Acts (Bohairic Coptic)

Coptic New Testament (Bohairic) · 1,006 sections

7.8
ⲟⲩⲟϩ ⲁϥϯ ⲛⲁϥ ⲛⲟⲩⲇⲓⲁⲑⲏⲕⲏ ⲛⲧⲉⲡⲥⲉⲃⲓ ⲟⲩⲟϩ ⲡⲁⲓⲣⲏϯ ⲁϥϫⲫⲉ ⲓⲥⲁⲁⲕ ⲟⲩⲟϩ ⲁϥⲥⲟⲩⲃⲏⲧϥ ϧⲉⲛⲡⲓⲙⲁϩⲏ ⲛⲉϩⲟⲟⲩ ⲟⲩⲟϩ ⲓⲥⲁⲁⲕ ⲁϥϫⲫⲉ ⲓⲁⲕⲱⲃ ⲓⲁⲕⲱⲃ ⲁϥϫⲫⲟ ⲙⲡⲓⲓⲃ ⲙⲡⲁⲧⲣⲓⲁⲣⲭⲏⲥ .
He gave him the covenant of circumcision. So Abraham became the father of Isaac, and circumcised him the eighth day. Isaac became the father of Jacob, and Jacob became the father of the twelve patriarchs.
7.9
ⲟⲩⲟϩ ⲛⲓⲡⲁⲧⲣⲓⲁⲣⲭⲏⲥ ⲁⲩⲭⲟϩ ⲉⲓⲱⲥⲏⲫ ⲁⲩⲧⲏⲓϥ ⲉⲃⲟⲗ ⲉϩⲣⲏⲓ ⲉⲭⲏⲙⲓ ⲟⲩⲟϩ ⲛⲁⲣⲉⲫⲛⲟⲩϯ ⲭⲏ ⲛⲉⲙⲁϥ ⲡⲉ .
'The patriarchs, moved with jealousy against Joseph, sold him into Egypt. God was with him,
7.10
ⲁϥⲛⲁϩⲙⲉϥ ⲉⲃⲟⲗ ϧⲉⲛⲛⲉϥⲑⲗⲩⲯⲓⲥ ⲧⲏⲣⲟⲩ ⲁϥϯ ⲛⲁϥ ⲛⲟⲩϩⲙⲟⲧ ⲛⲉⲙⲟⲩⲥⲟⲫⲓⲁ ⲙⲡⲉⲙⲑⲟ ⲙⲫⲁⲣⲁⲱ ⲡⲟⲩⲣⲟ ⲛⲭⲏⲙⲓ ⲁϥⲭⲁϥ ⲛϩⲩⲅⲟⲩⲙⲉⲛⲟⲥ ⲉϩⲣⲏⲓ ⲉϫⲉⲛⲭⲏⲙⲓ ⲛⲉⲙⲉϫⲉⲛⲡⲉϥⲏⲓ ⲧⲏⲣϥ .
and delivered him out of all his afflictions, and gave him favor and wisdom before Pharaoh, king of Egypt. He made him governor over Egypt and all his house.
7.11
ⲁϥⲓ ⲇⲉ ⲛϫⲉⲟⲩϩⲃⲱⲛ ⲉϫⲉⲛⲭⲏⲙⲓ ⲧⲏⲣϥ ⲛⲉⲙⲭⲁⲛⲁⲁⲛ ⲛⲉⲙⲟⲩⲛⲓϣϯ ⲛⲑⲗⲩⲯⲓⲥ ⲟⲩⲟϩ ⲛⲁⲩϫⲉⲙ ⲥⲟⲩⲟ ⲁⲛ ⲡⲉ ⲛϫⲉⲛⲉⲛⲓⲟϯ .
Now a famine came over all the land of Egypt and Canaan, and great affliction. Our fathers found no food.
7.12
ⲁϥⲥⲱⲧⲉⲙ ⲇⲉ ⲛϫⲉⲓⲁⲕⲱⲃ ϫⲉⲥⲉϯ ⲥⲟⲩⲟ ⲉⲃⲟⲗ ϧⲉⲛⲭⲏⲙⲓ ⲁϥⲧⲁⲟⲩⲟ ⲛⲛⲉⲛⲓⲟϯ ⲛϣⲟⲣⲡ .
But when Jacob heard that there was grain in Egypt, he sent out our fathers the first time.
7.13
ⲟⲩⲟϩ ϧⲉⲛⲡⲓⲙⲁϩⲥⲟⲡ ⲃⲁϥⲟⲩⲟⲛϩϥ ⲛϫⲉⲓⲱⲥⲏⲫ ⲉⲛⲉϥⲥⲛⲏⲟⲩ ⲟⲩⲟϩ ⲁⲡⲅⲉⲛⲟⲥ ⲛⲓⲱⲥⲏⲫ ⲁϥⲟⲩⲟⲛϩϥ ⲉⲫⲁⲣⲁⲱ .
On the second time Joseph was made known to his brothers, and Joseph's race was revealed to Pharaoh.
7.14
ⲁϥⲟⲩⲱⲣⲡ ⲇⲉ ⲛϫⲉⲓⲱⲥⲏⲫ ⲁϥⲙⲟⲩϯ ⲉⲓⲁⲕⲱⲃ ⲡⲉϥⲉⲓⲱⲧ ⲛⲉⲙⲧⲉϥⲥⲩⲅⲅⲉⲛⲓⲁ ⲧⲏⲣⲥ ⲉϩⲣⲏⲓ ϧⲉⲛⲟⲉ ⲙⲯⲩⲭⲏ .
Joseph sent, and summoned Jacob, his father, and all his relatives, seventy-five souls.
7.15
ⲁϥⲓ ⲇⲉ ⲛϫⲉⲓⲁⲕⲱⲃ ⲉϧⲣⲏⲓ ⲉⲭⲏⲙⲓ ⲟⲩⲟϩ ⲁϥⲙⲟⲩ ⲛⲑⲟϥ ⲛⲉⲙⲛⲉⲛⲓⲟϯ .
Jacob went down into Egypt, and he died, himself and our fathers,
7.16
ⲟⲩⲟϩ ⲁⲩⲟⲩⲟⲑⲃⲉϥ ⲉⲥⲩⲭⲉⲙ ⲁⲩⲭⲁϥ ϧⲉⲛⲡⲓⲙϩⲁⲩ ⲉⲧⲁϥϣⲟⲡϥ ⲛϫⲉⲁⲃⲣⲁⲁⲙ ϧⲁⲟⲩⲧⲓⲙⲏ ⲛϩⲁⲧ ⲛⲧⲟⲧⲟⲩ ⲛⲛⲉⲛϣⲏⲣⲓ ⲛⲉⲙⲱⲣ ϧⲉⲛⲥⲩⲭⲉⲙ .
and they were brought back to Shechem, and laid in the tomb that Abraham bought for a price in silver from the children of Hamor of Shechem.
7.17
ⲕⲁⲧⲁⲫⲣⲏϯ ⲇⲉ ⲉⲧⲁϥϧⲱⲛⲧ ⲛϫⲉⲡⲥⲏⲟⲩ ⲛⲧⲉϯⲉⲡⲁⲅⲅⲉⲗⲓⲁ ⲑⲏ ⲉⲧⲁ ⲫⲛⲟⲩϯ ⲱⲣⲕ ⲉⲑⲃⲏⲧⲥ ⲛⲁⲃⲣⲁⲁⲙ ⲁϥⲁⲓⲁⲓ ⲛϫⲉⲡⲓⲗⲁⲟⲥ ⲟⲩⲟϩ ⲁϥⲁⲙⲁϩⲓ ⲁϥⲁϣⲁⲓ ⲛϩⲣⲏⲓ ϧⲉⲛⲭⲏⲙⲓ .
'But as the time of the promise came close which God had sworn to Abraham, the people grew and multiplied in Egypt,
7.18
ϣⲁⲛⲧⲉϥⲧⲱⲛϥ ⲛϫⲉⲕⲉⲟⲩⲣⲟ ⲉϫⲉⲛⲭⲏⲙⲓ ⲛϥⲥⲱⲟⲩⲛ ⲁⲛ ⲛⲓⲱⲥⲏⲫ .
until there arose a different king, who didn't know Joseph.
7.19
ⲫⲁⲓ ⲁϥϫⲉⲙ ⲟⲩⲥⲃⲱ ⲉϧⲟⲩⲛ ⲉⲡⲉⲛⲅⲉⲛⲟⲥ ⲁϥⲧϩⲉⲙⲕⲟ ⲛⲛⲉⲛⲓⲟϯ ⲉⲑⲣⲟⲩϩⲓⲟⲩⲓ ⲛⲛⲟⲩⲕⲟⲩϫⲓ ⲛⲁⲗⲱⲟⲩⲓ ⲉⲃⲟⲗ ⲉϣⲧⲉⲙⲧⲁⲛϧⲱⲟⲩ .
The same took advantage of our race, and mistreated our fathers, and forced them to throw out their babies, so that they wouldn't stay alive.
7.20
ⲛϧⲣⲏⲓ ⲇⲉ ϧⲉⲛⲡⲓⲥⲏⲟⲩ ⲉⲧⲉⲙⲙⲁⲩ ⲁⲩⲙⲓⲥⲓ ⲙⲙⲱⲩⲥⲏⲥ ⲛⲉⲟⲩⲁⲥⲧⲓⲟⲥ ⲡⲉ ⲙⲫⲛⲟⲩϯ ⲫⲁⲓ ⲁⲩϣⲁⲛⲟⲩϣϥ ⲛⲅ ⲛⲁⲃⲟⲧ ϧⲉⲛⲡⲏⲓ ⲙⲡⲉϥⲓⲱⲧ .
