← All works
Codex Sinaiticus: Κατὰ Ἰωάννην Codex Sinaiticus · 861 sections
Single column Two columns
Κατὰ Ἰωάννην 19:36 εγενετο γαρ ταυτα ϊνα η γραφη πληρωθη ˙ οϲτουν ου ϲυντριβηϲεται απ αυτου ˙
Κατὰ Ἰωάννην 19:37 και παλιν ετερα γραφη λεγει ˙ οψονται ειϲ ον εξεκεντηϲαν :
Κατὰ Ἰωάννην 19:38 μετα δε ταυτα ηρωτηϲεν τον πιλατον ϊωϲηφʼ ο απο αριμαθαιαϲ · ων μαθητηϲ του ιυ · κεκρυμμενοϲ δε δια τον φοβον των ϊουδαιων · ϊνα αρη το ϲωμα του ιυ · και επετρεψεν ο πιλατοϲ : ηλθον ουν και ηραν αυτον ·
Κατὰ Ἰωάννην 19:39 ηλθεν δε και νικοδημοϲ ο ελθων προϲ τον ιν νυκτοϲ το πρωτον εχων ελιγμα ϲζμυρνηϲ και αλοηϲ ωϲ λιτραϲ εκατον :
Κατὰ Ἰωάννην 19:40 ελαβον ουν το ϲωμα του ιυ · και εδηϲαν αυτο οθονιοιϲ μετα των αρωματων καθωϲ εθοϲ ην τοιϲ ϊουδαιοιϲ ενταφιαζειν ·
Κατὰ Ἰωάννην 19:41 ην δε εν τω τοπω οπου εϲταυρωθη κηποϲ · και εν τω κηπω μνημιον καινον · εν ω ουδιϲ ουδεπω ην τεθειμενοϲ ·
Κατὰ Ἰωάννην 19:42 εκει ουν δια την παραϲκευην των ϊουδαιων · οτι εγγυϲ ην το μνημιον οπου εθηκαν τον ινν :
Κατὰ Ἰωάννην 20:1 τη δε μια των ϲαββατων μαριαμʼ η μαγδαληνη ερχεται πρωϊ · ϲκοτιαϲ ετι ουϲηϲ ειϲ το μνημειον · και βλεπει τον λιθον ηρμενον απο τηϲ θυραϲ εκ του μνημιου :
Κατὰ Ἰωάννην 20:2 τρεχει ουν · και ερχεται προϲ τον ϲιμωνα πετρον · και προϲ τον αλλον μαθητην ον εφιλει ο ιϲ · και λεγει αυτοιϲ · ηραν τον κν εκ του μνημιου · και ουκ οιδαμεν που εθηκαν αυτον ·
Κατὰ Ἰωάννην 20:3 εξηλθεν ουν ο πετροϲ και ο αλλοϲ μαθητηϲ
Κατὰ Ἰωάννην 20:4 και ετρεχον οι δυο ομου προεδραμεν δε ταχιον του πετρου και ηλθεν ειϲ το μνημιον πρωτοϲ ·
Κατὰ Ἰωάννην 20:5 και παρακυψαϲ · βλεπει τα οθονια κειμενα ·
Κατὰ Ἰωάννην 20:7 και το ϲουδαριον ο ην επι τηϲ κεφαληϲ αυτου · ου μετα των οθονιων κειμενον · αλλα χωριϲ εντετυλιγμενον · ειϲ ενα τοπον ·
Κατὰ Ἰωάννην 20:8 τοτε ουν ειϲηλθεν και ο αλλοϲ μαθητηϲ ο ελθων πρωτοϲ ειϲ το μνημιον · και ειδεν και επιϲτευϲεν ·
Κατὰ Ἰωάννην 20:9 ουδεπω γαρ ηδει την γραφην · οτι δει αυτον εκ νεκρων αναϲτηναι ·
Κατὰ Ἰωάννην 20:10 απηλθον ουν παλιν προϲ αυτουϲ οι μαθηται :
Κατὰ Ἰωάννην 20:11 μαριαμ δε · ϊϲτηκει εν τω μνημιω κλαιουϲα · ωϲ ουν εκλαιεν · παρεκυψεν ειϲ το μνημιον ·
