⲁⲓⲛⲁϩⲙⲉϥ ⲉⲧⲁⲓⲉⲙⲓ ϫⲉⲟⲩⲣⲱⲙⲉⲟⲥ ⲡⲉ
'This man was seized by the Jews, and was about to be killed by them, when I came with the soldiers and rescued him, having learned that he was a Roman.
23.28
ⲉⲓⲟⲩⲱϣ ⲇⲉ ⲉⲉⲙⲓ ⲉϯⲗⲱⲓϫⲓ ⲉⲧⲟⲩϫⲉⲙ ⲁⲣⲓⲕⲓ ⲉⲣⲟϥ ⲉⲑⲃⲏⲧⲥ ⲁⲓⲉⲛϥ ⲉϫⲉⲛⲡⲟⲩⲙⲁⲛϯϩⲁⲡ .
Desiring to know the cause why they accused him, I brought him down to their council.
23.29
ⲫⲁⲓ ⲉⲧⲁⲓϫⲉⲙϥ ⲉⲩϫⲉⲙ ⲁⲣⲓⲕⲓ ⲉⲣⲟϥ ⲉⲑⲃⲉϩⲁⲛⲍⲏⲧⲏⲙⲁ ⲛⲧⲉⲡⲟⲩⲛⲟⲙⲟⲥ ⲙⲡⲓϫⲉⲙ ⲛⲟⲃⲓ ⲇⲉ ⲛϧⲏⲧϥ ⲉϥⲙⲡϣⲁ ⲙⲫⲙⲟⲩ ⲓⲉ ϩⲁⲛⲥⲛⲁⲩϩ ⲛⲧⲉⲟⲩⲉⲅⲕⲗⲏⲙⲁ .
I found him to be accused about questions of their law, but not to be charged with anything worthy of death or of imprisonment.
23.30
ⲉⲧⲁⲩⲧⲁⲙⲟⲓ ⲇⲉ ⲉⲑⲃⲉⲟⲩⲥⲟϭⲛⲓ ⲉϥϩⲱⲟⲩ ⲉϥⲛⲁϣⲱⲡⲓ ϧⲁⲡⲁⲓⲣⲱⲙⲓ ⲉⲃⲟⲗ ϩⲓⲧⲟⲧⲟⲩ ⲥⲁⲧⲟⲧ ⲁⲓⲟⲩⲟⲣⲡϥ ϩⲁⲣⲟⲕ ⲉⲁⲓϩⲟⲛϩⲉⲛ ⲉⲧⲟⲧⲟⲩ ⲛⲛⲉϥⲕⲁⲧⲏⲅⲟⲣⲟⲥ ⲉⲑⲣⲟⲩⲥⲁϫⲓ ⲛⲁϩⲣⲁⲕ .
When I was told that the Jews lay in wait for the man, I sent him to you immediately, charging his accusers also to bring their accusations against him before you. Farewell.'
23.31
ⲛⲓⲙⲁⲧⲟⲓ ⲙⲉⲛ ⲟⲩⲛ ⲕⲁⲧⲁⲡⲉⲧⲁⲩⲑⲁϣ ⲛⲱⲟⲩ ⲁⲩⲱⲗⲓ ⲙⲡⲁⲩⲗⲟⲥ ⲛϫⲱⲣϩ ⲉⲁⲩⲉⲛϥ ⲉⲁⲛⲧⲓⲡⲁⲧⲣⲓⲥ .
So the soldiers, carrying out their orders, took Paul and brought him by night to Antipatris.
23.32
ⲡⲉϥⲣⲁⲥϯ ⲇⲉ ⲁⲩⲭⲱ ⲛⲛⲓϩⲓⲡⲉⲩⲥ ⲉⲑⲣⲟⲩϣⲉ ⲛⲉⲙⲁϥ ⲁⲩⲕⲟⲧⲟⲩ ⲉϯⲡⲁⲣⲉⲙⲃⲟⲗⲏ .
But on the next day they left the horsemen to go with him, and returned to the barracks.
23.33
ⲛⲁⲓ ⲇⲉ ⲉⲧⲁⲩⲓ ⲉⲕⲉⲥⲁⲣⲓⲁ ⲟⲩⲟϩ ⲉⲧⲁⲩϯ ⲛϯⲉⲡⲓⲥⲧⲟⲗⲏ ⲙⲡⲓϩⲏⲅⲉⲙⲱⲛ ⲁⲩⲧⲁϩⲟ ⲙⲡⲕⲉⲡⲁⲩⲗⲟⲥ ⲛⲁϩⲣⲁϥ .
When they came to Caesarea and delivered the letter to the governor, they also presented Paul to him.
23.34
ⲉⲧⲁϥⲱϣ ⲇⲉ ⲛϯⲉⲡⲓⲥⲧⲟⲗⲏ ⲁϥϣⲓⲛⲓ ϫⲉⲟⲩⲉⲃⲟⲗ ϧⲉⲛⲁϣ ⲛⲉⲡⲁⲣⲭⲓⲁ ⲡⲉ ⲟⲩⲟϩ ⲉⲧⲁϥⲉⲙⲓ ϫⲉⲟⲩⲉⲃⲟⲗ ϧⲉⲛϯⲕⲩⲗⲓⲕⲓⲁ ⲡⲉ .
When the governor had read it, he asked what province he was from. When he understood that he was from Cilicia, he said,
23.35
ⲉⲓⲉⲥⲱⲧⲉⲙ ⲉⲣⲟⲕ ⲡⲉϫⲁϥ ϩⲟⲧⲁⲛ ⲁⲩϣⲁⲛⲓ ⲛϫⲉⲛⲉⲕⲕⲁⲧⲏⲅⲟⲣⲟⲥ ⲟⲩⲟϩ ⲁϥⲟⲩⲁϩⲥⲁϩⲛⲓ ⲉⲑⲣⲟⲩⲁⲣⲉϩ ⲉⲣⲟϥ ϧⲉⲛⲡⲓⲡⲣⲉⲧⲱⲣⲓⲟⲛ ⲛⲧⲉⲏⲣⲱⲇⲏⲥ .
'I will hear you fully when your accusers also arrive.' He commanded that he be kept in Herod's palace.
24.1
ⲙⲉⲛⲉⲛⲥⲁⲉⲇⲉ ⲛⲉϩⲟⲟⲩ ⲁϥⲓ ⲉϩⲣⲏⲓ ⲛϫⲉⲡⲓⲁⲣⲭⲏⲉⲣⲉⲩⲥ ⲁⲛⲁⲛⲓⲁⲥ ⲛⲉⲙϩⲁⲛⲡⲣⲉⲥⲃⲩⲧⲉⲣⲟⲥ ⲛⲉⲙⲕⲉⲣⲏⲧⲱⲣ ϫⲉⲧⲉⲣⲧⲩⲗⲗⲟⲥ ⲛⲁⲓ ⲉⲧⲁⲩⲓ ⲁⲩⲟⲩⲱⲛϩ ⲙⲡⲓϩⲏⲅⲉⲙⲱⲛ ϧⲁⲡⲁⲩⲗⲟⲥ .
