Codex Sinaiticus: Σοφία Σειράχ
- Σοφία Σειράχ 3:21
χαλεπωτερα ϲου · μη ζητει · + και ϊϲχυροτερα ϲου · μη εξεταζε ·
- Σοφία Σειράχ 3:22
α προϲεταγη ϲοι · ταυτα διανοου ˙ ου γαρ εϲτιν ϲοι χρεια · των κρυπτων · +
- Σοφία Σειράχ 3:23
εν τοιϲ περιϲϲοιϲ των εργων ϲου · μη περιεργαζου πλειονα γαρ ϲυνεϲεωϲ ανων · υπεδιχθη ϲοι ·
- Σοφία Σειράχ 3:24
πολλουϲ γαρ επλανηϲεν · η ϋπολημψιϲ αυτων · ϋπονοια πονηρα ˙ ωλιϲθηϲεν διανοιαν αυτων
- Σοφία Σειράχ 3:26
και ο αγαπων κινδυνον · εαυτω απολειται καρδια ϲκληρα ˙ κακωθηϲεται επ εϲχατων
- Σοφία Σειράχ 3:27
καρδια ϲκληρα · βαρυνθηϲεται πονοιϲ · και ο αμαρτωλοϲ · προϲθηϲει αμαρτιαν εφ αμαρτιαϲ +
- Σοφία Σειράχ 3:28
επαγωγη ϋπερηφανου · ουκ εϲτιν ϊαϲιϲ · φυτον γαρ πονηριαϲ · ερριζωκεν εν αυτω
- Σοφία Σειράχ 3:29
καρδια ϲυνετου · διανοηθηϲετε εν παραβολη και ουϲ ακροατου · επιθυμια ϲοφου ·
- Σοφία Σειράχ 3:30
πυρ φλογιζομενον · αποϲβεϲει υδωρ · + και ελεημοϲυνη · εξιλαϲεται αμαρτιαϲ ·
- Σοφία Σειράχ 3:31
ο ανταποδιδουϲ χαριταϲ · μεμνηται ειϲ τα μετα ταυτα · και εν καιρω πτωϲεωϲ αυτου . ευρηϲει ϲτηριγμα
- Σοφία Σειράχ 4:1
[…] την ζωην του πτωχου . μη αποϲτερηϲηϲ και μη παρελκυϲηϲ οφθαλμουϲ . επιδεειϲ
- Σοφία Σειράχ 4:2
ψυχην πινωϲαν · μη λυπηϲηϲ · + και μη παροργιϲηϲ ανδρα · εν απορια αυτου .
- Σοφία Σειράχ 4:3
καρδιαν παρωργιϲμενην · μη προϲταραξηϲ + και μη παρελκυϲηϲ δοϲιν · προϲδεομενου ·
- Σοφία Σειράχ 4:4
ϊκετην θλιβομενον · μη απαναινου και μη αποϲτρεψηϲ το προϲωπον ϲου · απο πτωχου ·
- Σοφία Σειράχ 4:5
απο προϲδεομενου · μη αποϲτρεψηϲ οφθαλμον · και μη δωϲ τοπον ανω . καταραϲαϲθε ϲε ·
- Σοφία Σειράχ 4:6
καταρωμενου γαρ ϲε · εν πικρια ψυχηϲ αυτου · τηϲ δεηϲεωϲ αυτου ειϲακουϲεται · ο ποιηϲαϲ αυτον ·
- Σοφία Σειράχ 4:7
προϲφιλη ϲυναγωγη . ϲεαυτον ποιει · και μεγιϲτανει · ταπινου την κεφαλην ϲου
- Σοφία Σειράχ 4:8
κλινον πτωχω · το ουϲ ϲου ˙ + και αποκριθητι αυτω ειρηνικα · εν πραϋτητι
- Σοφία Σειράχ 4:9
εξελου αδικουμενον · εκ χιροϲ αδικουντοϲ ˙ και μη ολιγοψυχηϲηϲ · εν τω κρινεϲθαι ϲε
- Σοφία Σειράχ 4:10
γεινου ορφανοιϲ · ωϲ πηρ ˙ + και αντι ανδροϲ · τη μρι αυτων · και εϲη · ωϲ ϋϊοϲ ϋψιϲτου ˙ και αγαπηϲει ϲε μαλλον · η μηρ ϲου ·
- Σοφία Σειράχ 4:11
