← All works
Codex Sinaiticus: Ψαλμοί Codex Sinaiticus · 2,530 sections
Single column Two columns
Ψαλμοί 51:1 ειϲ το τελοϲ ϲυνεϲεωϲ τω δαδ
Ψαλμοί 51:2 εν τω ελθειν δωηκ τον ϊδουμαιον και αναγγειλαι τω ϲαουλ και ειπειν αυτω ηλθεν δαυειδ ειϲ τον οικον αβειμελεχʼ
Ψαλμοί 51:3 τι ενκαυχα εν κακια ο δυνατοϲ ανομιαν ολην την ημεραν
Ψαλμοί 51:4 αδικιαν ελογιϲατο η γλωϲϲα ϲου ωϲει ξυρον εξηκονημενον εποιηϲαϲ δολον
Ψαλμοί 51:5 ηγαπηϲαϲ κακιαν υπερ αγαθωϲυνην αδικιαν ϋπερ το λαληϲαι δικαιοϲυνην διαψαλμα
Ψαλμοί 51:6 ηγαπηϲαϲ παντα τα ρηματα κατα›ποντιϲμου γλωϲϲαν δολιαν
Ψαλμοί 51:7 δια τουτο ο θϲ καθελει ϲε ειϲ τελοϲ εκτειλαι ϲε και μεταναϲτευϲαι ϲε απο ϲκηνωματοϲ και το ριζωμα ϲου εκ γηϲ ζωντων διαψαλμα
Ψαλμοί 51:8 οψονται δικαιοι και φοβηθηϲονται και επ αυτον γελαϲονται και ερουϲιν
Ψαλμοί 51:9 ϊδου ανθρωποϲ οϲ ουκ εθετο τον θν βοηθον αυτου αλλα επηλπιϲεν επι το πληθοϲ του πλουτου αυτου και εδυναμωθη επι τη ματαιοτητι αυτου
Ψαλμοί 51:10 εγω δε ωϲει ελαια κατακαρποϲ εν τω οικω του θυ ηλπιϲα επι το ελεοϲ του θυ ειϲ τον αιωνα και ειϲ τον αιωνα του αιωνοϲ
Ψαλμοί 51:11 εξομολογηϲομαι ϲοι ειϲ τον αιωνα οτι επηκουϲαϲ μου και ϋπομενω το ονομα ϲου οτι χρηϲτον ‾̷‾ εναντιον των οϲιων ϲου
Ψαλμοί 52:1 ειϲ το τελοϲ ϋπερ μαελεθ ϲυνεϲεωϲ τω δαυειδ
Ψαλμοί 52:2 ειπεν αφρων εν καρδια αυτου ουκ εϲτιν θϲ διεφθειραν και εβδελυχθηϲαν εν ανομιαιϲ ουκ εϲτιν ποιων αγαθον
Ψαλμοί 52:3 ο θϲ εκ του ουρανου διεκυψεν επι τουϲ υιουϲ των ανθρωπων του ϊδειν ει εϲτιν ϲυνιων η εκζητων τον θν
Ψαλμοί 52:4 παντεϲ εξεκλειναν επι το αυτο ηχρεωθηϲαν ουκ εϲτιν ποιων χρηϲτοτητα ουκ εϲτιν εωϲ ενοϲ
Ψαλμοί 52:5 ουχι γνωϲονται παντεϲ οι εργαζομενοι την ανομιαν οι εϲθοντεϲ τον λαον μου βρωϲει αρτου τον κν ουκ επεκαλεϲαντο
Ψαλμοί 52:6 εκει φοβηθηϲονται φοβον ου ουκ ην φοβοϲ οτι ο θϲ διεϲκορπιϲεν οϲτα ανθρωπαρεϲκων κατηϲχυνθηϲαν οτι ο θϲ εξουδενωϲεν αυτουϲ
Ψαλμοί 52:7 τιϲ δωϲει εκ ϲιων το ϲωτηριον του ιϲλ εν τω επιϲτρεψαι κν την αιχμαλωϲιαν του λαου αυτου αγαλλιαϲεται ϊακωβ και ευφρανθη‾̷‾ϲεται ϊϲραηλʼ
