Acts (Bohairic Coptic)

Coptic New Testament (Bohairic) · 1,006 sections

4.2
ⲉⲩϯ ⲉϧⲟⲩⲛ ⲉϩⲣⲁⲩ ϫⲉⲛⲁⲩϯⲥⲃⲱ ⲙⲡⲓⲗⲁⲟⲥ ⲡⲉ ⲟⲩⲟϩ ⲛⲁⲩϩⲓⲱⲓϣ ϧⲉⲛⲓⲏⲥⲟⲩⲥ ⲛϯⲁⲛⲁⲥⲧⲁⲥⲓⲥ ϯⲉⲃⲟⲗ ϧⲉⲛⲛⲏ ⲉⲧⲙⲱⲟⲩⲧ .
being upset because they taught the people and proclaimed in Jesus the resurrection from the dead.
4.3
ⲟⲩⲟϩ ⲁⲩⲓⲛⲓ ⲛⲛⲟⲩϫⲓϫ ⲉϩⲣⲏⲓ ⲉϫⲱⲟⲩ ⲁⲩϩⲓⲧⲟⲩ ⲉϧⲟⲩⲛ ⲉⲡⲁⲣⲉϩ ⲉⲣⲱⲟⲩ ϣⲁⲡⲉϥⲣⲁⲥϯ ⲛⲉⲁ ⲣⲟⲩϩⲓ ϩⲏⲇⲏ ϣⲱⲡⲓ ⲡⲉ .
They laid hands on them, and put them in custody until the next day, for it was now evening.
4.4
ⲟⲩⲙⲏϣ ⲇⲉ ⲉⲃⲟⲗ ϧⲉⲛⲛⲏ ⲉⲧⲁⲩⲥⲱⲧⲉⲙ ⲉⲡⲓⲥⲁϫⲓ ⲁⲩⲛⲁϩϯ ⲟⲩⲟϩ ⲁⲩϣⲱⲡⲓ ⲛϫⲉⲧⲏⲡⲓ ⲛⲛⲓⲣⲱⲙⲓ ⲉⲧⲁⲩⲛⲁϩϯ ⲉⲩⲉⲣ ⲉⲛϣⲟ .
But many of those who heard the word believed, and the number of the men came to be about five thousand.
4.5
ⲁⲥϣⲱⲡⲓ ⲇⲉ ⲉⲧⲁ ⲡⲉϥⲣⲁⲥϯ ϣⲱⲡⲓ ⲁⲩⲑⲱⲟⲩϯ ⲛϫⲉⲛⲓⲁⲣⲭⲱⲛ ⲛⲉⲙⲛⲟⲩⲡⲣⲉⲥⲃⲩⲧⲉⲣⲟⲥ ⲛⲉⲙⲛⲓⲥⲁϧ ϧⲉⲛⲓⲉⲣⲟⲥⲁⲗⲏⲙ .
It happened in the morning, that their rulers, elders, and scribes were gathered together in Jerusalem.
4.6
ⲛⲉⲙⲁⲛⲛⲁ ⲛⲉⲙⲕⲁⲓⲁⲫⲁ ⲛⲓⲁⲣⲭⲏⲉⲣⲉⲩⲥ ⲛⲉⲙⲓⲱⲁⲛⲛⲏⲥ ⲛⲉⲙⲁⲗⲉⲝⲁⲛⲇⲣⲟⲥ ⲛⲉⲙⲟⲩⲟⲛ ⲛⲓⲃⲉⲛ ⲉⲧϣⲟⲡ ⲉⲃⲟⲗ ϧⲉⲛⲡⲅⲉⲛⲟⲥ ⲛⲧⲉϯⲙⲉⲧⲁⲣⲭⲓⲉⲣⲉⲩⲥ .
Annas the high priest was there, with Caiaphas, John, Alexander, and as many as were relatives of the high priest.
4.7
ⲟⲩⲟϩ ⲉⲧⲁⲩⲧⲁϩⲱⲟⲩ ⲉⲣⲁⲧⲟⲩϧⲉⲛⲧⲟⲩⲙⲏϯ ⲛⲁⲩϣⲓⲛⲓ ⲙⲙⲱⲟⲩ ⲡⲉ ϫⲉⲛϧⲣⲏⲓ ϧⲉⲛⲁϣ ⲛϫⲟⲙ ⲓⲉ ⲛϩⲣⲏⲓ ϧⲉⲛⲁϣ ⲛⲣⲁⲛ ⲁⲣⲉⲧⲉⲛⲓⲣⲓ ⲙⲫⲁⲓ ⲛⲑⲱⲧⲉⲛ .
When they had stood them in the middle of them, they inquired, 'By what power, or in what name, have you done this?'
4.8
ⲧⲟⲧⲉ ⲡⲉⲧⲣⲟⲥ ⲁϥⲙⲟϩ ⲉⲃⲟⲗ ϧⲉⲛⲡⲓⲡⲛⲉⲩⲙⲁⲉⲑⲟⲩⲁⲃ ⲡⲉϫⲁϥ ⲛⲱⲟⲩ ⲛⲓⲁⲣⲭⲱⲛ ⲛⲧⲉⲡⲓⲗⲁⲟⲥ ⲛⲉⲙⲛⲓⲡⲣⲉⲥⲃⲩⲧⲉⲣⲟⲥ .
Then Peter, filled with the Holy Spirit, said to them, 'You rulers of the people, and elders of Israel,
4.9
ⲓⲥϫⲉ ⲁⲛⲟⲛ ⲙⲫⲟⲟⲩ ⲥⲉⲉⲣⲁⲛⲁⲕⲣⲓⲛⲓⲛ ⲙⲙⲟⲛ ⲉⲑⲃⲉⲟⲩ ϩⲱⲃ ⲉⲛⲁⲛⲉϥ ⲉⲁϥϣⲱⲡⲓ ⲛⲟⲩⲣⲱⲙⲓ ⲛϫⲱⲃ ϫⲉⲉⲧⲁ ⲫⲁⲓ ⲟⲩϫⲁⲓ ϧⲉⲛⲛⲓⲙ .
if we are examined today concerning a good deed done to a crippled man, by what means this man has been healed,
4.10
ⲙⲁⲣⲉ ⲡⲓϩⲱⲃ ⲟⲩⲟⲛϩ ⲉⲣⲱⲧⲉⲛ ⲧⲏⲣⲟⲩ ⲛⲉⲙⲡⲓⲗⲁⲟⲥ ⲧⲏⲣϥ ⲛⲧⲉⲡⲓⲥⲗ ϫⲉϧⲉⲛⲫⲣⲁⲛ ⲛⲓⲏⲥⲟⲩⲥ ⲡⲓⲛⲁⲍⲱⲣⲉⲟⲥ ⲫⲁⲓ ⲛⲑⲱⲧⲉⲛ ⲉⲧⲁⲧⲉⲛⲁϣϥ ⲫⲁⲓ ⲉⲧⲁ ⲫⲛⲟⲩϯ ⲧⲟⲩⲛⲟⲥϥ ⲉⲃⲟⲗ ϧⲉⲛⲛⲏ ⲉⲧⲙⲱⲟⲩⲧ ⲛϧⲣⲏⲓ ϧⲉⲛⲫⲁⲓ ϥⲟϩⲓ ⲉⲣⲁⲧϥ ⲛϫⲉⲫⲁⲓ ⲙⲡⲉⲧⲉⲛⲙⲑⲟ ⲉϥⲟⲩⲟϫ .
be it known to you all, and to all the people of Israel, that in the name of Jesus Christ of Nazareth, whom you crucified, whom God raised from the dead, in him does this man stand here before you whole.
4.11
ⲫⲁⲓ ⲡⲉ ⲡⲓⲱⲛⲓ ⲉⲧⲁⲩϣⲟϣϥ ⲉⲃⲟⲗ ϩⲓⲧⲉⲛⲑⲏⲛⲟⲩ ⲛⲏ ⲉⲧⲕⲱⲧ ⲫⲁⲓ ⲁϥϣⲱⲡⲓ ⲛⲟⲩϫⲱϫ ⲛⲗⲁⲕϩ .
He is 'the stone which was regarded as worthless by you, the builders, which has become the head of the corner.'
4.12
ⲟⲩⲟϩ ⲙⲙⲟⲛ ⲕⲉⲟⲩⲁⲓ ⲉⲣⲉⲫⲛⲟϩⲉⲙ ϣⲟⲡ ⲛϧⲏⲧϥ ⲟⲩⲇⲉ ⲙⲙⲟⲛ ⲕⲉⲣⲁⲛ ⲥⲁⲡⲉⲥⲏⲧ ⲛⲧⲫⲉ ⲉⲁⲩⲧⲏⲓϥ ⲛⲛⲓⲣⲱⲙⲓ ⲫⲏ ⲉⲧⲉϩⲱϯ ⲛⲧⲟⲩⲛⲟϩⲉⲙ ⲛϧⲣⲏⲓ ⲛϧⲏⲧϥ .
There is salvation in none other, for neither is there any other name under heaven, that is given among men, by which we must be saved!'
4.13
ⲉⲧⲁⲩⲛⲁⲩ ⲇⲉ ⲉⲧⲡⲁⲣⲣⲏⲥⲓⲁ ⲙⲡⲉⲧⲣⲟⲥ ⲛⲉⲙⲓⲱⲁⲛⲛⲏⲥ ⲟⲩⲟϩ ⲉⲧⲁⲩⲉⲙⲓ ϫⲉϩⲁⲛⲣⲱⲙⲓ ⲛⲉⲛⲥⲉⲥⲱⲟⲩⲛ ⲛⲥϧⲁⲓ ⲁⲛ ⲟⲩⲟϩ ϩⲁⲛⲓⲇⲓⲱⲧⲏⲥ ⲛⲉⲛⲁⲩⲉⲣϣⲫⲏⲣⲓ ⲡⲉ ⲛⲁⲩⲥⲱⲟⲩⲛ ⲇⲉ ⲙⲙⲱⲟⲩ ϫⲉⲛⲁⲩⲭⲏ ⲛⲉⲛⲓⲏⲥⲟⲩⲥ ⲡⲉ .
Now when they saw the boldness of Peter and John, and had perceived that they were unlearned and ignorant men, they marveled. They recognized that they had been with Jesus.