η ϲοφια · ϋϊουϲ αυτηϲ ανυψωϲεν · και επιλαμβανεται · των ζητουντων αυτην · +
- Σοφία Σειράχ 4:12
ο αγαπων αυτην · αγαπα ζωην · και οι ορθριζοντεϲ προϲ αυτην . εμπληϲθηϲονται ευφροϲυνηϲ ·
- Σοφία Σειράχ 4:13
ο κρατων αυτηϲ · κληρονομηϲει δοξαν · + και οῦ ειϲπορευεται · ευλογει κϲ ·
- Σοφία Σειράχ 4:14
οι λατρευοντεϲ αυτη · λιτουργηϲουϲιν αγιω · και τουϲ αγαπωνταϲ αυτην · αγαπα κϲ ·
- Σοφία Σειράχ 4:15
ο ειϲακουων αυτηϲ · κρινει εθνη · και ο προϲεχων αυτη · καταϲκηνωϲει πεποιθωϲ ˙
- Σοφία Σειράχ 4:16
εαν εμπιϲτευϲη · κατακληρονομηϲει αυτην και εν καταϲχεϲει · εϲονται αι γενεαι αυτηϲ
- Σοφία Σειράχ 4:17
οτι διεϲτραμμενωϲ · πορευεται μετ αυτου εν πρωτοιϲ · φοβον και διλιαν · επαξει επ αυτον και βαϲανιζει αυτον · εν παιδια αυτηϲ εωϲ ου εμπιϲτευϲη · τη ψυχη αυτου · και πιραϲειϲ αυτον . εν τοιϲ δικαιωμαϲιν αυτηϲ ·
- Σοφία Σειράχ 4:18
και παλιν επανηξει · κατ ευθιαν προϲ αυτον · και ευφρανει αυτον ˙ και αποκαλυψει αυτω · τα κρυπτα αυτηϲ ·
- Σοφία Σειράχ 4:19
εαν αποπλανηθη . ενκαταλιψει αυτον ˙ και παραδωϲει αυτον · ειϲ χιραϲ πτωϲεωϲ αυτου ·
- Σοφία Σειράχ 4:20
ϲυντηρηϲον καιρον · και φυλαξαι απο πονηρου · + και περι τηϲ ψυχηϲ ϲου · μη αιϲχυνθηϲ ˙
- Σοφία Σειράχ 4:21
εϲτιν γαρ αιϲχυνη · επαγουϲα αμαρτιαν ˙ και εϲτιν αιϲχυνη · δοξα και χαριϲ ˙
- Σοφία Σειράχ 4:22
μη λαβηϲ προϲωπον · κατα τηϲ ψυχηϲ ϲου ˙ + και μη εντραπηϲ · ειϲ πτωϲιν ϲου ˙
- Σοφία Σειράχ 4:23
μη κωλυϲηϲ λογον . εν καιρω ϲωτηριαϲ ˙
- Σοφία Σειράχ 4:24
εν γαρ λογω · γνωϲθηϲεται ϲοφια ˙ και παιδια · εν ρηματι γλωϲϲωδουϲ ·
- Σοφία Σειράχ 4:25
μη αντιλεγε τη αληθια · και περι τηϲ παιδευϲιαϲ ϲου . εντραπηθι ˙
- Σοφία Σειράχ 4:26
μη αιϲχυνθηϲ · ομολογηϲαι · εφ αμαρτιαιϲ ϲου ˙ και μη βιαζου · ρουν ποταμου ˙ +
- Σοφία Σειράχ 4:27
και μη ϋποϲτρωϲηϲ ανω μωρω · ϲεαυτον · και μη λαβηϲ · προϲωπον δυναϲτου ˙ +
- Σοφία Σειράχ 4:28
εωϲ θανατου · αγωνιϲαι περι τηϲ αληθιαϲ · και κϲ ο θϲ · πολεμηϲει ϋπερ ϲου ˙
- Σοφία Σειράχ 4:29
μη γεινου ταχυϲ εν ακροαϲει ϲου · και νωθροϲ και παρειμενοϲ · εν τοιϲ εργοιϲ ϲου ˙
- Σοφία Σειράχ 4:30
μη ϊϲθι ωϲ λεων · εν τη οικια ϲου ˙ και φανταϲιοκοπων . εν τοιϲ οικεταιϲ ϲου ˙ +
- Σοφία Σειράχ 4:31