At that time Moses was born, and was exceedingly handsome. He was nourished three months in his father's house.
7.21
ⲉⲧⲁⲩϩⲓⲧϥ ⲇⲉ ⲉⲃⲟⲗ ⲁⲥⲟⲗϥ ⲛϫⲉⲧϣⲉⲣⲓ ⲙⲫⲁⲣⲁⲱ .
When he was thrown out, Pharaoh's daughter took him up, and reared him as her own son.
7.22
ⲟⲩⲟϩ ⲁⲩⲧⲥⲁⲃⲉ ⲙⲱⲩⲥⲏⲥ ⲉⲥⲃⲱ ⲛⲓⲃⲉⲛ ⲛⲧⲉⲛⲓⲣⲉⲙⲛⲭⲏⲙⲓ ⲛⲁϥϫⲟⲣ ⲡⲉ ϧⲉⲛⲛⲉϥⲥⲁϫⲓ ⲛⲉⲙⲛⲉϥϩⲃⲏⲟⲩⲓ .
Moses was instructed in all the wisdom of the Egyptians. He was mighty in his words and works.
7.23
ⲉⲧⲁⲩϫⲱⲕ ⲇⲉ ⲉⲃⲟⲗ ⲛϫⲉⲙⲛⲣⲟⲙⲡⲓ ⲛⲥⲏⲟⲩ ⲁⲥⲓ ⲉϫⲉⲛⲡⲉϥϩⲏⲧ ⲉϫⲉⲙⲡϣⲓⲛⲓ ⲛⲛⲉϥⲥⲛⲏ ⲟⲩ ⲛⲉⲛϣⲏⲣⲓ ⲙⲡⲓⲥⲗ .
But when he was forty years old, it came into his heart to visit his brothers, the children of Israel.
7.24
ⲉⲧⲁϥⲛⲁⲩ ⲇⲉ ⲟⲩⲁⲓ ⲉⲩϭⲓ ⲙⲙⲟϥ ⲛϫⲟⲛⲥ ⲁϥϣⲉⲛϩⲏⲧ ⲁϥⲓⲣⲓ ⲛⲟⲩϭⲓ ⲙⲡϣⲓϣ ⲙⲫⲏ ⲉⲛⲁⲩⲧϩⲉⲙⲕⲟ ⲙⲙⲟϥ ⲁϥϧⲱⲧⲉⲃ ⲙⲡⲓⲣⲉⲙⲛⲭⲏ ⲙⲓ .
Seeing one of them suffer wrong, he defended him, and avenged him who was oppressed, striking the Egyptian.
7.25
ⲉⲛⲁϥⲙⲉⲩⲓ ⲇⲉ ⲡⲉ ϫⲉⲥⲉⲛⲁⲕⲁϯ ⲛϫⲉⲛⲉϥⲥⲛⲏⲟⲩ ϫⲉⲫⲛⲟⲩϯ ⲛⲁϯ ⲛⲟⲩⲟⲩϫⲁⲓ ⲛⲱⲟⲩ ⲉⲃⲟⲗ ϩⲓⲧⲟⲧϥ ⲛⲑⲱⲟⲩ ⲇⲉ ⲙⲡⲟⲩⲕⲁϯ .
He supposed that his brothers understood that God, by his hand, was giving them deliverance; but they didn't understand.
7.26
ⲡⲉϥⲣⲁⲥϯ ⲇⲉ ⲁϥⲟⲩⲟⲛϩϥ ⲉϩⲁⲛⲕⲉⲭⲱⲟⲩⲛⲓ ⲉⲩⲙⲗⲁϧ ⲟⲩⲟϩ ⲛⲁϥϩⲱⲧⲡ ⲙⲙⲱⲟⲩ ⲡⲉ ⲉⲟⲩϩⲓⲣⲏⲛⲏ ⲉϥϫⲱ ⲙⲙⲟⲥ ϫⲉⲛⲑⲱⲧⲉⲛ ϩⲁⲛⲣⲱⲙⲓ ⲛⲥⲛⲏⲟⲩ ⲉⲑⲃⲉⲟⲩ ⲧⲉⲧⲉⲛϭⲓ ⲛⲛⲉⲧⲉⲛⲉⲣⲏⲟⲩ ⲛϫⲟⲛⲥ .
'The day following, he appeared to them as they fought, and urged them to be at peace again, saying, 'Sirs, you are brothers. Why do you wrong one another?'
7.27
ⲫⲏ ⲇⲉ ⲉⲧϭⲓ ⲙⲡⲉϥϣⲫⲏⲣ ⲛϫⲟⲛⲥ ⲁϥϫⲟⲗϥ ⲉⲃⲟⲗ ⲉϥϫⲱ ⲙⲙⲟⲥ ϫⲉⲛⲓⲙ ⲡⲉ ⲉⲧⲁϥⲭⲁⲕ ⲛⲁⲣⲭⲱⲛ ⲓⲉ ⲣⲉϥϯϩⲁⲡ ⲉϩⲣⲏⲓ ⲉϫⲱⲛ .
But he who did his neighbor wrong pushed him away, saying, 'Who made you a ruler and a judge over us?
7.28
ⲙⲏ ⲉⲕⲟⲩⲱϣ ⲉϧⲟⲑⲃⲉⲧ ⲛⲑⲟⲕ ⲙⲫⲣⲏϯ ⲉⲧⲁⲕϧⲱⲧⲉⲃ ⲙⲡⲓⲣⲉⲙⲛⲭⲏⲙⲓ ⲛⲥⲁϥ .
Do you want to kill me, as you killed the Egyptian yesterday?'
7.29
ⲁϥⲫⲱⲧ ⲇⲉ ⲛϫⲉⲙⲱⲩⲥⲏⲥ ϧⲉⲛⲡⲁⲓⲥⲁϫⲓ ⲁϥⲉⲣⲣⲉⲙⲛϫⲱⲓⲗⲓ ϧⲉⲛⲡⲕⲁϩⲓ ⲙⲙⲁⲇⲓⲁⲙ ⲡⲓⲙⲁ ⲉⲧⲁϥϫⲫⲉ ϣⲏⲣⲓ ⲃⲙⲙⲁⲩ .
Moses fled at this saying, and became a stranger in the land of Midian, where he became the father of two sons.
7.30
ⲉⲧⲁⲩϫⲱⲕ ⲇⲉ ⲉⲃⲟⲗ ⲛϫⲉⲙⲛⲣⲟⲙⲡⲓ ⲁϥⲟⲩⲟⲛϩϥ ⲉⲣⲟϥ ϧⲉⲛⲡϣⲁϥⲉ ⲛⲧⲉⲡⲧⲱⲟⲩ ⲛⲥⲓⲛⲁ ⲛϫⲉⲟⲩⲁⲅⲅⲉⲗⲟⲥ ϧⲉⲛⲟⲩϣⲁϩ ⲛⲭⲣⲱⲙ ϩⲓϫⲉⲛⲟⲩⲃⲁⲧⲟⲥ .
'When forty years were fulfilled, an angel of the Lord appeared to him in the wilderness of Mount Sinai, in a flame of fire in a bush.
7.31
ⲙⲱⲩⲥⲏⲥ ⲇⲉ ⲉⲧⲁϥⲛⲁⲩ ⲉⲡⲓϩⲟⲣⲁⲙⲁ ⲁϥⲉⲣϣⲫⲏⲣⲓ ⲉϥⲛⲁⲓ ⲇⲉ ⲉϯⲛⲓⲁⲧϥ ⲁⲥϣⲱⲡⲓ ⲛϫⲉⲟⲩⲥⲙⲏ ⲛⲧⲉⲡϭⲟⲓⲥ ⲉⲥϫⲱ ⲙⲙⲟⲥ
When Moses saw it, he wondered at the sight. As he came close to see, a voice of the Lord came to him,
7.32
ϫⲉⲁⲛⲟⲕ ⲡⲉ ⲫⲛⲟⲩϯ ⲛⲧⲉⲛⲉⲕⲓⲟϯ ⲫⲛⲟⲩϯ ⲛⲁⲃⲣⲁⲁⲙ ⲛⲉⲙⲫⲛⲟⲩϯ ⲛⲓⲥⲁⲁⲕ ⲛⲉⲙⲫⲛⲟⲩϯ ⲛⲓⲁⲕⲱⲃ ⲁϥⲥⲑⲉⲣⲧⲉⲣ ⲇⲉ ⲛϫⲉⲙⲱⲩⲥⲏⲥ ⲙⲡⲉϥⲉⲣⲧⲟⲗⲙⲁⲛ ⲉϯⲛⲓⲁⲧϥ .
'I am the God of your fathers, the God of Abraham, the God of Isaac, and the God of Jacob.' Moses trembled, and dared not look.
7.33
ⲡⲉϫⲉ ⲡϭⲟⲓⲥ ⲇⲉ ⲛⲁϥ ϫⲉⲃⲱⲗ ⲙⲡⲓⲑⲱⲟⲩⲓ ⲉⲃⲟⲗ ϩⲓⲛⲉⲕϭⲁⲗⲁⲩϫ ⲡⲓⲙⲁ ⲅⲁⲣ ⲉⲧⲉⲕⲟϩⲓ ⲉⲣⲁⲧⲕ ϩⲓϫⲱϥ ⲟⲩⲕⲁϩⲓ ⲉϥⲟⲩⲁⲃ ⲡⲉ .
The Lord said to him, 'Take your sandals off of your feet, for the place where you stand is holy ground.