Ψαλμοί 53:1 ειϲ το τελοϲ εν υμνοιϲ ϲυνεϲεωϲ τω δαυειδʼ
Ψαλμοί 53:2 εν τω ελθειν τουϲ ζειφαιουϲ και ειπειν τω ϲαουλ ουκ ιδου δαυειδ κεκρυπται παρ ημιν
Ψαλμοί 53:3 ο θϲ εν τω ονοματι ϲου ϲωϲον με και εν τη δυναμει ϲου κρεινον με
Ψαλμοί 53:4 ο θϲ ειϲακουϲον τηϲ προϲευχηϲ μου ενωτιϲαι τα ρηματα του ϲτοματοϲ μου
Ψαλμοί 53:5 οτι αλλοτριοι επανεϲτηϲαν επ εμε και κραταιοι εζητηϲαν την ψυχην μου ου προεθεντο τον θν ενωπιον αυτων διαψαλμα
Ψαλμοί 53:6 ϊδου γαρ ο θϲ βοηθει μοι και ο κϲ αντιλημπτωρ τηϲ ψυχηϲ μου
Ψαλμοί 53:7 αποϲτρεψει τα κακα τοιϲ εχθροιϲ μου εν τη αληθεια ϲου εξολεθρευϲον αυτουϲ
Ψαλμοί 53:8 εκουϲιωϲ θυϲω ϲοι εξομολογηϲομαι τω ονοματι ϲου κε οτι αγαθον
Ψαλμοί 53:9 οτι εκ παϲηϲ θλιψεωϲ ερρυϲω με και εν τοιϲ εχθροιϲ μου επειδεν ο ‾̷‾ οφθαλμοϲ μου
Ψαλμοί 54:1 ειϲ το τελοϲ εν υμνοιϲ ϲυνεϲεωϲ τω δαυειδ
Ψαλμοί 54:2 ενωτιϲαι ο θϲ την προϲευχην μου και μη ϋπερϊδηϲ την δεηϲιν μου
Ψαλμοί 54:3 προϲχεϲ μοι και ειϲακουϲον μου ελυπηθην εν τη αδολεϲχια μου και εταραχθην
Ψαλμοί 54:4 απο φωνηϲ εχθρου και απο θλιψεωϲ αμαρτωλου οτι εξεκλειναν επ εμε ανομιαν και εν οργη ενεκοτουν μοι
Ψαλμοί 54:5 η καρδια μου εταραχθη εν εμοι και δειλια θανατου επεπεϲεν επ εμε
Ψαλμοί 54:6 φοβοϲ και τρομοϲ ηλθεν επ εμε και εκαλυψεν με ϲκοτοϲ
Ψαλμοί 54:7 και ειπα τιϲ δωϲει μοι πτερυγαϲ ωϲ περιϲτεραϲ και πεταϲθηϲομαι και καταπαυϲω
Ψαλμοί 54:8 ϊδου εμακρυνα φυγαδευων και ηυλιϲθην εν τη ερημω διαψαλμα
Ψαλμοί 54:9 προϲεδεχομην τον ϲωζοντα με απο ολιγοψυχιαϲ και καταιγιδοϲ
Ψαλμοί 54:10 καταποντιϲον κε και καταδιελε ταϲ γλωϲϲαϲ αυτων οτι ϊδον ανομιαν και αντιλογιαν εν τη γη
Ψαλμοί 54:11 ημεραϲ και νυκτοϲ κυκλωϲει αυτην επι τα τειχη αυτηϲ ανομια και κοποϲ εν μεϲω αυτηϲ και αδικια
Ψαλμοί 54:12 και ουκ εξελιπεν εκ των πλατειων αυτηϲ κοποϲ και δολοϲ
Ψαλμοί 54:13 οτι ει εχθροϲ ωνειδιϲεν με υπηνεγκα αν και ει ο μιϲων με επ εμε εμεγαλορημονηϲεν εκρυβην αν απ αυτου
Ψαλμοί 54:14 ϲυ δε ανθρωπε ϊϲοψυχε ηγεμων μου και γνωϲτε μου