After five days, the high priest, Ananias, came down with certain elders and an orator, one Tertullus. They informed the governor against Paul.
24.2
ⲉⲧⲁⲩⲙⲟⲩϯ ⲇⲉ ⲉⲣⲟϥ ⲁϥⲉⲣϩⲏⲧⲥ ⲛⲉⲣⲕⲁⲧⲏⲅⲟⲣⲓⲛ ⲛϫⲉⲧⲉⲣⲧⲩⲗⲗⲟⲥ ⲉϥϫⲱ ⲙⲙⲟⲥ ⲥϣⲟⲡ ⲛϫⲉⲟⲩϩⲓⲣⲏⲛⲏ ⲉⲥⲟϣ ⲉⲃⲟⲗ ϩⲓⲧⲟⲧⲕ ⲛⲉⲙϩⲁⲛⲧⲁϩⲟ ⲉⲣⲁⲧⲟⲩⲉⲩϣⲟⲡ ⲙⲡⲁⲓⲉⲑⲛⲟⲥ ⲉⲃⲟⲗ ϩⲓⲧⲉⲛⲡⲉⲕϥⲓⲣⲱⲟⲩϣ
When he was called, Tertullus began to accuse him, saying, 'Seeing that by you we enjoy much peace, and that excellent measures are coming to this nation,
24.3
ⲥⲁⲥⲁ ⲛⲓⲃⲉⲛ ⲛⲉⲙϧⲉⲛⲙⲁⲓ ⲛⲓⲃⲉⲛ ⲧⲉⲛϣⲱⲡ ⲙⲙⲟⲕ ⲕⲣⲁⲧⲓⲥⲑⲉ ⲫⲩⲗⲓⲝ ϧⲉⲛϣⲉⲡϩⲙⲟⲧ ⲛⲓⲃⲉⲛ .
we accept it in all ways and in all places, most excellent Felix, with all thankfulness.
24.4
ϩⲓⲛⲁ ⲇⲉ ⲛⲧⲁϣⲧⲉⲙⲧⲁϩⲛⲟ ⲙⲙⲟⲕ ⲛϩⲟⲩⲟ ϯⲧⲱⲃϩ ⲙⲙⲟⲕ ⲉⲑⲣⲉⲕⲥⲱⲧⲉⲙ ⲉⲣⲟⲓ ϧⲉⲛⲟⲩϣⲱⲧ ⲉⲃⲟⲗ ⲛϩⲣⲏⲓ ϧⲉⲛⲧⲉⲕⲙⲉⲧⲉⲡⲓⲕⲏ ⲥ .
But, that I don't delay you, I entreat you to bear with us and hear a few words.
24.5
ⲁⲛϫⲓⲙⲓ ⲅⲁⲣ ⲙⲡⲁⲓⲣⲱⲙⲓ ⲛⲗⲟⲓⲙⲟⲥ ⲉϥⲕⲓⲙ ⲛϩⲁⲛϣⲑⲟⲣⲧⲉⲣ ⲛⲛⲓⲓⲟⲩⲇⲁⲓ ⲧⲏⲣⲟⲩ ⲉⲧϣⲟⲡ ϧⲉⲛϯⲟⲓⲕⲟⲩⲙⲉⲛⲏ ⲉϥⲟⲓ ⲛϩⲟⲩⲓⲧ ⲉⲧϩⲉⲣⲉⲥⲓⲥ ⲛⲧⲉⲡⲓⲛⲁⲍⲱⲣⲉⲟⲥ .
For we have found this man to be a plague, an instigator of insurrections among all the Jews throughout the world, and a ringleader of the sect of the Nazarenes.
24.6
ⲫⲁⲓ ⲉⲧⲁϥϭⲱⲛⲧ ⲉⲥⲱϥ ⲙⲡⲓⲕⲉⲉⲣⲫⲉⲓ ⲟⲩⲟϩ ⲁⲛⲁⲙⲟⲛⲓ ⲙⲙⲟϥ .
He even tried to profane the temple, and we arrested him.
24.7
...ⲫⲁⲓ
24.8
ⲉⲧⲉⲟⲩⲟⲛ ϣϫⲟⲙ ⲙⲙⲟⲕ ⲉⲉⲙⲓ ⲉⲃⲟⲗ ϩⲓⲧⲟⲧϥ ⲛⲑⲟⲕ ⲁⲕϣⲁⲛϧⲉⲧϧⲱⲧϥ ⲉⲑⲃⲉⲛⲁⲓ ⲧⲏⲣⲟⲩ ⲉⲧⲉⲛⲉⲣⲕⲁⲧⲏⲅⲟⲣⲓⲛ ⲉⲣⲟϥ ⲛϧⲏⲧⲟⲩ .
By examining him yourself you may ascertain all these things of which we accuse him.'
24.9
ⲁⲩⲟⲩⲁϩⲧⲟⲧⲟⲩ ⲛϫⲉⲛⲓⲓⲟⲩⲇⲁⲓ ϫⲉⲛⲁⲓ ϣⲟⲡ ⲙⲡⲁⲓⲣⲏϯ .
The Jews also joined in the attack, affirming that these things were so.
24.10
ⲁϥⲉⲣⲟⲩⲱ ⲛϫⲉⲡⲁⲩⲗⲟⲥ ⲉⲧⲁϥϭⲱⲣⲉⲙ ⲉⲣⲟϥ ⲛϫⲉⲡⲓϩⲏⲅⲉⲙⲱⲛ ⲉⲑⲣⲉϥⲥⲁϫⲓ ⲉⲓⲥⲱⲟⲩⲛ ⲙⲙⲟⲕ ⲓⲥ ⲟⲩⲙⲏϣ ⲛⲣⲟⲙⲡⲓ ⲉⲕⲟⲓ ⲛⲣⲉϥϯϩⲁⲡ ⲉⲡⲁⲓϣⲗⲱⲗ ϯⲛⲁⲉⲣⲟⲩⲱ ϧⲉⲛⲟⲩⲟⲩⲛⲟϥ ⲛϩⲏⲧ ⲉϩⲣⲏⲓ ⲉϫⲱⲓ .