7.34
ϧⲉⲛⲟⲩⲛⲁⲩ ⲁⲓⲛⲁⲩ ⲉⲡⲧϩⲉⲙⲕⲟ ⲙⲡⲁⲗⲁⲟⲥ ⲉⲧϧⲉⲛⲭⲏⲙⲓ ⲟⲩⲟϩ ⲁⲓⲥⲱⲧⲉⲙ ⲉⲡⲟⲩϥⲓⲁϩⲟⲙ ⲁⲓⲓ ⲉⲡⲉⲥⲏⲧ ⲉⲛⲁϩⲙⲟⲩ ϯⲛⲟⲩ ⲇⲉ ⲁⲙⲟⲩ ⲛⲧⲁⲟⲩⲟⲣⲡⲕ ⲉϩⲣⲏⲓ ⲉⲭⲏⲙⲓ .
I have surely seen the affliction of my people that is in Egypt, and have heard their groaning. I have come down to deliver them. Now come, I will send you into Egypt.'
7.35
ⲫⲁⲓ ⲡⲉ ⲙⲱⲩⲥⲏⲥ ⲉⲧⲁⲩϫⲟⲗϥ ⲉⲃⲟⲗ ⲉⲩϫⲱ ⲙⲙⲟⲥ ϫⲉⲛⲓⲙ ⲁϥⲭⲁⲕ ⲛⲁⲣⲭⲱⲛ ⲓⲉ ⲣⲉϥϯϩⲁⲡ ⲉϩⲣⲏⲓ ⲉϫⲱⲛ ⲫⲁⲓ ⲇⲉ ⲁⲫⲛⲟⲩϯ ⲧⲁⲟⲩⲟϥ ⲛⲁⲣⲭⲱⲛ ⲛⲉⲙⲣⲉϥⲥⲱϯ ϧⲉⲛⲧϫⲓϫ ⲙⲡⲓⲁⲅⲅⲉⲗⲟⲥ ⲫⲏ ⲉⲧⲁϥⲟⲩⲟⲛϩϥ ⲉⲣⲟϥ ϧⲉⲛⲡⲓⲃⲁⲧⲟⲥ .
'This Moses, whom they refused, saying, 'Who made you a ruler and a judge?'--God has sent him as both a ruler and a deliverer by the hand of the angel who appeared to him in the bush.
7.36
ⲫⲏ ⲉⲧⲁϥⲉⲛⲟⲩ ⲉⲃⲟⲗ ⲉⲁϥⲓⲣⲓ ⲛϩⲁⲛⲙⲏ ⲓⲛⲓ ⲛⲉⲙϩⲁⲛϣⲫⲏⲣⲓ ϧⲉⲛⲡⲕⲁϩⲓ ⲛⲭⲏⲙⲓ ⲛⲉⲙⲫⲓⲟⲙ ⲛϣⲁⲣⲓ ⲛⲉⲙϧⲉⲛⲡϣⲁϥⲉ ⲛⲙⲛⲣⲟⲙⲡⲓ .
This man led them out, having worked wonders and signs in Egypt, in the Red Sea, and in the wilderness for forty years.
7.37
ⲫⲁⲓ ⲡⲉ ⲙⲱⲩⲥⲏⲥ ⲉⲧⲁϥϫⲟⲥ ⲛⲛⲉⲛϣⲏⲣⲓ ⲙⲡⲓⲥⲗ ϫⲉⲉⲣⲉⲫⲛⲟⲩϯ ⲧⲟⲩⲛⲟⲥ ⲟⲩⲡⲣⲟⲫⲏⲧⲏⲥ ⲛⲱⲧⲉⲛ ⲉⲃⲟⲗ ϧⲉⲛⲛⲉⲧⲉⲛⲥⲛⲏⲟⲩ ⲛⲁⲡⲁⲣⲏϯ ⲥⲱⲧⲉⲙ ⲛⲥⲱϥ .
This is that Moses, who said to the children of Israel, 'The Lord our God will raise up a prophet for you from among your brothers, like me.
7.38
ⲫⲁⲓ ⲡⲉⲧⲁϥϣⲱⲡⲓ ϧⲉⲛϯⲉⲕⲕⲗⲏⲥⲓⲁ ϩⲓⲡϣⲁϥⲉ ⲛⲉⲙⲡⲓⲁⲅⲅⲉⲗⲟⲥ ⲉⲧⲥⲁϫⲓ ⲛⲉⲙⲁϥ ϩⲓϫⲉⲛⲡⲧⲱⲟⲩ ⲛⲥⲓⲛⲁ ⲛⲉⲙⲛⲉⲛⲓⲟϯ ⲫⲁⲓ ⲉⲧⲁϥϭⲓ ⲛϩⲁⲛⲥⲁϫⲓ ⲛⲱⲛϧ ⲉⲧⲏⲓⲧⲟⲩ ⲛⲱⲧⲉⲛ .
This is he who was in the assembly in the wilderness with the angel that spoke to him on Mount Sinai, and with our fathers, who received living oracles to give to us,
7.39
ⲫⲁⲓ ⲉⲧⲉⲙⲡⲟⲩⲟⲩⲱϣ ⲉⲥⲱⲧⲉⲙ ⲛⲥⲱϥ ⲛϫⲉⲛⲉⲛⲓⲟϯ ⲁⲗⲗⲁ ⲁⲩⲭⲁϥ ⲟⲩⲟϩ ⲁⲩⲕⲟⲧⲟⲩ ϧⲉⲛⲡⲟⲩϩⲏⲧ ⲉϩⲣⲏⲓ ⲉⲭⲏⲙⲓ .
to whom our fathers wouldn't be obedient, but rejected him, and turned back in their hearts to Egypt,
7.40
ⲉⲩϫⲱ ⲙⲙⲟⲥ ⲛⲁⲁⲣⲱⲛ ϫⲉⲙⲁⲑⲁⲙⲓⲟ ⲛⲁⲛ ⲛϩⲁⲛⲛⲟⲩϯ ⲛⲁⲓ ⲉⲑⲛⲁⲥⲱⲕ ϧⲁϫⲱⲛ ⲫⲁⲓ ⲅⲁⲣ ⲡⲉ ⲙⲱⲩⲥⲏⲥ ⲉⲧⲁϥⲉⲛⲧⲉⲛ ⲉⲃⲟⲗ ϧⲉⲛⲡⲕⲁϩⲓ ⲛⲭⲏⲙⲓ ⲛⲧⲉⲛⲥⲱⲟⲩⲛ ⲁⲛ ϫⲉⲟⲩ ⲡⲉ ⲉⲧⲁϥϣⲱⲡⲓ ⲙⲙⲟϥ .
saying to Aaron, 'Make us gods that will go before us, for as for this Moses, who led us out of the land of Egypt, we don't know what has become of him.'
7.41
ⲟⲩⲟϩ ⲁⲩⲑⲁⲙⲓⲟ ⲛⲱⲟⲩ ⲛⲟⲩⲙⲁⲥⲓ ϧⲉⲛⲛⲓⲉϩⲟⲟⲩ ⲉⲧⲉⲙⲙⲁⲩ ⲟⲩⲟϩ ⲁⲩⲓⲛⲓ ⲛⲟⲩϣⲟⲩϣⲱⲟⲩϣⲓ ⲉϩⲣⲏⲓ ⲙⲡⲓⲓⲇⲱⲗⲟⲛ ⲟⲩⲟϩ ⲁⲩⲟⲩⲛⲟϥ ϧⲉⲛⲛⲓϩⲃⲏⲟⲩⲓ ⲛⲧⲉⲛⲟⲩϫⲓϫ .
They made a calf in those days, and brought a sacrifice to the idol, and rejoiced in the works of their hands.
7.42
ⲁϥⲕⲟⲧⲟⲩ ⲛϫⲉⲫⲛⲟⲩϯ ⲉϣⲉⲙϣⲓ ⲛϯⲥⲧⲣⲁⲧⲓⲁ ⲛⲧⲉⲧⲫⲉ ⲕⲁⲧⲁⲫⲣⲏϯ ⲉⲧⲥϧⲏ ⲟⲩⲧ ϩⲓⲡϫⲱⲙ ⲛⲧⲉⲛⲓⲡⲣⲟⲫⲏⲧⲏⲥ ϫⲉⲙⲏ ϩⲁⲛϧⲟⲗϧⲉⲗ ⲛⲉⲙϩⲁⲛϣⲟⲩϣⲱⲟⲩϣⲓ ⲁⲣⲉⲧⲉⲛⲉⲛⲟⲩ ⲛⲏⲓ ⲛϩⲣⲏⲓ ϩⲓⲡϣⲁϥⲉ ⲛⲙⲛⲣⲟⲙⲡⲓ ⲡⲏⲓ ⲙⲡⲓⲥⲗ .
But God turned, and gave them up to serve the army of the sky, as it is written in the book of the prophets, 'Did you offer to me slain animals and sacrifices forty years in the wilderness, O house of Israel?
7.43
ⲟⲩⲟϩ ⲁⲧⲉⲧⲉⲛϭⲓ ⲛϯⲥⲕⲩⲛⲏ ⲛⲧⲉⲙⲟⲗⲟⲭ ⲛⲉⲙⲡⲓⲥⲓⲟⲩ ⲛⲧⲉⲡⲉⲧⲉⲛⲛⲟⲩϯ ⲣⲏⲫⲁⲛ ⲛⲓⲧⲩⲡⲟⲥ ⲉⲧⲁⲣⲉⲧⲉⲛⲑⲁⲙⲓⲱⲟⲩ ⲉⲟⲩⲱϣⲧ ⲙⲙⲱⲟⲩ ⲉⲓⲉⲟⲩⲉⲧⲉⲃ ⲑⲏⲛⲟⲩ ⲉⲃⲟⲗ ⲉⲛⲓⲥⲁ ⲛⲧⲉⲃⲁⲃⲩⲗⲱⲛ .