4.14
ⲡⲓⲕⲉⲣⲱⲙⲓ ⲇⲉ ⲛⲁⲩⲛⲁⲩ ⲉⲣⲟϥ ⲉϥⲟϩⲓ ⲉⲣⲁⲧϥ ⲛⲉⲙⲱⲟⲩ ⲉⲁϥⲟⲩϫⲁⲓ ⲛⲁⲩϣϯ ⲇⲉ ⲉϧⲟⲩⲛ ⲉϩⲣⲁⲩ ⲛϩⲗⲓ ⲁⲛ ⲡⲉ .
Seeing the man who was healed standing with them, they could say nothing against it.
4.15
ⲉⲧⲁⲩⲟⲩⲁϩⲥⲁϩⲛⲓ ⲇⲉ ⲛⲥⲉϩⲓⲧⲟⲩ ⲥⲁⲃⲟⲗ ⲙⲡⲓⲙⲁ ⲛϯϩⲁⲡ ⲛⲁⲩⲥⲁϫⲓ ⲛⲉⲙⲛⲟⲩⲉⲣⲏⲟⲩ .
But when they had commanded them to go aside out of the council, they conferred among themselves,
4.16
ⲉⲩϫⲱ ⲙⲙⲟⲥ ϫⲉⲟⲩ ⲡⲉ ⲉⲧⲉⲛⲛⲁⲁⲓϥ ⲛⲛⲁⲓⲣⲱⲙⲓ ⲟⲧⲓ ⲙⲉⲛ ⲁϥϣⲱⲡⲓ ⲛϫⲉⲟⲩⲙⲏⲓⲛⲓ ⲉⲃⲟⲗ ϩⲓⲧⲟⲧⲟⲩ ⲉϥⲟⲩⲟⲛϩ ⲉⲃⲟⲗ ⲥⲉⲥⲱⲟⲩⲛ ⲛϫⲉⲛⲏ ⲧⲏⲣⲟⲩ ⲉⲧϣⲟⲡ ϧⲉⲛⲓⲉⲣⲟⲥⲁⲗⲏⲙ ⲙⲙⲟⲛ ϣϫⲟⲙ ⲙⲙⲟⲛ ⲉϫⲱⲗ ⲉⲃⲟⲗ .
saying, 'What shall we do to these men? Because indeed a notable miracle has been done through them, as can be plainly seen by all who dwell in Jerusalem, and we can't deny it.
4.17
ⲁⲗⲗⲁ ϩⲓⲛⲁ ⲛⲧⲉϣⲧⲉⲙ ⲡⲓϩⲱⲃ ⲥⲱⲣ ⲉⲃⲟⲗ ϧⲉⲛⲡⲓⲗⲁⲟⲥ ⲛϩⲟⲩⲟ ⲙⲁⲣⲉⲛⲛⲟϣⲡⲟⲩ ϩⲓⲛⲁ ⲛⲧⲟⲩϣⲧⲉⲙⲥⲁϫⲓ ⲛⲉⲙϩⲗⲓ ⲛⲣⲱⲙⲓ ϧⲉⲛⲡⲁⲓⲣⲁⲛ .
But so that this spreads no further among the people, let's threaten them, that from now on they don't speak to anyone in this name.'
4.18
ⲟⲩⲟϩ ⲉⲧⲁⲩⲙⲟⲩϯ ⲉⲣⲱⲟⲩ ⲁⲩϩⲟⲛϩⲉⲛ ⲛⲱⲟⲩ ⲉϣⲧⲉⲙⲉⲣⲟⲩⲱ ⲉⲡⲧⲏⲣϥ ⲟⲩⲇⲉ ⲉϣⲧⲉⲙϯ ⲥⲃⲱ ϧⲉⲛⲫⲣⲁⲛ ⲛⲓⲏⲥⲟⲩⲥ .
They called them, and commanded them not to speak at all nor teach in the name of Jesus.
4.19
ⲡⲉⲧⲣⲟⲥ ⲇⲉ ⲛⲉⲙⲓⲱⲁⲛⲛⲏⲥ ⲡⲉϫⲱⲟⲩ ⲛⲱⲟⲩ ⲓⲥϫⲉ ⲟⲩⲙⲉⲑⲙⲏⲓ ⲧⲉ ⲙⲡⲉⲙⲑⲟ ⲙⲫⲛⲟⲩϯ ⲉⲥⲱⲧⲉⲙ ⲛⲥⲁⲑⲏⲛⲟⲩ ⲉϩⲟⲧⲉ ⲫⲛⲟⲩϯ ⲙⲁϩⲁⲡ .
But Peter and John answered them, 'Whether it is right in the sight of God to listen to you rather than to God, judge for yourselves,
4.20
ⲙⲙⲟⲛ ϣϫⲟⲙ ⲅⲁⲣ ⲙⲙⲟⲛ ⲁⲛⲟⲛ ⲛⲏ ⲉⲧⲁⲛⲛⲁⲩ ⲉⲣⲱⲟⲩ ⲟⲩⲟϩ ⲉⲧⲁⲛⲥⲟⲑⲙⲟⲩ ⲉϣⲧⲉⲙⲥⲁϫⲓ ⲙⲙⲱⲟⲩ .
for we can't help telling the things which we saw and heard.'
4.21
ⲛⲑⲱⲟⲩ ⲇⲉ ⲉⲧⲁⲩⲛⲟϣⲡⲟⲩ ⲁⲩⲭⲁⲩ ⲉⲃⲟⲗ ⲙⲡⲟⲩϫⲉⲙ ϩⲗⲓ ⲛⲗⲱⲓϫⲓ ⲉⲣⲱⲟⲩ ⲉⲑⲃⲉⲡⲓⲣⲏϯ ⲛⲉⲣⲕⲟⲗⲁⲍⲓⲛ ⲙⲙⲱⲟⲩ ⲉⲑⲃⲉⲡⲓⲗⲁⲟⲥ ϫⲉⲛⲁⲣⲉⲟⲩⲟⲛ ⲛⲓⲃⲉⲛ ϯⲱⲟⲩ ⲙⲫⲛⲟⲩϯ ⲉⲑⲃⲉⲫⲏ ⲉⲧⲁϥϣⲱⲡⲓ .
When they had further threatened them, they let them go, finding no way to punish them, because of the people; for everyone glorified God for that which was done.
4.22
ⲛⲉ ⲁϥⲉⲣϩⲟⲩⲟ ⲙⲛⲣⲟⲙⲡⲓ ⲛϫⲉⲡⲓⲣⲱⲙⲓ ⲉⲧⲁ ⲡⲁⲓϩⲱⲃ ⲙⲙⲏⲓⲛⲓ ⲛⲟⲩϫⲁⲓ ϣⲱⲡⲓ ϩⲓⲱⲧϥ .
For the man on whom this miracle of healing was performed was more than forty years old.
4.23
ⲉⲧⲁⲩⲭⲁⲩ ⲇⲉ ⲉⲃⲟⲗ ⲁⲩⲓ ϣⲁⲛⲏ ⲉⲧⲉⲛⲱⲟⲩ ⲁⲩⲧⲁⲙⲱⲟⲩ ⲉϩⲱⲃ ⲛⲓⲃⲉⲛ ⲉⲧⲁ ⲛⲓⲁⲣⲭⲓⲉⲣⲉⲩⲥ ⲛⲉⲙⲛⲓⲡⲣⲉⲥⲃⲩⲧⲉⲣⲟⲥ ⲁⲓⲧⲟⲩ ⲛⲱⲟⲩ .
Being let go, they came to their own company, and reported all that the chief priests and the elders had said to them.
4.24
ⲉⲧⲁⲩⲥⲱⲧⲉⲙ ⲇⲉ ⲁⲩϭⲓⲥⲓ ⲛⲧⲟⲩⲥⲙⲏ ⲉϩⲣⲏⲓ ϩⲁⲫⲛⲟⲩϯ ⲉⲩⲥⲟⲡ ⲡⲉϫⲱⲟⲩ ϫⲉⲡⲉⲛⲛⲏⲃ ⲛⲑⲟⲕ ⲡⲉⲧⲁⲕⲑⲁⲙⲓⲟ ⲛⲧⲫⲉ ⲛⲉⲙⲡⲕⲁϩⲓ ⲡⲓⲟⲙ ⲛⲉⲙϩⲱⲃ ⲛⲓⲃⲉⲛ ⲉⲧⲉⲛϧⲏⲧϥ .
When they heard it, they lifted up their voice to God with one accord, and said, 'O Lord, you are God, who made the heaven, the earth, the sea, and all that is in them;
4.25
ⲫⲏ ⲉⲧⲁϥϫⲟⲥ ϧⲉⲛⲡⲓⲡⲛⲉⲩⲙⲁⲉⲑⲟⲩⲁⲃ ⲉⲃⲟⲗ ϧⲉⲛⲣⲱϥ ⲙⲡⲉⲛⲓⲱⲧ ⲇⲁⲩⲓⲇ ⲉⲑⲃⲉⲡⲉⲕⲁⲗⲟⲩ ϫⲉⲉⲑⲃⲉⲟⲩ ⲁⲩⲱϣ ⲉⲃⲟⲗ ⲛϫⲉϩⲁⲛⲉⲑⲛⲟⲥ ϩⲁⲛⲗⲁⲟⲥ ⲁⲩⲉⲣⲙⲉⲗⲉⲧⲁⲛ ⲛϩⲁⲛⲡⲉⲧϣⲟⲩⲓⲧ .
who by the mouth of your servant, David, said, 'Why do the nations rage, and the peoples plot a vain thing?
4.26
ⲁⲩⲟϩⲓ ⲉⲣⲁⲧⲟⲩⲛϫⲉⲛⲓⲟⲩⲣⲱⲟⲩ ⲛⲧⲉⲡⲕⲁϩⲓ ⲛⲓⲕⲉⲁⲣⲭⲱⲛ ⲁⲩⲑⲱⲟⲩϯ ⲉⲩⲙⲁ ⲉϯ ⲟⲩⲃⲉ ⲡϭⲟⲓⲥ ⲛⲉⲙⲡⲉϥⲭⲣⲓⲥⲧⲟⲥ .
The kings of the earth take a stand, and the rulers take council together, against the Lord, and against his Christ
4.27
ϧⲉⲛⲟⲩⲙⲉⲑⲙⲏⲓ ⲅⲁⲣ ⲁⲩⲑⲱⲟⲩϯ ϧⲉⲛⲧⲁⲓⲡⲟⲗⲓⲥ ⲉϫⲉⲛⲡⲉⲕⲁⲗⲟⲩ ⲓⲏⲥⲟⲩⲥ ⲫⲏ ⲉⲧⲁⲕⲑⲁϩⲥϥ ⲛϫⲉⲏⲣⲱⲇⲏⲥ ⲛⲉⲙⲡⲟⲛⲧⲓⲟⲥ ⲡⲓⲗⲁⲧⲟⲥ ⲛⲉⲙϩⲁⲛⲕⲉⲉⲑⲛⲟⲥ ⲛⲉⲙϩⲁⲛⲗⲁⲟⲥ ⲛⲧⲉⲡⲓⲥⲗ .
