Codex Sinaiticus: Κατὰ Ἰωάννην

ταυτα λελαληκεν ιϲ · και επαραϲ τουϲ οφθαλμουϲ αυτου ειϲ τον ουρανον ειπεν ˙ πατερ . εληλυθεν η ωρα · δοξαϲον ϲου τον υν · ϊνα ο υϲ δοξαϲη ϲε ·

καθωϲ εδωκαϲ αυτω εξουϲιαν παϲηϲ ϲαρκοϲ · ϊνα παν ο δεδωκαϲ αυτω δωϲω αυτω ζωην αιωνιον :

αυτη δε εϲτιν η αιωνιοϲ ζωη · ινα γινωϲκωϲι ϲε · τον μονον αληθινον θν . και ον απεϲτιλαϲ ιν χν ˙

εγω ϲε εδοξαϲα επι τηϲ γηϲ · το εργον τελιωϲαϲ ο δεδωκαϲ με · ϊνα ποιηϲω ˙

και νυν δοξαϲον με ϲυ πατερʼ παρα ϲεαυτω · τη δοξη ην ειχον · προ του τον κοϲμον ειναι παρα ϲοι ·

εφανερωϲα ϲου το ονομα τοιϲ ανθρωποιϲ · ουϲ εδωκαϲ μοι εκ του κοϲμου · ϲοι ηϲαν · και εμοι αυτουϲ εδωκαϲ · και τον λογον ϲου ετηρηϲαν ·

νυν εγνων · οτι παντα οϲα δεδωκαϲ μοι · παρα ϲου ειϲιν ˙

οτι τα ρηματα · ἁ δεδωκαϲ μοι · δεδωκα αυτοιϲ · και αυτοι ελαβον αληθωϲ · οτι παρα ϲου εξηλθον και επιϲτευϲαϲ · οτι ϲυ με απεϲτιλαϲ ·

εγω περι αυτων ερωτω · ου περι του κοϲμου ερωτω · αλλα περι ων δεδωκαϲ μοι · οτι ϲοι ειϲιν ·

και εμοι αυτουϲ εδωκαϲ · και δεδοξαϲμε εν αυτοιϲ ·

και ουκετι ειμι εν τω κοϲμω · και αυτοι εν τω κοϲμω ειϲιν · καγω προϲ ϲε ερχομαι · πατερ αγιε · τηρηϲον αυτουϲ εν τω ονοματι ϲου · ω εδωκαϲ μοι · ϊνα ωϲιν ἑν · καθωϲ ημειϲ ·

οτε ημην μετ αυτων · εγω ετηρουν αυτουϲ εν τω ονοματι κ ϲου και εφυλαϲϲον και ουδιϲ εξ αυτων απωλετο · ει μη ο υϲ τηϲ απωλιαϲ · ϊνα η γραφη πληρωθη ·

νυν δε προϲ ϲε ερχομαι · και ταυτα λαλω εν τω κοϲμω · ινα εχωϲιν την χαραν την εμην . πεπληρωκενην εν αυτοιϲ ˙

εγω δεδωκα αυτοιϲ τον λογον ϲου · και ο κοϲμοϲ εμιϲηϲεν αυτουϲ · οτι ουκ ειϲιν εκ του κοϲμου · καθωϲ ουκ ειμι εκ του κοϲμου ·

ουκ ερωτω ινα αρηϲ αυτουϲ εκ του κοϲμου . αλλ ϊνα τηρηϲηϲ αυτουϲ εκ του πονηρου ·

εκ του κοϲμου ουκ ειϲιν · καθωϲ εγω ουκ ειμι εκ του κοϲμου ·

αγιαϲον αυτουϲ εν τη αληθια εϲτιν ·

καθωϲ εμε απεϲτιλαϲ ειϲ τον κοϲμον · καγω απεϲτιλα αυτουϲ ειϲ τον κοϲμον ·

και ϋπερ αυτων αγιαζω εμαυτον · ϊνα ωϲιν και αυτοι ηγιαϲμενοι εν αληθια ˙

ου περι τουτων δε ερωτω μονον . αλλα και περι των πιϲτευοντων δια του λογου αυτων ειϲ εμε ·

ϊνα παντεϲ ἑν , ωϲιν · καθωϲ ϲυ πατερʼ εν εμοι . καγω εν ϲοι · ϊνα και αυτοι εν ημιν ἑν ωϲιν · ϊνα ο κοϲμοϲ πιϲτευη · οτι ϲυ με απεϲτιλαϲ ·