You took up the tabernacle of Moloch, the star of your god Rephan, the figures which you made to worship. I will carry you away beyond Babylon.'
7.44
ϯⲥⲕⲩⲛⲏ ⲛⲧⲉϯⲙⲉⲧⲙⲉⲑⲣⲉ ⲑⲏ ⲉⲛⲁⲥ ⲛⲧⲉⲛⲉⲛⲓⲟϯ ϩⲓⲡϣⲁϥⲉ ⲙⲫⲣⲏϯ ⲉⲧⲁϥⲟⲩⲁϩⲥⲁϩⲛⲓ ⲛϫⲉⲫⲏ ⲉⲧⲥⲁϫⲓ ⲛⲉⲙⲙⲱⲩⲥⲏⲥ ⲉⲑⲁⲙⲓⲟⲥ ⲕⲁⲧⲁⲡⲓⲧⲩⲡⲟⲥ ⲉⲧⲁϥⲛⲁⲩ ⲉⲣⲟϥ .
'Our fathers had the tabernacle of the testimony in the wilderness, even as he who spoke to Moses commanded him to make it according to the pattern that he had seen;
7.45
ⲑⲁⲓ ⲉⲧⲁⲩⲟⲗⲥ ⲉϧⲟⲩⲛ ⲛⲉⲙⲱⲟⲩ ⲉⲁⲩϣⲟⲡⲥ ⲉⲣⲱⲟⲩ ⲛϫⲉⲛⲉⲛⲓⲟϯ ⲛⲉⲙⲓⲏⲥⲟⲩ ϧⲉⲛⲡⲓⲁⲙⲁϩⲓ ⲛⲧⲉⲛⲓⲉⲑⲛⲟⲥ ⲛⲏ ⲉⲧⲁ ⲫⲛⲟⲩϯ ϩⲓⲧⲟⲩ ⲉⲃⲟⲗ ϧⲁⲧϩⲏ ⲙⲡϩⲟ ⲛⲧⲉⲛⲉⲛⲓⲟϯ ϣⲁⲛⲓⲉϩⲟⲟⲩ ⲛⲧⲉⲇⲁⲩⲓⲇ .
which also our fathers, in their turn, brought in with Joshua when they entered into the possession of the nations, whom God drove out before the face of our fathers, to the days of David,
7.46
ⲫⲏ ⲉⲧⲁϥϫⲓⲙⲓ ⲛⲟⲩϩⲙⲟⲧ ⲙⲡⲉⲙⲑⲟ ⲙⲫⲛⲟⲩϯ ⲁϥⲉⲣⲉⲧⲓⲛ ⲉⲑⲁⲙⲓⲟ ⲛⲟⲩⲙⲁ ⲛϣⲱⲡⲓ ⲙⲫⲛⲟⲩϯ ⲛⲓⲁⲕⲱⲃ .
who found favor in the sight of God, and asked to find a habitation for the God of Jacob.
7.47
ⲥⲟⲗⲟⲙⲱⲛ ⲇⲉ ⲁϥⲕⲉⲧ ⲟⲩⲏⲓ ⲛⲁϥ .
But Solomon built him a house.
7.48
ⲁⲗⲗⲁ ⲛⲁⲣⲉⲡⲉⲧϭⲟⲥⲓ ϣⲟⲡ ⲁⲛ ϧⲉⲛϩⲁⲛⲙⲟⲩⲛⲕ ⲛϫⲓϫ ⲕⲁⲧⲁⲫⲣⲏϯ ⲉⲧⲉⲡⲓⲡⲣⲟⲫⲏ ⲧⲏⲥ ϫⲱ ⲙⲙⲟⲥ
However, the Most High doesn't dwell in temples made with hands, as the prophet says,
7.49
ϫⲉⲧⲫⲉ ⲡⲉ ⲡⲁⲑⲣⲟⲛⲟⲥ ⲡⲕⲁϩⲓ ⲇⲉ ⲡⲉ ⲫⲙⲁ ⲛⲥⲉⲙⲛⲓ ⲛⲧⲉⲛⲁϭⲁⲗⲁⲩϫ ⲁϣ ⲛⲏⲓ ⲫⲏ ⲉⲧⲉⲧⲉⲛⲛⲁⲕⲟⲧϥ ⲛⲏⲓ ⲡⲉϫⲉ ⲡϭⲟⲓⲥ ⲓⲉ ⲁϣ ⲡⲉ ⲫⲙⲁ ⲛⲧⲉⲡⲁⲙⲁ ⲛⲉⲙⲧⲟⲛ .
'heaven is my throne, and the earth a footstool for my feet. What kind of house will you build me?' says the Lord; 'or what is the place of my rest?
7.50
ⲙⲏ ⲧⲁϫⲓϫ ⲁⲛ ⲁⲥⲑⲁⲙⲓⲉ ⲛⲁⲓ ⲧⲏⲣⲟⲩ .
Didn't my hand make all these things?'
7.51
ⲛⲓⲛⲁϣϯ ⲛⲁϩⲃⲓ ⲟⲩⲟϩ ⲛⲁⲧⲥⲉⲃⲓ ϧⲉⲛⲡⲟⲩⲕⲉϩⲏⲧ ⲛⲉⲙⲛⲟⲩⲕⲉⲙⲁϣϫ ⲛⲑⲱⲧⲉⲛ ⲛⲥⲏⲟⲩ ⲛⲓⲃⲉⲛ ⲧⲉⲧⲉⲛϯ ⲉϧⲟⲩⲛ ⲉϩⲣⲉⲛⲡⲓⲡⲛⲉⲩⲙⲁⲉⲑⲟⲩⲁⲃ ⲙⲫⲣⲏϯ ⲛⲛⲉⲧⲉⲛⲕⲉⲓⲟϯ ⲟⲩⲟϩ ⲛⲑⲱⲧⲉⲛ ϩⲱⲧⲉⲛ .
'You stiff-necked and uncircumcised in heart and ears, you always resist the Holy Spirit! As your fathers did, so you do.
7.52
ⲛⲓⲙ ⲉⲃⲟⲗ ϧⲉⲛⲛⲓⲡⲣⲟⲫⲏⲧⲏⲥ ⲉⲧⲉⲙⲡⲉ ⲛⲉⲧⲉⲛⲓⲟϯ ϭⲟϫⲓ ⲛⲥⲱϥ ⲟⲩⲟϩ ⲁⲩϧⲱⲧⲉⲃ ⲛⲛⲏ ⲉⲧⲁⲩⲉⲣϣⲟⲣⲡ ⲛϩⲓⲱⲓϣ ⲙⲡϫⲓⲛⲓ ⲛⲧⲉⲡⲓⲑⲙⲏⲓ ⲫⲁⲓ ⲛⲑⲱⲧⲉⲛ ⲉⲧⲁⲣⲉⲧⲉⲛⲧⲏⲓϥ ⲟⲩⲟϩ ⲁⲣⲉⲧⲉⲛϧⲟⲑⲃϥ .
Which of the prophets didn't your fathers persecute? They killed those who foretold the coming of the Righteous One, of whom you have now become betrayers and murderers.
7.53
ⲛⲑⲱⲧⲉⲛ ⲁⲣⲉⲧⲉⲛϭⲓ ⲙⲡⲓⲛⲟⲙⲟⲥ ⲉϩⲁⲛⲑⲱϣ ⲛⲁⲅⲅⲉⲗⲟⲥ ⲙⲡⲉⲧⲉⲛⲁⲣⲉϩ ⲉⲣⲟϥ .
You received the law as it was ordained by angels, and didn't keep it!'
7.54
ⲛⲁⲓ ⲇⲉ ⲉⲧⲁⲩⲥⲟⲑⲙⲟⲩ ⲛⲁⲩϣⲟⲡϣⲉⲡ ⲙⲡⲟⲩϩⲏⲧ ⲟⲩⲟϩ ⲛⲁⲩϧⲣⲁϫⲣⲉϫ ⲛⲛⲟⲩⲛⲁϫϩⲓ ⲉϩⲣⲏⲓ ⲉϫⲱϥ .
Now when they heard these things, they were cut to the heart, and they gnashed at him with their teeth.
7.55
ⲥⲧⲉⲫⲁⲛⲟⲥ ⲇⲉ ⲉϥⲙⲉϩ ⲉⲃⲟⲗ ϧⲉⲛⲡⲓⲡⲛⲉⲩⲙⲁⲉⲑⲟⲩⲁⲃ ⲛⲉⲙⲫⲛⲁϩϯ ⲁϥⲥⲟⲙⲥ ⲉϩⲣⲏⲓ ⲉⲧⲫⲉ ⲁϥⲛⲁⲩ ⲉⲡⲱⲟⲩ ⲙⲫⲛⲟⲩϯ ⲟⲩⲟϩ ⲓⲏⲥⲟⲩⲥ ⲉϥⲟϩⲓ ⲉⲣⲁⲧϥ ⲥⲁⲟⲩⲓⲛⲁⲙ ⲙⲫⲛⲟⲩϯ .
But he, being full of the Holy Spirit, looked up steadfastly into heaven, and saw the glory of God, and Jesus standing on the right hand of God,
7.56
ⲟⲩⲟϩ ⲡⲉϫⲁϥ ϫⲉϩⲏⲡⲡⲉ ϯⲛⲁⲩ ⲉⲛⲓⲫⲏⲟⲩⲓ ⲉⲩⲟⲩⲏⲛ ⲟⲩⲟϩ ⲡϣⲏⲣⲓ ⲙⲫⲣⲱⲙⲓ ⲉϥⲟϩⲓ ⲉⲣⲁⲧϥ ⲥⲁⲟⲩⲓⲛⲁⲙ ⲙⲫⲛⲟⲩϯ .
and said, 'Behold, I see the heavens opened, and the Son of Man standing at the right hand of God!'