'For truly, in this city against your holy servant, Jesus, whom you anointed, both Herod and Pontius Pilate, with the Gentiles and the people of Israel, were gathered together
4.28
ⲉⲓⲣⲓ ⲛϩⲱⲃ ⲛⲓⲃⲉⲛ ⲉⲧⲁ ⲧⲉⲕϫⲓϫ ⲛⲉⲙⲡⲉⲕⲥⲟϭⲛⲓ ⲉⲣϣⲟⲣⲡ ⲉⲑⲣⲟⲩϣⲱⲡⲓ .
to do whatever your hand and your council foreordained to happen.
4.29
ⲟⲩⲟϩ ϯⲛⲟⲩ ⲡϭⲟⲓⲥ ⲥⲟⲙⲥ ⲉϩⲣⲏⲓ ⲉϫⲉⲛⲛⲟⲩϫⲱⲛⲧ ⲙⲏⲓⲥ ⲛⲛⲉⲕⲉⲃⲓⲁⲓⲕ ⲉⲑⲣⲟⲩⲥⲁϫⲓ ϧⲉⲛⲟⲩⲟⲛϩ ⲉⲃⲟⲗ ⲛⲓⲃⲉⲛ
Now, Lord, look at their threats, and grant to your servants to speak your word with all boldness,
4.30
ϧⲉⲛⲡϫⲓⲛⲑⲣⲉⲕⲥⲟⲩⲧⲱⲛ ⲧⲉⲕϫⲓϫ ⲉⲃⲟⲗ ⲉϩⲁⲛⲧⲁⲗϭⲟ ⲛⲉⲙϩⲁⲛⲙⲏⲓⲛⲓ ⲛⲉⲙϩⲁⲛϣⲫⲏ ⲣⲓ ⲉⲑⲣⲟⲩϣⲱⲡⲓ ⲉⲃⲟⲗ ϩⲓⲧⲉⲛⲡⲉⲕⲁⲗⲟⲩ ⲉⲑⲟⲩⲁⲃ ⲓⲏⲥⲟⲩⲥ .
while you stretch out your hand to heal; and that signs and wonders may be done through the name of your holy Servant Jesus.'
4.31
ⲟⲩⲟϩ ⲉⲧⲁⲩⲧⲱⲃϩ ⲁϥⲕⲓⲙ ⲛϫⲉⲡⲓⲙⲁ ⲉⲛⲁⲩⲑⲟⲩⲏⲧ ⲛϧⲏⲧϥ ⲟⲩⲟϩ ⲁⲩⲙⲟϩ ⲧⲏⲣⲟⲩ ⲉⲃⲟⲗ ϧⲉⲛⲡⲓⲡⲛⲉⲩⲙⲁⲉⲑⲟⲩⲁⲃ ⲟⲩⲟϩ ⲛⲁⲩⲥⲁϫⲓ ⲙⲡⲓⲥⲁϫⲓ ⲛⲧⲉⲫⲛⲟⲩϯ ϧⲉⲛⲟⲩⲛⲓϣϯ ⲙⲡⲁⲣⲣⲏ ⲥⲓⲁ .
When they had prayed, the place was shaken where they were gathered together. They were all filled with the Holy Spirit, and they spoke the word of God with boldness.
4.32
ⲛⲓⲙⲏϣ ⲇⲉ ⲉⲧⲁⲩⲛⲁϩϯ ⲛⲁⲩⲟⲓ ⲛⲟⲩϩⲏ ⲧⲛⲟⲩⲱⲧ ⲛⲉⲙⲟⲩⲯⲩⲭⲏ ⲛⲟⲩⲱⲧ ⲛⲉⲙⲙⲟⲛ ϩⲗⲓ ⲡⲉ ⲉϥϫⲱ ⲙⲙⲟⲥ ⲛⲟⲩϩⲗⲓ ⲛⲧⲉⲛⲉϥϩⲩⲡⲁⲣⲭⲟⲛⲧⲁ ϫⲉⲛⲟⲩϥ ⲛⲉⲁⲗⲗⲁ ⲛⲁⲣⲉϩⲱⲃ ⲛⲓⲃⲉⲛ ϣⲟⲡ ⲛⲱⲟⲩ ϧⲉⲛⲟⲩⲙⲉⲧϣⲫⲏⲣ .
The multitude of those who believed were of one heart and soul. Not one of them claimed that anything of the things which he possessed was his own, but they had all things in common.
4.33
ⲉϩⲣⲏⲓ ⲇⲉ ϧⲉⲛⲟⲩⲛⲓϣϯ ⲛϫⲟⲙ ⲛⲁⲣⲉⲛⲓⲁⲡⲟⲥⲧⲟⲗⲟⲥ ϯⲛϯⲙⲉⲧⲙⲉⲑⲣⲉ ϧⲁⲧⲁⲛⲁⲥⲧⲁⲥⲓⲥ ⲛⲧⲉⲓⲏⲥⲟⲩⲥ ⲡⲭⲣⲓⲥⲧⲟⲥ ⲡⲉⲛϭⲟⲓⲥ ⲟⲩⲛⲓϣϯ ⲇⲉ ⲛϩⲙⲟⲧ ⲛⲁϥϩⲓϫⲱⲟⲩ ⲧⲏⲣⲟⲩ ⲡⲉ .
With great power, the apostles gave their testimony of the resurrection of the Lord Jesus. Great grace was on them all.
4.34
ⲛⲉ ⲙⲙⲟⲛ ⲡⲉⲧⲉⲣⲭⲣⲓⲁ ⲅⲁⲣ ⲛϧⲏⲧⲟⲩ ⲡⲉ ⲛⲏ ⲅⲁⲣ ⲉⲧⲉⲟⲩⲟⲛⲧⲟⲩ ⲓⲟϩⲓ ⲙⲙⲁⲩ ⲛⲁⲩϯ ⲙⲙⲱⲟⲩ ⲉⲃⲟⲗ ⲛⲁⲩⲓⲛⲓ ⲛⲧⲧⲓⲙⲏ ⲛⲛⲏ ⲉϣⲁⲩⲧⲏⲓⲧⲟⲩ ⲉⲃⲟⲗ
For neither was there among them any who lacked, for as many as were owners of lands or houses sold them, and brought the proceeds of the things that were sold,
4.35
ⲛⲁⲩⲭⲱ ⲙⲙⲱⲟⲩ ϧⲁⲣⲁⲧⲟⲩ ⲛⲛⲓⲁⲡⲟⲥⲧⲟⲗⲟⲥ ⲛⲁⲩϯ ⲇⲉ ⲙⲫⲟⲩⲁⲓ ⲫⲟⲩⲁⲓ ⲙⲡⲉⲧⲉϥⲉⲣⲭⲣⲓⲁ ⲙⲙⲟϥ .
and laid them at the apostles' feet, and distribution was made to each, according as anyone had need.
4.36
ⲓⲱⲥⲏⲫ ⲇⲉ ⲫⲏ ⲉⲧⲁⲩϯⲣⲉⲛϥ ϫⲉⲃⲁⲣⲥⲁⲃⲁⲥ ⲉⲃⲟⲗ ϧⲉⲛⲛⲓⲁⲡⲟⲥⲧⲟⲗⲟⲥ ⲉⲧⲉⲫⲏ ⲡⲉ ⲉϣⲁⲩⲟⲩⲁϩⲙⲉϥ ϫⲉⲡϣⲏⲣⲓ ⲙⲡϯϩⲟ ⲉⲟⲩⲗⲉⲩⲓⲧⲏⲥ ⲡⲉ ⲛⲕⲩⲡⲣⲓⲟⲥ ϧⲉⲛⲡⲉϥⲅⲉⲛⲟⲥ .
Joses, who by the apostles was surnamed Barnabas (which is, being interpreted, Son of Encouragement), a Levite, a man of Cyprus by race,
4.37
ⲉⲟⲩⲟⲛⲧⲉϥ ⲓⲟϩⲓ ⲙⲙⲁⲩ ⲁϥⲧⲏⲓϥ ⲉⲃⲟⲗ ⲁϥⲓⲛⲓ ⲛⲛⲓⲭⲣⲏⲙⲁ ⲁϥⲭⲁⲩ ϧⲁⲧⲉⲛⲛⲉⲛϭⲁⲗⲁⲩϫ ⲛⲛⲓⲁⲡⲟⲥⲧⲟⲗⲟⲥ .
having a field, sold it, and brought the money and laid it at the apostles' feet.
5.1
ⲟⲩⲣⲱⲙⲓ ⲇⲉ ϩⲱϥ ⲉⲡⲉϥⲣⲁⲛ ⲡⲉ ⲁⲛⲁⲛⲓⲁⲥ ⲛⲉⲙⲥⲁⲡⲫⲓⲣⲁ ⲧⲉϥⲥϩⲓⲙⲓ ⲁϥϯ ⲛⲟⲩⲓⲟϩⲓ ⲉⲃⲟⲗ ϧⲁⲧⲉϥⲧⲓⲙⲏ .
But a certain man named Ananias, with Sapphira, his wife, sold a possession,
5.2
ⲉⲥⲥⲱⲟⲩⲛ ⲛϫⲉⲧⲉϥⲥϩⲓⲙⲓ ⲁϥⲱⲗⲓ ⲛϭⲓⲟⲩⲓ ⲉⲃⲟⲗ ϧⲉⲛϯⲧⲓⲙⲏ ⲛⲧⲉⲡⲓⲓⲟϩⲓ ⲁϥⲓⲛⲓ ⲇⲉ ⲛⲟⲩⲙⲉⲣⲟⲥ ⲁϥⲭⲁⲩ ϧⲁⲣⲁⲧⲟⲩ ⲛⲛⲓⲁⲡⲟⲥⲧⲟⲗⲟⲥ .
and kept back part of the price, his wife also being aware of it, and brought a certain part, and laid it at the apostles' feet.