και φ μη εϲτω η χειρ ϲου · εκτεταμενη ειϲ το λαβειν ˙ και εν τω αποδιδοναι · ϲυνεϲταλμενη ·
- Σοφία Σειράχ 5:1
μη επεχε · επι τοιϲ χρημαϲιν ϲου ˙ και μη ειπηϲ · αυταρκη μοι εϲτιν
- Σοφία Σειράχ 5:3
ο γαρ κϲ · εκδικων εκδικηϲει
- Σοφία Σειράχ 5:4
μη ειπηϲ ημαρτον · και τι μοι εγενετο · ο γαρ κϲ εϲτιν · μακροθυμοϲ ·
- Σοφία Σειράχ 5:5
περι εξειλαϲμου · μη αφοβοϲ γεινου · προϲθειναι αμαρτιαν · εφ αμαρτιαιϲ ˙
- Σοφία Σειράχ 5:6
και μη ειπηϲ · ο οικτιρμοϲ αυτου πολυϲ ˙ το πληθοϲ των αμαρτιων μου · εξειλαϲεται ˙ + ελεοϲ γαρ και οργη · παρ αυτω ˙ και επι αμαρτωλουϲ · καταπαυϲεται ο θυμοϲ αυτου ·
- Σοφία Σειράχ 5:7
μη αναμαινε · επιϲτρεψαι επι κν ˙ και μη ϋπερβαλλου · ημεραν εξ ημεραϲ · + εξαπινα γαρ εξελευϲεται η οργη αυτου και εν τω καιρω εκδικηϲεωϲ · εξολη
- Σοφία Σειράχ 5:8
μη επεχε . επι χρημαϲιν αδικοιϲ · ουδεν γαρ ωφεληϲει · εν ημερα επαγωγηϲ · +
- Σοφία Σειράχ 5:9
μη λικμα ˙ εν παντι ανεμω ˙ και μη πορευου . εν παϲη ατραπω · ουτωϲ ο αμαρτωλοϲ · ο διγλωϲϲοϲ ·
- Σοφία Σειράχ 5:10
ϊϲθι εϲτηριγμενοϲ · εν ϲυνεϲι ϲου · και ειϲθι · εϲτω ϲου ο λογοϲ ·
- Σοφία Σειράχ 5:11
γεινου ταχυϲ · εν · ακροαϲει ϲου · και εν μακροθυμια . φθεγγου αποκριϲιν
- Σοφία Σειράχ 5:12
ει εϲτιν ϲοι ϲυνεϲιϲ · αποκριθητι τω πληϲιον · + ει δε μη · η χιρ ϲου · εϲτω επι τω ϲτοματι ϲου · +
- Σοφία Σειράχ 5:13
δοξα και ατιμια · εν λαλλα · και γλωϲϲα ανου · πτωϲιϲ αυτου ·
- Σοφία Σειράχ 5:14
μη κληθηϲ · ψιθυροϲ ˙ και τη γλωϲϲη ϲου . μη ενεδρευε · επι γαρ τω κλεπτη εϲτιν · αιϲχυνη · και καταγνωϲιϲ ονηρα · επι διγλωϲϲου ·
- Σοφία Σειράχ 5:15
εν μεγαλω και εν μικρω · μη αγνοει ˙ και αντι φιλου · μη γεινου εχθροϲ ονομα γαρ πονηρον · αιϲχυνην + και ονιδοϲ κληρονομηϲει · ουτωϲ ο αμαρτωλοϲ · ο διγλωϲϲοϲ ·
- Σοφία Σειράχ 6:2
μη επαρηϲ ϲεαυτον · εν βουλη ψυχηϲ ϲου · ϊνα μη αρπαγη ωϲ ταυροϲ · η ψυχη ϲου ·
- Σοφία Σειράχ 6:3
τα φυλλα ϲου καταφαγεϲαι · και τουϲ καρπουϲ ϲου απολεϲειϲ · και αφηϲειϲ · αυτον ωϲ ξυλον ξηρον ϲεαυτον
- Σοφία Σειράχ 6:4
ψυχη πονηρα · απολει τον κτηϲαμενον αυτην · και επιχαρμα εχθροιϲ · ποιηϲει αυτον ·
- Σοφία Σειράχ 6:5
λαρυγξ γλυκυϲ · πληθυνει φιλουϲ αυτου · + και γλωϲϲα ευλαλοϲ · πληθυνει ευπροϲηγορα +
- Σοφία Σειράχ 6:6