When the governor had beckoned to him to speak, Paul answered, 'Because I know that you have been a judge of this nation for many years, I cheerfully make my defense,
24.11
ⲉⲟⲩⲟⲛ ϣϫⲟⲙ ⲙⲙⲟⲕ ⲉⲉⲙⲓ ϫⲉⲙⲡⲁⲛⲧⲉ ϩⲟⲩⲟ ⲓⲃ ⲛⲉϩⲟⲟⲩ ϣⲱⲡⲓ ⲓⲥϫⲉⲛ ⲉⲧⲁⲓϣⲉ ⲉϩⲣⲏⲓ ⲉⲓⲉⲣⲟⲥⲁⲗⲏⲙ ⲉⲟⲩⲱϣⲧ .
seeing that you can recognize that it is not more than twelve days since I went up to worship at Jerusalem.
24.12
ⲟⲩⲇⲉ ⲙⲡⲟⲩϫⲉⲙⲧ ϧⲉⲛⲡⲓⲉⲣⲫⲉⲓ ⲉⲓⲥⲁϫⲓ ⲛⲉⲙⲟⲩⲁⲓ ⲟⲩⲇⲉ ⲉⲓϣⲑⲟⲣⲧⲉⲣ ⲛⲟⲩⲙⲏ ϣⲟⲩⲇⲉ ϧⲉⲛⲛⲓⲥⲩⲛⲁⲅⲱⲅⲏ ⲟⲩⲇⲉ ⲕⲁⲧⲁⲡⲟⲗⲓⲥ .
In the temple they didn't find me disputing with anyone or stirring up a crowd, either in the synagogues, or in the city.
24.13
ⲟⲩⲇⲉ ⲙⲙⲟⲛ ϣϫⲟⲙ ⲙⲙⲱⲟⲩ ⲉⲧⲁϩⲉ ⲛⲁⲓ ⲉⲣⲁⲧⲟⲩⲛⲁⲓ ⲉⲧⲟⲩⲉⲣⲕⲁⲧⲏⲅⲟⲣⲓⲛ ⲙⲙⲱⲟⲩ ϧⲁⲣⲟⲓ ϯⲛⲟⲩ .
Nor can they prove to you the things of which they now accuse me.
24.14
ϯⲟⲩⲱⲛϩ ⲇⲉ ⲙⲫⲁⲓ ⲛⲁⲕ ⲉⲃⲟⲗ ϫⲉⲕⲁⲧⲁⲡⲁⲓⲙⲱⲓⲧ ⲉⲧⲉⲛⲁⲓ ϫⲱ ⲙⲙⲟϥ ϫⲉϩⲉⲣⲉⲥⲓⲥ ⲁⲓϣⲉⲙϣⲓ ⲙⲡⲁⲓⲣⲏϯ ⲙⲫⲛⲟⲩϯ ⲛⲧⲉⲛⲁⲓⲟϯ ⲉⲓⲛⲁϩϯ ⲉⲛⲏ ⲧⲏⲣⲟⲩ ⲉⲧⲥϧⲏⲟⲩⲧ ϧⲉⲛⲡⲓⲛⲟⲙⲟⲥ ⲛⲉⲙⲛⲓⲡⲣⲟⲫⲏⲧⲏⲥ .
But this I confess to you, that after the Way, which they call a sect, so I serve the God of our fathers, believing all things which are according to the law, and which are written in the prophets;
24.15
ⲉⲟⲩⲟⲛ ⲛⲧⲏⲓ ⲙⲙⲁⲩ ⲛⲟⲩϩⲉⲗⲡⲓⲥ ⲉⲫⲛⲟⲩϯ ⲑⲏ ⲉⲧⲉⲛⲁⲓ ϩⲱⲟⲩ ⲥⲟⲙⲥ ⲉⲃⲟⲗ ϧⲁϫⲱⲥ ϯⲁⲛⲁⲥⲧⲁⲥⲓⲥ ⲉⲑⲛⲁϣⲱⲡⲓ ⲛⲛⲓⲑⲙⲏⲓ ⲛⲉⲙⲛⲓⲣⲉϥϭⲓⲛϫⲟⲛⲥ .
having hope toward God, which these also themselves look for, that there will be a resurrection of the dead, both of the just and unjust.
24.16
ⲛϩⲣⲏⲓ ϧⲉⲛⲫⲁⲓ ϯⲛⲁⲉⲣⲁⲥⲕⲓⲛ ϩⲱ ⲉⲑⲣⲉⲥϣⲱⲡⲓ ⲛⲏⲓ ⲛϫⲉⲟⲩⲥⲩⲛⲏⲇⲉⲥⲓⲥ ⲛⲁⲧϭⲣⲟⲡ ⲛⲁϩⲣⲉⲛ ⲫⲛⲟⲩϯ ⲛⲉⲙⲛⲁϩⲣⲉⲛ ⲛⲓⲣⲱⲙⲓ ⲛⲥⲏⲟⲩ ⲛⲓⲃⲉⲛ .
Herein I also practice always having a conscience void of offense toward God and men.
24.17
ⲉⲃⲟⲗ ⲇⲉ ϩⲓⲧⲉⲛⲟⲩⲙⲏϣ ⲛⲣⲟⲙⲡⲓ ⲁⲓⲓ ⲉⲓⲣⲓ ⲛϩⲁⲛⲙⲉⲑⲛⲁⲏⲧ ⲙⲡⲁⲉⲑⲛⲟⲥ ⲛⲉⲙϩⲁⲛⲡⲣⲟⲥⲫⲱⲣⲁ .
Now after some years, I came to bring gifts for the needy to my nation, and offerings;
24.18
ⲛⲁⲓ ⲉⲧⲁⲩϫⲉⲙⲧ ⲉⲓⲧⲟⲩⲃⲏⲟⲩⲧ ⲛϧⲏⲧⲟⲩ ϧⲉⲛⲡⲓⲉⲣⲫⲉⲓ ⲛⲉⲙⲟⲩⲙⲏϣ ⲁⲛ ⲟⲩⲇⲉ ⲛⲉⲙⲟⲩϣⲑⲟⲣⲧⲉⲣ ⲁⲛ .
amid which certain Jews from Asia found me purified in the temple, not with a mob, nor with turmoil.
24.19
ϩⲁⲛⲓⲟⲩⲇⲁⲓ ⲇⲉ ⲉⲃⲟⲗ ϧⲉⲛϯⲁⲥⲓⲁ ⲛⲁⲓ ⲉⲧⲉⲛⲁⲥⲥϣⲉ ⲛⲥⲉⲓ ⲛⲁϩⲣⲁⲕ ⲟⲩⲟϩ ⲛⲥⲉⲉⲣⲕⲁⲧⲏ ⲅⲟⲣⲓⲛ ⲓⲥϫⲉ ⲟⲩⲟⲛ ⲛⲧⲱⲟⲩ ⲛⲟⲩϩⲱⲃ ⲛⲉⲙⲏⲓ .