7.57
ⲁⲩⲱϣ ⲉⲃⲟⲗ ⲧⲏⲣⲟⲩ ϧⲉⲛⲟⲩⲛⲓϣϯ ⲛⲥⲙⲏ ⲁⲩⲁⲙⲁϩⲓ ⲛⲛⲟⲩⲙⲁϣϫ ⲟⲩⲟϩ ⲁⲩϭⲟϫⲓ ⲉⲩⲥⲟⲡ ⲧⲏⲣⲟⲩ ⲉϩⲣⲏⲓ ⲉϫⲱϥ .
But they cried out with a loud voice, and stopped their ears, and rushed at him with one accord.
7.58
ⲁⲩϩⲓⲧϥ ⲥⲁⲃⲟⲗ ⲛϯⲃⲁⲕⲓ ⲁⲩϩⲓⲱⲛⲓ ⲉϫⲱϥ ⲟⲩⲟϩ ⲛⲓⲙⲉⲑⲣⲉⲩ ⲁⲩⲭⲱ ⲛⲛⲟⲩϩⲃⲱⲥ ϧⲁⲣⲁⲧϥ ⲛⲟⲩϧⲉⲗϣⲓⲣⲓ ⲉⲡⲉϥⲣⲁⲛ ⲡⲉ ⲥⲁⲩⲗⲟⲥ .
They threw him out of the city, and stoned him. The witnesses placed their garments at the feet of a young man named Saul.
7.59
ⲟⲩⲟϩ ⲁⲩϩⲓⲱⲛⲓ ⲉϫⲉⲛⲥⲧⲉⲫⲁⲛⲟⲥ ⲉϥϯϩⲟ ⲉϥϫⲱ ⲙⲙⲟⲥ ϫⲉⲡϭⲟⲓⲥ ⲓⲏⲥⲟⲩⲥ ϣⲉⲡ ⲡⲁⲡⲛⲉⲩⲙⲁⲉⲣⲟⲕ .
They stoned Stephen as he called out, saying, 'Lord Jesus, receive my spirit!'
7.60
ⲁϥϩⲓⲧϥ ⲉϫⲉⲛⲛⲉϥⲕⲉⲗⲓ ⲁϥⲱϣ ⲉⲃⲟⲗ ϧⲉⲛⲟⲩⲛⲓϣϯ ⲛⲥⲙⲏ ϫⲉⲡϭⲟⲓⲥ ⲛⲛⲉⲕⲉⲡ ⲡⲁⲓⲛⲟⲃⲓ ⲉⲣⲱⲟⲩ ⲫⲁⲓ ⲇⲉ ⲉⲧⲁϥϫⲟϥ ⲁϥⲉⲛⲕⲟⲧ .
He kneeled down, and cried with a loud voice, 'Lord, don't hold this sin against them!' When he had said this, he fell asleep.
8.1
ⲥⲁⲩⲗⲟⲥ ⲇⲉ ⲛⲁϥϯⲙⲁϯ ⲡⲉ ⲉϩⲣⲏⲓ ⲉϫⲉⲛⲡⲉϥϧⲱⲧⲉⲃ ⲁϥϣⲱⲡⲓ ⲇⲉ ⲙⲡⲓⲥⲏⲟⲩ ⲉⲧⲉⲙⲙⲁⲩ ⲛϫⲉⲟⲩⲛⲓϣϯ ⲛⲇⲓⲱⲅⲙⲟⲥ ⲉϫⲉⲛϯⲉⲕⲕⲗⲏⲥⲓⲁ ⲉⲧϧⲉⲛⲓⲉⲣⲟⲥⲁⲗⲏⲙ ⲁⲩⲥⲱⲣ ⲇⲉ ⲉⲃⲟⲗ ⲧⲏⲣⲟⲩ ⲉⲛⲓⲭⲱⲣⲁ ⲛⲧⲉϯⲓⲟⲩⲇⲉⲁ ⲛⲉⲙⲧⲥⲁⲙⲁⲣⲓⲁ ϣⲁⲧⲉⲛ ⲛⲓⲁⲡⲟⲥⲧⲟⲗⲟⲥ ⲙⲙⲁⲩⲁⲧⲟⲩ .
Saul was consenting to his death. A great persecution arose against the assembly which was in Jerusalem in that day. They were all scattered abroad throughout the regions of Judea and Samaria, except for the apostles.
8.2
ⲁⲩⲱⲗⲓ ⲇⲉ ⲛⲥⲧⲉⲫⲁⲛⲟⲥ ⲉⲃⲟⲗ ⲛϫⲉϩⲁⲛⲣⲱⲙⲓ ⲛⲣⲉϥⲉⲣϩⲟϯ ⲟⲩⲟϩ ⲁⲩⲓⲣⲓ ⲛⲟⲩⲛⲓϣϯ ⲛⲛⲉϩⲡⲓ ⲉϩⲣⲏⲓ ⲉϫⲱϥ .
Devout men buried Stephen, and lamented greatly over him.
8.3
ⲥⲁⲩⲗⲟⲥ ⲇⲉ ⲛⲁϥϯ ⲟⲩⲃⲉ ϯⲉⲕⲕⲗⲏⲥⲓⲁ ⲉϥⲛⲁ ⲉϧⲟⲩⲛ ⲉⲛⲓⲏⲓ ⲉϥⲱϣϯ ⲛϩⲁⲛⲣⲱⲙⲓ ⲉⲃⲟⲗ ⲛⲉⲙϩⲁⲛϩⲓⲟⲙⲓ ⲉϥϩⲓⲟⲩⲓ ⲙⲙⲱⲟⲩ ⲉⲡϣⲧⲉⲕⲟ .
But Saul ravaged the assembly, entering into every house, and dragged both men and women off to prison.
8.4
ⲛⲏ ⲙⲉⲛ ⲟⲩⲛ ⲉⲧⲁⲩⲥⲱⲣ ⲉⲃⲟⲗ ⲛⲁⲩⲥⲓⲛⲓ ⲡⲉ ⲉⲩϩⲓϣⲉⲛⲛⲟⲩϥⲓ ⲙⲡⲓⲥⲁϫⲓ .
Therefore those who were scattered abroad went around preaching the word.
8.5
ⲫⲓⲗⲓⲡⲡⲟⲥ ⲇⲉ ⲉⲧⲁϥⲓ ⲉϩⲣⲏⲓ ⲉⲟⲩⲡⲟⲗⲓⲥ ⲛⲧⲉⲧⲥⲁⲙⲁⲣⲓⲁ ⲁϥϩⲓⲱⲓϣ ⲙⲡⲓⲥⲁϫⲓ ⲛⲧⲉⲫⲛⲟⲩϯ .
Philip went down to the city of Samaria, and proclaimed to them the Christ.
8.6
ⲛⲁⲩϯ ⲛϩⲑⲏⲟⲩ ⲛϫⲉⲛⲓⲙⲏϣ ⲉⲩⲥⲟⲡ ⲉⲛⲏ ⲉⲛⲁⲣⲉⲫⲓⲗⲓⲡⲡⲟⲥ ϫⲱ ⲙⲙⲱⲟⲩ ϧⲉⲛⲡϫⲓⲛⲑⲣⲟⲩⲥⲱⲧⲉⲙ ⲟⲩⲟϩ ⲛⲥⲉⲛⲁⲩ ⲉⲛⲓⲙⲏⲓⲛⲓ ⲉⲛⲁϥⲓⲣⲓ ⲙⲙⲱⲟⲩ .
The multitudes listened with one accord to the things that were spoken by Philip, when they heard and saw the signs which he did.
8.7
ⲟⲩⲙⲏϣ ⲇⲉ ⲉⲃⲟⲗ ϧⲉⲛⲛⲏ ⲉⲧⲉⲛⲓⲡⲛⲉⲩⲙⲁⲛⲁⲕⲁⲑⲁⲣⲧⲟⲛ ⲛⲉⲙⲱⲟⲩ ⲛⲁⲩⲛⲏⲟⲩ ⲉⲃⲟⲗ ϩⲓⲱⲧⲟⲩ ⲉⲩⲱϣ ⲉⲃⲟⲗ ϧⲉⲛⲟⲩⲛⲓϣϯ ⲛⲥⲙⲏ ϩⲁⲛⲕⲉⲙⲏϣ ⲇⲉ ⲉⲩϣⲏⲗ ⲉⲃⲟⲗ ⲛⲉⲙϩⲁⲛⲟⲩⲟⲛ ⲉⲩⲟⲓ ⲛϭⲁⲗⲉ ⲛⲁϥⲧⲁⲗϭⲟ ⲙⲙⲱⲟⲩ .
For unclean spirits came out of many of those who had them. They came out, crying with a loud voice. Many who had been paralyzed and lame were healed.
8.8
ⲁϥϣⲱⲡⲓ ⲇⲉ ⲛϫⲉⲟⲩⲛⲓϣϯ ⲛⲣⲁϣⲓ ϧⲉⲛϯⲡⲟⲗⲓⲥ ⲉⲧⲉⲙⲙⲁⲩ .
There was great joy in that city.
8.9
ⲟⲩⲣⲱⲙⲓ ⲇⲉ ⲉⲡⲉϥⲣⲁⲛ ⲡⲉ ⲥⲓⲙⲱⲛ ⲛⲁϥϣⲟⲡ ⲛϣⲟⲣⲡ ⲡⲉ ϧⲉⲛϯⲡⲟⲗⲓⲥ ⲉⲧⲉⲙⲙⲁⲩ ⲉϥⲟⲓ ⲛⲁⲭⲱ ⲉϥⲟⲩⲱⲧⲉⲃ ⲉⲃⲟⲗ ⲙⲡⲓϣⲗⲱⲗ ⲧⲏⲣϥ ⲛⲧⲉⲧⲥⲁⲙⲁⲣⲓⲁ ⲉϥϫⲱ ⲙⲙⲟⲥ ϫⲉⲁⲛⲟⲕ ⲟⲩⲛⲓϣϯ .
