← All works
Codex Sinaiticus: Ψαλμοί Codex Sinaiticus · 2,530 sections
Single column Two columns
Ψαλμοί 45:2 ο θϲ ημων καταφυγη και δυναμιϲ βοηθοϲ εν θλιψεϲιν ταιϲ ευρουϲαιϲ ημαϲ ϲφοδρα
Ψαλμοί 45:3 δια τουτο ου φοβηθηϲομεθα εν τω ταραϲϲεϲθαι την γην και μετατιθεϲθαι ορη εν καρδιαιϲ θαλαϲϲων
Ψαλμοί 45:4 ηχηϲαν και εταραχθηϲαν τα κυματα εταραχθηϲαν τα ορη εν τη κραταιοτητι αυτων διαψαλμα
Ψαλμοί 45:5 του ποταμου τα ορμηματα ευφραινουϲιν την πολιν του θυ ηγιαϲεν το ϲκηνωμα αυτου ο ϋψιϲτοϲ
Ψαλμοί 45:6 ο θϲ εν μεϲω αυτηϲ ου ϲαλευθηϲεται βοηθηϲαι αυτη ο θϲ τω προϲωπω
Ψαλμοί 45:7 εταραχθηϲαν εθνη εκλειναν βαϲιλειαι εδωκεν φωνην αυτου εϲαλευθη η γη
Ψαλμοί 45:8 κϲ των δυναμεων μεθ ημων αντιλημπτωρ ημων ο θϲ ϊακωβ διαψαλμα
Ψαλμοί 45:9 δευτε ϊδετε τα εργα του κυ α εθετο τερατα επι τηϲ γηϲ
Ψαλμοί 45:10 ανταναιρων πολεμουϲ μεχρι των περατων τηϲ γηϲ τοξον ϲυντριψει και ϲυνκλαϲει οπλον και θυρεουϲ κατακαυϲει εν πυρι
Ψαλμοί 45:11 ϲχολαϲατε και γνωτε οτι εγω ειμι ο θϲ υψωθηϲομαι εν τοιϲ εθνεϲιν υψωθηϲομαι εν τη γη
Ψαλμοί 45:12 κϲ ο θϲ των δυναμεων μεθ ημων αντιλημπτωρ ημων ο θϲ ϊακωβ ‾̷‾
Ψαλμοί 46:1 ειϲ το τελοϲ ϋπερ των υιων κορε ψαλμοϲ
Ψαλμοί 46:2 παντα τα εθνη κροτηϲατε χειραϲ αλαλαξατε τω θω εν φωνη αγαλλιαϲεωϲ
Ψαλμοί 46:3 οτι κϲ ϋψιϲτοϲ φοβεροϲ βαϲιλευϲ μεγαϲ επι παϲαν την γην
Ψαλμοί 46:4 ϋπεταξεν λαουϲ ημιν και εθνη ϋπο τουϲ ποδαϲ ημων
Ψαλμοί 46:5 εξελεξατο ημιν την κληρονομιαν εαυτου την καλλονην ϊακωβ ην ηγαπηϲεν διαψαλμα
Ψαλμοί 46:6 ανεβη ο θϲ εν αλαλαγμω κϲ εν φωνη ϲαλπιγγοϲ
Ψαλμοί 46:7 ψαλατε τω θω ημων ψαλατε ψαλατε τω βαϲιλει ημων ψαλατε
Ψαλμοί 46:8 οτι βαϲιλευϲ παϲηϲ τηϲ γηϲ ο θϲ ψαλατε ϲυνετωϲ
Ψαλμοί 46:9 εβαϲιλευϲεν ο θϲ επι τα εθνη ο θϲ καθηται επι θρονου αγιου αυτου
Ψαλμοί 46:10 αρχοντεϲ λαων ϲυνηχθηϲαν μετα του θυ αβρααμ οτι του θυ οι κραταιοι τηϲ γηϲ ϲφο‾̷‾δρα επηρθηϲαν