Ψαλμοί 54:15 οϲ επι το αυτο μοι εγλυκαναϲ εδεϲματα εν τω οικω του θυ επορευθημεν εν ομονοια
Ψαλμοί 54:16 ελθατω θανατοϲ επ αυτουϲ και καταβητωϲαν ειϲ αδου ζωντεϲ οτι πονηριαι εν ταιϲ παροικιαιϲ αυτων εν μεϲω αυτων
Ψαλμοί 54:17 εγω δε προϲ τον θν εκεκραξα και ο κϲ ειϲηκουϲεν μου
Ψαλμοί 54:18 εϲπεραϲ και πρωϊ και μεϲημβριαϲ διηγηϲομαι απαγγελλω και ειϲακουϲεται τηϲ φωνηϲ μου
Ψαλμοί 54:19 λυτρωϲεται εν ειρηνη την ψυχην μου απο των εγγιζοντων μοι οτι εν πολλοιϲ ηϲαν ϲυν εμοι
Ψαλμοί 54:20 ειϲακουϲεται ο θϲ και ταπινωϲει αυτουϲ ο ϋπαρχων προ των αιωνων διαψαλμα ου γαρ εϲτιν αυτοιϲ ανταλλαγμα και ουκ εφοβηθηϲαν τον θν
Ψαλμοί 54:21 Ψαλμοί 54:22 και διεμεριϲθηϲαν απο οργηϲ του προϲωπου αυτου και ηγγιϲεν η καρδια αυτου ηπαλυνθηϲαν οι λογοι αυτου ϋπερ ελαιον και αυτοι ειϲιν βολιδεϲ
Ψαλμοί 54:23 επιριψον επι κν την μεριμναν ϲου και αυτοϲ ϲε διαθρεψει ου δωϲει ειϲ τον αιωνα ϲαλον τω δικαιω
Ψαλμοί 54:24 ϲυ δε ο θϲ καταξειϲ αυτουϲ ειϲ φρεαρ διαφθοραϲ ανδρεϲ αιματων και δολιοτητοϲ ου μη ημιϲευϲωϲιν ταϲ ημεραϲ αυτων εγω δε ελπιω επι ϲοι κε ‾̷‾
Ψαλμοί 55:1 ειϲ το τελοϲ ϋπερ του λαου του απο των αγιων μεμακρυμμενου τω δαυειδ ειϲ ϲτηλογραφιαν οποτε εκρατηϲαν αυτον οι αλλοφυλοι εν γεθ
Ψαλμοί 55:2 ελεηϲον με ο θϲ οτι κατεπατηϲεν με ανθρωποϲ ολην την ημεραν πολεμων εθλιψεν με
Ψαλμοί 55:3 κατεπατηϲαν με οι εχθροι μου ολην την ημεραν απο ϋψουϲ ημεραϲ οτι πολλοι οι πολεμουντεϲ με
Ψαλμοί 55:4 φοβηθηϲονται εγω δε επι ϲε ελπιω
Ψαλμοί 55:5 εν τω θω επαινεϲω τουϲ λογουϲ μου επι τω κω ηλπιϲα ου φοβηθηϲομαι τι ποιηϲει μοι ϲαρξ
Ψαλμοί 55:6 ολην την ημεραν τουϲ λογουϲ μου εβδελυϲϲοντο κατ εμου παντεϲ οι διαλογιϲμοι αυτων ειϲ κακον
Ψαλμοί 55:7 παροικηϲουϲιν και κατακρυψουϲιν αυτοι την πτερναν μου φυλαξουϲιν καθαπερ ϋπεμεινα τη ψυχη μου
Ψαλμοί 55:8 ϋπερ του μηθενοϲ ϲωϲειϲ αυτουϲ εν οργη λαουϲ καταξειϲ ο θϲ
Ψαλμοί 55:9 την ζωην μου εξηγγειλα ϲοι εθου τα δακρυα μου ενωπιον ϲου ωϲ και εν τη επαγγελια ϲου