But there was a certain man, Simon by name, who used to practice sorcery in the city, and amazed the people of Samaria, making himself out to be some great one,
8.10
ⲫⲁⲓ ⲇⲉ ⲛⲁⲩϯ ⲛϩⲑⲏⲟⲩ ⲛⲁϥ ⲧⲏⲣⲟⲩ ⲡⲉ ⲛϫⲉⲛⲓⲕⲟⲩϫⲓ ⲛⲉⲙⲛⲓⲛⲓϣϯ ⲉⲩϫⲱ ⲙⲙⲟⲥ ϫⲉⲑⲁⲓ ⲧⲉ ϯϫⲟⲙ ⲛⲧⲉⲫⲛⲟⲩϯ ⲑⲏ ⲉⲧⲟⲩⲙⲟⲩϯ ⲉⲣⲟⲥ ϫⲉϯⲛⲓϣϯ .
to whom they all listened, from the least to the greatest, saying, 'This man is that great power of God.'
8.11
ⲛⲁⲩϯ ⲛϩⲑⲏⲟⲩ ⲛⲁϥ ⲧⲏⲣⲟⲩ ⲡⲉ ϫⲉⲛⲉⲁϥⲉⲣ ⲟⲩⲛⲓϣϯ ⲛⲭⲣⲟⲛⲟⲥ ⲡⲉ ⲉϥⲉⲣϩⲁⲗ ⲙⲙⲱⲟⲩ ϧⲉⲛⲛⲉϥⲙⲉⲧϩⲓⲕ .
They listened to him, because for a long time he had amazed them with his sorceries.
8.12
ϩⲟⲧⲉ ⲉⲧⲁⲩⲛⲁϩϯ ⲉⲫⲓⲗⲓⲡⲡⲟⲥ ⲉϥϩⲓϣⲉⲛⲛⲟⲩϥⲓ ⲛⲱⲟⲩ ⲛϯⲙⲉⲧⲟⲩⲣⲟ ⲛⲧⲉⲫⲛⲟⲩϯ ⲛⲉⲙⲫⲣⲁⲛ ⲛⲓⲏⲥⲟⲩⲥ ⲡⲭⲣⲓⲥⲧⲟⲥ ⲛⲁⲩⲛⲏⲟⲩ ⲡⲉ ⲛϫⲉϩⲁⲛⲣⲱⲙⲓ ⲛⲉⲙϩⲁⲛϩⲓⲟⲙⲓ ⲉⲩϭⲓⲱⲙⲥ .
But when they believed Philip preaching good news concerning the Kingdom of God and the name of Jesus Christ, they were baptized, both men and women.
8.13
ⲥⲓⲙⲱⲛ ⲇⲉ ϩⲱϥ ⲉⲧⲁϥⲛⲁϩϯ ⲟⲩⲟϩ ⲉⲧⲁϥϭⲓⲱⲙⲥ ⲛⲁϥⲙⲏⲛ ⲉⲫⲓⲗⲓⲡⲡⲟⲥ ⲉϥⲛⲁⲩ ⲉⲛⲓⲙⲏⲓⲛⲓ ⲛⲉⲙⲛⲓⲛⲓϣϯ ⲛϫⲟⲙ ⲉⲩϣⲟⲡ ⲉⲃⲟⲗ ϩⲓⲧⲟⲧϥ ⲛⲁϥⲟⲓ ⲛϣⲫⲏⲣⲓ ⲡⲉ .
Simon himself also believed. Being baptized, he continued with Philip. Seeing signs and great miracles occurring, he was amazed.
8.14
ⲉⲧⲁⲩⲥⲱⲧⲉⲙ ⲇⲉ ⲛϫⲉⲛⲓⲁⲡⲟⲥⲧⲟⲗⲟⲥ ⲉⲧϧⲉⲛⲓⲉⲣⲟⲥⲁⲗⲏⲙ ϫⲉⲁϯⲕⲉⲥⲁⲙⲁⲣⲓⲁ ϣⲉⲡ ⲡⲓⲥⲁϫⲓ ⲛⲧⲉⲫⲛⲟⲩϯ ⲉⲣⲟⲥ ⲁⲩⲟⲩⲱⲣⲡ ⲙⲡⲉⲧⲣⲟⲥ ⲛⲉⲙⲓⲱⲁⲛⲛⲏⲥ ϣⲁⲣⲱⲟⲩ .
Now when the apostles who were at Jerusalem heard that Samaria had received the word of God, they sent Peter and John to them,
8.15
ⲛⲁⲓ ⲉⲧⲁⲩⲓ ⲉϩⲣⲏⲓ ⲙⲙⲁⲩ ⲛⲁⲩⲧⲱⲃϩ ⲉϫⲱⲟⲩ ϩⲓⲛⲁ ⲛⲥⲉϭⲓ ⲙⲡⲓⲡⲛⲉⲩⲙⲁⲉⲑⲟⲩⲁⲃ .
who, when they had come down, prayed for them, that they might receive the Holy Spirit;
8.16
ⲛⲉⲙⲡⲁⲧⲉϥⲓ ⲅⲁⲣ ⲉϫⲉⲛⲟⲩⲟⲛ ⲙⲙⲱⲟⲩ ⲙⲁⲗⲗⲟⲛ ⲇⲉ ⲛⲁⲩϭⲓⲱⲙⲥ ⲡⲉ ⲉⲫⲣⲁⲛ ⲙⲡϭⲟⲓⲥ ⲓⲏⲥⲟⲩⲥ .
for as yet he had fallen on none of them. They had only been baptized in the name of Christ Jesus.
8.17
ⲧⲟⲧⲉ ⲁⲩⲭⲁϫⲓϫ ⲉϫⲱⲟⲩ ⲟⲩⲟϩ ⲛⲁⲩϭⲓ ⲙⲡⲓⲡⲛⲉⲩⲙⲁⲉⲑⲟⲩⲁⲃ .
Then they laid their hands on them, and they received the Holy Spirit.
8.18
ⲉⲧⲁϥⲛⲁⲩ ⲇⲉ ⲛϫⲉⲥⲓⲙⲱⲛ ϫⲉⲉⲃⲟⲗ ϩⲓⲧⲉⲛⲡⲓⲭⲁϫⲓϫ ⲛⲧⲉⲛⲓⲁⲡⲟⲥⲧⲟⲗⲟⲥ ⲥⲉϭⲓ ⲙⲡⲓⲡⲛⲉⲩⲙⲁⲉⲑⲟⲩⲁⲃ ⲁϥⲓⲛⲓ ⲛⲱⲟⲩ ⲛϩⲁⲛⲭⲣⲏⲙⲁ
Now when Simon saw that the Holy Spirit was given through the laying on of the apostles' hands, he offered them money,
8.19
ⲉϥϫⲱ ⲙⲙⲟⲥ ϫⲉⲙⲁ ⲡⲁⲓⲉⲣϣⲓϣⲓ ⲛⲏⲓ ϩⲱ ϩⲓⲛⲁ ⲫⲏ ⲉϯⲛⲁⲭⲁϫⲓϫ ⲉϫⲱϥ ⲛⲧⲉϥϭⲓ ⲙⲡⲓⲡⲛⲉⲩⲙⲁⲉⲑⲟⲩⲁⲃ .
saying, 'Give me also this power, that whoever I lay my hands on may receive the Holy Spirit.'
8.20
ⲡⲉⲧⲣⲟⲥ ⲇⲉ ⲡⲉϫⲁϥ ⲛⲁϥ ϫⲉⲡⲉⲕϩⲁⲧ ⲛⲉⲙⲁⲕ ⲉϥⲉϣⲱⲡⲓ ⲉⲡⲧⲁⲕⲟ ϫⲉϯⲇⲱⲣⲉⲁ ⲛⲧⲉⲫⲛⲟⲩϯ ⲁⲕⲙⲉⲩⲓ ⲉϫⲫⲟⲥ ⲛⲁⲕ ⲉⲃⲟⲗ ϩⲓⲧⲉⲛϩⲁⲛⲭⲣⲏⲙⲁ .
But Peter said to him, 'May your silver perish with you, because you thought you could obtain the gift of God with money!
8.21
ⲛⲛⲉ ⲧⲟⲓ ϣⲱⲡⲓ ⲛⲁⲕ ⲟⲩⲇⲉ ⲕⲗⲏⲣⲟⲥ ϧⲉⲛⲡⲁⲓⲥⲁϫⲓ ⲡⲉⲕϩⲏⲧ ⲅⲁⲣ ⲥⲟⲩⲧⲱⲛ ⲁⲛ ⲙⲡⲉⲙⲑⲟ ⲙⲫⲛⲟⲩϯ .
You have neither part nor lot in this matter, for your heart isn't right before God.
8.22
ⲁⲣⲓⲙⲉⲧⲁⲛⲟⲉⲓⲛ ⲟⲩⲛ ⲉⲃⲟⲗ ϧⲉⲛⲧⲉⲕⲕⲁⲕⲓⲁ ⲑⲁⲓ ⲟⲩⲟϩ ⲧⲱⲃϩ ⲙⲡϭⲟⲓⲥ ⲁⲣⲏⲟⲩ ⲥⲉⲛⲁⲭⲁ ⲡⲁⲓⲙⲉⲩⲓ ⲛⲧⲉⲡⲉⲕϩⲏⲧ ⲛⲁⲕ ⲉⲃⲟⲗ .