Ψαλμοί 47:1 ωδη ψαλμου τοιϲ υιοιϲ κορε δευτερα ϲαββατου
Ψαλμοί 47:2 μεγαϲ κϲ και αινετοϲ ϲφοδρα εν πολει του θυ ημων ορει αγιω αυτου
Ψαλμοί 47:3 ευ ριζων αγαλλιαματι παϲηϲ τηϲ γηϲ ορη ϲειων τα πλευρα του βορρα η πολιϲ του βαϲιλεωϲ του μεγαλου
Ψαλμοί 47:4 ο θϲ εν ταιϲ βαρεϲιν αυτηϲ γινωϲκεται οταν αντιλαμβανηται αυτηϲ
Ψαλμοί 47:5 οτι ϊδου οι βαϲιλειϲ ϲυνηχθηϲαν διηλθοϲαν επι το αυτο
Ψαλμοί 47:6 αυτοι ϊδοντεϲ ουτωϲ εθαυμαϲαν εταραχθηϲαν εϲαλευθηϲαν
Ψαλμοί 47:7 τρομοϲ επελαβετο αυτων εκει ωδεινεϲ ωϲ τικτουϲηϲ
Ψαλμοί 47:8 εν πνι βιαιω ϲυντριψειϲ πλοια θαρϲειϲ
Ψαλμοί 47:9 καθαπερ ηκουϲαμεν ουτωϲ ειδομεν εν πολει κυ των δυναμεων εν πολει του θυ ημων ο θϲ εθεμελιωϲεν αυτην ειϲ τον αιωνα διαψαλμα
Ψαλμοί 47:10 υπελαβομεν ο θϲ το ελεοϲ ϲου εν μεϲω του λαου ϲου
Ψαλμοί 47:11 κατα το ονομα ϲου ο θϲ ουτωϲ και η αινεϲιϲ ϲου επι τα περατα τηϲ γηϲ δικαιοϲυνηϲ πληρηϲ η δεξια ϲου
Ψαλμοί 47:12 ευφρανθητω το οροϲ ϲιων αγαλλιαϲθωϲαν αι θυγατερεϲ τηϲ ϊουδαιαϲ ενεκεν των κριματων ϲου
Ψαλμοί 47:13 κυκλωϲατε ϲιων και περιλαβετε αυτην διηγηϲαϲθε εν τοιϲ πυργοιϲ αυτηϲ
Ψαλμοί 47:14 θεϲθε ταϲ καρδιαϲ ϋμων ειϲ την δυναμιν αυτηϲ οπωϲ αν διηγηϲηϲθε ειϲ γενεαν ετεραν
Ψαλμοί 47:15 οτι ουτοϲ εϲτιν ο θϲ ημων ειϲ τον αιωνα και ειϲ τον αιωνα του αιωνοϲ αυτοϲ ποιμανει ημαϲ ειϲ τουϲ αιωναϲ ‾̷‾
Ψαλμοί 48:1 ειϲ το τελοϲ τοιϲ υιοιϲ κορε ψαλμοϲ
Ψαλμοί 48:2 ακουϲατε ταυτα παντα τα εθνη ενωτιϲαϲθε παντεϲ οι κατοικουντεϲ την οικουμενην
Ψαλμοί 48:3 οι τε γηγενειϲ και οι υϊοι των ανων επι το αυτο πλουϲιοϲ και πενηϲ
Ψαλμοί 48:4 το ϲτομα μου λαληϲει ϲοφιαν και η μελετη τηϲ καρδιαϲ μου ϲυνεϲιν
Ψαλμοί 48:5 κλεινω ειϲ παραβολην το ουϲ μου ανοιξω εν ψαλτηριω το προβλημα μου
Ψαλμοί 48:6 ϊνα τι φοβουμαι εν ημερα πονηρα η ανομια τηϲ πτερνηϲ μου κυκλωϲει με
Ψαλμοί 48:7 οι πεποιθοτεϲ επι τη δυναμι αυτων και επι τω πληθει του πλουτου αυτων καυχωμενοι
