Codex Sinaiticus: Σοφία Σειράχ
- Σοφία Σειράχ 0:1
πολλων και μεγαλων ημιν δια του νομου και των προφητων ·
- Σοφία Σειράχ 0:2
και των αλλων των κατ αυτουϲ ηκολουθηκοτων δεομενων ·
- Σοφία Σειράχ 0:3
υπερ ων δεον εϲτιν επαινειν τον ϊϲλʼ παιδιαϲ και ϲοφιαϲ ·
- Σοφία Σειράχ 0:4
και ωϲ ου μονον αυτουϲ τουϲ αναγινωϲκονταϲ δεον εϲτιν επιϲτημοναϲ γενεϲθαι ·
- Σοφία Σειράχ 0:5
αλλα και τοιϲ εκτοϲ δυναϲθαι τουϲ φιλομαθουνταϲ χρηϲιμουϲ ειναι
- Σοφία Σειράχ 0:6
λεγονταϲ και γραφονταϲ ·
- Σοφία Σειράχ 0:7
ο παπποϲ μου ϊηϲουϲ επι πλεον εαυτον δουϲ ·
- Σοφία Σειράχ 0:8
ειϲ τε την του νομου
- Σοφία Σειράχ 0:9
και των προφητων
- Σοφία Σειράχ 0:10
και των αλλων των δεοντων πατριων βιβλιων αναγνωϲιν ·
- Σοφία Σειράχ 0:11
και εν τουτοιϲ ϊκανον εϲτιν περιποιηϲαμενον ·
- Σοφία Σειράχ 0:12
περιοϲηχθην και αυτοϲ ϲυνγραψαι · περι των ειϲ παιδιαν και ϲοφιαν ανηκοντων ·
- Σοφία Σειράχ 0:13
οπωϲ οι φιλομαθειϲ και οι τουτων ενοχοι γενομενοι ·
- Σοφία Σειράχ 0:14
πολλω μαλλον ετι προϲθηϲουϲιν δια τηϲ εκ νομου βιωϲεωϲ ·
- Σοφία Σειράχ 0:15
παρακεκληϲθαι ουν
- Σοφία Σειράχ 0:16
μετ ευνοιαϲ και προϲοχηϲ
- Σοφία Σειράχ 0:17
την αναγνωϲιν ποιειϲθαι ·
- Σοφία Σειράχ 0:18
και ϲυνγνωμην εχειν ·
- Σοφία Σειράχ 0:19
εφ οιϲ εαν δοκωμεν
- Σοφία Σειράχ 0:20
των κατα την ερμηνειαν πεφιλοπονημενων . τιϲι των λεξεων ˙
- Σοφία Σειράχ 0:21
ου γαρ ϊϲοδυναμει
- Σοφία Σειράχ 0:22
αυτα εν εαυτοιϲ εβραιϲτι λεγομενα · και οταν μετα˙χθη ειϲ ετεραν γλωϲϲαν ·
- Σοφία Σειράχ 0:23
ου μονον δε ταυτα ·
- Σοφία Σειράχ 0:24
αλλα και αυτοϲ ο νομοϲ και αι προφητιαι
- Σοφία Σειράχ 0:25
και τα λοιπα των βιβλιων .