Repent therefore of this, your wickedness, and ask God if perhaps the thought of your heart may be forgiven you.
8.23
ϯⲛⲁⲩ ⲉⲣⲟⲕ ϧⲉⲛⲟⲩⲭⲟⲗⲏ ⲛⲧⲉⲟⲩⲛϣⲁϣⲓ ⲛⲉⲙⲟⲩⲥⲛⲁⲩϩ ⲛⲧⲉⲧⲁⲇⲓⲕⲓⲁ .
For I see that you are in the gall of bitterness and in the bondage of iniquity.'
8.24
ⲁϥⲉⲣⲟⲩⲱ ⲛϫⲉⲥⲓⲙⲱⲛ ⲡⲉϫⲁϥ ϫⲉⲧⲱⲃϩ ⲉϩⲣⲏⲓ ⲉϫⲱⲓ ⲛⲑⲱⲧⲉⲛ ϩⲁⲡϭⲟⲓⲥ ϩⲓⲛⲁ ϫⲉⲛⲛⲉ ϩⲗⲓ ⲛⲛⲏ ⲉⲧⲁⲣⲉⲧⲉⲛϫⲟⲧⲟⲩ ⲓⲉϩⲣⲏⲓ ⲉϫⲱⲓ .
Simon answered, 'Pray for me to the Lord, that none of the things which you have spoken happen to me.'
8.25
ⲛⲑⲱⲟⲩ ⲙⲉⲛ ⲟⲩⲛ ⲉⲧⲁⲩⲉⲣⲙⲉⲑⲣⲉ ⲟⲩⲟϩ ⲉⲧⲁⲩⲥⲁϫⲓ ⲙⲡⲓⲥⲁϫⲓ ⲛⲧⲉⲫⲛⲟⲩϯ ⲁⲩⲕⲟⲧⲟⲩ ⲉⲓⲉⲣⲟⲥⲁⲗⲏⲙ ⲟⲩⲙⲏϣ ⲛϯⲙⲓ ⲛⲧⲉⲛⲓⲥⲁⲙⲁⲣⲓⲧⲏ ⲥⲛⲁⲩϩⲓϣⲉⲛⲛⲟⲩϥⲓ ⲛⲱⲟⲩ ⲡⲉ .
They therefore, when they had testified and spoken the word of the Lord, returned to Jerusalem, and preached the Good News to many villages of the Samaritans.
8.26
ⲟⲩⲁⲅⲅⲉⲗⲟⲥ ⲇⲉ ⲛⲧⲉⲡϭⲟⲓⲥ ⲁϥⲥⲁϫⲓ ⲛⲉⲙⲫⲓⲗⲓⲡⲡⲟⲥ ⲉϥϫⲱ ⲙⲙⲟⲥ ϫⲉⲧⲱⲛⲕ ⲙⲁϣⲉ ⲛⲁⲕ ⲙⲫⲛⲁⲩ ⲙⲙⲉⲣⲓ ⲉϫⲉⲛⲡⲓⲙⲱⲓⲧ ⲉⲧⲉⲕⲛⲏⲟⲩ ⲉⲃⲟⲗ ϧⲉⲛⲓⲉⲣⲟⲥⲁⲗⲏⲙ ⲉⲅⲁⲍⲁ ⲫⲁⲓ ⲟⲩϣⲁϥⲉ ⲡⲉ .
But an angel of the Lord spoke to Philip, saying, 'Arise, and go toward the south to the way that goes down from Jerusalem to Gaza. This is a desert.'
8.27
ⲟⲩⲟϩ ⲁϥⲧⲱⲛϥ ⲁϥϣⲉ ⲛⲁϥ ⲟⲩⲟϩ ϩⲏⲡⲡⲉ ⲓⲥ ⲟⲩⲣⲱⲙⲓ ⲛⲉⲑⲱϣ ⲛⲥⲓⲟⲩⲣ ⲛⲣⲉⲙⲛϫⲟⲙ ⲛⲕⲁⲛⲇⲁⲕⲏⲥ ⲛⲧⲉϯⲟⲩⲣⲱ ⲛⲧⲉⲛⲓⲉⲑⲁⲩϣ ⲫⲁⲓ ⲛⲁϥⲭⲏ ϩⲓϫⲉⲛⲧⲉⲥⲅⲁⲍⲁ ⲧⲏⲣⲥ ⲛⲉⲁϥⲓ ⲡⲉ ⲉⲟⲩⲱϣⲧ ϧⲉⲛⲓⲉⲣⲟⲥⲁⲗⲏⲙ .
He arose and went; and behold, there was a man of Ethiopia, a eunuch of great authority under Candace, queen of the Ethiopians, who was over all her treasure, who had come to Jerusalem to worship.
8.28
ⲛⲉⲁϥⲕⲟⲧϥ ⲇⲉ ⲡⲉ ⲉϥϩⲉⲙⲥⲓ ϩⲓⲡⲉϥϩⲁⲣⲙⲁ ⲟⲩⲟϩ ⲛⲁϥⲱϣ ⲡⲉ ϩⲓⲡⲓⲡⲣⲟⲫⲏⲧⲏⲥ ⲏⲥⲁⲏⲁⲥ .
He was returning and sitting in his chariot, and was reading the prophet Isaiah.
8.29
ⲡⲉϫⲉ ⲡⲓⲡⲛⲉⲩⲙⲁⲇⲉ ⲙⲫⲓⲗⲓⲡⲡⲟⲥ ϫⲉⲙⲁϣⲉ ⲛⲁⲕ ⲧⲟⲙⲕ ⲉⲡⲁⲓϩⲁⲣⲙⲁ .
The Spirit said to Philip, 'Go near, and join yourself to this chariot.'
8.30
ⲁϥϭⲟϫⲓ ⲇⲉ ⲛϫⲉⲫⲓⲗⲓⲡⲡⲟⲥ ⲁϥⲥⲱⲧⲉⲙ ⲉⲣⲟϥ ⲉϥⲱϣ ϩⲓⲡⲓⲡⲣⲟⲫⲏⲧⲏⲥ ⲏⲥⲁⲏⲁⲥ ⲡⲉϫⲁϥ ⲛⲁϥ ϫⲉϩⲁⲣⲁ ⲕⲥⲱⲟⲩⲛ ⲛⲛⲏ ⲉⲧⲉⲕⲱϣ ⲙⲙⲱⲟⲩ .
Philip ran to him, and heard him reading Isaiah the prophet, and said, 'Do you understand what you are reading?'
8.31
ⲛⲑⲟϥ ⲇⲉ ⲡⲉϫⲁϥ ϫⲉⲡⲱⲥ ⲟⲩⲟⲛ ϣϫⲟⲙ ⲙⲙⲟⲓ ⲉⲉⲙⲓ ⲁⲣⲉϣⲧⲉⲙ ⲟⲩⲁⲓ ϭⲓⲙⲱⲓⲧ ⲛⲏⲓ ⲁϥⲧⲱⲃϩ ⲇⲉ ⲙⲫⲓⲗⲓⲡⲡⲟⲥ ϩⲓⲛⲁ ⲛⲧⲉϥⲁⲗⲏ ⲓⲛⲧⲉϥϩⲉⲙⲥⲓ ⲛⲉⲙⲁϥ .
He said, 'How can I, unless someone explains it to me?' He begged Philip to come up and sit with him.
8.32
ⲫⲙⲁ ⲇⲉ ⲉⲧⲥϧⲏⲟⲩⲧ ⲉⲧⲉⲛⲁϥⲱϣ ⲙⲙⲟϥ ⲫⲁⲓ ⲡⲉ ⲙⲫⲣⲏϯ ⲛⲟⲩⲉⲥⲱⲟⲩ ⲉⲩⲛⲁⲉⲛϥ ⲉⲡϧⲟⲗϧⲉⲗ ⲟⲩⲟϩ ⲙⲫⲣⲏϯ ⲛⲟⲩϩⲓⲏⲃ ⲛⲁⲧϧⲣⲱⲟⲩ ⲙⲡⲉⲙⲑⲟ ⲙⲫⲏ ⲉⲧϧⲱⲕ ⲙⲙⲟϥ ⲡⲁⲓⲣⲏϯ ⲛϥⲟⲩⲱⲛ ⲛⲣⲱϥ ⲁⲛ ⲡⲉ
Now the passage of the Scripture which he was reading was this, 'He was led as a sheep to the slaughter. As a lamb before his shearer is silent, so he doesn't open his mouth.
8.33
ⲁⲩⲱⲗⲓ ⲙⲡⲉϥϩⲁⲡ ⲛϧⲣⲏⲓ ϧⲉⲛⲡⲉϥⲑⲉⲃⲓⲟ ⲧⲉϥⲅⲉⲛⲉⲁ ⲇⲉ ⲛⲓⲙ ⲡⲉⲑⲛⲁϣⲥⲁϫⲓ ⲉⲣⲟⲥ ϫⲉⲥⲉⲛⲁⲱⲗⲓ ⲙⲡⲉϥⲱⲛϧ ⲉⲃⲟⲗ ϩⲓϫⲉⲛⲡⲕⲁϩⲓ .
In his humiliation, his judgment was taken away. Who will declare His generation? For his life is taken from the earth.'
8.34
ⲁϥⲉⲣⲟⲩⲱ ⲇⲉ ⲛϫⲉⲡⲓⲥⲓⲟⲩⲣ ⲡⲉϫⲁϥ ⲙⲫⲓⲗⲓⲡⲡⲟⲥ ϫⲉϯϯϩⲟ ⲉⲣⲟⲕ ⲙⲁⲧⲁⲙⲟⲓ ϫⲉⲉⲣⲉⲡⲁⲓⲡⲣⲟⲫⲏⲧⲏⲥ ϫⲱ ⲙⲫⲁⲓ ⲉⲑⲃⲉⲛⲓⲙ ⲉⲑⲃⲏⲧϥ ϣⲁⲛ ⲉⲑⲃⲉⲕⲉⲟⲩⲁⲓ .