Ψαλμοί 55:10 επιϲτρεψουϲιν οι εχθροι μου ειϲ τα οπιϲω εν η αν ημερα επικαλεϲωμαι ϲε ϊδου εγνων οτι θϲ μου ει ϲυ
Ψαλμοί 55:11 επι τω θω αινεϲω ρημα επι τω κω αινεϲω λογον
Ψαλμοί 55:12 επι τω κω ηλπιϲα ου φοβηθηϲομαι τι ποιηϲει μοι ανθρωποϲ
Ψαλμοί 55:13 εν εμοι ο θϲ αι ευχαι αϲ αποδωϲω αινεϲεωϲ ϲοι
Ψαλμοί 55:14 οτι ερρυϲω την ψυχην μου εκ θανατου και τουϲ ποδαϲ μου εξ ολιϲθηματοϲ του ευαρεϲτηϲαι ενωπιον του θυ εν ‾̷‾ φωτι ζωντων
Ψαλμοί 56:1 ειϲ το τελοϲ μη διαφθειρηϲ δαυειδ ειϲ ϲτηλογραφιαν εν τω αυτον αποδιδραϲκειν απο προϲωπου ϲαουλ ειϲ το ϲπηλαιον
Ψαλμοί 56:2 ελεηϲον με ο θϲ ελεηϲον με οτι επι ϲοι πεποιθεν η ψυχην μου και εν τη ϲκια των πτερυγων ϲου ελπιω εωϲ ου παρελθη η ανομια
Ψαλμοί 56:3 κεκραξομαι προϲ τον θν τον υψιϲτον τον θν τον ευεργετηϲαντα με
Ψαλμοί 56:4 εξαπεϲτειλεν εξ ουρανου και εϲωϲεν με εδωκεν ειϲ ονειδοϲ του καταπατουνταϲ με διαψαλμα εξαπεϲτειλεν ο θϲ το ελεοϲ αυτου και την αληθειαν αυτου
Ψαλμοί 56:5 και ερρυϲατο την ψυχην μου εκ μεϲου ϲκυμνων εκοιμηθην τεταραγμενοϲ υιοι ανθρωπων οι οδοντεϲ αυτων οπλον και βελη και η γλωϲϲα αυτων μαχαιρα οξεια
Ψαλμοί 56:6 υψωθητι επι τουϲ ουρανουϲ ο θϲ και επι παϲαν την γην η δοξα ϲου
Ψαλμοί 56:7 πακιδαϲ ητοιμαϲαν την ψυχην μου και κατεκαμψαν την ψυχην μου ωρυξαν προ προϲωπου μου βοθρον και ενεπεϲαν ειϲ αυτον διαψαλμα
Ψαλμοί 56:8 ετοιμη η καρδια μου ο θϲ ετοιμη η καρδια μου αϲομαι και ψαλω ϲοι εν τη δοξη μου
Ψαλμοί 56:9 εξεγερθητι η δοξα μου εξεγερθητι ψαλτηριον και κιθαρα εξεγερθηϲομαι ορθρου
Ψαλμοί 56:10 εξομολογηϲομαι ϲοι εν λαοιϲ κε ψαλω ϲοι εν εθνεϲιν
Ψαλμοί 56:11 οτι εμεγαλυνθη εωϲ των ουρανων το ελεοϲ ϲου και η αληθεια ϲου εωϲ των νεφελων
Ψαλμοί 56:12 ϋψωθητι επι τουϲ ουρανουϲ ο θϲ και επι παϲαν την γην η δοξα ϲου ‾̷‾
Ψαλμοί 57:1 ειϲ το τελοϲ μη διαφθειρηϲ τω δαυειδʼ ειϲ ϲτηλογραφιαν
Ψαλμοί 57:2 ει αληθωϲ αρα δικαιοϲυνην λαλειτε ευθεια κρινετε οι υιοι των ανθρωπων
Ψαλμοί 57:3 και γαρ εν καρδια ανομιαϲ εργαζεϲθε εν τη γη αδικιαν αι χειρεϲ υμων ϲυνπλεκουϲιν
Ψαλμοί 57:4 απηλλοτριωθηϲαν οι αμαρτωλοι απο μητραϲ επλανηθηϲαν απο γαϲτροϲ ελαληϲαν ψευδη