καγω την δοξαν ην δεδωκαϲ μοι . εδωκα αυτοιϲ · ϊνα ωϲιν ἑν , καθωϲ ημειϲ

εγω εν αυτοιϲ · και ϲυ εν εμοι · ϊνα ωϲιν τετελιωμενοι · ειϲ ἑν · και γινωϲκη ο κοϲμοϲ · οτι ϲυ με απεϲτιλαϲ · και ηγαπηϲαϲ αυτουϲ · καθωϲ εμε ηγαπηϲαϲ ·

πατερʼ . ο δεδωκαϲ μοι θελω ϊνα οπου ειμι εγω · κακεινοι ωϲιν μετ εμου · ϊνα θεωρωϲιν την δοξαν την εμην · ην δεδωκαϲ μοι ˙ οτι ηγαπηϲαϲ με προ καταβοληϲ κοϲμου ·

πατερ δικαιε · και ο κοϲμοϲ ϲε ουκ εγνω . εγω δε ϲε εγνων : και ουτοι εγνωϲαν · οτι ϲυ με απεϲτιλαϲ ·

και εγνωριϲα αυτοιϲ το ονομα ϲου · και γνωριϲω ˙ ινα η αγαπη · ην ηγαπηϲαϲ αυτουϲ · εν αυτοιϲ ῆ · καγω εν αυτοιϲ :

ταυτα ειπων ιϲ · εξηλθεν ϲυν αυτοιϲ μαθηταιϲ αυτου περαν του χιμαρρου του κεδρου · οπου ην κηποϲ · ειϲ ον ειϲηλθεν αυτοϲ · και οι μαθηται αυτου :

ηδει δε και ϊουδαϲ ο παραδιδουϲ αυτον τον τοπον · οτι πολλακιϲ ϲυνηχθη ιϲ εκει μετα των μαθητων αυτου ·

ο ουν ϊουδαϲ λαβων την ϲπειραν · και εκ των αρχϊερεων και εκ των φαριϲαιων ϋπηρεταϲ · ερχεται μετα φανων και λαμπαδων και οπλων :

ιϲ δε ειδωϲ παντα τα ερχομενα επ αυτον · εξελθων ειπεν αυτοιϲ · τινα ζητειτε ·

απεκριθηϲαν αυτω · ιν τον ναζωραιον · λεγει αυτοιϲ ιϲ · εγω ειμι · ϊϲτηκει δε και ϊουδαϲ ο παραδιδουϲ αυτον μετ αυτων ·

ωϲ ουν ειπεν εγω ειμι απηλθαν ειϲ τα οπιϲω · και επεϲαν χαμαι ˙

παλιν ουν αυτουϲ επηρωτηϲεν · τινα ζητειτε ˙ οι δε ειπον . ιν τον ναζωραιον ˙

απεκριθη ιϲ · ειπον ϋμιν · οτι εγω ειμι ˙ ει ουν εμε ζητειτε · αφετε τουτουϲ ϋπαγειν ·

ϊνα πληρωθη ο λογοϲ ον ειπεν · οτι ουϲ δεδωκαϲ μοι · ουκ απωλεϲα εξ αυτων ουδενα :

ϲιμων ουν πετροϲ εχων μαχαιραν · ειλκυϲεν αυτην · και επεϲεν τον δουλον του αρχϊερεωϲ · και απεκοψεν αυτου το ωταριον το δεξιον · ην δε ονομα τω δουλω μαλχοϲ :

ειπεν ουν ο ιϲ τω πετρω · βαλε την μαχαιραν ειϲ την θηκην · το ποτηριον · ο δεδωκεν μοι ο πατηρ · ου μη πιω αυτο ˙

η ουν ϲπιρα και ο χιλιαρχοϲ · και οι ϋπηρεται των ϊουδαιων . ϲυνελαβον τον ιν · και εδηϲαν αυτον

και ηγαγον προϲ ανναν πρωτον ˙ ην γαρ πενθεροϲ του καϊαφα · ὁϲ ην αρχϊερευϲ του ενιαυτου εκεινου ·

ην δε καϊαφαϲ · ο ϲυμβουλευϲαϲ τοιϲ ϊουδαιοιϲ · οτι ϲυμφερει ενα ανθρωπον αποθανιν ϋπερ του λαου ·

ηκολουθι δε τω ιυ ϲιμων πετροϲ · και αλλοϲ μαθητηϲ · ο δε μαθητηϲ εκεινοϲ · ην γνωϲτοϲ τω αρχϊερει · και ϲυνειϲηλθεν τω ιυ · ειϲ την αυλην του αρχϊερεωϲ ·