The eunuch answered Philip, 'Who is the prophet talking about? About himself, or about someone else?'
8.35
ⲁϥⲟⲩⲱⲛ ⲇⲉ ⲛⲣⲱϥ ⲛϫⲉⲫⲓⲗⲓⲡⲡⲟⲥ ⲁϥⲉⲣϩⲏⲧⲥ ⲛϩⲓϣⲉⲛⲛⲟⲩϥⲓ ⲛⲁϥ ⲛⲓⲏⲥⲟⲩⲥ ⲉⲃⲟⲗ ϧⲉⲛⲧⲁⲓⲅⲣⲁⲫⲏ .
Philip opened his mouth, and beginning from this Scripture, preached to him Jesus.
8.36
ϩⲱⲥ ⲇⲉ ⲉⲩⲙⲟϣⲓ ϩⲓⲡⲓⲙⲱⲓⲧ ⲁⲩⲓ ϩⲓϫⲉⲛⲟⲩⲙⲱⲟⲩ ⲡⲉϫⲉ ⲡⲓⲥⲓⲟⲩⲣ ϫⲉϩⲏⲡⲡⲉ ⲓⲥ ⲟⲩⲙⲱⲟⲩ ⲟⲩ ⲡⲉ ⲉⲧⲧⲁϩⲛⲟ ⲙⲙⲟⲓ ⲉϭⲓⲱⲙⲥ .
As they went on the way, they came to some water, and the eunuch said, 'Behold, here is water. What is keeping me from being baptized?'
8.37
...
...
8.38
ⲟⲩⲟϩ ⲁϥⲟⲩⲁϩⲥⲁϩⲛⲓ ⲉⲧⲁϩⲛⲟ ⲙⲡⲓϩⲁⲣⲙⲁ ⲟⲩⲟϩ ⲁⲩⲓ ⲉϧⲣⲏⲓ ⲉⲡⲓⲙⲱⲟⲩ ⲙⲡⲃ ⲛϫⲉⲫⲓⲗⲓⲡⲡⲟⲥ ⲛⲉⲙⲡⲓⲥⲓⲟⲩⲣ ⲟⲩⲟϩ ⲁϥϯⲱⲙⲥ ⲛⲁϥ .
He commanded the chariot to stand still, and they both went down into the water, both Philip and the eunuch, and he baptized him.
8.39
ⲉⲧⲁⲩⲓ ⲇⲉ ⲉⲡϣⲱⲓ ⲉⲃⲟⲗ ϧⲉⲛⲡⲓⲙⲱⲟⲩ ⲟⲩⲡⲛⲉⲩⲙⲁⲛⲧⲉⲡϭⲟⲓⲥ ⲁϥϩⲱⲗⲉⲙ ⲙⲫⲓⲗⲓⲡⲡⲟⲥ ⲟⲩⲟϩ ⲙⲡⲉϥϫⲉⲛⲁⲩ ⲉⲣⲟϥ ⲛϫⲉⲡⲓⲥⲓⲟⲩⲣ ⲛⲁϥⲙⲟϣⲓ ⲅⲁⲣ ϩⲓⲡⲉϥⲙⲱⲓⲧ ⲉϥⲣⲁϣⲓ .
When they came up out of the water, the Spirit of the Lord caught Philip away, and the eunuch didn't see him any more, for he went on his way rejoicing.
8.40
ⲫⲓⲗⲓⲡⲡⲟⲥ ⲇⲉ ⲁⲩϫⲉⲙϥ ϧⲉⲛⲁⲍⲱⲧⲟⲥ ⲛⲁϥⲕⲱϯ ⲡⲉ ⲉϥϩⲓϣⲉⲛⲛⲟⲩϥⲓ ϧⲉⲛⲛⲓⲡⲟⲗⲓⲥ ⲧⲏⲣⲟⲩ ϣⲁⲧⲉϥⲓ ⲉϩⲣⲏⲓ ⲉⲕⲉⲥⲁⲣⲓⲁ .
But Philip was found at Azotus. Passing through, he preached the Good News to all the cities, until he came to Caesarea.
9.1
ⲥⲁⲩⲗⲟⲥ ⲇⲉ ⲉⲧⲓ ⲉϥⲙⲉϩ ⲛϫⲱⲛⲧ ⲛⲉⲙϧⲱⲧⲉⲃ ⲛⲛⲓⲙⲁⲑⲏⲧⲏⲥ ⲛⲧⲉⲡϭⲟⲓⲥ ⲁϥⲓ ϣⲁⲡⲓⲁⲣⲭⲓⲉⲣⲉⲩⲥ
But Saul, still breathing threats and slaughter against the disciples of the Lord, went to the high priest,
9.2
ⲁϥⲉⲣⲉⲧⲓⲛ ⲛϩⲁⲛⲉⲡⲓⲥⲧⲟⲗⲏ ⲛⲧⲟⲧϥ ⲉⲇⲁⲙⲁⲥⲕⲟⲥ ϣⲁⲛⲓⲥⲩⲛⲁⲅⲱⲅⲏ ϩⲓⲛⲁ ⲛⲏ ⲉⲧⲉϥⲛⲁϫⲉⲙⲟⲩ ⲉⲛⲁ ⲡⲓⲙⲱⲓⲧ ⲛⲉⲛⲓⲣⲱⲙⲓ ⲛⲉⲙⲛⲓϩⲓⲟⲙⲓ ⲛⲧⲉϥⲥⲟⲛϩⲟⲩ ⲛⲧⲉϥⲉⲛⲟⲩ ⲉϩⲣⲏⲓ ⲉⲓⲉⲣⲟⲥⲁⲗⲏⲙ .
and asked for letters from him to the synagogues of Damascus, that if he found any who were of the Way, whether men or women, he might bring them bound to Jerusalem.
9.3
ⲉⲧⲁϥⲙⲟϣⲓ ⲇⲉ ⲁⲥϣⲱⲡⲓ ⲉⲧⲁϥϧⲱⲛⲧ ⲉⲇⲁⲙⲁⲥⲕⲟⲥ ⲛⲟⲩϩⲟϯ ϧⲉⲛⲟⲩϩⲟϯ ⲁϥⲉⲣⲟⲩⲱⲓⲛⲓ ⲉϩⲣⲏⲓ ⲉϫⲱϥ ⲛϫⲉⲟⲩⲟⲩⲱⲓⲛⲓ ⲉⲃⲟⲗ ϧⲉⲛⲧⲫⲉ .
As he traveled, it happened that he got close to Damascus, and suddenly a light from the sky shone around him.
9.4
ⲟⲩⲟϩ ⲉⲧⲁϥϩⲉⲓ ⲉϫⲉⲛⲡⲓⲕⲁϩⲓ ⲁϥⲥⲱⲧⲉⲙ ⲉⲟⲩⲥⲙⲏ ⲉⲥϫⲱ ⲙⲙⲟⲥ ⲛⲁϥ ϫⲉⲥⲁⲟⲩⲗ ⲥⲁⲟⲩⲗ ⲁϧⲟⲕ ⲉⲕϭⲟϫⲓ ⲛⲥⲱⲓ .
He fell on the earth, and heard a voice saying to him, 'Saul, Saul, why do you persecute me?'
9.5
ⲡⲉϫⲁϥ ⲇⲉ ϫⲉⲛⲑⲟⲕ ⲛⲓⲙ ⲡϭⲟⲓⲥ ⲛⲑⲟϥ ⲇⲉ ⲡⲉϫⲁϥ ϫⲉⲁⲛⲟⲕ ⲡⲉ ⲓⲏⲥⲟⲩⲥ ⲫⲏ ⲛⲑⲟⲕ ⲉⲧⲉⲕϭⲟϫⲓ ⲛⲥⲱϥ .
He said, 'Who are you, Lord?' The Lord said, 'I am Jesus, whom you are persecuting.
9.6
ⲁⲗⲗⲁ ⲧⲱⲛⲕ ⲙⲁϣⲉ ⲛⲁⲕ ⲉϩⲣⲏⲓ ⲉϯⲡⲟⲗⲓⲥ ⲉⲩⲉⲥⲁϫⲓ ⲛⲉⲙⲁⲕ ⲙⲡⲉⲧⲥϣⲉ ⲛⲧⲉⲕⲁⲓϥ .
But rise up, and enter into the city, and you will be told what you must do.'
9.7
ⲛⲓⲣⲱⲙⲓ ⲇⲉ ⲉⲛⲁⲩⲙⲟϣⲓ ⲛⲉⲙⲁϥ ⲛⲁⲩⲟϩⲓ ⲉⲣⲁⲧⲟⲩⲉⲩⲧⲱⲙⲧ ⲉⲩⲥⲱⲧⲉⲙ ⲉϯⲥⲙⲏ ⲉⲛⲁⲩⲛⲁⲩ ⲉϩⲗⲓ ⲁⲛ ⲡⲉ .
The men who traveled with him stood speechless, hearing the sound, but seeing no one.

Bohairic Coptic New Testament, Coptic SCRIPTORIUM (github.com/CopticScriptorium/corpora, corpus bohairic.nt). Coptic text from Marcion / Hany Takla; annotation by Nina Speranskaja, Nicholas Wagner and Amir Zeldes. English is the World English Bible (public domain), aligned by Coptic SCRIPTORIUM. Licence: CC-BY 4.0. Source.