5.3
ⲡⲉⲧⲣⲟⲥ ⲇⲉ ⲡⲉϫⲁϥ ⲛⲁϥ ϫⲉⲁⲛⲁⲛⲓⲁⲥ ⲉⲑⲃⲉⲟⲩ ⲁⲡⲥⲁⲧⲁⲛⲁⲥ ⲙⲁϩ ⲡⲉⲕϩⲏⲧ ⲉⲑⲣⲉⲕϫⲉⲙⲉⲑⲛⲟⲩϫ ⲉⲡⲓⲡⲛⲉⲩⲙⲁⲉⲑⲟⲩⲁⲃ ⲟⲩⲟϩ ⲉⲑⲣⲉⲕⲱⲗⲓ ⲛϭⲓⲟⲩⲓ ⲉⲃⲟⲗ ϧⲉⲛϯⲧⲓⲙⲏ ⲛⲧⲉⲡⲓⲓⲟϩⲓ .
But Peter said, 'Ananias, why has Satan filled your heart to lie to the Holy Spirit, and to keep back part of the price of the land?
5.4
ⲙⲏ ⲉϥϣⲟⲡ ⲛⲁϥϣⲟⲡ ⲛⲁⲕ ⲁⲛ ⲡⲉ ⲟⲩⲟϩ ⲉⲧⲁⲕⲧⲏⲓϥ ⲉⲃⲟⲗ ⲛⲁϥⲭⲏ ⲁⲛ ϧⲁⲧⲉⲕⲉⲝⲟⲩⲥⲓⲁ ⲉⲑⲃⲉⲟⲩ ϫⲉⲉⲧⲁⲕⲭⲁ ⲡⲁⲓϩⲱⲃ ϧⲉⲛⲡⲉⲕϩⲏⲧ ⲉⲧⲁⲕϫⲉⲙⲉⲑⲛⲟⲩϫ ⲉⲣⲱⲙⲓ ⲁⲛ ⲁⲗⲗⲁ ⲉⲫⲛⲟⲩϯ .
While you kept it, didn't it remain your own? After it was sold, wasn't it in your power? How is it that you have conceived this thing in your heart? You haven't lied to men, but to God.'
5.5
ⲉϥⲥⲱⲧⲉⲙ ⲇⲉ ⲛϫⲉⲁⲛⲁⲛⲓⲁⲥ ⲉⲛⲁⲓⲥⲁϫⲓ ⲁϥϩⲓ ⲁϥϩⲓ ⲡⲉϥⲑⲏⲟⲩ ⲁⲥϣⲱⲡⲓ ⲇⲉ ⲛϫⲉⲟⲩⲛⲓϣϯ ⲛϩⲟϯ ⲉϫⲉⲛⲟⲩⲟⲛ ⲛⲓⲃⲉⲛ ⲉⲧⲥⲱⲧⲉⲙ ⲉⲛⲁⲓ .
Ananias, hearing these words, fell down and died. Great fear came on all who heard these things.
5.6
ⲁⲩⲧⲱⲟⲩⲛⲟⲩ ⲛϫⲉⲛⲓⲁⲗⲱⲟⲩⲓ ⲁⲩϫⲟⲗϥ ⲟⲩⲟϩ ⲉⲧⲁϥⲉⲛϥ ⲉⲃⲟⲗ ⲁⲩⲑⲟⲙⲥϥ .
The young men arose and wrapped him up, and they carried him out and buried him.
5.7
ⲁⲥϣⲱⲡⲓ ⲇⲉ ⲉⲧⲁ ⲅϯ ⲛⲟⲩⲛⲟⲩ ⲛⲉⲥⲕⲓ ϣⲱⲡⲓ ⲁⲥⲓ ⲉϧⲟⲩⲛ ⲛϫⲉⲧⲉϥⲥϩⲓⲙⲓ ⲛⲥⲥⲱⲟⲩⲛ ⲁⲛ ⲙⲡⲉⲧⲁϥϣⲱⲡⲓ
About three hours later, his wife, not knowing what had happened, came in.
5.8
ⲡⲉϫⲉ ⲡⲉⲧⲣⲟⲥ ⲛⲁⲥ ϫⲉⲁϫⲟⲥ ⲛⲏⲓ ϫⲉⲉⲧⲁⲣⲉⲧⲉⲛϯ ⲙⲡⲓⲓⲟϩⲓ ⲉⲃⲟⲗ ϧⲁⲛⲁⲓϩⲁⲧ ⲛⲑⲟⲥ ⲇⲉ ⲡⲉϫⲁⲥ ϫⲉⲁϩⲁ ϧⲁⲛⲁⲓ .
Peter answered her, 'Tell me whether you sold the land for so much.' She said, 'Yes, for so much.'
5.9
ⲡⲉⲧⲣⲟⲥ ⲇⲉ ⲡⲉϫⲁϥ ⲛⲁⲥ ϫⲉⲉⲑⲃⲉⲟⲩ ⲁⲡⲁⲓϩⲱⲃ ϯⲙⲁϯ ϧⲉⲛⲑⲏⲛⲟⲩ ⲉⲉⲣⲡⲓⲣⲁⲍⲓⲛ ⲙⲡⲓⲡⲛⲉⲩⲙⲁⲛⲧⲉⲡϭⲟⲓⲥ ϩⲏⲡⲡⲉ ⲓⲥ ⲛⲓϭⲁⲗⲁⲩϫ ⲛⲧⲉⲛⲏ ⲉⲧⲁⲩⲑⲱⲙⲥ ⲙⲡⲉϩⲁⲓ ⲥⲉⲭⲏ ϩⲓⲣⲉⲛⲛⲓⲣⲱⲟⲩ ⲥⲉⲛⲁϥⲓϯ ⲉⲃⲟⲗ ϩⲱⲓ .
But Peter asked her, 'How is it that you have agreed together to tempt the Spirit of the Lord? Behold, the feet of those who have buried your husband are at the door, and they will carry you out.'
5.10
ⲁⲥϩⲉⲓ ⲇⲉ ϧⲁⲣⲁⲧⲟⲩ ⲛⲛⲉϥϭⲁⲗⲁⲩϫ ⲁⲥϩⲓ ⲡⲉⲥⲑⲏⲟⲩ ⲉⲧⲁⲩⲓ ⲉϧⲟⲩⲛ ⲛϫⲉⲛⲓϧⲉⲗϣⲓⲣⲓ ⲁⲩϫⲉⲙⲥ ⲉⲥⲙⲱⲟⲩⲧ ⲉⲧⲁⲩⲟⲗⲥ ⲉⲃⲟⲗ ⲁⲩⲭⲁⲥ ϧⲁⲧⲉⲛⲡⲉⲥϩⲁⲓ .
She fell down immediately at his feet, and died. The young men came in and found her dead, and they carried her out and buried her by her husband.
5.11
ⲁⲥϣⲱⲡⲓ ⲛϫⲉⲟⲩⲛⲓϣϯ ⲛϩⲟϯ ⲉϩⲣⲏⲓ ⲉϫⲉⲛϯⲉⲕⲕⲗⲏⲥⲓⲁ ⲧⲏⲣⲥ ⲛⲉⲙⲉϫⲉⲛⲟⲩⲟⲛ ⲛⲓⲃⲉⲛ ⲉⲧⲥⲱⲧⲉⲙ ⲉⲛⲁⲓ .
Great fear came on the whole assembly, and on all who heard these things.
5.12
ⲉⲃⲟⲗ ⲇⲉ ϩⲓⲧⲉⲛⲛⲉⲛϫⲓϫ ⲛⲛⲓⲁⲡⲟⲥⲧⲟⲗⲟⲥ ⲛⲁⲩϣⲟⲡ ⲡⲉ ⲛϫⲉϩⲁⲛⲙⲏϣ ⲙⲙⲏⲓⲛⲓ ⲛⲉⲙϩⲁⲛϣⲫⲏⲣⲓ ⲛϩⲣⲏⲓ ϧⲉⲛⲡⲓⲗⲁⲟⲥ ⲟⲩⲟϩ ⲛⲁⲩⲑⲟⲩⲏⲧ ⲧⲏⲣⲟⲩ ⲉⲩⲥⲟⲡ ϧⲁⲧⲉⲛϯⲥⲧⲟⲁ ⲛⲧⲉⲥⲟⲗⲟⲙⲱⲛ .
By the hands of the apostles many signs and wonders were done among the people. They were all with one accord in Solomon's porch.
5.13
ⲛϧⲣⲏⲓ ⲇⲉ ϧⲉⲛⲛⲓⲥⲱϫⲡ ⲙⲙⲟⲛ ϩⲗⲓ ⲉⲣⲧⲟⲗⲙⲁⲛ ⲉⲧⲟⲙϥ ⲉⲣⲱⲟⲩ ⲁⲗⲗⲁ ⲛⲁⲣⲉⲡⲓⲗⲁⲟⲥ ϭⲓⲥⲓ ⲙⲙⲱⲟⲩ
None of the rest dared to join them, however the people honored them.
5.14
ⲙⲁⲗⲗⲟⲛ ⲇⲉ ⲛⲁⲩⲟⲩⲟϩ ⲙⲙⲱⲟⲩ ⲉⲡϭⲟⲓⲥ ⲉⲩⲛⲁϩϯ ⲛϫⲉϩⲁⲛⲙⲏϣ ⲛⲣⲱⲙⲓ ⲛⲉⲙϩⲁⲛϩⲓⲟⲙⲓ .
More believers were added to the Lord, multitudes of both men and women.
5.15
ϩⲱⲥⲧⲉ ⲛⲥⲉⲓⲛⲓ ⲛⲛⲏ ⲉⲧϣⲱⲛⲓ ⲉⲃⲟⲗ ϩⲓⲛⲓⲡⲗⲁⲧⲓⲁ ⲟⲩⲟϩ ⲛⲥⲉⲭⲁⲩ ϩⲓϫⲉⲛϩⲁⲛϭⲗⲟϫ ⲛⲉⲙϩⲁⲛⲙⲁ ⲛⲉⲛⲕⲟⲧ ϩⲓⲛⲁ ⲉϥⲛⲁⲥⲓⲛⲓⲱⲟⲩ ⲛϫⲉⲡⲉⲧⲣⲟⲥ ⲕⲁⲛ ⲛⲧⲉⲧⲉϥϧⲏⲓⲃⲓ ⲓ ⲉϫⲉⲛⲟⲩⲁⲓ ⲙⲙⲱⲟⲩ .
They even carried out the sick into the streets, and laid them on cots and mattresses, so that as Peter came by, at the least his shadow might overshadow some of them.