ο δε πετροϲ · ϊϲτηκει εξω προϲ τη θυρα ˙ εξηλθεν ουν ο μαθητηϲ ο αλλοϲ · ὁϲ ην γνωϲτοϲ τω αρχϊερει · και ειπεν τη θυρωρω . και ειϲηνεγκε τον πετρον ·

λεγει ουν η παιδιϲκη η θυρωροϲ τω πετρω · μη και ϲυ εκ των μαθητων ει του ανθρωπου τουτου ˙ λεγει εκεινοϲ · ουκ ειμι ·

ϊϲτηκιϲαν δε και οι δουλοι και οι υπηρεται · ανθρακιαν πεποιηκοτεϲ · οτι ψυχοϲ ην και εθερμαινοντο ˙ ην δε και ο πετροϲ μετ αυτων εϲτωϲ και θερμαινομενοϲ ·

ο ουν αρχϊερευϲ ηρωτηϲε τον ιν περι των μαθητων αυτου · και περι τηϲ διδαχηϲ αυτου ·

και απεκριθη ιϲ αυτω · εγω παρρηϲια λελαληκα τω κοϲμω · εγω παντοτε εδιδαξα εν ϲυναγωγη και εν τω ϊερω · οπου παντεϲ οι ϊουδαιοι ϲυνερχονται · και εν κρυπτω ελαληϲα ουδεν :

τι με ερωταϲ · ερωτηϲον τουϲ ακηκοοταϲ τι ελαληϲα αυτοιϲ · ϊδε ουτοι οιδαϲιν · ἁ ειπον εγω

ταυτα δε αυτου ειποντοϲ ειϲ παρεϲτηκωϲ των ϋπηρετων εδωκεν ραπιϲμα τω ιυ · ειπων · ουτωϲ αποκρινη τω αρχϊερει :

ο δε ιϲ ειπεν αυτω ει κακωϲ ειπον μαρτυρηϲον περι του κακου · ει δε καλωϲ · τι με δεριϲ :

απεϲτιλεν δε αυτον ο ανναϲ δεδεμενον · προϲ καϊαφαν τον αρχϊερεα :

ην δε ϲιμων πετροϲ εϲτωϲ και θερμαινομενοϲ · ειπον ουν αυτω · μη και ϲυ εκ των μαθητων αυτου ει · ηρνηϲατο εκεινοϲ και ειπεν · ουκ ειμι ·

λεγει ειϲ εκ των δουλων του αρχϊερεωϲ ϲυνγενηϲ ων · ου απεκοψεν πετροϲ το ωτιον · ουκ εγω ϲε ϊδον εν τω κηπω μετ αυτου ˙

παλιν ουν ηρνηϲατο ο πετροϲ και ευθεωϲ αλεκτωρ ε‾̷‾φωνηϲεν :

αγουϲιν ουν τον ιν απο του καϊαφα ειϲ το πραιτωριον : ην δε πρωϊ · και αυτοι ουκ ειϲηλθον ειϲ το πραιτωριον · ϊνα μη μιανθωϲιν · αλλα φαγωϲιν το παϲχα ˙

εξηλθεν ουν προϲ αυτουϲ ο πιλατοϲ εξω και φηϲιν τινα κατηγοριαν φερετε του ανθρωπου τουτου ˙

απεκριθηϲαν και ειπαν αυτω ˙ ει μη ην ουτοϲ κακον ποιηϲαϲ · ουκ αν ϲοι παρεδωκειμεν αυτον ·

ειπεν ουν αυτοιϲ ο πιλατοϲ · λαβετε αυτον ϋμιϲ · και κατα τον νομον υμων κρινατε · ειπον ουν αυτω οι ϊουδαιοι · ημιν ουκ εξεϲτιν αποκτιναι ουδενα ι ουδενα

ϊνα ο λογοϲ του ιυ πληρωθη ϲημαινων ποιω θανατω ημελλεν αποθνηϲκιν :

ειϲηλθεν ουν ειϲ το πραιτωριον παλιν ο πιλατοϲ · και εφωνηϲεν τον ιν · και ειπεν αυτω ˙ ϲυ ει ο βαϲιλευϲ των ϊουδαιων ·

απεκριθη αυτω ο ιϲ · απο ϲεαυτου τουτο ειπαϲ · η αλλοι ϲοι ειπον περι εμου ·

απεκριθη ο πιλατοϲ μη εγω ϊουδαιοϲ ειμι · το εθνοϲ το ϲον και ο αρχϊερευϲ παρεδωκαν ϲε εμοι · τι εποιηϲαϲ ·