They ought to have been here before you, and to make accusation, if they had anything against me.
24.20
ⲙⲙⲟⲛ ⲛⲁⲓ ⲛⲑⲱⲟⲩ ⲙⲁⲣⲟⲩϫⲟⲥ ϫⲉⲟⲩ ⲛϭⲓⲛϫⲟⲛⲥ ⲁⲩϫⲉⲙϥ ⲛϧⲏⲧ ⲉⲓⲟϩⲓ ⲉⲣⲁⲧϧⲉⲛⲡⲓⲙⲁ ⲛϯϩⲁⲡ .
Or else let these men themselves say what injustice they found in me when I stood before the council,
24.21
ⲓⲉ ⲉⲑⲃⲉⲧⲁⲓⲥⲙⲏ ⲛⲟⲩⲱⲧ ⲑⲁⲓ ⲉⲧⲁⲓⲟϣⲥ ⲉⲃⲟⲗ ⲛϧⲏⲧⲟⲩ ⲉⲓⲟϩⲓ ⲉⲣⲁⲧϫⲉⲉⲑⲃⲉⲧⲁⲛⲁⲥⲧⲁⲥⲓⲥ ⲛⲧⲉⲛⲓⲣⲉϥⲙⲱⲟⲩⲧ ⲁⲛⲟⲕ ⲥⲉϯϩⲁⲡ ⲉⲣⲟⲓ ⲙⲫⲟⲟⲩ ϩⲓⲑⲏⲛⲟⲩ .
unless it is for this one thing that I cried standing among them, 'Concerning the resurrection of the dead I am being judged before you today!''
24.22
ⲁϥϩⲓⲧⲟⲩ ⲇⲉ ⲉⲫⲁϩⲟⲩ ⲛϫⲉⲫⲩⲗⲓⲝ ⲉϥⲉⲙⲓ ϧⲉⲛⲟⲩⲧⲁϫⲣⲟ ⲉⲑⲃⲉⲛⲁⲡⲓⲙⲱⲓⲧ ⲉⲁϥϫⲟⲥ ϫⲉⲉϣⲱⲡ ⲁϥϣⲁⲛⲓ ⲉϩⲣⲏⲓ ⲛϫⲉⲗⲩⲥⲓⲁⲥ ⲡⲓⲭⲓⲗⲓⲁⲣⲭⲟⲥ ⲉⲓⲉⲉⲙⲓ ⲉⲑⲃⲉⲑⲏⲛⲟⲩ .
But Felix, having more exact knowledge concerning the Way, deferred them, saying, 'When Lysias, the commanding officer, comes down, I will decide your case.'
24.23
ⲉⲁϥⲟⲩⲁϩⲥⲁϩⲛⲓ ⲙⲡⲓⲉⲕⲁⲧⲟⲛⲧⲁⲣⲭⲟⲥ ⲉⲧⲁⲣⲉϩ ⲉⲣⲟϥ ⲉϯⲙⲧⲟⲛ ⲇⲉ ⲛⲁϥ ⲟⲩⲟϩ ⲉϣⲧⲉⲙϣⲉϣⲧ ϩⲗⲓ ⲛⲛⲏ ⲉⲧⲉⲛⲟⲩϥ ⲉϣⲉⲙϣⲏ ⲧϥ .
He ordered the centurion that Paul should be kept in custody, and should have some privileges, and not to forbid any of his friends to serve him or to visit him.
24.24
ⲙⲉⲛⲉⲛⲥⲁϩⲁⲛⲉϩⲟⲟⲩ ⲇⲉ ⲁϥⲓ ⲛϫⲉⲫⲩⲗⲓⲝ ⲛⲉⲙⲇⲣⲟⲩⲥⲓⲗⲗⲁ ⲧⲉϥⲥϩⲓⲙⲓ ⲉⲟⲩⲓⲟⲩⲇⲁⲓ ⲧⲉ ⲁϥⲟⲩⲱⲣⲡ ⲛⲥⲁⲡⲁⲩⲗⲟⲥ ⲟⲩⲟϩ ⲁϥⲥⲱⲧⲉⲙ ⲉⲣⲟϥ ⲉⲑⲃⲉⲡⲓⲛⲁϩϯ ⲉⲡⲭⲣⲓⲥⲧⲟⲥ ⲓⲏⲥⲟⲩⲥ .
But after some days, Felix came with Drusilla, his wife, who was a Jewess, and sent for Paul, and heard him concerning the faith in Christ Jesus.
24.25
ⲉϥⲥⲁϫⲓ ⲛⲉⲙⲁϥ ⲉⲑⲃⲉϯⲙⲉⲑⲙⲏⲓ ⲛⲉⲙϯⲉⲅⲕⲣⲁⲧⲓⲁ ⲛⲉⲙⲡⲓϩⲁⲡ ⲉⲑⲛⲁϣⲱⲡⲓ ⲉⲧⲁϥϣⲱⲡⲓ ⲇⲉ ϧⲉⲛⲟⲩϩⲟϯ ⲛϫⲉⲫⲩⲗⲓⲝ ⲁϥⲉⲣⲟⲩⲱ ϫⲉⲙⲟϣⲓ ϯⲛⲟⲩ ⲁⲓϣⲁⲛϭⲓ ⲇⲉ ⲛⲟⲩⲥⲏⲟⲩ ϯⲛⲁⲟⲩⲱⲣⲡ ⲛⲥⲱⲕ .
As he reasoned about righteousness, self-control, and the judgment to come, Felix was terrified, and answered, 'Go your way for this time, and when it is convenient for me, I will summon you.'
24.26
ⲁⲙⲁ ⲇⲉ ⲛⲁϥⲉⲣϩⲉⲗⲡⲓⲥ ϫⲉⲡⲁⲩⲗⲟⲥ ⲛⲁϯ ⲛϩⲁⲛⲭⲣⲏⲙⲁ ⲛⲁϥ ⲟⲩⲟϩ ⲡⲁⲓⲣⲏϯ ⲛⲧⲉϥⲭⲁϥ ⲉⲃⲟⲗ ⲉⲑⲃⲉⲫⲁⲓ ⲛⲁϥⲟⲩⲱⲣⲡ ⲛⲥⲱϥ ⲛⲟⲩⲙⲏϣ ⲛⲥⲟⲡ ⲉϥⲥⲁϫⲓ ⲛⲉⲙⲁϥ .
Meanwhile, he also hoped that money would be given to him by Paul, that he might release him. Therefore also he sent for him more often, and talked with him.