5.16
ⲛⲁⲩⲛⲏⲟⲩ ⲇⲉ ⲡⲉ ⲛϫⲉⲛⲓⲙⲏϣ ⲛⲧⲉⲛⲓⲡⲟⲗⲓⲥ ⲉⲧⲕⲱϯ ⲉⲓⲉⲣⲟⲥⲁⲗⲏⲙ ⲉⲩⲓⲛⲓ ⲛⲛⲏ ⲉⲧϣⲱⲛⲓ ⲛⲉⲙⲛⲏ ⲉⲧϩⲏϣ ⲛⲧⲉⲛⲛⲓⲡⲛⲉⲩⲙⲁⲛⲁⲕⲁⲑⲁⲣⲧⲟⲛ ⲛⲁⲓ ⲇⲉ ⲧⲏⲣⲟⲩ ϣⲁⲩⲟⲩϫⲁⲓ ⲉⲃⲟⲗ ϩⲓⲧⲟⲧⲟⲩ .
Multitudes also came together from the cities around Jerusalem, bringing sick people, and those who were tormented by unclean spirits: and they were all healed.
5.17
ⲁϥⲧⲱⲛϥ ⲇⲉ ⲛϫⲉⲡⲓⲁⲣⲭⲓⲉⲣⲉⲩⲥ ⲛⲉⲙⲛⲏ ⲧⲏⲣⲟⲩ ⲉⲑⲛⲉⲙⲁϥ ⲉⲧⲉⲧϩⲉⲣⲉⲥⲓⲥ ⲛⲧⲉⲛⲓⲥⲁⲇⲇⲟⲩⲕⲉⲟⲥ ⲁⲩⲙⲟϩ ⲛⲭⲟϩ .
But the high priest rose up, and all those who were with him (which is the sect of the Sadducees), and they were filled with jealousy,
5.18
ⲁⲩⲓⲛⲓ ⲛⲛⲟⲩϫⲓϫ ⲉϫⲉⲛⲛⲓⲁⲡⲟⲥⲧⲟⲗⲟⲥ ⲟⲩⲟϩ ⲁⲩⲭⲁⲩ ⲉⲡⲁⲣⲉϩ ⲉⲣⲱⲟⲩ ⲛⲇⲏⲙⲟⲥⲓⲁ .
and laid hands on the apostles, and put them in public custody.
5.19
ⲟⲩⲁⲅⲅⲉⲗⲟⲥ ⲇⲉ ⲛⲧⲉⲡϭⲟⲓⲥ ⲁϥⲟⲩⲱⲛ ⲛⲛⲓⲣⲱⲟⲩ ⲛⲧⲉⲡⲓϣⲧⲉⲕⲟ ϧⲉⲛⲡⲓⲉϫⲱⲣϩ ⲁϥⲉⲛⲟⲩ ⲉⲃⲟⲗ ⲡⲉϫⲁϥ ⲛⲱⲟⲩ
But an angel of the Lord opened the prison doors by night, and brought them out, and said,
5.20
ϫⲉⲙⲁϣⲉ ⲛⲱⲧⲉⲛ ⲥⲁϫⲓ ϧⲉⲛⲡⲓⲉⲣⲫⲉⲓ ⲛⲉⲙⲡⲓⲗⲁⲟⲥ ⲛⲛⲓⲥⲁϫⲓ ⲧⲏⲣⲟⲩ ⲛⲧⲉⲡⲁⲓⲱⲛϧ .
'Go stand and speak in the temple to the people all the words of this life.'
5.21
ⲉⲧⲁⲩⲥⲱⲧⲉⲙ ⲇⲉ ⲁⲩϣⲟⲣⲡⲟⲩ ⲁⲩϣⲉ ⲛⲱⲟⲩ ⲉⲡⲓⲉⲣⲫⲉⲓ ⲛⲁⲩϯⲥⲃⲱ ⲡⲉ ⲉⲧⲁϥⲧⲱⲛϥ ⲇⲉ ⲛϫⲉⲡⲓⲁⲣⲭⲓⲉⲣⲉⲩⲥ ⲛⲉⲙⲛⲏ ⲧⲏⲣⲟⲩ ⲉⲑⲛⲉⲙⲁϥ ⲁⲩⲑⲱⲟⲩϯ ⲉⲡⲓⲙⲁ ⲛϯϩⲁⲡ ⲛⲉⲙⲛⲓϧⲉⲗⲗⲟⲓ ⲧⲏⲣⲟⲩ ⲛⲧⲉⲛⲉⲛϣⲏⲣⲓ ⲙⲡⲓⲥⲗ ⲟⲩⲟϩ ⲁⲩⲟⲩⲱⲣⲡ ⲉⲡⲓⲙⲁ ⲛⲥⲱⲛϩ ⲉⲑⲣⲟⲩⲓⲛⲓ ⲙⲙⲱⲟⲩ .
When they heard this, they entered into the temple about daybreak, and taught. But the high priest came, and those who were with him, and called the council together, and all the senate of the children of Israel, and sent to the prison to have them brought.
5.22
ⲉⲧⲁⲩⲓ ⲇⲉ ⲛϫⲉⲛⲓϩⲩⲡⲉⲣⲉⲧⲏⲥ ⲙⲡⲟⲩϫⲉⲙⲟⲩ ϧⲉⲛⲡⲓϣⲧⲉⲕⲟ ⲉⲧⲁⲩⲕⲟⲧⲟⲩ ⲇⲉ ⲁⲩⲧⲁⲙⲱⲟⲩ
But the officers who came didn't find them in the prison. They returned and reported,
5.23
ⲉⲩϫⲱ ⲙⲙⲟⲥ ϫⲉⲁⲛϫⲓⲙⲓ ⲙⲉⲛ ⲙⲡⲓⲙⲁ ⲛⲥⲱⲛϩ ⲉϥϣⲟⲧⲉⲙ ϧⲉⲛⲧⲁϫⲣⲟ ⲛⲓⲃⲉⲛ ⲟⲩⲟϩ ⲛⲓⲣⲉϥⲁⲣⲉϩ ⲉⲩⲟϩⲓ ⲉⲣⲁⲧⲟⲩϧⲁⲧⲉⲛⲛⲓⲣⲱⲟⲩ ⲉⲧⲁⲩⲟⲩⲱⲛ ⲇⲉ ⲙⲡⲉⲛϫⲉⲙ ϩⲗⲓ ⲛϧⲟⲩⲛ .
'We found the prison shut and locked, and the guards standing before the doors, but when we opened them, we found no one inside!'
5.24
ⲉⲧⲁⲩⲥⲱⲧⲉⲙ ⲇⲉ ⲉⲛⲁⲓⲥⲁϫⲓ ⲛϫⲉⲛⲓⲥⲁⲧⲏ ⲅⲟⲩⲥ ⲛⲧⲉⲡⲓⲉⲣⲫⲉⲓ ⲛⲉⲙⲛⲓⲁⲣⲭⲓⲉⲣⲉⲩⲥ ⲛⲁⲩⲧⲱⲙⲧ ⲉⲑⲃⲏⲧⲟⲩ ⲡⲉ ϫⲉⲟⲩ ⲡⲉ ⲫⲁⲓ ⲉⲧⲁϥϣⲱⲡⲓ .
Now when the high priest, the captain of the temple, and the chief priests heard these words, they were very perplexed about them and what might become of this.
5.25
ⲁϥⲓ ⲇⲉ ⲛϫⲉⲟⲩⲁⲓ ⲁϥⲧⲁⲙⲱⲟⲩ ϫⲉϩⲏⲡⲡⲉ ⲓⲥ ⲛⲓⲣⲱⲙⲓ ⲉⲧⲁⲣⲉⲧⲉⲛⲭⲁⲩ ϧⲉⲛⲡⲓϣⲧⲉⲕⲟ ⲥⲉⲟϩⲓ ⲉⲣⲁⲧⲟⲩϧⲉⲛⲡⲓⲉⲣⲫⲉⲓ ⲉⲩϯⲥⲃⲱ ⲙⲡⲓⲗⲁⲟⲥ .
One came and told them, 'Behold, the men whom you put in prison are in the temple, standing and teaching the people.'
5.26
ⲧⲟⲧⲉ ⲁϥϣⲉ ⲛⲁϥ ⲛϫⲉⲡⲓⲥⲁⲧⲏⲅⲟⲩⲥ ⲛⲉⲙⲛⲓϩⲩⲡⲉⲣⲉⲧⲏⲥ ⲁⲩⲉⲛⲟⲩ ⲛϫⲟⲛⲥ ⲁⲛ ⲛⲁⲩⲉⲣϩⲟϯ ⲅⲁⲣ ⲡⲉ ϧⲁⲧϩⲏ ⲙⲡⲓⲗⲁⲟⲥ ⲙⲏⲡⲱⲥ ⲛⲥⲉϩⲓⲱⲛⲓ ⲉϫⲱⲟⲩ .
Then the captain went with the officers, and brought them without violence, for they were afraid that the people might stone them.
5.27
ⲉⲧⲁⲩⲉⲛⲟⲩ ⲇⲉ ⲁⲩⲧⲁϩⲱⲟⲩ ⲉⲣⲁⲧⲟⲩϧⲉⲛⲡⲓⲙⲁ ⲛϯϩⲁⲡ ⲁϥϣⲉⲛⲟⲩ ⲛϫⲉⲡⲓⲁⲣⲭⲓⲉⲣⲉⲩⲥ
When they had brought them, they set them before the council. The high priest questioned them,
5.28
ⲉϥϫⲱ ⲙⲙⲟⲥ ϫⲉϧⲉⲛⲟⲩϩⲟⲛϩⲉⲛ ⲁⲛϩⲟⲛϩⲉⲛ ⲉⲧⲉⲛ ⲑⲏⲛⲟⲩ ⲉϣⲧⲉⲙϯⲥⲃⲱ ϧⲉⲛⲡⲁⲓⲣⲁⲛ ϩⲏⲡⲡⲉ ⲁⲧⲉⲧⲉⲛⲙⲟϩ ⲛⲓⲉⲣⲟⲥⲁⲗⲏⲙ ⲧⲏⲣⲥ ⲉⲃⲟⲗ ϧⲉⲛⲧⲉⲧⲉⲛⲥⲃⲱ ⲟⲩⲟϩ ⲧⲉⲧⲉⲛⲙⲉⲩⲓ ⲉⲉⲛ ⲡⲥⲛⲟϥ ⲙⲡⲁⲓⲣⲱⲙⲓ ⲉϩⲣⲏⲓ ⲉϫⲱⲛ .
saying, 'Didn't we strictly command you not to teach in this name? Behold, you have filled Jerusalem with your teaching, and intend to bring this man's blood on us.'