Ψαλμοί 48:8 αδελφοϲ ου λυτρουται λυτρωϲεται ανθρωποϲ ου δωϲει τω θω εξειλαϲμα αυτου
Ψαλμοί 48:9 και την τιμην τηϲ λυτρωϲεωϲ τηϲ ψυχηϲ αυτου
Ψαλμοί 48:10 και εκοπιαϲεν ειϲ τον αιωνα και ζηϲεται ειϲ τελοϲ οτι ουκ οψεται καταφθοραν οταν ιδη ϲοφουϲ αποθνηϲκονταϲ
Ψαλμοί 48:11 επι το αυτο αφρων και ανουϲ απολουνται και καταλιψουϲιν αλλοτριοιϲ τον πλουτον αυτων
Ψαλμοί 48:12 και οι ταφοι αυτων οικιαι αυτων › ειϲ τον αιωνα ϲκηνωματα αυτων ειϲ γενεαν και γενεαν επεκαλεϲαντο τα ονοματα αυτων επι των γαιων αυτων
Ψαλμοί 48:13 και ανθρωποϲ εν τιμη ων ου ϲυνηκεν παραϲυνεβληθη τοιϲ κτηνεϲι τοιϲ ανοητοιϲ και ωμοιωθη αυτοιϲ
Ψαλμοί 48:14 αυτη η οδοϲ αυτων ϲκανδαλον αυτοιϲ και μετα ταυτα εν τω ϲτοματι αυτων ευλογηϲουϲιν διαψαλμα
Ψαλμοί 48:15 ωϲ προβατα εν αδη εθετο θανατοϲ ποιμανει αυτουϲ και κατακυριευϲουϲιν αυτων οι ευθειϲ το πρωϊ και η βοηθεια αυτων επαλαιωθη εν τω αδη εκ τηϲ δοξηϲ αυτων
Ψαλμοί 48:16 πλην ο θϲ λυτρωϲεται την ψυχην μου εκ χειροϲ αδου οταν λαμβανη με διαψαλμα
Ψαλμοί 48:17 μη φοβου οταν πλουτηϲη ανθρωποϲ και οταν πληθυνθη η δοξα του οικου αυτου
Ψαλμοί 48:19 οτι η ψυχη αυτου εν τη ζωη αυτου ευλογηθηϲεται εξομολογηθηϲεται ϲοι οταν αγα›θυνηϲ αυτω
Ψαλμοί 48:20 ειϲελευϲεται εωϲ γενεαϲ πατερων αυτου εωϲ αιωνοϲ ουκ οψεται φωϲ
Ψαλμοί 48:21 και ανθρωποϲ εν τιμη ων ου ϲυνηκεν παραϲυνεβληθη τοιϲ κτηνεϲιν τοιϲ ‾̷‾ ανοητοιϲ και ωμοιωθη αυτοιϲ
Ψαλμοί 49:1 ψαλμοϲ τω αϲαφʼ θϲ θεων κϲ ελαληϲεν και εκαλεϲεν την γην απ ανατολων ηλιου και μεχρι δυϲμων
Ψαλμοί 49:2 εκ ϲιων η ευπρεπεια τηϲ ωραιοτητοϲ αυτου ο θϲ εμφανωϲ ηξει
Ψαλμοί 49:3 ο θϲ ημων και ου παραϲιωπηϲεται πυρ εναντιον αυτου καυθηϲεται και κυκλω αυτου καταιγιϲ ϲφοδρα
Ψαλμοί 49:4 προϲκαλεϲεται τον ουρανον ανω και την γην διακριναι τον λαον αυτου
Ψαλμοί 49:5 ϲυναγαγετε αυτω τουϲ οϲιουϲ αυτου τουϲ διατιθεμενουϲ την διαθηκην αυτου επι θυϲιαιϲ