24.27
ⲉⲧⲁⲩϫⲱⲕ ⲇⲉ ⲉⲃⲟⲗ ⲛϫⲉⲣⲟⲙⲡⲓ ⲥⲛⲟⲩϯ ⲁϥϭⲓ ⲛⲟⲩⲇⲓⲁⲧⲟⲭⲟⲥ ⲛϫⲉⲫⲩⲗⲓⲝ ⲡⲟⲣⲕⲓⲟⲥ ⲫⲏⲥⲧⲟⲥ ⲉϥⲟⲩⲱϣ ⲇⲉ ⲉϯ ⲛⲟⲩϩⲙⲟⲧ ⲛⲛⲓⲓⲟⲩⲇⲁⲓ ⲛϫⲉⲫⲩⲗⲓⲝ ⲁϥⲥⲱϫⲡ ⲙⲡⲁⲩⲗⲟⲥ ⲉϥⲥⲟⲛϩ .
But when two years were fulfilled, Felix was succeeded by Porcius Festus, and desiring to gain favor with the Jews, Felix left Paul in bonds.
25.1
ⲫⲏⲥⲧⲟⲥ ⲟⲩⲛ ⲉⲧⲁϥⲓ ⲉϯⲉⲡⲁⲣⲭⲓⲁ ⲙⲉⲛⲉⲛⲥⲁⲅⲛⲉϩⲟⲟⲩ ⲁϥϣⲉ ⲉϩⲣⲏⲓ ⲉⲓⲉⲣⲟⲥⲁⲗⲏⲙ ⲉⲃⲟⲗ ϧⲉⲛⲕⲉⲥⲁⲣⲓⲁ .
Festus therefore, having come into the province, after three days went up to Jerusalem from Caesarea.
25.2
ⲁⲩⲟⲩⲟⲛϩⲟⲩ ⲉⲣⲟϥ ⲛϫⲉⲛⲓⲁⲣⲭⲏⲉⲣⲉⲩⲥ ⲛⲉⲙⲛⲓϩⲟⲩⲁϯ ⲛⲧⲉⲛⲓⲓⲟⲩⲇⲁⲓ ⲉⲑⲃⲉⲡⲁⲩⲗⲟⲥ ⲟⲩⲟϩ ⲛⲁⲩϯϩⲟ ⲉⲣⲟϥ .
Then the high priest and the principal men of the Jews informed him against Paul, and they begged him,
25.3
ⲉⲩⲉⲣⲉⲧⲓⲛ ⲛⲟⲩϩⲙⲟⲧ ϧⲁⲣⲟϥ ϩⲟⲡⲱⲥ ⲛⲧⲉϥⲟⲩⲱⲣⲡ ⲛⲥⲱϥ ⲉⲉⲛϥ ⲉϩⲣⲏⲓ ⲉⲓⲉⲣⲟⲥⲁⲗⲏⲙ ⲉⲩⲓⲣⲓ ⲛⲟⲩⲭⲣⲟϥ ⲉϧⲟⲑⲃϥ ϩⲓⲡⲓⲙⲱⲓⲧ .
asking a favor against him, that he would summon him to Jerusalem; plotting to kill him on the way.
25.4
ⲫⲏⲥⲧⲟⲥ ⲟⲩⲛ ⲁϥⲉⲣⲟⲩⲱ ϫⲉⲥⲉⲁⲣⲉϩ ⲉⲡⲁⲩⲗⲟⲥ ϧⲉⲛⲕⲉⲥⲁⲣⲓⲁ ⲛⲑⲟϥ ⲇⲉ ⲉϥⲙⲉⲩⲓ ⲉϣⲉ ⲙⲙⲁⲩ ⲛⲭⲱⲗⲉⲙ .
However Festus answered that Paul should be kept in custody at Caesarea, and that he himself was about to depart shortly.
25.5
ⲛⲏ ⲟⲩⲛ ⲡⲉϫⲁϥ ⲉⲧⲉⲟⲩⲟⲛ ϣϫⲟⲙ ⲙⲙⲟϥ ϧⲉⲛⲑⲏⲛⲟⲩ ⲙⲁⲣⲟⲩⲓ ⲉϧⲣⲏⲓ ⲛⲉⲙⲏⲓ ⲓⲥϫⲉ ⲟⲩⲟⲛ ⲟⲩϩⲱⲃ ⲉϥϩⲱⲟⲩ ϧⲉⲛⲡⲁⲓⲣⲱⲙⲓ ⲙⲁⲣⲟⲩⲉⲣⲕⲁⲧⲏⲅⲟⲣⲓⲛ ⲉⲣⲟϥ .
'Let them therefore,' said he, 'that are in power among you go down with me, and if there is anything wrong in the man, let them accuse him.'
25.6
ⲉⲧⲁϥϣⲱⲡⲓ ⲇⲉ ⲛϧⲏⲧⲟⲩ ⲛϩⲟⲩⲟ / ⲛⲉϩⲟⲟⲩ ⲁⲛ ⲓⲉ ⲓⲁϥⲓ ⲉⲕⲉⲥⲁⲣⲓⲁ ⲉⲡⲉϥⲣⲁⲥϯ ⲇⲉ ⲁϥϩⲉⲙⲥⲓ ϩⲓⲡⲓⲃⲏⲙⲁ ⲁϥⲟⲩⲁϩⲥⲁϩⲛⲓ ⲉⲑⲣⲟⲩⲓⲛⲓ ⲙⲡⲁⲩⲗⲟⲥ .
When he had stayed among them more than ten days, he went down to Caesarea, and on the next day he sat on the judgment seat, and commanded Paul to be brought.
25.7
ⲉⲧⲁϥⲓ ⲇⲉ ⲁⲩⲟϩⲓ ⲉⲣⲁⲧⲟⲩϧⲁⲣⲟϥ ⲛϫⲉⲛⲓⲓⲟⲩⲇⲁⲓ ⲉⲧⲁⲩⲓ ⲉϧⲣⲏⲓ ⲉⲃⲟⲗ ϧⲉⲛⲓⲉⲣⲟⲥⲁⲗⲏⲙ ⲉⲩⲓⲛⲓ ⲛⲟⲩⲙⲏϣ ⲛⲗⲱⲓϫⲓ ⲉⲩϩⲟⲣϣ ⲉϩⲣⲏⲓ ⲉϫⲱϥ ⲛⲁⲓ ⲉⲧⲉⲙⲡⲟⲩϣϫⲉⲙϫⲟⲙ ⲛⲧⲁϩⲱⲟⲩ ⲉⲣⲁⲧⲟⲩⲉϥⲉⲣⲁⲡⲟⲗⲟⲅⲓⲥⲑⲉ
When he had come, the Jews who had come down from Jerusalem stood around him, bringing against him many and grievous charges which they could not prove,
25.8
ⲛϫⲉⲡⲁⲩⲗⲟⲥ ϫⲉⲟⲩⲇⲉ ⲙⲡⲓⲉⲣⲛⲟⲃⲓ ⲉⲫⲛⲟⲙⲟⲥ ⲛⲛⲓⲓⲟⲩⲇⲁⲓ ⲟⲩⲇⲉ ⲡⲓⲉⲣⲫⲉⲓ ⲟⲩⲇⲉ ⲡⲟⲩⲣⲟ .
while he said in his defense, 'Neither against the law of the Jews, nor against the temple, nor against Caesar, have I sinned at all.'