Ψαλμοί 57:5 θυμοϲ αυτοιϲ κατα την ομοιωϲιν του οφεωϲ ωϲει αϲπιδοϲ κωφηϲ και βυουϲηϲ τα ωτα αυτηϲ
Ψαλμοί 57:6 ητιϲ ουκ ειϲακουϲεται φωνην επαδοντων φαρμακου τε φαρμακευομενου παρα ϲοφου
Ψαλμοί 57:7 ο θϲ ϲυνετριψεν τουϲ οδονταϲ αυτων εν τω ϲτοματι αυτων ταϲ μυλαϲ των λεοντων ϲυνεθλαϲεν κϲ
Ψαλμοί 57:8 εξουδενωθηϲονται ωϲ υδωρ διαπορευομενον εντενει το τοξον αυτου εωϲ ου αϲθενηϲουϲιν
Ψαλμοί 57:9 ωϲει κηροϲ ο τακειϲ ανταναιρεθηϲονται επεπεϲε πυρ και ουκ ειδον τον ηλιον
Ψαλμοί 57:10 προ του ϲυνειναι ταϲ ακανθαϲ ϋμων την ραμνον ωϲει ζωνταϲ ωϲει εν οργη καταπιεται αυτουϲ
Ψαλμοί 57:11 ευφρανθηϲεται δικαιοϲ οταν ϊδη εκδικηϲιν ταϲ χειραϲ αυτου νιψεται εν τω αιματι του αμαρτωλου
Ψαλμοί 57:12 και ερει ανθρωποϲ ει αρα εϲτιν καρποϲ τω δικαιω αρα εϲτιν ο θϲ κρινων αυτουϲ εν τη γη ‾̷‾
Ψαλμοί 58:1 ειϲ το τελοϲ μη διαφθειρηϲ τω δαυειδ ειϲ ϲτηλογραφιαν οποτε απεϲτειλεν ϲαουλ και εφυλαξεν τον οικον · του θανατωϲαι αυτον
Ψαλμοί 58:2 εξελου μαι κε εκ των εχθρων μου ο θϲ μου και εκ των επανιϲτανομενων επ εμε λυτρωϲαι με
Ψαλμοί 58:3 ρυϲαι με εκ των εργαζομενων την ανομιαν και εξ ανδρων αιματων ϲωϲον με
Ψαλμοί 58:4 οτι ϊδου εθηρευϲαν την ψυχην μου επεθεντο επ εμε κραταιοι ουτε η ανομια μου ουτε η αμαρτια μου κε
Ψαλμοί 58:5 ανευ ανομιαϲ εδραμον και κατευθυνα εξεγερθητι ειϲ ϲυναντηϲιν μου και ϊδε
Ψαλμοί 58:6 και ϲυ κε ο θϲ των δυναμεων ο θϲ ιϲλ προϲχεϲ του επιϲκεψαϲθαι παντα τα εθνη μη οικτειρηϲηϲ πανταϲ τουϲ εργαζομενουϲ την ανομιαν διαψαλμα
Ψαλμοί 58:7 επιϲτρεψουϲιν ειϲ εϲπεραν και λιμωξουϲιν ωϲ κυων και κυκλωϲουϲιν πολιν
Ψαλμοί 58:8 ϊδου αποφθεγξονται εν τω ϲτοματι αυτων και ρομφαια εν τοιϲ χειλεϲιν αυτων οτι τιϲ ηκουϲεν
Ψαλμοί 58:9 και ϲυ κε εκγελαϲη αυτουϲ εξουδενωϲειϲ παντα τα εθνη
Ψαλμοί 58:10 το κρατοϲ μου προϲ ϲε φυλαξω οτι ο θϲ αντιλημπτωρ μου
Ψαλμοί 58:11 ο θϲ μου το ελεοϲ αυτου προφθαϲει με ο θϲ μου δειξει μοι εν τοιϲ εχθροιϲ μου
A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source .