5.29
ⲁϥⲉⲣⲟⲩⲱ ⲛϫⲉⲡⲉⲧⲣⲟⲥ ⲛⲉⲙⲛⲓⲁⲡⲟⲥⲧⲟⲗⲟⲥ ⲡⲉϫⲱⲟⲩ ϫⲉⲥⲉⲙⲡϣⲁ ⲛⲥⲱⲧⲉⲙ ⲛⲥⲁⲫⲛⲟⲩϯ ⲉϩⲟⲧⲉ ⲛⲓⲣⲱⲙⲓ .
But Peter and the apostles answered, 'We must obey God rather than men.
5.30
ⲫⲛⲟⲩϯ ⲛⲧⲉⲛⲉⲛⲓⲟϯ ⲁϥⲧⲟⲩⲛⲟⲥ ⲓⲏⲥⲟⲩⲥ ⲫⲁⲓ ⲛⲑⲱⲧⲉⲛ ⲉⲧⲁⲣⲉⲧⲉⲛⲉⲛ ⲛⲉⲧⲉⲛϫⲓϫ ⲉϩⲣⲏⲓ ⲉϫⲱϥ ⲉⲁⲣⲉⲧⲉⲛⲁϣϥ ⲉϫⲉⲛⲟⲩϣⲉ .
The God of our fathers raised up Jesus, whom you killed, hanging him on a tree.
5.31
ⲫⲁⲓ ⲁϥϭⲁⲥϥ ⲛϫⲉⲫⲛⲟⲩϯ ⲛϩⲟⲩⲓⲧ ⲛⲥⲱⲧⲏⲣ ⲛϩⲣⲏⲓ ϧⲉⲛⲧⲉϥⲟⲩⲓⲛⲁⲙ ⲉⲑⲣⲉϥϯ ⲛⲟⲩⲙⲉⲧⲁⲛⲟⲓⲁ ⲙⲡⲓⲥⲗ ⲛⲉⲙⲡⲭⲱ ⲉⲃⲟⲗ ⲛⲧⲉϩⲁⲛⲛⲟⲃⲓ .
God exalted him with his right hand to be a Prince and a Savior, to give repentance to Israel, and remission of sins.
5.32
ⲟⲩⲟϩ ⲁⲛⲟⲛ ⲛϧⲣⲏⲓ ⲛϧⲏⲧϥ ⲧⲉⲛⲟⲓ ⲙⲙⲉⲑⲣⲉ ⲛⲧⲉⲛⲁⲓⲥⲁϫⲓ ⲛⲁⲓ ⲫⲛⲟⲩϯ ⲇⲉ ⲁϥϯ ⲙⲡⲓⲡⲛⲉⲩⲙⲁⲉⲑⲟⲩⲁⲃ ⲛⲛⲏ ⲉⲧⲥⲱⲧⲉⲙ ⲛⲥⲱϥ .
We are His witnesses of these things; and so also is the Holy Spirit, whom God has given to those who obey him.'
5.33
ⲉⲧⲁϥⲥⲱⲧⲉⲙ ⲇⲉ ⲉⲛⲁⲓ ⲁⲩϧⲣⲁϫⲣⲉϫ ⲛⲛⲟⲩⲛⲁϫϩⲓ ⲉϩⲣⲏⲓ ⲉϫⲱⲟⲩ ⲟⲩⲟϩ ⲛⲁⲩⲟⲩⲱϣ ⲉϧⲟⲑⲃⲟⲩ ⲡⲉ .
But they, when they heard this, were cut to the heart, and determined to kill them.
5.34
ⲁϥⲧⲱⲛϥ ⲛϫⲉⲟⲩⲁⲓ ϧⲉⲛⲡⲓⲙⲁ ⲛϯϩⲁⲡ ⲟⲩⲫⲁⲣⲓⲥⲉⲟⲥ ⲡⲉ ⲡⲉϥⲣⲁⲛ ⲡⲉ ⲅⲁⲙⲁⲗⲓⲏ ⲗⲟⲩⲣⲉϥϯⲥⲃⲱ ⲡⲉ ⲛⲧⲉⲡⲓⲛⲟⲙⲟⲥ ⲉϥⲧⲁⲓⲏ ⲟⲩⲧ ⲛⲧⲉⲛⲡⲓⲗⲁⲟⲥ ⲧⲏⲣϥ ⲁϥⲟⲩⲁϩⲥⲁϩⲛⲓ ⲉϩⲓ ⲛⲓⲣⲱⲙⲓ ⲉⲃⲟⲗ ⲛⲟⲩⲕⲟⲩϫⲓ .
But one stood up in the council, a Pharisee named Gamaliel, a teacher of the law, honored by all the people, and commanded to put the apostles out for a little while.
5.35
ⲡⲉϫⲁϥ ⲛⲱⲟⲩ ϫⲉⲛⲓⲣⲱⲙⲓ ⲛⲓⲥⲣⲁⲏⲗⲓⲧⲏⲥ ⲙⲁϩⲑⲏⲧⲉⲛ ⲉⲣⲱⲧⲉⲛ ⲉⲑⲃⲉⲛⲁⲓⲣⲱⲙⲓ ϫⲉⲟⲩ ⲡⲉ ⲉⲧⲉⲧⲉⲛⲛⲁⲁⲓϥ .
He said to them, 'You men of Israel, be careful concerning these men, what you are about to do.
5.36
ϧⲁϫⲱⲟⲩ ⲅⲁⲣ ⲛⲛⲁⲓⲉϩⲟⲟⲩ ⲁϥⲧⲱⲛϥ ⲛϫⲉⲟⲩⲁⲓ ϫⲉⲑⲉⲩⲧⲏⲥ ⲉϥϫⲱ ⲙⲙⲟⲥ ϫⲉⲁⲛⲟⲕ ⲡⲉ ⲁⲩⲟⲩⲁϩⲟⲩ ⲛⲥⲱϥ ⲛϫⲉⲩⲛⲏⲡⲓ ⲛⲣⲱⲙⲓ ⲟⲩⲟϩ ⲉⲧⲁⲩϧⲟⲑⲃϥ ⲟⲩⲟⲛ ⲛⲓⲃⲉⲛ ⲉⲛⲁⲣⲉⲡⲟⲩϩⲏⲧ ⲑⲏⲧ ⲛⲉⲙⲁϥ ⲁⲩⲃⲱⲗ ⲉⲃⲟⲗ ⲉⲁⲩϣⲱⲡⲓ ⲉϩⲁⲛϩⲗⲓ .
For before these days Theudas rose up, making himself out to be somebody; to whom a number of men, about four hundred, joined themselves: who was slain; and all, as many as obeyed him, were dispersed, and came to nothing.
5.37
ⲙⲉⲛⲉⲛⲥⲁⲫⲁⲓ ⲁϥⲧⲱⲛϥ ⲛϫⲉⲓⲟⲩⲇⲁⲥ ⲡⲓⲅⲁⲗⲓⲗⲉⲟⲥ ϧⲉⲛⲛⲓⲉϩⲟⲟⲩ ⲛⲧⲉϯⲉⲡⲓⲅⲣⲁⲫⲏ ⲟⲩⲟϩ ⲁϥⲥⲉⲕ ⲟⲩⲙⲏϣ ⲥⲁⲫⲁϩⲟⲩ ⲙⲙⲟϥ ⲟⲩⲟϩ ⲡⲓⲭⲉⲧ ⲁϥⲧⲁⲕⲟ ⲟⲩⲟⲛ ⲛⲓⲃⲉⲛ ⲉⲛⲁⲣⲉⲡⲟⲩϩⲏⲧ ⲑⲏⲧ ⲛⲉⲙⲁϥ ⲁⲩⲃⲱⲗ ⲉⲃⲟⲗ .
After this man, Judas of Galilee rose up in the days of the enrollment, and drew away some people after him. He also perished, and all, as many as obeyed him, were scattered abroad.
5.38
ⲟⲩⲟϩ ϯⲛⲟⲩ ϯϫⲱ ⲙⲙⲟⲥ ⲛⲱⲧⲉⲛ ϫⲉϩⲉⲛ ⲑⲏⲛⲟⲩ ⲉⲃⲟⲗ ϩⲁⲛⲁⲓⲣⲱⲙⲓ ⲟⲩⲟϩ ⲭⲁⲩ ⲉⲃⲟⲗ ϫⲉⲉϣⲱⲡ ⲡⲁⲓⲥⲟϭⲛⲓ ⲓⲉ ⲡⲁⲓϩⲱⲃ ⲟⲩⲉⲃⲟⲗ ϩⲓⲧⲉⲛⲛⲓⲣⲱⲙⲓ ⲡⲉ ⲓⲉ ϥⲛⲁⲃⲱⲗ ⲉⲃⲟⲗ .
Now I tell you, withdraw from these men, and leave them alone. For if this counsel or this work is of men, it will be overthrown.
5.39
ⲓⲥϫⲉ ⲟⲩⲉⲃⲟⲗ ϩⲓⲧⲉⲛⲫⲛⲟⲩϯ ⲡⲉ ⲙⲙⲟⲛ ϣϫⲟⲙ ⲙⲙⲱⲧⲉⲛ ⲉⲃⲟⲗϥ ⲉⲃⲟⲗ ⲙⲏⲡⲟⲧⲉ ⲛⲥⲉϫⲉⲙ ⲑⲏⲛⲟⲩ ⲉⲣⲉⲧⲉⲛⲟⲓ ⲛⲣⲉϥϯ ⲉϧⲟⲩⲛ ⲉϩⲣⲉⲛⲫⲛⲟⲩϯ .
But if it is of God, you will not be able to overthrow it, and you would be found even to be fighting against God!'
5.40
ⲁⲩⲥⲱⲧⲉⲙ ⲛⲥⲱϥ ⲁⲩⲙⲟⲩϯ ⲉⲛⲓⲁⲡⲟⲥⲧⲟⲗⲟⲥ ⲁⲩϩⲓⲟⲩⲓ ⲉⲣⲱⲟⲩ ⲁⲩϩⲟⲛϩⲉⲛ ⲛⲱⲟⲩ ⲉϣⲧⲉⲙϯⲥⲃⲱ ϧⲉⲛⲫⲣⲁⲛ ⲛⲓⲏⲥⲟⲩⲥ ⲁⲩⲭⲁϥ ⲉⲃⲟⲗ .