Ψαλμοί 49:6 και αναγγελουϲιν οι ουρανοι την δικαιοϲυνην αυτου οτι ο θϲ κριτηϲ εϲτιν διαψαλμα
Ψαλμοί 49:7 ακουϲον λαοϲ μου και λαληϲω ϲοι ϊϲραηλ και διαμαρτυρομαι ϲοι ο θϲ ο θϲ ϲου ειμι εγω
Ψαλμοί 49:8 ουκ επι ταιϲ θυϲιαιϲ ϲου ελεγξω ϲε τα δε ολοκαυτωματα ϲου ενωπιον μου εϲτιν δια παντοϲ
Ψαλμοί 49:9 ου δεξομαι εκ του οικου ϲου μοϲχουϲ ουδε εκ των ποιμνιων ϲου χιμαρρουϲ
Ψαλμοί 49:10 οτι εμα εϲτιν παντα τα θηρια του δρυμου κτηνη εν τοιϲ ορεϲιν και βοεϲ
Ψαλμοί 49:11 εγνωκα παντα τα πετεινα του ουρανου και ωραιοτηϲ αγρου μετ εμου εϲτιν
Ψαλμοί 49:12 εαν πιναϲω ου μη ϲοι ειπω εμη γαρ εϲτιν η οικουμενη και το πληρωμα αυτηϲ
Ψαλμοί 49:13 μη φαγομαι κρεα ταυρων η αιμα τραγων πιομαι
Ψαλμοί 49:14 θυϲον τω θω θυϲιαν αινεϲεωϲ και αποδοϲ τω ϋψιϲτω ταϲ ευχαϲ ϲου
Ψαλμοί 49:15 και επικαλεϲαι με εν ημερα θλιψεωϲ και εξελουμαι ϲε και δοξαϲειϲ με διαψαλμα
Ψαλμοί 49:16 τω δε αμαρτωλω ειπεν ο θϲ ϊνα τι ϲυ διηγη τα δικαιωματα μου και αναλαμβανειϲ την διαθηκην μου δια ϲτοματοϲ ϲου
Ψαλμοί 49:17 ϲυ δε εμειϲηϲαϲ παιδιαν και εξεβαλεϲ τουϲ λογουϲ μου ειϲ τα οπιϲω
Ψαλμοί 49:18 ει εθεωρειϲ κλεπτην ϲυνετρεχεϲ αυτω και μετα μοιχων την μεριδα ϲου ετιθειϲ
Ψαλμοί 49:19 το ϲτομα ϲου επλεοναϲεν κακιαν και η γλωϲϲα ϲου περιεπλεκεν δολιοτητα
Ψαλμοί 49:20 καθημενοϲ κατα του αδελφου ϲου κατελαλειϲ και κατα του ϋιου τηϲ μητροϲ ϲου ετιθειϲ ϲκανδαλον
Ψαλμοί 49:21 ταυτα εποιηϲαϲ και εϲιγηϲα ϋπελαβεϲ ανομε οτι εϲομαι ϲοι ομοιοϲ ελεγξω ϲε και παραϲτηϲω κατα προϲωπον ϲου
Ψαλμοί 49:22 ϲυνετε δη ταυτα οι επιλανθανομενοι του θυ μηποτε αρπαϲη και μη η ο ρυομενοϲ
Ψαλμοί 49:23 θυϲια αινεϲεωϲ δοξαϲει με και εκει οδοϲ η δειξω αυτω το ϲωτη‾̷‾ριον του θυ
Ψαλμοί 50:1 ειϲ το τελοϲ ψαλμοϲ τω δαυειδ
Ψαλμοί 50:2 εν τω ελθειν προϲ αυτον ναθαν τον προφητην ηνικα ειϲηλθεν προϲ βηρϲαβεε