25.9
ⲫⲏⲥⲧⲟⲥ ⲇⲉ ⲉϥⲟⲩⲱϣ ⲉⲉⲣϩⲙⲟⲧ ⲛⲛⲓⲓⲟⲩⲇⲁⲓ ⲁϥⲉⲣⲟⲩⲱ ⲡⲉϫⲁϥ ⲙⲡⲁⲩⲗⲟⲥ ϫⲉⲭⲟⲩⲱϣ ⲉϣⲉ ⲉⲓⲉⲣⲟⲥⲁⲗⲏⲙ ⲉϭⲓϩⲁⲡ ⲙⲙⲁⲩ ϧⲁⲧⲟⲧⲟⲩ ⲉⲑⲃⲉⲛⲁⲓ .
But Festus, desiring to gain favor with the Jews, answered Paul and said, 'Are you willing to go up to Jerusalem, and be judged by me there concerning these things?'
25.10
ⲡⲁⲩⲗⲟⲥ ⲇⲉ ⲡⲉϫⲁϥ ϫⲉⲧⲓⲟϩⲓ ⲉⲣⲁⲧϩⲓϫⲉⲛⲡⲓⲃⲏⲙⲁ ⲛⲧⲉⲡⲟⲩⲣⲟ ⲡⲓⲙⲁ ⲉⲧⲥϣⲉ ⲛⲧⲟⲩϯϩⲁⲡ ⲉⲣⲟⲓ ⲙⲙⲟϥ ⲛⲓⲓⲟⲩⲇⲁⲓ ⲇⲉ ⲙⲡⲓϭⲓⲧⲟⲩ ⲛϫⲟⲛⲥ ⲛϩⲗⲓ ⲙⲫⲣⲏϯ ϩⲱⲕ ⲉⲧⲉⲕⲥⲱⲟⲩⲛ ⲉⲙⲁϣⲱ
But Paul said, 'I am standing before Caesar's judgment seat, where I ought to be tried. I have done no wrong to the Jews, as you also know very well.
25.11
ⲓⲥϫⲉ ⲟⲩⲛ ϯϭⲓⲛϫⲟⲛⲥ ⲟⲩⲟϩ ⲓⲥϫⲉ ⲁⲓⲉⲣϩⲗⲓ ⲛϩⲱⲃ ⲉϥⲙⲡϣⲁ ⲙⲫⲙⲟⲩ ⲓⲉ ϯⲉⲣⲡⲁⲣⲁⲧⲓⲥⲑⲉ ⲁⲛ ⲉⲙⲟⲩ ⲓⲥϫⲉ ⲇⲉ ⲙⲙⲟⲛ ϩⲗⲓ ϣⲟⲡ ϧⲉⲛⲛⲏ ⲉⲧⲟⲩⲉⲣⲕⲁⲧⲏⲅⲟⲣⲓⲛ ⲉⲣⲟⲓ ⲛϫⲉⲛⲁⲓ ⲙⲙⲟⲛ ϣϫⲟⲙ ⲛⲧⲉϩⲗⲓ ⲧⲏⲓⲧ ⲛⲱⲟⲩ ⲛϩⲙⲟⲧ ϯⲉⲣⲉⲡⲓⲕⲁⲗⲓⲥⲑⲉ ⲙⲡⲟⲩⲣⲟ .
For if I have done wrong, and have committed anything worthy of death, I don't refuse to die; but if none of those things is true that they accuse me of, no one can give me up to them. I appeal to Caesar!'
25.12
ⲧⲟⲧⲉ ⲁⲫⲏⲥⲧⲟⲥ ⲥⲁϫⲓ ⲛⲉⲙⲡⲓⲥⲩⲙⲃⲟⲩⲗⲟⲛ ⲁϥⲉⲣⲟⲩⲱ ⲁⲕⲉⲣⲉⲡⲓⲕⲁⲗⲓⲥⲑⲉ ⲙⲡⲟⲩⲣⲟ ⲉⲕⲉϣⲉ ϣⲁⲡⲟⲩⲣⲟ .
Then Festus, when he had conferred with the council, answered, 'You have appealed to Caesar. To Caesar you shall go.'
25.13
ⲉⲧⲁⲩⲥⲓⲛⲓ ⲇⲉ ⲛϫⲉϩⲁⲛⲉϩⲟⲟⲩ ⲁⲅⲣⲓⲡⲡⲁⲥ ⲡⲟⲩⲣⲟ ⲛⲉⲙⲃⲉⲣⲛⲓⲕⲏ ⲁⲩⲉⲣⲕⲁⲧⲁⲛⲧⲁⲛ ⲉⲕⲉⲥⲁⲣⲓⲁ ⲁⲩⲉⲣⲁⲥⲡⲁⲍⲉⲥⲑⲉ ⲙⲫⲏⲥⲧⲟⲥ .
Now when some days had passed, Agrippa the King and Bernice arrived at Caesarea, and greeted Festus.
25.14
ⲉⲧⲁⲩⲉⲣ ⲟⲩⲙⲏϣ ⲇⲉ ⲛⲉϩⲟⲟⲩ ⲙⲙⲁⲩ ⲁⲫⲏⲥⲧⲟⲥ ⲭⲁ ⲡϩⲱⲃ ⲙⲡⲁⲩⲗⲟⲥ ϧⲁⲧⲟⲧϥ ⲙⲡⲟⲩⲣⲟ ⲉϥϫⲱ ⲙⲙⲟⲥ ⲟⲩⲟⲛ ⲟⲩⲣⲱⲙⲓ ⲉϥⲥⲟⲛϩ ⲉⲁϥⲥⲱϫⲡ ⲉⲃⲟⲗ ϩⲓⲧⲉⲛⲫⲩⲗⲓⲝ .