They agreed with him. Summoning the apostles, they beat them and commanded them not to speak in the name of Jesus, and let them go.
5.41
ⲛⲑⲱⲟⲩ ⲙⲉⲛ ⲟⲩⲛ ⲛⲁⲩⲙⲟϣⲓ ⲉⲩⲣⲁϣⲓ ⲉⲃⲟⲗ ϩⲁⲡϩⲟ ⲙⲡⲓⲙⲁ ⲛϯϩⲁⲡ ϫⲉⲁⲩⲉⲣⲡⲉⲙⲡϣⲁ ⲛϣⲟϣⲟⲩ ⲉϩⲣⲏⲓ ⲉϫⲉⲛⲡⲁⲓⲣⲁⲛ .
They therefore departed from the presence of the council, rejoicing that they were counted worthy to suffer dishonor for Jesus' name.
5.42
ⲛⲁⲩϧⲉⲛ ⲡⲓⲉⲣⲫⲉⲓ ⲙⲙⲏⲛⲓ ⲡⲉ ⲟⲩⲟϩ ⲛⲥⲉⲭⲱ ⲛⲧⲟⲧⲟⲩ ⲉⲃⲟⲗ ⲁⲛ ⲉⲩϯⲥⲃⲱ ⲕⲁⲧⲁⲏⲓ ⲉⲩϩⲓⲱⲓϣ ⲛⲓⲏⲥⲟⲩⲥ ⲡⲭⲣⲓⲥⲧⲟⲥ .
Every day, in the temple and at home, they never stopped teaching and preaching Jesus, the Christ.
6.1
ⲛϧⲣⲏⲓ ⲇⲉ ϧⲉⲛⲛⲁⲓⲉϩⲟⲟⲩ ⲉⲧⲁⲩⲁϣⲁⲓ ⲛϫⲉⲛⲓⲙⲁⲑⲏⲧⲏⲥ ⲁϥϣⲱⲡⲓ ⲛϫⲉⲟⲩⲭⲣⲉⲙⲣⲉⲙ ⲛⲧⲉⲛⲓⲟⲩⲉⲓⲛⲓⲛ ⲟⲩⲃⲉ ⲛⲓϩⲉⲃⲣⲉⲟⲥ ϫⲉⲛⲁⲩϯ ⲛϩⲑⲏⲟⲩ ⲁⲛ ⲡⲉ ⲉⲡⲓϣⲉⲙϣⲓ ⲙⲙⲏⲓⲛⲓ ⲛⲧⲉⲛⲟⲩⲭⲏⲣⲁ .
Now in those days, when the number of the disciples was multiplying, a complaint arose from the Hellenists against the Hebrews, because their widows were neglected in the daily service.
6.2
ⲁⲡⲓⲓⲃ ⲇⲉ ⲛⲁⲡⲟⲥⲧⲟⲗⲟⲥ ⲙⲟⲩϯ ⲉⲡⲓⲙⲏϣ ⲛⲧⲉⲛⲓⲙⲁⲑⲏⲧⲏⲥ ⲡⲉϫⲱⲟⲩ ⲛⲱⲟⲩ ⲡⲓϩⲱⲃ ⲣⲁⲛⲁⲛ ⲁⲛ ⲉⲑⲣⲉⲛⲭⲱ ⲛⲥⲱⲛ ⲙⲡⲓⲥⲁϫⲓ ⲛⲧⲉⲫⲛⲟⲩϯ ⲛⲧⲉⲛϣⲉⲙϣⲓ ⲛϩⲁⲛⲧⲣⲁⲡⲉⲍⲁ .
The twelve summoned the multitude of the disciples and said, 'It is not appropriate for us to forsake the word of God and serve tables.
6.3
ϫⲉⲙⲡϣⲓⲛⲓ ⲟⲩⲛ ⲛⲉⲛⲥⲛⲏⲟⲩ ⲛⲍ ⲛⲣⲱⲙⲓ ⲉⲃⲟⲗ ϧⲉⲛⲑⲏⲛⲟⲩ ⲉⲩⲉⲣⲙⲉⲑⲣⲉ ϧⲁⲣⲱⲟⲩ ⲉⲩⲙⲉϩ ⲙⲡⲡⲛⲉⲩⲙⲁⲛⲉⲙ ⲥⲟⲫⲓⲁ ⲛⲧⲉⲛⲭⲁⲩ ⲉϩⲣⲏⲓ ⲉϫⲉⲛϯⲭⲣⲓⲁ .
Therefore select from among you, brothers, seven men of good report, full of the Holy Spirit and of wisdom, whom we may appoint over this business.
6.4
ⲁⲛⲟⲛ ⲇⲉ ⲛⲧⲉⲛⲥⲣⲱϥⲧ ⲉϯⲡⲣⲟⲥⲉⲩⲭⲏ ⲛⲉⲙⲡⲓϣⲉⲙϣⲓ ⲛⲧⲉⲡⲓⲥⲁϫⲓ .
But we will continue steadfastly in prayer and in the ministry of the word.'
6.5
ⲟⲩⲟϩ ⲁⲡⲓⲥⲁϫⲓ ⲣⲁⲛⲱⲟⲩ ⲙⲡⲉⲙⲑⲟ ⲙⲡⲓⲙⲏϣ ⲧⲏⲣϥ ⲟⲩⲟϩ ⲁⲩⲥⲱⲧⲡ ⲛⲥⲧⲉⲫⲁⲛⲟⲥ ⲉⲃⲟⲗ ⲛϧⲏⲧⲟⲩ ⲟⲩⲣⲱⲙⲓ ⲡⲉ ⲉϥⲙⲉϩ ⲉⲃⲟⲗ ϧⲉⲛⲫⲛⲁϩϯ ⲛⲉⲙⲡⲓⲡⲛⲉⲩⲙⲁⲉⲑⲟⲩⲁⲃ ⲛⲉⲙⲫⲓⲗⲓⲡⲡⲟⲥ ⲛⲉⲙⲡⲣⲟⲭⲱⲣⲟⲥ ⲛⲉⲙⲛⲓⲕⲁⲛⲱⲣ ⲛⲉⲙⲧⲓⲙⲱⲛ ⲛⲉⲙⲡⲁⲣⲙⲉⲛⲁ ⲛⲉⲙⲛⲓⲕⲟⲗⲁⲟⲥ ⲡⲓϣⲉⲙⲙⲟ ⲛⲣⲉⲙⲧⲁⲛⲧⲓⲟⲭⲓⲁ .
These words pleased the whole multitude. They chose Stephen, a man full of faith and of the Holy Spirit, Philip, Prochorus, Nicanor, Timon, Parmenas, and Nicolaus, a proselyte of Antioch;
6.6
ⲛⲁⲓ ⲉⲧⲁⲩⲧⲁϩⲱⲟⲩ ⲉⲣⲁⲧⲟⲩⲙⲡⲉⲙⲑⲟ ⲛⲛⲓⲁⲡⲟⲥⲧⲟⲗⲟⲥ ⲟⲩⲟϩ ⲉⲧⲁⲩⲧⲱⲃϩ ⲁⲩⲭⲁ ϫⲓϫ ⲉϫⲱⲟⲩ .
whom they set before the apostles. When they had prayed, they laid their hands on them.
6.7
ⲟⲩⲟϩ ⲁⲡⲓⲥⲁϫⲓ ⲛⲧⲉⲫⲛⲟⲩϯ ⲁⲓⲁⲓ ⲁⲥⲁϣⲁⲓ ⲛϫⲉⲧⲏⲡⲓ ⲛⲛⲓⲙⲁⲑⲏⲧⲏⲥ ϧⲉⲛⲓⲉⲣⲟⲥⲁⲗⲏⲙ ⲉⲙⲁϣⲱ ⲟⲩⲛⲓϣϯ ⲇⲉ ⲙⲙⲏϣ ⲛⲧⲉⲛⲓⲟⲩⲏⲃ ⲁⲩⲥⲱⲧⲉⲙ ⲛⲥⲁⲫⲛⲁϩϯ .
The word of God increased and the number of the disciples multiplied in Jerusalem exceedingly. A great company of the priests were obedient to the faith.
6.8
ⲥⲧⲉⲫⲁⲛⲟⲥ ⲇⲉ ⲉϥⲙⲉϩ ⲛϩⲙⲟⲧ ⲛⲉⲙϫⲟⲙ ⲛⲁϥⲓⲣⲓ ⲛϩⲁⲛⲛⲓϣϯ ⲙⲙⲏⲓⲛⲓ ⲛⲉⲙϩⲁⲛϣⲫⲏ ⲣⲓ ⲛⲉⲙϩⲁⲛϫⲟⲙ ⲛϩⲣⲏⲓ ϧⲉⲛⲡⲓⲗⲁⲟⲥ .
Stephen, full of faith and power, performed great wonders and signs among the people.
6.9
ⲁⲩⲧⲱⲟⲩⲛⲟⲩ ⲇⲉ ⲛϫⲉϩⲁⲛⲟⲩⲟⲛ ⲉⲃⲟⲗ ϧⲉⲛϯⲥⲩⲛⲁⲅⲱⲅⲏ ⲉⲧⲉϣⲁⲩⲙⲟⲩϯ ⲉⲣⲱⲟⲩ ϫⲉⲛⲓⲗⲓⲃⲉⲣⲧⲓⲛⲟⲥ ⲛⲉⲙⲛⲓⲕⲩⲣⲓⲛⲛⲉⲟⲥ ⲛⲉⲙⲛⲓⲣⲉⲙⲣⲁⲕⲟϯ ⲛⲉⲙⲛⲓⲣⲉⲙⲧⲕⲩⲗⲓⲕⲓⲁ ⲛⲉⲙϯⲁⲥⲓⲁ ⲉⲩⲕⲱϯ ⲛⲉⲙⲥⲧⲉⲫⲁⲛⲟⲥ
But some of those who were of the synagogue called 'The Libertines,' and of the Cyrenians, of the Alexandrians, and of those of Cilicia and Asia arose, disputing with Stephen.
6.10
ⲟⲩⲟϩ ⲙⲡⲟⲩϣϫⲉⲙϫⲟⲙ ⲛϯ ⲉϧⲟⲩⲛ ⲉϩⲣⲉⲛϯⲥⲟⲫⲓⲁ ⲛⲉⲙⲡⲓⲡⲛⲉⲩⲙⲁⲉⲧⲉⲛⲁϥⲥⲁϫⲓ ⲛϧⲏⲧϥ .