- Σοφία Σειράχ 0:26
ου μικραν εχει την διαφοραν · εαυτοιϲ λεγομενα
- Σοφία Σειράχ 0:27
εν δε τω ογδοω και τριακοϲτω ετει επι του ευεργετου βαϲιλεωϲ
- Σοφία Σειράχ 0:28
αναγεννηθειϲ κατ αιγυπτον και ϲυνχρονιϲαϲ ·
- Σοφία Σειράχ 0:29
ευρον ου μικραϲ παιδιαϲ αφομοιον ·
- Σοφία Σειράχ 0:30
αναγκαιοτατον ουν προεθεμην και αυτοϲ εγω προενεγκαϲθαι ϲπουδην · και φιλοπονιαν · του μεθερμηνευϲαι την δε την βιβλον ·
- Σοφία Σειράχ 0:31
πολλην γαρ αγρυπνιαν και επιϲτημην προϲενεγκαμενοϲ ·
- Σοφία Σειράχ 0:32
εν τω διαϲτηματι του χρονου ·
- Σοφία Σειράχ 0:33
προϲ το επι περαϲ αγαγονταϲ το βιβλιον εκδοϲθαι ·
- Σοφία Σειράχ 0:34
και τοιϲ εν τη παροικια βουλομενοιϲ φιλομαθειν
- Σοφία Σειράχ 0:35
προκαταϲκευαζονταϲ τα ηθη ·
- Σοφία Σειράχ 0:36
εννομω βιωτευειν
- Σοφία Σειράχ 1:1
παϲα ϲοφια ˙ παρα κυ · και μετ αυτου εϲτιν ειϲ τον αιωνα
- Σοφία Σειράχ 1:2
αμμον θαλαϲϲων · και ϲταγοναϲ ϋετου · και ημεραν αιωνοϲ · τιϲ εξαριθμηϲει
- Σοφία Σειράχ 1:3
ϋψοϲ υρανου . και πλατοϲ γηϲ · και αβυϲϲον και ϲοφιαν · τιϲ εξϊχνιαϲει
- Σοφία Σειράχ 1:4
προτερα παντων · εκτιϲται ϲοφια · και ϲυνεϲιϲ φρονηϲεωϲ εξ αιωνοϲ ·
- Σοφία Σειράχ 1:6
ριζα ϲοφιαϲ · τινι απεκαλυφθη · και τα πανουργηματα αυτηϲ · τιϲ εγνω
- Σοφία Σειράχ 1:8
ειϲ εϲτιν . ϲοφοϲ φοβεροϲ ϲφοδρα · καθημενοϲ · επι του θρονου αυτου ·
- Σοφία Σειράχ 1:9
κυριοϲ · αυτοϲ εκτιϲεν αυτην · και ειδεν · και εξηριθμηϲεν αυτην · και εξεχεεν αυτην · επι παντα τα εργα αυτου
- Σοφία Σειράχ 1:10
μετα παϲηϲ ϲαρκοϲ · κατα την δοϲιν αυτου και εχορηγηϲεν αυτην · τοιϲ αγαπωϲιν αυτον
- Σοφία Σειράχ 1:11
φοβοϲ κυ · δοξα και καυχημα · και ευφροϲυνη και ϲτεφανοϲ . αγαλλιαματοϲ
- Σοφία Σειράχ 1:12
φοβοϲ κυ · τερψει καρδιαν · και δωϲει ευφροϲυνην και χαραν · και μακροημερευϲιν ·
- Σοφία Σειράχ 1:13
τω φοβουμενω τον κν · ευ εϲται επ εϲχατω · και εν ημερα τελευτηϲ αυτου · ευλογηθηϲεται
- Σοφία Σειράχ 1:14
αρχη ϲοφιαϲ · φοβειϲθαι τον κν και μετα πιϲτων · εν μητρα ϲυνεκτιϲθη αυτοιϲ
- Σοφία Σειράχ 1:15
μετα ανθρωπων · θεμελιον αιωνοϲ ενοϲϲευϲεν και μετα του ϲπερματοϲ αυτων · εμπιϲτευει
- Σοφία Σειράχ 1:16
πληϲμονη ϲοφιαϲ · φοβειϲθαι τον κν και μεθυϲκει αυτην · απο των καρπων αυτηϲ
- Σοφία Σειράχ 1:17
παντα τον οικον αυτηϲ · εμπληϲει επιθυμηματων και τα αποδοχεια · απο των γενηματων αυτηϲ
- Σοφία Σειράχ 1:18
ϲτεφανοϲ ϲοφιαϲ · φοβοϲ κυ · αναθαλλων ϊρηνην και ϋγιαν · ϊαϲεωϲ
- Σοφία Σειράχ 1:19
και ειδεν · και εξηριθμηϲεν αυτην επιϲτημην · και γνωϲιν ϲυνεϲεωϲ · εξωμβρηϲεν και δοξαν κρατουντων αυτην · ανϋψωϲεν
- Σοφία Σειράχ 1:20