As he stayed there many days, Festus laid Paul's case before the king, saying, 'There is a certain man left a prisoner by Felix;
25.15
ⲉⲧⲁⲓϣⲉ ⲇⲉ ⲉϩⲣⲏⲓ ⲉⲓⲉⲣⲟⲥⲁⲗⲏⲙ ⲁⲩⲟⲩⲟⲛϩⲟⲩ ⲛϫⲉⲛⲓⲁⲣⲭⲏⲉⲣⲉⲩⲥ ⲛⲉⲙⲛⲓⲡⲣⲉⲥⲃⲩⲧⲉⲣⲟⲥ ⲛⲧⲉⲛⲓⲓⲟⲩⲇⲁⲓ ⲉⲩⲉⲣⲉⲧⲓⲛ ϧⲁⲣⲟϥ ⲛⲟⲩⲕⲁⲧⲁⲧⲓⲕⲏ .
about whom, when I was at Jerusalem, the chief priests and the elders of the Jews informed me, asking for a sentence against him.
25.16
ⲁⲓⲟⲩⲱϩⲉⲙ ⲇⲉ ⲛⲱⲟⲩ ⲉⲓϫⲱ ⲙⲙⲟⲥ ϫⲉⲟⲩⲥⲩⲛⲏⲑⲓⲁ ⲁⲛ ⲧⲉ ⲛⲧⲉⲛⲓⲣⲱⲙⲉⲟⲥ ⲉϯ ⲛⲟⲩⲣⲱⲙⲓ ⲛϩⲙⲟⲧ ⲙⲡⲁⲧⲟⲩⲟϩⲓ ⲉⲣⲁⲧⲟⲩⲛϫⲉⲛⲓⲕⲁⲧⲏⲅⲟⲣⲟⲥ ⲙⲡⲉⲙⲑⲟ ⲙⲫⲏ ⲉⲧⲟⲩⲉⲣⲕⲁⲧⲏⲅⲟⲣⲓⲛ ⲉⲣⲟϥ ⲟⲩⲟϩ ⲛⲧⲉϥϫⲉⲙ ⲙⲁ ⲛϯ ⲛⲧⲉϥⲁⲡⲟⲗⲟⲅⲓⲁ ⲉⲑⲃⲉⲡⲓⲁⲣⲓⲕⲓ .
To whom I answered that it is not the custom of the Romans to give up any man to destruction, before the accused has met the accusers face to face, and has had opportunity to make his defense concerning the matter laid against him.
25.17
ⲉⲧⲁⲩⲓ ⲟⲩⲛ ⲛⲉⲙⲏⲓ ⲉⲡⲁⲓⲙⲁ ⲙⲡⲓⲉⲣ ϩⲗⲓ ⲛϭⲓϩⲟ ⲡⲉϥⲣⲁⲥϯ ⲇⲉ ⲁⲓϩⲉⲙⲥⲓ ϩⲓⲡⲓⲃⲏⲙⲁ ⲁⲓⲟⲩⲁϩⲥⲁϩⲛⲓ ⲉⲑⲣⲟⲩⲓⲛⲓ ⲙⲡⲓⲣⲱⲙⲓ .
When therefore they had come together here, I didn't delay, but on the next day sat on the judgment seat, and commanded the man to be brought.
25.18
ⲟⲩⲟϩ ⲫⲁⲓ ⲉⲧⲁ ⲛⲓⲕⲁⲧⲏⲅⲟⲣⲟⲥ ⲟϩⲓ ⲉⲣⲁⲧⲟⲩϧⲁⲣⲟϥ ⲛⲁⲩⲓⲛⲓ ⲛϩⲁⲛⲗⲱⲓϫⲓ ⲁⲛ ϧⲉⲛⲛⲏ ⲁⲛⲟⲕ ⲉϯⲙⲉⲩⲓ ⲉⲣⲱⲟⲩ ϫⲉⲥⲉϩⲱⲟⲩ .
Concerning whom, when the accusers stood up, they brought no charge of such things as I supposed;
25.19
ϩⲁⲛⲍⲏⲧⲏⲙⲁ ⲟⲩⲛ ⲛⲱⲟⲩ ⲟⲩⲧⲱⲟⲩ ⲛⲉⲙⲁϥ ⲉⲑⲃⲉⲟⲩⲥⲃⲱ ⲛⲓϧ ⲛⲧⲱⲟⲩ ⲛⲉⲙⲉⲑⲃⲉⲟⲩⲁⲓ ϫⲉⲓⲏⲥⲟⲩⲥ ⲉⲁϥⲙⲟⲩ ⲫⲁⲓ ⲉⲛⲁⲣⲉⲡⲁⲩⲗⲟⲥ ϫⲱ ⲙⲙⲟⲥ ϫⲉϥⲟⲛϧ .
but had certain questions against him about their own religion, and about one Jesus, who was dead, whom Paul affirmed to be alive.
25.20
ⲛⲁⲓⲧⲱⲙⲧ ⲇⲉ ⲁⲛⲟⲕ ⲉⲑⲃⲉⲛⲁⲓⲍⲏⲧⲏⲙⲁ ⲛⲧⲉⲛⲁⲓ ⲛⲁⲓϫⲱ ⲙⲙⲟⲥ ϫⲉⲓⲥϫⲉ ⲭⲟⲩⲱϣ ⲉϣⲉ ⲉⲓⲉⲣⲟⲥⲁⲗⲏⲙ ⲛⲥⲉϯϩⲁⲡ ⲉⲣⲟⲕ ⲙⲙⲁⲩ ⲉⲑⲃⲉⲛⲁⲓ .
Being perplexed how to inquire concerning these things, I asked whether he was willing to go to Jerusalem and there be judged concerning these matters.
25.21
ⲉⲧⲁ ⲡⲁⲩⲗⲟⲥ ⲉⲣⲉⲡⲓⲕⲁⲗⲓⲥⲑⲉ ⲙⲡⲟⲩⲣⲟ ⲁⲓⲁⲣⲉϩ ⲉⲣⲟϥ ⲉⲡⲥⲟⲩⲉⲛ ⲡⲟⲩⲣⲟ ⲁⲓⲉⲣⲕⲉⲗⲉⲩⲓⲛ ⲉⲑⲣⲟⲩⲁⲣⲉϩ ⲉⲣⲟϥ ϣⲁϯⲟⲩⲟⲣⲡϥ ⲙⲡⲟⲩⲣⲟ .
But when Paul had appealed to be kept for the decision of the emperor, I commanded him to be kept until I could send him to Caesar.'
25.22
ⲁⲅⲣⲓⲡⲡⲁⲥ ⲇⲉ ⲡⲉϫⲁϥ ⲙⲫⲏⲥⲧⲟⲥ ϫⲉⲛⲁⲓⲟⲩⲱϣ ϩⲱ ⲡⲉ ⲉⲥⲱⲧⲉⲙ ⲉⲡⲓⲣⲱⲙⲓ ⲣⲁⲥϯ ⲅⲁⲣ ⲡⲉϫⲁϥ ⲉⲕⲉⲥⲱⲧⲉⲙ ⲉⲣⲟϥ .