οι ϊρηνευοντεϲ ϲοι · εϲτωϲαν ϲοι πολλοι οι δε ϲυμβουλοι ϲου · ειϲ απο χιλιων
- Σοφία Σειράχ 6:7
ει κταϲαι φιλον · εν πιραϲμω κτηϲαι αυτον και μη ταχυ · ενπιϲτευϲηϲ αυτω ·
- Σοφία Σειράχ 6:8
εϲτιν γαρ φιλοϲ · εν καιρω αυτου · και ου μη παραμινη · εν ημερα θλιψεωϲ ϲου
- Σοφία Σειράχ 6:11
και εν τοιϲ αγαθοιϲ ϲου · εϲται ωϲ ϲυ · και επι τουϲ οικεταιϲ ϲου · παρρηϲιαϲεται
- Σοφία Σειράχ 6:12
εαν ταπινωθηϲ · εϲται κατα ϲου · και απο του προϲωπου ϲου · κρυβηϲεται ˙
- Σοφία Σειράχ 6:13
απο των εχθρων ϲου · διαχωριϲθητι ˙ και απο των φιλων ϲου · προϲεχε ·
- Σοφία Σειράχ 6:14
φιλοϲ πιϲτοϲ · ϲκεπη κραταια ˙ ο δε ευρων αυτον · ευρεν θηϲαυρον ·
- Σοφία Σειράχ 6:15
φιλου πιϲτου · ουκ εϲτιν ανταλλαγμα · και ουκ εϲτιν ϲταθμοϲ · τηϲ καλλονηϲ αυτου
- Σοφία Σειράχ 6:16
φιλοϲ πιϲτοϲ · φαρμακον ζωηϲ · και οι φοβουμενοι τον κν . ευρηϲουϲιν αυτον
- Σοφία Σειράχ 6:17
ο φοβουμενοϲ κν . ευθυνει φιλιαν αυτου · οτι κατ αυτον . ουτωϲ και οι πληϲιον αυτου
- Σοφία Σειράχ 6:18
τεκνον . εκ νεοτητοϲ επιλεξαι παιδιαν · + και εωϲ πολιων . ευρηϲειϲ χαριν ·
- Σοφία Σειράχ 6:19
ωϲ αροτριων και ϲπειρων · προϲελθε αυτη · και αναμενε · τουϲ αγαθουϲ καρπουϲ αυτηϲ εν γαρ τη εργαϲια αυτηϲ · ολιγον κοπιαϲιϲ · + και ταχυ φαγεϲαι · των γενηματων αυτηϲ ·
- Σοφία Σειράχ 6:20
ωϲ τραχεια εϲτιν ϲφοδρα · τοιϲ απεδευτοιϲ · και ουκ εμμενει εν αυτη · ακαρδιοϲ ·
- Σοφία Σειράχ 6:21
ωϲ λιθοϲ δοκιμαϲιαϲ ϊϲχυϲ · εϲται επ αυτω · και ου χρονιει · απορρειψαι αυτην ·
- Σοφία Σειράχ 6:22
ϲοφια γαρ · κατα το ονομα αυτηϲ και ου πολλοιϲ εϲτιν · φανερα ·
- Σοφία Σειράχ 6:23
ακουϲον τεκνον · και εκδεξαι την γνωμην μου · και μη απαναινου . την ϲυμβουλιαν μου ·
- Σοφία Σειράχ 6:24
ειϲενεγκον τουϲ ποδαϲ ϲου . ειϲ ταϲ πεδαϲ αυτηϲ · και ειϲ τον κλοιον αυτηϲ · τον τραχηλον ϲου ·
- Σοφία Σειράχ 6:25
ϋποθεϲ τον ωμον ϲου · και βαϲταξον αυτην ˙ και μη προϲοχθιϲηϲ · εν τοιϲ δεϲμοιϲ αυτηϲ ·
- Σοφία Σειράχ 6:26
εν παϲη ψυχη ϲου · προϲελθε αυτη και εν ολη δυναμι ϲου · τηρηϲον ταϲ οδουϲ αυτηϲ ˙
- Σοφία Σειράχ 6:27
εξϊχνευϲον · και ζητηϲον και γνωϲθηϲεται ϲοι και εγκρατηϲ γενομενοϲ · μη αφηϲ αυτην
- Σοφία Σειράχ 6:28
επ εϲχατων γαρ . ευρηϲειϲ την αναπαυϲιν αυτηϲ · και ϲτραφηϲεται ϲοι · ειϲ ευφροϲυνην ˙