ριζα ϲοφιαϲ · φοβειϲθαι τον κν και οι κλαδοι αυτηϲ · μακροημερευϲουϲιν
- Σοφία Σειράχ 1:22
ου δυνηϲεται θυμοϲ αδικοϲ · δικαιωθηναι η γαρ οργη του θυμου . πτωϲιϲ αυτω
- Σοφία Σειράχ 1:23
εωϲ καιρου ανθεξεται · μακροθυμοϲ και ϋϲτερον αυτω αναδωϲει · ευφροϲυνην
- Σοφία Σειράχ 1:24
εωϲ καιρου · καρυψει τουϲ λογουϲ αυτου · και χιλη πολλων · εκδιηγηϲεται ϲυνεϲιν αυτου ·
- Σοφία Σειράχ 1:25
εν θηϲαυροιϲ ϲοφιαϲ · παραβολαι επιϲτημηϲ βδελυγμα δε αμαρτωλω · θεοϲεβεια ·
- Σοφία Σειράχ 1:26
επιθυμηϲαϲ ϲοφιαν · διατηρη+ϲον εντολαϲ και ο κϲ · χορηγηϲει ϲοι αυτην ·
- Σοφία Σειράχ 1:27
ϲοφια γαρ και παιδια ˙ φοβοϲ κυ ˙ και η ευδοξια αυτου · πιϲτιϲ και πραϋτηϲ
- Σοφία Σειράχ 1:28
μη απιϲτηϲηϲ · φοβω κυ · και μη προϲελθηϲ αυτω . εν καρδια διϲϲη
- Σοφία Σειράχ 1:29
μη ϋποκριθηϲ · εν ϲτοματι ανθρωπων · και εν τοιϲ χιλεϲιν ϲου · προϲεχε ·
- Σοφία Σειράχ 1:30
μη εξϋψου ϲεαυτον · ϊνα μη πεϲηϲ και επαγαγηϲ τη ψυχη ϲου ατιμιαν · και αποκαλυψει κϲ · τα κρυπτα ϲου · και εν μεϲω ϲυναγωγηϲ · καταβαλει ϲε · οτι ου προϲηλθεϲ · φοβω κυ · και η καρδια ϲου · πληρηϲ δολου ·
- Σοφία Σειράχ 2:1
τεκνον · ει προϲερχη δουλευειν κω . ετοιμαϲον την ψυχην ϲου · ειϲ πιραϲμον ·
- Σοφία Σειράχ 2:2
ευθυνον την καρδιαν ϲου · και καρτερηϲον και μη ϲπευϲηϲ · εν καιρω επαγωγηϲ ·
- Σοφία Σειράχ 2:3
κολληθητι αυτω · και μη αποϲτηϲ · και αυξηθηϲε·ται επ εϲχατων . +
- Σοφία Σειράχ 2:4
παν · ο εαν επαχθη ϲοι · δεξαι και εν αλλαγμαϲιν · ταπινωϲεωϲ ϲου . μακροθυμηϲον ·
- Σοφία Σειράχ 2:5
τι εν πυρι · δοκιμαζεται χρυϲοϲ · και ανθρωποι δεκτοι · εν καμινω ταπινωϲεωϲ +
- Σοφία Σειράχ 2:6
πιϲτευϲον αυτω · και αντιλημψεται ϲου · και ευθυνον ταϲ οδουϲ ϲου · και ελπιϲον επ αυτον
- Σοφία Σειράχ 2:7
οι φοβουμενοι τον κν · αναμινατε το ελεοϲ αυτου · και μη εκκλινητε · μη πεϲητε ˙
- Σοφία Σειράχ 2:8
οι φοβουμενοι τον κν · πιϲτευϲατε αυτω · και ου μη πτεϲη · ο μιϲθοϲ υμων
- Σοφία Σειράχ 2:9
οι φοβουμενοι τον κν · ελπιϲατε ειϲ αγαθα και ειϲ ευφροϲυνην αιωνοϲ και ελεουϲ ·
- Σοφία Σειράχ 2:10
εμβλεψατε ειϲ αρχαιαϲ γενεαϲ . και ιδετε · τιϲ ενεπιϲτευϲεν τω κω · και κατηϲχυνθη · η τιϲ ενεμινεν τω φοβω αυτου · και ενκατελιφθη η τιϲ επεκαλεϲατι αυτον · και ϋπερειδεν αυτον
- Σοφία Σειράχ 2:11
διοτι οικτιρμων και ελεημων ο κϲ · και αφιηϲιν αμαρτιαϲ · και ϲωζει εν καιρω θλιψεωϲ +
- Σοφία Σειράχ 2:12
ουαι καρδιαιϲ δειλαιϲ · και χερϲιν παρειμεναιϲ και αμαρτωλω . επιβενοντι επι δυο τριβουϲ ·
- Σοφία Σειράχ 2:13
ουαι καρδια παρϊμενη · οτι ουκ εμωᵨπιϲτευει · δια τουτο . ου ϲκεπαϲθηϲεται ·