Agrippa said to Festus, 'I also would like to hear the man myself.' 'Tomorrow,' he said, 'you shall hear him.'
25.23
ⲡⲉϥⲣⲁⲥϯ ⲟⲩⲛ ⲉⲧⲁϥⲓ ⲛϫⲉⲁⲅⲣⲓⲡⲡⲁ ⲛⲉⲙⲃⲉⲣⲛⲓⲕⲏ ⲛⲉⲙⲟⲩⲛⲓϣϯ ⲙⲫⲁⲛⲧⲁⲥⲓⲁ ⲟⲩⲟϩ ⲉⲧⲁⲩϣⲉ ⲉϧⲟⲩⲛ ⲉⲡⲓⲙⲁ ⲛϭⲓⲥⲙⲏ ⲛⲉⲙϩⲁⲛⲭⲓⲗⲓⲁⲣⲭⲟⲥ ⲛⲉⲙϩⲁⲛⲣⲱⲙⲓ ⲉⲩⲟⲓ ⲛⲛⲓϣϯ ⲛⲧⲉϯⲡⲟⲗⲓⲥ ⲟⲩⲟϩ ⲉⲧⲁϥⲉⲣⲕⲉⲗⲉⲩⲓⲛ ⲛϫⲉⲫⲏⲥⲧⲟⲥ ⲁⲩⲓⲛⲓ ⲙⲡⲁⲩⲗⲟⲥ .
So on the next day, when Agrippa and Bernice had come with great pomp, and they had entered into the place of hearing with the commanding officers and principal men of the city, at the command of Festus, Paul was brought in.
25.24
ⲟⲩⲟϩ ⲡⲉϫⲉ ⲫⲏⲥⲧⲟⲥ ϫⲉⲡⲟⲩⲣⲟ ⲁⲅⲣⲓⲡⲡⲁ ⲛⲉⲙⲛⲓⲣⲱⲙⲓ ⲧⲏⲣⲟⲩ ⲉⲑⲛⲉⲙⲁⲛ ⲧⲉⲧⲉⲛⲛⲁⲩ ⲉⲫⲁⲓ ⲉⲑⲃⲏⲧϥ ⲁⲡⲓⲙⲏϣ ⲧⲏⲣϥ ⲛⲧⲉⲛⲓⲓⲟⲩⲇⲁⲓ ⲥⲉⲙⲓ ⲛⲏⲓ ϧⲉⲛⲓⲉⲣⲟⲥⲁⲗⲏⲙ ⲛⲉⲙϧⲉⲛⲡⲁⲓⲕⲉⲙⲁ ⲉⲩⲱϣ ⲉⲃⲟⲗ ϫⲉϥⲉⲙⲡϣⲁ ⲛⲱⲛϧ ⲁⲛ ϫⲉ .
Festus said, 'King Agrippa, and all men who are here present with us, you see this man, about whom all the multitude of the Jews petitioned me, both at Jerusalem and here, crying that he ought not to live any longer.
25.25
ⲁⲛⲟⲕ ⲇⲉ ⲁⲓⲉⲙⲓ ⲉⲣⲟϥ ϫⲉⲙⲡⲉϥⲉⲣ ϩⲗⲓ ⲉϥⲙⲡϣⲁ ⲙⲫⲙⲟⲩ ⲫⲁⲓ ⲇⲉ ⲛⲑⲟϥ ⲉⲧⲁϥⲉⲣⲉⲡⲓⲕⲁⲗⲓⲥⲑⲉ ⲙⲡⲟⲩⲣⲟ ⲁⲓϯϩⲁⲡ ⲉⲟⲩⲟⲣⲡϥ .
But when I found that he had committed nothing worthy of death, and as he himself appealed to the emperor I determined to send him.
25.26
ⲫⲁⲓ ⲉⲧⲉⲙⲙⲟⲛ ⲡⲉϯⲛⲁⲥϧⲏⲧϥ ⲛⲧⲁϫⲣⲟ ⲉⲑⲃⲏⲧϥ ⲙⲡⲁϭⲟⲓⲥ ⲡⲟⲩⲣⲟ ⲉⲑⲃⲉⲫⲁⲓ ⲁⲓⲉⲛϥ ⲛⲁϩⲣⲉⲛ ⲑⲏⲛⲟⲩ ⲟⲩⲟϩ ⲙⲁⲗⲓⲥⲧⲁ ⲛⲁϩⲣⲁⲕ ⲡⲟⲩⲣⲟ ⲁⲅⲣⲓⲡⲡⲁ ϩⲟⲡⲱⲥ ⲉⲁⲕϣⲉⲛϥ ⲉϩⲣⲁϥ ⲛⲧⲁϫⲉⲙ ⲡⲉϯⲛⲁⲥϧⲏⲧϥ .
Of whom I have no certain thing to write to my lord. Therefore I have brought him forth before you, and especially before you, King Agrippa, that, after examination, I may have something to write.
25.27
ϯⲙⲉⲩⲓ ⲅⲁⲣ ϫⲉⲟⲩϩⲱⲃ ⲛⲁⲧⲥⲁϫⲓ ⲡⲉ ⲉⲟⲩⲟⲣⲡ ⲙⲡⲉⲧⲥⲟⲛϩ ⲉϣⲧⲉⲙⲉⲣⲥⲩⲙⲉⲛⲓⲛ ⲛⲛⲉϥⲕⲉⲗⲱⲓϫⲓ ⲉⲧϭⲓ ⲉⲣⲟϥ .
For it seems to me unreasonable, in sending a prisoner, not to also specify the charges against him.'
26.1
ⲁⲅⲣⲓⲡⲡⲁⲥ ⲇⲉ ⲡⲉϫⲁϥ ⲙⲡⲁⲩⲗⲟⲥ ϫⲉⲥⲉⲟⲩⲁϩⲥⲁϩⲛⲓ ⲛⲁⲕ ⲉⲥⲁϫⲓ ⲉϫⲱⲕ ⲧⲟⲧⲉ ⲡⲁⲩⲗⲟⲥ ⲁϥⲥⲟⲩⲧⲉⲛ ⲧⲉϥϫⲓϫ ⲉⲃⲟⲗ ⲁϥⲉⲣⲁⲡⲟⲗⲟⲅⲓⲥⲑⲉ
Agrippa said to Paul, 'You may speak for yourself.' Then Paul stretched out his hand, and made his defense.

Bohairic Coptic New Testament, Coptic SCRIPTORIUM (github.com/CopticScriptorium/corpora, corpus bohairic.nt). Coptic text from Marcion / Hany Takla; annotation by Nina Speranskaja, Nicholas Wagner and Amir Zeldes. English is the World English Bible (public domain), aligned by Coptic SCRIPTORIUM. Licence: CC-BY 4.0. Source.