Κατὰ Ἰωάννην 20:12 και θεωρει αγγελουϲ καθεζομενουϲ εν λευκοιϲ · ενα προϲ τη κεφαλη · και ενα προϲ τοιϲ ποϲιν · οπου εκειτο το ϲωμα του ιυ :
Κατὰ Ἰωάννην 20:13 λεγουϲιν αυτη εκεινοι · γυναι · τι κλαιειϲ · λεγει αυτοιϲ · οτι ηραν τον κν μου και ουκ οιδα που εθηκαν αυτον ˙
Κατὰ Ἰωάννην 20:14 ταυτα ειπουϲα εϲτραφη ειϲ τα οπιϲω και θεωρει τον ιν εϲτωτα και ουκ ηδει οτι ιϲ εϲτιν ·
Κατὰ Ἰωάννην 20:15 λεγει αυτη ιϲ · γυναι τι κλαιειϲ · τινα ζητειϲ · εκεινη δε δοκουϲα οτι ο κηπουροϲ εϲτιν · λεγει αυτω ˙ κε · ει ϲυ ει ο βαϲταϲαϲ αυτον · ειπε μοι που εθηκαϲ αυτον · καγω αυτον αρω
Κατὰ Ἰωάννην 20:16 λεγει αυτη ο ιϲ · μαριαμ · ϲτραφειϲα δε εκεινη · λεγει αυτω εβραϊϲτι ραββουνι · ο λεγεται διδαϲκαλε
Κατὰ Ἰωάννην 20:17 λεγει αυτη ο ιϲ μη μου απτου ουπω γαρ αναβεβηκα προϲ τον πατερα · πορευου δε προϲ τουϲ αδελφουϲ και ειπε αυτοιϲ · ιδου αναβαινω προϲ τον πατερα μου και πατερα υμων · και θν μου · και θν ϋμων ·
Κατὰ Ἰωάννην 20:18 ερχεται μαριαμʼ η μαγδαληνη αγγελλουϲα τοιϲ μαθηταιϲ · οτι εωρακα τον κν · και ταυτα ειπεν αυτη ·
Κατὰ Ἰωάννην 20:19 ουϲηϲ ουν οψιαϲ τη ημερα εκεινη μια ϲαββατων · και των θυρων κεκλιϲμενων οπου ηϲαν οι μαθηται δια τον φοβον των ϊουδαιων · ηλθεν ο ιϲ και εϲτη ειϲ το μεϲον και λεγει · ϊρηνη ϋμιν
Κατὰ Ἰωάννην 20:20 και τουτο ειπων · εδιξεν ταϲ χιραϲ και την πλευραν αυτοιϲ : εχαρηϲαν ουν οι μαθηται ϊδοντεϲ τον κν ·
Κατὰ Ἰωάννην 20:21 ειπεν ουν αυτοιϲ παλιν · ειρηνη υμιν · καθωϲ απεϲταλκεν με ο πατηρ · καγω πεμψω ϋμαϲ ·
Κατὰ Ἰωάννην 20:22 και τουτο ειπων ενεφυϲηϲεν και λεγει αυτοιϲ · λαβετε πνα αγιον ·
Κατὰ Ἰωάννην 20:23 αν τινων αφηται ταϲ αμαρτιαϲ · αφεθηϲεται αυτοιϲ · εαν δε τινων κρατηνται κεκρατηνται :
Κατὰ Ἰωάννην 20:24 θωμαϲ δε · ειϲ εκ των δωδεκα ο λεγομενοϲ διδυμοϲ · ουκ ην μετ αυτων οτε ουν ηλθεν ιϲ ˙
Κατὰ Ἰωάννην 20:25 ελεγον αυτω οι μαθηται · εωρακαμεν τον κν · ο δε ειπεν αυτοιϲ · εαν μη ειδω εν ταιϲ χερϲιν τον τυπον των ηλων · και βαλω μου τον δακτυλον ειϲ την χειραν αυτου και βαλω μου την χειρα ειϲ την πλευραν αυτου · ου μη πιϲτευϲω ·
Κατὰ Ἰωάννην 20:26 και μεθ ημεραϲ οκτω · παλιν ηϲαν εϲω οι μαθηται · και θωμαϲ μετ αυτων · ερχεται ο ιϲ των θυρων κεκλιϲμενων · και εϲτη ειϲ το μεϲον και ειπεν · ϊρηνη ϋμιν ·