- Σοφία Σειράχ 2:14
ουαι ϋμιν · τοιϲ απολωλεκοϲι · την ϋπομονην και τι ποιηϲεται · οταν επιϲκεπτηται κϲ · +
- Σοφία Σειράχ 2:15
οι φοβουμενοι κν · ουκ απιθηϲουϲιν των ρηματων αυτου και οι αγαπωντεϲ αυτον · ϲυντηρηϲουϲιν ταϲ οδουϲ αυτου
- Σοφία Σειράχ 2:16
οι φοβουμενοι κν · ζητηϲουϲιν ευδοκιαν αυτου και οι αγαπωντεϲ αυτον · εμπληϲθηϲονται νομου
- Σοφία Σειράχ 2:17
οι φοβουμενοι κν · ετοιμαϲουϲιν καρδιαϲ αυτων και ενωπιον αυτου · ταπινωϲουϲιν ταϲ ψυχαϲ αυτων +
- Σοφία Σειράχ 2:18
εμπεϲουμεθα ειϲ χειραϲ κυ · και ουκ ειϲ χιραϲ ανθρωπων ωϲ γαρ η μεγαλωϲυνη αυτου . ουτωϲ και το ελεοϲ αυτου
- Σοφία Σειράχ 3:1
εμου του πατροϲ · ακουϲατε τεκνα ˙ και ουτωϲ ποιηϲατε · ϊνα ϲωθητε ·
- Σοφία Σειράχ 3:2
ο γαρ κϲ · εδοξαϲεν πρα επι τεκνοιϲ · και κριϲιν μρϲ εϲτερεωϲεν εφ ϋϊοιϲ
- Σοφία Σειράχ 3:3
ο τιμων πατερα · εξειλαϲεται αμαρτιαϲ ·
- Σοφία Σειράχ 3:4
και ωϲ ο αποθηϲαυριζων · ο δοξαζων μρα αυτου +
- Σοφία Σειράχ 3:5
ο τιμων πρα · ευφρανθηϲεται ϋπο τεκνων · και εν ημερα προϲευχηϲ αυτου · ειϲακουϲθηϲεται
- Σοφία Σειράχ 3:6
ο δοξαζων πρα · μακροημερευϲει · και ο ειϲακουων κυ · αναπαυϲει μρα αυτου
- Σοφία Σειράχ 3:7
και ωϲ δεϲποταιϲ · δουλευϲει εν τοιϲ γεννηϲαϲιν αυτον
- Σοφία Σειράχ 3:8
εν εργω και λογω · τειμα τον πρα ϲου · ϊνα επελθη ϲοι · ευλογια παρ αυτου
- Σοφία Σειράχ 3:9
ευλογια γαρ πατροϲ · ϲτηριζει οικουϲ τεκνων · + καταρα δε μρϲ · εκριζοι θεμελια ˙
- Σοφία Σειράχ 3:10
μη δοξαζου · εν ατιμια πατροϲ ϲου ˙ ου γαρ εϲτιν ϲοι δοξα · προϲ ατιμειαν ·
- Σοφία Σειράχ 3:11
η γαρ δοξα ανου · εκ τιμηϲ πρϲ αυτου + και ονειδοϲ τεκνοιϲ · μητηρ εν αδοξια ˙
- Σοφία Σειράχ 3:12
τεκνον · αντιλαβου εν γηρα πατροϲ ϲου · και μη λυπηϲηϲ αυτον · εν παϲη ϊϲχυι ϲου
- Σοφία Σειράχ 3:13
και εαν απολιπη ϲυνεϲιν · ϲυγγνωμην εχε · και μη ατιμαϲηϲ αυτον · εν παϲη ϊϲχυι ϲου
- Σοφία Σειράχ 3:14
ελεημοϲυνη γαρ πρϲ · ϲου ουκ επιληϲθηϲεται · και αντι αμαρτιων · προϲανοικοδομηϲεται ϲοι
- Σοφία Σειράχ 3:15
εν ημερα θλιψεωϲ · αναμνηϲθηϲεται ϲου · ωϲ ευδια εν παγετω . ουτωϲ αναφθηϲονται ϲου · αι αμαρτιαι ·
- Σοφία Σειράχ 3:16
ωϲ βλαϲφημοϲ · ο ενκαταλιπων πρα · και κατηραμενοϲ ϋπο κυ ο παροργιζων μρα αυτου ·
- Σοφία Σειράχ 3:17
τεκνον · εν πραϋτητι τα εργα ϲου διεξαγαγε · και υπο ανου δεκτου · αγαπηθηϲη · ωᵨ
- Σοφία Σειράχ 3:18
οϲω μεγαϲ ει · τοϲουτω ταπινου . ϲεαυτον · και εναντι κυ · ευρηϲειϲ χαριν
- Σοφία Σειράχ 3:20
οτι μεγαλη η δυναϲτια κυ και υπο των ταπινων · δοξαζεται ·
Next → — showing 1–100 of 1,401
A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source.