απεκριθη ιϲ η εμη βαϲιλεια ουκ εϲτιν εκ του κοϲμου τουτου · ει εκ του κοϲμου τουτου ην η εμη βαϲιλια · και οι υπηρεται οι εμοι ηγωνιζοντο αν · ινα μη παραδοθω τοιϲ ϊουδαιοιϲ νυν δε η εμη βαϲιλεια ουκ εϲτιν εντευθεν ·

ειπεν ουν αυτω ο πιλατοϲ · ουκουν βαϲιλευϲ ει ‾‾ ϲυ : απεκριθη ο ιϲ · ϲυ λεγειϲ οτι βαϲιλευϲ ειμι εγω ειϲ τουτο γεγεννημαι · και ειϲ τουτο εληλυθα ειϲ τον κοϲμον ˙ ϊνα μαρτυρηϲη περι τηϲ αληθιαϲ παϲ ο ων τηϲ αληθιαϲ ακουει μου τηϲ φωνηϲ ·

λεγει αυτω ο πιλατοϲ τιϲ εϲτιν αληθεια · και τουτο ειπων · παλιν εξηλθεν προϲ τουϲ ιουδαιουϲ και λεγει αυτοιϲ · εγω ουδεμιαν αιτιαν ευριϲκω εν αυτω :

εϲτιν δε ϲυνηθια ϋμιν · ϊνα ενα απολυϲω ϋμιν εν τω παϲχα · βουλεϲθε ουν ϊνα απολυϲω ϋμιν τον βαϲιλεα των ϊουδαιων :

εκραυγαϲαν ουν παλιν λεγοντεϲ · μη τουτον · αλλα τον βαραββαν · ην δε ο βαραββαϲ ληϲτηϲ ·

τοτε ουν λαβων ο πιλατοϲ τον ιν εμαϲτιγωϲεν ·

και οι ϲτρατιωται πλεξαντεϲ ϲτεφανον εξ ακανθων επεθηκεν αυτου τη κεφαλη · και ϊματιον πορφυρουν περιεβαλον αυτον ·

και ηρχοντο προϲ αυτον και ελεγον · χαιρε βαϲιλευ των ϊουδαιων · και εδιδοϲαν αυτω ραπιϲματα :

εξηλθεν παλιν ο πιλατοϲ εξω και λεγει αυτοιϲ · ϊδε αγω υμιν αυτον εξω ϊνα γνωτε τι αιτιαν ουχ ευριϲκω ·

εξηλθεν ουν ο ιϲ εξω · φορων τον ακανθινον ϲτεφανον · και πορφυρουν ϊματιον ˙ και λεγει αυτοιϲ · ϊδου ο ανθρωποϲ :

οτε ουν ϊδον αυτον οι αρχϊερειϲ και οι ϋπηρεται εκραξαν ϲταυρωϲον ϲταυρωϲον αυτον και λεγει αυτοιϲ ο πιλατοϲ · λαβετε αυτον ϋμειϲ και ϲταυρωϲατε : εγω γαρ ουχ ευριϲκω εν αυτω αιτιαν ·

απεκριθηϲαν οι ϊουδαιοι · ημειϲ νομον εχομεν και κατα τον νομον οφιλει αποθανιν · οτι υν θυ εαυτον εποιηϲεν :

οτε ουν ηκουϲεν ο πιλατοϲ τον λογον τουτον μαλλον εφοβηθη ·

και ειϲηλθεν ειϲ το πραιτωριον και λεγει τω ιυ ποθεν ει ϲυ · ο δε ιϲ αποκριϲιν ουκ εδωκεν αυτω :

λεγει αυτω ο πιλατοϲ · εμοι ου λαλιϲ · ουκ οιδαϲ οτι εξουϲιαν εχω απολυϲαι ϲε και εξουϲιαν εχω ϲταυρωϲαι ϲε ·

απεκριθη αυτω ο ιϲ · ουκ εχιϲ εξουϲιαν κατ εμου ουδεμιαν · ει μη ην δεδομενον ϲοι ανωθεν · δια τουτο ο παραδουϲ με ϲοι μειζονα αμαρτιαν εχει

εκ τουτου ο πιλατοϲ εζητει απολυϲαι αυτον · οι δε ϊουδαιοι ελεγον εαν τουτον απολυϲηϲ · ουκ ει φιλοϲ του καιϲαροϲ · παϲ ο βαϲιλεα εαυτον ποιων αντιλεγει τω καιϲαρι ·

ο ουν πιλατοϲ ακουϲαϲ των λογων τουτων ηγαγεν εξω τον ιν · και εκαθιϲεν επι βηματοϲ ειϲ τοπον λεγομενον λιθοϲτρωτον εβραϊϲτι γολγοθα ·