Κατὰ Ἰωάννην 20:27 ειτα λεγει τω θωμα · φερε τον δακτυλον ϲου ωδε · και ϊδε ταϲ χειραϲ μου · και φερε την χειρα ϲου · και βαλε ειϲ την πλευραν μου · και μη γινου απιϲτοϲ αλλα πιϲτοϲ ·
Κατὰ Ἰωάννην 20:28 απεκριθη ο θωμαϲ και ειπεν αυτω ˙ ο κϲ μου και ο θϲ μου
Κατὰ Ἰωάννην 20:29 ειπεν δε αυτω ο ιϲ · οτι εωρακαϲ με και πεπιϲτευκαϲ · μακαριοι οι μη ϊδοντεϲ με και πιϲτευϲαντεϲ ˙
Κατὰ Ἰωάννην 20:30 πολλα μεν ουν και αλλα ϲημεια εποιηϲεν ο ιϲ · ενωπιον των μαθητων αυτου · α ουκ εϲτιν γεγραμμενα εν τω βιβλιω τουτω ·
Κατὰ Ἰωάννην 20:31 ταυτα δε γεγραπται · ϊνα πιϲτευητε · οτι ιϲ εϲτιν ο χϲ · ο υϲ του θυ ϊνα πιϲτευοντεϲ · ζωην αιωνιον εχητε εν τω ονοματι αυτου ·
Κατὰ Ἰωάννην 21:1 μετα ταυτα εφανερωϲεν παλιν εαυτον ο ιϲ τοιϲ μαθηταιϲ · επι τηϲ θαλαϲϲηϲ τηϲ τιβεριαδοϲ · εφανερωϲεν δε ουτωϲ ·
Κατὰ Ἰωάννην 21:2 ηϲαν ομου ϲιμων πετροϲ και θωμαϲ ο λεγομενοϲ διδυμοϲ · και ναθαναηλ · ο απο κανα τηϲ γαλιλαιαϲ · και οι ϋϊοι ζεβεδαιου · και αλλοι εκ των μαθητων αυτου δυο :
Κατὰ Ἰωάννην 21:3 λεγει αυτοιϲ ϲιμων πετροϲ · υπαγω αλιευειν · λεγουϲιν αυτω ˙ ερχομεθα και ημειϲ ϲυν ϲοι · εξηλθον ουν και ενεβηϲαν ειϲ το πλοιον · και εν εκινη τη νυκτι εκοπιαϲαν ουδεν ·
Κατὰ Ἰωάννην 21:4 πρωϊαϲ δε γενομενηϲ εϲτη ιϲ επι τον αιγιαλον · ου μεντοι εγνωϲαν οι μαθηται οτι ιϲ εϲτιν ·
Κατὰ Ἰωάννην 21:5 λεγει ουν αυτοιϲ ιϲ ˙ παιδια · μη προϲφαγιον εχετε · απεκριθηϲαν αυτω ˙ ου ˙
Κατὰ Ἰωάννην 21:6 λεγει αυτοιϲ · βαλετε ειϲ τα δεξια μερη του πλοιου το δικτυον · και ευρηϲετε οι δε εβαλον και ουκετι αυτο ϊλκυϲαι ϊϲχυον απο του πληθουϲ των ϊχθυων ·
Κατὰ Ἰωάννην 21:7 λεγει ουν ο μαθητηϲ εκεινοϲ · ον ηγαπα ο ιϲ τω πετρω · ο κϲ εϲτιν · ϲιμων ουν πετροϲ ακουϲαϲ οτι ο κϲ εϲτιν · τον επενδυτην διεζωϲατο · ην γαρ γυμνοϲ · και εβαλεν εαυτον ειϲ την θαλαϲϲαν ·
Κατὰ Ἰωάννην 21:8 οι δε αλλοι μαθηται τω αλλω πλοιαριω ηλθον · ου γαρ ηϲαν μακραν απο τηϲ γηϲ · αλλα ωϲ απο πηχων διακοϲιων · ϲυροντεϲ το δικτυον των ϊχθυων :
Κατὰ Ἰωάννην 21:9 ωϲ ουν ανεβηϲαν ειϲ την γην · βλεπουϲιν ανθρακιαν κειμενην · και οψαριον επικειμενον · και αρτον ·
Κατὰ Ἰωάννην 21:10 λεγει αυτοιϲ ο ιϲ · ενεγκαται απο των οψαριων ων επιαϲατε νυν :