- Σοφία Σειράχ 6:29
και εϲονται ϲοι ε πεδαι · ειϲ ϲκεπην ϊϲχυοϲ και οι κλαδοι αυτηϲ · ειϲ ϲτολην δοξηϲ ·
- Σοφία Σειράχ 6:30
κοϲμοϲ γαρ χρυϲεοϲ εϲτιν επ αυτηϲ · και οι δεϲμοι αυτηϲ · κλωϲμα ϋακινθινον ˙
- Σοφία Σειράχ 6:31
ϲτολην δοξηϲ · ενδυϲειϲ αυτην ˙ και ϲτεφανον αγαλλιαματοϲ · περιθηϲειϲ ϲεαυτω
- Σοφία Σειράχ 6:32
εαν γαρ θεληϲ τεκνον · παιδευθηϲη · και εαν επιδωϲ την ψυχην ϲου · πανουργοϲ εϲη
- Σοφία Σειράχ 6:33
εαν αγαπηϲηϲ ακουειν · εκδεξη ˙ και εαν εκκλινηϲ το ουϲ ϲου · ϲοφοϲ εϲη ·
- Σοφία Σειράχ 6:34
εν πληθει πρεϲβυτερων . ϲτηθι ˙ και τιϲ ϲοφοϲ · αυτων προϲκολληθητι ˙ +
- Σοφία Σειράχ 6:35
παϲαν διηγηϲιν θειαν . θελε ακροαϲθαι και παροιμιαι ϲυνεϲεωϲ · μη εκφυγετωϲαν ϲε · +
- Σοφία Σειράχ 6:36
εαν ϊδηϲ ϲυνετον . ορθριζε προϲ αυτον · και βαθμουϲ θυρων αυτου · εκτριβετω ο πουϲ ϲου
- Σοφία Σειράχ 6:37
διανοου · εν τοιϲ προϲταγμαϲιν · κυ · και εν ταιϲ εντολαιϲ αυτου . μελετα δια παντοϲ αυτοϲ · ϲτηριει την καρδιαν ϲου · και η επιθυμια τηϲ ϲοφιαϲ · δοθηϲεται ϲοι ˙
- Σοφία Σειράχ 7:1
κα μη ποιει κακα · και ου μη καταλαβη κακον ·
- Σοφία Σειράχ 7:2
αποϲτηθι απο αδικου · και εκκλινι απο ϲου ·
- Σοφία Σειράχ 7:3
ϋϊε · μη ϲπειρε επ αυλακαϲ αδικιαϲ ˙ και ου μη θεριϲηϲ αυτα · επταπλαϲιωϲ · +
- Σοφία Σειράχ 7:4
μη ζητει · ηγεμονιαν παρα κυ · μηδε παρα βαϲιλεωϲ · καθεδραν δοξηϲ ·
- Σοφία Σειράχ 7:5
μη δικαιου · εναντι κυ · και παρα βαϲιλει · μη ϲοφιζου ·
- Σοφία Σειράχ 7:6
μη ζητι · γενεϲθαι κριτηϲ · μη ουκ ϊϲχυϲειϲ · εξαραι αδικιαϲ ˙ μηποτε . ευλαβηθηϲ απο προϲωπου δυναϲτου · και θηϲειϲ ϲκανδαλον · εν ευθυτητι ϲου ˙
- Σοφία Σειράχ 7:7
μη αμαρτανε · ειϲ πληθοϲ πολεωϲ · και μη καταβαληϲ ϲεαυτον . εν οχλω ˙
- Σοφία Σειράχ 7:8
μη καταδεϲμευϲηϲ · διϲ αμαρτιαν · εν γαρ μια · ουκ αθωοϲ εϲη ·
- Σοφία Σειράχ 7:9
μη ειπηϲ τω πληθει των δωρων μου . εποψεται ˙ και εν τω προϲενεγκαι με κων ϋψιϲτω · προϲδεξεται · +
- Σοφία Σειράχ 7:10
μη ολιγοψυχηϲηϲ · εν τη προϲευχη ϲου · και ελαιημοϲυνην ποιηϲαι · μη παρϊδηϲ ·
- Σοφία Σειράχ 7:11
μη καταγελα ανου . εν πικρια ψυχηϲ αυτου εϲτιν γαρ ο ταπινων · και ανυψων ˙
← Previous · Next → — showing 101–200 of 1,401
A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source.