They weren't able to withstand the wisdom and the Spirit by which he spoke.
6.11
ⲧⲟⲧⲉ ⲁⲩⲓ ⲛϫⲉϩⲁⲛⲣⲱⲙⲓ ⲉⲩϫⲱ ⲙⲙⲟⲥ ϫⲉⲁⲛⲟⲛ ⲁⲛⲥⲱⲧⲉⲙ ⲉⲣⲟϥ ⲉϥϫⲱ ⲛϩⲁⲛⲥⲁϫⲓ ⲛϫⲉⲟⲩⲁ ⲉⲙⲱⲩⲥⲏⲥ ⲛⲉⲙⲫⲛⲟⲩϯ .
Then they secretly induced men to say, 'We have heard him speak blasphemous words against Moses and God.'
6.12
ⲁⲩⲕⲓⲙ ⲇⲉ ⲉⲡⲓⲗⲁⲟⲥ ⲛⲉⲙⲛⲓⲡⲣⲉⲥⲃⲩⲧⲉⲣⲟⲥ ⲛⲉⲙⲛⲓⲥⲁϧ ⲁⲩⲧⲱⲟⲩⲛⲟⲩ ⲁⲩϩⲟⲗⲙⲉϥ ⲁⲩⲉⲛϥ ⲉϧⲟⲩⲛ ⲉⲡⲓⲙⲁ ⲛϯϩⲁⲡ .
They stirred up the people, the elders, and the scribes, and came against him and seized him, and brought him in to the council,
6.13
ⲁⲩⲧⲁϩⲟ ⲛϩⲁⲛⲙⲉⲧⲙⲉⲑⲣⲉⲩ ⲛⲛⲟⲩϫ ⲉⲣⲁⲧⲟⲩⲉⲩϫⲱ ⲙⲙⲟⲥ ϫⲉⲡⲁⲓⲣⲱⲙⲓ ⲛϥⲭⲱ ⲛⲧⲟⲧϥ ⲉⲃⲟⲗ ⲁⲛ ⲉϥϫⲱ ⲛϩⲁⲛⲥⲁϫⲓ ⲛⲥⲁⲡⲁⲓⲙⲁ ⲉⲑⲟⲩⲁⲃ ⲛⲉⲙⲡⲓⲛⲟⲙⲟⲥ .
and set up false witnesses who said, 'This man never stops speaking blasphemous words against this holy place and the law.
6.14
ⲁⲛⲥⲱⲧⲉⲙ ⲅⲁⲣ ⲉⲣⲟϥ ⲉϥϫⲱ ⲙⲙⲟⲥ ϫⲉⲓⲏⲥⲟⲩⲥ ⲡⲓⲛⲁⲍⲱⲣⲉⲟⲥ ⲛⲑⲟϥ ⲉⲑⲛⲁⲃⲉⲗ ⲡⲁⲓⲙⲁ ⲉⲑⲟⲩⲁⲃ ⲉⲃⲟⲗ ϥⲛⲁϣⲓⲃϯ ⲛⲛⲓⲥⲩⲛⲏⲑⲓⲁ ⲉⲧⲁϥⲧⲏ ⲓⲧⲟⲩ ⲉⲧⲟⲧⲉⲛ ⲛϫⲉⲙⲱⲩⲥⲏⲥ .
For we have heard him say that this Jesus of Nazareth will destroy this place, and will change the customs which Moses delivered to us.'
6.15
ⲉⲧⲁⲩⲥⲟⲙⲥ ⲧⲏⲣⲟⲩ ⲉϧⲟⲩⲛ ⲉϩⲣⲁϥ ⲛϫⲉⲛⲏ ⲉⲧϩⲉⲙⲥⲓ ϧⲉⲛⲡⲓⲙⲁⲛϯϩⲁⲡ ⲁⲩⲛⲁⲩ ⲉⲡⲉϥϩⲟ ⲙⲫⲣⲏϯ ⲙⲡϩⲟ ⲛⲟⲩⲁⲅⲅⲉⲗⲟⲥ .
All who sat in the council, fastening their eyes on him, saw his face like it was the face of an angel.
7.1
ⲡⲉϫⲁϥ ⲇⲉ ⲛⲁϥ ⲛϫⲉⲡⲓⲁⲣⲭⲏⲉⲣⲉⲩⲥ ϫⲉⲁⲛ ⲛⲁⲓ ϣⲟⲡ ⲙⲡⲁⲓⲣⲏϯ .
The high priest said, 'Are these things so?'
7.2
ⲛⲑⲟϥ ⲇⲉ ⲡⲉϫⲁϥ ⲛⲓⲣⲱⲙⲓ ⲛⲉⲛⲥⲛⲏⲟⲩ ⲟⲩⲟϩ ⲛⲉⲛⲓⲟϯ ⲥⲱⲧⲉⲙ ⲫⲛⲟⲩϯ ⲛⲧⲉⲡⲱⲟⲩ ⲁϥⲟⲩⲟⲛϩϥ ⲉⲡⲉⲛⲓⲱⲧ ⲁⲃⲣⲁⲁⲙ ⲉϥⲭⲏ ⲉϩⲣⲏⲓ ϧⲉⲛϯⲙⲉⲥⲟⲡⲟⲧⲁⲙⲓⲁ ⲙⲡⲁⲧϥϣⲱⲡⲓ ϧⲉⲛⲭⲁⲣⲣⲁⲛ .
He said, 'Brothers and fathers, listen. The God of glory appeared to our father Abraham, when he was in Mesopotamia, before he lived in Haran,
7.3
ⲡⲉϫⲁϥ ⲛⲁϥ ϫⲉⲁⲙⲟⲩ ⲉⲃⲟⲗ ϧⲉⲛⲡⲉⲕⲕⲁϩⲓ ⲛⲉⲙⲉⲃⲟⲗ ϧⲉⲛⲧⲉⲕⲥⲩⲅⲅⲉⲛⲓⲁ ⲁⲙⲟⲩ ⲉⲡⲓⲕⲁϩⲓ ⲉϯⲛⲁⲧⲁⲙⲟⲕ ⲉⲣⲟϥ .
and said to him, 'Get out of your land, and from your relatives, and come into a land which I will show you.'
7.4
ⲧⲟⲧⲉ ⲁϥⲓ ⲉⲃⲟⲗ ϧⲉⲛⲡⲕⲁϩⲓ ⲛⲧⲉⲛⲓⲭⲁⲗⲇⲉⲟⲥ ⲁϥϣⲱⲡⲓ ϧⲉⲛⲭⲁⲣⲣⲁⲛ ⲉⲃⲟⲗ ⲇⲉ ⲙⲙⲁⲩ ⲙⲉⲛⲉⲛⲥⲁⲑⲣⲉϥⲙⲟⲩ ⲛϫⲉⲡⲉϥⲓⲱⲧ ⲁϥⲟⲩⲟⲑⲃⲉϥ ⲉⲃⲟⲗ ⲉⲑⲣⲉϥϣⲱⲡⲓ ϧⲉⲛⲡⲁⲓⲕⲁϩⲓ ⲫⲁⲓ ⲛⲑⲱⲧⲉⲛ ⲉⲧⲉⲧⲉⲛϣⲟⲡ ϩⲓⲱⲧϥ ϯⲛⲟⲩ .
Then he came out of the land of the Chaldaeans, and lived in Haran. From there, when his father was dead, God moved him into this land, where you are now living.
7.5
ⲙⲡⲉϥϯ ⲛⲁϥ ⲛⲟⲩⲕⲗⲏⲣⲟⲛⲟⲙⲓⲁ ⲛϧⲏⲧϥ ⲟⲩⲇⲉ ⲟⲩϣⲉⲛⲧⲁⲧⲥⲓ ⲛⲧⲉⲟⲩϭⲁⲗⲟϫ ⲁϥⲱϣ ⲉⲧⲏⲓϥ ⲛⲁϥ ϧⲉⲛⲟⲩⲁⲙⲁϩⲓ ⲛⲉⲙⲡⲉϥϫⲣⲟϫ ⲙⲉⲛⲉⲛⲥⲱϥ ⲙⲙⲟⲛⲧⲉϥ ϣⲏⲣⲓ ⲇⲉ ⲙⲙⲁⲩ .
He gave him no inheritance in it, no, not so much as to set his foot on. He promised that he would give it to him for a possession, and to his seed after him, when he still had no child.
7.6
ⲁⲫⲛⲟⲩϯ ⲇⲉ ⲥⲁϫⲓ ⲙⲡⲁⲓⲣⲏϯ ϫⲉⲉⲣⲉⲡⲉⲕϫⲣⲟϫ ⲉⲣⲣⲉⲙⲛϫⲱⲓⲗⲓ ϧⲉⲛⲟⲩⲕⲁϩⲓ ⲛϣⲉⲙⲙⲟ ⲟⲩⲟϩ ⲉⲩⲉⲁⲓⲧⲟⲩ ⲙⲃⲱⲕ ⲟⲩⲟϩ ⲉⲩⲉⲧϩⲉⲙⲕⲱⲟⲩ ⲛⲩ ⲛⲣⲟⲙⲡⲓ .
God spoke in this way: that his seed would live as aliens in a strange land, and that they would be enslaved and mistreated for four hundred years.
7.7
ⲟⲩⲟϩ ⲡⲓϣⲗⲱⲗ ⲉⲧⲟⲩⲛⲁⲉⲣⲃⲱⲕ ⲛⲁϥ ⲉⲓⲉϯϩⲁⲡ ⲉⲣⲟϥ ⲁⲛⲟⲕ ⲡⲉϫⲉ ⲫⲛⲟⲩϯ ⲟⲩⲟϩ ⲙⲉⲛⲉⲛⲥⲁⲛⲁⲓ ⲉⲩⲉⲓ ⲉⲃⲟⲗ ⲉⲩⲉϣⲉⲙϣⲓ ⲙⲙⲟⲓ ϧⲉⲛⲡⲁⲓⲙⲁ ⲫⲁⲓ .
'I will judge the nation to which they will be in bondage,' said God, 'and after that will they come out, and serve me in this place.'

Bohairic Coptic New Testament, Coptic SCRIPTORIUM (github.com/CopticScriptorium/corpora, corpus bohairic.nt). Coptic text from Marcion / Hany Takla; annotation by Nina Speranskaja, Nicholas Wagner and Amir Zeldes. English is the World English Bible (public domain), aligned by Coptic SCRIPTORIUM. Licence: CC-BY 4.0. Source.