Κατὰ Ἰωάννην 21:11 ενεβη ουν ϲιμων πετροϲ · και ειλκυϲεν το δικτυον ειϲ την γην · μεϲτον ϊχθυων μεγαλων εκατον πεντηκοντατριων · και τοϲουτων οντων · ουκ εϲχιϲθη το δικτυον ·
Κατὰ Ἰωάννην 21:12 λεγει αυτοιϲ ο ιϲ · δευτε αριϲτηϲατε · ουδιϲ δε ετολμα των μαθητων εξεταϲαι αυτον · ϲυ τιϲ ει · ειδοτεϲ οτι ο κϲ εϲτιν ·
Κατὰ Ἰωάννην 21:13 ερχεται ο ιϲ και λαμβανει τον αρτον και διδωϲιν αυτοιϲ · και το οψαριον ομοιωϲ :
Κατὰ Ἰωάννην 21:14 τουτο δε ηδη τριτον εφανερωθη ο ιϲ τοιϲ μαθηταιϲ · εγερθειϲ εκ νεκρων ˙
Κατὰ Ἰωάννην 21:15 οτε ουν ηριϲτηϲαν ˙ λεγει τω ϲιμωνι πετρω ο ιϲ · ϲιμων αγαπαϲ με πλεον τουτων · λεγει αυτω · ναι κε · ϲυ οιδαϲ οτι φιλω ϲε · λεγει αυτω βοϲκε τα αρνια μου ·
Κατὰ Ἰωάννην 21:16 παλιν λεγει αυτω ϲιμων ϊωαννου · αγαπαϲ με : λεγει αυτω κε · ϲυ οιδαϲ οτι φιλω ϲε · λεγει αυτω ποιμαινε τα προβατα μου ·
Κατὰ Ἰωάννην 21:17 λεγει αυτω το τριτον · ϲιμων ϊωαννου · φιλειϲ με : ελυπηθη δε ο πετροϲ οτι ειπεν αυτω το τριτον και φιλειϲ με · και λεγει αυτω · κε παντα ϲυ οιδαϲ · ϲυ γινωϲκειϲ οτι φιλω ϲε · και λεγει αυτω βοϲκε τα προβατα μου ·
Κατὰ Ἰωάννην 21:18 αμην αμην λεγω ϲοι · οτε ηϲ νεωτεροϲ · εζωννυεϲ ϲεαυτον · και περιεπατειϲ οπου ηθελεϲ · οταν δε γηραϲηϲ εκτενιϲ την χιραν ϲου · και αλλοι ζωϲουϲιν ϲε και ποιηϲουϲιν ϲοι οϲα ου θελιϲ ·
Κατὰ Ἰωάννην 21:19 τουτο δε ειπεν ϲημαινων ποιω θανατω δοξαϲει τον θν · και τουτο ειπων λεγει αυτω · ακολουθι μοι ˙
Κατὰ Ἰωάννην 21:20 επιϲτραφειϲ δε ο πετροϲ βλεπι τον μαθητην ον ηγαπα ο ιϲ και ανεπεϲεν εν τω δειπνω επι το ϲτηθοϲ αυτου · και λεγει αυτω · κε τιϲ εϲτιν ο παραδιδουϲ ϲε ·
Κατὰ Ἰωάννην 21:21 τουτον ουν ϊδων ο πετροϲ ειπεν τω ιυ · ουτοϲ δε τι ·
Κατὰ Ἰωάννην 21:22 λεγει αυτω ο ιϲ · εαν αυτον θελω μενιν εωϲ ερχομαι · τι προϲ ϲε · ϲυ μοι ακολουθι ·
Κατὰ Ἰωάννην 21:23 εξηλθεν ουν ουτοϲ ο λογοϲ ειϲ τουϲ αδελφουϲ · οτι ο μαθητηϲ εκεινοϲ ουκ αποθνηϲκει · ουκ ειπεν δε αυτω ο ιϲ · οτι ουκ αποθνηϲκει · αλλ εαν αυτον θελω μενειν εωϲ ερχομαι
Κατὰ Ἰωάννην 21:24 ουτοϲ εϲτιν ο μαθητηϲ ο μαρτυρων περι τουτων και γραψαϲ ταυτα · και οιδαμεν οτι αληθηϲ εϲτιν η μαρτυρια αυτου ·
A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source .