Ψαλμοί 50:3 ελεηϲον με ο θϲ κατα το μεγα ελεοϲ ϲου και κατα το πληθοϲ των οικτειρμων ϲου εξαλιψον το ανομημα μου
Ψαλμοί 50:4 επι πλειον πλυνον με απο τηϲ ανομιαϲ μου και απο τηϲ αμαρτιαϲ μου καθαριϲον με
Ψαλμοί 50:5 οτι την ανομιαν μου εγω γινωϲκω και η αμαρτια μου ενωπιον μου εϲτιν δια παντοϲ
Ψαλμοί 50:6 ϲοι μονω ημαρτον και το πονηρον ενωπιον ϲου εποιηϲα οπωϲ αν δικαιωθηϲ εν τοιϲ λογοιϲ ϲου και νικηϲηϲ εν τω κρινεϲθαι ϲε
Ψαλμοί 50:7 ιδου γαρ εν ανομιαιϲ ϲυνελημφθην και εν αμαρτιαιϲ εκιϲϲηϲεν με η μητηρ μου
Ψαλμοί 50:8 ιδου γαρ αληθειαν ηγαπηϲαϲ τα αδηλα και τα κρυφια τηϲ ϲοφιαϲ ϲου εδηλωϲαϲ μοι
Ψαλμοί 50:9 ραντιειϲ με ϋϲϲωπω και καθαριϲθηϲομαι πλυνειϲ με και ϋπερ χιονα λευκανθηϲομαι
Ψαλμοί 50:10 ακουτιειϲ με αγαλλιαϲιν και ευφροϲυνην αγαλλιαϲονται οϲτα τεταπινωμενα
Ψαλμοί 50:11 αποϲτρεψον το προϲωπον ϲου απο των αμαρτιων μου και παϲαϲ ταϲ ανομιαϲ μου εξαλιψον
Ψαλμοί 50:12 καρδιαν καθαραν κτιϲον εν εμοι ο θϲ και πνα ευθεϲ εγκαινιϲον εν τοιϲ εγκατοιϲ μου
Ψαλμοί 50:13 μη απορριψηϲ με απο του προϲωπου ϲου και το πνα το αγιον ϲου μη αντανεληϲ απ εμου
Ψαλμοί 50:14 αποδοϲ μοι την αγαλλιαϲιν του ϲωτηριου ϲου και πνι ηγεμονικω ϲτηριϲον με
Ψαλμοί 50:15 διδαξω ανομουϲ ταϲ οδουϲ ϲου και αϲεβειϲ επι ϲε επιϲτρεψουϲιν
Ψαλμοί 50:16 ρυϲαι με εξ αιματων ο θϲ ο θϲ τηϲ ϲωτηριαϲ μου αγαλλιαϲεται η γλωϲϲα μου την δικαιοϲυνην ϲου ·
Ψαλμοί 50:17 κε τα χειλη μου ανοιξειϲ και το ϲτομα μου αναγγελει την αινεϲιν ϲου
Ψαλμοί 50:18 οτι ει ηθεληϲαϲ θυϲιαν εδωκα αν ολοκαυτωματα ουκ ευδοκηϲειϲ
Ψαλμοί 50:19 θυϲια τω θω πνα ϲυντετριμμενον καρδιαν ϲυντετριμμενην και τεταπινωμενην ο θϲ ουκ εξουδενωϲει
Ψαλμοί 50:20 αγαθυνον εν τη ευδοκια ϲου την ϲιων και οικοδομηθητω τα τειχη ιλμ
Ψαλμοί 50:21 τοτε ευδοκηϲειϲ θυϲιαν δικαιοϲυνηϲ αναφοραν και ολοκαυτωματα τοτε ανοιϲουϲιν επι το θυϲιαϲτηριον ‾̷‾ ϲου μοϲχουϲ
A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source .