ην δε παραϲκευη του παϲχα ωρα ην ωϲ εκτη και λεγει τοιϲ ϊουδαιοιϲ ϊδε ο βαϲιλευϲ ϋμων ·

οι δε ελεγον αρον αρον ϲταυρωϲον αυτον · λεγει αυτοιϲ ο πιλατοϲ · τον βαϲιλεα υμων ϲταυρωϲω · απεκριθηϲαν οι αρχϊερειϲ · ουκ εχομεν βαϲιλεα ει μη καιϲαρα ˙

τοτε ουν παρεδωκεν αυτοιϲ αυτον · ϊνα ϲταυρωθη οι δε λαβοντεϲ τον ιν απηγαγον αυτον

και βαϲταζων εαυτω τον ϲταυρον εξηλθεν ειϲ τον λεγομενον κρανιου τοπον ο λεγεται εβραϊϲτι γολγοθα

οπου αυτον εϲταυρωϲαν . και μετ αυτου αλλουϲ δυο εντευθεν και εντευθεν · μεϲον δε τον ιν

εγραψεν δε και τιτλον ο πιλατοϲ · και εθηκεν επι του ϲταυρου · ην δε γεγραμμενον ιϲ ο ναζωραιοϲ ο βαϲιλευϲ των ϊουδαιων ·

αλλ οτι εκεινοϲ ειπεν βαϲιλευϲ ειμι των ϊουδαιων ·

απεκριθη ο πιλατοϲ ο γεγραφα γεγραφα ·

οι ουν ϲτρατιωται οι ϲταυρωϲαντεϲ τον ιν ελαβον τα ϊματια αυτου · και εποιηϲαν τεϲϲερα μερη εκαϲτω ϲτρατιωτη μεροϲ ην δε ο χιτων αραφοϲ εκ των ανωθεν ϋφαντοϲ δι ολου ·

ειπαν ουν προϲ αυτουϲ · μη ϲχιϲωμεν αυτον · αλλα λαχωμεν περι αυτου τινοϲ εϲται · ϊνα η γραφη πληρωθη διεμεριϲαντο μου τα ϊματια εαυτοιϲ · και επι τον ϊματιϲμον μου εβαλον κληρον · οι μεν ουν ϲτρατιωται ταυτα εποιηϲαν :

ϊϲτηκιϲαν δε παρα τω ϲταυρω του ιυ η μητηρ αυτου · και η αδελφη τηϲ μητροϲ αυτου μαριαμʼ · η του κλωπα · και μαριαμ η μαγδαληνη

και τον μαθητην παρεϲτωτα ον ηγαπα · και λεγει τη μητρι · γυναι · ϊδου ο ϋϊοϲ ϲου ·

ειτα λεγει τω μαθητη · ειδε η μητηρ ϲου · και απ εκινηϲ τηϲ ωραϲ ελαβεν αυτην ο μαθητηϲ ειϲ τα ϊδια

μετα τουτο ειδωϲ ο ιϲ · οτι παντα ηδη τετελεϲται · ϊνα πληρωθη η γραφη · λεγει · διψω ˙

ϲκευοϲ δε εκειτο οξουϲ μεϲτον · ϲπογγον ουν μεϲτον οξουϲ · ϋϲϲωπω περιθεντεϲ · προϲηνεγκαν αυτου τω ϲτοματι ˙

οτε ουν ελαβεν το οξοϲ ειπεν · τετελεϲται · και κλειναϲ την κεφαλην παρεδωκεν το πνα ·

οι ουν ϊουδαιοι επει παραϲκευη ην · ϊνα μη μινη επι του ϲταυρου τα ϲωματα εν τω ϲαββατω · ην γαρ μεγαλη ημερα εκεινου του ϲαββατου · ηρωτηϲαν ουν τον πιλατον · ϊνα κατεαγωϲιν αυτων τα ϲκελη · και αρθωϲιν ·

ηλθον ουν οι ϲτρατιωται · και του μεν πρωτου κατεαξαν τα ϲκελη · και του αλλου · του ϲυνϲταυρωθεντοϲ αυτω ˙

επι δε τον ιν ελθοντεϲ ευρον αυτον ηδη τεθνηκοτα και ου κατεαξαν αυτου τα ϲκελη ·

αλλ ειϲ των ϲτρατιωτων λογχη αυτου την πλευραν ενυξεν · και εξηλθεν ευθυϲ αιμα και ϋδωρ ·

και ο εωρακωϲ μεμαρτυρηκεν · και αληθηϲ αυτου εϲτιν η μαρτυρια · κακεινοϲ οιδεν οτι αληθη λεγει · ϊνα και ϋμιϲ πιϲτευητε ·